الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴5️⃣+6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#على_متن_الطائرة
#بقلم_ياسمينة_الشام_الزهور_رومانتيكا
الجزء الخامس.......
صفن جاد وملامح التوتور باينه بوجهو وتمتم بشفافو: لك شوفي شو صاير كمان ماكنا ننتهي من هل مصايب..
زين: معلم الارض الارض..
جاد: لك شبها الارض احكي..
زين: معلم ارض الزهور الي بالحي الشمالي عم تحترق وكل القمح حترق وناس بحالة زعر كبيره وفي ناس راحت بيوتها ونقلنا تقريبا 20اصابه على المشفى متضررين من اثر الحادثه...
لما سمع الخبر ضرب مقبض ايدو على الطاوله كان واضح اثر الشرار بعيونو سحب المسدس من الدرج ومبين ناوي على شي وحمل حالو وطلع...
_______
كان لساتون سما وأفنان عم يتمشو بممشا القصر لما شافو جاد طالع ومستعجل كانو شايفين الشرار بعيونو وكأنو مو ناوي على خير التفتت سما لعند أفنان لتسألها
سما. شبو أخوكي !!
أفنان. هههه بدك تتعودي هون هيك الوضع دائماً ما منحس إلا زين فايت وجايبلنا الأخبار السيئة
سما. ان شاء الله ما يكون صاير شي مو منيح
تنهدت بعمق أفنان. ان شاء الله اصلاً معد يصير شي اسوء من الي صار
ابتسمت لتخفي الألم الي جواتها. تعي سما خليني عرفك على سندس وامها حسيبة بيكونو بالمطبخ يمكن
ضلو يتمشو لوصلو عالمطبخ دخلو عليه ليسلمو عالموجودين كانت سما عم تجول نظرها فيه بدهشة كان واسع كتير ملبس بالسيرميك الأبيض الملكي ونازلة من السقف التريات الكريستال طبعاً ما مننسى الزهور الي عالطاولة والأناقة بتنسيق الديكور لكشتها أفنان من كتفها لفاقت من شرودها
أفنان. سما...سما وين صافنة
سما. آاااه اسفة شردت شوي
أفنان. ولا يهمك حبيبتي رح عرفك عالموجودين بالمطبخ هي خالتو حسيبة امها لسندس صرلا زمان بالقصر كتير منحبها ومنعتبرها وحدة منا
ابتسمت بلطف حسيبة. حبيبتي افنانو تسلميلي انتي متل بنتي تماماً
ابتسمت سما ومدت ايدا لتسلم عليها سما. اتشرفت بمعرفتك خالتو
أفنان. وعفكرة اكل خالتو حسيبة كتير طيب ما تدوقي ورق العنب من تحت إيديها لحتى ما تنسي طعمتو بعمرك
حسيبة. يي حبيباتي خلص اليوم ألكون عليي احلى طبخة ورق عنب
أفنان. يسلم أيديكي يا خالتو
التفتت لعند سندس. وهي سندس الي حكيتلك عنها برا هي متل اختي الصغيرة ورفيقة عمري
سندس. اتشرفت بمعرفتك حبيبتي
سما. وانا اكتر قلبي
اشرت عالبنتين الي واقفين جمب سندس أفنان. وهدول جولي وجودي كمان بيشتغلو هون بالقصر
سما. اتشرفت فيكون كلكون والله
الكل. ونحنا اكتر
طلعو افنان وسندس من المطبخ وتوجهو عمكتب الجد معتصم دقو الباب ونطرو شوي لحتى أذنلون بالدخول
أفنان. مرحبا جدي
اشرت عسما. هي سما البنت الي بلشت تشتغل هون بالقصر
سما. مرحبا
معتصم. اهلاً سما اول الشي تشرفنا فيكي بالقصر
سما. شكراً يا بيك انا الي ألي الشرف
تطلع فيها بحزم موجهلا كلامو معتصم. طبعاً انتي معك خبر انو نحنا بحاجة لممرضة بالقصر واجيتي بالوقت المناسب
هزت راسها وهو باشر بكلامو. ولكن الشغل هون بقصر الزهور ألو قواعدو وأساسياتو
هزت براسها احتراماً سما. تفضل يا بيك عم بسمعك
معتصم. كل شي بيصير جوا بالقصر بيبقى جواتو انتي رح تشتغلي معنا يعني رح تصيري وحدة مننا وبتمنى منك انك تحافظي عأسرار القصر وما تدخلي بأي شي خارج شغلك حتى لو شي استفزك بتجي بتحكيلي لألي او لجاد
سما. حاضر يا بيك ما بيصير غير الشي الي بدك ياه
هز راسو برضى معتصم. بتمنى هالشي
نقل نظرو لأفنان. أفنان خدي دكتورتنا على غرفتها الي جهزنالا ياها وايا شي بينقصها بالغرفة بتتكفلي فيه
أفنان. حاضر جدي
طلعو من المكتب بهدوء بعد ما استأذنو وضلو يمشو بممرات القصر وهنن عم يحكو شوي ويضحكو شوي
ابتسمت افنان بوجه سما أفنان. لسا في عمتو زمرد وابنها سند ابقى بعرفك عليهون بغير وقت ان شاء الله
سما. اكيد بتشرف فيهون يا قلبي
_________
((قصر عشيرة المجدي))
نزل من السيارة بخطوات ثابته واول ما لمح حارس القصر السيد جاد دخل يخبر اهل القصر..
كانو ملتفين حولين السفرة الكبيره وكأن حققو نصر كبير مابيعرفو انو لكل بداية سيئة في نهاية اسوء وكلشي نزرع من شر رح ينحصد بنهاية الطريق..
دخل مراد عالصالة وصار يحكي بصوت متوتر مراد: مصيبه ياجماعة وحليت علينا جاد بيك صار هون..
كان باين الخوف بعيون الكل وعم يرمقو بعض بنظرات غريبه حفيد ارض الزهور لأول مره بيدخل ارض عشيرة المجدي وهاد شي متل زلزال حل على ارضهن..
فهد : مراد اياك وتخلي هل واطي يدخل القصر الوضع صار خطير بتقلو على لساني حفيد عشيرة المجدي مابدو يقابلك...
هز براسو مراد: امرك معلم..
كان واقف جنب القصر لأول مره وعم يتأمل الجدران القديمه وفي مخططات كبيره عم دور بعقلو توجه جنب الباب كان واقف الحارس مراد وبعيونو خوف كبير واول ماشافو نطق كلمات مصاحبه لاصريخ..
جاد: بتدخل القصر وبتجبلي حفيد عشيرة المجدي يواجهني وجها لوجه اذا كان زلمه..
مراد: السيد فهد مابدو يشوفك..
ابتسم ابتسامة سخريه مصاحبه بغضب واضح وسحب سلاحو من خصرو لفوق وبلش يضرب رصاص...كان كل يلي بالقصر بحالة زعر وخوف والأهالي سمعت صوت الرصاص وبلشت تلتم حولين القصر..
جاد بصوت عالي: اذا كنت زلمه يافهد بيك تعال واجهني حفيد الشافعي اليوم ولأول مره دخل ارضكون ومافي قوه بطلعني منها...
جوات القصر جالس الجد وجدان على الكرسي وعم يحاول يهدي فهد الشب الطايش..
فهد: جدي ماني قادر اتحمل بدي اطلع هاد عم يهين رجوليتي بترجاك خليني فضي سلاحي براسو...
رمقو الجد بعصبية. بتعرف اذا بتطلع لحتى هو يفضي السلاح براسك...
فهد: بس جدي نحنا عشيرة المجدي مالنا اقل منون..
الجد بضحكة استهزاء: بس هنن مالكين ارض الزهور بأكملها والشعب الي فيها بعادل شعبنا تلت مرات ونحنا حالياً ماعلينا غير نثبت انو حفيد عيلة الشافعي مانو قادر على الحكم واكبر دليل اصابة الناس وحرق القمح الي كان مصدر دخل اول للناس وسبب رزقون..
فهد بأبتسامة خبث: والله ياجدي انك خطير...
كان جاد مقرر يدخل القصر بالقوة وبلش يمشي بخطواتو الثابته بأتجاه الحارس ثواني ووقفو صوت رنة الجوال سحب الجوال بحزم..
جاد: الو اي جدي..
معتصم: بترجع فورا على القصر عم تفهم..
جاد: بس جدي لازم يتحاسبو هدول حرقو ارضنا سكوتنا ضعف..
معتصم: عتبر حالك مو من عيلة الزهور ولاحفيدي اذا مارجعت..وقفل الخط..
كان باين الغضب بعيون جاد ضغط على الجوال بأديه ورجع بخطواتو لورا هو وعم يتأمل القصر وركب سيارتو السودة ونطلق...
عم الصمت بأرض عشيرة المجدي والناس رجعت عبيوتها الجد وجدان قدر يهدي من اعصاب حفيدو لان مخططاتو كانت اكبر من اراقة الدم بين العشيرتين وفهد طلع على غرفتو معصب وبنفس الوقت مقتنع بحكي جدو..
كان متسطح وعم يفكر بالأحداث الأخيرة الي صارت سحب نفس عميق وفجأة ابتسم لما مر بخيالو طيف هديك البنت الي التقى فيا كان حاسس بشعور غريب مابينكر انو جمال هل بنت وشخصيتها بخلي اي رجل يوقع بحالة اعجاب رجع بذاكرته لهداك اليوم الي شافها فيه...
فهد: اسف ماقصدي اجرحك بس النقاش مع السيد عمار كتير صعب..
سما: ولايهمك انا من الاساس قررت استقيل من الشغل ومابهمني انو نطردت في الف شركه بتتبنى عملي..
فهد: حضرتك مؤسسة مجلة من قلب الواقع..
سما بضحكه خفيفة وكلها انوثة وبعيونها الحاده قدرت تدخل قلب فهد بدون استأذان وتمتت ببطئ: بيسعدني انك متابع المجلة للصراحة هيه بأسمي بس انا غالبا مختفيه عن الكميرات بحب عيش حياتي على الطبيعه ناس قليلة بيعرفوني شخصياً..
فهد: الي مابيعرفك بيجهلك انسة سما وكتير تشرفت فيكي..
سما: وانا اكتر بس ماخبرتني شو بتعمول هون...
فهد: للصراحة من انا وصغير عندي هواية التصوير التقطت كتير صور من قلب الحدث وتعاملت مع هي الشركه الي تبنت عملي وكانو دائما صوري بصداره على التلفاز..
سما: كتير حلو استاذ فهد تشرفت فيك وهلق عن اذنك متل مابتعرف انا نطردت من هي الشركة وصار لازم امشي..
فتلت ضهرها لحتى تمشي بوقفها صوتو..انسة سما ممكن اذا مافيا ازعاج اخد رقمك..
سما بعيونها الحاده: بصفتك شو؟
فهد بأبتسامه خفيفه: بصفتي صديق عمل..
سما: تمام سجل عندك لكن..نقلتو الرقم وستدارت بحزم وثقه وطلعت...
صحي من شرودو على صوت عكازة جدو الي صار حد الباب دخل وجدان غرفة فهد وبعيونو حكي كتير كان واضح عليه التعب الذهني والجسدي..
جلس فهد على التخت وظبط قعدتو وتمتم: خير جدي صاير شي حتى شكلك تعبان...
جلس وجدان على طرف التخت وكمل حكيو: سماع يا ابني روحة جاد بهي السرعة بعد ماداس ارضنا لأول مره مابطمن بالخير انا متأكد الجد معتصم طلب منو هاد الشي..
فهد وعلامات التعجب على وجهو: مافهمت جدي وين المشكله منيح خلصنا منو والا كنت رح ارتكب جريمه فيه...
وجدان: انا بعرف عشيرة الشافعي كتير منيح هدول ناس خطيرين وفي بعقلون مخططات واكيد مارح يسكتو على حرق الارض تبعون...
فهد: انسى جدي ماحد رح يعرف مين ورا هل حرق ورجالنا ماتركو دليل واحد..
وجدان: في شغلات يا ابني مامنقدر ناخدها بهي السهوله الي بتفكر فيها مع الوقت رح يبين كلشي ورح تنكشف حقيقتون المخباية..
_______
بمكان بعيد كان الخضار مزين أراضيه والقمح عم يتمايل مع الهوى النقي بس كلشي ختفى بلمح البصر واقف جاد مصدوم بالمنظر كل المزروعات حترقت الارض صارت عبارة عن رماد ماكان متوقع انو الأضرار لهالدرجة كبيرة...
صادفتو الست فاديه والدمعة بعينها وركضت لاعندو: يا ابني منشان الله انقذ زوجي منشان الله بترجاك..قربت منو وحاولت تسحب ايدو لاتبوسها..سحب جاد ايدو بسرعه وحط ايديه على كتافها وحاول يهديها..
جاد: اهدي يا امي وقليلي وين زوجك..
فادية: زوجي بالمشفى وحالتو خطره كان عم يحصد القمح وقت وقعت الحادثة...
لما سمع جاد كلامها نزلت دمعه من عيونو وحاول يخبيها لأن هو حفيد عيلة الشافعي وحاكم ارض الزهور ولازم يكون قوي الضعف ممكن يأثر على اهالي العشيرة...
جاد: لاتخافي يا امي ان شاء الله رح يتحسن ويرجع لصحته بعد شوي رح اطلع على المشفى وادفع تكاليف العلاج كلها...
التمت الناس حوليه عم تدعيلو وبعيونها بقعة امل بتعويض خسارتها سحب حالو جاد من بين الجمعة وركب سيارتو ونطلق...
_________
((قصر الزهور))
جالس ابو زهير خلف المكتب عم يتأمل وراق ومستندات وبعيونو اسرار كبيره دخل جاد على المكتب كان بيعرف انو بهاد الوقت جدو بكون بالمكتب..
جاد: فيني ادخل جدي..
ابو زهير بأبتسامه: المكتب مكتبك يا ابني انا ممكن فارق الحياة بأي لحظه وانت رح تستلم كلشي من بعدي..
قعد جاد على الكرسي ومتأثر بكلام جدو كان كتير بخاف يفقد جدو وستو وخاصة بعد ماخسر اهلو وسحب ايد جدو وباسها وتمتم: جدي لاتحكي هيك بعد عمر طويل بعدك بأول شبابك وبدنا نزوجك هههه..
دخلت بعكازتها وقوتها وسلطتها وبكامل شموخها والبسمه على شفافها..
زهرة: بدك تزوج جدك وتنزل عليي ضره والله وكبرت ياجاد ابن زهير وصرت اخطر مما توقعنا وانت معتصم حسابك معي بعدين..
معتصم: وهي علقتنا مع ام زهير هههه...
توجه جاد لاعند ستو وساعدها بالمشي جلست على الكنباية والتعب باين عليها العمر الو حقو..
مسك ايدها وباسها جاد: الله لايحرمني منك ياستي كيف صارت صحتك...
زهرة: الحمدلله يا ابني الأنسة سما ماقصرت الله يرضا عليها عم تعطيني ادويتي على الموعد وعم تهتم بأكلي وبكلشي...
اول ماسمع اسم سما رتسمت ابتسامه خفيفة على وجهو وسرح بخيالو كان واضح الحب عليه لما شافت زهرة هاد الشي عقدت حواجبها وكان باين الغضب عليها ونطقت كلماتها ليصحى من شروده..
زهرة: ماقلتلي جاد عرفت مين ورا قتل ابن عمك اسعد ابن زاهر ولامشغول بقصص تانيه...
لتفت جاد عندها اول ماسمع اسم اسعد وكأن مامكتبلو انو يفرح بحياتو وكأنو لما سمع أسمو بركان وانسكب بقلبو...
جاد: ماعرفت شي ستي وامجد عترف اكتر من مره انو هو يلي قتل اسعد اخوه منشان الاملاك انا شو طالع بأيدي..
خبطت عكازتها على الارض انسمعت الخبطة لأخر القصر: مو امجد الي بيقتل اخوه كم مره بدي عدلك في مؤامرة كبيره علينا مقتل حفيدي حرق الارض وفي نتيجة وحده انو اعدائنا عشيرة المجدي هنن ورا هاد الشي وهنن ورا مخرب حياتنا..
ابو زهير: وحدي الله ام زهير وقصة اسعد من بعد اليوم بدها تتسكر حاليا عنا شي اكبر..
جاد: احكي جدي عم اسمع...
ابو زهير: السلطة والأراضي بدها تطير من بين ادينا بعد تعب عمر كامل بسبب الحرق والأضرار..
جاد: والعمل جدي..
معتصم: لازم نسد هل فجوة ونوزع من املاك الخزنة للناس وندفع تكاليف العلاج للمتضررين ونرجع نبني البيوت الي حترقت والا رح تقوم ثورة علينا واكيد وجدان بيك وحفيد عشيرة المجدي رح يستغلو هل نقطه لصفون ويستلمو الحكم وارض الزهور بأكملها ويعاملونا متل العبيد عندون واذا نفضح سر امجد وانو هوه ورا مقتل اخوه رح نروح كلنا فيا...
جاد هو وعم يحك جبينو: معك حق ياجدي وانا اليوم رحت دفعت تكاليف المشفى ومن بوكره رح ابعت عمال يعيدو بناء البيوت ورح نرجع نزرع الارض ونشدد الحرس عليها وكلشي رح يكون متل مابدك..
وقف جاد وستأذن منون وغادر المكتب..
كانت عم تمشي بخطوات سريعه وعم تبحث بعيونها على الست ام زهير واول ماشافها لمعت عيونو وقرب لاعندها..
جاد: عم دوري على شي..
سما بضحكة: انت رجعت نشغل بالي طمني كل الامور تمام...
تنهد جاد وركز وقفتو: الظاهر انك سمعتي الحمدلله اضرار بسيطه كلشي بيتصلح..
سما: بتحب ساعدك كوني صحفية واقرب للأعلام...قاطعها بأنفعال..لا مابدنا الاعلام تعرف بهاد الشي والا بينخرب بيتنا..
سما بعلامات تعجب: مافهمت بيت مين بدو ينخرب وليش..
جاد: انسي سما مافي شي وهلق طمنيني عنك..
سما: متل مابدك نسيت الحمدلله بخير بس عم دور على ستي بدي اعطيها الدوا..
جاد: مابعرف كيف اتشكرك انسه سما ماعم تقصري معنا..اشرلها بأخر الممر على غرفة مكتب الجد وقلها بتلاقيا هنيك..
جاد: وهلق عن اذنك بدي اخد دوش وغير اواعيي ونام عندي فيقه من الصبح بكير تصبحي على خير..
سما: تلاقي الخير استاذ جاد...
جاد: مو ملاحظة انو كلمة استاذ تقيله شوي ناديلي جاد وبس...
سما بأبتسامة خجل: بس استا...قاطعها..شو رجعنا لاكلمة استاذ ههههه..
سما: طيب جاد هيك رتحت هههه..حملت حالها متجهة بخطواتها الراكزة على مكتب الجد وهوه بعدو عم يتأمل مشيتها ومبتسم وحاسس حالو بعالم تاني ونسي نفسو لبضع لحظات وحس حالو خلق بس لايحبها ويتأملها...
__________
بغرفتها المعتمة المعشعش بزوايها الحزن الي شهدت حيطانها على مأساتها كانت قاعدة افنان لحالها ومنزوية على نفسها وكأن عم تعاقب حالها مشاعرها من جوا عم تصرخ حاملة صورتو عم تتأملها ودموعها عم تنزل متل الشلال دخل عليها سند بخطواتو المستعجله وقفل الباب وراه..
افنان عم تطلع فيه بصدمة وعم تحاول تمسح دموعها لحتى مايشوفها بهي الحالة.. شو جابك لعندي بنص الليل يالله طلاع..حاولت تخلي يطلع بس سند مابقى قادر يخبي مشاعرو اكتر هيه خطيبتو والبنت الوحيدة الي حبها بحياتو..بلش يقرب منها ببطئ وهيه خايفة وعم ترجع بخطواتها لورا...
سند: انا بحبك فهمي عليي ماعم اقدر شوف غيرك..
افنان: بس انا...
قاطعها سند: ولك انتي شووو انتي اضحكتي عليي وقبلتي بالخطبة ليش عذبتيني معك..
افنان: سند منشان الله فهمني ستي وجدي هنن يلي قررو مصيري معك انا نجبرت عليك..
كانت عم تحكي ببطئ وكل كلمة من شفافها عم تحرك مشاعر سند وتأجج النار جوات قلبو وبحركة سريعة سحبها من خصرها ولزقها فيه...
سند: شششش ماتحكي..
افنان: بترجاك سند بعد عني..
غمض عيونو وبلش يقرب بأنفاسو على شفافها ببطئ كانت متل الورده بين اديه دقات قلبها السريعة خوفها و عيونها الدبلانة
وهو كان متل النار الي عم ينحطلها بانزين كل ماتطلع بعيونها الزرقة ونعومة وجها عم يشتعل اكتر..
__________
حين رؤية من احببت دع الجنون يتكلم فأصدق المشاعر من اناث يمتلكون الجنون...
__________....
حط ايدو على بطنها ببطئ ودفشها بقوه على التخت....#يتبع
#على_متن_الطائرة
#بقلم_ياسمينة_الشام_الزهور_رومانتيكا
الجزء السادس.....
كانت واقعة عالتخت متل الفريسة حاولت تتهرب من بين ايدين خطيبها سند الي انفاسو بلشت تختلط مع انفاسها وبلش يحلحل زرار قميصو وبانت عضلات جسدو
بحركة سريعة منها قدرت تدفشو على الارض وتقوم من التخت..
افنان هي وعم تبكي: خلص بكفي سند قلتلك مابحبك منشان الله طلاع من الغرفة بلشت اكرهك اكتر...
سند هو وعم يظبط تيابو ويزرر قميصو: انا اسف افنان ماقصدي خوفك بس مابعرف شو صرلي..
تنهدت تنهيدة طويله وسرحت بذاكرتها لهداك اليوم الي غير فيا كتير شغلات والسر يلي تاعب قلبها وحملتو على عاتقها وماحدا حاسس فيها وبلشت تسرد بخيالها هداك اليوم..
_________
بكوخ صغير بعيد عن ضجة الناس والعالم قطرات المطر الناعمة عم تنزل وتداعب العشب الاخضر ريحة الهوى الممزوج بالعشب والمطر كان بكفي لحتى يوصف قصة حب بين شخصين كانو رح ينتحرو منشان بعض...
استقبلها بأبتسامتو الجذابة وشعرو الاسود الي عم يلمع ودخلها الكوخ الصغير الي حمل لحظات حلوه ومأساوية..
اسعد: ههههه لك ليش تأخرتي..
حاولت تشتت نظرها عنو وصارت تحكي بنبرة حزن: هاد اخر يوم اسعد مابقى فيني قابلك لاني..
حاول يثبت بوقفتو ومصدوم من طريقة حكيها وحاسس في مصيبة كبيرة
واجها صوتو الحنون الي كان دائما يخترق قلبها: لأنك شو افنان احكي خوفتيني انتي مريضة شي..بلش يتلمسها بأديه وكأن عم يتفحصها اذا فيها شي او صايبها مكروه..بعدت ايديه عنها ونزلو دموعها حاول يمسحلها ياهون بس كانت عم تبعدو عنها...
اسعد: منشان الله افنان احكي شبك ليش عم تبكي...
افنان ببكه: ستي البارح قررت هيه وجدي يكتبو كتابنا انا وسند ابن عمتي زمرود...
اسعد واقف مصدوم ماعرفان شو يحكي نطق حروفو وكأن في بتمو ثقل كبير: كيف ؟؟
لك سند متل اخي هاد ابن عمتي كمان وبيعرف انو بحبك ليش وافق..
افنان: مابعرف يا اسعد انت بتعرف من اول ماخلقت ابي زهير عطا كلمه لأختو زمرود انو بس اكبر يزوجني لأبنها سند وجدي وستي ماشيين على هل وصية واخي جاد اولون والكل موافق على خطبتي من سند وجدي البارح عطا كلمة نهائية واليوم المسا تلبيس المحابس...
اسعد: بس نحنا منحب بعض..مسكها من كتافها ووجه نظرو مباشرة بعيونها ونطق حروفو: طلعي فيي افنان منشان الله طلعي فيي طلعي بعيوني شايفة الحب لك شايفة شقد نحنا مناسبين لبعض هنن عطو كلمة بس كلمتك رح تغير كلشي لاتوافقي بترجاكي..
كان باين التوتر على الطرفين الحب واضح بعيونون الي عم تحكي لحالها وكأن في لغة للعيون مابيقدر يفهمها غير العشاق...
تركتو منزوي بالكوخ لحالو وحملت حالها وطلعت وبلشت تركض على العشب والمطر ينساب متل الشلال على جسدها تبللو خصلات شعرها الشقر وزادو بريق وكأن المطر خلق لحتى يواسي حزنها وخنقة صدرها..
اما أسعد طلع من الكوخ معصب والشرار بين عيونو واجريه عم تخبط خبط اتوجه بجسدو على السياره وبلش يدور بنظرو على قنينة المشروب جواتها سحبها من الدرج وبلش يشرب ويخبط بأديه على السياره..
_______
دخلت بتيابها المبلله القصر وكانت شبه منهارة وعم يرجف جسدها الناعم لما شافتها سندس بهي الحاله حاولت تخبيها لحتى ماحدى يشوفها وطلعتها على الغرفة وشغلت مكيف التدفئة...
سندس: لك ليش عم تأذي حالك بهي الطريقة..
افنان: بحبوووو ماحدا عم يفهم عليي منشان الله شو اعمل...
ضمتها سندس لصدرها وحاولت تهديها وتهون عليها الوجع الكبير الي حملتو جواتها...
___________
وكأنكي خلقتي بلسم لأوجاعي وراحه لم اجد لها بديل وكأن الله اتى بكي صديقه اسميتها ذات يوم بأختي
__________
بمنتصف الليل دخل اسعد على القصر منطفي من الشرب شاف بعيونو انو في حفلة كبيرة والكل مجتمع وصوت الموسيقى العالي ورقص والغنه واشهر فرقة موسيقية عم تعزف الحان الفرح وقف جامد بمحلو وكل الأنظار توجهت عليه قرب منو اخوه امجد وحاول يثبتو...
امجد: لك اخي ليش شربان لهالدرجة..
تجاهل حكي اخو وركز نظرو عليها
شافها قاعدة قدامو وماسكة ايدو كانت متل الفراشه المحبوسة بفستانها الخمري القصير وعيونها الزرقه ورافعه شعرها الذهبي بطريقة اخترقت قلبو بدون قيود..لتقت عيونون بعيون بعض من بعيد حاولت تتهرب بنظرها وتشتت انتباها الخوف تملكها بس هو ماشال عيونو عنها كان عم يتألم ويحترق على البطيئ ونفسو يصرخ بصوت عالي وهيه كان نفسها تركض لحضنو وتقلو مارح كون ملك لغيرك بوعدك بهاد الشي..
__________
اقتربي لأرتوي منكِ ، اقتربي لأحيي قلبي المحتضر اقتربي بلا وعود كاذبه ،بلا تردد وجبن، اقتربي فقط.
__________
انتهت الحفلة والمعظم فرحان وسند مو عاطي فرحتو لحدا واخيراً خطب افنان بنت زهير البنت الي بحس معها برجوليتو بحس معها بشوق ولهيب الحب رغم انو كان بيعرف انو بنى سعادتو على حساب سعادة تنين بحبو بعض..
سند: حبيبتي من اليوم صرتي ملكي..
افنان بأبتسامه مزيفة: اي..
سند: شو رئيك نطلع نسهر سوا لوجه الصبح..
افنان ولسى عيونها بعيون اسعد وكأن نظراتها عم تترجاه يطلع على غرفتو وخايفه تحرق قلبو بأبتسامتها وكلماتها المزيفه لسند..
افنان: لا حاسه حالي تعبانة شوي رح اطلع على غرفتي وانت روح نام...
________
بعد حوالي ساعه عم الصمت ارجاء القصر نامت العيون من التعب واستيقظت الكلاب برات القصر لاتنبح وتعلن انو الوقت تأخر...حست افنان بخطوات قريبة جنب الباب نسحبت من التخت بهدوء وتجهت لتفتح كانت حاسة بأنفاسو من ورا الباب واول مافتحت حط ايدو على تمها وقفل الباب..
اسعد: مستحيل تكوني ملك لغيري افنان انا بموت بلاكي..
نزلت ايدو من على تمها هي وعم ترجف وتمتمت بصوت خافت خايفه حد يفيق ويسمعها: منشان الله اسعد طلاع من هون..
كان ماسك السكينة بأيدو ودموعو عم تنزل قرب السكينه وحطها بأيدها..
اسعد: قتليني افنان بقسملك مارح اتوجع قد وجعي هلق يالله اقتليني..
رميت السكينه على الارض ونهارت من البكي سحبها بطريقه جنونية وزتها على التخت وبلشت تختلط انفاسون بأنفاس بعض قرب منها لايطفي نار قلبو..ماكانت قادره تتحرك دابت بين اديه متل قطعة التلج...
افنان بعيون دبلانه: بترجاك امشي اسعد طلاع من هون..بس بقلبها كان بدها ياه يقرب اكتر ويتغلغل جوات قلبها...
اسعد: اليوم بدك تصيري ملكي وبالقوه وماحد رح يقدر ياخدك مني...
دفشتو افنان عنها وحاولت تبعد عنو لان كان شربان كتير ومو بوعيو حتى عيونو كانت شبه مغمضة ومو حاسس على حالو..سحبها من تيابها بقوه ونشقت كنزتها وبان جسدها الأبيض شتعلت نيران قلبو وزتها على التخت بالقوه وغتصبها...
_________
قتلتني بوحشيتك وعيونك الجارحة يداك الناعمتين تحولت الى اشواك تؤلم لم تكن انت بل كان شخص اناني في حبه مؤلم في جسده.
_________
صحيت افنان من شرودها وذكرياتها المؤلمة على صوت سند..
سند: اسف افنان ماكان قصدي قرب منك..
افنان هيه وعم تمسح دموعها: كلكون متل بعض اصلاً معد يهم سند خلص طلاع من الغرفة ماصار شي بينا ولارح يصير...
سند: بترجاكي شوفي الحب بعيوني ليش مابدك تصدقي حبي الك..
تندت بعمق افنان: انا مصدقة حبك بس ماعم اقدر بادلك بمشاعري صعب عيشك بكذبة سند وهلق طلاع بترجاك منحكي الصبح...
قام من التخت وتوجه على الباب وقبل مايطلع تمتم بتمو بصوت واطي كلمات بطيئة:كلو بسبب حبك لأسعد مات ومارتحت منو..سمعت هل كلمات رغم صوتو الواطي بس كلمة اسعد بتقدر تسمعها لو كان الشخص اخرس من كمية الحب الي حملتها بقلبها الو...
____
_داخل السجن__
ورا قضبان الحديد بغرفة مسكرة ومعشعش بزواياها العفن والرطوبة وحيطانها أكل عليها العمر كان أمجد قاعد بتختو المنفرد وصافن بهالحيطان المكتسية بالحبر والرصاص والعفن وكأنو هالحيطان كانت بتشهد معاناة كل واحد كان يتنفس تحت ضلها...أسامي، أشعار ،خربشات حنين وآلم..
وقف قلبو لما سمع صوت خطوات اقدام عم تقترب من باب الزنزانة ووجه كل نظرو على الباب لحتى يشوف مين الي داخل..نفتح الباب ببطئ ليظهر رجل طويل عريض المنكبين عضلاتو بارزه...
الرجل: شايفك خايف امجد بيك..
امجد : لا من شو بدي خاف انا ماقتلت اخي..
ابتسم الرجل ابتسامة ساخره وقرب لعند امجد وجلس جنبو وربت على كتافو وتمتم...
الرجل: ما تخاف مني بالمناسبة انا اسمي القناص..لتفت امجد عليه بأستغراب..
امجد: القناص؟هيك اسمك الحقيقي..
القناص بأبتسامة: لا فيك تقول هاد لقب لقبوني ياه وبعدين بتعرف السبب..
امجد: تمام...
القناص: مو حابب تعرف انا ليش هون ومين بعتني لعندك...
امجد: مين حضرتك وليش عم تحكي معي بهي الطريقة اذا مفكر اني قتلت اخي بتكون غلطان..
القناص: انت عترفت بهاد الشي ماحدا جبرك...
امجد: انا ماقتلت حدا بس بستحق العقاب..
القناص بنظره حاده: انسا كلشي صار وتعال معي انت بعد اليوم مكانك مو هون..
كان ماسك اديه المكلبشة وعم يمشي فيه بالممر وعيون امجد عم تتنقل وتتفحص المكان لحد ماوصل ع باب زنزانة كبيرة...كان عم يسمع صوت الضجيج والضحك وباين انها زنزانة جماعية..سحبو من اديه ودخلو لجوا وفك الكلبشة وقرب شفافو على اذن امجد وهمسلو....انتبه هون انت بغابة وانسا مكانتك ورتبتك ياامجد بيك ونتظر مني رسالة...كان امجد صافن ومافهمان شي حاسس بضياع امجد بيك الي عاش كل حياتو بقصر كبير مزينة جدرانه بورود الدنيه اليوم واقف امام مجموعة من المجرمين الخطيرين..تنهد تنهيدة طويلة طلعت من جوات قلبو قبل ما ينتبه للمساجين الي واقفين حوليه
كانو عم يرمقو بنظراتون الحاده الي كلها شر شب غني متل امجد بيك كان متل الكنز الي ممكن يخليون يعيشو ملوك داخل السجن ..قرب منو شخص غريب ذو لحية غزاها الشيب وبلش يتحسس بأصابيعو على جاكيت امجد الي واقف مصدوم وماعرفان شو يحكي..
الزعيم: امممم جاكيتك كتير حلو...
امجد وعيونو عم تتنقل بينون: مقدم اخي..
كان لسى ماسك الجاكيت وعم يتفحصو: طيب شلحو وعطيني ياه...
امجد بتلبك: بس هاد جاكيتي مابقدر اعطيك ياه..
الزعيم بضحكة عاليه: ههههههه ضحكتني من قلبي يبدو انك شخص مهضوم بس مو عرفان مين الزعيم وانو كلمتو مابتصير تنتين...
رفع ايدو لفوق هو وموجه نظراتو الحاده بعيون امجد واشر بأصبعو..اجا شخصين من وراه وثبتوه وخلعو الجاكيت الجلد بالقوة...
امجد وعيونو كلها شرار: رح تندمو على هل شي انتو مابتعرفو مع مين علقتو انا امجد بيك حفيد قصر الزهور...نطق كلماتو متل النار وكل فكرو انو هاد الشي رح يزيدون رعب مو عرفان انو هاد الشي زادون طمع ورح يدمر حياتو...
صفنو فيه صفنه طويلة وفي مخططات كبيرة عم تنحبك بعقولون حفيد ارض الزهور بيناتون يعني الثروة اجت دقت بابون.. ثواني من الصمت ورجع كل واحد لتختو..
_____
____قصر الزهور____
كان واقف عم يتلفت يمين وشمال وعم يمشي بخطواتو البطيئة بأخر الممر وكأنو خايف لحدا يشوفو دخل جناجها بهدوء ووقف جنب التخت.
كان عم يتأملها بحب ،عم يتفحص رموشها خدودها وحتى خصلات شعرها الي مغطية قسم من وشها ومتناثرة عالمخدة بعشوائية كانت نايمة متل الملاك ببنطرونها الجينز والشيال الأسود انفاسها السخنة الي عم تتنفسها ببطئ ، جلس على ركبو وصار يتأملها عن قرب من دون ما يشعر زاح خصل شعرها عن وشها لتبان صورتها أكتر..تسارعت دقات قلبو وتخربطت انفاسو السخنة وقرب منها ببطئ وسحب الحرام شوي شوي لحتى ماتفيق وغطاها كان حاسس بشعور كتير حلو لأول مره بحس انو في حد بالدنيي خايف عليه حتى من نسمة الهوى...
رجع قرب منها وغمض عيونو الي كانت عم تلمع وكأنها نجوم عم تضوي السما صحيت سما وحست بأنفاسو عم تختلط مع انفاسها عملت حالها نايمة ماكان بدها تحطو بموقف محرج او يمكن استسلمت لأنها كانت حاسة بنفس الشعور الي عم يحسو جاد..راحت بعالم تاني بعيونها المغمضة لمكان بعيد كتير عن الواقع..للحظة حس حالو واطي كتير كيف بيخترق خصوصياتها وبيفوت على غرفتها بلا أذن انسحب بهدوء وطلع من الغرفة بس في براكين عم تشتعل جواتو وبعدو عم يتخيل شقد كان قريب من حضنها الدافي...
_______
ذاب القلب والجسد بلذة انفاسك واشتعل قلبي لهيب اريدك ترجع وضمني وبين زراعك تلفني واعيش
_______
بمكان بعيد ومهجور براس الجبل ببيت صغير قديم وملتفه حوليه الشجر كان واقف على النافذة عم يطلع بخوف والمطره عم تتساقط بقوة صوت الرعد كان مخيف والهوى عم يخبط خبط على جدران البيت كان عم يصرخ بقوه ويطلب النجدة بس مافي حدا حوليه والدنيي خاليه مافي الا صوت نباح الكلاب القريبة الي عم تحوم بالمنطقة...
طلعووووني من هون ياناااااس مين في هووووننن...كان عم يخبط على الباب بقوه ويصرخ ويسمع صدا الصوت ...
طلعوني ني ني ليش ماحد عم يسمعني ني ني.كان عم يسمع صدا صوتو...يأس من الصريخ وبلشت تتنقل عيونو بالغرفة المعتمة مشي بأتجاه بترينا قديمة معشعشة بزوايها العناكب لمح قطعة على الطاوله كانت عبارة عن كشاف صغير سحبها وضوى الغرفة ليكسر العتمه ويكسر الخوف الي اجتاحو...رغم صوت الرعد القوي والمطر كان سامع صوت شحطة سيارة صفت حولين البيت عرف انو في حدا اجا فورا طفى الكشاف ورجع على الصوفاية وتمدد ليعمل حالو نايم...نزل الشخص من السيارة بخطواتو الثابته وبأيدو كيس من المأكولات وتجه على الباب معصب وعم سب لأن الطين غرق جزمتو واول مادخل..#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`