الفصل 8
8
اللهم صَل وسلم على نبينا محمد.
,
البارت,70
,
\\صباح||عند مُصعب//.
,
صحى وكانت الساعه8الصباح,بدل ملابسه بشكل سريع وبعدها خذا جواله و مفتاح سيارته وطلع المطبخ فتح الثلاجه وخذا له عصير بُرتقال لان ماراح بمدينه يفطر وبعدها طلع لسيارته متجهه لـ مكتب ملاّذ..
بعد فتره بس من الطريق وقف سيارته ونزل للمكتب قبل لا يدخل شاف ميرال قدّامه نطق؛ممكن اشوف ملاّذ اذا موجودة؟.
ميرال ببتسامه هزت راسها؛دقيقه بس بشوفها اذا فاضيه بعدها بقول لك,انت تفضل اجلس على ماشوفها.
مُصعب راح بهدوء وجلس مكان ماقالت له ميرال ينتظر ردها.
,
\\بداخل المكتب||عند ملاّذ//.
,
ميرال دخلت عند ملاّذ وضحكت بخفيف؛مُنقذك برا يبي يقابلك.
ملاّذ نزلت نظارتها الطبيه واهي معقده حواجبها؛اَي مُنقذ!!.
ميرال ضحكت واهي تحرك عيونها؛نسينا أمس!!من شالك وخذاك للمستشفى من أنقذ حياتك من الموت المحتم من حـ...!!'سكتت بعد ماضربتها ملاّذ المخده بوجهها وكشرت'ذا جزاي اذكرك.
ملاّذ وأهي كاتمه ضحكتها؛روحي بس خليه يدخل..
لما طلعت ميرال سحبت ملاّذ شيلتها ولبستها تنتظرهه يدخل..
مُصعب دخل ونطق؛السلام.
ملاّذ؛اهلين حياك تفضل.
مُصعب جلس ولف لها؛كيفك بعد أمس,اعذريني ماقدرت اجلس لما يخرج الدكتور منك لان كنت شوي مستعجل.
ملاّذ ببتسامه نطقت؛الحمدلله بخير,تعب وإرهاق وأن شاءالله بيعدي مع الأيام,وانت ماقصرت يكفي ان خذيتنا للمستشفى.
مُصعب سكت لثواني بعدها نطق؛طيب تقدرين تروحين معاي للمستشفى عشان نقابل الرجال أو مافيك حيل!.
ملاّذ وقفت وهزت رأسها ببتسامه؛نروح الحين؟.
مُصعب وقف ببتسامه؛يلا امشي.
وفعلا طلعوا وراحوا للمستشفى لياقابلو الى تسبب بحادث إيلاف على أمل إنهم يحصلوا لو طرف خيط.
,
,
\\بالفيلا تبع أم عبدالله||جناح عبدالله//.
,
عبدالله بصراخ عشان تسمع؛يلا يابنت خلصي علينا الطيارة بتروح علينا..
اسماء جات وحطت رتيل بحضن ابوها؛خذ بنتك هي الى معطلتني.
عبدالله ضحك وباس خدها؛عمري انا الى بتوحشني.
اسماء قوست ثغرها بزعل وجلست بجنبه؛مادري كيف بنتركها وبنسافر.
عبدالله ابتسم وباس خد اسماء؛قلبي إنتي ماراح نطول كلها كم يوم وراجعين بعدين وين بتقعد ترا عند عمتها و جدتها مو احد غريب.
اسماء باست راس بنتها وبعدت؛زين شوي واقفل الشنط ونروح.
عبدالله هز رأسه واهو يلعب مع بنته؛انتظرك بس لا طولين.
بعدها رجع يلعب مع رتيل و اسماء راحت تجهز الشنط.
,
,
\\سويسرا||المستشفى//.
,
لما دخل الدكتور عليهم تعدل عبدالعزيز بجلست ولف بسرعه لـ نُهى؛نُهى روحي الكافتيريا تحت جيبي لي عصير و مويه.
نُهى هزت رأسها؛زين بس بسمع وش يقول الدكتور اول.
عبدالعزيز لف لها وتنهد..
.
اللهم أعتق رقابنا من النار..
,
البارت,71
,
,
\\سويسرا||المستشفى//.
,
عبدالعزيز لف لها وتنهد؛نُهى عطشان روحي جيبي لي وبقول لك كل شي صدقيني.
نُهى تاففت وهزت رأسها وخذت شنطتها وطلعت..
عبدالعزيز لما تأكد انها طلعت لف لـ دكتور؛ماذا حدث؟.
الدكتور تنهد؛للأسف ما اشك به حقيقه,الفحوصات أوضحت ان بك خلايا سرطانه بالرأس وهي في وضع مُتقدم ويجب علينا التدخل بشكل أسرع حتى لاتنتشر أكثر.
عبدالعزيز سكر عيونه بضيق وهمس له؛كم نسبه نجاتي من هذا المرض؟.
الدكتور؛لا أخفي عليك خطوره الامر ولكم سنفعل كُل مابي وسعنا.
عبدالعزيز طالع فيه بهدوء ونطق؛لا توجد اَي طريقه آخرا غير العلاج بالكيماوي؟.
الدكتور؛توجد عمليه ولكن خطيرة جداً,ونسبت النجاه منها30٪.
عبدالعزيز؛وإذا لم اخضع لـ هذا الخياران,كم سأعيش؟.
الدكتور؛هذا بعلم الغيب ولكن كـ تقدير لن تتجاوز الثمان شُهُور,ولكن أعلم أن تأجيل العلاج ليس لصالحك.
عبدالعزيز سكر عيونه بضيق يمنع دموعه لا تنزل وبهمس؛يارب رحمتك.
الدكتور؛الأفضل لك ان تتقبل الامر وتخبر من حُولك,وان نبدأ بالعلاج وسأكون بانتظارك حتى تستعد نفسياً لـ هذه المرحلة,وأتمنى لك الشفاء'بعدها طلع'.
بعد فتره دخلت معاها عصير و مويه مثل ماطلب منها قربت ومدت العصير له؛ادري تأخرت بس الكافتيريا كانت زحمه'استغربت لما شأفته مو حاس فيها ويفكر نزلت العصير على الطاوله وجلست على طرف السرير وحركته'عبدالعزيز شفيك أكلمك انا.
عبدالعزيز صحى من سرحانه ومسح وجهه بيده وتنهد؛جيتي!.
نُهى كشرت؛لا توي جالسه اشتري لك عصير,تستهبل انت عزيز شفيك وش قال لك الدكتور؟.
عبدالعزيز طالع فيها ببتسامه؛ماقال شي والفحوصات مابعد طلعت بتأخذ وقت,عشان كذا خلينا نروح يكفي نمت هنا يوم كامل احس بالخنقه.
نُهى طالعت فيه بعدم تصديق بعدها خذت نفس وساعدته و طلعوا متوجهين للفندق..
,
\\بالرياض||عند مُصعب و ملاّذ//.
,
وصلوا للمستشفى ونزلوا..
ملاّذ لفت عليه؛متاكد ان موجود هنا!.
مُصعب هز راْسه؛ايوا متاكد.
ملاّذ مشت معاه وقف مُصعب ولفت له تنتظر يتكلم.
مُصعب واهو يحاول يتذكر الاسم بعد ثواني بس ونطق؛في مريض هنا اسمه احمد الـ##,جا للمستشفى بحادث سياره وكانت عنده مشكله برجله بعد الحادث وطول ألفتره آلى راحت كان يتعالج هنا.
الموظف عقد حواجبه وبحث بجهازهه لثواني لف له؛للأسف تم نقله لمستشفى ثاني.
ملاّذ تاففت؛وش بنسوي الحين.
مُصعب لف عليها لثواني بعدها طالع لي الموظف؛وش اسم المستشفى طيب.
الموظف؛مستشفى الـ##,بتركيا.
ملاّذ بققت عيونها؛تركيا واحنا شيودينا لتركيا.
مُصعب لف لها؛وش احنا!!انا الى بروح..
.
اللهم أعتق رقابنا من النار..
,
البارت,72
,
,
\\بالرياض||عند مُصعب و ملاّذ//.
,
مُصعب لف لها؛وش احنا!!انا الى بروح'بعدها مشى'.
ملاّذ تأففت ومشت معاهه؛وانا بعد بروح معاك اذا بتروح.
مُصعب وقف وضربت بظهره ملاّذ ولف لها؛نعم وش قلتي!.
ملاّذ عقد حواجبها بالم وحطت يدها على جبهتها وبهمس؛وجع جدار مو أدمي.
مُصعب كتم ضحكته لان سمع همسها ونطق؛امشي يلا أرجعك المكتب.
ملاّذ كشرت؛مو على كيفك انا مُحاميتك ورجلي على رجلك,يمكن طيح هناك بمُصيبه ومحد يقدر يفكك منهم غيري..
مُصعب تأفف؛زين امشي يالنشبه.
ملاّذ ابتسمت ومشت معاهه وركبت السياره لما فتحها لما ركبت لفت عليه؛وين بروح,المطار؟.
مُصعب لف عليها؛وانتي ماعندك أهل تسألينهم يمكن ماراح يرضون تروحين.
ملاّذ صدت؛ماعندي أهل,وانت بنفسك شهدت طردت اختي لي من البيت.
مُصعب خذا له نفس ونطق؛بروح المطار,بس وين ساكنه عشان تأخذين كم لبس لك.
ملاّذ وصفت له بيت ميرال وخذها له بعد فتره من الطريق وقف قدام البيت ولفت ملاّذ له وأهي رافعه إصبعها بتهديد؛والله لو سحبت علي لا أذبحك,وبلحقك لو بطيارة ثانيه.
مُصعب ضحك بخفيف؛يعني مامنك فكه.
ملاّذ ضحكت؛زين انك عرفت,عشان كذا انتظرني ماراح أطول.
مُصعب ابتسم وهز راْسه لما نزلت خذا جواله يطقطق فيه على ماتجي..
,
\\بالفيلا حقت آبو عبدالعزيز||جناح صقر//.
,
صار لها حول العشر دقايق تضرب على بابه واهي تغني ومروقه صرخت؛صقير وجع اطلع كل ذا نوم ولا ناسي وعدك لي ان بتفطرني وتغديني..
تأففت بعد ماسمعت له رد ورفست الباب برجولها وصرخت؛صقرر تكفى لا يكون غيّرت رأيك صصققررر!.
صقر جالس ورآها ومتكتف وكاتم ضحكته على شكلها واهي تضرب بالباب.
نجلاء ضربت الباب بيدها بقوه وعورت يدها صرخت بالم واهي تحرك بدها وبقهر صرخت؛الله يأخذك يـ صقيرر اعلمك انا اجل تسحب علي شوف يدي انكسرت بسببك جعلك الكسر الى ماينجبر ياحمار'لفت بتروح آلى صرخت بفجعه'اعوذبالله من الشيطان الرجيم بِسْم الله الرحمن الرحيم قل هو..!.
صقر ضحك وسد فمها بيده؛خلاص بتختمين القران إنتي لو شايفه جني ماسويتي كذا.
نجلاء ضربته على صدره؛وجع بعد طيرت قلبي الله يطير عقللك ياثور.
صقر ضحك وتسند على الجدار يطالع فيها.
نجلاء تأفف؛بعدين انت شلون طلعت الخادمه تقول ماشافتك طلعت.
صقر طالع فيها واعتدل بجلسته؛طلعت أصلي الفجر وهي توها ماصحت ومن بعدها مارجعت.
نجلاء رفعت حاجبها؛ليش وين رحت.
صقر ضحك ورفع حاجبه؛وانتي شدخلك,المهم خلصي ببدل بعدها بنطلع.
نجلاء ركضت ؛ثواني بس وانا عندك.
صقر ضحك وهز راْسه وصرخ؛لاطيحين طيب!'بعد مادخلت غرفتها راح هو بعد ودخل غرفته'.
. اللهم أعتق رقابنا من النار..
,
البارت,73
,
\\بالفيلا حقت أم عبدالله||بالصاله//.
,
عبدالله ضحك وسحبها منها؛بس خلاص شفطتي البنت حست ان بنجلس هناك شهر.
اسماء تاففت ولفت لـ عبدالله؛الحين شفيها اذا خذناها معنا,والله ماني قادره اتركها.
بتُول سحبت رتيل من ابوها؛افا بس لذا الدرجه مافي ثقه فيني.
اسماء ابتسمت؛لا والله مو قصدي كذا بس يعني ودي اخذها معاي.
عريب ضربت صدها؛أبد اذا خايفه عليها من ذَا الغبيه,انا مستعده أتكفل فيها لين ترجعون.
أم عبدالله نزلت فنجانها وبهدوء؛إنتي جيبي لك بزر اول بعدها تعالي تكلمي,بالله كم صار لكم متزوجين وانتي ماحملتي ومقطع قلب ولدي على طفل يحمل اسمه.
عريب خذت لها نفس ونطقت؛متى ماكتب ربي جبت له,لا تشيليين همه انا وزوجي متفاهمين.
أم عبدالله رفعت حاجبها؛ولَك عين بعد تراددين!!.
عريب تاففت وقامت من الجلسه وتركتهم.
بتُول بضيق؛يمه شفيك على البنت كل ماشفتي وجهها فتحتي هالسيره لها خليهم هم كذا مرتاحين اتركيهم,بعدين ماشوف سلطان شكا لك الحال.
أم عبدالله تاففت؛فكيني منك ترا مالي خلق'ولفت لـ عبدالله'متى قلت لي بترجع؟.
عبدالله؛أسبوع بالكثير.
أم عبدالله هزت رأسها؛اَي زين بس لا تتأخر ترا مافيني على مقابل الشركه بروحي.
عبدالله؛زين,اسماء يلا قومي بنتاخر.
اسماء باست خد بنتها وطالعت بتُول؛كل أغراضها بغرفتها وإذا ماعرفتي مكان شي قولي للخادمه وبتساعدك,يلا بحفظ الله.
عبدالله ابتسم وباس رتيل وهمس لها؛خليك شاطره ولا تجنني عمتك و جدتك لين نرجع'باس يدها وبعد سحب شناطهم وطلعوا للمطار'.
,
,
\\بنفس الفيلا||جناح سلطان//.
,
دخلت وضربت بالباب بقوهه واهي منقهرهه حدها من أم عبدالله..
فز سلطان وطالع فيها باستغراب.
عريب حست فيه يطالع فيها ولفت له؛هاه ليش اطالع حرام الواحد يضرب بالباب.
سلطان ضحك؛من مزعلك بعد؟أعرفك ماتسوين ذَا الحركه الى اذا عصبتي من احد.
عريب تاففت وجلست على السرير وتربعت قدّامه؛شرايك نسافر مثل اسماء وعبدالله,ونفتك من أمك وغثاها.
سلطان ابتسم وضرب رأسها؛هيه إنتي احترميني طيب ترا الى تتكلمين عنها أمي.
عريب قوست ثغرها؛وش أسوي ياخي'اشرت على حلقها'ناشبه لي هنا مو راضيه تتركني براحتي وكل ماقلت كلمه ردت علي بعشر.
سلطان ضحك وسحبها من يدها لـ حضنه؛وش قالت لك بعد حتى وصلت معاك كذا!.
عريب تاففت؛سوالفها المعتاده'بعدت عنه وفتحت الدرج طلعت منه شبسات وهالخرابيط وجلست على الكنب ولفت لـ سلطان'تشوف معي فلم؟.
سلطان ضحك وهز راْسه؛نشوف ليش لا'وراح جلس جنبها وسحب لابتوب'عاد في فلم رعب خطير توه نزل خل نشوفه.
عريب سحبته منه وحطت بحضنها؛معصي والله ماراح اشـ.
#64
20-12-18, 08:53 AM
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
استغفرالله وأتوب اليه.
,
البارت,74.
,
\\بنفس الفيلا||جناح سلطان//.
,
سلطان ضحك ورفع حاجبه؛افا بس طلعتي خوافه.
عريب طالعته؛ايوا خوافه عندك شي,وبحط كوميدي مودي كذا ودي اضحك.
سلطان سحب الابتوب وبدا يدور فلم لهم,لما حصل واحد و أتفقو يشوفونه..
بعد فتره صرخ سلطان وبعد يدين عريب آلى على عيونه؛خلاص عريب وجع بعدي خليني اشوف.
عريب رجعت يديها على عيونه؛اصبر خل هالمتفصخات يروحون جعل يارب يأكلهم قرش هالوصخات.
سلطان تأفف بملل؛هيه إنتي اذا بنجلس كذا ماراح أشوف من الفلم شي,بعدين يصورون بالبحر وش تبين يلبسون مثلاً.
عريب شدت على يدها لما حاول يبعدها؛مع نفسك والله ماخليك تشوفهم.
سلطان؛لا والله احلفي ماشوف أني غطيت عيونك عشان ماتشوفين الرجال آلى معاهم,ولا إنتي حلال وانا حرام.
عريب تاففت؛خلاص ولا تزعل'سحبت يدهه وحطتها على عيونها'كذا تعادلنا.
سلطان ضحك؛ياربي انا وش أسوي فيك هاهه بتجننيني يالبزر.
عريب قوست ثغرها؛هيه لا تغلط اجل وش تبي أخليك تشوف هالفاصخات والله تبطي عظم.
سلطان ضحك وبعد يدها من عيونه وقرب منها وعيونه بعيونها باس خدها وبهمس عند إذنها؛بتجننيني إنتي,بتخلينا نتابع الفلم مثل خلق الله ولا..
عريب قاطعته لما دفته عنها وطالعت فيه بقهر؛تضن أني غبيه وبتلعب علي بذا الحركات'قربت وسكَّرت الابتوب'.
سلطان ضحك؛والفلم طيب ابي اشوفه عاجبني.
عريب ضربت كتفه؛يالوصخ اَي أكيد بيعجبك,صدق قليل أدب.
سلطان تأفف؛طيب تركنا الفلم وش بنسوي الحين نجلس كذا مقابلين بعض.
عريب حطت يدها على خدها ببتسامه واسعه؛عادي انا ماعندي مشكله اجلس أطالع فيك.
سلطان ضحك وسحبها لحضنه وباس رأسها؛مانحرم من هالوجه بس.
,
\\عند مُصعب//.
,
رفع عيونه يطالع فيها وبيدها شنطته تسحبها ورآها,نزل وخذا الشنطة منها؛وربي لو تأخرتي بعد كنت بسحب عليك.
ملاّذ تاففت؛وش أسوي جلست أسوي أغراضي,بعدين م طولت انت الى مافيك صبر.
مُصعب؛وش أسوي يعني شايل هم انا مانلاقي لنا رحله.
ملاّذ طالعت فيه؛وش بنسوي وقتها؟.
مُصعب رفع كتوفه؛مادري امشي خلينا نروح لبيتي أخذ لي ملابس.
ركبوا و بعد فتره وقف مُصعب عند بيته.
مُصعب لف لـ ملاّذ؛انتظر هنا شوي وجاي لك.
بعدها نزل وفتح الباب وبسرعة صعد لفوق سحب شنطته سفر صغيره وحط فيها ملابسه وخذا جوازه,ولف طاحت عيونه على صورتها قرب وحملها بين يدينه ببتسامه الم وبهمس؛صدقيني من ماكان بيدفع الثمن وغالي بعد'تنهد بضيق وبهمس'الله يرحمك.
فز بخوف وطاحت الصوره من يدهه لما سمع صرختها طالع في الصورة آلى تكسر بروازها ورفع رأسه بسرعه وداس على القزاز وصرخ باسمها؛ملاّذ شفيك.
.
استغفرالله وأتوب اليه.
,
البارت,75.
,
\\بالفيلا تبع مُصعب//.
,
صرخ باسمها؛ملاّذ شفيك..
باستعجال نزل لتحت الى صرخ بوجهها؛وجع بعد شفيك تصارخين!!واصلاً ليش نزلتي من السياره.
ملاّذ عدلت نظارتها بتوتر؛شـ شُفت قبل شوي شخص وكان متفصخ!!.
مُصعب بقق عيونه بصدمه؛متفصخ!!.
ملاّذ واهي تهف على نفسها بتوتر؛مو متفصخ يعني متفصخ لا كان بس لابس شورت.
مُصعب ضحك ولف لـ مكان ماشرت؛انت لين الحين هنا مارحت!!.
فواز بفشله عدل تيشيرته؛انت وين رحت ليش ماصحيتي'قرب وسحب مُصعب من تيشيرته وبهمس'ومن هذي الله يأخذك فشلتني معاها.
مُصعب ضحك واهو يتخيل اشكالهم؛والله تعارف خطير.
ملاّذ كشرت بوجهه؛وجع بعد وش يضحك بفهم'تاففت ولفت بتروح'.
مُصعب صرخ واهو يحاول يكتم ضحكته؛امشي خليني أعرفك عليه'لما شافها لفت له ابتسم'هذا فواز صديقي و اخو زوجتي الله يرحمها..
'وطالع في فواز'وهذي محاميتي ملاّذ.
فواز ببتسامه؛تشرفت فيك,واعذريني على الى صار بس أبداً ماكنت متوقع وجودك.
ملاّذ ببتسامه هاديه؛حصل خير والشرف لي'لفت لـ مُصعب وبهدوء'عطشانه ابي مويه.
مُصعب هز راْسه؛اجلسي هنا وانا الحين بجيب لك'لف لـ فواز'تعال شوي.
فواز تبعه ودخل معاهه للمطبخ؛حسبي الله عليك ليش ماقلت لي ان معاك احد.
مُصعب ضحك؛وانا وش يعرفني انك تتمشى بالبيت وانت مفصخ.
فواز بقق عيونه؛هيه انت وش مفصخ ترا كنت لابس شورت بس مالبست تيشيرت خليتني مفصخ مره وحده.
مُصعب ضحك وأهو يفتح الثلاجه ويطلع منها مويه بعدها لف لـ فواز؛مو انا الى قلت مفصخ هي الى قالت,بعدين أمانه قولي كل شي!.
فواز تافف؛لما دخلت أنت كنت نايم فـَ ماحسيت فيك,وصحيت على صوت الباب طلعت كذا على أساس أن انت جيت طلعت الى لقيتها بوجهي انخرشت لما سمعت صوت صرختها وعلى طول دخلت لما عرفت ليش صرخت.
مُصعب ضحك وهز راْسه؛أحسن تستأهل هذا درس لك عشان ماتمشي وانت مفصخ ببيوت الناس.
فواز ضرب راسه بقهر؛روح بس عطها المويه لا اسبحك بها الحين.
مُصعب راح وأهو يضحك عليه لما طلع من المطبخ كتم ضحكت ومد لها المويه وجلس قبالها,عقد حواجبه واهو يشوفها تطلع علبة دواء نطقت؛فيك شي!.
ملاّذ رفعت رأسها له ونطقت؛لا هذي بس فيتامين.
مُصعب؛اها,اجل امشي خل نروح.
ملاّذ شربت المويه ومعاها الدواء وقفت؛يلا.
مُصعب راح فوق بسرعه وخذا شنطته بعدها نزل وشاف وجهه فواز..
فواز طالع في مُصعب بعدها طالع في الشنطه؛على وين بالحبيب!!.
مُصعب باستعجال نطق؛بعدين أشرح لك كل شي,بس الحين لازم اروح يلا ملاّذ.
وطلع من البيت وملاذ وراهه..
فواز بقهر؛أكلمك انا وين رأيح!.
مُصعب؛قلت لك بعدين أقول لك'بعدها ركب السياره وحرك'.
.
استغفرالله وأتوب اليه.
,
البارت,76.
,
\\عند فواز//.
,
لما راح مُصعب نطق بقهر؛بيجلطني ذَا الانسان.
رفع جوال لما دق ورد؛هلا يبه.
ابو فواز؛انت وينك ولا ماراح تجي الدوام اليوم؟.
فواز تنهد؛لا الحين جاي بس راحت علي نومه ونسيت,نص ساعه وانا عندك.
ابو فواز؛يلا انتظرك.
فواز؛اوك,مع السلامه.
تأفف ودخل الفيلا خذا مفتاح سيارته وطلع..
,
\\سويسرا||عند عبدالعزيز و نُهى//.
,
نُهى قربت منه لما نزل من التاكسي وطالعت فيه؛أساعدك!.
عبدالعزيز هز راْسه؛لا مايحتاج.
نُهى مشت معاهه واهي قريبه منه بخوف عليه أن ممكن يصير فيه شي.
عبدالعزيز كان يمشي بهدوء وبتفكيره كيف يقول لهم هالخبر,اذا أهو لين الحين مو قادر يستوعبه كيف يقول لهم,لف يطالع فيها بضيق بدون لا يحس بنفسه تغارقت عيونه بدموعه..
نُهى حست فيه يطالع فيها لفت له الى أنصدمت بدموعه الى ملت عيونه طالعت فيه وبخوف نطقت؛عزيز شفيك!!تعبان؟.
عبدالعزيز حس على نفسه ومرر يده على عيونه وبكذب؛لا بس كان شي دخل بعيوني تعورني شوي.
نُهى تنهدت براحه؛زين الحمدلله خفت ان فيك شي.
عبدالعزيز ابتسم وضغط على الاصنصير؛لا مافيني شي.
نُهى ابتسمت ودخلت للاصنصير لما انفتح وعبدالعزيز بجنبها,كلها ثواني بس وانفتح وطلعو منه,فتح عبدالعزيز الباب ودخل ورمى نفسه على السرير بتعب..
نُهى طالعت فيه هدوء ونطقت؛ماقالوا لك متى بتطلع الفحوصات!.
عبدالعزيز حط يدهه على عيونه وبهدوء؛بس تطلع بقول لك.
نُهى هزت رأسها؛طَيب جوعان تبي اطلب لك شي!.
عبدالعزيز رفع يدهه من عيونه؛نُهى شرايك ننزل لريف أو بغبابه ونسكن هناك بعيد عن المدينة.
نُهى بستغراب طالعت فيه؛وش جاب هالفكره الحين!.
عبدالعزيز هز كتوفه؛مادري من اول نفسي بهالشي بس كنت اضن عندي وقت طويل حتى أسويها بس خلاص ماندري اذا بكرا أو بعده بكون عايش أو لا.
نُهى كشرت بوجهه؛وش ذَا السيره لا تجيب طاري الموت وربي يضيق صدري خذا مني أعز ناس على قلبي.
عبدالعزيز طالع فيها بهدوء؛وانا أصنف من أعز هالناس على قلبك!.
نُهى تغير الموضوع ونطقت؛اَي ماقلت لي تبين اطلب لك معاي أو لا.
عبدالعزيز تنهد وهز راسه؛ايوا اطلبي لي.
نُهى؛اوك'وراحت تطلب لهم'.
,
\\بالمطار||عند عبدالله و اسماء//.
,
كانوا جالسين ينتظرون رحلتهم..
اسماء رفعت عيونها وطالعت في الى قدّامهم ولفت لـ عبدالله؛ذَا مو مُصعب اخوك!.
عبدالله رفع راسه لها وطالع في مكان ماطالع؛اَي والله هذا هو بس من ذي الى معاهه!.
وقف عبدالله وراح له ونادا عليه؛مُصعب..!!.
.
استغفرالله.
,
البارت,77
,
\\بالمطار||عند عبدالله و اسماء//.
,
وقف عبدالله وراح له ونادا عليه؛مُصعب.
مُصعب عقد حواجبه ولف لـ مصدر الصوت طالع في عبدالله ولف لـ ملاّذ؛خليك هنا شوي وراجع لك.
بعدها راح لـ عبدالله ببتسامه وسلم عليه؛هلا عبدالله شخبارك.
عبدالله ببتسامه؛الحمدلله بخير,وانت كيفك؟.
مُصعب ابتسم؛ماشي حالي, وش جايبك هنا!.
عبدالله رفع حاجبه وطالع في ملاّذ؛مو مفروض انا الى اسألك,ومن ذي الى معاك ليكون تزوجت بسر!!.
مُصعب تأفف بضيق من ذَا سيره؛وش تزوجت انت وجهك,هذي المحاميه حقتي الى قلت لك انها جات بدل عزيز.
عبدالله ضحكت؛اها كذا اجل,وش الى جايبكم للمطار!.
مُصعب خذا نفس ونطق؛عرفنا لنا شي يمكن يفيدنا في القضيه بس للأسف بـ تركيا,ولازم تروح معاي.
عبدالله ضحك؛تمزح يعني بتسافر معنا!.
مُصعب عقد حواجبه؛كيف اسافر معكم؟.
عبدالله؛حتى احنا بروح لـ تركيا.
مُصعب ابتسم؛اها كذا,متى رحلتكم.
عبدالله طالع في ساعته؛يمكن بعد عشر دقايق كذا,وانتِ!.
مُصعب كشر؛للأسف ماحصلت رحله غير بعد ساعتين.
عبدالله لف راسه على صوت اسماء؛هلا.
اسماء؛يلا اعلان الرحلة'لفت لـ مُصعب ببتسامه'كيفك مُصعب.
مُصعب ببتسامه؛بخير الحمدلله,يلا ماعطلكم توصلون بالسلامه.
عبدالله؛بتواصل معاك وبس توصل ارسلي لي.
مُصعب هز راسه؛ان شاءالله.
بعدها راحوا عبدالله و اسماء,و مُصعب وملاّذ راحو وجلسوا ينتظرون الرحله..
,
\\بالرياض||سياره صقر//.
,
نجلاء حطت يدها على خدها وطالعت في صقر؛أيوا وين بتوديني!.
صقر لف لها ببتسامه بعدها طالع في الطريق ونطقت ببرود؛أبد والله بدور اول موفيه فاتحه وأخذ لك منها سندويشات.
نجلاء بققت عيونها؛قول انك تمزح.
صقر ضحك؛وش فيها الحين انزل وأخليهم يضبطون لك اطلق سندويشات كبده و شكشوكه اوفف والله اشتهيتها..
نجلاء ضربت كتفه بقهر؛...!!.
.
استغفرالله.
,
البارت,78.
,
\\بالرياض||سياره صقر//.
,
نجلاء ضربت كتفه بقهر؛وجع بعد مابيهم خلها لك.
صقر ضحك ولف لها؛يقال لك زعلتي الحين!.
نجلاء طالعت فيه بقهر؛ايوا ورجعني للبيت بعد.
صقر مد يده وضرب رأسها يضحك؛خلاص امزح معاك امري بس وين تبين آخذك له؟.
نجلاء اتسعت ابتسامتها؛جعلني بس نظاره يشيخ'قربت وباست راسه بقوهه'.
صقر دفها عنه ولف لها بتوتر؛هيه إنتي مجنونه تبين نصدم.
نجلاء ضحكت وطالعت فيه؛طيب يلا خذني لمطعم حلو وفطوره لذيذ.
صقر ابتسم وهز رأسه؛أبشري.
نجلاء ابتسمت ولفت طالع في الطريق.
,
\\سويسرا||بالنفدق//.
,
نُهى تاففت ومسكت يدهه واهي تسحبه من السرير؛عزيز خلاص قوم وش ذَا الكآبة الى انت فيها'تركت يدهه وفتحت النافذه وتسللت اشعت الشمس الغرفه'.
عبدالعزيز تأفف وغطا وجهه بالشرشف وبهمس؛خليني انام اطلعي.
نُهى قربت له وسحبت الشرشف عنه؛عزيز خلاص ترا مليت وأنا جالسه بروحي قوم خلنا نطلع أو اجلس معاي.
عبدالعزيز تأفف؛وش ذَا الحُب آلى نزل فجاءه وصرتي تبين اجلس معاك.
نُهى خذت لها نفس؛اسمع الاكل وصل تبي تأكل امش لـ صاله سالفه ان اجيب لك الاكل لين السرير أنسى'وطلعت وضربت الباب ورآها'.
عبدالعزيز سكر عيونه من قوت الصوت وصرخ عليها؛ماستبعد ان بيوم من الأيام بيرمونا من ذَا الفندق بسببك.
نُهى سمعت وش قالت ونطقت؛ترا باكل الاكل اذا ماجيت.
عبدالعزيز وقف وفتح الباب وطلع وجلس بجنبها؛وين وجبتي؟.
نُهى طالعت فيه لثواني بعدها تنهدت وخذت وجبته ومدتها له.
عبدالعزيز رفع حاجبه وطالع فيها؛شفيك بعد؟.
نُهى طالعت فيه بتدقيق؛فيك شي انت!.
عبدالعزيز عقد حواجبه؛مثل؟.
نُهى هزت أكتافها؛مدري بس احس من رجعنا من المستشفى وانت مو طبيعي فيك شي.
عبدالعزيز هز راسه ببتسامه؛تتخيلين بس,مافيني شي بس شوي تعب.
نُهى خذت لها نفس؛ان شاءالله يطلع كذا.
عبدالعزيز ابتسم؛تبين نطلع؟.
نُهى؛اي بس انت توك تقول ان تعبان.
عبدالعزيز هز راسه؛لا آكلي ونطلع.
نُهى ابتسمت بهدوء وبدت تاكل,وهي ملاحظه نظرات عبدالعزيز لها بس قد ماتقدر تحاول تتجاهلها..
,
\\الرياض||المطار//.
,
تاففت بملل؛كم باقي؟.
مُصعب لف عليها وتنهد؛بزر إنتي كم مرهه سألتيني ذَا السؤال,معك ساعه خلاص شوفي فيها.
ملاّذ كشرت بوجهه؛طيب وش قلت انا حتى تعصب الشرهه علي الى اجل معاك.
مُصعب رفع حاجبه؛اذكرك ترا إنتي الى جيتي وانا ماقلت لك تعالي.
ملاّذ تأففت وسكَّرت عيونها بهدوء.
مُصعب بعد دقايق استغرب سكوتها ولف عليها شافها نايمه خذا له نفس و...!!.
,
البارت,79.
,
\\الرياض||المطار//.
,
ملاّذ تأففت وسكَّرت عيونها بهدوء.
مُصعب بعد دقايق استغرب سكوتها ولف عليها شافها نايمه خذا له نفس و نزل عيونه على جواله تذكر عبدالعزيز وشاف الساعة كانت 11الصباح و قرر يتصل عليه بما ان مافي فرق بالتوقيت غير ساعه,كلمه وانتظر لثواني وصل له صوته؛هلا عز كيفك.
عبدالعزيز بهدوء قام من عند نُهى وطلع للبلكونة ونطق؛بخير,انت كيفك؟وش صار على القضيه.
مُصعب خذا له نفس وبدا يشرح له كل شي صار معاهه بالفترة الاخيرة,لين وصل عند سفره تركيا..
عبدالعزيز تنهد؛متاكد من الى بتسويه,اخاف اذا صدق في احد تسبب بحادث إيلاف ممكن يأذونك انت بعد.
مُصعب نطق بهدوء؛مو خايف على نفسي كثر خوفي على ملاّذ الى اصرت الى تروح معاي,خايف يصير لها شي بسببي.
عبدالعزيز؛لا تخاف عليها ماراحت معاك الى واهي قدها ومتجهزهه لكل شي,بعدين واضح لين الحين ماعرفت ملاّذ زين مو مثل اي بنت هي بتقدر دافع عن نفسها لا تشيل همها.
مُصعب؛ان شاءالله مثل ماتقول,بس قول لي انت شفي صوتك كذا صاير شي معاك!.
عبدالعزيز زفر بضيق ونطق؛مشكلتي يبيلها جلسه وأقول لك كل الى فيني,أبداً ماينفع على الجوال.
مُصعب اعتدل بجلسته بهتمام؛لا تخوفني في شي؟.
عبدالعزيز ببتسامه باهته نطق؛لا بس اقابلك بقول لك كل شي.
مُصعب تنهد؛زين هذي رحلتنا ينادوا عليها أكلمك بعدين'وبعدها سكر منه'.
وقف عندها ونطق؛ملاّذ يلا رحلتنا.
تأفف لما ماقامت قرب وحط إصبعه على كتفها؛هيه ملاّذ يلا اصحي بتروح علينا الطياره.
ملاّذ فتحت عيونها بهدوء وطالعت فيه؛وش فيك!.
مُصعب وقف وطالع فيها؛يلا ماتسمعين أقول لك رحلتنا هذا وقتها,يلا لاتروح علينا الطياره.
ملاّذ وقفت ومشت معاهه بهدوء متجهين لـ طياره.
,
\\تركيا||عند إيلاف//.
,
طلعت من الملحق للحديقة وشافت بوجهها الوليد جالسه على طاوله بنص الحديقة,قربت منه ونطقت؛صباح الخير.
الوليد رفع رأسه لها ببتسامه؛اي صباح الساعة11باقي كم دقيقه ويأذن الظهر.
إيلاف سحبت لها كرسي وجلست واهي طالع الطاوله؛اجل ليش تفطر الحين!.
الوليد ضحك؛ذَا مو فطور,فطوري دائماً الساعة 7 قبل لا اطلع الدوام,وهذا الاكل الى قدامك شي خفيف أكله اذا رجعت من المستشفى وانا جوعان.
إيلاف ابتسمت وهزت رأسها؛اها بالعافيه.
الوليد؛يعافيك,يلا مدي يدك واكلي معاي.
إيلاف ببتسامه بدت تاكل معاهه لانها كانت جوعانه..
الوليد ابتسم واهو طالع فيها؛وش قررتي بحياتك الجديده هنا؟.
إيلاف رفعت رأسها؛اول شي ابي اشتغل.
الوليد؛وش تخصصك؟.
إيلاف؛تصميم أزياء.
الوليد ابتسم؛حلو كذا اقدر أساعدك اليوم لما اطلع راح اجيب لك اقلام و أوراق حتى ترسمين كم تصميم عليها بعدها بأخذها لكم شركه تهتم لذا المجال و....!