الفصل 2
اسير ذكراه
الفصل 2
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *اسيرة.الذاكرة.tt*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
زهرة. ولا يهمك بعتزر كتير منك سببتلك مشاكل كتير وكلو بسبب غبائي عنجد انا اسفة
أيهم. بسيطة المهم انك احسن
زهرة. اليوم لازم نروح انا وياك لعند خطيبتك او حبيبتك ونوضحلا سوء التفاهم الي صار
أيهم. هو هيك عم فكر بس بالأول عم فكر اعملا مفاجئة وروح لعندا عمكتبها واخدلا معي هدية وكيك
زهرة. اها حلو كتير
أيهم. اليوم عيد ميلادا عم فكر اتقدملا اليوم
عملت حالا ما بتعرف (بضيق)زهرة. حلو الله يتمملكون عخير وانا جاهزة لبررلا ايمتا ما بدك
ايهم. هلق عندي كم شغلة بعملن وبعدين بحكي معك ومنروح انا وياكي لعندا
زهرة. اوك متل ما بدك
(تطلع عليي بطرف عينو وقام من مكانو بأتجاه الباب وقبل ما يطلع ) ايهم. على فكرة انا نشرت صورك
زهرة. يي عنجد عم تحكي طيب في حدا تعرف عليي
ايهم. لاء ابداً لسا ما وصلني شي
(بحزن). اها طيب شكراً لألك بس يصير معك شي جديد خبرني
ايهم. اكيد
بعد ما راح ايهم حسيت حالي مو مرتاحة انو رح يخطب حبيبتو اليوم معقول حبيتو ب3 ايام حاسة حالي متوترة كتير وماني مرتاحة ابداً ولحتى ألهي حالي شوي صرت نضف البيت وامسح الغبرة الي معبية المكان وكأنو صرلو سنة مهجور صرت لمع الآلات الموسيقية الي موجودة بالصالون كلون
ولما خلصت صرت فكر بشي طبخة اطبخها لقيت مافي قدامي غير الشاكرية عدتا كلا موجودة
بعد ما خلصت تنضيف وطبخ قعدت أرتاح شوي قطعني صوت صريخ ما بعرف كأنو جاي من تحت صار قلبي يدق بسرعة وركضت عغرفتي وسكرت عحالي الباب لاني بعرف انو مافي حدا بالبيت غيري
بعد نص ساعة ما قدرت اتحمل وقررت شوف مصدر هالصوت نزلت شوي شوي عالدرج وانا عم الحق مصدر الصوت كان قلبي عم يدق بسرعة من الخوف ضليت امشي لوصلت لمخزن مسكر اول ما فتحت الباب حطيت ايدي عتمي وكتمت شهقاتي
_______
_______
بعد أسبوع كنت ضابة كل أواعيي الي كانو ببيت ايهم طلعت لبرا وصرت استنا ايهم ليجي كان في نسمات هوا دافية عم بتطير شعري شوي شوي
بعد ما اجت سيارة ايهم قعدت جمبو وطلعنا
طول الوقت متوترة من فكرة روحتي لعند ستو لأيهم الصراحة خايفة انها ما تتقبلني ببيتا بس ما كان عندي خيار تاني غير انو روح لعندا
بس قبل ما نوصل لاحظت انو ايهم طول الطريق ساكت ومو عبعضو
زهرة. ايهم ليش مانك عبعضك
ايهم. لا ابداً ولا شي بس جولي
زهرة. شبها
ايهم. ما عم لاقيها خايف تكون رجعت عسوريا
زهرة. شو هالحكي ليش لحتى ترجع والوضع مو مستقر
ايهم. كانو اهلا عم يضغطو عليها
زهرة. اها مشان هيك ما قلتلي روح بررلا الي صار
ايهم. مو مهم المهم لاقيها هلق
كنت محضرلا مفاجئة لما خبروني انو ما راحت عالشغل
زهرة. طول بالك ان شاءالله بترجع
ايهم. ان شاءالله
فتحتلنا الخدامة الباب ودخلنا عالصالون اول ما فتت عهالبيت اتفاجأت بديكوراتو الضخمة كان عكس بيت أيهم بكل شي بيت كبير كتير او حتى فيني قول عنو قصر مو بيت عادي تفحصت المكان بنظري وعم بستنا ستتو لأيهم لحتى تجي ما بخفي فضولي لأعرف صاحبة هالبيت الكبير
بعد خمس دقايق دخلت ست كبيرة بالعمر شعرا ابيض والبسمة مرسومة على وشا
ام وليد. مية اهلا وسهلا شو هالمفاجئة الحلوة
ايهم. تيتااا والله اشتقتلك يا تيتا
ام وليد. اممم واضح لو مشتقلي بتسأل
ايهم. تيتا الله يسامحك بس
ام وليد. مين هالحلوة الي معك ما عرفتونا
(رفعت عيوني عن الأرض ومديت ايدي) زهرة. مرحبا خالة انا زهرة
ام وليد. اول ما سمعت الاسم تغير لونا مية اهلا وسهلا اتشرفنا فيكي
زهرة. انا الي الشرف
ام وليد. اتفضلو فوتو ليش لساتكون واقفين
بعد ما دخلنا شرح ايهم لستو وضعي تفهمت الوضع ورحبت فيني ببيتا بكل صدر رحب الشي الي خلاني ارتحلا نوعاً ما بس ما بعرف ليش حسيتا ما ارتاحت لأسمي وخصوصي بعد ما عرفت انو ايهم الي سماني زهرة
بعد ما قعدنا انا وام وليد وحكينا شوي عطتني غرفة ببيتا وقالتلي ريح حالي ونام شوي بس اول ما طلعت ما اجاني نوم ابداً فضولي كان عم يقتلني بدي تفسير لكل شي عرفتو عن ايهم كنت عم موت من الفضول
وانا عم بتذكر كل شي صار معي ببيت ايهم فجأة تذكرت الصورة الي خبيتا بجيبتي وما شفتا لليوم نطيت من تختي ورحت اركض عالصورة مسكت البجامة وصرت دور بجيابها لحتى لقيتا
تبسمت بنصر واول ما فتحتا غابت الأبتسامة
زهرة. لا مو معقول مستحيل!!........#يتبع
واخيراً بلشنا بهالقصة رفعولي البوست وعطوني رأيكون كمقدمة❤️
الجزء الرابع+الخامس
#أسيرة_الذاكرة_بقلم_رومانتيكا
الجزء الرابع..........
عندما يناديك مجهول حذاري ان ترد قف بعيداً واستمع فقط ، لا تكن مثلي وتغوص في القاع حتى لا يواجهك الغرق .
#Romantika
_________
تبسمت بنصر و اول ما فتحت الصورة غابت الأبتسامة
زهرة. لا مو معقول مستحيل!!
نفسو نفس الرجال
_______
_______
"ما وراء الكواليس قبل اسبوع"
لما فتحت باب المخزن كان في رجال كبير شوي بالعمر مربطين ايدي ورجليه ومربوط بالعامود حطيت ايدي عتمي وكتمت شهقاتي كان كلو غبرة وجسمو أحمر وكأنو عم يحاول يخلص حالو من العامود
زهرة. أأ ممين انت
اشرلي عالكمامة الي مربوطة عتمو قربت منو بسرعة وفكيتا
زهرة. مين انت وشو جابك لهون؟؟
مجهول. طالعيني من هون بسرعة
(بتوتر) زهرة. مو قبل ما تخبرني مين انت
(بصوت عالي) مجهول. طالعيني من هون عم قلك
زهرة. الله يخليك وطي صوتك هلق بيجي ايهم
مجهول. ويجي كتير خايف منو واحد بلا اصل
كنت بدي امشي وتركو ما بدي اتورط وما بدي سببلو لأيهم مشاكل اكتر من هيك بالنهاية هو ساعدني
مجهول. لحظة!!
وقفي
زهرة. شو بدك
(بصوت مبحوح) مجهول. عالأقل سمعيني ومتأكد انك رح تساعديني
(بتردد) زهرة. شو في انت مين؟
مجهول. انا!!
انا ابو لأيهم
(حطيت أيدي عتمي) زهرة. شووو؟؟
مستحيل ابو لأيهم مات
مجهول. وعم يكزب ويقول اني متت مشان يعمل عمايلو الوسخة
(بخوف) زهرة. شششو قصصدك
مجهول. سجني هون ليورثني وانا عايش كل يوم عم بيعذبني وعم يضربني ويتهمني اني سرقتو وبلغت الشرطة انو بيشتغل بالتهريب
قبل ما يكمل كلامو ربطت تمو وهو عم يصرخ وسكرت باب المستودع وصرت اركض لحتى وصلت على غرفتي كنت متوترة كتير وخايفة معقول هاد ابو لأيهم و ايهم بيشتغل بالتهريب مستحيل ما عم صدق!
كنت متأكدة انو عم يكذب لانو ايهم ما عمل معي الا كل منيح والمنيح الي عملو ما بيعملو حدا عاطل
قدرت اقنع حالي انو حكي هاد الرجال كذب لحتى هربو بس كان الفضول عم يدبحني لاعرف ليش ايهم ساجن هاد الرجال بعد ما تعبت من التفكير حسيت عطقة المفاتيح لما اجا ايهم حاولت بين طبيعية قدر الامكان وطلعت عالصالون
زهرة. مرحبا ايهم
ايهم. اهلين يا عيني كنت مفكر حالي مخربط بالبيت
زهرة. ههههه كيف ان شاء الله عجبك
ايهم. كتير حلو يعطيكي العافية لحظة انا كأني شامم ريحة اكل
زهرة. اي مزبوط طبخت
ايهم. لحظة هالريحة بعرفها وبحبا كتير شو هالأكلة يا ترى اييي شاكرية هههههههه
زهرة. هههه اي
ايهم. شبك زهرة ليه حاسك مو عبعضك
زهرة. لا لا ولا شي تعا ساعدني بالسكب
بعد ما سكبنا الأكل وحطينا عالطاولة قعدنا ناكل وساد الصمت بيناتنا لحتى انا قطعتو
زهرة. ليك ايهم
ايهم. اي
زهرة. في حدا ساكن غيرك بالبيت
(تغيرت معالم وشو بتوتر ومسك المحرمة الي جمبو ومسح تمو فيها) ايهم. ششو قصدك مين قصدك حدا غيري
زهرة. مما بعرف الصراحة الصراحة اليوم سمعت اصوات غريبة بالبيت
ايهم. لا لا تخافي مين بدو يكون في يعني
__________
__________
العمى يعني معقول يكون حكي الرجال صحيح معقول يكون ابو لأيهم وإلا ليش محتفظ بصورتو وكان عم يطلع عليها يا ربي رح جن مخي ما بقى يستوعب ليش عم يصير معي هيك ليش؟؟
لك انا شايفتو لهاد الرجال بغير المخزن بس ويننن؟!!
بعد ما سيطرت على كل هالأفكار الي براسي قدرت نام وفقت الصبح على دقة باب غرفتي
زهرة. أدخل
ام وليد. صباح الخير
(عم اتاوب) زهرة. صباح النور خالتي
ام وليد. اسفة ازعجتك
زهرة. لا ولو حاجتني كسل
ام وليد. طمنيني ان شاء الله ارتحتي بالنومة
زهرة. اي كتير ارتحت
ام وليد. دووم ان شاء الله بس فيقتك مشان تفطري معنا كل أسبوع منعمل جمعة للعيلة
زهرة. ما بدي ازعجكون
ام وليد. لا بزعل منك ها يالله بدلي تيابك وانا رح انطرك مننزل مع بعض مشان ما تخجلي
زهرة. اوك شكراً
بعد ما طلعت ام وليد قمت من تختي بتماطل لبست فستان زهري فاتح حطيت روج خفيف ورفعت شعري كانت ام وليد ناطرتني عند الباب
زهرة. يالله خالتي
ام وليد. اللهم صلي عالنبي قمر
(بخجل) زهرة. شكراً
نزلنا عالدرج وانا عيوني بالأرض كانت كل العيلة متجمعين بالصالون عطاولة السفرة ابو فؤاد ومرتو وولادو التنينن وائل وفؤاد بالأضافة لأيهم
(رفعت راسي) زهرة. صباح الخير
(الكل اتطلع عليي). صباح النور
كان أيهم لسا عم يطلع علي حتى حس اني قعدت عالكرسي الي جمبو
زهرة. انا اسفة ما كنت حابة ازعجكون
ابو فؤاد. لا بنتي ازعاج شو خبرنا بكل قصتك ونورتينا
زهرة. شكراً عمو
ايهم. ههههه ادا عمو ابو فؤاد الي ما بيرضى يقلنا كلمة حلوة قلك نورتينا
زهرة. ههههه ليش غيران
ابو فؤاد. شو ايهم خبرنا ما قررت تخطب
ايهم. عمي شو جاب سيرة الخطبة
فؤاد. ليش ما بتعرف بابا لما بدو يدايقك بيفتح موضوع الخطبة
ايهم. لا اطمن رح اخطب عن قريب😉
بس العتب عليك
ابو فؤاد. خرسو انتو الجوز هلق بيبلشو نقار
ايهم. هههه أمرك عمي
فؤاد. خرسنا
زهرة اسكبلك شي شايفك خجلانة
سحب صحني من قدامي)
ام وليد. بزعل منك ها
زهرة. لا والله ماني خجلانة
(سحبو منو ايهم والكل لاحظ ردة فعلو وغيرتو ) ايهم. شو اسكبلك
لا ستي خجلانة لا تصدقيها
(بخجل) زهرة. متل ما بدك عكيفك
بعد ما افطرنا طلعنا كلايتنا قعدنا بالحديقة قعدت معهون شوي بعدين تركتون لحالون مشان ياخدو راحتون ورحت عالمسبح قعدت عحرفو وحطيت رجليي بالمي كنت مغمضة عيوني وعم العب بالمي وانا عم بتنفس بعمق حسيت حدا حط أيدو عتمي وسحبني
(حطيت أيدي عقلبي وتنهدت) زهرة. هادا انت
أيهم. هههههه شبك نقزتي
(بصوت عالي) زهرة. سلامتك
ايهم. ههههه روقينا ليش قاعدة هون لحالك
زهرة. قلت بتركون تاخدو راحتكون
(حط رجليه بالمي) ايهم. شو ان شاء الله مرتاحة هون
زهرة. حبيت اجواء عيلتكون حسيت فيها انسجام وترابط وخصوصي علاقتك مع ولاد عمك
ايهم. ههههه شكراً عهالمدح
(تطلع بعيوني) بتعرفي انك اليوم طالعة كتير حلوة ولابقلك الزهر
(حطيت ايدي ععيوني) زهرة. أيهمم لا تخجلني
ايهم. برأيي ما لازم تلبسي هيك لبس لحتى ما تكون عيون الكل عليكي لا تفهميني غلط بس لمصلحتك
زهرة. يمكن معك حق
ايهم. ليكي جبتلك موبايل
زهرة. لا مستحيل ما بقبلو
ايهم. بس انتي بحاجتو هلق وازا مشان حقو عتبري دين و بس تشتغلي ويصير معك بترجعيلي
زهرة. ما بعرف كيفك أتشكرك
ايهم. ليكي هي سجلتلك رقمي عليه وادا احتجتي اي شي لا تتردي
زهرة. شكراً
بعد ما راح ايهم وعمو فتت على غرفتي ورجعت الشكوك تراودني مشان الصورة الي شفتا لدرجة ما قدرت اتحمل اكتر من هيك و مسكت الهاتف الي جبلي ياه أيهم فتحت عمحادثتو وأيديي عم يرجفو كان متصل فكتبتلو مسج (مسا الخير ايهم كيفك) مسحتا وسكرت الهاتف بعد شوي وصلني أشعار من الوتس اب
أيهم. كيفك زهرة ههههه ليش مسحتي الرسالة
بعقلي(يي شافني) زهرة. ههههه لا قلت بتكون نايم
أيهم. مو مكتوب متصل الأن🤔
بعقلي(يي شو هالغباء😱) زهرة. آااه ما انتبهت كيفك
أيهم. الحمدلله تمام وانتي
زهرة. الحمدلله
(صفنت شوي) زهرة. بدي اسألك
أيهم. اتفضلي
زهرة. كيف مات ابوك الله يرحمه
أيهم. هو كبر بالعمر صابو مرض تعب جسمو الله يرحمو بتعرفي لهلق بفقدلو بس ليش عم تسألي
زهرة. ما بعرف هيك خطر عبالي
أيهم. اهاا اي صح بدي قلك
زهرة. اتفضل
أيهم. بكرا بدي سافر على سوريا ازا محتاجة شي خبريني قبل ما سافر
زهرة. تروح وترجع بالسلامة شقد رح تضل؟
أيهم. شي اسبوع
(بضيق) زهرة. بدك تروح تشوف جولي
ايهم. يعني هيك شي
يالله تأخرت عليكي
زهرة. ولا يهمك
بعد ما سكرت مع أيهم صرت فكر بحكيو هو رح يسافر وهي فرصة لألي لازم ارجع فوت عبيتو وافهم من الختيار الي شفتو كل شي لازم لاقي جواب لكل الاسئلة الي ببالي قدرت نام بصعوبة وتاني نهار وعيت عرنة موبايلي كان ايهم
زهرة. اهلين ايهم صباح النور
زهرة. لا جاي أخد المفتاح
كان جاي ليعطيني مفتاح بيتو ادا احتجنا شي وعم يخبرني انو ما حدا فتحلو الباب لبست تيابي ومشيت بأتجاه الباب بصعوبة كان مبين عوشي التعب والارهاق لاني مو نايمة طول الليل
فتحت الباب كان عم يستناني تحت نزلت من الدرج بصعوبة حتى تفركشت رجلي من عالدرج مسكني بأيدو وسندني لحتى ما اوقع كنت قريبة منو كتير عم بسمع دقات قلبو وقلبي عم يدق بسرعة من نظراتو لألي خلصت حالي من بين أيديه وعم قول بقلبي ما بدي بدي ضل بين أيديك
أيهم. انتي منيحة
(بتوتر) زهرة. شكراً كنت رح اوقع انا تمام
أيهم. اها هي مفتاح البيت
زهرة. توصل بالسلامة
أيهم. الله يسلمك
طلع ايهم عسيارتو وركب جمب فؤاد
فؤاد. لوين معلم ؟
ايهم. عالشغل
فؤاد. شو صار معك
ايهم. قريباً منتأكد من كل شي بس خايف تخبصلا شي تخبيصة قلت
لوائل ينفذ الي قلتلو عليه
فؤاد. اي معلم كان عندو مهمات كتير اليوم بس اجلهون مشانك
ايهم. اي كتير منيح بتعرف ما بوثق غير فيكون وبعتبركون متل خواتي بس وقت الشغل شغل
______
بعد ما راح أيهم ستنيت للمسا وقلبي عم يدق بسرعة كنت متوترة كتير وخايفة شوف الختيار طلعت من البيت من دون ما حدا يحس عليي كنت حافظة العنوان اخدت تكسي ورحت عبيت أيهم فتحت الباب ودقات قلبي عم بتزيد كان عتمة كتير خفت شغل الضو مشان ما يشوفني حدا من الجيران
نزلت لتحت وعم ضوي بضو موبايلي لوصلت لباب المخزن تنهدت بعمق وحطيت ايدي عمسكة الباب وقبل ما فوت لفني من خاصرتي حط ايدو عتمي وسحبني عجنب كان لابس أسود ومغطي وشو
مجهول. مفكرة حالك رح تفلتي مني!؟؟.....#يتبع
#أسيرة_الذاكرة_بقلم_رومانتيكا
الجزء الخامس............
وإني بحبك خضتُ التمني،وقلبي بقربك لحنٌ يغني أفُرُ منك فألجأ إليكَ ، وأحيا بقربك فخذ كلي مني.
#Romantika
________
كان لابس أسود ومغطي وشو لاففني من خاصرتي وحاطط أيدو عتمي وانا قلبي عم يدق بسرعة وعم برجف من الخوف
مجهول. مفكرة حالك رح تفلتي مني
شال القناع عن وشو وتطلع عليي بعيونو العسليات الي حسيتون عم يقدحو شرار وحنية بنفس الوقت حطيت ايدي عتمي وانا مصدومة
زهرة. هادا انت؟!!
ايهم
بصوت مقطع ششو جابك لهون
ايهم. والله بدك تسألي حالك هالسؤال
زهرة. مما قلتلي مسافر عسوريا
ببرود ايهم. غيرت رأيي
زهرة. أنا انا
ايهم. انتي شو؟!!
(بصوت متقطع) زهرة. خلينا نقعد واشرحلك كل شي
رحنا عالصالون قعدت قبالو وبلشت اشرحلو كل شي صار بداية بالصورة للختيار الي شفتو وقلي انو ابو وكل شي صار معي قلتلو عليه
كان مكتف ايديه وصافن بحكيي ما كان مستغرب ابداً ولما خلصت حكيي فلت أيديه وصار يسقفلي
ايهم. براڤو انتي عنجد محققة رائعة يعني قررتي تنقذي البريء الي انتهب رزقو من المجرم الي بلا ضمير الي هو انا👏🏻👏🏻
زهرة. صدقني ما كنت حابة اتدخل بس لما شفت الصورة ما قدرت
ايهم. لك انا بس لو افهم كيف شفتي الصورة
زهرة. صدفة
ايهم. من لما فقدت الصورة حسيت انك عرفتي شي وقلت بعطيكي فرصة وبقلك اني مسافر لاتأكد
زهرة. انا اسفة فضولي قتلني
ايهم. لااا عنجد انا خلص لازم شغلك معي ولا لاء ليش شغلك معي بعدين بتسبقيني وبتخربي علي
زهرة. كييف؟!!
يعني انت ما بتشتغل بالتهريب
ايهم. شووو؟؟
(حاولت اتفادا الموقف) زهرة. هيك قال أبوك🤗
ايهم. لك لسا بتقلي ابوك لا تعصبيني من كل عقلك بدي اشلف ابي هالشلفة يا أنسة هاد الي عم تقولي عنو ابي هو الي بيشتغل بالتهريب
زهرة. ككيف؟؟
ايهم. اي وانا حابسو هون كرمالك
(حطيت ايدي عتمي وبصوت متقطع) زهرة. ككيف يعني كرمالي
ايهم. حضرتو بيهرب اسلحة ومخدرات وبضاعة وسخة
زهرة. وشو دخل هاد بكرمالي؟
ايهم. اسمو مصعب الأحمد حاولي تتذكري
زهرة. ما بعرف كأني سمعانة بأسمو بس ماني متذكرة شي
ايهم. بيوم الحادثة كنت مقرر القي القبض عليه من دون ما خبر حدا لانو كل ما ينسجن يطلع براءة قبل ما يكمل التحقيق بسبب واسطاتو كنت مدايق من هالوضع كتير خصوصي انو مسبب مشاكل بالمنطقة كنت مقرر ما سلمو للشرطة لحتى جمع أدلة أكيدة ضدو تخلي عالأقل ينسجن مؤبد
عم راقبو لاني بشتغل محقق بخفر السواحل ومعي تنين من رجالي فؤاد ووائل شفتو كنا عم نراقبو من بعيد بس انا غواص ما لقيت قدامي حل غير غوص لعند القارب الي هو في انا ورجالي لحتى ما ينتبه علينا بس قبل ما نلقي القبض عليه لاحظت انو عم يشلف حدا بالمي بصعوبة قدرت انقذك وبعد ما انقذناكي القينا القبض عليه
حطيت ايدي عتمي وانا مصدومة من الي عم أسمعو
زهرة. شوو!!
كيييف كيف يعني عم يشلفني بالبحر؟؟
ايهم. متل ما سمعتي
زهرة. بس انت قلت غير هيك ليش قلتلي انك لقيتني عشط البحر ليش كذبت عليي ليش؟!
ايهم. لمصلحتك ما كان بدي وجعلك راسك هي شغلة وشغلة تانة ما كان بدي تفكري شي تاني
زهرة. قول لمصلحتك عم تستنى ترجعلي الذاكرة لحتى تقوى الأدلة عندك أكتر واعترف بانو هو الي شلفني وانا الغبية الي صدقت مساعدتك الأنسانية
ايهم. زهرة انا عنجد لما انقذتك بعد ما ارتطمتي بصخرة كبيرة كانت مساعدة انسانية وما كان ببالي شي تاني
زهرة. وطبعاً بعد ما انقذتني تغير الوضع وقررت تستغلني لهيك دبرتلي مكان عيش في
ليش كزبت عليي ليش ما خبرتني الحقيقة ليش؟؟
ايهم. انا ما بنكر اني طمعت بمساعدتك بعد ما ترجعلك الذاكرة بس تأكدي كمان حتى لو ما بدي شي منك كمان كنت رح ساعدك وانا مشان ما تفكري بهالطريقة ما خبرتك بالحقيقة
زهرة. ليش كنت رح تساعدني؟
صفن بعيوني شوي وقبل ما يحكي شي وقفت وقاطعتو
وقفت واتجهت بأتجاه الباب زهرة. عن اذنك
قاطعني ايهم. ستني بتمنى انك تساعديني بهالقضية بما انك عرفتي كل شي وعلى فكرة انا عنجد مسافر بس مو اليوم بعد كم يوم قررت اختبرك قبل ما سافر
تركتو ومشيت رحت على بيت ام وليد وطلعت على عرفتي كانت الساعة تنتين بالليل قعدت ورا الباب ضبيت رجليي بأيديي وصرت ابكي ما بعرف ليش عم ابكي يمكن لاني انخذلت من ايهم كنت شايفتو حدا طيب بمساعدتو لألي طلع بس بيهمو مصلحتو
المشكلة انو كل شي معي هلق من ايهم لولا كنت بصفا بالشارع مشان هيك مضطرة وافق على مساعدتو صارت الساعة 8 الصبح وانا لسا ما نمت من التفكير فتحت موبايلي كان اخر ضهور الو من خمس دقايق بعتلو مسج وهو دغري رد عليي
زهرة. صباح الخير ايهم
ايهم. اهلين صباح النور كيفك
زهرة. منيحة بدي اسألك
ايهم. اتفضلي
زهرة. انت عنجد نشرت صوري
ايهم. الصراحة كنت مقرر انشرون قلت بلكي عندك اهل و كان خاطفك بعدين ترويت شوي مشان ما تنأذي خفت يكون موضوع ثارات او شي تاني
زهرة. فهمت عليك
طيب ليك انا قررت ساعدك لانك ساعدتني حتى لو لمصلحتك
ايهم. منيح
زهرة. بس ليك انا ما بدي ضل عالة على حدا يعني بدي تدبرلي شغل وانا الي اصرف عحالي
ايهم. ههههه قلتلك تشتغلي معي ما اقتنعتي
زهرة. مافي شي بيضحك
ايهم. طيب ماشي لكن اليوم لازم نروح مع بعض عنفس المكان الي عملتي في الحادث يمكن تتذكري شي
زهرة. اوك بشوفك
سكر معي وزت الموبايل عالصوفا كان طول الليل سهران عنفس الصوفا محل ما كنت قاعدة كان متلي طول الليل عم يفكر بس كان عم يفكر بالبنت الي سلبتلو عقلو عم يتذكر حرحاتا ضحكاتا ودمعاتا عم يقول بينو وبين حالو معقول كون حبيتا بس لاء انا ما لازم حبا في الف حاجز بيني وبينها لازم تكون اخر وحدة بفكر فيها يا ريت يا ريت عرفتا بغير هيك ظروف كل ما بيتذكر برائتها بيضحك وبيرجع بيفكر فيها بينسى انو حرم حبها عليه
مسك موبايلو ودق لفؤاد من دون ما يفكر
ايهم. صباح الخير
(وهو عم يتثاوب )فؤاد. اهلين ايهم يا زلمة حدا بيدق للتاني بهالوقت حرام عليك
(تجاهلو) ايهم. خبرتا بكل شي
فؤاد. مين هي
ايهم. مين غيرا زهرة خبرتا بكل شي صار معنا
فؤاد. الله لا يعطيك العافة مكيف عحالك
ايهم. ولاك نسيت اني معلمك
فؤاد. نسيت انو مانا بالشغل😏
تركني كمل نومتي قال مكيف عحالو هه وفصل الخط
________
عالساعة عشرة الصبح طلعت من غرفتي ونزلت لتحت سلمت عخالتي ام وليد وقلتلا رح اطلع ايهم مدبرلي شغل طبعاً مشان ما تحس بشي مو طبيعي كان ايهم عم يستناني وزادت أبتسامتو اول ما شافني
زهرة. مرحبا
ايهم. اهلين زهرة افطرتي؟
زهرة. لا ما افطرت طلعت مستعجلة
ايهم. كتير منيح جبت فطاير هلق منفطر انا وانتي
زهرة. لا ماني جوعانة كول انت
وقبل ما يرد عليي قاطعنا رنة موبايلو فتح خط وكان مبين عليه الاستغراب
ايهم. شو عم تقول انت متأكد؟!
انا جاي فوراً
زهرة. مين هاد شو صاير
ايهم. جولي!!
جولي رجعت عالشغل
زهرة. اي منيح يعني جولي بتشتغل معك
ايهم. مو مهم هلق انتي لساتك رح تساعديني بهداك الموضوع
(تطلعت بعيونو بحزن) زهرة. انا وعدتك
ايهم. وشو ما رح قول رح تأكدي
زهرة. اكيد
ايهم. بتوعديني انك ما رح تكذبيني ولو شو ما قلت
زهرة. هو هو علينا وعدتك ورح برجع بوعدك
ايهم. انتي جاهزة
زهرة. جاهزة
طبعاً الشي الي كان عم يخطر ببالي بوقتا انو رح يبرر لحبيبتيو الحكي الي قلتلا ياه عند الباب وبدو ياني ساعدو ما كان ببالي شي تاني غير هيك لكن الشي الي صار كان عكس هيك تماماً
اول ما وصلنا نزلنا من السيارة دخلنا عالمكتب واول فوتتنا مسك ايدي بقوة حاولت فلت ايدي منو اول ما شفت جولي بس هو كان عم يشد عليها اكتر الكل كان عم يطلع علينا ومصدوم وانا عيوني بالأرض خجلانة من نظراتون ليش عمل هيك ايهم وشو الي صار
ايهم. شبكون ليش هيك كلكون عم تطلعو علينا؟؟
ههههه لا تستغربو بعرفكون خطيبتي
الكل كان مصدوم وما عم يصدق الي سمعو وكانت صدمتي مضاعفة طبعاً متل الجدبة ما عم افهم الي صار كنت ناطرتو يقول خطيبتي جولي يعني اكيد عم يعمل فيها مقلب انا متأكدة
ايهم. ههههه ما بدكون تباركولي انا وزهرة خطبنا!!....#يتبع
رفعولي البوست بدي تفاعل مو متل مبارح
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
ــــــــــــــــــــــــــــــ