زوحتي ربع مافيا - الفصل الرابع - بقلم هبة عبد الرحمن | روايتك

رواية (زوجتي ربع مافيا) الفصل الرابع للكاتبة هبة عبد الرحمن في قصر عيلة محمود الدسوقي عائشة :محمود يا نور عيني حمدالله على السلامه يا جلبي إية إللي عملته ده يا محمود كدا يرضيك وجع جلبي محمود بخضة :مالك يا عيشة سلامتك من أي وجع عائشة :الغفير قالي إنك رحت عند قصر الاغراب وواخد معاك رجالة وسلاح إتخلع جلبي عليك لية يامحمود تروح عندهم إنت عارف ان بنا عداوة وحمدان كل هدفة قتلك تقوم تروحله برجليك محمود بحب :ماتخفيش يا حبت الجلب انا زين وبخير ومتخافيش يا ستي مابقاس بينا وبين الأغراب عداوة خلاص إتفقنا علي النسب عائشة :نسب إي يا جلبي محمود :عيزين نجوز إبننا علي من بنتهم ونفض العداوة عائشة :إنت بتقول إي يا محمود علي مستحيل يوافق دا ما بيطيقش سيرتهم يقوم ياخد بنتهم ولا حمدان ده بالخصوص إللي كل ما يطلع يخرب الارض اللي علي مضيع عمره عليها محمود :ودي مهمتك يا حبت الجلب إنك تليني دماغ علي وبعدين العروسة مش وحشة يعني دي الدكتورة بنت حمادة وإنتِ عارفة حمادة طول عمره محترم ومالهوش في المشاكل وفي حاله في غرفة علي علياء :عملت إي يا علي علي :هعمل إي الله يعوض علينا زرع السنة كله راح منهم لله الاغراب علياء :وبعدين يا علي انا خايفة بابا ولا عمي عزيز يتهوره ويعملوا حاجة تإذيهم ولا تدخلهم السجن ربنا يستر علي :لاء متخافيش معملوش حاجة دول كمان إتصالحوا مع الأغراب لاء وكمان عوزيني أتجوز بنتهم علياء :يانهار أبيض وهتعمل إي هتتجوزها علي بإبتسامة شر :انا لو عليا رافض بس أبوكي شكله موافق بس دا علي جثتي لو حصل حتي ولو علشان كلمة أبوكي إتجوزتها هطلع عليها القديم والجديد علياء :إنت مجنون يا علي يعني هم عايزين يجوزوهالك علشان ينهو العداوة وإنت عايز تولعها من جديد علي بصدمة :إنت مجنون يا علي إنتِ نسيتي نفسك يا علياء إسمي المهندس علي علياء بضحك :يعني اللي مدايقك إني قولت علي من غير مهندس ومجنون لاء هي إي يا إخواتي عقدت المهندسين دي طب ما الدكتور دكتور ومش كل شوية يقول انا دكتور انا دكتور زي ما إنتم بتعملوا ولا المحامي ولا الظابط إيشمعنا المهندس إللي كل ٣ثواني يقول انا مهندس الكاتبة /هبة عبد الرحمن تتمني لكم قراءة ممتعة عند أدهم وهو داخل مكان الفرح هو وسهر لسة بيقول السلام عليكم وجد حوله الكثير والكثير من السلاح موجه نحوه أدهم :إهدو يا جماعة وصلوا علي النبي وبعدين إنتم سيبنها وموجهين السلاح عليا لي العريس :متقلقش هنموتها بعدك عالطول أدهم :الله يطمن قلبك 😊 سهر :والله يا خالي هو إللي قالي تعالي معايا وانا هقنعهم يلغو الفرح ومايجوزوكيش الخال :كمان بعد اللي عملته مش عاوزها تتجوز وتتستر إتشاهد علي روحك أدهم بصدمة :الله يخرب بيتك والله ياحاج إنت فاهم غلط أنا قبلتها بالصدفة وخفت عليها من اليل والصحرا وقالتلي إنكم هتجوزوها بالعافية وإنها هربت علشان مبتحبش العريس العريس :وبتحبك إنت صوح أدهم :ياعم إسكت هو ناقص تسخين والله ياحاج أبداً أنا قولت لها تعالي وانا هرجعك الخال :عايز تقولي إنك قابلتها في الصحرا صدفة إياك وكمان باليل لاء ورجعتها بس وهي معاك طول الطريق أدهم :والله ياحاج ماحصل حاجة من اللي في بالك دي كانت هطوخني العريس :شوفت يابوي وكمان كان عاوز ينفد بعملته علشان كدا كانت هطوخه أدهم :شوف انا لسة عارفك من دقيقتين وكرهتك ياجدع إخرس وإنت يا حاج إستهدا بالله ونزل السلاح أنا ظابط العريس :يعني علشان ظابط تدوس علي شرفنا ونسيبك طوخه يا بوي أثر بصوت جوهري :إستنا ما تطوخوش دا إتجوزها يعني مراته علي سنة الله ورسوله الخال بصدمة :جوزها كيف يعني أدهم وهو مصدوم :أنا يابني إتجوزتها أثر بغمزه لأدهم :أدهم صاحبي ياحاج خلف وطلب يدها من أبوها وهو وافج وانا اللي مجوزهم والعقد معايا يعني سهر ما عملتش حاجة تمس شرفنا الحاج خلف :إنت مين أثر :أنا المحامي أثر حمادة الغريب وعمي عاصم الغريب هو اللي باعتني أوصل بنته بيت جوزها بعد إزنك ياحاج الحاج خلف :جواز المحامين دا ما ينفعناش المأذون جوه هاته يكتب عليها جدام الخلق كلها علشان يعرفوا إنها إتجوزت ومشت بشرع ربنا أثر :هات بطاقتك أدهم وهو كأنه يحلم :إتفضل البطاقة أدهم وهو يفوق من الصدمة علي كلمة المأذون بارك الله لهما وبارك عليهما وجمع بينهما في خير أدهم :هو دا فرح مين؟