الفصل 27
27
الله اكبر,الحمدلله.
,
البارت, 252
,
,
\\بالمستشفى//.
,
فواز تنهد بضيق واهو مو عارف يواسي مُصعب و لا ميرال و لا نفسه الى من درا بان ايلاف عايشه طول هالفتره ولما شافها توفت دماغياً واهو يحس روحه فارقته بمثل مراره فقدها في المره الاول بس هالمره أقوى بكثير عن اول نطق بهدوء؛أدع لها اهي بحاجه هالشي.
مُصعب هز راسه وصد و عيونه على الباب ينتظر ظهور الدكتور.
فواز راح منه وجلس بجنب ميرال على الكراسي و اهو سارح بأفكاره و ايش بيسوي مع ايلاف العايشه بين الأجهزه و بـ أمه و ابوه لو يعرفون,لفتره ضَل على هالحال ماصحى مِن أفكاره الى برأس ميرال الى يميل و يطيح على كتفه,فز بخوف على باله صار فيها شي لثواني بس و سحب نفسه براحه لما عرف ان نامت سحب كوب القهوه من يدها واهو يرجع ظهره لورا و يحط راسها على كتفه مره ثانيه..
" بعد ساعات من الانتظار "..
مُصعب فز وقف بعد ماكان جالس على الارض وركض لـ الدكتور ونطق بسرعه؛شصار!.
الدكتور ببتسامه نطق؛لا تخاف العمليه نجحت بس باقي تصحى ملاّذ و نشوف بعدها ايش يصير.
مُصعب براحه عظيمه سكنت قلبه نطق؛متى بتصحى!.
الدكتور ؛راح يتم نقلها للعنايه المركزه حتى تكون تحت الإشراف الطبي للاحتياط من اي مُضاعفات لمده بحدود الأربع ايّام او اقل,حتى نتأكد من ان الجسم مايرفض القلب المزروع.
مُصعب بضيق نطق؛توه تقول العمليه نجحت.
الدكتور هز راسه؛و العمليه فعلاً نجحت بس العمليه جداً معقده و يبي لها مراحل كثير من الرعايه الطبيه أقلها في اول أسبوعين.
ميرال جات لما صحاها فواز وطالعت مُصعب بعيونها الدامعة؛شصارر!.
مُصعب نطق ببتسامه يحاول يخفف عنها؛ملاّذ بخير و العمليه نجحت,والحين بينقلونها للعنايه عشان تكون تحت أنظارهم.
ميرال وقتها بس حست روحها رجعت لها بفرحه نطقت و دموعها على خدها؛الحمدلله يارب,الحمدلله الف مره الى حفظها لي.
عبدالعزيز الى كان توه جاي وراح لهم وعيونه عليهم؛ما قالوا لكم شي لحد الحين.
فواز لفت له ونطق؛نجحت العمليه.
عبدالعزيز ببتسامه؛الله يبشرك بالخير,الحمدلله.
مُصعب بتعب جلس على الارض وحس جسمه مُرهق صار له يومين مو نايم والحين بيكلم اليوم الثالث سكر عيونه وساند ظهره على الجدار و مرجع راسه لورا وبداخله يشكر ربه الى حفظها و رجعها له,و ان مافجع قلبه فيها لان فعلاً ما كان راح يقدر يتحمل هالخبر لو الله قاله وصار,لثواني طرد هالافكار من راسه و بطيف ابتسامه تزين ملامح وجهه المُنهك.
عبدالعزيز قرب منه واهو يحط يده على كتفه؛مُصعب.
مُصعب فتح عيونه اللي وضح عليها التعب ونطق بهدوء..
.
الله اكبر,الحمدلله.
,
البارت, 253
,
,
\\بالمستشفى//.
,
عبدالعزيز قرب منه واهو يحط يده على كتفه؛مُصعب.
مُصعب فتح عيونه الى وضح عليها التعب ونطقت بهدوء؛هلا.
عبدالعزيز مد يده له؛قوم معاي آخذك لبيتك ترتاح.
مُصعب نزل أنظاره للأرض ونطق؛انا هنا مرتاح.
فواز قرب منه ونطق؛مُصعب تكفى لا تعاند لي متى بتقاوم,شوف وجهك كيف واضح عليك التعب و الإرهاق وسمعت الدكتور ملاّذ ماراح تصحى الحين.
مُصعب تنهد بضيق وقف بهدوء ومشى ورآه عبدالعزيز اللي بيوصله لبيته لان مافيه حيل يسوق..
فواز لف لـ ميرال و رحمها حيل حالتها اصعب من حاله مُصعب قرب لها ونطق؛قومي معاي بوصلك لبيتك.
ميرال بتعب مسيطر على جسمها واهي تحس برأسها يدور بس تقاوم؛مابي اروح.
فواز جلس جنبها ونطق؛لي متى تقاومين يعني التعب واضح بوجهك,لا تعاندين و لا تبين تطيحين علينا.
ميرال وقفت بهدوء ونطقت؛زين.
فواز ابتسم لها ومشى واهي معاه..
,
\\بيت ابو عبدالعزيز//.
,
سكرت الباب و لفت الا بوجها عمها..
ابو عبدالعزيز بضيق نطق؛كيفها الحين!.
نُهى بضيق من حالتها نطقت؛طول الوقت كانت تبكي لما تعبت و توها نامت.
ابو عبدالعزيز جلس بالكرسي اللي جنبه ونطق؛ماحسبت حساب هاليوم,ولا توقعت هالشي بيصير لان بيربون مع بعض ومثل الاخوان بس هذا القلب من يقدر يتحكم فيه.
نُهى قربت واهي تحط يدها على كتفه تحاول تواسيه؛لا تلوم نفسك يـ عمي وانت ايش بيعرفك ان ممكن صقر يحب نجلاء.
ابو عبدالعزيز وقف بضيق؛انا بروح لغرفتي ارتاح و ادور الأوراق اللي تثبت ان صقر ولد صديقي عشان انهي كل هالغلط الى بديته.
نُهى لما راح طلعت جوالها وكلمت عبدالعزيز لثواني ورد ونطقت؛عبدالعزيز انت وين!.
عبدالعزيز لف بعيونه على مُصعب النايم ورجع أنظاره على الطريق ونطق؛بوصل مُصعب لبيته,بعدها بروح للمركز.
نُهى؛عبدالعزيز تكفى لا تعب نفسك ناسي ان توه طالع من عملية,ارجع البيت ارتاح شوي بعدها روح للمركز وربي خايفه عليك مو مرتاحه من طلعتك الصباح.
عبدالعزيز ابتسم بعدها نطق؛أبشري كم نُهى عندي انا,الحين بجي بس انزل مُصعب لـ بيته.
نُهى ابتسمت؛اوك انتظرك..
بعدها سكرت منه وراحت لجناحهم..
,
\\بالمستشفى||عند أيمن، الريم//.
,
الدكتور؛جاها انهيار عصبي حاد عشان كذا فقدت وعيها,و عطيتها مهدء عشان ترتاح.
أيمن هز راسه؛شكراً.
الدكتور؛واجبنا.
بعدها راح من عند أيمن..
أيمن لف للحرس ونطق؛انا بروح للمركز و مابي اي احد يدخل عندها و راح أرسل لكم شرطيات عشان يكونون معاهم داخل الغرفه.
بعد ما قال أوامره لهم راح للمركز حتى يبدأ التحقيق مع عادل..
.
الله اكبر,الحمدلله.
,
البارت, 254
,
,
\\بالمستشفى//.
,
مرت ايّام على ابطالي و لحد الحين ملاّذ بالعناية و يشوفونها بس من خلف الزجاج لان ممنوع الدخول لها,اما مُصعب حياته في هـ الأيّام يروح لشركه مع فواز بعدها يجلس في المستشفى على أمل انها تصحى و مثل العاده يرجع لبيته بخيبة أمل..
و ميرال كانت مثل شي اغلب وقتها بين القضايا اللي تراكمت بعد تعب ملاّذ و بين انتظارها في المستشفى حتى تصحى..
" في مكتب الدكتور المشرف على ايلاف"..
الدكتور طالع فيه بهدوء؛متأكد من قرارك هذا!.
فواز بضيق مالي صدره من صعب هالقرار الى بياخذه بخصوص ايلاف؛مو انت تقول ان نسبه رجعتها للحياه ما تجي و احد بالمئه.
الدكتور هز راسه؛ايوا قلت.
فواز واهي يحس بثقل الحروف الى مو راضيه تطلع مِن فمه بالقوهه؛اجل خلاص اسحبوا الأجهزه منها,لان امي و ابوي على بالهم انها ميته من قبل كم سنه ولا فيني القوه افتح جروحهم من جديد و اقول لهم ان اختي طول هالسنين عايشه بس لما حصلناها و جتنا صار لها حادث و ماتت دماغياً.
وبعدها سكت و العبره خانقته و عيونه تلمع مِن دموعه الى حابسها..
الدكتور نطق بتفهم و عشان ينهي مُعاناه فواز و اهو يقول هالقرار نطق واهو يمد له أوراق؛وقع هنا.
فواز طالع في الدكتور بتردد من هالقرار الى يفكر فيه ليله و نهاره حتى بنومه تداهمه هالافكار و تطير النوم من عيونه نزل أنظاره للقلم الى بيد الدكتور واهو يحاول يرفع يده يمسك القلم بس مو قادر وكان قوته تبخرت و صار حتى عاجز يمسك قلم بحجم إصبعه,سكر عيونه واهو يسحب له نفس و يدعي ربه ان يمده بالقوهه حتى ينهي مُعاناته لان مستحيل ايلاف ترجع لهم و هالقرار فيه راحه لهم كلهم,فتح عيونه ومد يده وقع على الأوراق وطلع بسرعه من المكتب..
ميرال كانت تمشي وشافت فواز بوجها ابتسمت له الى عقد حواجبها بستغراب لما تخطاها وراح ولا حتى منتبه لها ركضت بسرعه ومسكت يده؛فواز.
فواز لف لها بضعف يحس فيه مو كبر الضيق و الحزن الى بصدره والتقت عيونه الدامعة بعيون ميرال الى طالع فيه بنظرات الاستغراب,سكت ولا نطق بشي لان مافيه القوهه على الكلام..
ميرال بخوف وقفت قدّامه بدقات قلبها الى تعالت من شكله؛شفيك!فواز شصاير.
فواز نزلت على الارض وجلس لان رجوله ماشالته و همس بضعف؛آدري ان هالقرار اهو الصح لنا كلنا,بس ماني قادر اتحمل احس روحي بتفارقني للمره الثانيه!لما يشيلون الأجهزه عنها ماني قد هالقرار ليت ابو يعرف كان أقلها شال مني شوي من هالحمل الى علي..
ميرال جلست بجنبه بضيق و عرفت ان يتكلم عن اخته ايلاف,مدت يدها واهي تحطها على يده و تشد عليه....!!!
.
لا اله الا الله,الله اكبر.
,
البارت, 255
,
,
\\بالمركز||غرفه الحقيق//.
,
طالع فيها بهدوء و خذا له نفس يحاول يضبط أعصابه؛ماراح تتكلمين!.
الريم لثواني تطالع فيه بدون لا تنطق الى سكرت عيونها من قوه الصوت لما ضرب أيمن على الطاوله ونطقت بجمود يعتلي ملامح وجهها من بعد ماسمعت بانتحار غُفران؛اختي و ماتت ايش بتستفيد اذا قلت لك.
أيمن بهدوء لان تحاول تستفزه بسكوتها و إيجابتها؛لازم هالقضيه تتسكر وكل شخص ياخذ جزَاء افعاله,عشان كذا تكلمي وخلّينا ننهي هالقضيه الى بديتيها.
الريم نطقت بجمود لان ملت من هالوضع؛غُفران من صغر سنها عندها اضطرابات نفسيه لاحظوا امي و ابوي هالشي و بدوا في رحله علاجها حتى تكون قادره على ضبط انفعالات ولا انا ولا ملاّذ نعرف بهالشي,مرت السنين و غُفران بدت تتعالج و فجاءه بعد موت امي و أبوي انتكست حالتها و عرفت بمرضها لان ساعات من شدت حزنها و بكيها على امي و أبوي تأذي نفسها بدون لا تحس و عشان كذا رجعتها للعلاج بدون علم اي احد,بس حالتها ماتحسنت حيل وقتها جاها الخبر الثاني الى فعلاً دمرها واهو زواج مُصعب الى كانت تحبه بسبب أنها شافته كم مره بيت صديقتها بتُول اخت مُصعب,وقتها انهارت و حتى انا عجزت أرجعها مثل اول سافر مُصعب مع زوجته ايلاف و بديت اقنع غُفران تلتفت لحياتها بس بدون فايده و مرضها بدا يزيد يوم عن يوم و رجعت لها حاله الانفعالات لي درجه تأذي نفسها واهي عاجزه تتحكم بانفعالاتها مرت السنين و انا اصحى و انام بخوف عليها و على ان اصحى بيوم الاقيها منتحره او مسويه شي لنفسها..
سكتت وعيونها تغارقت بدموعها واهي تتذكر هالايام الصعبه عليها و على غُفران الى كل ذنبها انها ماتقدر تتحكم بنفسها و انفعالات لما تعصب..
أيمن نطق بهدوء؛كملي!.
الريم مسحت دموعها لثواني جلست ساكته تحاول تتماسك شوي حتى تقدر تكمل,بعد دقايق نطقت برجفت صوتها لا تقاوم لا تبكي؛مرت السنين و عرفت من بتُول ان مُصعب و زوجته بيجون قالت لي بروح و....
جلست تسترجع احداث هاليوم و تحكي لـ أيمن..
"نرجع قبل اربع سنوات و في هاليوم الى انظلم فيه بطلنا مُصعب"..
,
\\قصر ابو الريم||غرفه غُفران//.
,
بتُول بفرحه عظيم نطقت؛تخيلي اليوم مُصعب و زوجته بيجون بعد طول الغبيه,عاد مشتاقه لـ مُصعب حيل.
غُفران سكتت و كان كل شعور مؤلم اجتمع بصدرها,شدت بقبضه يدها واهي تحاول تضبط انفعالاتها بس كالعاده بدون فايده لانها امتنعت من أخذ الادويه الى يصرفها لها الدكتور النفسي الخاص فيها.
بتُول بستغراب من سكوتها نطقت؛غُفران موجوده!.
غُفران هزت راسها ونطقت بسرعه؛موجوده,متى بيوصلون السعوديه؟
.
لا اله الا الله,الله اكبر.
,
البارت, 256
,
,
"نرجع قبل اربع سنوات و في هاليوم الى انظلم فيه بطلنا مُصعب"..
,
بتُول ببتسامه؛يمكن 8 او 9 بالليل.
غُفران بجمود نطقت؛زين,عن إذنك بسكر.
بعدها سكرت من بتُول و راحت تحت عند الريم الى جالسه بالصاله وبيدها الايباد تخلص بعض الأشغال الى عندها لان بدت تشرف عَلى كل املاك ابوها بعد ما توفّى..
غُفران جلست بالكرسي المُقابل لها ونطقت؛بروح اليوم لبيت بتُول.
الريم رفعت راسها و طالعت فيها بهدوء لثواني بعدها نطقت؛خذيتي ادويتك!.
غُفران هزت راسها بدون لا تتكلم..
الريم بستغراب من هدوئها و ملامح و جهها الخالية من اي تعبير نطقت؛اوك روحي بس لا تتاخرين حدك الساعه 10 انتي بالبيت.
غُفران بنفس هدوئها هزت راسها حتى توضح لـ الريم موافقتها على ان ترجع 10 بعدها وقفت وراحت..
الريم جلست طالع فيها بستغراب لما اختفت عن انظارها من تزوج مُصعب و سافر دايماً بتُول اهي الى تجي لهم,و الحين غُفران تطلب منها تروح لهم!تنهدت وفِي بالها اهم شي ان مُصعب مسافر و ان شاءالله هالطلعه تكون نقطت تحول لـ غُفران و تبدأ تطلع من البيت و تزور صحباتها بدن هالوحده و العُزله الى اهي فيها..
" بعد مرور كم ساعه".
عادل لما سمحت له الريم يدخل وقف قدامها بهدوء..
الريم طالعت فيه بهدوء؛في شي بالشغل!.
عادل هز راسه بالنفي ونطق؛لا بس حبيت اقول لك ان مُصعب وصل لـ الرياض اليوم الساعه8 تقريباً.
الريم وقفت بفجعه و نطقت؛غُفران!غفران هناك يـ عادل,عشان كذا طولت شوف الساعه قربت 12 واهي ماجات ولما كلمتها قالت ان بتتاخر و بتسهر مع بتُول.
عادل بصدمه نطق؛شلون هناك!!ليش تركتيها تطلع اصلاً.
الريم بستعجال نطقت؛انتظرني شوي وجايه لك..
وركضت بسرعه رايحه تجيب عبايتها..
,
\\في مكان ثاني||سياره غُفران//.
,
الساعه تقريباً 12..
كانت جالس بالمقاعد الى ورا وعيونها على البيت ننتظر بس وقت دخولها وفِي بالها شي واحد بس الانتقام و كأنها بتأخذ ثارها على كل يوم تألمت فيه و على كل شعور سيّء بداخلها اهو الى حطه فيها و على حالتها الى تدهورت بسببها من سيّء لـ اسوء..
ثواني بس ويقطع تفكيرها صوت...
.
لا اله الا الله,الله اكبر.
,
البارت, 257
,
,
"نرجع قبل اربع سنوات و في هاليوم الى انظلم فيه بطلنا مُصعب"..
,
\\في مكان ثاني||سياره غُفران//.
,
قطع تفكيرها صوت جوالها الى عطتنا العامله الإذن بالدخول و ان الكل راح ينام على أساس ان غُفران بتسوي مفاجاءه لـ بتُول و العامله بحسن نيه ساعاتها ماتدري عن مُخططات غُفران الاجراميه..
نزلت غُفران بعد ماقالت لـ السائق ينتظرها ودخلت للبيت من الباب الخلفي و بما انها حافظه البيت من كثر زياراتها اول لـ بتُول توجهت على طول لـ الجناح المخصص لـ مُصعب دخلت بهدوء واهي توقف عند السرير الى تضن ان يحمل مُصعب بينما الواقع كان يحمل ابو مُصعب الى معطيها ظهره و مغطي نفسه بالكامل..
تقدمت بخطوات حذره واهي طالع فيهم بنظرات أشبه بنظرات المُختلين عقلياً نظرات غريبه ما تتفسر ابتسمت بضعف و همست؛راح يكون هذا إلقاء الأخير بينا يا حبيبي!..
طلعت السلاح من شنطتها واهي ترفعه و تصوبه تجاهه لثواني بس الى تنتطلق الرصاصة لـ تنغرس بين أحشاء ابو مُصعب..
وقتها بس طاحت غُفران من طولها على الارض واهي تبكي و دموعها تنزل على خدها ونظراتها على السرير واهي تهز راسها بسرعه و انفاسها عاليه و دقات قلبها السريعه وكان قلبها بيخرج من داخلها نطقت بضعف واهي تسحب المسدس الى رمته على الارض و تصوبه على راسها وبهمس مثل المجانيين و كان عقلها توقف عن الإدراك و الاستيعاب ضحكت بجنون؛والحين بس مستحيل نفترق,و راح تكون لي لي بس انا..
لما كانت على وشك تضغط على زناد المسدس منعتها يد عادل الى سحبه منها..
الريم ركضت بسرعه ونزلت لها واهي تضمها بخوف واهي ترجف بوسط حضنها؛بس غُفران بس ياقلبي..
غُفران وكانها صحت من هالحاله الى كانت فيها همست بضياع و اهي ترجف بين احضان اختها؛ذبحته!ذبحت مُصعب..
عادل ركض بسرعه وكشف الغطاء عن ابو مُصعب ونطقت بصدمه؛مو مُصعب!هذا مو مُصعب!.
الريم فزت وركضت له وشهقت برعب؛هذا ابو مُصعب!!.
عادل لف لها بسرعه؛ايش بنسوي!!.
الريم ركضت لـ غُفران المنهاره على الارض ونطقت بربكه؛انا بأخذ غُفران و انت تصرف اهم شي غُفران تطلع من هالسالفه.
عادل بصدمه نطق؛مجنونه انتي ايش تبيني أسوي يعني!
الريم لثواني من التفكير نطقت؛دور مُصعب و لبسه التهمه اهو الى السبب بكل شي خل يتحمل الحين..
بعدها طلعت بسرعه واهي حاطه يدها على فم غُفران المنهاره من الى صار و الى سويته..
عادل بربكه و توتر يدور في الغرفه لما طاحت عيونه على المسدس ركض بسرعه له وقبل لا يمسكه وقف واهو يدور شي يمسكه فيه عشان البصمات و بنفس الوقت يمسح بصمات غُفران منه متجاهل ابو مُصعب الى يحتضر..!
.
سبحانك الله العظيم.
,
البارت, 258
,
,
"نرجع قبل اربع سنوات و في هاليوم الى انظلم فيه بطلنا مُصعب"..
,
\\بجناح مُصعب||عند عادل//.
,
واقف بنص الغرفه وعيونه دور على اي شي يمسك فيه المسدس المرمي على الارض لحتى مطاحت عيونه على الدرج ركض له وطلع منه تيشيرت وبسرعه راح للمسدس ومسكه ولف لـ ابو مُصعب قرب واهو يحط يده عليه يشوف نبضه و امتلت يده بدم ابو مُصعب لما ماحس بنبضه طلع برا الجناح وقف وجمد بخوف واهو يسمع صوت خطوات كثير تجي تجاهه ركض وتخبا لثواني بس ويمرون عليه كل عائله ابو عبدالله يركضون للجناح بعد ماسمعوا صوت إطلاق النار..
لثواني بس وركض يدور في البيت يدور مُصعب الى وقف واهو يركز حتى يمسع زين بسبب صوت بكيهم وصراخهم الى يجي من الجناح حق مُصعب,نزل من الدرج بسرعه باتجاهه الصوت الى وقف عند باب جناح ابو عبدالله فتحه ودخل واهو يشوفهم..
ايلاف واهي تسحب مُصعب من تيشيرته تحاول تصحي فيه؛مُصعب تكفى اصحى فيه صوت طلق نار مُصعب..
مُصعب كان نايم بعمق بسبب المنوم الى خذاه عشان يساعده في النوم ولا حاس في ايلاف..
عادل قرب بسرعه واهو يمسك ايلاف من ورا وبهمس عند اذونها؛مابي اسمع صوتك ولا بتروحين فيها انتي و مُصعب.
ايلاف بصدمه جمدت بوسع عيونها و انفاسها السريعه ودقات قلبها بعيونها المُثبته على مُصعب و كأنها تترجاه بنظراتها ان يصحى و ينقذها من هالرعب الى اهي تعيشه..
عادل همس عند اذونها بشكل خلا الخوف يدب بجسم ايلاف الى يرجف بين يدينه؛الحين بتنسين كل الى صار واذا عرفت او سمعت انك قايله لـ اي شخص الى شفته صدقيني بمحي كل سُلاتك من على الارض و أولهم مُصعب و بعدها ابدا في اهلك..
لما شاف سكوتها رص على يده الى على فمها و أظافره انغرست بوجهها و نطق واهو راص على اسنانه؛فهمتي!.
ايلاف هزت راسها بسرعه وخوف و عيونها امتلت بدموعها..
عادل دفها وطاحت وضرب راسها على طرف السرير لثواني بس ومسح عادل البصمات من على المسدس واهو يرقب من مُصعب ويمسح يده المُلطخه بدم ابو مُصعب بتيشيرت مُصعب الأبيض وبعدها حط المسدس بيده..
وكل ذا تحت أنظار ايلاف الى لثواني بس وغابت عن الوعي بسبب الضربه الى جاتها اما عادل فهرب من الدريشه بما ان الجناح بالدور الأرضي وركب السياره مع الريم و غُفران الى ينتظرونه وبعدها حركوا بسرعه من قدام البيت بدم بارد ولا كانهم من كم دقيقه بس دمروا حياه كل الى في البيت..
_________
[ اذا تبون تقرون الوضع بنسبه لـ أهل مُصعب ذكرتها لكم مِن البارت 41 الى 44 لما مُصعب يحكي الأحداث لـ ملاّذ ].
.
سبحانك الله العظيم.
,
البارت, 259
,
,
\\بالوقت الحالي||غرفه التحقيق//.
,
الريم نطقت بهدوء؛وهذا الى صار.
أيمن هز راسه وقف؛القضيه بتأخذ مجراها وانتي و عادل بتاخذون العقاب الى تستحقونه و كلها كم ساعه و يتم تحويلكم لنيابه ويتم إصدار الحكم عليكم.
بعدها جمع الملفات الى على الطاوله وطلع وبدا يخلص باقي الإجراءات لتسكير القضيه و يأخذون جزاءهم الريم و عادل,اما غُفران فاختارت الانتحار نهايه لها.
,
\\بالمستشفى||الغرفه//.
,
لف لدكتور بضيق ونطق؛ما صحت!.
الدكتور؛انتظر دقايق و تصحى.
بعدها طلع وترك مُصعب و ملاّذ النائمه.
مُصعب خذا له نفس و راح وسحب له كرسي لما حطه جنب سريها جلس و عيونه عليها بضيق كيف ملامح وجها واضح عليه التعب بعد ما كان يشع بالحياه قرب واهو يحضن يدها بيده وهمس؛جيتي لي مثل النور لـ عيون الأعمى,صرتي ملاّذي من كل الم وحزن واجهتني فيه هالدنيا,مثل اليد الى أنقذتني من كومه الاحزان الى غرقت فيها من اربع سنوات,حتى لو ما اعترفت لك بهالشي و كابرت و أخفيت مشاعري دايماً جُزء من قلبي يشتاق و يحن لك بكل يوم ماشوفك فيه,ملاّذ انا معاك صرت شخص ثاني شخص أجبرتيه يحب الحياه من جديد دون شعور منه معاك بس أنسى كل شي مريت فيه,اصحي تكفين وربي حالتي من بعد مو حال اشتقت لك.
ملاّذ سمعت كل شي قالتها و حست بضيق يملا داخلها واهي تتذكر كل شي من زوجته ايلاف الى طلعت فجاءه و حطمت كل أمل صغير بقلبها ان ممكن اهي و مُصعب يجتمعون,بدون شعور منها نزلت دموعها على خدها.
مُصعب فز لما لاحظ دموعها وقرب لها واهو يشد على مسكت يدها؛ملاّذ طالعيني,افتحي عيونك!.
ملاّذ فتحت عيونها ببطئ و لما طاحت عيونها الدامعة بعيونه الخايفه سحبت يدها وهمست بحت صوتها؛مُصعب روح.
مُصعب هز راسه واهو يمسك يدها مره ثانيه ببتسامه واسعه تزين ملامح وجهه الى وضح فيها الفرح لان صحت نطق؛الا هالطلب لا تنتظرين مني أنفذه ملاّذ وربي كنت بموت من خوفي عليك تبين الحين بعد ماصحيتي أتركك انسي.
ملاّذ سكرت عيونها بدموعها اللي ملت خدها لثواني فتحت عيونها على يد مُصعب الى تمسح دموعها رفعت يدها واهي تحطها على يد مُصعب و تبعدها عنها؛لا تصعب الموضوع اكثر علي تكفى.
مُصعب طالع فيها بضيق ونطق؛ماعاد في سبب عشان تبعديني عنك,هذا انتي تشافيتي مالك عذر يـ ملاّذ.
ملاّذ طالعت فيها و عيونها تتنقل بملامح وجهه الى اشتاقت لتفاصيلها لثواني صحت من سرحانها على ابتسامته الى ارسمت على وجهه.
مُصعب اتسعت ابتسامه بنطق؛لا تعاندين!و خلينا نبدأ من الصفر و ننسى كل شي صار قبل.
ملاّذ هزت راسها واهي تنزل عيونها لـ يدها و تهز راسها وبهمس؛مستحيل..
.
سبحانك الله العظيم.
,
البارت, 260
,
,
\\بالمطعم||فواز، ميرال//.
,
رفعت راسها واهي طالع فيه بضيق من جوا ماتكلم و يعلب بالأكل واهو سرحان؛فواز!.
فواز صحى من سرحانه على صوتها و رسم على وجهه ابتسامه مُزيفه ونطق؛هلا.
ميرال طالعت فيه ونطقت؛هونها و تهون,ادري شي صعب عليك ولا ألومك بس حاول تطلع من هالي فيه لان حتى أمك و ابوك بيحسون فيك.
فواز بضيق؛مالي خلق شي وكان كل الحياه فقدت مُتعتها حتى هالطلعه الى اول اتمنها ماكان لي خلق بس ماحبيت أردك.
ميرال ببتسامه هاديه نطقت؛طيب وش اقد أسوي لك عشان تطلع من الى انت فيه!
فواز طالع فيها بهدوء و عيونه بعيونها بطيف ابتسامه على وجهه؛.... !!.
,
\\بالمستشفى||غرفه ملاّذ//.
,
ملاّذ هزت راسها واهي تنزل عيونها لـ يدها و تهز راسها وبهمس؛مستحيل!مستحيل ادخل على بيت احد.
مُصعب بضيق وضح بملامح وجهه؛ماعاد فيه بيت.
ملاّذ بصدمه رفعت نفسها بعد ماكانت متمدده و طالعت في مُصعب؛كيف يعني!.
مُصعب نطق واهو منزل راسه؛ايلاف توفت.
ملاّذ شهقت بصدمه واهي تحط يدها على فمها لثواني ونطقت؛شلون!!و متى.
مُصعب رفع أنظاره لها ونطق؛بحادث بنفس الوقت الى شفتها فيه بموقف السيارات,بعدها توفت دماغياً و اليوم فواز قال لهم يسحبون الأجهزه منها.
ملاّذ بصدمه انربط لسانها لثواني همست؛مدري ايش اقول.
مُصعب تنهد بضيق؛الله يرحمها.
ملاّذ طالعت فيه بضيق ونطقت؛الله يرحمها.
لدقايق بس الى شهقت ملاّذ.
مُصعب فز بخوف وقف؛شفيك!
ملاّذ امتلت عيونها بدموعها واهي تتذكر كلام مُصعب "انتي تشافيتي مالك عذر يـ ملاّذ" لثواني من الصمت همست واهي تنزل رجولها من على السرير و تجلس قدام مُصعب الواقف بخوف قدامها؛انا تشافيت!!.
مُصعب زفر براحه رحط يده على صدره وسكَّر عيونه لثواني وفتحها؛حرام عليك وربي خبصتي قلبي.
ملاّذ هزت راسها واهي فعلاً بدت تستوعب الى يصير حولها وقفت بهدوء واهي تمسك بالسرير حتى لا طيح بسبب انها من فتره مامشت و تحس نفسها مو مُتزنه ضحكت بين دموعها بفرحه؛ماني مصدقه مُصعب!انا فحلم صح!!.
مُصعب ابتسم واهو يقرب لها و يمسك يدها وهز راسه؛لا مو في حلم,الى صار اهو الى صدق أشبه بالحلم تخيلي حددوا لك 15ساعه بس يا نلاقي مُتبرع ياقلبك ماراح يتحمل اكثر و...
سكت ماعرف يكمل الجمله يحس صعبه عليه ينتطقها لما طاحت عيونه بعيونها الى امتلت بدموعها ونزلت على خدها نطق؛بـ أخر كم ساعه واحنا فاقدين الأمل و حالتنا حاله جات المُتبرعه و بسرعه سوو عمليه النقل..
ضحك واهو يشوفها طالع فيه و كيف دموعها ملت تفاصيل وجهها الى عشقها قرب منها واهو يضمها له لتتعلق ملاّذ فيه وتبكي بس هالمره من فرحتها.
.
لا اله الا الله.
,
البارت, 261
,
,
\\بالمطعم||فواز، ميرال//.
,
فواز طالع فيها بهدوء و عيونه بعيونها بطيف ابتسامه على وجهه؛خليك معاي و جنبي و بس,و انا بتعود مع الوقت مثل ما تعودت لما قالوا لي انها توفت بالمره الاول.
ميرال ببتسامه واسعه هزت راسها؛بس ماطلبت شي.
فواز ابتسم لها ونطق بهدوء؛نطلع!.
ميرال هزت راسها؛اوك.
وطلبوا الحساب وبعدها طلعوا..
,
\\بيت ابو عبدالعزيز//.
,
عبدالعزيز تنهد بضيق ونطق؛وش يعني جالس هنا بالمجلس وكأنك ضيف,صقر شفيك انت!.
صقر بهدوء رفع أنظاره ونطق؛طلبتني وجيت,قلت شي مهم و لحد الحين ما تكلمت عبدالعزيز شفيه ترا مستعجل.
عبدالعزيز بنرفزه من صقر وقف؛لا عاد انت يبي لك كف يرجع لك عقلك.
صقر وقف بضيق ونطق؛عبدالعزيز وربي ماني طايق حتى نفسي,قول ايش فيه خلني اروح..
عبدالعزيز تافف ونطق؛انا بروح استعجل ابوي يجي لان لو اجلس معاك احتمال أذبحك..
بعدها طلع,مرت دقايق بس الا فز صقر لما طاحت عيونه عليها واهي داخله المجلس لثواني بس وصد و عطاها ظهرهه واهو مايبي يشوفها..
نجلاء بضيق من حركته همست بضيق؛صرنا كذا يـ صقر!حتى ماتبي تشوفني.
صقر همس بحت صوته؛نجلاء اطلعي,ماعدت محرم لك عشان تطلعين لي كذا.
نجلاء بدموعها اللي ملت عيونها هزت راسها؛يعني عشان نهايه اسمك غير عن أسمي تبي تبعدني عنك,صقر انا من وعيت على الدنيا وانت اخوي و اقرب شخص لي في هالبيت!لحد الحين احس وكان كابوس و بينتهي ماني قادره استوعب كيف بيوم وليله يصير كذا..
صقر لف لها وبضيق بلمعت عيونه وبصوته اللي بدا يعلا بعد ما كان بتكلم بالهمس؛لا مو اخوك ماعاد لك اخوي اسمه صقر,نجلاء انتي مو اختي افهم هالشي لا تصعبين كل شي علي اكثر و اطلعي تكفين..
وصد عنها بضيق واهو شد على قبضه يدهه قبل كم يوم بس عرفوا كل الناس ان اهو مو ولد ابو عبدالعزيز و بسبب الادله الى مع ابو عبدالعزيز تثبت ان صقر مو ولده,شالو اسم ابو عبدالعزيز من اسمه لـ ينسبونه لأبوه الحقيقي و صار صقر بن ناصر بعد كل هالسنين الى عاش فيها حياه كلها كذب,سكر عيونه واهو يسمع صوت بكيها و شهقاتها نطق بضيق؛اطلعي ولا انا بطلع من هالبيت ولا عاد تطب رجلي حتى حدوده.
نجلاء مسحت دموعها بسرعه ونطقت؛خلاص!خلاص بطلع..
بعدها ركضت بسرعه برا المجلس ودخلت لغرفتها واهي ترمي نفسها على سريرها و دخلت بنوبه بكي مثل كل مره تذكر فيها الى صار..
اما صقر فـ رمى جسمه بتعب على الكنب والضيق مالي صدره عاجز عن التصرف يحس حُبه صار ممنوع عليه مع ان جُزء من قلبه فرح لما عرف ان مو اخته بس حُبه الحين صار أشبه بالمستحيل,سكر عيونه و بداخله كومه مشاعر بيجي يوم و تذبحه واهو عاجز.