الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#على_متن_الطائرة
#بقلم_رومانتيكا_وياسمينة_الشام_الزهور
الجزء الأول.........
انا بحبكك...بحبك كتييير ...ما كان بدي أتركك ماا بدي !!
كانت عم تردد هالكلمات بصوت متقطع وعم تبكي
بجناح صغير بعيد عن ضجة القصر والحشم والخدم بغرفة مسكرة متعشعش بزواياها صوت البكا والنحيب كانت منزوية لحالها ضامة رجليها عصدرها وعم تنازع الحياة عم تنازع وحدتها.
لأول مرة عم تعيش شعور الموت وكأنها النهاية كأنها أخر صفحة بكتاب القدر وكأنها غصن مكسور أو ورقة صفرة يبست وتساقطت كانت متل الوردة الي ذبلت ووقعت ورقة ورقة، ما تخيلت بيوم توصل لهون وتخسر كل شي بلمحة بصر، حتى محاولتها بالأنتحار باءت بالفشل وصار اللوم كلو عليها.
كانت عم تبكي لما اندق عليها الباب وبعد ثواني انفتح بالمفتاح تطلعت عليها سندس بنت الخادمة من فوق لتحت بنظرة شفقة على حالها
سندس. صباح الخير كيفك
تطلعت فيها أفنان بعيونها الحمر الي عم تلمع من البكا وأبتسمت ابتسامة مسخرة
أفنان. صباح النور
تمام مانك شايفة ما احلاني بجنن حتى اني عم ببكي من شدة السعادة الي انا فيها ...لك ارحموني أرحموني بقى ...انا عم موت
قربت منها سندس بخطواتها الثابتة وربتت عأيدها بلطف
سندس. خلص افنانو هدي حالك كبريها بتكبر وصغريها بتصغر
كانت عم تشهق وتحكي أفنان. سندس انا ماني سيئة ...ليش عم يعاملوني هيك ليش عم يحطو اللوم كلو عليي انتي بتعرفيني كتير منيح انا ماني هيك
سندس. بعرف والله بعرف...وكلايتنا منعرفك مو بس انا
أفنان. لكن ليش عم يعملو معي هيك
سندس. روقي هلق قومي غسلي وجهك وتعي معي التيتة زهرة طالبتك بجناحها
أفنان. حاضر!
بعد دقايق غسلت وجها وحسنت شوي من مظهرها حاولت قد ما بتقدر تخفي أثار البكا
دقت الباب وفاتت عجناح التيتة زهرة بعد ما أذنتلا بأنو تدخل كانت قاعدة عكرسي هزاز وعم تتلي بعض آيات من القرآن سكرتو وحطتو عجنب.
أفنان. مرحبا تيتة كيفك!
تطلعت فيها بعدم رضى شلحت نظارتها وحطتها عجنب اشرتلا عالكرسي الي جمبا زهرة. قعدي أفنان
هزت راسها وقعدت مكان ما أشرتلا من دون ما تحكي شي
زهرة. اتفضلي عم بسمعك أحكي
نزلت راسها عالأرض أفنان. شو بدك أحكي ستي
زهرة. أفنان لا تغشمي حالك أحكي كل شي عندك شو السبب الي خلاكي تنجرفي للأنتحار ليش هيك عملتي بنتي احكي
أفنان. ستي انا قلتل...
قاطعتها قبل ما تكفي زهرة. لاء...ما بدي أسمع نفس حكي مبارح ...مبارح كنتي تعبانة والكل موجودين ما حبيت اضعط عليكي بس اليوم ما رح أسمحلك تكذبي عليي
أفنان. ستي صدقيني من ضغط الحياة ولأني رسبت بالبكلوريا
صاحت فيها صوت خلاها تنقز زهرة. افنان!!
قلتلك الف مرة لا تكذبي ...انك تضلي ساكتة وتقولي ما رح احكي أفضل عندي من إنك تكذبي فهمتي!!
هزت راسها بسرعة وكتمت شهقاتها زهرة. عم بسألك فهمتي!!
انا هون ماني بنت صغيرة لتستخفي فيني وتكذبي عليي
أفنان. انا والله ما قصد...
زهرة. خلص.
تطلعي فيني هون وجاوبي بكل صراحة وعم حذرك من انك تكذبي...الموضوع الو علاقة بخطيبك سند او لاء!!
تطلعت فيها وقلبها عم يرجف محتارة تخبرها او لاء بس اذا خبرتها رح يصير شي مانو منيح اذا خبرتها رح تتفاقم العواقب ويمكن تنخرب بيوت وبنفس الوقت ما فيها تكذب عستها الي بتكشفها من نظرة عين هزت راسها وقالت بصوت عم يرجف ودموعها عم تنزل
أفنان. اي ...بس ستي بدي ياكي تتأكدي اني انا ما غلطت والله ما غلطت وحياة عيونك عندي
زهرة. روحي عغرفتك أفنان...بس بدك تحكي كل شي رجعي !
أفنان. حاضر
فتلت ضهرا وكانت رح ترجع عغرفتها وقفها صوت ستها مرة تانية...
زهرة. أفنان
التفتت لعندا أفنان. اي ستي...
زهرة. رح أسمحلون يفتحولك الباب هالمرة ورح رجعلك موبايلك بس ادا لسا بتفكري تفكير بالأنتحار مو نيالك
ابتسمت أفنان. حاضر ستي
رجعت أفنان عغرفتها وضلت زهرة مكانها
الست زهرة كانت فارضة شخصيتها وحكمها على كل الي بالقصر ولادها وأحفادها وكل الي بيشتغلو بالقصر كانت ماسكة القصر اكتر من جوزها معتصم أبو زهير الشي الي خلا ما حدا يتجرأ يوقف بوشها او يرفضلا طلب
سحبت نفس عميق ورجعت راسها لورا كانت حاسة بسكاكين عم تنخز بصدرها كانت حاسة انو في شي مو منيح عم يصير يمكن لأنو أحفادها ال 3 مسافرين بنفس اليوم يمكن أوهام ما بتعرف
غمضت عيونها وضلت عم تتأمل بأفكارها الي عم تاخدها وتجيبا.
بعد شوي سندس أخدت الهاتف لأفنان ودقت الباب عليها
سندس. اتفضلي هي موبايلك
سحبتو من أيدا أفنان. يسلمو سندس
سندس. كيف صرتي!!
أفنان. آاااخ يا سندس رح اختنق روحي نسلبت مني ومو حاسين بشي
سندس. حابة تحكي شي!!
سحبت نفس عميق ودمعو عيونها أفنان. لازم ينتهي كل شي هيك أحسن للكل
سندس. الله يريح بالك
تركتها سندس وطلعت...
كانت لساتها قاعدة عالتخت فتحت موبايلا وأيديها عم ترتجف خايفة كتير تخطي خطوة تندم عليها لبعدين بس ما طالع بأيدها تعمل غير هيك الشي الوحيد الحلو بحياتها نسلب منها وبأرادتها الكاملة
اول ما فتحت الموبايل لقت كتير اتصالات من خطيبها سند دقتلو وايديها عم ترجف وبمجرد ما فتح الخط صار قلبها يدق بجنون كان عم بيحاكيها بلهفة
سند. حبيبتي!!
انتي منيحة صايرلك شي طمنيني عنك صرلي يومين بالي مشغول عليكي
افنان!!
استجمعت انفاسها بصعوبة أفنان. منيحة
سند. شو صار!!
أفنان. ما صار شي سند
سند. كيف ما صار شي صرلك يومين مسكرة موبايلك انا دقيت لستك أطمن عنك بس حسيت في شي مو منيح أرجوكي افنان طمنيني صاير شي
أفنان. ليش ما اجيت مزال لهالدرجة مشغول بالك!!
سند. شبك حبيبتي ليه هيك عم تحكي معي بعدين انا جاي عالقصر حالاً مبارح حجزت تكت طيارة وأجيت فوراً
أفنان. منيح
سند. ما بدك تحكي شي!!
أفنان. آااه انااا
كانت بدا تقلو الحقيقة بس ما قدرت تكمل كلمتها سحبت نفس عميق وقالتلو. انا اشتقتلك
سند. وانا كمان اشتقتلك
__________
لم أودُ أن اتخلى عنك يوماً...أحبك ومن فرطِ حبي سأتخلى !!
سأتخلى عن لذة الأيام ...سأتخلى عن نفسي وحتى عن الحياة فقط لإنني أحبك.
__________
فوق سماءِ واشنطن بطائرة بتتوجه للعاصمة السورية دمشق، كانت قاعدة قدام شباك الطيارة بحالة من الذعر ووصل فيها الخوف لأقصى درجاته عم تهزُ برجليها وتفرك أيديها ببعضون كانت عم تجتاح ملامحها ريبةً مخيفة.
كان جاد عم يراقبها من ورا مجلتهِ بخفية ،عم يراقب تقسيماتَ وجهها الملائكي وتقلبَ ملامحها من الحينِ للأخر ،كان عم يتطلع عليها بدهشة لفتت نظره بشكل ملحوظ حتى أنه ما عم يزيح نظره عنها جمالها الفاتن ما بيوحي إلا أنها خُلقت من تربةِ الجنة، عيونها الوساع، بشرتها الناصعة وحيائها الجميل كانت كأنها صورة مكتملة بتروح فيك لعالم تاني.
تملكو الغضب لما لاحظ نظرات ولاد عمو أسعد وأمجد الي بالجهة المقابلة كانو كأنو عم يتوعدولو بأنون رح يحكو كل شي لستهون بالقصر تجاهلهون وحاول يخفف من غضبو شوي
أعتدل بجلسته وحط المجلة عجنب، تطلع فيها بحيرة موجهلا كلامو:
_أنتِ عربية؟
ابتسمت إبتسامة خلابة وهزتْ براسها لتجيبه:
*اي أنا عربية.
_هي اول مرة بتطلعي بالطيارة؟
* هي المرة التانية رحت عأمريكا وهلق راجعة.
_هذا واضح، أسف قصدي حسيت بخوفك ما أكتر.
*ولا يهمك ، الحقيقة عندي رهبة من المرتفعات مشان هيك حاسة بشوية خوف
سكتت شوي ورجعت تطلعت فيه لتسألو:
* من دمشق؟
شو أسمك؟
_أي من دمشق، جيت من قصر الزهور وأسمي جاد.
وأنتِ!
أبتسمتْ بدهشة و توسعتْ حدقت عينها لتسأله مرة تانية:
*عنجد، أنتَ من قصرِ الزهور؟
أبتسم مجاملة:
_اي، انا من قصر الزهور.
*تشرفت بمعرفتك استاذ جاد، أسمي سما.
_سعيد بلقائك أنسة سما
*الصراحة حلمي فوت على قصر الزهور او أشتغل هناك بس هالشي مستحيل طبعاً
_ليش مستحيل
*الغريب ما بيسترجي يخطي هيك خطوة
_اجيتي لحالك؟
*لا، بالواقع انا صحفية وبشتغل شوي بالتحقيق وجيت مع مجموعة من الصحفيين برحلة عمل وانت لحالك؟
حس بشوي من الريبة من الي قالته، أبتسم مجاملاً ليحاول ما يبينلا:
_لاء معي ولاد عمي قاعدين بالجهة التانية
هزت براسها وابتسمت من دون ما ترد عليه
________
كان الوضع هادء والكل مبسوط اصوات الضحك عم ترتفع داخل الطائرة اصوات الاطفال عم تعزف اهازيج الفرح ماكان حد متوقع انو ممكن هل اصوات تتحول لذعر شديد ثواني وتغير كلشي بدت الطياره بحالة زعر ورعب..كل الي بالطيارة بحالة ذعر غريبة بعدَ أن أذاعو بأنو في عطل مفاجئ حصل للطائرة ومن المحتمل أنو تهبط هبوط أضطراري، بلش الكل يصرخ لما بلشت إنذارات الطيارة تشتغل.
الأمهات عم تحضن أطفالها والأباء عم تحاول تطمنهم بأنه ما رح يصير شي بالرغم من الذعر الي بادي على وجوههم.
أصوات النحيب والبكا عم تدوي بأرجاء الطياة وكل واحد حاطط الموت طريق لألو
كانت سما متكورة عحالها وحابسة جسمها بين ايديها الصغار كانت عم ترتجف من شدة الخوف شافها جاد على هالحالة اول ما طلع من الحمام بالواقع كان سامع الأصوات لما كان بالحمام بس منظرها قطعلو قلبو
جاد. أنسة سما!
انتي منيحة
هزت راسها بسرعة وهي عم ترجف سما. لاء ما بدي موت... ما بدي موت هلق
قرب منها ليضمها ويحاول يخفف من خوفها شوي بعدت شوي لورا وحطت أيدها قدامها
نزلت راسها عالأرض بخجل سما. لاء...أرجوك استاذ جاد ما بيصر هالشي
هز راسو وحس بالخجل من حالو بسبب الي عملو كان هدفو يطمنها ما أكتر بس هي خجلتو صار يحكي بصوت عم يرجف جاد. انا أسف
سما. ولا يهمك..
حست بشعور العثيان وتجهت فورا على الحمام وكان باين الخوف بعيونو عليها بس حاول مايورجيها هاد الشي..
ضل الذعر متملك الطائرة لدقائق كل واحد منزوي على نفسو وحاطط الموت قدام عيونو كانو خايفين بأي لحظة تهبط فيهن الطيارة ...متل ما كانو غفلانين عن الموت من قبل هلق صارو خايفين من اللحظة الي رح يغافلهون فيها الموت
__________
ويحدثُ بأن نصل إلى الحافة ونظن أنفسنا في المنتصف، نظن بأننا نعيش ونحنُ على قارعة الموت، نحيا على قارب الأيام ونغفلُ عن الغرقْ.
_________
بدت البسمة عوجوه الكل بالطيارة بعد ما أذاعو انهون تجاوزو مرحلة الخطر وكأنو أرتدتلون الحياة من جديد بين الحياة والموت في خيط رفيع متل الشعرة بأي لحظة بيكون غافل فيها الأنسان ممكن ينقطع
تطلع جاد عالبنت الي قاعدة جمبو شافها هدت شوي وخف التوتر من على ملامح وشها البريئة سألها من دون تردد:
جاد. أنسة سما...صرتي منيحة؟؟
ابتسمت بلطف سما. الحمدلله أحسن
جاد. الحمدلله
وهنن وعم يحكو قبل ما تهبط الطيارة بشوي كان عم يمشي أمجد بأتجاهون ولونو مخطوف من الرعبة وكأنو شايفلو شي شوفة قرب لعند جاد وصار يناديلو
أمجد. جاد...جاد
التفت لعندو جاد بأستغراب جاد. اي أمجد!
أمجد. فففي شي صار ممو منيح
التفت حواليه وكأنو عم يدور على حدا بعيونو
جاد. وين أسعد!!
أمجد. مما بعرف يمكن مات
جاد. كييف ششششوووووو عم تحكي!...#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
*للإ اشتراك بكروبات الإناث الكاتب محمود العبدالله*
*بنت بتبعتي صوط للإضافه ع كروب البنات➹🙋♀️🎻ۥ!0996878268 رقمي*
https://chat.whatsapp.com/D7fA5uKrelaADxYSMSzIxw
*اسمك ومن اي محافظة بصوط عشان ضيفك بكروب البنات*
➖➖➖➖➖➖➖➖➖