مشاعر عابره - الفصل 4 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ مشاعر.عابرة.tt* 🤍 *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ الجزء التالت: كامل :القصة بتبلش من لما كنت صغير يمكن 6 سنين كان عندي اب ...لا ما فيكي تقولي عنو اب لانو الاب ما هيك بكون ...الاب حنان و امان و قدوة لابنو بس ابوي كان غير هيك ،كان ظالم كتير و سكير و عربيد و لعيب قمار ، انا هيك وعيت عليه من انا و صغير ، و وعيت على حياة كلها ضرب و اهانة منو الي و لامي ،ابشع شي تشوفي امك عم تنضرب قدامك بس انت ما قادرة تعملي شي ،حجمك الصغير ،ايديك هدول بقبضتن الضعيفة و الهزيلة ما بيقدرو يعملو شي ،اكتر شي كانو بيقدرو يعملو هالايدين اني ارفعن و غطي فين وجهي لاتجنب الصفعات و الضربات من ايديه ،على فكرة هو ضعيف كتير كان يضربنا انا و امي بس ،يستقوى علينا بس ما شفتو بحياتو عم يضرب رجال ،بالعكس كان متل البرغشة قدام اي حدا .و متل الضبع والوحش علينا ... ريما:ما حاولت امك تاخدك و تبعد عنو و عن هالجو كامل:حاولت مرة و التجأت لبيت جدي يلي ردوها الو مرة تانية ،ما كانو بفرقو عنو كتير اصلا ،الاتنين وحوش و حيوانات و االشاطر يلي بدو يستغلنا و يستفاد بس رغم هالشي كان فيه زاوية مضواية بحياتي ..زاوية صغيرة كتير ..كنت انعزل فيا عن كل العالم و احلم فيا احلام اكبر مني. ريما:شو كان حلمك؟ كامل:اكبر بشوي من حجم هالطابة الصغيرة رجع يلعب فيا باصابعو كامل:كنت اخد الطابة و بعد عن البيت و ابقى 3 ساعات انا و اياها لحالنا ،كانت رفيقي الوحيد و الشي الحلو اليتيم بحياتي ريما:كرة قدم ؟ كامل:ايه ريما:لهلأ محتفظ فيا؟ كامل:لا ...؛شافني مرة عم العب فيا بالحارة و حملا بايديه الاتنين بكل قساوة و من غير شفقة و رحمة و دمر الامل الوحيد بحياتي ،شرطا بالسكينة و زتا بوجهي و هو عم يقلي يا غبي يا جحش ما شاطر غير باللعب ،بس حتى هو ما كان شاطر باللعب ،كان يخسر كتير بالقمار و كل خسارة الو كنا نحن نخسر معو كمان ،باع عفش البيت كلو و تركنا على البلاط بالاول و بعدين باع البيت و استأجرنا بيت و بعدين انتقلنا من بيت لبيت بكل مرة كان البيت يصغر و يضيق اكتر علينا ... اجا الدكتور بشير من بعيد و لمح ريما قاعدة مع كامل ؛انتبه عليه كامل و و دار وجهو عنو كامل :بكملك بعدين ،ما بدي الدكتور بشير يشك انو فيه شي بيناتنا ريما :طيب ماشي تابعت ريما جولتا بين باقي المرضى بس بكل يوم كانت فيه عم تتاكد انو كامل غير عن الجميع و انو هو سليم مية بالمية بدون ادنى شك حتى وقت كانت قاعدة معو و قربت عليه الممرضة و اعطتو حبة الدوا ليشربا بلعا قداما و شرب مي و بعد ما مشيت ،شال حبة الدوا من تحت لسانو و حطا بجيبتو ؛انصدمت ريما فيه كامل:هلأ بكبا بمصرف الحمام ريما:انت ما بتاخد الادوية يلي بيعطوك اياها كامل:ما بحياتي اخدت حبة دوا من وقت يلي فتت لهون لهلأ ريما:... كامل:قلتلك انا ما فيني شي ريما:وين وصلنا بالحكي اخر مرة ؟ كامل :عن ابي و لعب القمار ،بتعرفي احيانا بستسلم للوضع و بقول ليش لاطلع ،الحياة برا ما سهلة ابدا و حلمي ما رح يكون ناطرني على الباب ليستقبلني و ياخدني بالاحضان ،ابقى هون افضل ريما:اكيد لا ؛الحياة برا غير هون ،هون سجن و برا حرية بالنسبة لحدا متلك ،شو صار بعدين ؟ كامل:يلي صار انو ابوي ما كان بيعرف حدود ليوقف عندا ،ما كان فيه شي اسمو خط احمر او شي اسمو كرامة ..عرض..شرف ..كل شي عندو بينباع و بينقبض حقو حتى الشرف ،خسر ب لعبة قمار و ما كان عندو شي يدفعو غير امي ،صارت امي سلعة ل يلي بدفع اكتر ريما:معقول ...معقول فيه رجل هيك كامل:يلي صار لسا اكتر من هيك تنهدت ريما هي و مزعوجة كتير و متعاطفة مع كامل ريما:شفت هالشي بعينك؟ كامل:كل ليلة كنت شوف و اسمع ريما:كيف امك قبلت بهالحياة كامل : رفضت كتير و بكل مرة كان يضربا و يجبرا و الا بزتنا بالشارع انا و اياها ريما:الحياة بالشارع افضل بكتير من هالحياة كامل:شو بتعرفي عن الحياة بالشارع انت؟ ريما:..ما بعرف كامل:اكيد ما بتعرفي ،لوبتعرفي ما كنت حكيتي هيك ،على الاقل كان في سقف و حيطان ساترين هالبشاعة و الوساخة ريما:طيب ما كان فيه مثلا مراكز امك تلتجئ الها كامل:لا ما كان فيه ريما:شو صار بعدين؟ كامل:واحد من الرجال يلي ابي كان يلعب معن ما عجبتو امي ،ما لانو امي ما كانت حلوة بس انو ما كان شغل نسوان ....هالمرة كان الدور علي ،انا لازم ادفع كمان فواتير ابوي ،انا ابنو بالاخير قامت وقفت ريما هي و مخنوقة و حابسة الدمعة بعينا كامل:ليش قمتي وقفتي ،ما بدك تسمعي بقية القصة ريما:منكمل بعدين قبل ما تفتل ضهرا و تمشي كامل: دكتورة ريما اذا الكلمات ما عم تقدري تتحملين ،كيف انا تحملت هالذل سنين طويلة تابعت ريما على الحمام ،كانت مخنوقة و عندا رغبة بالبكا ،ما كانت عارفة حالا عم تبكي على كامل و حياتو او تذكرت ابوا و حنيتو عليا وحست بشوق كتير الو، رجعت على بيتا بهداك اليوم مرضانة و مكتئبة نفسيا و بقيت يومين بالبيت حتى اتصل فيا حامد حامد:خير صاير معك شي ريما:شوية كريبحامد:سلامتك ،انشغل بالي عليكي وقت سمعت انو ما داومتي هاليومين،انشالله كل الامور ماشية تمام ريما:تمام تمام ،ما تاكل هم و التقرير الاسبوعي بكون على طاولة مكتبك يوم الاحد كالعادة حامد :يعطيكي العافية طبعا معك اجازة مفتوحة لتتحسني بترجعي على المشفى ريما:اكيد على الساعة 7 استلمت ريما بوكيه ورد مبعوت من الدكتور حامد مع تمنياته بالشفاء العاجل ،تاني يوم بصعوبة قررت تفيق و تروح عالمشفى و بطريقها مرت اشترت هدية لكامل ،اول ما شافا كامل ابتسم و ارتاح ،قربت لعندو تصبح عليه كامل:توقعتك ما رح ترجعي ريما:كنت مكربة بس كامل:سلامتك ،انا تعودت عليكي كتير ،خلال هااليومين يلي ما جيتي فين ؛حسيت حالي متدايق و حملت حالي الذنب ريما:لا اذا بتريد؛انت ما دخلك ...تفضل اخد كامل الصندوق منا كامل:شو هيدا؟ ريما:هيدي هدية بسيطة ..افتحا فتح كامل الصندوق و طالع طابة منو ،ضحك بشراهة كامل:هاي اول هدية بتجيني بحياتي بس ما بتوقع رح يكون فيه احلى منا مسك الطابة و حطا على اصبع واحد و صار يبرما بمهارة ،بعدين قام وقف و صار يلعب فيا برجلو ،قعدت ريما تراقبو بأنتباه هو و فرحان فيا ،مسك الطابة و زتا باتجاهها ،مسكتا بصعوبة هي و عم تضحك ،رجع ركض لعندا هو و عم يلهت كامل:شكرا كتير ..ما بتعرفي هالهدية شو عملت فيني هي و عم تحكي مع كامل لمحت الدكتور حامد و بشير ،اطلع فيا حامد و ابتسم و اشرلا بايدو من بعيد و ردتلو السلام و تابعت حكيا مع كامل بس بقي كامل عم يطلع بحامد و طريقة نظراتو لريما من بعيد كامل:على فكرة هالزلمة بحبك او خليني قول معجب فيكي ريما:اي زلمة؟ كامل:يلي اشرلك بايدو ريما:بروفيسور حامد !مستحيل كامل: انتبهت انو ما شال عينو عنك من اول ما فات ،عم يحكي مع الدكتور بشير بس عيونو هون و الواضح كمان انو عقلو هون ،نحن رجال و منفهم على بعض اجت الممرضة امينة و حطت ايدا على كتف ريما امينة:الدكتور حامد بدو يشوفك قبل ما يروح ريما:يلا جاي ...كامل منكمل بعدين راحت ريما لعندو بس بقي عقلا عند كامل ،دقت الباب دقتين و فاتت على مكتب بشير ريما:ايه دكتور حامد حامد:دكتورة ريما فيه نقص بالتقارير يلي عم تقدميلي اياها كل احد ريما:نقص؟نقص شو بالضبط؟ حامد:فيه حالة مريض انت ما ذاكرتيا بأي تقرير تلبكت ريما بعد ما عرفت مقصد الدكتور حامد و خاصة بعد ما شافت ملامح وجهو و نبرتو الجدية و الصارمة حامد:حالة المريض كامل كمال ما مذكورة ابدا مع انو على حد علمي و حسب ما شفت هلأ انو عم تقعدي معو فترات طويلة تكاد تكون اطول من حصص الباقي ريما:صح ..انا تركت حالة المريض كامل للاخير ،رح قدما كلها بتقرير واحد مفصل حامد:ليش؟ ريما:لانو عم ادرسا اكتر و اتمعن فيا لانو صراحة حالتو غريبة شوي حامد:شو الغرابة فيا ؟ ريما:ما فيني احكي و اجزم هلأ قبل ما اتأكد طالع الدكتور بشير ملف من درجو و زتو قدام مرئ عين ريما بطريقة مستفزة ،كان مكتوب على الملف اسم كامل بشير:بتمنى منك تقرأي هالملف قبل ما تكملي بحالة كامل كرمال يساعدك بالتشخيص ريما:ما فيه داعي ،انا متأكدة اني ماشية بالطريق الصحيح كانت علامات الاستياء ظاهرة على حامد بعد ما شعر باهتمام ريما المبالغ بكامل حامد:انا رح اعطيكي مهلة اسبوع و بدي التقرير يكون جاهز على مكتبي و رح يكون التقرير الاخير الك بهالمشفى قدمت ريما خطوتين باتجاه حامد متفاجئة ريما:ليش؟انا شو الغلط يلي بدر مني حتى تقصيني عن هالمهمة بشكل مفاجئ حامد:انا ما اقصيتك ،شغلك خلص هون ريما:بس انا لسا ما خلصت صار حامد يضرب باطراف اصابعو على طاولة المكتب بتوتر و قلة صبر حامد:معك اسبوع لتخلصي ريما:يمكن ما يكفي حامد:بكفي ،اسبوع و بتسلمي تقرير المريض كامل و بتغادري المشفى ريما :بس انا ما الي شهرين هون حامد:ما مهم المدة ،المهم انك انجزتي المطلوب ريما:بس انت وعدتني اني رح اشتغل هون... حامد:منحكي بهالموضوع بعدين طلعت ريما من غرفة المكتب هي و معصبة و حست انو فيه شي عم يطبخو بشير من تحت الطاولة و يحرض حامد عليه ،رجعت لعند كامل بهمة اكبر لتسمع قصتو للنهاية ريما: انت لازم تطلع من هون و باقرب وقت لانو على مايبدو الدكتور بشير انتبه علينا كامل:انا خايف ورطك معي ريما:انا رح ساعدك بس من بعيد بحيث ما حدا يعرف اني انا دخلني بطلعتك،على كل حال عم بلش فكر بخطة محكمة ،المهم عم اسمعك ..كمل ...شو صار بعد ما قدمك ابوك ضحية كامل: ما قدرت اسكت بعد الشي يلي صار معي و خفت يرجع يتكرر لهيك خبرت امي و وقتا خبرتا ما سكتت ابدا و اعتبرتني الخط الوحيد يلي ما لازم ابوي يتعداه ،علقت معو كتير و على اثرها ضربني كتير لانو خبرتا و ضربا الها كمان ،ووقتا امي قررت تاخدني و نطلع من عندو من غير رجعة بس ابي حس بالشي يلي بدا تعملو و حس حالو بدو يخسر بابين رزق الو ،الباب الاول امي و الباب التاني انا ،لهيك قرر يضحي بواحد ليكسب التاني ريما:شو عمل؟كامل:قتل امي .. ريما:شو؟قتلا!كيف قتلا؟ كامل:قتلا بقضية دفاع عن الشرف ، وقت عرف انو بدا تروح ،قلا لازمني شوية مصاري،اعطيني اياهن و بتركك تروحي انت و ابنك ريما:ايه ؟ كامل:وعدها انو هالليلة الاخيرة يلي بتبيع حالا فيا كرمالو و فات عليا و قتلا هي و يلي كانت معو ريما:حيوان كامل:الحيوان ما بيعمل هيك ريما:شفتا لامك هي و مقتولة دار وجهو كامل للجهة التانية بعد ما نزلت دمعة من طرف عينو و مسحا بطرف كمو كامل:شفتا ...مستحيل انسى هالمنظر ريما:الله يرحما و يغفرلا، باللحظة يلي قررت تتخلص من هالحياة ،قتلا بدم بارد كامل:و طلع هو الشريف العفيف و الرجل المخدوع المسكين و امي الوسخة العاهرة و انا ابن العاهرة ريما:شو صار فيك انت؟ كامل:ابي فات عالسجن فترة و انا رحت على ميتم ،صح كنت بلا ام و بلا اب بس يمكن هالفترة هي اسعد فترة بحياتي تعرفت على رفقاة متل وضعي و لسا اسوأ و شكلنا فريق كرة قدم ،كنا نلعب كل يوم بالباحة حتى حضرتنا مرة مديرة الميتم و انعجبت ب لعبنا كتير و فيني انا بالتحديد ،لهيك اجت لعندي بعد ما خلصنا لعب و قالتلي انك بتلعب بطريقة متمكنة و انو فيه مباراة اخر السنة رح يشارك فيا صبيان كتير من مختلف المدارس و عرضت علي انو شارك معن و رح يكون فيه جوائز رمزية ل يلي بربح ... ريما:اكيد قبلت فورا كامل:لا ..ما قبلت ريما:ليش ما قبلت؟ كامل:كنت خايف ...خايف افشل و اخسر و خيب امل المديرة ،انا كنت انظر لحالي اني غبي و فاشل يمكن لاني ابوي زرع فيني هالفكرة ريما:يعني ما شاركت بالمباراة كامل:شاركت ،بعد ما رفضت عرض المديرة ،ما قبلت رفضي يمكن لانو امنت فيني ،بتعرفي صعب كتير بهالعالم حدا يآمن بقدرتك و بموهبتك و يقلك انو انت بتقدري تعملي هالشي؛الاغلبية بحطموكي بس هي امنت فيني و قالتلي (انت رح تفوز و رح تخليني افتخر بأنو هالصبي هو من عنا من الميتم ،بدي تثبت لحالك و لكل العالم بانو الظروف ما فينا توقف بوجه طموح حدا ،رح ادرج اسمك بقائمة المتقدمين و رح اعمل كل جهدي انك تشارك ) ريما:شو اسم الميتم ؟ كامل:حسب ما اذكر اسمو براعم الطفولة و المديرة مستحيل انسى اسمها اسما امل لانو كانت اسم على مسمى ريما:يعني شاركت بالمباراة؟ كامل:ايه شاركت بعد اصرار المديرة و دعما فتح كامل اول زرين من قميصو و سحب ميدالية معلقة بشريطة برقبتو كامل:اعطوني هيدي قربت ريما اكتر و مسكت الميدالية بأيدا و تحسستا ،كان محفور عليا مجسم شخص عم يركل الطابة برجلو ريما:يعني فزت و كرموك كامل:ايه حط ايدو على ايدا و اطلع بعيونا ،اطلعت ريما بعيونو متلبكة و بعدين نزلت نظرا اول ما سمعت صوت دقات قلبا و شعرت بشعور غريب خلاها تتخربط و اضيع الكلام ، سحبت ايدا فورا و بعدت شوي عنو ،انتبه كامل على ملامح وجهها يلي تغيرت ،حمرو خدودا و تلبكت نظراتا بس شعر فيا انو عم تعمل حاجز بيناتن ،احترم رغبتا و لام حالو على هالخطوة الجريئة منو كامل: هيدا اول احساس بالنجاح بحياتي و الاخير ،ما بشيل هالميدالية من رقبتي ابدا لانو كل ما بطلع فيا بحسا بتعطيني الامل و القوة بحالي ريما:ليش ما شاركت بالمباريات بالسنوات يلي بعدا ؟ كامل:كنت ناوي شارك بس.. ريما:بس شو .. كامل:هو ما خلاني كمل ريما:مين؟ كامل:كنت عم العب متل العادة باالباحة وقت بعتت وراي المديرة انو روح لعندا عالمكتب و وقت رحت،شفتو واقف بابتسامتو الشيطانية و نظرتو الخبيثة .. ريما:ابوك! كامل:كان جاي ياخدني معو ،تمنيت كتير لو كنت يتيم و بقيت كل العمر بالميتم ،كان شعور اليتم بحالتي افضل بكتير من الحياة معو،قالتلو المديرة هالولد موهوب كتير بس لازمو متابعة و رح يرفع اسم بلدو ،اطلع فيني بسخرية و قلها للمديرة اكيد انا رح تابعو و سجلو باحسن النوادي بالبلد هيدا ابني و انا بشوف حالي فيه ،طلعت انا و اياه من باب الميتم و انا حاسس حالي متخدر من الخوف ،لك انا كنت من خيالو خاف ،حتى اذا طلعلي بالحلم ،كنت فيق مبول على حالي ...بس ما بعرف من وين اجتني هالقوة و زتيت شنتايتي و ركضت ،تركتو و ركضت بالشارع ،بدي اهرب منو و ما بقا بدي شوف وجهو بحياتي قتل امي و قتل برائتي و طفولتي ،دمرني و هلأ راجع يكمل علي .....يتبع فيه متابعين حاسستن بقيو بالسنة القديمة او بعدن نايمين 😁،صحصحو معنا و تفاعلو و ركزو بقصة كامل يلي رح يفوتنا بمتاهة بالاجزاء القادمة *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```3