مشاعر عابره - الفصل 3 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ مشاعر.عابرة.tt* 🤍 *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ الجزء التاني: ريما:الدكتور كامل امينة:انت فهمانة غلط ،كامل مريض ما دكتور بينت الصدمة على ملامح وجه ريما و حست حالا فشلت بأسخف امتحان الها ،ما ميزت بين المريض و الدكتور ريما:بس انا التقيت فيه بالحمام و عرفني على حالو ... انحرجت ريما و تلبكت بالكلام امينة:خلص روقي ،بتصير ،هو لانو هادي كتير اختلط عليكي الموضوع توجهت ريما بكل عصبية باتجاه كامل متناسية مكان وجودا و سبب وجودا ،انتبه عليا انو جاي لعندو ،نهى حكيو مع صديقو و تهيئ لوصولا ريما:انت كيف بتعرفني على حالك انك الدكتور كامل ... كامل(مقاطع):انا ما قلتلك اني دكتور انا قلتلك انا اسمي كامل و كل حكيي معك اذا بتتذكريه ما كنت فيه عم اوحيلك ابدا اني انا دكتور بس شفتك متوترة اول يوم و حبيت خفف عنك و على ما يبدو من توترك ما ميزتي اني انا ما لابس يونيفورم المشفى و لا معلق بطاقة هوية على صدري ريما:.....امممم.. كامل:ما تلومي حالك ،حصل خير ريما:طيب ممكن نحكي شوي بس ما هون ،انا بفضل بالحديقة ،هون الجو كئيب شوي كامل:تفضلي مشيت معو ليطلعو على الحديقة و هي بعدا متأثرة بالصدمة ،قعدو على الكرسي ساكتين حتى بدأت ريما هي و عم تجهز الورقة و القلم ،انتبه عليا كامل و على جدية نظراتا الحادة و طريقة قعدتا و مسكتا للقلم ريما:شو عمرك ؟ ضحك بسخرية ريما:ليش عم تضحك؟ كامل:يعني هلأ انا كل شي بدي قولو بدك تسجليه فورا على هالورقة ريما:ايه طبعا كامل: انت رح تقعدي معنا قعدة طويلة رح تصيري حافظة قصصنا متل اسمك و اكتر من غير ورق و اقلام ،رح تحفظين بذاكرتك هون ،لهيك ما ضيعي وقتك انت و عم تكتبي ريما:انا هيك برتاح ،تفضل كامل:طيب ،اسمي كامل كمال ..الي ...الي..صراحة ما بعرف اكام سنة الي قاعد هون ...لانو بعد اول سنة ما بقى بتحسبي الوقت.. بس الي سنين قاعد بهالمشفى ،مشخص شيزوفرينيا ريما:انا ما سألتك شو مرضك كامل:طيب شو بدك تعرفي ..على فكرة انت لهلأ اخدة موقف مني و محسستيني كانو كذبت عليكي .. ريما:لا لا ... سكرت الدفتر هي و عم تتنهد و تطلع بالحديقة ، حطت الدفتر جنبا على الكرسي ريما:انا متوترة شوي ؛اليوم اول يوم الي و هلأ من شوي حسيت حالي غبية صراحة رجعت اطلعت فيه ريما:ما شكيت للحظة انك تكون مريض كامل:زعلتي ما هيك ،فكرتيني الدكتور العذابي و الشاب الوسيم و الجنتل ابتسمت ريما على حس الدعابة عند كامل كامل:و يمكن تخيلتي قصة حب كبيرة و عميقة بينك و بين هالدكتور و رح تنتنهي بزواج و اطفال تحكولن بس يكبرو كيف تعرفتو على بعض و حبيتو بعض ريما(مبتسمة):لا ما هيك ابدا كامل:واضح من حجم الصدمة ريما:كيف جيت لهون؟ كامل:قصة طويلة ،يمكن احكيلك اياها مع الايام ريما:ليش ما هلأ كامل:اليوم مزاجي منيح و ما بدي عكرو ريما:بتوعدني بس وقت تكون جاهز انو تحكيلي كل شي كامل:اكيد رح احكيلك متل ما حكيت لغيرك بس انشالله ما تكوني متل غيرك ريما:ما فهمت قام وقف كامل كامل:عن اذنك تركا بحيرتا و تابع طريقو للمبنى ،انتهى اول يوم بتجربة ريما و رجعت على بيتا ،لتخبر لاما كيف كان نهارا يلي انختم بأتصال حامد حامد:كيف كان يومك؟ ريما:ماشي الحال ،يعني مقبول نوعا ما حامد:ماشي انا بانتظارك يوم الاحد ريما:اكيد تاني يوم قامت ريما بهمة و نشاط على يوما الجديد ؛شربت قهوتا عالطريق ،فاتت على المشفى و القت السلام على الناس يلي بلشت تألف وجوهن و هي فايتة انتبهت على كامل ،كان قاعد لحالو و سارح ،قربت لعندو ريما:صباح الخير كامل(ببرود) :صباح النور اطلع فيا نظرة سريعة و رجع شرد ،قعدت قبالو و هي هادية ،انتبهت على وجود حبة بلور ملونة صغيرة بايدو عم يحركا فيا باصابعو بس عقلو و نظرو سارح بالفراغ ريما:شو هاي يلي بأيدك كمال:هيدي ...هيدي كلال ..اليوم انا و عم نكش بخزانتي ،وقع تحت ايدي ...كيف قطعة بهالحجم بترجعك سنين كتير لورا .. ريما:كنت تلعب فيا انت و صغير ؟ كامل:ايه ،كنت العب فيا بالحارة انا و اولاد الحارة،كان يلي بفوز بيربح قطعة منا و جمعت كتير منن بس ما بقي غير هالقطعة ريما:حلوة ذكريات الطفولة كامل:الا ذكريات طفولتي انا ...ما حلوة ابدا ريما:ليش ؟ كامل:لانو فيا ظلم كتير و ذل و اهانة و خوف و توتر و قلق و رهبة و كل شي اسود و بشع كان موجود فيا ريما:احكيلي كامل:ما بحكي قبل ما توعديني انو تساعديني للاخر ريما :انا هون لساعدك كامل:لا ،انت هون لتاخدي خبرة و تساعدي حالك لتثبتي لكل الناس و اولهن الدكتور بشير انك دكتورة شاطرة و قد المسؤولية ،انت هون كرمال حالك ،ما كرمال حدا مننا ريما:طيب كيف فيني ساعدك ؟ كامل:بدي اطلع من هون ريما:شوو؟ كامل:انت شايفتيني مريض .. ريما:هلأ لا كامل:انا ما مريض و لا مجنون ،انا سليم مية بالمية بس جيت لهون مجبور ريما:اذا بتريد احكيكامل:كان فيه حدا قبلك اسمو الدكتور سامي كان عم يساعدني و رح يطلعني من هون بس وقت حس عليه بشير قطعلو كرت من غير رجعة ريما:شو يعني؟ كامل:دبرلو حادث سير قالو قضاء و قدر ريما:شو هالحكي متل الافلام ..ليش الدكتور بشير بدو يحتفظ فيك هون و ما بدو يطلعك؟شو مصلحتو؟ كامل: لانو اذا طلعت بجوز احكي .. ريما:شو بدك تحكي ... كامل :بعرف ما رح تصدقيني ،روحي و اسألي بنفسك و اكتشفي الحقيقة و اذا لقيتي كلامي صحيح ارجعي لعندي و اذا كلامي كذب ما تقربي لجنبي ابدا و قولي عني مجنون قامت ريما من جنبو و تابعت تشوف بقية المرضى بس بقي عقلا مشغول بككلام كامل ،راحت لعند دكتور بشير و سالتو عن اسم الدكتور يلي كان موجود قبلها ،شعرت فيه انو تلبك شوي بشير:قصدك الدكتور سامي؟ ريما:ايه بشير:مات من شهرين بحادث سيارة،شو عرفك فيه و ليش عم تسألي عنو ؟ ريما:انا سالت وحدة من الممرضات اذا كان فيه حدا قبلي و خبروني انو كان فيه دكتور بس انو مات فجأة بحادث سيارة و حبيت اعرف اكتر اذا كان تارك ملاحظات او اوراق بتخص المرضى ممكن تفيدني بشير:ايه فعلا هو قبل ما يموت سلمني ملف ،طبعا اعطى نسخة منو للدكتور المسؤول عنو و نسخة قدمها للمشفى،بتحبي تشوفيا ؟ ريما:ايه يا ريت بشير:تفضلي معي راحو الاتنين سوا على غرفة السجلات و فتح الدرج و اعطاها الملف بشير:خديه معك اليوم اقرأيه و بكرا بترجعيه ، دكتورة ريما... انا انتبهت عليكي انك مهتمة بكامل اكتر من غيرو،يا ريت توزعي نفس الاهتمام على كل المرضى بالتساوي ريما:حاضر بشير:شغلة اخيرة ما كل شي حكاه المريض لازم تصدقيه بدك تراعي انو فيه مرضى هون بيختلقو احداث غير حقيقية من مخيلتن لهيك ما تنجري ورا عواطفك و تصدقي كل شي ريما:اكيد رجعت ريما على البيت و قبل ما تغير تيابا او تاكل ،فتحت الملف و قرأتو ورقة ورقة بس ما كان فيه اي ملاحظة او شي مذكور عن كامل ،هالشي زاد من فضولا اكتر لتعرف اكتر ،تاني يوم سلمت الملف للدكتور بشير ريما:انا انتبهت انو الدكتور سامي ما ذاكر كل المرضى هون بشير:متل مين يعني؟ ريما:متل المريض كامل مثلا بشير:الدكتور سامي كان عامل نظام مختلف عنك ،كان يخصص كل عشرة ايام لمريض محدد يقعد معو ليفهم حالتو وللاسف توفى قبل ما يقعد مع باقي المرضى و بالاخص كامل لهيك ما ذاكر شي عن حالتو ريما:اممم ممكن طيب بالاذن ما كان ممكن فضول ريما يوقف لهل الحد ،تاني يوم توجهت لبيت سامي لعلها و عسى تشوف شي يساعدا لتوصل للحقيقة ،رنت الجرس ،فتحت الباب مرة خمسينية ريما:حضرتك امو لسامي ؟ ام سامي :ايه ! ريما:انا الدكتورة ريما ،انا كنت صديقة سامي بالمشفى ام سامي:اهلين ...تفضلي فاتت ريما هي و متلبكة و عم تطلع بكل زوايا البيت ،قعدت بالصالون هي و عم تفكر كيف تبدأ حديثها ريما:الله يرحمو ام سامي:تعيشي ريما:يمكن ما لحق سامي يخبرك عني لاني التقيت فيه قبل فترة قصيرة من وفاتو و كنا عم نشتغل سوا بس هيك صار ،كان خبر وفاتو صدمة النا ام سامي:و صدمة النا كمان ،انخطف خطف من حياتنا،مر شهرين على وفاتو و لهلأ ما عم صدق انو ما بقى موجود بيناتنا ريما:انا حسب ما فهمت انو مات بحادث سيارة ام سامي:صح ،كان طالع على الضيعة يوم الجمعة ليغير جو شوي عن جو المشفى وضغط الشغل و على الطريق طلعت بوجهو شاحنة و قلبت سيارتو بالوادي ريما:امممم ...الله يرحمو ...كان مضغوط بالشغل و مهنتنا ما سهلة ابدا ..ما كان يحكيلك ابدا عن شغلو ام سامي:لا ابدا بس ما بحياتو تذمر كان يروح كل يوم بمعنوية عالية و يرجع بنفس الحالة قامت ام سامي و فاتت لجوا و رجعت هي و ماسكة البوم صور،قعدت جنب ريما و فتحت الالبوم ام سامي:هدول صور سامي الاخيرة بشغلو بالمشفى ،عمل هالالبوم قبل ما يموت ب 5 ايام و كانو حاسسو قلبو ،هيدي الصورة مع الدكتور بشير و هيدي مع باقي الدكاترة و الممرضات حطت ريما البوم الصور بحضنا و صارت تقلب بالصور حتى وقفت عند صورة فاجئتا ،الدكتور سامي مع كامل ،الاتنين لافين بعض بطريقة حميمية بتوحي انو فيه صداقة قوية بيناتن ،قامت الصورة من الالبوم و قلبتا ،كان مكتوب تاريخ عليها (20/8/2010) ريما:شو التاريخ يلي مات فيه سامي؟ ام سامي :30/8 ريما:يعني هالصورة قبل ما يموت ب 10 ايام ،مين هيدا يلي معو بالصورة ؟ ام سامي:ما بعرف ،بتوقع دكتور متلو بالمشفى ريما:ما حكالك سامي عنو شي ابدا ام سامي:لا طلعت ريما من عند ام سامي بعد ما صورت الصورة بموبايلا ،رجعت لعند كامل ريما:افرض اني انا صدقتك ،و رح ساعدك لتطلع من هون بس انت بدك تكون صادق معي و تعطيني اسباب مقنعة لطلعك من هون كامل: انا جاهز ريما:احكي و رح اسمعك *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```