الفصل 16
16
مها وقفت ناظرت بالبنات : بتسهرون للفجر
ساره واسماء وقفوا : انا بنام الحين
غاده ورزان ومرام بصوت واحد : انقلعوا لازواجكم احنا بنسهر م ورانا شي
مها مشت لغرفتها وهي تضحك عليهم واسماء وساره كل وحده راحت غرفتها
مها بدلت ولبست بجامه بنك فاتح اكمامها طويله فيها ورد ابيض اخذت وريف اللي نامت ونامت جنبها
ساره دخلت هي وعادل الغرفه سوا كان عادل يشيل اسامه اللي نايم
عادل وبحضنه اسامه : وين بينام
ساره اشرت له ع السرير
عادل نزله ع السرير : كيف اليوم
ساره بابتسامه : يجنن ومشاء الله مزرعتهم مرا حلوه
عادل : اي مشاء الله مسوينها مزرعه وبنفس الوقت شاليهه
ساره وهي تفتح شنطتها : اي مشاء الله
اخذت بيجاما واستلقت جنب اسامه وثواني صارت باحلامها
عادل : ساره
قرب منها : شكلها تعبانهه ونام جنب ساره واسامه
/
/
**
**
مشعل وقف : يلا بروح انام
فهد وقف : وانا اجلس لوحدي
مشعل بضحكه : افتح التلفزيون والا روح نام
فهد بضحكهه : خلاص بنام ازين من اجلس لحالي
مشعل وفهد خرجوا وهما يضحكون
وكل واحد راح لقسمه
مشعل فتح الباب وكان مشتاق لوريف بس كانت نايمه قرب منها وباسها بخدها الناعم
مها حست وفزت وبخوف : فيها شي
مشعل بابتسامه : ارتاحي م فيها شي بس اشتقت لها
مها تنهدت ورجعت : خفت صاير لها شي
مشعل : الله يكتب اجرك ولايحرمني منك
مها بابتسامه : ولامنك
سكتوا شوي
مها تاشير بيدها ع البجاما : جهزت لك بجامتك ع طرف السرير
مشعل اخذها وراح يبدل
وريف قامت تصيح ومها فزت سوت لها حليب ورجعت نامت
/
/
/
**
**
مر يوم كامل ع ابطالنا
ام فهد صحت وتوضت وصلت ولبست جلابيه ترابيه فتحت صدرها مربعه وع الجسم من جهت الصدر بعدين توسع وع اطراف يدينها شغل يد بالذهبي والبني والترابي
اخذت القران وجلست تقرا لحد م طلعت الشمس
قفلت القران واخذت حجابها ونزلت دخلت المطبخ وكانوا الشغالات يسون الفطور ساعدتهم وراحت تجلس
ام مشعل وهي نازله وبابتسامه : صباح الخير
ام فهد بادلتها الابتسامه : صباح النور
ام مشعل : لسى نايمين
ام فهد : ايه سهروا امس
ام مشعل : وش الفايده يسهرون بالليل وينام ن الصباح الصباح م فيه بركهه
ام فهد : هذولا هم عجزنا فيهم
ام مشعل : وازواجهم يتركيونهم يسهرون ع راحتهم والا احنا قبل اذا صحوا ازواجنا صحينا معاهم واذا ناموا نمنا بس هالجيل اعوذ بالله
ام فهد بضحكه : الزمن تغير وحتى هما تغيروا
ام مشعل مكشرهه : اي والله
دخلت ام فيصل : وش فيك ي ام مشعل معصبه
ام مشعل : من هالجيل اللي يسهرون بالليل وينامون الصباح
ام فيصل ضحكت : اتركيهم هذا حالهم خلاص عجزنا نعدله
ام مشعل بعصبيه وتفاعل :وش هالبرود فيكم
وقلدت كلامهم : هذا حالهم عجزنا نعدله
ام فيصل ضحكت من قلب
ام فارس دخلت ع ضحكهم وناظرت بام مشعل
ام فارس ماسكهه ضحكتها : وش فيكم
ام فيصل : تعالي وبدت تقولها بسالفه
/
/
**
**
بعد اذان الظهر
شهد قامت واخذت دش وصلت ولبست لقنق فيه ورود بالون الابيض والاورنج وبلوزه طويله اورنج لنص الفخذ ورفعت شعرها ذيل حصان وحطت قلوس
قربت من فارس وبهمس : فارس فارس
فارس م رد عليها
شهد بخوف مسكت يده تتاكد من النبض : فارس فارس
فارس فز : وش فيه
شهد والدموع بعيونها تنهدت : خفت عليكك
فارس : عشان المسكن اخذت امس حبتين حسيت بصداع اليم
شهد وقفت : يلا بدل ملابسك اللي جهزتها لك وانزل انا بنزل
فارس : لانتزلين لحد م انزل
شهد : ليش
فارس بابتسامه : عشان تسوين لي طريق مو نفس امس يوم دخل مشعل عليكم
شهد جلست بطرف السرير وباندفاع : لا اصلا م كنت بنزل
وناظرت فيه :بجلس لحد م تنتهي وننزل سوا
فارس ضحك عليها وجلس جنبها ناظر ببطنها : الله لايحرمني منك
ونزل يده ع بطنها : ويخلي لنا اللي بيملا حياتنا
شهد بابتسامه وجهه احمر : امين
فارس ابتسم ع خجلها وقام اخذ دش وتوضا وصلى
فارس وهو يرش عطر ويناظر بالمرايه الي عاكسه شهد : يلا ننزل
شهد وقفت : يلا
اخذ بيدها وخرجوا مشت معاه لعند القسم الي بين الرجال والنساء
فارس : انتبهي ع نفسكك وكلي والا والله اجي اكلك انا
شهد : مالي نفس والله
فارس بهبال مسك بيدها وكان بيتجهه للمطبخ
شهد باندفاع و رفض : لاتدخل
فارس : غيره يعني
شهد رافعه حاجب : اكيد يعني اتركك تشوف الرايح والجاي
: خلاص روح عند الرجال
فارس اتجهه لقسم الرجال وهو يضحكك وشهد راحت تجلس مع الحريم
/
/
**
**
فيصل بضحكهه وهو يناظر بالمياء: كيف جت ببالك فكرة امس
لمياء م انتبهت
فيصل نادها اكثر من مره
لمياء ناظرت فيه : هاه وشو
فيصل رافع حاجب : اجل كنت اكلم نفسي
لمياء سكتت وم ردت
فيصل ارسل لها بوسه بالهواء
لمياء خدودها احمرت ناظرت فيه واكتفت بابتسامه
فيصل بضحكه : لو كنا بالبيت م عديت حركتك
لمياء فاتحه عيونها ع الاخير : والله م سويت شي
فيصل ضحك من قلب : م فهمتي
لمياء ببراءه وطيب نيه :لا
فيصل : تبين اجي اعلمك وش اقصد بس بتتاخرين ع البنات انا عادي عندي
لمياء فهمت وغطت بيدينها ع وجهها : اذا بتقول كلام وضحهه ترا م افهم بالالغاز
فيصل كان بيخرج بس رجع : تبين افهمك زين
لمياء وقفت وجهها احمر : لاخلاص انزل اصلا انا امي اتصلت علي تبيني يلا معسلامه وخرجت بسرعه
فيصل ضحك ع شكلها وحركتها ونزل عند الشباب
لمياء دخلت ع الحريم : مساء الخير
وسلمت عليهم وجلست جنب شهد
شهد ماسكهه ضحكتها : وش في وجهك احمر
لمياء : م فيني شي
شهد غمزت لها : متاكده
لمياء سكتت وم ردت وشهد ضحكت عليها
/
/
/
*
**
مشعل صحى والتفت ع وريف الي تغير ملابسها مها
مشعل جلس يناظر فيهم لحد م انتهت مها
مشعل بابتسامه : خلاص اخذها
مها وقفت : اي خذها ع بال م ابدل ملابسي
مشعل جلس يلعب مع وريف ومها بدلت ولبست بنطلون جنز اسكيني بيج وبلوزه طويله شوي بنيه وسوت شعرها الكيرلي جديله ولفتها وحطت روج قريب من لون شفايفها الورديه
مها : بانزل تنزل معاي
مشعل بابتسامه : اي وناولها وريف
مشعل كان بيتعثر بالسجاده ويطيح ع طرف الطاوله
مها صرخت عليها : انتبهه
مشعل وقف من صراخها : اووف م انتبهت لها
مها : انتبهه طيب
مشعل ابتسم لها واخذ وريف منها لحد م نزلت
مها وهي تاخذ وريف من حضن مشعل : انتبهه ع نفسك
مشعل بنفسه " سبحان الله كيف كنتي قبل الزواج وكيف صرتي بعده الحمدلله اللي غيرك " باسها بحركه سريعه وراح
***
اسماء وهي نازله وبضحكه : عيب قدام الناس ي وسخين
مها لفت عليها وضحكت ووجها احمر
دخلت مها واسماء عند الحريم
ام مشعل ناظرت بمها : تو مشعل يصحى
مها بابتسامه : ايه
ام مشعل بعصبيه : لا تسهرون مره ثانيه ترا مو زين لصحه واعطتهم محاضره
رزان وغاده دخلوا وهما يضحكون ع اشكال البنات
ام مشعل لفت عليهم : ليش تضحكون
غاده ماسكه ضحكتها وتبي تصرف : اءااء رزان كانت بتطيح فضحكنا عليها
ام مشعل خزتهم واخذت قهوتها
البنات بدوا ينسحبون وحده وحده
للمياء جت ببالها فكره
لمياء ناظرت باسماء : اسوم
رفعت اسماء نظرها الي كان بالجوال للمياء : تبين تشوفين شي يموت فيه فهد
اسماء باستغراب : م اتوقع فيه شي يموت فيه اكثر منكم
لمياء باندفاع : اجل م قال لكك
اسماء هزت راسها بالنفي
شهد : لايكون تقصدين اصيله
اسماء فاتحه عيونهها ع الاخير : من هي اصيله
شهد بضحكه : هذي الحب حق فهد
اسماء بعصبيه : وتقولينها بكل برود
لمياء بضحكه : جننتي البنت واخذت بيد اسماء : تالعوا بنات عشان تشوفون الحب حق فهد
البنات مشوا معاها وهما مستغربين من هذي حبيبة فهد
البنات ظنوا ان لمياء تبي تسوي فيهم مقلب
وبصوت واحد : والله ي لمياء لو ان هالسالفه مقلب
لمياء طنشتهم وهي تاشر لهم ع خيل فهد : شوفوا حبيبته
اسماء باعجاب : الله تجنن
لمياء بضحكه : اكيد بتجننك لانها لحبيب الالب وترا فهود يعشق هالخيل
اسماء اندمجت مع السالفه : جد يحب الخيول
مها :معروف بالعائله ان اكثر واحد يحب الخيول فهد حتى اتوقع انه يجلس مع هالخيل اكثر من فيصل بعد
اسماء : يعني يجي من الفلا الى هنا كل يوم
لمياء باندفاع : لالا كانت عندنا وقبل زواجكم بشهر تقريبا نقلها هنا عشان هنا متوفر لها كل شي عكس هناك
مرام قربت من الخيل : شعرها يجنن وبعد مسويه جدايل
ساره ناظرت بشهد : شهوده
شهد تلعب مع اسامه : هلا
ساره بابتسامه : فارس بعد يعشق الخيول معاه الما واصيل يموت فيهمم
شهد فاتحه عيونها ع الاخير : احلفي
البنات ضحكوا ع شكلها
ساره وهي تضحك : ليش وش فيك مو مصدقه
شهد باستغراب : م توعته يحب الخيول حتى ولامره قال لي عنها
ساره : غريبه وترا هي بالقصر
شهد شهقت : بععععد اجل وين انا عايشه عمري م شفتها
ساره بابتسامه : ورا القصر بمسافه هناك الخيول والعمال الي يهتمون فيه بس احنا م نروح هناك عشانه مكان الحرس والعمال
شهد : اها بس لازم اشوفها
مرام : قولي لزوجكك اما احنا م نقدر نخليك تشوفينها
ساره بضحكه : اي والله
شهد : انقلعوا وبطلبه اركب ويدور فيني
مرام ضحكت من قلب
لمياء بضحكه : اختي انجنت م عليكم منها
اسماء : يلا نرجع
البنات : يلا
ورجعوا
بالطريق دق جوال اسماء
اخذت جوالها وردت
فهد بدون مقدمات : جهزي بنرجع انا وانتي بس الحين
اسماء باستغراب وملامح خوف : ليش
فهد بعجله : يلا بانتظرك لك ربع ساعه وقفل
البنات التفتوا ع اسماء : وش فيك اسوم
اسماء والخوف واضح ع وجهها : م اعرف
شهد بخوف من ملامح اسماء : وش اللي م تعرفين
اسماء برجفه : قال نرجع بس خايفه احس بخوف م اعرف ليش
شهد غمزت لها : يمكن مسوي لك مفاجاءه شي
اسماء سكتت وم ردت
دخلوا واسماء دخلت غرفتها وجهزت شنطتها بسرعه ولبست عبايتها كانت بتسلم ع البنات بس شههد وقفتها
شهد واضح انها كانت تبكي: البنات معاهم العاب ناريه لاتدخلين عندهم عشانك حامل وهم بيحوسون الدنيا انا بصراحه خفت وخرجت
اسوم واضح الخوف بوجهها : اجل سلمي لي ع البنات وان شاء الله نرجع قبل م ترجعون
شهد بابتسامه مصطنعه : ان شاء الله
سلمت اسماء ع شهد وخرجت وكانت وراها الشغاله بيدها شنطه اسماء
اسماء ركبت السياره بهدو وكانوا ببداايه الامر ساكتين لحد م قطعوا مسسافه
اسماء مو متطمنه : فهد فيه شي
فهد : لا م فيه شي
اسماء باستغراب:طيب ليش رجعنا دام انو م فيه شي
فهد سكتت وم رد
واسماء تحس بخوف وطوال الطريق تدعي ان م فيه شي
فجاءه توقفوا ع جنب الشارع
اسماء بنفاذ صبر ودمعه واضحه : والله ترا اتعذب احس ان فيه شي
فهد بجمود ناظر فيها : توعدني انك تسمعيني للاخير وم تقاطعيني
اسماء يدها ترتجف من الخوف ومن جديته الواضحه من حركاته وكلامه : تكلم
فهد مسك يدينها اللي ترتجف : اوعدك م اقصر بحقك يوم او اسوي شي انتي م تبينه اعتبريني ابو واخو وحبيب وزوج وكل شي
وسكت شوي : بعض الناس يمكن يكون موتهم رحمه لهم صح
اسماء هزت راسها ودموعها بعيونها
فهد يتكلم بصعوبه : صراحه صعب اننا نفقد نااس بس لازم هذي الحياه
اسماء ودموعها بدت تنزل : اممممي
فهد هز راسه وم قدر يتكلم
اسماء رفعت يدينها ع وجهها وكانت تصيح : يما ليش تتركيني يماا
فهد كان يهديها بس هي مطنشته
فهد بهدؤ : ادعي لها برحمه مو تبكين بكاك يعذبها
اسماء برجا وججها كله دموع وعيونها حمراء من البكا : الله يخليك ابي اشوفها
فهد : طيب يلا
اسماء سكتت لكن دموعها م وقفت
وكلها دقائق وقف فهد : يلاا
اسماء عدلت شيلتها وعيونها الي واضح فيها البكاء
نزل وفتح الباب لها ودخلوا اول م دخلوا كان بوجههم محمد اخو اسماء
محمد بصراخ وجنبه عسكري : ليش جايه
العسكري وفهد سكتوه
محمد عصب : تسكتوني عشان وحده م تسوى
العسكري صرخ عليه : طيب وش سوت لك
محمد فز وكان بيرفع يده عليها
بس فهد وقف بينها وبينه ومسك يده : قسم بالله لو تمد يدك عليها ان تندم طوال حياتك
العسكري عصب : واقفين وم تحترمنا
محمد خزها ورجع يناظر بفهد و بسخريه : هه اما طوال حياتي
فهد بجديه ونظرات شر : اولا اذا تظن اني م اعرف عن سوالفك انت غلطان ومعاي اشياء تثبت كل شي وثانيا قسم بالله لو تقرب من زوجتي اني لاطلع كل اللي سويته ولاتظنن انه بس تهديد
محمد خاف بس م وضح وبكبرياء مصطنع : م عندك شي ولاتقدر تجيب شي
فهد : اجل م تعرف فهد زين فهد اذا قال كلمه انتبهه منها وان شاء الله اعطيك درس محترم
محمد بسخريه : سو اللي تقدر عليه هه
فهد طنشها واخذ بيد اسماء ودخلوا
اول م دخلت اسماء حضنت امها وهي ملفوفه بغطاء ابيض رفعته عنها وبصرخه م قدرت تتوازن بعدها : الله لايوفقك ي محمد وش سويت في امي قتلتها قتلتهااا
فهد ركض لها ولحق عليها قبل تطيح وصرخ ع الممرضات
شالوها الممرضات
فهد لحقها بس م سمحوا له يدخل
الدكتور خرج من عندها هو وممرضه وهو يركض
فهد مسك الممرضه وبخوف : وش فيه
الممرضه بعجله : ولاده مبكره في نهاية الشهر السابع
فهد من ربكته وخوفه ع اسماء اتصل ع امهه
ام فهد : هلا يمه
فهد بخوف ورجفه واضحه بصوته : يمهه وش معنى ولاده مبكره
ام فهد بخوف شدت انتباهه الحريم : يعني خلاص بتولد بس م بشهرها لايكون اسماء
فهد بحزن : ايه بنهايه شهرها السابع
ام فهد تطمنهه : ان شاء الله انها بخير بس الولد لازم يجلس بالحضانه شهرين او شهر او لحد ما ينتهي 9 شهور
فهد بخوف: يمه متاكده
ام فهد : اي والله واذا تبي اسال والله انا اعرف ناس ولدوا بالسابع وم عليهم الا العافيه
فهد بحزن : الله يطمنك ي رب تقوم بالسلامه
ام فهد : لاتخاف واذا ولدت طمني
فهد : تامرين يلا معسلامه
ام فهد : معسلامه
شهد فزت لعند امها بخوف : وش صار يمه
ام فهد الدموع بعيونها : اسماء بتولد
شهد فاتحه عيونها ع الاخير : البنت بالشهر السابع
ام فهد هزت راسها بالايجاب وبدت تصيح والحريم يهدونها
اكتب لكم من قلب فاض بالدموع ,,, اكتب لكم عن رحلتي التي ليس لها رجوع
اكتب من قلب تاه و تعذب و بكى ,,, اكتب عن قلب حزنا من دماء الدموع قد شكى
انا اعلم اني انسان ناقص ان يكون انسان ,,, الا في حضنك انتي لم اذقت طعم الحنان
اودعك يا اماه و اواريكي تحت التراب ,,, حزني قطع اوصال عروقي بفراقك يا اغلى الاحباب
لن انسى لمساتك حركاتك همساتك ,,, اموت او اعيش كل همي في حياتك
اودعك في دموعي اللي تملئ البحر ,,,قلبي في ضلوعي مشتاق لك كالجمر
/
/
/
**
**
-بعد اسبوع -
اسماء ولدت وجابت ولد وم سموه الى الحين ونفسيتها تعبانه حيل وفهد يتنقل بينها وبين ولده واليوم بتخرج من المستشفى
شهد وفارس تحسنت علاقتهم كثير وشهد دخلت الشهر 5
مها ومشعل صاروا م يفارقون بعض وكان وريف بينتهم الحقيقه وام مشعل مستانسه بوجود مها الي ملا عليها البيت
لمياء وفيصل كل يوم ويزيد حبهم
ام فهد وابو فهد كل يوم يزورون اسماء
غاده صارت م تفارق لمياء ورجعت علاقتهم نفس قبل
مرام حالتها النفسيه تعبانه وخايفه من زواجها الي بعد شهرين
ساره وعادل واسامه اجمل عائله
ام فارس تغيرت وصارت تنتبه لعيالها ولبيتها والكل ملاحظ هالشي
اسماء بتعب واضح بوجهها وقفت وفهد يساعدها : ابي اشوفه قبل م نخرج
فهد بابتسامه : من عيوني
اسماء ابتسمت بس سرعان م تلاشت الابتسامه بذكرى امها
فهد ضمها لحضنه : ها وش قلنا ادعي لها بالرحمه وبس بكاك يعذبها
اسماء سكتت وم ردت
ساعدها وشال شنطتها واتجهوا للحضانه
اسماء قربت منه وتاشر عليه : هو هذا صحح
فهد بابتسامه عريضه هز راسه بالايجاب
اسماء دمعت عيونها : كانت تقول عقبال م اشوف ولدك بس باليوم الي تحقق حلمها راحت
فهد : عشان خاطري بس ترا والله تتعبين حالك وتتعبينها وتتعبينا ترا حتى انا اتعب وانا اشوفك كذا
اسماء جلست تناظر في ولدها شوي
فهد بابتسامه : يلا حبيبتي لازم نخرج الحين
اسماء وقفت وقلبها معاه : يلا وخرجوا
ساعدها تركب السياره وكلها دقائق ووصلوا البيت
نزلت اسماء اول م دخلت كانوا كلهم باستقبالها
ام فهد : الحمدلله ع السلامه ي يمه تو م نور البيت
اسماء ابتسمت
وسلموا عليها كلهم
فزت لمياء واخذت بيد اسماء وفهد
فهد باستغراب : وش فيك
لمياء : تعال وبس وكلهم وقفوا معاهم
دخلتهم لمياء بمجلس الحريم
لمياء فزت وشغلت شموع القاتوه
شهد بابتسامه : اذا طلع فهود الصغير نسوي حفله كبيره بس هذي حفله سريعه لاننا م كنا نعرف ان اسوم بتخرج اليوم
اسماء ضمتها ودموعها ع وجهها : الله لايحرمني منكم والله انكم نعمه احمد ربي عليها كل يوم
ابو فهد بابتسامه : تستاهلين كل خخير
اسماء باست راسه ويده : تسلم يبه
حضنتها لمياء : حبيبتي انتي
فهد بضحكه : من بقي م سلمتي عليه
اسماء ببراءه كانت تعتقد ان فهد يستهزء بسلامها : عادي واذا سلمت
لمياء ضحكت من قلب
شهد بضحكه : اخوي يبيك تسلمين عليه
اسماء فاتحه عيونها ع الاخير وخدودها حمراء : وووشو
فهد بضحكه : لاتتبلين علي م قصدت كذا
شهد : واضح م كنت تقصصد كذا
فهد اخذ السكين : القاتوه يجنن تعالي اسوم اقطعيها
شهد اخذت الكاميرا : يلا
اجتمعوا كلهم : يلا
اخذت لهم شهد كم من صوره
بعدها لمياء اخذت لهم كم من صوره
ومر يومهم وناسه وضحك عشان يغيرون جو اسماء
اتصل رقم غريب ع فهد كم من مره بس م رد
بالاخير رد
المتصل بصراخ : بتندم ي فهد
فهد ميز الصوت وببرود : هه قلت لاتتحدا بس انت رفضت
بصراخ اكثر : ي **** ي *****
فهد صرخ عليه وكلهم التفتوا عليه : احترم نفسك والله ان تروح اعدام واجيب الادله كلها ي **** وقفل وهو معصب
ابو فهد بخوف : وش صاير
وكلهم يسالونه
اسماء لفت ع فهد : مممحمد
فهد هز راسه بالايجاب
اسماء برجا : طلبتك تقولي وش سالفته
وجلستت تترجاه بس رفض
اكتفي
وش تتوقعون سالفه محمد!
وبقيه الشخصيات!
لاتحرموني من توقعاتكمم~
رد مع اقتباس
وافترقنا وربي م كتب لنا نبقى قلب واححد ~
الفصل الثالث والعشرون ..
فهد بعد امر من ابوه يحكي السالفه رضى يحكي لهم وبدا : بصراحه م كنت ناوي اخبركم بس اجبرتوني
ولف ع اسماء : لاتزعلين ع اللي سويته والله من خوفي عليك وعلى ولدي
ورجع يحكي لهم : من خوفي ع ولدي واسماء كنت مراقب محمد من بعيد لبعيد بحيث انه م يحس فيني وبصراحه انصدمت بشي م كنت متوقعه
اسماء باستغراب : وشو
فهد : محمد اخوك من امك صح
اسماء هزت راسها بالايحاب
فهد كمل حكي : انا طفشت من مراقبتي له من بعيد لبعيد فارسلت واحد له وكانه سواق عنده طبعا محمد يشتغل بشركه ابو فارس
اسماء بشهقه : جججد
فهد : والله بالفتره الاخيره صارت اختلاسات بالشركه كثيره وبطريقه احترافيه بحثوا عن المختلس بس م عرفوا غير انه قسم الماليه المهم من خلال مراقبتي طلع محمد المختلس وكان يقول لامك ويجبرها تروح مع السواق عشان م احد يشك فيها للاماكن الخاصه فيهم ويهرب من هناك وكان ناوي يسافر بعد يومين قبل الحادث بس شكوا فيهم وبيوم راح محمد وامك وكانهم بيسافرون بس قبضوا عليهم وكانت امك الضحيه بينه وبينهم وكانت الرهان بس من خوفه اطلق عليها رصاصه بالخطا قربوا منه رجال الامن واصاب اثنين وقتل سواق سعودي بس بالاخير قبضوا عليه وتاكدوا من كل شي بعد م ارسلت الاوراق لهم لان خفت عليكم جميعا وهو م ينظمن
اسماء وجهها غرقان بالدموع : حسبي الله عليه والله اخر مره شفت فيها امي يوم زواجي الله لايوفقه وحرمني منها
شهد فزت لعندها : خلاص اسوم عشان خاطري
لمياء تبي تغير جوهم ناظرت بشهد : يمكن م تهتم لخاطرك
ولفت ع اسمااء : عشان خاطري انا ي روح لمياء
جلسوا يتضاربون لحد م ضحكت اسماء
فهد رمى جوال شهد عليها : فارس يتصل عليك
شهد بتافف : لايكون بيجي الحين ابي اجلس معاكم
لمياء بضحكه : لا روحي م نبيك
شهد : اصلا من الي قال انني ابيك ابي اجلس معاهم انتي الي روحي
فهد بضحكه ناظر في ابوه وامه : وش هالبنات المجانين الله يعوضكم خير
اسماء ضحكت من قلب
لمياء بضحكه : المشكله انك اولنا
فهد رماها بجاكيته وهويضحك
شهد بضحكه : يلا معسلامه وسلمت عليهم وخرجت
دخلت السياره بهدؤ
فارس بابتسسامه : كيفك
شهد : الحمدلله كيفك انت
فارس : بخير دامك بخير
شهد اكتفت بابتسامه
ومن بعدها سكتوا لحد م وصلو القصر
دخل فارس وبيده شهد
كانت شهد بتصعد بالدرج للجناح
فارس : المصعد اريح
شهد : طيب وصعدت بدلت ملابسها وجلست ع الكرسي اللي مققابل السرير : احس بتعب
فارس : انت تجهدين نفسك
شهد : بالعكس طوال الوقت جالسه
وانتبهت لجوالها الي شاشته تنور اخذته وردت : هلا ميمو
مرام بصراخ وماسكه ضحكتها : ي كذابه ي خاينه ي ****
شهد باستغراب : وش فيك
مرام جلست تهذر وتسبها
شهد م تحملت ورمت الجوال بالارض
فارس بخوف : وش فيك
شهد بتعب واضح وبهمس : ناولني حبوبي
فارس وقف وناوله بسرعه وناوله كاس مويه : تكلمي وش فيك
شهد تاشر بيدها بالنفي : م في شي بس بنام شوي احس بصداع
فارس خرج من عندها معصب واتجه لمرام : وش صاير بينكم
ممرام تضحك من قلب : بس مقلب وابي اشوف رده فعلها بس لاتقولها انو مقلب
فارس بعصبيه : وش هالمقلب السخيف الحين مصدعه ومااعرف وش فيها وانتي تمقلبين
مرام بخوف : تتكلم جد
فارس طنشها وخرج للحديقه
مرام صعدت وبخوف فتحت ع شهد : شهد
شهد م ردت عليها
زاد خوف مرام ودخلت عليها وكانت شهد نايمه
مرام قربت منها وبهمس : شهد شهد
شهد بتعبب واضح بوجها وهمس: همم
مرام والدموع بعيونها : والله اسف بس كنت ابي اسوي فيك مقلب و
شهد قاطعتها : عادي عادي لاتشلين بخاطركك
مرام باستها وباحراج : اسف دخلت عليك كذا بس خفت عليك
شهد بابتسامه : عادي حبيبتي
مرام وقفت وهي منحرجه : المهم تطمنت عليك يلا معسلامه خرجت وشهد رجعت تنام
ع صلاه المغرب
دخل فارس واستغرب الهدو بنفسه "لسى نايمه "
دخل الغرفه وابابتسامه عريضه : ظنيت انك نايمه
شهد ردت الابتسامه : صحيت تقريبا من نص ساعه
فارس جلس ع الكرسي الي جنبها : كيفك الحين
شهد : الحمدلله
وقفت واخذت جوالها : تبي شي قبل م انزل
فارس رمى نفسه ع السرير : سلامتك
شهد فتحت الباب وكانت بتنزل بس كان اسامه عند باب الجناح ودموعه بوجهه: اسامههه حبيبي ليش تبكي
اسامه : ابيت "ابيك"
شهد اخذت بيده: من مزعلك
اسامه يمسح دموعه : خالو قال لي لاتثعد لثهد"لاتصعد لشهد"
شهد نزلت لمستواه وباسته : خلاص حبيبي لاتزعل
ورجعت لفارس وبيدها اسامه : ليش تقول له لايصعد لي
فارس اخذ الريموت : لانك تعبانه وخفت يزعجك
شهد : والله عادي المره الجايه لاتمنعه طيب
فارس ناظر باسامه بابتسامه : زعلان
اسامه هز راسه بالايجاب
فارس فتح يدينه : تعال حبيبي
اسامه يتمسك بشهد : لا ابي ثهد
شهد ضحكت عليه
فارس كشر : خلاص انقلع
شهد اخذت اساممه ونزلت وهي تضحك
ساره : اكيد اساموه سحب ع فارس او قال كلام مو زين صح وناظرت باسامه
اسامه يناظر شهد و بخوف : لالا
شهد باسته : ي زينكك وربي تجنن
ساره ضحكت عليها : اذا جبتي بنتك او ولدك سحبتي عليه
شهد ضمته: م عاش اللي يسحب ع اسامتي
ساره ضحكت ع شكلهم وخرجت تكلم عادل
شعور غريب عندما اقترب اليك
يتردد باذني دائما :
لآ تتعلقي به فهو عذابك
لآ تتعلقي به فهو عذابك
اصبحت اتجنب الاقتتراب اليك وافضل الوحده حتى اصبحت نفسيتي متعبه جدا ~
اتمنى انني اتوهم ..
/
/
**
**
فيصل قفل الجوال وبفرحهه : الدكتور تو كلمني
اسماء : جد
فيصل والفرحه واضحه بوجهه : ايه طمني يقول بعد شهر نقدر ناخذه وتذكر الاسم
وبحيره : الا جد وش تبين تسمينه
اسماء : امم م اعرف بس كان يعجبني اسم كنان وش رايك فيه
فهد : امم م عجبني عندك اسم ثاني
اسماء بابتسامه عريضه : طيب يزن والله حلو
فهد بابتسامه : هالاسم كان من ضمن الي ابيهم
اسماء : وش الاسماء الي ببالك
فهد بدا يعدد ع اصابعه : يزن ومعاذ ومهند
اسماء بضحكه : تصدق توقعتك بتقول اسماء قديمه
فهد بضحكه : كان ببالي اسم مروان
اسماء وجهها مكشر ونفت بيدها : يععع
فهد ضحك ع تعبيرها بيدينها : خلاص ولاتزعلين خلاص نسميه يزن
اسماء بابتسامه : خلاص
فهد : انتظري وش اجمل يقولون لي ابو يزن او ابو معاذ اممم او ابو مهند
اسماء : وش فيك متردد
فهد : لاخلاص يناسب
اسماء ضحكت ع حركاته بيدينه
نزلت ام فهد بابتسامتاه العريضه : الله لايغير عليكم
اسماء بابتسامه : امين
فهد : خلاص يمه قررت اصير ابو يزن
ام فهد : مبروك يمه واخيرا بتسمي من الاسماء الي كنت تحبهم
فهد بابتسامه : الله يبارك فيك وضحك : ايه اخيرا
ام فهد نادت ليليا
ليليا وبحضنها زياد : امريني مدام
ام فهد بابتسامه : كنت ابي زياد
ليليا ناولتتها : تفضلي مدام
فهد بابتسامه : اتركيه يمه يمشي لي
ام فهد تركته يمشي
فهد فتح يدينها ويضحك لزياد وزياد يضحك
زياد اتجه لحضن فهد
فهد شاله بحضنه : حبيبي انت
اخذ فهد زياد وجلس يلعب معاه
ابو فهد وهو نازل من الدرج : عقبال م نفرح بخروج ولدك وتلعب معاه
فهد بابتسامه : امييين
ورجع يلعب مع زياد
/
/
/
**
**
فارس نزل معصب ويصرخ ع شهد
شهد وقفت من صراخه : وش فيك
سحبها من يدها وصعد الدرج
شهد والدموع بعيونها : فك يدي تالمني
فارس م استمع لها وكمل
شهد صرخت عليها وماسكه بطنها : حرام عليك ترا انا حامل
دخلوا الجناح وفارس قفل الباب وراه ورمى عليها الجوال
فارس بعصبيه وصوت مرتفع : م توقعتها منك
شهد والدموع بعيونها : وش الي م توقعته
فارس عطاها كف وبسخريه : انا مقصر معاك بشي هاه
شهد ساكته ومو فاهمه شي
رمى عليه الجوال : ناظري بالجوال
شهد مسكت الجوال بيد ترجف ودموعها ع وجهها ناظرت باول صوره وشهقت : والله م سويت كذا والله
فارس جلس ع مستوها ويشد شعرها لورا : بتوقع منك اي شي الا انك تخونين بس خنتي ليش!
وسكت شوي : اصلا انا ملاحظ برودك معاي!
شهد بالم : والله م سويت كذا والله معدلينها صدقني
فارس بقهر واضح : صراحه كنت غبي ومصدق انك برايئه وطفله م تعرفين هالحركات
شهد بصوت مبحوح من البكا ورجفه : صدقني وش تبي اسويه عشان تصدق والله اني م سويت كذا
فارس عطاها كف ثاني وبصراخ : واخاف بعد الولد مو مني
شهد من سمعت كلامه صارت ترتجف بشكل واضح وتصيح اكثر صرخت : لآآآ حرام عليك
وم قدرت تكمل تحس نفسها م تقدر تتكلم اكثر والمها يزيد
فارس بعصبيه وقف : خذي اغراضك وروحي لاهلك وقسما بالله لو تقولين لاحد السالفه لاني باطلع انا المغفل انا انا اللي استاهل انا الي وثقت فيك وكان يلوم نفسه
وكان بيخرج بس رجع : والله لو ارجع والاقيك وورقة طلاقك بتوصلك بعد م تولدين والله يعيني استر عليك واكتب الولد باسمي فقط بس م بعترف فيه هه هذي نهايه الثقه وخرج
شهد جلست ع حالتها فتره بعدها قامت والمها يزيد بس قاومت وكلمت سواق امها واخذت شنطه صغيره فيها اشياءها المهمه
وصل السواق وركبت معاه
شهد بصوت واضح فيه التعب : روح ع مستشفى ****
السواق هز راسه بالايجاب واتجه للمستشفى
وبعد دقائق
الدكتوره : لازم تهتمي بنفسك عندك نزيف وانتي م بتتغذي غذاء سليم
شهد تتذكر الموقف والدموع بعيونها : طيب وش تنصحيني فيه
الدكتوره لاحظتها وظنت انه خوف: لاتخافين تطمني وهذي الورقه فيها كل شي تحتاجينه والحمدلله انتي بالشهور الثلاث الاخيره يعني تعديتي مراحل الخطر لانها الشهور الاولى اهم شي الراحه
شهد اخذت الورقه ووقفت : طيب شكرا
الدكتوره بابتسامه : العفو وخرجت
نزلت شهد وناولت السواق ورقه الادويه جابهم ورجع واتجهوا للبيت
بعد خمس دقائق تقريبا
نزلت شهد استغربت هدو البيت : صعدت غرفتها
اول م فتحت الباب ناظرت بالغرفه الي احتوت احلامها الالامها من طفولتها وسرعان م نزلت دمعتها ورجعت لذكرياتها قبل سنه : ياليت اني مت قبل م اتزوج والله ذقت العذاب
رمت عبايتها ع الكنبه ودخلت بفراشها ومر شريط ذكرياتها الاليمه من قدامها وجلست تصيح
اسماء سمعتها ودخلت عليها وبخوف : ششهد وش فيك
شهد سكتتها : قفلي الباب وراك
اسماء قفلته وجلست جنبها
شهد حضنتها وجلست تبكي واسماء تهديها
اسماء ودموعها ع وجهها من صياح شهد : خلاص شهوده مو زين لك البكا وع ذلك لاتنسين انك حامل
شهد بصياح تبي تفضفض بس مو قادره : ليت اني مت قبل م اتزوج والله تعبت
اسماء : طيب وش فيك قولي لي ترا خوفتيني
شهد ودموعها ع وجها وتصيح حكت لاسماء اللي صار
شهد وقفت الصياح وصارت ترجف وبصوت مبحوح : تخيلي يشك ان الولد مو منه
اسماء شهقت : لا مو لهدرجه قولي لعمي وفهد
شهد باندفاع وشهقات بكا : لا متحلف فيني لو قلت لاحد
اسماء باصرار : لازم تقولين لهم وانتي واثقه من نفسك وهالصور وراها احد
شهد مسكت يدينها برجا : لا طلبتك اذا تحبيني لاتقولين لاحد
اسماء تبي تقنعها : ولاني احبك لازم تقولين لهم او انا اقول
شهد زادت بكا : لاتخليني اندم اني قلت لك ترا والله م اتحمل المشاكل خلاص بكمل حياتي واربي ولدي او بنتي ولابهتم لاحد وبكون باحسن من اني اكون معاه والله م قلت لك الا اني ابي افضفض بس م ابي احد من اهلي يعرف
اسماء بعد ياس : خلاص حبيبتي م ابي اتدخل بينكم بس الي اشوفه انك تقولين لهم بس ع راحتك
شهد مسحت دموعها : الله يخليك ويسعدك
وسكت شوي : انزلي واذا سالوا ابوي او امي او اي احد عني قولي لهم اني نايمه عشان مم يشوفوني وانا ابكي
اسماء وقفت : طيب بس توعديني انك م تبكين
شهد هزت راسها بالايجاب : ان شاء الله
نزلت اسماء وقلبها متقطع ع شهد
وشهد نامت بعد م خرجت اسماء
احبس انفاسي ... واكتم صراخي وكل أه حبستها في داخلي وان تكلمت فهو ذل !
ما اصعبها وأنت في ايام البراءه تتكبر في داخلك الهموم , تكتمها , تكتمها تكبر بـ،العمر اللذي لا تدري متى ينتهي !
تكبر معك الهم ... تشتكي من همك ... ومن تشتكي اليه ...يخيبُ ظنك ....
ازداد الهم وزاد الهم بغم ... ومعهآ الحظ اللذي لآيرحم ... ولا تزآل تحتفظ بالهم .. !
ما اسوئها من حياة ... ذل . وسقم . قهر . ومعاناة الى اين ستذهب وتختبيء .. وإالى متى ..
تختبيء في كل وقت وكل حين .. حتى في الأعياد ... لا تطيق فيها حتى ان ترى الناس
لا تعرف معنى الفرح !
تكتفي بالأنعزال .. في مكانك المظلم تعشق الظلآم تبتعد حتى عن من هو اقرب
اليك من قلبك !
/
/
**
**
بمكآن ثاني يملاه الححب
فيصل : لمياء
لمياء رفعت نظرها له : هلا
فيصل فز عندها : فيك شي
لمياء عاقدها حواجبها : م اعرف بس متضايقه كثير
فيصل مسك يدها : طيب وش الي مضايقك
لمياء رفعت كتوفها بمعنى م اعرف
فيصل بابتسامه : طيب وش رايك نخرج نغير جو
لمياء سكتت وم ردت
فيصل وقف : خلاص اذا م تبين باخرج لوحدي
لمياء بابتسامه : واذا قلت بخرج معاك
فيصل رد لها الابتسامه : يلا انتظرك
لمياء : يلا دقائق واجيك
فيصل خرج
لمياء لبست عبايتها ونزلت بالدرج قابلت ام فيصل
ام فيصل : بتروحين مكان
لمياء باست راسها : اي بخرج انا وفيصل شوي
ام فيصل : الله يحفظكم
نزلت لمياء وركبت السياره
لمياء وهي تلقط انفاسها : اسف تاخرت
فيصل : لاعادي
وسكتوا شوي
فيصل لف عليها وبابتسامه : وين تحبين نروح
لمياء : اي مكان تحبه
فيصل اتجهه للبحر : بنجلس هناك شوي بعدين نروح اي مول او مطعم
لمياء : ع راحتك
وصلوا البحر ونزلوا
جلسوا ساكتين فتره
لمياء وهي تلعب بالرمل : وش فيك ساكت
فيصل وهو يناظر بالبحر : احس اني عايش بوهم
لمياء عاقده حواجبها : ليش
فيصل سكت شوي بعدين قال : احبك بس م احسك تبادليني الشعور بس تجامليني احسك بجهه بعيده عني تماما يعني مو قريبه مني نفس م انتي قريبه من غاده
لمياء ناظرت فيه :اقولك بشي اول م عرفت مرضي كنت اتوقع ان اهلي او اهلك اجبروك تتزوجني والا ليش تتزوجني بعدين واحد م اعرفه ابد بس اعرفه من زمان ومعرفه سطحيه يعني سلام من بعيد لبعيد م تخيلت اني بتزوجه بيوم صح لنا تقريبا سنه بس كانت الشهور الي قضيناها بالمانيا بس بالمستشفى م كنت معاك ابد وبعدها كنت اتالم من بعد العمليه يعني تقريبا هي 3 الشهور الاخيره الي جلسنا مع بعض بدون مستشفى او الم يعكر جونا
فيصل سكت وم رد
لمياء رجعت وناظرت فيه : انت تقول انك تحبني بس والله مو كثر حبي لك سنه بس عدت ع سنوات حبيتني فيها والله احححبك
فيصل : بس م احس بهالحب احس العكس
لمياء باندفاع : طيب وش اسوي اسلوبي كذا قول لي كيف اغيره ومن عيوني اغيره
فيصل : ابي تهتمين شوي تحس فيني شوي لانك ابد م تحسين في او تهتمين
لمياء : طيب اوعدك اغير تعاملي بس م تزعل وتقول هالكلام
فيصل ابتسم لها ووقف : يلا نمشي
لمياء تحس بضيقه اكبر : يلا
ركبوا السياره
فيصل الصداع كل شوي وزيد بس يحاول يتجاله : وين تبين
لمياء : امممم الي تبي
فيصل اتجه للصيدليه واخذ له حبوب ورجع اخذ حبوبه وشرب مويه
لمياء بخوف : وش فيكك
فيصل حرك السياره : بس صداع شوي
لمياء : خلاص نرجع احسن
فيصل : لاعادي بس صداع خفيف
لمياء باصرار : لازم نرجع اصلا انا ابي ارجع
فيصل : ع راحتك
وصلوا ونزل فيصل مع لمياء
دخلوا الفلا
غاده : ففيصل
فيصل طنشها وصعد
غاده باستغراب : وش فيهه
لمياء : تعبان شوي من ضغط الشغل ومصدع
غاده : اها سلامته
لمياء بابتسامه : يسلمك
سكتوا شوي
لمياء : يلا استاذنك بروح اشوف فيصل
غاده : اذنك معاك
صعدت لمياء وفتحت باب الجناح بهدؤ
كانت الانوار مغلقه دخلت الغرفه وكان فيصل نايم بالعرض ع السرير
قربت منه وبهمس : فيصل
فيصل كان نايم وم رد عليه
اخذت لحاف ولحفته وخرجت بالصاله واخذت ايبادها وجلست عليه تققطع من وقتها
[COLR="Teal"]
أمنية حياتي أن أغوص في أعماقك
أن أقلب خفاياكِ ..
لأعرف كيف تفكر بي
ومتى يتملك حبي حناياكِ ..
لأعرف مقدار شوقك .. و عشقك ..
لأكشف سر السحر .. في عيناكِ ..
/
/
**
**
دخلت ام فهد ع شهد وبهمس : شههد
شهد فتحت عيونها وكلها نوم
ام فهد بابتساممممه : شكلك م نمتي من يومين
شهد جلست : ليش
ام فهد بابتسامه : الحين الساعه 8 وانتي نايمه
شهد شهقت : يوه طولت وانا نايمه
ام فهد وقفت: طيب قومي وصلي وبعدها انزلي كلنا بالصاله
شهد وقفت : دقايق وانزل لكم
خرجت ام فهد ونزلت بالصاله
شهد دخلت الحمام "وانتوا بكرامه" وتوضت وصلت
وقفت ع المرايه وعدلت شعرها وناظرت بوججها الي تعبان من الححمل من عيونها الذلانه وابتسامتها النادره الى نفسيتها المتعبه بس تظل جججميله
تنهدت وحمدت ربي ع كل حال ونزلت
فهد فز لعندها : والله اشتقنا لك
شهد بابتسامه عريضه : بجلس لحد م تطفش مني
فهد ضحك وسلم عليها
شهد سلمت عليه وبعده اتجهت لابوها وسلمت عليه
شهد بابتسامه : كيفك يبه
ابو فهد : بخير دامك بخير
شهد اخذت فنجان الشاي من امها : يجعله دوم
زياد دخل يركض لحضن شهد
فهد صرخ عليه : لالا
زياد وقف وبكا
شهد اخذته بحضنها وباسته وناظرت بفهد : حرام عليك خوفته
فهد بضحكه : كان بيولدك علينا
ضحكت شهد
ابو فهد : كيف عمك وفارس
اسماء لفت ع شهد عاقده حواجبها
شهد تلاشى ضحكها وناظرت باسماء وابتسمت لها : الحمدلله يسالون عنكم
ابو فهد : تسال عنهم العافيه
جلسوا يسولفون شوي
شهد ناظرت بزياد الي بحضانها : نام
فهد : فقد حنانك
شهد ابتسمت له ونادت ليليا تاخذ زياد
ليليا : نعم
شهد بابتسامه : خذيه غرفته
اخذته ليليا
شهد اخذها شريط الذكرى لبدايه اليوم وامس والفرق بينهم
فهد نادها اكثر من مره بس م استمعت له
فهد ربت ع كتفها
شهد انتبهت له : هاه
فهد باستغراب : فيك شي
شهد : لا
فهد بخوف ومتاكد ان فيها شي : بينك وبين فارس شي
شهد هزت راسها بالنفي
اسماء وقفت : شهوده تخرجين معاي بالحديقه
شهد وقفت : يلا
وخروجوا
بعد م جلسوا
التفتت اسماء لشهد وبنظرات رجا : شهوده طلبتك تتكلمين ترا سكوتك م بينفعك
شهد بعصبيه : قلتلك اتركيه وحسبي الله ع من كان السبب الله لايوفقها اولايوفقه الله يجعني اشوف اللي سوا كذا باسواء حالاته
اسماء : اكتفي بحسبي الله
شهد بدموع : اسماء لو كنتي مكاني وش بتسوين اكيد م بيدك الا الدعاء وبصراحه انا واثقه في ربي وعندي حسن ظن فيه
اسماء : ونعم بالله بس لازم اهلك يعرفون
شهد باندفاع : اذا عرفوا وش بيدهم بيروحون ويقولون بنتنا شريفه واحنا واثقين فيه انا م ابي هذا كله انا ابي بس اعرف من الي سوا كذا ووش بيستفيد
اسماء اقتنعت من كلام شهد : دعواتك هي الي بتجاوب ع اسئلتك واهتمي بنفسك وبالي ببطنك وم بيصير الا كل خير
شهد ابتسمت لها وجلسوا يسولفون شوي
/
/
/
**
**
فارس دخل القصر
ام فارس انتبهت لفارس : فارس
لف عليها فارس : هلايمه
ام فارس بابتسامه : طولت وانت برا وشهوده م نزلت اليوم فيها شي
فارس بعصبيه وبصوت مرتفع : كل شوي احد يسالني عن شهد فكوني منها انسوها ططيب
ام فارس مستغربه : وش فيك قلبت ع البنت
فارس بعصبيه : انتوا الي قلبتوا علي
وصعد جناحهم اول م دخل وفتح الدولاب بعصبيه : ليش م تاخذ اغراضها كلهم بقي اشياء
قفل باب الدولاب بقوه ورمى نفسه ع السرير : انتي سبب الي صار والا كنت الحين معاي
ازعجه جواله الي يدق فتره رد بعصبيه : الو
المتصل بسخريه : ي حبيبي لو انا مكانك كان اخفيتها من ع الارض وذبحتها لانها اهانتك حتى الطلاق م اتوقع انك طلقتها صح
فارس بعصبيه : وانتي وش دخلك ي**** لانك لو كنتي محترمه م اتصلتي ع رجال م تعرفينه
تبي تنرفزه : بالعكس اعرفك زين
فارس عصب وقفل الجوال بوجهها ورماه ع السرير
غطا وجهها بيدنه : ليش ككذا
ورجع استلقى وتنهد : حتى بالفراش ريحتك
اخذ مخدتها ونام عليها : اموت و اعرف من الي اتصلت وليش
وجلس يفكر لحد م غفى
ليه تجرحني مدامك قلت تغليني....
...حبيبي ..
يهون عليك جرحي !!!!!
..حبيبي..
ليه تجرحني مدامك انت محبوبي
..عيوني ...
فاضت دموعي ودمع الحب ترى يفضح
ترا ماني ذاك يالي يحب وبعدها يجرح
ولاني ذاك يالي يحب وبعدها يفضح
انا اذا حبيت حبيتك وزودت حبي لك اكثر
...حبيبي...
تكلم وفض فض لي وسبب زعلك علي اشرح
انا وش سويت لك يا حبي عشان لكرامتي تجرح..
/
/
**
**
واشرقت شمس يوم جديد يحمل الككثير من الاحداث
سمع فارس صوت الاذان فز من فراشه ووضا وصلى ونزل
ابو فارس لمح فارس : ففارس
فارس لف ع ابوه
ابو فارس اشر له يجي : اجلس
جلس فارس وهو متاكد من موضوعه
ابو فارس نزل فنجان قهوته : وش بينك انت وشهد
فارس بعصبيه من سمع اسمها : المشكله بيني وبينها م ابي احد يتدخل
ابو فارس رفع صوته : ان ابوك ترد علي بادب فاهم وبعدين بنات الناس مو لعبه
فارس بعصبيه اكثر : لو سمحتوا م ابي احد يتدخل بيني وبينها
ابو فارس : طيب وش ناوي عليه
فارس : كل واحد بطريقه اذا ولدت تروح بطريق وانا بطريق
ابو فارس عصب ووقف : انت تتكلم من جد
فارس بجديه: يعني في هالامور لعب
ابو فارس بعصبيه : من اول م تزوجتوا وانت م تبيها وهي كانت تسكت بس انا اعرف وكنت تضربها وانا اسكت بس لحد هنا وبس
فارس وقف : انا قلت الي عندي وهذا قررارنا وم ابي احد يتدخل وخخرج
ابو فارس جلس ونادى الشغاله : جيبي لي مويا
جابت له الشغاله مويا
ام فارس دخلت الصاله و بخوف : فيك شي
ابو فارس يلقط انفاسه : ففارس يبي يطلق شهد
ام فارس شهقت : هذا انجن
ابو فارس نزل كاس المويا ع الطاوله : فيه شي انا متاكد وشي كبير انا اليوم بروح لابو فهد واشوف السالفه
وسكت شوي
وقف : احسن اروح الحين
وخرج وركب سيارته واتجهه لابو فهد
كلها نص ساعه ووصل نزل واول م نزل قابله فهد الي كان بيخرج ورحب فيه ودخله المجلس
فهد باتسامه : حي الله من جانا
ابو فارس : الله يحيك ويسلمك
فهد جلس معاه وسولفوا شوي ودخل ابو فهد ورحب فيه
ابو فارس نزل فنجان قهوته ومتردد يتكلم بسالفه
ابو فهد لاحظ وجهه ابو فارس وحركاته : عبدالعزيز فيك شي احس ان بخاطرك شي تبي تقوله
ابو فارس قرر يتكلم : بصراحه م اعرف وش اقولك بس ابي اعرف وش سالفت فارس وشهد
فهد مستغرب
ابو فهد عاقد حواجبه : اي سالفه
ابو فارس تصعب الامر عليه : امم طيب ناد لي شهد وباقول كل شي بس نادها
فهد وقف : بروح اناديها
صعد لشهد ودخل عليها هي واسماء : شهد ابو فارس يبيك انزلي
شهد بخوف : وش يبي
فهد عاقد حواجبه : بينك وبين فارس شي
شهد هزت راسها بالنفي
فهد : طيب ننتظرك لاتطولين وخرج
شهد عدلت شعرها وحطت قلوس ونزلت
تحس بخوف اخذت نفس ودخلت : السلام عليكم
سلمت ع ابو فارس وجلست
ابو فارس : كيفك يبه
شهد بتسامه تخفي خوفها : الحمدلله
ابو فارس : الله لايغير عليك
وسكت شوي : بصراحه ان جيت اليوم اعرف منك السالفه الي بينك وبين فارس
شهد سكتت
ابو فارس : م فيه شي يوصل للطلاق
فهد فاتح عيونه ع الاخير : وووشووو
ابو فهد باعتراض : بنات الناس لعبه
وجلسوا يتناقشون
شهد م تحملت مناقشتهم وكلامهم
وقفت وخانتها الدمعه : الي بينا مستحيل احد يحله وخلاص اتخذنا القرار واتمنى ينقفل الموضوع وخرجت وهي تبكي لغرفتها
اول م شافتها اسماء فزت لعندها : شهوده وش فيك
شهد تصيح وم ردت عليه
ركضت اسماء واخذت المناديل ورجعت لها
اسماء وهي تناول المناديل لشهد : خلاص حبيبتي
شهد اخذت المناديل منها : ليش يصير فيني كل هذا والله م اتحمل اكثر كفايه الضغط النفسي الي عايشه فيه
اسماء ضمتها : خلاص حبيبتي عشان خاطري
شهد مسحت دموعها وحاولت تهدا لحد م هدت
دخلت عليهم ام فهد : يمه شهد وش صار بينك انتي وفارس
شهد رفعت نظرها لامها : والله م احد بيقدر يحل الموضوع الا احنا بس م قدرنا وانتهى كل شي
ام فهد بصدمه : ططططلاق
شهد هزت راسها بالايجاب
ام فهد : تفهمون وش معنى طلاق
شهد : ايه يمه نعرف وخلاص انتهى كل شي وقفلوا ع هالموضوع
ام فهد جلست تناظر فيها بصدمه بعدين خرجت
اسماء وقفت : فكري ي شهد زين وخرجت
شهد رجعت تبكي وبعد فتره
غسلت وجها ورجعت ع السرير نزلت يدها لبطنها : وجودك بحياتي بينسيني العالم
ورجعت تتذكر فارس : الحمدلله اني م صدقته بكلامه الي كان يكذب علي فيه بس الشي الي مو م اقدر اتحمله اسئله اهلي وعمي وبسالون مرام وساره
ناظرت بالساعه الي كانت عشر ونص
وقررت تنام لحد اذان الظهر
/
/
/
**
فيصل مستلقي ع الكنبه ويقلب بجواله تذكر محمد صاحب الشركه الي يتعاملون معاها
فيصل بكلمه اتطمنن عليه واشوف حالته بعد وفاه ابوه جاء هذيك المره اخر الليل وبس اعطاني الاوراق ومشى وم كان عاجبني
اتصل عليه وبسرعه رد محمد : ي هلا والله
فيصل بابتسامه : ي هلا فيك شلونك !
محمد بحزن : من فقدت الغالي وانا حالتي حاله
فيصل : محمد ترا مو زين الي تسويه المفروض تدعي ليه مو تصيح وتتذمر يمكنها خيره له
محمد والحزن واضحح بصوته : الحمدلله ع كل حآل
فيصل : الحمدلله
وجت بباله فكره :أنت بكرا فاضي
محمد فكر شوي : اي اتوقع م عندي شي
فيصل يبي يغير جوه ويطلعه من جو الحزن : طلبتك تتعشاء عندي بكرا انت والوالده قول تم "امه ماتت من زمان بس هذي مرت ابوه هي الي ربته بعد وفاة امه وصار يقربون لها ام محمد لان م عندها عيال "
محمد : تم الله يغنيك ي رب
فيصل : أججل بكرا وانت عندي عشششان اججننك
محمد بضحكه : والله ينخاف منك تسويها
فيصل ضحك : استاذنك الحين واشوفك بكرا ع خير
محمد : ع خير ان شاء الله معسلامه
وقفل
فيصل نزل بسرعه وخبر اهله عششان يستعدون
/
/
**
**
مرام تكلم ساره بالجوال : والله من جد اتكلم
ساره شهقت : سلامات وش صار له والا يظن ان بنات الناس لعبه والله م يرضاها علينا
مرام بحزن : والله فقدتها وم اتخيل بافقدها للابد
ساره بحزن : ربي يهديهم ويرجعون لبعض
مرام : امين
ساره بجديه : المفروض يفكرون بولدهم الي بيكون بينهم
مرام سكتت وم ردت
فارس بعصبيه : وانتي وهي وش دخلكم بمواضيع مالكم دخل فيها
مرام م ردت من الخوف
فارس : جهزي لزواجك احسن وصعد لجناحه وهو يصرخ
دخل وناظر في العطورات والاكسورات الي ع التسريحه ورماها بالارض وبصراخ : انتي السبب انتي السبب وخرج لصاله ورمى نفسه ع الكنبه وجلس ع الاب ينسي نفسه الواقع الي يعيشه
انتبهه لجواله الي ينور برقم غريب كان بيرد بس سرعان م تذكر الرقم وانه الرقم الي اتصل عليه امس طنشه ورجع للاب بس فضوله دفعه انه يرد
: وش فيك م ترد
فارس : وش تبين انتي
: ابيك
فارس بعصبيه : اخجلي من نفسك ي *** ي ***
: تبي اروقك وارسل صور لشهد اجمل من الي ارسلتهم
فارس عصب وقفل بوجهها ورمى الجوال وكلها ثواني الا وصوت مسجات
مسك الجوال ورماه وفتح الرسايل وجلس يقلب فيهم
فارس بقهر : انا لهذرجه غبي كيف م حسيت فيها
رمى الجوال واستلقى وم مدها يستلقي ورجع اخذ الجوال : بهالطريقه باعرف كل شي
توقعاتكم!