الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم ملكوت الحب`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الأول .. الجزء الثاني .. الجزء الثالث .. الجزء الرابع ..
#ملكوت_الحب
#انثى_القمر
#الجزء_الأول
بضيعة صغيرة ربينا .. ولدنا و كبرنا فيها .. بمزرعة كبيرة .. بنينا بيت الأحلام .. بروح عليه كل مرة معاه .. و بسند راسي على حضنو .. بننتظر بعض بالثواني .. بنعاتب بعض .. اذا تأخر ثانية وحدة بس .. عشنا مع بعض احلا أيام العمر .. بس دائما الأيام الحلوة .. ما بتدوم .. لازم يجي شي و يعكر مزاجك الرايق ..
ملكوت الحب .. كلمة بتعني غير الحب .. اذا بتحبي .. بدك تتحملي كل معوقات الحياة .. يلي بتعاند الحب ..
اصحك تبكي .. اذا راح منك .. هاد غلط كبير بحقك .. و بحق دموعك .. لا تعطيه كل شي بدو إياه .. لأنه بيغدر فيكي .. و مو حيا الله غدرة .. بتضلي سنين و ليالي عم تموتي من القهر .. بس مو هون المشكلة ..
المشكة بتزعلي على أيام عمرك يلي ضاعت .. و انتي عم تنتظريه .. حتى يتحسن وضعو .. و تصيرو مع بعض ... الله لا يدوق هاد الشعور لحدا يا رب ..
نصيحة ــ احذري .. من ذلك العاشق الولهان .. الذي يوهمك بحببه لك (( و ربما يكون صادقا .. لكن الظروف قد جبرته ان يبتعد عنك .. )) اياك ايتها المرأة .. أن تهدري دمعة .. من اجل .. شخص .. قد ذهب وراء المال .. قائلا .. سأعود .. و احتمال عودته ضئيلة .. واحد بالمئة .. او اقل ..
مهند ( داليا .. الساعة .. 3 العصر بتكوني عم تنتظريني .. )
داليا ( من عيني اليمين قبل الشمال .. )
هبت نسمة خفيفة من الهوا .. حركت شعرها البني الفاتح .. و نزلت غرتها على وجها الناعم .. قرب ايدو .. و بعد هي الشعرة ..
مهند ( بحبك .. ) قالها و قلبه و قلبها عم يدقو لبعض .. ( عم انتظرك .. )
بعد عنها .. رجع لشغله المتعب المهلك .. مشان ياخد كم قرش .. يبني حياته و اكل لقمة حلال .. و هيي رجعت على بيتها ..
داليا ( مرحبا ماما .. لا تقومي .. )
امينة ( أ ــ هلــ ين بنــ ــ تي .. )
داليا ( ماما .. انا رح خلص شغلي و عندي مشوار .. عالساعة 3 تقريبا .. )
امينة ( وــ يــن .. بنــ ــ تي ؟ )
داليا ( على المزرعة ماما .. رايحة اقطف التفاح و البرتقال .. بتوصي شي .. ؟ )
امينة ( لـــ اء .. بنــ تي الــ ــ له ... يعــ ــ طيــ ــ كي ــ الــ عاــ فيــ ة ... )
داليا ( و يعافي قلبك يا قلبي .. ماما رايحة اشتغل .. خليكي بتختك .. ما تقومي .. ما تتعبي حالك يا قلبي .. )
امينة ( طــ يب .. )
رحت لأشتغل شغلي .. و عم اشطف ارض الديار ..و عم غني .. شي لنانسي عجرم .. شي ليارا ..
شو واثق بحالو .. شو قلبو قوي .. و قلبي من جمالو .. داااااايـــــــــــب مستوي .. لك يؤبرني جمالو .. شو بحبو .. الله يجمعني فيك يا رب .. عم اعشق انا .. عم اخلق من أول و جديد .. على اسمك انا .. عم البس خاتم بإيديي ..
اجت ماما بحركتها البطيئة .. عم تمشي على عكازتها .. ( مــــــاما ليه جاية لهون .. )
امينة ( لـ ــ مين هــ ــا د الــ كلــ ام ؟ )
داليا ( آه .. انا .. هيك يعني .. مو لحدا .. هاد يلي خطر على بالي .. )
امينة ( مـ تـ أكــ دة ؟ .. )
داليا .. متأكدة من حبي الو .. يا امي .. متأكدة انه الي .. الي انا و بس .. حكيت راسي .. لأنه هي كذبة .. ( أي طبعا ماما .. يلا حبيبتي .. قومي ارجعي على تختك .. بلا ما تتعبي .. )
امينة ( الــ ل ــ ه ــ يــ ستــ ر .. )
كملت شغلي ... كان الهوا عم يلعب فيني لعب .. فرحانة و مبسوطة .. خلصت شغلي على الساعة تنتين .. ( ماما انا خلصت شغلي .. )
امينة ( كلــ شي ؟ )
داليا ( أي ماما .. شطفت ارض الديار .. و مسحت الغرف .. و جليت الجلي .. ما عاد في شي .. )
امينة ( طـ يــب .. انــ تي ــ أيـــ متــ ا ــ مشــ وــ ارــك ؟ )
داليا ( الساعة تلاتة .. رايحة البس و جهز حالي .. )
امينة ( مــ ا تطــ ــولي ..)
داليا ( حاضر يا ست الكل .. انتي بتأمري .. )
امينة ( مــ ا يؤــ مر ــ علــ يــ كي ــ ظــ ا لــ ــ م )
داليا ( يلا ماما .. رايحة البس .. طيب .. )
رحت دور على شي ما شافو مهند عليي .. بس من كتر تيابي .. ما في غير هل الفستانين .. الزهري و الأسود .. يلي من عصر جد جدي .. آخخ .. الله يرزقنا يا رب .. ايمتا الدنيا بدها تفكر تحن علينا و ترزقنا شوي من مصرياتها .. طالعت بنطلوني الجينز .. لبسته .. و شفته انشق من طرفه .. يـــــــا ربي .. مو وقتك هلا .. اوف ياه .. جبت الخيط و الابرة و و جبت هالبنطلون .. و خيطت .. و من كتر تفكيري بمهند ... جرحت اصبعي .. يا الله على هالنهار .. الله يجيبك يا طولة البال ..
خلص البنطلون على خير .. و لبست و خلصت .. و بقي مكياجي .. فتحت الحمرة الزهرية .. ييي هي بتلبق الي كتير .. حطيت منها .. و اذ بتنكسر .. آمنت بالله على هالنهار .. حطيت من بواقي الحمرة .. و اجا دور الكحلة و المسكرة .. قلم الكحلة ما قدرت امسكو .. الا بالزور .. بس بالاخير زبط .. اجيت لحط المسكرة .. يييي كتير نشفانة .. يلا بلاها .. أصلا انا حلوة من دون هي حركات المجانين ..
سحبت شنتايتي .. ( ماميتي ..
للإ اشتراك بكروبات الإناث الكاتب محمود العبدالله*
*بنت بتبعتي صوط للإضافه ع كروب البنات➹🙋♀️🎻ۥ!0996878268 رقمي*
مع السلامة يا قلبي .. )
امينة ( مــ ــ ع ــ الــ سلــ ا ــ مــ ــ ة .ــ )
سكرت الباب وراي .. و عم امشي ..
أبو احمد ( شو داليا .. لشو كل هالزينة و الحلاوة .. )
داليا ( مالك دخل .. )
كملت طريقي .. على المزرعة .. و على بيتنا الأثري انا و مهند .. دقيت الباب .. ( مهند .. هي انا .. )
فتح مهند الباب .. ( اهلين بـ يلي نور البيت .. )
تيابو مبهدلة .. عليها اثر الشحوار .. من الشغل يلي بيشتغلو .. و هوي عم ينزل تحت السيارات .. ليصلحا .. و كل سيارة بتكون افخم من التانية ... و ما بنقدر نقول غير الله كريم ..
..........................................................................
الجزء الثاني ..
على السقف التعبان .. و الحيط المهدود و المرطب .. و الكنباية المقطعة .. قاعدين جنب بعض .. و أيدينا شابكينها ببعض .. خايفين نضيع عن بعض ..
مهند ( مستعد ادفع عمري كله .. مقابل بس اني ضل ماسك ايدك .. و مطلع بعيونك .. )
داليا ( و انا مستعدة ادفع عمري كله مقابل ضل بحضنك .. بتحبني مهند .. ؟ )
مهند ( ازعل منك وليك دبة .. شو رأيك .. ؟ )
داليا ( لاء .. هاد رأيي .. )
مهند ( بتعرفي شغلة .. لو كنتي رجال كنت ضربتك كف .. حتى لو كنت حبك .. )
داليا ( بس ما بتقدر ... لأنك بتحبني .. )
مهند ( أي طبعا .. الله يكسر ايدي الاتنيتين .. اذا جربت ارفع بس ايدي عليكي .. )
داليا ( لاء يوه .. بعيد الشر .. مهند .. )
مهند ( عيونو لمهند )
داليا ( وعدني .. )
مهند ( بشو .. )
داليا ( انك تضل معي طول العمر .. و ما تتخلى عني لو شو ما صار ... )
مهند ( وعد شرف .. اني ضل ماسك ايدك .. ما خاف و لا من حدا .. رح حارب مشان تكوني جنبي .. و انتي وعديني .. )
داليا ( بوعدك .. اني ما خلي حدا يفرق بيني و بينك .. و ما اسمح لحدا يمَسك بكلمة .. بحبك يا مجنون .. )
مهند ( و انا بحبك .. شو رأيك نمشي بالمزرعة .. )
داليا ( ييي ذكرتني انه بدي اقطف تفاح و برتقال .. مشان ماما تصدق .. )
مهند ( ايه و مين بدو يقطف .. )
داليا ( اطمن حبيبي انا .. عندك مراة قبضاية .. عن عشر رجال .. )
مهند ( يؤبرني أيـــــــــه .. امشي لشوف .. )
عم نتفتل بين شجر البرتقال و التفاح .. عم العب بين كل شجرة .. عم دور و افتل بينهن .. عم العب متل الصغار .. وصلنا على شجرة كبيرة .. مليانة تفاح كتير .. ( أي مهند .. يلا احملني حتى اقطف كم تفاحة .. )
مهند ( لا داليا .. انا بطلع .. ما بصير هاد شغل الرجال حبيبتي .. )
داليا ( ماا في داعي .. انت بس امسكني .. انتبه ما أوقع ها .. )
شمرت على اكتافي و طلعت على الشجرة شوي شوي .. بمساعدة مهند .. اقطف تفاحة و ارميله إياها ..
مهند ( لك ــــ حبيـــ ) عم ارمي التفاحات .. و في شي عم يجي على راس مهند .. عم اضحك على شكله .. كيف معصب عليي .. و عم يتوعدلي هههههههه .. ( بس انزلي يا داليا .. و انا بورجيكي .. عم تتسلي فيني .. )
داليا ( أي خود هي حبيبي ههههههههههههـــــ ) ما كملت ضحكتها .. و إلا .. ( مـــــــــــــــــــــــهند .. ) و صرخت باسمه .. انكسر الغصن .. و وقعت .. و عملوا متل الأفلام الهندية.. مسكها مهند بكل خفة و سرعة .. وقلبه عم يدق من خوفه عليها .. و قلبها عم يدق لإله ..
مسكها بين ايديه .. و حطها على الأرض .. نزل شعرها على خدها ... و باصبعتو بعدها عن وجها .. عم يطلعو ببعض .. متل الصغار .. و بعدين حكو ..
مهند ( بحبك .. كتير طالعة حلوة .. و خاصة بعد ما وقعتي .. )
داليا ( بعشقك .. و خاصة و انت عم تتطلع بعيوني هيك .. )
مهند ( بموت عليك .. و خاصة و انتي بهاد المنظر يلي بضحك هههههههههههههه ... )
داليا ( ليش شو فيو شكلي أستاذ مهند .. )
مهند ( طالعة بتجنني .. يلا قومي .. هاتي ايدك لساعدك .. )
مسكها من ايدها .. و ضمها على صدرو .. و غرز وجهو بشعرها .. ( ما تتخلي عني .. )
داليا ( ما تتخلى عني .. )
بعدت حالها عنو .. و جمعت التفاحات و مشيت حاملتن ..
مهند ( لك داليا .. هاتي هدول عنك . و الله تعبت عنك .. )
داليا ( ما بدي .. انا هيك مرتاحة .. )
مهند ( مو على كيفك .. حبيبتي .. )
داليا ( أي طيب .. خود اتفضل .. )
عطتن اياهن لأنه كتير نق عليها .. ( ييييي كيف شايلتيهن حبيبتي .. كتير تقال .. )
داليا ( ههههههههههههه .. لأني عن عشر رجال ههههههههههه ... )
مهند ( شو قصدك ولك زعرة .. تعي لشوف .. )
صارت تركض بين البساتين .. هربانة من مهند .. و هوي حامل التفاحات .. ( انا بورجيكي .. بس خليني وصل هدول ..و بتشوفي .. )
ابتسمت داليا هديك الابتسامة الشريرة .. ( أي اذاقدرت يا قلبي .. )
مهند ( ليش بقدر اعمل شي لهالوش الحلو .. يؤبرني .. )
داليا ( بعيدووو حبيبي .. )
..............................................................................
الجزء الثالث ..
امينة ( لــ يش ــ تأــ خرــ تي ؟ )
داليا ( ما تأخرت .. رحت بس ساعة و نص بالتمام .. ليش ماما شو في ؟ )
امينة ( مـــ اــ فــ ي شــ ي
للإ اشتراك بكروبات الإناث الكاتب محمود العبدالله*
*بنت بتبعتي صوط للإضافه ع كروب البنات➹🙋♀️🎻ۥ!0996878268 رقمي*
ــ و ـــ مهــ ند ــ شوـــ كـــ ان عـــ م يــ عمــ ل مــ عك ــ ؟ )
داليا ( عم يساعدني بحمل التفاحات .. كتر خيرو و الله ... )
امينة ( بــ س ــ هــ يك ؟ )
داليا ( أي ماما بس هيك .. يعني ما في شي رح يصير .. )
امينة ( ان ــ شـــ اء ــ الــ له ــ خــ ير )
رحت على غرفتي و شلحت تيابي .. و رحت على غرفة امي لأقعد معاها .. لأنه عم تصارع الموت .. شوي شوي .. حتى الكلام ما عم يطلع معها ..
داليا ( ماما اجيت لعندك .. )
امينة ( اــ هلا ـــ و ــ ســ هــ لا )
قعدنا مع بعض .. شربنا كاسة متة بتطير ضمنات العقل .. مع شوية بزرات .. كان الجو كتير حلو .. اشتهيت مهند يقعد معي هي القعدة .. نمت جنبها لأمي .. و حسيت بالدفا .. اخ على حضن الام .. ما في منو بالكرة الأرضية كلها ..
داليا ( ماما .. انا بحبك .. ما بتخيل حياتي من دونك .. )
امينة ( الــ له ــ يرـــ ضى ــ علــ يكي ــ يا ــ بنــ تي )
نمنا انا و إياها .. ضاممتها لأمي .. و ضاممتني ..
{ في بيت مهند }
مهند .. يا رب ترزقني .. يا رب .. تيسر امري .. و تجبر بخاطري .. و اقدر اتجوزها لداليا .. يا رب ما بدي شي تاني .. غير انه تجمعني انا و داليا بسقف واحد ..
نايم على الأرض .. متغطي بحرام ما بدفي .. عم يطلع على السقف .. يلي اذا نزلت حبة مطر ممكن يوقع .. عم يطلع على غرفته .. يلي مترين بمترين .. انا كيف بدي اتجوز .. ؟ كيف بدي ابني حالي .. ؟ يمكن لو كان معي شي كم قرش .. كنت قدرت .. كيف بيقولوا .. انه المصاري وسخ الدنيا .. و لا بس مشان يسكتونا نحني المعترين .. ليه الغني ما بيعطي شي من ماله للفقير .. بس هوي ما بيعمل هيك .. بالعكس .. بيسرق هل الكم قرش يلي عم يطالعو الفقير بعرق جبينو ..
مافي اصعب من انك تنام من دون اكل .. ما في اصعب من انه تسمع بطنك .. عم تناديك و تقلك طعميني .. و انت ما عم ترد عليها .. ما في اصعب من انه تتمنى امنية ..انه تنجمع انت و يلي بتعشقها بسقف واحد .. بنيت بيت .. الي و الها .. قربت خلص سقفه .. تاني نهار .. بصحى على صوت تكسير .. بطلع بشوف شو هاد يلي عم يتكسر فوق راسنا .. و اذ بيطلع بيتي .. يلي بنيت فيه كل حجرة و انا هلكان و تعبان .. بس مشان اتجوز .. و البلدية بكل بساطة .. بترد عليك .. هاد البيت مخالف للقانون .. هي اللحظة ما يمكن يتخيلها كم هيي صعبة الا يلي تعب فيه .. و اتعذب لحتى يحط كل حجرة فوق بعضها ..
ليه الدنيا مو عادلة .. ليه ما خليت الناس متوازنة بين بعضا .. سؤال .. بينطرح على بال كل شخص فقير و معتر .. ما عنده لقمة الأكل .. لأنه يلي عنده مصاري .. ما بفكر غير وين بدي اصرف هي المصاري .. يا ترا رح اصرفا اليوم على البنات .. ؟ و لا على الطلعات و الفوتات و السهرات .. ؟ او لا يمكن يغير رأيو . .و يصرفا على التياب .. لأنه ما بيصير يلبس البنطلون مرتين .. ييييه .. هاد بكون عيب ..
الحياة مرة .. بكل اشكالها .. و لازم تعاندها لهي الحياة .. مشان بس .. تقدر تضلل صامد .. لتكمل حياتك التعيسة ..
غفيت و انا عم فكر .. و ما فقت الا لتاني يوم .. متأخر على شغلي .. قمت بسرعة .. اكلت زيتونة .. و طلعت .. لابس تياب الشغل يلي تعبت من كتر الشغل و الغسيل .. مريت لعند داليا متل كل يوم .. دقيت الباب دقة خفيفة .. و قبل ما خلص الدقة التانية .. كانت فاتحة .. و هيي زعلانة و مقهورة ..
داليا ( ليش اتأخرت عليي .. ؟ )
مهند ( و الله ما انتبهت للساعة .. اخدني النوم .. بس يا داليا حلمت الك حلم كتير حلو .. بس لأرجع بقلك إياه .. شو وين سندويشاتي .. ؟ )
داليا ( رح سامحك هي المرة .. خود حبيبي .. هي سندويشة زيت و زعتر .. و هي سندويشة جبنة و مربى الفريز .. المربى شغلي .. )
مهند ( يييي يسلمولي الأنامل يلي عملت السندويشات .. { مسك ايدها و باسها .. } و تسلملي صاحبة هي الأنامل .. يلا حبيبتي .. اتأخرت على شغلي .. بشوفك المسا .. )
داليا ( طيب .. بس لا تنسى تحكيني ..)
مهند ( من عيوني آنسة داليا .. )
داليا ( الله يوفقك و يحميك .. و يبعتلك أولاد الحلال يلي يسرو قلبك و خاطرك يا رب .. )
مهند ( يلا داليا .. ادخلي لجوا .. )
داليا ( حاضر حبيبي .. )
سكرت الباب .. و بكيِت .. ايمتا انا بدي صير على اسمو .. هي السنة الرابعة .. اربع سنين عم نحب بعض .. ايمتا الدنيا بدها تفكر تحن علينا .. و تخلينا مع بعض .. ايمتا يا رب ..
مهند ... ( يا الله يا فتاح يا كريم يا رزاق يا كريم .. )
أبو عبدو ( صباح الخير يا جار .. متأخر اليوم .. )
مهند ( ههه .. راحت عليي نومة يا أبو عبدو .. )
أبو عبدو .. ( أي لكن لحق للزباين )
دقيت لداليا .. حتى طمنها على حالي .. ( مرحبا يا قطة . اشتقتلك .. )
داليا ( اهلين حبيبي .. لسا ما صرلك عشر دقايق تاركني .. هيك دغري اشتقتلي .. )
مهند ( لك انا بشتقلك بكل دقيقة .. , بكل ثانية .. و بكل لحظة .. )
داليا ( حبك انا .. يلا مهند سكر .. ماما عم تناديني .. )
مهند ( ديري بالك على حالك .. )
داليا ( و انت كمان .. )
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`