الفصل 25
25
لا حول ولا قوة الا بالله.
,
البارت"235”
,
,
\\بالمستشفى||عند غرفه ملاّذ//.
,
أيمن زفر وطاحت عيونه على ميرال لثواني يطالع فيها بعدها تقدم وراح لها؛لو سمحتي!.
ميرال مسحت دموعها ولفت له بحت صوتها نطقت؛هلا.
أيمن نطق بهدوء؛ايش تصيرين للمحاميه ملاّذ.
ميرال طالعت فيه بستغراب ونطقت؛وانت مين!.
أيمن؛انا المسؤول عن ملف القضيه بعد ماطلب المحامي عبدالعزيز فتحها من جديد,وسؤالي بسيط ايش تقربين للمحاميه ملاّذ.
ميرال خذت لها نفس بعدها نطقت؛انا صديقتها و بنفس الوقت دارسه معاهم القانون.
أيمن هز راسه؛حلو,وايش تتوقعين السبب في ان الريم خالد اخت المحاميه ملاّذ اعتدت عليها و حاولت خنقها.
ميرال؛مدري بس مره الريم قالت لـ ملاّذ انها مو أختهم,وقتها ملاّذ انهارت و زاد تعبها و اكيد الريم سوت كل ذا الان خايفه ملاّذ تكشف المُجرم اللي يحتمي ورآ ظهرها فـ حاولت تقتل ملاّذ.
أيمن؛لازم تروحين معانا للمركز حتى نفتح تحقيق و تقولين هالكلام اللس قلتيه.
ميرال صدت عنه؛ماراح أروح لمكان لحتى ما اطمن على ملاّذ,بعدها اوك.
أيمن لف وراح وقف عند مُصعب؛كل اهلك بيستدعون لتحقيق للمره الثانيه,ياليت تبلغهم.
مُصعب تعدل بهدوء ونطق؛طيب مايصير هالتحقيق في البيت,لان مابيهم يروحون للمركز.
أيمن؛مو مشكله انا بروح المركز بجيب الكاتب معاي و اجي للبيت,بس ياليت اذا جيت يكون كل شي جاهز حتى نخلص بسرعه,و اخوانك كلهم و زوجات اخوانك و زوجته ابوك.
مُصعب هز راسه؛ان شاءالله..
بعدها رآح يكلم عبدالله اخوه و يشرح له الوضع عشان لا ينصدموا اذا جاهم أيمن.
,
\\بالسياره||عند الريم، غُفران//.
,
الريم وعيونها على غُفران اللي طالع في الفراغ و ساكته بدون اي ردت فعل لما طلعوا مِن العياده الا الحين,رفعت راسها على كلام عادل اللي نطق بعد ماسكر جواله,نطقت بصدمه و فجعه بصوتها؛ااييشششش!!.
.
لا حول ولا قوة الا بالله.
,
البارت"236”
,
,
\\بالسياره||عند الريم، غُفران//.
,
الريم وعيونها على غُفران اللي طالع في الفراغ و ساكته بدون اي ردت فعل لما طلعوا مِن العياده الا الحين,رفعت راسها على كلام عادل الا نطقه بعد ماسكر جواله,نطقت بصدمه و فجعه بصوتها؛ااييشششش!!.
عادل سكر عيونه من قوة صرختها ونطق؛اللي سمعتيه.
الريم بعصبيه شدت على قبضه يدها لي درجه عروقها طلعت؛ايش يعني تعمم إسمنا ايش بنسوي الحين.
عادل خذا له نفس ونطق؛اذا انتظرني كم يوم بقدر اهربكم بس الحين ماقدر.
الريم تاففت وعيونها على غُفران السرحانه بعالم بعيد عنهم و كل ماشافتها يتجدد حقدها على مُصعب و كل عائلته مستعده تجمعه بيت و تحرقهم كلهم وتفتك منهم بس ماتشوف اختها الوحيدة بذا الحاله؛زين بس وين بنروح له الحين,اكيد بيدورون علينا في كل مكان مكتوب باسمي.
عادل سكت لثواني بعدها نطق؛بأخذكم لبيتي القديم اللي ورثته من ابوي هناك لو يموتون ماراح يطري في بالهم ان ممكن تكونون فيه.
الريم تنهدت وهزت راسها بدون لا تتكلم لان فعلاً اهو حلها الوحيد.
,
\\بالمستشفى||وعند ابطالي//.
,
فواز من قوه صدمته و اللي صار له عطوه مُهدئ حتى ينام بسبب أعصابه المشدودة خافوا يصير فيه شي..
أما عند ايلاف فـ مثل ماهي مُمدده على السرير وكانها جثه و حولها الأجهزه من كل جهه ولو واحد فيهم يتعطل بتنتهي حياتها فعلاً..
و عند مُصعب و ميرال و عبدالعزيز ,ينتظرون الدكتور حتى يطمنهم على ملاّذ..
بعد طول الانتظار طلع الدكتور لـ يلتمون عليه الشخصين اللي قلوبهم معلقه بالانسانه اللي داخل,ميرال خايفه على صديقه عمرها و اختها,و مُصعب اللي فقد قبل ساعات قليله زوجته و لا فيه الحيل ان يفقد الانسانه اللي حبها..
الدكتور نطق بهدوء؛سوينا اللي علينا بس للأسف ملاّذ ماراح يتحمل قلبها اكثر مِن 15 ساعه بالكثير بعدها ماراح نقدر ندخل من جديد.
نزل عليهم هالخبر مثل الصاعه وين ممكن يحصلون مُتبرع خلال هـ 15 ساعه الجايه شي أشبه بالمستحيل..
مُصعب صد بضيق و عيونه امتلت بدموعه اللي صارت رخيصه عنده و على كل شي تنزل عكس قوته و صلابته اول,يحس ان اللي صار له صعب على اي شخص يتحمله مر باشياء كثير كسرته و الحين يقولون خلاص 15ساعه بس بيفقد شخص ثانيه قريب لقلبه,جلس على الارض و رجوله ماعاد تشيله وكأنه بدا يستوعب كل الصدمات اللي مر فيها من الحادث المفتعل عشان ينهون حياته زوجته ايلاف لـ صدمته بـ انها صارت نائمه للأبد و أنها فعلاً انتهت من حياته الانسانه اللي صبرت عليه وقت غربته و تركت كل اَهلها عشانه و كانت اهي رفيقته الوحيدة في غربته و ان بسببه اهي...!
اللهم صَل وسلم على محمد.
,
البارت"237"
,
,
\\بالمستشفى//.
,
و كانت اهي رفيقته الوحيدة في غربته و ان بسببه اهي مثل المخطوفة من بين اَهلها اللي يعدونها بإعداد الموتى بس كان العكس اهي عايشه لفوق الأربع سنوات بروحها بغربه بدون اي رفيق لها و بأهل تدري انها عندهم ميته,نزل راسه بالم عظيم وكأنه الحين بدا يستوعب اللي صار له خلال يومه ما مدى يفرح برجعتها الا خذوها من جديد لو ايش يصير اهي زوجته و حبيبته و كان ممكن تصير ام لـ عياله,والحين صدمته بـ ملاّذ اللي فعلاً كسرته و خلته يستوعب عظم اللي اهو يمر فيه ماعاد فيه يمثل دور القوي خلاص تعب و انهد حيله نزل راسه على رجوله واهو مسكر عيونه اللي تحرقه من دموعه المجمع فيها واهو شاد بقبضة يده وكان عروقه بتتفجر بسبب ان شاد نفسه مِن
عصبيته و الكبت اللي فيه من ثلاث سنوات صرخ ودف الكرسي الاي قدّامه برجله و كأنه يحاول يخفف شوي من اللي فيه بس بدون فايده لو بيده الحين كان راح و دور الريم وذبحها بمكانها بدون لا يرف له جفن..
عبدالعزيز ركض بسرعه له لما صرخ واهو يجلس بجنبه على الارض ويحط يده على كتفه؛مُصعب تكفى هدي من نفسك كلهم محتاجينك الحين و أولهم فواز اللي صار له مو شوي.
مُصعب رفع أنظاره لـ عبدالعزيز واهو يطالع فيه بعيونه اللي قلب لونها احمر و دموعه اللي مجتمعه فيها و بعروقه اللي برزت؛وانا و انا يـ عبدالعزيز محتاج من يوقف معاي و يخفف عني اللي صار فيني مو شوي و طاقتي و قوتي لها حد خلاص ماعاد أقدر اتحمل اكثر اللي صار فيني فوق طاقتي ثلاث سنوات و بكمل الأربع بعد شهر وانا أعاني و اكبت بداخلي بيجي يوم و انفجر و ربي ماراح يسلم احد وقتها عشان كذا ارمي هالريم و اختها بالسجن قبل لا اذبحهم و ادخل فيهم إعدام و ترا حياتي ماتهمني لان مابقى لي اي شخص يخليني أرد عن اللي في بالي.
عبدالعزيز تنهد واهو يشد على ظهره ولا عنده شي يقوله لان فعلاً اللي في مُصعب ماحد يقدر يتحمله..
,
\\بيت ابو عبدالله||بالصاله//.
,
تنهد واهو يشد على بنته اللي في حضنه ونطق؛يمه مو على كيفك انتي مجبوره تدخلين التحقيق.
ام عبدالله لفت له بحده؛قلت اللي عندي قبل ثلاث سنوات,و غيره ماعندي.
عبدالله تافف ولف لـ سلطان و كأنه يبي يساعده يقنع أمه.
سلطان نطق بهدوء؛بس الحين غير يمه مُصعب مو اهو اللي قاتل ابوي, لازم تدخلين التحقيق يمكن تقولين شي بسببه يمسكون المُجرم الحقيقي.
بتُول طالعت فيه بهدوء؛مين المشتبه فيه.
سلطان لف يطالع فيها بعد ماكان يطالع في أمه ونطق؛مادري ماقالوا لنا.
قطع كلامهم صوت جرس الفيلا يعلن عن وصول العقيد أيمن ليبدون التحقيق.
عبدالله نزل بنته بحضن زوجته و..!
.
اللهم صَل وسلم على محمد.
,
البارت"238"
,
,
\\بيت ابو عبدالله||بالصاله//.
,
عبدالله نزل بنته بحضن زوجته وراح يفتح الباب لما شاف أيمن قرب واهو يسلم عليه..
أيمن بهدوء نطق؛انا بمسك التحقيق مع الرجال اللي هنا,و جيت معاي شرطيه بتتكلف بالتحقيق مع اهلك.
عبدالله هز راسه وبعد مِن الباب ودخلت الشرطيه معاها الكاتبه وبعدها لف لـ أيمن واهو يشر له على باب ثاني؛تفضل.
أيمن مشى ورآه ودخلوا وبعدها جا معاهم سلطان..
أيمن جلس وطالع في عبدالله و الكاتب معاه يسجل المحضر لـ أقوالهم؛عبدالله انت تعرف عائله الـ###, وخصوصا تعرف وحده اسمها الريم خالد و اختها غُفران.
عبدالله عقد حواجبه بستغراب من طاريهم؛ايوا اعرفهم و غُفران هذي صديقه اختي من المتوسط كانت دايماً تجي لنا.
أيمن عقد حواجبه ونطق؛صديقه اختك!.
سلطان طالع فيه؛ايوا صديقه اختي بس صار لها فتره قاطعه كل اتصالاتها بـ اختي.
أيمن لف أنظاره لـ سلطان بعد ماتكلم؛و متى قطعت العلاقة فيها؟.
سلطان عقد حواجبه و كأنه يبي يتذكر لثواني بعدها نطق؛تقريبا بعد وفاة ابوي الله يرحمه.
عبدالله طالع في أيمن؛ليش تسأل عنهم!اهم شدخلهم بقضيه قتل ابوي.
أيمن؛ماقدر اعطيكم اي معلومه لما نخلص التحقيقات,طيب بسألكم كانت بينكم عداوه.
عبدالله هز راسه بالرفض؛لا طبعاً اصلا مايربطنا فيهم اي شي غير صداقه اختي في بنتهم عشان تكون بينا عداوه.
أيمن لثواني يطالع في عبدالله بعدها لف لـ سلطان؛وانت سلطان ماكانت بينك اي عداوه بينهم!.
سلطان عقد حواجبه ونطق؛لا انا ماعرف عنهم شي غير ان بنتهم صديقه أختي مثل ما قال لك عبدالله.
أيمن تنهد بهدوء وهز راسه؛عندكم شي تبون تضيفونه ولا نسكر المحضر.
سلطان نطق بهدوء؛ليش تسال عنهم,ايش ممكن تكون علاقتهم بـ قضيه قتل ابوي.
أيمن وقف وطالع فيهم؛اعذرني ماقدر أجاوبك على اي سؤال حالياً,بس اذا ممكن تشوف اذا الشرطيه خلصت تحقيق مع اهلك خلها تطلع عشان نروح.
عبدالله هز راسه وراح لداخل..
,
\\داخل بيت ابو عبدالله//.
,
زفرت بضيق؛اختي ماقدر أجاوبك على شي انا هنا اطرح الاسأله و انتي جاوبي بس.
بتُول نطقت بقهر؛جالسه تسأليني عّن صديقتي و تبيني اجاوب كذا,قول لي ايش دخل غُفران و اختها بالموضوع هذا.
الشرطيه خذت لها نفس ونطقت؛عندك شي ولا نسكر,لان ماراح اجاوب على اي شي.
بتُول كانت بتتكلم بس أمها سكتتها ولفت طالع فيها..
ام عبدالله بحده؛خلاص ماعاد عندنا شي بتقوله,و بتُول تعالي هنا.
بتُول وقفت بقهر وراحت جلست بجنب أمها و الف فكره و فكره برأسها تحاول تحلل الموضوع بس ماقدرت ايش دخل صديقتها غُفران و اختها حتى يسألونها عنهم..
اللهم صَل وسلم على محمد.
,
"البارت239"
,
,
\\بالمستشفى||مُصعب، عبدالعزيز//.
,
مُصعب وقف بثبات وعيونه على الباب يحاول يجمع شتاته و يظهر القوهه,لان يعرف فواز مو حمل لكل شي يصير,خذا له نفس و تقدم واهو يفتح الباب ويدخل له بهدوء؛الحمدلله على السلامه.
فواز اعتدل حتى يرفع نفسه بعد ما كان متمدد ويطالع في مُصعب بضياع؛اللي صار حقيقه يـ مُصعب ولا انا بكابوس.
مُصعب قرب منه بخطواته متعبه فيه من الضيق مايكفيه كيف لا شاف فواز بذا الحاله,حط يده على كتفه و صضغط عليه ولا تكلم لان ماعنده شي يقوله..
عبدالعزيز بذا الوقت تكلم ونطق؛كل أمور المسلم خيره يـ فواز,لا تعترض على المكتوب.
فواز هز راسه بضيق ونطق؛امي و ابوي لآزم اقول لهم.
عبدالعزيز قرب بسرعه وحط يده على كتفه واهو يرجعه بعد ماكان بيقوم ونطق؛فواز لا تفكر بقلبك,فكر بعقلك لا تفجع اهلك بـ رجعتها واهي ميته بس جسد على السرير!ادري صعب عليك بس لا تفتح جروحهم و اهم اللي بيتعبون اذا شافوها بذا الحاله.
فواز طالع في عبدالعزيز بلمعت عيونه و بصوته المبحوح لان يحاول يقاوم دموعه؛تبيني اشوفها كذا و اسكت واخليها ولا اقول لـ أهلي من جدك يـ عبدالعزيز.
عبدالعزيز تكلم وأهو يدري بكبر كلامه بس يحاول يصحى فواز من اللي اهو فيه؛فواز أسمعني و افهم كلامي,لا تقول لـ اهلك لان ايلاف الحين عايشه بس على الأجهزه يعني شبه ميته انت تبي تفرح اهلك بأنها مو ميته و آخرتها تفجعهم بـ أنها ميته دماغياً يعني رجعتها للحياه شي مستحيل,شوف حالتك اللي انت فيها تبي أمك و ابوك مثلك!خلهم يحسبونها ميته و عند رب أرحم منهم فيها ولا تذبح قلب أمك و ابوك عليها.
فواز هز راسه بضياع و يطالع في عبدالعزيز بانكسار؛ايش أسوي طيب,مخي وقف ماني قادر أفكر بشي.
عبدالعزيز خذا له نفس و اهو يعرف ان اللي بيقوله الحين شي صعب على فواز و صعب على مُصعب بعد اللي من دخل مانطق بشي و مايفرق بـ حاله فواز بشي بس مُصعب يتظاهر بالقوهه عكس فواز,نطق بهدوء و عيونه على فواز؛رجعت ايلاف للحياه مستحيله,يعني يرضيك بعد ما اهلك نسوها او بدوا يتعودون على عدم وجدوها تطلعها فجاءه قدامك واهي شبه ميته بس جسد عايش على الأجهزه,صدقني بتضرهم اكثر من انك تفرحهم بيلومون نفسهم كيف انهم تركوها و اعتبرها ميته و اهي عايشه بعيد عندهم مايعرفون عنها شي,فواز ادري اللي بقوله لك صعب و حاس فيك وربي انا بقول اللي عندي و انت لك القرار الأخير .
سكت ينتظرهم يتكلمون لما شاف السكوت منهم نطق بهدوء وعيونه شوي على فواز اللي يطالع فيه بنتباه و كأنه ينتظره ينطق و يفكه من الضياع اللي اهو فيه و على مُصعب اللي!.
اللهم انك عفوٌ كريمٌ تحب العفوا فأعف عنا.
,
البارت"240"
,
,
\\بالمستشفى||مُصعب، عبدالعزيز//.
,
نطق بهدوء وعيونه شوي على فواز اللي يطالع فيه بنتباه و كأنه ينتظره ينطق و يفكه من الضياع اللي اهو فيه و على مُصعب الي يطالع فيه بترقب من الي يقوله.
عبدالعزيز خذا نفس ونطق؛الحي أبقى من الميت يـ فواز,اختك لو هي عايشه على الأجهزه بس بالواقع اهي ميته!بس في مليون شخص غيرها حي بس عنده مرض مقيد حياته و اقرب مثال لك ملاّذ.
مُصعب تعدل بوقفته بصدمه مِن اللي جا في باله ونطق بسرعه؛لاعبدالعزيز,مستحيل.
عبدالعزيز بهدوء؛وش إلي مستحيل,هذي الحقيقه يـ مُصعب ادري انت مو قاوي على هالشي بس خلني اقول له يمكن يقتنع.
فواز عقد حواجبه ونطق؛شفيكم! عن ايش تتكلمون و ملاّذ ايش دخلها.
مُصعب لف بسرعه لـ فواز؛لا تسمع له,أنسى خلاص.
عبدالعزيز طالع في مُصعب؛انت شفيك ملاّذ بتموت بعد 15 ساعه وين بتلاقي مُتبرع بذا السرعه,ادري صعب عليكم بس فكروا بعقلكم مو بقلبكم الموقف قوي عليكم بس لازم تأخذون قراركم.
فواز طالع في عبدالعزيز بصدمه ونطق؛تقصد اسمح لهم يتبرعون بقلب ايلاف لـ ملاّذ.
مُصعب سكر عيونه بضيق ولف عنهم و عطاهم ظهره,يحب ملاّذ و يعشقها بس ماهو اناني عشان يطلب من صديقه و اخوه هالطلب لان اصلا ماجا في باله بس عبدالعزيز صدمهم اثنينهم من هالكلام.
عبدالعزيز طالع في فواز؛قلت لك اقرب مثال ملاّذ,وحتى في احتمال ما يطابق قلبها لقلب ايلاف بس حتى في غيرها ينتظرون الفرج مثلها و منهم أطفال ماتتعدى أعمارهم السنه يحتاجون أعضاء ثانيه غير قلبها,فكر بهالشي يـ فواز شلون اختك ممكن تفرج همهم بدل لا تفجع قلوب اهلك برجعتها واهي ميته بس جسد.
فواز طالع في مُصعب وكأنه يبي يلمح بوجهه اجابه يحس نفسه ضايع و متشتت عقله مو معاه و كأنه تركه بأكثر وقت اهو يحتاجه بس مُصعب صاد عنه نطق بهدوء؛مُصعب قولي ايش أسوي.
مُصعب سكر عيونه بضيق يحلف ان هذا اصعب موقف مر عليه بعد اتهامه بقتل أبوه خذا له نفس ولف لها ونطق بهدوء؛مالي الحق اتكلم بهالشي يـ فواز.
فواز رفع نفسه بعد ماكان متمدد على السرير ونطق؛كيف مالك حق مُصعب,ايلاف زوجتك مثل ما اهي اختي.
مُصعب هز راسه وطالع فيه بضيق؛زوجتي بس مالي القوهه في هالشي يـ فواز,لا تحطني في هالموقف ماقدر.
عبدالعزيز كان جالسه يطالع فيهم بهدوء يسمع لهم بعدها نطق لما سكتوا؛فواز عندك13 ساعه تقدر تقرر فيها,عشان لا اقتنعت بهالشي يقدرون يسون التحاليل اذا تطابق او لا.
مُصعب طالع فيهم لثواني بضيق بعدها صد عنهم و طلع من الغرفه و صادف بوجهه ميرال اللي وقفت قدامه..
.
اللهم انك عفوٌ كريمٌ تحب العفوا فأعف عنا.
,
"241"
,
,
\\بالمستشفى||غرفه فواز//.
,
عبدالعزيز لما طلع مُصعب لف لـ فواز؛انا بتركك تفكر براحتك,بس حط في بالك اهلك قبل لا تفكر بـ سالفه التبرُع لا توجع قلوبهم برجعتها واهي ميته دماغياً..
لما شاف السكوت من فواز تنهد بعدها صد عنه وطلع من الغرفه لثواني رفع جواله واهو يشوف ابوه يتصل عليه.
عبدالعزيز؛هلا يبه.
ابو عبدالعزيز؛أنت وين!من طلعتك الصباح مارجعت و نُهى تقول أكلمك ولا ترد أشغلت البنت عليك,انت وين؟.
عبدالعزيز تنهد ونطق؛بالمستشفى يبه عند مُصعب,فواز طاح عليهم و خذوه للمستشفى.
ابو عبدالعزيز؛والحين كيفه؟.
عبدالعزيز؛ماشي حاله,الحمدلله.
ابو عبدالعزيز و نُهى جالسه بجنبه و تتسمع له ابتسم لها بعدها نطق؛طيب وانت متى بتجي البيت.
عبدالعزيز؛الحين يبه جايكم.
ابو عبدالعزيز هز راسه؛زين ننتظرك.
بعدها سكر منه ورآح طالع من المستشفى رايح للبيت..
,
\\بالجهه ثانيه||مُصعب، ميرال//.
,
ميرال وقفت قدامه واهي تمسح دموعها بيدها بهدوء بعدها نطقت بحت صوتها؛شفيه فواز,توه اعرف عنه.
مُصعب تنهد بضيق ونطق؛مافيه شي بخير,اذا تبين تشوفيه اهو بالغرفه رقم101 .
ميرال هزت راسها بعدها رفعت راسها له ونزلت دموعها على خذها مره ثانيه؛ايش بنسوي لـ ملاّذ وربي عقلي وقف,كيف ممكن نلاقي مُتبرع بهالسرعه واحنا صار لنا سنين ندور!.
مُصعب طالع فيها وهز راسه بعجز؛مدري ميرال مدري,حالي مثلك و أسوء بعد.
ميرال تنهدت بضيق و صدت عنه وجلست على الكرسي و اهي عاجزه تمام,و مُصعب جلس الكرسي المُقابل لها و كان مثل حالتها وفِي باله كلام عبدالعزيز لـ فواز يحس صعبه و صعبه حيل بس..
,
\\بيت عادل||الريم،غُفران//.
,
غُفران كانت جالسه بهدوء على السرير من طلعت مع الريم واهي ماتكلمت بشي وافكار سوداوية محاوطتها من كل جهه وخاصه ان نهايتهم قربت حيل,حتى لو الريم مُقاومه لحد الحين بس مستحيل يفلتون مِن أيدي الأمن دام انهم دخلوا بالسالفه..
عادل ضرب الباب ودخل؛الريم.
الريم رفعت راسها له وقفت؛هلا.
عادل نطق؛ملاّذ حددوا لها الأطباء 15 ساعه بعدها قلبها ماراح يتحمل و بتموت.
الريم ببتسامه هاديه نطقت؛زين.
غُفران طالعت فيهم بفجعه؛ملاّذ شفيها!.
الريم جلست واهي طالع فيها؛مافيها شي من اول فيها القلب يعني موتها مو شي غريب.
غُفران طالعت فيها بعيونها اللي تغارقت بدموعها؛وماراح تساعدينها,الريم هذي أختنا تكفين لا تموت.
الريم تاففت و طالعت في عادل؛تعال بكلمك برا.
عادل هز راسه ومشى و طلعت ورآه الريم..
غُفران جلست على السرير بصدمه و عيونها على الباب..
,
البارت"242"
,
,
\\بيت عادل|| غُفران//.
,
جلست على السرير بصدمه و عيونها على الباب تحس كل شي صار بسببهم لان ماتعرف تتحكم بـ انفعالاتها و تصرفاتها ضمت رجولها لصدرها واهي تهز نفسها حطت يدها على اذونها واهي تسمع أصوات الصراخ و الرصاصة و الدم اللي تطشر عليها فتحت عيونها بسرعه وقفت واهي تمشي بسرعه لـ جهة اغراضهم و دور على جوالها واهي عازمه على اللي في بالها فتحت الجوال وطلعت رقم ميرال ودقت عليها لثواني وصلها صوت ميرال..
غُفران نطقت بهدوء غريب يتملكها؛ميرال.
ميرال بحت صوتها مِن كثر بكيها نطقت باستغراب وبقهر من الي سوه في ملاّذ؛غُفران,شتبين!.
غُفران وقفت ونطقت؛انتي بأي مستشفى!.
ميرال وعيونها على مُصعب الي يسمع لها بكل انتباه؛ليش ما كفاكم الي سويتوه في ملاّذ تبين تجين تكملين الي سوته اختك.
غُفران هزت راسها؛لا بقول لك اشياء يتفيدكم بالقضيه.
ميرال لثواني جلست تفكر بعدها نطقت؛بـ مستشفى الـ*****.
غُفران؛زين بس اقدر اطلع مِن هنا بجي لكم..
بعدها سكرت الجوال ولفت طالع في الباب فتحته ماشافت الريم ولا عادل فـ رجعت وسكَّرت الباب,وفتحت الكاميرا حقت الجوال و بدت تسجل فيديوا تتكلم فيه..
,
\\في بيت ابو عبدالعزيز||بالصاله//.
,
ابو عبدالعزيز تنهد؛نجلاء خلاص.
نجلاء لفت لـ ابوها منقهره؛عاجبك يعني!ايش الي يروح لـ شقه بروحه اذا عبدالعزيز متزوج ولا سواها كيف اهوا.
صقر طالع فيها بعدها لف لـ ابوه ونطق بهدوء؛يبه اذا رفضك اطلع عشان ما تزوجت,بكرا تروح نُهى و نجلاء يخطبوا لي.
نجلاء طيرت عيونها بقهر؛ذا الناقص.
صقر طالع فيها بعدها نطق؛خلاص مو لازم إنتي نُهى تكفي.
نجلاء صدت عنه بقهر وعيونها على الارض بدون لا تتكلم.
ابو عبدالعزيز تافف؛خلاص اسكتوا بس يجي عبدالعزيز بقول لكم شي,سكروا هالسالفه.
صقر هز راسه و نزل أنظاره على جواله وسط سكوت الباقين.
دقايق بس وصوت عبدالعزيز الي يفتح الباب حتى يدخل.
نُهى وقفت بسرعه وطلعت من الصاله الي مجتمعين فيها وراحت له بخوف؛انت وين وفوق ذا أكلمك ولا ترد خوفتني عليك وربي.
عبدالعزيز ابتسم لها؛شدعوه نُهى بزر انا عشان تخافين,كانت عندي كم شغله و خلصتها وجيت.
نُهى كشرت بوجهه؛ماقلت بزر اقل شي رد علي و طمني,مو كان توه طالع مِن المستشفى و مهمل نفسك انت تبي يصير فيك شي وربي اموت.
عبدالعزيز ابتسم وقرب واهو يبوس راسها؛اخر مره و عد مني لك,كل ساعه باتصل عليك.
نُهى طالعت فيه؛ايوا العب علي.
عبدالعزيز ضحك؛شسوي فيك انا,لا كذا عاجبك ولا كذا.
نُهى ابتسمت بهدوء بعدها نطقت؛زين امش عمي يبيكم بسالفه.
.
سبحان الله و بحمده.
,
"البارت243"
,
,
\\في بيت ابو عبدالعزيز||بالصاله//.
,
دخل وتوجه لـ ابوه واهو يبوس راسه بعدها جلس بجنبه لما قال له؛شفيك يبه,صاير شي؟.
ابو عبدالعزيز طالع في صقر لثواني بعدها صد ونطق؛صار الوقت الي لازم الكل يعرف فيه هالحقيقه..
صقر نغزه قلبه مِن نظرات ابوه واعتدل بجلسته بنتباه وكأنه حاس ان اهو هالحقيقه..
عريب؛حقيقه ايش يبه؟.
ابو عبدالعزيز نطق بهدوء وعيونه على مسباحه الي يلعب به في يده؛هالي صار قبل تقريبا 26 سنه,صارت ظروف و سافرنا لـ بريطانيا و كان هناك ساكن أعز أصدقائي,مر كم أسبوع على استقرارنا في بريطانيا الا بزوجتي الي صار لها شهرين حامل تنتكس حالتها وتتعب و للأسف فقدنا الجنين مرو الأيام و الشهور ولا قلت لـ اهلي عن ان فقدنا الجنين بعد كم شهر الا يفاجئني صديقتي بانه متزوج بدون علم أهله وحده بريطانيه و كانت حامل مرت شهر و ولدت زوجته و توفت وقتها و هالطفل سجل بالمستشفى ببريطانيا على أساس انه ولد صديقتي ناصر اللي تدمرت نفسيته حيل بعد ما ماتت زوجته لدرجه أنه رفض يشوف ولده وأعطاني اياه وخذيته وقتها لزوجتي كان عمره يوم بس,وقتها كان لآزم ارجع السعوديه حاولت اقنع في ناصر يأخذ ولده بس نفسيته المدمره ماسمحت له خذيته معاي لسعوديه و عدني يجي بعد كم يوم ويأخذه و قالي احفظ امانته لما يجي ياخذه و يوضح الاهله السالفه وفعلا رحنا السعوديه بس حطيت رجولي على ارض السعوديه كلموني واهم يقولون لي ناصر توفى بحادث سياره بسبب سرعته الجنونيه مر في بالي وقتها كيف وعدني يجي ياخذ ولده وكيف يأمني عليه و يقولي احفظه وكأنه حاس ان يومه قرب,اعترف اني وقتها عقلي ما حكمني وسويت شي ندمان عليه بس وقتها مافكرت مستقبلاً ايش ممكن يصير لان كانت امانته بين عيوني خذيت الطفل للمستشفى وقلت لهم ان اهو ولدي بس زوجتي ولدته بالبيت و جيت اكمل إجرائاته وصار بعد اسمه اسمي انا بدل اسم ابوه ناصر رجعت لـ اهلي وانا شايله بين يديني ما استغربوا لان كانوا يعرفون ان زوجتي حامل لان ماقلت لهم ان فقدنا الجنين,ليش نسبته لي وقتها مدري رغم اني اعرف حكم التبني بس كنت ابيه فعلاً ولدي ما كنت ابي يحس بيوم بالنقص عن باقي عيالي بس هذا صار الي ماحسبت حسابه و انكشفت الحقيقه الي خبيتها لسنين,سنين عشت فيها الندم على ان حرمته يعرف حقيقته و كذبت عليه.
سكت وحس بضيق يملأ صدره لما طاحت عيونه بعيون صقر الدامعة.
صقر وقف بضعف ونطق وكأنه خايف من الجواب؛و هالطفل انا,صح!!.
صرخ لي درجت و جهه تحول للونه الأحمر و عروقه برزت؛رردد علليي ههالطفلل اناا,لليش ساكتت رد.
ابو عبدالعزيز وقف و.
البارت"244"
,
,
\\في بيت ابو عبدالعزيز||بالصاله//.
,
صرخ لي درجت و جهه تحول للونه الأحمر و عروقه برزت؛رردد علليي ههالططففلل اناااا,لليشش سااككتت رردد..
ابو عبدالعزيز وقف و نطق؛صقر تكفى هدي,غلطت ادري بس وربي ندمان بس خلاص ماينفع هالندم بشي صار اللي صار و انتهينا وهذاني قلت لك كل شي.
صقر و دموعه بعيونه يقاوم نزلوها صرخ بقهر و ألم يذبحه كل يوم؛لا ما انتهينا لان انت دمرتني بدل لا تحفظ امانتك,تدري ايش يعني تصحى كل يوم و بقلبك ذره حُب لأختك وكل يوم يكبر هالشي و انت عاجز تماماً و مافي يدك شي,كرهت نفسي و حياتي بعدت عنكم بس بدون فايده! انت ذبحتني باليوم الف مره,ليتك مانسبتني لك كان ما صار كل هذا كان أقلها ماصار كل هذا لو تكلمت من هنا لي مئه سنه قدام ماراح تفهمون شعوري ماراح تحسون بكميه القرف و الاشمئزاز الي احس فيه من نفسي كل يوم اصحى فيه اتمنى هالروح الي بداخلي تفارقني عشان ارتاح من هالهم الي على صدري..
سكت و الكلام تزاحم بداخله لو ايش شرح و تكلم مستحيل يوصل لـ احساسه في هالفتره الي راحت,شد قبضيه يده لما طاحت عيونه على نجلاء الواقفه و دموعها على خدها و ترجف من بكيها!صرخ بقهر و مسك الطاوله الصغيرة حقت التقديم و رماها بقوهه ماحس الا في يدين عبدالعزيز تمسكه صرخ واهو يحاول يفلت منه؛اتركني بعد عني.
عبدالعزيز صرخ وأهو ماسكه بقوه؛خلاص صقر خلاص ماراح أتركك لما تهدا..
صقر بصدره الي يعلوا و يهبط بسرعه و انفاسه عاليه همس بضعف واهو شوي و ينهار؛اتركني..
عبدالعزيز انسحب بهدوء وتركه لما أشر له ابوه يتركه وبعد عنه.
صقر طالع فيهم بعيونه الدامعة لثواني بعدها صد وطلع بسرعه برا البيت..
نجلاء فزت على صوت ضربت الباب القويه راحت بسرعه بدموعها الي ملت عيونه و مسكت ذراع ابوها برجاء؛يبه تكفى لا يروح واهو معصب كذا لا يصير فيه شي.
ابو عبدالعزيز تنهد وضمها وطالع في عبدالعزيز؛روح له بسرعه لا تتركه.
عبدالعزيز هز راسه وركض بسرعه للباب وطلع شافه توه بيشغل سياره ضرب الشباك لما شاف الباب مقفل ونطق؛افتح الباب.
صقر هز راسه بالرفض وشغل سيارته و حرك بسرعه طالع برا حدود البيت..
عبدالعزيز ركض وشغل سيارته بسرعه و لحقه..
,
\\بالمستشفى||فواز، مُصعب//.
,
قرب وجلس بجنبه ونطق بهدوء؛مُصعب.
مُصعب فز بعد ما النعاس غلبه وطالع فيه؛فواز ليش قمت من سريرك.
فواز طالع فيه بضيق و تردد بعدها نطقت؛خذيت قراري و جيت اقول لك.
مُصعب تعدل بهتمام و خوف من قرار فواز؛و الي اهو؟.
.
سبحان الله و بحمده.
,
البارت"245"
,
,
\\بالمستشفى||فواز، مُصعب//.
,
مُصعب تعدل بهتمام و خوف من قرار فواز؛و الي اهو؟.
فواز طالع فيه بتردد و خوف من هالقرار الي خايف يندم عليه بعدين,بس كلام عبدالعزيز يتردد في أذنه نطق بسرعه وكأنه ماعاد يبي يفكر بهالموضوع اكثر؛موافق.
مُصعب وقف بصدمه وطالع فيه نطق؛موافق!!.
فواز هز راسه بدون لا يتكلم لان يحس باي كلمه بينهار..
مُصعب ماقدر يخفي طيف الابتسامه الي أرسم على وجهه قرب وحط يده على كتف فواز؛متأكد.
فواز العبره خنقته و همس؛ايوا.
مُصعب ضمه بشعور مُتناقض بهاللحظه فرحه لـ ملاّذ,و حزن لـ ايلاف و خوف من الي بيصير مُستقبلاً..
فواز انسحب منه وصد عنه ونطق؛قولي اذا سوا التحاليل و تطابقوا.
مُصعب زفر بضيق لما دخل غرفته وراح اهو يقابل الدكتور وباقي معاهم بس 11 ساعه..
,
\\بيت عادل||الريم، غُفران//.
,
لبست عبايتها و حطت جوالها بجيبها ومشت لـ الدريشه,نطت منها لان كانت غرفتها بالدور الاول وبعدها طلعت بسرعه بدون لا احد من الحراس ينتبه لها..
بس طلعت لـ شارع خذت لها تاكسي و قالت له يروح للمستشفى الي قالت لها ميرال عنه,طلعت جوالها وعيونها على الفيديو الي صورته و دموعها ملت عيونها خذت لها نفس وطالعت في جيبها الثانيه و عيونها على المُسدس الي سرقته من عادل بدون لا ينتبه..
سكرت عيونها و في بالها شي واحد بس ان بتنهي كل شي اليوم لان خلاص ملت من هالوضع الي اهي فيه...
همست بضيق و ضعف؛انت السبب في كل شي,لو مارحت عني كان ماصار اي شي من هذا,انت السبب مُصعب..
شدت على المُسدس الي بجيبها و عيونها طالع في السيارات بهدوء و الف فكره برأسها لو تنجح خطتها بننتهي كل مُعاناتها هذي..
بعد فتره طويله أشبه بالساعتين بسبب بُعد بيت عادل الي كان برا الرياض وقفت عند المستشفى ونزلت بخطوات هاديه و ملامح خاليه تمام من اي تعابير وقف عند الرسبشن ونطقت؛بسأل عّن مريضه هنا.
الموظف طالع فيها؛الاسم كامل.
غُفران بجمود نطقت لان متاكده ان مُصعب بيكون بالمكان الى فيه ملاّذ؛ملاّذ خالد الـ***.
الموظف بعد ثواني نطق؛حالياً اهي في قسم العمليات..
وبدا يوصف لها المكان بِعدها راحت وفعلاً مُصعب و ميرال كانوا فيه,حطت يدها على جيبها و طلعت..