يجيب الله بعد كسر الخواطر خير كثر ماضاقت وقلنا عسى خيره - الفصل 8 - مكتملة | روايتك

البارت 8 في بيت ابو محمد .. بعد مرور ٣٠ دقيقـة تقريباً قرر يطلع و سحب نفسـه بهدوء لانه بصعوبة قدر يمسك نفسـه لا يقتلهااا و من حسن حظه الكل كان على وشك النوم فـ طلع بسهولة و ركب سيارته واتجهه بسرعه جنونيه من غير وجهه معينه يفكر بالمصيبه الي حلتّ عليه ! كيف يتصرف ايش يسوي !!! اتجهه لبيت ريان الـ ******** و فتره وجيزة وصل بيتهم و نزل ورن الجرس لكن ما احد فتح له طق الباب بكل قوه و كان يسب ويهدد بنفس الوقت ريان كان يشوفه من شاشه المراقبـة ابتسم بسخرية .. وهو يشوف جنون فهد ، و كان اكثر شخص يعرف كيف شعور وحرقة قلب فهد زين .. ! في سيارة راكان .. قرر ينزل و يرن الجرس .. ما وصله رد يمكن الناس نايمه ! قرر يرجع للسيارته لكن استوقفه صوت باسل : تفضل اللتفت له و ابتسم : مسائك الله بالخير باسل : مساء النور راكان مد له الاكياس لان كان متوقع ان عندهم خبر .. ! باسل : الله يعافيك ما تقصر لـكن حنّا مو محتاجين ، و راكان استوعب تفكير باسل وابتسم : لالا هذي الاغراض من بنت خالي ابتسام لـ اختك ، اكيد عنها خبر باسل بـ ابتسامة : الدكتوره ابتسام ! راكان : اييييييي باسل : الله يعطيك العافية راكان : الله يعافيك يلاه عن اذنك و رجع لسيارته .. وحسّ ان وجهه باسل مألوف عليه لكن ما يذكر وين شايفه .. ! باسل قفل الباب و اتجهه لـ طيف وعمتّه .. في سيارة فهد .. وصل بيتهم لكن ما في طاقه ينزل .. تعب مت التفكير تعب من الصراخ حس اعصابه جداً تعبانه .. ليش .. ؟ ليش تسوي فينا كذا ، عمي ما تزوج عشان يربيها انا متاكد ان عمي عمره ما قصر معها .. ورجع فيه الذاكرة قبل ٤ سنوات انا كنت مظلوم وقتها ! هي الي جت عندي لكن اليوم لمى بنفسها جايه لبيته ما اقدر ما اقدر ابرر موقفها .. وحده *********** اكيد ان ريان هو من بادر و حاول يوصل لها وطلعت هي ******** و اعجبها الوضع . . ! شـاسوي انا هالحييييين ؟؟؟؟؟ جا في باله حل ! و من صعوبة الموقف ما فكر بالعواقب ابداً قرر ينفذ الي جا في باله ! صباح جديد .. في بيت ابو فهد . كان موجود معهم لكن عقله مشغول جداً ابو فهد : شفيك يا ابوي ؟ فهد بتوتر : ما فيني الا العافية وبتصريف : انت شلونك شخبارك ؟ ابو فهد : بخير يا جعلك بخير .. في بيت ابو محمد .. ما قدرت تنزل تحت و فيه اثار بوجههّا لسى .. حاولت تخفي بعض الاثار بالميكب و بصعوبه اتجهت للسرير وجلست و نزلت راسها و ببكا للليييش صااار كذذا لليش من الرجال الي دخل ؟؟؟ فهد ايش علاقته ؟ وش سالفه ٤ سنوات ؟؟؟ مية سوال وسوال وحيره .. بكت بصوت مسموع كل ما تذكرت كلام فهد لها !! يحترق قلبها .. كييف كييف افهمه اني والله مو مثل ما يفكر كيييف !!!!!!!! في بيت ابو سيّف .. كان راجع من الدوام بدل ملابسه و يبي ينزل لكن لفت انتباه شي بالارض استغرب و اتجهه له ! سواره بنت .. ؟؟؟ غرررريبه من داخل غرفتي ! بالعاده الشغاله ترتبها اذا انا طلبت منها ! اخذ السواره ونزل تحت وهو مقتنع انها لـ رنا او داليا .. في بيت ابو وليد .. كانت راجعه من دوامها وتعبانه وما انتبهت ابداً للي جالس بالحديقه اتجهت للباب وهي تتذمـر .. راكان نزل راسـه بسرررعه .. و بنفسه شفيها ذي ما تعرف اني عايش هنااا .. !!!! ابتسام دخلت ولا انتبهت ابداً ان راكان كان موجووود .. نزلت عباتها واتجهت للمطبخ تساعد زوجة ابوهااا كالعاااااده .. بعد صلاه المغرب .. القهوه في بيت ابو محمد .. و فهد اتصل على راكان وطلب منه يجي ضروري ! لانه فكر و قرر وهو تحت تاثير غضب ! في بيت ابو محمد .. كان الكل موجود و الكل مشغول بالسواليف اما عن حياه العمل او الحياه الخاصـه .. فهد بنفسه مستحيل اسمح لوحده ******** تفرقنا او تسود وجهه عمـي بـ افعالها .. قاطع حديث المجلس بصوته الحاد .. فهد : بعد اذن الحاضرين انا عندي كلام لـعمي و أبوي اتجهت الانظار له .. ابو محمد : تفضل يا ابوي فهد كان ناوي يحرجة عشان يوافق علطول !! فهد بدون مقدمات : انا اطلب يد بنتك لمى على سنه الله ورسوله ! الكل انصدم من اسلوب فهد المفاجئ !!! عم الهدوء لثوانـي .. فهد بنبره غريبه : ش قولك فيني ياعمي ؟؟ ابو محمد بحزم : رجال ولد رجالّ ! فهد : زوجني بنتك ! ابو محمد : تم يا وليدي !!!! وين بـ اللقاء نسيب مثلك انا ! محمد انصدم و قاطع الحوار : لكن يبـ ... مازن ضغط على يده وبهمس : لا تحرج ابوي بالمجلس ! محمد بقهر : كيف يقول له تم و ما اخذ راي لمى !!! فهد كمل صدماته لهم : ومن هالحين ياعمـي انا ما ابي لا عرس ولا شي نملك هنا و اخذها معـ ... قاطعه محمد بحده : من اولها يا ولد العم !!! كان ابوي اعطاك فما نقدر نقول شي ! لكن كلامك الاخير باعتبر نفسي ما سمعته ابداً !!! راكان بهمس : شتخربط انت فهد تنهد وده يقول له اختك ما تستاهل حتى من يملك عليها لكن تمالك اعصابه بسهولة .. ابو محمد : انا ما عندي غير هالبنيه ومن حقي افرح فيها فهد تنهدت : طيب ياعمي