صراع السلطة - الفصل التاسع عشر - بقلم جنى | روايتك

*❴📖❵↵ صراع.السلطة.tt* 💙 *❴🔢❵☟الـــبـــــــــــ❴9️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ الكل مصدوم عم يطلعو عليه و على سيلار ناطرين يحكي زهرة:شو قلت سيد:مثل ما سمعتو انا قررت و قراري لا رجعة فيه اشرف:سيد بدك ترجع العداوة بينا و بين العشيرة الشمالية سيد:مارح ترجع وليكو عاصم رح يتزوج نجمة وكمان هشي من حقي مسك ايد ليلى لي منزلة راسها و قام من الطاولة و سحبها وراه الكل عم يطلع على سيلار لي ما قالت ولا كلمة قامت نجمة و قربت منها نجمة:سيلار بس هي ماردت عليها بس قامت من مكانها و مشيت صوب الدرج كانت نجمة رح تلحقها بس مسكها عاصم عاصم:تركيها هي مصدومة نجمة:ليش ليتزوج عليها ولا حدا قدر يرد عليها لانو فعلا ما عندهم جواب لسؤالها .............. سيلار حسيت حالي بدوامة كبيرة شو عم بيقول خطوبتو وانا شو بنسبة الو لهدرجة ما بسوا عندو لهدرجة مو معتبرني زوجة بكل بساطة قرر يتزوج اول ما فت على غرفتي وقعت علارض ما قدرت اتماسك اكتر بلشت دموعي تنزل مستحيل هشي مستحيل.... ما نطرت اكتر و بلشت اجمع بغراضي مستحيل ظل هون بفضل كون مطلقة على اني شارك زوجي مع مرا ثانية الفكرة بس انو تشاركني مرا تانية فيه خلت جسمي يرعش و قلبي يدق بقوة و بحس بحرارة بكل جسمي مارح اققدر اتحمل مستحيل يا إلي انا وحدي او ما بحتاجو ابدا ...وانا عم اجمع سمعت دق بلباب نفتح الباب كانت زهرة نصدمت شو بدها مني بدها تضحك عليا وتتشمت فيي ليكو رح يتحقق لي كان بدها ياه ورح اترك قصر العيلة سيلار:رح حققلك حلمك و رح اطلع من هلقصر بلا رجعة زهرة:ومين قلك بدي تروحي سيلار:ههه لا تضحكي عليا من يوم تزوجني ابنك و انتي مو طايقتيني زهرة:معك حق سيلار:وهلأ رح ريحك مني و كمان خبري ابنك اني بدي الطلاق مستحيل ظل على ذمتو زهرة:لهدرجة انتي ضعيفة كلماتها صدموني طلعت عليها مستغربة شو قصدها بضعيفة زهرة:بدك تتخلي على زوجك و عيلتك بهي البساطة سيلار:....... زهرة قربت اكتر مني و هي عم تحكي زهرة: الشمالية قوية و ما بتستسلم ببساطة و ما تترك شي الها لغيرها ماقدرت رد عليها كيف هيك عم تحكي وبدها دافع على زواجي مو كانت ضد هزواج شو قلبها سيلار: انتي لي عم بتقولي هلكلام زهرة: ايه انا صح كنت ضد زواجكم بس هلا لا الشي لي كنت خايفة منو صار و خلص سيلار: ما رح اقدر اتحمل وجود مرة تانية تشاركني زوجي زهرة: مافي حدا بيعرف احساسك قدي سيلار: وانا مابدي عيش نفس العذاب زهرة: بس في شي مختلف بيني و بينك سيلار: شو زهرة: سيد بيحبك عكس خالد كان بيحب زينب ضحكت بقهر سيلار: شو عرفك انو بيحبني و ما بيحب لاسمها ليلى حطت ايدها على كتفي و حكت زهرة: ابني و بعرفو لا تنسحبي ببساطة و تتركيلها زوجك دافعي عن زواجك واذا فشلتي مارح وقفك و رح خليكي تعملي لي بدك ياه ورح كون بصفك بأي شي تقرريه بس بلاول دافعي طلعت من الغرفة و تركتني بدوامة من الافكار بدافع عن شو اذا كان بيحبني ليش ليتزوج عليا وانا عم فكر نفتح الباب و فات اول ما فات طلع على الشنط لي عتخت سيد:شو هاذ سيلار:انت قررت.و انا قررت سيد: بدك ترجعي على بيت اهلك سيلار:بفضل كون مطلقة على انو تكون عليا ضرة سيد:وما سألتي حالك ليش لاتزوج مرة ثانية سيلار:ايه و مالقيت الك مبرر، سيد:مالقيتي مبرر انا رح خبرك بدي مرا تسمع كلامي و تحترمني سيلار:شو قصدك اني ما بحترمك و ما بسمع كلامك سيد: انتي تزوجتك مشان الصلح و هي رح اتزوجها مشاني والطلاق اخر شي تحلمي فيه ماقدرت اتحمل اكثر شو قصدو هي تزوجها مشانو يعني بيحبها و انا لا الدموع تجمعت بعيوني مابدي ابكي مابدي اضعف قدامو اخذت نفس و رديت عليه سيلار: وانا كمان من حقي كمل حياتي مع لي بدي ياه طلع عليا معصب سيد:شو قصدك سيلار:بدي اطلق و ارجع ابني حياتي مع غيرك سيد:ههههه هههههههه بدك تتزوجي بعدي ههههههه قرب منها بسرعة و دفعها علحيط و ثبتها سيد:من يوم وقعتي على زواجك مني صرتي ملكي و ما رح يفرقك عني الا الموت سيلار:مستحيل ضل على ذمتك يا انا يا هي سيد:مو انا لي بنحط بلاختيار يا سيلار و حتى لو تركتي القصر ما رح طلقك لهيك حطي عقلك براسك و رجعي ثيابك للخزانة قال كلامو و طلع من الغرفة و تركني منهارة كيف تزوجني مشان الصلح و وهي مشانو يعني بيحبها و انا لا.. لي رغم كل شي حبيتو و عشقتو ليش ليعمل فيي هيك اذا ما بيحبني يطلقني و بنخلص حتى فكرة الطلاق عم توجعني كيف رح اتحمل تسطحت عسرير و دموعي عم تنزل و قلبي عم يوجعني كتير ماعرفت امتى غفيت ............ فقت الصبح و راسي عم يوجعني كتير و نفسي عم تلعي شو صاير معي يمكن من كثر البكي لي بكيتو فت علحمام وغسلت وجهي طلعت على حالي بلمراية وجهي ذبلان كلو بسببو طلعت من الحمام و نزلت لتحت كانت كل العيلة عم تفطر الا سيد و لاسما ليلى مانهم موجودين عاصم:صباح الخير انتي منيحة هزيت راسي بإيه فاطمة:قعدي يا بنتي تفطري سيلار:شكرا بس مو قادرة رح اطلع شم شوية هوا ...........طلعت برات القصر و انا عم فكر شو رح اعمل بعمل بنصيحة زهرة و دافع عن زواجي او انسحب و ارجع على بيت عيلتي حتى لو ما طلقني بفضل بعد و ما عيش و انا عم شوفو مع غيري ما رح اققدر اتحمل هشي اول ما رفعت عيني حسيت قلبي رح يوقف سيد و هذيك البنت مع اصيلة كانت عم تركب عليها كيف هيك كان ماسكها من خصرها و عم بيساعدها تركب ما عرفت كيف مشيت بسرعة لعندهم و صرخت سيلار:نزلي ليلى:عفوا سيلار:مثل ما سمعتي نزلي هلفرس الي سيد:سيلار عيب هشي لي عم تعمليه قرب مني ومسكني من ايدي سيد:اهدي و رجعي علقصر بلا فضايح العمال عم يطلعو علينا سحبت ايدي بقوة من ايدو سيلار:بعد عني و انتي نزلي بسرعة احسن ما تشوفي شي ما بيعجبك ردت عليا بكل برود ليلى:ما رح انزل هلفرس ملك سيد اي شي لسيد الي حاولت هدي حالي بس ما قدرت نظرتها و هي عم تتشمت فيي ماقدرت اتحملها ما عرفت كيف هجمت عليها و دفعتها بقوة لوقعت من على اصيلة حسيت بقلبي برد لما وقعت و بلشت تبكي سيد:شو عملتي شو هلجنان ركض بسرعة لعندها و حاول يوقفها و هو عم يطلع عليا معصب سيد:عتذري منها رفعت حاجبي و بتسمت سيلار:مستحيل قرب مني و هي مستدة عليه و عم تبكي سيد:اعتذري منها فورا سيلار:ما رح اعتذر و اذا قربت من اصيلة مرة ثانية رح اققتلها اصيلة الي ليلى:خلص يا سيد رجلي عم يوجعني مو قادرة امشي عليه خلينا نرجع حط ايدو على خصرها مشان يشلها مسكتو من ايدو بقوة سيلار:تركها لا تشيلها طلع عليا معصب و ضربي كف قوي غمضت عيوني ما بدي شوف نظرتها الي اكيد عم تتشمت فيي كيف قدر يرفع ايدو عليا و مشانها و قدامها ليش هيك عم بيذلني قدامها دفعتو بقوة سيلار:بكرهك بكرهك يا سيد قد ما حبيتك كرهتك ما ستنيت يرد عليا ركبت على اصيلة و نطلقت بسرعة و دموعي عم تنزل ضميت اصيلة من رقبتها سيلار:بسرعة يا اصيلة ركضي بعديني عنهم ضلت عم تركض لبعدت عنهم ماقدرت اتحمل ليش ما حبني مثل ما حبيتو ليش هيك قلبي عم يوجعني ليش هيك... حسيت عم يغط على قلبي ضعطت على اصيلة لخففت سرعة ما عرفت شو صار او كيف لوقعت علارض ............ سيد ما بعرف كيف ضريتها ماقدرت اتحكم بأعصابي اول ما مشيت كانت اصيلة مسرعة كتير صرخت بأعلى صوتي مشان توقف سيد:سيلااااار سيلااار وقفي بس ما سمعتني اخذت اصيل بسرعة ليلى:سيد و انا سيد:ستني هون نطلقت بسرعة كبيرة بعدها و انا عم صرخ مشان توقف بس كانت سريعة كتير،و ما سمعتني لخففت سرعة و وقعت من على اصيلة و وقع قلبي معها نزلت بسرعة لعندها سيد:سيلار سيلار حاولت صحيها بس عبث كان وجها مبلول بدموع ما تحملت شوفها هيك ضميتها لصدري سيد:سيلار يا روحي اصحي رح اعمل لي بدك ياه شلتها بين ايديا ورجعت بسرعة للقصر ................... اول ما وصلت للقصر الكل قام بسرعة لعندي سمر:شو صار معها سيد:تصلي بوليد سيلار وقعت من علفرس طلعت بسرعة لغرفتها و حطيتها على لسرير و انا خايف كتير اذا صار معها شي مارح سامح حالي ........ سيلار اول ما فتحت عيوني لقيت حالي بلغرفة و وليد قدامي عم يفحص فيي وليد:شو حاسة سيلار:..... وليد:سيلار كيف وقعتي من علفرس سيلار:ما بعرف بس غميت فجأة وليد:بدي اسألك عم تحسي بلعيت نفس او رغبة بشي مثل تحبي تاكلي شي معين او تحبي شخص ما او تكرهيك سيلار:ليش هلاسئلة شو صاير معي بتسم وليد و كمل حكي وليد:احم بدي اسألك سؤال خاص شوي سيلار:شو وليد: امتى اخر مرة اجتك الدورة الشهرية نزلت راسي بخجل من سؤالو ضحك وليد وليد:لا تخجلي مني و تعاملي معي على اساس دكتور رديت عليه و انا منزلة راسي سيلار:ماني متذكرة بس الها مدة يمكن شهرين او اكتر رفع حاجبو مستغرب وليد:شهرين و ما شكيتي بشي سيلار:بشو وليد:احتمال كبير انك حامل بكرا الصبح روحي علمشفى ورح تكشف عنك زينة هي دكتورة نسائية ورح تنفعك اكتر مو مصدقة شو عم اسمع مستحيل حامل حطيت ايدي على بطني حامل منو نزلت دمعة من عيوني وليد:ديري بالك على حالك ما بعرف تأثيرات الوقعة لي وقعتيها علجنين لهيك هلأ رتاحي قام وليد مشان يطلع مسكت ايدو طلع عليا مستغرب سيلار:لا تخبر حدا وليد:اذا بدك تعمليها مفاجئة لسيد مارح خبرو بس اذا بدك تخبي عنو حملك لانو قرر يتزوج مرة ثانية فمن حقو يعرف بنهاية هو ابو هلولد سيلار:لا انا لي رح خبرو بس بلاول بدي اتأكد من زينة بتسم وليد:مبروك انا متأكد و مثل ما بدك اول ما طلع سمعت صوتو عم يسأل عني اول ما قرب من الباب عملت حالي نايمة مابدي شوفو و لا احكي معو ما رح انسى اهانتو الي و قدام هذيك البنت اول ما طلع من الغرفة فتحت عيونو مو مصدقة انا حامل من جهة فرحانة كتير ومن جهة خايفة كتير لاني قررت رح بعد عنو و مستحيل ضل هون وانا متسطحة ندق الباب و فاتو كل العيلة ولاسما ليلى معهم ليطمنو عليا زهرة:انتي منيحة هزيت براسي بأيه فاطمة:خوفتينا عليكي يا بنتي نادية:شو حاسة هلأ سيلار:شكرا كتير الكم انا منيحةسمر:خلينا نطلع مشان ترتاح طلع الكل وهي واقفة بزاوية مو طايقة شوف وجها مبينة منافقة عم تتمسكن لحتى تتمكن عامل حالها مرباية و بريئة قربت مني شوي شوي سيلار:عم شوف انك بخير و عم تمشي على اجرك ليلى:اكيد رح كون بخير ما خطوبتي بعد اسبوع سيلار غمضت عيوني بقهر سيلار:لا تحلمي كتير ما رح اسمح لسيد انو يتزوجك ليلى:ههههههه تأخرتي كتير يا حلوة اخذتو و خلصت مشيت صوب الباب مشان تطلع و رجعت طلعت عليا وحكيت ليلى: على فكرة مثل ما اخذت سيد منك رح اخذ اصيلة و كلشي بتملكيه لهيك تعودي على وجدي بحياتك و اني رح شاركك بكل شي تملكيه و بداية من زوجك ضحكت بصوت قوي و طلعت و خلتني عم ارجف بمكاني ما احقرها ليش يا سيد ليش دمرتني و دمرت زواجنا قمت بصعوبة من سرير و انا عم اطلع على غرفتنا و الذكريات الموجودة بهلغرفة بكل زاوية منها كلامو لمساتو قبلو ليش بعد عني و فضلها عني بشو احسن مني بس لانها متحجبة ندمت لاني رفضت الحجاب ندمت لاني كنت عم ارفض طلباتو بس رغم هيك كنت رح اتغير مشانو كنت رح اتحجب كنت رح صحح كل اغلاطي بس لا يبعد عني مسحت دموعي بكف ايدي هلحب لي بدي انذل بسببو بدي شيلو من قلبي مستحيل اسمح لحدا انو يذلني...... لسا ما تزجت سيد ليكا شو عم تعمل فيي لو تزوج رح اتعذب كثير لهيك رح بعد ما بدي لا دافع عنو و لا على هزواج لانو ما بيستاهل قمت بصعوبة و جمعت ثيابي و رجعت تسطحت عسرير ناطر الليل لما ينام الكل و اطلع من هون بدون رجعة خلص يا سيد انت السبب رح اطلق منك وربي ابني لحالي ........... سيد طلول الليل و انا عم فكر فيها كلماتها عم ترن بأني بكرهك بكرهك ماقدرت نام قمت من مكاني بدي اطمن عليها و نحكي بعرف اني جرحتها لما ضربها قدام ليلى بس هي خلتني عصب كتير طلعت من الغرفة لغرفتها اول ما فتحت الباب ستغريت مانها موجودة بلسرير قربت من الحمام و دقيت الباب سيد:سيلار انا ناطرك اطلعي بدنا نحكي ظليت ناطر ترد عليا بس ما ردت فتحت باب الحمام كان فاضي حسيت بقلبي رح يوقف رحت بسرعة ناح لخزانة اول ما فتحتها غمضت عيوني بقهر كانت فاضية سيد:وين رحتي يا سيلار بهليل مستحيل تبعدي عني على جثتي ضربت باب بقوة و طلعت ارائكم شو رح يصير و وليد رح يخبر سيد بحمل سيلار وسيد رح يتزوج و سيلار رح ترجع لسيد بوجود ليلى *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖