الفصل 7
*⏎[ رواية جميلة حد الفتنه 💗🎀 ]*
*(الحلقة 19-20-21)*
`من أجمل قنوات الوتساب لروايات ادخلوا اعملوا فولو لـكـل للقناة:`
*تمت مشاركة الرواية من قناة حكاية في رواية علي الوتساب)))):*
> *-تابع قناة حكاية في رواية 💗🎀)))):* https://whatsapp.com/channel/0029VaDlnq3D8SE0iENtWr3G
💞💞💞💞💞💞💞💞💞💞💞💞💞💞💞💞💞💞💞💞💞
19/20/21
لتفعيل الوضع الليلي، تكبير الخط، نوع الخط
شاهد الآن
عاد كلا من مليكه وحمزه للمنزل فهبطت مليكه من السياره سريعا ودخلت للمنزل بينما زفر حمزه ولحق بها
في نفس الوقت الذي كانت سعديه تجلس مع فاطمه دخلت مليكه عليهم وهي تبتسم / اوووه سوسو منوره البيت
خجلت سعديه بشده ونظرت أرضا / يوووه جتك ايه يا بت يا مليكه دايما كده بتكسفيني
ضحكت مليكه بشده ونظرت خلفها وجدت حمزه يدخل وهو ينظر لها بحاجب مرفوع فتحدثت / طب يا سوسو خليكي هنا هغير لبسي واجي معاكي لياسمين عشان نجهزها
ابتسمت سعديه بسعاده شديده لحفيدتها / ماشي ماشي يلا بسرعه
ركضت مليكه سريعا بينما حمزه خلفها وكادت مليكه تتجاوز الدور الثاني فوجدت من يجذبها بشده نظرت وجدته حمزه يضمها بشده بين زراعيه ويغمز لها / إيه يا حلوه هي وكاله من غير بواب تروحي في أي حته براحتك طب وزوجك المسكين ده ملوش اي حق عليكي
نظرت له مليكه بخبث ثم اقتربت منه بينما هو ينظر لها بترقب ولكن توقف قلبه عن الخفقان حينما شعر بقبلتها له بينما مليكه ابتعد بخبث وتحدث بنبره بها من الدلال ما يكفي لاذابه حمزه تماما / طب وكده
رفع حمزه حاجبه وهز رأسه / تؤتؤ مش عاجبني عايز اغراء اكثر
نظرت له مليكه بتذمر / علي فكره انا اللي زعلانه والمفروض تراضيني.
زفر حمزه بشده وامسك يدها ودخل للمصعد وضغط علي الدور للخاص بشقق الشباب واخذها ودخل لشقته وأغلق الباب بينما هي نظرت له بدقه / فيه إيه انت هتتهور ولا إيه لا بقولك ايه انا محترمه آوي وبنت ناس والله اصرخ واقولهم عايز يتحرش بيا
اقترب منها حمزه ودفعها من وجهها / غوري يابت من وشي قال تحرش قال بعدين هو أنا عارف اخد بوسه حتي حسره عليا تعالي اترزعي خليني اعرف اتكلم يا ختي
نظرت له مليكه وهو يجلس أرضا ثم جلست بجانبه بشده نظر لها بخبث / الله منتي اللي بتلزقي فيا اهو والشيطان شاطر بقي وترجعي بقي تعيطي وتقولي ذئب بشري ونبهدل نفسنا يابنت الناس في المحاكم وتطلبي الطلاق وانا مش هطلق تقومي رافعه قضيه عليا وانا اقولك لو عملتي ايه يا مليكه مش هتكوني لغيري ومش هطلق تقومي انتي بقي تزهقي من حياتك وتطلعي فوق السطح االي فيه كل ذكرياتنا ده وتفضلي تعيطي بقي بعدين تقفي علي سور البيت عشان تنتحري وتخلصي مني فجأه اجي انا بقي بالسلو موشن واقولك مليكه لااااااااااااااا بعدين اجري عليكي واشدك بسرعه قبل ما ترمي نفسك تقومي انتي حضناني وتقوليلي بحبك يا حمزه اوعي تعمل كده تاني
كل هذا وكانت مليكه تفتح فمها ببلاهه وهي تنظر له بغباء / كل ده عشان قعدت جنبك عملت مسلسل مكسيكي في دماغك بعدين هو ايه اول ما تيجي وتحضني اقولك بحبك يا حمزه بسهوله بعد ما كنت هموت نفسي
حمزه وهو ينظر لها بجديه / أمال عشان انا حضني حنين أساسا تحبي تجربي
ثم فتح زراعيه بينما هي ابتسمت ودخلت احضانه وهي تبتسم / فعلا حنين آوي يا حمزه
بينما حمزه تفاجأ منها فهو كان يمزح ولكن ما أجمله من مزاح جعل حبيبته تنضم لاحضانه برفقه قلبه الذي يصرخ دائما مطالبا بها ضمها حمزه اكثر وهو فقط يتنفس في احضانها بينما هي تبتسم بشده عليه ثم تحدثت وهي في احضانه / روحتله وعملت مشكله يا حمزه صح
همهم حمزه بتخدر فاكملت هي / ليه مش قلنا مش عايزين مشاكل
حمزه بدون تركها وهو مازال يضمها بشده / عشان انتي بتاعتي انا بس محدش يشوفك محدش يكلمك محدش يلمسك محدش يلمّح عليكي بحاجه محدش يخصك بكلامه غيري انا يا مليكه انا وبس.... انا وبس
هزت مليكه رأسها بيأس / طب وعملت ايه
ابتسم حمزه بخبث / و لا حاجه طلبت شاي من القهوه وقعدنا نتناقش بكل تحضر
مليكه وهي تبتعد عنه فاصدر هو صوت معترض وجذبها ثانيا بينما هي اكملت / طلبت شاي من القهوه ده مش بعيد تكون كسرت القهوه دي علي دماغه هو شخصيا
ابتسم حمزه وضحك بخفوت / لا يا ستي استغفر الله انا شخص مسالم معملش كده أبدا
ضحكت مليكه بشده وهي تضمه / مسالم آوي يا روحي
ابتلع رامي ريقه بشده وتمني لو انه يحلم او انه يتصور ذلك تحدث بصوت بالكاد خرج / ندي
فزعت ندي وابعدت عنها كاظم بسرعه ورعب ونظرت بجانبها وتحدث بملامح انسحبت منها الحياه /رامي ده ده...
نظر كاظم لرامي ببسمه فهذا مايريد بالتحديد،. تدميرها وتحدث ببرود / نعم يا استاذ فيه حاجه
نظر له رامي بعيون حمراء وبشده /انت مين ومقرب منها كده ليه يا حيوان انت
تحدث كاظم وهو يجذب يد ندي التي تمنت لو انها ماتت قبل هذا كله / وانت مالك وبتدخل فينا ليه واحد وحبيبته انت ايش حشرك
نظر رامي لعيون ندي بنظره جعلتها تبكي بشده وهي تغطي وجهها لا تريد رؤية نظرته لها لا تريد رؤية خيبه أمله بها
رامي بفحيح / حبيبته.
كاظم وهو يجذب ندي لاحضانه / آيوه حبيبتي عندك اي اعتراض
نظر رامي لندي وتحدث بسخريه لاذعه/ لا أعوذ بالله اعتراض ايه بس طالما الانسه معندهاش اعتراض ومستمتعه بالموضوع يبقي انا مين عشان اعترض
ارتفعت شهقات ندي بشده وهي تهز رأسها برفض وتحاول أبعاد يد كاظم عنها تود التحدث ولكن لا تستطيع فصوتها لا يخرج
نظر لها رامي ومنع دموعه من الهبوط علي عشقه الوحيد الذي خذله وبقوه /تمام جدا يا استاذ بعتذر علي الازعاج
ثم تركهم واستدار وهو يمسك قلبه بوجع شديد يشعر ان نار تشتعل به
بينما ندي ابعدت كاظم بحده وصرخت به / يا أخي اوعي بقي حسبي الله ونعم الوكيل فيك
تحدث كاظم بسخريه / الله الله فيه إيه ياقمر بس هو الاستاذ ده يخصك في حاجه بعدين مش انتي اللي كنتي هتموتي عليا دلوقتي جايه تحسبني هو فيه إيه بس عشان افهم
ندي وهي تبكي وتصرخ به /فيه اني فوقت وكنت جايه عشان اقولك اني مش عايزه اشوف خلقتك تآني ولا عايزه المحك انا غلطت لما خونت ثقة اهلي فيا وكلمت شاب بس شوف ربنا عاقبني علي غلطتي
ثم تركته وذهبت وهي تبكي بشده بينما هو هز كتفه بعد اهتمام ثم سار وهو يصفر باستمتاع
بينما ندي كانت تركض خلف رامي وهي تبكي و رامي مسح دمعته قبل أن تهبط وتظهر للعيان
اقتربت ندي منه وامسكت كتفه بسرعه / رامي
التفت رامي بحده ونزع يدها / ايدك دي متلمسنيش
بهتت ملامح ندي لنظرات الاشمئزاز التي تعلو ملامحه فتحدثت بسرعه كبيره وهي تبكي/ والله العظيم كداب يارامي والله مفيش حاجه بينه وبيني ده بس ك....
قاطعها رامي بحده / مليش دخل باللي انتي بتقوليه ده انا مجرد واحد ملوش دخل بيكي ولا ب.. حبيبك
قال آخر كلمه بسخريه
بينما هي بكت بشده / اسمعني بس والله عمره ماقرب مني ولا لمسني انا مش عارفه هو ليه عمل كده والله انا بس عرفته صدفه وكلمني شويه بس والله عمري ماقابلته ولما شوفته انهارده كنت جايه اقوله اني مش عايزه اعرفه تآني يا رامي اقسم بالله كنت هقوله كده مكنتش حابه اخيب ثقه اهلي بيا يارامي
كانت تتحدث وهي تبكي ندما ليتها استمعت لاميره.
تحدث رامي بوجع / يعني كنتي بتكلميه وانا... انا اللي كنت بحرم علي نفسي مجرد نظره بريئه تريح قلبي لحد ما تبقي حلالي عشان مغضبش ربي فيكي
صدمت ندي من كلامه وهزت رأسها برفض وهي تبكي بشده وهمست برجاء / رامي والله أنا
هز رامي رأسه وهو يقاطعها بسخريه / لا اوعي تبرري حاجه سامعه مش عايز اسمع كلمه
ثم تركها وتحرك ببطئ بسبب قدمه وهو يواسي قلبه ولكن توقف بصدمه كبيره وهو يسمع كلمتها التي شلت حواسه كليا / رامي انا بحبك
كان ينظر إليها وهي تضع العصير امامه هو وعمه محمد
بينما نظراته كانت تلاحقها في كل خطوه أينما ذهبت ترافقها عينه فمنذ خطت قدمه هذا المنزل وهو لايرفع عينه عنها بل يدرسها بكل جديه وكأنها في اختبار يدرس ردات فعلها لأي شئ هذه الفتاه أصبحت خطر عليه فهو قد أصبح علي مشارف الإدمان خرج من شروده علي صوت محمد / ادهم يا أدهم انت يابني
نظر له ادهم بعدما آفاق / ها معاك يا عمي أتفضل.
محمد / كنت بقولك خلصت فيلتك ولا لسه
ادهم / احم لا يا عمي مش هسكن في الفيلا بتاعتي
محمد بتعجب / ليه كده حصل حاجه
ادهم وهو يعتدل بكل جديه ويتحدث بعمليه / لاني حابب اكون جنبكم في أي وقت ياعمي عشان كده أخدت شقه إيجار في العماره اللي جنبكم دي ومستني بس تخلص توضيب بعدين هنقل ليها
ابتسم محمد علي ادهم فهو ابنه الاكبر ربت محمد علي كتفه / ربنا يديك الصحه يابني يارب
ابتسم ادهم بشده وكاد يرد لولا سماع صوت عالي بالخارج
نظر لمحمد بتعجب وخرج وجد نورا تمسك فتاه بحده وهي تصرخ بها /وليكي عين يا حيوانه انتي تيجي لحد بيتنا بعد اللي عملتيه انتي ايه مفيش حيا خالص
نظرت لهم تسنيم بملل وتحدثت / عايزه الحاج الكبير
تحدثت اعتدال بردح / صحيح اللي اختشوا ماتوا انتي يابت ايه مفيش ريحه الدم خالص مش كفايه اللي عملتيه في حمزه
في نفس الوقت كان حمزه يهبط ومعه مليكه التي كانت تمسك يده بحنان ولكن توقفت علي نهايه الدرج وهي تري هذه الفتاه تقف هكذا أمامهم
وخرج عامر من المكتب مع جده تحدث سعيد وهو ينظر لهم بدقه / فيه إيه ومين ديه
تحدث تسنيم وهي تذهب له وتمسك يده تقبلها / أنا واقعه في عرضك يا حاج ابوس ايدك ساعدني
جذب سعيد يده منها / انتي مين يابنتي ومساعدتي في إيه
نظرت تسنيم للجميع حتي توقفت عينها علي مليكه التي لم يظهر منها سوي عينها التي غمزت بها لتسنيم وابتسمت بشر فارتعدت اوصالها من نظرتها وتحدثت بعد أن ابتلعت ريقها / معلش ممكن نكون لوحدنا
نظر لها الحاج سعيد بجهل / مش اعرف انتي مين الاول يابنتي
تحدثت نورا بحده / ياحاج دي البنت اللي اتهمت حمزه انه اعتدي عليها عديمه الحيا دي وفي الاخر جايه عايزه مساعده
تحدث سعيد بحسم /تعالي ورايا علي المكتب وانت كمان يا حمزه
نظرت لهم مليكه بدقه فابتسم لها حمزه وقبل رأسها / هشوفهم واجي
هزت مليكه رأسها وهي مازالت تنظر لتسنيم بنظرات جعلت تسنيم تفر بسرعه خلف الحاج سعيد.
ضحكت مليكه بخفوت ولكن توقفت وهي تلاحظ عين ادهم التي لم تنتزع من علي سندس التي أصبح لون وجهها احمر من الخجل بسبب نظراته
فاقتربت منه وتحدث بهمس / غض البصر يا شيخ ادهم.
نظر لها ادهم ببسمه / بقولك متعملي جميله في اخوكي وكلمي جوزك يجوزهالي
نظرت له مليكه بصدمه ماذا تسمع الان ادهم الذي لا يطيق اي فتاه ورافض لأي حديث عن مجرد الارتباط بفتاه الان وبكامل قواه العقليه يطلب الزواج ومن من سندس
ضحك ادهم بشده وقال وهو يرحل / متتأخريش بقي وياريت لو يكون انهارده بليل مع أسر
نظرت مليكه خلفه وهي تفتح فمها ببلاهه شديده
ثم نفضت رأسها ونظرت لباب المكتب وهي تفكر تري ماذا تريد هذه الفتاه
كانت تسير في السوق وهي تشعر بأحد يلحق بها ولكن كلما نظرت لم تجد احد زفرت بضيق ثم تقدمت لبائع البطاطس وتحدث /بكام البطاطس دي يا عم
البائع / الكيلو بخمسه
هيلانه وهي تنظر للبطاطس بتذمر / الكلام ده لو البطاطس كويسه اما دي مدوده ولا انت مش شايف النفق اللي في البطاطس ده
تحدث البائع / هو ده اللي موجود لو مش عاجبك متاخديش
هيلانه وهي تلقي البطاطس مكانها / مش عايزه يا خويا خليك كده اياكش يدودوا عندك وماتلاقي حد ياخدهم
ثم رحلت بينما هو كان يسير خلفها وهو يضحك عليها بشده
تحدث أندرو لنفسه / البت دي باينها هبله لا ولسانها طويل ماشاء الله
كانت هيلانه تسير من هذا البائع لذلك وخلفها يسير أندرو وهو مستمتع برؤيتها كثيرا فجأه وجد هيلانه تختفي من امامه خرج من مخبأه وسار وهو يتلفت ويبحث عنها فجأه وجد من تضرب علي كتفه من الخلف نظر وجدها هيلانه فابتسم بغباء / احم احم ايه ده انسه هيلانو هنا بنفسها ايه الصدف دي غريبه آوي يعني أنك في السوق
هيلانه بسخريه / شوف الدنيا يا أخي عجيبه بنت تنزل السوق ايه القيامه هتقوم ولا إيه معروفه السوق لرجال الشرطه والجيش بس
ضحك أندرو علي سخريتها منه فصرخت هي به / انت بتراقبني يا جدع انت
نظر لها أندرو بجديه مصطنعه / اراقبك ايه يا انسه انتي اكيد لا طبعا انا بس نفسي هفتحني علي صينيه مسقعه كده فقولت انزل اجيب طلبات لنبع الحنان تعملي مسقعه
نظرت هيلانه ليده / ماشاء الله بقالك آكتر من ساعه ونص ماشي ورايا اووه اسفه ماشي في السوق ومجبتش حاجه
أندرو / احم احم أصل معجبنيش حاحه تخيلي البطاطس بدود بقت بخمسه جنيه الدنيا بقت غاليه اوي
هزت هيلانه رأسها بيأس منه ثم ذهبت من امامه بينما هو لحق بها وكانت كلمها تقف عند بائع يقف ويراقبها ويفعل مثلما تفعل بالضبط وهي تزفر بضيق منه وهو يضحك عليها ثم يلحقها مجددا ومجددا حتي توقفت وزفرت بضيق / إيه في إيه
أندرو وهو يدعي البراءه / إيه
هيلانه / بتمشي ورايا ليه وكل ما امسك حاجه تمسكها
كاد أندرو يتحدث لولا شعور بأحد يجذب حقيبه هيلانه بسرعه ويركض وهي صرخت بينما هو نظر للرجل الذي اخذ الحقيبه واخذ يركض خلفه بسرعه كبيره جدا والرجل يدخل من هنا لهنا وساعده الازدحام في السوق بينما أندرو دخل لمنطقه جانبيه واللص اخذ ينظر خلفه فلم يجده ولكن شعر انه اصطدم بشخص امامه نظر وجد اندرو الذي غمز له ثم لكمه لكمة اسقطته أرضا واخذ الحقيبه وجعله ينهض وهو يمسكه من ثيابه فجاءت هيلانه وهي تركض ثم اخذت تضرب اللص بحده واندرو يحاول جذبه بعيدا بينما هي لم تستسلم أبدا وأخذت تضربه اكثر وهو يحاول إنقاذ اللص، بشق الأنفس استطاع أخذه من تحت يدها / خلاص خلاص والله هحبسه خلاص
جذبت هيلانه حقيبتها من يده وضربت بها اللص ثم نظرت له بشر ورحلت
بينما هو نظر لها بجهل / اقسم بالله مجنونه
ثم ابتسم / بس عسل عسل
نظر له المجرم / طب وحياه العسل ده لتسبني
ضربه أندرو وهو يحذبه / أنا بس إللي اقول عسل يا روح امك يلا تعالي اما اشوف اعمل ايه معاك
توقف رامي واستدار ببطئ ونظر لها وجدها تبكي بشده وهي تهز رأسها / آه والله العظيم بحبك يا رامي
هز رامي رأسه بألم / اتأخرتي كتير يا ندي اتأخرتي كتير اوي
ثم تركها وهو يعرج علي عكازه وهو يحاول التماسك حتي لا ينفجر باكيا
بينما هي سقطت أرضا وهي تبكي بشده وتنظر له ارتفعت شهقاتها فاجتمع الناس عليها وهي فقط تبكي بشده وتسب نفسها الاماره بالسوء هي فقط أرادت ان تجرب شعور الفتيات الذين يقصون عليهم قصص حبهم ولكن لم تعرف ان هذا الشئ ليس لها وليس لأي فتاه أبدا فلا يجوز لها ولا لغيرها ان يتخذوا رفيق اغمضت عينها بألم وهي تتذكر قوله تعالي الذي كان عامر يتلوه عليها دائما ليذكرها (محصنات غير مسافحات ولا متخذات اخدان) كيف نست ذلك والان ماذا خسرت نفسها وخسرت الشخص الذي كانت تتمناه وايضا خسرت عائلتها فلا بد أن رامي سيخبر عامر عند هذه الفكره لم تتحمل وارتمت أرضا بينما الجميع يحاول افاقتها
كان رامي يسير وهو يكاد يسقط أرضا وجد تاكسي يمر فاوقفه وصعد اليه واعطاه اسم المشفي ثم أسند رأسه علي النافذه وهو يحاول ان يقوي نفسه لا لن يضعف مجددا أبدا......( لن يضعف) من يحاول ان يقنع بهذه الكلمه هو أصبح ضعيف بالفعل وهنا لم يتحمل وانفجر باكيا كل شئ منذ صغره وهو يراقب هذه الطفله التي اخذت تكبر وعاهد نفسه انها له وسيحافظ عليها بروحه لن يسمح بأحد ان يلوثها ولكن للأسف هي من سمحت لاحد بتلويثها بكي رامي بينما السائق كان ينظر له بشفقه بسبب دموعه التي تهبط بشده وهو يحاول مداراتها عن الانظار ولكن كيف وعينه لا تتوقف عن رثاء الحبيب الوحيد الذي عرفه القلب فهنا تعاونت العين مع القلب فكلما تألم القلب بكت له العين مؤازرة له فتح رامي الشباك ليستنشق بعض الهواء حتي وجد نفسه امامه المشفي وقد جفت دموعه فهبط بجمود كبير وهو يعرج للداخل فرآه الحارس فذهب لكي يسانده فرفع يده في وجهه يمنعه ودخل المشفي بكل جمود وذهب ليري عمله حتي ينتهي ويعود لاخته فمن اليوم سوف يعيش لنفسه واخته وجدته فقط
بعد مرور ساعات كان يتنقل بها بين الحالات بمساعده احد الممرضين ذهب لمكتبه ليرتاح فخلع البالطو وجلس بكل تعب وهو يتنهد يتعب فشعر بأحد يفتح الباب نظر بتجب فوجدها تلك الفتاه المتدربه لديه فاغتصب ابتسامه ونظر لها / ايه تعالي
دخلت ايه بخجل شديد وهي تبتسم ثم جلست / اسفه يا دكتور اني ازعجتك بس...
قاطعها رامي برفض/ مفيش ازعاج خالص والله أنا إللي بعتذر لان بقالي فتره من ساعه رجلي وانا مش عارف اتابعك
ابتسمت ايه وهزت رأسها برفض / لا أبدا بس كنت حابه أعرض علي حضرتك حاجه
لم يكن رامي معها بل كان يفكر بشئ اخر
كان عامر يركض كالمجنون في الشارع بعد أن اخبره احد الصبيه بما حدث لاخته كاد قلبه يخرج من الرعب ذهب وجد الناس تجتمع حولها فصرخ بهم واقترب منها يعدل ثيابها وحملها اليه بكل حنان ورقه تتنافي مع شكله الشرس تماما ضمها لقلبه بشده وهو يقبل رأسها / ندي حبيبه قلبي مالك ياقلبي
لم يسمع منها جواب فتحدث مع الجميع / هي مالها
تخدي النساء / والنبي يا اخويا ما نعرف هو بس لقيناها بتعيط في الأرض جينا نشوفها راحت مره واحده وقعت زي ما انت شايف كده
هز عامر رأسه وركض بها للمنزل ودخل في نفس الوقت الذي كان الجميع في انتظار حديث الجد بالداخل ولكن فزعت اعتدال عندما رأت ابنتها محموله علي يد عامر فنهضت وهي تصرخ / ندي جرالها ايه يا عامر
عامر وهو ينظر لهم / معرفش معلش يا مليكه تعالي شوفيها لو سمحتي دي قاطعه النفس
هزت مليكه رأسها بايجاب وصعدت خلفه مع اعتدال ونورا التي لحقت بهم
دخل بها عامر لغرفته ووضعها الفراش وهو يمنع نفسه من البكاء لأجل صغيرته بينما تحدثت مليكه بحرج / معلش يا استاذ عامر ممكن تتفضل بره لحد ما اخلص.
نظر لها عامر بقلق فهزت رأسها وهي تشجعه فخرج عامر وهو ينظر لاخته بحزن بينما مليكه رفعت النقاب عن وجهه واتجهت لتلك التي ترقد بهدوء شديد
نهض حمزه بعنف ونظر لجده ليبعد نظره عن تلك الفتاه / اتجوز مين يا جدي دي اتهمتني باغتصاب ظلم وكمان كانت متفقه عليا مع حد دي باختصار بتكمل بقيت خطتها
تحدثت تسنيم ببكاء / والله أنا بس مش عايزه غير أن حد يستر عليا امي مبقتش عارفه تعيش ولا ترفع رأسها في وش حد
تحدث حمزه وهو لا ينظر إليها / ده مش ذنبي يا استاذه انا مليش ذنب في اللي حصل ليكي شوفي اللي كنتي متفقه معاهم عليا
توترت تسنيم بشده ونظرت أرضا واكمل حمزه / بعدين انا واحد متجوز وبحب مراتي ولا يمكن اني ازعلها بس عشان اي حد.
تحدث الجد بصرامه / حمزه انا فهمتك ليه بقي الكلام ده بعدين هترفض طلب جدك
نظر له حمزه بألم /يا جدي اطلب اي حاجه يا جدي اقتلني لو حابب بس ابوس ايدك بلاش تاخد روحي وانا عايش مليكه لو عرفت هتسيبني او يحصلها حاجه وانا كده هعيش في جحيم مش هقدر والله العظيم هموت لو حصل اللي بتقول عليه
تحدث الجد بعدما رأي حاله حفيده / طب نسأل مليكه ونشوف ردة فعلها
رفع حمزه رأسه بحده / لا يا جدي محدش يدخل مليكه في أي حاجه ارجوك انا قولت رأي مفيش ست هتتكتب علي اسمي غير مليكه وخلصنا.
نظر له سعيد بدقه ثم رفع هاتفه وتحدث / آيوه يا نورا ابعتي مليكه لو عندك
كاد حمزه يعترض ولكن منعته يده سعيد وهو يكمل / تمام بسرعه
نظر سعيد لحمزه وتحدث / لو مليكه وافقت هنكتب كتابك مع ياسمين وأسر
صدم حمزه وسقط علي مقعده وهو يفكر ان مليكه ستوافق بسبب حديث جده وحديث هذه الفتاه الذي سمعه منذ قليل ثواني وسمع الجميع صوت الباب فسمع سعيد لها بالدخول فدخلت مليكه وهي تنظر للجميع بدقه ثم نظرت لجدها / طلبتني يا جدي
هز سعيد رأسه / اقعدي الأول يابنتي وعايزك تسمعيني كويس في اللي هقوله
هزت مليكه رأسها وهي تعلم أن القادم ليس بالجيد أبدا
اكمل سعيد وهو ينظر لحمزه الذي ينظر أرضا وكأنه تائه / دلوقتي البنت دي جات وقالتلنا ان فيه ناس عايزه تدمرنا بواسطتها والخطه بتاعتهم انها تيجي وتقنعني اني اجوزها حمزه بحجه اني اساعدها واستر عليها وبعدها شويه شويه هو هيديها التعليمات اللي لازمه عشان تنفذها ومنها تدمر البيت كله دلوقتي احنا منعرفش خطته ايه والبت كتر خيرها حكت كل حاجه تعرفها دلوقتي الخوف ان لو خطه دخول بيتنا باظت يتصرف ويعمل حاجه محدش متوقعها ويدمر الدنيا فا....
ثم صمت لعله يستشف ردة فعلها ولكن فقط كانت شارة بتفكير فاكمل السعيد / الحل الوحيد اننا نوهمه بنجاح خطته عشان نعرف اللي ناوي عليه في اللي جاي فاحنا هنكتب كتابها علي حمزه الليله لو انتي وافقتي وبعدها نتصرف في الموضوع
صمت سعيد ينظر إليها ثم تحدث / اعرفي الجواز ده صوري وبس يا مليكه وده لمصلحه العيله مش اكتر البنت هتقعد معايا في الدور اللي تحت ومش نتقرب لحمزه احنا بس عايزين نوصل للعين اللي في البيت انها نفذت الأمر عشان نعرف اللي جاي
نظر حمزه لها وهو يتوقع ردها نهضت مليكه بجمود وتحدثت / وعشان خاطر العيله يا جدي انا موافقه
صدمه هي كل ما حدث لحمزه هو كان يتوقع ردة فعلها ولكن لم يعلم انه مؤلم بهذا الحد
اكملت مليكه / موافقه يا جدي بس وقتها هتكون حفيدتك ماتت ، موافقه يا جدي علي موتي لو انت ترضي ليا الموت ده فأنا موافقه،،،،، حمزه جوزي انا وهيفضل جوزي انا طول ما انا عايشه ولو حابب ياجدي تجوزه ليها يبقي من الأفضل انك تقتلني الاول لان انا عمري ما هوافق أشارك جوزي مع غيري أبدا حتي ولو علي موتي فبعتذر ليك يا جدي بختار حياتي لاني انانيه عمري ما هختار الموت بعتذر منك عن اذنك
ثم خرجت سريعا فنظر حمزه لجده قليلا بعتاب ثم لحق بها بسرعه وهي تركض علي الدرج يعرف أين تتجه فلحق بها وجدها تقف امام شقتهم التي مازالت لم ينتهي حمزه من فرشها نظر لها حمزه واخرج مفتاح الشقه وفتحها لها فدخلت ودخل خلفها ولم يكد يغلق الباب حتي شعر بها تكبله بده وهي تبكي وتصرخ به / انت جوزي انا بس يا حمزه جوزي انا بس
لتفعيل الوضع الليلي، تكبير الخط، نوع الخط
شاهد الآن
كان عامر ينظر لاخته بحزن شديد ماذا حدث لها لدرجه تعرضها لصدمه كهذه خرج من تفكيره علي صوت اميره التي تركض برعب وهي تصرخ باسم ندي دخلت الغرفه ولم تنتبه لعامر الذي يجلس بجانبها
اميره ببكاء وهي تربت علي شعر ندي / ندي ياقلبي مالك حصلك ايه يا قلبي
جذبها عامر بعيدا عن ندي بحده / ابعدي عنها
نظرت له اميره متفاجئه من وجوده وايضا من تصرفه نظرت له بتعجب / عامر ندي حص....
قاطعها عامر بعيون حمراء / بس اسكتي حضرتك كنتي فين وهي واقعه لوحدها في الشارع ومرميه لوحدها لولا واحد يعرف انها اختي الله اعلم كان هيحصلها ايه
هزت اميره رأسها ببكاء /والله العظيم هي اللي جات في نص الطريق وقالت إنها نسيت فلوس الدرس فهترجع تجيبها واااا.....
قاطعها عامر بسخريه / عايزه تفهميني انك مكنش معاكي فلوس زياده تسلفيها ها يعني حمزه اكيد مش هيديكي فلوس الدرس بالجنيه اكيد معاكي زياده بس انتي معطيتهاش وسيبتيها ترجع لوحدها عشان انتي أساسا انانيه ومش مسئوله يا اميره
كان عامر يصرخ بها بدون وعي لا يعلم لما يفعل هذا كل ما يعرفه هو أنه يريد الصراخ وفقط يريد إخراج ما بداخله ولا يهم علي من
توقفت اميره عن البكاء وصرخت به بحده / مسمحلكش يا استاذ عامر تهيني كده انا ولا انانيه ولا مهمله ولا بخيله زي ما حضرتك بتلمح اللي حصل يا استاذ يا محترم اني فعلا عرضت عليها انها تاخد من معايا وتدفع للدرس بس ندي رفضت قالت لا هاخد من عامر وانا زي الهبله اول ما.....
صمتت اميره تفكر ماذا كانت علي وشك القول هل كانت ستخبره انه بمجرد ذكر ندي لاسمه نست ما كانت تخبر به ندي ووافقت بشرود مثل المجنونه
نظر لها عامر بدقه / اول ما ايه...
نظرت له اميره ثواني ثم اخذت حقيبتها وركضت للخارج بسرعه ولكن لحق بها وامسك يدها فجذبتها بعنف بينما هو استغفر ربه / اسف والله العظيم من غير ما احس مسكتك بعتذر
هزت اميره رأسها دون أن تستدير ولكن سمعت كلمته التي جعلتها تبتسم / اميره معلش حقك عليا انا بس والله اول ما شوفتها كده كان قلبي هيقف يا اميره سامحيني واي حاجه تطلبيها والله هعملها بس متزعليش
ابتسمت اميره ولكن لم تظهر ثم تحدثت دون أن تنظر له / حصل خير هرجع بعدين لندي
ثم ركضت لشقتهم وهي تضحك بخفوت وفرحه بينما عامر اخذ يسب نفسه / غبي ومتسرع وهتفضل كده عمرك كله مش عارف تمسك لسانك وهي ذنبها ايه بس اوووف، يارب
نظر حمزه لمليكه التي كانت منفعله بصوره كبيره وكاد يقترب منها ولكن عادت للخلف وهي ترفع يدها وتنظر له بدموع / عايز تتجوزها يا حمزه
لم يكد حمزه يجيب حتي وجد مليكه تجذبه بحده من ثيابه وهي تصرخ ببكاء / لا يا حمزه لا مش هتتجوزها حتي لو انت عايز اعتبرها انانيه اعتبرها جنون اعتبرها اي حاجه
ثم رفعت عينها بدموع اليه / بس برضو مش هتتجوز غيري
جذبها حمزه لاحضانه بشده وهو يربت عليها بحنان وهي تبكي باحضانه وتضربه علي صدره ضربات خفيفه / انت منحوس يا حمزه والله كل منخرج من حفره نقع في حفره أعمق منها ايه ياجدع كل ده وجع
ضحك حمزه بشده وضمها اكثر وهو يقبل رأسها وهمس في اذنها بحنان وحب / أنا مكنتش موافق أبدا يا مليكه حتي مكنتش موافق ان جدي يقولك علي الموضوع
ثم نظر لعيونها بعشق / مكنتش عايز اشوف دموعك دي يا مليكتي مكنتش عايز اشوف نظره الحزن دي بس جدي أصر يقولك وانا كنت هموت من الخوف انك توافقي لاني أخدت عهد علي نفسي يا مليكه ان مفيش ست في الدنيا دي كلها هتتكب علي اسمي غيرك انتي وبس يا ملكه قلبي وبالنسبه للحفره دي هنطلع منها سوا يا مليكه حتي لو هشبكلك وانتي تطلعي وتشديني مهما نقع نقدر نقوم تآني طالما احنا سوا يا مليكه اقدر اتحدي العالم كله اقدر أقف في وش اي حد اقدر أواجه اي حزن طالما عارف اني في النهايه هاجي وارمي احزاني في أحضانك
هبطت دموع مليكه وضمته بشده وهي تهمس / وانا حضني اتخلق عشانك انت وبس حبي اتوجد عشانك انت بس يا حمزه
صمتت قليلا ثم قالت بكل ذره حب تملكها / هفضل جنبك يا حمزه لحد اخر نفس لو هموت عشان بسمه منك هموت وانا راضيه وسعيده لاني بحبك يا حمزه بحبك
حمزه وهو يقبل رأسها /وحمزه بيعشقك من كل قلبه يا قلبي ربنا يديمك نعمه في حياتي يارب
واستمر عناقهم لدقائق شرد فيها حمزه فيما يجب فعله
ابتعدت عنه مليكه ونظرت له ببسمه وقد علمت لينا يفكر وامسكت يده وقبلتها / هتتحل والله هتتحل هنلاقي حل غير جوازك من البت دي يا حمزه واقسم بالله لو قربت منك لكون مولعه فيها ومنكده عليك انت التاني
قالت آخر كلامها وهي تنظر له بتذمر بينما هو ضحك عليها بشده / يابنتي ارحمي امي بتبصيلي ليه كده انا مالي
صمتت مليكه بتذمر ثم صرخت / عرفت مين هيساعدنا
نظر لها حمزه بتعجب / مين
مليكه ببسمه خبيثه / ادهم
كان ادهم يجلس أمامهم / ايوه يعني إيه المطلوب مني دلوقتي من ساعه ما جيتم وانتم عمالين تقولوا كلام مش مرتبط ببعضه وصحيتوني من النوم ايه ام العيله دي مش عارف ارتاح من ساعه ماوصلت
حمزه وهو ينتقل ليجلس بجانبه / اسمع يابني يخربيت دماغك دي
نظر له ادهم ببرود /بلاش عشان هنزعل من بعض علي فكره.
نظر له حمزه ببرود / نزعل يا ضنايا وماله بس نخلص من البلوه دي اسمع بس.....
بعد أن انتهي حمزه من قص ما يحدث نظر لهم ادهم بتفكير وبسمه خبيثه
مليكه وهي تشير لادهم / اهي الضحكه الشريره طلعت يبقي لقي فكره صح يا أدهم
جذبها حمزه له وهمس / بت انتي مش كل شويه ادهم ادهم
مليكه وهي تنظر له بغباء / ما هو اسمه ادهم
حمزه وهو ينظر لها / وحيات امك
مليكه بحنق / عيب يابابا امي دي تبقي مرات عمك يا خويا
حمزه بسخريه / هي قلبت لاخويا امال مين اللي كانت بتتحرش بيا من شويه يا ختي وبحبك يا حمزه وبموت فيك يا حمزه
نظرت له مليكه بصدمه / اتحرش بيك مين يابا انت هتلبسني مصيبه بعدين ما انت قولتلي بعشقك يا مليكه
حمزه وهو يغمز لها / بزمتك يا شيخه مش شويه وكنتي هتبوسيني واحنا في لحظه الشجن العاطفي دي
ادهم بملل / ما تبوسك يا أخي ولا تولعوا سوا انا ذنب امي ايه اسمع كلامكم الأهبل ده
ثم نظر لمليكه / فعلا يا مليكه لايقين لبعض آوي اهبل ولقي هبله فعلا الطيور علي أشكالها تقع حتي انتم شبه بعض
حمزه بغضب شديد / وانت تعرف شكلها منين انت
ادهم وهو ينظر له بغباء / يابني هي مراتك اتولدت بالنقاب دي منتقبه من سنين بس
ثم تحدث بخبث / يابني دي متربيه علي ايدي انا اللي كنت بوكلها واشربها والعبها ووو....
توقف وهو يتلقي لكمة من حمزه وهو يصرخ به / اوعي تزود كلمه
امسكته مليكه من يده وهي تدفعه للخلف / يخربيتك كنت وقتها لسه شهور يا حمزه اهدي كده اقعد يا بابا اقعد
زفر حمزه بضيق وأشار علي ادهم وكأنه طفل صغير يشكي لوالدته / يا مليكه هو اللي بيستفزني الاول
اجلسته مليكه وهي تربت علي شعره بحنان / معلش ياقلبي ادهم وحش
ثم نظرت لادهم / واد يا أدهم بطل تضايق حمزه
حمزه وهو يجذبها لتجلس جانبه / اقعدي يا ختي انتي بتكلمي ابن اختك
ضحك ادهم عليهم / والله إنتم مسليين آوي
نظر له حمزه وضم مليكه اليه من كتفها / ملكش دعوه بينا وقول اللي عندك
ادهم وهو يضع قدم علي قدم / مش ببلاش كده
حمزه بتذمر / عايز ايه اخلص
ادهم بخبث / اختك
نهض حمزه بعنف وكاد يتجه له وهو يصرخ فمنعته مليكه وهي تصرخ / الله مش كده ده لو قاعده مع عيال صغيره والله ما هيعملوا كده
حمزه وهو ينظر لها بغضب / انتي مش سامعه بيقول ايه
مليكه بهدوء / يابني هو بيقولك ايه ده طالب الحلال
حمزه بحده / بس اسلوبه معجبنيش
مليكه وهي تجلس للمره المليون / معلش يا سيدي هو واحد مدب ودبش أساسا بس هو قصده انه طالب ايد سندس وهو قالي اني اكلمك في الموضوع أساسا
نظر لها حمزه بانتباه / سندس
تحدث ادهم بجديه / آيوه عايز اطلب ايد الانسه سندس منكم
نظر له حمزه بتقييم لا ينكر إعجابه بذكاءه ومكانته وهيبته وكفاحه ولكن أراد استفزازه فنظر له وهو يضع قدم علي قدم / طب سيبني اسأل عليك الأول يابني
ادهم وهو يضع قدم علي قدم مثله / طب بعد ما تسأل يبقي تعالي اقولك الفكره
نظر له حمزه ببسمه خبيثه فبادله ادهم البسمه فتحدثت مليكه بعصبيه / ولا انت وهو متخلصوا يخربيت دماغكم دي ده انتم ولا الأطفال
زفر حمزه / طيب يا خويا ابقي تعالي أتقدم
ادهم بسخريه / شكرا والله من غيرك مكنتش عارف هعمل ايه
حمزه بعدم فهم / عايزني اعمل ايه يعني
ادهم ببسمه / تمدح فيا وتشكر فيا ليهم وكدهون يعني
ضحك حمزه / تمام بس علي فكره اللي احنا بنفكر نكشفها تبقي امها
ادهم وهو ينظر لهم بتفكير / يعني بعادي حماتي من قبل حتي ما اتجوز يلا مش مشكله سامحيني يا حماتي اسمع يابني
ضحك حمزه بشده/ هي مش امها بالضبط هي مرات ابوها أساسا
ثم تحدث بنبره ظهر فيها حزن لم يستشعره سوي مليكه / وتبقي عمتي وامي انا
نظر له ادهم وهز رأسه / طب اسمع اللي هيحصل
انتبه له حمزه ومليكه جيدا لما يقول
كانت سعديه تجلس في الصاله وهي تضع ماسك علي وجهها وتتحدث في الهاتف بدلع بينما خرجت ياسمين من المطبخ وهي تمسح العرق بعدما انتهت من تنظيف المطبخ ثم نظرت لسعديه بتشنج / ياختي ده انا العروسه ومعملتش نص اللي عملتيه ده
سمعت ياسمين صوت فتح الباب ودخل رامي وهو يحمل حقائب كثيره فركضت له ياسمين وحملت الحقائب بينما هو ابتسم لها ونظر لشكلها وضحك / إيه يابنتي العفانه والنتانه دي،،، دي سعديه مهتمه عنك
ضحكت ياسمين بشده / دي خامس مره تعمل ماسك انهارده كل شويه تغسل وشها وتقعد شويه تقوم تقولك يوووه نسيت اعمل ماسك وبعدها تغسله وتقعد وتقوم تقولك تآني يوووه نسيت اعمل ماسك وهكذا من الصبح عماله كل شويه تعمل ماسك وتنسي انها عملته وتعمله تآني لما وشها هيبوش من المايه و صرخ وقال اغيثوني
ضحك رامي بشده عليهم ثم استند عليها وسار للداخل وسمع صوت سعديه / لا ايوبي البس ببيونه لونها كشميري عشان فستاني كشميري
رامي بتعجب / فستان كشميري ومن أمتي يا سعديه لا ده انتي ماصدقتي الحاج يتكل عشان تاخدي راحتك يا وليه انتي
ياسمين وهي تنظر له / كشميري ايه بس ده فستاني اللي هي بتتكلم عليه ده
ضحك رامي بشده / خلاص بقي يا ياسمين متبقيش مقفله كده هو انتي وسعديه ايه ما انتم واحد
نظرت لهم سعديه وصرخت بهم / ولا انت وهي امشوا من جنبي مش ناقصه وش وتعب عايزه ابقي فايقه للفرح بليل
ثم اكملت مكالمتها / آيوه معاك يا قلبي كمل هههههههههه لا ايوبي عيب كده
تصنع رامي انه سيسقط / احيييييه دي بتقوله عيب ستك عيارها فلت مش بعيد شويه اجيبها من الديسكو
سعديه بدلع / لا يا أيوب اصلي بتكسف مش هعرف ارقص سلو
رمي رامي نفسه علي ياسمين وهو يتحدث بحسره / دي بتقولك سلو يا ختيييييي عليك يا حج يا مسكين ده لما كانت بتهزله اكتافها كان بيوزع شربات علي الشارع كله ودلوقتي هترقص سلو مع ايوب
ضحكت ياسمين بشده وهي تسنده تعالي يا عم ندخل جوا.
رامي ببسمه وقد استعاد جديته / لا ياقلبي انا هاخد لبسي وهروح للشباب هناك بس قبلها يا ياسو هسألك لآخر مره انتي مرتاحه للجواز ده والله يا ياسو عندي استعداد دلوقتي الغي كل حاجه ولا يهمني اهم حاجه سعادتك وانا اللي هقول لجدي وأسر.
ابتسمت ياسمين وامسكت يده وقبلتها بحب وحنان / ربنا يديمك ليا يا رامي انت ابويا واخويا وعيلتي كلها والله بس انا الحمدلله مرتاحه
ضمها رامي بشده / مش عارف ازاي وافقت علي جوازك هتسبيني لوحدي مع سعديه يا ياسمين
ضحكت ياسمين بشده / منت هتتجوز بقي وتمسك مراتك وتفضل تقولها يا خدامه يا حراميه
نظر رامي امامه بشرود فعندما قالت ياسمين لفظ ( مراتك) اول من فكر بها وجاءت في رأسه هي ندي هز رأسه وهو يبتسم لها / طيب يلا بقي خليني اروح للشباب وانتي اجهزي هخلي حمزه يبعت مليكه واميره وندي وسندس عشان تجهزوا سوا
ابتسمت له ياسمين وتحدثت سعديه بردح/ بقي يامعفن جايب كل دول يمكيجوا مراتك يا كلب انت وانا مش جايبلي حد خالص
كاد رامي يجيب عليها ولكن صفعته سعديه / هششش أخرس ولا كلمه انا مربتش كويس يعني اتجوزت الخدامه وقولنا ماشي تديها مرتبك كله ومتدنيش حاجه وعدتها إنما تيجي في الفرح متجبش ليا ميكب ارتيست ليه يعني لقيني في الشارع يا كلب انت.
كان رامي ينظر لها بصدمه
فاكملت سعديه وهي تسمع صوت يصدر من هاتفها وقد كان أيوب / وخد شوف مين الحيوان التاني ده اللي عمال يقولي سوسو وتوتو
ثم تركتهم ودخلت لغرفتها / في يوم هسيبلكم البيت ده واهرب منكم
ضحكت ياسمين بشده علي شكل رامي وهو يضع يده علي خده
ياسمين بضحك / معلش يا بني محدش كبير علي تهزيق سعديه
حمزه بغمزه / مطلعتش سهل يابني بس أساسا الحل ده كان سهل اصلا
ابتسم ادهم وهز رأسه ولم ينكر / فعلا هو سهل بس لأنك أنت داخل دايره المشكله نفسها مش شايفه اما انا لاني بره لاحظته بس كده
ابتسم له حمزه ولم يكد يتحدث حتي شعر باهتزاز هاتفه نظر وجده رامي / السلام عليكم....... تمام أنا عند ادهم روح علي البيت واستني هناك انت والشباب
تحدث ادهم بعدما فهم عما يتحدث / لا تعالو عندي هنا أفضل نكون علي راحتنا لوحدنا
وافقه حمزه وتحدث لرامي / طيب يارامي بقولك ايه تعالي لشقه ادهم هي في العماره اللي قصاد عمارتك الدور الثاني كده تعالي هنا أفضل وكلم عامر يجي........ تمام متتٱخرش
تحدث حمزه لمليكه / روحي انتي لياسمين والبنات يا مليكه
ابتسمت مليكه وهي تهز رأسها واقتربت منه وهمست له بشئ جعله يضحك بشده وتحدث لها / خلاص يخربيتك خلاص
ثم نهضت مليكه وذهبت فتحدث ادهم بفضول/ كانت بتقول ايه
غمز له حمزه / لما تكبر هقولك
نفخ ادهم بغيظ ثم نهض ليفتح الباب لرامي الذي قابل احمد علي الدرج
رامي / الحمدلله ان احنا بعيد عن البيت الا المره دي العدد كبير وسعديه هتخلي الفضيحه اكبر واكبر ماشاء الله
ادهم بتعجب / فضيحه ايه
رامي وهو يربت علي كتفه / بلاش يابني انت راجل كباره وهيبتك هتنزل الأرض
دخل عامر وخلفه أسر وهو يغني/ والنهارده فرحي يا جدعان وهتجوز هتجوز لولولولولولوي
احمد بضحك /اللي يشوفه كده ميقولش انه كان مجبور بعدين يابني انت هتتجوز ياسمين انت مستوعب اللي انت فيه
ضربه رامي الذي كان يجلس بعكازه / مالها ياسمين ياخويا كخه ولا بتعض ولا يكونش بتمشي علي الحيطان
احمد وهو يفرك ظهره بألم ويضحك / يخربيتك يا غشيم مابراحه شويه يابني
رامي وهو يضربه مجددا/ عشان تبقي تقل أدبك تآني يا حيوان
اتجه عامر للنافذه وفتحها ونظر لهم / يلا بلاش بقي نتكلم كتير خلينا نخلص
هز حمزه رأسه / آيوه يلا بس صحيح انت كنت فين يا عامر
عامر وهو يحضر الحقيبه التي بها الأشياء / كنت مع ندي عشان تعبت شويه
توقف قلب رامي وهو يركز مع كل كلمه من عامر
حمزه بتعجب / تعبانه مالها
عامر بألم /معرفش مراتك كشفت عليها قالت اتعرضت اصدمه حاده انا اساسا معرفش حصل ايه بس واحد جه قالي انها واقعه في الشارع والناس ملمومه عليها وقتها اخدتها ومليكه شافتها وقالت اتعرضت لصدمه
رامي وهو يشعر بالذنب يقتله كيف تركها هكذا وهي بهذه الحاله كان يجب أن يتوقع حدوث ذلك كيف اطاع عقله الغبي وعاند قلبه الذي تألم لأجلها.
رامي بوجع شديد لم يلاحظه عامر / وهي عامله ايه دلوقتي
عامر ببسمه صغيره / الحمدلله أفضل كتير قبل ما اجي اقنعتها بالعافيه انها تروح مع اميره للبنات عند ياسمين
ثم نظر لحمزه / عقبالنا بقي لما تتجمعوا في شقتي
ضحك حمزه بشده /ابشر طال عمرك
أسر بتذمر / واد انت وهو متخلصوني بقي هفضل مستني كتير يعني
سمع الجميع صوت سعديه / ما تخلصوه يا اخويا منك ليه ولا هو هتيجي عليه وتتوب وانت يامعفن ( كانت تنظر لرامي) مش ناوي تتوب وتتعظ مستني ايه اكتر من ان رجلك بقت كده اتفوووووو ده ناقص ربنا يخسف بيكم الأرض يا جذمه منك ليها
ثم اغلقت النافذه بحده فقد رأتهم عندما فتحت النافذه المقابله لشقه ادهم وسمعت حديث أسر الاخير
نظر ادهم للجميع / يارب مايكون اللي فهمته من كلامها صح
احمد وهو يضع رأسه علي كتفه / لا يا عنيا صح مرحبا بيك في الشله ياباشا
ابعده ادهم بسرعه وصراخ / احيييييه ابعد ياض انت حد يروح للست دي يقولها انها فهمت غلط
حمزه بضحكه شديده / معلش هي عشان اول مره فبتحرق بعد كده مش هتتمزج غير لما سوسو تقفشك مرتين تلاته كدهون
نظر لهم ادهم بغباء بينما أسر ضحك بشده / متقلقش هتتعود والله اديني اهو اتعودت يابني يلا
ركض ادهم بعيدا عنهم / اوعي متلمسنيش منك ليه
فضحك الجميع وتحدث عامر / يلا منك ليه خلينا نخلص.
بينما رامي كان يضحك بشده عليهم وهو يجلس ولكن عقله مع مالكه قلبه
عند الفتيات
ضحكت مليكه بشده علي سعديه ثم اتجهت لياسمين التي ترقص مع اميره بسعاده ابتسمت ودعت الله أن يسعدها هي واخيها كانت تصفق لهم وهي سعيده كثيرا
ثواني ووجدت سندس تدفعها لترقص فأخذت ترقص بفرحه بعدما نزعت نقابها والحجاب الخاص بها وياسمين ترقص معها بكل حرفيه
أخرجت اميره هاتفها وصورت مليكه وهي ترقص ولكن لم تظهر ياسمين في الصوره فقط مليكه هي من تظهر وهي تتمايل بكل دلال وانوثه
بينما نورا تزغرد بفرحه شديده
وسعديه تصفق بفرحه شديده علي حفيدتها التي تري سعادتها الكبيره شعرت سعديه بدموعها تهبط تشعر بالحزن علي ابنها الذي ترك أطفاله صغار وحرم نفسه هذه الفرحه لقد ارسلت له تخبره ان ابنته ستتزوج ولكن لم يجيب عليها
شعرت بأحد يعانقها من الخلف نظرت وجدتها ياسمين تضمها بشده وتبكي وتهمس لها بحب وامتنان / شكرا جدا يا سوسو
ابتمست لها سعديه وجذبتها لاحضانها / قلبي آنتي بنتي يا ياسمين والله مش حفيدتي ربنا يعلم انا بحبك قد ايه لما افتكرك والله
ضحكت ياسمين من بين دموعها / ولما مش بتفتكريني بتكرهيني في نفسي اقسم بالله
ضربتها سعديه وهي تضحك / بس يابت ويلا اجهزي
اما مليكه فاطلقت زغروده ولكن لم تكن عاليه كثيرا ولكن كانت حقا بارعه فيها ثم جذبت ياسمين / عروسه اخويا القمر دي ياناس
ابتسمت ياسمين بخجل شديد فضحكت مليكه وعانقتها بشده وهمست / أسر بيحبك
ثم ابتعدت عنها وياسمين تكاد عيونها تخرج من مكانها بصدمه بينما مليكه غمزت لها وهي تضحك وهكذا انقضي الوقت في الضحك والحديث
واخيرا حان موعد الزفاف الذي سيجمع قلوب تجرب الحب للمره الاول كان منزل الحاج سعيد يعم بالبهجه والأقارب والعائله فقط طبعا بعد أن قالوا للجميع أنهم كتبوا الكتاب ولذلك سيتم عقد القران في مكتب الحاج سعيد بعدها يحتفل الجميع بالخارج
كانت ياسمين تجلس بين الفتيات وهي تضحك في الداخل بينما أسر ورجال العائله في المكتب يقومون بكتب الكتاب ثواني وشعرت مليكه باهتزاز هاتفها فابتسمت وأخذت ياسمين للداخل نظرت ياسمين أرضا بخجل بينما تذمرت سعديه / مش كان زمان ايوبي هو اللي مستنيني جوا لولا الولد المعفن حفيدي ده
ضحكت فاطمه / تعالي يا سعديه اقعدي تعالي
جلست سعديه وثواني وسمع الجميع صوت زغاريد نورا
فعلموا انه تم عقد القران
خرج احمد ليستقبل ميار ووالدها ولكن وجدها وحدها
احمد بتعجب / أمال فين عمي
ميار ببسمه / وانا مش كفايه ولا إيه
احمد / لا كفايه يا ميار بس ليه جيتي لوحدك ليه مش اتصلتي بيا اجي اخدك
ميار ببسمه وهي تضع يدها بيده بحنان / قولت اكيد مشغول معاهم بقي ومش فاضي فبلاش اشغلك اكثر
نظر لها احمد بعتاب وامسك يدها وقبلها بحنان / تشغليني ايه يا ميار انتي مراتي.
ميار ببسمه خجوله / طيب يلا ندخل
احمد بغمزه / يلا ده حتي المخزن اشتاق لجمعتنا
ضحكت ميار بخجل وضربته / والله ما هتحرم غير لما نتقفش في مره قفشه معتبره
ضحك احمد بشده وامسكها من يدها ودخلوا ليروا الجميع
بينما كان أسر يقترب من ياسمين ويهمس لها / إيه القمر ده بس كده كتير
سعديه وهي تضع رأسها بينهم /إيه رأيك انا اللي ممكيجاها
نظر أسر بفزع لها / يا سوسو حرام عليكي قطعتي ليا الخلف
سعديه بسخريه / يا ضنايا يابني صدق انت اللي قطعت قلبي
ياسمين / روحي يا سعديه أيوب بيدور عليكي
انقلب وجه سعديه سريعا / إيه بيدور عليا فين ده.
ياسمين وهي تشير لاحد الأماكن / هناك اهو الحقيقه قبل ما ام سعاد تخطفه منك معشوق الجماهير ده
ضحكت سعديه بخجل / طيب سلام انا بقي والله لاولع فيها ام سعاد دي
ياسمين بضحك / رهيبه سوسو
أسر وهو يقترب منها/ متسيبنا من سوسو وخلينا في ياسو
خجلت ياسمين بشده فهمس لها أسر / مبارك عليا انتي يا ياسمين
كانت ساميه تنظر للعائله بسخريه شديده فجأه سمعت صوت والدها يناديها فذهبت له / نعم يابابا
سعيد وهو ينظر لها بدقه / فين بنتك يا ساميه
ساميه بتوتر وهي تبتلع ريقها / راحت تجيب حاجه من واحده صاحبتها يابابا مش هتتأخر
نظر لها سعيد بدقه وهز رأسه / طب معلش روحي هاتي العلاج بتاعي من المكتب عشان نسيت اخده
ابتمست ساميه بجمود / حاضر يابابا
ثم اتجهت للمكتب وهي تفكر بتوتر في سبب تأخر ابنتها فهي خرجت منذ الظهيره ولم تعد حتي الآن
وما كادت تفتح باب المكتب حتي سمعت صوت حمزه بالداخل فارهفت السمع فسمعت الاتي
حمزه وهو يحاول الا يخرج صوته / اسمعي يابت انتي انا كتبت عليكي مش عشان خاطر عيونك لا ده عشان خاطر جدي بس ميزعلش مني وانا متعودتش اني اغضبه تقعدي في البيت ده تقعدي باحترامك انتي فاهمه محدش هنا يعرف اني اتجوزتك هنقولهم انك ضيفه لجدي وقاعده معانا هنا فتره فاهمه ولا اعيد تاني
تسنيم بخوف / حاضر حاضر محدش هيعرف بانك اتجوزتني
ابتسمت ساميه بشده من خلف الباب وذهبت بعيدا وتحدثت بخفوت / الو يا إيهاب اللي خططنا ليه حصل
علي الجانب الاخر كان يضحك بشده وهو ينظر امامه / اللي عايزينه حصل واول خطوه تمت والله ومطلعتيش سهله يا تسنيم
ثم نظر للتي امامه / اتعلمي من اختك
تحدثت عبير بتذمر / دي مش اختي
إيهاب ببسمه خبيثه / تؤتؤ عيب يا عبير ياقلبي تسنيم اختك الكبيره برضو.........
لتفعيل الوضع الليلي، تكبير الخط، نوع الخط
شاهد الآن
اقتربت ساميه من باب المكتب مجددا بضحكه خبيثه ثم طرقت الباب
نظر حمزه للباب بفزع ثم تحدث لتسنيم / صوتك ده مينطقش بكلمه فاهمه
هزت تسنيم رأسها بخوف فاخرج حمزه ورق من الخزانه ووضعه امام تسنيم وسمح للطارق بالدخول
دخلت ساميه وهي تتصنع الدهشة / حمزه انت هنا بتعمل ايه
حمزه وهو يعتدل في جلسته / احم كنت بوقع شويه ورق يا عمتي
ساميه وهي تنظر لتسنيم بخبث / والانسه برضو بتوقع ورق
نظر حمزه لعمته ثم تحدث بثقه / الانسه تبقي حفيده صديق جدي ولهم شغل مع بعض وجدها اتوفي فجات عشان تشوف الدنيا ماشيه ازاي خصوصا انها وحيده من بعد جدها عشان كده جدي أصر انها تقعد معانا فتره لحد ما الأمور تتضبط وكمان تتابع هي شغلها بنفسها
تحدثت ساميه وهي تدعي عدم الاهتمام واتجهت لتأخذ الادويه من علي المكتب / طيب الله يرحمه جدك يا قمر.
هزت تسنيم رأسها ببطئ وتحدثت بخفوت / الله يرحمه
نظرت لهم ساميه ببسمه / طب اسيبكم بقي تكملوا شغلكم
نهض حمزه ونظر لعمته / لا خلاص احنا خلصنا أساسا تقدري تاخدي الانسه معاكي بره تقعد مع البنات
ساميه بترحيب مزيف / اكيد تعالي يا قلبي تعالي انتي مش غريبه برضو
قالت آخر كلماتها بخبث
هزت تسنيم رأسها ببسمه متوتره / شكرا لحضرتك
ثم خرجت معها اغلقت ساميه الباب خلفها وهي تنظر لتسنيم بخبث
بينما القي حمزه نفسه علي المقعد بتعب شعر بشئ يسير علي قدمه فزع حمزه ورفع قدمه وهو يصرخ / يا مليكه الكلب انتي اطلعي يابت
خرجت مليكه من أسفل المكتب وهي تضحك بشده / إيه بس يا حموزي قلبك رهيف يا راجل
نظر لها حمزه بقرف / طب أسكتي بعد حموزي دي متنطقيش أبدا
جلست مليكه امامه ثم تحدثت بجديه / كده احنا رمينا الطعم وهما وقعوا واكلوه
نظر لها حمزه بجديه / الناس دي مش سهله أبدا يا مليكه لازم كل حاجه تمشي مظبوط زي ما خطط ادهم ولحد دلوقتي مش متأكد اذا كانوا فعلا اكلوه ولا لا
هزت مليكه رأسها وهي تتذكر ماقاله ادهم بعدما عرف الجد بكل شئ وان من تريد تدمير عائلته هي ابنته نفسها
سعيد بقلب ينزف / شوفوا انتم عايزين ايه وانا هنفذ
نظر له حمزه بألم فاكمل سعيد / هي بنتي آه بس إللي يغلط لازم يتعاقب ياما حذرتها من إيهاب ده بس هي غبيه ماشيه ورا قلبها
مليكه بغموض / وايه اللي أكد لحضرتك انه إيهاب هو الطرق التاني
ابتسم سعيد بسخريه/ مفيش غيره هو اللي له يد يدمرنا غير انه عبير مش هتتفرعن علينا وتقولنا هروح لابويا من فراغ اكيد إيهاب ظهر تآني في الصوره والمره دي ناوي علي دمار ودمار كبير غير اني اتأكدت من فتره ان ساميه رجعت تقابل إيهاب بس كنت مستني اشوف آخرها ومكنتش متوقع انها توصل لكده
تحدث ادهم لكي ينهي حاله الحزم تلك / خير بإذن الله احنا لازم نسبقهم بخطوه في كل حاجه بس كبدايه لازم نوريهم ان خطتهم اللي عشانها دخلت تسنيم البيت اتنفذت تماما
اكمل حمزه كلامه بكل جديه / هتجوز تسنيم
نظر جده له بتعجب فاكمل حمزه بغموض / ده اللي هنفهمه لعمتي ونخليها تسمعه هنحاول نستدرجها للمكتب وقتها هكون هناك مع تسنيم وهقول اني اتجوزتها عشان هي توصل الكلام ده للطرف التاني مليكه هتقف من غير ما حد يشوفها علي الشباك الصغير اللي في المكتب واول ما تشوف عمتي بتقرب تقولي وهبدأ اتكلم مع تسنيم في الكلام اللي اتفقنا عليه معاها
مليكه بتعجب / كله تمام بس هي هتيجي إزاي المكتب لازم نستدرجها من غير ما تحس انه متدبر
نظر حمزه ببسمه لجده / دي بقي مهمه جدي
هز سعيد رأسه / تمام اعتبرها راحت المكتب
مليكه وهي تضع يدها علي كتفه ثم تحدثت بمزاح / شوفتني وانا تحت المكتب بزمتك حسيت بيا
ضحك حمزه بشده وجذب خدها / لا يا ختي محستش بيكي كنتي نسمه ايه الحلاوه دي بس هو كان لازم يعني بهدلتك دي تحت المكتب.
انتفضت مليكه ثم ذهبت اليه وجذبته من ياقته / أمال كنت عايزني اسيبكم لوحدكم ياشيخ حمزه كنت عايز تبقي في خلوه غير شرعيه ولا إيه اخييييه عليك انت انحرفت ولا إيه يخربيتك
جذبها حمزه من رأسها وضع جبينه علي جبينها وتحدث بقوه مصطنعه / مين ده يابت اللي منحرف انتي هبله ولا إيه
تراجعت مليكه في حديثها / معلش ياباشا عيله وغلطت
ضحك حمزه بشده وهو يجذبها لاحضانه بشده ويقبل اعلي رأسها / أنا منحرف آه بس معاكي انتي بس
ضربته مليكه علي صدره فتأوه بخفوت ثم ضحك بشده علي ملامحها الخجله
كان أحمد كعادته يتمسك بميار وكأنها ستهرب منه
تحدثت ميار بملل / احمد يا حبيبي ابوس ايدك سيبني والله ما هطير
نظر لها احمد بتذمر وشدد اكثر علي يده / بت انتي اسكتي مش كفايه اللي جاي يطلب ايدك مني ده قال ايه قولت ادخل البيت من بابه واتقدم لحضرتك
ضحكت ميار بشده / الله فكرك اخويا.
نظر لها احمد بحنق / من ناحيه ايه اخوكي مش فاهم ده عملت ايه يدل اني اخوكي
ميار وهي تبتسم له /خلاص بقي يا ابو حميد الراجل ميقصدش
احمد بتذمر / انتي تخرسي خالص لحد ما اعدي من الصدمه دي ماشي
ضحكت ميار وهي تهز رأسها بيأس عليه
بينما كانت ندي لا تنزع عينها من علي رامي الذي كان يحدث اخاها اغمضت عينها بألم هل انتهي الأمر هل خسرت حب حياتها شعرت بأحد بجانبها نظرت وجدتها سعديه تبتسم لها فابتسمت لها بحزن
تحدثت سعديه / يا ختي ايه البنات القمر دي مش المعفنة اللي بتتجوز دي بقولك ايه تتجوزي حفيدي طب ده حتي الواد اهبل والله وعبيط بس طيب
كادت ندي ترد لولا حديث سعديه وهي تقاطعها / استني هوريه ليكي ده الواد قمر والله اصبري
ثم نادت / رامي واد يا زفت تعالي هنا
نظر رامي لسعديه وجدها تقف مع ندي فزفر بوجع واستأذن عامر واتجه لهم وهو يستند علي عكازه حتي وقف أمامهم وحدث سعديه دون النظر لندي حتي / نعم يا سوسو عامله دوشه ليه
سعديه ببسمه وهي تعانق ندي / شوف جبتلك عروسه قمر إزاي مش احسن من البت الخدامه
نظر لها رامي بنظرات جعلتها تكاد تنفجر في البكاء و هذا تحديدا ما حدث حينما سمعت كلماته التاليه / لا ياسوسو شكرا انا اساسا خطبت انتي متعرفيش ولا إيه
سعديه دون أن تنتبه لملامح ندي التي شحبت شحوب الأموات / خطبت من ورايا يا معفن هنقول ايه ما انت واحد.... امممممم
كتم رامي فمها وهو ينظر لها بشر / اسكتي يا سعديه بلاش فضايح الله يكرمك
نزعت سعديه يدها من علي فمها وتحدثت / اوعي ياض بعدين فين هي خطيبتك دي مشوفتهاش يعني
نظر رامي لندي التي كانت تقريبا لا تعي مايحدث حولها وأشار لركن في الحفل / هناك اهي
نظرت سعديه لهذا الركن وجدت فتاه جميله جدا بملامح ملائكيه ترتدي خمار وفستان طويل جعلها كالملاك / قصدك اليت القصيره دي
ضحك رامي عليها وهز رأسه بايجاب فنادت عليها سعديه / بسسسس انتي يابت يا قصيره انتي
بينما ايه سمعت صوت احد يصرخ نظرت وجدت سيده كبيره تنظر لجهتها وتناديها أشارت لنفسها بمعني انا؟؟
سعديه بتذمر / آه يا ختي انتي تعالي هنا يابت انتي
نظرت لها ايه بتعجب وتقدمت منها بهدوء وجدت رامي يقف معهم فابتسمت له بسمه خجوله وتحدثت / دكتور رامي ازي حضرتك
نظرت ندي للفتاه نظرات موجوعه ثم تركتهم وركضت للخارج بسرعه وهي لا تري من دموعها بينما رامي نظر لاثرها بألم وسخريه ثم اكمل حديثه مع سعديه
بينما ندي وقفت في الحديقه في ركن بعيد عن الجميع وهي تشهق بعنف وتبكي بشده لقد خسرته نهائيا كانت تظن انها مع الوقت ستجعله يسامحها ولكن ماذا الان؟؟؟ لقد قام بخطبة فتاه اخري فقدته كليا خسرت الشخص الوحيد الذي دق له قلبها بسبب رغبتها الغبيه في تجربه شئ جديد
اخذت تبكي بشده /يارب يارب والله موجوعه آوي يارب والله عارفه اني غلطانه بس.....
صمتت وهي تنفجر اكثر في البكاء
بينما علي مسافه قريبه كان يقف هو وهو يتألم لبكائها وكلامها يقطع نياط قلبه نظر لها بألم وهو يهمس / انتي اللي اضطرتيني لكده يا ندي
نظر إيهاب وهو يضحك بشده لعبير / امممممم وانتي اخترتي صح لما اخترتي تبقي معايا يا عبير صدقيني هخلص من عيله السعيد ويبقي كل املاكهم ليا هخليكي ملكه
نظرت عبير له بطمع شديد/ آيوه بس ده هنعمله إزاي واللي اسمها تسنيم دي ليه خلتها تتجوز حمزه.
إيهاب وهو يتجرع المشروب بشراهه / تسنيم دي بقت كارت محروق أساسا انا بس بستخدمها عشان اعرف ادخل جوا البيت بتاع سعيد وجوازها من حمزه مجرد وسيله لكده غير أن جوازها ده هيخليني احط ايدي واضعف اهم شخص في الحكايه دي
نظرت له عبير بتعجب
فاكمل هو بشر / مليكه السعيد
علت نظرات الحقد والغضب وجه عبير / مليكه؟؟؟ واشمعنا يعني مليكه
ضحك إيهاب بشده / غبيه يا عبير انتي غبيه آوي، مليكه دي تعتبر نقطه ضعف الكل يعني لو خلصنا منهم نقدر نقول كسرنا حمزه والواد اللي اسمه ادهم اللي متفرعن علينا ده وهنكسر السعيد ذات نفسه اتعلمي لما تلعبي يا عبير تدوري علي حجر الأساس اللي لو حركتيه من مكانه المبني كله يتهد
نظرت له عبير ببسمه خبيثه / امممم وطبعا لما تعرف ان حمزه متجوز عليها ده هيدمرها
إيهاب بخبث /ولسه يا بيرو ياقلبي لسه في ورقه مهمه آوي هنلعب بيها عشان نوقع الحجر ده ونكسره ونفتته كمان
عبير بتساؤل / قصدك ايه
نظر إيهاب خلف عبير وتحدث بخبث / قصدي ده
نظرت عبير خلفه وجدت شخص يقف في الظلام دققت النظر ولكن لم تري شئ ولكن خرج هذا الشخص للنور وصدمت عبير مما تري وهمست / ملك
ملك بشر وخبث/ اهلا يا عبير
عبير وهي تنظر لوالدها بصدمه/ ملك بس دي اخت مليكه
ضحكت ملك بشده وهي تجلس وتضع قدم علي أخرى وتحذب كأس إيهاب من يده وتتجرعه بصوره قذره / اممم اختي فعلا،،، اختي اللي دمرتني ودمرت حياتي كلها بس معلش جه دوري ارد ليها اللي عملته
إيهاب بتفكير وبسمه قذره / مليكه لازم تنتهي بأسرع وقت
ملك بشر وحقد / وانا عندي ليها اللي يكسرها العمر كله
هبطت مليكه من النافذه ونظرت لحمزه / الطريق امان يا معلمي
ضحك حمزه وامسك خصرها وانزلها / طب يلا نطلع عشان محدش يلاحظ حاجه
خرج كلا من حمزه ومليكه واندمجوا في الجموع بكل هدوء
كان أسر فقط ينظر لياسمين ولا يرفع عينه عنها بينما هي تبتسم بخجل ولكن قاطع نظراتهم قدوم هند وهي تأتي إليهم مع والدها ويبدو انها مجبره علي ذلك من والدها الذي يسير خلفها
نظر عم حسين لياسمين ببسمه / مبارك يا ياسمين يا بنتي مبارك يا دكتور بالرفاء والبنين يارب
نظرت له ياسمين ببسمه صغيره / الله يبارك فيك ياعم حسين
ثم نظرت بقرف لهند / عقبال هند
نكز عم سعيد هند التي نظرت لها بحقد /الف مبروك يا ياسمين
ياسمين وهي تنظر لها بخبث وتنهض لها ثم سكبت عليها كوب العصير الخاص بها وتصنعت الأسف / اوووبس ما أخذت بالي وانا بقوم وقع غصب عني يا هنوود معلشي يابيبي
نظرت لها هند بغضب وكادت تصرخ بها لولا والدها الذي امسك يدها وجذبها / حصل خير يابنتي و مبارك تآني يلا يا هند
ثم سحب هند ورحل بينما نظر أسر لياسمين بيأس / كان لازم يعني اللي عملتيه ده
ياسمين وهي تجلس وتبتسم / لو معملتش كده كنت هولع والله
ضحك أسر عليها
بينما اقترب عامر قليلا من اميره التي كانت تصفق وهمس لها بما جعلها تكاد تسقط أرضا
عامر بهمس حنون / عقبال كتب كتابتنا يا اميرتي
نظرت اميره له بصدمه كبيره ولكن وجدته يسير بعيدا وهو يبتسم بينما هي ابتسمت بخجل
كانت مليكه تقف بجانب حمزه وتبتسم له وهو يغمز لها ولكن فجأه شعر حمزه باهتزاز هاتفه فنظر به وهاله ما رأي وفتح عينه علي وسعها وظهرت عروق حمراء بعينه اخافت مليكه بشده
مليكه بخوف / حمزه ما.....
لم تكمل حديثها حتي كان حمزه ينصرف من امامها بسرعه كبيره
نظرت له بتعجب وكادت تلحق به لولا رساله وصلت لها جعلتها تقبض علي يدها بغضب ونظرت حولها تبحث عن ادهم ولكن لم تجده فركضت للخارج دون أن ينتبه احد لها وبمجرد ما خرجت من المنزل وجدت يهجم عليها وجذبها بعيدا ثم ألقاها بعيدا وهاجمها بلكمه التفت له بسرعه وصدت ضربته وردتها بسرعه شديده بلكمه عنيفه ولم يكد المهاجم ينهض حتي عاجلته بلكمة اقوي وهي تنظر له بشر
نهض هو بسرعه وانطلق لها وامسكها بعنف من حجابها وصفعها بشده حتي ادمي شفتيها وخلف أثر احمر علي خدها ورفع رأسها ونظر لها ببسمه وهمس بغل وحقد وهو ينزع نقابها بشر وغضب / واخيرا يا مولا قد عدت ونهايتك ستكون علي يدي انا
بصقت مليكه في وجهه ثم استخدمت قدمها لضربه في قدمه فانحني ونظر لها بشر واسرعت هي وامسكت رأسه وهي تضربها بالحائط بقوه وهي تصرخ به / اوووه جاك يا عزيزي انت لا تريد أن تخرج مولا من داخل مليكه
نظر لها جاك بعدما ابتعد عنها وهو يضع يده علي رأسه بألم / وانا لم اتي لهنا سوي لاخراج مولا والتخلص منها ولا مانع من التخلص من مليكه أيضا بل سيكون شرف لي
ضحكت مليكه بشده ثم نظرت له وغمزت / اذا هل تريد أن تتحداني يا جاكي
ابتسم جاك بشر / ولما لا
وفي الثانيه التاليه كان يخرج مسدسه ويرفعه بوجهها
نظرت له مليكه ببرود شديد وفركت جانب فمها ببرود ثم اقتربت منه وهي تنظر في عينه / هيا يا عزيزي اطلق النار صدقني لو كنت مكانك لكنت أطلقت الان لأنني ان عشت الان سوف تموت انت
ضحك جاك بشده / اوووه اكثر ما احبه بكي يا صغيره هي شراستك هذه
ثم تحدث بغموض / لم آتي من امريكا الي هنا لقتلك بهذه السهوله يا صغيره سوف استمتع بكل لحظه عذاب لكي
ثم اقترب وهمس / وزوجك أيضا
احتدت نظرات مليكه ونظرت له بشر وهمست له ببسمه مرعبه / فقط اقترب منه بعدها لا تأتي وتبكي ان أرحمك
ضحك جاك بصخب وهو يصفق بيده / اوووه واخيرا هناك من جعل مولا تعشق احسده هذا الرجل حقا فقد فاز باكثر القطط شراسه
مليكه ببسمه وهي تسحب نقابها الساقط أرضا / اذا ابتعد عن هذه القطه حتي لا تنالك اظافرها
ثم اقتربت منه وصفعته صفعتين متتاليتين / الاولي لأنك لمستني بيدك القذره هذه والثانيه لرؤيتك ما لا يحق لك حتي النظر اليه مجرد نظره صغيره
ورغم الظلام الذي يصعب الرؤية به الا ان مليكه كانت تحترق بسبب نزعه لنقابها
وهمست له بشر / استعد لجحيمك يا جاك
ثم تركته ودخلت للمنزل وهي تضغط علي يدها بغضب بينما شعر جاك بشخص يربت علي كتفه نظر وجدها ملك تضحك بشده / اوووه جاكي العزيز اخبرتك الا تأتي لهنا ولكنك كنت مصر علي ذلك اذا لنري ماذا فعلت بك عزيزتنا مولا
ثم أمسكت وجهه /اوووه لا بأس قريبا سوف تشفي جراح وجهك
ثم اقتربت وهمست له بخبث /و لكن جراح كبريائك لن تشفي أبدا سوي بموت مليكه
نظر له جاك بشر وهمس / قريبا،،،،،،، قريبا جدا سوف نذهب لزياره قبر عزيزتنا مولا
ثم ذهب سريعا بينما ملك نظرت للمنزل بشرود وهمست / نهايتكم كلكم علي ايدي خصوصا الكلب ادهم
تم نقل ملك لمصحي لمعالجتها كما اعطي ادهم التعليمات وبقيت هناك ليوم تصرخ وهي تحاول الخروج فدخلت لها ممرضه تعطيها ثياب لتبدلها فنظرت لها ملك بخبث وخلعت قلادتها الذهبيه / خدي يا...
نظرت لها الممرضه / أنا
هزت مليكه رأسها وهي تري نظرات الجشع في عينها / اها دي هتبقي ليكي
ثم سحبتها / بس بشرط
نظرت لها الممرضه بتعجب فاكملت ملك وهي تجلس تتحدث بخبث / عايزه بس اعمل مكالمه صغننه قد كده
نظرت الممرضه حولها بخوف / بس لو حد عرف...
ملك ببراءه مزيفه / متخافيش انا بس عايزه اكلم ماما وهرجع الفون تآني بسرعه وبعدها السلسله دي كلها ليكي انتي وبس
هزت الممرضه رأسها وتحدثت / طيب بصي بليل هاجي ليكي واديكي التليفون عشان دلوقتي ممكن اتأذي بسبب الكاميرات دي
نظرت ملك للكاميرات التي تراقبهم وتحدثت بسخريه / وهو بليل بيقفلوا الكاميرات ويناموا ولا إيه
الممرضه / لا يا هانم بس بليل الواد أحمد خطيبي هو اللي بيستلم الورديه وبيقعد يراقب فسهل اديكي التليفون من غير وش ومشاكل وانا هقوله كل حاجه
ابتسمت ملك بخبث وهزت رأسها
وبالفعل جائت الممرضه واعطتها الهاتف بعد أن أخبرت خطيبها مما سيعود عليهم مقابل هذه المهمه
اجرت ملك مكالمة وتحدثت بلهفة / جاك ارجوك ساعدني
غادرت ملك من المنزل وهي تتوعد لهم بكل الشر
دخلت مليكه وهي تنظر حولها بتعجب وتبحث عن حمزه كل ما ترغب به الآن هو الارتماء باحضانه لتشعر بالأمان
لم تجده في أي مكان ولكن فجأه شعرت بأحد يجذبها بعنف نظرت وجدته حمزه تحدثت بخوف بسبب ملامحه الغاضبة / في إيه يا حمزه براحه طيب فيه إيه
ولكن حمزه لم يستمع لها وجذبها خلفه
بينما هي لا تفهم مابه وما هذا العنف الذي يستعمله معها وصل حمزه لشقته فتحها واتجه بها لغرفته وأغلق الباب ودفعها بحده ورفع الهاتف في وجهها وصرخ بغضب / إيه ده
نظرت مليكه للهاتف وجدته فيديو لها وهي ترقص مع ياسمين بدون حجاب او نقاب وضعت يدها بصدمه علي فمها / والله العظيم يا حمزه كنا ستات بس
قاطعها حمزه وهو يصرخ / وايه يعني ستات مش يمكن حد يصور وموبايله يقع في ايد اي حد وقتها ايه اللي هيحصل ها ردي
بكت مليكه وهي تتحدث بسرعه / والله ما اعرف ان كان فيه حد بيصور يا حمزه انا بس كنت فرحانه عشان....
لم تكمل كلامها بسبب جذب حمزه لها بشده لاحضانه وهو يربت عليها بحنان شديد يكره نفسه بشده بسبب التسبب في بكائها دائما...... ما ذنبها هي حتي يخرج غضبه بها هو لم يري امامه عندما وجد هذا الفيديو يرسل له من اميره وعندما وجدها تدخل من الباب ذهب إليها وجذبها خلفه دون أن يشعر وصرخ به وفكره ان احد امسك هاتف اخته التي تتركه في كل مكان ولاي احد وخاصا احمد تقتله ولكن عندما رأي دموعها ضعف بشده واه والف آه من دموعها هذه التي صفعته وبقسوه كان يضمها بشده وهو يهمس لها بحنان / اسف يا مليكه اسف وحياتي عندك خلاص متعيطيش عشان خاطري خلاص
والله اتعصبت لما شوفت الفيديو وخوفت يقع في ايد حد تاني اميره هي اللي صورته من غير تفكير واحمد علي طول بيمسك فون اميره خوفت يقع الفيديو ويشوفه بالغلط هموت والله يا مليكه والله لما الفكره دي جات في دماغي لقيت نفسي زي المجنون مش شايف قدامي سامحيني خلاص عارف اني آكتر من مره اتعصب عليكي واطلب تسامحيني بس والله غصب عني
تعجب حمزه من عدم حديث مليكه فابعدها عنه وهو يتحدث بندم / خلاص يا مليكه اعملي فيا اللي يعجبك بس متزعليش وحياتي عندك
نظر لها حمزه بحزن / طب بصيلي طيب وارفعي نقابك
لم تجيب مليكه فمد يده لينزع نقابها ولكنها أمسكت يده ونظرت له بدموع وهزت رأسها برفض فنظر لها بشك / مليكه في إيه اوعي ايدك
مليكه بترجي / تعالي ننزل تحت الكل هيلاحظ غيابنا يا حمزه ونتكلم بعد ما الكل يمشي
نظر لها حمزه في عيونها بدقه /اوعي ايدك يا مليكه اوعي ايدك بقولك
نظرت مليكه له بخوف فنزع هو نقابها وهو يتعجب هدوئها واصرارها علي عدم نزعه ولكن صدم حينما رأي اثار ضرب علي وجهها مد يده يمسك وجهها بحنان شديد ثم اخذ يمسد جروحها باصبعه وهو يتحدث بهدوء مخيف ومخيف جدا جدا ثم همس لها بنبره جعلتها ترتعش خوفا / مين اللي عمل كده.......