الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵حور*👱🏻♀️
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#الجزء_الثالث 🌿
- عائش، تعالي عايزة أكلمك.
_ نعم معلمتي؟
ـ مكلمتيش شمس يعني النهاردة؟
سألت السؤال دا وكنت منتظرة تقولي إنه خلاص لازم نحط حدود زي ما قال شمس، لأني اتعودت عليهم في تشابه أفعالهم وأقوالهم وحركاتهم وكل شيء، ولم تخيب ظني.
_ عشان مينفعش خلاص نتعامل زي الأول، وأنت علمتينا في الفقه مين هم المحارم، ومين هم الأجانب عني، وأنا فكرت من أسبوع ولقيت إن شمس مش من محارمي، فلازم أتعامل معاه على الأساس دا، أنا عايزة أكون زي الصحابيات أقل حاجة دا لو عجزت إني أتشبه بأمهات المؤمنين يعني، فأنا هكمل دروسي معك لكني هاخد مع باقي البنات.
- طب كويس، هو كمان قبل ما تيجي كان بيكلمني في نفس الموضوع.
سبحان الله، عشان كدا كان بيعيط؟ هو أخي والله وله في قلبي كل الاحترام، بس مينفعش يكون أكتر من كدا.
- لا يا حبة الفؤاد، مكنش بيعيط عشان كدا، كان بيبكي لسبب تاني، روحي جهزي الغدا وتعالي عشان نكمل دروسنا في الميراث ياالله.
عائشة كان بيتها قريب من بيتي، فكانت معظم الوقت عندي، جزى الله أمها كل خير، إذ كانت رحيمة بي لما تركت لي عائشة عندما أحتاجها أجدها بجواري، فكانت تأتيني وتقوم بأعمال البيت عندي حتى لا أشقى أنا، وتذهب تجهز الطعام لي ولها وتقول لي: أمي عندها أختي في البيت بتنضف البيت وتجهز الأكل ليها ولبابا، و خليني أنا عندك هنا، هو مينفعش أجيب هدومي وأقعد هنا؟
وضحكت وضحكت لضحكتها الطفولية وعقلها الناضج وكأنها صاحبة ثلاثون عام!
كنت أحبها حبا شديدا وتعلق بها قلبي هي وشمس بعدما ماتت أمي وذلك بعد موت أبي بسنة واحدة فأصبح البيث فارغا من روحهما، وكان مصاب فقدهما عظيم، ولكن الحمد لله الذي علمني ورباني كيف أتأدب مع قضاءه وقدره.
فصبرت وتحملت، وكان أخي يسكن هو وزوجته وعياله فى بيت مجاور لبيت أبي، فأراد مني أن أنتقل للعيش معه عن العيش بمفردي ولكني رفضث فتركني جزاه الله عني خيرا، وكانت عائشة تؤنسني كثيرا بل وأحيانا كانت تبيت معي بجواري وفي حضني.
أصبح عمر شمس ٢٣ عاما، وعمر عائشة ٢٤، وتخطيت أنا ال ٥٥ عام.
سمعة شمس كانت بتتنقل من بلد لبلد، وكل الناس تقول عنه الشيخ شمس الدين، والبلد الي بيبعت مرسال إنه هيخطب فيها الجمعة، كانت الناس بتتجمع عشان تسمعله من كل حدب وصوب، كان معلم في نفس الوقت وبيدي دروس في المسجد وله طلبة علم وطلبة العلم بتوعه كان بيبعتهم للقهاوي والنوادي عشان ينصحوا الناس ويذكروهم بالله، وتاب على يده الكثير فضلا عن الذين أسلموا على يده.
خرج في لقاء تلفزيوني ذات مرة، ولما علمت قفز قلبي من صدري فرحا به وروحت أشاهده، وجلست أبكى إلى ما شاء الله لي أن أبكي فرحا وفخرا به وشوقا إلى أن أحتضنه ولو لمرة واحدة!
لما كان عمر شمس ١٥ سنة، قولتله: يا شمس الدين، تواصلت بمعارفي في الدعوة وكلمت شيخ كبير جليل ثقة منهجه سليم نحسبه والله حسيبه أنه على خير ولا نزكي على الله أحد، وكلمته عنك وهتروحله تكمل عنده وقتها بكى مرة تانية وبكيت معه ولم أتمالك نفسي وقولت له: يا بني، أنت مني بمنزلة الابن من أمها، لن أنساك ولن تنساني، وأكيد هتيجي تزورني وتجيبلي هدايا زي ما بتعمل صح؟
_ أكيد يا أمي، الي علمتهولي مكفيني أكمل مشوار الدعوة وحدي، أنا واثق إني هوصل وهحقق حلمك وهكون شمس الدين الي هتخرج تمحي الظلام الي حاصل في بلاد المسلمين وفي عقيدة المسلمين إلا من رحم ربي، ولما أوصل لكدا مش عايز الناس تقول: أصل شيخه اللي علمه الشيخ فلان.
مش عايز الفضل الي هيرجع ليك بعد ربنا بسبب ال وصلت له، والي هوصله يتقاسمه معك حد.
هتكوني أنت الأولى والأخيرة الي علمني في الدنيا وربنا أرسله ليا.
- بس يا شمس أنت لسه عندك ١٥ سنة، لازم تكمل عند شيخ يا بني!
_ وأنا بقولك يا أمي إن العلم الي زرعتيه فيا مكفيني عشان أقدر أكمل لوحدي ومش هحتاج لشيخ.
وصدق شمس، وصدق ظني فيه وأكمل مسيرته الدعوية بمفرده بدون شيخ!
كان كل أسبوع بيجيلي يسأل عن حالي فقط ويمشي.
وأحيانا كان بيجي يسألني عن مسألة في الفقه مش قادر يفهمها، أو مسألة ميراث مش عارف يحلها.
لغاية ما تخرج من كليته من الأزهر الشريف كلية شريعة إسلامية.
أما عائشة، فمن أول سنة لها في الجامعة كانت بتخطب في المساجد وكانت بتدي دروس للبنات فى مسجد الجامعة وكان كل الي في البلد يتكلم عنها وعن حسن حياءها واحتشامها وخجلها.
لغاية ما تخرجت وفضلت في البيت بتقضي معظم وقتها معي وفي الدعوة للنساء، وأنا بدأت أضعف وصحتي تضعف.
جاءت عائشة في مرة كانت تبيت معي فيها وقالتلي بعد ما لاحظت عليها التوتر والارتباك.
_ ماما، عايزة أقولك حاجة.
أول ما بصيت عليها وسبت المصحف، لقيتها بتهرب مني بنظراتها وبتبص في كل حتة عدا إنها تبص في وشي!
فرجعت قفلت المصحف وقولت لها: من غير ما تقولي، أنا عارفة عايزة تتكلمي في إى.
_بجد؟ عرفت إزاى طيب؟
- يا بنتي أنا مربياك بقالي ١٥ سنة، كل يوم بتكوني معي فيه، فلو معرفتش بنتي بتفكر في إي، أبقى بئس المعلمة والمربية أنا._ متقوليش على نفسك كدا طيب خلاص آسفة، طيب هو قالك حاجة؟
- لأ مقاليش، وشمس عمره ما يقول حاجة زي كدا، هو ابني برضه وربيته زيك وعلمته كيف تكون عنده مروءة ونخوة، فعمره ما يبوح بحاجة زي كدا إلا لما يجي وقتها.
_ طيب أنا محرجة أتكلم أكتر من كدا، بس أنا بطلت أدعي بيه من وقت ما سألتك أخت في درس قبل كدا هل ينفع الواحدة تدعي إن ربنا يرزقها بزوج معين، وأنت قولت لها: مينفعش، ممكن الشخص الي بتدعي بيه دا يكون إنسان سيء الخلق في الباطن وبيخفي دا وأنت متعرفيش كدا لأن الظاهر بتاعه قدامك كويس، لكن ربنا علمه غير محدود، ويعلم ما نسر ونعلن، فهو يعلم سبحانه مدى صلاح حال فلان من عدمه ودا من الباطن بتاعه الي ربنا بيعرفه وإحنا لا، فأنت تدعي بصفة عامة وتقولي: اللهم ارزقني زوجا صالحا ترضاه لي.
غير كدا يا حبيبة لما بتدعي بشخص معين، كدا الشخص دا الشيطان هيمكنه منك وهينصرف حبك له بدل ما كان لله وحده!
ولما ينصرف حبك للعباد بتنسي بعد كدا رب العباد وقلبك هيبدأ يتعلق بالدنيا، وإحنا اتفقنا إننا مش بنفكر في الدنيا أبدا وكل همنا فيها الإصلاح ما استطعنا لأننا خليفة الله في الأرض، بعد ما نصلح الأرض بنروح لمكاننا الحقيقي والأصلي والي هو الجنة.
- أحسنت يا عائش، دا أنت حفظت الاجابة كمان ههه
_ يا معلمة، كل همسة منك بحفظها ^^
بس أنا أكبر منه بسنة، وأكيد دا ممكن يكون عائق أو ممكن يكون هو كمان مش بيفكر فيا زي ما بفكر فيه كزوج صالح ومناسب، عارفة يا أمي، أنا مش عايزاه عشان شهوات ودنيا وكذا، أنت ربتيني على عدم حب الدنيا والحمد لله ربنا نزعها من قلبي، لكن نفسي أنا وهو ننجب ذرية صالحة إن شاء الله، ونربيها زي ما ربتينا أنا وهو وتطلع تمسك راية الدين من بعدنا وتحارب وتناضل عن دينها.
وهسمي ابني سفيان إن شاء الله راجية من الله إنه يكون زي سفيان الثوري رحمه الله ورضي عنه.
كنت بشوف في عيون عائشة نفسي لما كنت في سنها وشغفي وأحلامي الي ببنيها وإنه كان نفسى لما أتزوج وربنا يرزقني ذرية صالحة واسمي ابني "شمس الدين " وابنتي عائشة أو خديجة وحفصة.
فضلت أدعي الله الليل كله وعائشة نائمة، أن يجمع بينها وبين شمس الدين في الحلال وأن يرزقهم الذرية الصالحة ويجعلهم ذخرا للإسلام والمسلمين وألا تمر بما مررت به أنا، ولما تذكرن ومر علي شريط حياتي وما عانيته بكيت حتى رحمني الله وأغشاني الثعاش فنمت حتى أيقظتني عائشة لصلاة الفجر.
اجى شمس الدين يزروني، كل الناس نسيت إن اسمه عمر، لقبه المعروف في كل حتة هو شمس الدين ولو حد قال عمر محدش بيعرفه.
جاب معه هدية كالعادة وكانت هدية مختلفة! تذكرة سفر لأداء عمرة في شهر رمضان!
وقال لي: أرجو أن تقبليها مني يا أمي، متضيعيش تعبي وأنا بعملك باسبورت السفر وبجهز لكل حاجة من غير ما تاخدي بالك، واستعنت بالأستاذة عائشة عن طريق أخوها وكانت بتجيبلي صورة لبطاقتك وكل ورق بحتاجه عشان أخلص لك أوراق السفر
كانت رجلي مش شيلاني من الفرحة عندي ٥٧ سنة، فقلبي لم يتحمل أني هزور بيت الله الحرام وأطوف بالكعبة في آخر أيامي.
*يـــــــــ͢ـོ͓ـــتبــــــــــــــོـ͓ـــ͢ــ؏*