الفصل 2
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵حور* 👱🏻♀️
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#الجزء_الثاني 🌿
كتم المُصاب بيكون أصعب من المُصاب نفسه، حياتي الكئيبة الي كنت عايشة فيها ومكنش بيعدي علي يوم من غير بكاء وحسرة حتى علاج الورم الي عندي بطل يجيبه ليا وقالي: خلي بابا يجيبهولك.
مكنش حد يعرف عني حاجة، لكني قولت لأهلي لما تزوج علي، إنه عندي مرض بسببه جالي عقم ومش هخلف، وإنه حقه يتزوج.
قبل ما يطلقني بيومين روحت عند أهلي ومهدت لهم الأمر وإني مش عايزة مشاكل ولا محاكم ولا فلوس ولا مؤخر ولا أي حاجة، بس عايزة أطلق بالمعروف وبكل هدوء.
الحمد لله طلقني ورجعت تاني لبيت أهلي بشكل دائم وشاع في البلد عندي إن بنت فلان اتطلقت عشان مش بتخلف.
رجعت أدي دروس في المساجد من تاني، ورجعت لحياتي الدعوية بعد ما توقفت فترة كبيرة من تاني، وأهلي عالجوني والحمد لله تم شفائي على خير من الورم الحميد الي كان عندي.
بدأ مشواري الدعوي يكبر، كنت بروح كل المساجد في محافظتي أعلم النساء أمور دينهن، الناس كانت تعرفني بشكل كبير، فكانوا بيسمعوا بخبر إني هإجي مسجد كذا يوم الجمعة، فكان كل رجل في المنطقة الي بروح عندها يبعت مراته وبناته، والي مش بيقولها أبوها كانت بتقوله: المعلمة حور جاية يوم الجمعة يا بابا لو سمحت بعد إذنك هروح معك لصلاة الجمعة وهقعد أحضر درسها.
هكذا كانت النساء تخبرني وتحترمني.
كانت أطفال البلد بتيجي عندي كل يوم اثنين أحفظهم قرآن وأدرس لهم علوم شرعية، كنت بشعر فيهم شعور الأم اتجاه أولادها، يمكن لأنني حرمت الأطفال للأبد!
كان منهم طفل يدعى عمر، أرسلته أمه لي وهو عنده خمس سنين.
وكانت منهم طفلة اسمها عائشة عندها ٦ سنين.
بسبب نبوغهم وسرعة حفظهم وفهمهم بدأت أركز عليهم دونا عن باقي الأطفال، اعتبرتهم أولادي اللي اتحرمت منهم، وبدأت أفتش في كتبي عن الجدول والخطة الي كنت حطاها عشان كل واحد من أبنائي يختم القرآن وهو عنده ٦ سنين.
الحمد لله لقيتها وبدأت أطبق كل حرف كتبته من ٦ سنين مع عمر وعائشة.
وأضفت للجدول دراسة باقي العلوم الشرعية، فبدأت أشرح لهم تفسير لقيتهم مستوعبين جدا جدا، فزدتهم في علم الحديث قولت لعمر: يا عمر أنت من الآن اسمك عندي ولقبك هو "شمش الدين" طلبت من أهلهم إنهم يجيولي البيت ثلاث أيام فى الأسبوع، غير باقي الأطفال يوم واحد فقط!
شمس الدين ختم القرآن وحصل على الإجازة فيه وهو عنده ٧ سنين حفظ بالتفسير وعائشة كذلك وهي عندها ٨ سنين، حفظوا القرآن بتفسيره في سنتين، كانوا بيحفظوا زي بعض، ونفس المقدار، ولما واحد منهم يتهاون في الورد بتاعه، كان التاني بيشجعه وعلمتهم حاجة يقولها لبعض لما حد فيهم يفتر ويتهاون، فكان شمس بيفتر كتير وكانت عائشة بتقوله: يا أخي شمس، لا تتركني أسبقك.
أهلهم عملوا ليهم وليمة كبيرة في البلد لما ختموا، وأصروا إني أحضر الوليمة دي، فروحت حضرتها ورأيت مالم يسر عيني أبدا!
رأيت أحمد يحمل ابنا له في عمر ٦ سنوات تقريبا، وبجواره زوجته كما تركتها، متبرجة كما هي.
حاول الشيطان يقولي: شوفي هو ظلمك أهو ورغم ذلك ربنا أعطاه الي هو عايزه، وأنت يا مسكينة بتطيعي الله شوفي بقالك كام سنة وحرمك من الأطفال وعمرك ما هتخلفي!
في اللحظة دي اتعلق في رجلي طفلين، لما نفضت الأفكار دي عني ونظرت لهم، لقيتهم شمس وعائشة، كل واحد فيهم عايز يمسك إيدي يقبلها وقالوا مع بعض: أعطينا يدك يا أماه نقبلها، فإن كانت الأم تقاس بالفضل فأنت أمنا، نعم الأم أنت.
وأخذا يدى يقبلانها.
فجلست على الأرض، أحتضنهما وأقبلهما وأبكي.
شمس وعائشة، لما كان عندهم ١٢ سنة، وعائشة ١٣ كانوا حافظين المتون، والقرآن بالقراءات العشر، و٣٠٠ حديث!
كانوا بيدخلوا مسابقات شتى، وكل مرة بياخدوا المركز الأول، وكل مرة أحس بفرحة في قلبي وكأني أسعد واحدة فى العالم أجمع!
فكرت أجمعهم وأقولهم إنهم كبروا خلاص والحدود لازم تتحط بينهم لقيت شمس جاء لي قبل ميعاد الدرس بنص ساعة قبل ما عائشة تيجي، ولأول مرة أشوفه حاطط عينه في الأرض وهو بيكلمني وبيغض بصره عني ..
_ أمي لو سمحت، عايز أكلمك في موضوع قبل ما تيجي الأستاذة عائشة
قولت في نفسي (امممم، بيغض بصره وأستاذة عائشة وجاي بدري!
خلاص فهمت)
- اتفضل يا شمس، سمعاك.
_لازم تفهمي عائشة إننا كبرنا خلاص ومعدش هناخد دروس مع بعض تاني خوفا من الفتنة وغير كدا دا مينفعش، أنا في سادس ابتدائي دلوقتي وهي دخلت أولى إعدادي، يعني لازم نحط حدود، أنا مش هنادي عليها باسمها بدون ألقاب تاني، ومش هسألها في الحفظ بتاعها
تاني، ولا هقولها: لا تتركيني أسبقك دي تاني، ولا ههزر معاها تاني، لأنها أجنبيه عني.
- بوركت يا شيخ شمس، وأنا كنت هجمعكم مع بعض وأكلمكم في الموضوع دا ولكنك سبقتني، بالمناسبة عائشة لبست النقاب.
_ إي دا بجد؟ من آخر حصة هنا في الأسبوع الي فات ومشوفتهاش.
- دا لأنها قررت متخرجش كتير عشان الفتن الى أنت شايفها دي.
_ طب كويس فرحتيني والله، أنا نفسي أكبر بسرعة عشان تطلعلي دقن وأكون زي النبي صلى الله عليه وسلم.- إن شاء الله يا شمس، قولتلي أهل البلد طلبوا منك تصلي بيهم التراويح اليوم؟
_أيوا وبصراحة خايف.
- من إي؟ أنت حافظ كويس وبتراجع وردك خمس أجزاء كل يوم، يعني أظن مافيش مشكلة؟
_ لا يا معلمة، خوفي مش من الحفظ، أنت عارفة القرآن مطبوع في قلبي قبل عقلي، وعارفة إنك لو سألتيني عن أي آية دلوقتي هقولك تفسيرها وسبب نزولها ومدنية ولا مكية وأقولك الآية الي بعدها والي قبلها، الفضل لحضرتك بعد ربنا طبعا، بس خايف من الرياء، خايف أحب مدح الناس في صوتي واجتماعهم حولي فنيتي تتغير، وبدل ما أتعلم لوجه الله، أتعلم عشان أكسب مدح أكتر من الناس.
كلام شمس كان كلام رجل عنده على الأقل ٢٥ سنة عشان يفكر بالطريقة دي، بس شمس العلم هذبه وعلمه، مافيش حد بيحفظ القرآن بتفسيره، والعدد الهائل دا من الأحاديث، الا وعقله يكبر ويسبق الأحداث وسنه والمنطق ذات نفسه لكني مكنتش متوقعة برضه يفكر بالطريقة دي.
كنت شايفة إن شمس الدين هيكون له من اسمه نصيب، خاصة الحرب القائمة على الإسلام من كل جهة، حتى من بعض المسلمين أنفسهم!
فكنت بقوله وهو لسه بيدرس عندي لما كان عنده ٥ سنين: يا شمس، أنت شمس الدين الي هتخرج تنور من تاني وتمحي الظلام والفساد وجهل الناس بدينها، أنت لازم تكون عالم يا شمس وتمسك راية
الإسلام وتدافع عنه.
شمس كبر وعنده ١٢ سنة وبيفكر في الإخلاص فى العمل وخايف! ودا لأنه بيقرأ كتير فى سير أعلام النبلاء وسير السلف الصالح كله وصولا للنبي صلى الله عليه وسلم.
- امممم، طيب يا شمس.
بس عمرك شوفت واحد بيسرق وبيقول جوا نفسه: خايف السرقة تكون حرام؟
_ لا طبعا، السارق بيكون له حال من اتنين، يا إما مستحل الي بيعمله دا، والاستحلال دا مش هيجي غير لأنه ضميره ونفسه اللوامة عليه ماتت خلاص، يا إما الحال التاني وهو إنه بيعمل كدا وهو عارف إنه حرام.
- طيب حلو، إذا مستحيل تشوف مرائي بيقول خايف!
خوفه دا دليل على إخلاصه، لأن المرائي دا مش بياخد باله يا بني إنه مرائي أصلا!
_ طيب أعرف إزاي إني مش مرائي فعلا؟
- سؤالك وهمك الي ظهر عليك دلوقتي وأنت بتتكلم في المشكلة دي، لأنك لو مرائي مكنتش جيت ولا سألت، خاصة إن المرائي دا لو حد قاله إن الي بيعمله دا رياء، هينكر تماما، فما بالك واحد بيتهم نفسه!
وعايز تعرف إنك مش مرائي، لما تلاقي نفسك مش بتهتم بمدح الناس ولا قدحهم وبتقول الحق ولو على رقبتك، وليرضى من يرضى وليسخط من يسخط، ومش بتدلس على دينك، وإياك في يوم يا شمس تكون من شيوخ السلطان!
سفيان الثوري فضل هربان ٢٥ من السلطان عشان كان عايزه معه!
ودي فتنة عظيمة يا بني.
_هو لي مكنش ينفع تكوني أمي بجد!
أنا بتغم وبحزن كل ما أفكر إنه لما أكبر مش هقدر أقبل يدك وهتكون بيننا حدود ومسافات.
نهرته بسرعة وغضبت عليه وقولت له:
شمس! إي الي بتقوله دا؟ كان نبيك الكريم لا يقول: لو كان كذا كان حدث كذا ولو لم يكن كذا ما كان كذا.
ما شاء الله كان ومالم يشأ لم يكن يا بني، التزم حدود الأدب مع ربك ولا تقل له: لي المعلمة بتاعتي مكانتش أمي!
وبعدين شويا كدا وهدورلك على شيخ ثقة هتكمل معاه، فاهم؟
عينه اتحلت دموع فبص بعيد عني وحاول يهدأ من نفسه، فرق له قلبي وتفهمت وضعه الذي هو أيضا وضعي! فشمس مهما يكن عندما يكبر سيكون أجنبي عني!
في اللحظة دي وهو بيمسح دموعه بكف إيده الصغيرة، جاءت عائشة تجر خلفها عباءتها الطويلة، فلما دخلت ألقت السلام ونظرت لشمس نظرة سريعة وقالت لي وقد أقبلت علي تقبل يدي ورأسي: كيف حالك يا أمي؟ عساك بخير.
ولم توجه أي كلمة لشمس الذي كان يضو رأسه في صدره متحاشيا النظر لي ولها.
فاستأذن ومشى.
كان الله وحده يعلم كم كنت أحبهما :"))
*يـــــــــ͢ـོ͓ـــتبــــــــــــــོـ͓ـــ͢ــ؏*