الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم اخاف عليك من جنوني`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تلبية روايات 🤍🦋:
#أخاف_عليك_من_جنوني
#سلمى_جنايدة
#الجزء_الآۆلْ
ام هدى : خلص بنتي روحي انتي عالبيت بكفيكي هيك تعبتي كتير من يوم اللي دخلت وانتي معي .
هدى : لأ امي انا مافيي اتركك انتي كتير تعبانة وبدك مين يعينك ويساعدك لحتى تقعدي وتاكلي وتشربي وتروحي عالحمام .
ام هدى : ياحبيبتي برضاي عليكي تروحي عالبيت خالتك ام يزن جاية لعندي وقالتلي رح تبقى هون فرصة تروحي تتحممي وتغيري تيابك وترتاحي شوي وتنامي وبكرة بتيجي اي .
هدى : بس امي ......
ام هدى عم تاخد نفس عميق : ياامي مافيي حيل وقوة للأخد والعطى قلتلك خالتك جاية لعندي .
هدى عم تبكي : حاضر امي متل مابدك .
بعد شوي اجت خالتها ام يزن وسألتها عن امها وقالتلها هدى انها تعبانة كتير ونامت بالعافية .
ام يزن: طيب خالتي هي عمك تحت ناطرك ليوصلك عالبيت يلا روحي وانا ببقى عندها الليلة انتي نامي وارتاحي وبكرة بتجي اي .
راحت هدى بعد ماقعدت حصة وهي عم توصي خالتها عأمها وانها اتطمنها عليها كل شوي .
وصلت هدى للبيت واخدت دوش واكلت ساندويشة واتصلت بخالتها لتتطمن على امها ،وبعدها نامت نوم عميق كتير بعد قلة النوم اللي ماكانت تشوفو بالمشفى .
(بالمشفى )...
ام يزن : طمنيني عنك اختي كيف حاسة حالك هلأ.
ام هدى : والله يااختي حاسة اني خلص هي اخرتي ومابقى في وقت لهيك حاكيتك وطلبت انك تنامي انتي عندي هالليلة بالذات وانو هدى تروح عالبيت مابدي اياها تشوفني وانا عم موت مارح تتحمل الصدمة انا بعرف قديه هي متعلقة فيي بعد موت ابوها .
ام يزن عم تبكي : اختي مشان الله طولي بالك ان شاء الله رح تتحسني خلي املك بالله كبير .
ام هدى عم تتطلع بالغرفة : ماضل وقت انا بعرف خلص مياتي خلصو من هالدنيي .
ام يزن بكت كتير وهي ماسكة ايد اختها وبعد شوي حست انو ام هدى نامت .
طلعت من الغرفة وراحت تشوف الدكتور تبعها وقلها انو وضعها على اخرو ومافي امل الا بالله وانو وضعها الصحي وقلبها كتير تعبان وكلو على ربنا .
رجعت لعند اختها عالغرفة وحست بشي غريب قربت منها وشافتها فاتحة عيونها وماعم تحكي شي حاولت تحاكيها وتهزها بس مافي فايدة ،صرخت وراحت للدكتور واجتمعو الممرضات عليها وحاول الدكتور ينعشها بس خلص راحت روحها لباريها .
بكت ام يزن بجنون وقت شافت الدكتور حط الغطا على وجهه ام هدى وارتمت بالأرض .
حاكت جوزها بعد وقت لحت. قدرت تستجمع قوتها وخبرتو انو اختها ماتت .
الصبح راحت هدى عالمشفى ودخلت على غرفة امها لاقت السرير فاضي ،رجفت هدى وخافت وراحت تشوفها بلكي اخدوها على غرقة الفحص لكن مالقيتها هنيك بالممر شافت عمها ابو يزن وخالتها ام يزن كانت عم تبكي كتير .
قربت هدى من خالتها وسألتها : شو خالتي وين امي مو بغرفتها .
ام يزن ضمت هدى وانهارت بالبكى وهدى صافنة ماعم تستوعب شي .
ابو يزن : ام يزن شوبك طولي بالك وحدي الله .
هدى : عمي كرمال الله فهمني شو صاير هون .
ابو يزن نزل راسو وقلها :......عمي امك بتسلم عليكي وبتقلك انها بتحبك كتير وبتقلك ديري بالك عحالك .
هدى : .....وليه مو هي ياللي تقلي هالكلام ليه قالتلك تخبرني انتي .
ابو يزن : حبيبتي امك راحت لرحمة ربها .
هدى😧 : ........شو يعني عمي ....شو يعني امي ....امي مااااا مااااتت .
ابو يزن: الله يرحمها .
هدى : لاااااااااااا لاااااا ياامي ياامي لا تتركيني هي قالتلي مارح تتركني ...والله عمي هي قالتلي مارح تتركني عمي قلي انك عم تمزح معي مشان الله قلي انك عم تمزح.
ووقعت عالأرض وصارت تصرخ بصوت عالي ،نزلت لعندها ام يزن وضمو بعض وصارو يبكو بشكل هستيري .
بعد الضهر صارت الجنازة وهدى ودعت امها وكل شوي يغمى عليها ماعم تسدق انو امها راحت ،وام يزن كتير كانت زعلانة على اختها وماعرفانة تصبر حالها والا تصبر هدى على هالمصيبة .
مرق شهرين على موت ام هدى وانتقلت هدى على بيت عمها ابو يزن وكان ابو يزن عمها اخو ابوها وام يزن خالتها اخت امها يعني كانو اخوات وسلفات وهاد اللي خلى هدى تروح وتعيش مع عمها وخالتها ياللي استقبلوها واحتضنوها كأنها طفلة صغيرة .
هدى عمرها 22 سنة خلصت جامعة جديد قبل وفاة امها بشهر ،بنت كتير حلوة وخجولة لدرجة كبيرة كبيرة لدرجة بتخجل وقت حدا بيمدحها بشغلة او بيبدي اعجابو بهدوءها وجمالها وبيحمرو خدودها بسرعة ،شعرها متل كحل الليل وعيونها متل عيون المها نحيفة لكن جسمها مفاتنو ظاهرة وحلو كتير ،وكانت شخصيتها مو كتير قوية يعني عادية جدا.
بلشت هدى تتعود عالعيشة مع عمها وخالتها اللي ربنا مارزقهن بالذرية ابدا وكانو حاملينها لهدى على كفوف الراحة وشو مابتطلب بيتلبى بدون نقاش مع انها كانت بتخجل تطلب كاسة مي ازا عطشت .
بعد مضي خمس شهور رجعت هدى وام يزن لحياتهن الطبيعية بس ماقدرو كل هالوقت انهن ينسو او يستوعبو موت ام هدى وكل الوقت بيتذكروها وبيحكو عنها مع حزن كبير .
بيوم كانت ام يزن وهدى عاملين سفرة كبيرة وتشكيلة اكل وحلو كبيرة لأن صديق ابو يزن جاي لعندهن ليزورهن بعد غياب سنة مع انهن ساكنين بنفس البلد بس هنن بمنطقة وهو بمنطقة تانية بتبعد حوالي ست ساعات .
بعد الضهر كان كل شي جاهز ومن احلى مايكون وسفرة مزينة بالسلطات والأكل الطيب وجاط فواكه من كل الأنواع .
طلعت هدى على غرفتها اخدت حمام سريع ولبست فستات اخضر غامق قصير للركبة وحفر ورفعت شعرها بطريقة مرتبة وحلوة كان صعب عليها تلبس شي ملون لأن امها متوفية جديد.
ام يزن : هدى .....هدى .
هدى من فوق : نعم خالتي .
ام يزن : شو خالتي ماخلصتي لسا عمك والضيف وصلو يلا عيوني .
هدى: اي يلا نازلة .
نزلت هدى وكانت متل القمر لكن قمر حزين لسا عفرقة الغالية .
راحت هدى عالصالون وسلمت .
هدى باتجاه الضيف : مرحبا .
عمر رفع عينو وشاف هدى وهي جاية ناحو وقف على حيلو وضل صافن فيها كأنو اول مرة بشوف صبية حلوة .
عمر : مرحبتين ياهلا .
هدى مدت ايدها لألو وسلمت عليه وخجلت تتطلع فيه اكتر وحست انو قديه اية من الجمال كانت مفكرتو رجال كبير من عمر عمها بالخمسين انصدمت لما شافتو شب بعمر التلاتين .
عمر شخصية قوية ملامح قوية كتاف عريضة طول فارع عيون واسعين وغامقين شعر ودقن بيشلقو من جمالهن انبهرت فيه وبشخصيتو .
قعدو حصة صغيرة وبعدين قامت هدى وام يزن ليتأكدو انو كل شي جاهز ونادت ام يزن على ابو يزن وعمر ليتغدو .
وهنن عم ياكلو كانو عم يحكو وعرف عمر انو هدى بتكون بنت اخو لأبو يزن وبنت اختها لأم يزن وانو ام هدى توفت بس من خمس شهور وانها انتقلت لتعيش معهن لان مابقيلها حدا غير عمها وخالتها .
كان عمر عم ياكل وهو عم يتطلع بهدى باهتمام مع انو شخص تقيل كتير ومابيبدي اهتمامو لأي حدا الا انو شخصية هدى وهدوءها لفتو انتباهو كتير .
بقي عمر عندهن للمسا انبسطو كتير في وبزيارتو لأن عمر صديق قديم لألهن وانسان راقي بطبيعتو ومابيتدايقو من وجودو لو بيحضر كل يوم .
وقت اجت روحت عمر سلم عليهن وركز نظرو على هدى غمزها😉 وقلها تشرفت بمعرفتك بشوفك بكرة تصبحي عخير.
استغربت انو ليه بدو يشوفها بكرة وسألت خالتها : خالتي ليه عمر قلي بشوفك بكرة .
ام يزن : لأنو بكرة عمر عازمنا عرحلة صغيرة بعد الضهر انتي ماكنتي قاعدة وقت قال .
هدى : لأ خالتي ماسمعت بس لوين بدنا نروح .
ام يزن : والله مابعرف على شو اتفق هو وعمك .
هدى ببراءة : طيب خالتي هو لوين راح يعني انتي قلتي انو بيتو بعيد كتير من هون يعني وين رح ينام .
ام يزن : عمر الو بيت هون كمان وطلب من شركة التنضيف انهن ينفضولو البيت كامل يعني هلأ بكونو خلصو .
هدى : اها وهو شو بيشتغل .
ام يزن : هو عندو مزارع خضرة وفواكه ومزارع زيتون وعندو اراضي زارع فيهن اشياء كتير.
يعني شفتي كل الفواكه والخضرة ياللي جابهن اليوم هدول كلهن من مزرعتو .
هدى : ماشاء الله يعني هو مو دارس .
ام يزن : امبلى جامعي دارس هندسة زراعية لهيك هو ناجح كتير بشغلو وورتان مزارع كتير عن ابو وهو كبر هالمزارع اكتر وصار صاحب اكبر مجموعة مزارع بهديك المنطقة كلا.
حتى بالعلامة اصحاب المزارع والتجار مسمينو الحوت لأن هو عندو الحصة الأكبر من المزارع ولأن شخصيتو كتير قوية وبيعرف كيف يتعامل مع التجار والمصانع .
هدى : مع انو صغير بالعمر انا كنت مفكرتو من جيل عمي .
ام يزن: لأ اصغر من عمك بكتير بس لأنو متفتح كتير وشغلو قريب من شغل عمك لهيك هنن صحبة قديمة وقوية .
هدى : طيب هو ليه لهلأ ماتجوز .
ام يزن: ماتجوز قال شغلو اخد كل وقتو ووقت بيلاقي الوقت المناسب رح يخبرني لحتى دورلو انا على عروس .
هدى : وليه انتي ياللي اتدوريلو على عروس ليش مو اهلو .
ام يزن: عمر وحيد مالو حدا امو توفت من 8سنين وابو من حوالي15سنة .
ببيت عمر..
عمر عمل لحالو فنجان قهوة وقعد بالبرندا وكل الوقت عم يفكر بهدى ياللي عجبتو كتير من دون كل البنات .
تاني يوم جهزو حالهن واجى عمر لياخدهن وكان طول الليل مو نايم وماسدق يطلع الصبح ويجي وقت الضهر لحتى يشوف هدى .
كانت هدى بغرفتها عم تجهز حالها وقت اجى عمر وسأل عن ابو يزن وعن هدى .
بعد شوي نزلت هدى كانت لابسة بنطلون جينز ازرق وبروتيل ابيض وشوز ابيض ورابطة شعرها ديل الفرس .
شافها عمر وعلقو عيونو عليها وقت سلمت عليه ،خجلت هدى من نظراتو لألها حست انو عم يتطلع فيها كتير .
طلعو وراحو على مناطق كلها شجر وخضار ومي وانبسطو كتير بالمشوار وعمر اصر يطلعو لحتى يغير جو لهدى اللي ماطلعت لمكان من يوم اللي ماتت امها مع انو ابو يزن حاول معها كتير انهن يطلعو رحلة لكن ماكانت ترضى ابدا.
مضى اليوم بطولو وهنن بالرحلة مبسوطين ورضيانين وحست ام يزن على هدى انها تغيرت وتروحنت بهالطلعة .
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`