الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#على_متن_الطائرة
#بقلم_رومانتيكا_وياسمينة_الشام_الزهور
الجزء الثاني............
جاد. وين أسعد!!
أمجد. مما بعرف يمكن مات
جاد. شووو وين هو!!
أمجد. او يمكن مغمى عليه بالحمام
جاد. ششششوووووو عم تحكي!...
لك شو عم تخبص انت
صار يرجف ويحكي بخوف أمجد. فات عالحمام وطول انا فقدتو رحت لأشوفو لقيتو واقع بأرض الحمام لا من تمو ولا من كمو
دفشو لوقع عالأرض وصار يركض فتح باب الحمام بخوف وصار يلتفت
جاد. أسعد!!
قرب منو وحاول يجز نبضو صار يصرخ لعبا صريخو الطيارة
جاد. أسعد يا خيي قوم أرجوك لا تروح وتتركني لحالي بدنا الأسعاف بسرعة...يا ناس بدنا الأسعاف مشان الله حدا يتصرف
ضل يصرخ للتمو عليه مضيفين الطيران والأمن الي بالطيارة سحبو عنو بصعوبة
اجت سما عالحمام بسرعة بالرغم من الخوف الي متملكها سما. شوفي شو صاير
تطلعت حواليها لقت واحد ملقوح عالأرض والناس حواليه عم تصرخ
سما. انا ممرضة بعدولي خلوني شوفو
جاد. الله يوفقك ساعدي لا تخلي يموت
سما. تمام جاد بعد عنو شوي تركني أتصرف
_________
((بعد 3 ساعات))
بمشفى قريبة من المطار كانو الكل واقفين قدام الباب الست زهرة وجوزها معتصم جاد وأمجد وكل العيلة الكل كانو على أعصابهون بالرغم انو الأمل ضعيف كتير بس كانو متمسكين فيه بشدة
بعد دقايق من الأنتظار طلع الدكتور الكل توجهو لعندو بسرعة
معتصم(أبو زهير). دكتور طمنا
الدكتور. مع الأسف المريض متوفي من اكتر من 4 ساعات العمر ألكون
صارت تصرخ وتطلع كل شي كبت جواتها زهرة. لاااااااااء يا ربي دخيلك شو هالمصيبة يا رب تصبرني يا ربي
أمجد. مستحيل هالحكي مستحيل أخي أسعد ما مات هو وعدني يبقى جمبي وعدني ما يتركني ليش صار هيك ...ليش!!
كان جاد واقف وكأنو مصدوم من الي عم يصير وما عم يستوعب شو حكى الدكتور
اما الست زهرة كانت عم تبكي وجوزها عم يحاول يهديها فجأة تحولت فرحة الكل وسعادتهون برجعة أحفادهون ال 3 لمأساة حقيقية كانو مبسوطين انهون رح يرجعو ويعملو مفاجأة للكل برجعتهون بعد ما قضو عطلة حلوة بس ما كانو متوقعين ابداً يصير الي صار
الدكتور. العمر الكون
مسك الدكتور من كتافو وصار يهزو
أبو زهير. دكتور انت متأكد من هالشي كيف هيك صار...كيف مات حفيدي كيييف؟!!
الدكتور. اسف ما فيني احكي شي هلق الجثة حالياً رح تبقى هون بين ما نفحصها وفيكون ترجعو عبيوتكون بين ما تخلص الأجراءات الأمنية
أبو زهير. لك لسى فوق الموتة عصة قبر يا دكتور خلينا ناخد هالجثة وندفنها أكرام الميت دفنو
الدكتور. يا عمي والله الشغلة مو بأيدي هي أجراءات قانونية وما بيصير نتخطاها
_____
بعد يوم حافل بالأحداث والمشاكل كل واحد رجع عبيتو في مين رجع بغصة وفي مين رجع بنصر وفرحة أنتقام
رجعت العيلة عالقصر ورجعت سما عبيتها وكل واحد كان بالطيارة رجع لحياتو الطبيعية
يوم العزا كل الي بالقصر كان عم يبكي وكأنو القصر فقد ألوانو فجأة وكأنو لما راح أسعد سرق معو كل شي حلو بالقصر كل واحد منزوي عحالو ودموعو عم تحكي الف حكاية كان اللون الطاغي هو اللون الأسود
كان جاد قاعد عجنب مخنوق عم يتذكر كل شي صار معو بهالفترة عم يتذكر أسعد ضحكتو بسمتو وحتى زورتو عم يتذكر آخر موقف صار معو بالطيارة
سحب نفس وتنهد بعمق لما شاف زين جاي بأتجاهو وماسك بأيدو ورقة
زين. مرحبا معلم
جاد. اهلين زين
زين. كيفك!
سحب نفس عميق جاد. هههه كيف بدي كون يعني
قرب منو الورقة وعطاه ياها زين. وصلتك هي قبل شوي
جاد. شو هي!!
زين. دعوة من المحكمة بسبب التحقيق بقضية قتل
فتح عيونو على وسعهون جاد. قتل!!
ككيف يعني...يعني أسعد مات قتل؟
زين. ما بعرف شي هي الورقة الي وصلتك من المحكمة ووصلت وحدة متلا للسيد أمجد
شد عقبضة أيدو وبين الغضب عملامحو بسبب عروقو البارزة جاد. تمام يعطيك العافية بس يصير شي جديد خبرني
______
تاني نهار عالساعة 12:30 طلعو جاد وأمجد من القصر وتوجهو عالمحكمة
طول الطريق ساكتين ما فتحو تمون بحرف كان في غضب مكتوم كان في قهر مستحيل يطلع بالكلام
صفو السيارة وفاتو عالمخفر بهيبتهون المعهودة رافعين راسهون لفوق وعم يمشو بخطوات ثابتة لفاتو عمكتب المحقق ثابت كان عاطيهون ظهرو اول ما فاتو لف الكرسي بأتجاهون
ثابت. اهلا وسهلا بآل الشافعي
جاد. اهلاً فيك سيادة المحقق
ثابت. انتو بتعرفو ليش بعتت وراكون
أمجد. اسعد مات قتل؟!
ثابت. مع الأسف
بعرف انو جرحكون لسا جديد بس مضطر أبعت وراكون لأنو في أجراءات قانونية ولا يمكن نتخطاها من شوي طلعت نتيجة الطبيب الشرعي وبتدل أنو أسعد مات بسم قاتل
جاد. شووووو !!!
سيادة المحقق كيف يعني مات بسم...طيب مين الو مصلحة يقتلو!
ثابت. ما بعرف هالشي ببين بالتحقيق هي اول جريمة قتل بتمرق معي بهالطريقة ووين بالطيارة أحساسي بيقول انو في مؤامرة كبيرة وفي لعبة غامضة خلف الستار
حط أيدو ورا راسو وصار يروح ويجي بالمكتب جاد. لك بس بدي أفهم كل الأمن الي بالطيارة والشرطة والناس وصار الي صار لك كيف هيك كيييف!!!
ثابت. سبق وقلتلك مؤامرة كبيرة
وانا بتوقع عطل الطيارة ما كان غير تكتيك وتخطيط من القاتل لحتى يلهي الناس عن عملتو الوسخة
جاد. العمى لك كيف ما دارتلي هي كل شي ممكن يكون وارد
ثابت. لو سمحتو هلق رح ناخد بصماتكون ورح نحقق مع كل واحد منكن لحال
_______
((لعنة النسيان))
جاد الشافعي كان قاعد قبال المحقق وعيونو عم تقدح غضب وشرار شابك ايديه ببعض وعم يراقب تحركات المحقق وتقسيمات وجهو كان ناطر ليبدا حكيو
ثابت. جاد الشافعي كنت ضمن ركاب الطائرة بيوم الجريمة ومن ضمن الأشخاص الي دخلو عالحمام بالوقت الي صارت فيه الحادثة هالشي يعني انك ضمن الأشخاص المتهمين فيك توضحلنا شو فتت تعمل بالحمام
ابتسم بأستهزاء جاد. هههه فعلاً شيء مضحك انك قاعد عم تحقق معي وتارك المجرم يسرح ويمرح عكيفو
ثابت. لو سمحت جاوب عقد السؤال
جاد. سيادة المحقق الأنسان الطبيعي شو بيفوت بيعمل بالحمام
ثابت. بس انت فتت بوقت حادثة الطيارة الشي الي بيخلي شكوك كبيرة جمب أسمك
جاد. في الف واحد غيري فات بهالوقت بعدين ليش لحتى أقتلو أسعد كان ابن عمي ومتل أخي وكل حدا بالقصر او عايش بمدينة الزهور بيعرف قديش العلاقة بيني وبينو متينة وقوية كنا أخوة مو بس ولاد عم
ثابت. ممكن كتير أشياء مثلاً تارات او ورثة مثلاً وهالخيار كتير معقول
جاد. ثابت بيك بحب قلك انو هالشي مستحيل ورثتي قد ورثة عمي ب 3 مرات وأملاكي كتيرة مو معقول اقتل أخي مشان كم قرش رح يصفولي زيادة لو فعلاً متل ما عم تقول كان بقتل أمجد مثلاً
ثابت. عكل حال كل شي رح يتوضح بالتحقيق والبصمات يا ريت تسلم التياب الي كنت لابسهون يوم الجريمة
جاد. ماشي سيادة المحقق بس تأكد انو الشي الي عم تفكر فيه مستحيل لأنو مو جاد الشافعي الي بيغدر برفيقو وأخو
استقام بوقفتو وأشرلو بأيدو ليودعو
جاد. عن إذنك
ثابت. لحظة جاد بعتذر منك بس رح تضل 3 ايام تحت التحقيق
طلع طبق الباب وراه بقوة شاف أمجد ناطر برا مع مجموعة من الناس الهيئة كانو من ركاب الطائرة كان عم يجول نظرو بيناتنا لحد ما شاف صورتها الملائكية معقول ينساها وهي ما غابت لحظة عن بالو قرب منها متجاهل وجود كل الناس حواليه كان عم يمشي أتجاها مسلوب الأرادة
جاد. سما!!
بأبتسامتها المعهودة سما. جاد ما هيك
تدايق شوي أنو مانها متأكدة جاد. اي صحيح
سما. عظم الله أجركم العمر ألكون ان شاء الله
جاد. شكر الله سعيكم
ما توقعت شوفك مرة تانية ووين بالمخفر
سما. شايف على هالصدفة الصراحة ما توقعت نلتقى مرة تانية
جاد. بالمناسبة حابب أتشكرك لإنك وقفتي جمبنا يوم الحادثة الي بيشوف خوفك من الطيارة ما بيتوقعك بهالقوة كلا
سما. هيك مواقف ما لا زم نظهر فيها غير القوة
جاد. عنجد تفاجأت فيكي وكمان قلتيلي انك صحفية ما بعرف انك ممرضة
سما. هههه الصراحة عملت دورة تمريض قلت بتفيدني بالمستقبل
جاد. براڤو ما شاء الله عنك
صفن شوي بعيونها ونطق من دون تردد. ممكن اطلب رقمك
سما. الصراحة صعب يعني بصفتك شو لأعطيك رقمي
جاد. بصفتك ممرضة وممكن أحتاجك بأي وقت خصوصاً انو قصر الزهور مافي اي طبيبة او ممرضة والصراحة انا صعب لأوثق بحدا بس واثق فيكي
طالعت موبايلا ونقلتو الرقم
سما. هي رقمي صار عندك بس ممكن سؤال
جاد. اتفضلي
سما. انت شو بتشتغل بقصر الزهور؟!
جاد. ومين قلك اني بشتغل فيه انا من أحفاد العائلة
نزلت راسها لتحت بخجل سما. أسفة ما كنت بعرف
جاد. ولا يهمك
أجا الشرطي ووقف قبال جاد
الشرطي. جاد بيك اتفضل معنا منعتذر لازم نوقفك
ترك سما وراه ومشي معهون كان صوت خطواتو عالأرض عم تخلق وراه ضجة عم تعمل صدى وعم تخلي كل الأنظار تلتفت لعندو والشكوك حواليه بأنو ممكن جاد الشافعي يقتل أبن عمو ومين أقرب الناس لألو وكان يقلو بيوم من الأيام أخي
________
قمة الخذلان بأن تُنسى !!
هم على استعدادٍ بأن ينسوا جميعَ ما قدمته من حب لهم تنازلاتٍ وتضحياتْ من المرجحِ أن تُنسى مع تلك الأشياءُ ربما وكأن البشر تصيبهم لعنةَ النسيان بمجرد سقوطكَ للمرة الأولى ...وكأنك على هذه الأرض ما حييت.
___________
((قصر الزهور))
بالقصر كانت منزوية عحالها بغرفتها لابسة الأسود وعم تبكي ما كانت متوقعة تتطور الأحداث ويصير الي صار بهالسرعة وكأنو انسلب أحساسها ومشاعرها وكل شي بيربطها بهالحياة بهالفترة لأنو لما بتنسلب المشاعر والأحاسيس بتنسلب الحياة
دق الباب عليها شوي وبأيدو صينية الأكل فتح الباب لما أذنتلو بالدخول كان حزنان على وضعها الجديد كان شايف بعيونها لمعة حزن قعد قبالها وقعد يتصفن بلمعة عيونها
سند. حبيبتي ما بدك تاكلي!
أفنان. مالي نفس سند ما جاي عبالي
سند. حبي لأيمتا رح تبقي هيك صحتك رح تتراجع انا خايف عليكي خايف أخسرك
أفنان. لك انا تعبانة لك عم بتذكر ضحكتو عم بتذكر حكيو وكيف كنا نلعب مع بعض ونحنا صغار ما عم بتخيل انو هلق خلص صار تحت التراب ما عم بتخيل انو فقدناه بهالطريقة
سحبها لحضنو وصار يطبطب عكتفها ليحاول يهديها ويخفف عنها شوي بالرغم من الغيرة الي تملكتو للحظات
سند. الله يرحمو طولي بالك كل شي رح يصير أحسن
أفنان. يا رب
سند. يالله هلق مشاني كلي لقمتين وخلينا ننزل لتحت يمكن تتغير نفسيتك شوي يالله انا رح طعميكي بأيدي
أفنان. ماشي
بعد شوي عنها وقرب الأكل صار يطعميها بأيدو ويحاول يضحكها لحتى تنسى شوي بالرغم من حزنها إلا انو طالعها من جو الحزن شوي
أفنان. اشبعت خلينا ننزل
سند. يالله
وقفت جمبو ونزلو هنن التنين كانت العيلة كلا مجتمعة بصالون القصر الكبير قسم عم يقرأ قرآن وقسم تاني عم يدعي لأسعد بالرحمة والغفران كانت الست زهرة ذبلانة وكأنو هالمصيبة كبرتها فوق كبر سنها
قربت أفنان لعند ستها بفوتت زين عالصالون كان وشو أحمر ومتلبك وكأنو في مصيبة جديدة رح تحل عالقصر كان متردد كتير يحكي أو لاء!!...#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
*للإ اشتراك بكروبات الإناث الكاتب محمود العبدالله*
*بنت بتبعتي صوط للإضافه ع كروب البنات➹🙋♀️🎻ۥ!0996878268 رقمي*
https://chat.whatsapp.com/D7fA5uKrelaADxYSMSzIxw
*اسمك ومن اي محافظة بصوط عشان ضيفك بكروب البنات*
➖➖➖➖➖➖➖➖➖