الفصل 27
الجزء الـ|[27]|ـسابع و العشرون ..
..
.
ريتاج بكل ضيق ..:كأنهم تأخروا ..
رن الجرس يقطع الكلام على ريناد قبل لا تنطق ..
أم بدر:الطيب عن ذكره ..
فتحت لهم سينيثيا الباب و دخلوا ..
وقف الكل يسلم على أروى و أمها ..
جنى و التعب واضح بصوتها:وين غزل ما جت معكم ..!!
أروى بكل ضيق:كانت بتجي .. بس تعبت علينا ..
ريناد بكل خوف و هي تجلس:عسى ما شر ..؟!
أم تركي و هي تنزل العباية:من أمس و التعب بادي فيها .. بس زاد عليها اليوم و شد قبل شوي ..
أروى بكل لوم:كله من عصير الليمون ..
أم بدر:عصير الليمون .. وش فيه أخبره زين لكل شيء ..؟!
أروى:أمي قالت لي أجيب لها عصير ليمون .. شربته عشر دقايق و ركض ع الحمام رجعته ..
أم بسام بلقة تفكير:لا يكون حامل ..
أم بدر بكل لوم:وين الله يهداك توهم امس معرسين ..
ريناد:هي كل ما كلت شيء رجعته ..؟!
أروى:اييييييييييييه .. صح عليك ..
ابتسمت جنى و التعب ملازمها:أكيد نزلة معوية ..
أم تركي بكل غيض:عاد هي ماكلة من أكلنا وين بتجيهها منه ..؟!
ام بسام:موب شرط بسبب أكلكم .. يمكن ماكلة من ذا الخرابيط اللي منتهية صلاحيتها و إلا كلت شيء بعد ما تركته مكشوف ..
ريناد بكل خوف:و تركتوها لحالها ..
أروى:تركي جابنا و قال بيرجع لها ..؟!
أم بدر:بعد ذا التركي .. !! كان المفروض تركب السيارة معكم و عقب ما ينزلكم هنا يوديها المستشفى ..؟!
ام تركي بكل ضيق:حاول فيها و كلنا جلسنا نزن عليها .. بس وش نسوي .. رافضه .. تقول ما فيني إلا العافية ..
أروى:أهم شيء الحين تركي رجع لها و إن شاء الله يقنعها .. المهم ألحين فجور موب جاية ..!!
ريتاج:إلا بتجي .. بس مدري وش بلاها تأخرت ..-رن الجرس ..
ابتسمت ريناد:أكيد هي ..
.._.._.._.._.._..
ناظرت الجوال بكل ضيق .."سكرتها ف وجهه مرتين ما يحس" ..
لفت أميرة على لمى ..:هااا وش رايك ..؟!
لمى بكل إحراج:وش فيه ..؟!
الجوهرة بكل لوم:قلت لك موب معنا .. بالها مع هالجوال اللي ينور من نص ساعة ..؟!
لمى بكل توتر:صديقتي كل شوي تدق أكيد درت إن رفضت ولد أخوها و ما أبي أرد عليها ..
أميرة و الجوهرة .. بصوت واحد كله صدمة:رفضتييييه ..!!
لمى بكل إحراج:ايه ..!!!
الجوهرة بكل استغراب:صراحة كلنا قلنا بتوافقين بما أنه يقرب لصديقتك ..!!
لمى:بس ما ارتحت للسالفة .. و صداقتي معها ما راح تتأثر إن شاء الله ..
أميرة:و ليش ما رديتي عليها طيب ..
لمى:توني اليوم وصلت رفضي لهم .. يمكن تكون معصبة أو شيء ي كذا ..!
الجوهرة: و أنتي الصادقة قفلي جوالك أجل ..
ابتسمت و هي ترفع الجوال .. و تسكر السماعة فـ وجهه سلطان لمرة الأربعة و عشرين ..
و تقفل الجوال ..
رجعت ترفع رأسها:ايه وش كنتوا تقولون ..؟!
قربت أميرة و بكل حماس:كنا نفكر نسوي اكشن ف البيت عشان الكل ينسى موضوع نوف ..
لمى بقلة صبر:وشلون آكشن ..؟!
الجوهرة:يعني أسوي نفسي مريضة .. أو وحدة مننا تسوي نفسها مغمى عليها .. نبعد النظر عن نوف ..
لمى:بس هالشيء ما راح يفيد نوف بشيء ...؟!
أميرة:بلاك ما تعرفين نوف .. صح قوية و مسترجلة .. بس ما تحب تكون الأنظار عليها ..
لمى بكل استغراب:أنا أخبر اللي يسترجلون .. يسوون كذا عشان يتمنظرون عند الناس ..
الجوهرة بكل ضيق: إلا نوف ..
أميرة:لو بيدنا ألفنا حادث بس ما معنا ولد يدبرنا ..
دخلت عليهم بعد ما سمعت كل كلامهم .. نهى:السلام عليكم ..
التفت الكل عليها ..:و عليكم السلام ..
لمى بكل توتر:ها بشري ..؟!
جلست على طرف السرير و هي تناظرهم بكل لوم:تعبتوا نفسكم بالتفكير عشان نوف ..
الجوهرة بكل ربكة:سمعتي كلامنا ..؟!
نهى و هي تنزل الطرحة:من أوله بعد ..
أميرة:خلك من كلامنا .. ليش ما في فايدة ..؟!
تنهدت بكل ضيق:نوف وافقت على الزواج و السفر ..
لمى .. أميرة .. الجوهرة .. بكل صدمة:وااااااااافقت ..!!
.._.._.._.._.._..
طق الباب بكل ضيق:غززززززززل .. غزززل ..
تمضمضت للمرة المية من دخلت الحمام ..:نعمممممم ..!!
تركي بنبرة أقرب للترجي:وصلت أمي و أروى و من رجعت صار لي نص ساعة واقف انتظر .. وش قاعدة تسوين عندك ..!!
غزل:دقيقة بس ..
زفر بكل ضيق ..:طيب ..
أقل من ثلاثين ثانية .. فتحت قفل الباب و طلعت ..
عقد حواجبه بكل ضيق:قبل لا أطلع قلت لك تجهزين عبايتك و تنزلين تحت ..
ناظرته بكل خوف:قلت لك ما يحتاج مستشفى ..
تركي:يعني عاجبك اللي أنتي فيه ..؟!
غزل بكل توتر:هذا أول يوم يصير لي كذا .. إن شاء الله بكرة أصير أحسن ...!!
زفر بكل ضيق:طيب انزلي للمطبخ سوي لنا لقمة نأكلها ..!!
غزل بكل صدمة:أطبخ ..!
تركي:قلت سوي يعني أي شيء .. أنا من صحيت ما كليت شيء ..
غزل بكل تردد:بسسس ..
حس بعصبيته توصل للقمة:بش وشو ..!!!
غزل:أخوانك فـ البيت ..
بكل اندفاع:محد فيه .. من قـ ..-رجع يسكت و هو يذكر سلطان أخوه اللي إعترض على توصيل أمه و أخته و عسكر بغرفته ..
زفر بكل ضيق:طيب امشي قدامي بنزل معك ..؟!
مشت وراها بكل خوف ..
نزل لتحت و هي وراه مثل الظل ..
دخل المطبخ:شوفي وش فيه ..؟!
غزل بكل خوف:طيب خلني أنادي شغالتكم عشان تعلمني بـ ..
قاطعها بكل ضيق:الحرمة تنظف غرفة أمي و عقبها بتنوم .. مو معقولة انادي الشغالة و زوجتي قدامي ..
غزل:ما قلت تسوي .. بس تعلمنـ ..
قاطعها بكل ضيق:يوووه منك .. هذا أنتي و هذا المطبخ قدامك .. نص ساعة و اللي يطلع منك جيبيه لي فـ الصالة ..
زفر بكل ضيق و هو يمشي للصالة ..
ارتبكت أكثر لما علا صوته .. حست بالخوف يرعبها لحد الموت ..
دخلت لوسط المطبخ .. و بدت تشتغل بكل شيء يطيح بيدها ..
.._.._.._.._.._..
زفرت بكل ضيق:يا قلبي عليك يا غزوول ..
أم تركي:لا تخافين تركي أكيد أنه الحين معها ..
أروى:ما فيها إلا العافية إن شاء الله سمعتي رنود تقول نزلة معوية بسيطة ..
فجر:مشكلة موب كذا المشكلة غزل حساسة بزيادة .. و عنيدة في سالفة المستشفى ..
جنى بكل ضيق:ايه و الله فـ هاذي صدقتي ..
أروى:ايه والله ساعة نقنعها ..!
ريناد:ما عليك من غزل الحين .. وش عندك تأخرتي و أنتي يوم تسكرين مني قلتي لي .. مسافة الطريق و أكون عندكم ..؟!
رجعت تبتسم فجر:زين ذكرتيني .. خلني أقولكم ع اللي صار ..
أم بدر:ما بغيتوا تفكونا من سالفة غزل .. تكلمي يا فجر وش عندك ..؟!
فجر بكل حماس:عبد العزيز يبي يخطب ..
أروى بكل حماس:أنا قايلته لـ بدا العرس فـ هالعايل موب قاضي إلا لما تفضى بيوتنا كلنا ..
فجر بكل لوم:عاد حرام عليك .. عبد العزيز كبر و يبي له وحدة تشيله ..
أم بسام:وش كبر .. حرام عليك أنتي بعد توه صغير ..!!
ريتاج:كل هذا موب مهم .. المهم هو حاط عينه على وحدة ..؟!
هزت رأسه بالنفي:لاء و هذا اللي محمسني أقولكم .. عشان تدورن له معي ..
أم تركي:المفروض تخطبين له وحدة من بنات أعمامكم أو عماتكم ..!!
أم بدر بكل ضيق:وش قصدك ..؟!
.."من مقامكم .. و على قد حالهم مثلكم .. – هذا كل اللي جا على بال الكل من دون استثناء ..
ام تركي و هي تنزل بيالة الشاي:هو صحيح أنها بتكون زوجة .. بس لازم تشيل البيت و تهتم فـ أبو عبدالعزيز الله يطول عمره .. بعد فجر نهايتها فـ بيت رجلها ..
أم بسام:وش تفرق لو خذت من أي حمولة =عايلة" ..
أم تركي:لا يا عمري القريبة بتصير أدرى .. و غير كذا أبو عبد العزيز بيصير قريبها عمها أو خالها بتهتم فيها ..
فجر و بعيونها نظرة تفكير:و أنتي الصادقة يا خالتي ..؟!
أم بدر:و الله و أنا وخيتك .. لا القرايب و الا البعاد يفرقون .. اللي فيه خير .. بيطلع منه من غير لا معرفة و لا قرابة ..
ريناد:ايه والله صادقة أمي ..
أروى:الحين البنت قالت لكم عشان تساعدونها .. تحيرونها أكثر ..!!
وقفت ريتاج:بروح أجيب الفاكهة عشان تمخمخون ع الموضوع ..
وقفت أروى معها:و الله بيمخمخون معها من غير شيء ..
أم تركي بكل عصبية:بنننت ..!
ابتسمت بانتصار و هي تبعد عن أمها ..
.._.._.._.._.._..
دق من جديد عليها .. مو قادر يحدد عدد المرات ..
بس قدر يعرف .. أنها تتجاهله عن عمد .. رمى سلطان الجوال بكل ضيق ..
و من دون قصد .. وصل الجوال لمرايا التسريحة و بثواني .. تناثر القزاز بالغرفة ..
..
من ثواني بس روق و هدت أعصابة سمع الصوت ..
و توجه تركي ركض لغرفة أخوانه ..
..
نزلت الملعقة من يدها .. و رفعت يدها الثانية على صدرها:بسم الله الرحمن الرحيم ..
..
صرخ تركي بكل عصبية:مجنون أنت ..!!!
سلطان بعصبية أكبر:أنت الحين وش تبي غرفتي و جوالي و أنا حر ..
تركي و نبرة صوته تعلا أكثر:و هذا تصرف واحد كبير .. حتى البزر ما يسوي كذا ..
سلطان:تركي اقصر الشر و اطلع برا ..
تركي:الله أعلم من اللي ناوي على شر ..
سلطان بكل تهديد:تركي ..!!!!
سحب نفسه بكل ضيق .. و توجه للدرج .. استوقفه تفكيره ..
و هو يذكر غزل .. و الأكل .. رجع للمطبخ بكل ضيق ..
صرخ فيها بكل عصبية:و أنتي ساعة لو انها ذبيحة خلصت ..!!
نزلت البيض المقلي فـ الصحن بكل توتر:خلصت .. خلصت ..
تركي بكل عصبية:يا الله الحقيني .. بالصينية لفوق ..
هزت رأسها بكل خوف:إن شاء الله ..
..
.
ثواني بسيطة .. دخل تركي لغرفته و دخلت غزل وراها بصينية الأكل ..
نزلت الصينة قباله و هو يجلس على الجلسة الجانبية فـ الغرفة ..
زفر بكل ضيق و هو يراقبها تقدم له الخبز ..
و بكل استغراب:موب جالسة تأكلين ..؟!
هزت رأسه بالنفي:شبعانة ..؟!
تركي بكل ضيق:شلون شبعانة و أنتي توك مرجّعه كل اللي فـ بطنك ..!!
ناظرته بكل خوف:مو مشتهية أكل .. و ما أحب أكل و أنا ما لي نفس ..
بنبرة صوت كلها حدة:اجلسي كلي ..
ناظرته بكل تردد ..
بنبرة صوت تزيد حدتها:قلت لك اجلسي كلي ..!!
تقدمت بخطوات هادية .. صوت تركي العالي مرعبها .. و بعد يعطيها نظرة حادة .. حست نفسها تعيش بكابوس رعب أما أنها تصحى منه أو يموتها ..
زفر بكل ضيق .. علامة على عدم الرضا .. على جلوسها من غير أي حركه ..
مدت يدها للخبز .. نزل نظرة على الأكل .. و بدا يأكل ..
رغم جوعه المميت لكن أعصابة المتوترة منعته من الاستمتاع بالأكل ..
لقمة .. ثنتين ثلاث .. حست غزل بكبدها تقلب عليها من جدد ..
حاولت تقاوم نفسها .. لكن الطعم الغريب اللي تحس بفمها .. يزيد لوعتها ..
تغيرت ملامح وجهها ..
لمحها .. و حس بها .. مع أنه طول الوقت منزل عيونه لكنه مركز فيها ..
رفعت يدها اليمين على بطنها و كأنها تحاول تمنع نفسها ..
حست بـ رغبتها فـ الترجيع تزيد .. رفعت يدها اليسار و غطت فمها ..
و بلحظة حست بضعفها .. ركضت للحمام ..
..
رمى الخبز بكل ضيق .. و حس بشهيته تنعدم ..
زفر بكل ضيق و هو ينثر أطراف شعره القصير لوراء و قدام ..
تنهد من الأعماق .."يا رب هاذي حالة ..!! إذا بداية الزواج كذا بكرة وش بيصير ..؟!" ..
وقف و مشى بخطوات هادية .. همس من ورا باب الحمام:غزززل ...!
تمضمضت للمرة العاشرة .. همست بصوت مرتجف:نعم ..؟!
تركي بنبرة أقرب للترجي:اطلعي البسي عبايتك خليني أوديك للمستشفى ..!
علا صوتها بدون أي مقدمات:لاء ما فيني شيء .. قلت لك تعب بسيط و يعدي ..
تركي بكل اصرار:لازم تروحين من أمس ما جلس شيء فـ بطنك ..!!
غزل بكل توتر:ما عليك بس أنوم و أصحى أصير أحسن ..
تركي:يعني النوم .. معجزة ..!!
غزل و صوتها يهدا:تركي خلاص قلت لك ما أبي أروح ..
تركي:طيب مطولة تكلميني من وراء الباب ..
فتحت الباب بكل هدوء .. و بعيونها نظرة خوف ..
ناظرها بكل لوم:عاجبك حالك ..؟!
غزل بنبرة ترجي:تركي الله يخليك .. ما أحب المستشفيات ...!
تركي بكل ضيق:لو أنه شيء طبيعي يمكن ..؟! .. لكن ..
قاطعته و هي تبعد:تركي خلاص لا تكبر الموضوع .. في دواء بأخذه و أنوم و إن ما نفع رحت بكرة للمستشفى ..
زفر بكل ضيق و هو يلف عليها:براحتك ..!
نزلت عيونها على الأكل:كمل عشاك ..
مد يده و سحب شماغه ..:لا خلاص خلصت .. أنا بطلع أقابل واحد من الربع .. مواعدة ..؟!
لبس الشماغ:و بعدها بمر أمي و أروى .. تبين شيء ..!!
هزت رأسها بالنفي:سلامتك ..
طلع و بعيونه نظرة لوم لـ غزل ..
زفرت بـ راحة و هي تسمع صوت الباب يتسكر ..
جلست على الطرف حتى تستجمع قوتها .. اللي حست بدقيقة انها خسرتها و بأي لحظة راح تنهار ..!
.._.._.._.._.._..
صب البنزين بكل دقة و حذر .. طلع سعيد من المطبخ و هو مكمل فـ صب البنزين ..
أشر له سالم يستعجل ..
رجع سعيد خطوتين لوراء لحد ما صار بجنب سالم .. همس:خلصت ..!!
همس له سالم:صبيت على الفرن و الغاز ..
سعيد:غرقته .. يا الله دورك تشب ..
أشر له يطلع:ابععععععععععععد ..
تراجع سالم خطوتين لوراء .. شب الكبريت ورماه من بعيد ..
ركض لبرا و هو يشوف خط البنزين اللي رسمه خوييه يشتعل ..
سكر الباب بكل قوته و ركض لسيارته ..
سالم و هو يحرك:هاه قاعد تصور ..
سعيد و بصوته نشوة انتصار:اييه ..
3 .. 2 .. 1 .. بدا يكبر حجم النار .. 3 .. 2 .. 1 انفجار هز البيت و صحى كل أهل الحي ..
سعيد بكل خوف:حركّ .. حركّ ..
داس سالم ع البنزين بكل قوته .. و بثواني صار مكان السيارة خالي ..
و الحريق خذا أغلب مساحة البيت ..
.._.._.._.._.._..
زفرت لوجين بكل ضيق و هي تدخل لـ بيتهم:كان نمتوا عندهم أحسن ..!!
أم بسام بكل ضيق:اللي يسمعك ما يقول أنك الظهرية داقة الصدر و مقترحة الجمّعة ..
لوجين بكل غرور:ساعة .. ساعتين موب من ثمان لـ 12 ..
ريناد و بصوتها نبرة خوف:عن أذنكم .. بدخل أشوف بسام ..
أم بسام و هي تراقبها:تصبحين على خير ..
ناظرت أمها بكل احتقار .. و لفت تكمل طريقها لفوق ..
..
طلعت أم بسام جوالها من الشنطة و دقت عليه ..
رنة .. ثنتين .. ثلاث .. رد بصوت مبحوح من النوم:ألوو ..
أم بسام بهمس:هااا .. جيت و خذيت اللي تبي ..؟!
سطام و هو يفرك عيونه:ايه يمة .. خلاص ..
أم بسام:و عسى بسام ما حس فيك ..!
سطام:شفته لكنه ما حس فيني ..
زفرت بكل راحة:زين .. أجل يا الله أتركك تكمل نومتك .. و أبي بكرة الصبح تقرير عن شغل شركتي ..!
سطام:وين الصبح .. لو أنك قايلة لي من بدري كان يمكن .. لكن الوقت متأخر ...
تدرين خلاص بكرة فـ الليل .. بس بعطيه السواق ..
أم بسام:خلاص طيب .. المهم يوصلني تقرير و بس ..
سطام:إن شاء الله ..
..
.
..
دخلت لـ غرفتها و هي تلم عبايتها .. ابتسمت براحة:السلام عليكم ..
من ثواني بدا يحس بالطفش و الملل يتملكة .. بس من سمع صوتها حس بالحياة ترجع له ..
ابتسم بسام:هلا و غلا ..
ريناد و بصوتها اللهفة و الشوق:أخبار حبيبي أكيد موب مبسوط و هو لحاله ..؟!
بسام بكل ثقة:و الحياة وش هي من غير ريناد ..
قربت منه و جلست قباله .. بكل عفوية مسكت يده و همست:الله لا يحرمني منك ..
حس بالكلمة تحرك مشاعر الحب داخله و ترجعه لذكريات قديمة ..
يمكن لو ذكرها قدامها يضيق صدرها .. لأنه جزء من الماضي الأليم ..
ناظرته بكل استغراب:وش فيك .. كنت تفكر فـ شيء أهم مني و شكلي خربت عليك ..
سحبت يدها و بكل لوم:آسفه قطعت حبل أفكارك ..؟!
اتسعت ابتسامته:للحين متسرعة و طايشة ..
بكل اندفاع:يعني أنت العاقل و الـ ..-رجعت تسكت و حست بكلامها اللي جاء بوقت غلط ..
رجع يبتسم و هو يتناسى كلامها:بكرة الصبح مسافر .. أنا و واحد من ربعي ..
ارتسمت نظرة حزن بعيونها:كذا فجأة و من غير مقدمات ..!!
بسام:السفرة كلها مفاجأة لك .. بس أرجع بتعرفين كل شيء ..
ريناد و الفضول يزيد بداخلها:و ليش ما تقول لي ألحين ..
بسام و بعيونها نظرة تفكير:وشلون تصير مفاجأة أجل ..!
ريناد كل إصرار:لمح طيب ..!!
هز رأسه بالنفي:ما ينفع .. أبيك تجهزين شنطتي .. و تحطين لي فيها ملابس أسبوع ..!!
ريناد بكل صدمة:أسبوع ..!!!!!
بسام:ايه .. شغل مهم و ما يتأجل ..
قاطعته و بصوتها نبرة زعل:خلاص .. خلاص ما يحتاج تبرر ..
زفر بكل ضيق:رنود حبيبتي ما له داعي الزعل أنتي كبيرة و واعية ..
بكل لوم:أنا موب قصدي أزعل على السفر .. بس انت صاير تأخذ كل القرارات لحالك .. من تزوجنا لحد الحين .. بحياتك ما شاورتني بشيء او حتى اقترحت علي شيء ..!!
بسام:صدقيني لما تعرفين بعدين بـ تفرحين لأنك ما عرفتي ..!
خذت نفس بكل راحة و ابتسمت:ما عليك الحين .. جوعان أكيد ما كليت شيء ..!
ابتسم بخبث:كليت من البسكوت اللي بدرجك ..
ناظرته بلوم:حلال عليك بس تراك بتشتري لي بداله ..!
اتسعت ابتسامته ..:ما عليك مني أخبار جنى ..؟!
.._.._.._.._.._..
.._.._.._.._.._..
هزت رجولها بكل توتر ..:رد يا عيسى رد ..
رجعت توقف و تروح و تجي بالغرفة .. و هي ما زالت لابسة عبايتها ..
..
ناظر شاشة جواله و ابتسم بكل استهزاء ..
محمد بكل استغراب:لوجين داقة و ما رديت عليها ..!
عيسى بكل برود:ما قلت لك بجيب رأسها يعني بجيبه ..
محمد:رد بس قبل لا تمسح رقمك ..
وقف:برد من غير ما تقول ..
محمد:على وين ..!!
ناظرة بطرف عينه و هو يبعد .. رفع السماعة:هلا و الله و غلا بحياتي ..
لوجين و نبرة الحزن بصوتها:وينك حياتي .. ليه تأخرت ما رديت ..!
عيسى:سوري يا عمري .. كنت مشغول المهم أخبارج ..؟!
لوجين بكل حسرة:وش بتكون أخباري و الزفت ريتاج تضحك و مبسوطة .. و أنا الحين أعاني من قلة الثقة منك ..!!
زفر بكل ضيق:خلاص يا حياتي أنا وياك رجعنا مع بعض مو مهم ريتاج ..
لوجين بكل غيض:هي خربت بيني و بينك و قالت لي أنك تكلمها و أنك ما تبيني و أنا بسبب هالشيء صرت ما أرد عليك .. يعني فرحان لأنها تسببت لك بالاهانة و سببت لي الجرح .. و أنا و أنت ما ندري ..!!
عيسى:خلاص اللي راح راح .. المهم أنا وياك رجعنا مع بعض ..
لوجين .. بكل إصرار:اسمعني أنا مستحيل أرتاح عقب اللي سوته فيني .. و أبي أرد لها الصاع صاعين ..!!
عيسى:وش بتسوين ..؟!
لوجين و نظرة الخبث بعيونها عكس نبرة صوتها الحزينة:قصدك وش نسوي ...؟!
.._.._.._.._.._..
رجع نواف يطلع لـ شقته بعد ما ركب الشنط فـ سيارته ..
..
داخل الشقة .. جوري بكل لوم:الله يهديك بس يا خالي خلك يوم زيادة ..!
أبو نواف و هو يشبع نظرة بشوفت حفيدة:وين يا بنتي .. ورانا طريق طويل فـ المشاكل لازم أروح أمهد الموضوع ..
جوري بكل ضيق:أدري إني غلط بينكم ..
رفعه راسه و بنبرة كلها هجومية:وش هالكلام يا أبوك ..؟! أنتي الحين زوجة ولدنا و أم حفيدنا .. لو اسمعك تعيدين هالكلام و الله لأزعل منك ..
دخل نواف و بكل خوف و هو يسمع كلمات أبوه الأخيرة:خير عسى ما شر ..
أبو نواف بكل لوم:تعال اسمع زوجتك وش تقول .. تقول أنها غلط و مدري وشو ..!! حذرها لا تقول هالكلام قدام الجماعة و إلا و الله لا يطبون فيها ..
ابتسم نواف:ما عليك يبه .. جوري حساسة شوي ..
جوري بكل خوف:ما قلت شيء ..!
اتسعت ابتسامة نواف و هو يلف على جوري:ما عليه بعدين أقول لك ..-تلاشت الابتسامة من على وجهه:دلال جهزت ..؟!
هزت كتوفها:مدري عنها ..!!
أبو نواف:رح استعجلها القطار بيمشي ثلاث و نص ..!!
توجه لغرفة راشد .. اللي احتلتها دلال الليلة الماضية ..
دخل بكل هدوء .. لقاها جالسة على طرف السرير .. لفت تشوف من دخل ..
و أول ما لمحت نواف ناظرته بكل احتقار و لفت وجهها بعيد عنه ..
قرب و جلس جنبها .. همس بعد تردد طويل:جاهزة ..؟!
ابتسمت بكل استهزاء:من جيت و أنا جاهزة للرجعة ..
زفر بكل ضيق:دلال .. اللي صار صار و انتهى .. و الموضوع موب فـ صالحك ..
لفت عليه و بكل عصبية:لعبت علي طول هالمدة .. و الحين بتذلني ..!!
نواف بكل ضيق:أنا موب قاعد أذلك بالعكس أترجاك .. بس ..
قاطعته:بس أنت استغليت الفرصة و خليت كل شيء ضدي ..!!
نواف:دلال لا تقولين كذا .. حتى لو كان كل شيء ضدك أنا معك مهما صار تظلين زوجتي و حبيبتي ..
تعمقت ابتسامة الاستهزاء بوجهها:زوجتك و حبيبتك ..!! .. حبيبتك اللي جابتك الولد موب أنا .. أنا بس كنت لعبة ..
قاطعها:أنتي اللي بحياتك ما فهمتيني .. بالبداية قلت لك خلينا نسافر و نحلل برا .. رفضتي .. حايلتك و قلت لك نروح نسوي فحص حمل و نأخذ علاج و نفس الشيء رفضتي و فوق هذا فهمتي الكل إن العيب مني ..!
دلال بكل ضيق:ايه العيب منك .. لأنك بحياتك ما حسستني أنك مهتم فـ الخلفة و ..
قاطعها من جديد:عشانك أنا من البداية عرفت أنه منك لكن ما حبيت أجرحك و حايلتك لكنك للأسف كل مرة تقلبين الموضوع ضدي و تتتصرفين بكل برود ..!
دلال:لو أنك قايل لي بكل صراحة كان طاوعتك ..
نواف بهمس:وقتها كنتي بتحسين بالذل عن حق و حقيق ..!!!
خلاص كلامه و وقف:أبوي برا ينتظرك القطار ما عاد بقي عليه شيء .. استعجلي ..
-زفر بكل ضيق و طلع من الغرفة ..
رفعت الطرحة على رأسها و طاحت من عينها دمعة قهر ما قدرت تقاومها ..
.._.._.._.._.._..
سحبت بنت عمها من بين الخدامات ..
أميرة بكل ضيق:الحين كل هالخدم و بتغسلين مواعين الغدااء ..؟!
زفرت نهى بكل ضيق:وش تبين مني ..؟!
أميرة:أبي أعرف وش صار أمس عند نوف .. لا أبوي و لا مشاريوه علموني ..!!
نهى:خلاص أنتي دارية دارية .. خليها بعدين ..!
أميرة بكل ضيق:وش بعدين تكلمي الحين ..
قطعت كلامهم:السلام عليكم ..!
أميرة بكل ضيق:و عليكم السلام ..
لمى:خلصت الأماكن واقفين تسولفون بالمطبخ ..!
بعدت نهى عن أميرة و توجهت لـ عند المجلى .. تغسل يدها من الصابون ..
أميرة:كل يوم أبوي يرجع من عند نوف .. و يقول كل اللي صار .. بس أمس كان ساكت هو و مشاري .. ؟!
لفت لمى على نهى:وش صار ..؟!
زفرت بكل ضيق و هي تنشف يدها .. :نوف ..
أميرة و لمى و بعيونهم نظرة اهتمام:ايه ..!!
نهى:وافقت على الزواج و السفر ..؟!
أمير بكل صدمة:احلفي .!!
ابتسمت لمى:صدق .. الله يبشرك بالخير ..
أميرة:بس وشلون ..!
هزت رأسها بالنفي:علمي علمكم .. طول الوقت ساكته و فجأة تكلمت و قالت أنها موافقة ..!
لمى:أكيد جلستها لحالها حلتها تفكر زين .. و أكيد أنها مقتنعة أنها خذت القرار الصحيح ..!
أميرة بكل ضيق:نوف مستحيل تستلم بهالسهولة ..
لمى بكل ضيق:أي سهولة و هي من وعت على الدنيا و هي ترفض و بس ..!
تنهدت نهى بكل ضيق:خلاص الموضوع انتهى .. ليش تتهاوشون ..؟!
زفرت لمى بكل ضيق:أمشوا نروح للتلفزيون أبرك ..
أميرة:أنا بطلع أشوف مشاري ...!!-خلصت كلمتها و طلعت من المطبخ ..
راقبتها لمى و بكل لوم:يعني لما تتسهل تصعبونها ..-هز جوالها فـ جيبها ..
طلعت تشوف من .. نفس الرقم من أمس .."سلطانة" ..
.._.._.._.._.._..
صرخت فيها بكل ضيق:وش قصدتس حنااا حرامية ..؟!
انقبض قلبها بكل خوف .. أول مرة تشوف خالتها أم عبد الرجمن بهاالعصبية ..
جمان بكل ربكة:موب القصد كذا .. بس استغربت وين اختفى جوالي فجأة ..
قربت سعاد بكل توتر:جمون حبيبتي باب البيت مفتوح 24 ساعة ما تدرين يمكن أحد من اللي جو يعزون تغافلوك و سرقوه منك ..؟!
أم عبد الرحمن بكل عصبية:يعني حارتنا حرامية ..!
سعاد بكل ربكة:موب كذا يمة بس ما تدرين .. أنتي نسيتي يوم عبود يسرق الزعفران من بيتنا من غير ما نحس ..
أم عبد الرحمن:اييييه صح ..-رجعت تناظر جمان بكل ضيق:عاد الحين الله أكبر مزعجتنا عند هالجوال كأنتس تربحين من وراها فايدة ..؟!
جمان بكل يأس:هو الخيط الوحيد اللي يوصلني لعمي ..!!
أم عبد الرحمن:عمتس لو يبيتس كان رد عليتس من يومين .. و يوم أنه درى عن أمك كان جا يسأل .. وش تحترين بعد .. خلاص أفهميها من نفستس ..
عمتس ما يبيتس ..
ناظرته بكل يأس:لا خالتي لا تقولين كذا ..!!
سعاد بكل هدوء:خلاص موضوع الجوال انتهى ..-لفت على جمان:اليوم محد جاء يعزي ..
وش رايك نطلع للسوق الخضرة نجيب مقاضي البيت و بنفس الوقت نشم هواء ..
أم عبد الرحمن:ايه طلعيها يمكن تهدا أعصابها شوي ..
ناظرت فـ خالتها بكل غرابة .. هي اللي كانت شابة نار و معصبة ..!!!
سعاد:يا الله روحي جيبي عباتك ..
مشت بخطوات هادية للغرفة ..
قربت سعاد من أمها:الله يهداك .. يمة .. خفي ع البنت ..؟!
أم عبد الرحمن و بعيونها نظرة خبث:بخف عليها إن شاء الله بس بعد ما أخذ اللي أبيه منها ..
سعاد:يمة وش تبين من البنت ..؟!
أم عبد الرحمن بكل ضيق:وش أبي منها يعني .. ملابسها اللي ما تسوا و إلا يداها الضعيفة اللي ما تعرف لـ شيء ..!!
سعاد بكل صدمة:للحين تفكرين تزوجينها أخوي ..
أم عبد الرحمن:و أنا وش مصبرني عليها غير كذا .. ما فيها أحسن منها لـ دحوم ..
سعاد بكل ضيق:يممممة .. ما يصر تزوجينها غصبن عنها ..
دفتها مع كتفها:اوص البنت جت .. لا تسمعك ..
جمان بكل استغراب:سعاد ما جهزتي ..
سعاد:هذا أنا رايحة أجيب العباية ..
ابتسمت لها أم عبد الرحمن بكل خبث ..
ردت لها جمان الابتسامة بكل براءة و الخوف يدب داخلها من نظرة أم عبد الرحمن لها ..
.._.._.._.._.._..
بعد السيجارة عن فمه و بنظرة كلها تأمل .. سعيد:تتوقع أنهم احترقوا ..
سالم و هو يطفي سيجارته:كل اللي شفته و شاك ..؟!
سعيد:مدري يمكن قدروا يطلعون ..؟!
سالم:أنا لو كنت واقف عند الباب ما تحركت كان احترقت وشلون باللي داخل البيت .. أنت شفت الانفجار بس .. لما وصلت النار للغاز ..؟!
سعيد بكل قلق:يا خوفي بكرة يجرجرونا ..؟!
سالم:وش دخلنا .. لا هم أهلنا و لا نعرفهم .. حتى اللي يبيننا نتمم السالفة له برا السعودية ..
سعيد:أخاف يجيبون بصمات و ما بصمات ..؟!
سالم:أقول ارتاح بس .. قال بصمات قال ..؟!
سعيد و هو يتناسى خوفه:طيب خويك ذا اللي طلب منك تحرق البيت ما قال لك متى بيحول فلوسه ..؟!
سالم و هو يشب سيجارة جديدة:لما أرسل له الصور ..
سعيد:أرسلتها ..؟!
سالم:لاء الليلة بطلع لـ كوفي شوب بعيد عن هنا أرسل لها الصور ..
سعيد:لهاا ..؟!
سالم بكل ربكة:لسكرتيرته .. و بعدين لا تركز .. أهم شيء فلوسك توصلك ..
سعيد و هو يريح ظهره على الكنبة:و أنا وش مصبرني عليك غير ذا الفلوس ..!
ناظره سالم بنص عين ..
سعيد:لا تناظر كذا ..
بعد نظره عنه و قلبه مليان كلام قرر يأجله لوقت استلام الفلوس ..
.._.._.._.._.._..
زفر بكل ضيق و هو يسألها للمرة العشرين:كم الساعة ..
رفعت عينها على ساعة الصالة:خمس و نص ..
تنهد بسام بكل ضيق:تأخر ..!!
ريناد بكل لوم:تأخر كثير شكل الرحلة الثانية بتفوتكم ..؟!
بسام:تفاءلوا بالخير تجدوه ..!!
ريناد بكل شماته:شفت لو قلت لي وش قصة سفرتك .. كان الله سهل عليك ..
بسام و أخلاقه قافلة:ريناد موب وقتك كلش ..؟!
زفرت بكل ضيق:وش فيك بسام . . من تأخر من أول دقايق و أنت قافلة معك و مو متحمل أي كلمة .. !!
تنهد بكل ضيق و اكتفى بالصمت جواب ..
ريناد:أطلب لك ذا العادل على الجوال مرة ثانية ..؟؟!
هز رأسه بالنفي:لا خلاص ..
رن الجوال .. ابتسمت:هذا هو ..
ابتسم براحة:عطيني اياه ..
.._.._.._.._.._..
مشطت شعرها بكل كسل ..
أروى و هي تراقب جنى بكل لوم:طول نهارك نايمة و للحين فيك نوم ..!!
جنى بكل ضيق:ما قدرت أنوم ..؟!
اروى بزعل:ايه الراحة و النوم ما يجي إلا فـ بيت عمي أبو بدر .. أما بيتنا ما فيه غير الأشباح و الكوابيس ..!
زفرت بكل ضيق:أروى .. حبيبتي .. و الله مو بيدي و بعدين لا تنسين بيت أبو بدر هو البيت اللي تربيت فيه و ريحة أمي باقية فيه ..
زفرت بكل ضيق:لا تقلبينها حزن و نكد ..!!!
جنى بكل يأس:لا تصدقين كيفك ..!
أروى و هي تجلس على طرف السرير:و الله إني خايفة عليك يا جنو ..؟!
جنى و هي تنزل الفرشاة:وش منه ..؟!
أروى:اللي بوضعك .. ينهارون يصارخون يصيحون .. و أنتي ساكته ..؟!
جنى سرحت بفكرها لثواني .."رميت نفسي على السيارة من غير ما أحس و دخلت غيبوبة تبين الماضي يعيد نفسه" .. خذت نفس:تبيني أغرق غرفتك مثل قبل أمس ..!
أروى:موب قصدي كذا بس تكلمي و فضفضي .. على الأقل ..
جنى و هي تقرب و تجلس جنبها:شكلك أنتي اللي متضايقة و تبين تفضفضين ..؟!
أروى:طفشانة من البيت .. و شايلة همك و هم غزل ..؟!
جنى:أولا العطلة توها فـ أولها مدري متى لحقتي تطفشين ..!! ثانيا أنا قدامك ما فيني إلا العافية .. و الأهم .. غزل .. وش فيها ..؟!
زفرت بكل ضيق:و الله يا جنو حالتها صعبة ما شفتيها امس .. و الله يضيق صدرك ..
جنى:من رجعت ما شفتها برا غرفتها .. شكلها تعبان حقيقي ..!
أروى:حتى تركي شكله بيتعب معها عكس ما توقعت ..!
جنى:ليش تركي وش فيه ..؟!
أروى:ما شفتي وجهه امس لما رجعنا للبيت .. واضح أنه مهموم و متضايق ..!
جنى:أروى .. تركي من يومه حياته شيء خاص .. و الحين تزوج يعني الخصوصية بتزيد ..
و حتى لو كانت زوجته صديقتك .. لا تحلمين أنك بتصيرين أقرب أو بيخلونك تدخلين بينهم ..
أروى بكل لوم:وش فيك أنتي أنا موب قصدي كذا أنا قصدي إني جبت الهمّ لـ تركي كأنه ناقص يعني ..!!
جنى:الحين غزل همّ ..!!
أروى:تعبانة طول الوقت و عنيدة ما تحب المستشفيات ..!!
جنى:أنتي اطلعي منها و خليها تدبر نفسها بنفسها ..
أروى بكل خوف:طيب وش رايك أطق الباب عليها ..!
جنى:تستهبلين .. تركي معها و الله لـ يطلع و يمسح فيك بلاط الممر ..
أروى بكل ضيق:اووووووف أنا أنزل و أزنّ على أمي تسفرنا أحسن من التفكير بغزل و تركي ..
ناظرتها بلوم:من البداية ..! ..
..
.
..
مرت من قدام باب غرفتهم ..
نفس الهدوء حول باب غرفتهم .. مخيم على جو الغرفة ..
جو مظلم و أنوار خافته ..
تركي و غزل ثنينهم نامين .. هاذي الفكرة الل كل واحد فيهم مأخذها عن الثاني ..
لكن غزل اللي نايمة على يسار السرير مو قاردة تغمض لها جفن من أمس ..
و تركي اللي على يمين السرير من الساعة ثلاث و هو يحاول يضغط على نفسه حتى يأخذ قيلولة .. لكن ما طاوعه رأسه ..
..
خذت نفس بكل راحة ... "يا ربي ما أبي أرجع للمستشفى ما أبي أكون بمكان يذكرني فيه .. – تنهدت بكل ضيق .."و شلون عاد لو شفته مرة ثانية .. أكيد مشاعري بتفضحني ..
..
زفر بكل هدوء بعد ما سمع صوت تنهيدتها .."من أمس و أنا حاس فيها .. تتنهد و بس و كأن هموم الدنيا كلها على رأسها ..
معقولة نتيجة التفكير اللي طلعت بها أمس تكون صحيحة .. – هز رأسه بالنفي ..
ليش ما أجرب أتقرب لها .. أكيد لو فيها شيء ما راح تسمح لي ..
..
بدون تفكير او حتى مقدمات .. لف تركي على غزل .. حوط جسمها الضعيف بذراعة ..
..
أكبر من الصدمة نزلت عليها فجأة .. لفت غزل و بكل تلقائية .. سحبت نفسها من حضنها و بعدت عن السرير ..
ناظرته بصدمة:تركي وش فيك ..؟!
رفع حاجب و بكل برود رغم احتراقه من الداخل:وش بسوي يعني أنتي زوجتي .. و أنا موب غريب عليك ..
غزل بكل هجومية و هي تحس بكلمات تركي تستفزها:انت انهبلت تبي تجي من هنا و الطريق ..- رجعت تسكت و هي تحس بتفاهتها و تفاهة الكلام اللي كانت بتقوله ..
نفض المفرش من على جسمه .. مشى بخطوات هادية لناحيتها ..
تراجعت بكل خوف ..
همس بكل ضبق و هو يحس بأنفاسها الحارة تلامس رقبته:و كل واحد يبي حقه يكون مهبول ..!
ارتبكت أكثر .. و حست بالدموع تتجمع بمحاجر عيونها .."لا تقرب أكثر .." ..
"خايفة .. ما تبين أقرب منها أكيد اللي أفكر فيه صح ..
لف و ضرب الكامدينة بقبضة يده بكل قو .."مستحيل تكون .." .. – نفض رأسه محاولة يأسه حتى يبعد الأفكار الشيطانية عن مخه .."استغفر الله العلي العظيم .. استغفر الله العلي العظيم" ..
حست بالدموع تخونها و تنزل .. مسحتها بكل سرعتها .. حتى ما يلمحها ..
نطق و هو يرص على أسنانه ..:جهزي نفسك الليلة بنسافر ..؟!
غزل بكل تردد:على وين ..؟!
تركي بكل حزم:مالك شغل نروح وين ما نروح .. جهزي نفسك و بس ..
همست بكل استسلامية:إن شاء الله ..
.._.._.._.._.._..
.._.._.._.._.._..
أنوار .. خضراء .. حمراء .. زرقاء ..
تموج بـ المكان و صوت الدي جي .. يمنع الوآحد حتى من سماع صوت أنفاسه ..
تمايلت بخصرها النحيل بين الشباب و البنات ..
تحرر و حرية .. متعة و حياة هذا كل اللي يتملك البتول بهاللحظة ..
و أخيرا حست أنها عايشة .. ارتفع صوت ضحكتها بمجرد ما جميس ميل رأسه لها و همس لها ..
جرها بكل هدوء من على المنصة .. و نزلها لتحت ..
* James: You must stop here ..
*جيمس:لابد من التوقف هنا ..
AL.BTOL: IT IS STILL EARLY ..
*البتول و هي تترنح رغم أنها جالسة على الكرسي:ما زال الوقت مبكرا ..
James: No, but the late and much too ..
*جيمس:لا بل تأخر و كثيرا أيضا ..
* AL.BTOL: Do you want me I go back to prison to ..
*البتول بكل طفش:هل تريدني أنا أعود لذلك لسجن ..
* James: And do you want me to make me angry Mr. Mubarak ..!
*جيمس:و هل تريدني أن أجعل سيد مبارك يغضب مني ..!
* AL.BTOL: Are you afraid of it ..?!
*البتول و بصوتها نبرة استفزاز:هل أنت خائف منه ..؟!
* James: I do not fear, but a promise to him ..
*جيمس:ليس خوفا لكنه وعد قطعته له ..
AL.BTOL: What ..?!
البتول:ماذا ..؟!
* James: I promised early returns you time ..
*جيمس:وعدته بإرجاعك بوقت مبكر ..
AL.BTOL: Well .. I understand ..
زفرت بكل ضيق و هي تجر الجاكيت من على الكرسي:حسنا .. فهمت ..
*رمى الفلوس على الطاولة .. و رفع شنطتها و جاكيته معه و طلع وراها ..
" I expect it was time to perform the task"
فتح جواله .. و كتب مسج .."أتوقع أنه الوقت المناسب لـ تنفيذ المهمة" ..
.._.._.._.._.._..
واقفة بالمطبخ تجهز العشاء رغم أنه بدري بس ما حبت تجلس فاضية ..
نادتها الشغالة من الصالة ..
طلعت ريتاج:خير وش فيك ..؟!
..:ماما تلفون فيه واحد يبي أنت ..؟!
ريتاج و هي تقرب:قصدك وحدة ..؟!
..:لا ماما واحد ..؟!
ريتاج بكل ضيق:خلاص طيب روحي و أنا بشوف ..
رفعت السماعة بكل خوف:من ..؟!
فيصل:هذا أنا .. طاحت يدي و أنا أدق على جوالك ..
همست بكل خوف:مجنون أنت .. ليش تدق على البيت ..؟!
فيصل و الاستهزاء بصوته:لي أخوك يراقب تلفون البيت بعد ..!
ريتاج بكل ضيق:لاء .. بس ما أبي مشاكل ..!
فيصل:أنا ما راح أطول هو سؤال و أبي جوابه ..؟!
ريتاج:قول يا الله ..!
فيصل بعد تردد واضح:تعرفين واحد اسمه عيسى ..!
ريتاج بكل صدمة:هااه .!
بكل ضيق:من قال هااه سمع ..!!
ريتاج بعصبية:أنت تشك فيني يا فيصل ..!
..
.
..
قبلها بدقايق .. دخل مع باب المطبخ ..
بدر و هو ينزل الأغراض:وين ماما ..
سليمة:ماما يطلع مع بابا ريان ..؟!
بدر و هو معقد حواجبه:وين يروح ..؟!
سليمة:ما يدري وشو هذا .. بس هو يروح مع ماما أم تركي و بنته أروى ..
بدر::ايه صح .. عزيمة بنتهم .. طيب ريتاج راحت بعد ..؟!
..:لا ما يروح .. ماما ريتاج فـ الصالة يكلم واحد ..؟!
بدر يحاول يستوعب:وحدة من صديقاتها ..؟!
..:لا واحد .. يمكن يكون يبي بابا او ماما ما يدري أنا ..
دخل مفاتيح سيارته بجيبه و هو يطلع للصالة:خلاص خلاص ..
.._.._.._.._.._..
ياسر بكل ضيق:ما أبي أنزل تحت .. نزلتي لتحت تضايق أبوي و زوجته و الكل ..
لمى بكل لوم:من اللي قال لك هالكلام ..؟!
ياسر و هو ينزل عيونه للأرض:محد . بس كل مرة أنزل لتحت .. أبوي يتعب و هو ينزلني و عبد العزيز بدا يطفش من شيل الكرسي ..
حتى خالتي .. تطفش من كثر ما تنتظرنا بآخر الدرج ..
لمى بكل ضيق:موب صحيح .. لو أنهم ..-
قاطعها دخلت أخوها عبد العزيز .. بكل حماس:يا الله عزوز أبوي يقول وينك ..؟!
لمى بكل بلوم:يا الله حرك كرسيك و إلا تعودت ع الدف ..
ناظر فـ أخوه بكل أسى:خلاص بجي ..
عبد العزيز:يا الله قدامي ..
حرك عجلة الكرسي بيده و طلع لبرا ..
زفرت بكل راحة .."والله العيشة هناك أبرك ..!" .. لفت على جوالها ..
"أمي صدقت دور المصدومة و الجلسة فـ مستشفى عجيتها ..!..-زفرت بكل ضيق و هي تلمح رقم سلطان على الشاشة .."لازم أرد و حط حد لهالموضوع .."
رفعت السماعة:ألو ..
سلطان بعد ما فقد الأمل:لمى ..!
لمى بكل هدوء:ايه لمى ..!!
سلطان بكل لوم:أخيرا حنيتي علي و رديتي ..؟!
لمى بكل ضيق:سلطان خلاص .. أتوقع قراري وصلك يعني اللي بيننا انتهى ..!
سلطان:ليش يا لمى ليش تسوين فيني كذا ..؟!
لمى:ما سويت إلا صح ..
سلطان بصوت مخنوق:صح ..!! وين الصح فـ إنك تتركيني و تبيعيني و أنا شاريك ..-سكت لثواني و رجعت يتكلم بنبرة كلها استهزاء:الظاهر الجلسة فـ بيت جدك رجعت لك ذكريات الحب الأول ..
زفرت بكل ضيق:لا حب أول و لا أخير .. سلطان أنت فكرت بحياتني مستقبلنا كيف بيكون ..!
سلطان:أي مستقبل أي حياة ..؟! .. أنتي أنهيتي كل شيء ..
لمى بكل إصرار:لمصلحتك و لمصلحتي ..!
سلطان:أي مصلحة هاذي اللي تبعدنا عن بعض ..!
لمى:سلطان لا تصير متهور ... بأسلوبك الهجومي هذا ما راح أقدر أشرح لك ..؟!
خذا نفس محاولة يأسه حتى يهدي أعصابه:وش تبين تفهميني .. قرار تأخذينه لحالك و تعلنينه عند الكل .. و أنا آخر من يعلم .. و فوق هذا من أمس و أنا أدق عليك و طول الوقت تسكرين السماعة فـ وجهي ..!
و تقولين أشرح .. وش بقي تشرحينه ..؟!
زفرت بكل ضيق:اللي صار صار و انتهى تبيني أشرح لك الأسباب مستعدة لكن إذا مطول بلهجة اللوم و العتاب أنا ما عندي وقت و كل العيون علي ..
زفر بكل ضيق:يا الله اطربيني و ش عندك ..؟!
.._.._.._.._.._..
نزلت فناجين القهوة .. ليان بكل تردد:عاد أنا موب مرة مع القهوة التركية ..!
ابتسم و هو يمد يده:ما عليه أي شيء يطلع من يدك حلو ..
راقبته بكل خوف و هو يرفع الفنجال و يشرب منه ..
رشفة .. توقف صوتها بالنص .. تغيرت ملامح راكان و هو يبعد الفنجان ..
ابتسامة استهزاء حاولت تكتمها على قدر ما تقدر ..
راكان و هو ينزل كاس الموية:ما كأنها مره شوية .. !!
ناظرته بكل خوف:قلت لك ما أعرف لها ..!
راكان:طيب قومي جيبي السكرية من على الطاولة ..
مشت بكل هدوء و جابتها لعنده .. جلست و نظرة تفكير ترتسم بـ عيونها و هي تتأمله يزيد سكر فنجانه ..
.."من أسبوع بس ما كنت قادرة أقول له كلمتين على بعض .. على طول معصب و مزآجه متقلب ..! ..
زفرت بكل راحة .."يا الله لك الحمد .. لأنك طلعت تركي من مخي و خلـ ..
استوقفت نفسها لـ ثواني .."موب صحيح للحين أفكر فيه ..! .."
ارتسمت نظرة حزن بعيونها .."أدري تفكيري به خيانة .. يا رب أنساه ..
قطع تفكيرها و عيونه ع القهوة:وش رايك نطلع وقت الغروب ..؟!
ليان:وش معنى ..؟!
راكان و ابتسامة ترتسم على وجهه:أحلى شيء فـ البندقية وقت الغروب .. ذرة من عجايب رب العالمين ..
ردت له الابتسامة:خلاص على مزآجك ..
راكان:و أنا ليه أسألك .. أهم شيء تكون لك نفس بالطلعة ..
ابتسمت:أنا ما عندي مانع .. بس ما أعرف الأماكن هنا حتى أحدد .. !!
راكان:خلاص .. خلك جاهزة ..-زفر بكل ضيق .. و طيفها يمر بخياله .. من بعد ما حس أنها نساها و بعدت عن خياله الليلة الماضية ..
فهمت نظرة الحزن اللي بعيونه لأنها موب غريبة عليها .."كلنا مجروحين و كل واحد يداوي جرحه نفسه ..! " ..
.._.._.._.._.._..
قمة الهدوء تملا شقتهم .. الصالة .. المجلس .. غرفة رشود ..
حتى غرفة النوم نفسها ..
و عكس هالأجواء داخل المطبخ ..
زفرت بكل ضيق:نواف قلت لك أجل الموضوع شوي ..؟!
نواف بكل ضيق:شوي لـ متى يعني ..؟! أبوي و دلال على وصول للشرقية .. نص ساعة بالكثير و العايلة كلها تعرف ..
جوري بكل توتر:نواف ليش أنت كذا ..؟!
نواف بكل عصبية:أنتي اللي ليش متقلبة كذا .. اللي يشوفك ما يقول أنك أنتي اللي من شهرين مزعجتني و تبين أهلي يعرفن عنك ..!
جوري:هذا أنت قلتها من شهرين .. الحين كل شيء تغير ..
نواف:ما تغير شيء الشيء ..! الوحيد اللي تغير أنها تسهلت ..!
زفرت بكل ضيق:نواف أنا مستحيل أرتاح قبل لا أعرف وش معنى اللي قالته خالتي ..!
نواف:يوووه منك .. انا تعبت معك .. يوم تبين و يوم ما تبين .. يوم مرتاحة و يوم متضايقة ..
قاطعته:اليومين اللي راحوا .. هديت نفسي بالغصب عشان أبوك و زوجتك ..
تنهد بكل ضيق:كلمة و ما بعدها نقاش .. نهاية الأسبوع أنا وياك ماشين للشرقية ..
جوري بكل لوم:نوااااف ..!
نواف:قلت لك كلمة ما بعدها نقاش ..-طلع من المطبخ .. و تركها لحالها تتخبط بأفكارها المضطربة ..
.._.._.._.._.._..
طق الباب و دخل بكل هدوء ..
مع أن صوت الطق ما لفت انتباهه لكن بمجرد ما انفتح الباب .. رفع رأسه بعد ما كان غرقان بالأوراق ..
ابتسم مياف و هو يدخل عند أخوه الكبيرة محمد ..
وقف مصدوم:مياااف .. – ابتسم له ..
قرب منه:آسف ما خذيت منك موعد قبل لا أجي ..
محمد:أنت تجي بأي وقت ..-نزل عيونه على ساعته ..:الله 11 ..! المفروض الشركة مقفلة الحين ..!! ..-رجع يرفع عيونه:لو ما كان عندي شغل كان ما لحقت علي ..
مياف:ما صحيت إلا من نص ساعة عشان كذا جيت متأخر .. الحمد لله أنك ما طلعت ..
رجع يجلس و هو يأشر له على الكرسي:حياك أقعد ..
جلس بكل هدوء:على كذا بعطلك ..
محمد:لا عادي .. عندي وقت كثير يمديني أخلص فيه هالأوراق .. بس أنا أحب أكمل شغلي فـ الشركة .. يعني هدوء و تركيز أكثر ..
تلفت حول و هو يخطف نظراته حول مكتب أبوه:هذا مكتب أبوي ..
محمد:ايه اكيد .. المكتب الرئيسي ..-قرب جسمه لقدام و بكل حماس:ها بشر وش سر هالزيارة ..
مياف بعد تردد كبير:محمد أنا قررت .. أرجع مثل قبل و أحسن ..
محمد بكل حماس:حلو و حياك بأي وقت فـ شركة أبوك ..
مياف:لاااا .. وين أنت تعرف نخصصي بعد عن التجارة ..!!
محمد:بترجع للمستشفى ..؟!
مياف:ما درت سبع سنين و تغربت عشان فـ الأخير أشتغل بشيء موب من تخصصي ..!
محمد بكل يأس:خلاص براحتك ..
مياف:ما عليه أنا من عمر ما لي فـ التجارة .. سليمان و عبد المجيد موب معك ..؟!
محمد بكل ضيق:إلا بس وجودهم و العدم واحد .. على طول متأخرين و يأجلون الشغل ..!!
مياف:عاد أنت شد عليهم .. الحين أبوي مو موجود و أنت محتاجهم ..!
محمد:ما عليك منهم .. المهم ترجع مثل قبل و يا ليت ترجع البيت بعد ..!!
مياف بكل إندفاع:لاااء .. مستحيل ..
زفر بكل ضيق:و ليش مستحيل ..!
مياف:أنت تعرف موقف أمي اتجاهي ..
محمد بكل ضيق:أمي تتغير هي فـ الأخير أم .. و بعدين يمكن القعدة معها تلين قلبها ..!
هز رأسه بالنفي:أمي بتكون أكبر عقبه فـ طريقي .. أنا أبي أنجح و أرجع مثل قبل عقب راح أفكر فيها ..
تنهد بكل ضيق:الله يهديك بس يوم أنك تفتح سالفة زواج أبوي معها ..!
مياف:ما كنت قادر أسكت على الغلط ..!
محمد:كلنا كنا دارين .. بس وش بيدنا نسوي .. أبوك تزوج و اللي تزوجها راضية معه .. أنت ليش تدخلت مدري ..؟!
زفر بكل ضيق:ع العموم أنا جايك عشان هالموضوع ..!
ناظره محمد بكل ضيق:للحين فيك رجاء لهالسالفة ..!!
.._.._.._.._.._..
من صحى و هو برا البيت .. من يومين بس تزوج ..
و ما تغير شيء بحياته غير هموم زآدت فوق همومة ..
زفر تركي بكل تعب و هو يرمي نفسه على أقرب كرسي .. من عند الباب ..
علا صوته:سنتياااااااااااااااا� �ااا ..
جت لعنده ركض:نعم بابا ..!
تركي:وين ماما ..؟!
سنتيا:ماما أنت و إلا زوجة مال أنت ..
تركي:تستهبلين أنتي ماما يعني أمي زوجتي اسمها غزل و بس ..!!!
سنتيا بكل خوف:ماما يطلع مع أروى يقول يروح عزيمة بس مدري ايش ..!
تركي:غزل هنا ..؟!
سنتيا:ايه بابا هي واجد تعبان ما يقدر يطلع من الغرفة ..!
زفر بكل ضيق:طيب من فـ البيت غير غزل و أنتي ..؟!
سنتيا:بابا أنت يطلع من عصر ما يرجع .. و بابا عامر ما يرجع من أمس .. بس بابا سلطان تحت فـ قبو ..
بكل عصبية و هو يوقف:قلت لك من فـ البيت ما قلت عطيني تقرير عن العايلة ..!
سنتيا بكل خوف:سوري بابا .. أنت يبي شيء ..
تركي بكل ضيق و هو يسحب شماغه:سديتي نفسي الله يسد نفسك .. فارقي عن وجهي ..
سحبت نفسها كل هدوء و ما نطق بأي كلمة زيادة من الخوف ..
تنهد بكل ضيق و هو يجر رجوله لفوق ..
..
جالسه على طرف السرير يدها على بطنها .. و عيونها ع البسكوت الموجود على طرف الكامدينة ..
"يا ربي جوعانة .. بس إذا كليته ما راح أقدر أتحمل و أراح أرجعه طعم الـ.."قطع تفكيرها صوت الباب ينفتح ..
رغم أنه انفتح بهدوء لكنه افزعها .. وقفت و هي تلف جسمها حتى تشوف من اللي دخل عليها ..
ناظرها بكل استغراب و هو يسكر الباب ..:وش فيك ..؟!
هزت رأسها بالنفي و بكل ربكة:ممممممم ما فيني شيء ..!
رفع حاجب و هو يشوف الخوف بعيونها:شايفة جني قدامك ..؟!
غزل و خوفها يزيد:كنت سرحانة وقت مممما دخلت عشان كذا خفت ..
رمى شماغه على طرف السرير .. و تقدم لها ..
تراجعت خطوات لوراء ..
حس بالعصبية و التوتر .. ترجع له من جديد ..
..:أنتي و بعدين معك ..؟!
غزل وصوتها يختنق:وش سويت لك ..؟!
تركي و خطواته تصير أطول و المسافة بينه و بين غزل تقصر:من أول يوم دخلتي فيه هالبيت و أنتي تعبانة .. لا أكل و لا شرب و لا حتى نوم مثل الناس ..
غزل بكل توتر:أدري قاعدة أتعبك معي .. بس صدقني مدري وش فيني ..؟!
خطوة وحدة زيادة و صار مقابل لها .. الوجه بالوجه ..
موجة أفكار جنونية تجتاحه من جديد .. بعد ما تخلص منها و هو ينزل السيارة ..
لكن بمجرد ما التقت عيونه بعيونها الذبلانة و نفس الأفكار رجعت له ..
"مستحيل تكون ..!! .. وشلون .. أنا ما لمستها و مستحيل أشك بتربيتها ..!
بس كل بنات هالأيام .. يسون النون و ما يعلمون ...
نزل عيونه للارض .. غمضهم .. لعل و عسى يتوقف مخه عن هالتفكير ..
لكن .."قبلها ليان .. كم صار لنا نحب بعض من بيتوقع بيوم من الايام أنها تخوني و تتخلى عني ..
رجع يرفع عيونه و شرارة الشر تطاير من عيونه .."كلهم مثل بعض .. خاينات و كذابات و ما لهم أمان ..
همس بصوت كله غيض:كلكم مثل بعض ..
ارتبكت و رجفة أطرافها تزيدة خوف:تركي وش تقول ..
شدها مع ذراعها و همس بكل غيض:أقول الحين بعرف وش السر وراك ..؟! – جرها وراه .. سحب عبايتها من على المعلاق و طلع لبرا غرفته و هو ما زال يجرها من ذراعها وراه ..
غزل و هي تحس بالدنيا تدور به .. بسبب التعب:تركي وش فيك .. وين موديني .. تركي .. تركـ..-ما قدرت تكمل كلامها و هي تحس بأنفاسها راح تنقطع بسبب نزلتها السريعة من الدرج ..
همس و هو يفتح الباب:تبين تعرفين وين بوديك الحين بتعرفين ..؟!
رماها ف سيارته و رمى عبايتها عليها .. ركض لجهة السواق و هو يطلع مفاتيح سيارته من جيبه ..
خانتها دموعها و هي تحس بكل جزء بجسمها يرتجف .. بصوت مخنوق:تركي وش بتسوي ..؟!
لف عليها و بنبرة حادة مثل نظرته:البسي عبايتك ..
عدلتها عليها من دون ما تنتبه كيف شكلها:تركي الله يخليك رد علي وين موديني ..؟!
حرك السيارة .. و بنظرة كلها كره و غيض لـ غزل:بحط نهاية لـ هالموضوع ..
.._.._.._.._.._..
نهآآية الجزء ..