الفصل 1
القائمة
روايات
بحث عن
الرئيسية/الجزء
الجزء
الجزء الأول من رواية احببت منقذي
الجزء الأول من رواية احببت منقذي
صورة مهند أدهم مهند أدهميونيو 2, 20220801 3 دقائق
وفي الجزء الأول من رواية احببت منقذي للكاتبة زهرة الشيخ دعونا نبدأ في معرفة بداية الأحداث وعن ابطالنا ، كل ذلك في السطور التالية بإذن الله .
الجزء الأول من رواية احببت منقذي
ابطال الروايه♡
سهام :~
وهدي بطلتنا الاساسيه ولي صايره معاها القصه بنت وحيده امها متوفيه وعايشه مع عائلةابوها طبعا والد سهام كان متزوج 2 وكان والدها مدلعها ومش منقص عليها شي خصوصا بعد وفاة امها وكانت العيله كلها متقبلتها ماعدا شخص واحد خلينا نتعرفو عليه مع ابطالنا
سهام :م2002
كانت بنت طيوبه ومتعلقه ب بوها هلبا
مواصفاتها
بيضه متوسطه ف الطول عيونها بنيات وشعرها طويل ع اسود ملامحها تهبل
اريج:م2002
صديقة سهام المقربه و وكانت شخصيتها قويه (مشكلجيه)
مواصفاتها:
حنطيه قصيره عيونها سود وشعرها قصير واسود
سيف: م1996
اخ سهام من بوها كانو اكثر وحدين متعلقين ف بعض وكان عنيد لاكن طيب
مواصفاته :
ابيض متوسط في الطول وعيونه سود كان انيق وحلو كل صاحبات سهام يتعاركن عليه لاكنه محترم
مؤيد : بطلنا م1994
صديق سيف المقرب وكانو يشتغلو ادارة تخطيط مع بعض جدي بعض الشي
مواصفاته:~
شخصيه 🤤طررف طويل عيونه سود وشعر اسود ولحيه سوده كثيفه
ناصر:م1994
اخ سهام الكبير شخصيه مستفزه سكير ويشرب في حبوب تري…. وديما يروح ينكد عليهم ومايطيق حد ف البيت
هدوم هما ابطال روايتنا الباقي نتعرفو عليهم في الأجزاء القادمه
الكاتبه: زهره الشيخ
ف الثانويه وفي وسط الفصل
سهام: مانحكيلك شن صار معاي امس
اريج: شن فيك حبيبتي كنت بنسألك اصلا خيره شكلك اليوم
سهام: قصدك واضح عليا
اريج : اي واضح وجهك رايح طمام وعيونك متورمات
سهام : انفصلنا
اريج : كيف😨كيف صار
سهام : هدا لي صار خطبتله امه
اريج:😠والله مش راجل توا نا نوريه ع اساس يوتي روحه ويجي يخطبك تاريته حاطك احتياط
سهام: لالالالا فكينا من المشاكل وربي يسعده عمره ماغلط معاي ولا زعلني
اريج: انتي اتانيه اسكتي تو نا نوريه ع من يلعب الحيوان
سهام : به اسكتي ونقصي صوتك فضحتي بيا
اريج : نننننن عن…. به سكتت اصلا الابله جت
سهام : تمام 😅
بدت الحصه وسهام عقلها ماشي جاي مافهمت من الحصص شي واريج تخطط شن بدير في ياسر
طبعا ياسر حب سهام الاول وللاسف انفصلو ماليه دور كبير في القصه
ف المرواح
سهام : اوووف طول
اريج: منو
سهام : خوي
اريج: ناصر 🤢
سهام : لا سيف
اريج : باهي احسنلك ناصر خوك سامحيني الصراحه ماينهضم اما سيف ماريته
سهام: هههه اي ديما عمل اهوا سيف بس من معاه🙄
اريج: شبحت ف السياره احححي هدا خوك لي لابس اسود
سهام : اي هدا هو
اريج : حي اهو نازل خوك هدا الصراحه طرف
سهام :ههه اي لانه خوي
اريج : ساعدي روحك😂
سهام : هيا باي حبي خليني نروح نكلمك
اريج : تمام وسلميلي عليه سيفو
سهام : ههههه
مشت سهام عند سيف
سيف : رد بالك تكتري دوا ف السياره معاي صاحبي
سهام : حسستني راديو
سيف :لا بغبغاء 😂اركبي
ركبت سهام في السياره ولا صوت وسياره قلبينها ريحة عطر مع دخان ماتفهم شي
ومؤيد : يشوفلها مره مره وهي لاحظت الشي
وصلت للحوش
سهام: بااااتي حبيبي
عمر : عيوني
سهام : هههه كيفك وكيف صحتك
عمر :الحمدلله كيف حال الدراسه اليوم
سهام: بخير تسلم عليك اريج صاحبتي
عمي: سلمها ويسلمك يارب
ناصر : سهااام سهاام
سهام : بدينا
ناصر : شن قلتي
عمر : ماقالت شي البنت تو تجيك نوضي سلم بنتي شوفي خوك شن يبي
سهام : حاضر
ناصر : ليا ساعه نكلم فيك ماتردي
سهام : دقيقه ماطقت
ناصر : تسكتي قبل لا نكسر راسك امشي ديريلي قهوه
سهام: حاضر نبدل ملابسي بس ونديرها ليك
ناصر : لا مافيش توا نبيها وجهك للمطبخ
سهام: ب باهي
خشت للمطبخ بزي المدرسي دير ف القهو
امنه: شديري
سهام : قهوى لولدك
امنه : وخوك
\بعد ماتكملي من القهوى حطي الغدا ع النار انا اليوم تعبانه الصراحه
سهام : راهو نا تو كيف روحت من المدرسه نلحق ع ولدك ولا نلحق ع الغدا
امنه: الزوز تلحقي تحسابي روحك عيله انتي ديري لي قتلك عليه قبل لا يجيك ناصر
سهام : اووووفففف
امنه طلعت وخلتها ف المطبخ
سهام كملت القهوى ومشت لخوها ف المربوعه عطتها ليه ومشت لغرفتها بدلت ونزلت للمطبخ
يتبع ……….
لقراءة الجزء التالي : الجزء الثاني من رواية احببت منقذي
للإطلاع علي فهرس أجزاء الرواية : جميع روابط اجزاء رواية احببت منقذي للكاتبة زهرة الشيخ
جميع الحقوق محفوظة للكاتبة زهرة الشيخ .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثالث عشر من رواية حتي الممات
الجزء الثالث عشر من رواية حتي الممات
مايو 23, 2022
صورة جميلة لغلاف الجزء الثامن من رواية حوش جدي
الجزء الثامن من رواية حوش جدي
مايو 4, 2022
صورة رائعة لغلاف الجزء العاشر من رواية عديم الضمير
الجزء العاشر من رواية عديم الضمير
يونيو 25, 2022
صورة جميلة لغلاف الجزء الخامس عشر من رواية قلب صخر
الجزء الخامس عشر من رواية قلب صخر
مايو 31, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى