يجيب الله بعد كسر الخواطر خير كثر ماضاقت وقلنا عسى خيره - الفصل 32 - مكتملة | روايتك

البارت 32 والأخير في الليل .. في بيت راكان .. راكان لاشعورياً ضمها بكل قوه و بصدمة : حا حـامل ، يالله لك الحمد طيف بخجل : راااكان راكان باسها على جبينها : مبروك يا نظر عيني ! مبروك يا كل دنيتي .. طيف نزلت راسها بخجل : يبارك بعمرك و يخليك لنا. راكان ضحك بفرح .. و بتذكر : بـ ابشر ابوي طيف انبسطت كيف ان راكان اول شخص جا في باله ابوه رغم الي صار ... !! اتصل عليه و بشره .. ابو محمد كانت فرحته فرحتين الاولى ان بيصير جد ! و الثانيه ان ولده بنفسه دق عليه يبشره بالخبر الي اسعده جداً .. ! في المستشفى .. دخلت الممرضه ومعها العشاء ريان بتافف : ما لي نفس والله .. لمى قربت منه : واذا من يدي ؟؟ ريان ابتسم : اساسا انا جوعان لمى ضحكت بخفه .. و قربت من الصينيه وهي مبسوطه جداً ان زوجها بخير .. ريان كان يحس الدنيا مو سايعته من الفرحة .. اولاً شفاءه من المرض ، رضا فهد تحسن علاقته مع زوجته و صار يجمعهم طفل و حب و احترام و اهتمام .. !! في بيت محمد .. كانت تحاول تطلع الصحون من فوق دخل محمد و ريحة عطره تسبقه و بضحكة : ههههه انا اسف ما كنت ادري انك قصيره لهدرجة ولا فصلت لك مطبخ على قدك امال بقهر : انا مو قصيره ، بس الدرج عالي و رفعت يدها تحاول و قف وراها محمد ومد يده : تبين هذا ؟ امال بتوتر : اييي اخذه محمد ونزله على الدرج وهو ما زال قريب منها و بضحكة : احلى قصيره بحياتي .. امال كانت مصدومة من شخصيه محمد بداية الزواج كان صامت اغلب الوقت .. بس من صرت ما اعطي رده فعل زعل او عتب انكسرت حواجز كثير بيننّا .. ! و تحسنت علاقاتنا جداً في بيت راكان .. كان جالس بجنبها و يسولف بحماس .. راكان : طبعاً اذا ولد فهد و اذا بنت ما ادري كيفك طيف : ههههه راكان راكان : اقول لك من هالحين عشان احطك بالصوره طيف بضحكة : اساساً كنت اعرف انك ابو فهد قبل لا اخذك .. راكان : هههههه كويس .. النهايـة بعد مرور سنة كاملة ❤️ نبدأ في بيت راكان .. راكان : حي الله من جانا حياك تفضل .. ابو محمد : الله يحيّك .. و بشوق : وين فهد يا ابوك راكان : انا كنت ادري ان الجيّه مو عشاني ابو محمد : انت الخير و البركة .. بس يا وليدي والله ان قلبي معه و مع بنيّه لمى . راكان : طيييف طييف .. طيف طلعت من المطبخ : هلا راكان : ابوي هنا جيبي فهد طيف : شلونك ياعمي ؟ ابو محمد : بخير الله يسلمك .. طيف : دقيقه و اجيبه لكم .. و كانو يعيشون حياه سعيده ، و زادت سعاده بوجود فهد الصغير بالعائله .. في بيت محمد .. كانو راجعين من السوبر ماركت امال : اوف تعبت محمد : كم اقول لك ارتاحي و ريحي البيبي وانا اجيب الاغراض .. امال : لاتكفى ترا ما نسيت اخر مره شسويت فيني ، نص الاغراض غير عن الي طلبتهم محمد بخجل : هو يعني انا شعرفني امال : عشان كذا انا ابي اروح محمد اللتفت لها : انا والله ادور راحتك يا كل دنيتي ! امال ابتسمت لاشعورياً .. على ان الحمل مره اثرت على نفسيتها لكن محمد مستحملها وهو مستمتع جداً .. في بيت سيف .. انهاء العلاج الطبيعي و صار يمشي لكن بعكازات لكن بشكل مؤقت .. ابتسام دخلت بتعب : السلام عليكم سيف : وعليكم السلام .. و تنهد للمره المليون اقول لك خففي من شغلك .. ابتسام تنهد : والله ما اقدر يا نظر عيني و بتنهي هالنقاش الي صار يتردد كثير .. لان سيف مره متعاطف معها ما بين المستشفى و البيت .. ابتسام : ايش اسوي لك عشاء ؟ سيف : طبعاً ما اسمح لك تدخلين المطبخ عازمك على احلى عشاء بالرياض ابتسام بـ ابتسامة : وه الله لا يخليني منك .. سيف العاشق لـ ابتسام الي يدور اي شي يسعدها او يخفف التعب عنها ما يتردد فيه .. عوضته عن كثير نقص بحياته العاطفيّه لانه فاقد الحنان من الصغر .. و تحمل مسوؤليات اكبر منه ... فكان عند ابتسام المدللّ .. رغم انه خارج محيط البيت جداً له حضور و فيه عصبيّه نوعا ما .. لكن قدام عيونها يتلاشى كل شي .. في بيت ريان .. لمى : اتركها ريان وهو يناظر لبنته " سلاف " الي بيد قوت : تستهبلين لو طاحت من يدها لمى بهمس : شفيك ريان ؟ انت تدري انها امس كانت نازله فيها مع الدرج ريان اتسعت عيونه بصدمة لمى : ليش ؟ لانّا حارمينها منها ف استغلت الفرصه .. فخليها تمسكها قدامنّا و رح اجلس عندها و تفاهم معها قوت مو صغيره ، بس تغار .. ريان : صبر يارب صبر .. لمى ضحكت : ياربي ريان اكتشفت صبرك صفر .. ريان : من بناتك .. لمى بضحكة : انتبه لبناتي ، ب اروح اتجهز اليوم زواره ببيت ام فهد .. ريان : حاضرين .. قربت منه وباسته بخفه و بضحكة : شكلك يموت وانت منهار منهم كانو يعيشون حياه سعيده ما بين غيره قوت ، و ازعاج سلاف .. ريان كان يحاول يحتويها بكل ما فيّه و يعوضها عن كل الي صار .. و لمى استوعبت ان ريان تعب بحياته مع زوجته الاولى و مرضه ف صارت تتنازل عن كثير اشياء بس عشان ترضي ريان .. بيت فهد .. كان يحبها بجنون و مستعد يكمل حياته كلها معها لكن داليا كانت تحس بالذنب و دايم تقول له تزوج و ينتهي النقاش بغضب فهد و زعل داليا ! لانه رافض الفكرة تماماً و كان يقول لها : انتي نصيبي و قدري ، و انا اراضي فيك .. ليش تبين تجيبين لنا المشاكل ؟ بيت ابو وليد .. للاسف حب نجود كان من طرف واحد وتلاشى بعد ما سمعت ان فيصل ملك على اخت صديقه .. كملت دراستها بالجامعه هي و رنا .. وكان عندهم اهدافي و طموحات دراسيه يبون يحققونها .. بيت ابو فهد .. كان فيصل يجهز اثاث غرفته الي فوق لان قرر يعيش هو وزوجته مع اهله .. بيت ابو محمد .. كان مبسوط بـ احفاده " فهد و سلاف " وكان يحاول يقنع مازن بالزواج لكن كان رافض تماماً الزواج هالوقت .. راكان و طيف رغم الظروف و المصاعب الي واجهوها بحياتهم الا انهم عوضو بعض جداً .. وكان لها السند ، وهي كانت له الامان 💍 ريان و لمى .. بداية علاقتهم انتقام لكن تحولت الى حب عميق جداً و سلاف كانت ثمرة حبهم 💍 فهد و داليا .. احياناً التضيحة و الحب كافيّه لتربط شخصين ببعض طول العمر .. فهد ما يفكر بالاطفال لان يحس نفسه اناني ! انت الي تسببت لها بالحادث ! بعدين تروح تتزوج وتجيب عيال 💍 .. محمد و امال .. من علاقه عتب و زعل الى علاقه حب و صداقه و احترام .. لامس معها الحب الحقيقي .. صح تزعل منه احياناً و العكس بس كان يحمل لها مشاعر حب صادقه وهي بعد .. عكس علاقته مع بشرى الي كانت كلها تصنع 💍 سيف و ابتسام .. 💍 رغم الرفض بالبداية الا ان النصيب و الحب جمعهم تحت ظروف .. لكن كل شي بالحياه قابل للتغير طالماً الانسان بصحته و عافيته .. بشرى رجعت لحياتها السابقة .. لمستوها الي تستحق بنيتها الشينّه .. نوره تزوجت للمره الثالثه و كانت ناسيه تماماً ان عندها بنت ! رغم ان لمى ما قصرت مع قوت ابداً .. مي ندمت ايام و بكت شهور .. و جبروها اهلها تتزوج واحدد اكبر منها عمر ، ولا وظيفه ولا شي .. و كانت بينهم مشاكل جداً .. " يجيب الله بعد كسر الخواطر خير كثر ما ضاقت و قلنا عسى خيره " ❤️❤️❤️❤️❤️❤️❤️❤️❤️❤️❤️❤️ دايماً مهما يصير قولو خيّره ! فالخيره فيما اختاره الله .. كثير امور بحياتنا نتضايق للحظة عشانها لكن احياناً يكون عوض الله لك كبير ! و يجبر بخاطرك .. و هذا الي حاولت اوصله بروايتي مثل ما كتبت ومثل ما قريتو .. معاناة ، حزن ، ضيقة ، جبر خواطر ❤️.. النهـاية ❤️ الحمدلله الذي بنعمته تتم الصالحات ❤️ ختمت روايتي السادسة " يجيب الله بعد كسر الخواطر خير كثر ما ضاقت و قلنا عسى خيره " بتاريخ ١٤٣٩/٨/٩ هـ ٢٥ / ابريل / ٢٠١٨ م و كانت ١٥٨ بارت 🙏🏻 تقريباً صار لي اكتبها ثلاث شهور 😍.. ختاماً .. فضلاً اي شخص قرا روايتي السادسه انتظر رايه تحت هالبوست 🙏🏻❤️❤️❤️❤️