الفصل 3
اسير ذكراه
الفصل 3
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *اسيرة.الذاكرة.tt*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء السادس+السابع
#أسيرة_الذاكرة_بقلم_رومانتيكا
الجزء السادس........
ليتني أتقن التمثيل مثله ، يتقن تمثيل اللامبالاة ،الفرح وحتى الحب...
#Romantika
___________
مسك أيدي ايهم. ما بدكون تباركولنا انا وزهرة خطبنا
اجيت لأحكي بس هو شد على أيدي كأنو عم يقلي لاء ما تحكي ابتسمت أبتسامة مسطنعة ولقيتو عم يطلع عليي بحب مو معقول شو بيعرف يمثل
فؤاد. عنجد معلم مستحيل ما عم صدق والله وطلع ما حدا قدك الف مبروك
وائل. وانا عم قول المعلم من وقت الحادثة وهو متغير مبروك
نجلا. عنجد ريتو مبروك وجولي كمان خطبت شو هالصدفة (نجلا زميلتهون بالشغل)
جولي. شو ليش ملتمين كلايتكون شوفي
انتبهت انو ايهم ماسك ايدي حسيت بالصدمة بعيونا
نجلا. ما سمعتي قال ايهم بيك خطب الانسة زهرة
تطلعت فينا مصدومة والدمعة عالقة براس عينا مدت ايدا لأيهم وانا حسيت بغيظ
جولي. الف مبروك ايهم بيك تتهنو
مد ايدو ايهم. الله يبارك فيكي وانتي كمان الف مبروك انسة جولي قال وانتي كمان خطبتي شو هالصدفة هي
جولي. اها شايف بس انا كان مبالي انك متزوج
شد على ايدي ايهم. ههههه لا هي زهرة حبيبتي حبت تمزح معك بس خاطب ولا متزوج نفس الشي
جولي. معك حق
اجت لتمشي قاطعها ايهم. ما عرفتينا عخطيبك
جولي. خطيبي!!
خطيبي انت بتعرفو
ايهم. ومين هو يا ترى؟
جولي. لا خليها مفاجئة شو رأيك تجو انت وزهرة ومنروح على شي مكان منو بعرفكون عخطيبي ومنو منغير جو
ايهم. اي ليش لاء فكرة حلوة
انا كنت لسا تحت تأثير الصدمة شو ما يحكو اتبسملون متل الهبلة بس بعد ما خلصت هالمسرحية طلعنا من الشركة ووعيت على حالي وقفت قدام باب السيارة وحطيت أيديي على خصري
زهرة. ممكن أفهم الي صار
وقف قبالي وحط ايديه عخصرو ايهم. ههههه طلعي عالسيارة ورح تفهمي كلشي
(لويت تمي) زهرة. ممكن افهم شوفي بيضحك
ايهم. ههههه وممكن تنزلي ايديكي من على خصرك مشان ما اضحك اكتر
فتحت باب السيارة بعصبية وفتت وخبطتو. اتفضل فهمني الي صار
ايهم. ههههه مو حلوة وانتي معصبة روقي شوي
(رن موبايل ايهم). اهلين فؤاد
فؤاد. هلق هيك بتخطب وانا اخر من يعلم بتخبرني مع نجلا وجولي وهدول
ايهم. رووح كمان انت مشت عليك هههههه يا ربي معد اتحمل طير حاج تضحكني
فؤاد. شوو يعني ما خطبت
ايهم. روح روح حاج تضحكني
_______
زهرة. بيكفي ايهم حاج تضحك بظن مافي شي بيضحك فيني افهم ليش هيك عملت
ايهم. بس لو افهم ليش معصبة انتي بلشتي بهالمسرحية وانا كملتلك ياها يعني تعادل
(بصوت عالي)زهرة. لا انت اكيد عم تمزح وانا الغبية كنت عم فكر كيف بدي اعتذر من الخانوم
ايهم. روقي خلينا نتفاهم انا صدقاً ما كنت بدي اعمل هيك بس لما سمعت انها خطبت قلت بغيظا شوي وبسبق عليها هه عأساس بدا تحرقلي قلبي
مبحلقة عيوني زهرة. مو معقول لك لسا مبارح كنت مزعوج ومانك عم تلاقيها
ايهم. كنت حاسس بتأنيب الضمير تجاها لانو ما فهمتا القصة وكنت هاملها بس هية شو عملت هربت لك حتى ما تركتلي مجال وضحلا الي صار ودغري صدقتك لما قلتيلا انك مرتي وشو عملت حضرتا راحت خطبت عأساس مشان تكسرني بس ما عاش الي بدو يكسرني هههه ما بتصدقي هلق شو مبسوط ومرتاح
زهرة. لك مو معقول شو بتعرف تمثل عنجد خرج تشتغل ممثل لك حتى الكل صدقك لك لوهلة شفت الحب بعيونك الي بيشوفك بيفكر عنجد بتحبني😏
(بمرح) ايهم. ههههه قلبي كبير بيحب الكل
(هزيت براسي ) زهرة. اي ما شاءالله قلبك متل الرمانة ما لحقت تموت مرتك الا حبيت جولي والله اعلم مين غيرا
(بأستغراب) أيهم. بس انا مو متزوج مين قلك اني متزوج جولي؟؟
زهرة. لاء..قصدي انو انا هيك اكتشفت لانو لما قلتلا انا مرتو زهرة قالتلي زهرة ماتت من زمان
(تغيرت معالم وشو وارتسمت ابتسامة حزن) ايهم. هي مو مرتي هي البنت الوحيدة الي حبيتا بصدق تركتني وراحت
زهرة. وين راحت
ايهم. لعند ربا أخدتها الحرب وحرقتلي قلبي تخيلي كنا عم نجهز لعرسنا اشترت الفستان الأبيض وكنا عم نودع العزوبية
(دمعو عيونو ومسحهون بطرف ايدو). تاني يوم شعلت الحرب عنا بالمنطقة واجلنا العرس بعدين تركتني صرلا 5 سنين ميتة بس ما عم بقدر حب غيرا حاولت كتير ما قدرت
(بعقلو بس لما بلشت حب حبيت الشخص الغلط)
(بحرقة)زهرة. الله يرحمها اسفة ذكرتك بالماضي
ايهم. آمين ولا يهمك بلشت انسا الماضي
زهرة. بس شو ذنبا جولي لتكون ضحية حبك
ايهم. ما بعرف صدقيني ما بعرف كنت عم جرب حبا وعم حاول كتير بس ما قدرت قلبي ما تقبل حدا
بعقلو(بس انتي غير)
زهرة. انت اناني كتير عفكرة
(بحزن) ايهم. متل ما بدك يالله ننزل
فتحلي باب السيارة ونزلنا عالبحر كانت منطقة عالية وما فيها شط للبحر كانت كلا حجر اسود وقفنا عالحجر المطل عالبحر ،اشرلي بأيدو وتطلع فيني
ايهم. هون هون رماكي بهي المنطقة متذكرة شي
زهرة. ابداً حاسة حالي رح جن
ايهم. طولي بالك الشغلة بدا وقت وكل شي رح يصير احسن صدقيني
زهرة. ان شاء الله
(قعدت عالحجر ونزلت رجليي عالمي كنت عم اتأمل المي والهوا عم يطير شعري البني غمضت عيوني وتنفست بعمق) زهرة
(قعد جمبي وتطلع لبعيد بعيونو العسليات الي عم يلمعو مع ضو الشمس تنهد تنهيد طويلة وتطلع عليي) ايهم
زهرة. انتهى زمن المعجزات
ايهم. نعم؟!
زهرة. عم قلك انتهى زمن المعجزات يعني ذاكرتي متل حبيبتك تماماً ماتت ما بقى ترجع
ايهم. لاء ما بدي ياكي تحكي هيك حبيبتي صح ماتت بس الشي الي متأكد منو انو الحب ما مات ورح يجي يوم ويدق في قلبي من جديد متل ما رح يجي يوم وترجع في ذاكرتك وثقي بقدراتك ولا تستسلمي
(بمرح) زهرة. ههههه عطيتني امل جديد شكراً دكتورنا
ايهم. هو بطلت اعرف شو اشتغل بالضبط دكتور ولا ممثل ولا محقق
زهرة. هههه ما بيصير التلاتة سوا
ايهم. لا انا برأيي خلينا على مهنتي الأساسية محقق ازبط شي
زهرة. ههههه أمرك سيدي
ضلينا عم نضحك مع بعض حتى سرقنا الوقت كنا مع بعض بعالم تاني مو حاسين بشي أبداً بعد ما خلص النهار وصلني ايهم عبيت ام وليد وهو راح على بيتو اول ما دخلت شفت ام وليد قاعدة بالحديقة عالمرجوحة
زهرة. مسالخير خالتي
ام وليد. اهلين بنتي مسالنور كيف بتشربي قهوتك
زهرة. سادة
ام وليد. ماري تنين قهوة سادة
اي طمنيني كيف الشغل
زهرة. اي شغل
ام وليد. ما قلتيلي ايهم دبرلك شغل
زهرة. آااه اي اي صح الصراحة ما زبط بدن وحدة دارسة
ام وليد. شبك بنتي ليه حاستك معجوقة ومو عبعضك
زهرة. تعبت خالتي والله تعبت ما بقى اقدر حاسة حالي من كوكب تاني وخايفة ورط حالي لك تخيلي عم خاف من حالي
(حطت ايدها على ايدي بلطف) ام وليد. بتحبي؟!
(بأستغراب) زهرة. هههه شوو ؟!
ام وليد. انتي بلشتي تحبي
(دمعو عيوني) زهرة. ما بعرف مشاعر مخربطة جواتي خايفة تكون دلالة على حب خايفة خون حالي وكون متزوجة
ام وليد. انتبهي يا بنتي الحب متل المي الي بتروينا وبتخلينا عايشين وبنفس الوقت بتغرقنا وبتقتلنا لما نتعمق فيها ...انتبهي من الغرق يا بنتي
(مسحت الدمعة العالقة ععيوني) زهرة. ان شاء الله خالتي
بعد ما شربت القهوة مع ام وليد طلعت على غرفتي حسيت حالي كتير مرتاحة بعد ما حكيت معها وعرفت قديشها مرة طيبة وحنونة والي عرفتو منها انو ولادا كلون متزوجين وزوجها ميت يعني قاعدة بهالبيت لحالا ومافي عندا هون غير ابن ابنا الكبير الي مات ايهم وابنا الصغير وولادو كان عايش معها بس بعدين انتقل مشان شغلو وكل يومين تلاتة بيجي بيزورها
اول ما اجيت حط راسي عالمخدة سمعت رنة موبايلي تطلعت عالأسم كان ايهم
زهرة. الو اهلين ايهم
ايهم. عندي الك خبر حلو
زهرة. خبر شو عرفت مين اهلي مصعب اعترف بشي
ايهم. ههههه يا ريت بس مجحش ما عم يرضى يعترف بس لو مانو قد ابي لكان فرجيتو بس طولي بالك عليه انا مجهز خطة تخلي يعترف بكل شي
زهرة. اممم لكن خبر شو
ايهم. لقيتلك شغل
زهرة. عنجد شغل شو
ايهم. بكرا بتعرفي جهزي حالك عالساعة 8
زهرة. اوك ماشي شكراً ايهم
ايهم. اهلاً
سكرت الخط مع ايهم وانا طايرة من الفرح واخيراً ما بقى حس حالي عالة على حدا
وتاني نهار كان يوم مميز عندي لبست فستان أسود كم للركبة رفعت شعري ديل الحصان وحطيت روج خفيف وكحلة كنت راضية عن شكلي هيك نزلت من عالدرج مستعجلة وكان شعري عم بيطير معي ضربت عيني على ايهم وام وليد بالصالون
زهرة. صباح الخير
ايهم وام وليد. صباح النور
ام. ماشاء الله بنتي طالعة بتجنني متل الفراشة
زهرة. هههه شكراً خالتي
يالله ايهم
(كان صافن فيني) ايهم. هاا يالله
ام وليد. ما بدكون تفطرو بالاول
(تطلعت عالساعة) زهرة. لا خالتي رح نتأخر بعد
ام وليد. طيب الله معكون موفقة بنتي
بعد ما طلعنا ...
زهرة. اي ايهم ما قلتلي شو هو الشغل
ايهم. هلق بتعرفي ليش بصلتك محروقة
زهرة. اووف ماشي
ضلينا ساكتين لحتى وصلنا على مكان شغلو لايهم
زهرة. ليه جايبني لهون
ايهم. هون رح تشتغلي
نزلنا من السيارة وضلينا عم نمشي
زهرة. بس شو رح اشتغل هون
دخلني عمكتب اشر بأيدو وتطلع عليي
ايهم. هادا مكتبك مهمتك هي كل شي اوراق ببعتلك ياهون بخط الايد بتطبعيلي ياهون مع التدقيق فيهون طبعاً بتعرفي تطبعي
زهرة. اي سهل كتير
ايهم. كتير منيح زهرة هي ملفات سرية ما بدي حدا يخبر فيها غير انا وانتي وبس وانا متأكد ما رح لاقي حدا أمنلو متلك
(بأستغراب) زهرة. انت بتأمنلي؟!
(مسك ايديي) أيهم. زهرة انا بوثق فيكي....#يتبع
#أسيرة_الذاكرة_بقلم_رومانتيكا
الجزء السابع........
أشد انواع الالم هو الخذلان فكيف لو كان الخذلان خذلانك من نفسك؟!
#Romantika
___________
(بأستغراب) زهرة. انت بتأمنلي
(مسك أيدي) ايهم. زهرة انا بوثق فيكي
(أجيت لأسحب ايديي منو بدخلة جولي شافتنا بهالوضع) جولي. ششو ايهم كنت عم دور عليك شو زايرتك خطيبتك
(أجيت لأحكي ايهم قاطعني) ايهم. لا والله مو زيارة زهرة اشتغلت هون
جولي. اها مبروك
زهرة. الله يبارك فيكي
جولي. اي انا جيت ناديلك لقلك خطيبي عم ينتظرك بمكتبك بدو يشوفك
(بكيد) حبيبتي فيكي تستني ايهم هون لبين ما يرجع
(مد ايدو ومسك ايدي) ايهم. لا تعي معي زهرة
مسكت ايدو ورحنا عمكتبو ولما دخلنا...
(ركض بأتجاهو وحضنو) ايهم. لا زهير ما عم صدق ههههه
زهير. ههههه شايف هيك اي زهير لك كيفك يا زلمة
ايهم. الحمدلله تمام لك بس وين غاطط صديق الطفولة
زهير. والله بدك تسأل حالك صاير الك منصبك وما حدا قدك
(جولي كانت واقفة وعم تطلع عليهون بحقد كانت متخيلة انو ايهم يعصب او يجن لما يعرف مين خطيبا بس صار عكس هيك تماماً)
جولي. حبي ما بدك تباركلو لايهم قال خطب
هي خطيبتو
زهير. يي وخاطب يا خاين لك ما كنا متفقين نخطب ونتجوز بنفس اليوم عكلن مبروك
ايهم. ههههه الله يبارك فيك بس اسأل حالك مين الخاين خلص امري لالله منتجوز بنفس اليوم
اي ما خبرتنا كيف تعرفتو عبعضكون انت وجولي
زهير. والله جوازة اهل
(مسك ايدا) بس اهالينا عرفو يختارو مو هيك حبيبتي
(بأبتسامة مسطنعة) جولي. اكييد
زهير. شو رأيكون نطلع كلايتنا عشي مكان
(تطلع عالساعة) ايهم. لا اليوم تأخر الوقت خليا لغير يوم منحكي ومنتفق
زهير. اي بصير بس لا تروح تنسى
ايهم. هههه لا خلص ما بنسى
بعد ما راحو زهير وجولي ....
ايهم. يالله نطلع
زهرة. لوين ؟
ايهم. ما بدك تروحي عالبيت خلص الدوام
زهرة. يالله
طلعنا انا وايهم عسيارتو مشان يوصلني عالبيت ما حسيت الا وقف السيارة عند البحر
زهرة. مو عأساس توصلني عالبيت
ايهم. خطيبتي وباخدك وين ما بدي😜
(عكفت حواجبي) زهرة. لا انت شكلك كذبت الكذبة وصدقتا طبق عليك المثل
(بمرح) ايهم. ههههه عم امزح معك بس لازم كل كم يوم تجي عنفس المكان بلكي بتتذكري شي يالله ننزل
زهرة. اممم امري لألله
ايهم. يي ليكي هاد بياع غزلة اشتريلك غزلة
زهرة. لاء ما بدي
ايهم. مو عكيفك رح روح اشتريلك نطريني هون
زهرة. يي شو صغير عالغزلة قول انو بدك غزلة لا تتحجج فيني
ايهم. هيك شي😜
زهرة. انتبه لا يشوفك حدا من رجالك يضحك عليك😜
غاب خمس دقايق ورجع معو عود غزلة كبير
(سحبتو منو) زهرة. يايي شو حلو يسلمو
ايهم. عأساس ما بدك😏
تعي لنتصور سيلفي شوفي ما احلاني
قربت من المي وحطيت رجليي فيها
زهرة. واثق من حالك
ايهم. بخخ
يي لك هبلة وين رحتي سلتت بالمي ههههه
(بصوت عالي)زهرة. لكك ليش هيك عملت فيني صرت كلني مي يالله منك
ايهم. هههههه ههههه يا ربي كيف سكت بالمي
قربت منو وسحبتو حتى وقعتو بالمي
زهرة. هههههه يالله بتستاهل
ايهم. لكك مجنونة ما كنت قاصد وقعك انا
زهرة. بتستاهل ليش لتنقزني يعني ما بتحرم هالعادة وليش لتضحك عليي كمان وشوف غزلتي وين صارت ئي
(برم بوزو وحط ايديه عخصرو عم يقلدني) ايهم. ئي
زهرة. اممم لا تضحك عليي
(رش عليي مي) ايهم. بعدين لك هبلة كنت بشتريلك غيرا ليش هيك عملتي فيني
(بلشت رش عليه مي بقوة) زهرة. ستنى لكن شوف شو رح اعمل فيك
(مسك ايديي التنتين)ايهم. ههههه لك مجنونة بيكفي خلص حاج انتي شو عملتي فيني
زهرة. شو عملت فيك؟
ايهم. عديتيني بالجنان
زهرة. ههههه بتستاهل
(بضيق) ايهم. رحميني زهرة ما بقى اتحمل
(غابت الابتسامة عن وشي) زهرة. ششو قصدك؟!
(مسك دقني بأيدو وتطلع عليي بحزم) ايهم. معد اتخيل حياتي من دونك لك بفكر بأدق تفاصيلك بجن لما تبعدي عني انا بحبك زهرة بحببك بحببكك
_______
كانت الصورة غباش بذاكرتي وصوت متقطع
(لزقني بالحيط)م. بحببككك فهميني انا بحبك
(بصوت متقطع وشهقات متتابعة). كذاب كذاب انت ما بتحبني
م. ما رح تقدري تهربي مني فهمتي انتي الي انا وبس
_______
(خلصت حالي من بين ايدي وشهقت) زهرة. كذاب كذاب كذاب كلكون كذابين مستحييل
(مسك معصم ايدي بقوة) ايهم. ارحميني زهرة معد اقدر
(بعصبية) زهرة. مستحييل مستحيل اسمح لهيك شي يصير!
كذاب كذاب ترك ايدي
(بخوف) ايهم. زهرة شو صرلك انتي منيحة
(بصوت عالي) زهرة. رجعني عالبيت
...............................
يوم الذي اعترفت لي بحبك فيه من المؤسف انه ذات اليوم الذي صرحت بحبي فيه، دائماً كنت أكابر على ذاتي وأستعيذُ حبك الف مرة .
ولكن عندما قلت لي أحبكِ ايقنت كم كانت سخيفةً تلك الكلمة....
عندما قلت لي أحبكِ خلقت داخلي شعورٌ من المستحيل كوني كنت اعايشه فلو كان العقل ينسى فالقلب من المستحيل ان ينسى...
عندما قلت لي أحبكِ ايقنت انني لو صعدت إلى السماء الف مرة لن يكفيك حبي وكذبتُ لو قلتُ اني أحبكَ بجنون فأنا اعشقك حد الثمالة حتى اللاشعور شعور يمكن تشبيهه بأنهُ الموتُ على قيدِ الحياة...
عندما قلتَ لي أحبكِ صعدت بروحي إلى السماء أرجوك كفَ عن قولها فأنا يا عزيزي أخاف من المرتفعات...
#Romantika
بعد ما رجعت عالبيت كانت نفسيتي منهارة خصوصي بعد الي تذكرتو لما قلي ايهم انو بحبني وبعد ما اكتشفت اني انا كمان بحبو بس مستحيل مستحيل يتم هيك شي مضيت طول النهار بغرفتي
دخلت لعندي ام وليد وسألت عن حالي بس قلتلا اني تعبانة شوي وما رضيت أكل وهيك مضى النهار وبالليل كمان ما قدرت نام من التفكير كان هو نفسو نفس الشخص عم يتكرر بذاكرتي بس مين بيكون وشو الي صار بعد هيك كنت رح جن من التفكير
فقت تاني نهار الصبح كان مبين على وشي الأرهاق واني ماني نايمة طول الليل حطيت ميك اب يخفي الارهاق المبين على وشي لبست بنطلون جينز وكنزة سودة ورفعت شعري كعكة شربت فنجان قهوة وبعتت لأيهم اني رح روح لحالي اليوم عالشغل
اخدت تكسي ورحت عالشغل ولما وصلت كنت عم حاول امشي شوي شوي من جنب مكتب ايهم لحتى ما يحس فيني بس قبل ما اقطع سمعت فتحة باب مكتبة كنت متأكدة اني ما رح انجح بسبب حسو العالي
ايهم. زهرة
زهرة. اي ايهم
ايهم. ممكن تفوتي عمكتبي شوي سكري الباب وراكي
(سكرت الباب) زهرة. اي ايهم
(حط الأوراق بأتجاهي ورفع عيونو) ايهم. بالمناسبة بتمنى بالشغل تقوليلي استاز ايهم او سيدي متل باقي الموظفين
(بصدمة) زهرة. متل ما بدك
(تطلع عليي بطرف عينو) ايهم. هي الملفات سرية كتير دققيلي فيها وفي كمان ملفات تركتلك ياهون عمكتبك جوا كمان دققيهون وانسخيهون
زهرة. امرك استاز بدك شي غيرو
ايهم. الله معك
ايهم. اي شو بدي قلك
(اندرت بأتجاهو) زهرة. اتفضل استاز
ايهم. اليوم فيكي ترجعي عالبيت لحالك لانو عندي شوية شغل بعد الدوام
(رفعت حواجبي بكيد) زهرة. استاز ايهم انا كنت بدي قلك مافي داعي تاخدني وتجيبني انا بدبر اموري
طلعت وسكرت الباب وراي سمعتو عم يقول غبية بعد ما طلعت وخبط شي عالأرض يعني كان مبالو يستفزني يا حرام بس صار العكس
تركت ايهم عم يغلي ورحت على مكتبي لبلش شغلي وانا عم دقق بالملفات لاحظت شي غريب اخدتون ورجعت عمكتب ايهم دقيت الباب وفتت
زهرة. استاز ايهم اسفة عالازعاج بس لما دققت بالملفات لاحظت شي غريب
(كان قاعد عالكرسي الدوار ورافع راسو لفوق وعم يتنهد بعمق قرب مني وتطلع بعيوني) ايهم. شوفي
(حطيت الاوراق عالطاولة وصرت اشر بالقلم) زهرة. شوف استاز هون في شي غلط وحتى هون بقانون العقوبات هيك شي مستحيل
(رفعني ومسك ايديي بقوة) ايهم. خلص بيكفي ما بقى بدي تقوليلي استاز
(بخوف) زهرة. استاز ايهم شوفي شبك
(تطلع عليي بعيونو الحمر) ايهم. بيكفي لما عم تقوليلي استاز عم تخليني جن فيكي بزيادة ارحميني..ارحميني
زهرة. ايهم فهام عليي
(قاطعني بصوت عالي) ايهم. حاج تعذبيني
زهرة. بس انا
ايهم. انتي شو شو يعني فاقدة الذاكرة؟!
(تطلعت فيه بحدة وسحبت ايديي بقوة) زهرة. لاء ايهم انا مرة متزوجة
(وقعت كلماتي متل السيف عليه) ايهم. هههه شووو لا اكيد عم تمزحي؟!......#يتبع
الجزءالثامن+التاسع
#أسيرة_الذاكرة_بقلم_رومانتيكا
الجزء الثامن...........
*وحينما فقدت الذاكرة لم أعلم انه كان حلمي المستبعد
-ثم ماذا؟
*ثم أحلمُ بفقدان ذاكرةً مجدداً وإلى الأزل فهل من يعيد إلي ذاكرتي البيضاء؟!
#Romantika
______
طول الطريق عم بمشي وببكي لحتى وصلت عالبحر عنفس المكان الي فقدت ذاكرتي في وعم تبلش ترجع في كنت متمنية توقف المشاهد هون وبس ما بقا بدي اتذكر شي خلص ما بدي اتذكر ما بقى بدي ذاكرتي ضليت قاعدة عالبحر لحتى خلص النهار ودموع عيوني ما نشفو رجعت عبيت ام وليد منهارة
فتحت الباب شوي شوي لحتى ما يحس عليي حدا بس كانت ام وليد ناطرتني بالصالون
ام وليد. زهرة
زهرة. مرحبا خالتي
ام وليد. ليش لهلق انشغل بالي عليكي وليش ما عم تردي عموبايلك
(تطلعت عموبايلي) زهرة. آااه شكلو طافي
ام وليد. زهرة ليش عيونك مورمين كنتي عم تبكي؟!
زهرة. ااه لا شو عم ببكي
ام وليد. زهرة انتي منيحة
(مسحت الدمعة العالقة عطرف عيني) زهرة. قعدي خالتي قعدي مالي حدا غيرك افضفضلو
ام وليد. شوفي زهرة خوفتيني عليكي
(بأبتسامة مسطعنة) زهرة. بدك احكيلك قصتي
ام وليد. طبعاً
ليش رجعتلك الذاكرة؟
(هزيت راسي) زهرة. لاء بس عم ترجع ويا ريت ما ترجع!
اول الشي خالتي انا اليوم اكتشفت انو أسمي جولينار
ام وليد. جولينار؟!
زهرة. اي
(دمعو عيوني). انا يا خالتي كنت وحيدة اهلي الله يرحمهون
ام وليد. الله يرحمهون
زهرة. كنت بعشق شي أسمو موسيقى وبالأخص البيانو وحلمي اني اتعلم عليه واهلي ما قصرو معي سجلوني معهد موسيقى وتجرجت منو بجدارة
(دمعو عيوني). أستازي الموسيقى كان شب حلو كتير جسمو رياضي وعيونو ملونة عمرو ب35 تقريباً وكان يميزني عن كل الطلاب حتى سمعت مرة انو معجب فيني
ام وليد. وانتي
زهرة. انا!
انا يا خالتي ما كنت متل هالبنات ما كنت اهتم بشي اسمو حب كنت ضد اي شب يتقرب مني كان همي الوحيد ارفع راس اهلي وما خون ثقتي فيهون
(هزت راسا بأعجاب وانا تابعت حكيي). كان في مسابقة للموسيقى وانا دغري اشتركت فيها حضرو كل أساتذة المعهد ومن بينهن أستاذي الي خبرتك عنو الكل أعجبو بعزفي وطبعاً اخدت المركز الاول كان في شخص لابس نظارات عم يطلع عليي بنظرات غريبة وانا عم بعزف بس حاولت اتجاهل
ام وليد. اي وبعدين
زهرة. بعد ما تكرمت كنت مبسوطة كتير كنت بدي روح لعند اهلي بس حسيت بحدا عم يوقفني ويقلي عزفك كتير حلو كان نفسو الي عم يطلع عليي وانا عم بعزف ولما تطلعت عليه شال نظاراتو تفاجأت انو هو استاذي
جولينار. ههههه استاذ ما عرفتك وانت لابس نظارات
(قرصني من خدودي) فراس. معلش نحكي شوي
جولينار. اكيد استاذ بس اهلي عم يستنوني
فراس. بعدين بتروحي لعند اهلك وبلا هي استاذ
(بخجل) جولينار. متل ما بدك
فراس. رح كون صريح معك انا معجب فيكي كتير وحابب اتقدملك
جولينار. استاذ بس
(قرصني من خدي) فراس. فكري عمهلك
تركني وراح واستغربت من طلبو ما كنت حاطة براسي هيك شي ابداً وخصوصي انو عمري ما تجاوز 17 سنة
ام وليد. اي وشو صار بعدين
زهرة. لما شفتو رفضت وقلتلو انو ماني عم فكر اتجوز وطبعاً ما خبرت اهلي بس هو ما استسلم
(صرت ابكي واشهق). ما بعرف ليش هيك عمل
ام وليد. شو عمل
زهرة. ستناني لما طلعت من المعهد وركبني بسيارتو وصار يقلي انو بيحبني وهددني انو يخرب بيتنا ادا ما وافقت عليه
جولينار. استاذ بترجاك صدقني انا ما عم فكر بهيك شي هلق
(بأبتسامة مكر) فراس. بدك تفكري ورجلك فوق راسك
جولينار. مافي شي بيجبرني
(بصوت عالي) فراس. والله العظيم بخرب بيتك وبيت ابوكي
جولينار. مو قادر تعمل شي والي بيطلع بأيدك ساوي برجلك
(طالع موبايلو وفتح صوت وصورة مع واحد من رجالو وصار يسوق بسرعة جنونية) فراس. شوفي هادا مصنع ابوكي صدقي عم يستنا كلمة مني لحتى يعملو رماد
جولينار. بترجاك خفف السرعة
(صار يسوق بسرعة اكتر) فراس. ليكي هاد بيت ابوكي مو هيك والله بعملو رماد هو وصحابو
جولينار. يا حقير الله ياخدك يا ندل بكرهك
فراس. بس انا بحبك وبدي ياكي
(صرت اشهق وابكي متل الولاد الصغار) زهرة. كذاب ...كذاب ما بيحبني
ام وليد. خلص بنتي حاج تبكي قومي
زهرة. لوين
ام وليد. بتعرفي تصلي
(مسحت دموعي ونزلت عيوني عالأرض بخجل) زهرة. لاء ما بعرف
ام وليد. تعي معي
لحقت ام وليد بخجل لانو صرت بهالعمر ولسا ما بعرف صلي علمتني عالوضوء وخطواتو وعالصلاة كنت دائماً شوفها وهي عم تصلي بس ولا مرة طلبت منها تعلمني
اخدتني عالمصلى الموجود بالفيلا كانت غرفة كبيرة ممدودة سجاد صلاة وفيها مكتبة معباية قرآن وكتب دينية بتحسسك بالروحانية شعور غريب كتير
اول ما بلشت صلي حسيت حالي كأني خلقت من جديد مع كل ركعة عم يزيد شعور الراحة جواتي شعور لأول مرة بجربو
ام وليد. شو حاسة
زهرة. كتير مرتاحة
ام وليد. خطوة منيحة هاد بيعني انك كنتي مركزة وما عم تفكري بشي تاني
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
ــــــــــــــــــــــــــ