الفصل الاول
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم وليفي ذاك الغجري`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
ألانا: هلق عنجد بدنا نروح عند هاد االي اسمو رمّاح
اسماء: هيك ابوكي عم يفكر قال الوضع بالبلد مو راكز مو شفتي كم جريمة قتل وسرقة هاد الاسبوع
ألانا: بس يعني مافي شي عنا بالبيت ليش نترك
اسماء: قال نعيش عند رفيقو فترة بس ونرجع ورفيقو محلفوو يمين اذا مابيجي ليزعل منو
ألانا: يا الله منك يا بابا شو بدنا بهالبهدلة بدو يانا نعيش مع نور اي الله ماقالها
اسماء: ألانا خرسي كل الناس خير وبركة هدول غجر مو نور وبعدين اكابر مابهن شي
ألانا: ليش بتعرفيهن
اسماء: اي انا ومرتو في بيناتنا معرفة ابوكي عرفني عليها
ألانا هيي وطالعة: مابعرف ابي من وين بكوش رفقاتو 🙂
اسناء: لأبوكي يا ألانا لابوكي
طلعت ألانا ع غرفتا وسكرت الباب
ألانا: ياربي شو هالورطة هلق بدو ياني روح عيش معهن هدول النور اي والله مو حلوة لبسهن وعاداتهن غير ولك حتى حكيهن وعقلهن هففف يارب يغير رئيو يارب
ألانا بطلتنا طبعا منفهم اطباعا بالسرد انشاءلله
عيونا سود وسحبتهن لوزية ولا كبار كتير ولا وسط ورموشا سود بشرتا قمحية وتما مرسوم رسم ولونو وردي قريب للطبيعي شعرا خرنوبي بيعطي لمعة لون احمر شوي
عمرا 19 سنة رفقاتا محدودين بسبب غيرة ابوها عليها ولانها بتلفت النظر كبنت كمان يعني كلنا منلفت النظر صراحة المهم صارم معها كتير وبالطريق لابتتلفت يمين ولا شمال واذا بشوفا ضحكت بترجع بتاكل قتلة مرتبة لانو ماشالله مبسمها حلو وهو الي بيلفت اكتر في غمازتين خفاف كتير بس عاطينها جاذبية كملت البكالوريا وقعدت بالبيت لانها ماشاطرة زيادة وصحيح هي الكبيرة وبقيت مدللة فترة كبيرة بس ابوها مامدللها لدرجة المياعة
طبعا محجبة وبتلبس طويل بس ع الموضة
عندا اخ عمرو 8 اشهر اسمو آدم وهي بتهتم فيه اكتر من امها
ع المسا بيجي ابوها من شغلو تعبان بياكلو وبيقعد
ابوها ابو ادم شخص محترم ومتشدد بالدين ومابحب الزايحة ومابلف وبدور واذا كره حدا مستحيل يحبو منجديد وعلاقاتو محدودة مابيعطي وجه لحدا اخد مرتو ع اخلاقها لما عرف عنها وعندو الغلطة بكفرة دخلو محدود يعني معاشو بجيب كلشي ناقص للبيت وبزيد مصروف لكل واحد منهن شي بكفيه وبيترك شي للطلعات والروحات والتياب والباقي للأيام السودا وعاملهن دهب بأيد مرتو صديق عمرو متل ماقرئنا رمّاح شيخ عشيرة الرمح الغجريين (الغجر كلمة تركية اطلقوها ع القبائل المتنقلة... الكلمة الي معتمدين عليها العرب هييي... البدو... النَور... بس احترام الهن رح قول الغجر 🙂)
قاعدين عم يشربو شاي وعم يحضرو مباراة كرة قدم
ابو آدم: كان المصارعة مو احسن
ألانا: لك اليوم البرشا والريال بابا شو نسيت
ابو آدم: اي اي تزكرت ارفعي الصوت
ألانا مدريدية وابوها برشلوني امها بتنحاز للطرفين 😂لانو لا مع هاد ولا هاد مابتفهم شي من الموضوع
قاعدين عم ياكلو بزر ويتفرحو هنن ومتحمسين وامها كل ماتغفا تفيق ع صوت تشجيع بنتا لمدريد
بعد ساعتين
اللحظة الحاسمة
ألانا: ماغيرت رأيك بابا
ابو آدم: برشلوني يعني برشلوني
ألانا: مدريد عشرة وانتو صفر
ابو آدم: عندي ثقة بالبرشلونيين
ألانا: ضربة جزاء ليك كيف كريستيانو رح يفوت غول
ابو آدم: الشي الي رافع ريال هيي ضربات الجزاء
ألانا: قصدك مهارتهن العالية اعترف بابا اعترف
ابو آدم: اسكتي رح يضربو نشالله لا
ألانا: يارب يارب
ابو آدم: ياارب
ألانا بصوت عالي: غووووووووول فزنااااااا
فاقت امها مرعوبة واخوها صار يبكي من الرعبة
اسماء: فيقتي الولد شوي شوي طيب
صارت تنط وتضحك ركدت وباست امها وصارت تلعب اخوها
ألانا: شايف مدريد مابتخيب ظننا
ابو آدم: كلشي بثمنو ماشي
ألانا: اقلب ع مدريد لسا معك وقت
ابو آدم: برشلوني
بعد ماسكت الصغير طفو الشاشة وقعدو
ابو آدم: حاكاني جارنا ابو فراس
اسماء: شو بدو
ابو آدم: قال نازلين ع بيتو بليل مخدرينو مع ولاد واخدين الغاز والموبايلات والشاشة والكهربائيات
اسماء: يالطيف الطف فينا يارب
ابو آدم: وفوقا شربانين شاي ومدخنين وطالعين قبل ماياخدو القنينة غلو ابريق شاي🙂
اسماء: يالطيف
ابو آدم: ضيفو حالهن وقامو بواجب حالهن ماشاللع
اسماء: وكم موبايل اخدين
ابو آدم: موبايلات الكل ماعدا النوكيا نسيانينو 😂
اسماء: يبلاهن بقتلهن نشالله
ألانا: الله لايوفقهن
ابو آدم: عرفتو ليش ماجبتلكن موبايلات
اسماء: والله مصيبة اذا كان في صور نسوانو
(ققصة حقيقية🌚🤝🏻)
ابو آدم: اكيد عشان هيك بكرا رايح عند ابو رمّاح وشوف اذا بيستقبلنا فترة
ألانا: هلق باابا بدك تقعدنا بين النور اي والله مو حلوة بحقنا
ابو آدم: خرسي وليه ابو رمّاح طيب وشريف وشهم بينضرب فيه المثل وبولادو واذا قعدنا هنيك منغير جو ومنشوف عادات غيرنا وبتتحسن نفسيتك
ألانا: بس يابابا
ابو آدم: ولا حرف بكرا رايح لعندو الصبح برجع العصر عشان ما اترككن لحالكن فترة طويلة
ألانا: حاضر
قامت ع غرفتا بسرعة وسكرت الباب شوي شوي عشان مايفكرها عم تتنتور بوجهو ويبهدلا قعدت تبكي حتى غفيت
بالغرفة عند اسماء وابو ادم
اسماء: ماتسرعنا شوي
ابو آدم: ليش نتسرع اذا اليوم كانو ببيت ابو فراس اليوم او بكرا عنا وبعدين مابهون عليي يكشفو راسكن وبنتك عم فكر تجي تنام عنا كمان
اسماء: لا البنت كبيرة وبعدين هي ادم عم ينام عندا
ابو آدم: لانو آدم اذا حس في خطر رح يقوم يتخانق مع الحرامي مو
اسماء: الاحساس عند الاطفال اقوى منا اذا حسو بحدا غريب بتنتزع نومتهن وبصير يبكو
ابو آدم: لا بلكي اخدو الصبي وتاجرو فيه ما بأمن حتى الصبي لازم ينام هون
اسماء: اذا ايوب استقبلك ايمت رح نروح لهنيك
ابو آدم: تاني يوم الصبح
اسماء: طيب اذا كل هاد كرمال الحرمية ركب جهاز انذار
ابو آدم: بيني وبينك ياحرمة حتى الوضع بالبلد مكركب مافي غير الغجر نتخبى بينهن والله الحامي طبعا
اسماء: ليش شو صاير
ابو آدم: هلق نامي لانو رح ندخل بمجال السياسة وانتي بيجعك راسك من السياسة 😂
اسماء: محدا طالعلك غير هالبنت بالنهار اخبار وبالليل مباراة
ابو آدم: وانا فخور بالي عم تعملو ع الاقل بتعرف شو يعني انتماء ووطن
اسماء: بس هيي عم تتابع فلسطين واليمن والسودان مو سوريا 🙂
ابو آدم: ولو مو كلنا وطن واحد وهالشي بيعطي عقلها خيال اوسع واقتراحات وحلول اسرع واستنتاجات اعمق
اسناء: ايييه الله يفرج
ابو آدم: امين فيقيني ع 5 قوم صلي وروح دغري
اسماء: شلون لح تروح
ابو آدم: اول ما بعد عن المدينة رح استأجر خيل
اسماء: الله ييسرلك
تاني يوم ❤
فاق الصبح اتوضا وراح يشوف مرتو
ابو آدم: فيقتي ألانا ع ااصلاة
اسماء: رايحة فيقا
ابو آدم: يلا وانا رح صلي بتكوني خلصتي الزاد
اسماء: ماشي
ع الساعة 6 كان عم يودعهن
ألانا: تروح وترجع بالسلامة بابا
قرب وباسها من راسا
ابو آدم: الله يسلمك يابنتي
اسماء: ترجعلنا بالسلام يانور عيوني
ابو آدم: يخليلي ياكي ياحنونة هاتي عطيني الصبي
اخد ابنو وصار يبوسو ويشمو
ابو آدم: انتبهي على الولاد ولاتطلعو بغيابي ولاتفتحتو لحدا سكرو البواب منيح والتزمو بالصلاة عم تتكاسلو هي الفترة يلا انتبهو ع حالكن
يمكن تقولو ليش كل هالوداع هو رايح وراجع يوم.. الطرقات بكوت فيها قطاعين طرق وحيوانات مفترسة
( ويمكن ليش متشدد عليهن كل هالقد كلمة متشدد بوقتنا الحالي مو يعني مابيفرح ومابيضحك مع ولادو انو بس صلاة وصيام وزكاة وعبادة .. لا، دين الاسلام يسر مافيه صعوبات ولا انو لازم نكون صارمين لازم نعيش بكل فرح نحنا هنعيش مرة بهالعمر عشان هيك لاتستغربو اذا صغر عقلو كرمال بنتو وكل هالتشدد ع الطلعة والفوتة وبأذنو وشغلة الموبايل هاد لانو خايف ع عرضو وشرفو مو قلة ثقة بوقتنا هلق قلو الرجال الي بغارو وصارو الكل عادي وين مرتي والله عند رفيقتا مين رفيقتا مابعرف يلا تسطفل بتتسلى وبتكون هيي عند صاحبا عشان هيك البعض حيشوف تصرفو تشدد والباقي حيشوفو عين العقل وبالنهاية كل واحد وتفكيرو )
بعد ماطلع حكت اسماء لبنتا
اسماء: يلا خلينا نخلص البيت ع بكير ونقعد نرتاح
ألانا: يلا رح رتب غرفتي وانزل ساوي المطبخ والصالون من البوشار تبع مبارح انتي ارتاحي ورضعي آدم جوعان
اسماء: الله يرضا عليكي
عند ابو آدم
بعد 3 ساعات من لما ركب الخيل حتى وصل ع اول العشيرة
وقف وسأل واحد كان واقف
ابو آدم: السلام عليكم
....: وعليكم السلام ايش تأمرني ياحاج
ابو آدم: شو اسم هي العشيرة
.....: عشيرة الرمح يعمي اتفضل اتفضل يامراحب نورت العشيرة
ابو آدم: فيك يابني زكاتك خدني لعند ابو رمّاح
....: تأمر يعمي امير تعال لهان وخذ خيل الضيف
اجى امير واخد الخيل وراح ليطعميه ويسقيه
راح الشب ع خيمة مفتوحة ع الباقي وقدامو كلهن غجر نسوان ورجال الي عم يطبخ والي عم بشتغل
....: عمي يعمي ابو رمّاح جاييك ضيف يعمي
وقف عَمر (عَمْرْ وليس عُمَرْ ورح اكتبها من دون حركات بس عشان تلفظوه صح)
عمر: شو جابك لهان معاوية
معاوية: مابحكيش معك ياعَمر بحكي مع شيخ القبيلة اني
ابو رمّاح: احكي الي عندك معاوية
معاوية: بغضب مكبوت: في ضيف يريدك ياعمي ابو رمّاح هيو برا عن اذنكم يالنشامي
محدا حكا كلمة
ابو رمّاح: ضيف ياهلا والله
وقف ابو رمّاح وراح برا الخيمة بيتطلع يمين مابلاقي حدا بطلع شمال بشوف وجه مشتقلو
ابو رمّاح: لا هاي هدية كتير كبيرة يخوي ابو آدم يهلا بالنشمي
ابو آدم: من بعدك يا اخي وصديقي
سلمو ع بعض بحرارة وعانقو بعض واستضافوه فورا وضيفوه قهوة
ابو رمّاح: رمّاح خبر كل العشيرة تجهز الاكل والمشرب لنرحب بضيفنا تلات ايام بلياليهن
ابو آدم: لا بدك ترخصلي اريد. ارجع
ابو رمّاح: لا بالله ما ارخصلك يا ابو ادم ترا معزتك غالية ع قلبي كتير
ابو آدم: بدك تعزرني هالمرة وفي سبب مقنع لتوافق
ابورمّاح: ماشي بس قسما بالله مابتمشي حتى تكون اكل ذبيحتك
ابو آدم: من يوم يومك كريم
ابو رمّاح: من بعدك خيي ابو آدم
ابو رمّاح: يلا يارمّاح
رمّاح: لعيونك يابا
ابو آدم: ماشالله هالرمّاح كبران
ابو رمّاح: شايف يخوي ولادنا عم يكبرو ونحن عم نكبر
ابو آدم: بعدك بعز شبابك
ابو رمّاح: تسلم يالنشامي
قعدو اتطمنو ع بعض وسلمو ع بعض حتى صار ابو آدم يحكي الي عم يصير بالشام وحكالو عن الاوضاع كيف وانو خايف ع ولادو ومرتو وعشان هيك مو لازم مايتأخر وايوب حلف يمين انو بس يخلصو اكل الا يتحلى.. الغجر بطبعهن كرما
قعدو عم يتحلو وابو آدم على نار خايف ع مرتو وولادو وصارت 12 الضهر ولسا الطريق طويل
ابو رمّاح: اي اخوي ابو آدم
ابو آدم: تفضل ابو رمّاح تفضل
ابو رمّاح: لي عندك طلب اذا ماعندك مانع
ابو آدم: احكي ابو رمّاح ونشالله مامنردك
ابو رمّاح: اشهد بالله ماشفت منك الا الخير بس والله ماني رضيان ع الي عم يصير بالشام اذا بتجي بتشرفنا انت ومرتك وولادك وبرقدو عنا فترة ع بين مايهدا الوضع عنكم بالشام بتكون شرفت وانست ونورت العشيرة واذا رفضت طلبيي بتكون هانت عليك عشرة عمرنا
ابو آدم: بس يا ابو رمّاح
ابو رمّاح بمقاطة: ماني قبلان عذرك غير اذا رفضت هان حكي تاني
ابو آدم: خلص طلبك مجاب باذن الله
ابو رمّاح: نورت يااا الربع!
رمّاح: اأمر يابويا
ابو رمّاح: خذ اسرع خيلين عنا بالعشيرة وروح مع عمك ابو ادم حيجي ليعيش عنا
رمّاح: تأمر ابويا
ابو ادم: لا يا ابو رمّاح بدك تعزرني
ابو رمّاح: خير خير اشفي
ابو آدم: بدي ارجع ع البيت خبر الاهل وبكرا ع الضهر انشالله منكون هون
ابو رمّاح: تأمر ابو آدم تأمر
رمّاح شب مهيوب وحليوة بس عندو غرور لانو ابن شيخ العشيرة عيونو سود واسمراني وطويل وذقنو كثيفة وهو ومعاوية اكتر من اعداء بكتير حرب بينهن خلقت من اول ما اتعرفو ع بعض
عَمر نفس المواصفات اسمر بعيون سود بس كبار ودقنو انعم من ذقن اخوه وكمان بيكره معاوية وطبعو قاسي كتير مو متل ابوه ابدا
امير واحد من العشيرة وبين بعضهن بقولو ابن عمي
شب حلو قلبو طيب ونسونجي شوي متزوج وعندو ولد
معاوية منحكي عنو بالقصة بس اهم شي انو
عندو خيل اسمو صهيل وهو الوحيد الي مسمي الخيل بالعشيرة وبقولو مجنون عشان هيك وقطة كيوتة اسمها موج وكلب حراسة محدا بيعرف فيه اسمو ذيب🫠
عند ألانا قاعدة ع الشباك وعم تشوف الرايح والجاي من دون محدا يلمحا
ألانا: ياي شو حلو لا الي ورا احلى عيونو سود اويلي بتلبقلو غنية يابو عيون وساع
كملت صفنتا شافت بنت مع شب محجبة وماسكة ايد حبيبا وماشيين بكل رواق
ألانا: لو بصحلك تشربي قهوة مابتقولي لا يبعتلك حمى شو قليلة فهم شيلي الحجاب اريحلك
فجأة بتسمع صوت
....: مين حبيبي.... ومين حياتي.... زتيلي بوسة بحياتك.... دخيل هالبوسة اي.... ريتك جنبي لكنتي قعدتي تدفيني وتطبعيلي البوسة من شفافك لشفافي ... ليش الخجل ياروحي مو رح نتجوز بدك تبقي هيك بتخجلي
ألانا: ياعيب الشوم لا كل هالحكي وهلق اتذكرت انها بتخحل انا بفرحيك يانص نصيص
راحت جابت مي فتحت الشباك وكبتهن ع راسو اتشتش تشتشة
الشب: يححححح.... ااه لا ولا شي حبي ع قد مو بردان ع قد مو مشتهييكي جنبي
ألانا: يبعتلك داق بيخلق من المشكلة كذبة مالقتو غير سكر الخط ورفع راسو لما مالقا حدا فكرها حادث بس ومشي
ألانا: هاد فراس ابن جارنا 😂
ورجعت تراقب الطريق
ألانا: هاد حلو لا هاد هاد احلى منهن واووووووو شو هالاناقة والشياكة تؤبروني مابقا شوفكن 😂خلص انت رجل احلامي لهي الليلة 😂
مشكلتا حبت 3 وبعد فترة يتجوزو وهنن الي يعترفو بس تتجاهلن فيتجوزو مو نصيب 😂
تعيسة وين ماراحت
رجع مرق واحد عيونو سود
ألانا: ابييي شو هاد اليوم كلو عيون سود
فجأة بتشوف ابوها عم ينزل من التاكسي بتركز الستاير منيح وبتعمل حالها عم تتفرج ع المباراة بفوتت ابوها
ألانا: باباااا ماما بابا رجع بالسلامة
باست ايدو وقعدتو وراحت جابتلو مي ع بين ماطلعت مرتو سلمت عليه
اسماء: الحمدلله عسلامتك
ابو آدم: الله يسلمك
ارتاح شوي واخد قيلولة ولما فاق حكالهن كلشي صار معو
اسماء: يعني بكرا
ابو آدم: اي قومو من هلق جهزو كلشي
اسماء: كلشي جاهز
ابو ادم: ليش مجهزين
اسماء: الغجر كرما عشان هيك توقعت ماتجي حتى قلت اذا خلوك تجي رح يخلوك تاني يوم تكون عندهن
ابو ادم: صدقتي
كانت ألانا بغرفاا عم تودعا وعم تودع الشباب المارقة 😂
ألانا: مابقو شوفكن ياحبايبي خلاااص 😂
قعدت تتفقد اغراضها غرض غرض
رفعت شعراتا الكيرلي وحطتهن ببكلة
ألانا: انتو ايمت حتبطلو تنفشو متل الطاووس هفف
تسطحت وصفنت بالسقف
ألانا: معقول اترك البيت وغرفتي رح اشتاق لهالصفنة ايييه كيف بلمح البصر حياة الانسان بتتغير
تاني يوم بفيقو من الصبح بجهزو حالهن بيطلع ابو ادم بجيب كم غرض هوو وراجع بلاقي تنين قدام بيتو بيركد بسرعة بيلتفتو عليه
ابو ادم: يا هلا بالاجاويد
رمّاح: كيفك يعمي
ابو ادم : اهلين يا ابني خير في شي
رمّاح: مبارح صارت معركة وغيرنا مكاننا وقلي ابوي انو استدل ع بيتك واجيبك ع مكاننا الجديد انتم جاهزين ياعمي
ابو ادم: بارك الله فيك يلا رح نجهز
عمر: وهيو جبنا فرسين زيادة عشانكو ياعمي
ابو ادم: يسلم شانك ياعَمر يلا ثواني
فات ابو آدم لجوا
عمر: احب اسمي من يكولونه اهل المدينة
رمّاح: وش قصدك لهجة الاجاويد احلى من لهجة العرب الاصيلة مننا
عمر: ماقلت هيك يشيخ شومالك دغري بتزعق
رمّاح: كلامك مش معقول يزلمة اش هاذ
عمر: اييه اخرس اخرس عشان ما اقتلك انطم
رمّاح: لاتمشكلني عمر
عمر: ع سيرة المشكلات
رمّاح: شمالو معاوية
عمر: مالو شي مبارح قال انا لو ما ضربت ابن شيخ ذيك العشيرة ماكان صار الي صار
رمّاح: هاذ مجنون لاتاخذ كلامه صدق ولا انت تصدق مجانين يخوي؟
عمر: معاذ الله
عند ابو آدم
استعجلو رح قلهن يسبقوني ع مكان معين ع بين مانلحقهن
اسماء:ماشي
طلع لبرا ليخبرهن وبقيو ألانا واسماء عم يحفظو زواية البيت بعقلهن
ألانا: مين كان متوقع انو نطلع من بيتنا الحبيب
اسماء: يلا امشي ابوكي ندهلنا
طلعو ومشيو مع ابوهن بعد مابعت الغراض ع ضهر الخيل مع رمّاح وعمر وكل الطريق مارفعو راسهن وتطلعو ومشيو قدامهن عشان بنتو ومرتو مايتضايقو وكل الطريق منزلين راسهن وابو ادم اعجب بادبهن
بعد 5 ساعات وصلو ع العشيرة وكان بانتظارهن استقبال بعمرهن ماشافو متلو استضافو ابو ادم وفوتو ع خيمة الرجال والنسوان ع خيمة النسوان
وكان بانتظترهم ام رمّاح وسلفتا وبعض من نساء العشيرة اهلو وسهلو فيهن وصار يتبادلو اطراف الاحاديث والبنات الي من جيل ألانا عم يتعرفو عليها
ألانا: انا ألانا عمري 19 عرفوني بحالكن عشان نصير صحاب🤌🏻🥹
عزّة: اني عزّة يابنت الاجاويد عمري 22 سنة متزوجة وعندي ولد (زوجة امير حلوة كتير بس النسونجي نسونجي واخدها عن حب+ رح شيل الشدة عشان اسهل بالكتابة 🤌🏻😂)
ألانا: تشرفت فيكي عزّة
عنود: واني عنود ياحلوة عمري 20 عزباء 😂
ذهب: واني ذهب عمري 17 سنة ياحلوتي
ألانا: تشرفت فيكن وبصحبتكم بتمنى نكون رفقات وحبايب واخوات
عزّة: نتشرف بيكي يابنت الاجاويد
عنود: انشالله
ألانا: نادوني باسمي مو ضروري بنت الاجاويد
ذهب: بنت الاجاويد هذي كلمة احنا نقولها تعبير عن احترامنا الج
ألانا بحياء: اهاا اسفة ماكنت بعرف
عنود: لاتعتزري عادي ما احنا صرنا صحبة متل ماقلتي والصحاب ميزعلون من بعض
انبسطت كتير لما شافتهن شو طيبين وحبابين وانو في بنات بعمرها ومو متل ما اتخيلتهن 😂
كانو قاعدين الكل بخيمة الاستقبال وعم يتبادلو الاحاديث
بيجي واحد من ورا محمد
معاوية: اشفي هان يامحمد
محمد: بسم الله مالك يامعاوية ماترمي السلام ولاهاي ما متعلمها كمان
معاوية: لاتطول لسانك محمد انا بربيك فاهم
محمد: انت ماتعرف الادب يوال
معاوية: انت وحدك الولد احترم حالك ولكك
هجم عليه وضربو علقو بين بعض حتى وصل ابو رمّاح وفصل بينهن
ابو رمّاح بغضب: مايصير تتخانقون بحضرة الضيوف سودتو وجهي انت وياه كل واحد ينگلع ع بيته يلااا
معاوية: عمي انا مابنگلع لاتحكي معاي بهاي الطريقه
رمّاح بجنان: اسكت ولك والا ورب العزة بخنقك
عمر: تركني عليه امير مشان الله
ابو رمّاح: خلصنا كل واحد ع خيمته يلاا
معاوية: هلق بروح وانا بعتذر منك يالضيف بعتزر منك شيخ ابو رمّاح عن اذنكن
تركهن وراح
(اذا اساء لحدا بيعتزر وهي احد خصالو الحميدة 😂)
ابو رمّاح: وجهنا اسود منك يا ابو آدم
ابو آدم: وجهك ابيض مشكلات شباب هلق بيتصالحو
محمد ابن اخو ابو رمّاح من الدم
عند النسوان
ام رمّاح: اشفي ياذهب
ذهب: كالعادة يما معاوية علق مع حدا كانو محمد ابن عمي
ام محمد: ييي ابني محمد صرلو شي
ذهب: لا ابوي وقف الخناقة فوراً
ام رمّاح: ياسواد وجهنا منك يا اختي اسماء
اسماء: لا يوه الله يسامحك وجهكن ابيض من يوم يومكن
ام محمد: تسلمي يابنت الاجاويد
بعد ماخلصت مراسم الاستقبال عطوهن خيمة بنص العشيرة عشان يكونو قراب من الكل
فاتو ع الخيمة وقعدو
ألانا: هلق كنا ببيت سياح نياح منجي منعيش بخيمة
ابو آدم بغضب: ألانا احكي شي بالعقل عيب عليكي فوق ما الناس استضافونا؟؟ يكون بعلمك خيمتنا اركز شي بيناتهن عشان مايشطح عقلك لبعيد
الانا: كيف هيك بعيشو بخيم
اسماء: لانو هنن متنقلين شو بدن يحملو بيتهن ويمشو
ألانا: انا رح نام
اتسطحت حطت راسا ع المخدة وماكانت تقدر تنام. امها وابوها نامو الا هيي
الانا: دغري بيتعودود ع النومة طيب وانا 😂
قعدت تصفن بآخر شب شافتو قبل ماتشوف ابوها 😂
عند رمّاح
رمّاح ببنو وبين حالو: اسمالله عليكي يابنت الاجاويد بعمري ماشفت هيج حلاوة ربنا يستر عليكي ويحميكي من العين
عمر بقلبو: ماشالله عليها رغم انوو مابانت ملامحا الا انها شكلها زين وحلو الله يحميها
عند معاوية
قاعد ع يمينو القطة وع يسارو صهيل (مربي قطاط مو قطة بس وحدة الي بحبا اكتر الشي ومعيشها بخيمتو الباقي قدام الخيمة
خيمتو باخر العشيرة ومنعزلة
قاعد عم يمسح ع راس القطة ويلعب بشعر صهيل الابيض مثل الثلج ومعلق سلاحو مقابيلو
معاوية: لو ماكنت معي ياصهيل لكنت هلق جانن انتو تآنسوني بوحشتي اه والله
كان صهيل قاعد وهديان والقطة نامت
معاوية: صهيل هسس موج نامت مثل ماتعرف انها حامل بكرا تجبلنا ولاد يعبو الخيمة ونقعد نختارلهن اسماء😂
عم تتسائلو كيف قاعد بحديقة حيوانات مو خيمة؟ 🙂
رح جاوبكن بكل بساطة ماسمحو لصهيل يكون جنب خيول العشيرة بحجة انو هاد من مال حرام وبعدين منفهم ليش والقطة قصدي القطاط لانو بطعميهن كل يوم وبحبوه عشان هيك خلو خيمتو بعيدة عنهن
راح معاوية حط القطة مكان نومتها ورجع جنب صهيل تسطح جنبو وصار يحكي معو
معاوية: صهيل
لما سمع صهيل اسمو حرك راسو بمعنى انو فهم عم يناديلو
معاوية: ياخيرة الخيول الاصيلة انت الوحيد الي ماخذلني هو انت.، احبج صهيل
صار يحرك ديلو يلي الشعر عليه متل السيول وابيض مثل الثلج وناعم متل الحرير وشعر راسو هيك كمان
معاوية: احيانا بيجي ع بالي طق كل افراد العشيرة رصاصة كل واحد براسو
طالع صوت صهيل بمثابة رد عند معاوية
معاوية: بعرف لو ماخوفي من الله لعملتاا سبحان الله كيف الله ميز عبدو بالصفات والمشاعر والاحساس يعني اي واحد بيحقد عليي يكرهني يذمني احس بيه وكانو فقلبي بس انا ما اكرههم يا صهيل هم اهلي وناسي مالي غيرهم من بعد الله وبعدك
التفت ع صهيل لقاه نايم
معاوية: نوم الهنا ياروحي اروحلج فدوى اني
(مو كل الشخصيات رح احكيهن بلهجة الغجر لانو انعوج لساني وبلا ما احكي بالغجري مع اهلي عشان هيك رح بحكي طبيعي بس اتذكرو انو هنن غجر والي لازم احكيه غجري يعني شي مهم 😂)
عند ألانا
بتقوم بتفيق ابوها وامها
ألانا: بابا صار وقت الاذان وين بدنا نتوضى
ابو آدم: اصبحنا واصبح الملك لله لا اله الله
قرء اذكار الصباح ووقف
ابو آدم: خلينا نتيمم بس اليوم مو حلوة نفيق ابو رمّاح هلق باول يوم فجأة سمعو صوت
رمّاح: عمي ابو ادم اتفضل ع الصلاة الجماعة والحريم يروحو لخيمة العشيرة تبع النسوان عشان يكسبو صلاة الجماعة
ابو آدم: جاي يارمّاح
ابو آدم: اجاكن الفرج البسو وروحو ع الخيمة يلا
اسماء: والولد
ابو آدم: خديه معك وانتبهي يفيق
راحو كلهن ع صلاة الصبح
عند معاوية
معاوية: ها ها شبيك صهيل شعرج جاي ع وجهي موج ابعدي عن شعري
ولا بيسمع صوت الديك بيعرف انو الصلاة رح تروح عليه بنط بسرعة وبصير يعاتب
معاوية: لك ليش مافيقتوني حتروح عليي الصلاة
اتطلع صهيل بالقطة وناظرتو نفس النظرة (مابذوق) 😂
اتوضا ورجع ع خيمتو وقف وبلش يأذن بصوتو الجهوري ويصلي الصبح
بطلعة الكل من الخيمة الي هيي المصلى بيسمع ابو ادم صوت عذب وصحيح بتلاوة القراءان
ابو آدم': الصوت حلو كتير من وين
ابو رمّاح: في واحد دايما متأخر ع الصلاة بصلي لوحدو
ابو آدم: صوتو مريح الله يهديه
رجع كل واحد ع خيمتو وقعدو
ألانا: شو لهلق عم يصلو
ابو آدم: في واحد دايما بيتأخر الله يهديه
ألانا: اهم شي فاق وصلى يا ابي
ابو آدم: معك حق
اسماء: الولد ماعم يسكت
ألانا: بجوز متغيرة النومة عليه
ابو آدم: اكيد مش متعود
ع الساعة 7 كان صهيل ومعاوية بشوف معاوية ولد صغير عم يلعب مع صهيل
معاوية بعيون ضحكانة: عاجبج
الولد: ايي معلش اعطية حبّة
معاوية: حبّة وحبتين 😂
واحد من بعيد
اسد: جهاد تعال لهان
الولد جهاد حكا بخوف: ااه ابويا
اسد: تعال لهان ولج
معاوية: ليش اتعصب على الصبي مادخلو اني ندهتله
اسد بغضب: لاتندهله عشان صحتك معاوية ولاتدخل بولاد العشيرة فااهم؟؟
معاوية: اسد انطم مو عبالي ضاربك
اسد: ولد مجنون ماينحكا معه حسبي الله فيك
تركو ومشي
بكون معاوية ساكت مايحكي شي مابدو يعلق مع حدا مابشوف غير صهيل ركد وضرب الزلمة خلاه يركد مترين ووقع
اسد: معاوية اربط خيلك احسن ما اقتلو والله
معاوية: صهيل تعال لهان
قرب صهيل منو ووقف جنبو
معاوية: اسد لم حالج وامشي احسنلج
اسد: اخرس ولااا
معاوية: امشي صهيل مو عبالي اتخانق مع حدا من الصبح
اسد: شو قصدج ولا
معاوية: الي فهمتا
اسد: واحد مجنون بيحجي مع حيوان
معاوية: واحد مثلك الحيوان ولااااه
هجمو ع بعض وعلقو والتمت العشيرة كلها عصواتهن
ابو رمّاح: اسددد معاوية شو هاذ
معاوية: هو الي بدا يعمي
اسد؛ كان عم يتحرش بأبني يعمي بيرضيك هاد
معاوية: اني بتحرش بابنك😳هاذ الي طلع معاك
اسد: اي لو ماني جاي في الوقت المناسب كنت ركبته ع الخيل واخذتو متل الي قبله
معاوية: احترم نفسج اسد
اسد: خراس معاوية
ابو آدم: خلصنا ياولاد عيب انتو بتبقو اهل ومن عشيرة وحدة مايصير تتخانقو لازم تبقو حبايب
اسد: محترم الود الي بينا يعمي بس هاذ انسان مو منيح
وقف معاوية ووجهو عم ينقط غضب
معاوية: انا رح امشي واقصر الشر مو عشانك عشان خاطر الضيف
اتطلع بالكل نظرة حادة ومشي بعد ماصار ببعد منيح نده لاصيل ولحقو
بمجلس العشيرة
ابو رمّاح: خلص انسى يا ابني وانتبه ع ابنك
اسد: حاضر عمي
رمّاح: بس مالازم نسكتله يابا
عمر: رمّاح يكول صدق يابا مالازم نسكتله
ابو آدم: اسف اذا عم اتدخل بس انتو ولاد عشيرة وحدة مابصير هيك
ابو رمّاح: انت منا وفينا يا ابو ادم ماينزعل منك شو ماتحكي..
ابو آدم: دخيل عينك
طلعو الشباب كلهن ووقفو متجمعين
محمد: مالازم نسكتله
امير: واني اكول نفس الحجي
اسد: شو يعني
رمّاح: ماكو.. فكرو بشيء
عمر: متل ايش
اسد: لقيتها الحقوني لشوف
عند البنات
ألانا: يعني هاد معاوية مالو لا ام ولا اب ولا اخوان
عنود: اي مقطوع من شجرة مثل مايكولون
ألانا: وامه وابوه وين
المزيونه: يكولونه انه مات من زمان
ذهب: مزيونة ابوي قال منكول هالقصة لحد الا اذا عطانا الرخصة وانشالله ألانا مع الايام بتعرف هي صارت من هالعشيرة
مزيونة: اسفة نسيت
عزّة: ألانا لاتزعلين من ذهب بس اوامر عمي ابو رمّاح ماتتناقش
ألانا: لا انا اسفة تدخلت بأموركن اكثر من اللازم
مزيونة: ألانا احكيلنا عن بلدك الي انتو عايشينه
حكتلهن عن كلشي وهنن نظرات الاستغراب ع وجهن
مو كلهن متحضرين متل اهل المدينة وطبعا مابالغت لانو هي اصلا عايشة حياة بسيطة
بعد ساعتين
عزّة: يلا يابنات اتأخرنا ع الشغل
رحيق: يلا ارخصيلنا
ألانا: نعم
عنود: قصدها عطينا الرخصة
ألانا: رخصة شو
مزيونة: اظن انتو بالمدينة تقولوها بدك شي
ألانا: ايوا فيي روح معكن شوف كيف تشتغلو
ذهب: امك ترخصلج
ألانا: قنعوها انتو 😁
ذهب: منشوفها وبعدين منلبسج لبس غجري عشان ماتلفتين النظر انك غريبة
ألانا: حاضر
راحو كلهن لعند امها عشان يقنعوها
ذهب: عطينا الرخصة يعمتي نغير جو بس
عزّة: هي معنا يعمة لاتخافين
عنود: شو قلتي عمة
مزيونة: وافقي فدوى لروحج
اسماء: خليتو فيها لا بس لازم تسأل ابوها
ذهب: انا رايحه اخذ الرخصة منه جهزوها ع بين ما ارجع
عزّة: ماتتأخرين
ذهب: ايوا
اسماء بقلبا: ع اساس مابدك تجي ياملعونة دغري صارو رفقاتك 😂
عند ذهب
راحت وبتقابل محمد بطريقة
ذهب: محمد يمحمد
اجا محمد لعندها
محمد: اشفي شجايبك لهان بين رجالة
ذهب: ابويا وعمي ابو ادم وين
محمد: شو بدك فيهم
ذهب: مالك يمحمد بسأل سؤال
محمد: ذهب متحكين مع غربا تراني اغار والله
ذهب: محمد تراه قد ابويا شصرلك
رمّاح من وراهن: اشفي
محمد: اختك
رمّاح: شجابك لهنا ذهب
ذهب: اريد عمي ابو ادم
رمّاح: ليش
ذهب: اندهله يرمّاح اريده فموضوع وخلك واقف اذا بدك
رمّاح: لنشوف
راح رمّاح ع المجلس ونده لابو آدم
رمّاح: اسف عمي ازعجتك
ابو ادم: لا مو مشكلة ابني امرني
رمّاح: مايؤمر عليك ظالم اختي ذهب تريد تحجي وياك
ابو ادم': ايه مو مشكلة وينها
ذهب: كيفك عمي
ابو آدم: اهلين بنتي اتفضلي
ذهب:اريد ترخص لبنتج تجي معانا احنا ونشتغل بتتسلى وبتسلينا شو قلت عمي
ابو آدم: وين الشغل
ذهب: هان ضمن العشيرة مكان خاص لشغل النسوان
ابو آدم: خلص ماشي بس ماتتأخر هااا
ذهب: لا ما تتأخر شكرا عمي
رمّاح: عن اذنك عمي
تركهن وراح
ذهب: جاهزة يمعودة
ألانا: شلون لايقلي الجلباب
ذهب: لايقلج طالعة تجنني
عزّة: ماشالله خصرج رفيع عاطي للبسة جمال اكثر
ألانا: هاذ من زوقك حبيبتي
مزيونة: تأخرنا خلصوني
طلعو لبرا وراحو ع مكان الشغل وألانا مبسوطة انو واخيرا طلعت وبالنهار وشافت الي بيطبخ والي حوليه غنم والي عم يشوف الخيل والي عم يتسابق والرجال الي قاعدين بمجالسهن وكانت مستغربة من اختلاف الحضارة بين المدينة والغجر
بعد 3 ساعات طلعو وكان الشمس قوية ع الساعة قريب 4 العصر وكان في حدا من بعيد عم يراقبهن
عنود: كيف لقيتي الشغل حلو مو
ألانا: بس لو خليتوني ساعدكم
عزّة: لا عمي ابو رمّاح بيزعل
(قررت احكي طبيعي فعلا انعوج لساني بس شخص واحد رح يبقى يحكي غجري وبعض الكلمات رح استعلمها مثل... انطم.... حبّه.... وهيك شخص واحد كمان)
ألانا: ليش ليزعل
ذهب: خلص هي شفتي سوالفنا كل يوم تعالي منسولف معك ومنضحك ومننسى انو الوقت مضى
ألانا: ماقبلانة غير انو ساعدكن المرة الجاي والا والله بزعل
مزيونة: كلو الا زعلك حبي خلص منشاور عمي ابو رمّاح ونشوف
ألانا: تمام
رمّاح بقلبو: يا الله ما احلاكي يابنت الناس
بيشوفو البنات حدا جاي من بعيد ومعو خيل
ألانا: ما احلاه للحصان شو حلو هاد احلى حصان بشوفو
رحيق: هاد مو حصان هاد خيل اصيل
ألانا: شو بيفرق
رحيق: بيفرق كتير
ألانا: ليش مافي غير واحد هيك
رحيق: قصة طويلة الي قلنالك مامنقدر نحكيها
ألانا: قصدك هاد هداك الشب
عزّة: اي هاد معاوية
مرق معاوية من جنبهن مرفوع الراس وما اتطلع عليهن ابدا نظرو بطريقو لو بنت مو هيك وكان واثق من كل خطوة بيمشيها
ألانا بقلبا: يا الله ما أحلاك بسم الله عليك احلى واحد بشوفو بعمري 😂
وهو ومارق من حدا بتشوف لمعة عيونو العنبريين ع الشمس طالعين خيلة
ألانا بقلبا: بسم الله ع قلبي حتى يهدا شو هالعيون
فجأة بوقف صهيل وبيخرج عن السيطرة
معاوية: صهيل اهدا صهيل
ألانا: كانو الخيل تعبان
عنود: مادخلنا امشي
معاوية بحزن: صهيل رح نوصل اهدا
لما هدي صهيل كمل مشي ع الخيمة وفات عليها وبعدا مشيت الانا وكل تفكيرا عند معاوية
ألانا بقلبا: صهيل ومعاوية حلوين الاسماء
عند معاوية
فات ع الخيمة وبسرعة ساعد صهيل يتسطح وشال الخرج من عليه وصار يضمدلو جرحو
معاوية هو وعم يضمدو: اكيد حدا بيعرف انو نحنا منتدرب بهالمكان لحتى حفر حفرة ووقعنا فيها
صهيل كان عم يأن من الوجع وموج قاعدة مرعوبة عم تتأمل بصمت
معاوية: انا اذا وعدت وفيت رح اخذلج حقج ياصهيل
عند الشباب
اسد: شفتو كيف نجحت
رمّاح: بس هيك احنا ضرينا صهيل مو معاوية
اسد: ماشفتو كيف وقع هو وصهيل بالحفرة وبعدين صهيل قطعة من قلب معاوية
عمر: كيف عرفت وين بيتدرب
اسد: لحقتو قبل هالمرة
امير: كفو اسود
اسد: بعجبكن
محمد: وهلق شو
اسد: ولا شي لنشوف شو حيساوي انا رايح ع خيمتي بدكن شي
رمّاح: درب السلامة
عند ألانا
اسماء: ألانا شو الي اخد عقلك
ألانا: ااه الشغل حلو وقالولي بدهن ياخدوني بكرا
اسماء: ونشالله ماساعدتيهن
ألانا: ماخلوني بس قلتلهن انو المرة الجاي مارح اجي اذا مارح ساعدهن
اسماء: فكرت
ألانا: تربايتك امي
راحت اسماء ورجعت ألانا انشغلت بمعاوية وتتذكرو كيف صار يهدي صهيل بحنية وعيونو العنبرية ماعم تفارق خيالا وكانو بعمرا مو شايفة عيون عنبرية
ألانا: الله يحميك لشبابك بس ياترى شو قصتك
عند معاوية
بقي عم يقرء قرءان لصهيل لنام
تركو وطلع برا الخيمة بوجهو ع خيمة اسد
معاوية: اسددد اطلع لهان فرجينا خلقتك
سكت شوي والكل استغرب شو القصة
معاوية: اطلع يوال ولا خايف
طلع اسد
اسد: شو جايبك لهون
هجم معاوية عليه وبلش ضرب فيه
متل مابقولو اشبعه ضربا مبرحا 🙂😂
بيتدخلو اهل العشيرة بسرعة وبفكوهن ومعاوية طايش حجرو ومابيعرف مين قدامو
معاوية:اقسم بالله يا اسد اذا
ابو رمّاح بصوت عالي وبتهديد: اذا شو ولاااا ليش عم تهدد وتتوعد
معاوية: اسأله هو بجاوبك
ابو رمّاح: شو انا قاعد بس لحل مشاكلك لاتخلي عقلك صغير ومضحكة للكل
اسد: رح سامحو لانو عقلاتو ع قدهن
معاوية كان فيه عقل وطار هجم عليه وبلش فيه ضرب ومحدا قدر يسيطر عليه اي حدا يقرب ياكل الي فيه النصيب لحتتى غمي بين ايديه
كانو خمسة ماسكين معاوية لحتى سيطرو عليه
ابو رمّاح: معاوية روح مابدي شوف وجهك روح
نتر حالو منهن وراح واخدو اسد وقدمولو العلاج بس ما استفاد وعم ينزف
بالمجلس
ابو آدم: الله يهديه ليش مشراني كل هالقد
ابو رمّاح: هو هيك من زمان بيعمل مشاكل
ابو آدم: من ايمت يعنى
ابو رمّاح: من لما كان عمرو 5 سنين
ابو آدم: الله يهديه يارب
رجع معاوية ع خيمتو وتسطح وقلبو عم يعصر عصر ع صهيل
معاوية: لو ماني متعلم الطب النبوي والطب العربي مدري شو كان صار
سمع صوت تنين من قدام الخيمة
...: قال جرحو لهلق عم ينزف مانفع معهن شي لا بن ولا ضغط ع الجرح
...: الي بيوقع بأيدين معاوية يودع هو اصلا ليش يتمشكل معو
..: امشي ماناقصنا نعلق معو امشي
معاوية بادراك وتفهم:لازم شوفو
قام وراح باتجاه خيمة ابو آدم
معاوية: عمي ابو ادم يعمي
طلع ابو ادم
ابو آدم: اهلين ابني في شي
معاوية: عمي انا بدي منك طلب
ابو آدم: شو هو
معاوية: خذ هي العشبة وروح عند اسد خليك ضاغط ع الجرح فيها ليين اذان الصبح ارجع ع الخيمة بعطيك خلطة بدي روح دور بالوادي ع كم عشبة ناقصين
ابو آدم بتردد: متأكد
معاوية: اي هي عشان يوقف النزيف اسمه البردي عشان اذا سألوك
ابو آدم: ليش ماتروح انت
معاوية: حيفكروني اريد اقتله ولاتقول اني انا الي قلتلك قول انك بتعرف بالطب النبوي
ابو آدم: عيّن خير
معاوية: قبل ما ياذن بكون هان يعمي
ابو آدم: يلا روح
معاوية: عمي انا تارك صهيل بخيمتي الله يسترك لاتخلي حذا يأذيه
ابو ادم: عين خير يلا روح قبل ماتتأخر
معاوية: الرخصة عمي
ابو آدم: الله معك
تركو معاوية وراح
ابو آدم: الله يهديه يارب هو منيح بس لو مالو عصبي
ألانا: مين ابي
ابو آدم: واصل مشوار نامو لاتستنوني
تركهن وراه وقلب ألانا عم ينبض كل دقيقة الف
اسماء : شو فيه
ألانا: بسم الله ارتعبت مافي شي قال ابي نامو لاتستنوني شو القصة
اسماء: الله وااعلم.
عند ابو ادم
ابو ادم (موسى اسمو): السلام عليكن
الكل: وعليكم السلام
ابو رمّاح: شو جابك بهالوقت يا ابو ادم
موسى: بعرف علاج ليمنع النزيف جاي اعطيه ياه
ابو رمّاح: اي بسرعة زكاتك الله يسترك
فات موسى حط شاشة معقمة بالمي تبع العشبة وحطها ع الجرح
ابو رمّاح: هيك بيقطع النزيف
مزسى: اي انشالله
ابو رمّاح: يلا يارجال الكل ع خيمو انا وابو آدم ورماح هون
عمر: يابا شو خبر حرمتو لاسد
ابو رمّاح: قلها تعبان شوي بقي عند ابي
عمر: امرك ابوي
بعد نص ساعة
موسى: ها هي قطع النزيف
ابو رمّاح: يسلم ايديك هلق شو
موسى: حرمتي عم تساوي الدوا بس بتخلصو ع الفجر قوم ارتح انا رح اسهر عليه
ابو رمّاح: يابي رمّاح انت روح انا رح اغفى هان شوي وبس اندهلك بتجي
رمّاح: امرك ابوي
ابو رماح: اعمل جولة ع المناوبة تبع اليوم
رمّاح: حاضر ابي
تركو وراح
ابو آدم: يلا ارتاح انت وانا رح ابقى جنبو
ابو رمّاح: يلا بس تحتاج شي فيقني فورا
موسى: مابتقصر
اتسطح ابو رمّاح وغط بنوم عميق
بعد ساعتين بلش يصحى اسد
اسد: اشفي عمي شو القصة
موسى: الحمدلله عسلامتك
اسد بلش يقعد
موسى: خليك متسطح حتى ماتنزف اكتر
اسد: مانو كبير الجرح بقدر قوم
موسى: الجرح بالراس صعب خليك قاعد
اسد: شو صار
موسى: بعد مشكلتك مع معاوية نزفت كتير وهي العشبة وقفتلك النزيف
اسد: يسلم ايديك عمي عزبتك
موسى: مو انا الشخص الي لازم تشكرو
اسد: لكن
موسى: مع الايام بتعرف
اسد:... رجع قلب اسد ونام قبل اذان الفجر
موسى: ايوب يا ايوب
ابو رمّاح (ايوب): خير اسد. صرله شي
موسى: لا بس مضطر روح اتطمن ع العيلة وارجع
ايوب: حقك يلا رح ابقى قاعد انا انت اقضي شغلك
موسى: مابتقصر
راح بسرعة ع الخيمة وفات اتطمن عليهن نايمين وطلع نطر معاوية
بعد عشر دقايق
ابو آدم: تأخر في شي يا ترى
معاوية: لا تقلق عمي اجيت
ابو آدم: اهلين شو صار معك ليش هيك حالتك
كان كلو معفر بالتراب وجهو مجروح وفي جرح بأيدو
معاوية: الدوا كان بوادي واتعرضلي مشلحين بالطريق ع كل حال هي الدوا جاهز دهنلو ع الجرح وضغطلو عليه وبعدين يعطوك منديل نضيف ولف الجرح وخلوه يطعموه مرقة لحم وتمر عشان يرجع الدم الي فقدو
ابو آدم: وانت
معازية: تأخرت على صهيل بالاذن عمي لاتقول لحدا
تركو معاوية وراح
ابو آدم: مامنعرفك منيح ولا مشراني 🙂
عند معاوية اول مافات ع الخيمة فاق صهيل وموج حسو بريحة دم
معاوية: لاتخافين موجي لاتخافين جرح صغير
صهيل صار يطالع صوات تعبانة
معاوية: يلا رح غيرلك ع الجرح
غيرلو ع الجرح وكان الاذان على وشك يأذن
معاوية: انا قايم صلي
وقف واتجه عالقبلة وصار يصلي بينما الباقي بصلي بالمصلى
خلص صلا قام لبس هدوم جديدة ورش عطر (العود)
وكان عم يدندن بصوت هادي
طلع وراح باتجاه خيمة ابو آدم
معاوية: يعمي
قبل مايكمل كلمتو كانت وحدة طالعة من الخيمة بتلتفت عليه وبيتقابلو عيونهن ببعض وبيبقو صافنين
بعدين بتتدارك ألانا الموقف وبتنزل راسها
ألانا: رح نادي لبابا ثواني
فاتت لجوا وهو عم يتذكر اللحظة التفتت فيها عليه وعيونو صارو متل عيون الولد البريء الي بعمر السنة
طلع ابو آدم قطعلو شرودو
ابو آدم: اهلين ابني
معاوية: اهلين عمي صباحك خير بالصلاة ع النبي
ابو آدم: ﷺ
معاوية: كيف صار اسد
ابو ادم: الحمدلله منيح هلق رايح شفله الجرح
معاوية: ماشي يعطيك العافية عمي وهلق عن اذنك بدي امشي قبل مايشوفني حدا معك ولاتقول لحدا الله يخليك بشوفك بخير
تركو وراح
ابو آدم: اليوم بدي اعرف قصتو
راح ع المجلس وقعد نطر ابو رمّاح لطلع
موسى: كيفك ايوب
ايوب: اذا الشغلة ايوب معناها في حديث خاص
موسى: اي والله
قعد جنبو وصارو يراقبو الرايح والجاي
موسى: احكيلي كل قصة معاوية
ايوب: شو الي جابو ع بالك
موسى: عمل شغلة خلتني ارفع راسي فيه وبرجوليتو
ايوب: شو هيي.
موسى: محلف ما احكي عشان هيك بدي اعرف قصتو كلها
ايوب: لقيط
موسى بصدمة: مفهمت شو يعني انو هو مو
ايوب: لا بالاول فكرناه ابن حرام طلع لقيط كان عنا وحدة بالعشيرة سيئة السمعة هي وجوزا وماصدقنا ايمت ماتو وارتحنا منهم هما الي ربوه ومامنعرف عنو شي
موسى: وايمت ماتو
ايوب: كان عمرو 4سنين
موسى: اربعة بس
ايوب: اي وبعدا كتر شغبو وصار يأذي كتير مرة يضيع سلاح ومرة يضيع شي خروف او كذا وياما طالعنا بالخجلة قدام الضيوف ومن هو وصغير بيعلق مع شباب العشيرة وكتير بعلقنا مع عشاير ثانية وبعيد عن كلشي
موسى: شو
ايوب: هو السبب بموت ابني احمد
موسى بصدمة: شوووو هوو
ايوب: اي هوو الي قتلو كرمال هيك لا انا بحبو ولا حدا بطيقو انت بتعرف قصة الفرس تبعو
موسى: لا والله
ايوب: لمن كبر وصار بعمر 19 اختفى سنة لما رجع كان معو صهيل وعرفنا انو عاش سنة عند هديك العشيرة المعادية ورجع بيناتنا عوايني وكل فترة بغيب وبيرجع
موسى: طيب تأكدتوو
ايوب: كل فترة منعلق مع هي العشيرة وماشارك بولا معركة بيننا وبين العشاير قديشو جبان وبخاف ع حالو
موسى: بتذكر قلتلي انو احمد مات موتت ربو
ايوب: مات ع ايدين ابن شيخ عشيرة الخشب ادهم واختفى من ساحة العلقة وبنفس الوقت رجعنا علقنا مع عشيرة الخشب مرة تانية والعلقة كبرت بيناتنا وشارك فيها الكل حتى معاوية وانقتل يومها ادهم واتصاوب معاوية وبعدا اختفى
موسى: يالطيف الله يجيب العواقب سليمة وهو من ايمت عايش لحالو
ايوب: من لما كان عمرو 5 سنين الله واعلم شو بخبص لحالو
تغيرت نظرة موسى لمعاوية 180 درجة بعد الحكي الي سمعوو عنو
موسى: وشلون عرفتو انو لقيط
ايوب: لقوه مرمي بالطريق ع طريق الجولان هيك فهمت
موسى: يلطيف ومين بيعرف بهلقصة
ايوب: الكل حتى هو
موسى: يعني بيعرف حالو لقيط
ايوب: اي
هنن وعم يحكو مرق من قدامهن مع صهيل فجأة بيسمعو صوت صراخ قوي من العشيرة
عَمر: ابي ابي
ابو رمّاح: شوفي ياعمر
عمر: مجموعة قطاع طريق جايين باتجاه عشيرتنا وعددهن كبير
ابو رمّاح: اسقو الخيل وجهزو سلاحكن
موسى: عطيني انا سلاح. حتى دافع عن العشيرة
ايوب: لا والله انت مابتروح
موسى: ايوب لاترفضلي طلبي في مرتي وولادي بدي دافع عنهن كمان والله بزعل منك
ايوب: خلص تعال
اول ماسمع معاوية ركب صهيل مع انو مريض وطار فيه وسلاحو ع كتفو
معاوية: اتحمل ياصهيل الغريب وبنتو ممكن ينأذو اذا ماوصلت بالوقت المناسب
بلاقي حشد بعيد عنو وكبير بيحمل سلاحو وبصير يقوس عليهن واحد واحد وهو عندو مهارة تصويب عشان هيك قتل عن بعد شي 30 واحد خلا صهيل يروح وقعد خلف صخرة وصار يقوس النار على واحد واحد بقيو كم زلمة قام هربو لما شافو مافي مفر
كان معاوية خيرة مين يحمل سلاح وتصويبو تصويب واحد معو السلاح من ميت سنة وقلبو قوي بهيك اوقات
راح جمع الاسلحة ولما شاف عشيرتو قربت حط الاسلحة فوق الجثث وهرب
وصلو العشيرة لقو المنظر قدامهن
موسى: شو يلي صار ايوب
ايوب: مابعرف كل فترة وفترة بصير معركة منلاقيهن هيك يا ما منلاقي حدا يامقتولين وفوقهن سلاحهن
موسى: خير خير يلا يارجال خدو السلاح وادفنو الجثث
خلصو شغلهن ومعاوية ورا الصخرة عم يضمد جرحو
معاوية: يابيي ما اصعب جرح الرجل
ضمد جرحو بسرعة ورجع ع خيمتو من دون محدا ينتبهلو
معاوية: شو اكل اليوم من ايمت عايش ع اللبنة والجبن
قعد وصار يتصفن بالحيطان لفت انتباهو انو موج مو موجودة وهيي مابتطلع من الخيمة
معاوية: موج ياموج وينك موووج
بيسمع صوتها برا الخيمة بيطلع بسرعة ليشوفا بلاقيها شايلة بتمها سمكة
معاوية: خوفتيني عليكي وين كنتي
زتت السمكة وصارت تحك راسها
معاوية: جبتيها، يلا تعال صهيل
ركب ع صهيل والقطة اخدتهن على مكان ماجابت السمكة كان نهر نزل عليه واصطاد. كم سمكة وقعد بلش يولع بالنار وزت سمكة لموج وجاب خضرا لصهيل بطريقو
بيجي حدا من وراه
.....: شو بتعمل هان يوال
معاوية: شجابك
....: اجيت لهان زيارة مو بعادتك تطلع بهالوقت
معاوية: مادخلك
.....: طيب انا شو ذنبي يازلمة
معاوبة: اتركني فحالي
......: عمي طالبك
معاوية: قلتلكن اني مابقا ارجع
.....: ايمت ماصحلك تعال ناطرينك
معاوية: مع السلامة
..... بقلبو: معو حق يعاملني هيك
شوا السمكات وصار ياكل هو والقطة
وكان شارد وعم يتذكر ألانا
معاوية: هي بنت الغريب كل هالقد حلوة والله بعمري ماشايف بحلاها يمكن لانها مو منا او بنت مدينة
اتسطح وصار يتطلع بالنجوم وعم يتخيلها بين النجمات وع القمر
فجأة بلاقي خمس شباب فوقو
معاوية: شمالكم ليش واقفين
رمّاح: كنا عم نراقبك
معاوية: حلو وشو استنتجتو
عَمر: احكي مين الي كان معاك وراح
معاوية: هاذ جني بيجي بسلم عليي وبيرجع متل مابتعرفو انا مخاوي متل مابتقولو
اسد: حتحكي ولا لا
معاوية: كيف جرحك نشالله تحسن؟
امير: احكي وعليك الامان
محمد: معاوية احكي مالنا ماشيين قبل ما نعرف
معاوية: ليك في سمك ع عددكن قعدو كلو في والخير كتير والحمدلله
قرب منو رمّاح وشدو من قبة القميص
رمّاح: عم تخون مهيك؟
معاوية ببرود: لو عم خون مابلحق بنت الضيف من مكان لمكان يارمّاح
كانو انكب ع رمّاح سطل مي باردة بعد هالجملة
معاوية: مين الي عم يخون هاا؟
عَمر عم يتدارك الموقف: وانت ليش لاحق اخي؟؟
معاوية: انا. بعرف انو انتو كلكن حفرتو الحفرة عشان اوقع انا وصهيل بس الحمدلله الله نفدني من الموت وانتقمت من اسد لما فتحتلو الجرح براسو باقي انتو يلي لهلق ماكنتو تقتنعو انو مو انا السبب بموت احمد
محمد: لا انت السبب
معاوية: رح ناخدك ع قد عقلك وقلك اي انا قتلتو اتفضل اقتلني
امير: ليش عم تروح كل فترة وفترة على عشيرة الخشب؟
معاوية: روح اسألهن
اسد بعصبية: عم نسألك الك
معاوية: شي مابخصكن
رمّاح: معاوية احنا لهلق ساكتين
معاوية: اي بعرف لهلق ساكتين انو لهلق ماحكيتو لعمي ابو رمّاح انكن انتو الي حفرتو الحفرة وانتو الي بتبدو المشاكل معي مو انا بس لو كنتو رجال فعلا وقد كلمتكن ماكنتو خفتو انكن تحكوها
تركو رمّاح لمعاوية وقعد معاوية بالارض وكمل
معاوية: معي هلق الافضلية عليكن جايين انتو بدون شي تحمو حلكن فيه وانا معي بارودة ومخزنين وصهيل ولو انا ضامرلكن الشر لما كنتو شفتو صهيل هادي
رمّاح: شو قصدك
معاوية: مابتهموني كلكن بس انا باقي لغاية في نفس يعقوب ليك يا ابن الحلال انا لالي عوايني ولا قاتل احمد والايام بتثبتلكن مع اني مو مهتم اذا صدقتو ولا لا وبدكن تبقو تراقبوني ماعندي مانع ماخايف اصلا وهلق افرقونا ذكاتكن
امير: عادي مانهمك ما انت واحد لقيط مو من العشيرة
اتطلع معاوية نظرة باردة ع امير وحكا ببرود
معاوية: انا ابن حرام وانتو ولاد حلال يلا روحو
رمّاح: اعرف انو مراقبينك مارح تفلت من عيوننا
معاوية: اي فهمت
فجأة بيجي كلب متل الطير ناح معاوية
كان كلب بللون الابيض والاسود وكبير والكل خاف واستغرب منو
معاوية بتوتر: شو مابدكن تروحو
امير: امشو امشو هاد مجنون ماشايف مع مين قاعد خيل وكلب وقطة
محمد: امشو ماناقصني انا
تركوه ومشيو لما شافهن صارو بعاد قام متل الطير ركب ع صهيل وحمل بارودتو وراح ليراقب مين جاي باتجاه العشيرة
كان متخبي ورا صخرة لما سمع مجموعة عم تحكي
......: خلينا بعد بكرا نهجم عليهن بليل هيك اضمن منكون جمعنا عدد رجال ضعفهن
....: وانا هيك بقول بكرا حدا يفوت ويقول انو تايه ويعرف كم معلومة عن العشيرة عشان تسهل علينا
.....: وانا هيك بقول يلا نرجع
معاوية بقلبو: العما بقلبهن نشالله منيح الي سمعتهن
كان الضو بلش يطلع والفجر ع البواب رجع بسرعو ع خيمتو قبل لا يسألوه وين كنت ويفتحو تحقيق
فاق تاني يوم وقف قدام العشيرة
معاوية: يريدون يدخلون بلليل لكن
بقي عم ينطر بحدود خمس ساعات والكل مستغرب من حركاتو مو طبيعتو يبقى بالعشيرة عم يراقب الرايح والجاي مرق ابو آدم من جنبه
معاوية: السلام عليكم يعمي الشيخ
اتطلع فيه ابو آدم وماشالو من ارضو وكمل مشي
معاوية: بعرف انو قلبوك ع الاقل رد السلام حسبي الله ونعم الوكيل فيهن
معاوية بقلبو: شو ذنبي اذا كنت لقيط واحلى من هيك خبو عليي لوقت صرت بالغ حتى يصدموني شو بدهن اكتر من لما كان عمري 14 دمروني ليش ليقبلو بواحد لقيط اذا هيك رح يتصرفو بس العتب مو عليكن واصلا مابهمني الي بهمني اني متكني بهي العشيرة ولازم ارفع راسهن
بالمجلس
ابو رمّاح: من وين سمعت هي القصة ابو امير
ابو امير: صار حديث كل العشاير يا شيخ
ابو آدم: يعني في واحد اي حدا بحاول يهجم ع العشيرة بوقفهن
ابو امير: اي وفهمت من اخي كمان انو خيال ولا كل الخيالة الخيل تبعو اذا قلو اقعد بيقعد
ابو رمّاح: والله غريبة
رمّاح جاي من بعيد
رمّاح: ابوي
ابو رمّاح: خخير شوفي
رمّاح: حركة معاوية مو طبيعية يا ابي وكانو ناطر حدا هلق طلع برا العشيرة وعمر عم يلحقو
ابو رمّاح: جاي معك خذني
ابو آدم: جاي معك كمان
ابو محمد وابو امير: واني كمان
راحو كلهن لاحقين اثار عمر الي تركها
عند معاوية
لما كان واقف شاف حدا بعيد عن العشيرة صار يمشي باتجاهو وكان بعيد عن العشيرة
معاوية: شو جابك
......: قلتلك عمي بدو ياك ضروري
معاوية: كم. مرة قلتلكن مابقا بدي اتعامل مع عشيرتكن بكفيني المصايب الي فيي وقول للشيخ انو بس يصحلي براسي بجي لعندو هالفترة مراقب ومابقدر
ابو رمّاح من وراه: اه ياخاين اه
التفت معاوية بسرعة: عميي
كان الثاني عم يهرب ولحقو عمر
بعد خمس دقايق كانو مربطين معاوية وسادين تمو بشقفة ورجع عمر
عمر: مالحقتو سريع كتيير
شال رمّاح قطعة القماش من ع تم معاوية وحكا
رمّاح: احكي هلق مين هاد وشو كنتو عم تحكو ومين بدك تقابل
اتطلع فيه معاوية وماشالو من ارضو نظراتو. باردة كالعادة
ابو امير: احكي معاوية
ابو آدم: مابصير تعمل هيك باهلك وناسك
ابو رمّاح: ماهو ياصاحبي لو بيفهم ماكان عمل الي عملو
عمر: احكي احسن ما ناخدك ع العشيرة هيك والكل يشوفك بهالمنظر
اتطلع معاوية ع حالو وحكا
معاوية: شبو منظري عريس واحلى العرسان كمان خذوني يلا
ابو رمّاح: خذولي هالكلب شحطوه قدام كل العشيرة وحطوه بخيمة وربطوه
اتطلع معاوية فيه وابتسم
ابتسامة عم تقول حسافة فيك المشيخة ياشيخ
اخدوه ووصلو لاول العشيرة وكانو حاطين براسو متل الكيس
رمّاح بصوت عالي: لقطنا الخاين وجبناه حتى تشوفو بعيونكن
الكل اتجمع حوليهن وناطرين يشوفو مين هو الخاين
كان الكل متجمع قدامهن
ابو اسد: شو للقصة ياشيخ
ألانا لعنود: مين هو
عنزد: هلق منعرف
عزّة: قلبي مو متطمن
رحيق: اسكتو شوي لنسمع
ابو رمّاح: اتتبعنا اثره وشفناه كان عم يسرب معلومات لعشاير ثانية وجبناه حتى نستجوبو
ابو مجاهد: مين هو ياشيخ
رفع عمر الكيس عن وجهو والكل انصدم
الكل: معاويةةة
صدمتهن ماكانت اقل من صدمة ألانا الي انفجعت بعد ماشافتو
رمّاح: رح نشوف شو رح يصير وبعدين لكل حادث حديث
وقف معاوية مبتسم وحكا بثقة قدام الكل
معاوية: اسمعو يالربع وركزو حيل
رفع ايديه قدام الكل وزت الحبل الي كان رابط ايديه ورماح وعمر انصعقو لانو بيعرفو انو ربطوه منيح
التفت معاوية عليهن وكمل
معاوية: من لما رجع عمر وانا فاككهن لو كان بدي اهرب كنتو هلق ملقحين بالارض لانو
مد ايد ع الجاكيت وطالع فرد
معاوية: معي الافضلية
رجع اخذ الحبلة وربط ايديه بمساعدة سنانو وكمل
معاوية: اخدتكن ع قد عقلكن لانو بعرف لو علقتوني وعذبتوني اشد التعذيب مارح احكي وانا معاوية الجبلي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵