الفصل 20
20
اسسففرت مثل الصصباح الي بدا بالفجر نوره
والقممر من ششاف طلتها فقققد هيييبة غروره
والمساء يسال من اللي شرف الثاني حضوره
ي ترى هي جت مع نور الصباح واو جاء معاها
- الفصل 29 م قبل الاخير -
ابو فارس وام فارس جمعوا عيالهم كلهم
فارس باستغرأب : يبه ليش جمعتنا الحين
ابو فارس : بتعرفون بعد شوي
قطع كلام ابو فارس جواله الي رد عليه وكانت اجاباته بنعم اولآ
قفل والتفت لهم : اليوم انا جمعتكم عشان فيه شخص طلبني واصر علي انكم تجتمعون بهالحزه
مرآم باستغراب : وش معنى هالوقت
ابو فارس : لانه مو فاضئ الا الحين وراه سفر الله يشفيه
ساره : طيب من هو يبه !
ابو فارس : طلب مني م اقول لاحد طبعا انا من عرفت السالفه تفاجآءت وانتوا كمآن بتتفاجؤن
ووقف ع الرساله الي وصلته وفتح الباب
دخلت وحده مو كبيره حيل بس واضح بعيونها انها كبيره بس جسمهآ نحيف بالحيل وحالتها حاله
وقفوا كلهم يبون يعرفون مين هالمرآه وهما يعرفونها من قبل او لا بس م عرفوها
قربت منهم وفتحت غطآها وكآنت الصدممه
سآره من رجفتها وخوفها جلست ع طرف الكنبه
ام فارس بصدممه : ممميعاد
مرام ركضت لهآ : ميعآد وش فيك!
ميعاد م قدرت تجاوب من بكاها
ميعاد تركتهم واتجهت لشهد وفارس : ابيكم تجلسون كلكم
جلسوا وكل منهم يناظر بالثاني مصدوم " مو هذي ميعاد الي كانت تهتم بنفسها مو هذي ميعاد المتكبره وشايفه حالها والناس ولاشي عندها "
ميعاد وهي تبكي حكت لهم السالفه الي صارت بين شهد وفارس مع ان فارس وشهد سكتوها بس هي رفضت وتكلمت
بعد م حكت لهم التفتت لشهد وفارس وناظرت بشهد : سآمحيني طلبتك انا الحين بسافر للعلاج عندي سرطان ونسبة الشفاء 6%
شهد نزلت دمعتها وتذكرت دعواتها الي تتردد باذنها
" يجعني اشوفها باسوا حالتها "
" يجعني اشوفها باسوا حالتها "
" يجعني اشوفها باسوا حالتها "
وبقلب ابيض : الله يسامحك ويحللك والله يشفيك ويعافيك
لفت ع فارس : حافظ عليها وع بنتك م احد بيعوضك عن هالنعمه الي انت فيها و الله يخليكم لبعض
انتبهت لابو فارس الي يناديها : بتتاخرين عن الطياره
سلمت عليهم ميعاد وخرجت
ام فارس وهي تبكي : ليش م تقولون لنا بالسالفه بنقدر نححلها
شهد فزت لعندها : خلاص الي فات مات واحنا عيال اليوم
ام فارس ضمتها : الله يسعدك دنيا واخره
شهد بابتسامه : اججمعين ي رب
فارس يدور بحلا الي تصيح
شهد وقفت تاخذها منه بس هو رفض بس ضلت تصيح لحد م اخذتها شهد
واخذتها وصعدت جناحهم عشان تبدل لها وتعطيها حليبها
فارس لحقها ودخل بهدو عشان م تصحى حلا
شهد كانت تفكر بمذكراتها وبالوقت الي دخل فارس : حبيبي شفت مذكراتي
فارس بابتسامه فتح دولابه الي للاغراض المهمه والاوراق وناولهاياه : من تركتني وانا كل يوم اقر فيه
شهد ووججها كله احمر : ليش تقراه !
فارس بضحكه : عشان اتذكرك
شهد تجنبت نظراته ونزلت حلا بسريرها
فارس وهو يضمها بحيث صدره بظهرها : تعرفين اني احبك واعشقك واهواك واموت فيك
شهد ضحكت ضحكه خفيفه
فارس : يجعني م افقد هالضحكه
شهد : ولا افقدك
فارس : المهم م تتغلين مره ثاني واتركي الكبريا ع جنب
شهد ضحكت وهي تاشر ع عيونها
فارس كان يضحكها
شهد طاحت ع السرير : خلاص بطني يالمني من كثر م ضحكت
فارس رمى نفسه جنبها وججلسوا يسولفون < نتركهم ونروح لناس ثانيه
┆الحب ليس إمتلاڳ إنسآن
┆ تآخذه ۆقت غرۆرڳ
┆ وتتركه وقت فراغك
┆ آلحب آن يآخذڳ
┆. غرۆرڳ ۆڳبريآئڳ
┆. )ڳطفل في
┆ `آحُضآن مِن تحَب
/
/
**
**
غاده تحوس بشنطتها تبي جوالها : واخيرا لقيتك
وبسرعه اتصلت ع لمياء وبدون سلام او اي مقدمات : لميوه بتجين معانا
لمياء ضحكت عليها : لا روحوا
غاده حست انها تعبانه من صوتها : فيك شي
لمياء : لاولاشي روحوا ولاتضيعون وقتكم انا م بروح الا ع الساعه 4 ونص
غاده : ع راحتك يلا معسلامه
وناظرت برزان : يلا مشينا م بتجي معانا
رزان : يلا
واتجهوا للفندق
وبعد ساعه وصلوا قاعه الافراح
دخلوا بقسم العروس وتفاجو ان مصففات الشعر متواجدين قبلهم وخبيرات الميك اب وخدم
غاده : حركات ي رزانوه
رزان ضربتها بطرف يدها : اسكتي
غاده رفعت يدها لفمها : سكتنا
سيلا بابتسامه : رزونا حبيبتي اشتئت الك
رزان ضمتها : وانا اكثر
سيلا : ي ءلبي كبيرتي وصرتي عروسه
رزان اكتفت بابتسامه
اتجهت لغاده : كيفك غدو ان شاء الله منيحه
غاده : تمام بوجودك
سيلا : تسلمي حبيبتي
واخذت رزان بيدها : تعي " تعالي " نشوف شو بدك من تسريحه
رزان : اخترت تسريحه من قبل
سيلا : معاك التسريحه
رزان هزت راسها بالايجاب وناولتها الصوره
سيلا باعجاب : مرا لابئه لك " لايقه عليك"
رزان : شكرا
واشرت للي معاها يبدون يصلحون الميك اب
وبعد فتره انتهوا
رزان وقفت تناظر بمالمرأيه
غاده دخلت عليهم وبصراخ : خفي علينا ي مزا
رزان ضحكت عليها
غاده بابتسامه : تبين الصراحه مرا حلوه
رزان : مو احلى منك
غاده: البسي وخلصي ترا مها جات وانتهت وبتجيك الحين بقى لمياء
لمياء دخلت عليهم : وش فيها لمياء
غاده بضحكه : ي زين لميوه
لمياء ناظرتهم : انتظري لاتروحين باخرج معاك بس بلبس فستاني
غاده : م لبستي للحين
لمياء بضحكه : م تشوفين عبايتي علي
غاده :طيب بسرعه خلصي
لمياء :طيب
ودخلت غرفه التبديل ولبست فستانها الي كان فستان بيج فتحة ظهره كبيره اكبر من صدره ع جسمها بعدين يوسع من تحت الصدر وفي الصدر كرستالات يدينها ربع وشعرها كيرلي ع جنب
غاده اول م خرجت لمياء : ي لهووووي دنتي مزا والله العضيم مزا ربنا يحفظك
لمياء ضحكت عليها وناظرت بالمرايه قبل م تخرج مع غاده وكانت بتخرج بس لمحت غاده اسفل رقبتها وبضحكه : وشو هذا بعدين استغفرالله وهو وقته
جلست تضحك عليها : ومن الحب م قتل جاء ياخذك وبوسات ع السريع
لمياء وججها احمر رمت المناديل عليها : اسكتي ي زفت
غاده خرجت وهي تضحك ولحقتها لمياء
/
/
**
فارس دخل ع شهد وباستغراب : م انتهيتي اذن للمغرب
شهد ودموعها بعيونها : م قدرت اسوي شي بس تصيح
فارس اخذ حلا : خلاص باخذها انزلها عند مايا وانتي شوفي شغلك
شهد : لا اخاف عليها انت اجلس معاها
فارس : من عيوني
شهد باتسامه عريضه : يسلم عيونك
وخرج وهي لبست لانها الكوفيرات كانوا عندها العصر وانتهت بس تلبس كان فستانها احمر قاتم مخمل فيه يد كت والثانيه م فيه وفتحة ظهرها لنص الظهر فيه فتحه كبيره من الخلف لحد ركبتها وشعرها ستريت فيه تسريحه بسيطه وطوق ذهبي بشعرها واكسسوراتها ذهبيه وكان مكياجها روج احمر قاتم وكحل من فوق العين مكياجها مرا موضحح بياضها
جلست وسوت مناكيرها وبعد م جفت خرجت لفارس وابتسامه : انتهيت
فارس " تبي تجنني هذي الله لايححرمني منك بس "
شهد : فارس اكلمك
فارس : طيب يلا بس ليش تلبسين كذا
شهد فاتحه عيونها ع الاخير : مو حححلو اغيره !
فارس : بالعكس كل شئ عليك ححلو بس مرا عاري
شهد : عادي
فارس : لا م ابي اححد يشوفك ثاني مرا لاتلبسين كذا
شهد بابتسامه : طيب
ولبست عبايتها واخذت حلا : يلا
فارس وقف : يلا
وخرجوا
فاتنتي
قسما برب الحرف
كلما اقتربت منك اكثر
كلما شعرت ان الدنيا اجمل
من انا لك,,من انتي لي
صدقيني ماعدت اهتم
يكفيني قسما يكفيني يانبضي وياكلي انت
ان ابقي ,
,,,,,,,,,,,,,قريبا منك,,,,,,,,,,,,!
اول م دخلت شهد القاعه
فزت لها لمياء : تاخرتي
شهد كانت بتتعثر بس تورازنت : حلا تصيح م سكتت
لمياء اخذت منها حلا : يلا شيلي عبايتك وانا بامسكها كلهم موجودين بس انتي الي تاخرتي حتى اعمامك جو
شهد : ججد
لمياء : والله
شالت شهد عبايتها وناظرت بنفسها بالمرايه لاخر مره
لف للمياء : وش رايك
لمياء بابتسامه اريضه : سمي ع نفسك مرا الفستان يجنن وكمان شعرك وكل شي بسم الله عليك
شهد بابتسامه : فديت قلبك واخذت حلا ودخلوا
اول م دخلوا ركض لها اسامه وضمها
ساره مستغربه : وين راحح اسامه
مرام اشرت لها ع شهد
ساره بانبهار : بسم الله عليها مرا حلوه
واخذت بيد مرام : يلا نروح لها
/
/
**
**
بعد فتره
غاده وهي تركض لمها وبنفس مقطوع : تقول امي جهزي رزان عشان تنزف
مها : طيب
واتجهوا لرزان بعد م دخلوا عليها
مها باستغراب : وش فيك
رزان برجفه : خخايفه
مها ضحكت : اقول امشي زفتك الحين سمي ع نفسك
كانت فستان رزان ابيض ع جسمها لحد الركبه ومكياجها وشعرها مسويتها بتسريحات فرنسبه وماسكتها ورد اورنج ع شكل باقة ورد
رزان مسكت يد مها : م ابي انزف الحين
مها شدت يدها : يلا قومي بتبدا الزفه
وبعد محاولات وقفت رزان وبدت زفتها الشعريه
ياعروس الكون ياضي العيون
ياملاك ينثر عطور الزهور
ياعروس الكون يانفح المزون
يا أميره فاقت الحسن بظهور
انتي بدر الكون يابدر الوجود
انتي شمس الدار ونجوم المكان
انتي نبض القلب يانبض السعود
انتي فرح عم ساعات الزمان
ياجمال الكون ياكون الجمال
ياضيا الأنوار في عتم الظلام
يابياض الثلج ياطيب ودلال
ياصخات النفس وياساس السلام
مشت بهدو ع زفتها وهي تحارب الخوف اللي بقلبها
وصلت لمكانها وجلست بعد م سلمت ع ام محمد
وجلست ويدينها ترجف من الخخوف
رقصوا البنات شوي
ام مشعل صرخت ع مها تجلس وم ترقص عشانها ححامل
رقصت مها شوي وبعدها جلست
ام مشعل بابتسامه : بسم الله عليك يمه ققمر
مها ابتسمت لها كانت لابسه فستان عشبي غامق يدينها كت وع جسمها لتحت الصدر بعدين يوسع من ع الصدر قماش فيه ورد والبقيه دانتيل عشبي وشعرها كيرلي
غاده اتجهت لمها : قولي لمشغلات الدي جي ييبدون زفه محمد
مها : تعبانه شوي روحي لهم
غاده اشرت ع عيونها وبدت تغني
من عيوني من عيوني لو تبي عمري هديه
انا احبك حب جنوني حتى لو تقسى عليا
من هنا لبكره تدلل لجل عينك أتحمل
لو تغيب في يوم أرحل قلبي وصاني وصية
مها تسكتها : بينزف وزفته م تشغلت روحي شغليها راحت غاده ركض وشغلت الزفه وبدا محمد ينزف وجنبه فيصل وابو فيصل
وصل لها وكانت تناظر بالارض لحد م رفع راسها وباس جبهتها : ناظريني
وحس برجفة يدينها : ليش كل هالرجفه
رزان ساكته وم ردت
صعد لهم فيصل وبابتسامه : تصدقون نفسي اجلس بينكم
محمد بضحكه : وش رايك احسن تجي بحضني احسن
فيصل ضحك : يكون احسن عشان نكسرك وتصير اول عريس مكسر
محمد : لااقوم اعلمك كيف التكسير صح
فيصل : احسن لي انزل اخاف ترتكب الليله جريمه فيني يلا معسلامه
محمد : تعال امززحح
فيصل ضحك عليه : اصلامن قالك اني بروح بجلس ع قلبكم
محمد : م في احد قال لك انك عله " غاده كانت وهي صغيره تقول لفيصل عله وم تركت هالكلمه لحد م كبرت "
رزان ضحكت
فيصل تذكر ولف ع رزان : اصص لاتفضحينا
محمد : وش سالفتك هاه
فيصل تحلف برزان لو تقول
محمد بضحكه : عادي بتقولي بعدين
وناظر فيها : صح حبيبتي
رزان ابتسمت
فيصل : استحوا استحوا تغازلها قدامي ي وصخ
محمد فاتح عيونه ع الاخير : وش قلت !
فيصل : م قلت شي بس حبيبتي
محمد باستهبال : طيب حبيبتي وعمري وقلبي وكل شي
فيصل مشى شوي كانها بينزل : صراحه م اتحمل اجلس اكثر لاني لو جلستت بسامع ويمكن اشوف اكثر
محمد ضحك
صعد لهم ابو فيصل وام فيصل وسلموا عليهم وجلسوا يوصون محمد ع رزان وبعد م نزلوا بدت زفتهم ومشوا بعد م سلموا ع ام محمد
واخذت المصوره وقت ع بال م صورتهم بسبب معارضات رزان
محمد : يلا خرجنا
رزان بعد م لبست عبايتها : يلا
وخرجوا وكانت سيارة محمد تنتظرهم ركبوا ووصلهم السواق الفندق
نزلوا وبعد م صعدوا جناحهم
ضلت رزان واقفه بمكانها مرتبكه وخايفه
محمد لاحظ ربكتها واخذ بيدها بكل حنان : ليش مرتبكه
وسكت سوي يناظرها : تعالي تبين تبدلين واخذها للغرفه : بدلي وخذي راحتك وانا بخرج
وخرج
رزان " ي ربي وش هالخخوف مع ان شكله طيب وجلست تفكر بس حست ع نفسها انها طولت وفتحت شنطتها واخذت قميص بيج كت وقصير جلست ع التسريحه وفكت تسريحتها ومسحت مكياجها وحطت قلوس وخرجت
محمد لف عليها : تاخرتي العشاء برد
جلست رزان : اسفه
محمد بابتسامه : يلا بسم الله وبدا ياكل بس ملاحظ رزان انها م اكلت
محمد اخذ ملعقتها وبدا ياكلها مع رفضها
وم اكلت الا ملعقتين وقامت
محمد : وين م اكلتي
رزان : الحمدلله
محمد وقف : اجل خلاص م باكل اكل لوحدي وراح يغسل يدينه ورزان لمت الاكل
ودخلت الغرفه ع جوالها الي يدق ردت : الو
غاده : نسيتي شنطتك الصغيره
رزان : اي اعرف م ابيها
غاده : اها اجل معسلامه م اطول عليك وقفلت
رزان نزلت جوالها ع طرف التسريحه بس طاح من رجفتها من الوقت الي دخل فيه محمد
محمد قرب منها ورفع الجوال وصارت عيونهم بعيون بعض : وش فيك
رزان نزلت عيونها وخوفها يزيد من قربه : ااء ولاشي
محمد باسها بطرف خدها وبهمس : وش هالخوف ان مو وحش
رزان زادت ترجف
ومحمد بدا يوسوس " لايكون الي كانت تقولهه فوز ججد كانت تقول ان قربك يقرف وان البنات يتهربون منك "
وبسرعه وقف وبعد عنها
رزان استغربت حركته
محمد رمى نفسه ع السرير : اذا م تبين تنامين بنفس الغرفه بتركها لك
رزان باحراج " ليش المفروض لو كانت م ابيه انا الي اتركها " وبهمس : لاعادي
محمد رجع يفكر "بصراحهه لازم اصارحها بكل شي قبل كل شي "
رفع نظره لها : تعالي اجلسي
رزان جلست بطرف السرير
محمد : امم بصراححه م اعرف من وين ابدا
وسكت شوي : انتي مجبوره علي
رزان باستغراب : لا
محمد كمل وحكى لها سالفه زواجه مع فوز : طيب ابيك تسمعيني بقصتي مع فوز
وسكت شوي : انا تزوجتها مجبور وهي كمان تزوجتني مجبوره بس انا م كنت احب احد بس هي كانت تحب ولد عمها وهو يحبها كانت تقول انت م تحس م ابيك وكنت اقول انتظري شهرين بعدين اطلقك ومرت شهرين وانا اسمع كلامها الي يجرح بس اسكت عشان خاطر عمتي الي هي امي الثانيه المهم بالسالفه كلها انا ابيك تقولين لي اذا انتي مجبوره علي والله م اسوي لك شي ولااقولل لاحد بقول م بينا نصيب
رزان يهمس : لاهذا رائي م احدجبرني
محمد مستغرب : من ججدك
رزان ببراءه : والله ليش !
محمد : لا بس كانت فوز تقول ان قربك يقرف وشكلك يقرف خاصه الجرح الي بحاجبك حتى اخواتها وبنات اعمامها يقولونه
رزان تنرفزت : استغرالله وش هالمجنونه م تشوف م تشوف
محمد ضحك من قلبه ع نرفزتها
رزان باحراج وخدوها احمرت : والله اسفه
محمد ضمها : تعرفين انك ملاك
رزان كانت بس ساكته وكلها خوف و < عيب هههههههههه
/
/
**
شهد دخلت ورمت نفسها ع الكنبه
فارس رمى شماغه ع الكنب : وش فيك
شهد واضح التعب عليها : تعبانه عذبتني بنتك
فارس : قلت لك لو كان تركتيها مع مايا والا نونا
شهد : لااخاف عليها وم اضمنهم
فارس بابتسامه ع خوفها : الله يهديك وش هالخوف م في شي يخخوف
شهد : لا انا اخخاف ع بنتي يصير لها شي لاسمح الله
فارس : كيفك بس بتتعبين
قرب منها وباسها واخذ حلا منها : تجنن هالبنت
شهد بضحكه : اكيد دامها طالعه ع امها
فارس نزل حلا بسريرها : انشهد
وواخذ منشفته ودخل الححمام " وانتوا بكرامه"
يوماً ما سـ أسألك بـ دلال : من تحبها آكثر !!
ستقول لي : أحبها وأحبكِ فـ أنتِ الحلوى وهي السكر
شهد بدلت ولبست بجامه بيرمودا بيج واكمامها ربع وفيها رسمات ودخلت بفراشها وم توقعت تنام بسرعه
فارس خرج : ششهد
بس م ردت قرب منها وكانت نايمه م حب يزعجها واخذ ملابسه بكل ههدو ودخل بفراشه
بس حلا صاححت وقامت شهد تسكتها
فارس : جيبيها باعطيها حليبها وتنام
ناولته شهد وهي مقفله عيونها من النوم : خخذ
وقف فارس يدور فيها وبيده حليبها وشهد دخلت بفراشها ورجعت تنام
بس حلا م سكتت ابد
قامت شهد وهي تتافف واخذتها منه بس حست بحرارتها مرتفعه
شهد طار النوم منها وبخوف : حرارتها مرتفعه
فارس باستغراب : م حسيت فيها
شهد ناولته : بجيب مقياس الحراره
وفتحت شنطه ححلا واخذته وقاسات حرارتها الي كانت 38
شهد بخوف واضحح بعيونها : حرارتها مرا مرتفعه
فارس اخذها منها : طيب روحي جيب عبايتك وانا باخذها واسبقك السياره
شهد بعجله : طيب
- بعد ساعه-
الدكتور يناول فارس ورقه : هذي الادويه ومواعيدها
فارس بابتسامه : شششكرا دكتور
الدكتور : العفو هذا واججبنا والحين تقدرون تاخذونها وخرج
شهد : شوف خدودها كيف حمراء من شده الحراره ي قلبي عليها
فارس : الله يشفيها ي رب وان شاء الله مع الادويه ببتشافى
شهد بابتسامه : ان شاء الله وعدلت شيلتها وتلثمت وخرجوا
اول م وصلوا البيت ونزلوا
قابلتهم ام فارس بخخوف : وش فيكم
فارس : ارتفغت حرارة حلا وودينها المستشفى
ام فارس قربت من حلا : ي عمري عليها منن جد تعبانه
شهد : ان شاء الله يومين وتتحسن
ام فارس : ان شاء الله
وتذكرت جرح فارس : كيف جرحك يمه
فارس بابتسامه : الححمدلله
ام فارس : الله لايغير عليك وتركتهم ونزلت المطبخ
وشهد وفارس صعدوا جناحهم
/
/
**
**
ابو فيصل ينادى غاده : انتي ججاهزه
غاده وهي نازله بشنطتها الصغيره الي فيه لبستين بس وبيدها الثانيه عبايتها : انتهيت
ام فيصل : انتبه ع نفسك وع غاده وادعوا لنا ونزلت دموعها
غاده دخلت بين امها وابوها تبي تغير جوها : يمه بتنتهي دموعك من كثر م صحتي امس ع رزان واليوم بتصيحين علينا
ان فيصل ضحكت وسلمت عليه : الله يسعدك
غاده : امييين
لمياء وهي نازله : بتروحون
غاده هزت راسها بالايجاب
لمياء والدموع بعيونها : بنففقدكم والله م تبون تاجلونها
غاده : لالا ابي اروح
لمياء : الله يحفظك
وخرج ابو فيصل وغاده وام فيصل تصيح
وصلهم فيصل المطار
غاده وهي تضمها : انتبهه ع امي ولمياء وع نفسك وع رزان والله باشتاق لكم والله
فيصل بضحكه يخفي مشاعره : بس يومين اوثلاثه وترجعون بالعكس نبي الفكه منك
غاده ضحكت عليه وتوادعوا وراحت لابوها وعيونها ع فيصل
ركبوا الطياره وكانت رحلتهم ع ججده وبعدين بيروحون لمكه بسياره ابو فيصل الي شحنها قبل سفرهم بيومين
كانت غاده طوال رحلتهم تستهبل ع البنت الي جنبها وهبلت فيها
وابو فيصل يسكتها بس هي مطنشه وكملت مع البنت
غاده : وش تدرسين
: ثالث متوسط وانتي !
غاده : اني ثاني جامعه بس بطلت وتزوجت
: ججد انتي متزوجه
غاده ماسكه ضحكتها الي ع وشك وتنفجر : ايه
وسكتت شوي : من وين انتي
البنت بابتسامه واسعه : انا من الدمام
غاده مستغربه : انتي مسافره لوحدك
: لا عمتي زوجه ابوي الله يرحمه معاي
غاده : ججد وينها
: اشرت لها البنت بالمقعد الي جنبها
غاده دفعها الفضول وناظرت فيها وحست انها مو غريبه هالمراه عليها تحس انها تعرفها بس م تعرف وين
وجلست تسولف مع البنت بالاخير سالتها عن عايلتهم
البنت بابتسامه براءه : اسم عليلتنا العبدالله
امها الي سمعتها نادتها ولفت عليها
: رغد عرفتيها ع نفسك بزياده خلاص اسكتي
رغد باحراج : طفشت عشان كذا سولفت معاها
غاده كانت مصدومه ولما لفت عليها البنت
غاده : تقريبين لمحمد عبدالله العبدالله
رغد بصدمه : تعرفينه هذا اخوي
غاده : ووشسو م عنده اخوات
: الا بس انا لكن كنت دوم مع جدتي الي توفت الله يرحمها والحين انتقلت معاهم
وسكت رغد شوي : بس ليش تسالين!
غاده م كانت معاها " ماقال لنا ان عنده اخوات غريبه حتى رزان م اتوقع انها تعرف "
لفت رغد لامها : يمه هذي تعرف محمد وتقول الي اعرفه ان م عنده اخوات
امها : جججد
: والله بس لازم اسالها اشوف مين هي
غاده لفت ع رغد وكانت تعدل لثمتها عشان م احد يشوفها
ام محمد : غغغغغغاده
غاده بابتسامه سلمت عليها وجلسوا يسولفون شوي وبعدها هبطت الطياره وكل واحد راح بجهه
ابو فيصل : سسبحان الله والصدف
غاده : اي سبحان الله والبنت مره طيبه
ابو فيصل : اليوم بنريح للمغرب بعدين نمشي طيب
غاده : طيب ي اججمل اب
ابو فيصل ضحك ع هبالها ومشوا
/
/
**
**
الساعه 9 بالليل
ام فيصل : والله راحوا كلهم فقدتهم لو كانوا بس اجلوا سفرتهم لحد م اتعود شوي ع فقد رزان
فيصل بابتسامه عريضه : وانا الي مرتز جنبك مو شي افا يمه م توقعته منك
ام فيصل : اقول اسكت والله مو رايقه لك
لمياء : طيب وش رايك عمتي تغيرين جو ونخرج بالحديقه شوي
ام فيصل : والله مالي نفس
فيصل رفع جواله الي يدق برقم غريب وتردد يرد اولا بالنهايه رد : الوو
: السلام عليك
: وعليكم السلام
: الاخ فيصل عبدالله
فيصل من سمع اسمه حس بمصيبه وجا مناف ع باله وقام يدور له بغرفته : اي نعم
: ي ليت تجينا ب
م بكمل
اقف هنا
توقعاتكم!
رد مع اقتباس