الرابع
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم وليفي ذاك الغجري`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
4
رماح: اه ال الانا انتي
الانا: بدي حاكيك. بموضوع بعد المباراة
رمّاح: طي طيب
الانا: شو رأيك باكلة بتشبه البرغر 😂
رمّاح: شو هيي 🙂
الانا: تعال ساعدني يلا
لحقا ع المطبخ وعطتو علبتين مرتديلا
الانا: صح فاشلة بالدراسة والطبخ بس بعرف اطبخ كم طبخة يعني😂
رمّاح: شو ساوي بالمرتديلا انا
الانا: ليك بدي تفتح العلبة وتطلع المرتديلة متل ماهيي فهمت عليي كيف
رمّاح: سهلة
الانا: يلا حساوي البندورة والخس صحي بتحب الثوم ولا كتشب ولا حد
رمّاح: امم لا كتشب وحد
الانا: ماشي وانا مابحب الثوم اصلا
قطعت البندورة شرحات وهوستهن بسمن عربي وزيت مع بهارات وكذا
(اكيد ماحتتحول الرواية لطبخ بس مافي اكل لسا ماجابو شي يعني 😂)
الانا: ليك اصلا مافي غير توست حتى خبز ماجبنا بيمشي حالها 😂
رمّاح: بصير كلشي من ايدك طيب
الانا: احم ووو هي موزاريلا بتضيف طعمة طيبة اكيد
رمّاح: انتي عم تجربيها عليي شي الاكلة؟ ولا عم تخترعي الله يخليكي المشافى مابحبا
الانا: شفتا عالنت بس ماجربت
رمّاح: اكلت هوا 🫠
الانا: لا هلق بتاكل شي طيب من تحت ايديي
رمّاح: مندوق شو نعمل يعني
الانا: ييي كانو طولنا حيأذن العشا
رمّاح: لي قديش باقي 😳
الانا: ربع ساعة
رمّاح: رايح صلي بالجامع وبس ارجع بتسخنينن بالمايكرويف
الانا: لا تتاخر جيب معك سناكات شيبس واكلات طيبة
رمّاح: مضرّة
الانا: لا تقلد ابي امانة ها
رمّاح: طيب طيب
تركا وراح ع الجامع يلحق الصلاة وهالمرة كانو الناس اكتر
رمّاح: ماشالله في ناس اكتر من عشيرتنا
فراس: انت من وين يا اخ
رمّاح:: انا من عشيرة رحّالة
فراس: اتشرفت ساكن هون ولا جاي تشوف البلد
رمّاح: والله جاي قضي رمضان هون وارجع ع عشيرتي
فراس: وين ساكن
رمّاح: الصراحة اليوم اجيت انت من الحي؟
فراس: اي
رمّاح: بتعرف بيت ابو ادم
فراس: اي جارنا
رمّاح: انا ساكن ببيتو
فراس: ببيتو؟؟
رمّاح: اي انا صهرو
فراس: صهرووو بتقصد زوج بنتو
رمّاح: اي في مشكلة؟؟
سمعو صوت الشيخ عم يقول استوو
سكتو وبلش معاوية صلاة فيهم
بعد الصلاة قعدو شوي حكا الشيخ انو لازم يحافظو ع الحي لانو متوسخ
رجعو كلهن ع بيوتهن وفراس عم يلحق رمّاح ليتأكد
فاات رمّاح ع بيتو وفات فراس ع بيتو
فراس: امي اميي
ام فراس: شو فيه ابني
فراس: جيرانا رجعو
ابو فراس: عنجد لروح سلم. عليهن
فراس: مو ابو ادم ابي
ام فراس: مرتو
فراس: لا
ابو فراس: لكن
فراس: بنتو وصهرو
ابو فراس متفاجئ: عنجدد
فراس: اي والله
ابو فراس: يلا بكرا بروح بتعرف ع صهرو انت شو عرفك؟
فرلس: كنا بنفس الصف بالجامع تعرفت عليه وماكنت صدق انو فعلا عمي ابو ادم. زوج بنتو الو
ابو فراس: ليش؟
فراس: غجري يا ابي مبين من لهجتو ولبسو مشان هيك. سألتو
ابو فراس: النسب مو شرط باللهجة او بالتياب او من البلد بعدين ابو ادم بعرفو اذا ماخابزو وعاجنو مارح يعطيه بنتو
فراس: اي والله يلا انا طالع
وصل رمّاح ع البيت معصب
الانا: يلا جهز الاكل
حطت الاكل قدامو وما اكل شي
الانا: شبك
رمّاح: شو اوضاعهن الجيران بقصد. مناح؟
الانا: ليش هالسؤال
رمّاح: عم اسأل جاوبي
الانا: انا مابعرف غير جارة وحدة اصلا كان ممنوع علينا نطلع ونفوت غير لعندا لانها منيحة
رمّاح: شو اسما
الانا: ام فراس
رمّاح : وابنا شو اوضاعو
الانا بضحكة: اشقد الساعة
رمّاح: 9 ليش
الانا: عز الطلب تعال لشوف
اخدتو وطلعت ع الغرفة فتحت شباكا شوي ونزلت الجلالة
رمّاح: شو فيه
الانا: هششش هلق بتعرف
بوقف فراس تحت الشباك وبيفتح موبايلو بكون عم يرن
فراس: اي يعمري... مشتاقلك كتير... يي تؤبريني وانا بحبك.... ولو فيي انساكي انتي موجودة بكياني... ايلافووو حبيبي بعتيلي صورتك مشتقلك
كان كل هاد تحت مسامع رمّاح للمستغرب والانا الي فارطة من الضحك
رمّاح: مع مين عم يحكي
الانا: هششش تعالي رح ننفضح سكرت الشباك وطلعو ع الصالون
طلع معاوية ع للبرندا وشاف فراس
معاوية: ولا فراس ماحتبطلها لهالعادة
فراس: احم باي حبيبتي سكري
فراس: رح تشوف المباراة اليوم
معاوية: لا القعدة مع العيلة مابتتفوت
فراس: تسطفل اليوم مباراة مهمة ها مدريد وبرشا
معاوية: بربك
فراس: اي والله
معاوية: اي بشوفها بالبيت لكن سلام
عند رمّاح
رمّاح: لك شبك عم تضحكي
الانا: هي حبيبة جديدة ها 😂
رمّاح: مافهمت
الانا: لك هاد يوميا كان هيك كل يوم بيحكي مع حبيبتو هون وكل فترة وفترة بيتغير الاسم وع بعتيلي صورتك وغزل وهيك وانا بقعد بتسمع وبضحك بتسلى يعني
رمّاح: ايواا
الانا: وفي كم مرة كبيت عليه مي بيستاهل عم يلعب ع بنات الناس
رماح: طيب خلص الاكل
الاتا: يعني ماشفتني حطيتو
رماح: نسيت
قعدو. اكلو وجهزت اغراض السهرة
قعدت الانا وبلشت المباراة وعيونها عم يركدو ركد
الانا: انت مين بتشجع؟
رمّاح: مابعرف بس بحس الي لابسين ازرق واحمر
الانا: انت عدوي لكن
رمّاح: انتي الي لابسين ابيض؟
الانا بفخر: اكيد مدريدية 😂👑
سكتو شوي واول غول كان لصالح مدريد. طارو عقلاتا ل الانا ورماح كان صافن بحكي عنود ومو مركز ماحس ع حالو غير اجت مخدة عليه
رماح: بسم الله شو فيه
الانا بحزن: خسرت💔
رمّاح بضحكة: ههه هاد. الي هامك
الانا: شوف اصلا برشا ماصدقت حالا فازت عم يحتفلو اتطلع اتطلع متل كيس الخيش منظهرهن
رمّاح : خلصنا طفي الشاشة واحكي معي شو كان بدك تقولي
سكرت الانا الشاشة وجلست قعدتا وردت شعرا لورا
الانا: امم بدك تسمعني للاخر
رمّاح: ماشي
الانا: انا وعدت شخصين انك ماتلمسني وخليني كون صريحة اكثر مستحيل شوفك اكثر من اخ وصديق ولا تواخزني ع صراحتي الزايدة بس قلت وعدي مابخلفو
نزل هالكلام صاعقة ع رمّاح
رمّاح: يعني
الانا: المشاعر دايما مابتكون محددة بدنا وقت لنعرف شو بدنا وشو مابدنا
بدنا وقت لنعرف اذا مشاعرنا صادقة ولا عابرة يعني وقت وبتروح
وانا ماعم استخف فيك وبمشاعرك تجاهي لا ابدا بالعكس انا مابحب اظلم حدا معي بس بدي ياك تفكر منيح وبقولو خود الي بحبك مو الي بتحبو وانا بقلك خود عنود مابتندم انسانة صادقة ومتصالحة مع حالها وانا من اليوم ورايح رح عاملك متل اخي متل ماكنت عامل بابا واخي افرح لاصغر شغلة بيعملوها احزن لحزنهن وافرح لفرحهن بس كلو هاد مو يعني اني بحبك حب خاص انا قلبي معلق بمعاوية رح حبك متل اخي ادم. وبتمنى ماتزعل مني
تركتو وقامت
الصراحة احيانا بتوجع بس احسن مو انو نشوف الرفض ع الوجه وماينقاال ونوجع الشخص اكتر بطريقة اصعب لازم ناخد الامور بروح رياضية بس بنفس الوقت مانجرح الشخص التاني بصراحتنا الزايدة نقولها بطريقة لطيفة وكلاس
صفن رمّاح ودموعو قربو لينزلو طلع ع البرندا وصفن بالقمر الي شكلو رح يكتمل بدر
عند معاوية
احمد: شبك يازلمة
معاوية مابعرف حاسس حالي فرحان 😂
جوى: الله يسمعنا الاخبارة الطيبة واخيرا شفتك. عم تضحك
معاوية: هسس وليه شو نسيتي كنت كل يوم اقعد صالحك مع هالكديش الي جنبك
جوى: هاد مو كديش هاد جوزي
احمد: بزمناتو كان كديش 😂
احمد: الله يسامحك هاد. الي طلع معك 😂
جوى: خبرنا ماسر السعادة 😉😂
معاوية: صدقيني مابعرف هيك فرحان بس
احمد: انشالله دايما قومي سكتي هالولد
جوى: اصلا انت مابقا حبيتني لو بتحبني كنت ساعدتني فيه
اشرلو معاوية انو قوم بسرعة احسن ماتاكل قتلة 😂
صفن معاوية وطلع ع البرندا بفوتت رمّاح ع غرفتو
معاوية: غريب هالجار لهلق ماسمعنا عنو شي
صفن بالبدر وصار يتذكر
(انا تذكرت طلع البدر علينا ومعاوية بيتذكر حبيبتو اختلاف مشاعر 🙂)
معاوية: متل هالايام استلمت اول رسالة منك ياجرحي وندم حياتي اشتقتلك يا ضو عيوني وملاذي اشتقت اكتبلك. رسائل كل يوم واشتقت لحكياتك وريحتك ع رسالتك ياترى بتكوني حملتي ولا لا شو بكون موقف رمّاح اذا عرف اني كنت حبيبك بيوم حاسس حالي ماحاربت كرمالك يعني سخيف ووضيع بس الكل كان ضدي العشيرة ورماح وابوكي حتى اخوكي الصغير كان ضدي يمكن شو ذنبي يا الله
صفن بالارض ورفع راسو صار يتذكر هويتو
الاسم: معاوية الجبلي
اسم. الام: مجهول النسب
اسم الاب: مجهول النسب
قعد بارض البرندا وصار يبكي بقلب محروق
دمعة الرجل ما بتنزل الا ع الغالي نزلوا دموعو لانو لو اتزوج ب الانا ولادو مجهولي النسب عم يدعي انو رب العالمين يخترلها الخير
معاوية عم يقرء قرءان بصوت حزين وعالي قرء سورة يوسف من اولها ووقف عند الاية 86
قَالَ إِنَّمَآ أَشۡكُواْ بَثِّي وَحُزۡنِيٓ إِلَى ٱللَّهِ وَأَعۡلَمُ مِنَ ٱللَّهِ مَا لَا تَعۡلَمُونَ (86)
كانو اهل الحارة متعودين بهالوقت يقرء قرءان الكل بيقعدو جنب الشببيك وبياخدو بريك من الحياة مع صوتو.
رمّاح: غريب هالجار
الانا: بتعرف سامعة صوتو بس مدري وين
رمّاح: وانا
الانا: يلا انا رايحة نام لكن نعست
رمّاح: ماشي
بقي رمّاح بالصالون عم يفكر بكلشي صار وعنود ماعم تروح من بالو
رمّاح بقلبو: ليش ليش هلق شو الي صار ليش هلق حتى حكت حسبي الله ونعم الوكيل ولا الانا ومعاوية من وين عم تجيني الضربات
تاني يوم
بروح رمّاح ع صلاة الفجر ونفس الصوت الامام ودايما ع حظو اخر واحد وجنبو فراس
رمّاح: مين يلي كان عم يقرء بليل؟
فراس: نفسو الامام هاد يوميا بيقرء شوي من القرءان وبفوت ولما اهل الحارة التمسو فيه الادب وانو عم يحاول مايزعجهن قالولو يقرء بصوت عالي و يسمع الكل
رمّاح: محترم والله
فراس: اي والله كل الحارة بتحبو
رمّاح: خير نشالله
فراس: اخي رمّاح امي وجارتنا بدهن يجو يباركو لكريمتكن
رمّاح: اهلا وسهلا بنورو
بعد مارجعو من الصلاة فات وخبر الانا
الانا: اي اهلا وسهلا بس ناقصنا ضيافة
رمّاح: رح جيب بس ليكي ماتعطيهن وجه لسا مامنعرفهن
الانا: لك بيعرفوني من لما كنت العب بالحارة 🙂
رمّاح: تلعبي بالحارة؟؟
الانا: اي كنت صغيرة كنا نلعب انا وفراس وكم وحدة وواحد دحاحل ياه ايام كانت حلوة
رمّاح: حلوةة؟؟
الانا: شبك
رمّاح: شو بدك ضيافة
الانا: جبلي..
منروح عند العشيرة
بتكون عنود قاعدة ع اعصابا خايفة من الي حيصير ياترى شو بكون عم يعمل نسي انو حاكتو نسي الي قالتو وصارت تتندم ع الي قالتو
عند المزيونه
قاعدة لحالها عم تبكي اربعين اخواتا خلص والحزن لساتو هو هو
بيجي شخص وراها بيقعد جنبا
مجاهد: بدك تضلي تبكي؟
المزيونه: مو بأيدي مجاهد صدقني
مجاهد: رب العالمين هيك رايد شو نسيتي كمان عرسهن كان قريب يعني حزنك مو قد حزن زواجهن صح؟
المزيونه: صح
مجاهد: شديلي حيلك بدي ياكي قوية يبقى الناس عم بضربو المثل فيكي ويقولو رجعت متل اول واقوى كرمال اخواتا الصغار
بفيق اخوها الصغير عم يبكي
مؤيد: اختييي
المزيونة: شبك حبيبي
مؤيد: مابعرف
المزيونه: تعالي لعندي
قعد بحضنا وصارت تمسدلو ع شعراتو لرجع غفي
كان مجاهد عم يتطلع والغصة بقلبو شو ذنبا لتعيش هيك هيي شو الي تغير بالدنيا لحتى ماتعيش حياتها صح
مجاهد: مزيونة
مزيونة: هااا
مجاهد: بحبك ❤
التفتت عليه واتجمعو الدموع بعيونها
قربا منو وعانقا هو بيعرف انها بتحبو من نظراتا مافي داعي تحكي ومع هيك بيبقى ناطر ليجي اليوم وتقلو ياها هي وبحضنو
عند عزة وامير
عزة: لك حيصير عمر ابنك سبع شهور ببطني وابنك التاني صار عمرو 3 سنين وعم تخوني يا امير
امير: نزوة ياعزة نزوة والله
عزة: شو هي نزوة وشهوة وبطيخ انا مابقا اتحمل العيشة معك ابدا عم تفهم
امير: حسبي الله ونعم الوكيل خليكي لاشرحلك الموضوع عزة
رتبت عزة تيابا وراحت عند اهلها
عند دهب
محمد: حبيبيي دهوبتي
دهب: شبك محمد لساتني نعساتة
محمد بزعل: مو ملاحظة عم تنامي كتير بهالحمل
دهب: يعني بنتك النعسانة مو انا
محمد باستيعاب: بن بنتي؟
دهب:اي بنتك ولتكون البنت مو عاحبتك
محمد من فرحتو حملها وصار يدور فيها
محمد: واحلا بنت والله
دهب: تركني نام
عند اسماء وابو ادم
اسماء: خلص لك موسى البنت تزوجت ومشي حالها
موسى: حاسس في شي غريب معقول تكون حاكيتلو ويفكرني زوجتو ياها لاستر عليها
اسماء: رمّاح ابن اصول ماحيفكر هيك
موسى: وبلكي فكر
اسماء: خلص هلق بتروح هيي لهنيك بتريح راسا وبتفهم انو الي عملناه صح وبعد العيد منروح نحن منرجع ع البلد ورماح وين بدو بيقعد
موسى: بس انا هيك وماني متحمل البعد عنها انتي مابتعرفي قديش بحبا. لو قسيت عليها بس كان بدي مصلحتا
اسماء: بس نحنا ظلمناها مو
موسى: كيف بدك ياني اعطيها لواحد مجهول النسب فهميني كيفف
اسماء خلص طول بالك حصل خير وهي ليكها اتجوزت
موسى: حسبي الله ونعم الوكيل بس
اجت ام فراس وجارتها لعند الانا
ام فراس: والله فرحتيني شو فرحتلك لك بنتي
الانا: تسلمي خالة هاد من ذوقك
جارتهن ام مأمون: شلون لقيتو العيشة هنيك
الانا: احلى والله ياخالة صح هون ربينا بس كمان هنيك بتحسي بالاخوة الكل بحن على بعضهن وكرما
ام فراس: يعني امك مارح ترجع
الانا: مبلا بس اجينا انا ورماح لهون فترة بس ويا منرجع يا منبقي عن اذنكن شوي
تركتهن وراحت لتجهز ضيافة
ام فراس: حليانة مو
ام مأمون: اي ونصحانة شوي
ام فراس: ما انتبهت
ام مأمون: هي ع الجواز بجوز
ام فراس: ماشالله شكلو صهرهن معبى
ام. مأمون: اي والله كان بدي اخطبا لابني بس ليكي النصيب
ام فراس: يلا الله يبعتلو الاحسن
ام. مأمون: نشالله
ام فراس: ليش ماجبتي جارت ام رجب جوى معك بتتسلى
ام مأمون: لك. ابنا الصغير كتير تاعبها يحرام شكلهن بدهن يجو ولادا صعبين وجوزا شغلو داقر عم يدور ع شغل هو واخوه
ام فراس: والله وجيرتهن طيبة
ام. مأمون: اي والله محترمين كمان قالو انهن جايين من عشيرة كمان
ام فراس:اي سمعتا لما قالت
ام مأمون': لاحظتي لسانها ل الانا نعوج بهالروحة
ام فراس: عايشة مع الغجر مابدك ينعوج
ام مأمون: اي والله
ام فراس: انتي طلعتي شهر ع الاردن رجعتي عم تقولي هسا وشو مالك وماتحكيش ماكنا نفهم عليكي
ام مأمون: الله يسامحك 😂
(هيك النسوان بتغيبو عنهن دقيقة بكونو نشرو عرضكن 🙂)
الانا: الله يجعل هالضحكة دوم ع وجهككن
ام مأمون: تسلمي يا بنتي تسلمي
ضيفتهن القهوة وقعدت
الانا: لسا في عالم عم تسرق وينزلو ع البيوت بليل ولا لا
ام. فراس: والله من لما اجى جاركن الي مقابيلكن لقطهن شي 3 مرات عم يسرقو مابقا قرب حدا من هالصوب
الانا: ماشالله يعني مابقا في نزلة ع البيوت وهيك
ام مأمون: لا الحمدلله وحينا كمان فيه جامع وكلو حارة كبيرة كلنا منعرف بعض والشيخ حط يوميا شخص بناوب ع الحارة وهيك مابقا حدا اتضرر
الانا: ماشالله والله الحمدلله صار في قانون مابقا تخافو
ام. فراس: اي والله الله يديم نعمة الامان علينا وع امة محمد
الكل: امين
ام مأمون: شو ما مخبيتيلنا شي 😉😂
خجلت الانا ونزلت راسها
ام فراس: ام مأمون لاتخجليها للبنت لساتا عروس
ام. مأمون: في بنات بيحملو من اول ليلة صحي اشقد الكن متزوجين
الانا: يعني قريب الشهر
ام فراس: يعني لساتكن عرسان
الانا رح. تنتف حالا: اي لساتنا عرسان
ام مأمون: يعني ما مقررين يرجعو اهلك
الانا: بظن بما انو الاوضاع هديت بيجو بعد العيد
ام مأمون: تنور الحارة بوجودهن
الانا: نورك كافي
مرق اول شهر والثاني وفاتو برمضان وكان معاوية معين شيخ اساسي بالجامع والكل بنادولو بالشيخ (كل عمرو بالعشرينات😂) ورماح لقا شغل بروح الصبح بيرجع المسا بس هلق برمضان فاضي عم يرجع بكير ومعاوية مستلم المشيخة وعم يشتغل مع احمد شوي يساعدو بالمصروف والانا كل نهارا ع الشاشة 😂
وبالنسبة لعلاقة رمّاح والانا سيئة شوي لانو عم يتعامل بجفاصة ومد ايدو عليها مرتين خصيصا برمضان الرجال بجنو
ابو فراس: ابني رمّاح
رمّاح: امرني عمي
ابو فراس: بكرا 15 رمضان يعني نص الشهر رح نعمل سفرة بالحارة للرجال والنسوان رح يتجمعو عندي بالبيت لانو بيتي كبير
بو فراس: منتشرف عم فكر روح جيب عمي ابو ادم يقضي باقي رمضان هون
ابو فراس: بتلحق؟
رمّاح: اذا رحت هلق اي بلحق
ابو فراس: تمام روح خود زادك وروح جيبهن
رمّاح : عن اذنك عمي
فات ع البيت وقالب وجهو كالعادة
الانا: اهلين رمّاح
رمّاح: انا نازل ع العشيرة جيب اهلك واجي
الانا: ششو رأيك تجيب ابوك
رمّاح: ابي شيخ العشيرة كيف بدي جيبو
الانا: بعتذر اسفة مو قصدت 🙂
رمّاح: جهزيلي الزاد فايت لجوا ريح راسي
الانا حاضر
رتبتلو اغراضو بسرعة وعطتو ياهن وهو حمل حالو وراح
الانا: درب الي يسد مايرد
قامت الانا جهزت الفطور لانو رح تفطر لحالا اليوم وقامت نامت
بعد 5 ساعات وصل ع العشيرة ورحبو فيه ترحيب يخبل
ابو رمّاح: نسيتنا لك ابي
رمّاح: انتو بالقلب يا ابي بس والله المدينة بتشغل
ابو ادم: بس حلوة مو
رمّاح: والله ياعمي بعد العشيرة مافي لحدا يحكي ايواا 😂
ابو ادم: اي والله
الكل: 😂
بعدين صار وقت الفطور وقعدو العيلتين يفطرو سوا
عيلة ابو ادم وعيلة ابو رمّاح
بعد الفطور
رمّاح: اي عمي ابو ادم
ابو ادم: امرني
رمّاح: بكرا عاملين عزيمة بالحارة وابو فراس عازمك وقلي اجي جيبك تكمل رمضان هنيك وانا تارك الانا لحالها فاا شو رأيك تقوم. مشان نستعجل
ام ادم: اي والله يارجال والله اشتقت للبيت
ابو ادم: هيك قولتك
ام ادم: اي والله واشتقت ل الانا من ايمت ماشفتا
ابو ادم: خلص قومي رتبي الاغراض
ابو رمّاح: حتطول الغيبة؟
ابو ادم: بدك تروحي معي والله
ابو رمّاح: هههه الله يسامحك والعشيرة
ابو آدم: هيو اخوك ابو محمد ماشاءالله عليه ماسك العشيرة وزود
ابو رمّاح: بس
ابو آدم: بلا بسبسة يلا اختي ام رمّاح مابدك تشوفي كنتك
ام رمّاح: اي والله الله يخليك يا شيخ
ابو رمّاح: خلص قومي رتبي غراضنا رايح قول لاخي ابو محمد ومنو حابب زور المدينة والله
ابو ادم: بتنورو
طلع رماح برّا الخيمة سلم ع رفقاتو واتطمن ع خيلو وهو وراجع شاف عنود عم تراقبو
رمّاح: عنود
لما عنود انتبهت انو شافا تركتو ومشيت حاول يلحقا بس ماقدر تركا ورجع ع الخيمة
رتبو غراضهن ودغري ركبو الخيول واتوجهو ع المدينة
عند الانا
قاعدة متوترة وخايفة كانت مجهزة كلشي لتستقبلهن وقافلة البواب خايفة شي ينزل لعندا وقاعدة جنب الشباك سرحانة بخيالا وعم تذكر معاوية وتبكي
تحت ضو القمر والنجوم، قعدت جنب الشباك، عم تتأمل السما وتسترجع ذكريات حبها الأول.
ألانا: في ليالي السكون، تلمع النجوم، تذكرني بحبٍ كان في القلب يدوم.
رسائلنا، كلماتنا، ضحكاتنا، كلها في الذاكرة، كأنها اليوم. يا حبيبي، يا شهيد الروح، رغم الفراق، حبك في القلب يبوح. تزوجتُ غيرك، لكنك في القلب، ذكراك تظل، كالنجم في السماء. أراك في كل نجمة، في كل قمر انت الأمل، أنت الحلم المنتظر.رغم البعد، رغم الفراق،
حبك في القلب، لا يعرف الانطفاء.
مسحت دموعا وقامت ترتب مكياجا عشان تبين انها مو فارقة معا ولهلق اخد ع خاطرا من ابوها
قعدة بالصالة تنطرهن وغفيت ع الكنبة
ماحست الا والباب عم يندق قامت مرعوبة وقفت ورا الباب هيي وخايفة
ألانا بتوتر: م مي مين
رمّاح: نحنا افتحي
فتحت الباب وعانقت امها فورا وصارت تبكي بوست اخوها وسلمت ع حماتا وعما وزوجا
اخر واحد فات ابوها اتطلع فيها هديك. النظرة الي كانت تستقبلو فيها قبل مايروحو للمدينة هي ورماح
موسى: كيفك الانا
الانا: اهلين بابا اتفضل يا اهلا وسهلا نورتونا
(انا متأكدة البعض حيكون منحاز لطرف الانا والبعض لطرف الاب لانو الطرفين معهن حق وخلينا نكمل لانو بالنهايات بينكشف كلشي)
بعد شي ساعة من التبويس والأحضان
ام آدم: يلا خلينا نفوت نرتاح وننام
ألانا: ماما غرفتك وغرفة بابا لساتا وخلي عمو ومرت عمو ينامو بغرفتي وانا ورماح رح ننام بالغرفة التانية
ابو رمّاح: لا والله شو تنامي بغير غرفتك اعوذ بالله
ابو آدم: ابو رماح مابنام غير بغرفتي وانا حلفت
ابو رمّاح: انت دايما بتسبقني وبتحلف
الكل: 😂
ابو آدم: خلص فوت نام بغرفتي والانا فوتي نامي بغرفتك انا وامك بننام بالغرفة
رماح: لا اعوذ بالله عمي مابصير
ابو آدم: شو الي مابصيىر لك عمي
رماح: بدك تزعلني عمي
ابو آدم: خلص ماشي رح نفوت نرتاح نحنا والصباح رباح
ابو رمّاح: يلا تصبحو ع خير
الكل: وانت من اهلو
راحو الكل ع غرفهن وكان في غرفة فيها تخت واحد مفرد فاتو عليها رمّاح والانا
الانا: رمّاح
رمّاح وعم يقفل الباب: نعم
الانا ببكي: ابي قايل لماما تفحصني
رماع مصدوم: شوو 😳
الانا: قال تفحصني ليش لهلق ماحملت
رمّاح: خلص تركيها عليي رتاحي انتي بكرا عندك يوم متعب بمساعدة الجيران
الانا: طيب ا اه ا وين حنام
رمّاح: رح نام ع الارض انتي نامي ع التخت مشان ضهرك وبطنك كرمال ماتاخدي برد
خجلت الانا من حكيو وتسطحت اتغطت كان مبين بس وجها
رمّاح: الجيران حيعزمو حدا مامنعرفو؟
الانا: مابظن
رمّاح: صحي هلق هاد الجامع مافي غيرو؟
ألانا: اي نحنا حي كامل مافيه غير جامع كرمال هيك عجقة
رمّاح: لك عجقة كتير في ناس صارت تصلي برا التراويح والفجر
ألانا بضحكة: اي عادي بس ماكان هيك من قبل غريبة هالسنة 😂
رمّاح: ياسيدي الشيخ. لهلق ماشفتو كل ماروح لسلم عليه بلاقي حوليه حشد عم يسألوه بعدين بطلت
الانا: ماعرفت اسمو؟
رمّاح: الكل بناديلو شيخ خجلت اسأل عن اسمو
الانا: اي مافيها شي
رمّاح حس انو في حدا عند الباب قرب ناحيت الانا
رمّاح: تغطي منيح حبيبتي مشان ماتبردي وتضعفي ماناقصك
الانا مفنجرة عيونها عطاها اشارة انو في حدا عند الباب
الانا: اي يسلم ايديك لا تتعب حالك ساويلك شي؟؟
رمّاح: قلتلك ارتاحي اذا لازم شي انا بساوي
الانا: اي يسلم ايديك ارتاح انت تعبت اليوم رحت سفرة واجيت
رمّاح: بعديلي لكن 😂
الانا: يلا
قعد ع التخت واتنهد
رمّاح : هوووف
الانا:ارتعبتت
اتطلع فيها رمّاح وصفن
الانا: خير في شي
رمّاح: نيالو معاوية
الانا بتوتر: ت تصبح ع خير
تغطت منيح والتفتت ع الجهة الثانية
عند جوى واحمد
جوى: شو حنساوي
احمد بتوتر وعم يفتل بالغرفة: مابعرف مابعرف رح جن نعست وماقادر نام هووووف
حوى: طول بالك استهدي بالله
احمد: حسبي الله ونعم الوكيل هالشي الوحيد الي ماكنا حاسبين حسابو
جوى: هلق بظن اذا شافك مايحكي شي بس رح يسألك عن معاوية واذا معاوية قعد ع الطاولة حيشوفو بعض
احمد: والمصيبة اكيد. رح يقعدو معاوية عراس الطاولة حيشوفو بعض اجباري
جوى: خلص اتسطح وارتاح شوي
احمد: رايح فوت ع الحمام بلكي بتخطر شي فكرة
جوى بضحكة: لك لسا الك خلق تنكت بهيك وقت
احمد: رح انجلط شو ساوي
جوى: سلامتك خلص سلم امرك لرب العالمين ونام مابصير غير يلي الله كاتبو
احمد: وانتي قلتيها مابصير غير الي الله كاتبو
تسطح وهو متوتر بعد ماعرف انو الي ساكن مقابيلو هو اخوه رماح عرف من فراس هالشي
تاني يوم كانت الحارة معجوقة وع العصر بلشو يصفو طاولات وكراسي ع طول الشارع وحطو مي وكاسات وصحون وشغلات الفطور والنسوان رتبو كلشي بالبيوت قرب الوقت ع المغرب ونزلو الكل قعدو ع الكراسي والشباب بلشو ينزلو الاكل
سلمو الحارة ع ابو آدم وهنوه بسلامتو واتعرفو ع ابو رمّاح ورحبو فيه كتير لانو من طرف ابو آدم كمان وشيخ عشيرة قعدو ع السفره وبعد ماخلص رماح وخلصو الشباب قعدو.
ابو فراس: شو وين الشيخ واخوه؟
فراس: ابي قال هلق اجو من الشغل رح يبدلو ويطلع يأذن ويجي
ابو فراس: يلا بكون صاؤ الوقت قوم وزع تمر ومي
فراس: حاضر
عند احمد: بسم الله الرحمن الرحيم لاحول ولا قوة الا بالله استغفرالله العظيم ياربي يارب والله تبت ياربي الله يعيني ع هالنهار هوووف
جوى: خلص يلا روحو انا تأخرت ع النسوان
احمد: تصرفي طبيعي مع ألانا وحاولي لاتخليها تشوفك واذا شفتي امي حاولي اتجنبيها مشان ما تسألك ع معاوية لانو من العشيرة انتي.
جوى: حاضر
نزلو احمد ومعاوية ومعاوية مشتلق ع احمد كيف متوتر نزلو من البناية راح معاوية اذن ورجع هو واحمد
معاوية: السلام عليكم ورحمة الله وبركاته
الكل: وعليكم السلام ورحمة الله وبركاته
ابو فراس: تعال يا شيخ تعال يا احمد سلمو ع الضيف وجارنا بالحارة
وقفو ابو ادم وابو رمّاح ورمّاح ليسلمو وقرب منهن احمد ومعاوية
واحمد لما قرب اجتو الجمدة هو ومعاوية لما وضحو قدامهن
وايوب وموسى ورمّاح ماعم يصدقو الي عم يشوفو
ابو رمّاح: بسم الله الرحمن الرحيم
ابو ادم: استغفر الله اعوذ بالله من الشيطان الرجيم
رمّاح قرء المعوذات هو وواقف
ابو فراس: خير شو فيه
ابو مأمون: ششو القصة
ابو رجب: مابعرف خير نشالله
معاوية عشان مايشلق حدا
معاوية: اهلين وسهلين عمي نورت اتشرفت بمعرفتك
سلم عليهن وعيونهن مارمشو
معاوية: اتفضلو اتفضلو نورتونا الحارة حارتكن
قعدو ع الفطور وبلشو اكل
عند النسوان
ألانا: عفوا بس انا وين شايفتك
جوى بتوتر: اه
ام فراس: هي جارتك الي مقابيلك
التفتت ام رمّاح عليها واتجمعو الدموع بعيونا
ام رمّاح: ا انت انتي
جوى: عن اذنكن ياجماعة
اخدت ام رماح من ايدها تحت استغراب الكل
فوتتا ع المطبخ وقربت منها ام رمّاح وسلمت عليها
جوى: خالتي الله يخليكي لاتجيبي سيرة لحدا يعني بيعرفو اني من عشيرة بس مابدي يعرفو التفاصيل
ام رمّاح بصرامة: ليش شو القصة وشو فيها بس بدي تحكيلي كلشي وليش استقبلتو معاوية وليش قتلتو ابني احمد كلشي بدك تحكي وهلق
جوى: كلشي متل شو؟
ام رمّاح: لكن
جوى: ياخالة القصة رح تنعرف بعدين يعني رح تنعرف خلص بتسمعوها من غيري
ام رمّاح: لييش
بفوتت ام ادم: يلا النسوان عم يستنوكن شبك ام رمّاح.
جوى: يلا اتفضلو اتفضلو
بعد الفطور الكل اتحلى وقامو ع صلاة العشا
وقفو بالصفوف الامامية هالمرة لانو ضيوف وشايفين قدامهم معاوية ولهلق مذهولين ولسانهن مو قادر يتحرك.
معاوية: الله واكبر
بدء بالفاتحة واستفتح بسورة النساء
ممعاوؤة: يَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا (1)
وختمها عند الآية 58
۞إِنَّ ٱللَّهَ يَأۡمُرُكُمۡ أَن تُؤَدُّواْ ٱلۡأَمَٰنَٰتِ إِلَىٰٓ أَهۡلِهَا وَإِذَا حَكَمۡتُم بَيۡنَ ٱلنَّاسِ أَن تَحۡكُمُواْ بِٱلۡعَدۡلِۚ إِنَّ ٱللَّهَ نِعِمَّا يَعِظُكُم بِهِۦٓۗ إِنَّ ٱللَّهَ كَانَ سَمِيعَۢا بَصِيرٗا (58)
صلو العشا والوتر والتراويح
وبعد الصلاة رجعو ع بيوتهن
قعدو الرجال بغرفة وكلهن ساكتين
ابو رمّاح: كان يأذن لحالو يصلي لحالو هلق بيجو ناس من احياء تانية ليسمعو تلاوتو؟
ابو آدم:....
رمّاح: صرلي شهرين بصلي بالجامع وما خطرلي انو هو
ابو آدم: كيف ما انتبهت؟
رمّاح: والله ما انتبهت كنت بالصفوف الاخيرة ومايصحلي شوفو
عند النسوان
ألانا: شبكن من اول مارجعتو لا انتو ولا الرجال طبيعيين شو فيه ومخبيين عليي
ام ادم : لا ولا شي لاتهتمي
عند معاوية
كان معصب لابعد حد وعم يكسر اي شي بتطولو ايدو
معاوية: ماتحكي يزلمة شو انا قاعد متل حمار ليش ماحكيت هي انكشفت كل اللعبة
أحمد: روق صدقني انا مبارح لعرفت وهي جوى اسألها
معاوية: وانتي جوى الي ع اساس اختي مو لازم كان تعرفي من احاديث النسوان هيها قاعدة مقابيلي ولا انا حاسس ولا هي متل الحمير والله رمّاح الي اخدها مني قاعد هو وياها شو مستنييين مني بس قولولي
احمد: اهدى معاوية بالله عليك اهدى بلا مايصرلك اشي
معاوية بهستيرية: شو بدو يصير اكتر من الي صار اااه شو بدو يصير والله احترام للوجوه الطيبة ماخربت العزيمة كلها ع بعضها تحت وبتعرفوني وقت جحش
احمد بعصبية : ايي معاوية انا ماكنت بعرف اصلا هلق حتى شفتهن وانصدمت اكتر منك افهمنييي كنت بعرف بس انو رماح مقابيلي وماكنت بعرف اننو هاد بيت ابو ادم. سابقا
كانو كل الجيران مو مستوعبين الي عم يسمعوه معقول بيت الشيخ يطلع منو كل هالصوات الكل ع البرندات وع الشببيك وبالحارة عم يتسمعو والانا مستغربة شو هالتكسير والباقي قاعدين وهديانين عرفانين شو القصة
رمّاح: وليش عم يكسر كل هالقد عبالي اطلع اكسر راسو
ابو رمّاح: رفيقو ومرتو معو اقعد
رمّاح: هاد مو رفيق قاعد. عم يتستر ع عمايل معاوية
ابو رمّاح: اخرس يسطفل منو الو
ابو ادم: اهدو شوي
ابو رمّاح: شو صار ياترى بس كانو رفيقو وجهو مألوف
رماح: ماطلعت فيه لانو معاوية صدمني
ابو رمّاح: وانا مانتبهت كان الضو خفيف
هدي شوي وبعد نص ساعة الكل فات ع بيوتو وهديت الاوضاع والناس بس بدها كلمة لتبلش حكي صارو كلهن يتراسلو ليفهمو الي سمعوه صح ولا للا
عند الانا
الانا: ماما حاسة حالي دايخة وحرارتي مرتفعة شوي
اسماء: تعي لشوف يييي حرارتك مرتفعة كتير
الانا: حاسة حالي مو صحيانة اب
لسا ماكملت كلمتا كان عم يندق الباب
طلع رماح بسرعة
رماح: لحدا يفتح فوتو انا بفتح
فاتو وصار بتطلعو من ورا الباب واسماء لما عرفت سكرت الباب فورا
الانا: ماما افتحي لشوف شو جايب الشيخ لهون
معاوية: السلام عليكم
احمد من وراه: معاوية تعال لهون بلا جنان ما ناقصك انا
ابو رمّاح: تركو يسطفل
احمد: بسس
اب رمّاح: شو مابدك تفهمنا القصة معاوية؟
احمد: معاوية امشي
ابو آدم: نحنا عرفنا الحقيقة كلها فوتو لنحكي
احمد: لك بس لضمدلو جروحو ك
معاوية بعصبية: منحكي اول عمي تفضلو
فاتو كلهن ولحقو احمد عم يتحول بالله
قعدو كلهن ساكتين
معاوية بابتسامة: والله ماكنت بعرف انو حنشوف هالوجوه الطيبة برمضان
رمّاح: عم تتمسخر
رمقو معاوية نظرة بترعب الكديش وبقي ساكت ع اثرها
ابو آدم: كيف اجيت لهون
معاوية: مو المهم كيف اجيت المهم كيف وصلت شو الي وصلني شو السبب
ابوآدم عم يضوع السيرة: مو ع اساس استشهدت
معاوية: الله ماكتبلي الشهادة كتبلي عيش وشوف هاللمة الحلوة
ابو رمّاح: انت احكي مو انت رفيقو
احمد بتوتر: ات اتف اتفقنا ع هالشي
ابو رمّاح: لييش؟
حكا معاوية بعصبية وعيون مدمعة ووقف وقفة رجال
معاوية: شي مرة جربت تكون دور المظلوم شي مرة بس قلت خلينا نفهم القصة من طرفو بلا مانظلمو؟ طول قعدتي عنكن على اصلبوه واضربوه وخلوه يعترف بشو بدي اعترف وانا ليل نهار سهران ع راحتكن لك ع الصلاة ماكنتو تزكروني عشان ماصلي بيناتكن شو ذنبي اذا انا من دون اهل وانا واثق الف بالمية اني مو لقيط بعرف انو الي ربوني شافوني بطريق الجولان وجابوني معهن وانو الحقيقة ناقصة شو نسيتو كان في معركة بهداك الوقت والمجازر علقانة بفلسطين والكل عم يهرب مو عرفان وين رايح ونزوح ومانزوح انا واثق اني ابن حلال مو ابن حرام متل مو مفكرين وهالشي اصلا مابهمني انو الي متلكن مارح يفهمو
رمّاح: احترم حالك معاوية
معاوية: احترم حالك رمّاح ولا تطالعني عن طوري واصلة معي للسما خليني كمل
ابو رمّاح: كمل تركو رمّاح
معاوية: انت سألت عن شعوري شي مرة ولا قلك مابهمني شي مرة فكرت يصير هالشي لحدا من ولادك. شي مرة حطيت حالك مكاني دايما بتشوفو الامور متل مابدكن ومتل مافهمها عقلكن ولا انت عمي ابو آدم يلي ماصدقتني ولاعطيتني مجال اتنفس بس في الله والظالم والمظلوم موعدهن المحكمة الالهية انشاءلله(حكا بتهديد)انا ماني مسامح مارح سامح ولا رح اعفو عن اذنكن يا النشامي
احمد: معاوية استهدي بالله معاوية انتبه للطريق معاوية عن اذنكن ياجماعة لك يا معاويةة
بعد ماطلع قعد ابو رمّاح بالارض ومابقا طلع معو الحكي وابو آدم مالقا حالو غير ع الكنبا وضغطو نازل
ابو ادم: رمّاح كاسة لبن قول لمرت عمك بسرعة
راح رمّاح جاب كاستين لبن لابوه وعمو، وشربوهن ماسكين راسهن وقاعدين
ابو رمّاح: ماكنت متوقع بيوم كون الظالم معقول
ابو آدم: مابعرف لاتسألني
ابو رمّاح: نشالله اذا كنا ع غلط يسامحنا
رمّاح: اتخيل مايسامحك بدعس ببطنو
وقف ابو رماح وضرب رمّاح كف
ابو رمّاح: بعمري ما مديت ايدي عليك لانك كبير وواعي بس توصل وتعرف انو هو مظلوم وتبقى عم تظلمو هي ماني قبلانها ولا مره بعمره اذاك ما لاحظت فكر فيها يا استاذ يلي بدو يستلم العشيرة بعدي ع اساس
ابو آدم: خلص ابو رمّاح طول بالك
اسماء: ياموسى موسى تعال الحق البنننتتت
ماحسو ووعيو ع حالهن غير بالمشفى وناطرين خبر من الدكتور
موسى: لك شو صار
اسماء: مابعرف مالقيتا غير عم تنزف ووقعت بين ايدينا
بعد عنها. وراح باتجاه رمّاح
ابو آدم: ألانا حامل؟
رمّاح بتوتر: ا اه مابعرف هلق منشوف الدكتوره
طلعت الدكتورة وقالت
الدكتورة: مين زوجا؟
رمّاح: أنا انا
الدكتورة: اتفضل معي شوي
اسماء: طمنينا دكتورة
دكتورة: وضعا مو مستقر مستعجلين شوي
فاتت الدكتورة ومعا رمّاح
رمّاح: انتي بخير الانا
الانا: منيحة منيحة
رمّاح: دكتورة شبها
الدكتورة: هي بتقلك
الانا: رماح لهون وبس بترجااك
رماح: قصدك النزيف وهاد كلو كذبة
الدكتورة: لا مو كذبة ولو ماجبتوها ماكنت لحقتا
رمّاح: لكن
الانا: انسب وقت انو تقول ماعندي رحم وحملت حمل خارج الرحم وهيك بصير في فرصة نتطلق
رماح:...
الانا: رماح انت فهمان عليي
رمّاح: ماشي بس عندي شرط
الانا: شو هو
قرب بسرعة ومسكا من رقبتا وصار يبكي
رمّاح: بشو هو احسن مني فهميني بس مشان الله فهميني
الدكتورة بخوف: يا استاذ لبرا لو سمحت لبرااااا
تركا وطلع لما طلع الكل ركد لعندو وخايفين ليش عم يبكي
ابو آدم: شو القصة
رمّاح: ألانا بعمرا مابقا تحمل
وقعت اسماء بارضا مو قادرة تتحرك وابو ادم قعد ع اقرب كرسي
ابو آدم بقلبو: معقول لاني ظلمتا؟
عند الدكتورة
الدكتورة: انتي منيحة خبريني
الانا: ال الحمدلله بخير
الدكتورة: ليش هيك تصرف؟؟
الانا: تزوجتو مجبورة وفي بنت بتحبو وعدتا مايلمسني وتكون هي اول وحدة بحياتو وانا مابخلف وعدي
الدكتورة: نيالها عليكي وانتي بتحبي حدا؟
الاناة: الصراحةة
الدكتورة: لاتخافي سرك ببير
الانا: اي
الدكتورة: وليش ماتزوجتو
الانا بحزن: استشهد 💔
الدكتورة: الله يرحمو ياربب معقول تبقي وفية الو لهلق
الانا: وكل عمري كمان
الدكتورة: طيب غريبة كيف ماحبيتي زوجك اثناء عيشتكن سوا بسمع بقصص كتير انو كانو مابطيقو بعض وبعد الزواج حبو بعض
الانا: انا مابخون البنت الي قالتلي امانة يا ألانا انا بحبو لرماح بدك انسى صوتا هي وعم تحكي؟
الدكتورة: طيب هي بتتزوج كمان بس شكلو الرجال بحبك
الانا: بس انا مابدي انسا معاوية
الدكتورة: خلص النا حديث تاني هلق عندي مرضى هي كرتي وحاكيني
الانا: شو امك؟
الدكتورة: جنان
الانا: عاشت الاسامي
جنان: تسلمي عن اذنك وانتبهي لحالك لتقومي تنزفي مرة تانية
الانا: ولا يهمك دكتورة جنان
طلعت الدكتورة وحطو الانا بغرفة عشان الكذبة تكون صادقة فاتت اسماء وام رماح لعندا وصارو يبكو والانا عاملة حالها زعلانة 😂
رجعو كلهن ع البيت ورماح مانو بالوسط
ابو رمّاح: حدا بيعرف رمّاح وين؟
ابو آدم: لا والله ماشفتو طلع من المشفى ومابقا شفتو
ابو رمّاح: غريبة
عند معاوية قاعد بغرفتو وقافل ع حالو الباب
احمد: افتح يامعاوية لاتتصرف متل المراهقين
معاوية: حابب اختلي بحالي شوي تركني
احمد: طيب متل مابدك بس لازم تعرف شي انا بحارب اهلي كلهن عشانك ورح ابقى معك شو مابتختار حتى لو اخترت تحارب ابي واخواتي انا معك بكل خطوة بتخطيها
طلع معاوية وعانقو لاحمد
معاوية: ربي مايحرمني منك
جوى: ايوا وانا وين رحت فكرت الي معزة عندك طلعت ابدا
معاوية: لا والله انتي متل اختي واعز نشالله شو طابخة؟
جوى: اكلة بتحبا
معاوية: الحمدلله شرفو ع الاكل لكن
قعدو ياكلو ومعاوية صافن
احمد: معاوية شبك صافن؟
معاوية: حكا معي الدكتور
احمد دكتور شو
معاوية: اعملت شغلة من وراكن
احمد: شو هيي 😂قر واعترف
معاوية: عامل تحليل كل المال الي جنيتو بحياتي لهاد التحليل
احمد وقف من الصدمة: كل كل شو؟؟؟؟
معاوية: المصاري الي معي
احمد بصدمة: والبنك
معاوية: سحبتهن
جوى: اذا التحليل كرمال صحتك مافي شي بيغلا عليك
معاوية بشرود: لا مو مشان صحتي
جوى بصدمة: لكننن
معاوية: بس يخبرني الدكتور بقلكن
وقف ليروح بوقفو احمد
احمد بعصبية: احكي معاوية والله مامنزعل بس بدي اعرف لشو؟؟؟
معاوية بعصبية: كرمال اعرف انا ابن مين عم تفهم كرمال اعرف ابن حلال ولا ابن حرام
خلا احمد يترك ايديه بس رجع احمد مسكو
احمد: وشو يلي حيعرفهن
معاوية وعم يتطلع ع الارض: رح يعملو فحص. دي ان اي ويبعتو ع الاردن وفلسطين ولبنان ويطابقوه مع السجلات بالتاريخ الي لقوني فيه بالجولان كرمال هيك. كلّف كتير.
تركو وفات ع غرفتو
من صدمتو لاحمد مابقا عرف شو يساوي
جوى: شبك احمد لازم تفرحلو
احمد: شو افرح ما افرح قديش كنت انا حمار وبلا ضمير
جوى باستغراب: ليش
احمد: قديش حاسس بالوحدة قديش حاسس حالو نكرة لانو بلا هوية وبلا نسب اشقد اكل الويلات من اهلي والعشيرة لحتى فكر هالتفكير وفوق كل هاد المصاري الي جناها بتعب 8 سنين ع اساس يشتغل فيهن راحو فدا كلمة عم يسمعا من اهلي والعشيرة
جوى: طول بالك احمد شبك
بيندق الباب
احمد: انا رح افتح فوتي
جوى : انا بفتح بلا ماتوقع
احمد: جوى لجوا
جوى: حاضر حاضر
بروح احمد عند الباب
احمد: ممين
ابو رماح: نحنا تستضيفنا عندك؟
حط اللثمة ع وجهة وفتح الباب
احمد ببرود: شو جابكن؟؟
ابو رمّاح: الصراحة بدي بدي اسألك كم سؤال كنت
احمد:ااسف مافيي فوتكم
بيسمع صوت من جوا
معاوية: عيب هيك تتصرف لاتعيدها احمد هدول اهلك.احترمهن وخليهن يفوتو انا طالع اتمشى
كمل معاوية طريقو وهو راسو مو واسعو معصب وبدو بس يفرغ طاقة
معاوية: عن اذنكن رايح ع الجامع ياجوى حضري الغدا لاهل جوزك واكرميهن عن اذنكن
تركهن وطلع والكل كان عم يتطلع فيه بضيق وحزن لحتى اختفى عنهن
ابو رمّاح بصدمة: احمد ابني انا
ام رمّاح: ابنيي
ابو آدم بصدمة: ا احمدد
جوى: ياميت اهلا وسهلا اهلين اتفضلو نور البيت بوجوكم
احمد: شو بدكن
ابو رمّاح: هيك بتعامل ابوك
ام رمّاح: بدل ماتاخدنا بالاحضان هيك عم تحكي يا احمد انا امك اليربتك من انت وصغير وهي ابوك معقول عم تنكر
ابو رمّاح اشتقتلك يا ابني
رفع ايديه ليعانقو ببعد احمد عنهن
احمد: احكو الي عنكن وامشو
ابو رمّاح: ماني عم صدق ابني هيك عم يحكي مع ابوه
احمد: من اليوم ورايح لابقا تقلي ابني
ابو رمّاح: معاوية عباك علينا
احمد: معاوية مادخل. ولا بقا تجييبو سيرتو ع لسانكن فهمانين
حكاها بنبرة قوية الكل انصدم. منو ومن. ردة فعلو
جوى بعصبية: احمددد
احمد: لاتدخلي انتي
جوى: الي هالحكي يا احمد مو عيب عليك. عشرة عمر وبعدين نعاوية هو الي وضح الموضوع معناها متقصد يخليك تعترف بوجوك عيب عليك اهلك ع الباب ماتفوتهن
احمد: هدول الي قتلو اخوكي جوى الي قتلو اخوكي وقتلوني وقتلو معاوية قتلونا كلنا كيف فيكي تقولي اهلك
جوى: عيب يا احمد مابصير ت، فع صوتك. بوجودهن
احمد: قلتلك فوتي ولاتدخلي
جوى: اذا بدك ياني اتركك وفوت بدك. ترمي. يمين الطلاق عليي اول
ابو رمّاح بصوت عالي: لااا اذا رح نخرب بيناتكن خلص متل مابدو ابني بصير
جوى: متل مابدو معاوية رح يصير واذا مشان اخي راح شهيد والي الفخر ومعاوية هو الي قلك هدول اهلك ووضح الموضوع وانت الي مخبي حالك معناها معاوية بدو ياك تتصالح معهن
احمد: انا رح فوت نام بدي اطلع مابدي شوف حدا
تركهن وفات
جوى: اتفضلو لجوا
ابو رمّاح : اذا رح نخرب بيناتكن مابدنا
ام رمّاح ببكي: قوليلو اني امو مابقدر ع فراقو قوليلو مشان الله انتي ام وبتعرفي قلب الام كيف بيشتعل نار
جوى: احمد قلبو طيب هلق بروق واصلا اذا عرف معاوية شو عمل معكن مارح يهون عليه اتفضلو
فاتو قعدو
جوى: يلا عن اذنكن لحضر العشا
ام. رمّاح: لاتعزبي حالك
جوى: لا ولو عذابك راحة واحمد لهلق ما اكل كمان
ام رمّاح : ليش ما اكل
احمد وطالع من غرفتو
احمد: معناها بسرعة حطي العشا
جوى: احمدددد شو قلك. معاوية
لاتواخزوه. بس تخانق مع معاوية شوي مشان هيك معصب اكتر من اللازم اليوم
وصارت تعض ع شفايفا حتى يسكت
راحت جوى ع المطبخ واحمد مارفع راسو من الارض مانو قادر يتطلع فيهم
بالرغم من انو اهلو وتعبو عليه اكتر من تعبو هو ومعاوية ع نفسهن بس بنفس الوقت مو قادر يتخطى الشي يلي عملوه بمعاوية
بالنسبة الو معاوية كل دنيتو كل حياتو رب العالمين دب المحبّة بقلبو ليخفف ع معاوية وحدتو كان معاوية بالنسبة الو السند والصديق والرفيق والأخ عاشو فترة كبيرة سوا وفهمو لمعاوية وفهم طريقة تفكير الي بتكون انو قدم لغيري اكتر من لنفسي لانو الدنيا فانية ولا جسدنا حيروح معنا ولا مالنا ولا رفقاتنا بس اعمالنا الصالحة والوجع الاكبر الو انو هو الو اهل ومعاوية ما عندو كان يحسسو لمعاوية انو مالو حدا هو كمان مشان مايزعل وينقهر وبنفس الوقت كانت نيران اهلو عم تخلي معاوية يحترق ع البطيء وهو مو دريان وهون كره اهلو اكتر
احمد: مين قتل ادهم؟؟
الكل:....
احمد: عم احكي مين قتل ادهم
ابو رمّاح: قصة ومضت
احمد: بس طيف هالقصة لهلق عم يلاحقني وعم يلاحق معاوية اكتر مني عم قول مين قتل ادهمممم
فاتت جوى معصبة
جوى: خلصنااا شو صرلك اليوم شو اااه؟ ماقلنالك سيرة الماضي لا تعيدا لو شو ماصار هدول اهلك
احمد بعصبية: وادهم مو اخوكي مو مات بسبب هي العشيرة
جوى بحزن: انا نسيت الماضي وتركت حسابي للمحشر
ابو رمّاح بصدمة: ادهم اخوكي اسف بس ما انتبهت لهلق
بسمعو صوت بكا ولد صغير
ابو آدم:عطيني الولد لاخدو عند بنتي شوي مابصير يسمع صواتكن عالية اقعدو تفاهمو
ابو رمّاح: مو مشكلة خليك
ابو آدم: مابصير يلا جيبي الولد
جابت جوى ابنا وعطتو لابو آدم
حكا احمد قبل مايطلع ابو آدم من البيت
احمد: انا الي كنت جيب الوراق والقلام وكنت شاهد ع كلشي ياعمي ابو آدم مابقلك غير انو انت ظلمت ورح تبقى ندمان
التفت ابو آدم عليه: انا مابندم ع شي عملتو عن اذنكن
اخد الولد وطلع
ام رمّاح: ليش هيك عم تحكي معو
احمد: ولا كلمة مو طايق اسمع شي رجاء
جوى: خلصنااا
احمد: خلصنا جوى لاتقاطعيني
جوى: لا رح قاطعك معاوية مارح يهون عليه الي عم يصير بعدين هو الف مرة قلك اغضب ع الكل الا الي اكبر منك ولاتزعل الاصغر انت عم. تقلل من احترام الكبار وهاد مو بقاموسنا يا استاذ
احمد: طيب ماشي يا شيخ العشيرة هي شفتني ماحابب حاكيك وناقشك وهلق بلا مطرود
جوى: احححمممدد وقف عندك والله اذا بتتحرك ماني قاعدتلك بالبيت وبدك تطلقني
احمد: جوى انتي مادخلك عم قلك لاتزوديها عليي
جوى: لا دخلني متل ما معاوية بيحترمهن انا مابرضا يصير معهن شي متل هاد واذا مشان دم اخي انا مسامحتهن لانو كلو صار سوء تفاهم برجع وبقلك اذا مارح تقعد انا رح اخد ابني وبالمحكمة منلتقي
ابو رمّاح: لا مابصير هيك اذا انا مابرضاها خلص عن اذنكن لازم نمشي
جوى: لا خليكن قاعدين
احمد: قبل ماتروح اصحك حدا يعرف من العشيرة انوو اعايش والااا
بيلتفت احمد. وعيونو عم يقدحو شرار
احمد: مابعرف شو بصير
ابو رمّاح بكسرة: بصير خير حاقد علينا اكتر من معاوية انت اصلك من عشيرة الخشب لانو؟
احمد': لشو الأسئلة الزايدة
ابو رمّاح: عن اذنك لكن
احمد نزلو دموعو وفات ع غرفتو وقفل الباب
جوى: استنوني جاي معكن بدي روح ع عشيرتي
ابو رمّاح: لا والنبي مابتطلعي من بيتك انتي بنت اصل حافظي عليهن وكوني اهلو شكلو عاملين شي الو نحنا مامنعرفو
جوى: ومعاوية؟
ابو رمّاح: شبو
جوى: ماعاملو متل اهلو
ابو رمّاح: معاوية استشهد مابعرف حدا بهالاسم غير الشهيد معاوية
جوى: لا الله يخليك
ابو رمّاح: معاوية قسا قلب الكل عليي لو ما معاوية كان ابني احمد عايش معي وعلاقتي مع الكل كانت متل اول
جوى: عمي مشان الله رد بس مو بقصدو وهالشي مابهون ع معاوية حتى
تركها ونزلو
طبعا كان ابنا عم يلعب مع ابن ابو آدم
عند معاوية
اخد صهيل وراح ع مكان فاضي وبعيد عن المدينة
قعد. ع الارض وقعد جنبو صهيل تسطح جنب صهيل وصار يتطلع عليه
معاوية ببكي: اشتقتلا ياصهيل اشتقتلااا مابظن عرفت اني عايش مستحيل ابوها يخليها تعرف اشتقتلا والله اشتقتلا ليش لحب ليش لانضرب ع قلبي حب ماكنت بعرف هالقد بوجع. والله ماكنت بعرف
طلع صهيل صوت يعني عم يرد عليه 😂
معاوية: واشتقتلك كمان بعرف مقصر بحقك بس شو ساوي ظروف حزير شو صهيل..... اليوم انكشفت الحقيقة وعرفو اني مامتت 🙂 وفوق هاد اتقتلنا والله واعلم احمد شو بكون خبص هلق بعرفو بحبني وبفضلني عن الكل بس اهلو اولا مني نشالله يقلهن الحقيقة ويرجع معهن
سكت شوي وصفن بالنجوم والقمر
معاوية: ياترى شو رح يطلع نتيجة التحليل ابي وامي عايشين ولا ميتين؟ اهل امي اهل ابي اي حدا منهن الله يقطع اليهود يارب الله يفرجيني فيهن يوم
عند رمّاح
وصل ع العشيرة والكل استغرب من رجعتو بس قلهن انو بدو يجيب غراض من الخيمة وانو هنن مامطولين ورح يرجعو
قعد بخيمتو نطر الكل ليغفا بعد ماعطا خبر لعنود تبقا صحيانة بدو ياها بموضوع
ع 12 طلعت عنود وراحت باتجاه خيمتو
عنود: رمّاح
رمّاح: فوتي
فاتت وبقيت واقفة ولما فاتت هو وقف وراح مقابيلا
رمّاح: ليش ماحكيتي من زمان؟؟
عنود: مو من عوايد البنات انها تبادر رغم هيك كسرت ع انفي بصلة وبادرت
رمّاح: ليش مابادرتي من زمان ليش ماعطيتيني تلميح طيب كان في اكتر من طريقة
عنود: مفكرني بنت بلا خجل انا كبنت توقعتك انو كون لافتة انتباهك وكبنت كمان اي بنت حتى اذا حبت حدا بتصير تفكر انو هو بحبا وبتعيش ع هالقصة بس بالنهاية بيطلع كلو حب من طرف واحد انشاالله اذا نظرة بالغلط او لمحتا بالغلط بتفكر انك بتحبا
رمّاح: بس انا مانسيتك من يوم يلي رحت ع المدينة
عنود: ششو الفايدة ما انت تزوجت وليكك عايش اخدت بنت مدينة وماشالله عليها وهي اذا ماحبلت
رماح: طرحت
عنود بصدمة: نن نع نعم ههيي بقصد انت
رمّاح: معناها متفقة انتي وهيي انو ما المسها
عنود من صدمتا رح توقع بالارض انو عرف كل الي خططولو بطرفة عين كشفا
عنود: عن اذنك
رمّاح: لويين لوين لوين لفي وارجعي
لفت ورجعت
عنود: نعم
رمّاح: احكي كل القصة لشوف يلا
عنود: مستحيل احكي شي الا بوجود الانا
رمّاح: يعني متفقين
عنود: اي متفقين وانا مستحيل اقبل انك تكون لغيري عم تفهم
رمّاح: واوو للصراحة شي خرافي انتو التنتين متفقين وانا متل الاطرش بالزفة
عنود: خلصنا شبك عم تلعب فيني متل اللعبة وعم تتمسخر عليي انت مفكر الحب سهل ذقت شعور لغيرة ع شخص بتحبو من شخص تاني مع انو ما اذاك؟ لو دقتو مارح يكون متل شعور الانثى انت بتتخطى ببنت وبنتين وتلاتة بس المرة مابتنسى عم تفهم
رمّاح: مبلا ذقت وكمان انتي مارح تحسي بشعور الرجال لما ينكسر قلبو يكون بحب حدا ويطلع الحدا بحب حدا ومايخليه حتى يقرب من شعرة منو هو متأمل ليلة ولا اروع وبيتخوزق لما بتقلو لا تلمسني انا بحب حدا ومستحيل خلي حدا يلمسني غيرو
عنود بمقاطعة وعم تبكي: ااذا انا تزوجت شو متوقع قول لزوجي اااه مستحيل اني قول غير هيك لاني حبيتك بصدق واخلصتلك مستحيل اتخيل حدا يلمسني غيرك مستحيل اتخيل لحظة حلوة من دونك من دون ما اتخيلك معي وبجنبي لما خطبت قلبي انشلع من مكانو وحسيت بسكين بصدري انا يلي كل الوقت قاعدة عم احلم فيك واحلم بكل لحظة حلوة ممكن نعيشها بتعرف وصلت مرحلة التفكير انو فيني اتخيل انو انا وانت عم نخطب لابننا خفت للحظة يكون مابحبا وبحب غير ونجي نحن نراضيه ونزوجو الي بحبا. ومانكسر بخاطرهن ومانكسر الحب الي بينهن
اجت لتمشي لما مابقا قدرت تمسك بكيتا بقرب بسرعة بيمسكا من ايدا
رمّاح: عنوود
بتلتفت عليه عنود وبينزلو دموعا شلال
عنود: عنود شو لك انت شو فهمني لو عرفانة انك هيك مابحطك ببالي حتى
رمّاح: بحبك
عنود بضحكة: ههه اي بتحبني بعد شو بسس ااه بعد مامسحت بكرامتي الارض؟؟؟ شو لسا في اتفضل صب هلق كل غضبك صبو عليي مابدي ارجع انقهر واعرف اني رح انساك كلك وكانك مامريت بحياتي
رمّاح: عنوود لا مستحيل مو انتي ذاتا الي حاكتني من فترة
عنود: اي عنود القديمة بح طارت هي وكرامتا وكيانها وقلبا كمان هلق عنود جديدة اترك ايدي لشوف
رمّاح: عنود
عنود: نعمم
رماح: شو قلتلك
عنود: مارح غير رأيي
رماح: متل مابدك بس لازم تعرفي انك رح تنزلي ضرّة ع الانا واذا مارضيتي حقول لابوكي اني غلطان معك عم تفهمي
عنود: مابنزل ع حدا ضرة ولا الانا بينزل عليها ضرة عم تفهم وانا انسانة يبعتلي حمى يوم الي حكيت لو بعرفك بهالنرجسية ماكنت انقبرت فتحت تمي وحكيت وابي مارح يصدقك وبكل فخر بقلو يفحصني
رمّاح: يعنييي؟؟
عنود: انساني
رمّاح: طييييب ماشي بس لازم تعرفي انو مارح تسلمي مني ورح اتجوزك غصب
عند الانا كانت متسطحة بتختا وتعبانة من روحة المشفى فكرت تبعت لللدكتورة رسالة بعتتلا ولحسن الحظ كانت فايقة
جنان: اهلين الانا
الانا: كيفك دكتورة شو اخبارك
جنان: مشتاقتلك انتي كيف
الانا: الحمدلله تمام شو وينك بالمشفى؟
جنان: والله طالعة مع جوزي عم نشم هوا حولي 😂
الانا: االه يخليكم لبعض يارب يلا مارح عطلك بحاكيكي بغير وقت
جنان: لا احكي عادي مدري وين راح ع اساس شوي ويرجع عندو مشوار ع المخبر منتونس
الانا: بدي اسألك
جنان: اسألي حبيبتي
الانا: لو كنتي مكاني شو بتعملي
جنان: مابعرف والله بس لو كنت مكانك اظن عملت متلك يعني انا وزوجي اتزوجنا عن حب ومحدا مانع من اهلنا
الانا: هاد الفرق انا اهلي ممانعين لدرجة كبيرة يعني حتى. عم احكي معك من موبايل البيت مافي غيرو
جنان: غريبين اهلك والله
الانا: ماعرفانة شو ساوي
جنان: اذا مارح تندمي خليكي ع موقفك االحب حلو وبالذات اذا كان لهالدرجة
ألانا: شكرا الك دكتورة ارتحت بالحديث معك
جنان: لا ولو ايمت ماحبيتي حاكيني هاا بدي اعملك زيارة كمان منصير رفقة
ألانا: انشاءلله اهلا وسهلا فيكي بتنوري
عند الدكتورة
جنان: تاخرت سامر
سامر: لاتواخذيني بس متل ماقلتلك التحليل مهم والعينات كتار
جنان: شو وضعو واشقد بدهن التحاليل لسا
سامر عم يعطيها السندويشة: بدهن 6 اشهر ليصلني النتائج لهون وممكن يصلوني بحدود السنة بدي ارجع اخد عينة وبدي شهرين لطابقهن وبعدين بخبر صاحبهن
جنان:الله يعينو ياربب
سامر: امين ولايحطنا بموقفو
وصل رماح ع اذان الفجر ع البيت صلو لفجر وهالمرة احمد الي قام فيهن لانو معاوية ما موجود
رماح: ابي عمي بدي حاكيكن موضوع
ابو آدم: وانا كنت بدي حاكيكن تعالو
راحو كلهن وقعدو بالقهوة فيها بس كراسي والكافيه مسكرة لانو رمضان
رماح: احكي عمي
ابو آدم: قررت ارجع اسكن هون بما انو الاوضاع هديت وكل اسبوع بجي لعنكن يومين شو قلتو؟
ابو رمّاح: بس نحنا بدنا ياك معنا صرت منا وفينا مافينا نستغني عنك
ابو آدم: والله وانتو بالقلب وانت اكتر واحد بتعرف انك المقرب الي وماعندي غيرك صاحبب بس صار الوقت لارجع لحياتي الطبيعية
ابو رمّاح: الي بريحك
ابو آدم': وانت رمّاح شو بدك تحكي
رمّاح: لقيت بيت رح استأجرو ونعيش فيه انا والانا
ابو رمّاح: ليش مارح ترجع ع العشيرة
رمّاح: ابي الانا حبت عيشة المدينة اكتر وبدي ياها تكمل دراسة
ابو آدم: تكمل دراسةةةة؟؟.
رمّاح: اي عمي حابب خليها تكمل دراستا بس بالبيت يعني عم فكر حاليا
ابو آدم: بس ما اظن يطلعلها فروع
رمّاح: خلص عمي انت لاتاكل هم
ابو آدم: وهي موافقة؟
رمّاح: اليوم بحاكيها
ابو آدم بتوتر: بس هي يعني مابقا تجيب
رمّاح: بصير خير عمي
ابو آدم: انا مارح اظلمك ورح قول لامك تخطبلك وحدة من العشيرة واذا بتعاند مابقا حاكيك بحياتي
رمّاح: بس ياعمي انا بحبا لالانا ومستحيل اتزوج غيرا
ابو آدم: بعد عمر طويل انت رح تستلم العشيرة ولازم. ابنك يستلم بعدك وانا ماني قبلان انو تنظلم وبنتي متأكد انها مارح تعاند
رمّاح: ليش ما رح تعاند الانا؟
ابو آدم: بنتي وبعرفا بتعشق شي اسمو ولاد واذا نشاءلله انت تزوجت ومرتك جابت ولد هيي الي حتفرح اكتر ولا شو رأيك ابو رمّاح ماسمعنا صوتك
ابو رمّاح: الخيار الك والو انا بهيك موقف مادخلني
ابو آدم: اترك الانا الي انا بحاكيها
رمّاح: ماشي عمي
قاعدة ألانا عم تتفرج ع الشاشة بملل حتى صار وقت الأعلان وقفت لتروح بتسمع انشودة صارت تتردد بعقلا كتير
فتنت روحي ياشهيد.. علمتني معنى الخلود.. فتنت روحي ياشهيد علمتها معنى الخلود شوقتها الى الرحيل علمتها معنى الصمود اسرتني يااااشهيد
ونفس الشريف لها غايتين ورود المنايا ونيل المنى ×2
راحت ع غرفتا وقعدت تبكي بقهر
الانا: لا اعتراض ع حكمك يارب بس ليش شو ذنبو وذنبي والله حرام
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمن