الفصل 28
28
لا اله الا الله.
,
البارت, 262
,
,
\\بالمستشفى||غرفه ملاّذ//.
,
ابتسم مُصعب و عيونه عليها واهي جالسه على السرير ومنزله راسها و الابتسامه مافارقت وجهها.
ملاّذ واهي شوي و تموت من نظراته نطقت بدون لا طالع فيه؛مُصعب خلاص.
مُصعب ضحك وهز راسه؛خلاص بس وربي مو قادر عيوني دور بالغرفه وترجع لك بدون شعور مني ايش أسوي طيب.
ملاّذ رفعت عيونها له و بتوتر و بدقات قلبها المُتعاليه؛مو متعوده عليك كذا,احس ودي ترجع مثل اول.
مُصعب ضحك وهز راسه وعيونه عليها؛هذي نتايج أفعالك تحملي,انتي اللي خليتي هالمشاعر عالقه بداخلي و الحين فجاءه انفجرت وانا ماني قادر أتحكم فيها شسوي.
ملاّذ ضحكت وهزت راسها؛يبي لك تاخذ حصص في التعبير.
مُصعب ابتسم واهو يمسك يدها ويبوسها؛مو مشكله انتي مع الأيام تعلمين.
ملاّذ شوي وتنجن منه ماهي عارفه تتعامل مع هالجانب من شخصيته اللي لأول مره تشوفها سحبت يدها من يده ونطقت؛انت ماعندك شغل شي تسويه روح عني اذا ضبطت نفسك ارجع,ماني قادره أتعود عليك كذا.
مُصعب هز راسه واهو يحس من زمان ماحس نفسه مروق و فرحان كثر الحين حط يده على خده وعيونه عليها؛لا مُتفرغ لك ياقلبي.
ملاّذ فتحت عيونها على وسعها وبدون شعور منها تمدد و غطت وجها بالحاف وهمست؛مُصعب اطلع بنام.
مُصعب انفجر ضحك عليها وقف حتى يبعد الحاف من وجها الا لف على صوت الباب.
ميرال دخلت وطالعت في ملاّذ المتمددة على السرير بضيق لفت لـ مُصعب؛ماصحت!.
ملاّذ رمت الحاف من وجهها وجلست واهي تفتح يدينها؛ميرال!.
ميرال صرخت بفرحه وركضت لها قبل لا توصل سحبها مُصعب من عبايتها.
مُصعب؛هيه انتي لا تنطين عليها كذا جرحها توه لا يصير فيها شي.
ميرال تاففت وسحبت نفسها منه وركضت واهي تضم ملاّذ بفرحه؛عُمري الحمدلله على سلامتك.
ملاّذ ضحكت و عيونها على مُصعب اللي متكتف ورافع حاجبه يطالع فيهم؛الله يسلمك ياقلبي انتي.
قربت من إذن ميرال و همست؛مُصعب صاير غريب ماني متعوده عليه كذا و ربي.
ميرال أطلقت ضحكه خلت مُصعب يطالع فيها بستغراب.
ملاّذ ضربتها على كتفها وهمست؛وجع بعد وجع وش اللي يضحك بفهم!خليتيه يطالع فينا مستغرب.
ميرال لفت له وببتسامه وقفت واهي تروح قدام مُصعب و تصفق بيدها؛يلا انتهى وقت الزياره.
مُصعب رفع حاجبه؛على كيفك هو!.
ميرال واهي دف مُصعب برا وضحكت؛انت شفيك صرت مُراهق على اخر عمرك!.
مُصعب بقهر وده يذبحها؛اخر عمري بعينك,ترا توي بعز شبابي.
ميرال هزت راسها وضحكت؛طيب يـ شايب نشوفك بكرا.
وسكَّرت الباب بوجهه ولفت لـ ملاّذ اللي تضحك ركضت بسرعه واهي تتربع على السرير..
ونطقت بحماس؛الحين!الحين تقولين لي كل شي بالتفصيل!.
.
لا اله الا الله.
,
البارت, 263
,
,
,
\\برا الغرفه||مُصعب، فواز//.
,
يمشون بالممر بهدوء حتى يطلعون برا المستشفى,لثواني بس ونطق فواز..
فواز بهدوء؛بكرا الظهر بروح ندفن ايلاف.
مُصعب وقف بضيق لتتحول ملامح الفرح الى بوجه لحزن ولف لـ فواز وهز راسه؛ان شاءالله.
فواز؛اشوفك بكرا اجل.
مُصعب مسك يده ونطق؛تعال معي لبيتي ومنها نروح كلنا الصباح للمستشفى مع بعض.
فواز هز راسه؛لا ماقدر أمي مستغربه ان صار لي فتره انام برا البيت,ولا ابيها تشك بشي عشان كذا بروح لها.
مُصعب؛اللي يريحك بس انا بوصلك و سيارتك خلها هنا بعدين نرجع لها..
فواز مشى معاه بدون لا يعارض واهو فعلاً مهدود حيله ولا فيه يسوق السياره..
,
\\بيت ابو عبدالعزيز||المجلس//.
,
ابو عبدالعزيز تنهد بضيق؛ليش تعاند يـ صقر!.
صقر خذا له نفس ونطق بهدوء؛تكفى قدر هالي امر فيه جلستي هنا وبعد ما الكل عرف ان ماني ولدكم غلط!وبجيب الكلام احنا في غنا عنه.
عبدالعزيز ؛واحنا شعلينا من الناس اهم شي انت,لو ايش يصير انت اخوي لو ماطلعنا من بطن واحد ولا ابونا واحد!لو تبي نسوي لك جناح فوق خاص فيك و مُستقل عن البيت تطلع و تدخل له بدون لا تدخل البيت اذا بيريحك هالشي.
صقر هز راسه بالرفض وقف؛لا تضغطون علي ماقدر,و انا بسافر بعد يومين.
ابو عبدالعزيز وقف بسرعه؛ايش تسافر وين!.
صقر تنهد ونطق؛برجع لا تخاف,بس سفره عمل.
عبدالعزيز طالع فيه؛بطول!.
صقر واهو يحط جواله بثوبه و ياخذ مفتاح سيارته بعدها طالع في عبدالعزيز ؛ماعرف كم مدتها و اذا بطول او لا.
ابو عبدالعزيز تنهد ونطق؛سو اللي يريحك بس تأكد اذا طولت انا بنفسي بجيك,صقر افهم انت ولدي تربية بين يديني حتى لو كل شي يثبت ان انت مو لدي و كل الدنيا تدري بهالشي!انت ولدي فاهم حط هالشي برأسك مافيه شي يغيره.
صقر واهو منزل راسه بضيق وكلمه"ولدي"تتردد في راسه,وقتها بس مرت صوره نجلاء قدّامه هز راسه بضيق وبحت صوته همس؛ان شاءالله..
بعدها طلع بسرعه ماهو متحمل يجلس اكثر و كان هموم الدنيا بصدره..
عبدالعزيز تنهد بضيق واهو يحط يده على كتف ابوه اللي واضح التعب بوجهه؛هونها و تهون يالغالي يبي له وقت يستوعب اللي يصير له خله براحته.
ابو عبدالعزيز جلس بضيق وطالع في عبدالعزيز؛ولد وربي حاس باللي فيه بس ضايق صدري عليه ساعات اتمنى هالشي ما انكشف وضل سر معاي لـ القبر,بس شسوي الظروف جات كذا.
عبدالعزيز تنهد واهو يوقف؛يمكن كذا أفضل له أقلها ارتاح لما عرف الموضوع بس لا يجلس يأكل بنفسه مثل اول.
ابو عبدالعزيز؛الله يعين.
عبدالعزيز وقف ونطق؛قوم يبه ريح و نام و ان شاءالله خير.
ابو عبدالعزيز هز راسه وقف ورآح..
.
لا حول ولا قوة الا بالله.
,
البارت, 264
,
,
,
\\بيت ابو عبدالعزيز||جناح عبدالعزيز//.
,
دخل و لما شاف نُهى جالسه بالصاله الصغيره اللي بجناحهم و طالع بـجوالها مشى لها وجلس بجنبها بعدها تمدد وحط راسه على رجولها و سكر عيونه..
نُهى تعدلت بخوف وحطت يدها على خده؛عزيز شفيك!تعبان.
عبدالعزيز فتح عيونه وابتسم بهدوء واهو يمسك يدها اللي على خذه ويبوسها ونطق؛مافيني شي ياقلبي,بس مضايقني موضوع صقر شوي.
نُهى تنهدت بضيق؛كلنا متضايقين بجد شي ما يطرأ على البال حتى.
عبدالعزيز هز راسه وسكت و اهو يسكر عيونه بهدوء.
نُهى نطقت واهي تلعب بشعره؛عزيز قوم نام داخل أريح لك.
عبدالعزيز فتح عين وحده وطالع فيها وهمس؛كذا انا مرتاح.
نُهى ابتسمت وهزت راسها له ورجع عبدالعزيز يسكر عيونه واهي بيدها جوالها و يدها الثانيه على شعرهه..
,
\\بيوم جديد الظهر||مُصعب، فواز//.
,
بعد ما تم الدفان طلعوا من المقبره وقف مُصعب قدام فواز ونطقت؛امش معاي للبيت مستحيل أتركك تروح لـ أمك وانت كذا و تفجعها.
فواز رفع أنظاره لـ مُصعب ونطق بضيق؛ضايق صدري وربي ماني قادر اتحمل هالوجع اللي بصدري,هالمره غير شعور أنها كانت وحده من ضحايا الريم يذبحني.
مُصعب قرب له واهو يضمه تنهد بضيق واهو يمسح على ظهره,مهمها حاول يقنع نفسه ان ينسى كل شي بالماضي يضل بقلبه جزء يعوره على ابوه و ايلاف و حتى ملاّذ اللي كانت الريم بتذبحها,يحس ولا شي ممكن يشفي غليله منها بس عقله اللي حكمه يرفض ان يضيع عمره عشانها و يصير قاتل مثلها فـ انسب شي اهو القانون بياخذ حقه و حق اخوانه و حق فواز..
خذا له نفس ومشى واهو ماسك فواز معاه لـ سيارته حتى يروحون للبيت يرتاحون بعد هاليوم الشاق بنسبه لهم..
,
\\بالمستشفى||غرفه ملاّذ//.
,
ملاّذ تاففت واهي تجلس على الكنب وطالع في ميرال بضيق..
ميرال ابتسمت ورفعت حاجبها؛نعم!ليش طالعين كذا؟.
ملاّذ طالعته فيها ببتسامه ونطقت؛شرايك تكلمين فواز شوفي ايش اخباره بعد مارجعوا من الدفان.
ميرال رفعت حاجبها؛كملي الجمله!.
ملاّذ عقدت حواجبها؛كيف؟.
ميرال ضحكت بهدوء؛اقول كملي الجمله وقول بعد اسأليه عن مُصعب بدل ذا المشوار كله كلميه انتي.
ملاّذ هزت راسها بالرفض؛لا صعبه أكلمه مستحيل.
ميرال خذت لها نفس ونطقت؛اجل اتركيهم براحتهم اللي مرو فيه اليوم مو شي عادي,متى ماحسوا نفسهم اوك بيجون اكيد و يكلمونا.
ملاّذ هزت راسها؛تمام.
ميرال ابتسمت لها لثواني بعدها نزلت راسها لجوالها طقطق فيه.
ملاّذ سندت ظهرها على الكنبه و كل تفكيرها مع مُصعب,ودها لو تكلمه و تكون معاه بس تحس شكلها بيكون غلط فـ خذت ملف من الملفات حقت القضايا وبدت تقرأ فيه.
.
لا حول ولا قوة الا بالله.
,
البارت, 265
,
,
,
"بعد شهرين"..
,
كانت تمشي واهو بجنبها لفت له ببتسامه لدقايق وبعدها صدت لما سكر جواله نطقت؛لو داريه كان مارجعت لك املاكك من زوجة ابوك,صرت مشغول اربعه و عشرين ساعه.
مُصعب ابتسم لها واهو يرفع حاجبه؛و من اللي قبل فتره تقول انت ماعندك شغل ماغير مقابل وجهي!.
ملاّذ ضحكت واهي ترفع نظراتها؛اسحب كلامي والله طلعت مُدمن شغل,لما يكون عندك.
مُصعب ضحك ومسك يدها؛المهم ماعلينا خلي شغلي على جنب,و قولي لي كيفك انتي!و رحتي لموعدك ولا كالعاده ساحبه.
ملاّذ ضحكت وهزت راسها؛لا رحت خفت تجي مثل ذيك المره و تسحبني بشعري للمستشفى.
مُصعب ضحك؛لا زين لو داري كان من اول سحبتك من شعرك,عشان كل شوي تذكرين و تروحين.
ملاّذ ابتسمت واهي تاخذ لها نفس براحه لان فعلاً الشهرين اللي راحوا من اجمل ايّام عُمرها بسبب قرب مُصعب لها و الحُب اللي معيشها فيه,رغم انها كانت خايفه ان علاقتهم تخرب بسبب غُفران و الريم خواتها بس العكس حست هالشي قربهم لبعض اكثر.
مُصعب ابتسم واهو يشوفها سرحانه وقف قدامها ونطق؛في ايش سرحانه!.
ملاّذ ببتسامه هزت راسها؛ولا شي.
مُصعب واهو يمشي قدامها على ورا؛طيب ايش تبين نسوي؟.
ملاّذ ضحكت ومسكت يدهه؛بسوي اشياء كنت ماقدر اسويها اول!.
مُصعب عقد حواجبه؛مثل.
ملاّذ مسكت يده واهي تركض فيه واهو ورآها,وضحكها كل ماله يزيد اكثر و اكثر..
مُصعب ضحك عليها واهو يركض ورآها؛ملاّذ يالمجنونه كلهم يطالعون فينا!وقفي.
ملاّذ لفت لها وهزت راسها بالرفض بعناد واهي تركض؛خل يشوفون بكيفهم,اهم شي انا مستانسه.
مُصعب ضحك ونطق؛ملاّذ وربي برجع كل اللي بطني توه مأكل.
ملاّذ وقفت واهي تسحب يدها من يده بقرف؛وعع مُصعب!خلاص وقفنا.
مُصعب ضحك واهو يمشي ورآها؛تعالي وين رايحه!.
ملاّذ لفت له واهي تمشي؛بروح لـ..!!.
الا اختفى صوتها وصرخت لما طاحت..
مُصعب لثواني جلس يستوعب طيحتها لما صقعت بعمود الاناره بعدها تعثرت رجلها وطاحت على ظهرها,لثواني بس الى انطلقت ضحكه عاليه من مُصعب خلت كل اللي بالممشى يلفون لهم و يضحكون على شكل ملاّذ..
لما لمح لمعه عيونها واهي ماسكه رجلها بالم وقف كتم ضحكته وركض لها وجلس على الارض ورفع وجهها بيده؛صار لك شي!.
ملاّذ بالم و اهي متفشله بسبب الناس اللي واقفين و يضحكون عليها انحنت واهي تدفن وجهها بصدر مُصعب و برجفت صوتها واهي تحاول ماتبكي من الم ظهرها و رجلها نطقت؛أكرهك,ليش تضحك لميتهم علينا.
مُصعب ابتسم وأهو يضمها له ويوقفها معاهه واهي دافنه وجهها بصدره بفشله من اللي يطالعون فيهم نطق مُصعب؛تقدرين تمشين!.
.
لا حول ولا قوة الا بالله.
,
البارت, 266
,
,
\\عند مُصعب و ملاّذ//.
,
ملاّذ هزت راسها واهي رافعه و حده مِن رجولها اللي عورتها وتمشي مع مُصعب لثواني رفعت راسها لـ مُصعب بحركه عفويه الا تلاقت عيونهم بعض..
مُصعب لما تلاقت عيونه بعيونها ماقدر يمسك ضحكته اكثر وأهو يتذكر شكلها و ضحك بقوهه ونطق بين ضحكه؛اوف ليت صورتك وربي الطيحه نكته.
ملاّذ بعدت عنه و ضربت صدره بقهر و بلمعت عيونها نطقت؛وجعع بعد مايضحك وربي يعور..
وراحت وجلست على الارض بسبب رجولها اللي تعورها وصدت عن مُصعب بزعل..
مُصعب كتم ضحكته وراح لها ومد يده؛ملاّذ خلاص سكت قومي.
ملاّذ هزت راسها بالرفض؛انقلع عني بكلم السواق يجي يأخذني.
مُصعب ابتسم وعيونه على الناس اللي تمشي وطالع فيهم نزل على الارض بجنبها ونطق؛جد ملاّذ شكلك غلط وربي يعطونك فلوس على بالهم شحاذه.
ملاّذ رفعت راسها وطالعت قيه بقهر؛مالك شغل.
مُصعب وقف وهز راسه ببتسامه واهو يقرب لها ويشيلها واهي بخوف تعلقت برقبته ونطقت وجهه بوجها؛لا تعانديني مره ثانيه.
ملاّذ واهي تحاول تنزل؛نزلني ولا بصرخ وألمهم علينا.
مُصعب ابتسم واهو يمشي؛اصرخي عادي.
ملاّذ كشرت بوجهه وصدت عنه؛بس عشان رجلي تعورني ولا كان علمتك.
مُصعب ضحك وهز راسه؛أيه صح,ياقويه انتي.
,
\\بالمكتب||غرفه ميرال//.
,
ميرال سكرت الملفات بملل وعيونها على الساعه؛هذي وين!قالت بروح لموعدي ولا عاد جات اوفف تعبت من الشغل.
وقفت واهي تروح و تسوي لها قهوه حتى تصحصح لما خلصت وسوتها لفت بتطلع الا شهقت بخوف وطاح الكوب حق القهوه.
فواز نقز بخوف لما جا بعض القهوه على ملابسه ورجع كم خطوه على ورا.
ميرال بخوف ركضت له واهي طالع بالقهوه اللي على ملابسه؛اوف فواز مو قصدي بس خفت لما طلعت بوجهي فجاءه,تعورت!.
فواز واهو يسحب تيشيرته لقدام وطالع فيها كيف خايفه و مرتبكه هز راسه ببتسامه عشان يطمنها؛لا تخافين ما جاني شي عادي.
ميرال طالعت فيه لثواني بعدها نطقت؛وربي فجعتني!ايش تسوي هنا.
فواز ابتسم ومشى واهو يجلس على الكرسي و ميرال جلست قدّامه؛ابداً صار لي أسبوع مو شايفك ولان فقدت الأمل في ان تتصلين و تسألين قلت امرك المكتب اشوفك.
ميرال ابتسمت بفرحه من تغير شخصه فواز اللي بدا يرجع مثل اول بعد وفاة أيلاف,وكانت هالشهرين كفيله بأنها تقربهم من بعض!بس ولا واحد فيهم راضي يصرح عن مشاعره و على أساس فقط أصدقاء.
ميرال نطقت؛ايش تشرب.
فواز ابتسم؛والله ريحتي كلها قهوه بفضلك فـ احس اشتهيت قهوه.
ميرال ضحكت وهزت راسها؛لو ماطلعت فجاءه قدامي ماصار كل ذا.
وقفت ونطقت؛بروح أسوي قهوه واجي.
فواز نطق بصوت عالي؛بسرعه عند لك سوالف كثير.
.
سبحانك الله وبحمده.
,
البارت, 267
,
,
\\بيت ابو عبدالعزيز||بالصاله//.
,
كلهم كانوا جالسين بس الهدوء و الصمت اهو الى مُسيطر على الأجواء.
ابو عبدالعزيز جالس وبيده جريده يقرا فيها و يتقهوا..
نجلاء ماسكه جوالها وتسولف من صديقتها..
عبدالعزيز متمدد على الكنبه بجنب نُهى لان توه راجع من المحكمه و منهد حيله..
و نُهى مره عيونها على عبدالعزيز اللي صايره تخاف عليه من اقل شي بعد ما جربت شعور فقدانه تعلقت فيه كثيرر و مره عيونها على جوالها..
جلسوا فتره طويله على هالحال لحتى مادق جرس البيت..
نجلاء رفعت راسها من على جوالها وقفت؛بروح أشوف.
بعدها راحت واهي توقف عند الباب و طالع في الشاشه الصغيره اللي بجنب الباب الا شهقت بفرحه و عيونها امتلت بدموعها واهي تشوفه شهرين واهو مختفي عنهم حاولوا بكل الطرق يرجعونه بس بدون فائده لان محد كان يعرف وين مسافر,فتحت الباب وركضت بالحديقه لحتى وصلت للباب الرئيسي فتحته ولما دخل ماحست بنفسها الا واهي متعلقه فيه وتبكي؛صقرر!.
صقر طاحت شنطته من يده و سكر عيونه بدقات قلبه الى زادت واهو يحس بدموعها على صدره,مهمها حاول يبعدها عنه و يفهمها ان كل شي تغير يلاقيها تقرب منه اكثر همس بضيق وأهو يحاول يبعدها عنه بس اهي متعلقه فيه بكل قوتها؛نجلاء اتركيني.
نجلاء هزت راسها بسرعه واهي تشد بحضنها له؛لا لا اشتقت لك صقر,وين كنت طول هالوقت.
صقر بالقوهه بعدها عنه وأهو ماسك يدينها وعيونه بعيونها الدامعة نطق بضيق؛ليش!ليش تصعبين كل شي علي.
نجلاء حطت يدها على خده ونطقت بضيق؛صقر انت اخوي ولا شي بغير هالشي تكفى لا تبعدني عنك.
صقر هالجمله جرحته من اعماق قلبه"أنت اخوي"هالجمله على قصرها الا أنها دمرت كل أمل بقلبه و كل حُب حسه فيه لها وقتها بس عرف ان حبه فعلاً مستحيل,حس بضعف غريب يستولي على جسمه سكر عيونه بضيق لثواني الا فز لما حس بيدينها تمسح دمعه طاحت على خده,بسرعه مسك يدها ودفها عن وجهه وصرخ؛ماني اخوك افهمي هالشي انا ماني اخوك.
وركض بسرعه طالع من البيت تارك ورآه نجلاء اللي بدت تبكي وركضت لداخل حتى تعلم ابوها و عبدالعزيز بان صقر رجعع..
,
\\بيت ابو عبدالله||جناح سلطان//.
,
عريب تاففت واهي تلم من ورآه الملابس المرميه على الارض؛سلطان وربي بيجي يوم و اخنقك بهالملابس وانت نايم.
سلطان ضحك و ميل راسه من غرفه الملابس حتى يطالع فيها؛لحول تخنقيني مره وحده!اهون عليك.
عريب رفعت حاجبها و رمت الملابس اللي معاهم بالسله وراحت ومسكت تيشيرت واهي تنط عليه وتتعلق بظهره وتحط التيشيرت على رقبته واهي تخنقه فيها بخفيف و فكها على كتفه ضحكت ونطقت؛هاه تهون ولا ما تهون؟.
.
سبحانك الله وبحمده.
,
البارت, 268
,
,
\\بيت ابو عبدالله||جناح سلطان//.
,
عريب رفعت حاجبها و رمت الملابس الى معاهم بالسله وراحت ومسكت تيشيرت واهي تنط عليه وتتعلق بظهره وتحط التيشيرت على رقبته واهي تخنقه فيها بخفيف و فكها على كتفه ضحكت ونطقت؛هاه تهون ولا ما تهون؟.
سلطان ضحك وحط يدينه على يديها اللي على رقبته وماسكه فيها التيشيرت؛يالمجنونه انزلي تبين ترملين نفسك.
عريب عضت أذنه ونطقت؛قول والله ما ارمي ملابسي مره ثانيه و أفكك.
سلطان سكر عيونه بالم وضرب يدها و ببتسامه؛توبه خلاص,اخر مره.
عريب ابتسمت واهي تميل وجهها و بعدها باست خده؛حبيبي انت.
ونزلت من على ظهره واهي تعدل تيشيرته..
سلطان قرب لها ببتسامه واهو ينحني لها و يبوس خدها لثواني همس عند اذونها؛تجهزي بسرعه عشان نطلع.
وبعدها تركها وراح ياخذ له دُش..
واهي راحت بسرعه تتجهز و ابتسامه جميله تزين ثغرها..
,
\\بالسجن||الريم//.
,
من دخلت السجن بالشهرين هذي واهي جالسه وحدها و ساكته مهمها حاولوا السجينات اللي معاها يكلمونها و يطلعونها من جوها بس تعبوا منها و خلوها على راحتها..
اما الريم فـ كان موت غُفران نهايتها اهي بعد الحزن و الضيق و الالم اللي بداخلها يذبحها كل يوم بعكس ملامح وجهها الميت وكأنها ما تحمل اي مشاعر بداخلها..
,
\\بيت ابو عبدالعزيز//.
,
دخلت عليهم واهي تمسح دموعها لما طاحت عيونها على ابوها رجعت عيونها تمتلي بدموع من جديد..
ابو عبدالعزيز فز بخوف وقف وطالع فيها؛نجلاء شفيك!!.
عبدالعزيز فتح عيونه بخوف بعد ماسمع نبره ابوه واهي يتعدل بعد ما كان متمدد لما شاف نجلاء وقف وراح لها مع ابوه ونطق بخوف؛شصاير!!.
نجلاء وعيونها عليهم خذت لها نفس واهي تحاول تتكلم لثواني نطقت بنبره صوتها اللي واضح البكي فيها؛صقر!يبه صقر كان هنا ولما فتحت له و تكلمنا عصب علي وراح,يبه انا ابي صقر ابي أخـوي ليش يبعدني عنه ليش!!.
ابو عبدالعزيز تنهد بضيق من حالتهم وقرب لها واهو يضمها و يمسح على شعرها,ونجلاء تعلقت فيه وبدت تبكي..
عبدالعزيز خذا له نفس بضيق ونطق؛بروح أشوفه..
وبعدها طلع و بيده جواله يحاول يكلمه بس صقر ما يرد عليه,تافف وراح ركب سيارته واهو بيروح لـ شقته يمكن يلاقيه فيها..
.
سبحانك الله وبحمده.
,
البارت, 269
,
,
\\بالسياره||مُصعب، ملاّذ//.
,
مُصعب و عيونه عليها و كاتم الضحكه؛متاكده ماتبين آخذك للمستشفى!.
ملاّذ طالعت فيه بقهر لما ضحك وصدت عنه؛لا خذني للمكتب اكيد ميرال تنتظرني هناك.
مُصعب ابتسم بعد ماوقف ضحك و هز راسه؛أبشري.
ملاّذ طالعت فيه لثواني بعدها صدت لما طالعها بطيف ابتسامه ارسم على وجهها.
,
\\بالمكتب||فواز، ميرال//.
,
ميرال شهقت بصدمه وطالعت فواز ..
فواز فز بخوف وجلس الكوب اللي بيده ونطق؛بِسْم الله شفيك!!.
ميرال وقفت وعيونها على الساعه؛اهلي اليوم بيوصلون من المطار باقي بس ساعه..
كشرت وضربت جبهتها؛افف شلون نسيت.
فواز ضحك وقف؛واخيراً يعني جوو السعوديه.
ميرال رفعت حاجبها وطالعت فيه؛وليش وانت شتبي منهم!.
فواز ببتسامه واهو يطالع فيها؛بعدين تعرفين.
ميرال ما تدري ليش قلبها نغزها وكان تتوقع اللي في بالها؛ياكرهك قول الحين ايش فيه.
فواز ضحك واهو ينحني وياخذ جواله و مفتاح السياره ورفع ظهره لما استقام قرب منها لما صار وجهه قريب من وجهها المنصدم لثواني يطالع في عيونها ببتسامه واسعه بعد شوي وضرب خشمها بإصبعه وضحك؛خلي عنك القافه,يا ملقوفه..
ولف عنها بيطلع واهي ياشر لها بيده؛اشوفك بعدين..
ميرال لما طلع خذت لها نفس قوي وكأن الأكسجين لفتره اختفى من الغرفه,رجعت كم خطوه ورا وحطت يدها على قلبها وبهمس؛يمه شفيني انا!!.
لثواني ضحكت وراحت خذت شنطتها وطلعت بتجاه المطار..
,
\\قدام شقه صقر//.
,
واقف واهو مره يضغط على زر الجرس و مره يضرب الباب بيده,لبعد فتره واخيراً انفتح الباب نطق بنرفزه؛بدري!كان جلست بعد.
صقر خذا له نفس واهو ينشف شعره بالمنشفه الصغيره الى بيده؛كنت اتروش,توقعت لما طولت بتروح.
عبدالعزيز جلس على الكنبه واهو يسند ظهره عليها ويطالع في صقر؛وانا ماراح أطلع الا لما نلاقي لك حل.
صقر رفع حاجبه وجلس قدّامه؛وليش!شفيني عشان تلاقي لي حل.
عبدالعزيز قدم ظهره وحط يدينه على رجوله؛يعني عاجبك حالك!.
صقر خذا له نفس واهي يرمي المنشفه بجنبه؛ايوا عاجبني.
عبدالعزيز تنهد ونطق؛بس احنا مو عاجبنا.
صقر سكت لفتره بتفكير للقرار اللي اتخذه و هل هو بصالحه و بيبدأ به حياه جديده,ولا العكس و يكون هالقرار بدايه تعاسته..
عبدالعزيز لما شافه طوله بسكوته نطق؛صقر أكلمك انا.
صقر رفع عيونه لـ عبدالعزيز ونطق بهدوء؛قررت اتزوج!!.
.
اللهم صَل وسلم على نبينا محمد.
,
بارت, 270
,
,
\\بالشقه||صقر، عبدالعزيز//.
,
صقر رفع عيونه لـ عبدالعزيز ونطق بهدوء؛قررت اتزوج!!.
عبدالعزيز تعدل بجلسته بصدمه ونطقت بوسع عيونه؛تتزوج!!.
صقر تنهد وسند ظهره على الكنبه وهز راسه؛ايوا اتزوج ليش مستغرب كذا؟.
عبدالعزيز عدل ملامح وجهه المصدوم وعقد حواجبه ونطق؛مو مستغرب بس فاجأتني.
لما شافه ساكت ولا رد نطق بهدوء؛في احد في بالك!.
صقر بسرعه رفع عيونه وطالع في عبدالعزيز لثواني ونطق بسرعه حتى لا يتردد اكثر؛لا!قول لـ عريب و نُهى يدورون لي.
عبدالعزيز أنصدم لان ابوه قال له ان شاك بانه يحب نجلاء!!تنهد بضيق ونطق؛متأكد من هالقرار ترا الزواج مو لعبه و مسؤوليه.
صقر خذا له نفس لثواني ونطق بسرعه واهو يحاول هالمره عقله يحكمه مو قلبه اللي يصرخ بالرفض؛متأكد,و قول لهم ابي كل شي سريع لان طلبت نقل لفرع الشركه اللي اشتغل فيها لفرع ثاني وافقوا.
عبدالعزيز تافف ونطق؛وين بتروح له!.
صقر نطق بهدوء؛جده.
عبدالعزيز وقف بضيق ونطق؛لازم تروح لـ ابوي و تقول له كل ذا واهو يتصرف,قوم بدل ملابسك وخلنا نروح له ومنها تسلم عليه صار لك شهرين مو شايفه.
صقر هز راسه وقف وراح يبدل ملابسه و يطلع مع عبدالعزيز لبيتهم,وكل تفكيره مُنحصر في هالقرار اللي اتخذه وكيف بيصير وضعه بعدها..
,
\\بالسياره||مُصعب، ملاّذ//.
,
مُصعب وقف السياره عند مكتب ملاّذ ولف لها ببتسامه؛وصلنا.
ملاّذ ابتسمت له وخذت شنطتها..
مُصعب قبل لا تنزل نطق ببتسامه؛الساعه 7 خليك جاهزه بجي آخذك.
ملاّذ عقد حواجبها؛ليش!.
مُصعب اتسعت ابتسامته ونطق؛بنروح مشوار,ومن الحين لا تسألين ماراح اقول لك.
ملاّذ كشرت وطالعت فيه؛ماراح اروح معك الا لما اعرف وين.
مُصعب ضحك ونطق؛انتي جربي بس ما تنزلين لي بالوقت اللي قلته لك,بجي انا بنفسي و انزلك بالغصب.
ملاّذ ابتسمت؛وانت كل شي عندك بالغصب.
مُصعب هز راسه ببتسامه؛بضبط كذا.
ملاّذ تنهدت ببتسامه؛خلاص اصبر و نشوف ايش هالمشوار.
مُصعب اتسعت ابتسامه لما طالع في عيونها اللي سحرته و كل عاده يضيع فيها و ينسى نفسه واهو يتأمل فيها..
ملاّذ بضحك حطت يدها على عيونها وننزلت من السياره؛مره ثانيه بجيب معاي نظاره بلبسها عشان لا طالع فيني كذا.
مُصعب ضحك على حركتها ونطق؛جربي وشوفي ايش بسوي فيك.
ملاّذ سكرت الباب بضحك ونطقت؛اجل بحطها بالشنطة احتياط.
مُصعب ابتسم بهدوء ونطق؛المهم لا تنسين موعدنا.
ملاّذ هزت راسها ببتسامه؛اوك.
بعدها راحت لداخل المكتب,و مُصعب حرك لبيته..
.
اللهم صَل وسلم على نبينا محمد.
,
البارت, 271
,
,
\\بيت ابو عبدالعزيز//.
,
وقف السياره ونزل وصقر يمشي بجنبه لبعد ما دخلوا و جلسوا بالمجلس,راح عبدالعزيز حتى ينادي ابوهه..
صقر جالس بهدوء و مسرح و عيونه على الارض بفكره وحده مُسيطره على تفكيره,واللي اهي خطوة الزواج خايف يندم مستقبلاً ويظلم هالي بيتروجها!خذا له نفس بضيق وسكر عيونه لثواني الا وقف ببتسامه هاديه لما جا له ابو عبدالعزيز وضمه واهو يمسح على ظهره..
ابو عبدالعزيز ابتسم واهو يضمه و يمسح على ظهره ونطق بضيق؛شخبارك يابوي.
صقر سكر عيونه بضيق مالي صدره و كأنه بس ابو عبدالعزيز اللي حاس فيه من نبرة صوته واهو يسأله عن اخباره,لثواني بس وفتح عيونه واهو يبعد عن حضنه ونطق؛بخير الحمدلله.
ابو عبدالعزيز هز راسه ومسك يده واهو يجلس و يجلس صقر بجنبه,ابتسم بضيق وعيونه على ملامح صقر اللي واضح الضيق و التعب فيها من كثر التفكير عكس اول كانت ضحكته و ابتسامته ما تفارق وجهه حط يده على كف صقر و ضرب عليه بخفيف ونطقت؛دايماً بتكون بخير باْذن الله,لانك و لدي وأعرفك مافي شي بيهزمك.
صقر رفع راسه وابتسم له ولا تكلم وتفكيره مشغول في قراره..
عبدالعزيز طالع في صقر المُتردد بعدها طالع في ابوه ونطق؛يبه صقر يبي يتزوج.
صقر على طول رفع أنظاره لـ عبدالعزيز بعدها لف لـ ابو عبدالعزيز واهو مركز برده فعله..
ابو عبدالعزيز أنصدم بس ماوضح و سرعان مارسمت ابتسامه على وجهه ولف لـ صقر؛زين تسوي,في احد في بالك!.
صقر ابتسم مُجامله له و هز راسه واهو يتجاهل ضربات قلبه اللي زادت ونطق؛لا,ابي عريب و نُهى يدورون لي.
ابو عبدالعزيز اتسعت ابتسامه؛ابشر بعزك ماطلبت شي,الحين أكلم عريب و اقول لها.
صقر ابتسم له ونطق؛وفِي شي ثاني,انا طلبت نقل لـ فرع ثاني لشركه اللي اشتغل فيها وافقوا ونقلوني لـ جده.
ابو عبدالعزيز تضايق من هالشي بس ما حاول يعارض لان واضح ان صقر محتاج فتره يرتب فيها حياته و هذا اهو الوقت المُناسب,حط يده ورا ظهره ونطق؛سوا اللي يريحك يابوي,بس لا تنسى وراك أهل و أبو لا طول بغيبتك.
صقر لمعت عيونه وقف وباس راسه وهمس؛ماراح أنسى.
ابو عبدالعزيز ابتسم وضمه؛الله يوفقك ويسعدك ويكتب لك الخير,وصدقني هالقرار أفضل حل لك وباذن الله ماراح تندم.
صقر سكر عيونه بضيق واهي تحرقه من الدموع المتجمعة فيها ورافض انها تنزل,لدقايق بس جلس ضامه بعدها بعد لما حس نفسه بينهار سحب نفسه بهدوء وهمس واهو صاد عنهم؛اشوفكم على خير..
بعدها طلع بسرعه وركب له تاكسي لان جاي مع عبدالعزيز وراح لشقته..