الفصل 20
20
اللهم صَل وسلم على سيّدنا محمد.
,
البارت"180”
,
\\الرياض||الوليد،ايلاف//.
,
بس انفتح باب الطياره وبدوا الرُكاب ينزلون وقفت بخوف ودقات قلبها تعالت اكثر وأكثر,الخوف و التوتر ملا قلبها من الخطوه الكبيره اللي بتسويها!وردت فعل اَهلها و زوجها مُصعب لما يشوفونها قدامهم واهي في نظرهم من إعداد الموتى,حست فيه يطالع فيها بهدوء لفت أنظارها له وشافت ابتسامته الهاديه على وجهه!خذت لها نفس وخذت شنطتها واهي طالع فيه..
الوليد ببتسامه هاديه عكس البراكين و المشاعر المُتضاربه داخله نطق بهدوء؛ننزل؟.
ايلاف لبست نظارتها و هزت راسها بهدوء بعدها مشت ورآه,وقفت عند الباب بس حست بالهواء يطير عبايتها شدت على يدها واهي تمنع دموعها تنزل بس بدون فايده سرعان مانزلت دموعها على خدها وصور أمها و ابوها وأخوها فواز في بالها شلون يستقبلونها ويتقبلون فكره انها لحد الحين اهي هنا ما ماتت,والاهم مُصعب كيف يتقابله واهي طول ذا السنين تعرف من اهو المُجرم الحقيقي بس مع هذا سكتت ولا حتى حاولت تقول له..
الوليد حس فيها ونطق؛اذا ماتقدرين تواجهينهم الحين نروح نجلس باي مكان لما تحسين نفسك قادره على هالشي.
ايلاف نزلت نظارتها واهي تسمح دموعها وهزت راسها؛ايوا مو مستعده,يبيلي فتره أقدر ارتب فيها افكاري و اساعد مُصعب بدون لا احد فينا يتأذى.
الوليد هز راسه؛مثل ماتبين..
وبعدها طلعوا من المطار وخذوا السياره و جلسوا يمشون في شوارع الرياض بدون هدف معين و كل واحد فيهم غارق في أفكاره..
,
\\بالمطعم||مُصعب،ملاّذ//.
,
ملاّذ بتوتر واهي تلعب بالأكل وتحاول ماتوضح توترها بسبب نظرات مُصعب اللي من اول يطالع فيها,خذت لها نفس و رفعت عيونها طالع فيه لثواني و نطقت؛شفيك!.
مُصعب ابتسم واهو يطالع فيها هز راسه؛سلامتك مافيني شي.
ملاّذ رفعت حاجبها بستغراب؛اجل ليش طالع فيني كذا,تبي شي!عندك شي بتقوله؟.
مُصعب ضحك وقرب من الطاوله وحط يدينه عليها؛لا بس احس وجودك بحياتي شي حلو عجزت اوصفه,اول مره احس بذا الشعور بس عجبني و حابه حييل.
ملاّذ نزلت راسها بضيق ونطق؛مُصعب اترك هالشعور,وجودي معاك مستحيل انا جالسه معاك الحين ومادري حتى اذا بقدر اكمل القضيه لك و انهيها قبل لا ينتهي عمري..
مُصعب قاطعها؛بعد عمر طويل انتي شفيك صايره سلبيه هالفتره مو صاير الا كل خير خلي املك بالله قوي,بعدين انا مابي منك جواب هالفتره لان حتى انا مو مستعد لمثل هذا الشي بذا الوقت!بس كلام بقلبي وحبيت أقوله لك..
ملاّذ وقفت بهدوء ونطق؛خلنا نرجع للمستشفى اكيد فقدوني.
مُصعب تنهد وسحب محفظته بعد مادفع الحساب وخذا جواله ونطق؛اوك.
.
اللهم صَل وسلم على سيّدنا محمد.
,
البارت"181”
,
\\الرياض||الريم،غُفران//.
,
جالسه على سريرها وتمسح على راسها بهدوء واهي طالع فيها بضيق مالي داخلها العبء اللي اهي تحملته شي كبير و كبير حيل طاقتها قربت تنتهي!بس كل ماتشوف غُفران وحالتها تجيها قوه غريبه تقدر فيها تواجه الكون كله بس عشانها..
مسحت دموعها بسرعه على صوت عادل ورآها لفت واهي تعدل صوتها؛شفيه؟.
عادل بهدوء نطق واهو يشوف اثار دموعها؛اتفقت مع أهل الولد اللي بيتبرعون لـ ملاّذ وافقوا على المبلغ وقلت للمستشفى ان انا ابيه و بتكفل بارسله للمريض حقي برا السعوديه حتى لا يشكون,بس وش بسوي انا الحين بهالقلب؟.
الريم لفت وعطته ظهرها وعيونها على غُفران؛مادري سو فيه اللي تبي,لو تعطيه لـ كلاب الشوارع بس مايوصل لـ ملاّذ.
عادل هز راسه بهدوء بعدها طلع من العياده النفسيه اللي فيها غُفران تارك الريم هناك..
,
\\بالسياره||فواز،ميرال//.
,
فواز ابتسم واهو يحرك السياره؛صدق والله الاكل حقهم شي من الاخر.
ميرال ابتسمت؛اي والله.
فواز لف وطالع فيها؛وين تبين أديك.
ميرال اتسعت ابتسامتها ونطقت؛للمستشفى بروح اشوف ملاّذ,تقول حصلوا مُتبرع لها و بروح اشوف وش صار معاها.
فواز ابتسم وتذكر مُصعب يعرف وش شعور مُصعب لـ ملاّذ اللي مايبي لين الحين يوضحه بس اهو يعرف,فرح حيل له لان مايبيه يعيش الم الفقد للمره الثانيه
وحرك رايح للمستشفى.
,
\\بشوارعالرياض||الوليد، ايلاف//.
,
الوليد بتعب نطق؛تعبت من السواقه وغير تعب السفر خلينا اقل شي نأخذ لنا فندق نرتاح فيه شوي.
ايلاف هزت راسها بالرفض؛لا انا لازم أقابل ملاّذ الحين..
طلعت جوال وكلمت ملاّذ وسكتت واهي تنتظر ردها..
,
\\بجههثانيه بالسياره||مُصعب، ملاّذ//.
,
مُصعب تنهد وحس بندم ان قال لها هالكلام من ركبوا السياره واهي ساكته واذا حاول يفتح موضوع ترد عليه بختصار,وكأنها تبي تبعده عنها؛ملاّذ اسمعي ماقلت لك هالكلام عشان تجلسين كذا ساكته طول الوقت,انسي اللي قلته مابيك تحطين بينا هالجُدران اللي بديتي تبنينها بينا.
ملاّذ لفت وطالعت له؛وانا مابيك تتعلق فيني مُصعب انا مريضه تعرف وش يعني,بكل يوم انام فيه واحط راسي على المخده عادي ان ماصحى اليوم اللي بعده!الاعمار بيد الله ادري بس مابي انا مابي ادخل اي احد بحياتي من عرفت بمرضي و انا قاطعه كل علاقاتي بناس وحاطتها سطحيه وعلاقات عمل فقط!حتى لو احس بشي اتجاهك انا مو انانيه حتى اعلقـ..!.
مُصعب قطعها بعصبيه خفيفه؛ملاّذ بس انا وش قلت لك من قبل ليش تخليني أعيد كلامي,باْذن الله مارح يصير لك شي!واللي قلته كلام بقلبي حبيت انك تعرفينه بس والله لو...
.
اللهم صَل وسلم على سيّدنا محمد.
,
,
\\بالسياره||مُصعب،ملاّذ//.
,
مُصعب قطعها بعصبيه خفيفه؛ملاّذ بس انا وش قلت لك من قبل ليش تخليني أعيد كلامي,باْذن الله مارح يصير لك شي!والى قلته كلام بقلبي حبيت انك تعرفينه بس والله لو ادري انك بتصيرين كذا ماقلت لك.
ملاّذ تنهدت وطالعت فيه؛مُصعب حاول تفهمني ان..
مُصعب قطاعها؛ملاّذ خلاص سكري على الموضوع وبس تقومين بالسلامه وتسوين العمليه نتكلم فيه.
ملاّذ هزت راسها ولما كانت بتتكلم قطع عليها صوت الجوال نزلت راسها لجوالها وعقدت حواجبها واهي تشوف رقمها فتحت الخط و نطقت بهدوء؛هلا تغريد.
ايلاف؛هلا فيك,اخبارك؟.
ملاّذ استغربت من اتصالها؛بخير,بغيتي شي!.
ايلاف؛ايوا ابغا اقابلك.
ملاّذ؛تقابليني ليش انتي هنا في الرياض.
ايلاف؛ايوا في الرياض وابي اشوفك,وين اقدر اشوفك فيه.
ملاّذ طالعت في مُصعب اللي يطالع فيها واضح من عيونه يبي يعرف صدت عنه؛حالياً ماقدر اطلع من المستشفى اذا تبين أرسلت لك الموقع وتجين لي هناك.
ايلاف؛خلاص مو مشكله ارسلي لي,وماتشوفين شر.
ملاّذ؛اوك,والشر مايجيك.
بعدها سكرت وارسلت لها الموقع..
ملاّذ سكرت جوالها ولفت لـ مُصعب وضحكت بهدوء؛بتموت من الفضول.
مُصعب يمثل عدم الاهتمام؛من قال!.
ملاّذ ضحكت بعدها نطقت؛وجهك يقول.
مُصعب ابتسم على ضحكتها؛اجل قولي من.
ملاّذ تذكرت ان تغريد ماتبي مُصعب يعرف عنها بعدها نطقت؛وحده من موكليني تبي تقابلني.
مُصعب ابتسم وهز راسه؛زين الحين ارتحت.
ملاّذ ابتسمت؛ملقوف.
مُصعب ضحك ولف يطالع في الطريق..
,
\\عندالوليد، ايلاف//.
,
ايلاف لفت له ونطقت؛بعطيك موقع خذني له بقابل فيه ملاّذ.
الوليد هز راسه؛مثل ماتبين.
وبعدها حرك للموقع اللي عطته إياها ايلاف رايحين للمستشفى..
,
\\عندمُصعب، ملاّذ//.
,
بعد ماوصلوا المستشفى نزلت ملاّذ ولفت لـ مُصعب وطالعت فيه؛وين!.
مُصعب سكر باب سيارته وببتسامه واهو ينزل نظارته؛بدخل معك.
ملاّذ ضحكت؛وانت ماعندك شغل!.
مُصعب ضحك ولبس نظارته وراح لها؛تعرفين محد يمشي مع قاتل,و فواز مدري وينه مختفي اليوم!يعني ناشب لك اليوم.
ملاّذ هزت راسها وضحكت؛بيطردك الدكتور ترا.
مُصعب ابتسم ومشى قدامها؛اذا طردني ذيك الساعه يصير خير.
ملاّذ تذكرت تغريد و تنهدت وش بتسوي فيها الحين,أرسلت لها رساله تكلمها قبل لاتجي حتى لا يشوفها مُصعب..
فتحت ملاّذ غرفتها ودخلت عقدت حواجبها بستغراب واهي تشوف الدكتور جالس بالغرفه..
ملاّذ عقدت حواجبها؛في شي!.
الدكتور هز راسه وأشر على سريرها؛اجلسي ابي أكلمك بموضوع.
ملاّذ طالعت فيه بعدها لفت لـ مُصعب وتوجهت لسرير وجلست؛وش فيه خوفتني..!
.
لا اله الا الله. ,
البارت"184”
,
\\بالمستشفى||مُصعب،ملاّذ//.
,
ملاّذ طالعت في مُصعب بخوف بعدها جلست؛وش فيه خوفتني!.
الدكتور تنهد وقف واهو يقرب لسريرها بعدها نطق؛ملاّذ للأسف ان المُتبرع أهله رفضوا وباعوا قلب ولدهم لشخص ثاني,خذا القلب معاه و سافر لان مريضه برا السعوديه.
ملاّذ سرعان مامتلت عيونها بدموعها كأن هالشي املها الوحيد بالنجاهه من هالمرض كان هالشي بيغير اشياء كثير بحياتها,غطت وجهها بيدها ودخلت بنوبه بكاء وصوت بكيها وشهقاتها ملت الغرفه..
مُصعب سكر عيونه بضيق وبسرعه فتحها على صوت بكيها ركض لها وجلس بجنبها على السرير ونطق؛ملاّذ طالعي فيني,ملاّذ!.
ملاّذ بدون اي رد او حركه وجمسها يهتز من قوه بكيها,كانت حاطه كُل أملها بهالمُتبرع توقعت ان جا الوقت اللي بتنتهي مُعاناتها مع هالمرض اللي أنهاها!شدت بيدها اللي على وجهها ونزلت راسها بشهقاتها وصوت بكيها العالي..
مُصعب بألم بداخله انه يشوفها بذا الحاله و مو قادر يسوي شي حط يدينه على يدنها ونزلها من على وجهها رفع وجهها بصبعه ونطق وعيونه بعيونها؛ملاّذ لا تعبين نفسك,يمكن خيره لك ماتدري ربي وش كاتب لك!اكيد مابعد ربي عنك هالشي الا لان فيه آذى لك,بس لا تعبين نفسك اكثر من كذا مو زين لك.
ملاّذ طالعت في وهزت راسها واهي تمسح دموعها بس بدون فايده نطقت برجفت صوتها؛كان عندي ولو شويه أمل ان هالمُتبرع بيغير حياتي بفضل ربي ثم اهو,اذا من البدايه مايبون يعطوني قلب ولدهم ليش يسون فيني كذا ويعطوني أمل!كنت راضيه باللي انا فيه بس اهم غيروا حياتي قلبوها فوق تحت خربوا كُل مخططاتي واحلامي اللي بنيتها بس عرفت بالمُتبرع,مُصعب ليش يصير فيني كذا ليش انا ليش والله تعبت ماعدا فيني القوه حتى أتحمل شي ثاني والله احس نفسي بموت بـ..!!.
مُصعب قاطعها لما ضمها واهو يحاول يهدي فيها هالانفعال اللي اهي فيه يمكن يزيد عليها تعبها اكثر من قبل,لما حس بيدينها تتعلق فيه سكر عيونه ونطق بهمس؛بس ملاّذ!انا معاك وراح نتخطى كل هالي يصير بس تكفين هدي نفسك لا يصير فيك شي لاتعورين قلبي عليك..
تنهد بضيق واهو يسمع صوت شهقاتها و رجفتها بحضنه يتمنى لو تصير مُعجزه وتتالج ملاّذ وتبقى له بس مو قادر مافي يده شي غير انه يكون معاها يمثل الوقت ويخفف عليها لو شوي..
,
\\بالمستشفى||الوليد,ايلاف//.
,
توجهوا للاصنصير وضغطت على الدور اللي فيه غرفه ملاّذ بعد مانفتح توجهت لغرفه ملاّذ اللي كانت قدام الاصنصير,فتحت الباب الا جمدت كُل خليه فيها بصدمه واهي تشوفهم حسّت بمثل الشي الحاد يخترق قلبها,وعيونها دمعت من هالمنظر شدت بقبضه يدها واهي تمنع دموعها من النزول بـ...!!
.
لا اله الا الله. ,
البارت"185”
,
\\بالمستشفى||مُصعب،ملاّذ//.
,
عيونها دمعت من هالمنظر شدت بقبضه يدها واهي تمنع دموعها من النزول لفت على يد الوليد اللي تسحبها وتسكر باب الغرفه..
الوليد واهو ماسك يدها وطالع في عيونها اللي تلمع من دموعها؛ايلاف امشي معاي,مُصعب مو محتاج لك مثل ما انتي تتخيلين.
ايلاف هزت راسها ونطقت برجفت صوتها؛اذا اهو مو محتاجني ونساني وحصل من تسد مكاني انا لين الحين ابيه و مستحيل اخليها تاخذه,انا لازم انهي هالمهزله و ارجع لـ زوجي و اهلي بأسرع وقت.
الوليد تنهد وسحب يده من يدها ونطق؛أقلها امشي نجلس على مايروح مُصعب,لايشوفك.
ايلاف هزت راسها وعدلت شيلتها ولبست نظارتها ومشت وجلست بأحد الكراسي القريبه من الغرفه وعيونها على الباب بالم عظيم بقلبها من اللي شافته..
,
\\امابداخل الغرفه||مُصعب، ملاّذ//.
,
انسحبت منه بهدوء واهي تمدد نفسها على السرير وتعطيه ظهرها وحاطه يدها على وجهها تخفي دموعها,بس هزات جسمها الخفيفه توضح انها تبكي لو حتى حاولت تكتم صوتها..
مُصعب طالع فيها بضيق ونظرات العجز توضح عليه يبي يسوي لها شي بس للأسف مافي يده شي,وقف واهو يمد يده على اللحاف ويغطيها فيه قرب له ونطق؛انا هنا وقت ماتحتاجيني قولي لي.
ملاّذ مانطقت باي شي غير انها دفنت وجهها بالمخده بحزن وضيق عظيم بداخلها..
مُصعب تنهد بضيق وصد وطلع من الغرفه حط يده بجيبه وطلع جواله بيكلم ميرال حتى تجي تشوف ملاّذ,بس رفع راسه من سمع صوت ضحكت فواز واهي معاهه!خذا له نفس واهو يطالع فيهم واهم يقربون له..
فواز ابتسم لما شاف مُصعب و تقدم له؛مُصعب!شتسوي هنا.
ميرال طالعت في وجه مُصعب بخوف ونطقت؛ملاّذ فيها شي!.
مُصعب طالع في ميرال؛المُتبرع مع اللاسف أهله رفضوا يعطون ملاّذ قلب ولدهم وباعوهه لشخص ثاني بمقابل مادي كبير.
ميرال علامات الضيق والخيبة ملت تفاصيل ملامح وجهها؛و ملاّذ وش صار لها.
مُصعب نطق بضيق؛انهارت وجلست تبكي بس الحين هدت بس روحي شوفيها,اكيد انها محتاجتك.
ميرال هزت راسها وفتحت الغرفه ودخلت لها..
فوار حط يده على كتف مُصعب ببتسامه؛لا تخاف,اكيد في هالشي خيره لها.
مُصعب تنهد ونطق؛انا بروح لبيتي أرتاح شوي تعبت على قومتي من الصباح,وانت وش بتسوي؟.
فواز ابتسم؛ترا ماراح اتساهل معاك في سالفه الشركه ودوامك,يعني بس ترتاح تجي لي الشركه سمعت.
مُصعب واهو يمشي نطق؛بس ارتاح بجي هنا أشوف ملاّذ,مالي خلق أداوم..
فواز تنهد وهز راسه؛بخصم من راتبك ترا.
مُصعب لف له ببتسامه هاديه؛اخصم.
بعدها راح وطلع من المستشفى متوجه لبيته
.
لا اله الا الله. ,
البارت"186”
,
\\المستشفى||غرفهملاّذ//.
,
ميرال دخلت الغرفه وشافت ملاّذ متمدده على السرير و دافنه وجهها بالمخده,تقدمت وراحت لها وجلست على طرف السرير وحطت يدها على كتفها؛ملاّذ.
ملاّذ رفعت نفسها وحطت راسها بحضن ميرال وسكَّرت عيونها بضيق..
ميرال تنهدت بضيق واهي تُمسح على شعرها؛خيره ياقلبي,لا يضيق صدرك.
ملاّذ هزت راسها ونطقت؛تعبانه مابي اتكلم.
ميرال؛زين ارتاحي الحين وبكرا يصير خير.
ملاّذ بعدت منها وحطت راسها على المخده وسكَّرت عيونها بمُحوله لنوم.
ميرال خذت لها نفس وطلعت شافت فواز؛وشفيك ليش مارحت.
فواز هز كتفه؛مدري كنت ابي اطمن عليك و على ملاّذ.
ميرال ابتسمت بهدوء؛بخير لا تخاف,يلا روح انت بعد ارتاح.
فواز؛زين,اذا احتجتي شي قول لي.
بعدها راح..
,
\\سويسرا||عبدالعزيز،نُهى//.
,
عبدالعزيز فتح عيونه وسرعان مارسمت على ملامحه ابتسامه هاديه,حط يده على شعرها واهو يمسح عليه اتسعت ابتسامته لما شافها تصحى؛اشتقت اصحى على هالوجه وربك.
نُهى ابتسمت وقربت وباست خده وضمته؛يخليك لي,ولا يوجع قلبي بفراقك.
عبدالعزيز ابتسم وعيونه طالع فيها بهدوء.
نُهى ابتسمت وبعدت عنه وجلست قباله على السرير واهي ماسكه يده.
عبدالعزيز ضحك واهو يبوس يدها اللي في يده؛تدرين قبل وش كنت أسوي أول بس عشان اشوف هالنظرات بعيونك و هالابتسامه!.
نُهى طالعت فيه بحزن واضح بعيونها؛أسفه عزيز على كل شي صار,أحلف لك ان الفتره اللي راحت وانا معاك كانت من اجمل الأشياء اللي صار لي بحياتي,صدق اني كنت غاثتك بحركاتي و تصرفاتي بس يمكن وفات أبوي اثرت علي كثير وعلى نفسيتي.
عبدالعزيز قاطعها ببتسامه واهو يضم يدينها بيدينه؛انسي فتره وراحت بحلوها و مَرها,خلينا في لي احنا فيه الحين.
نُهى ابتسمت وهزت راسها بهدوء,لثواني ولفوا كلهم على صوت الباب.
عبدالعزيز ببتسامه وقف؛هلا بالغالي.
ابو عبدالعزيز ضمه بشوق واهو يمسح على ظهره بضيق مالي صدره لانه راح لدكتور حقه وسأله عن حالته؛ليش ماقلت لنا يا عز ,يرضيك يابوك اجلس كذا خايفه عليك ولا اعرف عنك شي.
عبدالعزيز بعد من ابوه وباس راسه؛السموحه منك يالغالي,والله مابغيت أخوفكم علي ما كنت ابي تشوفوني بذا الحال.
ابو عبدالعزيز تنهد وحط يده على كتفه؛ومتى بتسوي العمليه.
نُهى فزت بخوف وراحت لهم؛اي عمليه.
عبدالعزيز لف لها ونطق؛بكرا عمليتي حتى يستأصلوا الورم.
نُهى تغارقت عيونها بدموعها؛ليش بكرا.
عبدالعزيز تنهد وضمها له؛نُهى ياقلبي وش له هالدموع الحين,بعدين لآزم أسرع في العمليه لا ينتشر اكثر.
نُهى ضمته ونطقت برجفت صوتها؛عزيز خايفه.
عبدالعزيز ابتسم واهو يسمح على شعرها