الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم اخاف عليك من جنوني`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تلبية روايات 🤍🦋:
وقت رجعو عالبيت نزلو كل الاغراض واجت هدى لتدخل عالبيت تفركشت رجلها بدولاب السيارة واستلقاها عمر بين ايديه وضل ماسكها وسرحان بعيونها الحلوين خجلت هدى وتلبكت وماعرفت شو تحكي .
تمنالها ليلة حلوة وراح على بيتو .
تاني يوم من بكير اجى عمر على بيت ابو يزن ليودعهن لان بدو يرجع على بيتو وشغلو قعد وشرب معهن فنجان قهوة وسلم عليهن وخص هدى بنظرة خلت كل بدنها يرجف من طريقة نظرتو .
راح عمر وكان حابب انو يبقى اكتر من هيك بس شغلو محتاجو ومابيقدر يغيب كتير وكان رايح وتارك عقلو وتفكيرو عند هدى ياللي شغلتلو بالو كل الوقت .
بعد ماراح عمر ام يزن قالت : هلأ عمر من هون لست سبع شهور ازا موسنة مابيرجع .
ابو يزن : اي اكيد هي عادتو بيجي يومين وبيغيب سنة .
هدى : معقول خالتي طيب ليه بغيب هالقد .
ام يزن: عمر شغلو كتير وبحبو كتير لشغلو ومابحط حدا كتير مطرحو وبقول انو ازا بدو يترك العمال رح يفلتو على كيفهن وهو سمو وموتو حدا يطمع في او يتهاون بالشغل لهيك مابيقدر يغيب وقت طويل .
المسا رن تلفون الببت ردت ام يزن وكان عمر عم يطمنهن انو وصل بالسلامة وقلها تسلم على ابو يزن وعلى هدى سلام خاص .
انشغلت هدى بشغل البيت بعد مافكرت شوي بعمر ياللي كان شاغل بالها لوقت قليل مو متلو اللي ماكان الو تفكير غير بهدى ومع كل هالشي كان قايم بشغلو ومركز مزبوط وكل ماشاف حالو لحالو بتخطر هدى ببالو .
مرق اسبوعين ورجعت هدى لطبيعتها عادي ونسيت عمر اللي قالت بحالها انها مارح تشوفو من سنة هو بالأساس شغل بالها اهتمامو فيها بنظراتو وحديثو وشخصيتو لفتو انتباهها كتير .
عمر كان ببيتو سرحان على طول وعم يفكر بالبنت ياللي بحياتو مافكر بغيرها واللي حس انها سلبتلو عقلو والبو ضل هيك مدة هالأسبوعين اللي غاب فيهن طول الليل سهران وماعم ياكل منيح بس عايش عالقهوة والدخان ،وبيوم بالليل عم يتقلب بفراشو عم يحاول ينام كل ماغمض عيونو بيشوف صورة هدى قدامو وقرر قرار انو لازم يقطع هالتفكير .
كانت ام يزن وابو يزن قاعدين بحديقة البيت عم يشربو قهوة نزلت هدى لعندهن وتفاجأت بعمر قاعد معهن قربت على مهل وقالت بخجل: مساالخير .
عمر شافها ولمعو عيونو متل عاشق من زمن ماشاف معشوقتو : مساالورد والياسمين .
هدى : ....كيفك عمر حمدالله عسلامتك .
عمر وعيونو عم يحكو حكي مو مفهوم : الله يسلمك يارب ......كيفك انتي هدى شو اخبارك .
هدى خجلانة : انا .....الحمدلله منيحة .....تفضل ارتاح .
راحت هدى وجابت الها فنجان قهوة وهي بالمطبخ دخلت ام يزن .
هدى : خالتي على اساس عمر مابيرجع من سنة خير صاير معو شي لحتى جاي .
ام يزن : والله حتى انا مستغربة انو اجى ماغاب يادوب اسبوعين .
هدى : ان شاء الله مايكون صاير معو شي .
طلعو عالجنينة وقعدو مع ابو يزن وعمر .
عمر كل شوي يحول نظرو وحديثو لهدى وهي تجاوب وهي خايفة كانت شخصيتو قوية لدرجة انها ماكانت تسترجي تحكي وتتطلع فيه كتير .
تاني يوم من الصبح اجى عمر لعندهن وكان جايب معو فطور .
طولت هدى لحتى نزلت ونفد صبرو لعمر لحتى سأل عنها .
عمر : شو ام يزن مابدنا نفطر .
ام يزن : اي امبلى يلا لحتى تنزل هدى مابعرف شو اللي اخرها طالعة شوفها .
طلعت ام يزن ولاقت هدى قاعدة عالتخت .
ام يزن : هدى خير امي ليش لهلأ مانزلتي مو حلوة بنتي الرجال جايب فطور معو وعم نستناكي كلنا وانتي قاعدة هون .
هدى : خالتي .....مابعرف ليش مو قدرانة انزل خالتي انا ....انا بخجل منو لعمر مابدي ضل وقت كبير قدامو هو شخصية قوية وانا مابعرف احكي كلمتين خصوصي وقت بوجهلي الحكي والأسئلة بحس حالي جاهلة ومابعرف شي مقارنة مع معلوماتو وثقافتو .
ام يزن عم تضحك: هههههههه طيب وهاد سبب يخليكي لهلأ ماتنزلي مافيها شي شي طبيعي رجال بشخصية عمر يكون عندو كل هالمعلومات هو مهندس ومو بس بيعرف بمجال شغلو عمر بيعرف بكل شي مافي شي بيخفى عليه .
نزلت ام يزن وهدى لتحت وجهزو الفطور ،ام يزن طلبت من هدى تروح تقلهن انو الفطور صار جاهز .
راحت هدى ووجها احمر صبحت عليهن وقالتلن انو الفطور صار عالطاولة .
تقصد عمر يقعد مقابيلها لهدى لحتى اتضل قبال عينو وكل مارفعت عينها تشوفو مركز عيونو عليها ،حست بحالها انها مراقبة وماعرفت تاكل منيح ،اكلت شوي وقامت .
بعد الفطور عمر طلب قهوة من تحت ايديها لهدى وقعدو وقت هو وابو يزن يحكو بالشغل والتهت هدى بهالوقت مع ام يزن بشغل البيت والطبخ بعد مااقنعو لعمر يبقى للغدا .
طلع عمر وابو يزن عالمشاتل يجيبو شوية زريعة لأم يزن وعمر خص هدى بكم زريعة لتحطهن ببلكونة غرفتها من الزريعة العطرية لحتى تعطر غرفتها كل الوقت .
قعد عمر هالمرة حوالي اسبوع متع فيهن نظرو بهدى وحس انو كل ماشافها كل مااشتاق يضل يشوفها اكتر ،عمر حس على حالو انو معجب بهدى لحد الجنون وكان بدو بس شوية وقت ليتأكد بشو عم يفكر .
ام يزن سألت عمر عن سر جيتو هالمرة بالسرعة هي اتطلع بهدى وقال انو عندو هون شوية شغل وانو نسيان اكم غرض ببيتو اللي هون .
خلص الأسبوع ورجع عمر وهالمرة كانت اصعب عليه من المرة اللي قبلها لأن شاف هدى اكتر وقعد معها وقت اكتر وتعلق فيها اكتر .
هدى بالنسبة الها كانت تشوفو شخصية وحلو واي بنت بتتمناه لكن من حدتو حست انها كانت تهابو مابتعرف ليش .
مرقو شهرين على غياب عمر وكان كل يوم يرن ويسأل عن ابو يزن ويحكي مع ام يزن وكل هاد لحتى يقدر يتوصل لهدى انها ترد شي مرة عليه هي .
رن التلفون وهالمرة ردت هدى وهي مابتعرف مين المتصل .
هدى : الو ..
عمر : ........
هدى : الو ...الو
عمر : يسعدلي هالمسا ياقطة .
هدى : عفواااا ...مين معي .
عمر : شو ماعرفتي صوتي ماميزتي .
هدى : عمر .
عمر : اي ها اي عمر ..كيفك هدى شو اخبارك .
هدى : ...انا منيحة الحمدلله انتي كيفك .
عمر : انا المرة هي احسن من كل مرة لأن انتي ياللي رديتي علي .
هدى : ......
عمر : شو وين رحتي .
هدى : اي معك .
عمر : وين عمك وخالتك .
هدى : طلعو عالجمعية يجيبو اغراض وعمي بدو يروح كمان زيارة لعند رفيقو طلع من المشفى .
عمر : اي يعني انتي لحالك بالبيت .
هدى : اي .
عمر : حلو يعني فينا نحكي براحتنا .
هدى : .....
عمر : اي طمنيني عنك شو اخبارك .
هدى : ماشي حالي ....الحمدلله .
عمر : هدى انا بكرة جاي .
هدى : جد ....اهلا وسهلا .
عمر : من البك يعني مبسوطة بجيتي .
هدى : ااااه....وليه لحتى ماانبسط عادي .
عمر عصب : عادي يعني مو كتير هامك اجي او لأ .
هدى خافت وقت حست عليه عصب : لأ ..لأ مو هيك انا بفرح فيك وقت بتجي بس ماعرفت شو بدي قلك ومابعرف كيف طلع مني الحكي .
عمر : ايواا طيب قولي هيك من الأول خليتيني حس اني مو مرغوب فيي بالنسبة الك .
حكو ودردشو شوي وبعديها سكرو الخط .
تاني يوم وصل عمر وكان هالمرة جاي وجايب معو اشواق كتير واحاسيس اكتشفها وحسها وحس امو ماعاد فيه انو يخبي اكتر من هيك .
وصل عمر ونزل من سيارتو لمح هدى واقفة مع ابن الجيران وعم يحكو ويضحكو .
قام النضارة الشمسية عن عيونو كان لابس بنطلون جيشي وتيشيرت اسود وبوط اسود بساق وشعراتو مرتبين وحالق ومحدد دقنو بشكل رائع .
ضل واقف ومرتكي عسيارتو لحتى شافتو هدى .
راحت هدى لعندو بعد ماسلمت عابن الجيران .
هدى : اهلا عمر حمدالله عسلامتك .
عمر :.... مين العينتين.
هدى : هاد جواد .
عمر : بلا جواد ماكنت بعرف .....مين جواد .
هدى بلعت ريقها وقت شافتو حط العقدة بين عيونو .
هدى : جواد ابن جيرانا .
عمر : خلاصتو ليش واقفة معو شو لزومها هالوقفة ؟
هدى : اناااا...كنت عم ابعت الأغراض اللي وصت عليهن خالتو ام تامر .
عمر : اي ومين اللي بعتلها الأغراض .
هدى : خالتي .
عمر : ايوااااا ووصلتي الأغراض لما لأ .
هدى : اي امبلى
عمر : وليش لسا واقفة معو اه .
هدى : مافي شي كنا عم نحكي .
عمر : وعن شو بتحكو ان شاء الله .
هدى : ماشي مهم ..مابدك تفوت تفضل .
اجت لتروح مسكها من ايدها
عمر : وقفي لسا ما كملت كلامي.
هدى خافت وتمسمرت بأرضها.
عمر : ليكي هدى انا هيك حركات مابحبها ومابدي اياها يعني مابدي شوفك واقفة هيك وقفات شو فهمتي .
هدى عم تهز براسها انو اي .
دخلو عالبيت وكانت هدى قدامو وحست حالها متل الصوص قدامو .
ام يزن : يامية اهلا ومية سهلا كيفك حمدالله عسلامتك .
عمر متدايق : الله يسلمك ام يزن انتي كيفك طمنيني عنك .
ام يزن : انا منيحة ...عمر شو في شكلك مو مرتاح باك شي .
عمر اتطلع بهدى وقلها تعملو قهوة .
هدى : حاضر .
ام يزن : خير عمر شو في .
عمر : وانا جاي كانت هدى واقفةومع ابن الجيران وعم يضحكو ومبسوطين .
ام يزن : اي وين المشكلة .
عمر : ام يزن مشان الله لا تخليني جن ليش لتوقف معو قال رايحة تعطي الأغراض لأمو واعطتها الأغراض شو الها داعي وقفتها مع ضراب السخن .
ام يزن : قصدك جواد.
عمر : اي هاد
ام يزن : عادي عمر جواد كتير محترم ومؤدب وصحبة هو وهدى يعني متل الأخوات .
عمر عصب😡: ام يزن مشان الله حاج تسميلي بدني بهالحكي انا مابحب هيك .
ام يزن ضحكت وقالتلو : وانتي ليه هيك متدايق .
عمر : ماحلوة وقفتهن هيك بعدين انا مابدي توقف لا معو ولا مع غيرو .
ام يزن : وشو السبب شو بتغار عليها .
عمر : ....اي ياستي بغار مابدي النسمة تمرق من حدها منيح هيك .
ام يزن: بس اللي بغار ياعمر بكون بحب وانت شو .
عمر : انا عاشق وصلتك مابدي شوفها واقفة مع حدا .
جابت هدى القهوة وحطت الصينية وكانت شايفة عمر عم يحكي مع خالتها بعصبية واجت لتروح وقفها عمر.
عمر : وين رايحة .
هدى : بدي ...بدي ادخل لجوا .
عمر عم يزورها: شو في جوا تعي اقعدي معنا والا مابدك تقعدي معي.
هدى : لأ مافي شي بس .....
عمر : تعي اقعدي هون .
قعدت هدى من دون ماتعارض حست انها مابتسترجي تعارض اصلا .
راحت ام يزن لتشوف ابو يزن شو صار معو ومتى رح يرجع.
ضلت هدى قاعدة هي وعمر وكانت خايفة كتير من عصبيتو .
عمر : ليه ساكتة احكي .
هدى : شو بدي احكي .
عمر : يعني مافي شي تحكي فيه .
هدى : ...مابعرف.
عمر : اما هداك بتلاقي حكي معو وبتعرفي تضحكي معو ماا.
هدى اتطلعت بعمر : هو ياللي كان عم يقلي شو صار معو بالنادي وعهيك ضحكنا ..
عمر : ليكي هدى اخر مرة بنبه مابدي شوفك واقفة معو مفهوم.
هدى : طيب ليش والله هو كتير منيح .
عمر بعصبية : انا شوقلت مابدي يعني مابدي لا تجادلي شووو.
هدى هزت راسها ودمعو عيونها مامتعودة حدا يحاكيها هيك .
اعتذرت انو بدها تروح عالحمام .
راحت عالحمام وصارت تبكي لحتى تورمو عيونها .
بعد شوي اجت خالتها لعندها وشافتها عم تبكي وسألتها شو ياللي صار ،خبرتها هدى شو قلها عمر .
ام يزن : ههههههه حبببتي ماحلك تعرفي انو عمر بغار عليكي من حالو وهالشي منيح لما عاطل .
هدى : خالتي اي منيح بس هو حاكاني بعصبية وانا ماعملت شي يستاهل .
ام يزن : بسيطة عيوني حصل خير يلا قومي مو حلوة يضل الرجال قاعد لحالو وعمك لسا بدو كمان ساعة ليرجع قومي امي غسلي وشك وانزلي اوام اي بدي اعمللكن شي حلو وانتي اقعدي معو اي .
هدى : لأ خالتي انا بعمل الحلو وانتي اقعدي معو .
ام يزن : هههههههههههه لك شوبك ليه كل هالقد مرعوبة ولك هاد عمر هاد بأمن تبقي معو لحالك العمر كلو لأنو انسان محترم صحي هو عصبي كتير بس مافي منو تنين .
رجعت هدى لعند عمر كان عم يلعب بموبايلو .
عمر : شو كل هاد بالحمام .
هدى : لأ بس خالتي اجت وحاكتني بشغلة .
عمر : اي وليه بكيانة انتي .
هدى : لأ مافي شي .
عمر : ليكي انا مو اجدب انتي زعلتي لاني عصبت مو هيك .
ليكي هدى انتي صرتي هلأ بتعرفي عقلي واني كيف بفكر ما هيك لهيك تحاشي غضبي وماتعملي شي يزعلني ويثور عصبيتي اي .
هدى : انا .....انا ماكان قصدي اعمل شي يدايقك والله وماتخيلت وقفتي مع جواد اتدايقك لهالدرجة .
عمر بعصبية : لا تنطقي اسمو حتى .
رفعت عينها فيه وهي خايفة وشافتو كيف حاطط العقدة بين عيونو وهالشي زاد من خوفها اكتر .
ضلو حوالي عشر دقايق ساكتين وهو على دخان ورا بعض .
رفعلها وشها بأيدو وبعد شعرها عنو لحتى يشوف ملامحها منيح ، اتطلعت هدى فيه لقتو عم يتمعن فيها بعمق وضلو عيونو علقانين بعيونها ومشت قشعريرة بكل جسمها حست بنظراتو انو في شي مو عادي اكتر من اعجاب وقالت بحالها معقول لو انو بس معجب بيتدايق ازا شافها عم تحكي مع حدا وبعصب عليها هيك حتى نظراتو مو نظرات واحد معجب .
قرب منها اكتر وحط ايدو عشعرها وقلها : شعرك بيسحر متل الحرير خليكي مهتمة في هيك وخلي يطول اكتر اي انا بحب الشعر الطويل لا تقصي ابدا .
هدى صافنة فيه كيف كان وكيف صار بس كل هاد لأنها ضلت عم تتطلع فيه ماتوقعت انو ممكن يهدا بهالسرعة بس من نظرة عطتو اياها .
عمر : هدى .
هدى : ......
عمر : هدى انا بحبك .
هدى 😯: .......
عمر : بحبك .
ماعرفت شو تحكي حست انها لو وقفت ممكن توقع ومارح تتوازن بنوب .
عمر : بحبك .....بحبك .....بحبك
كان عم يحكي وعم يتطلع بعيونها شوي وبشفافها شوي تانية .
هدى خرست وماعادت تعرف شو تقول .
عمر : هدى انتي مو غبية لحتى تعرفي انو هالغيرة ياللي بحسا تجاهك مو حب امبلى حب انا بحياتي ماحبيت وانتي اول انسانة بتدخل على البي .
هدى :.........
عمر : انا مو اني ماكنت بدي اتجوز امبلى حابب انو يصير عندي بيت وزوجة وولاد بس شغلي اخد كل وقتي وتفكيري ،وماكنت بدي اظلم اللي بدي اتزوجها معي لأني بعرف اني كتير متعلق بشغلي وانو مابفضى وبروح متأخر عبيتي .
بس من يوم اللي شفتك مابعرف شو اللي صرلي شعرت بشعور غريب وكأني مضيعك ولقيتك .
قرب منها اكتر لحتى صار جنبها .
عمر : هدى انا بدي تكوني مرتي بدي تحبيني متل ماانا بحبك وبعشقك انا مابتخيل حياتي من دونك رغم اني مابعرفك الا من شهرين بس هدول بالنسبة الي مو شهرين هدول دهرين اتتي بتسمعي بالحب من النظرة الأولى .
هدى عم تهز براسها .
عمر : وهاد اللي صار معي ......
ركز بعيونها اكتر ومسك ايديها وباس ايدها .
عمر: بحبك......بعشقك ......بموت فيكي .
وقتها خجلت وماعرفت شو صارلها ماعم تعرف تشيل عيونها عنو وكل مالها عم تسرح بعيونو اكتر .
بعد شوي اجت ام يزن وقام عمر من مكانو ورجع عالكرسي تبعو .
ام يزن : عملتلكن حلو بس بدو شوي لحتى يبرد حطيتو بالتلاجة لبين مايوصل ابو يزن بكون جهز .
عمر : الله يعطيكي العافية .
ام يزن : الله يعافيك ....ها قلولي عن شو كنتو عم تحكو .
هدى اتطلعت بعمر وخجلت .
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`