صراع السلطة - الفصل الخامس عشر - بقلم جنى | روايتك

* *❴📖❵↵ صراع.السلطة.tt* 💙 *❴🔢❵☟الـــبـــــــــــ❴5️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ عاصم من يوم تركتني وانا عم اتعذب مابعرف اذا عنجد كان حبها مجرد كذبة ولا مجبورة تتركني كلامها لسا عم يرن بأذني كنت عم اتسلى رغم كلامها و جرحها الي لسا حبها متربع على قلبي مو قادر انساها عم اشتقلها كتير مشتاق لكلامها و حركاتها و ضحكتها اليوم قمت بكير و رحت عجامعتها صرلهم مدة عم يطلبو مني قدم نظري وانا برفض بس اليوم انا رحت لعندهم و طلبت قدم بس مشان شوفها لو من بعيد اول ما فت عصف كنت متشوق لشوفتها اول ما شفتها حاولت سيطر على مشاعري و اتجاهل وجودها حسيتها ملبكة من شوفتي طول الدرس وانا عم اسرق نظرات الها اول ما خلصت الحصة قامت بسرعة مشان تطلع كنت رح اطلع بس في بنت كانت عم تسأل طلعت على نجمة طلعت بسرعة من الصف رديت علبنت بسرعة وطلعت يا ريت ما طلعت و لاشفت هلمنظر في شب حاط ايدو على خدها حسيت بنار جوات قلبي مو قادر اتحمل ماعرفت كيف ركضت بسرعة ناحها و تهجمت عشب كل ما اسمع صوتها عم تبكي و تحاول تفكو بعصب اكتر كيف قدرت تسمحلو يحط ايدو عليها ما تركتو حتى فقد الوعي قمت من قوقو وانا رح طق و موت من التعصيب ..... عم يسحبها بقوة كبيرة وهي متل الجثة اول ما وصل لسياراة سحبت ايدها بقوة نجمة: مستحيل روح معك لاي مكان صرخ عاصم: لا تعصبيني اكتر ما انا معصب نجمة: بعد رح شوف ماجد شو..... قبل ما تكمل كلامها صرخ بقوة و مسكها من كتافها عاصم: على جثتي شو انا قدامك ما نطر اكتر و فتحت باب السيارة وزتها جوا و ركب ونطلق بسرعة طول الطريق وهو يسب و هي ساكنة ناطرة شو رح يعمل عاصم: صرلي ساعة وانا عم احكي وانتي ساكتة لك ردي نجمة طلعت عليه ببرود نجمة:على شو بدك رد ضغط على فكو من التعصيب هو رح يطق من التعصيب و هي عم تحكي ببرود عاصم :شو بينك و بينو نجمة:حبيبي سحب فران بقوة و غمض عيوني يحاول يسيطر على غضبو عاصم:كاني ما سمعت منيح نجمة:........ عاصم: عيدي شو قلتي نجمة اخذت نفس: مثل ما سمعت قبل ما تكمل كلامها سحبها بقوة من شعرها لصار وجها قبال وجهو كانت عم تتنفس بصوت قوي وجهو قبال و جها نفسو السخن عم يضرب بوجها غمضت عيونها لما حست عليه عم يقرب وصل بحد شفافها و حكا و شفافو عم تلامس شفافها عاصم:بقتلك بفضل شوفك ميتة على انك تكوني مع غيري اول ما كمل فتحت عيونها قبل ما تقول كلمة حط شفافو عشفافها ......................... واقفة قبال باب غرفتها بدها تفوت تحكي معها بس مو قدرة او مو متجرأة تواجها اخذت نفس قوي ودقت الباب اول ما سمعت ردها فتحت الباب سمر:سيدة فيني فوت طلعت عليها و هزت راسها بإيه سمر:سيدة حبيبتي سمعيني سيدة:مافي داعي عاذرتك سمر قربت لعندها و جلست جنبها سمر:انا بس كان بدي مصلحتك سيدة: انا لي كنت غبية ضمتها سمر لصدرها سمر:لا تقولي هيك انتي بس حبيتي بلشت دومعها تنزل سيدة:بدي انساه بدي بطل حبو سمر:اهدي يا عمري اهدي غمضت عيونها مقهورة من حالها هي السبب لي خلاه يتقرب منها اكتر سمر:مو يوم النتائج رفعت راسها و طلعت على سمر سيدة:خايفة سمر بتسمت:رح تنجحي متأكدة اخذت نفس سيدة:اذا نجحت بدي اطلب من سيد اني ادرس برا سمر:بدك تدرسي برا البلد و لا بدك بس تبعدي عن قاسم قامت من مكانها و مسحت دموعها و قربت لشباك و هي عم تحكي سيدة:لتنين .......................... بعد عنها و هو عم يبتسم عاصم:مستحيل تكوني ما بتحبني نجمة بعدت عنو بسرعة عاصم:لا تسكتي بعرف انو مستحيل يكون حبيبك و مستحيل تحبي غيري انتي الي فهميها و ريحيني نجمة نزلت راسها وبلشت دموعها تنزل مستحيل تخون ثقة اختها بعدت عنو عاصم قرب منها حط ايدو على خدها و مسحلها دموعها عاصم:ليش عم تعملي هيك فينا نجمة:بكفي عاصم و اذا خبرتك اني بحبك وانك معك حق شو رح يصير شو مصير هلعلاقة عاصم:مصيرها الزواج طلعت عليه مصدومة نجمة:شو قلت عاصم قرب منها اكتر و حط ايديه على خدودها عاصم:رح احكي مع سيد اليوم و خبر العيلة اني بدي ياك ورح نجي نطلب ايدك نجمة:عنجد عاصم:ايه عنجد بتسمت بعدين ختفت ابتسامتها و طلعت عليه نجمة:رح يوافقو جدك جدي عيلتك و عيلتي عاصم:وليش ما يوافقو ليكا سيلار متزوجة سيد نجمة:مابعرف لانو زواجهم كان اجباري مشان الصلح عاصم:وانتي قلتها الصلح و الصلح تم بين العشيرتين مابعتقد رح يرفضو و اذا رفضو نجمة:واذا رفضو عاصم:وحتى اذا رفضو رح نتزوج نجمة اخذت نفس و بلعت ريقها عاصم:خليني وصلك و برجع علبيت لافتح الموضوع مع سيد ........................................... عم تطلع عنتيجة مو مصدقة عيونها نجحت و بتقدير جيد رح تحقق حلمها قربت منها سمر وضمتها سمر:مبروك يا عمري مبروكسيدة:الله يبارك فيك قربت سيلار و ضمتها و باركتلها بلشت كل العيلة تباركلها مبسوطين فيها كيف قدرت تحقق هشي بهلوقت و بعز فرحتهم فات علقصر طلعت عليه وقلبها عم يدق بسرعة قرب منها و بتسم قاسم:مبروك عاصم:هشي بفضلك بتسم على كلامو و طلع عليها لي عم تطلع عليه ببرود و ردها لي صدمو سيدة:الله يبارك فيك اخي قاسم سحب ايدو مصدوم كيف اخي طلعت عليه و هي عم تتذكر كلامو ماني اخوكي بتسمت بقهر لما تذكرت الكلام لي سمعتو من تمو مجرد شهوة مستحيل حبها سيد:يلا امري يا خانم شوبدك هدية النجاح ضحكت وقربت من عاصم سيدة:من عاصم بدي سيارة عاصم:اوووو سيارة فرد مرة سيدة:ايه طبعا سيارة و اخر مودال كمان ضحك عاصم على كلامها عاصم:تحت امرك سيدة:و من جدي حبيبي بدي موبايل جديد عاصم:هلا جدك لي بيكون كبير العشيرة طلبتي منو مبايل و انا سيارة شو هلعدل ضحك الكل على كلامو ضلت عم تطلب و تتأمر عليهم وهم مبسوطين فيها لسمعت صوتو قاسم:وانا ما رح تطلبي شي مني سيدة:و لا اشي لي عملتو مشاني بيكفي وزيادة اخي غمض عيونو بقهر مستقصدة تقول كلمة اخي مشان تعصبو سيد:امري سيدة طلعت عليه و قالت:بدي ادرس برات البلد الكل نصدم من طلبها اشرف:بتعرفي ما عنا بنات بتدرس برات البلد سيدة:بس يا جدي قاسم:مثل ما قال جدي....ردت عليه بعصبية كبيرة سيدة:انت لا تدخل هشي بيني و بين جدي و سيد سيد:سيدة ما تعلي صوتك هيك على ابن عمك و موضوع دراستك خليه عليا طلعت على قاسم لي مبين معصب كتير و صرخت سيد لي رعبتها خلتها تركض وتطلع برات القصر عاصم:سيدة قاسم:تركها رح الحقها سيد:اوووف ماكان لازم نزعلها بيوم فرحتها طلع قاسم وراها و بهلوقت فات وليد جاي مشيان يحكي مع سيد ..................... قاعد بلمكتب مقابل مع وليد لي صرلو ساعة و هو ساكت سيد:وليد خير صرلي ساعة ناطرك شو هو الموضوع لي بدك ياني فيه نحنح وليد واخذ نفس خايف يرجع ينرفض من اول و جديد وليد:بصراحة اجيت لعندك و بتمنى ما ترفض طلبي طلع عليه سيد و رفع حاجبو سيد:اذا بقدر عليه ليش لارفضو تفضل انا بسمعك وليد:سمر سيد طلع عليه مستغرب سيد:شوبها وليد:انا طالب ايد سمر لزواج قال كلامو دفعة وحدة بوجه سيد لي ظل عم يطلع عليه مصدوم يمكن اخر طلب توقع يطلبو وليد منو سيد:هلموضوع بيخص سمر بوحدها بنسبة الي انا موافق بس القرار النهائي بإيد سمر هز راسو بإيه كلامو ريحو كتير خص نص انو متوقع انو سمر تواقف و احساسو بيقلو انها تحبو مثل ما بيحبها قام وليد و طلع بعد ما حكا مع سيد اول ماطلع فات عاصم لي لقا سيد لساتو بلمكتب عاصم: سيد بدي ياك سيد: شو بدك انت كمان لتكون بدك تخطب و تزوج انت الثاني طلع عاصم على سيد و رفع حاجبو كيف عرف طلبو عاصم: ههههه ليش حكيت هيك في حدا بدو يتزوج سيد: اجا وليد و طلب ايد سمر لزواج عاصم: عنجد و سمر شو رأيها سيد:لسا ما سألتها عاصم:وانت سيد:اذا وافقت ماعندي مانع بنهاية هي حياتها و القرار قرارها اول ما قال سيد كلامو ارتاح عاصم نوعا ما لانو هي كمان حياتو و القرار قرارو اذا بدو يتزوج نجمة او غيرها سيد:وانت شو بدك عاصم:و انا كمان بدي انزوج سيد: اوكي رح خبر امي تخترلك بنت من العشيرة كلامو خلى عاصم يوقف بسرعة عاصم:لا انا بدي نجمة طلع عليه سيد ببرود سيد:مستحيل كلمتو خلت الدم يتجمد بعرقو شو قصدو بمستحيل عاصم:ليش يا سيد سيد:بنخطبلك اي بنت بدك ياها الا نجمة طلع عليه مستغرب و دقات قلبو عم بتزيد مابدو يرفع صوتو بوجه اخوه بس مستحيل يتخلى عن نجمة عاصم:مشان الثار سيد:هيدا سبب من الاسباب لكثيرة عاصم:ليش مستحيل ليكك انت متزوج بسيلار و تم الصلح و خلص سيد:زواجي بسيلار كنت مجبور عليه و انت الموضوع بإيدك عاصم:انا بدي نجمة اخذ سيد نفس مشان يهدي حالو سيد:زواجك منها رح يسبب مشاكل للعيلة و مابدي نرجع للمشاكل بين العشيرتين عاصم:لهدرجة بتهمك العشيرة و العيلة سيد:لا تنسى اني الزعيم و بنسبة الي مصلحة العشيرة و العيلة هي اهم ضحك عاصم بقهر عاصم:لو مصلحة هلعشيرية و هلعيلة اجبرك طلقها لسيلار رح طلقها اكيد لا سيد:مبلا رح طلقها لاني انا اصلا تزوجتها لمصلحة هلعشيرة ردو صدمو ضل عم يطلع عليه كان مفكر سيد عشقانها من كلامو و تصرفاتو و غيرتو من توفيق اخر شي توقعو انو يقلو رح يطلقها بكل هلبساطة لهدرجة مانا مهمة عندو عاصم:لهدرجة سيد:ايه و سيرة زواجك من نجمة نسيها و اوعك تفتح هلموضوع مع جدي او امي لانو مرفوض و بما اني انا رفضت مافي داعي تفتح الوضوع معهم لانو منتهي قال كلامو ومشي صوب الباب وترك عاصم مصدوم من كلامو ............ صدمتها كانت اقوى من صدمت عاصم لدرجة كانت رح توقع على طوبها..... كانت واقفة جنب باب المكتب مو مصدقة شو سمعت لهدرجة علاقتهم تافهة بنسبة الو لهدرجة ما بتسوا عندو شي لهدرجة زواجهم مو مهم عندورجعت ادراجها لغرفتها اول ما سمعت صوت خطواتو و دموعها عم تنزل و قلبها عم بيدق بسرعة اي نوع من البشر هي عشقت لك اعترفتلو بحبها و بعشقها و كانت مستعدة تعمل اي شي مشان ترضيه غمضت عيونها بقهر و دموعها عم تنزل اول ما فتح باب الغرفة فاتت بسرعة عتخت قرب منها شوي شوي سيد:سيلار ردت عليه وهي عم بتحاول تبين صوتها عادي سيلار:تعبانة بدي نام اول ما قالت كلامها غمضت عيونها و تركت دموعها تبلل وسادتها ................... قاعد جوا السيارة شو رح يعمل كلام سيد كان واضح كانو عم بيقلو مستحيل تتزوجها غمض عيونو بقهر شو رح يعمل اخذ نفس مستحيل يتخلى عنها و رح يحط سيد و كل العيلة تحت الامر الواقع شغل السيارة ونطلق بسرعة نحو العشيرة الشمالية ........ سيد ستغرب منها كيف نايمة بهلوقت كان رح يقرب منها مشان يحاكيها بس تذكر طلب وليد رجع طلع مباشرة لغرفة سمر اول ما فات علغرفة طلعت عليه سمر و بتسمت كانت عم تنيم بهديل سيد:فينا نحكي شوي سمر:خير اخي في شي سيد:نادي امي و لحقيني علمكتب هزت راسها بإيه اول ماطلع غطت بنتها و طلعت وراه خبرت امها و لحقوه علمكتب سمر:في شي اخي سيد:لا ابدا بس وليد كان عندي من شوي اول ماقال اسمو حست بقلبها عم يدق بسرعة و وجها صار احمر زهرة:ايه و شوبدو وليد منك يا ابني سيد طلع على اختو و بتسم سيد:وليد طالب ايد سمر مني حست بكمية حرارة قوية بجسمها و نزلت راسها الحلم لي كانت عم تحلم فيه عم يتحقق و ليكو حب حياتها تقدملها و اخيرا رح تكون معو تحت سقف واحد و بسرير واحد خجلت من حالها و من تفكريها صحاها من عالمها الوردي حكي امها لي صدمها و رجعها لارض الواقع زهرة:مستحيل هشي شو بيقولو عنا الناس طلقت من ابن عمها لتزوج واحد غريب طلع سيد على امو و مبين معصب سيد:القرار بإيد سمر يا امي زهرة: اي قرار عم تحكي عليه وعدتها لسا ما خلصت سيد: ومين قلك رح تتزوج قبل ما تخلص العدة اصل ما ظل كتير و بتخلص طبعا اذا سمر مواقفة زهرة:وحكي الناس شو رح يقولو علينا و.... قبل ما تكمل كلامها سمعت صرختها سمر:خلص امي خلص بيكفي حكي الناس حكي الناس تعبت يا امي تعبت زهرة:سمر سمر:بيكفي امي بيكفي صرلي اكثر من ست سنين متحملة عثمان مشانكم و مشان جدي و مشان حكي الناس.....طلعت على اخوها و كملت حكي سمر:انا موافقة اخي يتسم سيد على كلامها طلعت على امها لي واقفة كانت رح تحكي بس ما تركتلها مجال و طلعت من المكتب زهرة:سيد سيد:خلص امي خلص تركيها تعيش حياتها وليد بيحبها و رح تكون سعيدة معو .... ........................... عاصم واقق قدام قصر العشيرة الشمالية بعرف بهلخطوة يمكن زعل اخي وجدي و امي و كل العيلة بس مستحيل اترك نجمة انا بحبها و غيرها مارح اتزوج نزلت من السيارة و انا عم فكر شو رح قول لجدها و ابوها و اذا عرفو انو سيد و جدي ضد هذا الزواج رح يوافقو يعطوني ياها اخذت نفس و تكلت على الله و قربت من البوابة و حكيت من الحارس عاصم:بدي احكي مع زعيم العشيرة الحارس:مين بقلو عاصم:عاصم بني هاشم هز الحارس راسو بإيه ومشي صوب القصر و تركني عم جهز بلحوار و الكلام لي رح قولو بس شوي و رجع و فتح البوابة الحارس:ناطرك بمكتبو تفضل يا اغا اخذت نفس ومشيت صوب القصر بعد ما دلني الحارس علمكتب رجع الحارس للبوابة و تركني جنب باب المكتب اخذت نفس و دقيت الباب عبد الله:اهلين يا ابني فوت دخلت وجلست جنبو و الحكي هربان من شفافي ما عرفت كيف افتح الموضوع معو عبد الله:خير يا ابني عاصم:بصراحة جايك بطلب بتسم عبد الله و حكى عبدالله:تفضل يا ابني عاصم اخذ نفس و قال:جاي اطلب ايد بنتكم نجمة على سنة الله و رسولو عبدالله طلع عليه مستغرب عبدالله:وبتعرف بلاصول يا ابني اول ما قال كلامو بلع عاصم ريقو و هز راسو يإيه عبد الله:والاصول بتقول يا ابني ما تجي لوحدك لتطلب ايد البنت وين كبير عيلتهم اخذ نفس عاصم:يمكن الكلام لي رح قولو رح يعصبك و يخليك ترفضني عبد الله:.... عاصم:جدي و كل عيلتي مانهم موافقين على هزواج بتسم عبد الله عبدالله:اشرف مستحيل يتغير و عم يكرر نفس الغلطة لي عملها من 30 سنة عاصم:شو قصدك عبد الله:بنفس المكان لي قاعد فيه انت هلا كان ابوك قاعد فيه واجا طلب ايد بنتي و انا يبست راسي ورفضتو و كمان جدك رفض طلع عاصم على عبد الله مستغرب وكانو فهم سبب العداوة بس مو مهتم لي همو هلأ نجمة عاصم: بتمنى ما ترفض عبد الله:بس بدي اعرف انت من وين بتعرف نجمة حس بجسمو تصلب و بلع ريقو عاصم:شفتها بتدريب و اجيت اطلبها بنت مرباية هز عبد الله راسو و بتسم عبدالله:بنسبة الي انا مواقف و ما رح كرر غلطتي و امتى ما بدك اتفضل لعنا مشان يرجع كل شي رسميبتسم عاصم و قرب من عبد الله و ضمو فرحان كتير ومو عاطي فرحتو لحدا عبد الله:بس بدي خطوبة بتليق ببنت ابني اقنع جدك و اخوك ليجو يطلبوها هز عاصم راسو بإيه مهو خلص حطهم بلامر الواقع و رح يخبر كباريت العشائر لحتى ما بيقدر جدو او سيد يوقف بوجه زواجو من نجمة ....... بعد مرور شهر الكل عم بيجهز اليوم خطبة عاصم و نجمة لي رح تصير بقصر عشيرة بني هاشم قاعدة و مبية معصبة قرب منها سيد سيد:خلص امي عيب هشي قدام المعازيم زهرة:ما رح سامحك يا سيد كيف قبلت بهشي سيد اخذ نفس:حاولت امنعو بس ماقدرت وليكني عملت الخطبة عنا وما سمحت تنعمل بلعشيرة الشمالية بس مشانك زهرة:خايفة يا سيد خايفة كتير سيد:لا تخافي بعد الخطبة رح حاول حل الموضوع زهرة:رح تفسخها لهلخطبة مو هيك سيد:هلا اهدي و خلي هليلة تمر على خير طلعي قديش عاصم مبسوط لف سيد وجهو ولمح سيلار واقفة بزاوية اول ما اجت عينها بعينو لفت وجها شو صاير معها ليش هيك صارت تتعامل معي لك حتى حقوقو الزوجية وما عم تعطيه ياهم وعم تتجاهل وجودو و اذا حكى معها بترد عليه بكلمة و بس غمض عيونو بقهر و مشي صوبها بدو يفهم منها ليش هيك عم تعاملو بس وقفو صوت عبد الله لي فات علحفلة و وجه كلامو لاشرف بصوت قوي عبدالله:اجيت اخذ حفيدي يا اشرف بني هاشم عملتها سيلار عملتها وخبرت جدها 🙃 لي صار بين سيدة وقاسم رح يتذكرو قاسم بلجزء الجاي بكرا رح يكون الدور لقصة ذهب سنمار و نزل جزء جديد 🥰😘 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖