الفصل 4
اسير ذكراه
الفصل 4
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *اسيرة.الذاكرة.tt*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بعد ما تركتني ام وليد بالمصلى لحالي صرت أدعي وابكي فجأة ذاكرتي وقفتني عند شي مهم كتير حطيت ايدي عتمي
زهرة. لاء مستحيل يالله
مسكت هاتفي وانا عم ارجف وبعتت لأيهم
زهرة. الو مرحبا ايهم
ايهم. اهلين شو بدك!
زهرة. ايهم بترجاك ساعدني هلق بدي شوف مصعب لساتو عندك مو هيك
ايهم. شووو!
شو بدك منو؟!
زهرة. الله يوفقك ضروري كتير
ايهم. طيب طيب ماشي تعي شوفي
زهرة. جاية
لبست تيابي وصرت اركض لوصلت عبيت ايهم دقيت الباب وفتحلي ايهم
جولينار. مرحبا
ايهم. اهلين شو أسمك
(تطلعت بعيونو) جولينار. أسمي جولينار
(مد أيدو) ايهم. اتشرفنا بمعرفتك
(بضيق) جولينار. ألي الشرف ممكن فوت
ايهم. اتفضلي مصعب تحت
نزلت لتحت وهو سكر الباب ولحقني فتحت باب المخزن ما لقيتو حطيت ايدي عتمي وشهقت ايهم
(أشرلي بأيدو ) ايهم. مو هون هناك
بالنسبة ألي كان شي غريب انو لاقي بغرفة معزز مكرم يعني تغير الوضع من هديك المرة
مصعب. خير شو بدك ليش رجعتي لا تحلمو اعترف بشي
جولينار. انت كيف ما استغربت لما شفتني هديك المرة
مصعب. ههه لاني ببساطة سمعت اصواتكون انتي وهاد وعرفت انك فاقدة للذاكرة بس ما مشت عليكي اللعبة اني ابو لهاد
جولينار. ليش عملت فيني هيك؟
مصعب. لا تعذبي حالك قلتلك ما رح اعترف بشي
ايهم. هادا الحكي كان زمان بس لو دخلنا سارة بنتك عالخط يمكن تعترف
(فتح هاتفو وصوبو بأتجاه مصعب) ايهم. رجالي هلق قدام بيتها
مصعب. يا كلاب انا بفرجيكون والله لتندمو
ايهم. حاج تلبط متل التيس لو مانك قد ابي كان خليتك تندم عالساعة الي ولدت فيها وصارع راسي رجالك ورجالك كلايتون باعوك بشوية مصاري
مصعب. انا بفرجيكون يا كلاب
ايهم. اي خلص صرعتنا رح افتح كميرة التسجيل وبدك تعترف بكل شي متل الأدمي
(قاطعتو) جولينار. ايهم معلش بعدين هلق مو وقتو معي اوراق بتخرب بيتو هو ومعلمو
(قربت من مصعب). كل هالحكي ما بيهمني بنتي وينا بنتي؟؟
(صار يضحك بهستيريا) مصعب. هههههه هههههه بنتك عنجد صدق فراس بيك لما قال عنك هبلة
جولينار. ششو يعني
مصعب. هههههه يعني بنتك يا مدام الله يرحمها ماتتتت ماتت بالبحر لما كان بدو يهربها عاليونان قلتيلو لفراس بيك شرطك لتسكتي ناخدك لعند بنتك بس طلع ما ألك بالطيب نصيب هههههههه
جولينار. سكوت سكوت خراس خلصص...#يتبع
#أسيرة_الذاكرة_بقلم_رومانتيكا
الجزء التاسع..........
وتعلم أن ذنبك الوحيد هو أنقاذ جسدي من الموت لما لم تدعه يرقد بسلام فقد مضى وقتٌ طويل على موتي وجسدي ما زال يحيى !!
#Romantika
_________
(مسكت قميص أيهم وصرت شدو بقوة) جولينار. ليش أنقذتني ليش ليش؟؟
لك انا كنت عايشة بجحيم ليش ما خليتني موت ليش لك حتى عالموت حاسديني؟!
صرت اركض واوقع لحتى وصلت عالفيلا كان المشوار طويل طويل كتير بهاللحظة كنت عم بتمنى تجي سيارة وتدعسني وموت لاء ما بقى بدي افقد ذاكرتي مرة تانية لانو رح ترجع بدي موت بدي موت
(بصوت عالي) ام وليد. خلصنا بقا حاج تصرخي استغفري ربك مو انتي بتحددي ايمتا بتموتي
استغفرت ربي وحسيت حالي وعيت على صوت ام وليد فعلاً الله لما بيقدر بيلطف واجتني ام وليد على هيئة لطف من رب العالمين
طلعت على غرفتي صليت ركعتين وقرأت قرآن لحتى ارتحت غبت عن شغلي شهرين بهي الفترة ارتجعت لربي كتير طبعاً كلو بفضل ام وليد الي كانت بمثابة الام الروحية لألي والي اصرت عليي ابقا ببيتا بعد ما حكيتلا قصتي و كل شي صار معي صرت ميز بين الصح والغلط وكأني وعيت عالدنيي هلق
كان ايهم يجي ويطمن عليي كل فترة وبعدين قررت ارجع داوم بشغلي لبست واجيت لأطلع تطلعت على شكلي بالمراية حسيت في شي مو زابط حسيت لبسي كلو مو زابط
رحت على غرفة ام وليد ودقيت الباب
ام وليد. ادخل
جولينار. صباح الخير خالتي
ام وليد. اهلين بنتي صباح النور
(تطلعت عالأرض بخجل) جولينار. بدي شي ساتر وبددي حجاب عندك
(فتحت خزانتها وطالعت فستان اسود وشال ابيض) ام وليد. في هاد كان لحفيدتي اختو لأيهم قبل ما تسافر
لبست الفستان ولفتلي ام وليد الشال
ام وليد. اللهم صلي عالنبي ملاك
جولينار. بتشكرك خالتي
ام وليد. الله يثبتك يا بنتي الله معك
اخدت تكسي ورحت على شغلي لاول مرة بنتبه علبس الموظفات الي ما اختلطت معهون من اول ما اشتغلت كان كلو قصير ومشلح وبيلفت النظر انا بعترف انو ما كنت البس شي ساتر بس كل تيابي ما بيلفتو النظر ومو مشلحين هيك سلمت وفتت حسيت الصدمة بعيون الكل اول ما شافوني
نجلا. زهرة يي انتي تحجبتي ان شاء الله الف مبروك لباس التقى
جولينار. الله يبارك فيكي حبيبتي عقبالك بس اسمي جولينار
(تطلعت عليي بأستغراب)
(ابتسمت ابتسامة ناعمة) جولينار. لا تخافي انا نفسا زهرة بس اسمي الحقيقي جولينار
(ابتسمت) نجلا. اها هلق فهمت جولينار
(برمت بوزا وبنشافة) جولي. مبروك
(بأبتسامة مسطنعة) جولينار. الله يبارك فيكي حبيبتي
وصلت عند مكتب أيهم دقيت الباب ودخلت كان حاطط راسو بالأوراق وما عاطي اي اهتمام لحدا
جولينار. صباح الخير استاز
(رفع راسو عن الأوراق بأستغراب) ايهم. ززهرة ققصدي جولينار
جولينار. اي ليش مستغرب
ايهم. مبروك الحجاب
جولينار. الله يبارك فيك اي شوفي اوراق لليوم
ايهم. خدي هي الأوراق مافي داعي وصيكي
(هزيت براسي) جولينار. اكيد
(درت وجهي لأطلع قاطعني ايهم) ايهم. بالمناسبة مصعب صار بالسجن اعترف بكل شي مقابل ما نعمل شي لبنتو
جولينار. بالمناسبة عندي اوراق تخرب بيتو وبيت الأكبر منو بكتير
(بأستغراب) ايهم. مين الأكبر منو بكتير
جولينار. معلش نحكي برا الشركة بحس هون كلون اذان صاغية
ايهم. طيب بشوفك بعد الدوام ببيت ستي
(هزيت براسي) جولينار. اوك عن اذنك
اخدت الأوراق ورحت على مكتبي كنت مركزة فيهون كتير منيح فجأة لقيت في شي غريب اخدتون ورحت لعند ايهم بسرعة دقيت الباب وفتت
جولينار. استاز ايهم هون في شي غريب
(انتبه عليي بتركيز وهزلي راسو لتابع) جولينار. استاز انت قرأت قانون العقوبات
ايهم. كيف يعني شوفي
(حطيت الأوراق بأتجاهو وأشرت بالقلم ) جولينار. استاز هون المجرم عم يقول انو قتل شخص من غير عمد ونسجن 10 شهور ومن المستحيل بقانون العقوبات لهيك جريمة اقل من سنة يعني في شي غلط
يعني هون في لغز وواحد من 3 اقتراحات ممكن يكون صح انو المجرم عم يكذب او القاضي بيشتغل بالواسطة او انو يكون طالع اعفاء عام
(تطلع عليي بأعجاب) ايهم. انتي دارسة حقوق
جولينار. عالأغلب
ايهم. بس ليكي ما فينا نحكم عهيك شي بهالسهولة
جولينار. انا برأيي لازم تعمل تحقيق وما تهملو
ايهم. بتشكرك كتير ما غلطت اني وظفتك هون
(هزيت براسي) جولينار. عن اذنك
بعد ما طلعت من مكتبو كنت عم برجف حطيت ايدي عقلبي (اهدا ...اهدا خلص حاج)
فتت عمكتبي ورجعت عشغلي بعد شوي اندق الباب
جولينار. ادخل
نجلا. أسفة قاطعتك بس صار وقت الأستراحة تعي نزلي معنا عالكفتيريا نحنا والصبايا مشان نشرب قهوة
جولينار. حبيبتي ما بدي ازعجكون خلص شربو من دوني عندي شوية شغل
نجلا. يالله ولو تعي بعد الاستراحة بتكملي شغلك
جولينار. طيب يالله جاية
تركت كل شي من ايدي ونزلت معها ونحنا عم نطلب قهوة واجهنا ايهم طلب 3 قهوة وحط فنجانين قدامنا
ايهم. اتفضلو
جولينار. شكراً استاذ ايهم ما كان في داعي
(بأبتسامة) نجلا. شكراً استاذ
(تطلع عليي) ايهم. لا توقفو بالزحمة
(اخد فنجانو القهوة و كمل طريقو)
(بصوت واطي)نجلاً. كأنو متخانقين
(حاولت اتفادا الموقف) جولينار. لا شو هالحكي وين الصبايا
نجلا. ما بعرف هلق بيجو خلينا نقعد عهديك الطاولة
جولينار. يالله
(شربت رشفة من فنجانا القهوة وتطلعت عليي) نجلا. اي ما قلتيلي كيف تعرفتو عبعضكون انتي والاستاذ ايهم
جولينار. هو انقذني من الغرق وساعدني حتى رجعتلي الذاكرة
نجلا. يي كنتي فاقدة الذاكرة
جولينار. اي مشان هيك الي اسمين
نجلا. يي عنجد ما كنت بعرف يعني ايهم سماكي زهرة
(هزيت براسي) جولينار. اي
نجلا. يي شوفي مين عم يطلع علينا
(لفيت راسي لقيت ايهم قاعد مع وائل وفؤاد وعم يطلع عليي عالسكت) جولينار. عملي حالك مو منتبهة وكملي حكيك معي عادي
نجلا. العما ما اوقحها غيرانة منك على فكرة
جولينار. آااه مين قصدك
نجلا. مين غيرا جولي غيرانة منك ليش صرتي خطيبة الاستاذ ايهم
جولينار. انسي هي اجو الصبايا
راما وتهاني. مرحبا
جولينار. اهلين
راما. انتي الموظفة الجديدة مو هيك
جولينار. اي مزبوط
تهاني. بس كأني شفتك بلا حجاب
جولينار. هههه اي مزبوط اليوم تحجبت
راما. عنجد الف مبروك
تهاني. مبروك
راما. بنات سمعتو قال الاستاز ايهم عامل رحلة جماعية لكل موظفين القسم
نجلا. شو هالحكي
تهاني. هلق سمعنا من وائل وفؤاد قال بدو يانا نتدرب بالطبيعة وجايين متدربين جدد بدو يفرجيهون عطبيعة شغلنا وياخدنا نشاطة وعلى هوا ما فهمت انو فؤاد الي مقترح هاد الأقتراح
نجلا. يايي عنجد
راما. اي وسمعنا في تخييم كمان
(ونحنا عم نحكي قاطعنا فؤاد وجمبو وائل) فؤاد. صبايا في رحلة بالقسم
(عكفت حواجبي وتطلعت في) جولينار. وعليكم السلام فؤاد
(حمرو خدودو من الخجل) فؤاد. يي نسينا نسلم من العجلة
(ابتسمت)جولينار. عكلن منعرف انو في رحلة
فؤاد. ماشاء الله عليكن انتو البنات اسرع من الجزيرة والعربية بنقل الاخبار
وائل. اي وشو قررتو رح تروح
جولينار. لسا ما قررنا
(تطلع عراما بخجل) وائل. راما رح تروحي
راما. يمكن مو اكيد
(هز براسو) وائل. اهاا يالله صبايا عن اذنكون
(بعد ما راحو تطلعت براما وغمزتا) جولينار. شوو!
راما. شوو
جولينار. شو شوو!!
الكل اتطلع براما وصارو يضحكو
راما. ليه نيتكون عاطلة يعني هو سؤال عادي لا تكبرو القصة
تهاني. امم قلتيلنا لكن سؤال عادي ليش ما قال مثلاً نجلا رايحة ليش راما
نجلا. جولينار انا برأيي تزبطيلا وضعا بما انو ابن عم خطيبك
جولينار. ههههه تكرمي
بعد ما مزحنا وضحكنا انا والبنات خلصت الأستراحة وكل واحد رجع عشغلو لخلص الدوام وانا عم ضب الاوراق من مكتبي ايهم دق الباب ودخل لعندي
ايهم. خلص الدوام
جولينار. شو يعني انا ما قلتلك رح ارجع لحالي
ايهم. بس اتفقنا نحكي بعد الدوام وبالسيارة احسن من البيت
مشينا جمب بعض بالممر كان فاضي وتنيناتنا كنا ساكتين حتى هو حكى
ايهم. رح تروحي عالرحلة
جولينار. لاء
ايهم. ليش
جولينار. لاني تعبانة
(مسك معصم ايدي وتطلع عليي)ايهم. بس ما فيكي شي
(تطلعت في بحزم) جولينار. بدك تعرف ليش ما بدي روح
(هزلي براسو). لإنك انت رايح
تابعت مشي وهو مشي ورايي لوصلنا عالسيارة
عالطريق...
ايهم. اي ما قلتيلي مين الي اكبر من ايهم
جولينار. زوجي
ايهم. زوجك؟!.....#يتبع
العاشر+الحادي عشر+ الثاني عشر
#أسيرة_الذاكرة_بقلم_رومانتيكا
الجزء العاشر..........
وسقطت عبرة من مقلتيها فكانت المجرم ،القاضي والضحية الوحيد في القصة
#Romantika
_________
ايهم. اي ما قلتيلي مين الأكبر من مصعب؟
جولينار. زوجي
ايهم. زوجك؟!
جولينار. زوجي السابق
(تنهد براحة) ايهم. كيف؟!
جولينار. كان رجل مافيا واستاز موسيقى بنفس الوقت ومن اكبر رجالو مصعب كان اي حدا بدو يقتل شخص او يخلص منو يتوجهلون ومصعب كان متورط بتهريب البضاعة الوسخة متل ما بعرف اكتشفت هاد الشي بأول شهر من زواجي لما كان يتردد لعنا مصعب كتير وفراس يقفل عليي الباب اول ما يجي
ايهم. اي شو صار بعدين
جولينار. لما شكيت بتحركات فراس الغير طبيعية وتقلب مزاجو ومكالماتو الملغومة ومن زيارات مصعب الكتيرة صرت الحق ايهم بعد ما يطلع من البيت
(بأستغراب) ايهم. اي
جولينار. سجلتلون مقطع فيديو وهو عم يحكي مع عصابتو وقدرت احصل عسجلات العصابة كاملة من دون ما يشك فيني
ايهم. واجهتي فيهون؟!
جولينار. بالفترة الي كنت عم ببحث فيها كنت حامل وبعد ما خبر بحملي خف ضربو لألي كتير
ايهم. كان يضربك
(هزيت براسي) جولينار. بعد ما ولدت بسمة كنت مجمعة كتير معلومات ضدو وطلبت منو الطلاق
(دمعت عيوني). ويا ريتني ما طلبتو
ايهم. لا تبكي بترجاكي
(مسحت دمعتي بطرف ايدي وتابعت) جولينار. قلي انو بيحبني ومستحيل يوافق عالطلاق ووعدني ما يأذيني بس انا رفضت وهددتو خبر الشرطة بعصابتو
(بصوت عالي)فراس. مستحيل انتي مجنونة..مجنونة
(بنظرة تحدي)جولينار. بطلقني والا والله العظيم بخرب بيتك وبيت عصابتك الوسخة
(مسك معصم ايدي وقربني بأتجاهو) فراس. عم تهدديني انا عرفانة حالك شو خبصتي بقتلك وما بيرفلي جفن والله وطلاق مافي شو رأيك
جولينار. ما بقى يهم ما بقى خاف من شي
(بأبتسامة مكر)فراس. وما بتهمك بنتك
اخد مني بنتي وحبسني بالغرفة طبعاً انا هون لسا ما كنت مفرجيتو الملفات وولا شي بس صرحتلو بأني بعرف طبيعة شغلو تاني نهار قلتلو يرجعلي بنتي ومنحل كل شي عرواق طبعاً كنت بدي فرجي الملفات
ايهم. طيب ما فرجيتي ياهن لما طلبتي الطلاق
جولينار. كان معصب كتير وما عطاني فرصة بس ما قبل يرجعلي بنتي لحتى نحكي ولما فرجيتو الملفات جن جنانو وصار يكسر كل شي بالبيت قلتلو حتى لو قتلتني انا مأمنة حدا ينشرهون بعد موتي وتركتو وطلعت من الصالون مشان يروق
ايهم. وبنتك؟
جولينار. ما كنت حايفة عليها لاني كنت متأكدة مستحيل يأذي بنتو يا ريتني ما تأكدت
ايهم. قتلها!
(غمضت عيوني) جولينار. مشان يحرقلي قلبي سفرها تهريب مع اخو لما خبرت جنيت وبعد ما خبرت انو غرق القارب جنيت اكتر
ايهم. يعني انتي بتعرفي انو ماتت
جولينار. كنت بعرف بس هو عيشني بوهم انو ما صرلا شي وبياخدني لعندا مقابل سلمو كل الملفات ويطلقني وطبعاً بعتني مع مصعب
(بأستغراب) ايهم. سلمتي الملفات
جولينار. كنت مفكرة حالي ذكية لما سلمتو نسخة منون ما كان ببالي رح يغدر فيني ويخلي مصعب يقتلني
ايهم. كيف صدقتي
جولينار. الأم بينعمى عقلبا كنت مستعدة اخسر حياتي مقابل امل انو تكون عايشة ولو اني بعرف غدرو وشبه متأكدة من موتا
ايهم. لا تزعلي الله يرحمها
جولينار. تعيش
هلق شو رح نعمل
ايهم. ما بعرف لازم فكر بخطة محبوكة نستدرج فيها فراس لهون وانتي كمان فكري معي
جولينار. اوك بس تفكر خبرني
عن اذنك
ايهم. نازل معك سلم على ستي
جولينار. على فكرة تيتا بتعرف كل القصة
ايهم. كأنو قويانة علاقتك معها
جولينار. لولاها ما كنت وعيت
دخلنا لجوا سلمنا عأم وليد وطلعت عغرفتي مشان ارتاح بالنسبة ألي قررت اني شيل ايهم من عقلي بس قلبي ما عم يرضخ لهالقرار بس ما كان بعقلي شي غير الماضي بدي انتقم من الي دمر حياتي وكان السبب بموت بنتي وبموتي من جوا ما بعرف كيف وصلت لهون كان جاي عبالي اقتلو ،دمرو وأحرق قلبو
طلعت عالبلكونة تنفست بعمق ورفعت ايديي للسما وصرت ادعي ربي يريح بالي
.............................
جولينار. خالتو بدك شي
ام وليد. لا خالتو الله معك ديري بالك عحالك
اخدت تكسي ورحت عالقسم كان الكل واقف برا وعم يستنو الباصات مشان الرحلة لما شافني ايهم انصدم لانو كان مفكرني ما رح اجي
جولينار. هاي صبايا كيفكون
نجلا. هلا ليش تأخرتي
فؤاد. مرحبا صبايا
الكل. اهلين
فؤاد. يالله طلعو الباصات بدا تمشي
بعد ما طلعنا بالباص ايهم طلع ورايي وقعد جمبي
ايهم. مرحبا كيفك
(تطلعت في نظرة سريعة ودرت وشي عنو) جولينار. اهلين
ايهم. ما عأساس ما رح تجي عالرحلة
جولينار. غيرت رأيي ولا ممنوع
ضلينا طول الطريق ساكتين هو عم يطلع عليي وانا لافة وشي عالشباك لحتى وصلنا
تجمعنا كل الصبايا والشباب صارو ينصبو الخيم
جولي. زهرة صحيح كنتي فاقدة الذاكرة واسمك جولينار
(تطلعت عليها بأبتسامة ناعمة) جولينار. صحيح حبيبتي مين خبرك
جولي. ايهم هو الي خبرني وقلي انو هو الي سماكي زهرة عأسم حبيبتو
(حاولت اكتم غضبي بضحكة) جولينار. آاه والله
جولي. مسكين يا حرام كتيير كان يحبا حتى سماكي عأسما وخطبك لحتى يحس حالو معها انا فكرتك بالأول هي نفسا
جولينار. يقبر قلبي ما بيحب هلق حدا غيري يالله صبايا عن اذنكون رح شوف ايهم شو عم يعمل
الكل لاحظ توتري من حكيا ولحتى جاكرا رحت لعند ايهم ومسكت ايدو
(اتطلع عليي بأستغراب) جولينار. حبيبي شو رأيك نروح نتدرج مليت
(تطلع عليي بحب وهو مستغرب) ايهم. حبيبي؟!!!
اي اي منمشي ليش لاء
سحبت ايدي منو ببطئ وهو لسا عيونو عليي سمعت نجلا عم تقول لجولي شوفي لمعة عيونو وهو عم يطلع فيها هاد شكلو بيحب غيرا
لما بعدنا....
(تنهدت بعمق وايهم كان لسا عم يطلع فيي)جولينار. اووه ما احلى ريحة الشجر...لا تفكر كتير بلي قلتو من شوي قلت هيك مشان ما حدا يشك فينا
(تطلع بعيوني) ايهم. مين قلك اني عم فكر
جولينار. مشان ما تفكر
(مسك ايدي وركز بعيوني) ايهم. طلعي بعيوني شوفيون من شوي كيف لمعو لما قلتيها يا ريت تحسي فيني ...يا ريت فيني اسمعها عطول
(أجيت لأسحب ايدي منو شدا اكتر). تمنيت لو ايدك ضلت ماسكتني اكتر انتي حاسة برعشة جسمي
جولينار. ايهم
ايهم. حسيت بالصدق وانتي عم تقولي هالكلمة حاج تكزبي عحالك وتكزبي عليي
جولينار. بيتهيألك انت ما بتعنيلي شي ايهم ومافي اي مشاعر ألك بقلبي حتى اقلك انا قلبي وعقلي كلو بالماضي انا متملكني الماضي فهمت عليي
(بنظرة انكسار) ايهم. رح اثبتلك العكس
جولينار. مافي داعي تثبتلي اساساً ما ضل معك الوقت لتثبتلي شي
(بصوت متقطع) ايهم. ككيف يعني
جولينار. انا اجيت لعندك لقلك قراري
ايهم. قرار شو؟!!
جولينار. رح ارجع عماضيي رح انزل عسوريا!.....#يتبع
#أسيرة_الذاكرة_بقلم_رومانتيكا
الجزء الحادي عشر.........
ظننتكَ بعيدٌ وخاب ظني، وكنتَ أقرب ألي مني ظننتكَ كرهي وكنتَ عشقي ، يا مَن بحبهِ أضاء دربي .
#Romantika
_________
ايهم. قرار شو
جولينار. رح أرجع عماضيي رح أنزل عسوريا
ايهم. لكك انتي شو عم تحكي مستحيل
(بتوتر) جولينار. مافي قدامي غير هالحل لازم انتقم منو واحرقلو قلبو متل ما حرقلي قلبي وبعدين بزتو بالسجن متل الكلب
ايهم. لك انتي شو عم تخرفي اصحي عحالك مستحيل أسمحلك تعملي هيك ،شو هي تنتقمي
جولينار. ما رح يبرد قلبي حتى انتقم منو
(بعصبية) ايهم. لااا انتي عنجد خالصة
تركني لحالي وراح وانا صرت امشي بالغابة وعم حاول طلع كل الأفكار من راسي الماضي أكل تفكيري وما خلالي مجال لميز الصح من الغلط بعد نص ساعة رجعت عمركز التجمع كانو مخلصين نصب الخيم وكانو مقسمين الشباب بخيمة والصبايا بخيمة
قربت لعند الصبايا وصرنا نحكي لحتى قاطعنا فؤاد
فؤاد. صبايا مين بتعرف تطبخ بدي حدا يساعدني وما حدا من الشباب عندو هواية الطبخ غيري
(تطلع عليي). جولينار
(هزيتلو براسي) جولينار. ما بعرف
فؤاد. راما!
راما. كمان ما بعرف
نجلا. وانا كمان ما بعرف
فؤاد. تهاني
(تطلعنا كلنا بتهاني) جولينار. مافي غيرك
(حمرو خدودا) تهاني. اي انا بعرف اطبخ
فؤاد. تعي معي لكن
(بصوت واطي) جولينار. علقت وما حدا سما عليها
نجلا. هههههه
ونحنا عم نضحك عشكل تهاني نادى ايهم للكل قربنا منو وانتظرنا يبدا حديثو
ايهم. انتو بتعرفو ليش جايين لهون
نجلا. مشان نتدرب
ايهم. لاء مو صحيح نحنا جينا لهون مو بس مشان نتدرب انا جبتكون لهون بسبب اخر كم قضية الي واجهناهن بصعوبة وقدرنا ننتصر ونثبت جدارتنا بفضل الله ، جبتكون لهون بسبب الضغوطات الي تراكمت علينا بأخر فترة
راما. بفضلك وبفضل الله سيدي
(تطلع عليي) ايهم. هادا افضل حل ليصفى فكركون وتشيلو كل شي افكار سودة من بالكون عطو حالكون فرصة جديدة
جولينار. سيدي احياناً مافي شي بيستحق نعطي كرمالو فرصة جديدة
ايهم. تطلعو حواليكون بتلاقو في كتير تذكرو حياة الأشخاص الي معلقة فيكون هدول لحالون لازم نعطيهون فرصة جديدة وشغلنا بدو هداة بال وروح طويلة
الكل كان مفكر انو ايهم عم يحكي عالشغل وانا الوحيدة الي فهمت قصدو كتير منيح
ايهم. وهلق بدي ياكون ايد وحدة وقلب واحد متل ما بعرفكون رح نقسم المهام عالكل وبتمنى ما حدا يخرب المجموعات ولاقي روح التعاون بيناتكون
فؤاد. ايهم انا وتهاني رح ننسأل عالطبخ
ايهم. اوك وانا وجولينار وجولي ونجلا رح نجمع الحطب ووائل شغل النار بهداك الحطب بين ما نرجع
كل واحد راح على مهمتو وجولي طول الطريق وهي عم تتأفف من الشوب حتى تفشكلت ووقعت عالأرض
جولي. اييي اجري
ايهم. جولي انتي منيحة فيكي شي
جولي. منيحة منيحة عطيني ايدك ايهم
(مسك ايدا وجلسها) ايهم. خلص ادا بدك روحي ارتاحي
جولي. اوك بتشكرك ايهم
جولينار. عفكرة ما فيها شي شوف كيف عم تمشي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
ــــــــــــــــــــــــــــــ