الفصل 1
اسير ذكراه
الفصل 1
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *اسيرة.الذاكرة.tt*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الأول+الثاني+الثالث
#أسيرة_الذاكرة_بقلم_رومانتيكا
الجزء الأول..........
*غمضي عيونك كتير منيح وخليكي مركزة معي
_غمضتون انا معك
*انتي مع حدا تاني بأسم تاني ،وبمكان تاني
_هههههه حاج تضحكني
*ههههه عنجد شي بيضحك بس انا ماني عم ضحكك انا عم احكي الحقيقة
_طيب انا مين؟؟
*انتِ!!
انتِ أسيرتي
بلشت ايديه ترتخي شوي شوي وأول ما فتحت عيوني بلشت تغيب صورتو عن مخيلتي اخدت معها الزمان والمكان حتى اني نسيت ملامحو نسيت وين كنت شو أسمي ذاكرتي كأنو ورقة بيضة انمسحت من كل شي بلشت عيوني ترسملي حدا تاني ببشرة سمرة وعيون عسلية كان عم يطلع عليي بأبتسامة عريضة حدا غير الي كان من شوي بس انا وين وشو الي عم يصير معقول كل شي كان حلم
مجهول. زهرة انتي منيحة؟
(عم فتح عيوني بصعوبة) زهرة. بس انا ما أسمي زهرة
مجهول. شوو انتي تذكرتي شي بسرعة قوليلي شو تذكرتي الله يوفقك
زهرة. انا مين؟!!
وشو جابني لهون وانت مين
(تطلع عليي وعكف حواجبو بعدم رضا بعد شعور امل تسلل جواتو بأنو ممكن تذكرت شي يفيدو)
مجهول. أيهم انا أيهم
رح روح نادي عالدكتور شوي وبرجع
كنت ممدة عتخت حديد حاسة حالي متل الدايخة بلشت شوف وجوه غريبة عليي بصعوبة عم ركز وما عم بحسن اتذكر شي نهائياً كأني بعالم تاني كل شي في غباش بس الي فهمتو بعد فحص الدكاترة اني فاقدة للذاكرة
بعد ما طلعو الدكاترة والممرضين حسيت حالي دايخة ومو وعيانة عشي لتاني يوم الصبح لحتى صحيت واول ما صحيت لقيت جمبي الشب الأسمر الي شفتو اول ما صحيت قرب عليي وصار يحكي
م. صباح الخير
مبارح لما صحيتي كنتي تعبانة وما حكينا شي وهلق ازا بتحبي ارتاحي وبعدين منحكي
حط ايدو عالباب واجا ليطلع وقبل ما يطلع قاطعتو
زهرة. لحظة ...
أيهم. !!!
زهرة. انا منيحة بس بدي افهم كل شي شو الي صار وشو الي جابني لهون انا ماني عم بتذكر شي نهائياً
(شبك ايديه ببعضون بأرتباك وقعد عالكرسي الي جمبي كان باين عليه التوتر وانو عم يحاول يجمع كلماتو)
أيهم. الصراحة انا ما بعرفك وما بعرف شو الي صار معك بالزبط كل الي بعرفو اني لقيتك مرمية عشط البحر وما بعرف شو الي صار معك
زهرة. لحظة لحظة يعني لقيتني مرمية عالشط
(هز راسو بمعنى الموافقة) أيهم. يعني
زهرة. طيب هلق انا وين بدي روح بحالي وينون اهلي مافي حدا سأل عني طيب كيف بدي اعرف بلكي كنت متزوجة او عندي ولاد مثلاً يا ربي رح جن
(ببرود) أيهم. طولي بالك رح نلاقي حل لكل شي
زهرة. انت شو فارقة معك ؟!
طيب ليك انا شقد صرلي هون بالمشفى وانت ايمتا لقيتني مرمية عالشط
أيهم. صرلك أسبوع
(دخلت الممرضة وتطلعت عليي بأستغراب) الممرضة. صباح الخير شو صحيتي مدام
زهرة. لا لساتني نايمة
الممرضة. اسفة قصدي انو
(قاطعتها) زهرة. ايمتا رح اطلع من هون
الممرضة. الصراحة كان فيكي تطلعي من مبارح لانو ما ضل غير رضوض بسيطة رح تشفى مع الوقت بس زوجك طلب منا نخليكي كمان اليوم
(بأستغراب) زهرة. زوجي وينو زوجي؟؟!
(تلبك وحاول يتفادى الموقف بضحكة) أيهم. اي الأفضل تضل هون اليوم لترتاح
(أشرت عليه بتردد) زهرة. يعني انت زوجي
(بأرتباك) أيهم. خلصتي شغلك دكتورة فيكي تطلعي مشان المدام ترتاح شوي
الممرضة. اوك ازا اعتزتو شي نادولي
(بصوت عالي) زهرة. فهمني يعني انت زوجي؟؟
ليه ما قلتلي من الاول ليه!
ليه قلت انك لقيتني مرمية وانت ما بتعرفني
(مكتف ايديه) أيهم. خلصتي!!
يعني بدك ياني قول للمشفى هي وحدة لقيتا مشلوفة عشط البحر مشان يجيبو الشرطة وعلى تحقيق ووجعة راس
زهرة. عفكرة كان فيك تقلون اني أختك مثلاً😒😒
أيهم. عأساس كنت بوعيي وقتا اصلاً الحق عليي الي أسعفتك وإلا كان لازم أتركك مشلوفة عالشط
زهرة. طيب خلص خلص وجعني راسي ايمتا رح تطالعني من هون ولوين رح روح بحالي
(بتردد) أيهم. ما بعرف لوين رح أخدك الصراحة مافي مكان أخدك عليه غير بيتي مبدئياً لبين ما لاقيلك مكان تاني او بلكي ان شاء الله بترجعلك ذاكرتك
(بلهفة) زهرة. طيب ايمتا رح ترجعلي ذاكرتي
أيهم. والله ما بعرف الدكاترة توقعو انك تكوني فاقدة الذاكرة قالو انو في أمل مع الوقت تتذكري بس هلق مو مبين ايمتا
زهرة. شوو يعني ممكن ما أتذكر يا ربي ليش؟
طيب لما لقيتني ما لقيت معي موبايل اوراق اي شي يعرف عني
أيهم. الهيئة انك ضاربة بشي صخرة كبيرة او شي تاني ويبدو انك نفذتي بأعجوبة وما كان معك شي خالص
(رتب خصل شعرو الناعم واستقام بوقفتو بثقة) أيهم. طيب هلق انا رح جهز أوراقك مشان نخرجك من هون ومنشوف شو بيصير بعدين
هزيت راسي بمعنى الموافقة
بعد ما طلع ايهم لبرا كان في واحد عم يستنا عند الباب
ايهم. شو صار معكون بموضوعنا
فؤاد. معلم ما عم يرضى يعترف بشي
(بعصبية) ايهم. انا بفرجي بس اطلع من هون بس لو مانو كبير بالعمر كان فرجيتو روح جهزلي اوراق المشفى واوعك تقلي معلم قدامها او قلك لا تفرجيني وجهك
فؤاد. ايهم ممكن سؤال!
ايهم. اسأل شو بدك
فؤاد. ليش ما خبرتا الحقيقة مين انت وشو صار معها بالحادثة
ايهم. مشان تطمنلي وما تفكر اني عم استغلها ارتحت هيك
فؤاد. طيب مافي داعي تقلا مين انت بس ليش خبيت عنها الي صار
ايهم. مو شغلك ساوي الي قلتلك عليه واوعكون انت ووائل تخبرو عمي بشي هاد الموضوع بالاخص بيضل بينا نحن التلاتة
فؤاد. بس بابا
(قاطعو) ايهم. لا بس ولا شي ما رح يرضا نورط حالنا بهيك موضوع كبير
فؤاد. أمرك معلمنا
أيهم قعد عالكرسي الي جمب غرفتي وكان صافن بيلي صار بهالأسبوع كان عم يفكر بينو وبين حالو(شو هالبنت هي ملامحها الطفولية حجما الصغير وعصبيتا لما فاقت له يا أيهم بأسبوع واحد عملت فيك هيك) صار يضحك عحالو وما عم يلاقي تفسير لتفكيرو هاد
بعد ما خلص أيهم اجراءات الخروج طلعنا انا وياه عالسيارة كنت حاسة براحة مو طبيعية اول ما طلعت من المشفى كانت ليلة هادية والنجوم معبية السما القمر بيجنن ونسمات الهوا الي عم تطير شعري برات قزاز السيارة عم تحسسني بالراحة
وصلنا على منطقة مطلة عالشط ببيت بعيد شوي عن الزحمة فيني قول انو كان شبه كوخ صغير وحيد بهالمنطقة
أيهم. يالله نزلي
زهرة. انت عايش هون
أيهم. لاء هنيك ليش شايفة غير هاد البيت بالمنطقة
(بتردد) زهرة. قصدي انو انت عايش هون لحالك يعني ما معك حدا
أيهم. عندك مانع ازا عندك مكان تاني تروحي عليه روحي
(صفنت شوي وانا مترددة بعدين تزكرت وضعي هزيت راسي بمعنى الموافقة) زهرة. طيب تمام خلينا ننزل
أيهم. اتفضلي
نزلنا انا وأيهم من السيارة وانا حاسة بخوف وما شلت عيوني عن الأرض دخلنا عالكوخ الي كان عبارة عن غرفتين وصالون صغير وكان في موقدة حطب بالحيط وجمبها كرسي هزاز من القش غير عن الآلات الموسيقية الي معبية الصالون الي لما شفتا حسيت بشي غريب كان بيت مريح نوعاً ما
أيهم. زهرة..زهرة
صرلي ساعة عم اسألك جوعانة؟!
زهرة. مين زهرة؟
آاه عم تناديلي انا
أيهم. في حدا غيرك
زهرة. طيب ليه سميتني زهرة شو هالأسم ما لقيت أحلا منو😒
أيهم. تحمدي ربك اني عطيتك اسم بنتي ويكون بعلمك هادا الأسم مؤقت ما بعطيكي ياه عطول
زهرة. انت عندك بنت
ايهم. لاء بنتي المستقبلية
زهرة. طيب ليك شو بدك تعشيني حاسة حالي رح موت من الجوع
ايهم. تمام رح حضر العشا ازا بتحبي تتحمي هاد الحمام هون
(بخجل) زهرة. بسس
(تطلع عليي نظرة سريعة)ايهم. طيب فهمت عليكي ستنيني شوي
(غاب عشر دقايق ورجع بأيدو اواعي) ايهم. اتفضلي هدول ما بعرف ادا القياس بيزبط بس دبري حالك فيهون مبدئياً
زهرة. اوك يسلمو كتير عذبتك
ايهم. اهلا وسهلا
دخل أيهم عالمطبخ يعمل العشا وانا فتت تحممت واستغربت بأنو التياب الي عطاني ياهون أيهم عقياسي تماماً كانت بيجامة زهرية يا ترى من وين جابها أيهم لبستا ولفيت البشكير على راسي وطلعت
قربت شوي عالآلات الموسيقية وتلمستا بأيديي كان عم يراودني شعور غريب كل ما عم شوفا ما حسيت الا رجليي أخدوني عالبيانو وأيديي صارو يتسللو في ببطئ فجأة حسيتو قريب مني كتير كنت عم حس بأنفاسو وأيديي يلي عم بتلفني من ورا بس ما كنت عم شوف وجهو
م. عزفك كتيير حلو !!.....#يتبع
#أسيرة_الذاكرة_بقلم_رومانتيكا
الجزء الثاني..........
صوت أجش من المجهول يعزف على اوتار قلبي سمفونية عشق ام كره بتُ لا أعلم ملاذي ام انهُ المنفى.
#Romantika
_________
لفيت وجهي لشوف مصدر هالصوت بس كان مختفي تماماً حسيت راسي صار يوجعني مين هاد وشو الي صار معي هلق
أيهم. انتي بتعزفي عزفك كتير حلو
(بصوت متقطع) زهرة. ايهم انت الي قلتلي من شوي انو عزفي كتير حلو
أيهم. ههههه شو عم يصير معك هي اول مرة بقلك شبك زهرة ليه هيك حاسك مو عبعضك لا تكوني خايفة لانك ببيتي لحالك
زهرة. آااه لا لا مو هيك الله يسامحك
أيهم. طيب متل ما بدك خلينا نتعشى لكن عملت سندويشات جبنة وشاي
زهرة. اها يسلم ايديك دخلك انت ليه عايش بهالبيت وبهالمنطقة لحالك
ايهم. والله اهلي مو هون بابا مات الله يرحمو وماما وخواتي هلق لساتون بالبلد
زهرة. الله يرحمو اهلك بأي بلد ؟
ايهم. بسوريا وانتِ هيئتك من سوريا لانو لهجتك متلي سورية
زهرة. امم ممكن
طيب نحنا بأي بلد هلق
ايهم. نحنا بلبنان
زهرة. طيب انت ليه ساكن بهالمنطقة الشبه مقطوعة
ايهم. فيكي تقولي طبيعة شغلي
زهرة. شو بتشتغل صياد!!
كان صافن فيني وعم يراقب حركاتي الطفولية صافن بصوتي الناعم الي عم يسلبلو عقلو
زهرة. أيهمم بشو صافن!
بعقلو(صياد بشر) ايهم. هااا هههههه هيك شي اعتبري صياد بس كيف طلع معك صياد يعني كيف حزرتي
زهرة. ههههه ما بعرف لاني ماني شايفة بهالمنطقة غير البحر هلق انت لقيتني بهي المنطقة
ايهم. لا مو هون يعني تقريباً بعيد من هون شي 2 كيلو متر
زهرة. طيب آخر سؤال انت انقذتني من الموت واخدتني عالمشفى ودخلتني عبيتك وما بتعرف عني شي يعني بمقابل شو؟!
ايهم. يووه شو بتكري اعتبريها مساعدة انسانية
زهرة. مساعدة انسانية؟!
طيب
ايهم. يالله انا بدي فوت نام حاسس راسي رح ينفجر ليكي فيكي تنامي بهديك الغرفة الي جمب المطبخ
زهرة. اوك شكراً
ايهم. تصبحي عخير
زهرة. وانت بخير
فات ايهم نام وانا فتت عالغرفة الي دلني عليها بس ما اجاني نوم من التفكير عم فكر بالشخص الي مر بخيالي فجأة وانا عم اعزف عم حاول اتذكر بس المشكلة حتى صوتو ما عم بقدر ميزو يا ترى معقول يكون ايهم
ما بعرف ليش في شي غريب حسيتو بأيهم يا ترى معقول يكون زوجي بس شو ألو مصلحة يكذب عليي حاولت أتجاهل كل الشكوك الي عم بتدور براسي وبعد طول انتظار قدرت اتغلب على كل شي وقدرت اغفى
تاني يوم صحيت على صوت موسيقى هادية اول ما شقيت الباب لقيتو قاعد على كرسي هزاز ماسك صورة وصافن فيها جمبو فنجان قهوة عم يشربو بهدوء وغرقان بنغمات الموسيقى حتى انو ما لاحظ وجودي
زهرة. صباح الخير
(خفى الصورة تحت الكرسي بأرتباك) ايهم. انتي فقتي اهلين صباح النور
زهرة. على فكرة هي الموسيقى كتير بحبا
ايهم. هي موسيقى ثنائية بيانو وكمان
زهرة. اي لاحظت شكلي بعرف اعزف بيانو
ايهم. لاحظت مبارح خلينا نعزفها يمكن تكوني بتعرفيها
زهرة. خلينا نجرب
ايهم. اي منجرب ليش لاء اتفضلي
قربت عالبيانو وبلشت انقل ايديي في بخفة حسيت حالي بعالم تاني طايرة من الفرح اصوات التصفيق عم تعلى بأداني والأضواء كلا مسلطة عليي شفت حالي لابسة قلادة بالمركز الأول وكان في حدا عم يطلع عليي بعمق من بعيد بس ما كانت مبينة معالمو من العتمة فجأة انقطعت المشاهد عن مخيلتي اول ما خلصت عزف
زهرة. المركز الأول على مستوى عالي
ايهم. ههههه انا بعطيكي المركز الاول بجدارة عنجد ابدعتي
زهرة. لاء انا كنت عم بتذكر هي المشاهد وانا عم بعزف
ايهم. عنجد حلو كتير بهنيكي بلشت ترجعلك الذاكرة
زهرة. شكراً يا رب
ايهم. اي صحي بدي خبرك لازم نبلش بنشر صورك لحتى نوصل لولي أمرك
زهرة. معقول حدا يعرفني
ايهم. نحنا منعمل الي علينا والباقي عالله
زهرة. طيب لايمتا رح ضل قاعدة عندك بالبيت يعني انوو
(بأبتسامة ناعمة) ايهم. فهمت عليكي لا تخافي فكرت بالموضوع انا رح أخدك لعند ستي هي ست كبيرة عايشة لحالا هلق بس أرجع من شغلي مننزل عالسوق منشتريلك شوية تياب وباخدك لعندا
زهرة. اهاا شكراً كتير عذبتك معي
ايهم. اهلاً
يالله ابقى بشوفك لما برجع من الشغل ادا اعتزتي شي دقيلي من الأرضي ورقمي مسجل بأول ورقة بهداك الدفتر
زهرة. ماشي الله معك
طلع ايهم من البيت وراح عمكتبو رتب خصل شعرو الناعم وتفاجأ بوجود جولي بمكتبو
ايهم. أأ جولي مرحبا
جولي. ممكن اعرف ليش ما عم تجي عالشغل ولا عم ترد عأتصالاتي
ايهم. كنت مشغول شوي هالفترة
جولي. بشو مشغول ممكن اعرف مافي مبرر ليلي عم تعملو عنجد صاير ما بتنطائ
(مسكها من معصم أيدها وشدا لعندو) ايهم. هلق صرت انا ما عم بنطاق شو نسيتي ولا ذكرك
فجأة انفتح الباب عليهون ...
فؤاد. انا اسف قاطعتكون ما كنت مفكر انك هون خلص برجع بوقت تاني
قاطعو ايهم. لا فؤاد تعا بدي ياك بشي مهم جولي منحكي بوقت تاني
نترت ايدا منو والدموع مجمعين بعيونا جولي. ماشي عن اذنك
ايهم. اذنك معك
بعد ما طلعت جولي دقق ايهم بالملفات الي عطا ياهون فؤاد
ايهم. تمام بس مو قادرات يدخلو مصعب عالسجن مؤبد لسا في شوية نواقص منحكي فيهون بعدين
(وطى صوتو) مروق لعندي اليوم انت ووائل لازم نحكي بموضوع مصعب ...شكراً فؤاد
فؤاد. اهلاً
صفن شوي بعدين حكا فؤاد. الصراحة ازا ما حكيت رح افقع
ايهم. آااه والله بعرف احكي لشوف
فؤاد. جولي ليش عم تعاملها بهالطريقة يعني ادا ما بدك ياها تركها
ايهم. لا شو اتركها انا بحبا
فؤاد. شو هالحب هاد وانت هاملها ولا بتسأل عنها
ايهم. ما بعرف فؤاد حل عني الي بعرفو اني بحبا
(هز راسو وهو مو مقتنع )فؤاد. ان شاء الله الله يسعدك بشوفك
________
بعد ما راح ايهم صرت اتفتل بالبيت ومحتارة شو بدي اعمل ورجعت الشكوك تدور براسي بشو ممكن يكون سبب اهتمام ايهم بأمري وليش ما عم بقتنع انو مساعدة انسانية
قربت عالدفتر الي كتبلي عليه ايهم رقم هاتفو وبلشت قلب بأوراقو
أول ورقة👈🏻👈🏻بحبك
تاني ورقة👈🏻👈🏻بعشقك
زهرة. مين بيحب وبيعشق هاد عاملي فيها روميوو هههه يا ربي سامحني عالتدخل بخصوصيات الناس بس والله من الملل
ثالث ورقة👈🏻👈🏻 0
\/. أميرتيZahraa
زهرة. مو معقول شو فظيع بالرسم هههههه لحظة لحظة مين هي زهرة معقول يكون الي عم فكر في صح يا ربي ليش ما عم بتذكر شي ليييشش
زتيت الدفتر الي كان بأيدي وصرت روح وأجي بالبيت وانا متوترة ومو عرفانة شو الي عم يصير عم حاول اعصر مخي بس ما عم يطلع معي شي فجأة تذكرت الصورة الي شفتا بأيد أيهم الصبح وخباها تحت الكرسي اول ما شافني
قبل ما شوف الصورة حسيت عرنة الجرس ركضت بسرعة لأفتح الباب وخبيت الصورة بجيبتي بس معقول أيهم ما معو مفتاح
اول ما فتحت الباب نطت بوشي بوكيه ورد كبيرة كتير لأول وهلة حسيتا من ايهم وانو كل شي صار معي مجرد كابوس وهلق وعيت عالدنيي حتى اني كنت عم فكر كيف بدي عانقو وقلو مسامحتك حبيبي وبحبك كتيير بس على شو مسامحتو ما بعرف🤗
اول ما نزلت بوكيه الورد من عن وشي حسيت كأنو حدا كت عليي مي باردة من الصدمة صرت تأتأ بأحرف مو مفهومة من هالمنظر الي شفتو كانت وحدة طويلة ونحيفة كتير لابسة فستان كت من عند الصدر وفوق الركبة بشبر شعرا اشقر ولسا فوق مو طويلة كان كعبا قد راسي
زهرة. مين انتي؟؟
جولي. وينو أيهومي ؟
انتي الي مين اكيد الخدامة الجديدة
زهرة. شووو؟؟
احترمي حالك واسمو ايهم ماشي
جولي. يي شو سوفااش بعدي من طريئي بعدي
زهرة. لا الهيئة انك ما سمعتي او ما بدك تسمعي حبيبتي انا زهرة مرتو لأيهم عم تفهمي وادا ما قلتيلي مين انتي ما رح دخلك والله منيحة هاي
(بصوت متقطع) جولي. ششو مرتو؟!!
مستحيل ما بصدقك ايهم بيحبني انا هو قلي هيك انتي كذابة انتي كذابة زهرة ماتت من زمان
(حطيت ايدي عتمي) زهرة. هالخاين عم يخوني انا مستحيل ما عم صدق وعم يقول عني متت والله لفرجي بس يرجع
(وقعت بوكيه الورد من ايدا وبصوت عالي) جولي. انتي كذابة ايهم بحبني انا عم تفهميي فهمتي ولا لاء
(دفشتا لبرا وطبقت الباب بقوة) زهرة. يالله يالله انقلعي لبرا الله ياخدك شو نورية
(عم تدق على قزاز الباب بقوة) جولي. والله لفرجيكون والله لأنتقم منك ومنو يا كلاب والله لتندمي
زهرة. العمى شو هالدبقة هاي معقول كون غلطت لاء لاء انا عملت الصح كشفتك يا ايهم هيك لكن عم تكزب عليي وتقول اني مو مرتك مشان تحب وتتمعشق عكيفك بس انا بفرجيك مفكر حالك رح تنفذ لا ..لا ما حزرت
بعد نص ساعة قدرت هدي حالي واخلص من كل الافكار الي براسي حسيت حالي تسرعت بتصرفي مع الصبية وما كان لازم اتصرف بهالطريقة لانو مافي دليل لشكوكي يعني ببساطة هلق انا وقعت بمصيبة بعد كل شي عملو معي ايهم شو رح قلو وكيف رح برر😔😔
سمعت صوت طقة مفتاح الباب يعني شكلو اجا أيهم الشي الي خلاني اتوتر بزيادة
(كان عم يرتب خصل شعرو بأيد وبأيدو التانية حامل كيس أسود) ايهم. مرحبا زهرة كيفك
زهرة. اهلين ايهم يعطيك العافية
ايهم. الله يعافيكي
شو شو عملتي بغيابي
زهرة. ما عملت شي مليت من القعدة بتعرف شو لو اني رايحة معك عالصيد كان تسليت شوي
أيهم. ههههه طيب كان طلعي تمشي شوي عالبحر بتغيري جو
زهرة. ما بعرف خفت اطلع لحالي الصراحة وخصوصي انو هالمنطقة ما فيها حدا
ايهم. امم معك حق والله
ما حدا اجا لهون وانا برا البيت او اتصل عالأرضي؟؟
(بخوف) زهرة. لا لا ابداً ما حدا اجى لهون ليه عم تسأل ناطر حدا
ايهم. هههه لا شبك يعني هيك سؤال
زهرة. لا ما فيني شي ما عأساس نروح اليوم لعند ستك
ايهم. الصراحة اتصلت عليها وخبرتني انو هلق مو هون هي مسافرة وبعد اسبوع بترجع
زهرة. امم يعني هلق شو رح اعمل
ايهم. ما بعرف خليكي عندي لبين ما تجي ستي واذا مانك مرتاحة ببيتي في بيت عمي هون باخدك لعندون
(هزيت راسي) زهرة. لا ابداً بنطر عندك لبين ما تجي ستك
بتشكرك كتير عم عذبك معي
ايهم. يا ستي اهلا وسهلا بس تركيكي من هالحكي جبت معي سندويشات شاورما ورح موت من الجوع
(سحبت الكيس من ايدو بفرح) زهرة. يايي شاورما
ايهم. ههههه لهالدرجة الجوع مأثر عليكي
زهرة. ههههه اي جوعانة
ايهم. هلق رح يجو ولاد عمي وائل وفؤاد
هههه ذكرنا القط قام ينط هي عم يندق الباب رح روح افتح
راح ايهم فتح الباب ودخلو معو تنين شباب واحد اسمر والتاني اشقر مبينين من عمر ايهم يعني بأواخر العشرين
فؤاد ووائل. مرحبا
زهرة. اهلين
(أشر أيهم بأيدو عالشب الأسمر). هادا فؤاد عمرو28 سنة والتاني وائل عمرو 26 سنة
زهرة. اتشرفنا انا زهرة هيك سماني أيهم
أيهم. ونسيت خبرك انون كانو معي لما لقيناكي عالشط
زهرة. عنجدد
ما بعرف كيف بدي اتشكركون
وائل. ولو هادا واجبنا
ايهم. زهرة نحنا رح ننزل نقعد تحت معلش تعمليلنا كاستين شاي بدي غلبك
فؤاد. ليش ايهم ما بدك تشرب شاي خايف يعني😊😉
اي والله الدنيا ليل معك حق
(تطلع في وزورو) ايهم. خراس
(حط ايدو عتمو) فؤاد. أمرك
تحت...
وائل. اي ايهم جبتنا لهون مشان مصعب ما هيك
ايهم. مزبوط انا هلق رح اعطي مهلة وما رح اضغط عليه بيضل رجال كبير بالعمر
فؤاد. وبعدين لايمت بدنا نضل ساكتين رجالو رح يبلشو يفقدو ويبلشو يتحركو
ايهم. لا تخافو عم خلي بحكي مع رجالو قدامي وعم سجلو
فؤاد. ايهم افهم مو لمصلحتنا نماطل بالموضوع
(حط ايديه عشعرو وسحبون لورا) ايهم. اووففف انا ما بدي أأذي رح نحاول نهددو بحدا بيحبو
وائل. بس انت بتعرف انو مانو متزوج ولا عندو ولاد
ايهم. خلونا نتأكد من شغلة بعدين لكل حادث حديث بس تعو لقلكون خطتنا هي...
_____
بعد ما راحو ايهم ووائل نزلنا انا وايهم عالسوق واشترينا شوية تياب لألي كنت ركز اكتر الشي عاللون الأسود الي لون كل التياب الي اشتريتا كان اكتر لون يجذبني ويلفت انتباهي حتى انو ايهم استغرب من حبي لهالون بالتحديد ونحنا عم نمشي ونختار باقي التياب فجأة رن هاتف ايهم
رد على موبايلو وبعد ما سكر الخط كانت عيونو عم تقدح شرار وعم يطلع عليي بلئم
مسكني من ايدي ولزقني عالحيط ركز نظرو عليي بعيونو العسليات الي كانو عم يقدحو شرار وبنفس الوقت عم دوب فيهون
أيهم. انتي شو عملتي!!.....#يتبع
#أسيرة_الذاكرة_بقلم_رومانتيكا
الجزء الثالث..........
غريب استحوذني بوسامته وأسرني بنظراته كدت أذوب من حدة ملامحه نسيت من انا وكأني ولدت بين يديه من جديد
#Romantika
______
ايهم. انتي شو عملتي
(بصوت متقطع) زهرة. أأنا ما عملت شي
(فلت أيديي بعصبية) ايهم. اسبقيني عالسيارة رح حاسب وألحقك
تركتو وركضت عالسيارة كنت خايفة من ردة فعلو وعصبيتو كنت عم فكر اهرب بس لوين بدي اهرب وشو بدي اعمل بحالي تنهدت بعمق وصرت طقطق بأصابيع ايديي وانا عم بستنا بالسيارة
زت الكياس عليي وتطلع عليي بعصبية
ايهم. شو مدام طمنيني ان شاء الله مبسوطة
(صار يسقف بأيديه التنتين). براڤو براڤو
(بصوت مقطع) زهرة. أأيهم ششو قصدك
(بحدة) ايهم. اكتر شي بكرهو انو حدا يغشم حالو وهو بيعرف تماماً شو عامل بس طمنيني كيف المسرحية الي عملتيها عباب بيتي الصبح ان شاء الله صدقوكي؟
زهرة. انا أسفة والله بسس يعني انو فكرت
ايهم. ايي شو فكرتي بس عمقلك من هلق اعتذارك مرفوض
(بصوت عالي) زهرة. اي خلصنا بقا ادا بدك تمنني انو مقعدني ببيتك انت غلطان ها ما عاش الي بدو يذلني عم تفهم
فتحت باب السيارة بقوة واجيت لأنزل بس شدني بمعصم ايدو وقفل السيارة وصار يمشي
ايهم. ههههه لوين هربانة يا حلوة عم تهربي مني مفكرة حالك بتقدري تنفذي بعملتك لا لا ما حزرتي ابداً عم تفهمي
(بصوت مبحوح والدموع مغرقين عيوني) زهرة. خلصنا بقى تركني بحالي خلص
ايهم. مو قبل ما تصلحي الشي الي خربتي
كان عم يسرع بالسيارة وعم يطلع عليي بنظرات عم يلمعو شرار مع انعكاس ضوية السيارات الي عم تمشي قدامنا كل هالمشاهد رجعوني بذاكرتي لورا حطيت ايديي ععيوني وصرت صرخ
زهرة. لاءءءء بترجاك لا تقتلني الله يوفقك لااااءءء
تركني الله يوفقك تركني
(مسك ايدي بخوف وقف السيارة عجنب الطريق) ايهم. زهرة..زهرة انتي منيحة صرلك شي زهرة ردي عليي
زهرة. الله يوفقك لا تقتلني ..بترجاك تركني بحالي الله يوفقك
(متلبك) ايهم. زهرة اصحي انا ما رح أأذيكي انا بس تدايقت من الي عملتي الله يوفقك
زهرة. لا تلمسني ترك ايدي الله يوفقك
(ترك ايديي وضل يسوق لوصلنا عبيتو) ايهم. زهرة..زهرة اصحي نحنا وصلنا
(بصوت ناعم) زهرة. لا تقتلني
(بهمس) بترجاك
هادا اخر شي بتذكرو صار معي ومن بعدا ما بقى حسيت بشي تاني خالص
فقت تاني يوم عم بفرك عيوني من النعس فجأة تزكرت المشاهد الي صارت معي مبارح حطيت ايديي ععيوني من الخجل وصرت كز عسناني تمنيت الارض تنشق وتبلعني بدل ما شوف ايهم اليوم
كان قاعد وعم يتذكر خوفو عليي مبارح عم يقول بينو وبين حالو لاء مستحيل ما رح اسمح بهيك شي يصير اصحا ايهم اصحا مسك موبايلو ودق لفؤاد دغري
ايهم. صباح الخير فؤاد كيفك
انا رح اخطب جولي خلص قررت
فؤاد. ايهم لسا معك وقت فيك تقرر عمية مهلك
ايهم. ههههه خلص شريك انا قررت بدنا نودع العزوبية
زلق بالحكي فؤاد. ههههه والله بيطلعلك يا عمي مين قدك بيودع العزوبية مرتين
ايهم. فؤاد
فؤاد. اسف بالغلط بقول لازم تتقدملا اليوم بما انو عيد ميلادا
ايهم. فكرة حلوة سلام
سكر مع ايهم وهو متدايق ومخنوق كتير ليش مصر يذكرو بالماضي ليش؟!
مع انو الشخص الوحيد الي بيرتاح معو ايهم ومأمنو عشغلو وبيحكيلو كل شي صار معو بس كل فترة مصر يذكرو بالماضي
مسك الجريدة الي قدامو وكان صافن فيها بس بالو بمكان تاني
______
رتبت خصل شعري المتناثرة ومسحت دمعتي وقفت ورا الباب وعم بطلع من الشق الصغير كالعادة كان متمدد عالكرسي الي قدام الموقدة وصافن بالجريدة كنت مفكرتو مو منتبه عليي لانو ملتهي بجريدتو بس ما كنت بعرف انو عندو حس عالي كتير
أيهم. اهلين زهرة صباح النور
زهرة. أأ صباح الخير فكرتك مو منتبه عليي
أيهم. بسيطة رح تتعودي
(بتلبك) زهرة. ششو عم تعمل ايمتا فقت
أيهم. فقت من شي ساعة وعم بقرا الجريدة
زهرة. اهااا ....بالمناسبة اسفة مشان مبارح
أيهم. ولا يهمك الظاهر تزكرتي شي بشع مو هيك
زهرة. كان بشع كتير متل كأنو عم يحاول يقتلني ويدمر حياتي
أيهم. طولي بالك بسيطة وهلق طمنيني ان شاء الله هديتي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
ــــــــــــــــــــــ