الفصل 8
القائمة
روايات
بحث عن
الرئيسية/الجزء
الجزء
الجزء السابع من رواية ظلموني
الجزء السابع من رواية ظلموني
صورة مهند أدهم مهند أدهميونيو 7, 20220574 4 دقائق
وفي الجزء السابع من رواية ظلموني للكاتبة زهرة الشيخ يا تري ماذا سنري من جميل المواقف والأحداث مع ابطالنا ؟ دعونا نعرف ذلك في السطور التالية بإذن الله .
الجزء السابع من رواية ظلموني
عند ريماس
خشت دوشت وبدلت وعطرت طبعا بتراضي الياس ونزلت بتتغدا
ع السفره
يوسف : كيف ومن سمحلك ولا كبرت خلاص
الياس : اي كبرت ونا حر مش قاري وناض طلع
الماس:😔
رغد : خيرك ع الولد
يوسف: ولدك ماعرفتي كيف تربيه زي خوته من صغره قتلكم مادللوه ماتسمعو ها تو جاب ملفه وحالف مش قاري ويستر الله لي بعد هك شن بيدير
رغد : ت توا نا نكلمه بعد يروح
يوسف : كان سمع منك
سلوى : حصل خير خلونا نتغدوا
الماس : قعدت تاكل من غير نيه وكل شوي ينابشها محمد
عند إلياس مشى لصاحبه انس كسد معاه وشربو لين حس بدوخه إلياس
الياس : خلاص سادني
انس : هوا انته امتى شربت كاستين بس زيد الثالته ماضر
الياس: هات وشربه
تلفونه ترن
انس : من يتصل بيك
الياس : حبي
انس : اووو كيف صار ماخبرتني
الياس : نفسه لمكبد عليها ف صغري
انس: لي ساكنه معاكم
الياس : بضبط
انس : تحبها بجد
الياس : ايه
انس : باهي رد بالك تغلط فها بس
الياس : بلله
فهد : كمل شغله ف المستشفى ومر ع امينه يطمن عليها
الباب طق طق طق وفتح
لقا ريماس راقده ع الكرسي بجنبها نسرين
فهد : س ع
نسرين : ع س
فهد: جاي بنطمن ع المريضه
نسرين : تمام خود راحتك
فهد : شبح ف ريماس كيف راقده ف حضن نسرين تمام
فحصها وطمن عليها وستادن وروح
عند الياس
بعد العشاء
كانو يستنو ف الياس تعشو وخلوه
وصل الياس للفيلا اتصل ب الماس
الماس : ردت وع نار خايفه عليه ايوه حبي وينك
الياس : بصوت سكران اانا كنت ع عند صاحبي وين ب بوي
الماس : خيرك تتكلم هك شن فيك شارب صح
الياس: اي ومانبي يشوفني حد غيرك
الماس: تمام تو نفتحلك الباب امتاع المطبخ خش منه وطول ع غرفتك
الياس : ت تمام
نزلت الماس من غير مايحس بيها حد دخلاته من الباب امتاع المطبخ وامنتله الطريق لين خش لغرفته وخشت وصكرت الباب
الماس : خيرك انت جنيت تخيل شافك عمي وانت بهدا المنظر
الياس : خلاص سادك وانتي من بكري تدوي ماتعيي رقد ع سرير اااه
الماس : نوض نوض للحمام تصحصح
الياس : باهي بااه دوشه
نوضاته الماس ودخلاته الحمام ومشت تجيبله قهوه
دوش الياس وبدل وفاق شوي وشرب قهوته وتكى
الماس : الي درته اليوم معاش تعاوده
الياس: 🙄
الماس : هيا باي بنمشي بنرقد وقفت بتمشي شدها الياس من ايدها
الياس : بدري وماراضيتيني وقاعد زعلان منك نا كيف يجيك النوم
الماس: هههه نراضيك غدوا توا نعسانه
الياس : تعالي قلت وجبدها ليه و… فكونا منهم
.
.
.
.
روح فهد لحوشهم
خلي نعرفكم ع عيلته
امه اسمها فاطمه مرا طيوبه وعلي حالها وعنده اخته لي بعده نورس متزوجه
عنده خوه اصغر واحد محمود وبوهم متوفي
وهدي عيلته وكانت حالتهم الماديه ممتازه
فهد : السلام اعليكم
فاطمه/ محمود : وعليكم السلام
فاظمه : خش خش تعال اقعد جنبي اليوم شكلك تعبان
فهد: جا قعد جنبها والله تعبان عظامي خلاص كبرت
محمود :😂 ربي يعاون
فهد : اجمعين
فاطمه : يحليلي والله واضح عليك ان شالله العمليه لي عندك اليوم نجحت
فهد : اي نجحت الحمدلله
محمود: انا طالع اليوم مزرد مع صحابي
فهد: تجيني ساعه 12 بات برا
محمود : باهي باه
فاطمه: رد بالك ع روحك
محمود : ان شالله يا عيوني
فاطمه: وانت نوض دوش نسخنلك العشا ماطول
فهد : تمام هي
ناض دوش وبدل وكان كل تفكيره ف ريماس وكيف بيساعدها من غير ماتعرف
عند ريماس
ريماس: فاقت
نسرين : صح النوم
ريماس : سلمك جدتي مافاقت
نسرين : لا مازال نستنو
ريماس: ياربي
نسرين : ماتخافي تو تنوض
ريماس : ان شالله
عند الماس:~
للاسف ه المره فقدت عذريتها وهي فرحانه فحضن الياس ومافكرة ف عقوبة هدا الشي
الماس : تو خلاص خليني نمشي لغرفتي حبي
الياس : اليوم اسعد يوم ف حياتي بلله خليك جنبي اليوم
الماس : حتى نا بس تعرف ماما انت
الياس : صح امك خطيره😂
الماس : 😂
الياس : به بشويه عليك ورد بالك ع روحك مراتي
الماس : ههه تسلملي ومشت لغرفتها
دوشت وبدلت ورقدت
والياس طول اليل يفكر ف الشي لي داره
الياس : ف داخله بس هيا ما وقفتني عند حدي وعاجبها شي لي صار انا خيرني🤨 خليني نوض ندوش ونرقد
واقع👆
.
.
.
ف الصبح
فاقت ريماس ع صوت جدتها
امينه: ريماس ريماس
ريماس:😳😭انا مانحلم صح
نسرين : قرصتها
ريماس: ااايي وقفت تجري لعند جدتها ضم فيها وتبوس فها وتبكي وامينه تبكي معاها
فهد: خلاص اضحكو مش تبكو
نسرين : والله حتى نا بنبكي
امينه: هههه خلاص ريماس امسحي دموعك
ريماس: مش مصدقه مش مصدقه الحمدلله ياربي الحمدلله وشبحت ف فهد شكرا شكرا فهد
فهد:😅ولو هدا شغلي
نسرين : والله الحمدلله ع سلامتك يا عمتي
امينه : الله يسلمك وشكرا لانك درتي بالك ع ريماس وماخليتها بروحها
نسرين : عيب اعليك ريماس بنتي مش صح ريماس
ريماس: هزت براسها بمعنى اي وتبكي
نسرين: نجها ليا
امينه: اوووهوو ريماس خلاص شن قلنا ولا تبيني نزيد نمرض
ريماس: لالا
فهد: المهم حمدلله ع سلامتك يا حاجه ورد بالك ع صحتك كويس ماتهمليها وريماس رد بالك ع جدتك
ريماس : نحطها ف عيوني
امينه: ههه مش مصدقه بنتي كبرت
نسرين / فهد :😂😂😂
ريماس: اصلا انا صغيره بس عقلي كبير😑
فهد / نسرين / امينه:😂🤣🤣🤣🤣
امينه: اي ماشالله
ريماس : امتى بتطلع يا دكتور
فهد: بعد نحسها احسن من هك نكتبلها خروج
الممرضه : هدي الادويه دكتور
فهد: تمام
فهد: هدي الادويه ليك وكتبلها امتى تاخدها وكم مره والخ…
ريماس : عرفت انه هو لي شاريهم
امينه: من شراهم
فهد: نصرفو فيهم هنا
ريماس : اممممم
فهد:😅
امينه: شكرا بارك الله فيك
فهد : ولو عمتي احتجتي شي كلميني هي نستادن
نسرين / ريماس / امينه: ادنك معاك
فهد : طلع
عند الماس
دوشت وبدلت ونزلت بتفطر
الماس : صباحو
محمد: ورد
قصي : تفاح
يوسف : صباح النور اقعدي بنتي
الماس : تسلم وين ماما
يوسف : مريضه شوي
الماس : اها
قصي:🤔مابتسألي خيرها
الماس:🙄😑لا
محمد:🤨
الياس: صباح الخير
الكل : صباح النور
الماس: ورد
قعد الياس مايكلم في حد فطر
الياس: هيا الماس سقديني
الماس: باهي هي
يوسف: صكرت راسك ع المدرسه حاضر فوتها معاش تمشيلها
الياس: ف داخله مافي حد خدا رايك
يوسف : بس شن بتشتغل
الياس: اي شي
يوسف: زي شني
الياس : عدي نفتح مشروع مع صاحبي ولا معاك
يوسف: دير لي ف راسك نا نشوف فيك وساكت
الماس : كملت
الياس : هي قدامي
مشت الماس ركبت ف السياره ورفعت باكو الدخان وبدت ادخن
الياس: ادمان
الماس:😂😂شي زي هكي
يتبع …….
لقراءة الجزء التالي : الجزء الثامن من رواية ظلموني
لقراءة الجزء السابق : الجزء السادس من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثالث عشر من رواية عشقها لعنة
الجزء الثالث عشر من رواية عشقها لعنة
يونيو 5, 2022
صورة جميلة لغلاف الجزء السابع عشر من رواية افعال ابليس
الجزء السابع عشر من رواية افعال ابليس
يونيو 7, 2022
صورة جميلة لغلاف الجزء الثامن عشر من رواية رحلة الحب
الجزء الثامن عشر من رواية رحلة الحب
يونيو 14, 2022
صورة جميلة لغلاف الجزء الرابع عشر من رواية متعصب واحببته
الجزء الرابع عشر من رواية متعصب واحببته
مايو 22, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى