مشاعر عابره - الفصل 1 - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ مشاعر.عابرة.tt* 🤍 *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ •#مشاعر_عابرة_بقلم_هلاغرابلي #الجزء الاول: تهاني:ريما ..ريما ...لحظة شوي التفتت ريما لوراها هي و ماشية بالكلية ،شافت رفيقتا تهاني عم تناديلا و تأشرلا بأيدا من بعيد ريما:اهلين تهاني تهاني:منيح يلي لحقتك قبل ما تطلعي ،البروفيسور حامد بدو يشوفك بمكتبو ريما:ما قلك شو بدو مني ؟ تهاني:لا ...بس الله يسمعنا الاخبار الطيبة (مبتسمة) ريما:شو قصدك بقا ؟ تهاني:يلا سلام غيرت ريما طريقا و رجعت لفت و طلعت على الطابق التاني لمكتب البروفيسور حامد ،دقت دقتين على الباب حتى سمعت صوتو من جوا حامد:تفضل فتحت الباب و فاتت ،اطلع فيا حامد و ارتسمت ابتسامة ناعمة على وجهو ،كان بكل مرة بشوفا فيا كأنو عم يشوفا للمرة الاولى ،نفس الاحساس و الرعشة بقلبو يلي حس فيا اول مرة التقى فيا،كان عم يعطي محاضرة و فاتت ريما متأخرة ،كان وجهها و خدودا متوردين من الخجل و الاحراج ، استأذنت منو لتفوت على القاعة بس بقي عم يطلع فيا مأخوذ بجمالا و نعومتا حتى انتبه على حالو و اعطاها الاذن ،فاتت قعدت بالمقعد بعجلة بس بقيت عيونو عم تراقبا خلال وقت المحاضرة و حتى بكل مرة كان يفوت على القاعة ،كانت هي اول شي بدور عليه و اول ما يلمحا قاعدة و حاطة ايدا على خدا و خصل شعرا الناعمة نازلة على وجهها الناعم و الطفولي كان يرتاح بشكل غريب و يبلش بمحاضرتو و كانو هي الوحيدة الموجودة بكل هالقاعة ، ،و بكل سنة كان عم يحاول يتقرب منا اكتر بس ما كان عندو الجراة ابدا ليصارحا بمشاعرو اتجاهها ،يمكن خوفو من انو ترفضو لفارق العمر بيناتن هو السبب مع انو حامد كان من النوع يلي محافظ على شبوبيته و لياقتو البدنية و مظهرو الخارجي بالاضافة لشخصيتو الهادية و الجذابة ،لهيك كان محط انظار كتير طالبات عندو باستثناء ريما حامد:اهلين ريما تفضلي ريما:خبرتني تهاني انو بدك تشوفني ،خير فيه شي؟ حامد:ما فيه الا كل خير ،تفضلي ارتاحي قعدت ريما و حطت كتبا على رجليا و اطلعت فيه هي و عم تبعد شعراتا عن وجهها ،اطلع فيا حامد و غض بصرو ليقدر يركز بكلامو معا حامد:قبل ما بلش بالموضوع يلي جبتك كرمالو انا بدي بدي اعطي رأيي فيكي ريما:تفضل حامد:انت طاالبة مميزة عندي و يلي بميزك اجتهادك و ذكائك الملحوظ و لولا ايماني و ثقتي فيكي انا ما كنت اخترتك انت بالذات من بين كل طلابي .. ريما:شكرا الك حامد:انا اخترتك لتفوتي تجربة عملية لحالك و رح تكون مدة 3شهور تقريبا ، خلالها رح اطبقي كل شي درستيه خلال سنوات دراستك السابقة على ارض الواقع و رح اشرف بنفسي عليكي بس من بعيد لبعيد و اذا شعرت انك شاطرة و مجتهدة و مسؤولة ؛رح تحصلي على وظيفة بالمشفى فورا اول ما تتخرجي ركزت انتباها ريما اول ما سمعت بالوظيفة ريما:ممكن توضح اكتر بروفيسور فتح حامد الدرج و طالع كرت منو و اعطاها اياه لريما يلي بدورا مسكتو و قرأتو (مشفى السلام للامراض النفسية و العقلية) حامد:رح تروحي على هيدا المشفى بشكل يومي ،رح تتقربي من كل المرضى و رح تعرفي حالاتن عن قرب ؛بدي تشخيص لحالتن منك انت بغض النظر عن الملف و السجل يلي موجود بالمشفى تلبكت ريما و نزلت نظرا للكرت و صار تحركو بتوتر ،انتبه حامد على ملامح وجهها حامد:خفتي ؟ ريما(بتسرع):لا ...ما خفت ..بس صراحة تفاجأت و حاسستا مهمة كبيرة علي ..على الاقل بالنسبة لطالبة متلي لسا ما تخرجت حامد:انت انتبهتي انا شو حكيت بأول كلامي ريما:انتبهت ، شكرا على ثقتك فيني بس ..ما بعرف شو بدي قول حامد:كلنا منبلش هيك مترددين و متلبكين بس الخبرة العملية ضرورية و لا تنسي هالشي رح ينضاف ل cv الخاص فيكي و و رح يكون الو تأثير جيد على مستقبلك و على ممارستك للمهنة حتى لو ما حبيتي تكملي بالمشفى ريما:صح معك حق حسمت ريما امرا و فتحت جزدانا مبتسمة و حطت الكرت فيه ريما:ايمت فيني بلش؟ حامد:من بكرا انشالله ،انا حكيت مدير المشفى الدكتور بشير و رح يكون بانتظارك على تمام الساعة عشرة لياخدك جولة بالمشفى ريما:بأذن الله حامد:اهم نقطة بأي مهنة هي الثقة بالنفس و التروي و التفكير و النشاط و الهمة العالية ريما:انشالله كون على قد هالثقة يلي منحتني اياها حامد:و هاي كرتي فيه رقمي الشخصي بحال احتجتي شي و كل احد رح نلتقي هون لتقدميلي تقرير شامل بوضع المرضى و مدى تقبلن للعلاج الدوائي و السلوكي حسب تشخيصك انت ريما:انشالله قامت وقفت ريما وبعدا قام وقف معا البروفيسور حامد هو و عم يطلع فيا ،ما كانت نظراتو بتقدر تخبي كمية اهتمامو فيا و رغم انو صار كل القسم بيعرف بأهتمام حامد فيا الا هي يلي ما حست بهالشي ،ضل واقف عم يطلع فيا حتى غابت عن نظرو و سكرت الباب و نزلت هي و عم تفكر ،و عم تحس بمشاعر مختلطة من قلق و فرح بس كانت بتعرف انو هالموضوع رح يكون درس الها بكل الاحوال حتى لو فشلت بهالمهمة ،رجعت على البيت و خبرت امها الانسانة و الصديقة الوحيدة يلي بتهتم لامرا و معا بكل خطوة بحياتاام ريما:منيح كتير ،فرحتلك كتير بنتي تركت ام ريما السنارة من ايداو قربت عليا و حطت وجهها الناعم بين ايديا ام ريما:الله يفرحني فيكي و شوف حالي فيكي احلى و اصغر دكتورة ريما:بس انا خايفة شوي ام ريما: البروفيسور لو ما بيعرفك انك قد هالمهمة ما اختارك من بين كل الطلاب و بعدين انت من الاوائل على دفعتك ،مانك قليلة و رح تفتحي عيادتك الخاصة فيكي و يلمع اسمك .. ابتسمت ريما هي و عم تراقب نظرات امها يلي كلها امل و حنية و امان ريما:شو عم تشتغلي هالمرة ؟ ام ريما:عم اعملك شال قربت ريما لعند اما هي و عم تبوسا و تدلع ريما:امانة خليني كملو انا ،ولله الي زمان ما اشتغلت شي ام ريما:ركزي بدراستك هلأ ريما: بعملو بوقت فراغي ،ما رح ياثر علي ابدا تنهدت ام ريما ام ريما :طيب ،خدي ،بس ما تنسي حالك انت و عم تشتغلي ،ساعة بس و قومي نامي ارتاحي خطفت ريما السنارة و خيوط الصوف من اما ريما:ايه ايه كانت ريما تنسى حالا بس تمسك السنارة و تبلش حياكة ،بس يلي بشوف شغلا بيعرف انو موهوبة بتنسيق الالوان و اختيار الموديلات ، انطلقت تاني يوم على عنوان المشفى و اول ما وصلت رن موبايلا ،كان رقم غريب ريما:الو حامد:انا الدكتور حامد ريما:اهلين بروفيسور حامد:حبيت اطمن انك بقيتي على موعدك مع الدكتور بشير بالمشفى .. ريما:انا على باب المشفى هلأ حامد:برافو برافو تمنياتي الك بالتوفيق ..دكتورة ريما ابتسمت ابتسامة خجولة ريما:شكرا الك حامد:منبقى على تواصل انشالله ريما:اكيد بقيت ريما واقفة على باب المشفى هي و عم تطلع بالقارمة و مترددة ،حتى شافت الباب من جوا انفتح و طلع رجل اربعيني ،انتبه عليا ابو قاسم:يا انسة كيف فيني ساعدك ريما:بدي شوف الدكتور بشير ابو قاسم:ايه تفضلي معي مشي ابو قاسم ببنيتو المليانة و حجمو القصير ،و مشيت وراه ريما هي و عم تطلع بحديقة المشفى و المبنى ابو قاسم:حضرتك بتقربيلو للدكتور بشير ريما:لا ،انا ما عرفتك على حالي ،انا ريما ،طالبة طب نفسي و مبعوتة لاشتغل بهالمشفى من قبل الدكتور حامد ابو قاسم :اهلين فيكي ،بس انت صبية و صغيرة شو يلي زتك على هيك مجال ،ما كنت درستي صيدلة او طب اسنان ،ما احسنلك من الشغل مع المجانين ريما:هدول ما اسمن مجانين ابو قاسم :متل ما بدك ،مكتب الدكتور بشير باخر هالممر على ايدك اليمين ريما:شكرا استقبلا الدكتور بشير لريما بوجه بشوش و ابتسامة هادئة بعد التوصية فيا من حامد بشير:الدكتور حامد من افضل الدكاترة عنا ؛شهادتي مجروحة فيه و اي حدا بيثق بكفائتو ،نحن ما بحقلنا نعترض او نشكك برأيو ،بتعرفي الدكتور حامد انعرض عليه ادارة افضل المستشفيات بالبلد بس ما قبل و اختار يسخر كل جهودو بمجال التعليم ،هو بقول صلاح حال اي بلد ببلش بصلاح التعليم ،التعليم اساس كل شي ريما:صح فتح بشير باب مكتبو بشير:اتفضلي معي طلع من المكتب هو و عم يزبط هندامو ،طلعت وراه ريما بشير:هيدي المشفى كبيرة نوعا ما و بتحتوي تقريبيا بحدود ال 150 مريض ،مع طاقم طبي كبير و متأهب على مدار ال 24 ساعة ،و انت صرتي هلأ من ضمن عيلتنا اهلا و سهلا فيكي ريما:تسلم دكتور اخدا الدكتور بشير لريما بجولة مطولة بكل انحاء المشفى و عرفا على معظم الدكاترة و الممرضين العاملين فيا و القت نظرة سريعة على المرضى يلي كانو جميعا بحالة هدوء و استقرار نفسي نوعا ما بشير: طبعا المرضى عم نعطين ادويتن بانتظام و نسبة منيحة عم تستجاب للدوا بشكل جيد بس ما بيمنع الحرص الدائم لانو فيه مرضى بكونو خطرين على حالن و علينا ببعض الحالات و هون طبعا غرفة سجلات المرضى و ما حدا معو مفتاحها غيري و بحال احتجتي انك تطلعي على اي ملف ما عليكي الا تطلبيه مني ريما:تمام بشير:طبعا هون كل شي منظم مواعيد الاكل و النوم كلو بوقت محدد و منعمل نشاطات ترفيهية للمرضى كل فترة ؛بتمنى انك تنبسطي بشغلك معنا و تطلعي بخبرة كافية ريما:انشالله دكتور بشير:انا هلأ رح اتركك تباشري بشغلك و تقعدي مع المرضى و انا رح ارجع لمكتبي يلي صرتي بتعرفيه؛ما تترددي بحال صعب عليكي شي؛نحن هون لنساعدك و لا تنسي انت موصى عليكي من الدكتور حامد ؛بالتوفيق انسحب الدكتور بشير لمكتبو و ترك ريما لحالا ضايعة ،متوترة ،متلبكة ،ما عارفة كيف تبدأ و من وين تبدأ ،حست حالا دخلت بالجد و ما فيه مجال للتراجع و الانسحاب ،سألت الممرضة عن اقرب حمام و فاتت عليه تستجمع قوتا ،وقفت عند المغسلة غسلت وجهها مرتين و رفعت نظرا اطلعت بحالا بالمرية ،انتبهت على وجود حدا وراها من انعكاس صورتو بالمرية ؛ارتعبت و التفتت لورا كامل:شكلك دكتورة جديدة ؟ بلعت ريقا كان كامل مسند ضهرو على الحيط و عم يدخن سيجارة ،جلس وقفتو و زت سيجارة على الارض و طفاها بصباطو كامل:ما بخلونا ندخن هون ،مندخن بالسرقة ،ما تخبري حدا انو شفتيني عم دخن و الا بتعاقبهزت براسا موافقة ، قرب باتجاهها اكتر و مد ايدو باتجاها بكل ثقة و ثبات ليبادر بالسلام كامل:اسمي كامل مدت ايدا ريما متلبكة و سلمت عليه ريما:انا ريما كامل:تشرفنا ريما :انا جديدة هون كامل:ايه انتبهت ،كل شي بالاول صعب بعدين بتتعودي ريما:انت كنت متلي كامل:ايه طبعا ،كنت كتير متلبك و متوتر بس مع الوقت تعودت،اول يوم هو اصعب يوم و ابطئ يوم .. وقفو الاتنين ساكتين و عم يطلعو ببعض كامل: يلا عن اذنك ،بشوفك برا فتح الباب و طلع و بقيت ريما واقفة بعدما حست بارتياح اتجاه كامل ،استجمعت قوتا و طلعت هي حاملة دفترا و قلما بأيدا ،شافت كامل قاعد مع واحد من المرضى ،اطلعت فيه نظرة عابرة ،ابتسم ابتسامة ناعمة ردت عليه بابتسامة ،قربت على وحدة من الممرضات (امينة)،كان الواضح من عمرا و تحركاتا انو عندا خبرة جيدة بالمشفى و على تعامل بشكل مباشر مع المرضى ريما:باي مريض بتنصحيني بلش ؟ امينة:بلشي من السهل للصعب،بلشي بهيداك يلي قاعد هنيك اشرتلا امينة لجهة كامل ريما:بس الدكتور كامل قاعد معو امينة:عفوا ...(تضحك)الدكتور شو ! *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵