الثالث
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم وليفي ذاك الغجري`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
3
رماح: مشان الله يا امي فهميني شوفيييه
ام رمّاح: هجمو علينا ووو
رمّاح: وشو امي احكي
ام رمّاح: اخدو كم بنت صغار رهينة وقتلو كم شب وكم حدا دافع عنهن وراحو
رمّاح بجنون:مين ميييين هنن
ام رمّاح:محدا عرف لك امي محدا عرف
ابو آدم انصدم وركد ع خيمتو فات لقا بنتو مرعوبة وقاعدة جنب امها وعم تبكي واخوها عم يبكي وتيابهن كلا دم
ابو آدم: شو القصة شو فييه
اسماء اتطلعت ببنتا بحزن وحكت
اسماء: بنتك سمعت صوت المزيونة عم تصرخ اول ماوصلت لقتهن قاتلين اختا الصغيرة ولما حاولو يعتدو عليها قربت منها ودافعت عنها بسس
ابو ادم بحنون: بس شوووو
اسماء ببكي: قوصو ع البنت يحرام ووقعت قدام عيونا
ركدت ألانا وعانقت ابوها
ألانا: بابااااااا
ابة آدم: خلص يابنتي خلص والله مابهون عليي دموعك
اسماء بخوف: شبهن تيابك
ابو آدم: ولا شي بس كمان هنيك صارت معركة
ألانا بعدت عنو وقلبا مو متطمن
ألانا: معركةة؟
ابو آدم: اي والكلاب بعد ماقوصو معاوية رجعو اتاكدو طلع عايش قوصوه مرة تانية وراحو
وقعت ألانا بأرضا من الصدمة
بعد ساعة صحيت وكانت امها فوق راسها
الانا: وين بابا
اسماء: ابوكي راح مشان يكون فوق عملية معاوية
الانا: معاوية؟؟
اسماء: اي مو الشب عايش لساتو سبحان الله الله بحبو
بالمجلس
ابو رمّاح: يا ابني شيل اللثمة عن وجهك
.....: مابقدر حالف يمين لمعاوية ماشيل اللثمة الا باذنو
ابو محمد: طيب ليش كل هالقد بتخاف ع زعلو
....: لانكن لسا ماعاشرتوه
فجأة بيسمعو صوت ضجيج برا
ابو رمّاح: شو القصة
امير: ماعم نقدر نسيطر ع صهيل يا شيخ
....: تركوه يجي
لسا ماكمل كلمتو سمعو صوت صهيل عم يصرخ قدام المجلس لما وصل قدام المجلس صار يتقدم بخطوات بطيئة
وقعد قدام معاوية المتسطح وعيونو الكبار تعبو دموع
.....: خلصنا صهيل لازم تكون قوي
بفوتت محمد
محدد: ياشيخ
ابو رمّاح: شو
محمد: هدول المفقودين واسماء الميتين
ابو رمّاح: جهزو للعزا وبدي المفقودين يرجعو سلمتكن الموضوع ومابقا فيه نقاش
محمد: ابشر
كان رفيق معاوية عم يسكر الجروح وعم يحاول مايروح دم
ابو آدم: هلق شو بدو يصير
....: انا طبيب ناطر الشبين يجيبولي الاعشاب
ابو آدم: معاوية قبل هالمرة عطاني اعشاب لمنع النزيف
.... بلهفة: لساهنن؟؟؟؟
ابو آدم: اي
....: جيبهن بسرعة الله يخليك
راح جابهن بسرعة واجى عطاهن ل رفيقو
....: هو مطبقهن ولا انت
اتطلع ابو آدم بأسد وكمل
ابو آدم: لما انصاب اسد بالجرح طبقهن هو وقلي حطلو ياهن ع الجرح ويومها زادو هدول حطيتهن بعلبة حافظة قلت منعتازهن
....: من يوم يومك يامعاوية بتعمل خير وبتلاقيه
الحكي كان تحت صدمة العشيرة طبعا اجى صهيل ليقوم مابحس غير مجموعة قطاط وقفو قدام الخيمة
....: ياحبيبي الله يسامحك يامعاوية صرنا بحديقة نحنا
قربو القطاط وقعدو جنبو
لسا ما سكتو شوي سمعو صوت كلب 😂
....: مين هاد
الكل: مابعرف
اتطلعو كلهن ببعض واجتهن الضحكة بس الوضع مابيسمح 🙂
عند ألانا
الانا بقلبا: يارب نجيه يارب مالي غيرك ياربي
اسماء: شبك عم تبكي اذا المزيونة بخير
ألانا: اذا هي بخير انو اتعافت من جروحا وجرح اختا الي اخدوها شو واختا التانية الي قتلوها واخوها
اسماء: رح بحكي مع ابوكي يرجعنا ع المدينة اءمن من العيشة هون
الانا بتسرع: لا
اسماء: ليش؟؟
الانا بتوتر: مو لشي بس مابدي خلص حبيتهن هون واتعودت عليهن
اسماء: بس يجي ابوكي منشوف
بقيت بالخيمة قاعدة بس عم تبكي وتدعيلو وناطرة شي خبر بفرح
عند معاوية
ألانا: معاوية كرمالي
معاوية ببكي: بس انا غريب يا ألانا ابوكي مارح يرضى فوق هيك الكل بيكرهني
ألانا: بس انا بحبك
معاوية: شو نفع الحب اذا كلو هم وقهر
الانا: منهرب
معاوية: مابدي وسخلك سمعتك ويقولو هربت مع واحد وفوقا لقيط
سكرتلو تمو وحكت
ألانا: لاتحكي ولو شو ماكنت الرجال ببان معدنو من اخلاقو مو من اسلافو
معاوية: بتستاهلي واحد احسن مني
الانا: مستحيل اتخيل لولادي ابي غيرك بدي ساهم يكبرو بحضننا وبكرا نحفظهم القرءان ويلبسونا تاج الوقار مو انت هيك باحلم بولاد مهذبين ومناح واخلاقهن حلوة لازم يكون عندك امل
وصار ينزف من عند صدرو
الانا وصوتا عم يبعد: لا معاوية لا لاتتركني بدي ابقى معك معاويةةة
فاق معاوية هو وعم يقول لااااا بصوت عالي
....: بسم الله الرحمن الرحيم بسم الله مي ياشباب
جابولو مي مسحلو وجهو
فتح معاوية عيونو شوي واتطلع ب.... ولقاه لساتو ملثم
معاوية: آخخخخ يا رفيقي آاااه
....: ياحمار مو قلتلك اذا الشغلة خطرة عليك لاتحاول
معاوية: مشان العشيرة يا احمددد مشان العشيرة ااخخ
التفتو الكل عليه بعيون مصدومة
....: ياحيوان اسكت نحنا بالعشيرة فضحتنا
حرك معاوية ببو عينو بتعب وصار يبكي
.معاوية: ليش ماقلتلييي
احمد: نام خلصني نااام بعدين بتبكي ع مصيبتك... ياجماعة زكاتكن تركوني شوي بدي اكشف ع الجرح
بعد نص ساعة من وجع معاوية وصريخو حتى قدر ينام لانو عملو العملية بدون مخدر
فات ابو آدم
ابو آدم: لو اخدينو ع شي مشفى مو احسن
احمد: نحنا ماحدا بيحكمنا ومو ضروري المشفى وانا موجود
ابو آدم: ماقلتلنا انت مين
احمد: انا طالبو
ابو ادم بصدمة: طالبو؟؟؟
احمد: اي هو الي علمني الطب
ابو ادم: ايوااا
احمد: ذكاتك عمي تركني انا وياه لانو والله تعبان وبدي اسهر فوق راسو عشان اذا فاق ولاتخلي حدا يفوت بدي شيل اللثمة
ابو آدم: ليش شو فيها
احمد: انا حاالف يمين ماشيلها لحتى يأذنلي امنتك هاا
ابو آدم: طيب طيب
طلع ابو آدم والكل ناطرو برا
ابو رمّاح: قلي قلك شي؟
ابو آدم: لا كل الي فهمتو انو معاوية دكتور كبير وهالصبي بكون طالب الو
ابو رمّاح بصدمة: طبيببب؟؟؟؟
ابو آدم: اي والله
اسد: معناها هو الي وصفلي الدوا عمي
ابو آدم : اي والله مع انو قلي ما احكي بس اتطريت
ابو رمّاح: وليش كان مخبي علينا شو نحنا بدنا نقتلو لانو تعلم بالعكس هاد فخر النا
ابو محمد: من بعد ما انقتل ابنك اجى بعد سنة مقلوب قلب ولما كان عنا ماكان يصلي يعني تقطيش رجع عم يصلي وحافظ القرءان وصوت تلاوتو يوصل لعنا شو نسيت ولما سألتو عن ابنك قلك دفنو مطرح مامات من يومها تغير ليكون هو قاتلو اخي
ابو رمّاح: معقول
عمر: والله بيعملا خلينا هلق بلي فينا شو مشان المخطوفين ابي
ابو رمّاح: شهر ورايح ع عشيرة الغمد لنسوي الامور ونفهم القصة معكن مارح يطلع شي لازم يدخلو الكبار
عمر: ليش شهر ابي
ابو رمّاح: بدنا نغير المكان وع بين مانثبت بمكان بدنا وقت وبدي اعمل زيارة لعشيرة الخشب وانتو ابعتو نسوانكن لعند ولاد ابو مجاهد حرام
طلع احمد وقال
احمد: زكاتكن حدا يجبلي تياب ل معاوية من خيمتو
ابو آدم: يلا حروح انا
رمّاح: اجي معك عمي
ابو آدم: لا ليش تجي شو مفكرني كبرت خلص مابتأخر انتو حرسو العشيرة
رمّاح: لحظة عمي
ابو آدم : شو فيه
رمّاح: انا انا وابي بدنا نحاكيك بموضوع
ابو آدم: هلق
رمّاح: اي اذا مافي مانع
ابو آدم: لا اتفضل
ابو رمّاح: اتفضل يلا سلام يالربع
فاتو ع مجلس الكبار وقعدو هنن التلاتة وعمر واقف عشان محدا يجي بس مسموع الحديث
ابو رمّاح: اي اخي موسى
ابو ادم: الشغلة فيها موسى خلص احكي
ابو رمّاح: جيناك طاالبين لاتردنا خايبين
ابو آدم: نشالله باذن الله طلبك مجاب
ابو رمّاح: اني رايد اني اناسبك بخطبة بنتكم لابني رمّاح ويشهد بالله اني مالقيت بزينها واخلاقها فشو قلت
ابو آدم: بيحصلي الشرف والله انو ناسبك وابنك ماشالله عليه رجال ابن رجال بس بتعرف لازم اخد رأي البنت
ابو رمّاح: الك الحرية
بعد ماخلصو حديث استأذنو ومشي
ابو آدم مع حالو: بس هيي ما كانت قبلانة تجي لهون كيف رح تتزوجو ياسواد وجهي منك يا ابو رمّاح ياخوفي ترفض شو بدي قول
فات ع خيمة معاوية كانت كتييييير بسيطة ومرتبة
مكان بعلق فيه تيابو وطاولة عليها مراية صغيرة وكحل عربي وسواك وقلم ودفتر ومجموعة وراق ومكان بنام فيه هو ومكان للقطة ومكان لصهيل وسجادة صلاة وصندوق صغير ومطبق تيابو برتابة فوق الصندوق
ابو آدم: بيعمل من ابشع خيمة قصر والله مرتب الدين والايمان بزين الانسان
قرب من الطاولة وبياخد التياب من جنبهن بتجي عينو ع كلمة معاويتي
ابو آدم: معقول عشقان هالضرسان
حمل الورقة وبدء قراءة
كانت الرسالة الي بايدو اخر وحدة بعتتها لما قالتلو انو ابوها عم يشك فيها
وقعت الرسالة من ايدو ووقع وراها ثقتو ببنتو
طلع موسى وراح ع خيمة معاوية ووجهو عم ينقط غضب وحقد وما عم يتفسر وكل شوي لون
فات لقا احمد لساتو جنب معاوية عم يشربو دوا
معاوية بتعب: اهل اهلين عمي
موسى: ابني طلاع لبرا شوي
احمد: مافهمت
معاوية بتعب: عم يقلك انو ترخصلو تطلع لبرا بدو ياني بكلمتين
احمد بتوتر: ايوا يلا عن اذنكن
طلع احمد من الخيمة وركد موسى ع معاوية وشدو من قميصو بعصبية مابتنوصف
موسى: عم تحكي مع بنتي ولااا اه احكي لك انت واحد ابن حرام مابتستاهل ضفرها عم تضحك عليهااا
معاوية ماقدر يحكي شي من وجعو وقهرو وخجلو
موسى: اتفي عليك واحد خسيس عم تخون الناس الي امنت فيك لك من يوم الي شفتك ما ارتحتلك عم تطعن بضهري ياقليل الشرف
معاوية': عمي ا
موسى بمقاطعة: لاتقول عمي ولا اتفيي عليك وع تربايتك واحد عاطل وخسيس هلق عرفت ليش محدا بطيقك طلع ياما تحت السواهي دواهي ياعيب الشوم بس ياعيب الشوم رايح شوف شغلي معا لهالكلبة وراجعلك انا بفرجيك
معاوية بكي: صدقني ياعمي مو ذنبا مشان الله
مسكو معاوية من رجليه عم يحاول يوقفو بس ماحس غير ع موسى لبجو هديك اللبجة ع مكان الجرح
معاوية: آهخخ مشان الله ياعمي لا مشان الله والله مو ذنبا
موسى قبل مايطلع: مين الي بعت للثاني اول
معاوية: انا بس ماكانت تقبل صدقني مشان الله ياعمي سامحا وشو مابدك بساوي
موسى: بالنهاية قبلت توطي راسي انا بفرجيها
معاوية: لا ياعمي مشااان الله آاااخخخ
فات بسرعة احمد ع صريخو لما كان طالع موسى
واحمد جن جنانو لما شاف معاوية بالارض وفيه شوي دم وغايب عن الوعي ركد مسك موسى وربطو وسكرلو تمو
احمد: ماخلق ولا عاش الي بدو يوطي راسك ياعمي ومعاوية ابن اصول وشريف ماني تاركك لحتى يفيق
بعد ساعتين بلش يرجع يصحصح اتطلع باحمد وبلش بكا
معاوية': احمد اقسم بالله كنت حاسس اني رح اظلما اذا بصرلها شي برقبتي والله اااخ يا احمدد
احمد؛ خلص اهدا شوي
معاوية: بدي قوم اعتذر منو وبرجع
احمد بتوتر:ليكو وراك
معاوية بصدمة: شوو
التفت معاوية وراه وشاف موسى مربط
معاوية': الله لايعطيك عافية فوق تعبك
وقف وصار يعرج قرب ليفكو ماقدر يحرك ايدو
معاوية: انقبر فكووو.
وقف احمد وقرب فكو
موسى: ياعيب الشوم عليكم انتو التنين لك اتفووو هي اذا ماكنتو متآمرين ع كلشي وحتى هي الاصابة
قرب ليطلع بيسمع صوت احمد
احمد: اذا بصير شي او حدا بيعرف مارح اكتفي بواحد من العشيرة رح اخد عشرة ومن بينهم ابنك لتموت من قهرك مو نصيحة انو تعمل شي
ابو آدم من الصدمة مابقا قدر يوقف وقع بأرضو
بعد نص ساعة
معاوية : الا ما فضحتنا هلق بفكروني قاعد مع واحد بهدد بالقتل
احمد: اي ماني قادر شوفهن عم يظلموك وساكت
معاوية: وشو مشانك
احمد: مرتي وابني بضلو هنيك
معاوية: بس جوى بنت حسين رح تكبر العداوة وقدور رح ينزعج
احمد: مابهمني هي مرتي هلق وقدور مو اخوها ابن عما وربيو سوا وحسين بقول عنو ابنو
معاوية: بتعرف انو هلق رح يكرهني اكتر بسببك
احمد: وليش بقا بالعكس ليحبك لانك شيخ عشيرة
معاوية: اذا هالحكي بيصل لغير ابو آدم يا احمد لنتفك فهمان مابصير يتهدد واحد من الكبار وقصة اني شيخ محدا رح يعرف فيها فهمان
احمد: فهمنا شبك ولوو
بيسكتو شوي وبيصفنو
احمد: شو عرفك انو ناويين ع شي
معاوية: حسين صرّ بدو صهيل يشارك وانا وصهيل بالذات وانا صهيل روحي مستحيل اتخلى عنو
احمد: شو مصلحتهن
معاوية: تتذكر لما هجمنا عليهن واخدنا سلاحهن لما كنت عند حسين
احمد: اي
معاوية: كم رصاصة طايشة صابو حدا من عشيرتو هيك دريت
احمد: اي
معاوية: ولاني قبل بيومين كنت مستلم المنصب بالعشيرة بس حكم منفي (يعني عن بعد) انحط كل الحق عليي وصارو بدهن ينتقمو ولما عرفو اني بنتمي لعشيرة االرمح هجمو فهمت ولا لا
احمد: ايوااا بس حسيت غير قصة مدري ليه
معاوية: ياخوفي ابوك يروح ويقولولو بكل بساطة الشيخ معاوية الجبلي هو الي هجم علينا ومين الشيخ انفضحنا يامعاوية
احمد: انت نشفت قلبنا لاستلمت المنصب وع حظك بتصير هالقصة
معاوية: يعني بربك بتقبلا ع حالك تجي ع عشيرة غريبة وبعد فترة تستلم منصب الشيخ
احمد: بس حسين مارح يتركنا لاتنسى دم ابنو برقبة عشيرتنا
معاوية: بدي منك طلب
احمد: لعيونك
معاوية:********
احمد: والله صعب
معاوية: مانك كفو
احمد: خلص ماشي بس مافي غير هالطريقة؟
معاوية: شبك مافي غيرها وبعدين مؤقت كم يوم ومنرجع
احمد: طيب يلا انا قايم جبلك الوراق وبرجع
معاوية: ماشي
غاب شوي رجع جايب معو الوراق وحطهن يجيبتو
معاوية: انو وحدة قرئها ياترى؟
احمد: كانت بالارض هي
حملها معاوية قرئها واتطمن انو مو اول رسالة بعتتلو ياها
قعد عم يرجع يقرء رسالة رسالة
بحسو ع موسى عم يفيق
احمد: شلون صرت عمي
موسى بحزن: منيح 😒
احمد: عمي ببوس ايدك. مابدي حدا يعرف مشان الله هات ايدك لبووسا مابدنا تعلق بين العشيرتين وهيي كلها زلة لسان ماكان بقصدي بس عصبت شوي
بقرب ايدو ليبوسا بيسحب ايدو موسى باخر لحظة
موسى: اعوذ بالله
احمد: الله وكيلك اذا بيطلع الخبر من تلاتتنا يمكن تصير دبايح وبفكرو انو العشاير عم تتحدى بعض وانت بتعرف شو يعني علقة عشاير يعني دم بلا سبب وتارات تكبر تتعرض مرتي وابني الي لسا ما ولد للخطر
موسى: متزوج
احمد: اي مرتي جوى الي اجت قبل هالمرة
موسى: يعني انت وياه من عشيرة الخشب وكلمتو مابتصير تنتين هيك انتبهت عليه وع حسين شو نوع العلاقة بينكن غير المصاهرة؟
اتطلع احمد بمعاوية الي رجع نام فورا لانو مالو عين يطلع بموسى
احمد: مابقدر قلك اذا ماسمحلي معاوية
موسى: ليش كل هالقد خايف منو
احمد ونزل راسو: هو اعز رفقاتي ومو خوف هاد احترام الو
موسى: هاد واحد حدا بيقدرو وبيحترمو لك خان ثقتي فيه وحكى مع بنتي لك خاني عم قلك عيب عليه وع شرفو وشواربو يعمل هيك
احمد: عمي صدقني نيتو طيبة
موسى: وشو مشان انو معاوية شيخ عشيرة الخشب لكن حسين شو؟
احمد بصدمة: شيخ شو
موسى: سمعت اخر حديث بيناتكن وانو نشف قلبكن لستلم المشيخة شو هالعلاقة الي قوية لهالدرجة حتى مرتبط فيها بعشيرتكن لو متزوج من عنكن مو هيك بدي تحكيلي كلشي هلق
احمد:مابحقلي احكي عمي لاتواخزني والشي الي سمعتو اعتبر حالك ماسمعتو
موسى: انا قايم روح لكن وخبرو انو بس تستقر الاوضاع رح خطّب بنتي لرماح لايستنى
وقف احمد مصدوم من الي سمعو
احمد: شو الي بدو يصير بمعاوية بس يعرف معقول رماح طلبا من ابو آدم
فات ع خيمتو متل الصاروخ كانت ألانا نايمة مسكا من شعرا وضربا هداك الكف ع وجها الي خلاها نفيق مرعوبة
ألانا: اااخ خير باباا بسم الله لك شو فيييه
اسماء برعب: خير شو فيههه
ابو آدم؛ من وين بدو يجي الخير وانتي بنتي ااااه عم تحكي مع شب ياكلبة وطيتيلي راسي الله يوطي راسك هيك عم تحكي مع معاوية وانا عم قول ليش مابقا بدك ترجعي ع المدينة
ألانا: والله مو قصدي يابابا والله مو قصدي الله وكيلك
ابو آدم: خيبتي ظني فيكي وخسرتي ثقتي يا ألانا ياعيب الشوم بس
اسماء: طول بالك ليسمع حدا
ابو آدم: كنت ناوي ساويكي بني ادمة واسألك اذا موافقة ولا لا بس متل ماعملتي هيك من ورايي وع كيفك رح جوزك رمّاح و ع كيفي فهمانة رمّاح وابو رمّاح اليوم طلبوكي مني وانا موافق رح قول انك موافقة كمان بلكي منستر هالفضيحة بقا
قربت الانا منو وصارت تترجاه وتبوس رجليه: ببوس ايدك يابابا ببوس رجلك انا ومعاوية منحب بعض مشان الله يا ابي مابدي غيرو مشان الله
ابو آدم: بكرا كتب كتابك
وقعت الانا بارضا من الصدمة مو قادرة تلملم شتاتا وبقيت مكسورة بالارض
ع اذان الفجر
فاق معاوية وكان احمد جنبو صافن
معاوية: شبك صافن؟
احمد بتوتر: اه لا ولا شي
معاوية: احكي الصدق بعرفك وقت تكذب
احمد: ماعم كذب
معاوية: احمدد
احمد: رح احكي
حكالو احمد كلشييي صار ودموعو نزلو لحالهن من الصدمة
معاوية: احمد معقول معقول يساويها
احمد:...
معاوية: لا مستحيل الانا توافق
احمد: شو مارح يكون غاصبا توافق هي اذا اكلت قتل وفرّقت اليوم انت مابتعرف اهل المدينة لسا اصعب من العشاير
معاوية: بس والله مالمستا
احمد: مصدقك
معاوية: مشان خطة مبارح
احمد: اي
معاوية: ساويها حقيقة
احمد: بسسس
معاوية: مامنعرف ايمت الله بياخد امانتو عشان هيك خبرهن وانت الي بدك ياه ساويه ماقادر واجه الانا وانا لقيط مستحيل يوافق حاسس حالي ضعيف كتير انكسرو جناحاتي اعمل الخطة ولاتجادلني
احمد: طيب
ع الضهريات اجتمع الكل بالمجلس وجهزو ألانا ليكتبو الكتاب والعرس بعد بيوم مشان الاوضاع
امير: مع انو ماكان بدنا يكون عرسو سلوقة كان بدنا نحتفل ونولع الجو
اسد: قصدك تشوف نسوان
امير: وانت شو دخلك 🙂
اسد: لمرتك
امير: خراس
عمر: خلص منعمل الي علينا ولاتنسو عنا شهداء بالعشرة بس لانو عمي ابو آدم بدو يرجع فترة ع المدينة بددو يأمن ع بنتو
محمد: مين كان حيصدق انو رمّاح يتزوج قبلي 🙂😂
الكل: 😂
عند ألانا
دهب: يييي انشالله الف مبروك تؤبريني
الانا بسعادة متصنعة: الله يبارك فيكي
عنود بحزن: مبروك
ألانا:....
عزّة: يلا الكل ناطر برّا عشان الدبكة يلا بنات لنطلع يلا عمة
اسماء: اا اه اي يللا
طلعو الكل بقيت ألانا يالخيمة بزينتا وعنود واقفة جنبا عم تبكي
عنود: طلعتي انتي بالاخير
ألانا؛ صدقيني مابحبو ولاعرفتو اصلا مين هو
عنود: اي وهلق شو خلص خسرت كلشي مشي الحال
ألانا بحزن: مو انتي الي خسرتي انا خسرت كلشي خسرت ابي وامي وحياتي وحبيبي
عنود: مافهمت
حكتلها ألانا كل القصة لعنود بينما الكل مشغول برا بالاحتفال
عنود بصدمة: شلون ابوكي عرف
ألانا: مابعرف مابعرف مابدي اتزوج رمّاح يا عنود مابديييي
عنود بحزن: طلعتي بموقف اصعب مني
ألانا: بوعدك لو شو ماصار ما اسمح لرماح يلمسني
عنود: رمّاح عصبي لسا انتي مابتعرفيه
ألانا: مستحيل حدا يلمسني غير معاوية عم تفهمي
عنود: روحي الله يبعتلك شي معجزة من عندو ياارب الي والك 💔
ألانا: اميين امييييين 😭💔
عند معاوية
معاوية: هلق شو يعني خلص راحت من ايدي
احمد؛ اي والله
معاوية ببكي: واحلامنا وحبنا شو يا الله شووو يارب مالي غيرك يياااارب
احمد: طول بالك ياصاحبي
معاوية: رماح كسر ضهري يا احمددد رماح كسر ضهري
بفوتت رمّاح وابو رمّاح وباقي الشباب عليهن
ابو رمّاح: خير شبو عم يبكي
احمد: مابعرف من لما فاق عم يقلي موجوع
رمّاح: شو مابدك اتباركلي خطبت وبكرا رح بتزوج
احمد: نشالله الف مبروك نيابة عنو بس لازمو رياحة صحتو مو تمام ابدا
ابو رمّاح: طيب اطلعو ياشباب خليه يرتاح
معاوية: احمد حاسس حالي رح دايخ كتير راسي تقل
احمد: طيب ارتاح ارتاح انت لاتحكي
سكت معاوية وغمض عيونو واجاه متل الاختلاج
احمد: معاوية معاوية رد عليي
حط ايدو عند رقبتو ليشوف النبض
فجأة مابعود بحس عشي
احمد: معاوية معاوية معاويةةةةةةةة
بيسمعوه الي برا وللكل بفوت ع الخيمة ليشوف شو القصة
ابو رمّاح: شو القصة
احمد: كلو بسببكن كلو بسبببكنننن
ابو آدم: شو القصة شو فيه
اتطلع احمد فيه بحقد وكمل
احمد: ماني مسامحكن كلكن سبب موتو انتو كلكننن
رمّاح بصدمة: مات
سمعو صوت صرخة من صهيل برا الخيمة وكأنو عم يعزي
احمد: أشهد ان لا إله إلا الله وان محمد رسول الله زلغطولو راح شهيد پاذن الله
كانت صدمتهن قوية محدا مصدق انو معاوية مات كانت عنود كل الوقت ماسكة ايد ألانا بس لما سمعو الخبر هنن التنتين وقعو بأرضهن
احمد: وصاني وصية اني اخدو وادفنو بعيد مابدو حدا يمشي بجنازتو وانا بدي نفذ وصيتوو وقلي محدا يجيب سيرتو بعد اليوم وانسو انو كان معكن بعشيرتكم
ابو رمّاح: ع الاقل نصلي عليه
احمد: اسف بس من دون انانية هو قلي قبل ما رب العالمين ياخد امانتو قلي يا احمد اذا متت اذكرني بالخير وانت صلي على جنازتي امام وانت امشي بجنازتي ومحدا يدفني غيرك وقول لعمي ابو رمّاح اني كنت حبو وعزهو كتير انا رح نفذ وصيتو
ابو آدم: من بين وصاياه ماسمحلك تعرف عن حالك للناس
احمد بابتسامة: لا
احمد: كل العشيرة تسمعني منيح انا شب من هالشباب قصتي الخاصة محدا بيعرفا غير الشيخ حسين ومعاوية وانتو مالكن الحق انو تعرفوها ولا بشرفني اصلا تعرفوها
كان حاطت معاوية ع صهيل والقطة بقلب الخرج والكلب ماشي وراهن والكل عم يتتبع اثرو حتى اختفى ومن فرط الحزن ابو رمّاح مابقا قدر يوقف
احمد: وهون دفنتك ياصاحبي ودفنت معك اعمق سر يلا ياصهيل نمشي
بالمجلس
ابو آدم: وهي كل القصة
ابو محمد: طيب كيف ماعم استوعب شلون شيخ عشيرة الخشب شو مشان حسين لك في كتير شغلات مافهمناها
ابو رمّاح: الحل عند حسين انا قايم روح لعندو
ابو آدن: جاي معك
اب. محمد: وانا
رمّاح: جاي معك ابي
ابو رمّاح: لا انت خليك من غير شي انتزع كتب كتابك بموتت معاوية
راحو الكبار ع عشيرة الخشب والباقي بقيو بالعشيرة
دهب: بسم الله عليها بعرفهن حساسين بس مو لهالدرجة
اسماء بتوتر؛ من وقت قصة المزيونة اتلخبطت ع طول زعلانة
عزه: الله يعينا
ام رمّاح: حتى عنود هيك هالفترة
بلشت عنود تصحصح وشافت جنبا ألانا صارت تبكي
عنود: ألانا ألانا
ام رمّاح: تركيها نايمة
عنود: ممكن تتركونا شوي.
ام رمّاح: ماشي
طلعو الكل وعنود صحت ألانا
عنود: ألاناااا
ألانا: عنووود عنجد مات مشان الله لاتقوليها يا عنود لا مامات مستحيل يموت
عنود بحزن: طولي بالك وقومي.
ألانا: مابدي رمّاح مابدي
عنود: طولي بالك ولاتبيني لحدا انك زعلانة ع موتتو لانو محدا زعل
ألانا بصدمة: محدا
عنود: لا
الانا ببرود رهيب: معقول محدا زعل من شو قلبهن ليش كل هالحقد لك شو عمللهن حشبي الله ونعم الوكيل ياربي
فجأة فاتت ام رمّاح واسماء
اسماء: اليوم حتكون دخلتك قررو يعملوها من دون طنة ورنة
ألانا صدمة: اليوم
اسماء'اي بعد ساعة جاي ياخدك علقولكن خيمة بعيدة شوي لانكن عرسان
تركوهن وراحو
ألانا بضحكة؛ اسمعتي عرسان ههه يا الله ع هالعرس والعريس والعروس ويم العرس وحظ العروس
عنود ببكي: ألانا انا بحبو والله
ألانا: اتطمني مابيلمسني طول ما انا عايشة هو الك بس واذا قرر يلمسني وجحش قاتلة حالي
عنود: بعيد الشر وعد مابيلمسك؟
ألانا: وعد
بعد ساعه. اخدو ألانا ع خيمتا وع اساس يلحقا رماح
بدلت تيابا بسرعة وحطت ع راسها شي يسترها وقعدت
سمعت زلاغيط جاي من برا عرفت انو رمّاح اجى
شدت ع السكين الي بأيدا وهي خايفة ومتوترة
بفوت رمّاح بعد ما ودع الكل وبسكر الخيمة منيح بيلتفت ع ألانا بينصدم من منظرا
رمّاح: شو هاد
ألانا ببكي: انا محدا بيلمسني وانت مارح تلمس غير حبيبتك عم تفهم
رمّاح بصدمة: مين حبيبتي وبعد نحن هلق اتزوجنا يعني متزوجين شو القصة
ألانا: انا مابحبك انا انجبرت ع زواجك عم تفهم
ركد عليها ومسكها من رقبتا وشد عليها
رمّاح بصرامة: انتي مرتي والي حقوق عليكي فهمانةةةة
ألانا: لا ومارح تاخد شي
رمّاح: بدي اخد ورجلك فوق راسك فهمانة فكوني متعاونة احسن واريح الك
بلش يمزعلا تيابا وهي عم تبكي
ألانا: انا وعدت معاوية محدا يلمسني غيرو عم تفهم
وقف رمّاح من قوة الصدمة الي نزلت عليه
رمّاح بصدمة: معا معاوية
ألانا وعم ترتب حالا: اي معاوية انا ومعاوية منحب بعض من زمان ولولا خبر انك رح تتزوجني لكان هلق عايش وبيناتنا
رمّاح لسا مصدوم: معاويةةةةةةةة
ألانا': عشان هيك يا رمّاح خلينا صحاب واخوة يا اما اقسم بالله بدبح حالي وبلحقو لمعاوية ها
قعد رمّاح وحط ايديه ع راسو مو قادر يستوعب الي صار والي سمعو التفت ع ألانا لقاها رجعت غطا ع راسا
ألانا: بعد فترة قول اني مابجيب ولاد ونصيحة اتزوج البنت الي هي بتحبك مو الي انت بتحبا انا رح نام هون انت نام هنيك
رمّاح بقلبو: هي عقابي لاني كنت شوف حالي ع الناس معقول معاوية كان احسن مني كيف هيك طلع شيخ عشيرة بين يوم وليلة وهو كل الوقت عايش عنا ذليل لك حتى البنت الي حبيتا طلعو حاابين بعضهن هنن التنين ليش معاوية احسن مني ليش وقبل مايموت بين انو بطل لانو طلع حامي العشيرة وطلع خسيس لانو نص العالم شاكة فيه عامل مؤامرة وبالاخر طلع بحب البنت الي بحبا وهي بتبادلو نفس المشاعر
اتطلع نظرة ع ألانا الي نايمة ولسا مااشالت الغطا عن راسا
رمّاح بقلبو: معقول لهالدرجة هي بتحبو لك حتى نايمة وماشالت عن راسا ياترى في حدا بحبني هيك اوووف
تاني يوم فاقت رتبت كلشي قعدت لانو الناس جاي تباركلا
ألانا: رمّاح رمّاح
فاق رمّاح وتطلع فيها
رمّاح: نعم
ألانا: رح يأذن الضهر والنسوان جايين يباركو اليوم
رمّاح: قايم
راح غسل وجهو وصلا الضحى ولبس تياب ليطلع
رمّاح بقلبو: يا الله ع جمالك
خطر ببالو يعمل شي راح باتجاها وهي ترجع لورا خايفة.
رمّاح: عشان مايشكو
ثبتلها ايديها ورا ضهرا وحط رجليها تحت رجليه وباسا بعنف وهي تحاول تبعد عنو ماقدرت لانو مثبتا بعدين بعد وطبع بوسة ع رقبتا عشان تبين للناس
رمّاح: صح ما قدرت اخد الي بدي ياه بس هي عشان مايشكو مو انتي هيك بدك 😒
قعدت ألانا تبكي بقهر حتى قامت غسلت وجها ورقبتا واتمضمضت وقعدت
ألانا: محدا بيلمسني غيرك يا معاوية محدا مابدي لو متت انت مابدي غيرك. معاوية مابدي
فاتت امها لعندها اول الشي سلمت عليها واتطمنت عليها وفرجتا القماشة (هي سحبت دم من ايدها وحطتهن ع القماش عشان تقتنع وتفرجي ابوها بطلب من ابوها)
اسماء: الله يرضى عليكي رفعتي راسنا
ألانا:/....
اسماء: جايين نسوان لاتقلبي خلقتك
ألانا: شو ذنبي ما آخد الي بحبو ياماما شو ذنبي
اسماء: ذنبك انك حبيتي واحد مالو اهل ولا الو فصل مو معروف محدا بحبو من تصرفاتو وغير هيك خنتي ثقتنا كلنا فيكي وكسرتي ضهر ابوكي
ألانا: شوذنبي اني حبيت ياماما لشو النا قلب مو لينبض ولا هيك خليه يدق بس ليضخ الدم
ألانا: هيك انتو ماظلمتووني ع فكرة ظلمتو رمّاح الي رح يعيش مع وحدة مابتحبو وحدة مو طايقة القعدة معو
اسماء: خرسي هلق
لتسمع صوت ابوها برا الخيمة
اسماء: فوت موسى
فات ووقف قدامها حكا بصرامة
موسى: شو فيه؟
اسماء: قال ظلمناها وانو هي بتحب معاوية ورح تظلم رمّاح
رفع ايدو ومسكا من شعرا وسفقا هداك الكف الي رن رن
موسى: ماعندي ولاد يطلعو عن شوري فهمانة
ألانا ببكي: بس ياباب
موسى بمقاطعة: خرسي كلمة بابا مابدي اسمعا منك فهمانة
ألانا: طيب ماشي رح اصبر مو انت علمتني اصبر ع الابتلاء رح اصبر
موسى وطلع جنانو: شو قصدك وليييه شوو
مسكتو اسماء عم تهديه وطالعتو لبرا
اسماء: خلصنا موسى البنت مقهورة يومين وبتحس ع حالا
موسى: ربيها منيح للبنت ماناقصني حكي من ابو رمّاح وابنو
كانت ألانا جوا عم تبكي بعدين مسحت دموعا ولبست كان الكل متجمع قدام الخيمة عشان يباركولا
ألانا: يا اهلا وسهلا تفضلو اهلين وسهلين
فاتو الكل وعم يعطوها هدايا ومن هالحكي ويبوسوها ويباركولا
وكانت امها جوا عم تستقبلهن
اخر وحدة عنود اتطلعت ب ألانا واجتها غصة
ألانا: اهلين بالعنود
عنود: مبروك
ألانا بهمس وضحك: ع شو مبروك اذا شعري ماشافو😁💔
عنود بفرح: عم تحكي جد
الانا: ولك انا ألانا ع سن ورمح والانا مابتخون
عانقتا عنود بفرحة وألانا فرحانة لفرحتا بيجي رمّاح من ورا عنود
رمّاح: ألانا
عنود بتلبك: انا رح فوت عن اذنك
فاتت عنود
ألانا: نعم
رمّاح: خذي هي ضيافة لجوا
ألانا: يسلم ايديك
قبل مايفوت رجع وقفها
رماح: الانا
التفتت عليه: نعم
رمّاح: لاتروحي عند اهلك اليوم اريدك بشي
ألانا بريبة: عند اهلي؟
رمّاح: ابوكي قال انو بدو ياكي تنامي عندو اليوم
ألانا بخوف: ش شو بدو
رمّاح: لاتروحي وخلص قولي رمّاح منبه عليي ما اخطي خطوة برا
ألانا: طيب
تركتو وفاتت وهي كل خوفها يكون ابوها بدو يساوي الي ببالا
عند رمّاح
راح وقعد مكان اخر مرة قعد هو ومعاوية وصار يحكي مع حالو
رمّاح: ماريحتني لا انت وعايش ولا انت وميت شو تريد بعد فهمنييي كنت احلم فيها ليل مع. نهار انها تصير الي وبيوم وليلة بتقلي انكن بتحبو بعض ومستحيل حدا يلمسا غيرك طب والله انت متت ياترا بقدر خليها تحبني
اجاه. طيف معاوية عم يقول
معاوية: حبها الي اكبر من انو تحبك مع الوقت ألانا ملكي انا مستحيل تصير ملكك
صار يضرب راسو بدو الافكار كلها تروح بس ماعم يقدر
رمّاح: يعني هلق شو ماني عارف شو ساوي ليش ضعفت قداما بس لاني. بحبا بس لاني بخاف ع زعلا هيك صار شو بدهن يقولو اهل العشيرة اني مالمستا حيقولو ماني رجال ابن شيخ العشيرة رمّاح الي بينضرب المثل فيه مانو رجال اخخ
سكت وصفن بالارض مرو عليه الدقايق والساعات دهر
بيجي من وراه عمر
عمر: شبك يا اخي
رمّاح: ولا شي
عمر: احكي الصدق من مبارح وانت مو ع بعضك
رمّاح: مشان معاوية مو اكتر
عمر: شبو معاوية
رمّاح: كيف هيك ضحك ع الكل ولعب عليهن
عمر: اتطمن محدا شايل قصتو من ارضا ينمحئ. يموت محدا مهتم
رمّاح: مابتجوز عليه الا الرحمة بس علق العشاير ببعضها وراح لرحمة ربو مرتاح ومبسوط
عمر: شو نساوي مافينا نغير القدر شو اخي رح صير عم ولا لا 😂
رمّاح بتوتر: شو قصدك
عمر: مو قصدي شي 😂 بس عم قول انو رح صير عم واخيرا يعني اذا قدر الله ومرتك. حملت
رمّاح: نشالله اخي نشالله
عمر: يلا سلااام رايح شوف خيلي
رمّاح: طعمي خيلي بطريقك
عمر بريبة: طيب
بعد فترة
بمكان بعيد بقلب جو المدينة الصاخب
....: مابتمل لحالك
"" "": ماني لحالي انا مليان بشغلات كتير انت مابتشوفها
....: الله يصبرك على ما ابتلاك
" "": امين شو حتساوي
... .': هلق رجعت من الشغل فايت اتحمم سكت شوي وكمل
....: انت ماحاسس انك بعدت عن ربنا ومابقا صليت
" "": مبلا
....: طب ماترجع
" "" "" انشالله
....: الله يهديك
" "" ": قررت اطلع معك الشغل
.....: لا مافي يلا سلام
فات لجوا وكان التاني ناطرو برا بالبرندا
بالعشيرة
ابو آدم: يعني اننتو متأكدين
ابو رمّاح: اي متأكد
ابو محمد: شو مصلحة عشيرة الخشب تهرب وتتفرطع
ابو رمّاح: مابعرف
فجأة بيجي ضيف ع العشيرة
الضيف: السلام عليكم يا اهل العشيرة
طلع ابو رمّاح ووقف قدامو
ابو رمّاح: اهلين بالضيف اهلا وسهلا تفضل
الضيف: الله يزيد فضلك يا اخي
فات ع المجلس شربوه قهوة مرة ع بين مايستريح
الضيف: انا اسمي جواد من عشيرة االسباع
ابو رمّاح بفخر: ياهلا نورت يا اهلا وسهلا والله نورت اخي شرفتنا
جواد: الي الشرف والله انا جاي بدي. اسألكم سؤال كل العشاير قالت الجواب عنكن
ابو رمّاح: اسأل ونشالله مابتطلع خايب
جواد: انتو اخر مين شاف عشيرة الخشب بتعرفو وينها شي؟
ابو رمّاح باستغراب: والله لا الكل مستغرب كيف هيك بتتفرطع بين يوم وليلة
جواد: عم يقولو انو شيخ العشيرة من عشيرتكن انا جاي عشان شوفو
ابو رمّاح بصدمة: كيف من. عشيرتنا لازم يكون شيخ العشيرة اخدينو من العشيرة ذاتا
جواد: هي المعلومات الي بايدي والله
ابو محمد: انت متأكد
جواد: اي بالله حكذب عليك يشيخ؟؟
ابو محمد: لا حاشاك
ابو آدم: ومين هو بتعرف اسمو
رمّاح لعمر: معقول الي عم. نسمعو
امير: مستحيل
اسد: اسكتو شوي شبكن
عمر: هلق منعرف
ابو رمّاح: مين هو طيب؟
جواد: اسمه على ما اظن معاوية.. معاوية الجبلي اي عمرو بالعشرينات
الكل وجهن مابقا يتفسر وقف ابو رمّاح بصدمة ووقف الكل معو حتى الضيف
ابو رمّاح: شو عم. تحكي انت
ابو رماح بقلبو: لما خبرنا ابو ادم محدا صدق واتوقعنا معاوية كان عم يكذب عليه
جواد: ليش شو فيه
ابو رمّاح: على علمنا شيخ. عشيرة الخشب حسين
جواد: اي ما. حسين بعد. ما استضاف احمد ومعاوية عندو بعد بفترة بسبب مرضو اتنازل ع منصبو وكل. العشيرة وافقو ع معاوية ومعاوية ما وافق الا بشروط
ابو رمّاح: اتفضل اتفضل احكيلنا كل القصة
جواد: انتو عم تحكو عنجد يعني مابتعرفو هي القصة
الكل اتطلع ببعضو ومحدا بيعرف
ابو محمد: احكي بالله عليك
قعدو الكل حتى الشباب الي كانو واقفين ووراهن اتجمعت العشيرة كلها
جواد: هاد ياسيدي
فلاش باك
بعد المعركة الي صارت وكانت بانتصار عشيرة الخشب لاول مرة
انسحبت عشيرة الرمح خايفين من خسائر اكثر
رجعو كل من العشيرتين ع اماكنهن والمتعارف عليه انو بعد المعركة بساعتين بيرجع عدد منهن بياخدو الضحايا من دون قتال
رجعت عشيرة الخشب بسرعة اخدت ضحاياه وبتجي عينهن ع واحد عم يساعد الثاني حتى يقوم بيخطر ع بالهن انو ياخدوهن رهائن
معاوية: بعدو هيك لحدا يقرب بعدوووو
ادهم: طول بالك اخي طول بالك خلينا نساعدكن
معاوية: رجعو لورا عم قلكن رجعو لورا اذا حدا بيلمسو دابحو
ادهم: اخي عم قلك نساعدكن
معاوية: هلق بتجي عشيرتنا خدو اهلكن وامشو
ادهم: بدك تمشي معنا وغصب ماشايف حالك رح يصفى دمك كمان
معاوية: خدو احمد هو بحاجة علاج اكتر مني بعرف عنكن. مواد طبية احسن منا
ادهم: شباب خدو الشب بسرعة
الكل: حاضرر
ادهم: وانت شو رح تساوي
معاوية: انا مابدي يصير دم بين العشاير عشان هيك رح قول انو كنت غايب عن الوعي ع بين مايرجع احمد بخير وسلامة
ادهم: اسمع اذا بتقول لحدا انو نحن اخدناه قاتلينك فهمان لتصحى الامور منفكر شو حيصير واذا حدا بيعرف رح خبرهن يقتلو احمد ومانعالجو
معاوية: خدو عالجو بسرعة
اخدوه وراحو
بعد ما اجت عشيرة الرمح لتاخد الضحايا استغربت لعدم وجود احمد
فتشو كل طريق مالقوه وصلو لعند الشيخ ابو رمّاح وحكولو
ابو رمّاح: احمد مالقيتوهههه؟؟؟؟
اسد: اي والله ياعمي ومافي غير معاوية كان صاحي
قرب رمّاح من معاوية ومسكو من قبة قميصو
رمّاح: وينو اخي ياكلببب
معاوية: مابعرف
قرب عمر وضربو
عمر: عم نسألك اخي وين محدا شافو غيرك
معاوية عم يتذكر
ادهم: اذا حدا عرف انو اخدناه رح نقتلو ونقتلك
معاوية: مابعرف
ابو رمّاح: ربطوه وخلوه يعترف غصب عنو
بيجي واحد من وراهن
امير: عمي انا بعرف مين قتل احمد
ابو رمّاح بصدمة: احمد انقتل؟
امير: اي عمي للاسف
رمّاح بعصبية: مين قتلو لك ميييين
امير بحزن: شفت ادهم ابن شيخ عشيرة الخشب قوس عليه
ابو رمّاح: جهزو الخيل ع الفجر رح نروح نقاتل عشيرة الخشب
انتشرت الاشاعات بين العشاير وصارو بدهن يحلوها بس مافي طريقة العشيرتين ماعم يتقبلو كل عشيرة شايفة الثانية غلطانة
ع الفجر علقو مرة تانية وراح ضحايا اكتر
كان معاوية ماشي باتجاه المعركة بدو يشارك بجية فرس كبير لونو ابيض بيقعد قدام معاوية بيركب عليه وبيركد الخيل فيه
معاوية بصدمة: خيل اصيل يا اللله ما احلاه تبع مين ياترى
بيوصل الخيل لمكان المعركة وبيضل سارع بيخترق صف عشيرة الرمح وبوقفو اطلاق نار لما بشوفو معاوية ع الخيل وعشيرة الخشب بوقفو اطلاق نار لما بشوفو الخيل
حسين بريبة: خخيل ادهم شو القصة
بروح الخيل باتجاه حدا بالارض وبنزل معاويو لعندو
معاوية بصدمة: انتتت
ادهم بتعب: اي انا اخخ
معاوية: خير خير شبك
ادهم: بعتلك. خيلي يجيبك عرفك من ريحتك اول مرة خيلي بيحفظ حدا هيك
ضحك بتعب بعد هالجملة
معاوية: اخي قوم بلكي منداويلك جرحك
ادهبم بتعب: اسمي ادهم واحمد بخير لاتاكل هم والخيل صار ملكك
معاوية: ادهم ادهم
ادهم: منايي انو تستلم عشيرة الخشب انت لانك شهم وبتستحق واحد متلك بعرض حالو للخطر كرمال حدا مابطيقو هي ابرز صفة للرجال الشهم والتضحية وصيتي انو عشيرتك ماتعرف انو احمد عايش خليهن يندمو بعدين بس يجي الوقت احكي احساسي بقلي انك مظلوم معهن بدي ياك تعلمهن درس لاتخلي الظالم يعيش حياتو مبسوط
معاوية بدموع: دكتور بسرعة مافي دكتور
ركد حسين باتجاهو
حسين: ابني ابننني
ادهم: ابي الخيل لمعاوية معاوية بيستحق معاوية غير صدقني كنت براقبو من زمان فهمت عليي
سكر عيونو بهدوء وكان مبتسم
حسين: عليهن يا النشامةةةة
عمر: مين قوس هداك الشب
رمّاح بتوتر: انا اخدت بتار اخي شمالك يازلمة
ابو رمّاح بحقد: قوسو معاوية
الكل بصدمة: معاوية بسس
ابو رمّاح: معاوية داسوس مافهمتو لساااا ماشايفينو وين واقف
وجه عمر فردو ناح معاوية وقوس عليه وقع معاوية فوق ادهم
بعد ساعتين الكل انسحب وكل عشيرة صارت تاخد جرحاها
بعشيرة الخشب
حسين: ادهم خلص راح
جوى: بابا طول بالك مشان الله اخي راح شهيد لازم تكون اقوى من هيك
احمد بتعب: اسف عمي الحق عليي
حسين بتجاهل: عالجو جروح الشباب ع بين ماندفن شهدائنا
تركهن وطلع
جوى: لاتواخزو لبابا هو تعبان هلق
احمد: لا عادي
طلعت ولحقت ابوها كانو عيونها صغار من البكي ووجها كلو احمر
الدكتور: خليهن مرتاحين ياشباب
احمد: ومعاوية ؟
الدكتور بنرفزة: بخير بخير بس بغيبوبة فترة وبفيق
احمد بصدمة: غيبوبة وقديش بيقعد بالغيبوبة
الدكتور: يعني شهر شهرين تلاتة وبيصحى عادي يعني 3 اصابات بجسمو بدك ياه يصحى 😒
مابقي غير معاوية واحمد وطالعو باقي الجرحة كلهن لعند اهلهن
احمد: معاوية يامعاوية قوم والله ظلمتك قوم ماكنت بعرف معدنك حكالي ادهم عليك واشقدك شهم وبينرفع الراس فيك مع انو ماحكا معي الا دقايق عنك وانو لما كان يراقبك بس لمس فيك الشهامة حكيتلو عنك وكيف ظلمناك بالعشيرة قلي الانسان اذا مافهم معدن غيرو كل عمرو رح يبقى ظالم (♕)
مر شهرين ع معاوية وهو بغيبوبة اتحسنت معاملة حسين الهن لانو هو اصلا قلبو طيب ومابحب الظلم ولغاية بنفسو وسر دافنو بقلبو بكل حزن واحمد اتحسن وصار يساعدهن بشغل العشيرة ومابقى سمعو شي عن عشيرة الرمح وحسين قال لاحمد انو وصية ادهم عشيرتك مايعرفو انك عايش واحمد مارفض لانو حقهن يعني عشيرة الرمح. صح خسرت بس خسارة عشيرة الخشب اكبر من حيث الرجال واتبين الظلم الي انظلمو معاوية بالآخر
احمد: ياشيخ
حسين: نعم يا احمد
احمد: بما انو في ورا العشيرة ارض خصبة وبينزرع فيها شو رأيك نعمل فيها كم زريعة
حسين: بصير وانت المسؤول
احمد: عراسي
راح احمد واخد كم شب معو وبلشو يشتغلو. بالارض
احمد: ركزولي ع هاد المكان
...: حاضر حاضر
سمع صوت من بعيد
معاوية: ماتشتغل منيح ولاا
التفت احمد عليه بلهفة وبسمة شاقة وجهو شق
احمد: معاوية
معاوية: بتعرف شبعت نوم ها وماني حاسس بوجع غريبة
ركد احمد عليه وعانقو بقوة
معاوية: لك جرحك احمد طول بالك هلق بتنزف
احمد: بربك يارجل مو اتعافيت انا وانت كمان
معازية بريبة: تعافيت؟؟ انا وانت؟ ليش شبني؟
احمد: تعال تعال بدا قعدة
قعدو وحكالو احمد كل القصة
معاوية بحزن: هيك لكن ومين الي قوسني؟
احمد: حكالي الشيخ حسين انو بس تصحى هو بقلك
معاوية: ايوا طيب تعال معي
راحو عند الشيخ ورحب فيهن وقعدو بالمجلس الشيخ واحمد ومعاوية بس
حسين: انا ما رح انتقم فيكن بدي ياكن انتو الي تنتقمو قرار ابوك يا احمد كان ظالم ونحن ما قربنا ع حريمكن وبحلف ع هالشي اول معركة صار دم واخدناك لنعالجك وكمان هيك منقدر نصالح العشيرتين مقابل نرجعك بس ابوك مابعرف كيف فهما ورجع قتل ابني متل انو العين بالعين والسن بالسن بس نحنا ماقتلناك نحنا عالجناك انا ماعم مننك بس كان ممكن تكون انت الصلح
احمد بخجل: انا بعتذر نيابة عن عشيرتي
معاوية: وانا بعتذر نيابة عن كل حدا ظلم عشيرتك. ياشيخ انتو عشيرة النخوة.و الكرامة وكل عمرنا رح نبقى مقصرين. بحقكن
حسين: نشمي والله ماخاب ظن ادهم فيك
معاوية: الله يرحمو بدي اسألك سؤال.
حسين: اتفضل
معاوية: الي قوصني من عشيرتي ولا عشيرتك؟
حسين:.....
معاوية: جاوبني عمي اذا من عشيرتك قبلان
حسين'اذا من هي العشيرة او عشيرتك شو حتساوي
معاوية: اذا من عشيرتك خلص حقي وصلني لانو ادهم راح واذا من عشيرتي بدي ارجع انتقم ولا تواخزني احمد بس عشيرتك. ظلمتني كتير وعانيت وبقيت ساكت صار وقت انتقم صار لازم كون الظالم ظلموني لاني لقيط وهلق رح يشوفو اخلاق اللقيط ع اصولها
حسين: لقيط.؟
معاوية: انا معاوية هيك. سمتني العشيرة والصراحة مليت منهن ع قد ماظلموني بس عندي انو كون مظلوم ولا كون ظالم عشان هيك كنت صابر وهلق طفح الكيل
احمد: معاوية هدول عشيرتنا
معاوية بعصبية: احمد شو نسيت كيف كانو يعاملوني اقسم بالله الحرامي بيحترموه ولا بيحترموني وهلق ياحزرك شو بكون. مطالعين اشاعة عليي انو معاوية هو الي علق العشاير ببعضهن عمي قلي مين الي قوس
حسين: واحد من عشيرتك
معاوية: مين هو؟
حسين:...
احمد: احكي عمي مين هو
حسين: عمر
احمد اجتو الصدمة
احمد: اخي 😳
حسين: اي ابوك همس لرماح ورماح مدري شو حكا وبعدين عمر قوس
قعد معاوية وما اتحرك
احمد: مابدك تاخد بتارك؟
معاوية: الله ع الظالم مارح سووي شي
احمد: مسامحك اذا بدك تنتقم
حسين: خلينا نتصافى هلق
معاوية: اتفضل
حسين: انت اسمك معاوية الجبلي وخيل ادهم ملكك بس بدك تأثبت انو بتستحقو
معاوية: وكيف هيك؟
حسين: عشيرتنا مشهورة بالطب رح تدرس الطب كلو ورح تروح تتعلم الخيل عند واحد بيعرف يتعامل معهن ورح تاخد خيل ادهم وترجع ع عشيرتك خليهن ينصدمو
معاوية: موافق بس انت شو رح تستفيد
حسين: رح استفيد. انو خلي ابو رمّاح كل فترة وفترة يتفاجئ بعدين بيرجع احمد لعندو
احمد: انا موافق وشو فيي قدم للعشيرة انا حاضر بس روحتيع العشيرة بعدين بفكر فيها
حسين: فيك البركة
بلش كل واحد يتعلم شي بالعشيرة وكانو يلقطو الشغلة بسرعة وقويت علاقتهن ببعض وكان معاوية يوميا ينزل يساعد. كل العشيرة بأشغالهن وكسب قلوبهن بهالطريقة كان مستحيل مايشوف حدا كبير بالعمر مايساعدو او صغير مايجبر بخاطرو كانت الو صفات من النخوة والعزة والشهامة وكان كلامو كبير بيوحي ع انو شيخ من الطراز. الاول كان يراقب الشيوخ كيف بيحكو ويقلدهن وحسين مابقا استغنا عنو باجتماعاتو واحمد طلب جوى من ايد ابوها ووافق لانو يعتبر احمد كبر عندو واتربى عندو
بااك
جواد: وحسين بعد ما اكتشف معدن الشب رفيقه ومعاوية اترجاهن يبقو عندو. واصلا كل العشيرة صارت تحب وجودهن وبعدين طلب من. معاوية قبل مايرجع ع عشيرتكن بفترة انو يستلم العشيرة ويصير الشيخ فعلا وصار حسين اي حدا. يشوفو يقول انو معاوية رح يصير الشيخ بس معاوية كان رافض لانو بعد. مارجع ع العشيرة حنلها وحن لاهلا بس بقي ع تواصل مع عشيرة الخشب وكل فترة يروح. لعندهن وماتركهن
ابو رمّاح بصدمة: كل العشاير بتعرف هي القصة؟؟
جواد: لا انا وشيخ عشيرة الخيّالة. الي اتدرب عندهن معاوية
رمّاح بقلبو: من. هيك شاطر بالخيولة وبيعرف يتعامل معهن وبيعرف يوصف ادوية والدليل اصابة اسد وبيعرف يتعامل مع الناس والدليل انو. حتى ابي مابيقدر عليه
ابو آدم: سبحان الله اكتشفنا معدنو بعد ما مات الله يرحمو
جواد: وهلق فيك. تناديلي ياه لانو في كم. خيل اصيل بدنا ياه يروضهن لانو الي بيعرف يتعامل مع الخيول اتوفى والخبرة تبعو عند الشيخ معاوية والصراحة الخيولة لازمهن تعلمة لانو حديثي الولادة وخيول اصيلة وهو الوحيد بيعرف وبدنا ياه يعطي اسرارو لكم. واحد من عشيرتنا
ابو رمّاح: الله يرحمو يارب
جواد: شو مارح. تنادولنا ياه؟
ابو رمّاح: معاوية استشهد
جواد من صدمتو وقف
جواد: شو عم تحكي يا ابن. الاجاويد؟ عيد. ماسمعت
ابو رمّاح: يا اخي عم قلك معاوية استشهد
من صدمتو طلع برا الخدمة وصار ياخد. نفس
جواد: ك كيف؟
حكولو كل. القصة وهو لساتو مصدوم
جواد: لاتواخزني بس ماعم استوعب
ابو آدم: حقك ونحن اصلا مصدومين من الي سمعناه منك
قعدو كلهن وماحكو ولا كلمة وبقيو ع هالحالة ساعة عم يراجعو حساباتهم
رمّاح: عن اذنكن
تركهن وراح ولحقو ابو آدم
ابو آدم: رمّاح
رمّاح: نعم يعمي
ابو آدم: خود الانا وروحو ع المدينة ع بيتي عيشو فيه شهرين تلاتة وتعالو
رمّاح: بس يعمي
ابو ادم: عتبرها نقوط مني
رمّاح: طيب من بكرا منروح
ابو آدم: ا لا لا خليها هلق ترتب تيابا وروحو فورا
رمّاح وفهمان عليه: حاضر انت قول لابوي
ابو ادم'ماشي
تركهن وراح خبر الانا
الانا: هو قلك؟
رمّاح: اكيد مارح قول من حالي جهزي تيابك وانا رح جهز الخيل
الانا: طيب
وهي خايفة ومتوترة
عنود: شو القصة
الانا: ابي بدو يانا نروح ع بيتنا بالمدينة حس بشي ياترى؟
عنود: بشو بدو يحس يعني
الانا: انووو
عنود: استهدي بالله اكيد. مافي شي من هالشي
الانا: شو ساوي هلق
عنود: خلص روحي اتوكلي ع الله
الانا: والنعم بالله بس انتي؟
عنود: واثقة فيكي واذا بدك. شيلي الحجاب اصلا مرتو ع سنة الله ورسولو عادي مو حرام
الانا: بدي منك طلب
عنزد: شو
الانا: اعترفيلو
عنود: شووو
الانا: هيك بتشغلي عقلو ونحن هنيك والباقي اترركيه عليي
عنود: لا لا مستحيل
الانا: عنود
عنود: يعني مابقلل من قيمتي؟؟
الانا: خلصنا ياعنود بعدين نحن حنبعد يعني بخاف يساويلي شي كرمال هيك بدي تضلي عقلو عندك ويفكر بالي حتقوليه روحي بسرعة بسرعة.
دعنود: طيب
. طلعت عنود من عندها وراحت كان رمّاح واقف بعيد مع خيلو راحت ووقفت جنبو
عنود: رمّاح
رمّاح: اهلين عنود كيفك
عنود: الحمدلله
رمّاح: خير في شي؟
عنود: اي في
رمّاح: شو
اتطلعت فيه بعيونا الخضر المكحلة وبشرتا الحنطية والنمش الخفيف ع وجها برز كل هاد من اشعة الشمس بآخر العصريات الي جاي ع وجها كان رمّاح صافن بس ماعرفان حالو. وين عقلو عند معاوية وفكرو عند ابو ادم وقلبو عند الانا وعيونو عند. عنود
عنود: ما اعرف كيف اصوغ كلماتي بس بدي قلك شي بتمنى تفكر فيه منيح
رماح: قولي
عنود:ولاجلك تركت الهوى فلا هوى بعد هواك يهتوى
رمّاح عم يستوعب الي سمعو: م ما مافهمت
عنود: اكتشفت انو بالحب النظرات مابتكفي لازم يكون في مبادرات وتنازلات وانا تنازلت عن كرامتي كرمال حبي حبيتك يارماح من زمان من زمان كتيير بس انت كان معمي ع قلبك وما انتبهت يبدو هي اخر مرة حتشوفني واخر جملة حقولها الك لا حنين لمن لا يحن
رمّاح: ....
عنود لما شافتو ماجاوب ع شي انسحبت
عنود بضحكة: وعليكم السلام
التفتت بيمسك ايدها
رمّاح: حدا بيعرف
عنود: ههه عنجد لا اتحفتني الصراحة هاد. الي هامك بس بعد كل الي قلتلك ياه هيك بتجاوبني؟
رمّاح: جاوبينييي
عنود:عن اذنك
رجعت عنود ع غرفتا واتسطحت. صفنت بالسقف عم تفكر ياترى الي عملتو انا صح ولا خطأ
رجع رمّاح ع الخيمة كانت الانا بعدا عم ترتب
رمّاح بعصبية: ببتعرف. شي؟
الانا: بسم الله شو هي؟
رمّاح: عنود بتعرف شي عن وضعنا؟؟
الانا:....
رمّاح: عم حذرك جاوبيني
الانا: ااي واذا بدك تسألني ليش رح جاوبك باختصار االي قاتلت كرمالو مابقا موجود اصلا يعني شو بدك تساوي عادي الا انك. تلمسني وعدت معاوية وانا بعمري ما اخلفت بوعدي
قرب رمّاح منها وشد ع ايدها بقوة
رمّاح: مفكرتيني ماني واقف قدامك. عم تحكي هيك عادي
الانا: قلتلك خلينا بعاد عن بعض وقول انو ما اتفقنا اوكيي رح رتب. التياب
تركا رمّاح وكملت ترتيب التياب
بفوتت ابو ادم
الانا: اهلين بابا
ابو ادم لرماح: نشالله بترجعو وبكون ع ايدكن شي ولد
نزلت الكلمة متل الصاعقة ع الانا ورماح
رمّاح بتوتر: اي اي عمي نشالله خير نشالله
ابو ادم: يلا استعجلو العرباية برا ناطرتكن
طلع لبرا ورماح والانا اتطلعو ببعض
الانا: انا انا.
رمّاح: ولا يهمك خلص خلصينا وطلعي ناطرك برا
رتبو كل الاغراض وحطوهن بالعرباية وودعو اهلهن ومشيو
بعد خمس ساعات وصلو واخيرا
الانا: يلا رمّاح استعجل
رمّاح: طولي بالك
نزلو الاغراض وحطو العرباية عند واحد لبكرا هيي والحصان
الانا: ياه شو اشتقتلو للبيت يلا افتح
اتطلع فيها رماح وبقي ساكت فتح الباب وفوت الغراض وفاتت وراه من فرحتا صارت تنطوط
الانا: ياااه واخير اشتقتلك يا بيتناا يا حبيبي
طلعت ع الصوفاية وصارت تنطوط قربت من الشباك صارت تطلع ع الطريق
الانا بقلبا: مابقا في رجال تعجبني بعدك ياسيد الرجال
الانا: رمّاح تعال شوف غرفتي بسرعة تعال
رمّاح: اجيت اجيت
كان عم يضحك ع عفويتا اول مرة بشوفا لهالدرجة مبسوطة وعم تضحك صار يلحقا وين ماتروح
الانا: هون كنت نام وهو كنت نيّم ادم.... هي غرفة ماما وبابا... وهاد المطبخ لك تعال شوف بسرعة
رمّاح: اجييت شو صرلك 🙂
الانا: وهي الصالون هون كنا نحضر المباريات انا وبابا
رمّاح: مباريات 😂
الانا: اي وهي البرندا بس كان ممنوع اطلع عليها بس بابا بيطلع
رمّاح: اي
الانا: اليوم شو
رماح: السبت
الانا: لك بقصد بالشهر
رمّاح: 12 /1
الانا: لحظة لشوف الجدول
رمّاح عم يلحقا: جدول شو
الانا: االمباريات تعال
رمّاح: تعالي وروح وشوف وبسرعة شو هاد🙂
الانا: قلت شي؟
رمّاح: اابدا
الانا: اليوم في مباراة بسرعة روح جيب اكلات نتسلى فيهن ع بين مارتب البيت بكون صار الوقت
رماح بقلبو'بس مابحب المباريات 🙂
رمّاح: من وين
الانا: االي بيسأل مابضيع استعجل
رمّاح: طيب طيب
الانا: اقفل الباب وراك هي مفتاح
رمّاح : طيب
طلع من البيت وقعدت اللانا ع الصوفاية صارت تبكي
الانا: وينك يامعاويةةةة💔اشتقتلك كتييير ياروحي انت ياروحي انت
بكيت شوي فضت الي بقلبا وقامت بلشت ترتيب
بمكان ثاني
.....: تعالي شوف بيت جيرانا انسكن
...: وشو دخلنا
.....: لا بس قلت انو بلكي منتعرف بتعرف مافي غيرهن مقابيلنا مامنعرفهن
....: خلينا بحالنا
.....: تقوم نروح نصلي بالجامع
...: لا
......: معاويةةةة لايمت بدك تضل هيك حرام عليك
معاوية:....
احمد: بربك انت واحد مسلم لا عم تصلي ولا عم تقرء قران
معاوية:انا حافظ القرءان
احمد: واذا حافظو شو عم تستفيد اذا ماعم تشتغل عليه قرءان بدون صلاة والله بعمري ماسمعتا
احمد: روح شوف ابنك ليش عم. يبكي
احمد: قوم بسرعة اتوضا والبس شي كشخة منصلي ومنروح لشي مكان جوى ضايقة خلاقها
معاوية: طيب
قام. معاوية اتوضا وعطر حالو ولبس لبس مرتب (عقال وكلابية بيضا)
وحمل مسبحة بايدو فرشا سنانو بالعود ع بين مايجهز احمد
معاوية: خلصني يازلمة اتاخرت
احمد بفرحة: اجيت
طلعو هنن التنين وراحو ع الجامع الي متعود احمد يصلي فيه
احمد: شيخي
الشيخ: امرني ابني
احمد: شيخي معاوية صوتو حلو بالاذان بدو يصلي امام اليوم
معاوية عم يتطلع عليه بصدمة
الشيخ: اكيد بصير يا ابني
احمد: شيخي معاوية حافظ القرءان وصوتو كتير حلو ها
الشيخ: يلا معناها اليوم هو حيكون الامام لنشوف اتفضل يا ابني ع المنبر
طلع معاوية ع منبر الامام وعم يتوعد لاحمد وكان الكل مستغرب ليش ليكون امام ياترى صوتو حلو او بيقدر يحمل هالمسؤولية
رمّاح: اوف تاخرت بالصف الاخير انا مابعادتي
اسطفو كلهن بخطوط مستقيمة وبلش فيهن اذان
معاوية: الله واكبرر
قرء الفاتحة وبدء بسورة الفتح كان صوتو مزيج من ياسر الدوسري واحمد النفيس كان صوتو فيه خشوع وقبول كتير كان يقرء يا سورة كبيرة يا آية طويلة وبعض المصلين من خشوعو صارو يبكو
خلصو صلاة المغرب والسنة وشي قعد يقرء قرءان وشي راح
الشيخ: ماشاءلله عليك يا ابني تبارك الرحمن فيما خلق
معاوية: شكرا شيخي
الشيخ: صوت وصورة ماشالله عليك
احمد: شيخي بدي افسدلك عليه
معاوية صار ينكشو واحمد يضحك
الشيخ: افسدلي لشوف
احمد: قال عم يخجل يصلي بالجامع لانو نحن غجر ومو من المدينة فا بدنا ياك تقنعو
الشيخ: من اليوم ورايح انت رح تصلي بالناس واذا بتعرف تخطب خطبة الجمعة رح تكون انت ها
احمد: بيعرف شيخي بيعرف لاتاكل هم
الشيخ: الله يوفقكن يا ولادي وينولكن الي ببالكن
معاوية مسك. احمد ومشي
معاوية: والله لدعوسك ياكلب
احمد: شبك يازلمة عم نلطف جو
معاوية: لخليك تلطف جو ع المزبوط هلق 😂
كان رمّاح ماشي بالطريق وعم يفكر
رمّاح: الصوت مألوف عليي يلا مادخلني لنجيب الاغراض ونرجع تأخرنا ع الانا
كان كل الطريق عم يفكر ب ألانا وكلام عنود والكلام الي حكتو الانا لما قالتلو انو عنود بتعرف
فتح الباب وفات كانت عم تصلي
حط الاغراض ع الطاولة وقعد يستريح كان البيت نضيف ومرتبتو
الانا: السلام عليكم ورحمة الله وبركاته السلام عليكم ورحمة الله وبركاته
رمّاح: تقبل الله
الانا: منا ومنكم شو ليش اتأخرت
رمّاح: مرقت ع الجامع قريب قلت بصلي جماعة وبجي
الانا؛ تقبل الله
رمّاح: منا ومنكم
شافا عم تشيل غطا الصلاة عن راسا وهو مصدوم
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمن