3 و 4
[٢٠/٢، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم اخاف عليك من جنوني`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تلبية روايات 🤍🦋:
عمر : كنت بقلها لهدى اني بحبها .
هدى رفعت عينها فيه مستغربة من جرأتو وانو كيف قال لخالتها شو صار وشو حكالها .
ام يزن : هههههه حلوووو واخيرا اعترفتلها انك بتحبها .
اتطلع فيها وقال : بتكون غبية ازا مافهمت من كل ياللي عم اعملو ومن غيرتي عليها انو هاد كلو مو حب .
هدى خجلت وبطبيعتها خجولة كتير وقدامو لعمر بالذات مابتعرف شو تحكي بيخلص الكلام ومابتعرف شو تجاوب وشو تقول مع انو مع غيرو فيها تقول وفيها تعبر وفيها تناقش وتعترض بأدب لكن مع عمر هي نفسها مستغربة بجوز لأن حست بضعف شخصيتها قدام قوة شخصيتو او لأنو بتحس بشي تاني تجاهو دون الكل .
قعد عمر كام يوم وكان كل يوم يجي ليشوف هدى ولما رجع عشغلو صار كل يوم يحكي معها ليتقرب منها اكتر وليخليها تحبو متلو تمام .
#يتبع
#أخاف_عليك_من_جنوني
#سلمى_جنايدة
#الجزء_الثاني_والاخير
مرق شهر على رجعة عمر وبيوم كان جاي لعندهن حاكاها وقلها انو بدو يجي وطلب انو تلبسلو فستان احمر وتفرد شعرها وتحط مكياج خفيف حابب انو يشوفها بمظهر تاتي وتغير نفسيتها بسبب موت امها .
طبعا هي ماقدرت تناقشو وتقلو انها مو ناوية تلبس فواتح لأن بتعرف حالها مو قد انها تخوض معو بنقاش بتعرف انو نهايتو خسارتها وانو رح تعمل متل مابيطلب .
وقت وصل كان الوقت المسا كانت بالمطبخ عم تجهز ضيافة كرمالو وعملتلو نوع الحلو اللي بحبو .
استقبلو ابو يزن بالأحضان لان بحبو كتير كتير لعمر .
واجت ام يزن وسلمت عليه وسألتو عن شوية خضرا كانت طالبيتهن للمونة وقلها انو جابهن معو .
هدى : مساالخير .
كان عمر لابس بدلة سودة وقميص اسود بدون قرافة كان اوسم رجال بتشوفو هدى .
عمر وقف وانشلق بجمالها لهدى ياللي كان مخبى ورى الأسود والغوامق .
عمر : .....ياهلا مساالورد والياسمين .
مد ايدو وسلم عليها وقرب منخا وقلها شو هالحلا كلو ليه حارمتيني منو لهلأ .
هدى كالعادة خجلت وماعرفت شو تجاوب ،حاولت تسحب ايدها لكن كان ماسك فيها منيح وكأنها رح تهرب .
رجعت عالمطبخ جابت الشاي وهنن قاعدين انتهز عمر الفرصة وقرر انو يقول شو في عندو .
عمر : ابو يزن وام يزن انا جاي اليوم مخصوص لألكن اني نقلت مكتب شغلي لهون ورح صير روح بين كل فترة وفترة عالمزارع لأتطمن عالشغل كيف ماشي .
ابو يزن : هههه معقول ...معقول عمر عملها وترك المزارع واجى ليسكن هون .
ام يزن : ييي الف الحمدلله والله انتي بتعرف غلاوتك عنا ومن زمان حابينك تجي وتسكن هون بس انت دايم الدوم بتقول انو هونيك شغلك وروحك .
عمر اتطلع بهدى بعشق : انا نويت استقر هون لأن بصراحة ماعاد فيي ابقى بعيد اكتر من هيك .
هدى حست البها رح يطلع من صدرها مو عرفانة من الفرحة انو رح يبقى قريب والا خوف .
عمر : ابو يزن انا قررت اني اتزوج لعيك نقلت لهون واجيت اليوم لأطلب منكن تسعولي بجوازتي .
ابو يزن : اي ها هاد الحكي اللي بفرح واخيرا قررت تعملا ومين سعيدة الحظ اللي اختارها واخيرا عمر بيك .
عمر عينو على هدى : مافي بحلاها وبقلبي سكن هواها هي داوا لجروحي من يوم اللي شفت هداها ....بدي اطلب ايد هدىىابو يزن شو قلت .
ابو يزن 👏🏻👏🏻 : شو هاد صاير شاعر والله مابعرفك رومانسي هيك لك بنتي شو عملتي في لعمر ...لك هاد عمر مافي مرة قدرت تحظى بقلبو ومو بسهولة كمان انو هو يوقع بالهوا .
عمر : ابو يزن انا مارح اخجل منك ورح كون صريح معك بتعرف شو اللي حببني فيها هدوءها وادبها وجمالها مابعرف من يوم اللي شفتها عندكن ماغابت عن بالي وتفكيري خلص سبحان الله كأنو ربنا اعطاني اشارة انو هي هيي نصيبك وانا جاي لحتى اطلبها هلأ رسمي .
ام يزن : اي ابو يزن شو رأيك .
ابو يزن : ليش بدها سؤال مين بصحلو يكون عمر صهرو وبقول لأ بس الرأي الأول والأخير مو الي لهدى ،شو عمي شو رأيك .
هدى : .......
عمر : هدى ...شو رأيك موافقة تكوني الي .
رفعت عينها بعمر ورجعت نزلت راسها مرة تانية .
ابو يزن : شو عمي احكي مابدها خجل انتي بتعرفي لعمر من تلات شهور وهو نقل شغلو لهون كرمالك بقى شو قلتي عمي انا من جهتي ماعندي مانع ووالله لو عندي بنت الا انا اعرضها على عمر من دون ماهو يطلبها وانتي حبيبتي اللي الله ماطعمني اياها بقى جاولي الرجال ناطر جوابك .
ام يزن: بلكي البنت بدها وقت تفكر لا تحرجوها هيك .
عمر : لسا بدها تفكر انا مستعجل وبدي عرسي اليوم قبل بكرة .
شو هدى بدك تفكري والا عندك الجواب هلأ .
هدى: ....امبلى عندي الجواب .
عمر : اي
هدى : انا .......موافقة ...بس عشرط .
عمر : وانا موافق .
هدى : مو لتعرف شو هو شرطي .
عمر : ماعندي مشكلة شو مابدك حاضر ومجاب .
هدى : شرطي انو مابدي يصير العرس قبل سنوية امي .
عمر : بس سنوية امك باقيلا اربع شهور .
هدى : عمر ازا بدك اياني وافق ما عندي غير هالشرط .
ام يزن : بسيطة عمر راح لكتير مابقي الا القليل.
عمر : شو كتير وشو قليل باقي اربع شهور ياام يزن شو مستقليتهن انتي .
ابويزن: هدى بنتي الحي ابقى من الميت وانتي الك تمن شهور زعلانة عالمرحومة حاج عمي مابكفي زعل خلينا نفرح فيكي بقى .
هدى دمعت عيونا : عمي انا موافقة وماعندي مشكلة انو اتزوج بس مشان الله امهلوني شوية وقت والله مافيي افرح وامي لساتني حزنانة عليها .
عمر : بس ياهدى والله كتير اربع شهور انا مافيي انطر اكتر من هيك يعني الغوالي مابينتسو لا بيوم ولا بسنة ولا العمر كلو ومو معقول نبقى هيك حياتنا لازم تمشي .
هدى : بعرف وكل كلامك مزبوط بس انا مافيي هلأ مشان الله مافيي عمر بترجاك .
عمر شافها كيف عم تبكي ماهان عليه قعد جنبها وحط ايدو عأيدها وقلها متل مابدك بس ماتبكي مابحب شوف دموعك .
بس من هلأ انتي مخطوبة ها وقدام الكل بتقولو انها مخطوبة لعمر اي.
ام يزن : اي اكيد ومين مابيسألني رح قلو مأجلين بس لتمضى سنوية اختي .
بيوم كانت هدى راجعة من الجمعية ومعها اغراض كتير مرقت من قدامها سيارة ورجعت لعندها مرة تانية وقلها صاحبها : صباحو ياقمر كيفك .
التفتت هدى وعرفت انو باسل ابن رفيقة خالتها .
هدى : اهلا باسل كيفك .
باسل : تمام كيفك انتي وين رايحة .
هدى : راجعة عالبيت كنت بالجمعية .
باسل : طيب اطلعي .
هدى : لأ مافي داعي شغلة عشر دقايق وبوصل .
باسل : شو هالحكي ياعيب الشوم ماتخافي ماحآخد منك اجرة اطلعي .
هدى : هههههههه لأ مو هيك القصد بس والله مالو داعي انا حابة مشي رجلي .
باسل : وبعدين معك بتطلعي والا بنزل احملك .
هدى : لأ يوو شو تحملني .
باسل : لكان يلا اطلعي .
طلعت هدى معو وماكانت متوقعة يصيرلها مشكلة من ورا هالطلعة .
وقت وصلت هي ونازلة كان عمر عم يصف بسيارتو عباب بيتهن .
هدى جمدت وقت شافت عمر وماعرفت شو تعمل .
عمر : هدى .
هدى : اهلين عمر كيفك .
عمر راح لعند هدى وهو معصب وطالعة خلاقو .
عمر : شو ياخانوم شو هاد ياللي شفتو .
هدى 😅: ااااه هاد باسل ابن ....
قاطعها ومسكها مابهمني ابن مين ليش طالعة معو .
هدى : كنت راجعة من الجمعية ولاقاني بالطريق ومعي اغراض وحب انو يوصلني بس .
عمر : بس .
هدى : والله ماكنت بدي اطلع بس هو اصر عليي كتير وبعدين انا ماكنت بعيدة مالي يادوب اكم دقيقة طالعة معو ..
عمر : انا حذرتك قبل هيك صح انو مابدي شوفك طالعة مع حدا او تحكي مع حدا (صرخ بوشها ) صح حكيت والا لأ .
هدى ماتت رعبة من صراخو : والله ماكنت بدي اطلع والله بس هو اصر عليي وماعرفت شو قلو .
عمر : بتقليلو خطيبي هيك بدو وليش ماحاكيتيني انو بدك توصيلة كنت اجيتك انا .
هدى وهي بين ايديه : انا ماكنت حتى تكسي ناوية اخد بس هو اجى فجأة سدقني .
اخدها ودخلو عالبيت وكمل صراخو عليها .
بعد العصر ضلت هدى حابسة حالها بغرفتها واجى عمر لعندهن وسأل عنها وقالتلو ام يزن انو لسا ماطلعت من غرفتها ،طلب منها تروح تناديها .
رجعت ام يزن ومعها هدى يادوب بدهن يقعدو الا جرس البيت برن .
ام يزن: اهلا وسهلا تفضلو .
دخلت ام عريب ومعها ابنها عريب وكانو جايين زيارة لأن ام يزن كانت تعبانة شوي .
عمر : هدى اطلعي عغرفتك .
ام يزن : عمر بدي غلبك معلش تشوف التلفزيون بغرفة هدى محطاتو كلها راحت بتقدر تعرف شو مشكلتو .
عمر : على طول .
طلع عمر على غرفة هدى ودق الباب .
فتحت هدى الباب وتفاجأت بعمر وقلها انو ام يزن طلبت منو يشوفلها التلفزيون تبعها .
عمر : هدى اعمليلي فنجان قهوة ولا تروحي عند الضيوف ارجعي لهون .
هدى : حاضر .
رجعت هدى ومعها صينية القهوة وكان عمر عم يرتبلها المحطات .
عمر : هي ليكا المحطات رجعت بتحبي رتبلك اياهم ابجدي والا كيف .
هدى وهي عم تصب القهوة : ماتعزب حالك انا برتبهن .
عمر اتطلع فيها وقرب منها : شو لسا زعلانة .
هدى متوترة : .......
عمر : مابحقلك تزعلي هدى لأن انا منبه عليكي مزبوط والا لا .
هدى عم تهز براسها .
عمر رفعلها وشها : ليش تضطريني عصب عليكي ولك بتعرفيني بغار عليكي من تيابك .
هدى عم تبكي .
عمر : هو هو علينا بدنا نرجع للبكي ،مسحلها دموعها وباسها من خدها وقلها : بحبك يانور عيوني بحبك يانبض البي .
هدى عم تتطلع فيه ومستغربة منو اوقات بكون جنة واوقات بكون نار .
عمر عم يتطلع بشفافها : نفسي قرب منك اكتر نفسي ضمك عطريقتي متل مابدي نفسي ......نفسي فيكي هدى .
خجلت ونزلت وشها رجع رفعلها اياه وقلها : مو لو انك وافقتي نتجوز من هديك الخطرة كان ماصار اللي صار كنت براضيكي عطريقتي وغمزها😉.
ضحكت هدى وحست قديه عمر بحبها وحطت راسها عصدرو وهو لف ايديه عليها وضمها بقوة .
مشيت امورهن تمام وكتير كان يجي عمر وياخدها لهدى مشاوير واوقات كانو يطلعو مع عمها وخالتها يروحو رحل وكانت تنبسط هدى بالمشاوير واعترفت هدى لحالها انها كتير كتير بتحبو لعمر وخصوصي وقت بكون حنون عليها .
كان بقيان لسنوية امها بس شهر وبهديك الفترة كانت هدى تروح بين الوقت والتاني تشتري جهاز عرسها .
بيوم كانو معزومين على حفلة جماعة رفقاتهن وكان عمر كمان معزوم .
راحت هدى وكانت لابسة فستان دهبي طويل حفر ورفعت شعرها بموديل حلو ومكياج دهبي واسود خفيف وكانت احلى وحدة بكل الحفلة.
عمر كان لسا مو جاي لأن كان رايح من قبل بيومين عالمزارع تبعو ليتفق مع التجار وقال لهدى تروح مع دار عمها وهو بيلحق ازا وصل بكير .
وصل عمر الحفلة وشاف هدى واقفة مع شب كان طالب ايدها من قبل .
عمر : مساالخير ....بس ماكون قطعت حديثكن .
هدى ارتعبت : اهلا .....اهلا عمر حمدالله عالسلامة شو متى وصلت .
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢٠/٢، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم اخاف عليك من جنوني`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تلبية روايات 🤍🦋:
مسكها عمر من ايدها وشحطها لمكان ضلو في لحالهن ،هدى انحرجت كيف شحطها قدام الناس .
هدى : ااااخ عمر ايدي وجعتني ...ليه هيك شحطتني قدام الناس بتعرف انك احرجتني .
عمر والدم عم يغلي بعروقو : انتي انحرجتي اااااه (عم يصرخ)انا كم مرة بدي ضل قول لا توقفي مع حدا ومين هالحدا السيد معتز اللي كان قاتل حالو عليكي شو عم تستفزيني والا بتتقصدي تعملي هيك .
ليكي هدى انا ماعاد قدران اتحمل اكتر .
هدى جنت هالمرة وعلت صوتها على عمر : مو قدران تتحمل شو انتي اللي مو قدران والا انا انا اللي خانقني ومابدك اياني لا روح ولا اجي الا بامرك انا اللي بتهيني كيف مابدك صرت خاف اطلع من البيت خوف اني التقي بحدا يسلم علي او اطلع مع حدا ليش هيك عم تعاملني ليش .
عمر عم يصرخ : لاني بحبك عرفتي ليش .
هدى عم تصرخ كمان : شو هالحب هاد اللي خانقني فيه انت واحد اناني ومتسلط ومتجبر مابدك الا كون تحت امرك حتى شو بدي البس بتتدخل فيي مليت من اني ضل خايفة كل الوقت منك انت لو بتحبني مابتعمل فيي هيك صرت حس حالي بلا احترام .
عمر : انااا .....انا متسلط واناني ومتجبر انتي هيك شايفتيني
شو هي انا وحش بنظرك كل هالقد حاملة بقلبك علي .....ازا كنت بغار عليكي بتسميها انانية اني مابدي اياكي توقف مع رجال غيري ازا كنت بطلب منك تلبسي شي انا بحب شوفو عليكي بتعتبري هالشي تسلط ازا كنت بحب شوفك كل الوقت قدامي من حبي الك بتعتبريها انانية مني .
هدى : انت احرجتني هلا قدام الناس شو بدهن يحكو العالم عليي.
عمر : اخر همي الناس واخر همك انا ماكنت بعرف اني كل هالقد حاكمك ومدايقك .
اتطلع فيها وصفن شوي وقلها : خلص يابنت الناس بمااني كل هالقد خانقك وكل هالقد حاملة بالبك عليي انا مابجبرك اتضلي معي وهالارتباط اللي حاسة حالك اسيرة فيه انا رح فكك منو .
هدى انتبهت انو شو عملت وكيف حاكتو لعمر : شو يعني .
عمر : يعني انتي من طريق وانا من طريق خلاااااص روحي وعيشي حياتك ووقفي مع مين مابدك واطلعي مع اللي بدك اياه والبسي اللي نفسك فيه واعتبري عمر مادخل حياتك بيوم من الايام واستري ماشفتي مني .
راح عمر وتركها تستعيد كل كلمة قالتها ودفعت تمنها غالي كتير .
هدى عم تبكي : عمر .....عمر لحظة .....عمر مشان الله استنى .
شافتو ركب بسيارتو وراح .
نزلت عالارض وصارت تبكي بجنون .
اجت لعندها ام يزن : هدى ....هدى امي شوفي ليه هيك عم تبكي شو صاير معك حتى تعرضلك .
هدى 😭: عمر عمر
ام يزن: خير شبو عمر صرلو شي ..
هدى : عمر تركني ياخالتي عمر تركني ااااااه .
ام يزن : ....كيف يعني تركك ليش هو اجى .
هدى صارت بحالة هستيريا ماتوقعت بيوم انو عمر يتخلى عنها ويتركها بهالسهولة .
رجعو عالبيت وراح ابو يزن لعند عمر عالبيت بعد محاولات اتصال كتيرة من هدى وام يزن وابو يزن .
وصل ابو يزن على بيت عمر وكان لسا مو واصل هيك عرف ابو يزن لأن سيارتو مو بالكراج .
ضل ابو يزن ناطرو حوالي ساعة وقت وصل عمر لقي ابو يزن قاعد عالدرج .
عمر : اهلا ابو يزن ليه هيك قاعد .
ابو يزن : ناطرك وينك لهلا .
عمر : ....اااااااخ بأرض الله الواسعة تفضل لنفوت لجوا .
دخلو عالبيت وراح عمر يعمل قهوة .
ابو يزن : هات قلي شو صار لحتى تخانقت مع هدى .
عمر : ماقلتلكن .
ابو يزن : ليش انا فهمت منها شي غير عمر تركني عمر تركني وعم تبكي متل المجنونة .
عمر : مو هيك بدها .
ابو يزن : عمر فهمني شو صاير .
عمر : ابو يزن انت بتعرف اكتر واحد اني انا رجال كل وقتي لشغلي ومهمل حالي وحياتي كرمال شغلي وانا لازم من زمان متجوز وعندي ولاد بس انا ماهمني هالشي كلو الا من يوم شفتا لهدى هي ياللي خلتني استقر بحياتي لك هي ياللي خلتني انقل شغلي لهون لحتى خليها قدامي بكل وقت لان مابعرف عيش من دونها بالأخر بطلع انا انسان اناني ومتسلط ومتجبر كل هاد لاني بغار عليها ومابدي اياها توقف مع
رجال .
ًكل هاد لأني بحبها انا مو طلبتها رسمي وهي بحكم خطيبتي ولازم انا متزوج من اشهر وهي اللي مأجلة لحتى يمضى سنة على موت امها واحترمت رغبتها مع اني مستعجل كتير ووبدي تكون ببيتي اليوم قبل بكرة بتقوم الست هدىىهدى بتسمعني كلام وتجرحني بشكل واضح ومشان شو قال انا خانقها وانا اناني ومتسلط ومتجبر كل هاد لأني غيران عليها وطلبت منها ماتوقف مع رجال ....حقي ياابو يزن والا لأ حقي امنعها توقف وتحاكي رجال وخصوصي انو في منهن كانو بدهن اياها .
ابو يزن سؤال انت لو تشوف ام يزن واقفةةمع رجال كان بدو اياها او حتى عم يتطلع فيها بنظرة اعجاب بتزعل وبتعمل متلي والا لأ .
ابو يزن : معلوم ..اكيد بجن وبطق كمان مابرضى بهالشي وانا معك بكل اللي قلتو ومابلومك والله لو زعلت منها .
عمر : لأ ابو يزن انا مازعلت بس انا تركتها لهدى ونهيت كل شي بينا مابقبللها تعيش مع رجال متلي شايفتو وحش .
ابو يزن مستغرب : معقول عمر معقول انت تترك هدى بهالسهولة ،وين راح حبك لألها .
عمر : ابو يزن هدى جرحتني وسمعتني كلام ماتوقعت بحياتي اسمعو وخصوصي منها .
ابو يزن : والله مابلومك صعب كتير عالرجال يسمع هيك كلام من حبيبتو وهو قصدو بتصرفاتو بس غيرة وحب .
انتهى الحديث بينهن ورجع ابو يزن عالبيت وكانت ام يزن وهدى ناطرينو عنار ليشوفو شو صار معو .
ام يزن : شووابو يزن تأخرت شو صار معك طمني .
ابو يزن : وينا هدى .
ام يزن: بغرفتها ..هلا طمني شو قلك عمر .
ابو يزن : الرجال معو حق بكل اللي عملو هدى كتير دايقتو بكلاما وجرحتو واصعب شي عالرجال انو تنخدش كرامتو مو سهلة ياام يزن والله مو سهلة .
ام يزن : طيب وهو زعلان منها بس والا شو بنيتو يعمل .
ابو يزن : هه زعلان بس ..ام يزن الموضوع مو بهالبساطة عمر خلص نهى كل شي مع البنت وماعاد بدو يتزوج لا من هدى ولا من غيرها .
ام يزن : ولي على آمتي والله لتجن هدى ازا هالحكي صحيح .
كل هالقد عمر آخد على خاطرو .
ابو يزن : بتفهمي البنت انو تنسى لعمر نهائي لأنو هيك فهمني ونوى انو ينسى كل شي هو كمان ورح يرجع لحياتو الطبيعية ولشغلو ..
هدى سمعت كل كلام عمها قعدت عالدرج وصارت تبكي بجنون .
ام يزن : هدى حاج امي بكفي والله رح تنهار اعصابك حاجتك بكي مابصير هيك .
ابو يزن : لا حول ولاقوة الا بالله ..خلص عمي انسي لعمر لأن اللي فهمتو انك زودتيها كتير عليه .
هدى عم تبكي : والله ياعمي ماكان قصدي والله مابعرف كيف طلع هالحكي مني مشان الله ياعمي خليني احكي معو مرة وحدة بس الله يوفقك ماعم يرد عتلفوناتي .
ابو يزن بعصبية : خلص عمي خلص الرجال ماعاد بدو اياكي انتي مابتعرفي لعمر وقت بيحكي كلمة ما بيتنازل عنها ولا بغير رأيو اسألي خالتك عنو وكيف بفكر قليلا ام يزن .
ام يزن : .........مزبوط هون المصيبة انو عمر مابيتراجع بكلمة قالها او قرار اتخذو .
هدى : شو يعني ...يعني خلص عمر راح عمر راح .
ابو يزن : ام يزن خديها عغرفتها واعطيها مهدىء اعصاب خليها تنام وترتاح .
بصعوبة لقدرت هدى تنام تغلبت معها خالتها كتير لحتى قدرت تسيطر عليها .
بقيت هدى على هالحالة اسبوع كامل وكل يوم تحاول ترن على عمر لكن بدون جدوى .
رفضت الأكل والشرب وحبست حالها بغرفتها ماعم تحكي وماعم تنام منيح غير الأكل اللي كانت محرمتو على حالها .
كل يوم هدى بتحاول تستعيد شي من زكرياتها مع عمر كانت حاطة على غنية حلوة بتحكي عن الفراق والعذاب كانت تحبها كتير واتذكرت لما مرة طلبت من عمر يحطلها اياها وهنن طالعين بالسيارة وعرف عمر انها بتعشق هالغنية وقلها هي بتحكي عن الفراق ليش بتضلي تسمعيها ،قالتلو انها بتحب لحنها وكلماتها بس .
فتحت عالغنية وضلت تسمعها مرة واتنين وتلاتة وقالت بحالها انو كانت تسمع هالغنية لحتى صار فيها متل كلماتها وكأنها حاسة انو رح تسمعها وتبكي عليها عن حق .
ضلت عم تلوم حالها وتبكي بشكل هستيري وهي عم تنادي بأسم عمر ماتوقعت حالها تكون بتحبو لهالدرجة وانو مافيها تقعد بدونو ولا ساعة .
صارت تتزكر ايامها معو لما طلعت تعشت معو مرة وكان عشا رومنسي كتير وكان حنون عليها وعمللها كل شي بنفسها ،واتزكرت يوم ميلادها لما فاجأها بطرطة كبيرة عليها صورتها واسمها وهدية كبيرة ولبسها يوم ميلادها خاتم الخطبة ،ويوم مااخدها رحلة مع عمها وخالتها وكيف كان يركض وراها ويرشها بالمي وهي مبسوطة وفرحانة ،ويوم مااجى من المزرعة وترك شغلو وكل شي وقت دخل الحرامي على غرفتها وضل معها لرتاحت وهديت اعصابها من الرعبة ياللي اكلتها يومها .....واتزكرت وقت كان يضمها ويسرح بعيونها ويقلها بحبك ،،،،،،،كل هاد اثر على نفسيتها اكتر وصارت تتزكر وتضحك وتبكي بنفس الوقت .
صارو اسبوعين وعمر ماالو خبر وماعم يجي ولا عم يسأل ولا حتى بالتلفون .
بيوم كانو مروحين ام يزن وابو يزن وهدى من مشوار هدى ضلت كل الوقت تقنع خالتها انو قبل ليروحو عالبيت انهن يروحو على بيت عمر وبالزور لقدرت ام يزن تقنع جوزها انهن يروحو يتطمنو على عمر وفعلا راحو وقت وصلو وانفتح الباب كانت هدى متخبية ورى خالتها سلم ابو يزن عليه وام يزن كمان وكان طبيعي معهن لأن بيعرف انو ماالهن دخل باللي صار مع هدى وبيعرف قديه بحبو وبيحترمو انتبه عمر انها واقفة ورى خالتها شافتو وسلمت عليه وماتوقعت يكون ناشف معها كل هالقد ،قعدو بالبرندا وقام عمر يعمل القهوة ،لحقتو هدى وهي خايفة من ردة فعلو .
دخلت لعندو عالمطبخ حس عليها بس ضل عاكيها ضهرو قربت منو واخدت منو ركوة القهوة وقالتلو : انا بكملها تركلها القهوة تكملها واجى ليروح مسكت ايدو ووقفتو سحب ايدو من ايدها ومااتطلع فيها وطلبت منو يبقى لتحكي معو رجعت لتكمل القهوة وصارت تحكي معو : عمر بترجاك اسمعني وماتقاطعني والله مابعرف كيف حاكيتك هداك اليوم بترجاك تسامحني والله انا مافيي عيش من دونك بجوز انا لهلأ ماقلتلك شو انت بالنسبة الي بس رح
قلك هلأ عمر انا بحبك بحبك كتير مشان الله حاول تعيد النظر بعلاقتنا مااتضيع كل شي بس من سخافات قلتلك اياها بعرف خبصت كتير وقلت اشياء اكبر من اني استوعبها .
هدى كانت عم تحكي وهي متأكدة انو واقف وعم يسمعلها لأن كانت شامة ريحة سيجارتو والتفتت لتكمل كلامها انصدمت انو مو موجود عندها وكان حاطط سيجارتو بالمكتة وكانت سيجارتو عم تخلص وتصير رماد وعرفت انو حاططها من اول ماطلبت منو انو بدها تحكي معو وانو ماسمع منها ولا كلمة من اللي قالتو وشافتو قاعد معهن بالبرندا وعم يضحك معهن صارت تبكي بدون صوت اخدتلهن القهوة وقعدت معهن وتأملت انو يوجهلها شي سؤال او كلمة او حتى نظرة ،خابت آمالها لحتى رجعو عالبيت .
حبست حالها من جديد ورجعت انتكست اكتر من الأول واكتشفت هالمرة عمر غير كل مرة ،وقاطعت الأكل والشرب والنوم .
طلعت ام يزن لعندها لتحاول معها انو تاكل شي ،دخلت لعندها وفكرتها نايمة فيقتها اكتر من مرة ومافي فايدة .
صرخت ام يزن على جوزها وشافو انو البنت مغمى عليها فكرو انها انتحرت ،اخدوها عالمشفى وقلهن الدكتور انو مو حالة انتحار وانو عندها سوء تغذية من قلة الأكل .
ام يزن كانت خايفة على هدى كتير وخافت انو تخسرها وقررت قرار وصممت انو ماتخبر ابو يزن عنو لحتى مايمنعها .
اعتذرت من ابو يزن وقالتلو انها رايحة للبيت تجيب اغراض لهدى وهي بطريقها للبيت مرقت بالأول على بيت عمر .
عمر : ...اهلا اهلا ام يزن تفضلي .
ام يزن : كيفك عمر .
انتبه عليها انها بكيانة وزعلانة .
عمر : خير ام يزن كأنو بكيانة ما هيك خير صاير معك شي .
ام يزن : عمر هدى بالمستشفى !
عمر ببرود : سلامتها ليه شوبها .
ام يزن : عندها سوء تغذية ...عمر عم كأنك مو مهتم كتير لأمرها عم قلك هدى بالمستشفى دخلنا عليها لقيناها مغمى عليها .
عمر : قلتلك سلامتها .
ام يزن : بس هيك .
عمر : شو اعمل يعني انا ماني دكتور لداويها ....وبعدين قلتي سوء تغذية يعني هلأ بحطولها السيرون مع العلاج بتصير منيحة شغلتها بسيطة مابتخوف.
ام يزن : بس انت بتعرف انك دواها ... عمر شو هالبرود هاد شوباك لك هي هدى حبيبتك ياللي كنت تخاف عليها من النسمة هيك عم تحكي بلا مبالاة .
عمر : كنت ياام يزن كنت ...هلأ خلص ماعاد في شي بيربطني فيها .
ام يزن : هدى بالمستشفى بسبب قلة الأكل والنوم واصلة الليل مع النهار وهي عم تفكر فيك .
عمر : الغلط غلطي من البداية لو ماحبيتها كتير وما بينتلها قديه بحبا وهنت حالي بسببها كان ماصار اللي صار .
ام يزن : طيب روح لو مرة وحدة عالمستشفى شوفها بلكي بتتروحن وقت تشوفك .
عمر : مو فاضي اصلا انا كمان شوي راجع عالمزرعة وبجوز ابقى اسبوع عندي شغل كتير .
ام يزن : اووووف شو هالقسوة هي كلا البنت بخطر وانت عم تفكر بالشغل تاريك قلبك قاسي وبتعرف تحقد ياعمر .
عمر اتطلع فيها : ياللي حب من البو وغار بجنون وماشاف شي غير اللي بحبا بيستاهل انو يصير في هيك وبتستاهل انو انساها بسهولة ..هي مو قسوة ياام يزن ولا حقد بس مابدي جدد الأمل عندها وخليها ترجع من جديد تفتكر انو رجع كل شي متل ماكان .
ام يزن : كتر خيرك ماتوقعتك هيك ،بس ممكن اطلب منك طلب ياريت ماتجيب سيرة لابو يزن اني اجيت لعندك .
عمر : تكرمي .
راحت ام يزن وهي زعلانة على هدى لكن مو حاقدة على عمر لأن بتعرف انو مو غلطان وبتعرف انو هدى هي اللي غلطت بحقو وانو عمر بيفرق بعقلو وتفكيرو عن بقية الرجال وانو مابيسمح بالغلط او الأهانة وعلى قد مالو صعب على ماالبو طيب وحنون وكان جاييها شعور انو الا مايجي عالمشفى ليتطمن عليها .
ايو يزن بقي مع هدى بالمشفى وسأل الدكتور عن وضعها وقلو انو مافي شي خطير مجرد فقر دم بسبب قلة التغذية ورح تبقى كم يوم بالمشفى وبتسترد عافيتها .
مرقو تلات ايام وطلعت هدى من المشفى وكانت صحتها احسن شوي ارتاحت بغرفتها وراحت خالتها تعمللها شوربة خضار وعصير متل ماقال الدكتور وتركت ابو يزن قاعد معها .
ابويزن: حمدالله عسلامتك بنتي .
هدى : الله يسلمك عمي الله يخليلي اياكن .
ابو يزن : ليكي بنتي بدي احكي معك بموضوع وبدك تسمعيني منيح وهالمرة انا اللي بدي اتدخل بحياتك وبدك تعملي متل مابقلك .
هدى انتي لازم اتطلعي عمر من راسك وتفكيرك ....
هدى : بس عمي. ...
ابو يزن: لا تقاطعيني عمي خليني كفي كلامي ،الدنيا بعمرها مابتوقف عند بني آدم ولو الزعل برجع اللي خسرنا كنا بنضل زعلانين العمر كلو ليرجع اللي راح وانتي لازم ماتيأسي وتستسلمي بهالسهولة اللي خسرتي انتي السبب في واللي وصلتيلو برضو من ايدك كنتي ماتسترجي تعارضي عمر بكلمة شو صرلك لحتى جاوبتي هيك من وين اجتك الجرأة والشجاعة لحتى تحكي معو بهالطريقة ،عمر حبك من كل البو وكان سادق معك وتقدملك وانتي اللي اجلتي لسنوية امك ولو ماصار اللي صار كان هلأ صار عرسكن لأن سنوية امك خلصت .
بعدين يابنتي من حق اي رجال يغار عالمرة اللي بتخصو وكل ما زادت الغيرة كل ماكان الحب اعمق واقوى وعمر حبك بجنون الرجال ازا ماغار عالمرة اللي بحبها بكون مابحبها كتير ،وبعدين هي انا وخالتك ياما تخانقنا عشغلة الغيرة اكتر من اصدفها واقفة وعم تحاكي رجال وقت نكون بسهرات او حفلات او جمعات وفي منهن كانو بدهن اياها ومنهن كانو معجبين فيها وازعل من خالتك وخانقها واحيانا توصل انو نتحارب كم يوم وليكا عندك واسأليها .
بقى ياعمي الغيرة اساس الحب واحلى شي فيه وازا كان بغار كتير مالازم تزعلي بالعكس لازم تنبسطي هاد دليل على قوة الرابط اللي بينكن ...اااااااخ ياعمي ااخ بعد شو هالحكي خلص كل شي انتهى .
عمي انا ماعم قلك هالحكي لتفكري اني عم لومك او عم عاتبك لأ اللي فيكي مكفيكي ومو ناقصك هم واللي صرلك هلأ مجرد درس لك لقدام لحتى تعيدي التفكير بكل كلمة بدك تقوليها لزوجك بالمستقبل .
هدى : هه اتزوج عمي انا بعد عمر مستحيل فكر بأي رجال .
ابو يزن : هاد الحكي مرفوض وسابق لأوانو هلأ .
المهم بدي منك ترجعي لحياتك الطبيعية ترجعي البنت الحلوة اللي نورت بيتي وترجعي تتفتلي مع خالتك بالبيت حاجتك حابسة
حالك بهالغرفة والله اشتقت آكل معك وشوفك اشتقت اسهر معك وتعمليلي فنجان قهوة من تحت دياتك وتعمليلي الحلو اللي بحبو .
هدى 😔: حاضر عمي رح حاول اتجاوز هالمرحلة بس مابوعدك اني رح ارجع متل قبل لأن البي انكسر بدي شوية وقت .
ابو يزن : ماشي عمي المهم مااتضلي حابسة حالك وعم تبكي كل الوقت .
حاولت هدى انو تبعد عمر من تفكيرها بس صعب كتير عليها وخصوصي وقت بتقعد لحالها وبتتزكر مواقف عاشتها مع عمر شي حب وشي لعب وشي مزح وكتير مواقف للغيرة وعصبيتو وقت يشوفها لابسة شي ملفت للنظر ومغري ومشلح وكانت تتزكر مواقف شي اتضحكها وفجأة تبكيها .
حست بالخجل من خالتها لأن الها فترة ماساعدتها بشغل البيت وهي حابسة حالها بغرفتها ومنطوية على حالها
بعد الغدا طلب ابو يزن الشاي من هدى وقعد وهو محتار وفي بتمو كلام بدو يقولو بس مابيعرف من وين يبلش وشافتو ام يزن وهو متلبك ومحتار .
ام يزن : خير ابو يزن شو في شايفتك سرحان كل الوقت حتى انك مااتغديت منيح طمني صاير معك شي .
ابو يزن : ....مو عرفان شو بدي قول او من وين بدي بلش ،هدى تعي اقعدي جنبي عمي .
اسمعي بنتي اللي راح راح ماهيك ونحنا اللي صار من شهر طوينا ونسينا ماهيك .
هدى : .....
ابو يزن : عمي في شي بدي قولو وبدي تكوني قوية ومابدي تزعلي وترجعي تنتكسي حبيت قلك هالحكي وتعرفي مني وما تعرفي من غيري وتتفاجئي لأن مابعرف بأي طريقة ممكن تسمعي .
ام يزن : ياساتر يارب شو صاير ابو يزن والله شغلت بالنا احكي بقى .
ابو يزن اخد نفس طويل : بنتي عمر باع بيتو اللي هون ونقل مكتبو ورجع عبيتو وعشغلو هونيك بالمزارع .
هدى: 😧😧😧.
ام يزن : معقول ...معقول لهالدرجة .
ابو يزن عصب على مرتو وقلها : ام يزن لا تفكري جرح المرة متل جرح الرجال ...المرة بتفكر بعواطفها وبتزعل من كلمة لو كانت صغيرة، بطبيعيتها الأنثوية حساسة زيادة عن اللزوم ،لكن الرجال بفكر بعقلو وبيتحكم بمشاعرو وعواطفو لكن وقت بيغضب وبيزعل وببان عليه بكون الجرح كتير كبير ومافي شي بيخفف عنو غير البعد والتفكير بشي تاني .
بقى لا تحطي اللوم كلو على عمر هو ماغلط وقت غار وماغلط وقت كان يعيط عليها وماغلط وقت كان يحاسبها حقو ياام يزن حقو خطيبتو وبغار عليها ولما جرحتو بكلاما ماحب انو يبقى آسرها معو بالذات وقت عرف منها انو اناني ومتسلط قال مابيقبللها تعيش مع واحد بهيك صفات لهيك قرر يرجع لحياتو الطبيعية وكأنو ماشافها لهدى ولا عرفها .
واللي بدي اياه منك ياعمي انك تنسي لعمر نهائي وتشوفي حياتك ماوقفت الدنيا هون لأ في قدامك مستقبل وقدامك حياة بدك تعيشيها بالطول وبالعرض لكن بتقدري تكتبي قصتك بالمستقبل بأيدك وتحطي فيها كل تفاصيل حياتك وتخططيلها متل مابتحبي وتختاري الرجال ياللي بدك تعيشي معو وتكملي حياتك معو وما بدي اسمع منك انك مابدك تتزوجي هالشي مرفوض بالنسبة الي شو سمعتي ،بدك تتزوجي وتجيبيلي احفاد ويجو يلعبو هون وبالجنينة ويكسرولنا البيت وديري بالك تعيطي عليهن مابسمحلك ها خليهن يعملو اللي بدهن اياه هاد بيت جدهن ومن حقهن يلعبو ويخربو عكيفهن .
ام يزن عم تبكي وتضحك لأن شافت جوزها عم يواسي هدى بكلامو وكان هدفو بس يخفف عنها ويخليها تتجاوز هيك مرحلة .
راحت هدى على غرفتها وضلت تبكي وتبكي لتعبت ونامت.
بعد مافاقت نزلت ومالاقت حدا بالبيت حاكتهن وقالولها انهن راحو زيارة لبيت جماعة رفقاتهن .
ضلت هدى لحالها بالبيت دخلت المطبخ وكان في صينية قهوة عالمجلى محطوطة بدون جلي راحت لتجليهن وسمعت الغنية ياللي كانت تسمعها مع عمر وقعت عالأرض وبكت بصوت عالي وصارت تنادي على عمر بصوت عالي .
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`