الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم هاوية الحب`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#قصة_هاوية_حب_الجزء_الرابع 🔥😻♥️👇👇
الريس :مين عندك
بصدمة :مين !
الريس :أنا عم قلك مين عندك ..سعيد بعرفك ما بتكذب عليي ،إذا عندك بنت لا تخبي ،قلي
كانت ثقة سعيد بالريس كبيرة كتير بس خوفه على فقدان نسمة أكبر أكتر
سعيد :لاء ريس مافي
عبق وجه سعيد وهو عم ينطق الكذبة التانية بتوتر، والأمر كان أشبه بصورة مرئية واضحة بالنسبة للريس
فات الريس ،قعد
الريس :شو بتشربنا ابني
راح يساوي شاي ،لقى الإبريق جاهز عالصينية مع كاستين ،حملن وإجى لقدام الريس ،قعد وصبله كاسة وحطا قدامه ،رجع ضحك الريس وحط عينه بعين سعيد لقاه متوتر
الريس :ليك ابني ،أنا ما رح دايقك أكتر لسى بس ياابني البيت واضح أنه فيه لمسات إمرأة وأنت واضح أنو عليك لمسات إمرأة وصينية الشاي كمان عليها لمسات إمرأة ... بالمختصر ،أنا بدي ياك تأسس عيلة متل ما أسست شغل ،في بنات بهالضيعة كتير قلي عوحدة منن ﻷخطبلك ياها بكرى ،بس أنك تعيش كل يومين مع بنت ما برضالك ياها
سعيد :ريس بتعرفني تبع بنات ؟
الريس :انا ما بعرفك بس حاليا الواضح هيك
سكت سعيد ما عرف شو يرد
الريس :بتعرف ابني ؟...أصعب شي عالأب أنو أولادو يفقدو ثقتن فيه ،مع إني لحد الآن ما خذلتك بس فاقد ثقتك فيني
سعيد :لا ريس ...أنت أكبر من كلمة ثقة
الريس :طالما انك ساكت معناها أنا أصغر من كلمة ثقة
سعيد :مشان الله ريس كل القصة إني
سكت ماقدر يكمل
الريس :سعيد لا عاد تتعرف عليي ،خليك متلك متل الباقي
كان بدو يقوم ما خلاه سعيد ،بعد ما ضربت الكلمة براسه
سعيد :ريس ..في عندي بنت بس مو كل يوم مع وحدة شكل
استند
الريس :كمل
سعيد :صرلا عندي 3 شهور ،عايشين هون
الريس :كيف يعني ،متزوج لحالك ؟
سعيد :مو بالضبط
الريس :لكن
سعيد :ريس رح خبرك بس بترجاك ما نفترق ولا ترجعا عند أهلا
الريس :رجعا ؟!! ليش أنت خاطفا ؟!
حكى سعيد للريس عن وضع نسمة عندو ،عصب الريس عليه وحمل حاله وراح ،احتار سعيد شو يعمل لما عرف أنو بيكون اتعمم اسمها بسوريا كلا بعد غيابا الطويل ،نزل فتحلا الباب ،شعل الضو لقاها عم تبكي ،عصب بزيادة ،ضما وبوسها ،حس بفراقها المقرب
نسمة :كان رح يقرب عليي صرصور
ضحك :هلق بدي ألعن شرفه
ضحكت ،حملا وطلع لفوق ،كانت أعصابا عم ترجف لسى
سعيد :اقعدي اليوم أنا رح حط السفرة
رن جواله كان المتصل منصور فتح المكالمة
سعيد :حبيبنا
منصور :أحلى حبيب ،جهزلي الخمسين ألف لقلك
سعيد :جاهزين بس قلي
منصور :أبو شادي وصلتلك لعنوانه ورقمه وشغله
سعيد :كفو ولك منصور ،عم تحكي عنجد
منصور :وحياة حبك الحقيقي عندي هلق بيوصلوك برسالة
سعيد :ههههه كفو لك منصوص هههه ،لكن الخمسين ألف بيوصلوك برسالة
منصور :هههههه بس جد بكون ابن مرة إذا باخد منك ليرة شو قليل فضلك علينا
نهى معو المكالمة ،شافت نسمة عيونو لمعوا ،قعد صفن بالأرض
نسمة :شوفي سعيد
طلع فيا :ولك سلااامة رووحك
قرب عليها باسا من الخد اليمين ،تابع كلامه
:وقلبك
باسا من الخد اليسار
:وعمرك
من اليمين
:وحياتك
من اليسار
:ورجلك
ضحكت
:وايدك
نسمة :هههههه مطول ؟
سعيد :لقيت أبو شادي بعد ما صرلي عم دور عليه أسبوعين
نسمة :مين هاد
سعيد :.....فرجيني ،لساتك عم ترجفي يلا خليني حط الأكل
أبو شادي رجل ستيني ،كان مرابع عند أهل أمه وكان مقرب من العائلة وأكتر حدى ممكن يفهم بقصة خيانة امه ،بعد تفكك العائلة والمصالح والأملاك ما ضل غيره يرجع يستفهم منه ،تاني يوم راح عند الريس لياخد منه أذن ليروح عند أبو شادي
الريس :لوين يعني
سعيد :مشوار ساعتين زمان
الريس :لويين يعني
سعيد :ناقص البيت أغراض رايح جيبن
الريس :اكتبن عورقة وعطيها لمسعود يجيبن ،
اليوم عنا شغل كتير لسى
وطلع من المكتب ،عض سعيد على إيدو ولحقه،
بنص النهار ،كان سعيد مخلص شغله قبل الكل ،إجى لعند الريس
سعيد :ريس خلصت ،350 كيلو فرز و4000 حملتن بالسيارات
هز راسه الريس :اقعد اشرب كاسة شاي
حك راسه سعيد :مافيني روح ؟
طلع فيه الريس بحاجب وحاجب :ﻷ ...واقعد اشرب كاسة شاي وبعدين اطلع عند الشباب احصيلي البرادات اليوم
اتنهد ،أخد كاسة الشاي وقعد
الريس :مشتقلك ،حابك تنصمد قدامي
ضحك
الريس :وعم قوول شهرين تلاتة صرلك بتفركا من نص النهار ..شو قصة هالولد
ضحك :اي بس اليوم صدقا مو رايح عالبيت
الريس :لكن
سعيد :عندي شغلة
هز راسو الريس أنو شو هي
سعيد :بدي شوف زلمة كان معرفة مع أهل أمي زيارة يعني
الريس :! في شي ؟
سعيد :بدنا نحكي شوي
الريس :رايح لحالك ؟
سعيد :اي
الريس :شو خاطر لعقلاتك أنت
سعيد :ليش
الريس :رايح لحالك ولعندو ،إشارتين استفهام لييش لحالك شو مسترخص سلامتك أنت وليش بدك ياه بشو بدك تحاكيه
سعيد :ريس ما بدي عصبك بس الحقيقة أنا بدي اسأله كم سؤال ما رح يعرفن غيره
الريس :شو هنن
ماكان بدو يحكي بس خاف يعصب عليه أكتر
سعيد :عن أمي
الريس :ابني ليش عم تتذكر لساتك
سعيد :ما عم اقدر انسى
قام من ورى المكتب وقعد مقابل سعيد
الريس :ليك ابني .. إذا بدك تعرف شي اسألني
ياه إلي ،ما بيرضيني تتذكر بالماضي الميت وتنبش بالأحداث المنتهية زمان ... تركتك تنفرق عنا وتعيش ببيت لحالك كرمال ما تنجبر تعيش بيناتنا وأنت مو حابب ... بس بكفي تتذكر الماضي ...ماضي أبوك كان كئيب و أسود رح يضل يأثر عليك طول ما عم تتذكره ومشان أمك لك ابني ... برجع بكررلك أنا ما عندي معلومات بالضبط بس .. لا تصدق الحكي الوسخ اللي بينقال ولا الحكي النضيف كله لا تصدقه انسى وبس
بدقيقة اتعبى فؤاد سعيد بأس وحزن ،حس إيديه اتربطوا من كلام الريس ،طبعا الريس قصد هالشي ما بدو يخسر سعيد إذا عرف أنه خبى عنه التفاصيل الصغيرة اللي ممكن تخلي سعيد يرجع ينتقم من الأشرار اللي قتلوا أبوه وبعدو أمه وبهالحالة حيصير بخطر أكبر ،طبعا قلب الريس مو من حجر لحتى يفرط بسعيد اللي بيعز عليه متل أولاده
سعيد :بدي أعرف وين كانوا كل أهلا ﻷمي لما فاتوا اتعدوا عليها السارقين
الريس :كانوا بشي مكان طالعين مع بعض كسدورة ... هيك خبرت وهيك صار
سعيد :طيب ،معقول أنو حتى المرابعين ما كانوا
وكيف السارقين فاتوا بهاد الوقت بالتحديد اللي ما كان في غير أمي بالبيت ،ريس مو ملاحظ أنو مو صدفة والقصة مو قصة سارقين وبس
الريس :لا مو ملاحظ أنت عم تتوهم ،انسى الله يرضى عليك وقوم كمل شغل يلا بطلي
طلع الريس وترك الأفكار والحيرة تضرب راس سعيد ،لما خلص اليوم رجع لعند نسمة محبط ،فات اتسطح فورا ،كانت مخلصة طبخ وعم تستناه يجي ، شافت البؤس والإحباط راخيين جسمه ،قعدت قدامه
نسمة :تعبان اليوم كمان
ما رد
نسمة :الءطبخ خالص ،اسكبلك ؟
ما رد
أخدت نفس ،نسمة :عملتلك فريكة
طلع فيا :مو عأساس ما بتعرفي
نسمة :امبلا ،بس طلعت عالتلفزيون اليوم بحلقة شيف عصام
سعيد :زبطت ؟
نسمة :هلق كشكل ما رح تفكرا أنها أكل هههه بس كطعمة طيبة كتير
سعيد :وما زالك ما بتعرفي ليش تخبصي
نسمة :ﻷني مقررة إني أعرف أطبخا وطالما قررت معناها ما بتراجع
رفع حواجبو :بالطبخ بتتفلسفي كمان
نسمة :أي نعم ،الطبخ ولا الغسيل ولا العمل كله بدو جهد وشغل وإتقان و بدون إصرار بفشل بهالشغلات الصغيرة وطالما فشلت فيهن معناها بفشل بأكبر منهن
ضل مطلع فيها ،تابعت كلاما
نسمة :هلق ليك لقلك أنا عندي قاعدة مبدئية ،منطلقة منا يعني ... بيكون الإنسان ماشي بأول طريقه وهو المرحلة السهلة ،بعدا بيبلش الشوك والصخر يظهر ،هون لازم يكون قوي وصبور وطموح ليكمل طريقه ،فبيبلش يقلع الشوك ويزيح الصخر بإيديه ،لحد ما يطلع أشخاص من اليمين وأشخاص من اليسار أو من الخلف بيحاولوا يعيقوا حركته أو يفشلوها ..... غالبا شخص بتحبه يبلش يشدك لجهته مو شرط يكون عدو
سعيد :بروح معه ساعتا
نسمة :ﻷ طبعا ...لازم تضل مكمل طريقك ،تقلع شوكك بإيدك لحد ما تلاقي حالك أنت واياه التقيتو عنفس الطريق ،وإلا هو عم يشدك لطريقه لتقلعله شوكه بإيدك
اتجلس ،صفن ،ضحك ،طلع فيها ،أخدا بحضن قوي
سعيد :ولك أنتي رووحي
نسمة :ههههه شبك
قام أخد المفاتيح وراح ،استغربت لوين راح بهالسرعة ،طبعا هو شد الحزام لعند أبوشادي بدون ما يفرق معه زعل الريس بعد ما استوعب كلام نسمة
___
أبو شادي :والله ياابني ما بعرف إذا بقدر فيدك بهالموضوع
سعيد :ليش عم ؟!!
أبو شادي :.... التارات اتسكرت واللي كان السبب صارت عضامه مكاحل وإذا خبرتك ما رح تستفيد شي
سعيد :لك عم مشان الله احكيلي ،عم أسألك عن أمي ،أمي هي ،ما بيحقلي أعرف ؟
اتنهد أبو شادي وما عرف كيف يبلش
سعيد :ليك عم ،بوعدك وعد شرف ،ما بجيب سيرة لحدى أنك أنت اللي قلتلي ،بس كرمال الله قلي كرمال غواليك تقلي
قطعه وبلش يتذكر ويحكي
أبو شادي :جدك كان الله يرحمه يلعب قمار كتير وبنته الست دنيا اللي هي أمك كانت من الجميلات والراقيات بهالضيعة ،اييييه عأيام العز يا سعيد ،الست دنيا اللي كانت تتمنى بنات الضيعة توصل لمستواها
اتفتحت عيون سعيد بالصدمة والحيرة ،تابع كلامو
أبو شادي :بس أولاد الكلب والحرام ما بيخلوا لولاد الحلال مجال ،والحقد يا سعيد ،الحقد بالأهل والكيد بالجيران ،كلن كانوا عم يستنوا كلمة زايحة عن الست دنيا لينشروا فيها ،بس ما كانت تسمح لمخلوق يطالع هالكلمة ،ااخ ااخ بس اللي صاار أنو القمار تبع الباشا بيوم خلى الموازين تقلب عليه والتمن دفعته الست دنيا
سعيد :عم مشان الله احكي بسرعة
أبو شادي :عراسي يا ابني ،بس أنا عم احكي وأنا محروق ،محروق خلوني بأرض مو أرضي وحياة مو جحياتي وضلوا نافييني كل هالمدة مشان ضل خرسان .......
.... طلبوا من جدك يسد الدين كله بفرد دفعة ،وجدك كانت أمواله عم تنهار شوي شوي ،بهي الفترة كان أبوك جاية وخاطب أمك ،لما ما قدر يسد الدين ،هددوه بروحه ،ولما عرف أبوك راح فزعله وهو وكل رجاله ،ولك وكانت الأرض تهتز لما أبوك يمشي عليها ،قلن ما بتقربوا عليه ولا بنكشة وإذا عمي بينتكش كل مين بهالحارة يعتبر حاله ميت ،حمل حاله ومشي وهالرجال وراه ،،كمدوا على جدك وأبوك سوى ،وراحوا حرقوا الكرم باللي فيه ،كرم فيه كل شي قلبك بيشتهيه ،لحتى وصل الخبر لجدك وأبوك كانت نص الخ
يرات محترقة ،فضي هالبيت وما ضل غيري عم اسقي الشجر اللي بجنينة البيت ، ومالي خبر بحرق الكرم ،والله وكيلك يا شبل ،ما لاقي غير 10 زلم سفلة ،بقلب البيت حملوا أمك وشدوا فيها ،أنا لما شفت هالمنظر طار عقلي ،ما عرفت شو أعمل ،ركدت وراهن بالأظما ،رجعولك تلاتة كل واحد بيفصل عني 4 أخدوا من إيدي الأظما ونزلوا فيني قتل قتل قتل لحتى حسيت حالي اتغسلت بدمي ،بالليل رجعت المرابعين مع جدك وأبوك وهنن مهدود حيلن من مصيبة الكرم ،ومافي دقايق إلا وزادت مصيبة هالخطيفة
رن جوال سعيد ،المتصل الريس ،حطه صامت
سعيد :كمل عم
تابع كلامه ،أبو شادي :ما طلع الضو تاني يوم إلا وكان أبوك جايب أمك وفايت هو وأياها عالبيت ،فرحوا وانبسطوا بس العملة السافلة اللي انعملت بأمك ما كان دريان فيها حدى لسى ،لحد هون الكل إذا بتسأله بيجاوبك متلي بس اللي ما بيعرفه حدى غيري ،ومرة وأنا وعم نظف مدخنة المطبخ ،كان بدي اطلع جيب نفاض مداخن ،سمعت المرحومة أمك عم تحكي لخالتك :{لما كنت عندن قلي تعالي شوفي الغرفة اللي جهزتلك ياها ،فتت عجبتني كتير ؤوءومابعرف كيف بلحظة حب ما قاومتو} لطمت خالتك عراسا قالتلا {شوو ،معناها عرف أنك ءء}قالت الست دنيا وهي عم ترجف {اي أول شي عصب مني كتير بعدين دغري قلتله إني لما انخطفت هيك عملوا فيني} قالت خالتك {وبعدين شو عمل شو اتصرف ،ضل هادي؟} قالت الست الدنيا {اي ..ضل هادي ،واعتذر مني كمان ،بس أنا عم احكيلك مو كرمال خبرك هالخبرية } قالت خالتك {لكن مشان شو } بكيت أمك وقالت {من هداك اليوم اللي كان بيني وبينه وأنا الدورة قاطعتني وخايفة كون ... حامل}وقاموا سكتوا وماعاد حكو طبعا من صدمتن ،حملت حالي ورحت ،وما رح طول عليك ياابني ،عجلوا بالعرس واتجوزوا ،كان بطن أمك عمرو شهرين ونص ،اتخبت القصة عن الغربا بس القرايب ما ارتاحوا لحتى عرفوا حبلها الغريب بهالوقت السريع بالنسبة ليوم العرس ،نبشوا ورى القصة لوصلت الاتفاقية بيناتن مع اللي خطفوها وفبركوا كل هالقصة اللي عم تنحكى عنها للعالم وطلعوها خاينة وبنت ليل وأبوك ما عاد اتحمل ينحكى كلمة عنها ،لحتى جازف و قلهن أنه هالحبل منه ،بس ما حدى صدقه ،حتى ستك وعماتك ،كلهن وقفوا ضدوا وهالسبب بيرجع لكيدهن الأساسي من أمك ،كشف أبوك عن أنيابه ،هو وماشي عالطريق مرة سمعوه الرجال كم كلمة ،لا ناقشن ولا جادلن ،سحب ساطوره وما رحم واحد منن ،وصار كل ما يسمع حدى حكى كلمة عنها يقتله ،بهي الفترة أنت إجيت عالدنيا
رن جوال سعيد كمان مرة ،حس أنه صار لازم يرد ،استأذن من أبو شادي وفتح المكالمة ،سمع صوت الريس هادي كتير ،اللي بيدل على شدة غضبه
الريس :وينك
سعيد :عند أبو شادي
الريس :.... ارجع لعندي لما تجي
سعيد :براسي ريس
سكر الريس الخط
سعيد :اي عم كمل
أبو شادي :تكرم ،بس قلي أنو ريس منن اللي حكيت معه
سعيد :عمران
أبو شادي :عمران الزرد
سعيد :اي
أبو شادي :لساته حامل أمانتك
سعيد :اي
أبو شادي :شو أخبارو
سعيد :عم ..بعزمك لعندي وببقى بقلك عأخبارو بس خليني هلق أفهم شو صار بعد ما أبي كشف عن نيابه
أبو شادي :اي ما صفي عيلة بالضيعة ما نوت تقتل أبوك وأمك ،طبعا ماكان قتلهن بهالسهولة بعد ما دعم أبوك البيت بالحرس و زود المرابعين ،مضت خمس سنين وبردت قلوب العالم عليكن ، طلع ابوك وأمك وأنت عالشاطئ ،بهداك اليوم أنت انخطفت ،والخاطفين زتوا ورقة بقلب بيتكن كتبوا فيها (سعيد ابني ومن اليوم رح يعيش ببيت أبوه الحقيقي وإذا بدك ياه تعالي بنفسك خديه) ،أمك جنت عليك وأبوك دخل الشك على قلبه شوي شوي ،ويوم ورى يوم يسمع كلمة من أمه كلمة من خالته كلمة من مرابع كلمة من جاره فات طلع غضبه وغيرتو المجنونة على أمك ،لحتى ضربا من دون قصد ،بكيت وانقهرت كتير ،ترك البيت وطلع وأمك ما طاقت تقعد بالبيت لسى هربت عبيت أهلا ،وهي وعالطريق كانوا اولاد الحرام صايدينها
احمر وجه سعيد غيرة وغضب
تابع كلامه :رجع أبوك عالبيت استفقدها ما لقاها ،هبط قلبه وفز يدور عليها بكل البيت والحديقة حتى بالمسبح غطس مالقاها ،سألنا تاني يوم عالصبح ،الحرس قالوله أنه طلعت بعد ما طلع ،حمل حاله وراح عبيت جدك سأل عنها قالوله ما شفناها ،بيوصلو خبر عالعصريات أنها معن ،وﻷنه الشيطان ما مات ،الفكرة الوحيدة اللي دارت براس أبوك هي أنها راحت لعندن وهربت من أبوك ﻷن كشفها أنك مو ابنه وطبعا كانت فكرة متل السرطان أكلتله راسه ،اسودت الدنيا بعيونه ،بعد يومين وصل ظرف عالبيت كمان كان حاطين فيه صورة أمك وأنت وابن الحرام ،عأساس قاعدة عندن برضاها ،وهو شاف هالصورة ورجع كشف عن أنيابه ،وماعاد سأل عن روحه صار بدو يقتلها ويقتلو وبس ،وصى عمران الزرد اللي هو أبو ياسر ،يجبله سلاح ورجال ليهجم عليهن ،وطبعا عمران الزرد إيدو اليمين ﻷبوك
رن جوال سعيد كمان مرة وكان الليل صار منيح
سعيد :اي ريس
الريس :رح ابعتلك سيارتين يجوا معك وقت بدك تجي ،قلي وين أنت
سعيد :ما بدا ريس ،جاية هلق
الريس بصراخ :سعييد
عطاه العنوان وسكر الخط ،كان بدو يكمل قعدته بس لما خطر
له أنو
مالازم يستدل الريس على مكان أبو شادي ،قام واستأذن منه ووعده يرجع يجي لعندو عن قريب كتير ،طلع ،ركب بالسيارة ومشي بسرعة ،بنص الطريق لقى الشباب ووقفهن
ورجعوا سوى ،وصل ،نزل من السيارة وفات عالمكتب ،لقى الريس عم يستناه بغاية العصبية
سعيد :اضطريت اتأخر
الريس :... صار بينفصل الخط اللي بتصله
سعيد :لا ما
قطعه :وكلمتي بتنكسر ... وبتتطنش....وآخر من يعلم هو أنا ،شو القصة سعيد ،قلي شوبدك هلق ﻷعطيك ،لوين بدك توصل ،شووبدك
ضل ساكت سعيد وعم ياكل العتاب ومنزل راسه، لما سكت الريس
سعيد :آسف ،أنا مو قصدي تزعل ولا تنكسر كلمتك ،بس كنت حاسس أنك مخبي عني شي من زمان ،وكل اللي عملته إني عرفت اللي مخبيه عني وبعرف أنك ماقلتلي لسبب معين ما رح يغير نظرتي فيك لو مهما كان
هز راسه الريس :ونسمة
سعيد :شبها
الريس :أنت مو بس عرفت اللي بدك تعرفه وخطفت بنت من ورايي وعايش معها بالحرام ولا سائل ولا كأن عندك حدى تعبان عليك وبدو حلم من الله ليشوفك موافق تتجوز ليجوزك ،سعيد نسفت وجودي أنت ،مستهزئ فيني ﻷبعد الحدود ،اي معك حق صرت بتعرف هلق أنو كل هي أملاك أبوك وصار بدك تقوى عاللي رباك ولا عاد يفرق معك
اتفاجئ سعيد :ريس مشان الله ...هات إيدك لبوسا من إيمتى بتصرف متل الكلاب
صغر عيونو الريس دقق بعيون سعيد ،شاف الصدق واضح ،هدى حاله وشغل سيجارة
سعيد :ريس أنا ما ببيعك ولا بعصيك ،وأنت بتعرفني ،..نءنسمة مابعرف كيف هيك صار ،بس حسيت حالي إذا وصلتا رح كون سبب موتها ،قلت خلص بخليها عندي وشو بدو يصير بحله بالمصاري
الريس :وعلى أنو أساس عايش معها هلق
سعيد :ما بعرف ،بس لاتقلي رجعها
الريس :لك عم قلك على أي أساس عايش معها
سعيد :شلون يعني
ضرب عوجهه الريس :ابني ...أنت واياها عايشين بنفس البيت ،ما خطرلك تجيب شيخ يكتب كتابكن تخلي عيشتك معها عالسليم ،ولا حابب عيشة الحرام والفلات
سعيد :ﻷ
الريس :ريتني قلك ﻷ وقت تقلي إيمتى الراتب ،بكرى رح حضرلك كل شي بالبيت فوق ،حضروا حالكن أنتو كمان ،يلا قوم انقلع من وجهي هلق
ابتسم سعيد :ﻷ
الريس :انقلع ولا
ضحك سعيد :رح انقلع بس مو قبل ما تكملي اللي حكالي ياه أبو شادي
اتنهد الريس :رح كملك ووعد بس ليصير وقت احكيلك
حك راسه سعيد :معناها منرجع منعمل زيارة لعمي أبو شادي
الريس :قوم انقلع ولا
طبعا ما انقلع ،كملوا سهرتن ورجع الريس حكاله اللي حكاه أبو شادي بس بالتفصيل أكتر ،اتأثر سعيد ودمعوا عيونوا ودمعوا عيون الريس كمان على ذكرى أبو سعيد ، وضحت كل الصورة براس سعيد ،حس بشعور ما كان متوقع يعيشه ، نهى كلامه الريس وخلى سعيد يروح عبيته ووصاه ما يلمسا ﻷن هيكون حرام لمسها وشوفتا حتى ،رجع عالبيت ،كانت هيه ،لابسة أفرول زهري عليه أرنب وعاملة شعرها قرنين ،طالعة متل 🐰 ،فات ركدت عليه وعانقوا بعض ،طلع فيا من فوق لتحت وهو ضحكان
نسمة :حلو ؟
سعيد :حاسك صغرانة
نسمة :ههههه اي أصلا أنا صغيرة ،بحب انحمل كمان
استنت يحملها ،ضل متأمل فيها وضحكان ،اتذكر وصية الريس ،عبس غصب عنه وفلت إيديها
سعيد :احم في أكل
استغربت
نسمة :اي في ،أصلا ما أكلت
قلبت شفتها ،اتجاهل خفة دما وفات قعد ،حست أنه لساته مزعوج ،بس كان بدا تعرف اللي عم يصير معه وإلا بيضل ظهرا يحكا ،وهي وعم تحط الاكل فات يتحمم ويغير أواعيه ،جهز الأكل ودقت عليه الباب كالعادة مشان تليفله ظهرو
سعيد :شو بدك
نسمة :شو بدي ؟! مين بيصرعني مشان ليف ظهرو
فاتت عالصالون قعدت وهي مهزوزة ،حسته ملتئم زيادة أو كرهانا ،طلع ،شاف الأكل جاهز ،قعد بعيد عنا سحب السفرة لقدامه
سعيد :زتي الخبز
طلعت فيه بانزعاج
ضحك :زتي الخبز
نسمة :بدك ياهن خدن لحالك
قامت بنتر فاتت عالغرفة وسكرت الباب واستنت ليناديلا أو يدق الباب لتفتحله أو أي شي يبين أنه عم يمزح معا بس مرقت نص ساعة ومافي أي فعل ،انزعجت أكتر صارت تبكي وكرهته خلال ساعة ،سمعت صوت التلفزيون اشتغل ،حط على برنامج كوميدي ،وصوت ضحكه ينسمع بوضوح بعدا بشوي نادالا ،ما ردت ،نادالا كمان ،ماردت ،إجى ليفتح الباب لقاه مقفول
سعيد :قافليته كمان ،اي تمام أصلا هاد المطلوب ،صارت الساعة 1 ونص ،رح نام برى بس اسمعي شو بدي قلك ... بكرى عنا روحة أنا واياكي عبيت الريس ،مشان نساوي عقد زواج ،جهزي حالك مشان ما نتأخر
انصدمت
سعيد :سمعتيني أرنوبتي هههه
قامت فتحت الباب
نسمة :كيف
سعيد :مشان نصير عايشين بالحلال
نسمة :ﻷ
سعيد :ههههه
نسمة :شو معنى نعمل عقد قران وأنا لحالي بدون أهلي وبدون موافقتن
سعيد :وشو معنى أنك قاعدة عندي بدون أهلك وبدون موافقتن
نسمة :أنت جابرني اقعد هون بدون موافقتن وإلا أنا حاسة إني مرتكبة غلط كبير بدك ياني فوقا اتجوز
اتعكر مزاجه :بكل الأحوال أنت عندي وحتضلي عندي والعقد مشان الحلال والحرام وفوتي من وجهي هلق
اتسطح ودار ظهره سكتت شوي كان بدا تعترض أكتر بس الخوف المجذر بقلبا منعها ،دمعوا عيونا وفاتت ،تبكي وتبكي عالصامت ،لطلع الصبح وعيونا متنفخين وحمر بدون ما يغمضوا ولا ثانية ،
فاق بعد مدة نادالا مشان يبلشوا يتجهزوا ويحكيلا شوي عن عيلة الريس ،ما رضيت تطلع ولا تفتح الباب ،عصب ،قلها تفتحه وإلا بيكسرو ،كمان ما ردت ،حبس أنفاسه ،كسر الباب ،لقاها قاعدة بزواية التخت وخايفة ،قرب عليها بهدوء قعد مقابلا
سعيد :ليش هيك عيونك
نسمة :....
سعيد :كل هلقد أنا كارثة بحياتك
هزت راسا أنو ﻷ
سعيد :لكن شو مزعلك ،أنتي عندي عالحالتين لحتى لاقي طريقة تجمعك بأهلك ،خلينا نساوي هالعقد مشان ما نضل عايشين بالحرام ،شو فارق معك يعني فيه وبلاه ،وأصلا فكرتك رح تفرحي ،حتى إذا بضمك هلق حرام
نسمة :صرلنا كتير مع بعض ،ما رح تفرق
سعيد :ضمك يعني
ضحك
نسمة :ﻷ مو قصدي ،بس صرلنا كتير مع بعض
سعيد :لو كان خاطرلي من تاني يوم لساويته بس الريس امبارح قلي عليه ،وأصلا هو رح يحضر كل شي مشاني ومشانك ،يعني ليش عاملة بحالك هيك ما فهمت
ما لاقت جواب تحكيه ،بس الإحساس الوحيد أنو ما بدا ،راضاها شوي وقامت تساوي فطور ،وهنن وعم ياكلوا اتصله الريس
سعيد :أهلاا
الريس :بعيونك ،وين المحروسة
سعيد :أنو محروسة
الريس :ليش كم محروسة حواليك هلق
طلع فيها ،سعيد :اي هههه اي ليكا قدامي
الريس :اي جيبا جيبا
سعيد :عم ناكل شوي وجايين
الريس :هلق جيبا أول شي وارجع كمل أكل
بلع اللقمة غصب عنه :شلون يعني
الريس :صعبة يعني ولا خايف ناكلا ،جيبا عالبيت وبترجع لعندي أنا بالمكتب يلا مو وقت أكلك
سكر الخط ،صفن بنسمة شوي ،صعبت عليه يتركا عندن لحالا
نسمة :شبك
سعيد :إنتي كيف بدن يروقوا عيونك هلق
نسمة :ليش
سعيد :اي والله بيفكروني جايبك بقتلة
نسمة :مو مهم
سعيد :ليكي نسمة يعني ...أنتي لسى ما بتعرفين ...هدول عيلتي ،مرة الريس متل أمي واولادا متل أخواتي عشت معن طول عمري ،يعني هنن حاليا ملهوفين ليشوفوكي ،كلن ،إذا ما نسيتي مشاكلنا شوي احتمال تنتزع نظرتن فيني وغير أنه حتكوني فرد جديد بالعيلة حتى أنتي يعني ،فلا تقوليلي مو مهم ،خليني هيك رايق و مزبط معك ،يمشي هاليوم على خير ،وشو مابدك بصير بعدين
ضل متابع كلامه ،وهو يقنعا ويحاول يأجل المشاكل ،كان حاسس بتجمعن ولهفتن ومفاجئاتن ،لهيك حاول يهيئا شوي
سعيد :قوليلي إذا لازمك شي لجبلك ياه
نسمة :مابعرف
اتهفف من قلة وعيا
نسمة :جد ما بعرف ،يعني شو بعرفني أصلا كيف حضر حالي
سعيد :مين بدو يعرف لكن
نسمة :لو أمي هون كانت هي المدبرة لكل شي
سكت تفاديا لشي مشكلة جديدة
نسمة :عكل حال اللي ناقصني هو الأواعي المناسبة ،بس ما بعرف شو المناسب ﻷن أصلا ما بعرف شو سستم اليوم
رجع اتصل الريس ليستعجل سعيد،قاموا لبسوا لبسن الطبيعي تبع أي مشوار ،بس مع شوية تزبيط أكتر ،وصلها لبيت الريس وهو كان عبارة عن بناء كبير بيضمن كل العائلة مع فروعها ،نزلوا من السيارة ،مسك إيدا وقرب رن الجرس ،استقبلوهن بلهفة
وقت فاتوا كلن صاروا يطلعوا بنسمة ويسلموا وهي خايفة على خجلانة ولازقة بسعيد ،شافتن كيف ضموه وبوسوه بشوق
أم ياسر :لك حارمنا شوفتك شو عامليلك نحنا
سعيد :والله جوزك متعبني طول اليوم دوبني ارجع نام
ضحكوا ،قعدوا بغرفة الضيوف ،فاتوا الشباب المتزوجين مع نسوانن يسلموا عليه ،مدوا إيدن ليصافحوا نسمة ،طبعا هي ما بتصافح رجال ،مرق الموقف خجلوا شوي، وبعدا قعدوا ،وضلت لازقة بسعيد
أم ياسر :لك خالتي اتركي ايدو شوي والله ما رح ناكلك
ضحكوا ،تركتا شوي شوي
غالية :لك ليكوا غصبا عنها عم تقيما
ضحكوا كمان وكانوا كتار شوي ،وبيحبوا الضحك قالت زوجة ياسر
ريما :قوليلي لشوف ،سعيد قايلك أننا مناكل لحم بشر
ضحكوا
سعيد :اا لاوالله بس من لما قلتلا ريما هون صارت هيك
ضحكوا
ياسر :إذا هيك معك حق يا نسمة
ضربته ريما بكوعها وضحكوا كمان ،لما نسمة ضحكت شوي حست بجو المرح والمحبة بيناتن بعكس اللي كانت عم تفكره ،قام ياسر قاموا معه الشباب
ياسر :ايه يلا سعيد الريس عم يستنانا
سعيد :لوين
ياسر :قوم يلا
سعيد :اي لوين
ياسر :لك قووم
فارس :هلق قوم منقلك عالطريق شو بدك تضل قاعد مع النسوان
أم ياسر :اي طولوا بالكن شوي يااولاد لسى ما ضيفناه شي
غالية :خلوه شوي والله مالحقنا نشوفه
قرب ياسر وشوش أمه
أم ياسر :اي .... طيب يلا قوموا قوم سعيد معن خلينا ناخد راحتنا الله يرضى عليك
ضحك ،طلع بنسمة
سعيد :قايم روح أنا ،هي الجوال إذا بدك شي دقيلي عرقم الريس أو ياسر ،مشي ؟
طلعت فين حست بالغربة والخوف احمروا عيونا ،همستله
نسمة :إذا مو ضروري لا تروح
سعيد :نازل أنا اسبقوني
فهموا أنو بدو يحكي شوي هو واياها
ريما :ءءقايمة بلش بالفطور ...الحقوني صبايا
قاموا كلن بقيت الاولاد الصغار ونزلوا الشباب فضيت الغرفة
سعيد :شوفيهن شو كلن ذوق ،لاتخافي وانتي هون ،هدول أغلبن متعلمين بيتفزلكوا متلك يعني بتفهموا على بعض ،خلص هي الجوال اذا بدك شي حاكيني لاتخافي
هزت راسا واتقبلت الموضوع ﻷن حست أن ماعاد عندو طاقة يصبر عليها أكتر من هيك ،راح ،ضلت قاعدة مع الاولاد لحد ما ولد منن اسمه زيد(ابن ياسر ) ضرب ابن عمه طه (ابن فارس ) ونزل الد
م من أنفه ،حملته ونادتلن ،شافت المحارم حطتله كذا محرمة عأنفه ،إجت أمه(رهام) راكدة بإيدا المعلقة ووراها الباقي
رهام :يييي ولك يتكسروا إيديكي مين قلك تحمليه طيب ما لقيتي غيرو تسلاية
اتبركمت نسمة ،أخدتو من إيدا
غالية :رهام
ريما :لك شلون وقعتيه
ضلت ساكتة ودمعوا عيونا،قربت غالية منا
غالية :لك تضربي إنتي واياها ،ضيفة جديدة هي هيك بتحكوا معها
رهام وهي وعم تهزو ورافعتلو راسو :لساتا أول زيارة وهيك
ريما :لآخد اولادي حطن بالبيت أحسن لي
غالية :خلصنا اسكتوا ،تعالي نقعد نسمة
اجت ام ياسر ،حملت الجوال نسمة لتتصل ،سحبته منها غالية
نسمة :هاتيه غالية
غالية :لك طولي بالك شوي ماقصدوا يجرحوكي
نسمة :هاتيه لو سمحتي
أم ياسر هدت الموقف أكتر واستفهمت من نسمة كيف انصاب ،روقتن مع بعضن ،اعتذرت رهام من نسمة ،وبلشت أم ياسر تتعرف على نسمة أكتر
أم ياسر :ءءهلق نحنا منعرف أنكن عاملين عقد قران بالمخفي بس أبو ياسر انزعج وأنا أنزعجت أكتر ،نحنا والله صرلنا عم نقنعه يتجوز من سبع سنين وهو يرفض ،يعني نحنا متل اللي يئسنا منه وخلص تركناه عراحته يعيش لحاله ،اي بس هلق أدرى أنو ملاقي اللي بدو اياها وما اعمل عرس مطنطن ما بيشفى جرح قلبي أبدا
ضحكت نسمة
غالية :أمي عم يرن جوالك
أم ياسر :اي هاتيه بتكون الكوافيرة وصلت عالكراج بدو مين يجيبا لهون
نسمة :كوافيرة ؟
غالية :اي
نسمة :لشو
ضحكوا
ريما :لشو يعني طبعا مشانك ونحنا كمان رح نلف شعرنا اطمني
نسمة :جد
ضحكوا كمان
غالية :هو رح نعمل بين بعضنا هيك حفلة صغيرة بس للذكرى
هزت راسا وكملوا حكي ،أجت الكوافيرة معها 5 مساعدين أما الشباب ،بعدما خلصوا فطور وهنن بالمطعم ،غمز ياسر لفارس بدون ما ينتبه سعيد
فارس :أنا رح ضل هون أنتو روحوا
ياسر :شلون بدك تضل لحالك
فارس :خلص هي سعيد هون
سعيد :سعيد عندو جوازة مو فاضيلك
ضحكوا
منصور :مو المأذون رح يجي عالمغرب
ياسر :اي للمغرب بس خلص قوموا
فارس :لا جد شباب روحوا بدي احكي شوي مع سعيد منجي قبل المغرب نحنا
ياسر :اصطفل أنا رايح
راح ياسر ومعه باقي الشباب ليحضروا الساحة قدام البيت للعرس وباقي المستلزمات وعلى فارس انو يلهي سعيد لبينما يصير الوقت، عبس فارس وحط الحزن بوجهه
سعيد :هات لشوف اللي بدك تقلي ياه
فارس :بعرفك ما بتحب المسخرة إذا بدك تتمسخر منقوم
سعيد :اي منقوم
وقام
فارس :لك لاا شو تقوم احم خلص أنت زلمة الواحد ما بيقصدك بفزغة روح يلا
قعد وهو يضحك ،شغل سيجارة
سعيد :فزعة لعيونك ،قلي بس
وبلش فارس بقصة من خياله تمت للضحك ما بتخلص ،يشوق سعيد ليسمع أكتر ويكسب وقت أكتر ،لحتى مضى ساعتين ونص لاضطر ينهي كلامه
سعيد :يعني ما فهمتني أنا بشو أفزعلك
فارس :الصراحة هي شغلة تانية ما حكيتلك عنها
سعيد :لك خ.... مليت من القعدة
فارس :اي ليك هون في ممشى تعال منمشي وبقلك
قاموا أخدوا اغراضن اللي عالطاولة واتمشوا وهو يحكي فارس ويسحب
فارس :أنا ماعاد اقدر عيش معها أكتر لك صرت عم اختنق لما شوفها ،مقرر اتجوز مرة تانية بس عم خاف من الريس يقوم يرفض
سعيد :معليش طول بالك عليها قد ما بتقدر هدول النسوان عقلن قليل
فارس :لك أنو عقل قليل والله عقلهن رايح يدفنا ونحنا عايشين
سعيد :هههه اي لا بدك تطول بالك
فارس :والله يا أما أنت مافهمتني يا اما مرتك غير مرتي
سعيد :يا أما أنت مو رجال متلي
فارس :ههههه هلق مافي حدى يفك بيناتنا ها
كملوا حديثن ومضت ساعة وفارس يزودا بالحكي عن مرته والمهم أنوالوقت عم يهرب ،وسعيد منتبه وعم يصبر عفارس وطبعا حاسس بشي مفاجئة بعدا داق صبر سعيد ،اتصل الريس لفارس وحكوا
فارس :عم يقلي نروح عند الحلاق اللي بالمدينة
سعيد :ليش نقطع هالمسافة كلا يعني ،شبو الحلاق اللي هون
حك راسه فارس : عم يستنانا هنيك قال وخلص أنت لا تدقق كتير أمشي خلصني
ولبينما راحوا ووصلوا وبعد المماطلة من فارس كانوا الشباب واصلين ل70% من التجهيزات طبعا ﻷن كانو كتار كتير والشمس صارت على زوال يعني وقت العصر والمطلوب لسى 4ساعات ليخلصوا بهاد الوقت كانت نسمة مبلشة تساوي شعرا
عند الحلاق ،كان مخلص شغله سعيد ،غمزو فارس للحلاق ،جاب الحلاق مي ملونة بالزهري ،وعمل حاله اتفركش ووقعها عراس سعيد ،قام بنتر وهو معصب وصرخ
سعيد :أعمااا تعال ﻷعميك أكتر
مسكه ليضربه ،حجز فارس فورا وهداه ،وهو والحلاق عم يضبوا الضحكة ،صار يغسله راسه عأساس هي صبغة وبدو نقع شعره بالمي تلت أرباع الساعة بدون ما يتحرك ،وهو ناقع شعره طلع بفارس حاسس الرواق اللي بعيونه وخصوصا أنو ما لقى الريس
سعيد :قسما بالله حابب أدبحك
فارس :أنا !! له يا صاحب
سعيد :خ...
فارس :اي ماشي
وعبس كرمال يضب رواقه الواضح أحسن ما تقلب الشغلة عليه ،بعد تلت أرباع الساعة نشفله راسه ورجع عاد الكريمات الوهمية والاستشوار كان ماضي ساعتين تانيات صار الوقت تمام هيك طلعوا من عند الحلاق ركبوا بالسيارة ،لقى الأربع الدواليب مبنشرة ،استغرب
فارس :العمى شلون هيك
سعيد :لك الأربعة مبنشر
ين
عصب وصار يسبسب عاللي بنشرن وعلى هاليوم وعلى فارس وفارس يضب الضحكة ،فما كان في غير استبنة وحدة ،فراحو عند كومجي وزبطوها ولبين ما زبطت مضت ساعة وبعدا ركبوا وكملوا طريقن عالضيعة ،هون كانت الأمور شبه جاهزة ،استأذنوا الشباب اللي قريبة صداقتن من سعيد من باقي العمال ليروحوا يجهزوا حالن فورا طلعوا عالبيت ،نادوا لنسوانن طبعا الريس كان معن ،واستفهم من أم ياسر أنه نسمة صارت جاهزة ،بس خايفة وأعصابا متشنجة
الريس :غريب ليش خايفة ،طيب حاكيها شوي
أم ياسر :لك حاكيتا كتير بس حاسستا مخبية شي
الريس :طيب خليني فوت حاكيها أنا
أم ياسر :عم تحطلا الكوافيرة اللحشة هلق
الريس :أوعك خليها تزبطا ها
أم ياسر :اي ماشاءالله هي لحالا زابطة بس لاتاكل هم طالعة بتجنن ،والله و عهوى البنات اللي كنت شفله ياهن فرق كتير
الريس :اي ملعون بيعرف ينقي
أم ياسر :ههههه يؤبر كياني شو كان قلبي ناطف لشوفه متجوز ووراه عيلة وأولاد
أجت غالية :أمي خلصت نسمة بس عم تستفرغ تعي شوفيها
ركدوا يشوفوها ،كان راسا عم يفتل وعم تستفرغ ،ارتعبوا عليها فكروها خايفة ،اعتنوا فيها ما خلوها تتوسخ ،ساوتلا غالية كاسة ليمون لتشربا ،فات الريس ليحاكيها شوي وغمزن ليطلعوا
ضلت حاملة الكاسة وعابسة وعيونها بالأرض ،
الري س :بتشبهي الست دنيا كتير
طلعت فيه
الريس :اي امه لسعيد ،بيوم العرس قعدت وبإيدا كاسة ليمون متلك وعم تستنى أبو سعيد يجي ياخدا ويحميها ،بس الفرق بينك وبينها ،أن هي كانت قاعدة بين ناس حاقدة عليها أما أنتي قاعدة بيناتنا ،مو عاطيين فرحتنا لحدى ،بنتي نسمة فرحانين فيكي كتير ، بس طبعا مو الريس اللي بيسلب الفرحة من قلب حدى لياخدا هو ،أمك كانت بتتمنى تشوفك بهاليوم لتفرح فرحتنا ،بس بوعدك إني ما بضوع هالأمنية ،وكل شي بوقته حلو ،ومو تزعلي بنتي إنتي محظوظة كتير بسعيد وفينا كمان
ابتسمت
الريس :ما في بنت ما اتمنت يختارا سعيد بس هو كان مصمم ما يدخل بنت لقلبه إلا أنتي
خجلت ،ضحكت
الريس :لهيك بنتي اليوم افرحي وانبسطي وشو بدك قوليه لنحضرلك ياه ،وهي العبسة إذا إجى سعيد وشافا بتصغرينا بعيونه كتير ، نازل أنا هلق بس ما بدي ارجع شوفك عابسة ، مافي عنا حدى يعبس
طلع لقاهن عم يتنصتوا عليه ،ضحك ونزل ليبلش يستقبل المعازيم اللي بلشت تكفت ،طلع عالساحة لقاها كاملة بدءا من المسرح للإذاعة للطاولات للإضاءة ،وصلوا سعيد وفارس عأول الضيعة لقوا أربع سيارت سادة الطريق ،نزلوا منها ملتمين ووجهوا سلاحن عليهن ،ماخطر لسعيد غير أنه يكونوا من جماعة نهلة وعاملين شي لنسمة
سعيد :شو هاد لك فارس
اتفاجئ فارس متل سعيد ،جهز المسدس سعيد لينزل مسكه فارس
فارس :لا أوعك تنزل
نتر إيدو منه
سعيد :خايف خليك قاعد
فارس قفل السيارة وسحب المفتاح ،قربوا عليهن وصاروا يضربوا عالسيارة
مجهول :انزل لك جبان ،انزل فرجينا رجوليتك
سعيد :فارس هات المفتاح ،حاجتك حركات حريم هاتو عم قلك
استفزوا سعيد أكتر ،عصب وثبت فارس واخد منه المفتاح ،فتح السيارة ونزل كمش واحد من قبته وحط المسدس براسه
سعيد :هي الجبان نزلك و رايح يطلع روحك مين باعتك ولاك
دقق سعيد بعيونه أكتر ونزل المسدس ،هداك قام اللثام من عوجهه وضحك وقاموا الباقيين اللثام
ياسر :هههههه ولك رجااال
وكملوا الباقي ضحك
فارس :العمى شو أندال ليش ما خبرتوني عهي كمان
عدي :ههههه مو حلوة نخبرك ولا كيف بدا تمرق عسعيد
ضل سعيد مهزوز بدنه ،ومااتقبل المزحة فورا ،استند عالسيارة وهو وعم يهدي أعصابه بعد ما استنفرت ،ما لقى غير نزل منصور من تحته وحمله وبلشوا يطلقوا رصاص ،عرف الريس أنو وصلوا ،ركبوا بالسيارات وكملوا طريقن ومشغلين إذاعة السيارة عالآخر وعم يضربوا رصاص وصلوا لقدام الساحة ،وقفوا السيارات ،شاف سعيد العالم ،المعازيم ،الأغاني اللي صوتا معلي للسما ،اتفاجئ ،طلع فيهن
سعيد :لك قرود لسى الصبح كانت الساحة فاضية
ضحكوا ،عانقوه ،وباركوله إجى فارس ليعانقه
سعيد :هلق فهمت عليك أنت ،لكن كل هالحيل مشان تلهيني
فارس :ههههه منيح الله صبرني عليك
سعيد :صبرك عليي ؟ عكل حال في كم كلمة احكيهن مع رهام
ضحكوا وضموا بعض ،كانت ملتمة العالم حواليه بعد شوي سحبه محمود (ابن الريس) ليطلع عالبيت يلبس ويكتبوا العقد ،لما طلع اتجه عند أم ياسر يسألا عن نسمة
أم ياسر :ﻷ شو بدك فيها هلق ،استنالك شوي لتكتبوا العقد
ضمته بقوة وشمته ،دمعوا عيونها ،بعدا راحت لتجبلو الطقم الرسمي ،كانت مارقة غالية نادالا حاكاها بهمس
سعيد :وين نسمة
غالية :هههه جوى
سعيد :أنو غرفة
أشرتله عليها ،غالية :بس ما بصير تشوفا هلق
سعيد :لك ما بيأثر بدي حاكيها كلمتين بس
قام ،وقفت بوجهه
غالية :يا ويلي أوعك تروح لعندا إمي بتدبحني
سعيد :ههه لك لا تخليهن يشتلئو ،بعدي
فات محمود وعمر ،لياخدوه
عمر :شوفي
غالية :بدو يفوت عند نسمة
ضحكوا ومسكوه كل واحد من طرف وأخدوه عالحمام كان فيه رفقاتو المقربين عم يستنوه ليحمموه ،طبعا كلنا عنا فكرة عن مزح الشباب بهديك اللحظات ،المهم
خلص الحمام بخير ولبسوه بعدما فات الريس نبهن ما حدى يغدره بشي يأذيه
،لما طلع كان المأذون والريس واخواته عم ينتظروا وطبعا في كم شخص من المقربين للريس
سأل المأذون عن العريس وعن ولي أمر العروس ،قله الريس أنو العروس فوق السن القانوني بتقدر تكون ولي أمر نفسا فطلب انها تحضر أثناء كتابة العقد ،كانت لابسة طقم جينز ومحجبة ،استحت وأصرت وما قدرت تفوت ،طلبت يجي سعيد ،قام سعيد ،شافا ،اتفاجئ ماعرفا للوهلة الأولى ،ضحك وضحكت غالية وام ياسر ،هزلا راسه أنو شوفي
خجلت من نظراته قدامن ،حسوا بوجودن المزعج بعض الشيء ،طلعوا ،سكر الباب ،قرب منها
سعيد :ريتو يقبرني لك شو كل هاد
نسمة :هئ حاسة حالي بشعة
سعيد بحماسة :لككك شو بشعة
كان بدو يضما بس اتراجع
سعيد :شوفي ،هلق كلن برى عم يستنونا ،المأذون مستعجل ،قوليلي شو كان بدك ،ليش ما طلعتي
نسمة :يعني كيف بدي اطلع قدام كل هالعالم والله مابقدر
سعيد : شو طالعة تقاتلين أنتي حتى ما تقدري
ضحكت :ﻷ بس خايفة مابعرف مين في برى
سعيد :برى أنا والمأذون والريس واخوه ،لايهمك حدى غيرنا ،رح ضل جنبك خلص ،لاتخافي امشي يلا
اتنهدت ،هزت راسا ،طلعت وطلع وراها وهو جمدان فيها ،قعد على يسار المأذون وهي عيمينه جنب الريس ،بلش بقراءة العقد وحكى مهرها اللي
قله عليه الريس ،انتبه سعيد عالرجال اللي قاعدة وعم تتمنظر بنسمة
المأذون :نسمة نعيمي وبكامل قواكي العقلية ورضاك هل تقبلين بسعيد زرد زوجا لك
اطلعت فيه كان عابس وعلى وشك يعصب من غيرته عليها وعم يتزور الموجودين
نسمة :ءإي ءءنعم أقبل
المأذون :سعيد زرد وبكامل قواك العقلية هل تقبل نسمة نعيمي زوجا لك
سعيد :أقبل
وقعوا وبعدا تمم العقد،زغردوا النسوان الموجودة ،جابوا محمود وعمر وعامر الضيافة للموجودين ،قام الريس بمعنى أنو يقوموا الباقي لينزلوا ،لما فضي الجو شوي ،قرب سعيد عنسمة :يلا جهزي حالك لنروح
هزت راسا بالرضا ،وراحت بعد دقايق إجت أم ياسر أخدت سعيد وقعدت
أم ياسر :الف مبروك تؤبر كياني
سعيد :الله يباركلنا فيكي
أم ياسر :ءء شفت نسمة عم تجهز حالا
سعيد :اي
أم ياسر :اي شو اي ،قلي انشالله مو زاعجك حدى
سعيد : لا والله بس تعبان بدي روح ارتاح
أم ياسر :يوه ،لك ابني أنا سكتلك كتير ها ،شو مو معبيين عينك لنكون
سعيد :ليه هيك عم تحكي خالتي
أم ياسر :قال ليه هيك عم تحكي ،لكن هالتجهيز كله مشان مين ،هالعالم اللي تحت عم تستنى شو مشانا ،حامل نسمة وبدك تمشي ليش مو حضرتكن العريس والعروس
سعيد :هلق بنزل بسلم عالعالم ،بس والله مو خرج ننزل أنا ونسمة ونعمل شغلة عريس وعروس
رفعت حواجبا مستغربة
سعيد :لك ما صفي حدى من القاعدين هون عأساس كبارية وإلا اتأملي ياها تأمل بدك ياني انزل عند كل أمة هالشباب اللي تحت ونعمل عريس وعروس كمان اي شو عاملا عرض أنا
ضلت تحكي وتحاول تحكي معه وهو يرفض ومحاول يضل هادي ،كانت نسمة وتر حساس بالنسبة أله ،نادت للريس يجي يقنعه ،وبعد جدال وضغط شديد ،وافق ،فرحت أم ياسر والباقي وراحت تلبس البدلة البيضا لنسمة ،لما خلصت نادت لسعيد مشان يجي يمسك إيدا وينزل هو وإياها ،وقف مقابلا ،لحشة بيضا ،مكياج مثير ،بدلة بيضا شيفون كبيرة
سعيد :شو هاد ،هيك بدك تنزلي
نسمة بخوف :ﻷ ،ما بدي
غالية :ﻷ بدك لكن شو بدك ،هف سعيد خلصنا يعني عروس هي
سعيد طلع بأم ياسر بعتب :هيك خالتي
أم ياسر :لك ابني الله يرضى عليك حاج تكبر القصة ،مو أول عروس بضيعتنا هيك بتكون وأصلا مو زابطة كل هلقد ،اطمن مانها شي جديد يعني لا شعراتا ولا إيديها مبينين كمان
ضل صافن بنسمة من فوق لتحت ،قعد ،اتافف مسح عوجهه ،سمع صوت الريس عم يصرخ ،قام بنتر مسك إيدها ومشي
سعيد :اتفضلي خالتي بس ما رح طول
همس بأذن نسمة :هلق مو كل ما قالولك شغلة تعمليها ،بتشوفيني بدي ولا ما بدي بنظرة وساعتا بتردي عليهن ،فهمانة ؟
هزت راسا ،حست بغيرته القاتلة ،وجنونه المخفي نزلوا وبلشوا تصوير وزغاريد ونسوان ورجال كتيرة ،رشوا عليهن ورد ،ضحكت لا إراديا ،ما سمعت غير عم يهمسلا مع عبوس
سعيد :ضبي سنانك
اختفت الضحكة فورا ،مشيوا لقعدوا عالبيست وسعيد زاور و وجهه مخنق ،حطوا غنية للرقص خاصة ألن ،أشر بحواجبو لياسر يغيرها ،طلعت لعندو أم ياسر وغالية ليقوموهن يرقصوا ،رفض رفض نهائي
سعيد :خالتي إذا بتقوم بتتفتل مكسر هالعرس على راس هالعالم هي من الآخر
سكتت ونزلت ،طلع لعندو ياسر واخواته وباقي رفقاته وجبروه يوقف يرقص معن ،خلوه يضحك غصب عنه أنو يفك غيرته شوي بس عبس معن أنو تنفك ،ضل العرس مع مراسمه من غدا وكاتوا وشراب ونقوط مستمر 3ساعات وماضحك إلا مرات بتنعد عأصابع اليد ،ضجر من البفلات ومن أم ياسر اللي كل شوي بتطلع بفنة ويزيد ضجره كلما حدى من الشباب يطلع فيها ولو نظرة عابرة ،ما صدق غير إيمتى ينزل هو واياها من عالبيست ويسلم كيف ماكان عالموجودين ويركب بالسيارة ويروح عالبيت
بعدما غيرت البدلة وفكت اللحشة ، كان شعرا ملفوف موديل رفع ولبست البيجامة وهو غير أواعيه كمان قلها تجهز عشا ،رن
الجرس استغربوا ،نزل يفتح الباب ،كانوا الشباب جايبين له مائدة عشا من المطعم
سعيد :ليش تطلعوها وتعذبوا حالكن
ياسر :هلق افسحلنا مجال نطلعلك ياها
سعيد :ما بدا خلص يسلم إيديكن
معتز :لك روحي الله يعينك يا نسمة على مخك الترس
سعيد :شو
قرب منه وعرض بمعنى أنو عيد كلمتك لبلش أضرب فيك
ياسر :سعيد الريس بعتنا ،هي هدية ألك شبك شو زاعجك بالقصة
سعيد :ولا شي
فتح الباب وطلع قلها تدخل عالغرفة ،وبعدا طلعوها وصفوها على طاولة ارتفاعا 20 سم وفردوا الأكل من الكراتين ،كانت سفرة عرسان كاملة من كل شي طيب الطعم ،خلصوا، مزحوا معه شوي يفك خلقه الضيق وراحوا ،طلعت شافتا ،عجبتا
نسمة :هههه منيح أجوا
سعيد :ليش
بلعت ريقا :مو كنت قايمة جهز عشا هههه ريحوني
ضلت مبتسمة ،من هون بلش يرتاح نفسيا ،شوي شوي استظرفت نسمة بالقعدة وهاد اللي كان اسمه جرعة رواق لسعيد ،بالنهاية ناموا بعد قضاء ليلة هادية ،رايقة ،رومانسية ،عالصبح فاقت دخلت عالحمام ،قفلت الباب (عادة)لقت صرصور كبير عالحيط ،ارتعبت ،أجت تطلع وهي عم ترجف ما انفتح معها الباب ،اتحرك باتجاه السقف وبعدا طار ،فزعت صارت تصرخ وتبكي ،قعدت بأرضا وهي عم تراقب الصرصور عالسقف وهو أصلا عم يتحرك من صدى صوتا فاق سعيد فورا لعندا دق الباب ويناديلا تفتحه وهي ماعادت قادرة توقف ،كسر الباب وفات لقاها مزرقة ومتشنجة عالأرض وعيونا معلقة عالصرصور ،قتله قداما وبعدا حملا واخدا عالحمام ،ليغسللها ،كان متعود على هالسستم بس كل مرة ينزعج عليها ،كان يحس أن هالشغلة ممكن تقتلا مع الايام ،ثم أنه كانت غالبا نسمة صورة عن البنت المشاكسة فكان خوفها منافي لنوعية شخصيتا ،وهالشي يحير سعيد ،بعدما خلصوا حمام
نسمة :خلص أنا ما بقى قادرة ...تلفت أعصابي على مرة كمان بموت
شد أنفا ،سعيد :بلا هالكلمة اللي بلا طعمة وبعدين اي يفضح عرض هالقصة ،ماخليت دوا ما جبتلك ياه ومعالجة للبيت ما عملتا بس هي منطقة رطبة يعني مستحيل اقدر امنع وجود هالشغلات ،بس أنتي بدك تكبري عقلك شوي ،خلص صرخي ناديلي بس مو تساوي بحالك هيك ،لك جدبة هاد صرصور اسمه صرصور لك حشرة
لما بلش بمحاضرته كالعادة
نسمة :اي خلص ماشي تاني مرة لاتدايق حالك اتركني هيك لحتى موت وترتاح
وقامت دخلت عالغرفة ،ضحك ،حك دقنه ،لحقها وسكر الباب .
بعد أسبوع كانت القصة عم تتعقد أكتر وصار في ببطن نسمة إنسان جديد عم يتكون بأول أيامه وهي لسى مو منتبهة ،بس كان مزاجها عم يقلب شوي شوي وتمر بأعراض الحمل من غثيان ،إقياء عصبية ،نفسية ،مزاج متقلب حاد مثلا
كانوا قاعدين عم يتفرجوا عالتلفويون
نسمة :سعيد
سعيد :امم
نسمة :بدي مصاري
سعيد :لشو
نسمة :يعني لشو ،شو أنا مالي حق اطلب ويتنفذ طلبي ،ليكني مو مقصرة عليك بشي ،بتقلي عشغلة ما بيمضى وقت وإلا بنفذا بدون أسئلة زايدة بس معليش لازم تضل المرأة مضطهدة بهالبلاد حتى إذا طلبت طلب صغير لازم ينعرف ويتفصل وبعدين بيتنفذ أو لأ حسب رحمة اللي عايشة عندو
طلع فيها ومستنيها لتخلص موشحها اللي ماكان له داعي ،سكتت وقامت وهي بغاية القهر فاتت عالغرفة وسكرت الباب ،وبعدو ما حكى ولا كلمة تجرحا ،نادالا وراضاها وأساسا ما كان يبخل عليها بليرة وسؤاله كان عادي ،كما
تتمة الجزء الرابع
طلع فيها ومستنيها لتخلص موشحها اللي ماكان له داعي ،سكتت وقامت وهي بغاية القهر فاتت عالغرفة وسكرت الباب ،وبعدو ما حكى ولا كلمة تجرحا ،نادالا وراضاها وأساسا ما كان يبخل عليها بليرة وسؤاله كان عادي ،كمان مرة صابتا المحبة الفجائية ،من أول ما اجى من الشغل ضمته ضمة مشتاق من سنين ،ساعدته بشلح بوطه، قميصه ،
عالأكل
نسمة :أمانة خليني أنا طعميك
سعيد :ههههه لك شو صايبك اليوم
نسمة :ما بعرف بس أمااانة خليني طعميك 😍
ضحك وصارت تطعميه لقمة لقمة ،بعدا قامت الأكل وحطت الشاي عالغاز رجعت فورا قعدت جنبه ولفت إيديها عليه ،قامت جابت الشاي ،رجعت كمان صبتله كاسة وحطتا قدامه ولفت إيديها عليه وهو لسى مستغرب منها ومن تصرفاتها
نسمة :شبك حبيبي اشرب شاي
سعيد: والأخطبوطة اللي متعربشة فيني ؟
فرطت ضحك وفلتت إيديها عنه ليقدر يحمل الكاسة
نسمة :طيب خليني أنا شربك
سعيد :اركني يا بنت
أخدت الكاسة
نسمة :أمانة أمانة خليني شربك
سعيد :حسبي الله
نسمة :مشان الله مشان الله مشان الله مشاااان الله خليني شربك بس هي الكاسة
ضحك
سعيد :هاتي لشوف ،إذا بتكبي عليي معبي الإبريق
فيكي
اي هيك كان مرة يحس إنها بتكرهه ومو طايقة تشوفه ومرة عشقانة الأرض اللي عم يمشي عليها ،زاد استفهامه عن القصة وبلش يديق خلقه من وضعها الجديد ، فقرر يرجع بيوم من الشغل وياخدا عدكتور نفسي ،بهاد اليوم كانت عم تتفرج عالتلفزيون متابعة مسلسل أجنبي طلع فيه حديث عن الحمل ،اتذكرت أنه صرلها زمان ما أجتا وحتى نسيانة قصتا ،بدقايق وقفت بتوتر
نسمة :العمااا لك معقول كون حامل ...لك لااااء ....يالله معقول لهلق لاستوعبت ....اوليي
،حامل ؟!! ﻷ يا ربي ﻷ ....يالله دخيلك ﻷ
بعد ما رجع من الشغل وغسل وأكل ،كانت هادية ومسالمة ومتل اللي آكل صدمة
سعيد :بكرى جهزي حالك
نسمة :لوين
سعيد :شو لوين شو عرفك إني رايح آخدك بركي جهزي حالك للقتلة مثلا
نسمة :بايخة
سعيد :....
نسمة :مو بايخة بس جد لوين
سعيد :عدكتور
نسمة :لشو
سعيد :مشان يشفلي إذا في شي بمخك فاصل
نسمة :ههههه اي مافي داعي
سعيد :اي عشوي بحس حالي عايش مع مجنونة ،امبارح قلتلك قومي نامي مشان ترتاحي بفوت بلاقيكي نازلة قص بالأواعي وبكيانة ومفكرتيني مقلعك ومع أنه لا كان منزوع مراقي ولا قلتلك ياها وأنا معصب وشغلات غيرا كتير ما بدي اقعد عدلك ياها ،المهم صايرة متل المجانين لازمك علاج
لبينما خلص كلامه كانت فارطة ضحك مما زاد من تثبيت الفكرة براسه ،قربت عليه ،قدمت شعرا عجنب
نسمة :أنا عنجد آسفة بس هدول الأسبوعين ما كنت بعرف شو صايرلي ،بس هلق لا تقلق ولا تستغرب ،شكلي كنت نسيانة أو بالأحرى أنا وإياك نسيانين شغلة الحمل هههه ،ما بعرف سعيد يمكن أنا حامل ...يمكن
ضل ساكت شوي وهو عم يستوعب كلمة حمل
سعيد :شو !!، شو شو هي حامل؟!! حامل ولا يمكن
نسمة :ما بعرف بس بشك ،إذا حللت بتأكد
سعيد :وفرضا اتاكدتي أنك حامل بيكون في ببطنك ولد يعني
نسمة :هههههه لك لكن شو بدو يكون
حط إيديه عراسه مصدوم ،هالحساب ما كان حاسبه ،تاني يوم فورا فيقها وراح عند الريس أخد أذنه وبعدا طلع عالدكتور ,وهنن بغرفة الانتظار ،حاطط الزورة بالعالم و قاعد ،صار دورن دخلوا لعند الدكتور ،سألها كم سؤال روتيني ،خلوا سعيد يحس أنه الدكتور عم يتدخل بشي ما بيعنيه
الدكتور :طيب مدام منقدر نكشف إيكو بيكون أفضل من التحليل وأسرع
طلعت نسمة بسعيد ما لقته معارض ،كونه ما بيعرف الإيكو
نسمة :اي ،بيكون أفضل
الدكتور :أصبح اتفضلي اتمددي ،كشفيلي عن بطنك
سعيد :شو بدك
نسمة :مشان الإيكو حبيبي
الدكتور :إذا بتفضل التحليل بإمكانك تحللا مافي أي مانع
سعيد :اي بفضل ،قلي تحليل لشو
الدكتور :للبول ،اتفضل خود من عند السكرتايرة عينة لتجبلي فيها ونحلل ،أهلا وسهلا
سعيد :اي تمام ،امشي
طلع حاسب السكرتايرة وقلها عالعينة أعطته ياها
السكرتايرة :اتفضلي مدام ،سلميها لهاد المخبر اللي جنبنا
نسمة :طيب إيمتى بستلم نتيجة التحليل
السكرتايرة :بتقدري تغيبي ساعتين وترجعي وتكرمي أهلا وسهلا
جهزتا وفاتت عالمخبر ،سلمتا وبعدا نزلوا ،ركبوا بالسيارة ،ونسمة بغاية التشوق وسعيد بغاية الكبت
نسمة :شو حبيبي ،شو حابب تكون النتيجة
سعيد :مو حابب غير تسكتي
نسمة بصوت منخفض :يا لطيف
طلع فيا :مازالك بتعرفي أنو جهاز ال... بدو يكشف بطنك ليش توافقي
نسمة :شفتك مو معارض
سعيد :ليش أنا شو بعرفني أنه بدو هيك ،يعني اتصوري لو كاشفة عبطنك ،لك شو كنت بساوي فيه
سكتت شوي ليلقط نفس
نسمة :عفكرة هاد دكتور نسائي ومن الطبيعي أنه ما يفكر باللي فكرت فيه ،ما باليوم بتمرق عليه ميتين مرة شو بدو يلحق يحط بباله
سعيد : بيحط بباله اللي بتعجبه وبيقضي شهوته وهي عم تضحك وتلعب
نسمة :لك مشان الله بس هاد تفكير جهلة ،ما أصلا هو ما كان حيلمسني أساسا كلو عالجهاز
طلع فيا ،سعيد :سكريلي عالسيرة
نسمة بطمزة :اي ..معناها خدني عشي مكان مازال بدو التحليل ساعتين
سعيد :وين تروحي
نسمة :ي
ا عالمطعم يا عمطبخ الحلويات يا عشي حديقة صرلي زمان ما شفت خضار وتراب
سعيد :يا عالبيت
نسمة :لااا
سعيد :امبلا بوصلك وبرجع باخده لحالي
نسمة :لااء أصلا دايق خلقي وصرلي زمان عم قلك بدي اطلع وأنت تأجل الموضوع إذا ما هلق بتاخدني قاتلة حالي وخالصة من هالعيشة
سعيد :إذا ما هلق بتاخدني قاتلة حالي وخالصة من هالعيشة هههههه
قلدها وهو يضحك،شدا من خدا ،شغل السيارة
سعيد :قرري وين ﻵخدك
كانت متجاكرة من مسخرته
نسمة :عالمقبرة
قلدها :عالمقبرة ههههه
ضلت كابتة غيظها وساكتة ،كان واصل عمطعم معجنات ،نزل جاب كم قطعة وطلع ،بعدا راح عالحديقة ،صف السيارة ونزلوا ياكلوا بالحديقة ،روقت شوي بشوفة الشجر والورد والعالم والعشاق ،لفلا فطيرة بورقة وعطاها ياها ،أخدتا
نسمة :مع أن ماعاد في قابلية بس ما بخجلك
واكلت لقمة كبيرة منها فورا ،ضحك
سعيد :لو ضايل قابلية بتاكليها بلقمة وحدة يعني
ضحكت ،قعدوا حوالي الساعة
سعيد :ما رح اتحمل لسى قايم عالحمام اللي هنيك ،خليكي هون
هزت راسا ،بعدما راح وغاب عن نظرها ،إجى شب لابس عسكري
العسكري :لو سمحتي أنا حارس هالحديقة ممكن هويتك
نسمة :لاء
العسكري :عفوا ؟
نسمة :ءءمانا معي ،بالسيارة بس هلق بيجي زوجي بتقدر تحكي معه
وقف ينتظره ،قلبا هبط ،طلعت فيه من فوق لتحت حست أنو في شي مو طبيعي واقف كرماله ،بدوره هو عم يدقق فيها
يتبع ...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`