الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم هاوية الحب`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
#قصة_هاوية_حب_الجزء_الثالث😻🔥♥️
التقطت نفس نهلة وهي خايفة تفشل ،دقت الباب
نهلة :ههه نايمين يمكن ما سمعانين
هز راسو وضلت عينو عالسيارة
دقت الباب كمان ،انفتح لحاله ،بلعت ريقا وخايفة تنتزع الخطة ،ضل عابس وعم يطلع فيها وبالباب
سعيد :شو هاد
نهلة : الباب هاد بينفتح لحاله خلينا نفوت وندق اللي جوى ﻷن هنن عندن ورى هاد أرض دهليز وجوى البيت
سعيد :فوتي رح استناكي هون
نهلة :هداك اليوم فتت ولقيت جوى قطة لبينما طلعوا وفتحوا الباب كنت رح موت من الخوف ..فوت معي بس لهون إذا مافي شي اطلع ما رح أزعجك
سعيد :طيب
فاتت وفات وراها وفورا سكرت الباب وغلقتو بالمفتاح وزتت المفتاح من تحت الباب لبرى
سعيد :نهلة
ابتسمت ،نهلة :شو خفت
سعيد :شو عملتي
نهلة :لسى ما عملت شي
طلع حواليه ماكان في غير هالغرفة وهالباب ،شلحت جاكيتا وبعدو فكت شعرا
سعيد :إنتي بشو عم تفكري
قلعت كل أواعيها وضلت واقفة مقابله
نهلة :إنت ما كنت تقتنع إني بحبك ومانك مقدر مين اللي بتحبك ..ليكني شوفني منيح ..مافي ولا عيب بجسمي حتى
ضل مصدوم ،قربت عليه
نهلة :بكفي جفا ..خدني بقا يلا..خدني
ما أبدا ولا حركة
نهلة :أنت مو رجال قولها واخلص وخلصني قول أنك مو رجاال
قبل ما تكمل كلمتا مسكها من إيديها وضربا ،وقعت عالأرض وبزق عليها ومشي من فوقا ،كسر الباب وطلع ،شافته غالية طالع عرفت أنه فشلت نهلة ،خافت وماعرفت شو تبدي ردة فعل ،وصل عالسيارة ،فتح الباب وركب ،حط عيونو بعيون غالية
غالية :فيك شي ،؟..وين نهلة
سعيد :غالية ..كل شي كان عم يوصل للريس واللي صار اليوم كمان ،بدك تستحكميني يعني غالية :ءءشو عم تحكي أنت ليش شوفي ..وين نهلااا وينااا
اتجاهل صراخها وشغل السيارة ليرجع لعند الريس ،أما نهلة مااتحملت رفض سعيد يوصل لهالحد ، شقت أواعيها وحملت جوالها واتصلت ﻵخوها
ببكاء وصراخ :نااهد تعاال مشان الله مابعرف وين أنا ..اغتصبنييي ...خطفنيي
وسكرت الخط وناهد عصب كتير وصار يدور عليها لحتى لقاها ،كونها ما بتبعد عن بيتن كتير لما فات لقاها بهاد المنظر اتفاجئ ،شلح جاكيتو وغطاها فيه ،حاول يفهم منها كيف صارت هون وهيك قام قالت وهي تشهق البكا
نهلة :كنا ماشيين بالسيارة متل كل مرة وانا كنت بقلها تغير شوفيرها ﻷن نظراتو لحالها بتخوف ..بس ما بعرف كيف اليوم لف من هاد الطريق وسحب مسدس علينا ونزلني غصبا عني صرنا نصرخ انا وغالية بس ما حدى سمعنا وفتنا لهون
وطبت عالأرض وزادت بكاها ،اتعبى ناهد عيونو حقد وغضب ،أخدا عالسيارة ووصلها عالبيت اخد مسدس وعباه رصاص ورجع ركب بالسيارة ليروح لعند الريس المعروف بأهل المنطقة
كان سعيد واصل لعند الريس ،فات عالمكتب لقاه عندو ضيوف تجار ،شاف الريس أنو سعيد مخضوض استناه ليروحوا، غالية طلعت عغرفتا واتصلت بنهلة
غالية :يعني شو صار معك
نهلة :هلق ببعتلك تسجيل صوتي بقلك شو ساويت المهم خيي يمكن جاي عند بيك وبدو يقتل سعيد بدي قلك شو تقولي بس
غالية :!! شو
نهلة :رفع علينا مسدس ونزلني غصبا عني وفوتني عهي الغرفة واغتصبني وبعدا تركني وطلع عالسيارة
غالية :طيب طيب بس فهميني شلون أخوكي عرف ولك انتي شلون فشلتي
نهلة :مضطرة سكر
وسكرت المكالمة ،راحوا الضيوف من عند الريس ،
الريس :صارت غالية بالجامعة ما هيك
سعيد :ﻷ ،بالبيت هون
رفع حواجبو باستغراب
سعيد :ريس ءءفي شغلة لازم قلك ياها
الريس :شوفي
سعيد :اليوم وأنا وعالطريق غالية حبت تطالع رفيقتا اللي اسما نهلة معا
اندق الباب وفات مسعود
مسعود :ريس في واحد برى هاجم علينا وعم يسأل عن سعيد
الريس :شو بدو
مسعود :عم يقول انوءء
سعيد :أنو شو
مسعود :أنو سعيد مغتصب أختو
اتفاجئوا التنين وطلعوا فورا ليشوفوه
ناهد :لك قولولي وينووو ،اللي بيخبي الندل بيكون ندل متلوو
عدي :ولك احفظ لسانك قبل ما اسحبلك يااه
واتماسكوا
الريس :عدي
طلعوا عليه ،وعلى سعيد
الريس :كم مرة بدي قلك من واجبنا نحترم الضيف
عدي :مو ليكون الضيف محترم حاله
الريس :معليش عدي ..فلته....شو مشكلتك أنت
زبط قبته ،ناهد :جايي اقتل الندل اللي مس شرف بيت النغنجي
مسعود بهمس لأخوه أسعد :خزيت العين عن هيك شرف بينباع بليرات كل يومين
وضحكوا بهمس
الريس :جايي عالعنوان الغلط ماعندي رجال يمسوا شرف أي حدى
ناهد :ﻷ عنكن واسمه سعيد وبيكون شوفير بنتك غالية اللي هي رفيقة أختي اللي استضعفهن الواطي
سعيد مسك أعصابو ،والريس ماكان عندو أي فيه
الريس :خلينا نفوت نتفاهم أحسن ما تخبص بالحكي أكتر
ناهد :مافي حكي ريس سلموني ياه
غمز الريس رجاله اللي حوالي ناهد وشهروا سلاحن عليه ،سكت ناهد ،فات الريس ولحقه ناهد ووراه سعيد
مسعود :ليكو النوري قال سعيد ماسس شرف بيت النغنجي
عدي :سعيد مطلع على هالوسخين ﻷن
أسعد :كتر خيرو مسك أعصابه
عدي :لشوف إذا حيضل ماسك أعصابه
بالمكتب
الريس :لما بتجي عند الريس بتجي بأدبك وبتحكي مشكلتك والريس بعدا ما بيظلمك
ناهد :ريس حط حالك محلي
قطعه سعيد :احفظ لسانك حبيب
ناهد :ر ريس أختي رفيقة بنتك
غالية ،كانت طالعة معها عالجامعة متل كل يوم ،بس الشوفير اليوم رفع عليهن مسدس ونزل أختي غصبا عنها وفوتها على غرفة مقطوعة عن العالم واغتصبها وزتا وراح ،أكيد أنت بتعرفو ،بترجاك تسلمني ياه وإذا مابدك تسلمني فلازم ما تخلي بيناتكن مغتصب وبإيدك اقتله
طلع الريس بسعيد لقاه وجهه مخنق
قام ،سعيد :فتت وكبرت بالحكي واتحملناك وسبيتني واتهمتني بالاغتصاب واتحملتك ولسى بتكذب وبتفبرك قصة عكيفك لاعاد تحلم تطلع عايش ولاك
حمل المسدس وخرطشو
الريس :سعييد.. اطلع لبراا
طلع ورح ينفجر من الغضب
الريس :إنت متأكد من اللي عم تحكيه
ناهد :لكن شو يا ريس
الريس :أختك بتكون عندي بعد نص ساعة
ناهد :كيف
الريس :وبنتي كمان ..وسعيد ..وبوعدك وعد ريس إذا بتأكد بنفسي من عملة سعيد لسلمك ياه وإذا بيطلع كلامك كذب ..ما رح تضل عايش .. مو على إيدي .على إيد الشباب
بلع ريقه وقام ليجيب أخته ،وهو وإياها عالطريق
صار يحاولوا يتفقوا أكتر ليفبركوا القصة أكتر ،أما الريس طلع عالبيت ،عند غالية ،نادالا ،إجت ولونها مخطوف
غالية :نعم بيي
الريس :اقعدي ... ليكي لقلك.. أنا بعرفك صادقة وبتعرفي لما بتحكي غلطك بصدق ما بعاقبك بس لما بتحكيه بكذب بتعرفي عقابي ،صح ؟
هزت راسا
الريس :احكيلي هلق ..شو اللي صار اليوم
بكيت لا إراديا وما قدرت تحكي
الريس :طيب قوليلي سعيد بريء ولا مغتصب
غالية :ﻷ ... بريء
اتنهد ،الريس :وقفي بكي واحكي منيح شو صار يلا
حكت غالية اللي صار بكل صدق ودقة ،وحكت شو قالتلا نهلة تحكي
الريس :تمام ..دقيلها هلق ،وقوليلا أنك رح تضلي عالاتفاق وعأساس عم تحكي معا بالسرقة
هزت راسا واتصلتلا وحطت سبيكر
نهلة :غالية ! ألو
غالية :نهلة وين أنتي
نهلة :أنتي وين
غالية :عم بحكي معك من الاسطوح ،حاكيني بسرعة شو صار
نهلة :ليكي غالية أنا عالطريق لعنكن أبوكي بدو يستجوبنا منيح ،خليكي مركزة باللي رح نقوله سوى ،أكيد رح يصدقك ﻷنك بنته
غالية :اي طبعا لكن
نهلة :طيب بشوفك هلق
غالية :بشوفك
سكرت المكالمة
ناهد :نهلة إذا بتتركوا ثغرة صغيرة بتودوا بحياتي
نهلة :ﻷ الله يوفقنا يارب
ناهد :لو إنك حاكيتيلي من أول كنت أنا بطريقة ما خليته يجي لعنا وبتعملي اللي بدك ياه بس مو هيك خليتي الأمور توصل لهون
نهلة :ما بعرف شو نوعية هالزلمة ما كان يلين معي أبدا بس هلق بدي شوفو عم يترجاني
ضل ساكت ،
عائلة النغنجي مانها عائلة بالأساس يمكن تستغربوا من نوعية العائلة بس هي العائلة مافيها مبادئ أو أخلاق ودوما بأي أمر بيخص مصالحن بيقدموا بنت من بناتن الجميلات للشخص كمكافأة أو كرشوة ومتلهن كذا عائلة بهديك المنطقة لهيك سمعنا مسعود شو حكى ولهيك سعيد اتفاجئ بنسمة لما شافها عذراء وحس بالذنب لما اغتصبا
بالمكتب ،دق الباب سعيد وفات قعد
الريس :ما بدك تحكي
سعيد :ما بعرف إذا بدك تسمع مني
الريس :له ..إنت ابني قبل ما تكون من رجالي شلون ما اسمع منك .. بعدين هي مو أول مرة حدى بيجي يشككني فيك .. قلي هلق اللي كنت بدك تقوله
أخد نفس ،سعيد :هي البنت كان عندا حركات وتصرفات من الاخر كان بدا تتسلالا شوي وانت بتعرفني ريس أكككره ماعندي شغل البنات
سكت مشان ما يعصب أكتر ،كان الريس بيفهم على طبعه ما بيحب يبرر نفسه لما يكون مو غلطان
الريس :بعرفك سعيد بعرفك مافي داعي تعصب كمل هلق بيوصلوا.. يلا ابني
سعيد :قالتلي وقفلي هون بدي انزل جيب كتابي من عند رفيقتي
الريس :مين اللي قلك هيك
سعيد :... نهلة
الريس :أكيد
سعيد :ﻷ .. غالية
الريس :كمل
سعيد :هنن التنتين عصدوا عليي وقف السيارة كرمال تنزل نهلة ولما نزلت لفت لعندي متل الش... مشان أنزل معا قال بتخاف تنزل لحالا ﻷن البيت صاير بقلب أرض فلا وبتخاف يطلعلا شي ،ماكان بدي انزل واترك الست غالية بس كمان هي قالتلي ما رح يصرلي شي ،قفلت عليها السيارة ونزلت مع هديك العاهرة ومشيت معا ،لما دقت الباب ،انفتح لحاله استغربت ،قالتلي أنو مدري شلون قال ورى هاد الباب في دهليز وبعدين في باب تاني للبيت فوت معي بخاف تطلعلي قطة ،رفضت بالأول بعدين قلت شو رح تقدر تعملي يعني وعم تترجاني كمان ،قام فاتت وفتت وراها لقيتا قفلت الباب وزتت المفتاح لبرى ،قلتلا شو عم تعملي ،قال لسى ما عملت شي وبلشت تشلح أواعيها تفوو عهيك شرف جاي أخوها يقتلني يروح يتكها على أنجس تراب ويدفنها
الريس :وبعدين .. جانستا ولا ﻷ
سعيد :اي لكن بس بتعرف شلون
الريس :شلون
سعيد :مسكتلا إيديها بإيد وطبعتلك كف عوجها وقعت عالأرض بزقت عليها وعشرفا بعيد عنك وكسرت الباب وطلعت
ضل ساكت شوي ،الريس :عافية عليك ،كلامك وكلام غالية ما بيفرق عن بعض كتير ،هالعيلة وسخة معروفة مشان هيك لما بيوصلوا لهون اهتم فيهن أنت والشباب بس أوعك يموتوا وبعدين ربطهن ربطة ماعز وزتهن قدام بيتن
عجبه سعيد ،نفش شوي استعدادا لجيتن وحكى للشباب ،وصلوا ونزلوا من السيارة وفاتوا عالمكتب كان الريس وسعيد لساتن فيه
الريس :مسعود هات قهوة
نهلة :نحنا مو جايين نشرب قهوة
الريس :لكن
نهلة :جايين لعند
الريس ياخد بحقنا
الريس :الريس عم يسمعك
غمزو لمسعود ينادي للشباب
ناهد :بس ءء غالية وينا لازم تكون موجودة كشاهد
سعيد :مو شغلك
أورته نهلة،بدون ما تحط عينها بعينه ،وبلشت تحكي وفاتوا الشباب ووقفوا وراهن ،وعم يسمعوا نهلة
نهلة :ما لقيناه غير وقف السيارة وطالع مسدس ووجهه علينا ،صرنا نصرخ أنا وغالية بدون ما حدى يسمعنا وبعدين صرخ عليي وقلي انزلي خفت كتير ونزلت قلي امشي قدامي لحد ما وصلنا لبيت صغير (تبكي) فتت وبعدا عمل فيني كل شي بينعمل وأنا صرخ وما حدى يسمعني
سكتت ،صفق الريس وهو ضحكان وبعدا صفقوا رجاله ،اتلفتوا ناهد ونهلة
الريس :خلصتي؟
نهلة :.. خلصت بس مو شكلي انسمعت ولا رح يتاخد حقي
الريس :بالعكس كتير أنا عندي ما بضيع الحق لهيك رح خليكن أنتو وسعيد وحبايب سعيد إما بتاخدو حقكن الكاذب منه أو بياخد حقه منكن
مشي لقدام الباب دار ظهرو
الريس :لاتنسوا تهتموا بضيوفنا
وطلع ،بعد ساعتين كانوا نهلة وناهد عباب بيتن مربطين وملونين من كتر الضرب وعاريين تماما
،بعد هي الحادثة ،بيت النغنجي حاولوا يضروا الريس كتير ،بالمحاصيل ،بالسوق ، بزوارق الصيد بكل شي
إجى سعيد لعند الريس معصب من آخر شغلة مأذيين فيها
سعيد :ريس هيك ماعاد نتحمل نحنا منعرف مين اللي عم يعمل هالعمايل ..ما بعرف ليش ما عم تخلينا نردلهن الصاع
الريس بهدوء :قلتلك امسكلي بالجرم المشهود لقلك رد الصاع ،فيها شي ؟
هز راسو وطلع
سعيد :شباب ،اليوم ماحدى لازم يطلع عبيتو كلنا
بدنا نتوزع بأماكن مصالحنا ،الريس ما رح يقبل نرد الصاع لحتى نمسكن بالجرم المشهود ،وهنن مفكرينا صغار ما رح نقدر نكشفن ،معي شباب ؟
عدي :طبعا معك لكن شو
زبطوا خطتن وأمكنوها وبنفس الليلة مسكوا 7 رجال بالأسطبل كانوا عم يرشوا بنزين ليحرقوه ، ربطوهن وحطوهن بالسيارة وراحوا عند الريس
وصلوا ونزلوا
سعيد :استنى عدي ..لا تدق الباب رح اتصله
اتصله، بعد خمس دقايق نزل ،شافن ،أخد مسدس من مسعود وأطلق بالجو 20 طلقة
الريس :شباب كل واحد منكن مكافأة 10 أضعاف الراتب بس كملوا شغلتكن
سعيد :أمرنا ريس
الريس :عند الظهر بتاخدوهن عساحة منطقتن وبتزتوهن زتة الكلاب عالأرض قدام عيون ناسن وأهالين وبتجوا لعندي
وتاني يوم فعلا راحوا ونفذوا شغلتن ورجعوا ، مرق كذا يوم والأمور هادية وماعاد صار شي ،
بيوم كان سعيد راجع عبيته بالليل ،نزل من السيارة ،مرقت من قدامه سيارة مسرعة رشت عليه ،نزلوا منها اتنين وحملوه بعد ما ارتمى عالأرض مدمي وخارج الوعي، وحطوه بالسيارة ومشيوا ،
فاق تاني يوم لقى حاله مربط ومشوش وجسمه موجوع ،بقلب هنغار فااضي ،فاتوا اتنين شافوه فاق وردوا راحوا ،بعد دقايق رجعوا أجو بس برفقة نهلة ،دارت حواليه وهي عم تضحك
نهلة :موجوع يا روح الروح هههههه
سعيد :اتوقعت هالنجاسة اللي صارت مصدرها هيك نجسة
ضربتو كف ،وكان هالكف صعب على سعيد جدا
نهلة :إنت برحمتي لساتك عايش وعم تقول عني نجسة ليش أنت شو شفت من نجاستي غير إني حبيتك شو شفت هاا شو شفت ،عرضت حالي عليك كرمال تتأكد إني نظيفة وعذراء ،بس أنت بهيم ما بتفهم شويعني حب ولا مشاعر ،خليك هيك لسى ما انتقت منك
قعدت على كرسي مقابله ،وكان جايبين رجالها كرسي الكهربا ،طلع فيه سعيد ،اخد نفس استعد لعذابه
نهلة :سعيد ...شو رأيك بفرصة قبل ما تقعد عليه ...بتقبل فيني ؟
رفع حواجبه وبكل برود قلها :تس
انسمت زيادة نهلة :حطووه ..بسرعة
حطوه عالكرسي وبلشو بكهربته وكل شوي يزودو الفولت لحد مانزل الدم من تمه
نهلة :يلا ..شو قلت ..عم احكي معك ..ليش ما غيرت رأيك ..قلي ،شو قلت
هز راسه يمين وشمال بالرفض ،قامت من شدة غيظا وهي رح تبكي شغلت الكهربا على أعلى درجة ليموت وبعدا همد جسمه
نهلة :متت يا سافل ..تفو عليك (تبكي)..ولك تفوو
زتوه للكلاب ..خدووه وزتووه
تاني يوم الصبح ،طلع الريس من البيت لقى سعيد جثة مرمية قدام الباب ،انصدم من منظرو وغزت الدمعة فورا عينه ،ركض عليه وحاول يفيقه ،لمس على جسمه ،شاف الجروح والزراق ،لمس على رقبته حس بالنبض الخفيف،صرخ
الريس :ياااسر
نزل ياسر فورا وشافه كمان
ياسر :!! مين اللي عامل فيه هيك
الريس :شغل السيارة بسرعة عالمستشفى بسررعة
أسعفوه ،وقدروا يأنقذوه بدائيا ،وبعدا شوي شوي صار يتعالج من باقي الجروح ،ولبعد 5 شهور لقدر سعيد يرجع يمشي على رجليه ولقدر يستعيد عافيته بعناية دائمة ومشددة من الريس ،وأولادو اللي كان بيعز عليهن متل أخوهن ،كان ينام عندو كل اتنتين ليلة ،المهم ما يتركوه أبدا ،ولما استعاد عافيته فرح الكل معه وأقر سعيد بعدا يحكي مين اللي عمل هيك فيه
عدي بانزعاج :بربك يا زلمي لهلق لصار عنا علم ولك بإذن الرب بكرى ليكونوا الش... مذبوحين بقلب بيتن
سعيد :لا لا عدي ،أنا مشان هيك ما حكيت لحدى عنن ،ﻷن رح انقهر من قلبي إذا مو بإيدي بنتقم
منصور :اي وتكرم ،منجيبن لبين رجليك ،مين قلك مالنا قدا
سعيد :ولك أنت اللي قدا ،بس هيك ما رح حس إني انتقمت إلا إذا جبت راسن بإيدي متل ما جابوا راسي
ياسر :تفه بنص شرفن
هدول ما جابوا راسك
هدول أخدوك غدر
الريس :شباب ..سعيد ..صار فيك تجيبن والشباب معك عالحلوة والمرة ،بتتعاونوا سوى وما بدي حدى منكم يتأذى ... مسموع
الشباب :مسموع
الريس :سعيد مسموع
سعيد :... مسموع ريس
الريس :ضبولي هالسهرة لكن وأنت تعال
فات الريس عالمكتب ووراه سعيد
الريس :حابب تطلع مهمة ؟
سعيد :براسي
الريس :أبو عثمان ،رجع يسرق من السمك وبتعرف أنت كنت عاطيه فرصة ليثبت العكس
سعيد :معلوم
الريس :من بكرى ماعاد بدي اسمع أنو أبوعثمان عايش وعم يتنفس
سعيد :براسي
الريس :امبارح شايفه واحد من شوفيريتنا بدرعا لما كان عم يوصل حمولة هو كمان ،دقلي وقلي أنو هو هنيك ،أنت هلق جهز حالك أنت وكم شب وانزلوا لهنيك وانصبله كمين على هالأربع طرق
وأشر بإصبعته عالخريطة ،هز سعيد راسه
الريس :بتنهيه وبترجع لعندي ..يلا
طلع سعيد وخبر منصور وعدي وكم شب ليروحوا معن كانت المسافة بين محافظتن والمحافظة اللي فيها أبو عثمان طويلة ،يعني ضلوا عالطريق 10 ساعات كان طالع الصبح ،ولبينما انقسموا ﻷربع فرق وزبطوا مراكزن مرق 4 ساعات ،قعدوا يستنوه ليمرق ،مرق ساعتين كمان ،بهي الأثناء كانت نسمة ورانيا وهدى بأول علقتن مع الشوفير ، غابت الشمس
منصور :سعيد ..والله هاد شكله هو هالمرة
سعيد :إذا مو هو هالمرة ،حاطك عراس هالشجرة خليك تشوف عالمزبوط
قربت السيارة أكتر ،وقفوله بنص الطريق مسلحين
رانيا :شو كأنو في حاجز هون
هدى :اي كأنو جديد
نسمة : :مو مرتاحة لهالحاجز ليش مافي عليه أعلام أو شعارات للجيش
____
سعيد :ليكو الندل باخخ سيارتو أزرق كمان
منصور :هههه من لون وجهه اللي حيصير بعد شوي ...كأن في وراه حدى
كانت عم تخفف السيارة لوقفت،، فورا شهروا عليهن السلاح وصرخوا لينزلوا ،نزل الشوفير فورا وهو رافع إيديه وبكيت رانيا وهدى ،،
منصور: انزلي انتي واياها
نسمة :مين أنتو
منصور :عم قلك انزلي أحسن ما أطلع
رانيا :رح ننزل
نسمة :لاء ما رح ننزل مين أنتو لحتى ننزل لعنكن
أبو عثمان :هدول مالن علاقة الله وكيلك يا سعيد مالن علاقة والله هدول ركاب مطلعن معي من عند
سعيد :ك... ،منصور اطلع نزلن
طلع منصور عالسيارة
نسمة :يا ويلك تقرب مننا لسى ما بتعرف مين بكون
سعيد :استنى ....-طلع بنسمة بعبوس شديد- انزل
نزل منصور وطلع سعيد قرب لعند البنات لقاهن لازقين ببعض من الخوف
سعيد :مين أنتو
نسمة :أنتوا اللي مين
قطعتها رانيا : الله وكيلك نحنا طالبات جامعة هي المحافظة واذا بدك بفرجيك البطاقة الجامعية بس الشوفير اللي كنا جايين معه على هاد الخط راح لعند مرته كانت بدا تولد ورجع طلعنا مع أبوعثمان كرمال يوصلنا عالمدينة
سعيد :أبو عثمان شو بيقربكن
رانيا وهدى :عم نقلك والله ما منعرفوا والله
سعيد :هاتوا الموبايلات
رانيا وهدى طلعوه وأعطوه ياه فورا ،طلع سعيد بنسمة
سعيد :هاتي موبايلك
نسمة :شو بدك فيه
سعيد :مو شغلك هاتيه مشان ما أخده بنفسي
طلعته وعطته ياه فتحو وصار يقلب فيه ، شافته ابتسم قربت لعندو عالسريع وشافت أنو داخل عمعرض الصور وشايف صورتا اللي ملونة فيها وجهها كلو بالحمرة ومادة لسانا وحاولة عيونا
سعيد :خليكي واقفة ولازمة أدبك سلاحي مليان رصاص بعبيهن فيكي
نسمة :لتكون إنت مؤدب بصير مؤدبة ،لو مين ما كنت تكون شو إلك شغل بمعرض الصور
اتجاهل دار ظهرو ونزل ضلوا الموبايلات معه ،وقله لمنصور ينزلن ،نزلوا البنات غصب عنهن وأبو عثمان على ركبه وإيديه ورى راسه ،وقف سعيد وحط مسدسه براس أبو عثمان والكل عم يتفرج عليه
سعيد :قلتلك لا تهرب بجيبك وين ما هربت
أبو عثمان :آسف مشان الله سامحوني
سعيد :المعلم ما بيسامح الأندال
قبل ما يكمل كلمته سحب سعيد الزناد والتحش أبوعثمان عالأرض جثة هامدة فوق دمه ،،، البنات صابتن رجافية ودارو وجهن عنه فورا ،،
#بالوقت الحالي
أصروا يضلوا معه وما خلوه يروح لحاله ،كرمال ما يتأذى خصوصا بعد ما نهلة وأهلها طلعوا بمادتن شوي ،وهنن عم يتجهزوا مع بعض ،سعيد عابس ومو بخاطره ياخد حدى
ياسر :خلصنا ولوو ،لازم ما تعبس
سعيد :هلق إذا بدو واحد فيكن يصرلوا شي أنا اللي بكون السبب
وهو بالسيارة ،منصور :والله ماعاد جاية عبالنا نسمعك أكتر اركب خلينا نخلص عبكير
عدي :بتعمل منيحة
معتز :خلصنا ،منروح بلاك يعني
سعيد :انزلوا شباب
منصور :هفف
ياسر :هففف
معتز :شغل منصور
سعيد :لا انزلوا عم بحكي جد انزلوا ماعاد بدي روح
نزل معتز بعصبية
عدي :شو سعيد بتلغي الروحة مشان ما نروح معك ،مفكر حالك بس أنت اللي خايف من تأنيب الضمير إذا واحد مننا صرله شي ،ليش مو نحنا اللي ما عم نقدر نطلع بوجهك من لما ما قدرنا نلاقيك وننقذك ،ليش ما بدك تخلينا نرتاح من جوى ،أناني.. انزلوا شباب من سيارتو رح نروح لحالنا وهو خليه هون يلغيها عكيفه قال يعني بدنا ياه يدلنا عالطريق
نزلوا من سيارته وركبوا بسيارتن وشغلوا ،وقف بوجه السيارة ،بعدين قال
:ينزل واحد منكن يركب معي مو حلوة ضل لحالي
عالطريق
ضحكوا
عدي :نعن مخك يا زلمة شو ترس نزل عدي وركب
معه ،طبعا هي ما كانت أول مرة بيطلعوا هيك طلعة بس بكل طلعة كان واحد منن إما ينصاب أو يمرض نتيجة جرح لهاد السبب كان إصرار سعيد .. لما وصلوا قدام بيت النغنجي نزل ياسر دق الباب ،فتحت الخدامة
ياسر :مرحبا
الخدامة :أهلا
ياسر :نهلة موجودة
الخدامة :الست نهلة سافرت امبارح وما بترجع إلا لبعد أسبوعين ،حضرتك من معارفا ؟
ياسر :كيف بدي اتاكد من سفرها
الخدامة :فيك تتصلا وبعدين العفو منك ليش ﻵكذب عليك ،بإمكانك تتصلا أو تسأل حدى غيري
ياسر :...
غمزا وابتسم
ياسر :لاء أنا مصدقك ولو ... بس مستغرب
الخدامة ببسمة :مستغرب ؟ من شو
ياسر :قالتلي نهلة إجي لعندا اليوم و عم تقوليلي إنها مسافرة
الخدامة :إذا حابب ومصر تدخل أهلا وسهلا
ياسر :لو إني مو مشغول ما كنت بضوع هالفرصة المثيرة .. بس بوعدك برجع ولعندك خصوصا
دار ظهرو ليروح
الخدامة :ما قلتلي
طلع فيها
الخدامة :شو اسم حضرتك ..ءءلحتى قلها للست نهلة إنك جيت لما ترجع من السفر
ياسر :سعيد... قوليلا إجى سعيد يزورك
هزت راسا ودار ظهرو ،ركب بالسيارة
معتز :شو صار
ياسر :مش هون
ضلوا مطلعين فيه متل اللي ما بدو يصدق أنها مو هون وهنن متشوقين للانتقام
ياسر :وربي مش هون
سعيد :وين يعني
ياسر :مسافرة
اتأففوا وردوا دوروا ورجعوا ،بعد نص ساعة
معتز :شو رأيكن شباب نلف عشي مكان قبل ما نرجع بما أنو ما عنا شغل اليوم
سعيد :ﻷ
طلعوا فيه باستغراب وهو اللي كان يزت حاله عهيك طلعات
سعيد :الريس عم يستنانا
ياسر :لف معتز ..أنا بدقله
سعيد :..لا تلف وصلني وبعدين روحوا وين مابدكن
معتز :شو بدك ترجع تعمل يازلمة ،بيكون الريس بالبيت هلق
سعيد :عندي بيت ارجع عليه ..جد يا زلمة لا تلف
ياسر :لك ليش
سعيد :مو عبالي يا أخي بدي روح نام
وقف السيارة ،ووقفوا أسعد ومنصور اللي كانوا بسيارة سعيد
معتز :نحنا رايحين سعيد مابدك تروح انزل عسيارتك ارجع لحالك
ياسر :معتز
سعيد :بخاطركن شباب
فتح الباب ونزل ركب بسيارتو مع أسعد ،ورجع يكمل طريقه عند نسمة
ياسر :مو حلوة منك معتز
معتز :مو حلوة ..لك نزل بدون ما يسأل عحدى ومبلش قلبان خلق من الصبح
ياسر :يعني صرلنا عايشين معه عمر لهلق بتنهز من قلبان وجهه ..يازلمة خلص هاد هيك طبعه
منصور :هلق إذا شافه الريس زعلان بينعاد موال أول
معتز :ينعاد ساعتا سعيد يشوف مني اللي ما شافه
ياسر :معتز شو عم تخبص ..لسى عالصبح كان بدك تفديه بروحك ..افهم يازلمة إذا أنت بالليل عم تخلص شغل بترجع عبيتك على حضن أمك وحصن أبوك بس هو يتيم من وين ما بدك ياه يقلب وجهه بهالدنيا ..الله يكون معه شو شايف قسى أصلا بيكون هلق راح يحط الحزن ويقعد وحضرتك عم تتوعدله...شغل شغل وامشي خلصنا من حيونتك
طبعا سعيد ما كان رح يعمل متل مافكر ياسر ،إلا أنه رح يحط نسمة ويقعد ،أما هي كانت مفاجئتا ضييفة كل شهر بعدما راح ، ونسمة من النوع اللي بتنصاب بكل شي أوجاع بالجسم من غثيان وإقياء وصداع وألم المفاصل والظهر ومغص وحساسية شم وحساسية عواطف كمان يعني اكتئاب ،اتغطت بحرام سميك وقوي الوجع بجسما وما مسكت حالا من البكي لما اتذكرت أما وأخواتا كيف كانوا يداووها بهاللحظة ، بس رجع سعيد طلع ولقاها على شوي حتموت فكر صرصور مرعبها كالعادة ،قرب لعندا بسرعة وهي عم تتوجع
سعيد :نسمة شبك ..نسمة
نسمة :موجوعة
سعيد :شو عم يوجعك
نسمة :كل جسمي
سعيد :هفف ..وينو
نسمة :شو هو
سعيد :الصرصور
اجتها الضحكة :مو صرصور
سعيد :لكن شبك
نزلت راسا ،نسمة :واجعني جسمي من الدورة
سعيد :!! شو هي
نسمة :لككك سعيد
اتذكر سعيد هالكلمة لما قالتا بنت الريس لرفيقتا لما كان عم يوصلن عالمدرسة وعرف أنو هالكلمة هي نفسا بيعبروا عنها بمنطقتن بكلمة "ساخنة"
سعيد : يعني ساخنة؟
نسمة :اي في سخونة بس هلق بتنزل حرارتي
حط إيدو عجبينها لقاها سخنانة
سعيد :ﻷ قصدي أنك ءءساخنة مو
نسمة :اي اي ساخنة
مافهمت عليه مغزى الكلمة بس قالت اي تفاديا للجدال ،قام هو ساوى زنجبيل وصبلا كاسة وحطا قداما كانت أولها رح تغفى من الوجع
سعيد :نسمة
باسا فتحت عيونا
سعيد :قومي اشربي زنجبيل ..يلا بتطيبي... يلا
قامت عمهلا ولفت الحرام عليها واخدت الكاسة ،هو قداما مستغرب من بردها
سعيد :بردانة
هزت راسا
سعيد :تعالي دفيكي
اتجاهلته
سعيد :طولت عليكي؟
نسمة :ﻷ ..ما اشتغلت اليوم ؟
سعيد :... مو بالبيت
نسمة :مين
سعيد :نهلة
نسمة : مين هي
شغل سيجارة ،وبلش يحكيلا عنها ،اتفاجئت كتير وحقدت عليها لما حكالا عن كرسي الكهربا
نسمة :وما متت ؟؟!
سعيد :امبلا ودفنوني
ضحكوا سوا ،قرب لجنبا ،اشمئزت من ريحة الدخان ،بعدت عنه وهي مكشرة ،حسها قرفانة منه اتأثر بس خباها ،بعدما كمل القصة
نسمة :لازم تتناسى أمرها مازال فشت غليلا
سعيد :صار دوري فش غليلي
نسمة :كيد النساء مو قليل احتمال المرة الجاي ما تنفد من مكرها خلص انساا
طلع فيها ضحكان :غرتي ؟
نسمة :من شو بدي غاار !قال غرتي بس مالي خلق جادل
دارت وجها مكشرة ،اتأمل فيا
[٢٠/٢ ٧:٢٤ ص] ب
نفسجية: وﻷن ما بيجيد المغازلة ،مسكلا تمها وأنفها سوى وهزلا راسا
سعيد :ههههه يقبررني
أما هي فما كانت طبيعية أبدا ،وجسمها متل البلور أي نكشة ممكن توجعها كتير ،نزلوا دموعا قالت بنتر
نسمة :خلص بعد عني هفففف
اتفاجئ ،حس حاله بايخ كتير ،اندارت ورجعت اتسطحت ،ضل قاعد مكانه ،اتصله ياسر ليراضيه ،تركها وراح لعندو ،بالليل إجى وجايب معه حلويات ،كانت بعدا على حالا ،لما جرب يطعميعا لعت نفسا وقامت ركد عالحمام ،بعدا إجت ومخضوضة استغرب منا قعد جنبا
شاف وجها شاحب ،انغعل
سعيد :بدك دكتور قومي ﻵخدك
نسمة :ﻷ ﻷ بس اتركني
سعيد :قومي رح جهز السيارة
نسمة :لك ما بدا بكرى بطيب
حكتلو أنو هي هيك بصير معا بس ما رد عليها ،حملها ونزل عالدرج وهي عم تحاكيه وترفض ومتجاهلا
نسمة :لك ماني محجبة ..يالله سعيد مو وقت العناد ..بكرى ماعاد يبقى فيني شي ..لك شو بدو يقول الدكتورر .. هلق بيتمسخرر ..كلها دورة !!
عبس وحط عيونو بعيونا
سعيد :خلصنا
سكتت وقلبا فاير ، ومستسخفة منظرا كيف حتكون عند الدكتور ، كانت موجوعة وخجلانة و عم تحكي غصب عنا ،الشي اللي صمم فيه سعيد ياخدا ، وهنن عالطريق
نسمة :لف وارجع مشان الله لك والله بخجل روح كرمال هيك سبب ،نص البنات بيصير معن هيك ما بدا دكتور ،رد بقا عم حاكيك ،وقف السيارة
سعيد :لك طلعي عوشك وإيديكي كلك صفراا ،استناكي لتموتي خلص ولا حرف
نسمة :ما رح موت كل شهر هيك بيصير وما بمووت
سعيد :كل شهر ! وليش ما ياخدوكي أهلك عشي دكتور يداويكي ولا مو سائلين عنك
نسمة :ﻷ سائلين بس عيب روح كرمال هالسبب
سعيد :هلق أنتي موجوعة ولا ﻷ
نسمة :ﻷ
على صوته سعيد :ﻷ امبلااا والدكتور مشان وجعك موجوود حرف واحد وبسكرلك تمك بطريقتي
حطت راسا عإيدا خجلانة من نفسا كتير ( يا ربي شو هاد شو هالحنية اللي بدا تضل تحرجني )
ضلت ساكتة ومتمنية يغير رأيه ،اتمنته يكون أضعف شوي لتقدر تجادله بس ما اتجرأت ، وصل وقف السيارة ،نزل ،برم لعندا ،فتح الباب
سعيد :انزلي
نسمة :لك مشان الله لا تخليني أخجل
قطعها وحملها وسكر الباب برجله ،اندار وفات عالمبنى ،طمت وجها الأحمر بصدرو نزلوا عالدرج تنتين شافوهن وضلوا نازلين انسمع صوتن وهنن عم يضحكوا
مجهولة :شو حلوين يمكن عرسان
ضحك سعيد :غيرك متمني يكون بدالك
نسمة :نزلني طيب مو حلوة نفوت عالعيادة هيك
نزلها شوي شوي متل كأن تحفة وخايف تنخدش ،لاحظت هالاهتمام بس ما قدرت تفكر كتير من وجعها ،فاتوا عغرفة الانتظار فاضية كان الدكتور شوي وبيسكر ،فاتوا فورا فحصها سألها كم سؤال ،ضلت محروجة ،وصفلا دوا وراحوا ، اشترا الدوا ورجعوا عالبيت ،اتأملته ، ما كان أبوها يهتم هالقد ، وأمها تعطيها الدوا وتتركا لتطيب ، افترضت ولو شي مرة أخدوها عالدكتور فماكانت حتطلع إلا عرجليها ، كبر بعينا ،الاهتمام طريق القلب ، الاهتمام بيعيش أفشل علاقة لو كيف ما كان نوعا ، بيقدر يخترق أقسى قلب
نسمة :سعيد
طلع فيها لقى عيونا عم تغزل
نسمة ببشاشة :جوعانة ما حأقدر آكل غير لبن مصفى
ضحك ،مسك إيدا وضل مكمل ،رجعوا اتعشوا وكملوا ليلن بهدوء ورواق ، تاني يوم كان معطل ،فاقت قبله ،متحسنة ، اشتهت تتصبح كعادتا حضرت قهوة وبسكوت وفيقته ،فاق وروق كمان ،مزحوا وضحكوا سوا ،هون طلعت فيه بحب ،وثقت أنه صار مسالم ،فتجرأت وسألت
نسمة :ﻷيمت ضالة هون
اتبدلت ملامحه فورا قال بنتر :مفهمت
نسمة :ءيعني ..أهلي أكيد عم يدوروا عليي وأمي أكيد تعبانة على ما تشوفني
سعيد :نحنا حكينا من قبل ،مو هيك ؟
نسمة :اي بس عم أسألك هلق ﻷيمت ضالة يعني هاد مو نظام حياة لنعيش عليه إذا مفكر أنو ماشي الحال
سعيد :ليش ما مشي ؟
بلعت ريقا وضلت ساكتة مو متأكدة إذا بعدو مسالم ،رجع عاد كلمتو بصراخ ،نقزت ورجعت لورى ،قلب السفرة وهو يصرخ
سعيد :مشييي قوولي مشييي
هزت راسا
سعيد :لك عم تفكري بأهلك لساا ،مازال بدك ترووحي ليش تعيشيني عأمل ليش ما قلتي من قبل ولك لييش احكيي
نسمة :مءما عيشتك وءوالله ما عيشتك
مسكا من إيديها :ﻷ عيشتيني ضليتك موافقة وقعدتي ،معي ما بتلعبي ، رجعا ماافي بدك تضلي هوون عم تفهميي
من خوفا هزت راسا
سعيد :أهلي ،أمي ،ماابدي اسمع هالسيرة
علقت دموعا بعيونا ،وهي عم تهز راسا ،كان بدو يصرخ أكتر بس شافا خافت كتير تركا ،حك دقنه ،هدى أنفاسه
سعيد :اسمعي .. عم حاكيكي بالعقل أنا زلمة بعيد عن الصبر ،أنتي صرتي إلي ، هييك ، ما فهمتي أنو بدن يقتلوكي معناها قصة رجعتك انسيها ،.... قسما بالله رح تندمي إذا بترجعي تسمعيني ياها ...لا تقولي حبيتك يعني برحمك
هزت راسا ونزلته لما خلص حكي ، شغل سيجارة وضلوا عقعدتن ،ضلت تفكر باللي قاله ،ما استنتجت إلا أنها رح تضل قاعدة بالوقت الحالي ، هيئته اللي قلبت شرسة كانت بتكرها كتير عقد ما بتخاف منا ،اتمنت لو ما سألت ،وجعها جسما ،فاتت عالغرفة واتسطحت ،بكيت ، بعدما هدى حاله ، أنبه ضميره للمرة التالتة ، عجز يخليها تستوعب بالنقاش ما كان بدو يخوفها هيك ،لاحظ رجفة شفايفا وجفونا وهو ماسكا ،انزعج من
نفسه طفى السيجارة وفات لعندا ،انصدم ،شاف وجها أصفر كتير ،رفع الغطا عنا نقزت ،إيديها صفر ورجليها ،دقق بعيونا شافن صفر ، نزلت راسا ،انخفق !
-عند الدكتور
الدكتور :يرقان ...و للاسف حاد ،بأعجل وقت لازما نقل دم وإلا ..
ضرب عراسه :مشان الله دكتور قلي شو أعمل
طلع هو واياه عغرفة العيادة اللي قاعدة فيها نسمة وصافنة ،كتبله عورقة ،أخدا وأخد نسمة و راح عالمشفى
بعد يومين ، كان مهتم فيها عحسب التعليمات اللي اعطاه ياها الدكتور ، لازمها كل يوم مقدار غذاء لتمشي عليه وهي كانت تكره الأنواع اللي انوصفتلا متل الكبد والهريسة والأطر ، وهو يحضرلا ياهن و يغصبا عأكلهن وهي ترفض ،انتشئ بينن جو فكاهي ، لحتى رجعت لاحظته رجع مسالم ولطيف ، رجعت مشاعرا تنحدر نحوه بشكل أقوى ، لحد بعد أسبوع لصارت العلاقة مليئة بالتفاصيل الحلوة والمثيرة اللي تغرز بذاكرة كل حدى منن
طول هالأسبوع ما جابت الأغراض اللي بدا ياها ،وككل يوم احتواها ملل وجوع وشوق ،رجع سعيد متأخر فات طلع فيها ،شلح الجاكيت وقعد ،ضلت متجاهلته ،شدا لقدامه ،وضحك وهي ماقدرت تخبي بسمتا
سعيد :زعلانة ؟
نسمة :هئ
سعيد :شلون هئ
نسمة :يعني هئ
سعيد :معناتا بوسيني مشان صدق
ضحكت ،نسمة :شلون يعني وأنت مجوعني
سعيد :خلص بكرى أكيد بجبلك اللي بدك وهلق قايم شفلك
نسمة :بالبيت مافي ولا لقمة ولا رزة ولا عدسة ولا بندوراية،صرلي هون أسبوع نشف جسمي عالجاهز ... عنجد عم أحكي
سعيد :ليش بدك كل هدون يعني
نسمة : ! يعني أنا عشوي تانية بموت من الجوع ،إذا كل يوم بضل جوعانة لبين ما تجي وتجيب معك أكل شو بكون صار بحالتي
سعيد :قلتيلي على شي وما جبتلك ياه
نسمة : ﻷ ﻷن كل شي ناقص
اتفاجئ :كل شي !
نسمة :اي كل شي إذا بدك بقعد بعدلك ياهن
سعيد بحب :عديهن
نسمة 😌:عم تاخدني على قد عقلي يعني
باسا عتما بقوة ،سعيد :هههه ﻷ قوليلي شوبدك وبصيروا عندك المهم ما ينقصك شي من اليوم ورايح
غصت من كلمتو الأخيرة ،قالت على كل شي ناقص من بهارات وتوابل ومكونات تانية بتلزم وما بتلزم ____بالمول
نسمة :يلا سعيد قيسن
سعيد :اتركيهن من إيدك عاد ما بدي اشتري
نسمة :يالله منك لييش
سعيد :خلصنا نسمة عم قلك اتركين أنا مو لازمني أواعي
نسمة :ﻷ لازمك ،أصلا كل هدول اللي عندك مو حلوين ..قيس هدون ﻷن حتى لو ما قستن رح آخدن عالحالتين
كان بدو يعبس ويصمم على كلمته بس ماشاف الموضوع مستاهل وهنن بمكان عام ،أخد القميص الخمري والبنطلون الكتان الأسود وقاسن ،طلع قياسن زابط عليه كتير واختلف 80% وهو كمان لمس الفرق فورا عن قبل ،امتلؤا عيونا حب ،قربت منه
نسمة :بيجننوا .. خليك لابسن وخلينا ناخد غيرن
سعيد :ﻷ خلص بيكفي اللي اشتريناهن ،ولا حرف عاد تحكي امشي يلا
ضحكت وطلعوا يكملوا باقي أغراضن ،وهو راجع عالطريق انتبه من بعيد عسيارة ياسر اللي بطريقا ليتقاطعوا ،انخفق
سعيد :نسمة ! انزلي تحت الكرسي
نسمة :شو !
قرب ياسر وخفف سرعته ليوقف ويحكي مع سعيد ،بعكس سعيد اللي ضل مأسرع ليوصل عالبيت بأقصى سرعة ويخبي نسمة ، استغرب منه ياسر أنه ما وقفله
معتز :لك مو سعيد هاد
ياسر :امبلا ، رح لف لعندو شباب ، لشوفه وين كان وأنا عم دقله من الصبح
باللحظة اللي فاتت نسمة عالبناية ،فرق ياسر ،شافوا سعيد فاتح الصندوق وواقف وراه ،انتبه عليهن ،سكره واندار وقعد عليه ،وصلوا لقدامه ونزلوا يحاكوه ،أصروا عليه يروح معن ليتنزهوا ،رفض ،تهربه الواضح ما خفي بما أنه كان بيته هو المكان الأكثر رواق لسهراتن
ياسر :طيب منطلع هلق منشرب عندك قهوة ومنروح بعدين في معنا وقت
ما لقى غير أنه يطلع معن
سعيد :صدقوني كرهان ارجع ادخل عالبيت ،خلص خلينا نروح دوبنا نلحق شي طاولة بالمنتزه اللي عالجبل
معتز :يازلمة والله عيب عليك يعني واقفين قدام بيتك
قطعه ياسر :معك حق سعيد خلينا نروح شباب يلا دوبنا نلحق
ركب ياسر ،حس معتز بشيء مخبى ،ضل يطلع بالشباك وبالباب ،بعدا ركب ،راحوا سهروا سوى وما رجعوا إلا لل12 بالليل
نزل سعيد قدام البيت وهو عم يتلفت حواليه إذا في حدى من رفقاتو وراه ،طلع كانت نسمة قاعدة عم تابع مسلسل ،وقفت ،قرب ضما و باسا
نسمة :كأنك بردان
سعيد :طبعا مو بعيد عنك
نسمة :ههههه و ليش بردان
سعيد :كنت فوق
نسمة :أنو فوق منن
سعيد :ههه عالجبل أنا والشباب
نسمة :تاركني هون يديق خلقي وانت طالع عالجبل
سعيد :ﻷ هلق بسليكي
نسمة بخجل:ههههه وبلكي ما بدي
سعيد :هلق منتناقش جوى شو بدك وشو مابدك
حملا ،دخل عالغرفة وسكر الباب ،حطا عالتخت ،فك اول زر من قميصه ، اتذكرت أنها لازم ترفض وخصوصا بهالخمس أيام لتمنع الحمل ، المعلومة اللي كانت تسمعا من اخواتا وهنن يحكوا عن هالخصوصيات ، قعد ،شدا ،، بصعوبة لاتخلصت منه واتحججت بوجع بطنا ، اتعكر ، هدى أنفاسه
سعيد :اطلعي
حسته أديش انخذل ،نسمة :ءء ماتزعل بس مو
قطعها :اططلعي
قامت ،طلع عأدوار خطواتا وهي تمشي ومتل المقهور
سعيد :تعي غيري الزفت
قصد فيزونا ، خبت ضحكتا ورجعت غيرته ، طلعت عالمطبخ ، فرحانة
بأغراض المأكولات الجديدة
نسمة :اي بقى يا نسمة مااشتقتي للكاتو
بدأت بعمل قالب سريع ، وساوت شيبس وبوشار و عصير وحطت بزر ، حطتن بالصالون ،ونادتله وهي جواها عم يضحك ، طلع كان لساه زاور ، اتفاجئ بالسفرة ،فك عقدة جبينو وقعد ،قعدت جنبه وهي مبتسمة
سعيد :هاتي البطيخ
قصدو الريموت ،ضحكت وعطتو ياه
نسمة :صبلك شاي ؟
سعيد :صبي
صبتا وحطتا قدامه
نسمة :تدوق الكاتو ؟
طلع فيا بقهر ،سعيد :مندوق
ضحكت :شبك مزعوج ما بدك كاتو
سعيد :لا هاتي دوقيني ﻷن بدي دوق كاتو أنا
ضحكت :امم لكن شيبس ؟
سعيد :...يا اسكتي يا قايم ربطك و زتك بهالغرفة وبلش فيكي دواقة
ضحكت من قلبا ،وبعدا كملوا سهرتن برواق ، كانت رح تتجرأ كذا مرة تطلب منه تشوف امها بس تتراجع بما أنه ما عاد وثقت أديشه سريع التحول بمزاجه ، تاني يوم الصبح فتحوا عيونن سوى من النوم ،اتأملا واتأمل عيونا البنية ووجها اللي بيضحك لحاله ،كل يوم كانت تدخل لقلبه أكتر ،وهو حاسس بهالشي طبعا ،وهي اللي بلشت تتفاعل عواطفا معه بس قلبا اللي عم ينطف ببطء على شوفة أمها عالأقل، ما كانت عم تحسسه بهالشي ،خوفا من الوحش الكامن جواه، حتى هي ما تفكر بالأمر كتير ،تجبر حالا عالنسيان بس طبعا محاولتها تضل تفشل لحد ما مرق أسبوعين وهي تكبت دمعتا، دمعة الشوق ،اللي كبرت جواتا وطغت عمشاعرا شوي شوي ،لا عاد قدرت تشعر بالحب ولا بالاهتمام ،ماعاد بدا غير أنها تشوف أمها وأخواتا ،،
بيوم رجع عالبيت بعد انتهاء دوامه ،لقاها نايمة والبيت متل ما هو من الصبح ،استغرب ،قعد قداما فيقها ،فاقت بدون ما تحط عينها بعينه ،ضمته وقامت عالحمام ،غسلت وجها واستنت عيونها ليروقوا من الدمع ،فتح باب الحمام لقاها مستندة عالحيط وعيونا مخفوقين ،دارت وجها فورا ،لبس برجله وقرب دارها لعندو ،نزلت راسا
سعيد :طلعي فيني ....حبي ،طلعي فيني لشوفك منيح
كابرت :مافيني شي بس نعسانة
سعيد :ما سألتك إذا فيكي شي ولا ﻷ ...طلعي فيني قلتلك
نزل راسو وطلع بعيونا ،حس حاله مزعلها بدون ما يقصد ،مسكلا إيدا وطلع قعد وقعدا على حضنه ،حط إيديه عوجها رفعلا شعرا ومسح دموعها
سعيد :شبك نسمة ... واجعك شي ؟
نسمة :لا بس نعسانة
سعيد :النعسان هيك بيصير بعيونه ؟
نسمة :....
سعيد :مزعلك أنا ؟
ضحكت :لا حبيبي ..متل ماعم قلك نعسانة بس
عبس :عم تضحكي عليي يعني
نسمة :ﻷ
سعيد :لكن ليش بكيانة لحتى متنفخين عيونك
نعسانة ؟ إيمت اللي بينعس بيبكي
نسمة :اي خفت تجي جوعان وانا مو عاملة أكل
سعيد :وإذا ..ليش لما بلاقيكي مو عاملة بجي بقتلك يعني .... شو بدك تحكي الصراحة ولا بدك دمي يفور
نسمة :... إذا بحكي رح يفور دمك كمان
سعيد :طيب خبريني شوفي .... بحاول اضبط أعصابي
نسمة :أكيد ؟
أخد نفس :اي أكيد بس خبريني
نسمة :...أنا مافيني شي ،بس ..مءمشتاقة ﻷءءﻷمي
بكيت وطمت وجها فيه ،لف إيديه عليها وطبطب على ظهرا
سعيد :معك حق ... قلتلك إني ما بدي أسمع هالسيرة بس غلطت لما قلتلك تنسيهن ،ما كنت بعرف أن الأم ما بتنتسى
حست أنه رح يرضى يوصلها ،طلعت فيه وعيونا اتعبوا أمل
سعيد :بس مستحيل تروحي لهنيك ..أنتي ما بتعرفي شو بصير فيكي إذا رحتي
نسمة :شو بدو يصير يعني
سعيد :كل شي سيء
نزلت راسا بحزن
سعيد :ليكي حبيبي أنا ما بدي تزعلي وتفكريني ظالمك بس أنا بعرف شو رح يصير فيكي إذا رجعتك ...لا أبوكي ولا أخوكي ولا بيت عمك حيرحموكي ...أنا رحت عبيتكن وحكيت مع أخوكي وشفت أبوكي وشفت كل عيلتك...ما بقدر اتركك الن وافهمي إني مابقدر أتركك ألن
سكتت وهي عم تتخيل حبه
سعيد :مشغلة البولار ؟
هزت راسا
سعيد :شلون مشغلتيه وأنتي صرلك نايمة من الصبح
نسمة :ههه اي نسيت
سعيد :شغليه لكن واعملي أي شي ناكله
نسمة :...خالصة النواشف والمعكرونة مافي غير بيض
سعيد :أي شي بس يلا تعبان وجوعان موقادر قوم جيب شي
هزت راسا ،وقامت تحضر عشا
-بالمكتب
كانوا خالصين الدوام ومنصرفين ،فات معتز
معتز :مرحبا ريس
الريس :أهلا بلاقيك مو منصرف
معتز :اي والله ريس في عندي كلام حابب قلك ياه ،في مجال ؟
الريس :اي طبعا تعال اقعد
قعد وماعرف كيف بدو يبلش بالفسدية
معتز :بصراحة ريس ومن الآخر ،سعيد مو طبيعي صرله كذا أسبوع وأكتر من شهرين تقريبا
يعني لا بيطلع معنا ولا بيسهر ولما بيجي دوره بالسهرة عندو بيلاقي أي حيلة لحتى ما يخلينا ندخل عالبيت حتى لو بدنا نتخانق
الريس :مافهمت عليك ،يعني شو قصدك
معتز :ريس أنا بيعز عليي سعيد وأنا واياه رفقات من الروح للروح بس قلقان من شغلة بيته ،حاسس في شي بالبيت مو راضي يفرجينا ياه
هز راسه الريس مو مقتنع بكلام معتز
الريس :خلص ..ببقى بشوفه أنا ...وبطمنك..
انصرف بتكون تعبان من شغل اليوم
معتز :هههه اي والله يا ريس هلكنا وما رضي سعيد يوقف لخلصنا النقلة كلا
الريس : كنت اقعد لاقي حدى يشتغل عنك
معتز :ليش مين قلك ما قعدت
الريس :اي
معتز :اي مالقيت غير سعيد لبسني برميل مي
الريس :هههههه ،تاني مرة بقله يلبسك كيس طحين
معتز :هههه بتمون ريس ...ب
الإذن
راح معتز ،ودار كلامه بعقل الريس ،خاف يكون عم يتعاطى أو عم يخبي شي قصة بتخوف
حمل الجوال ودقله ،سمعت نسمة وهي عم تحضر العشا صوت الجوال عم يرن لحتى يفصل وسعيد غارق بالنوم ،فيقته ورد عالمكالمة فورا
بصوت تقيل عحسب ماكان نايم
سعيد :اي ريس
الريس :ليش طولت لرديت
سعيد :ولا شي ..كنت نايم
الريس :صرلي داققلك 4 مرات ما بالعادة ما تسمع
سعيد :عراسي ريس بس غفلان من التعب
شك الريس بصوته التقيل وما اطمن بتأخره بالرد
الريس :طيب مسافة الطريق وبكون عندك
سعيد :شو
الريس :!! شو شو ما بدك إجي
سعيد :ﻷ ريس بتشرف بس فاجئتني صرلك زمان ما إجيت لعندي
نهى المكالمة معه كيف ماكان وقلها لنسمة :ليكي نسمة رح تنزلي عالغرفة اللي تحت هلق ،بدو يجي لعندي ضيف ما بدي ياه يشوفك
نسمة :ليش
سعيد :مو وقت الحكي هلق قومي انزلي بس اسمعي
ضمها
سعيد :تحت في شي صرصور أكيد ، أوعك صوت يطلع اووعك
هزت راسا
سعيد : ...قبل ماتنزلي ضبي هدول ألك اخفيهن يلا
استنفر سعيد هديك الدقايق ونسمة مو عارفة ليش ،سمع صوت سيارة الريس وقفت جنب بيته ،نزل نسمة عالغرفة وطفى الضو وقفل عليها الباب ونزل فتح الباب للريس ،طلع الريس وهو عم يتأمل بالوضع المختلف عليه بدءا من الدرج اللي صاير نظيف على غير عادة لوصل لفوق وشاف الترتيب والاهتمام الواضح والغريب ،طلع بطرف عينه عسعيد
سعيد :أهلا وسهلا ريس اتفضل
الريس :أنت مو كنت نايم
سعيد :اي
الريس :شايف البيض بالبندورة هلق خالص طبخ
بلع ريقه ،سعيد :حطيتن عالنار واتسطحت ليخلصوا وغفلت دقيقتين تلاتة
ضحك الريس من كذبة سعيد الواضحة على وجهه وضحك معه سعيد
الريس :مين عندك
بصدمة :مين !
يتبع .
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`