يجيب الله بعد كسر الخواطر خير كثر ماضاقت وقلنا عسى خيره - الفصل 13 - مكتملة | روايتك

البارت 13 في بيت ابو محمد .. محمد بضحكة : اوه ، والله وكبرتي يا لمـى لمى بـ احراج : محمددد !! محمد بضحكة : هههه خلاص انا بـ ابلغ الوالد اليوم و الله يتمم لك على خير لمى قامت بسرعه واتجهت لغرفتها محمد بضحكة : تعالي ابي اسولف معك طيب لمى : ابي اناااااااااام و اتجهت وهي خجلانه مره .. ! لمى قرارك صح ؟ ايه شفيه اذا الرجال زين ! ليش ما اوافق و اتزوجة وانقذ نفسي من المهزلة الي صارت ! وما كانت تدري انها بتطلع من مهزلة لـ مهزلة اكبر .. !!!!! في بيت ابو سيّف .. طلعت داليا من المستشفى وكانو كل خالاتها موجودات .. مي : كيفك هالحين ؟ داليا : بخير الحمدلله . رنا : تبين قهوة ياعيني ؟ داليا : لالا بـ انام بعد شوي . مي : لاه بليز والله مشتاقين لك ام سيّف : وقت ثاني يا بنات داليا تعبانه وتبي تنام . ام مي : الا رديتو عليهم ؟ ام سيّف : لا لسـ قاطعتها داليا : ايه ، قلت لا امه اني رافضه .. ام سيف بصدمة : متـى ! داليا : زاروني بالمستشفى ام سيف اتسعت عيونها بصدمة بس مو وقت ناقش قدام خواتها .. نوره : صاحية انتي ترفضين ولد الـ ******* ؟ داليا : ومنهو ولد الـ ******* يعني عشان فلوس اهله اتنازل عن كرامتي و اتزوجة و وقفت بصعوبه : عن اذنكم واتجهت للدرج وهي تمشي بصعوبة .. بهالوقت دخل سيف و طق الباب بصوت عالي : طريـق و تغطو البنات بـسرعه .. واتجهه للدرج و شاف داليا سيف : على وين داليا : تعبانه ابي انام سيف تلقائيا حملها بخفه بحضنه : اوصلك لغرفتك داليا رغم نفسيتها الا انها ضحكت بخجل : سيييّف سيف بضحكة : اف كانك ثقيله ! خففي اكل داليا بصدمة : اناااااا سيف : ايه انتي و ضحك بخفـه .. مي كانت تراقب الموقف وهي مبتسمه لاشعورياً .. اه يا سيّف ! لو تحس فيني و بحبي لك ! ام سيف : الله لا يخلينا منه ومن حنانه .. ام مي : امييين ، و يرزقه بنت الحلال الي ما تغيره عليكم ام سيف ابتسمت لا شعورياً : اذا الله كاتبها من نصيّب سيف والله اني حظيظة فيها ام نوره : منهي ؟؟ ام سيَف : تعرفونها ، وقريب ان شاء الله اذا صار نصيب تعرفون مي حست الارض مو سايعتها من الوناسه .. معقوله ؟؟؟ ايه اكيد انتي يا مي اكيييد تقول تعرفونها ! في بيت ريان .. كانت الارض مو سايعته من الفرحة .. وقف وهو يحاول يستوعب رد ابو محمد .. معقوله رغم كل الي صار ! توافق علي .. يمكن تبي تحرق قلبك يا ريان عادي عادي ما يهمني ليش وافقت ايش تفكر فيييه .. المهم انها بتكون حلالـي .. يوم جديد .. في بيت ابو فهد .. فهد : الليلّه اتفاقي مع اخوها ام فهد كانت بتقول انها رافضه للمرة الثانية ام فهد : بس البنـ فهد بتسرع ناظر لـ امه : الليله يبه ابو فهد : خير ان شاء الله يا وليدي ام فهد سكتت بـ استغراب البنت رافضه ليش يبي يروح لهم !!! في بيت طيف .. كانت تستعد لـ اول جلسة بـالمحكمة الاحوال الشخصيّه . جهزت اخوانها و جلست تنتظر عمتها ام حمد .. و بنفسها : يارب ييسر لنا يارب ساعدنـي .. بنفس الوقت في بيت ناصر .. كان يتقهوى وهو مروق جداً .. نوف : كانك واثق ان القاضي يبي يحكم لي بالحضانه ناصر بخبث : انتي اقنعيّه انك تبينهم عندك ومع كم دمعه .. واذا جاب طاري عماتهم قولي لهم متزوجات وعندهم عيال كبار ، وانتي بيتك فاضي ولا عندك احد نوف : طييب ناصر : ولا تجيبن طاري الوكاله ابد خلينا نضمن الحضانه بعدين الاجراءات تصير اسهل . نوف تنهدت : طيب طيب بس يكفي لا تضغط على البنت و الفديو الي معك تحذفه .. ناصر ضحك بخبث : مستحيل ، هذا لو ما سمعت كلامي ب اهددها فيه نوف بجدية : يعترف فيه بالمحكمة كـ دليل ؟ ناصر : ما ادري بس هي غبيه بتصدق وتخاف .. و فتح المقطع .. وكان راكان بحديقه بيت طيف اشر لها بالارض و طلع من البيت .. والصوت ما كان واضح ، ولا الي صار من البداية واضح .. وجود راكان بحديقه بيت طيف في الليّل هذا الي اتصور بجوال ناصر .. !! في غرفه داليا .. كانت تبي تنام بس طق باب الغرفه .. داليا : تفضل نوره : ما نمتي داليا : لا لسى نوره : بـ اتكلم معك بموضوع خاص شوي ممكن ؟ داليا : ايوه و عدلت جلستها .. كانت تبي تنام بس طق باب الغرفه .. داليا : تفضل نوره : ما نمتي داليا : لا لسى نوره : بـ اتكلم معك بموضوع خاص شوي ممكن ؟ داليا : ايوه و عدلت جلستها .. نوره تنهدت : تعرفيني ما احب المقدمات باتكلم معك بشفافية و اعتبريني اختك الكبيره .. اتمنى ما تقاطعين كلامي؟ داليا : سميّ نوره : بخصوص فهد ! ادري انك مجروحة و ادري انك منكسره داليا بكبرياء : لا انـ قاطعتها : لو سمحتي بـ اكمل كلامي ؟ ادري الي صار مو شي عادي ، ادري ان فيه جواك انكسـر ، بس نصيحتي لك يا داليا ! وافقي عليه . لا ترفضين الخطبة بالعكس لا تاخذين الموضوع بعاطفة لان الرجال لو بس شفقه فيك مستحيل يبي يحرم نفسه من العيال عشان وحده صدمها بس الرجال تنازل عن اشياء و اولها العيال و تزوجك ! لا تخليني كبريائك يضيعك وافقي عليه و عيشي حياتك يا داليا لا تقولين اهلي ! اهلك على عيني وراسي بس سيف مصيره يبي يتزوج و حتى خالتي قريب بتخطب له و خواتك بيجيهم نصيبهم ان شاء الله و خالتي له طوله العمر بس الا ما يجي يومه . فكري بالمستقبل يا داليا لمتى بتعيشين كذا ؟؟ و بشفافيه ما احد يفكر ياخذ وحده ما تجيب له عيال الا فهد .. داليا نزلت دموعها لا شعورياً .. نوره : ادري كلامي يزعل ويمكن جرحتك بس ابي مصلحتك مو شرط تتقبلينه بيوم وليلة انتي وافقي وكل شي يجي مع العشره . انا اشوف انك غلطانه لو رفضتي .. بالعكس ادا الرجال تنازل عن اهم شي بالزواج و يبيك انتي وش عذرك لما ترفضينه ؟ مو تقليل ل احترام نفسك بس داليا شوفي الواقع حولك شوفي الناس فكري بالمستقبل حتى لو وافقتي على فهد ، و بيوم فكرتي تتبني طفل مستحيل يرفض لانه هو الي تسبب بالي صار لك ! حياتك ما وقفت يا داليا على الي صار . فكري قبل لا تقرري .. مهما كانت مشاعرك فكري بمصلحتك ياعيني داليا نزلت راسها وبكت بصوت مسموع لان نوره هي اول شخص تكلم معها بشفافية ومن غير مجاملة لان نوره الوحيده الي قالت لي الكلام الي انا بداخلي اتجاهله نوره سحبت نفسها وطلعت و قفلت الباب وتركت داليا تبكي على راحتها .. في بيت ابو محمد .. باذن الله بعد يومين يبي يجي يخطبك رسمي مع اهله و عمومته .. محمد : فيه نظرة شرعية ولا لا ؟ لمى بخجل توردت خدودها : طبعاً لا واتجهت لغرفتها وهي خجلانه .. بعد يومين ! شفيه مستعجل ذا اوف يارب الي سويته صح ولا غلط انا اقدر اتحمل مسوؤلية الزواج ! اف لمى ! انتي طاري النظرة الشرعية وترك مره .. بالصاله .. ابو محمد ضحك بخفه : الله يعينه على خجلها الزايد مازن : حاصل له بس وحده مثل لمو .. بالصاله .. ابو محمد ضحك بخفه : الله يعينه على خجلها الزايد مازن : حاصل له بس وحده مثل لمو محمد : والله نبي نفقدها مره ابو محمد : يلا عاد ان شاء الله تروح بنيتي من هنا لبيت زوجها و ربي يرزقني بـ اثنين و ضحك بخفه .. مازن بتصريف : انا عندي شغل مع السلامة ابو محمد ضحك : مع السلامة ، وانت كل ما نجيب الطاري طلع لك شغل ههههه محمد : خلك منّا يالغالي انت تزوج ابو محمد : لاحول ولا قوه الا بالله . في المحكمة بعد ما انتهت الجلسة الاولى .. الي تقريباً كانت من صالح نوف و وناصر .. !! طيف منهاره : عمه تكفين ما نبي نرجع لبيت خالتي ام حمد تنهدت : طولي بالك يا قلبي ما صار شي لسى باقي كم جلسة ان شاء الله نلقى حل طيف : ان شاء الله ان شاء الله و بتذكر : طولنا على ابتسام اكيد ازعجوها ام حمد : يلا يا وليدي حمد طلع للسيارة ناخذهم و نروح بيتكم طيف : ان شاء الله واتجهو للباب وكل وحده تحاول تفكر بحل .. بعد كلام القاضي .. اه يا يمه .. تكفيّن قومي ، قومي وشوفي حال عيالك . قومي شوفي اختك و زوجها شيبون يسون فينا بالمحاكم .. انا .. انا اقدر اتحمل مسوؤلية اخواني حتى لو عمري صغير .. ليش يبون يتدخلونا فينا وما احد شكـى لهم الحال .. في بيت ابو محمد .. كان مصدوم من طلب ريان ! ريان : انا ابي اختصر الوقت ياعمي البنت موافقه و انا الحمدلله بيتي جاهز .. بالمره نخطب ونملك .. ابو محمد بتردد : والله ما ادري يا وليدي بس ليش العجلة ريان : خير البر عاجله ، ملكة صغيره عائلية و الزواج بعدين ان شاء الله تحدده لمِى ابو محمد : الي تشوفه يا وليدي بس شرايك تأجلها للخميس ؟ تعرف البنت لازم تجهز للملكة و يبي لها وقت ريان : ان شاء الله الخميس ، الخميس تأمر انت ! ابو محمد : ما يامر عليك عدو ريان ابتسم من داخله .. لان توقع ابو محمد يرفض .. لان كان خايف ان لمى تغير رايها لان هو متوقع ان لمى تعرف من هو .. و فكر موافقتها يمكن بلحظة غضب و انتقام ! ويمكن بعد كم يوم تغير رايها . ف كان يبي يستغل الوضـع .. و يعجل بالملكة .. ! في بيت ابو سيف .. سيف : حياكم الله تفضلو ابو فهد : الله يحيّك سيف : هلا هلا و سلم على راكان .. راكان : شلونك من التعب ؟ سيف : بخير الله يسلمك حياك تفضل راكان : زاد فضلك سيف كان يرحب فيهم و هو مبسوط لان ما كان عارف انه اخته داليا رافضه ! وما كان يعرف بعد ان فهد وصله خبر رفضها ! كان ناوي يكلمها بشكل مباشر بعد الخطبة .. في بيت ابو سيّف .. بعد ما خطبها ابو فهد رسمياً من اخوها .. سيف كان مبسوط جداً لـ اخته .. و فهد كان جداً متوتر رغم انك تعرف انها رفضتك الا انك مصر ! اذا هي من نصيبك يا فهد بتأخذها .. بعد مرور ساعه ودع سيّف ضيوفه و وعدتهم بـ الرد بـ اقرب فرصة .. في بيت ابو محمد .. لمى بصدمة : يبه ! ابو محمد : باقي معك كم يوم يمديك تتجهزين لمـى : يبه وش يمديني باقي ٤ ايام كيف اقدر ! لاه يبه بالله كلمه وقل له لا ابو محمد : انا اعطيت الرجال كلمه لمى : يبه حرام عليك ٤ ايام اشوف نفسي ولا اشوف التجهيزات ولا قاطعها : خلي كل شي علينا انا ومحمد بنشوف لنا شركة تنظيم زينه تجهز لنا ، وانتي من اليوم خوذي بنت عمك وجهزي نفسك لمى ضربت رجولها قهر بالارض واتجهت لغرفتها صح هي موافقه بس ما تخيّلت الموضوع بهالسرعـة ! اف يارب من وين ابدا ! ٤ ايااام .. يمديني ولا ، تنهدت و اول شي اتصلت على امال المنقذ دائماً .. في بيت طيف .. بصدمة طاح الجوال من يديها و تردد : خـ ... خــاله انـ ... ـــتي مصدقه كلالاامه ؟ نوف : انا جايه اسالك يا طيف من هذا الي مدخلته البيت ؟ ش يبي منك ؟؟ طيف بصراخ : زوجك ما قال لك ليش راكان دخل البيت و بصراخ : زوجك ما قال لك الي صار !!!! غمضت عيونها و تنهدت بعمق : اطلعي برا نوف بصدمة : تطرديني يا طيف ! طيف بصراخ : ايييييه اطردك اطردك ادا انك جايتني بنفسك ل بيتي تشككين بـ اخلاقي و تساليني اساله سخيفه .. عشان صوره من جوال زوجك الـ******** و اتجهت للدرج وهي متجاهله كلام خالتها و صدمتها .. طيف مصدومة من داخلها كيف يفكر يسوي كذا ؟ كيف فكر اساسا يصورنا شمصلحته ؟؟؟ و اتسعت عيونها بصدددمة : معقوووله !!! لالاهه لاه مو لهدرجة هو ***** مستحيل يشكك فيني قدام الكل لالا مستحيل مستحيل يمكن بس يبي يشوه صورتي عند خالتي ! في بيت ابو سيّف .. سيّف اول ما فتح الموضوع انصدم من ردها .. داليا فكرت بكلام نوره كثير .. و كان فعلاً كلامها صحيح . فـ غيرت رايها ومن تكلم سيف قاطعته بهدوء : انا موافقه و اتجهت لسريرهااا متجاهله صدمة سيّف .. سيف ما حب ينقاشها اكثـر .. لان واضح نفسيتها من الرد ف طلع بسرعه من غرفتها .. وهو يفكر بالرد ؟ لايكون استعجلت ؟ لالا امي بلغتها من كم يوم اكيد عن قناعه ! نتوقف هنا