نزيف القلب - الفصل 13 - بقلم المجنون - مكتملة | روايتك

*روايات وقصص يمنيه 📚🖋️* *روايه [#نزيف_القلب💔]* #للكاتبة_ريشة_الطاووس *بارت رقم [ 13 ]* *اعمل توجيه للروايه لحفظها وتفاعل بايموجي لطيف لنستمر [ 📖🖊️]* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ خليل خرج وهو معصب وسكر الباب بالقفل انصدم بوجود مروان وبربكة: مرر …مروان من اداك بذيه الوقت؟ اللهم اني اعوذ بك من رفيق السوء مروان: ضاابح شاقرح اشتي تجي انت ورائد نخزن سواء ونفتهن خليل: اها طيب اسبقنا لبيتكم وانا عد اجي بعدك مروان: مالك متوتر به معك شي؟ خليل: اها لا مابش معي حاجة بس جيت وما كنت متوقع انك تجي بذا الوقت مروان: على العموم حصل خير انا كنت طفشان لان أمين صاحبي سافر امس والدنيا من بعده مظلمة الصدق خليل: اها طيب عنخزن سواء ببيتكم مروان: سابر نوره: عمه فين وجدان طلعت الصبح ولاذلحينه ماجت وين سارت هند: بصراحة يانوره وسكتت نوره: خير يا عمه مابه هند تمثل البكاء: وجدان انا خايفة عليها ومش عارفة كيف اقول لش نوره: خير ايش في اقلقتيني يا عمه قولي مالها وجدان هند: وجدان شفتها بالشارع تمشي مع واحد وطلعوا فوق سيارة نوره: سيارة عمي قصدش والا سيارة من هند: لا مش سيارة عمش سيارة غير سيارة عمش معه بالشغل نوره: طيب عد اتصل بعمي يجي يدور عليها هند: ايوه اتصلي وحاكيه نوره: الله يسامحش كنتي تتكلمي بذاك الوقت او صوريهم هند: انا خفت لاني قد كلمت ابوها احيانا تكون معها جعاله واحياًنا زلط مش عارفة من الذي يدي لها كلمت ابوها وكذبني قال اني افتري عليها وتراسل ابن الخياط بورق وتكتب له وهو يكتب لها هيا ابسرتي ماقنع إلا لوما كسرت ظهره وراحت نوره تكلم نفسها معقول وجدان هربت مع واحد: لالا مسسسستحيل وجدان مش كذا نمت معاها على فراش واحس وجلسنا سوا مستحيل هند: .... نوره: طيب عندش دليل على وجدان انها تراسل ابن الخياط هند: تعالي عد اوريش وسحبتها للغرفة ورفعت الكتب وخرجت ثنتين ورق الاولة مكتوب فيها حرف A وبخط كبير معبي الورقة ومكتوب جنب الحرف احبك وقلب ملون باللون الأخضر 💚 والثانية مرسوم حرفين الأول حرف (A) وعليه رمز نبضات قلب ــ٨ـہہـ♡ــ٨ــہہہــ٨ـــ نحت حرف ــ٨ــہہہــ٨ـــ(W) نوره تشوف الورق بصدمة معقول وجدان ساذجة لذي الدرجة وانا اقول للمه مارضيت توافق على اخي وتدي لي اعذار . . وصل من الشغل جلس بتعب على الكنب في الصالة هند: اهلين فيك يا روحي علي: اهلين فيش اشتي غداء جاااوع هند: بصراحة من القلق ماعد فعلنا غداء علي: وليش القلق؟ هند: بصراحة مش عارفة كيف احاكيك علي: تكلمي ايش في؟؟ هند: هو ان وجدان قلت لها الصبح تسير تدور على يوسف خرج يشتري جعاله وتأخر وهي طلعت واني من كثر ما كنت خايفة على يوسف ظليت ابسر من الشباك وبسرتها خرجت من البيت وطلعت مع سيارة والآن مارجعت علي بصدددددمة: ايششش بسيارة حق من وليش ما اتصلتي كنت دورت عليها يمكن يكون محمد اخي اجا واخذها من شان كذا هي ماعد تكلمت ولاهو تكلم هند: اتصلت نوره وتلفونك كان مسكر لا هي طلعت مع صاحب هذي الرساله ومكنته الورقة وكان محتواها [وجدان حبيببتي انا عند الباب حقكم اخرجي على سب نطلع مع بعض قد انا فاقد لش قوي قد لي منش فترة طويلة ولازم نقضي وقت طويل مع بعض] علي يحسس بصدددمة شطط الورقة بعصبية ويحس على جيبه ويبصر التلفون: اهووو مسكر صدق مابش فيه كهرباء جري للحوش حق البيت ويحس الدنيا تدور جلس على الكرسي بتعب ويكلم نفسه انا لازم ادور عليها بكل مكان بس ابسرها عقابها عندي وعتكون نهايتها على يدي تكسري ظهري بهذي الطريقة طلع السيارة ويسوق بأقصى سرعة نوره تتصل: ايوه هذا اللي حصل زياد: طلعوها من تحت الارض وقولي لابي اول مايبسرها يقتلها على طول نوره: زياد اهدأ انا اعرف شي عن الموضوع زياد: ايش تعرفي تكلمي انا احس جسمي يغلي من كثر الزعل نوره: احس ان عمتي تعرف مكان وجدان سمعتها وهي تكلم التلفون وكانت تقول اشتيك تشلها ولا تفعل فيها شي خلها لين ينتشر الكلام ان هي مختفية زياد هدأ شوية: طيب يا نوره متى سمعتي المكالمة ومتى طلعت وجدان نوره: المكالمة سمعتها قبل صلاة الفجر ووجدان طلعت الصباح الساعة 9:55 ص زياد: طيب اقدر اتابع الموضوع من عندي وانتِ اذا في عندش معلومات كلمينا نوره: انا خايفة على المسكينة ابوك اذا ابسرها عيقتلها زياد: بدون دليل يقتلها نوره: جابت اوراق بس انا مستحيل اصدقها اصلاً يازياد امك تصرفاتها غريبة مع وجدان بحس ان هي مش بنتها زياد بتوتر: اها يعني امي تعذبها او كيف مافهمت؟!! نوره كلمته عن بعض المواقف اللي تحصل مع وجدان من طرف هند زياد نزلت دموعه ومع نفسه احساسش بمحله هي مشي امي ولا ام وجدان بس انا خرجت بين الرجال وابتعدت عن مرة ابي بس وجدان هي الضحية رجع لوعيه طيب اذا في شي مهم كلمينا اول بأول نوره: طيب وسكرت . . ندى: يمه يمه سمعتوا قال لكم وجدان مختفية من الصبح سهام بقلق: لا من قلش؟ ندى: امها اتصلت تكلمني وتسأل عنها سهام: ياحنين قلبي عليها وين سارت ندى: مش عارفة قالت انها طلعت الصبح وما رجعت سهام: عد اسير ابسر اني ندى: واني عد اجي معش  لبسين وطلعين نوره: اهلين سهام: هلا فيش ايش اللي حصل مالها وجدان وين سارت؟؟! نوره: مش عارفة قالت عمتي انها طلعت من البيت وركبت سيارة بس لا تتكلمي يا خاله الله يحفظش خلينا نتأكد من الخبر اول سهام وندى يشوفين لبعض وبتعجب ندى: نوره احكي لي بالتفصيل يمكن نساعدكم نوره: انا مش عارفة ايش اللي حصل معاها حسبتها بغرفتها للظهر دخلت الديمه وما ابسرتها ورجعت سرت اسأل هند قالت ان هي طلبت منها تسير تدور يوسف خرج البقالة ومارجع ورجعت شافتها تطلع فوق سيارة مع رجال مش معروف وكمان طلعت لي ورقة قالت ان وجدان تتراسل مع الشباب وكمان طلعت واولهم ابنكم أمين وقد تكلمت امام نسوان خيرات انها على علاقة مع أمين كمان فتحت كتبها وطلعت ثنتين ورق الاولة مكتوب فيها حرف الألف بالانجليزي وبشكل مرتب وجميل وكمان مكتوب بخط صغير كلمة احبك  والثانية عليها حرف A وحرف w وقالت انهن تبع وجدان وانها كتبتهن لاخوكي أمين سهام وندى: ؟؟؟؟ عند وجدان خليل: اسمعي انا عد افك الحبل من يداتش وياويلش اذا تفكري تفعلي اي حركة تكوني قد ودعتي روحش فك لها الحبل وجدان: ليش اديتوني لـ‌هانا خليل: مش فاضي لش وقفى يشتي يطلع وجدان بصوت مبحوح: انا ايش فعلت فيك ضريتك بحياتي فعلت فيك شي؟؟ خليل: الاكل عندش اكلي وعد ادي لش ماء وجدان: لاكل سلمت اقتلنا هانا خليل لفت لها: تشتي اقتلش ماانتي مفجوعة وانتِ بنت وانا اعرف البنات يخافين مش هن شجاعات مثل الرجال؟ وجدان: اني بنت بس عن عشرة رجال من امثالك وانت اذا تحسب نفسك رجال كلامك عيكون مع الرجال يا حقير نذل اقتلني اهون من انهم يقولوا بنت علي الـ... اختفت خليل مسك المسدس ويشوف لـ‌وجدان وجدان زاد خوفها ونزلت على الارض وجسمها يرتعش خليل لاحظ يدها كيف ترتعش جلس: لا ماعد اقتلش بس اشتيش تسكتي باقي معش وقت قليل انتِ لا تفتجعي كلها 4 أيام بالكثير محد عيضرش وجدان: ليش اديتوني لا هانا؟ خليل: طلب ونفذناه وخرج شاف رائد عند الباب رائد: عد اجلس معاها خليل: لا تفكر ان المسألة بسيطة يا رائد انا غصب عني والله غصب رائد: ليش غصب مش انت تكره ابوها خليل رجع يذكر كلامها اذا تحسب نفسك رجال كلامك مع الرجال اني بنت بس عن عشرة رجال من امثالك حقير نذل: لا مافعلت هكذا على سب انتقم انا فعلت كذا على سب انتقم لعمتي لان مافي شي يقهر عمتي وانا موجود رائد: اووف والجمال اللي عليها قسم بالله انها ملاك خليل: تذكر كلام هند [هو دائماً يشبه ببنته على زوجته الاوله هو يكرهني] رجع لفت لـ‌رائد بنظرت كره: انت ليش اخذت عنها البرقع رائد: كنت ناوي على شي بس انت طلعت بوجهي خليل قام مسك رائد من صدره: البنت اذا تقرب عليها والله لا اخليك تندم واذا فكرت تقرب منها او تأذيها بتفاهم معك بطريقتي رائد: خلااااص ـہـ٨ـہـ٨ـہہ💔🩹 رجع وكله ندم وحزن رجع مكسور الجناحين جلس بتعب: اخخ مافعلتي يا وجدان تخوني ابوش تكسري ظهري هند: ماابسرتها يو ياعذابي ماعيقولوا الناس يا علي انا حاكيتك بس انت تكذبني على طول  كلامي عندك مش صدق ابداً علي: اسكتي لااقوم اطلع كل الذي في قلبي فوق راسش اسكتي هند بخوف: حاضر علي: دورت عليها قلبت المدينة بكلها ولاشفت لها اثر وين ادور عليها وين تكون راحت انا لازم مااستسلم ولا اتوقف عن البحث وعد اكلم الامن يدور عليها هند بخوف: الامن لا لا انت داري الخبر عينتشر اذا جوا الامن لهنا او بدؤوا يبحثوا عنها عتتشرشح سمعتنا قدام خلق الله وما عيقولوا علينا الناس علي خبط الطاولة بكل قوته: كان ماافعل ماافعل ورجع يشوف لها اوصفي السيارة كيف لونها اوصفي شكل الرجال اوصفي لي كل اللي شفتيه؟؟ هند تغير لونها: هاه ونزلت راسها ورجعه تمثل انها تبكي رفعت راسها اصلاً انا من كثر ماخفت عليها ماركزت على شكل السيارة سواء كان الرجال لابس اااا ايوه لابس لبس اسود علي لاحظ انها مرتبكة وحس انه في شي قرب منها: متى طلعت وجدان وليش طلعت وكيف لوما ابسرتيها رايحة مع صاحب السيارة وكيف عرفت وجدان ان صاحب السياره عيجي لها كيف قدر يجي لها بالوقت الذي طلعت فيه وهي حتى ما عندها تلفون لازم تجاوبي على كل سؤال وبالتفصيل؟؟ هند تدير ظهرها: قد كلمتك بكل شي من البداية وخلاص علي مسك يدها: اسمعي هي بنتي وانتِ خالتها يعني مفكرة ان انا غبي ماعد الاحظ على شي.. واضغط على يدها اكثر هند: اترك يدي اااه اتركني علي ترك يدها: يلا قولي جاوبي هند: بدل ما تسير تدور عليها جيت ترد غضبك فوقي سير... علي ترك يدها: يلا قولي جاوبي هند: بدل ما تسير تدور عليها جيت ترد غضبك فوقي سير دور على بنتك وابسر مع من خرجت بدل ماانت جالس تتهمني علي رجع للخلف واخذ مفتاح السيارة وخرج . . اليوم الثاني في الصباح دخلت بيت مطيع شافت سهام بالصالة: السلام عليكم سهام: وقفت وعليكم السلام هاه بشري حصلتوها؟ نوره نزلت راسها بحزن: لا سهام: الله يحفظها لا تخافي ياقلبي . . جالسة وحاضنة ركبها وتدعي يارب كيف اقدر اهرب من هانا يارب ساعدني يارب استرني يارب خارجني من هذا المكان الموحش تعبت وبدأت تبكي دخل خليل وشاف الاكل نفس ماهو رجع ويشوف لها: ليش ما اكلتي وجدان: ... خليل: ما اكلتي معناتها تشتي ااكلش بالسوط اعتقد ذا الصبوح المميز بالنسبه لش وجدان: عتندم اذا تمد يدك وعتشوف حسابك اليوم او غير اليوم خليل بعد الحزام وبدأ يضربها: انا عد اخذ زلط ولازم ابسر شُغلي على سب مااكون اكلت الزلط وما فعلت اللي عليا وجدان تحاول تدافع لكن خليل يضربها على رجلها لين سقطت على الارض.. تصيح وتحاول تعلي صوتها: ساعدوني لكن لاحياة لمن تُنادي ضربها حتى بدأ صوتها يختفي من شدة الألم خليل رجم الحزام من يده وخرج وسكر الباب وهي تبسر بعده بتعب: الله يعاقبك الله يحرقك الله ينتقم منك . . في بيت غالب بدرية تصيح بكل صوتها: وين راحت وين راحت یا الله فین بنت اختي يارب احفظها يارب احميها يارب كن معها؟ احمد: خلاص اهدئي يا بدرية هم عيلاقوها لا تخافي مريم: وين عتسير وكيف عتخرج من البيت بغير علم ابوها؟؟! غالب: اكيد عتكون بخير يارب احفظ حفيداتي يارب احميها مريم: بصراحة يا غالب قلبي مش مطمن لذي خالتها خايفة لاتكون فعلت ببنت ابني شي غالب: الله يستر وبعدا قال علي انها اول مرة تطلع بدون ما تستأذن منه؟! بدرية زادت شهقتها وبصوتها المتقطع: يو يارب احفظ لي بنت اختي يارب احميها لو تدرا اختي عتجنن يارب ارحم قلب اختي احمد: ممكن تهدؤوا هي بخير اكيد عتكون بخير عند وجدان💜 دخل شافها مرجومة وسط الغرفة قرب منها: هااااه يا انتِ هااااه قومي ورجع حاول يلف المقرمة عن وجهها شافها شكلها مغمى عليها ياالله ايش هذي المصيبة انا ايش عملت ويحاول يصحيها قومي قومي  ولارد رجع مسك يدها ويحس مافيش نبض بيدها ياالله كيف افعل وكيف اوديها الصيدلية عيشوفوها اصحابي ومحد يدرا فيها غير رائد انا لازم ادور على حل اخذ الماء ويحاول يرشها لكن لاحياة لمن تنادي عد اخلي دكتور يجي يبسر مالها دوخت خرج وسكر الباب واتجه ناحية المستشفى خليل: السلام عليكم الدكتور: وعليكم السلام ورحمة الله وبركاته خليل: ممكن خدمة يا دكتور يا منعاه الدكتور تفضل: بأيش اقدر اخدمك؟ خليل: زوجتي تاعبة وبالبيت اشتيك تجي معي تعالجها الدكتور: ليش ما اديتها معك؟ خليل: تاعبة قوي هي يلزمها طبيب للبيت الدكتور: طيب فين بيتك عد اجي انا والدكتورة خليل: انا عد اوصلكم بسيارتي انت وزميلتك انا سيارتي بالشاارع سرح بالتفكير اووف يا خليل للمه اهبل عتنكشف انت وعمتك مش لازم يعرفوا المكان انا لازم اخليهم يعالجوها وارجع اطلعها لمكان ثاني! الدكتور ينادي: يا سحر تعالي في حالة ما تقدر تجي المستشفى يلا نسير للبيت سحر: طيب وخرجت وطلعو مع خليل بالسيارة . . فتح باب البيت وكله هم وحزن كله قلق وقلبه مكسور من الداخل وصلته رسالة نصية لا تخاف بنتك بأمان وهي مرتاحة عندي لي فترة طويلة ماشفتها عتزيد تجلس معي لبعد بكرة وارجعها هي مرتاحة عندي لي فترة طويلة ماشفتها عتزيد تجلس معي لبعد بكرة وارجعها علي يتصل على الرقم  لكن غلق الخط بعد ما ارسل الرسالة رجع رجم التلفون لين انكسر وجثى على الارض وجدان كسرتي ظهري نزلتي راسي بين الناس ماكنتي تعرفي كيف ابوكي كان متندم لانه مش اب مثالي كنت احس بحزن لاني ماقدرت احافظ على علاقتي مع امك كنت مكسور وكسر قلبي كان يتهشم لما ابصرش تشتغلي بالبيت لما تكنسي وتغسلي الملابس لما تطبخي وانتِ لسا طفلة صح عشتي بعذاب بس مش اكثر من عذاب الخذلان اللي خذلتيني.. انا مالي ذنب تكسري ظهري اخخخ وجدان لو كنتي قتلتيني او ذبحتيني او سممتيني ولاتجيبي لي هذي السمعة كنتي افعلي اي شي يطيب خاطرش فيه لكن انش تهربي مع واحد مش محرمش ولش علاقة معه وتكسري ظهري هذا شي لا يرضينا لا انا ولا الله ولا الناس انتِ خليتي الساير والجاي يتكلم بنت علي غالب الـ....  هرب مع شخص وبسيارة دخل تمدد فوق الكنب في الصالة وماسك على راسه هند: مالك حبيبي صلِ على النبي عاد ابسرتها؟ علي: اللهم ﷺ دورت قلبت صنعاء واتصلت الى الشرق والغرب ولا لها اي اثر وذكر الرسالة ونزلت دمعته ولأول مرة هند تبصر عيونه... هند: مالك حبيبي صلِ على النبي عاد ابسرتها؟ علي: اللهم ﷺ دورت قلبت صنعاء واتصلت الى الشرق والغرب ولا لها اي اثر وذكر الرسالة ونزلت دمعته ولأول مرة هند تبصر عيونه والدموع فيها ومع نفسها خلاص اكيد بعد ذا القهر عيقتلها 😄 ـہـ٨ـہـ٨ـہہ💔🩹 وصل الدكتور ومعه المساعدة وخليل يمشي امامهم دخلهم الغرفة خليل: هذي هي يا دكتور الدكتور قرب منها: من متى وهي بهذي الحالة؟ خليل: هااه ااااا ااااا اي من من الصبح جيت وهي مرجومة هانا سرت عند اصحابي وجيت وهي كذا الدكتور لاحظ توتر خليل بس ما حب يكثر الكلام معه ويمسك يدها ويفعل لها إبرة شاف علامات اثر الضرب التفت للممرضة ويأشر لها بيده بدون ما يحس خليل الممرضة قربت منه وتشوف رفعت الكم حق العباية وتشوف الضرب خليل: طمني يا دكتور عتتشافى؟ الدكتور يشوف له؟؟؟ وبتردد: ايش هذول العلامات على ايش يدل هذا الحَمار والخضار خليل بتوتر: هي هي فيها حالة نفسية احياناً تضرب نفسها الدكتور بغرابة: حالة نفسية من متى ممكن نستطلع على ادويتها الذي تستخدمها؟؟ خليل: ماعندها ادوية هي غير جينا لاهانا كنا ناوين ندور على مستشفى تتعالج فيه بس حالتي المادية ماسمحت لي اعالجها فقلت اخليها لين احصل شغل وارجع اعالجها الدكتور: اهااا بس الغريب انه كيف تقدر تضرب نفسها بجهة واحدة يدها اليمين مضروبة اكثر من الشمال وحسب خبرتي بالأمراض النفسيين انهم يضربوا انفسهم باتجاهات معاكسة.. يعني الضرب بيد زوجتك في يدها واحدة جنب واحدة واذا هي ضربت نفسها كان الضرب بشكل عشوائي وبظهرها ورجع يشوف كتفها وهو مضروب نفس الشي الممرضة: وكمان ذي مش زوجتك لو كانت زوجتك حسب ما تقول كانت عندها ملابس غير العباية البنت لابسة عباية ومقرمة وتلتفت للخلف وهذا البرقع تبعها خليل: اذا ماهي هي ضربت نفسها من عيضربها يعني واذا مش زوجتي من عتكون ابسروا شغلكم وبطلوا الدكتور: خلاص بعدين نتفاهم البنت جاها هبوط في الدم وفيها توتر بالاعصاب كمان فيها سوء تغذية لازم تجي على المستشفى على سب تتعالج وتاخذ العلاج تحت إشراف الاطباء خليل: بس قلت لك ي دكتور حالتي المادية ضعيفة ما اقدر ادفع الدكتور يتبادل النظرات هو والممرضة خليل: دكتورة ابسري لها حل يادكتورة الممرضه: نشلها المستشفى ويكون خير عنساعدك خليل مع نفسه وقعنا بالفخ يارب كيف افعل عيشلوها واكيد عد انكشف لازم افعل شي وامنعهم انهم مايشلوها: خلاص انتو اسبقونا وانا عد اتصل لامي تجي تشلها وتدي زلط معاها الدكتور: .... الممرضه: قلنا لك البنت تاعبة وتحتاج معاينة طبية انت ما تفهم انت بني آدم والا حيوان خليل: احترمي نفسش واتكلمي بذوق ذي زوجتي وانا حر فيها الدكتور قرب من خليل: محترمة احسن منك ومن امثالك عنشل المريضة يعني عنشلها خليل: وانا ما اسمح لكم تشلوها وذا الشي خاص فيني وانا اديتكم تعالجوها بالمكان الذي اقولكم فيه الدكتور: نعالجها صح ونعالج كل الامراض وهذا شُغلنا ونعرفه بس نعالج بنت مضروبة نفس هذي لا مستحيل خليل: المعنى؟؟ الدكتور: ماعنعالجها إلا في المستشفى سحر تأشر للدكتور بمعنى كل شي بالهدوء الدكتور عرف قصدها ورجع للخلف وبهدوء: يااخي زوجتك تاعبة قوي وتحتاج للعلاج واجهزة نبسر قلبها اذا لسا يشتغل اولا اما هنا ما عنقدر نفعل لها شي ونخاف نعطيها علاج عشوائي ويوقع فيها شي بعدا عنتعاقب على ذا الشي لا ويمكن ننفصل وبعدا ايش عتخسر ذا هي الممرضة سحر تكفلت بعلاجها.. ويأشر لسحر بمعنى قولي اي شي الممرضة: ايوه زوجتك مريضة وقلبي وجعني عليها ويمكن حالتها تسوء واحنا واقفين نتفرج عليها وهي بذي الحالة خلنا نشلها وانت معنا والكل وانا عد اكلم الإدارة حق المستشفى يتكفلوا بالعلاج وحق كل شي خليل مسك على راسه ويذكر: لا تفعل لها شي بس خلها عندك لين الكلام ينتشر ان هي مختفيه وبعدين خرجها والكلام يتردد بعقله وبينت عليه ملامح التعب ياالله ايش اقول لعمتي ليوقع فيها شي الدكتور نزل على ركبته: عمتك من؟؟ خليل حس باللي قاله ورفع راسه: هاه عمتي امها مش قلت لكم هي زوجتي الممرضة: هيا خلونا نشلها شلوها وخطوا خليل يسوق وطول الطريق يفكر كيف يقدر يهرب ويتخلص من هذي المصيبة جااه اتصال من هند مسك التلفون وبقلق ويكلم نفسه ارد ما ارد أيش اقول لها ضربتها لالا مسك التلفون وسكره ورجع يسوق الدكتور يشوف للممرضة: كيفها الممرضة: مااقدرش اعرف وضع حالتها الا لما نوصل المستشفى نبضات قلبها بطيئة جداً جداً الدكتور يحك لحيته: ان شاء الله خير الدكتورة: ان شاء الله *حط تفاعل مختلف باللون البني (🤎🏈)*