الفصل 8
*⏎[ملتزمة تزوجت رجل اعمال الحلقة39-40والاخيره💚🧕]*
البنات اللي عايزين تسريع في الاحداث. احب اطمنكو اني الروايه خلاص قربت تخلص. ثانيا دي مش قصة. دي منهج حياه. وكل حلقه فيها معلومه بسيطه عن الدين. )
وقفنا المرة اللي فاتت لما خديجه راحت تكلم البنات.
خديجه بابتسامه. السلام عليكم ورحمة الله وبركاته.
البنات وعليكم السلام ورحمة الله وبركاته.
بنت منهم. اخيرا رجعتي. ياااه وحشنا كلامك.
خديجه. جزاكي الله الجنه. ياجميله.
بنت تانيه. اتفضلي يادودو احكي لينا قصة عن الصحابه.
خديجه بابتسامه. بس انا مش هحكي عن الصحابه النهارده. انا هحكي عن جمله ناس كتيرة من كتر ماتعودو عليها. مش واخدين بالهم من فضلها.
بنت. جملة ايه دي.
خديجه بابتسامه. التوكل علي الله. يعني ايه. اتوكل علي الله. واجعل ربنا وكيلي. يعني هو اللي يتولي امري. وانا مفكرشي. في الامر ده لانه بايد. ربنا. يعني مثلا. لما بابا هو اللي حط ايده في ايد زوجي. اصبح وكيلي. ولله المثل الاعلي لما انا اقول يارب وكلتك امري. ربنا. بيختار ليا الخير ويبعد عني الشر.
انا عارفه انكو عارفين الكلام ده. بس. انا حابه. نزود. حبنا. ودايما نتوكل علي ربنا. من غير مانخاف او نتوتر. عشان كده هحكي ليكو قصه بسيطه.
حاتم الاصم. من السلف الصالح. هو كان عبد صالح. وفي يوم قاعد مع اصحابه. وجابو سيرة الحج. اشتاقت نفسه. للحج. بس هو فقير جدا ومحدش بيصرف علي عياله غيره. بس هو امنيته انو يزور. بيت الله الحرام.
المهم خرج وراح جمع عياله وزوجته وقال ليهم. انا عايز احج السنه دي.
زوجته وعياله. قالو مين هياكلنا وهتسيبنا لمين. والكلام المعروف ده. بنت من بناته قالت. اتوكل علي الله ياابي وروح.واحنا لينا رب.
المهم حاتم الاصم سمع كلام بنته. وسافر للحج وساب. حجات بسيطه. في البيت. المهم. الاكل والزاد خلص. عندهم. وابتدو. يقولو للبنت دي. انتي السبب في اللي بيحصل لينا ده. هنجوع ونموت بسببك وفضلو يأنبو فيها. لانها وافقت وشجعت ابوها. انو يأدي فريضة الحج.
البنت جريت وقفلت علي نفسها. وفضلت تدعي ربنا. وهي وكلته امرهم. وقالت يارب احنا اتعودنا علي فضلك فارزقنا من فضلك. ويشاء الله اني الامير. يكون معدي. من قدام بيت حاتم. ويعطش. فامر الجنود انو عايز يشرب. راحو خبطو علي بيت حاتم الاصم. وطلبو ماء للامير. ويشاء الله اني الامير يعجبه. الماء. ويقول بيت مين ده قالو بيت حاتم الاصم
الامير العبد الصالح. انزلو نسلم عليه. قالو هو بيأدي فريضة الحج.
راح رمي. كيس مليان دهب وقال اي حد بيحبني يعمل زي ماانا عملت. كل الجنود والوزراء رمو اكياس الدهب اللي معاهم في بيت حاتم الاصم.
الزوجه وعيالها فرحو. والبنت دخلت الاوضة فضلت تبكي. امها بتقلها بتعيطي ليه احنا بقينا اغني الناس.
البنت ببكاء قالت. دي نظرة رحمه نظرها لنا العبد فما بالك اني نظر لنا الله.
البنت كان عندها يقين اني ربنا مش هيضيعهم عشان كده شجعت باباها علي الحج.
دايما يابنات. لما تكونو خايفين من اي حاجه. وكلو امركو لله. قولو يارب وكلتك امري وانت خير وكيلي. ممكن تكون القصه مش متركبه قوي علي التوكل علي الله. بس صدقوني. حبيت اقول القصه دي بالذات لاني. بتجدد حسن ظني بربي وتوكلي عليه.
وفي. قصه سمعتها من شيخ. برده كان في ابن عاق جدا. وكان عاصي. المهم. الشاب ده صمم انو يسافر دوله اجنبيه. امه عرفت انو هيزيد فسق وفجور.
الشاب ده سافر. للبلد دي. ورجع تاني لامه ولكن. رجع ابن بار وملتزم. وشديد التقوي.
السبب بقا اللي سمعته. اني الام دي كانت بتدعي في كل سجده. يارب وكلتك امر ابني. فاحفظه وانت خير وكيل. جعلت ابنها في حفظ الله. توكلو علي الله. وكونو علي يقين ان الله خير وكيل. انا عارفه اني زهقتكو بس هختم. حديثي. بقصة سمعتها.
اني في راجل ساب زوجته وسافر.عشان يشتغل ويجيب ليهم فلوس. الزوجه قالت ليه اتوكل علي الله. واسعي. المهم. بنتهم مرضت. والحمه. كانت. مسكاها. الزوجه مكنتش عارفه تعمل ايه هما نايمين من غير عشا. فضلت تدعي ربها. وتتوسل ليه. لحد ماجه نص الليل. سمعت الباب بيخبط. ابوها فتح الباب. بيسال. انت مين.
قال ليه انا الدكتور. ودخل. قال فين المريضه. بسرعه.
الراجل استغرب جدا. بس حالة حفيدته في خطر.
الدكتور كشف عليها. وعطاها علاج.تخفض الحرارة وكتب الروشته ومستني.
الراجل وبنته مستغربين.
الدكتور بيقول. بسرعه ياحج الله يكرمك فين تمن الكشف. عشان. مستعجل.
الراجل قال والله يابني انا مامعايه فلوس.
الدكتور غضب انت تتصل ومطلعني من بيتي. في نص الليل وفي الاخر تقول مش معايه تمن الكشف.
البنت قالت. احنا معندناش تليفون اصلا. ازاي هنرن عليك.
الدكتور. اندهش. وقال مش دي شقة فلان.
الراجل قال لا فلان قدامنا. بشويه.
الدكتور قال. والله ربنا خرجني ليكو. وراح جاب ليهم الدوا.
وده ثمرة التوكل واللجوء الي الله.
يلا بقا يابنات استودعكم الله.
جاء الليل.
في بيت سميه.
سميه. يارب انت وكيلي. اختار لي اللي في الصالح.
ام سميه يلا ياحبيبتي. العريس بره.
سميه انا طالعه اهو
ام سميه. هي مش رؤيه شرعيه. لازم يشوف وشك
سميه بصراحه ياماما كل مااستخير احس بعدم راحه وطمانينه. وخديجه قالت. مش لازم ترفعي النقاب اول مرة بس لازم يشوفك. لو حسيتي. انك تقبلتيه ارفعي نقابك.
ام سميه. علي راحتك. ياحبيبتي. يلا بينا.
سميه طلعت متوترة. وخايفه. قعدت معاه وخالها وامها قعدو قصادها.
سامي باستغراب. ايه اللي عاملاه في نفسك ده. انا لو حد حكالي مكنتش صدقت.
سميه بجديه. حضرتك ده كرم من ربنا ليا. وانا فرحانه جدا. بكده
سامي. فرحانه وانتي بقيتي. زي. البلاك. كده. كلك في بعدك. فين سوما. اللي كان كله معجب بشياكتها.
سميه بجديه ندمت علي قعدتها معاه. حضرتك انا اسمي سميه. ولو قصدك علي سميه بتاعت زمان. اللي كان اللي اي حد. يبحلق فيها. وتعصي الله وتفتن شباب المسلمين. احب اعرفك انها ماتت بفضل الله وكرمه عليا ودي حاجه. متفرحنيش. ولا حتي اتشرف اني في يوم من الايام كنت سلعه رخيصه. لما تركت امور ديني. ومشيت ورا شهوات الدنيا.
سامي. بذهول. انا مش عارف مين عملك غسيل مخ. ايه ده. ايه اللي حصلك. خلاكي. رجعيه. بشكل ده.
سميه بجديه. انت عندك حق. انا بقيت رجعيه. لاني رجعت لكلام ربي وسبت. العصريه بتاعتكو. واظن اني كفايه كده لاني ملهاش لازمه. القاعده دي.
سامي. انا اصلا ماشي. كده كده مستحيل ارتبط بواحده. زيك. انا كنت مفكر هاجي الاقي البنت اللي هتباهي بيها قدام صحابي. مش. هبقي سخريه ليهم. ويفضلو يحفلو عليا.
سميه بجديه. طب. اتفضل روح جيب عروسه حلاوه فرح صحابك عليها. السلام عليكم.
خرجت سميه ودخلت اوضتها وفضلت تعيط مش عشان العريس لا عشان. بقي ده حال شباب كتير. بيتجوزو ويتباهو بجسم زوجاتهم وجمالهم. دول من امة محمد ازاي. انا مش مصدقه. ربنا يهديهم.
انتهي اليوم. خديجه. قعدت مع باسم وعيلته وجمعت الخدم وحكت ليهم. حكاية عمر بن الخطاب. الفاروق(. انتو ابحثو عنها يابنات. لاني الروايه. فاضل فيها حلقتين. ومش هينفع ازود الاحداث)
انتهي اليوم وبدا يوم جديد. وراحت خديجه. حضرت المحاضرة والنهارده قررت انها تمسك المايك. وتكلم بنات الدفعه كلها. واستاذنت. من العميد. وهو اذن ليها طبعا عارف. مين هي خديجه اكتر الكليه.
عارفين خديجه واخلاق والتزام خديجه.
خديجه بابتسامه. السلام عليكم ورحمة الله.
البنات بفرحه وفي منهم قامو.
خديجه بالله عليكو ماحد يقوم. انا نفسي كلكو تسمعو. مش هطول صدقوني يمكن. الترم خلاص هيخلص. وممكن مش تشوفوني تاني. استنو يابنات.
البنات. اتحرجو. راحو قاعدين تاني. واستغربو ليه خديجه بتقول كده.
خديجه حاسه اني في حاجه هتحصل ليها بس مش عارفه ايه.
خديجه بابتسامه. النهارده عايزه احيي قصة خبيب بن عدي. الصحابي الوحيد. اللي مات وهو مصلوب.
سيدنا خبيب بايع الرسول صل الله عليه وسلم في بيعة العقبه وشارك مع الرسول غزواته. المهم. النبي صل الله عليه وسلم. بعت خبيب ومعاه تسعه تاني من الصحابه يروحو يشوفو اخبار مكه.
خديجه بابتسامه. وكان اميرهم عاصم بن ثابت. الكفار عرفو. اني في ناس من اصحاب محمد. فضلو يدورو عليهم وعرفوهم من البلح لاني.كان من المدينه. بعتو 100رجل. يروحو يقتلو. اصحاب محمد.
الصحابه شافوهم جريو علي جبل عالي.
الكفار قالو انزلو. وليكم عندنا وعد اننا مش هنأذيكم. سيدنا عاصم. قال. انا لا اؤمن لوعد مشرك. ابدا. ورفض ينزل. فضلو يحاربوه بالسهام لحد مامات سابعه من اصحاب رسول الله. فضل. ابن الدثنه وخبيب وواحد تالت معاهم. المشركين. قالو ليكو عندنا عهد. فنزلو الصحابه التلاته ولما حسو بغدر. واحد منهم قال هلحق. اصحابي فضل يقاتلهم لحد ماقتلوه.
وربطو. خبيب وابن الدثنه وبعتوهم مكه. عشان اهل مكه ياخدو تارهم منهم. المشركين كانو بيتنافسو مين هيشتريهم كلهم عايزين ينتقمو منهم.بني الحارث. اخدو. خبيب. عشان ينتقمو منه.
سيدنا خبيب سلم امره لله. حبسوه. وفي يوم من الايام بنت الحارث داخله عليه لقته بياكل عنب جريت وزاعت الخبر وتقول. والله مافيش عنبه واحده في مكه كلها. اكيد العنب ده من عند الله.
فضلو يضغطو عليه انهم هيسيبوه بس يترك دين محمد وهو رفض. سامعين يابنات الاسلام. رفض يترك او يسب دينه بكلمه. ثبت علي الدين. مفكرشي في زوجته وعياله اللي سايبهم في المدينه كل همه. رضا الله.
حبو يضغطو علي اعصابه عرفوه. اني زيد بن الدثنه صاحبه. انقتل. وهو برده ثابت. جبل. من جبال. امة الاسلام.
زهقو منه. صلبوه قدام الناس كلها وفضلو يرمو عليه بالسهام والسيوف. وواحد منهم يقول ترضي اني يكون محمد مكانك. اتفزع وقال والله ماارضي اكون بين اهلي وعيالي ومحمد اصابته شوكه.
سفيان ساعتها كان مشرك سقف ايد علي ايد وقال مارايت احدا يحب احدا. كما يحب اصحاب محمد محمدا.
وانتو يابنات الاسلام ياامة محمد. اتحبون رسول الله. ترضو الكفار. يشمتو في رسول بسببنا. بسبب لبسنا وبسبب اننا بعدنا عن منهج الدين. هما ضحو عشان يوصلو للفردوس الاعلي. فضلو يحاربو لاخر لحظه في حياتهم. عشان عندهم هدف ياامة الاسلام. وانا وانتي مش نفسنا. نكون معاهم. فكرو صح. واشتغلو صح. عشان في الاخرة ماينفعشي الندم. اقول قولي هذا واستغفر الله العظيم لي ولكم. اسفه لو عطلت حد فيكم. السلام عليكم ورحمة الله.
روحت خديجه بيتها. دخلت بابتسامتها. السلام عليكم ورحمة الله.
ام باسم. وصحباتها وهما بيبصو علي خديجه باستغراب.وعليكم السلام ورحمة الله.
ام باسم. روحي غيري ياحبيبتي.
خديجه قبلت ايديها واستأذنت منهم وطلعت علي فوق.
صاحبة. ام باسم. هي مين دي. ياصافي.
ام باسم. دي مرات ابني
كلهم بصدمه. مرات مين.
ام باسم. مرات باسم. مالكو.
شاهي. لا عادي. بس انا مستغربه ازاي ابنك عايش مع دي ياعيني. ده انا خوفت من شكلها. اكيد خنقاه في عيشته.
ام باسم لسه هترد. اتصدمو من اللي شافوه.
ياتري شافو ايه. وايه اللي هيحصل لخديجه. وكمان سميه هتتجوز ماجد ولا لا. كل ده هنعرف الحلقتين اللي جايين ان شاء الله لانهم اخر حلقتين في الروايه وكل عام وانتم الي الله اقرب #بقلم جهاد سعيد
وقفنا المرة اللي فاتت لما صحاب. ام باسم. اتصدمو.
خديجه بابتسامه. مالكو كلكو بتبصولي كده ليه. هو انا فيا حاجه غلط.
رجاء بصدمه. مين دي ياصافي
ام باسم بضحك. دي مرات ابني خديجه. لسه قايله ليكو من شويه.
شاهي. بس هي كانت لابسه ايه من شويه. ودلوقتي. مش فاهمه حاجه.
خديجه بمرح. قصدك العفريته اللي كانت هنا من شويه. لا معرفهاش.
(خديجه لابسه عبايه استقبال جميله. جدا. ولونها فوشيا اللون اللي هي بتحبه وفرده شعرها.وجايباه علي جنب. وحطت ميكب خفيف. لانها.متعوده علي كده. )
خديجه. مش معني اني بلبس بره البيت. شوال فحم. زي ماناس كتير بتقول. يبقي جوه بيتي. ابقي معقده جوزي في عيشته. بالعكس. اكتر ناس تلاقيهم مهتمين جدا بشكلهم. ويحبو يظهرو زينتهم هما المنتقبات لانهم بره. بيخفو زينتهم. والمرأه مجبوله علي حب الزينه واظهار الزينه. يعني. المراه اللي بتحب تهتم بزينتها. بره تلاقيها مهمله. جدا. جوه بيتها لانها اهم حاجه عندها اني الناس يشوفوها جميله. مش مهم جوزها يمدح فيها ولا لا. زي مامهم الناس يقولو الشياكه والاناقه فيها.
البنت المنتقبه بتطلع كل الابداعات اللي جواها. قدام زوجها وفي بيتها. اما بره دايما بتطلع. من غير زينه. عشان ترضي ربنا.
شاهي بس ياحبيبتي كنت دايما اسمع مثل شعبي بيعجبني جدا. كلي اللي يعجبك. والبسي اللي يعجب الناس.
خديجه بابتسامه. ياطنط. ربنا قال وان تطع اكثر من في الارض يضلوك.
حضرتك بتقولي البس اللي يعجب الناس. لا ياطنط كلي اللي يعجبك والبسي اللي يرضي رب الناس.
من امتي واحنا بناخد دينا من الامثال. ربنا قال. (ياايها النبي قل لازاجك وبناتك ونساء المؤمنين يدنين عليهن من جلابيبهن. )
حضرتك بقا. هتسمعي كلام الناس. اللي يودي جهنم ولا تسمعي كلام رب الناس. لما ادخل القبر محدش من الناس هيدخل معايه. انا ميهمنيش. سخرية حد مني. لاني. يوم القيامه هقف قدامهم ونشوف مين هيسخر من مين ساعتها.
رجاء بحب. مرات ابنك زي القمر ياصافي.
ام باسم بفخر. ربنا يحميها ويبارك فيها. من يوم مادخلت بيتنا. والسعاده دخلت معاها. فعلا. اللي يختار علي اساس الدين. بيكسب سعادة الدنيا والاخرة
خديجه بخجل عن اذنكو.
ام باسم. اتفضلي ياحبيبتي.
شاهي بحب. بجد. مرات ابنك غيرت نظرتي لىمنتقبات اول مره اشوف منتقبه في بيتها. طول عمرنا نشوفهم بره. وحكمنا عليهم من المظهر الخارجي مكناش نعرف. انهم مش زي مااحنا مفكرين.
ام باسم. عمر ماكان الدين سبب لتعاسة حد بالعكس. اللي بيتمسك بدين ربنا بيكسب دنيتو واخرتو.
مشيو صحاب ام باسم.
خديجه طلعت تبكي لربها. خايفه قوي تكون. بتعمل كل ده رياء.
افتكرت سميه. مرنتشي عليها من امبارح.
خديجه بتتصل علي سميه.
سميه بحزن السلام عليكم.
خديجه بقلق وعليكم السلام ورحمة الله. مالك.
سميه حكت ليها كل حاجه حصلت.
خديجه بابتسامه. لعل الله يحدث بعد ذالك امرا. الحمد لله اني ربنا. بينو ليكي. من دلوقتي. كنت عايزاكي في موضوع.
سميه بجديه خير
خديجه. زوجي. جايبلك عريس. وقبل ماتتكلمي هو متقدملك من قبل مالاخ ده يتقدم وانا اجلت الموضوع لحد مااشوف هتعملي ايه. مع اخينا ده والحمد لله جت من عند ربنا. وهو نحسبه علي خير. وماشاء الله عليه.
سميه. مين ده.
خديجه صاحب زوجي.
سميه براحه. ربنا يقدم اللي في الخير.
خديجه بابتسامه يعني. باذن الله. هكلم زوجي. واعرفه انك موافقه تشوفيه.
سميه بابتسامه. ان شاء الله انا متاكده اني ربنا مش هيخذلني. ومش معني اني مريت بتجربه فاشله ابقي اكره. الزواج. احنا واثقين في اختيار ربنا.
خديجه ،اتاكدي من حاجه احنا بنشوف الوحش الاول عشان لما يرزقنا بالحلو. نعرف قيمته ونشكره من كل قلبنا علي النعمه دي
سميه بحسن ظن. ان شاء الله ربنا هيختار ليا اللي في الصالح.
جه ماجد واتقدم لسميه. وهي ارتاحت ليه جدا وهو ارتاح ليها وحس انها هتعينه اكتر واكتر علي طاعة ربنا. وبعد الاستخاره اتفقو علي كتب الكتاب بعد الامتحانات. خديجه فرحت جدا انها. هتفرح بصحباتها. وسميه مشيت بالضوابط وماجد فرح جدا. انها عملت كده لانه بحث كتير وعرف يعني ايه خطوبه بالضوابط الشرعيه.
تسريع في الاحداث
جه يوم العقد. وانكتب الكتاب وخديجه عملت. معاهم زي ماعملت في العقد بتاعها. ويمكن اكتر. وفضلت تدعو الي الله. وتتكلم عن الجنه ونعيمها والنار وعذابها وبعد كده اتكلمت علي نعمة الاسلام. وبعدها فضلت تهزر وتضحك. عشان ده فرح. وشغلو اناشيد وفضلو يغنو ويرقصو. وفضلت تتنطط من كتر الفرحه.
تسريع في الاحداث.
الترم التاني بدأ. والبنات قررو انهم هيشترو لبس جديد . وباسم قرر يروح يوصلهم وكمان خديجه عايزه تشتري لبس لدار الايتام. وتشتري ليهم اكل. وحجات. عشان تزورهم. هي متعوده علي كده. لاني النبي صل الله عليه وسلم قال انا وكافل اليتيم كهاتين. في الجنه واشار باصباعيه. الشريف.
هي كانت بتلم تبرعات اما دلوقتي بتاخد من فلوس جوزها. وكمان. كانت بطلع لدار واحده دلوقتي بقت بطلع. لكذا دار غير. المستشفيات.
خديجه. اخدتهم وفضلت تلعب مع الاطفال وياسمين اخدت خطيبها وسميه. كل واحد فيهم حس بالسعاده. وهما مع الايتام. وفرحو جدا انهم بيعملو عمل صالح. زي ده.
خلصو وكل واحده. هتركب مع خطيبها. وخديجه مع زوجها. باسم والشباب. راحو. يجيبو العربيات. وخديجه والبنات واقفين. خديجه بتبص لقت بنت سابت مامتها.بتنزل الحجات وبتعدي الشارع.
خديجه جريت. علي البنت دي وزقتها. والعربيه خبطت خديجه.وخديجه. وقعت علي الارض.
سميه وياسمين. فضلو واقفين ويصرخو باعلي صوتهم من المنظر. والناس وقفت واتلمت. باسم جري يشوف في ايه. اتصدم لما لقي اخته بتصرخ وتنادي
باعلي صوتها. خديييجه.
باسم جري. لقي الدم علي الارض والناس واقفين مش عارفين يعملو ايه.
باسم مصدوم حط راس خديجه علي رجله.
ماجد. بصريخ. هاتوووو اسعاف بسرعه. مش هينفع نشيلها
الاسعاف جت. وشالو خديجه وباسم لسه مش حاسس بالدنيا.
ماجد. فوووق ياباسم. الحق مراتك. فوق ياصاحبي واخده وركب العربيه وجريو ورا الاسعاف.
وصلو المستشفي والبنات حاضنين بعض. وبيعطو
وباسم واقف زي ماهو. مش فايق. وايديه وهدومه كلهم دم من خديجه.
ابوخديجه واخواتها وامها وصلو وابو باسم ومامته كلهم متجمعين. وكلهم بيبكو. ومنهارين. خايفين.
الدكاترة. بيجرو ينعشو فيها. وبيحاولو يعملو كل اللي يقدرو عليه.
ماجد. بيصرخ فووق بقاا. وبيهز فيه جامد. وباسم بيتردد في دماغه كلام خديجه.
لو مت هتعمل ايه. وفاة الرسول وموقف ابي بكر. فهم اني كانت حاسه انو هيجرالها حاجه. اوعي تعلق قلبك بغيرالله.
باسم بيصرخ.بدمووع وانهيار. لالالااااااااا خديجه يارب. لا. انا بحبك يارب. رجعها ليا. احميها يارب. متحرمنيش منها صدقني يارب. انا عارف انك مش هتوجع قلبي عليها.
باسم فضل يبكي لاول مرة. وانهار من شدة خوفه اني خديجه تموت.
اهل باسم وخديجه منهارين. من البكاء.
باسم جري. راح اتوضي. افتكر كلام خديجه. كل مايصيبك هم او كرب اعمل زي ماحبيبك النبي صل الله عليه وسلم كان بيعمل. افزع الي الصلاه وادعي بكل صدق. واتاكد اني الدعاء بيغير القدر. اوعي تطلب من مخلوق. ولا تبكي قدام مخلوق. اسجد لربك واشكي همك وصدقني ربنا مبيكسفشي عبد وقف علي بابه.
باسم دخل المسجد وفضل يصلي. ويقرء. وهو منهار.بدا بسورة العنكبوت هي دي اللي جت علي لسانه. واول لما قرء قوله تعالي. (احسب الناس. ان يتركو. ان يقولو امنا وهم لايفتنون)
افتكر كلام خديجه. لما قالت الابتلاء ده عشان ربنا يختبر صدق ايمانك. عرف انها رساله من ربنا ليه.
باسم فضل يبكي ويقول. يارب. انا مش هسيب بابك حتي لو اخدتها. عندك. يارب اوعدك هفضل واقف علي بابك. يارب انا بدعيلك ليس سخطا ولكن طمعا في كرمك. يارب. احفظهالي. يارب. اشفيها. يارب. كون معاها. يارب وكلتك شفاء زوجتي. يارب انقذها يارب. مفيش حد هيرجعها غيرك. فضل يبكي ويبكي.
انتهي من الصلاه قعد يذكر ربنا. خديجه دايما تقول ليه اترك الناس وروح لرب الناس وصدقني هو مش هيخذلك. ابدا. انت بس ادعي. واحسن الظن. بيه.
باسم مسح دموعه وراح وقف. قدام العنايه. مستني. خديجه تطلع ليه هو عنده حسن ظن بربه.
كلهم استغربو. بس فضلو يعيطو. قال ليهم بدل ماتفضلو تعيطو. روحو صلو وادعو ربنا يخرجها لينا بالسلامه.
باسم. لقي. كل الدكاترة داخلين. وبيبص لقاهم بيعملو ليها صدمات كهربا. غمض عنيه من المنظر. وسلم امره لله. وفضل يردد احسب الناس ان يتركو ان يقولو امنا وهم لا يفتنون. فضل يرددها والدكاترة بتعمل صدمات كهربا لخديجه. وباسم. نازل يرد. احسب الناس ان يتركو ان يقولو امنا وهم لايفتنون. رسالتك وصلت يارب. راضي. يارب. رسالتك وصلت يارب. رسالتك وصلت يارب. رسالتك وصلت يارب. الحمد لله الحمد لله. الحمد لله. انا راضي يارب.
ياسمين وسميه. انهارو. ياسمين اغمي عليها مش قادرة تستحمل اكتر من كده. وسميه مش مصدقه. فعلا الانسان. بيموت في لحظه. كل نفس ذائقة الموت.
سميه افتكرت كلام خديجه وانها السبب في اللي هي فيه. وافتكرت ضحك خديجه ورخامتها وهزارها وافتكرتها. لما كانت بتتكلم عن ربنا وتأثرها. وهي عنيها كلها شوق.
مني جت هي وخطيبها واهلها. ومنها انهارت
وشافت. خديجه. بيتعمل ليها صدمات كهربائييه. فضلت تردد. وان اصابتهم مصيبة قالو ان لله وان اليه راجعون. افتكرت. خديجه. لما قالت. لازم دايما نفتكر الرجوع الي الله. مني. خلاص. ياخديجه مش هتحضري فرحي. خلاص. مش هتزعقيلي لو مااشتغلتش في الدعوه الي الله. قومي ياخديجه قليلي. ايه يامني مش عايزه تكوني جند من جنود الله. قومي ياخديجه زعقيلي لو تركت القيام. قومي ياخديجه. هزري. معايه. قومي. قولي. انا مالي ومال التعليم. ياارب. اشفيها هي بين ايديك. يارب. اشهدك انها كانت نعم الصاحبه الصالحه ليا. يارب كانت بتعني دايما علي طاعتك. ردها الينا يارب بخير وسلامه.
مني. ولئن اصابتهم مصيبة قالو ان لله وان اليه راجعون. ان لله وان اليه راجعون.
كلهم زادو في البكاء. اكتر واكتر.
ام باسم افتكرت لما كانت بتسمع المسلسل. وخديجه نزلت وشافتها.
فلاش باك.
خديجه بابتسامه. السلام عليكم ياست الكل.
ام باسم بحب وعليكم السلام ورحمة الله وبركاته تعالي يادودو اقعدي اسمعي معايه.
خديجه. لاشكرا ياماما. انا مبسمعشي. الحجات دي.
ام باسم. باستغراب. هي حرام ولا انتي مبتحبيش تسمعيهم.
خديجه. لا هي حرام حرام حرام. ومش كده وبس ده بتدخل في الكبائر بسبب مشاهد بتيجي واحنا واخدين بالنا.
ام باسم بشهقه. كمان من الكبائر. ليه يعني.
خديجه بابتسامه انا قلت بتدخل في الكبائر ليه بقا لاني فيها مشاهد زنا والعياذ بالله. وكذب وحب محرم. واكتر من كده انا وانتي مأمورين بغض البصر وعدم الاختلاط بالرجال وكل ده بيبقي في الفيلم الواحد والمسلسل الواحد. غير القتل. اللي بيحصل فيهم. غير الافلام المقرفه اللي طالعه زي عبده موته والاشكال دي. غير انهم دايما بيسوءو سمعة الدين.
ام باسم. بصدمه. كل ده في مسلسل واحد او فيلم. بس احنا بنسمعه. لتسليه بس. ولا بستفاد منهم حاجه وبعدين هما اللي بيختلطو. وزنا ايه ده. كله تمثيل ياحبيبتي. يعني مش حقيقه.
خديجه بنفس الابتسامه. ياحبيبتي. يامامتي. مفيش حاجه اسمها بنتسلي. لاني يوم القيامه ناس هتقول لربنا. ان كنا نخوض ونلعب. ربنا رد عليهم. قل ابالله واياته كنتم تستهزؤن. يعني. الكلام ده مينفعشي نقولو قدام ربنا انا مش هسمع. الفجور دي واقول كنت بتسلي. عايزه تقضي وقتك بحاجه مباحه. او بقراءة عن السيرة. عندك حجات كتير جدا تقضي وقتك. من غير ماتعصي ربنا. وموضوع. ده تمثيل. اسفه علي اللي هقوله.
بس حضرتك. هجيب كاميرا. واصورك انتي وبابا. واقول تمثيل. لا وانتو زوج وزوجه. او اروح اجيب اي راجل واقعدو علي سرير مع اي ست واجيب كاميرا واقول ده تمثيل.
ام باسم بشهقه. لا طبعا. بس احنا مالنا.
خديجه. للاسف اللي بيشوف المنكر ومينكرهوش. ده بيبقي شريك معاهم في الذنب. مش تتفرجي عليهم وبسببك ياخدو ملايين. ويزيدو في الفجور اكتر. وبعدين حضرتك بتقولي مش بيأثرو. علينا وكله عارف انو تمثيل. لا هما عارفين بيعملو ايه. انا لما كنت بتفرج علي افلام ايام زمان واشوف. الملتلزمين. اللي هما جايبينها زي فيلم عادل امام وغيره وغيره. كنت بخاف جدا. من الالتزام. بسبب انهم متشددين بالطريقه دي. وبيتعاملو مع اهل بيتهم بالطريقه دي.
ولما ربنا رزقني الالتزام وعرفت يعني ايه حيات الملتزمين. عرفت انهم كدابين وبيشوهو سمعة الدين.
وللاسف مرة بتخانق ظع اخويه خناقه عاديه. لقيته بيقلي انتو كلكو كده. كرهتو الواحد في الدين. تفضلو تقولو لناس حرام وحلال وياريت بطبقوه علي نفسكو
انا اتصدمت. كلنا مين. انا متربيه. معاهم ومعرفشي حد غيرهم. وامتا كرهت حد في الدين. وامتا شاف عليا اني بقول حلال وحرام ومش بطبقه علي نفسي. عرفت اني اعداء الدين وصلو صورة رسالتهم صح. اني الناس تخاف من المدينين. اوعي ياماما تشاركيهم في هدم الدين اوعي يوم القيامه. يكون معاكي جبال من السيئات بسبب الناس دي. ربنا يهدينا ويهديهم. اوعي ياماما.
ام باسم. قفلت الشاشه وقالت مستحيل ارجع اعمل كبيرة زي دي تاني.
خديجه بسعاده. ربنا يرزقك الفردوس الاعلي من غير حساب ولا سابق عذاب. يبقي ادعيلي ياماما. كتير.
ام باسم بتحضن خديجه. حاضر ياحبيبة قلبي. يابنتي. ياللي. بطني مشلتكيش.
باك
ام باسم بدموع. ورجاء. وقلب بيتقطع. يارب كون معاها نجيها يارب. كانت السبب في قربي انا وعيالي ليك. رجع لينا النور اللي كان مالي بيتنا يارب. يارب. ابني هيموت من بعدها. يارب. هي مهنشي عليها تبعد ابن عن عين امه. يارب ياكريم. انا بحبك يارب نجيها. يارب رجعها لينا بالسلامه.
وفضلت تفتكر خديجه. ومواقف خديجه. والبيت اللي دخلت فيه السعاده من يوم ماعرفو خديجه. ابنها وبنتها. وهي وزوجها.
ابو باسم افتكر خديجه. وهزارها. افتكرها وهي قاعده معاه. وبتكلمه بكل ود واحترام. افتكرها وهي بتحكي ليهم قصص الصحابه وعنيها بتلمع. من شدة الشوق. افتكرها. وبكي من كل قلبه. افتكر. انها سبب سعادة ابنه. بص علي ابنه لقاه. واقف. هو حاسس بيه. متاكد اني بيتقطع. من جواه. ابنه منتظر. وعنده امل. يارب ظني بك.انك تشفي مرات ابني وترجعها لينا بالسلامه.
ابو خديجه واقف وساند علي الحيطه. مش مستوعب اني بنته جوه بتموت. يالله. افتكر لما كان يقلها نفسي افرح بيكي قبل مااموت. تقول ليه ياعالم مين اللي هيموت الاول.
يضحك يقول انا خلاص عجزت. اما انتي لسه شباب والعمر قدامك.
خديجه بابتسامه. يابابا. واذا جاء اجلهم لا يستاخرون ساعة ولا يستقدمون. يعني الموت بالاجل. مش بالصغير ولا بالكبير.
ربنا يطول في عمرك. وافرح بيكي واشوفك في بيت زوجك.
افتكر لما كان يدخل عليها في الثلث الاخير من الليل. يلاقيها ساجده وبتبكي. افتكر هزارها ولعبها. مع اخوها. افتكر كل مرة قعدت وفضلت تكلمه عن ربنا.
ام خديجه. مش قادرة. افتكرت كل مرة تكلم بنتها علي الزواج تقول ليها. ياامي الزواج رزق. زيه زي الموت. هو حد يقدر يهرب من الموت. قالت ولا حد يقدر يهرب من الرزق. يعني اطمني. رزقي جاي جاي.
افتكرت. كلامها. افتكرت كلام الناس عنها وانها عرفت تربي. افتكرت حضنها وحنانها. افتكرت كل حاجه. مرت من وهي طفله. افتكرت لما قررت تلبس النقاب وهي بنوته صغيره.
مرات اخوها. مصدومه. افتكرت لما خديجه كانت بتقول ليها. رحم الله فلان كان وكان وكان لايذكر الا الاعمال. عشان كده. دايما. اعملي خير. ومش ترميه في البحر لا حطيه في ميزان حسناتك.
عبد الرحمن. افتكر هزارهم وضربهم لبعض. وافتكر وهي بتنصحه انو يلتزم ويتقرب لربنا. اااااه.
وفجأه كلهم سمعو الدكاترة بيصرخو علي الممرضات. وزودو في الصدمات والقلب بيضعف.
كلهم فضلو واقفين ويدعو. وسميه ماستحملتش اكتر من كده واغمي عليها. وياسمين عطوها مهدء. وام خديجه وقعت هي كمان.
وباسم الدموع بتنزل وهو واقف وبيدعي من كل قلبه.
ان شاء الله الحلقه اللي جايه. هي الحلقه الاخيره.
مش هقدر اكتب اكتر من كده انا قلبي وجعني الصراحه. بس. الحياه مش دايما وردي. #بقلم جهاد سعيد
(دي اخر لقاء بيني وبينكم في رواية ملتزمه تزوجت من رجل اعمال. )
كلهم واقفين. وباسم. مستني. وافتكر كلمة خديجه. لما ربنا بيبتليني.بفتكر ياتري ايه الهديه اللي ربنا هيعطيها ليا بعد الابتلاء.
باسم ابتسم. وعرف اني اكيد في هديه. ورحمة ربنا. واسعه. ومش هيخذله.
الدكاترة. اتنهدو براحه. وواحد منهم طلع. كلهم جريو عليه. ماجد. طمنا يادكتور. وباسم واقف لسانه مش قادر يحركه. بس مستني. كلام الدكتور.
الدكتور بهدوء. الحمد لله. هي دلوقتي. عدت مرحلة الخطر بس هنسيبها. ،24ساعه في العنايه وبعد كده هتنتقل في اوضه عاديه. بس للاسف. باين عليها دخلت في غيبوبه بسبب الخبطه اللي في دماغها.
كلهم. فرحو اني ربنا نجي خديجه وعدت. مرحلة الخطر.
باسم ساب المستشفي ومشي. راح صلي لله شكر وفرح اني ربنا استجاب دعائه ومراته عدت مرحلة الخطر. وهو متاكد انها هترجع تاني. لاني ربنا كريم.
اتصل علي مدير الحسابات. وعمل مكفأه. لجميع العاملين شهرين. من غير مايقول السبب. عملها صدقة سر. وراح. اتبرع بمبالغ كبيرة في المستشفيات ولدار التحفيظ وكمان. مجالات الدعوه الي الله.
وفضل. يدعي ربنا. بالعمل الصالح ده. لانه افتكر خديجه. لما تكون في ابتلاء كبير او عايز حاجه من ربنا. من ضمن استجابة الدعاء. انك تعمل عمل صالح محدش يعرف بيه الا الله. وحكت ليه قصة. اصحاب الصخرة. (ابحثو عنها. التلاته اللي الصخرة اتفقلت عليهم )
خديجه دخلت في غيبوبه. وباسم كل يوم يقعد يحكي ليها قصه عن السيرة. هي كانت دايما بتقول متروحشي تبص لصحابك وتبص لناس وتقول كله بيعمل كده. لا روح بص في سيرة الصحابه وشوف كانو عايشين ازاي. وصدقني هتنكثف علي دمك اول ماتشوف حياتهم وحياتنا. ودول هيقفو معانا وهيعرضو امام الله. كل يوم يحكي ليها. قصه من كتاب رجال حول الرسول. ويحكي ليها من الصحابيات حول الرسول.
بعد مرور شهر
خديجه ابتدت تفوق. وبتبص. لقت. دكتوره واقفه قدامها. وهي لسه بتفوق. في نقابي. انا عايزه نقابي
الدكتورة فرحت جدا لماشافت خديجه فاقت.
الدكتورة. الحمد لله انتي. فوقتي. اخيرا.
خديجه بتحسس علي وشها. وتقول عايزه نقابي. فين النقاب.
الدكتورة اي حد بيفوق. بيقول انا فين. او بتسال عن حد من اهلها. وانتي بتسالي. علي نقابك.
خديجه. عايزه النقاب.
الدكتوره. هتلاقيه مع زوجك بره. دقيقه بس اكشف عليكي واروح اجبلك زوجك اللي هيموت بره. هو واهلك.
طلعت الدكتورة وبشرتهم اني خديجه. فاقت. كلهم دخلو يحضنو خديجه. ومش مصدقين. انها فاقت ورجعت تاني. .
باسم. واقف يبص. لخديجه ومش قادر يتلم علي اعصابه من شدة الفرحه.
خديجه بصت لباسم. وابتسمت ليه بضعف.
باسم. بكي قدام خديجه.
خديجه. بصت ليه. وهزت براسها. وابتسمت. وفهمته. بالاشارة انها مش هتستحمل تشوف دموعه.
الدكتورة ياجماعه. المريضه. كده هتتعب لسه طالعه من غيبوبه. سيبوها ترتاح شويه.
خديجه. بضعف. تعالي. ياباسم. ومسكت ايده واخدت الدوا ونامت تاني.
بعد مرور اسبوع.
خديجه قاعده بتضحك مع ياسمين وسميه. ومني فجأه. بنات منتقبات. دخلو. عليهم.
البنات السلام عليكم ورحمة الله.
خديجه والبنات باستغراب وعليكم السلام ورحمة الله وبركاته.
البنات رفعو النقاب. خديجه اتصدمت لانها افتكرتهم.
خديجه بصدمه وفرح بسم الله ماشاء الله. اللهم بارك. من امتي ده.
بنت منهم. كويس انك لسه فاكرانا.
خديجه بمرح. هو حد قال اني فقدت الذاكرة. دي كانت شاكة دبوس.
مني بضحك. كل ده وشكة دبوس.
بنت تانيه بابتسامه. مش قصدنا بس انتي كل يوم تقفي مع بنات شكل. فاستغربنا انك عرفتينا بسرعه.
خديجه بمرح. اينعم. انا بنسي الاشكال لانكو زي ماقلتو كل يوم اقف مع مجموعه شكل. بس انتو مش اي حد. ادتوني كثفه منظري كان وحش. وانتو بتطردوني بالذوق.
بنت منهم باحراج. بجد احنا مش متخيلين ازاي عملنا حاجه زي كده.
خديجه بحب. بس اللهم بارك عليكو. فرحتو قلبي. بيكو وكمان لابسين النقاب وعنيكو مش باينه ماشاء الله انا بقول مين دول. طلعتو انتو من امتي ده.
بنت. من بعد ماكلمتينا. يومها بصينا لبعض. وبصينا لنفسنا. وقررنا التغير قبل فوات الاوان. وقررنا اننا نروح دروس وحفظ القران بس مش حفظ بس. لاننا كده كده بنحفظ. لا تفسير كلام الله. والحمد لله بعدها باسبوع قررنا لبس النقاب واننا نتشبه بحجاب امهات المؤمنين. والحمد لله. بدانا نشتغل في الدعوه. وكمان كل واحده ماسكه مجموعة اطفال تحفظ فيها. وماشين. اللهم الثبات حتي الممات.
خديجه بدموع فرح اللهم بارك ياحفيدات عائشه وفاطمه. مبارك عليكو. يااحفاد الصحابه.
بعد مرور شهر ونص. امتحانات الترم التاني بدات. وخديجه. راحت الجامعه عشان تمتحن. باسم كان هو اللي بيوصلها. ويجيبها وكل شويه يطمن عليها. قبل اللجنه وبعد اللجنه.
خديجه بتكلم باسم. بمرح. ايه ياشيخ باسم. حاضر مش هضغط علي نفسي كتير. ومش هتوتر. حفظت التعليمات يافندم.
باسم بحب. ربنا معاكي. ويجعل ليكي. الصعب سهل. انتي وكل الطلبه.
خديجه بابتسامه. الله يحبك ياشيخ. ربنا يباركلي فيك ويحفظك.
باسم بغيظ. كفايه بقا كلمة شيخ دي. انا. حاسس اني اصغر من كده.
خديجه بحب. لا طبعا. انت اللهم بارك عليك. مش عشان ملتحي وكده. لا. عشان انت محفظ قران. اللهم بارك وداعيه اسلامي. وحاجه كده اللهم بارك. ياراجل. ده انا اخري قصتين. بحكيهم لناس. بقالي سنين. وانت من شهرين. وبقيت شغال في الدعوه. بره مصر وجوه مصر. يابختي بيك. يوم القيامه.
باسم اقفلي ياخديجه وادخلي اللجنه. وبطلي كلام.
خديجه بضحك. حاضر ياشيخ.
باسم بغيظ. اقفلي ولما تيجي بالسلامه باذن الله.
خديجه خلصت الامتحان اتفجات بسميه ومعاها بنات مختمرات وكمان منتقبات. وياسمين جايه معاها بنتين منتقبات. وحابين يتعرفو علي خديجه
سميه بسعاده. هما دول صحباتي. بتوع زمان ياخديجه.
خديجه باستغراب. صحبات مين.
سميه. اللي كنت لمشي معاهم زمان. والحمد لله رزقهم الله الالتزام. من اخر مرة اتكلمت معاهم فيها. وحابين يتعرفو عليكي.
وياسمين. بسعاده ودول برده. بنات اتصاحبنا علي بعض. واتكلمت معاهم لما نصحتيني اتكلم في الدعوه الي الله. وفجاوني النهارده انهم لبسو النقاب. وحبيت اجي ليكي. عشان يتعرفو عليكي.
خديجه مش مصدقه. ايه الجمال ده. اللهم بارك. عليكو. اجر الدعوه الي الله اجر عظيم. في الدنيا قبل الاخرة.
قعدت تتكلم معاهم. ووقفت. والبنات اتجمعو حواليها. وكلمتهم عن ربنا
بعد مرور عشر سنوات.
خديجه بتجري. ورا حازم . انت ياواد ياحازم تعالي يابني تعبتني هولد وانا في الخامس بسببك.
حازم بيجري ويضحك. علي مامته.
خديجه بصريخ. خالد. تعالي بسرعه
خالد جاي جري. نعم ياامي. مالك.
خديجه بضيق. امسكلي اخوك الله يعزك.
خالد بطاعه حاضر ياامي.
خالد.جري وشال اخوه وجابه لخديجه.
خديجه بابتسامه. روح ياحبيبي كمل. حفظ الورد وراجع. القديم لاني. ابي جاي النهارده. باذن الله. وهيختبركو.
خالد بابتسامه حاضر ياامي انا رايح اهو. اللهم بارك علي فاطمه اختي. ختمت قبلي.
خديجه بحب. وانت كمان ياحبيبي هتختم باذن الله بس اصدق الله يصدقك.
فاطمه بمرح. شبه مامتها جدا. خلقا وخلقا.
انا بفضل الله خلصت ياامي. هروح اشوف. طبخين ايه النهارده.
خديجه بضحك. انا معرفشي انتي طالعه مفجوعه كده لمين.
خالد. ضحك وطلع يكمل الحفظ.
وفاطمه دخلت علي المطبخ.
حمزه رجع من الحضانه. حضن مامته وفرحان. انو رجع تاني. لمامته حبيبته.
خديجه بسعاده حبيب قلبي. سمعت كلام المعلمه. او تكون عملت شقاوة.
حمزه لا ياامي. انا الحمد لله ماعملتش شقاوة خالص غير شويه صغيرين.
خديجه بضحك. ربنا يستر. في الشويه الصغيرين. انا مش عارفه طالعين اشقيه لمين. واحده مغجوعه. وانت واخوك. اللي قاعد علي رجلي ده. مشاغبين.
اللي طالع ليا هو خالد حبيبي هدوء وادب. ومحدش بيسمع ليه صوت.
حمزه بطفوله بس لابي ييجي ويسمعك. وانتي بتقولي كده.
خديجه ههههه لا انا عامله حسابي هو مش هيجي دلوقتي خليني اتكلم براحتي.
حمزه. طب انا هروح المطبخ. وانتي اتكلمي.
خديجه بذهول ايه العيال دي. طالعين بيحبو المطبخ اكتر مني.
اتصلت علي مامتها.
خديجه بمرح. السلام عليكم ياست الحبايب ياحبيبه.
ام خديجه. وعليكم السلام ورحمة الله. عامله ايه. والولاد. وحماك وحمامتك وجوزك.
خديجه بابتسامه بخير والحمد لله. حماتي وحمايه عند ياسمين. وجايين بليل ان شاء الله وعيالي بخير وجوزي. الحمد لله. زمانه جاي. من الشركه.
ام خديجه. لسه بيسافر برده.
خديجه بحب. الحمد لله كل شهر بيعمل سفريه كده
ام خديجه.بضيق انا خايفه ليعجبو واحده من بلاد بره. ويتجوزها ويسيبك. وانتي عامله زي الارنبه تحملي وتخلفي.
خديجه بضحك هههههه. ايه اللي بتقوليه ده ياماما.
ام خديجه. انا بتكلم بجد. متخلكيش واثقه فيه قوي الرجاله بيحبو يغيرو وهو حلو ومال وماشاء الله عليه.
خديجه بابتسامه. انا مش واثقه في زوجي. قد ماواثقه في ربي. انا وكلته امري. ووكلته حفظ زوجي. وهو اللهم بارك. احسبه علي خير ولا ازكيه علي الله. كفايه بكاءه. في الثلث الاخير من الليل. خشية من ربه. الزوج اللي يخاف من الله. وكل همه رضا الله. ده ماخافشي. منه ابدا.
ام خديجه بحب. ربنا يهديكو ويهدي سركو دايما. وتفضلو مع بعض. دنيا واخرة امال حازم فين مش سامعه ليه صوت.
خديجه بضحك. اخيرا نام. هو كان بيلعب وهو نايم بس مش عايز يستسلم لنوم.
ام خديجه. يلا بقا هقفل معاكي. روحي كلمي جوزك وشوفيه. واهتمي كده ليبص بره. اكيد كل البنات هتموت عليه.
خديجه بضحك. هتموت علي مين ياماما. انا اصلا قاعده معاه. عشان العيال. هو عجز. اصلا ومحدش هيبصله.
خديجه لقت حد ماسك. هدومها من ورا. رفعت ايديها باستسلام عارفه الماسكه دي.
خديجه بضحك. ههههه بنتك اتفقشت ياماما السلام عليكم عشان العجوز جه قصدي جوزي جه.
ام خديجه بضحك هههه تستاهلي. خليه. يظبطك.
خديجه قفلت الهاتف ولفت. ورافعه ايديها. اسفين ياصلاح.
باسم بغيظ. مين اللي عجوز ده. بتقولي عليا عجوز ياخديجه.
خديجه بضحك ده مش انا دي اختي مني. خلاص بقا ياشيخنا. اعتبرني عيله وغلطت.
باسم بغيظ وامتي هتكبري ياخديجه. عيالك كلهم ماعدا الواد خالد طالعين ليكي. قلت ماشي ده ابتلاء وهستحمل. بس تقولي عجوز. لا مش هسيبك الا لما اعلقك.
خديجه بضحك. طب ينفع عيالك يشوفو امهم متعلقه. وبرستيجي. يضيع قدامهم. عيب ياابو العيال.
باسم بيضحك علي منظر خديجه. انا مش عارف انتي مراتي ولا بنتي. بحس اني فاطمه. اعقل منك.
خديجه بابتسامه. انا بنوتك قبل مااكون زوجتك.
باسم ربنا يباركلي فيكي ويحفظك.
يلا بقا العيال هيقتحمو. المكان. زمانهم خلصو الاكل. قبل ماينطبخ.
باسم بضحك. هما هيجبوه من بره.
كلهم اتجمعو بالليل. وباسم سمع لاولاده. لاني دي مهمته يراجع ليهم كل شهر يعمل لهم اختبار.
باسم بحب. احسنتو يااولادي اللهم بارك عليكي. عايزين نعمل حفله علي قدنا. احتفالا بختم كتاب الله. لفاطمه. بس هأجلها لحد ماخالد يختم. عشان. تحتفلو مع بعض.
خالد بسعاده جزاك الله خيرا ياابي. انا كنت عارف. انك هتفرحني واوعدك باذن الله. اني هختم في اسرع وقت. عشان البسكو تاج الوقار انا كمان يوم القيامه.
خديجه بحب. ربنا يبارك فيكو ياحبايبي. اسعدتو قلبي. قومو بقا نامو عشان صلاة الفجر بأذن الله. ولا عايزين تكون كسلانين. قامت فاطمه. هي وخالد. وحمزه. قاعد
باسم بضحك. ايه ياحمزه انت معزوم غلط. مقومتش ليه.
حمزه. هو لازم يعني انام بدري. عادي. هقعد شويه. وبعد كده. هاكل لاني ماكلتش. كويس النهارده.
ام باسم وابو باسم. نزلو ضحك علي حفيدهم اللي لسه مكملشي الخمس سنوات.
باسم بضحك. شوفي ياستي. اهو توامك. في الاكل.
خديجه بتغمزبمرح لحمزه. احنا مش اتفقنا اني لما ينامو هندخل مع بعض.
باسم بضحك هههه وانا اقول بتروح فين دي.
خديجه بابتسامه. اطلع ياحمزه نام يلا بقا.
حمزه بضيق حاضر ياامي.
خديجه بتبص لحازم. طبعا انت اسهر براحتك محدش يقدر يتكلم.
ام باسم بسعاده. بس الله ماشاء الله علي تربيتكو. لولادكو.
ام باسم وابو باسم. طب احنا هنقوم بقا وهاتو حازم عشان هنيمو معانا. ونلعب بيه براحتنا.
خديجه بابتسامه اتفضلي ياامي. حزوم حبيبك اهو.
ام باسم تعالي ياروحي نلعب فوق ونسيب ماما.
طلعو وسابو باسم وخديجه.
باسم. انا عارف اني مقصر جدا معاكو. بس غصب عني.
خديجه باستغراب ليه بتقول كده.
باسم بجديه. شايله مسؤلية الاولاد. وحامل. وماشاء الله ربنا رزقنا. بخالد وفاطمه وحازم وحمزه. ورا بعض وكل ده. فوق دماغك. وكمان حامل. وماشاء الله. مش مقصرة في حد فيهم. وتربيتهم. لسه مكملوش التسع سنين وختمو القران. بجد. ربنا. يبارك فيكي ويسعدك. انتي نعمه الزوجه الصالحه. وكمان مفيش مرة اشتكيتي من كتر سفري. وعمري ماقصرتي في حقي. ولا عمري شوفتك الا بابتسامتك الا بتنسيني التعب كله.
خديجه بابتسامه. انت نازل تقول اشعار. ايه. ده. كل الكلام اللي انت بتقوله ده. وبعدين. انا ولا السيده خديجه. اللي كانت عمرها. خمسين سنه. وكان النبي صل الله عليه وسلم. بيروح يقعد يتعبد في الغار. وكان الغار ده فووق جبل كبير. لما نروح بأذن الله الحج هنشوفو. كانت السيده خديجه. بتطلع. كل يوم. ومعاها الاكل.لنبي صل الله عليه وسلم. وعلي فكرة ابناء النبي صل الله عليه وسلم. كلهم من خديجه. ماعدا سيدنا ابراهيم. وعمرها ماقالت لنبي.صل الله عليه وسلم. انت قصرت معايه لا كانت مربيه. عيالها افضل تربايه. بنتها فاطمه اللي كانت ريحانة رسول الله.
خديجه. ويوم مالوحي نزل علي النبي صل الله عليه وسلم. وكان. بيرتعش من كتر الخوف. اول ماجري جري علي زوجته فضلت تحضن فيه وتقول ليه. والله لن يخزيك الله ابدا. انك لتصل الرحم وتصدق الحديث وتحمل الكل وتكسب المعدوم وتقري الضيف وتعين علي نوائب الحق. فضلت تذكر ليه محاسنه. من اكرام الضيف والصدق والامانه وصلة الرحم. وغيره. من الصفات الحسنه. لحد مااطمن. وقلبه ارتاح بسبب كلام خديجه. اخدتو وراحت لابن عمها.
السيده خديجه. ربنا بشرها في الدنيا. ببيت في الجنه. بيت من قصب لاصخب فيه ولا نصب.
البيت ده مش بسبب انها اول واحده امنت برسول الله ولا حتي عشان انها ضحت بنفسها ومالها للاسلام ولا انها ام اولاد النبي صل الله عليه وسلم.
لا عشان. هي كانت. زوجه صالحه وام صالحه. عمرها مازعلت زوجها ابدا ودايما لما المشركين يشتموه ويرفضو دعوته كان يروح البيت. يلاقي حضن دافي ووش بشوش تفضل تمازح فيه لحد مايضحك. وتنسيه همه.
شالت مسؤلية. رقيه وزينب وفاطمه وام كلثوم. والقاسم وعبدالله. خلفت كل دول. وشالت مسؤليتهم اينعم الولاد ماتو وهما صغيرين الا اني هي. ربت بناتها احسن تربيه. مشتكتش مرة واحده من النبي صل الله عليه وسلم. عشان كده. ربنا بشرها بالبيت ده.
باسم بحب. الحمد لله حمد كثيرا طيبا مباركا فيه. اينعم درست في معهد اعداد دعاه وبقيت داعيه. بفضل الله. الا اني دايما احب اسمع السيرة منك.
خديجه بغيظ مصتنع. ماانا عارفه انك. اللهم بارك. يعني مش عايزين نحسد. بس. برده انا الاساس.
خديجه بتقوم يلا نقوم نصلي. وننام ورانا ميعاد مع ربنا.
بعد مرور شهرين. ختم خالد القران الكريم. وطبعا خديجه. كانت بتعرفهم معاني الايات وهما كانو بيطبقو علي نفسهم. زي ماسيدنا عمر والصحابه كانو بيعملو. خديجه قررت تعمل حافله عشان تفرح. عيالها. هديه ليهم لانهم حفظو كتاب الله واجتهدو. ودي حفلتهم في الدنيا ولسه ليهم حفله عظيمه يوم القيامه. وهما من اهل الله وخاصته. خديجه جمعت الاحباب ودعت ربها اني الحفله دي تكون سبب تشجيع امهات كتير انهم يحفظو ابناءهم لكتاب الله.
خديجه بسعاده وهي مجمعه النساء. السلام عليكم ورحمة الله. وحشتوني. كل واحده فيكو ليها غلاوة في قلبي اني احبكو في الله. حبيت. اعمل لاول مرة حفله لاولادي. بس مش حافلة عيد ميلاد. واتشبه باليهود والنصاري. لا انا بتشبه بصحابة رسول الله سيدنا عمر لما حفظ البقرة وال عمران دبح عجل وعزم الصحابه عليه. قد رزقني الله. بحفظ كتاب الله. عذرا. كتاب الله هو اللي يحفظنا. حبيت اشاركو فرحتي. والله ليس رياء ولا سمعه ولكن. عشان تكون سبب تشجيع ليكو. حفظو اولادكو كلام الله. بدل مايحفظو الكراتين. والمهرجنات. بدل ماتعلمو اولادكو اشتم بابا ياحبيبي علموه. بوس علي ايد بابا ياحبيبي. بدل. ماتعلموهم. اضرب اللي يضربك. علموهم. عايز تضربه في الدنيا وتاخد حقك. ماشي. بس لو عايز تاخد حقك منه في الاخرة حسنات كتير. يبقي كده ربنا هيحبك جدا لانك سامحت صاحبك. لانك عايز الجنه. ربو ولادكو علي القران والسنه. بدل ماتفرحو لما ابنك يتعلم انجليزي وتدخليه مدرسه لغات. افرحي لما. يحفظ كتاب الله. علمو ولادكو اني قدوتهم محمد رسول الله. صل الله عليه وسلم ومش قدوتهم. محمد رمضان. اولادكو هيكونو سبب نجاتكو او سبب دخولكو جهنم. اختارو. دول مسؤليه. هتتحاسبو عليها امام رب البريه. ياريت كلنا نقف واقفه مع نفسنا ونسال احنا ربينا ولادنا صح. ربو عيالكو علي الغيرة في الدين. من صغرهم يغارو علي دينهم. لو ام صلاح الدين ربت ابنها علي قناة مودي ومكي. مكانشي فتح فلسطين. ربو ولادكو عايزين ابطال. بس مش ابطال سينما والتيك توك لا عايزين صلاح الدين. تاني. عايزين. مسلمين بجد. هنتحاسب علي عدم مسؤليتنا دي. يارب اصلح اولادنا واولاد المسلمين واجعلهم عزة للاسلام. اقول قولي هذا واستغفر الله العظيم لي ولكم. يلا بقا نكمل احتفالنا.
ياسمين بحب. عارفه ياخديجه. انتي فكرتيني بايام الجامعه. وانتي بتتكلمي كده
خديجه بتذكر. فعلا الجامعه وحشتني قوي. ومني سافرت لزوجها ومش بشوفها الا كل سنتين او تلاته مرة.
سميه بقلك ياخديجه البنات حابين يتعرفو عليكي.
خديجه. بنات مين.
سميه. البنات عندي. في الجامعه. بالصدفه حكتلهم عنك وهما بقالهم فترة يلحو. انهم يشوفوكي ويتعرفو عليكي.
خديجه بتفتكر ايام الجامعه. حاضر هستاذن من زوجي وبأذن الله. هروح معاكي بكرة. الولاد في مدارسهم. وهسيب حازم مع. بابا وماما.
خديجه بتبص. لقت اولادها الاتنين واقفين علي المنصه اللي هما عاملينها.
فاطمه. الله عز وجل قال. (وقضي ربك الا تعبدو الا اياه وبالوالدين احسانا. ، ,,,,,)
ربنا رزقنا باجمل ام. واجمل اب. انا عارفه ياامي. انك دايما تقولي. عايزاكو تلبسوني تاج الوقار يوم القيامه.
خالد بحب. حبينا نلبسك. تاج بسيط في الدنيا ونكرمك هنا علي تعبك معانا وباذن الله ياامي. هنلبسك التاج الحقيقي يوم القيامه. ممكن حضرتك تتقبلي الهديه البسيطه دي من اولادك.
خديجه بدموع سعاده. ياااه ده شعورها في الدنيا فما بالك تحت ظل عرش الرحمان. هنيئا لكي ياخديجه يامن. قومتي الليل. ودعوتي الله ان يحفظ ابناءك. علمتي ابناء علي القران والسنه. ليس سهل ابدا في هذا الزمن ولكن ليس مستحيل. الله يصنع المعجزات.
لبست خديجه التاج. وحضنت اولادها والنساء فضلو يعيطو ويسقفو. من المشهد. ده. وخالد وحمزه وفاطمه. قبلو ايد امهم وحضنوها. وحازم جري عمل زيهم.
خديجه بسعاده. اللهم لك الحمد حتي ترضي ولك الحمد اذا رضيت.
انتهت الحفله. ونساء كتير عرفو يعني ايه. اربي اولادي صح. وانتهي اليوم. وخديجه استأذنت من زوجها وهو وافق. طبعا.
خديجه بتقبل ايد زوجها وبتقول ربنا يباركلي فيك. امبارح فرحت جدا من كل قلبي. وانا متاكده انك ورا فكرة التاج. فعلا شعور جميل حسيته. انا ماعملتش غير واجبي. ومعملتش حاجه زياده.
باسم. طبعا انتي اللي ربنا جعلك سبب في كل حاجه. في حياتي. كفايه لما كافر ربنا. يجعلني سبب في اسلامه وهو بينطق الشهاده قدامي. في المركز الاسلامي بفتكرك. وافتكر انك قاعده في بيتك والاجر بيوصل ليكي. ومش انا وبس. شوفي كام مرة كلمتي. ناس عن ربنا وكانت بداية فتح ليهم شوفي. ماجد هو وزوجته. عمله ايه. فتحو معهد وبيعلمو الناس العلم الشرعي. ومراته شغاله في الدعوه في كل مكان. بتسافر فيه. وهي اللهم بارك دكتورة في الجامعه. وياسمين. محفظة قران. وزوجها. داعي اسلامي. اللهم بارك عليهم. ممكن انتي مقلتيش كتير. او في الافضل منك في الفصاحه والعلم. ولكن ربنا. بينظر لقلب العبد وبيري الصدق. ربنا يجعله كله في ميزان حسناتك ياام عيالي. ورفيقتي للفردوس الاعلي باذن الله
خديجه بخوف. العبره بالخواتيم. خايفه قوي من اخر خمس دقايق قبل الموت. هما دول اللي هيحددو مصيري لاما لجنه او نار. اهم حاجه حسن الخاتمه انا خايفه قوي. سيدنا ابي بكر كان بيقول لا ائمن مكر الله. ان وضعت قدم في الجنه خايفه قوي.
باسم بحب. اللهم ارزقنا حسن الخاتمه عندك حق العبرة بالخواتيم.
الولاد نزلو قبلو علي ايد خديجه وباسم. وجريو لجدهم وجدتهم في الجنينه قبلو علي ايديهم. زي ماامهم علمتهم.
باسم وصل خديجه لكلية سميه وبعد كده راح شركته وقرر يعمل مفجاه لخديجه
سميه بسعاده. جبتلكو خديجه. مش عايزين كلام بقا يابنات. خديجه عايزه تقول ليكو كلمتين.
خديجه رفعت النقاب لانهم كلهم بنات. والشباب. خرجو.
خديجه بابتسامه. السلام عليكم ورحمة الله
البنات كلهم في صوت واحد. وعليكم السلام ورحمة الله
خديجه بابتسامه.
بنات كتير دخلو الجامعه وخرجو منها ماخدوش حسنه واحده. وفي بنات طلعو بجبال من السيئات بسبب نظرتها المحتقرة لفلانه وفلانه. ولكن في بنات كانو عارفين. هدفهم. مقالوش هنعمل ايه. كل واحد عارف الصح من الغلط.
اللي عايزه اوصلو يابنات. اني. وقت. هتعرفي تحققي هدفك فيه. هو وقت الجامعه. صدقوني لو مااستخدمتهوش صح. هتندمو عمركو كلو. محدش يقول هلتزم بعد لما اخلص جامعه مفيش واحده تقول هشتغل في الدعوه. بعد مااخلص جامعه. مفيش. واحده تقول هطلب علم بعد مااخلص الجامعه. وده لسببين.
السبب الاول. اني ماحدش ضامن عمره واكتر ناس ضاعت بسبب بكره هعمل. اللي قاتل مئة نفس لو اخر توبته خمس دقايق كان زمانه من اهل النار. البنت المتبرجه اللي صاحبتها. قالت ليها تعالي احضري معايه الدرس وفضلت تتكلم معاها لحد مااخدتها بعد ماالبنت سمعت الدرس حلفت انها مش هتخرج من المسجد الا محجبه وهي بتعدي الطريق ماتت. البنت دي لو كانت اخرت توبتها ساعه كانت بقت من اهل النار.
السبب التاني. لو لسه ليكو عمر علي الدنيا. بعد الجامعه يعني زواج واولاد ومسؤليه مابتخلصش. هتشيلي هم اصلاح نفسك ولا تشلي مسؤلية زوجك وعيالك. متفكريش اني الحياه الزوجيه. لعب. وخروجات وفسح الزواج مسؤليه. عارفين يعني ايه مسؤليه. ربنا سمي الزواج. ميثاق غليظ. لانه مسؤليه كبيره. صدقوني يابنات هتندمو لو ضيعتي الايام دي من غير ماتقربو من ربنا. وانتو يابنات. ياملتزمات مش هتلاقو مكان في الدعوه الي الله اجمل من هنا. ولا فرصه تعرفو تتكلمو فيها عن ربنا. افضل من هنا. في بنات. طلعت من الجامعه. والتزم علي ايديها ناس كتير بسبب انها. فكرت صح واتوكلت علي الله. واشتغلت بجد. وفي بنات. زي ماداخلت الجامعه خرجت لا فادت ولا استفادت. انتو عايزين تكونو مين. البنت اللي. عداد الحسنات لسه شغال لحد قيام الساعه. ولا البنت المكثوفه اللي تحضر محاضرتها وتنزل جري علي البيت. وربنا يهدي. وللاسف في بنات تكره الناس في الدين بسبب نظرتها اللي بتحتقر بيها. كلنا. عباد الله. وكلنا بنحب ربنا بس في واحده اخدت الخطوه والتانيه مستنيه اللي يزقها. يابنات. الدنيا ساعه. استخدموها في طاعه. يابنات الاسلام. كونو مسلمين قولا وفعلا اخرة الجري ورا الدنيا بيودي جهنم. واللي بيسعي للجنه بيشوف السعاده في الدنيا قبل الاخره.
اقول قولي هذا واستغفر الله العظيم لي ولكم.
سميه بتبص لخديجه وفرحت قوي. بيها. خديجه كانت سبب التزامها.
بعد مرور تلت سنوات.
خديجه. قاعده. وبتحفظ اولادها. والزهراء علي رجليها. وخديجه بنت ياسمين. بتسمع. لخديجه. وحفصه بنت سميه. قاعده بتراجع وردها. باسم دخل
باسم بابتسامه. السلام عليكم.
خديجه بابتسامه وعليكم السلام ورحمة الله
باسم بحب البنات عاملين معاكي ايه. انا بفضل الله سمعت. للولاد. ورجعت ليهم. بس. حازم. عايز شد اكتر من كده يادودو. تعبني لحد ماسمع
خديجه بضحك. انا بخاف منه الصراحه. الواد ده من صغره وهو مشاغب جدا. وبعدين انت بتراجع ليهم كل شهر مرة. امال انا اعمل ايه
باسم بحب. ربنا.يجعله في ميزان حسناتك ويرزقك الفردوس الاعلي من غير حساب ولا سابق عذاب عشان كده عملك مفجأة مكفاه ليكي.
خديجه بحماس. هي ايه.
باسم طلع التذاكر. وحطها قدام. خديجه.
خديجه بفرح ودموع انا مش مصدقه. هزرو بيت الله الحرام. اللهم لك الحمد.
وذهبو لبيت الله الحرام. وخديجه. وبعد كده راحو زارو المدينه. وخديجه قعدت وفضلت تكلم الناس عن ربنا. وفضلت تشتغل في الدعوه الي الله.
وباسم. فضل يكلم. العربي والاعجمي عن ربنا.
باسم وخديجه. ربنا يجمعنا مع النبي صل الله عليه وسلم في الفردوس الاعلي. ياااه. وحشتنا قوي يارسول الله.
باسم بدموع. انا مشتاق ليه قوي. نفسي اشوفه. واحضنه واقبل ايديه
وبكده اقول تم بحمد الله. انتهاء الروايه.كده فاضل الخاتمه وبكده هقول كل سنه وانتم الي الله اقرب.