الفصل 1
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵حور* 👱🏻♀️
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#الجزء_الأول 🌿
بعد الفرح ما خلص، طلبت منه نصلي العشاء جماعة مادام فاتته صلاة الجماعة في المسجد.
لقيته بيهرب من طلبي دا وبيقولي: أنا فرحان الليلة وعايز أقعد مع مراتي شويا.
- طب والعشاء؟
_ هصليه بعدين
- كيف بعدين ؟ أنا مصدومة! مش أنت الي كنت مش بتسيب فرض في المسجد إزاي بعدين؟ وقت العشاء قرب يخرج!
_قولتلك بعدين يا حور!
دخلت صليت قبل ما وقته يخرج وفضلت أبكي لأن شكوكي طلعت في محلها وأنا الي مرضتش أحكم على نيته وقولت إني ماليش الحق التدخل فيها.
اتخانقنا في أول ليلة لينا وقضيت الليل كله بكاء، كنت أتمنى أتزوج واحد صالح.
بعد آذان الفجر بعشر دقايق خبطت عليه عشان أصحيه يصلي، قالي:
_خلاص يا حور، روحي صلي أنت.
وقتها افتكرت لما واحد قال قدامي: في واحد جيرانا كان عايز يتقدم لبنت لكنه وحش السمعة جدا، قبل ما يتقدم لها بشهر بدأ يواظب على الصلاة في المسجد فرض بفرض وبطل شتايم وسباب وحكم، لغاية ما خطبها وسألوا عنه كل الناس محبتش تجيب سيرته القديمة ..
وقالت دا اتغير خلاص وربنا يستر على عباده، المهم لما اتمكن منها، رجع لعادته القديمة، مش بيصلي، بيسب الدين وبيشتم ورجع زي ما كان.
رحت صليت الفجر وبصيت على فستان فرحي الي معلق في الشماعة بحسرة وبكيت من كل قلبي وعرفت إني في حضرة القضاء والقدر، فوجب عليا التأدب مع الابتلاء دا لغاية ما يمر، تحول دعائي لــِ اللهم ارزقني الرضا بعد الصبر.
كلمته بعد ما هديت وقولتله: لي عملت كدا يا أحمد؟ كنت عارف حرصي الشديد على اختيار زوج ملتزم، لي خدعتني وفهمتني إنك ملتزم؟
أرجوك يا أحمد، رد عليا، أنا عمري ما أذيتك ولا تمنيت ليك الشر، ولو أنت كنت ملتزم وأنا لا، وعرفت إنك حريص على الحصول على زوجة صالحة، كنت هبعد عنك بالمعروف وأتمنى ليك كل خير يا إما أحاول اتغير ولو فشلت كنت هبعد والله! لي كدا يا أحمد لي ؟
وبدأت أبكى.
_ يا حور اهدي، كفاية الليلة الي فاتت قضتيها كلها بكا وكأن حد ماتلك.
هقولك الحقيقة، بصراحة لما سمعت عنك قولت هي دي الزوجة للي يتمناها أي حد، هي دي ال هقدر أأمنها على بيتي وعيالي وشرفي وأنا قلبي مطمن، من كتر البنات الي كلمتها وشوفتها فقدت الثقة في كل البنات، لغاية ما ظهرت أنت، مسكت فيك بإيدي وسناني وقولت هي دي خلاص.
- البنات الي كلمتها؟ أنت كنت بتكلم بنات كمان؟
_بصراحة آه، عشان كدا فقدت الثقة في البنات كلها!
- بس أنا إي ذنبي؟ ماهو زي ما أنت عايز واحدة تصونك، أنا كمان كنت عايزة واحد يصوني ويعوضني عن كل حاجة فاتت!
مش مسامحاك يا أحمد!
فضلت عايشة معه سنة كاملة، محدش يعرف عن مصابي دا من أهلي ولا صحابي ولا أي حد، إلا الله عز وجل.
فضلت أدور على حل غير الانفصال، خاصة إنه كان بيصلي شهر، وبيوقع منه شهرين.
الوضع كان صعب على قلبي، عمري ما كنت أتخيل إني أتزوج واحد مش بيصلي
عمرها ما كانت في الحسبان.
الصدمة كانت صعبة على قلبي وبسبب قلة الأكل والحزن فضلت أسبوعين مريضة وأصبت بالحمى.
وقتها شوفته وهو قلقان علي وبيقولي قومي بالسلامة ووالله هصلي وهلتزم ومش هسيب فرض، ردي عليا يا حور؟ كلميني طيب؟
لما يئس إني أتجاوب معاه وأكلمه، قولتله: اتصل بأمي تجيلي بالله ..
نزل يجري واتصل بأمي وقالها اجهزي يا حماتي مع بال ما أجي آخدك......لا مافيش حاجة حور بس عايزاك.... متقلقيش خير والله.
فضلت أمي معي طول فترة مرضي، كانت الحمى تقيلة علي جدا لدرجة إن عملية الوضوء كانت صعبة جدا فكانت بتساعدني، وكنت بلاحظ إن أحمد بدأ يصلي فعلا وينتظم وكمان في المسجد الي جنبنا.
فترة مرضي عدت على خير وبدأ أحمد يتغير فعلا وبدأت أفرح بيه ومعاملتي تتفير معاه للأحسن.
لكن مازال حظي من الابتلاء واقع ولم ينتهِ.
اكتشفت إني مصابة بورم حميد في الغدة الدرقية أدى إلى عقم للأبد عندي، عقم مالوش علاج والدكتورة صارحتني بكدا حتى لا أكون ضحية للأطباء الذين يتاجروا بمرض مرضاهم، قالتلي بنبرة حزينة:
للأسف يا مادام حور، ولكن متيأسيش هنعالج الورم دا إن شاء الله، وأمر الإنجاب دا اتركيه لله فلا شفاء إلا شفاؤه.
أحمد فضل ساكت طول اليوم، أما أنا فالحمد لله الذي ربط على قلبي واحتسبتُ عند الله مصابي ودعوته سبحانه أن يرزقني الرضا بعد الصبر.
بعد شهر رجع تانى لحياته الأولى وترك الصلاة، وقتها استخرت ربنا وخدت قرار الانفصال عنه.
- أحمد لو سمحت عايزة أتكلم معاك في موضوع.
دلوقتى أنا شايفة إنه مافيش أي داعي نكمل مو بعض، أنت عارف إني مستحيل أكمل معالا وأنت مش بتصلي.
لقيته اتعصب وحسيت إنه طالع من عينيه نار مش بس غضب وقام مزعق وقالي: مافيش داعي لإي يا اختي؟ مش كفاية صابر. وساكت، وحنيت عليك وأنت زي الأرض البور ما بتخلفيش وسبتك تعيشي؟ .. قرفاني مش بتصلي مش بتصلي، أنت الي هتحاسبيني ولا إي؟ طلاق إي يا ماما؟ مافيش طلاق انسي!- هتنازل ليك عن مهري الي كتبتهولي، مش عايزة حاجة، بس أرجوك خلينا ننفصل بالمعروف و روح تزوج وخلف عيال وعيش حياتك وسيبني أنا كمان أعرف أعيش حياتي.
_ تتنازلي؟ سبيني أقلبها في عقلي وهرد عليك.
بعد أسبوع بالضبط قالي: أنا قررت إني أتزوج.
فرحت وقولت الحمد لله يبقا هننفصل.
لكنه وقعني على جذور رقبتي وقالي: بس هسيبك على زمتي أول شهر جواز بعد كدا هطلقك.
- لي؟ اشمعنا يعني؟
_ هحتاجك في أول شهر جواز، عايز أعيش شهر عسل زي الناس مش كفاية نكدت علي أول سنة جواز ولا كأني متنيل على عيني متزوج!
- طيب هتحتاجني في إي؟
_ تخدميني أنا وهي.
صعقت من رده وحسيت إن نبضات قلبي بتقل ومش عارفة أتنفس لكنه كمل كلامه بعد الشهر دا ما يعدي وتعملي لينا أكل ما لذ منه وطاب وتنضفي البيت في الوقت الي هنخرج فيه أنا وهي نتفسح وأعيش شهر العسل الي بحلم بيه، أوعدك هطلقك، دا طبعا بعد ما تتنازلي عن مهرك لي، لأن دا يعتبر خلع، ولا متعرفيش؟ أنا عن نفسي مش عايز أطلق وعايزك تكوني في البيت تساعدي مراتي الجديدة في شغل البيت خاصة لما تكون حامل، مش هتقدر تعمل حاجة.
لكنك أنت الي عايزة تطلقي.
سبته ومشيت وفي قلبي ألف حزن وكسرة نفس، أنا كمان كان نفسي أخلف ويكون عندي أولاد وأربيهم أسوداً للدعوة، دا أنا عاملة جدول وخطة أمشي عليها من قبل ما أتزوج عشان كل واحد من عيالي يختم القرآن وهو عنده ٦ سنين، كل دا راح!
اللهم لك الحمد، وإنا لله وإنا إليه راجعون، وحسبي الله ونعم الوكيل.
كانت أول مرة أقولها: حسبى الله ونعم الوكيل، واستنيت عدل ربنا وحقي الي اتسلب مني من غير حول مني ولا قوة.
مر الشهر الي اتفقنا عليه والحمد لله الذي هونه علي، تزوج امرأة لا تعرف عن دينها شيء إلا قطعة القماش التي تضعها على رأسها!
كنت أشمئز منهما وما يفعلانه، كانوا بيخرجوا كل يوم ويقولي كأني خدامة فعلا: حضري العشا يا بت ونضفي البيت لغاية ما نيجى.
مكنش بيقولي غير يا بت!
عرفت بشكل أو بآخر إن دي كانت خطة صاحبه، صاحبه فهمه وقاله إن دي عيبة في حقه إني أطلب الطلاق، وإنه لازم يذلني ويكسرني قبل ما ننفصل عشان أعرف إني كنت متزوجة واحد حنين وأنا الي استدعيت غضبه بإيدي لما مكنتش بسمع كلامه!
*يـــــــــ͢ـོ͓ـــتبــــــــــــــོـ͓ـــ͢ــ؏*