الفصل 8
*روايات وقصص يمنيه 📚🖋️*
*روايه [#نزيف_القلب💔]*
#للكاتبة_ريشة_الطاووس
*بارت رقم [ 8 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
هند جالسة بالصالة وتفكر كيف تمنع وجدان من انها تتزوج
(اخو نوره وابن شاهر اوووف بس هذا مستحيل ترجع بعد الكلام اللي سمعته امه)
باقي اخو نوره اووف مافي معي غير حل واحد بس الآن لازم افعل لها حد لوما اقدر افعل اي شي وتخلص من موضوع الزواج هذا
ـہـ٨ـہـ٨ـہہ💔🩹
نرجع لوجدان ونوره
نوره: طيب راحتش بس ياوجدان لا تظلمي روحش بسببي او بسبب زوجي فكري بسعادتش وابسري كيف انتِ معذبة وعمتي قاسية معش تزوجي وافتهني
وجدان: العذاب والقساوة اجمل من ما افرق بين قلبين او اكون حتى سبب
بـكلمة بسيطة تغثيش او تغثي اخي عد اضحي بسعادتي بس من شان تكونوا مرتاحين
نوره عجبها الكلام: والله ياوجدان مافي اطيب من قلبش فكري بالله عليش لاتحرمي نفسش وتعذبي اخي معش قد هلك 😉😉
وجدان: ان شاء الله يكون خير
نوره: ان شاء الله
هند فتحت الباب ودخلت وبصوت هادئ وبدون ماتشوف لنوره: سيري عند ابنش يبكي
نوره: الآن عد اسير عنده وخطيت
وجدان شافتها: مامه
هند غلقت الباب وقربت لاعندها: اسمعي الكلام الذي عد اقوله وافعليه بعقلش والله ثم والله ثم والله توافقي على شي اسمه زواج لاتكون نهايتش على يدي فاهمة والا لا؟
وجدان وهي ترجف من الخوف: بس انا مارضيت!
هند مسكت الكاوية وبسطت يد وجدان على الطاولة
وجدان عرفت انها تشتي تحرقها وخافت اكثر: مامه لا لا الله يخليش والله لافعل الذي يعجبش لا
هند: لازم افعل لش درس لما تنسي يكون يذكرش
طرحت الكاوية على يد وجدان وبدون رحمة تمشيها
وجدان تصيح: خلاص يمه خلاص فديتش ارحميني
هند تشوف لها: توافقي على اخو نوره او على غيره عيكون حسابش عسير
رجمت الكاويه وخرجت
وجدان نزلت على الارض وجسمها يرجف من الوجع وتصيح: الله الله يديـ؟؟!
3:30 م
في المجلس أمين وشهاب وسلمان ومطيع ومروان و... و... و... مخزنين في المجلس صوت اذان العصر
مطيع: هيا يا عيال قوموا نصلي العصر قدو بيأذن
زكريا: الآن
أمين: انتوا اسبقوا للمسجد وانا عد اتوضى هانا واجي بعدكم
مروان: طيب بس استعجل لاننا عنخطى للمحل على طول عندنا شغل خيرات
أمين يدهفه: اخطى اخطى لازم يدي محاضرة ويعكر مزاجي في طاري الشغل
مروان يركل أمين برجله أمين يشتي يردها له بس شهاب سحبه من خلفه قررروا قمنا نلعب وخطيوا
أمين اتجه ناحيةة غرفةة البنات: واووو يا بنات
ندى بصوت هادئ: ماتشتي
أمين: سيرين كنسين المجلس ماعاد في احد
ايمان: انا ماعد اكنس عاد انا كنست البيت كووووله الصبح الآن دورش يا ندى
ندى: نعمممم كنستي الصبح وانا كنست الظهر وغسلت الصحون والمطبخ
إيمان: نعم ياحبيبتي انا من الصبح وانا اشتغل وافعل لك الغداء وكنست البيت كااامل عادها تهنجم أمين احكم
أمين: هذيك مشكلتكن مالي دخل فيكن حتى انزلين ملح رايح اصلي
ندى: طيب اختاري تغسلي الملابس والا تكنسي المجلس؟
إيمان: مااااعه والله ماكنس ولا اغسل الملابس ولا افعل شي
ندى: هذك نصيبش وعيجلس مريع لش حتى لبكرة وطلعت من الغرفة
إيمان مع نفسها ندى اذا قالت لامي ان انا مارضيت اساعدها امي عتعاقبني وترجمني بين المهر يومين خلاص انا عد اكنس وهي تغسل الملابس وقدو الكنس اسهل من الصبان شلت المكنسه من الصالة وخطيت ناحية المجلس
أمين اتوضى وطلع خطي وصل لعند الباب التقى بـزكريا: مالك ليش رجعت
زكريا: نسيت تلفوني محل ما كنت جالس اسكه روح جيبه لي
أمين: ادخل انت انا رايح اصلي
زكريا: بس اهلك ليكونوا بالطريق ارجع
أمين: مافي احد ادخل وانا عد اسبقك للمسجد
زكريا: لاحول ولا قوة إلا بالله العلي العظيم ودخل
إيمان بدأت تكنس: اووف الله يا أمين يشلك او يزوجك على ميد اخلص منك
زكريا دخل يشوف إيمان يلي كانت لابسة بنطلون اسود وفنيلة نص لونها ابيض كانت رافعة لشعرها ذيل حصان وخصلات على خدودها بشرتها بيضاء
إيمان سمعت خطوته والتفتت وتشوف زكريا غطت على وجهها بيداتها وفشلت يمين وشمال عجزت تتخبى وعلى طول بدأت تبكي من الخجل وتحس بالخوف
زكريا شافها خافت وخرج بدون ماينطق بأي كلمة
إيمان بكيت اكثر وتجري لغرفةة سهام
سهام تسمعها: ماهو مالش
إيمان: أمين يمه أمين انا فدالش
سهام: على ايش ضربش ولايهمش والله مارحت له
إيمان: ماضربنيش بس قال ان ماعد في احد بالمجلس وانا سرت اكنس وفي واحد جا للمجلس
سهام: طيب اصصص لا تبكي اقلش حاجة؟
إيمان: لا ماقلي شي ابسرني وخطي!
سهام: ام الفشل.. سهل لاعاد تبكي يمكن انو نسي حاجة ورجع لها
إيمان: لو يحاكي ابي وأمين اكيد عيضربوني
سهام: محد عيضربش لاتفتجعي الغلط فيهم
زكريا وهو يخطى ومع نفسه هذا امين تاافه قد انا اقله ارجع انت قال مافي احد استغفر الله العظيم فجعت البنت
دخل المسجد وصلوا وخلصوا الصلاة وهم خارجين من المسجد
زكريا: اا يلا انا انا عد اريع لك وانت روح ادي تلفوني
أمين: لييش انت قد اديته
زكريا يذكر شكل إيمان كيف كانت مفجوعة: ااا دخلت بس ماحصلته وماعد دورت كنت مفجوع لحد يجي يكنس
أمين: هههه محد عيجي اصلاً عادهم كانوا ما اتفقوا على الكنس وعادهم اجلوه لبكرة
زكريا: ...
ــــــ🌺💔ــ•
نفس الوقت عند وجدان
مقفلة لغرفتها وتمشي على الغرفة وهي تبكي وتتألم من يدها اخ يدي يارب ما افعل لها على سب تهدأ من اللهيب
نوره دخلت لاعندها وتشوف يدها وشهقت: اففففف مالها يدش
وجدان تبكي وماهي عارفة ايش ترد
نوره: يابنت انا بين اسألش مالها يدش وين حرقتيها هذا الحرق بكله؟
وجدان: حرقتها بالكاوية
نوره: كيف فعلتي لوما حرقتيها وليش ما تتأكدي
وجدان تبكي: ما افعل لها ياربي بتوجعني يانوره بتوجعني قوا ابسري لي شي مهدئ الوجع
نوره بدأت تبكي معاها: اصبري يا قلبي عد اسير ادي لش من حق الاحراق وادي لش علاج مسكن الألم من الصيدلية
وجدان: طيب استعجلي
بعد دقايق جابت لها العلاج مسكن الألم وفعلت لها ليدها
وجدان: اخخخ بتوجعني قوي
نوره فعلت لها مرهم وبعد ثواني تشوف وجدان بدأت تهدأ: والآن كيف
وجدان: الحمدلله بدأ يهدأ
نوره تشوف الحرق وبهمس: انتِ كيف حرقتيها ذا الحرق بكله وماركزتي ممكن تشرحي لي
وجدان: ...
نوره مع نفسها الله اعلم هي حرڨت من نفسها او حرقتها هند وهي تخفي عليا؟
طيب ارقدي طالما انها بدأت تتحسن وان شاء الله تكوني بخير
وجدان: فديت قلبش ياعمري انتِ لولا انتِ ان عادها بتوجعني
نوره: نامي يا قلبي ولا تخرجي وانا عد افعل كل شي طيب
وجدان: طيب خطيت نوره وهي تشوف بعدها
يوم جديد ومن هنا بدأت المشاكل عند أمين في محل الخياط
البنت: السلام عليكم
أمين: وعليكم السلام ورحمة الله
البنت: ممكن يا استاذ أمين الكوت والثوب الذي قلت لك تفصلهن قبل يومين
أمين: تكرمي بس انتظري هانا وعنديهن
البنت: طيب
أمين: يامبروك فين الثوب والكوت الذي قلت لك تجهزهم البارحة
مبروك: الآن جهزهن لوسط كيس
أمين يخطى ناحية الكرسي تبعه ويكلم مبروك: مكن البنت ذاك هي مريعه وجلس فوق الكرسي يقيس القماش امسك يا مروان من هانا
مروان يمسك ومع لفة وجهه: ماله هذا؟
أمين يلف على نظرات مروان: من تقصد؟
مروان: هصص ابسر مبروك يعاكس البنت
أمين: هذا الكلب عيطير الزباين بحقه الوساخة
مبروك ماسك يد البنت بقوة
البنت: فلت يدي لو سمحت ما امزح مع العيال
مبروك يقرب منها: ليش نمزح ونطلع نتغدا بمطعم ونسير محل ماتشتي
أمين: ياتافه وجري لعنده
مبروك يلتفت لأمين بحذر
أمين ضربه الكف الأول والثاني
مبروك يرد لأمين الكف
مروان مسك يده: احترم نفسك يا نذل قبل مااكسر لك يدك
أمين مسك مبروك بكل قوته ورزعه على الارض وبدأ يضربه بصدره وبوجهه والله لااخليك تندم كيف تتجرأ وتمد يدك على بنت ياعديم الشرف ياحقير ياتافه
البنت ترتعش من الخوف: ياالله استرني هذا كله بسببي الاحسن اني اهرب وهربت وبعدم تركيز نسيت التلفون والكيس
مروان يشوفها هربت والكيس والتلفون على الطاولة حاول يوقفها لكنها هربت وهي خايفة: هي هي يابنت تلفونش والكيس هااااااااي حاول لكن البنت من كثر خوفها هربت بدون ماتلتفت لايمين ولا شمال
مروان: استغفر الله العظيم وراح يفرع بينهم ويسحب أمين بكل قوته وبصوت مرتفع خلاص يا أمين
أمين: والله لااعلمه ايش معنى كلمة شَرف ويستمر بالضرب على وجه مبروك
مروان يسحبه بقوة: خللللللللللاص بس
أمين يركل مبروك برجله: تف عليك ياحقييير
مبروك يلتف بتعب: والله لااخليك تندم
مروان: اسكت يانذل ماعندك خوات
مبروك يمسك على الطاولة وبتعب جت يده على مقص خياطة مسك المقص وابتسم بخبث وجري لأمين
مروان ركز على مبروك وعلى المقص وصرخ: أمين انتبببببه
أمين يلتفت لمبروك وشاف مبروك بيده مقص
مبروك يشتي يطعن امين بوجهه
أمين نزل واجت الضربة غلط مسك مبروك من بطنه ولكمه وعصر رقبته من وراه
مروان جري شل المقص ويفرع مرة ثانية ويصيح للعمال: يا فايز ياهشام تعالوا ساعدونا تعالوا
جوا العمال وفرعوا بينهم
مبروك اتوجه ناحية غرفة الاستراحة وهو يتوعد انو عينتقم من أمين
مروان: خلاص اهدأ يا امين اهدأ اشرب ماء هاه ويفتح القارورة
أمين شرب لين خلص القارورة رجمها بغضب: تااافه الله يزيله
مروان: سهل حصل خير وذلحين نشل الكيس حق البنت والتلفون ونخبيهم وكمان الثوب والكوت
أمين: افتحوا التلفون وطلعوا آخر رقم اتصلت فيه وعنتصل ونكلمه وعد اوديهم غدوة
مروان: طيب هذا التلفون طلع آخر رقم من قائمة المكالمات الصادرة هاه اتصل
أمين يشوف آخر مكالمة وكان الاسم اختي ام....
مروان: طيب هذا التلفون طلع آخر رقم من قائمة المكالمات الصادرة هاه اتصل
أمين يشوف آخر مكالمة وكان الاسم اختي ام.... أمين كلمها ان اختها نست اغراضها تكلمها تلقى لهم في مكان عام وحدد لها الوقت اللي يلتقوا فيه والمكان
مبروك كان يسمع ومع نفسه والله لااخليك تندم وهذا وعد بكرة عد الحق بعدك وابسر شغلي واشتغل معك بحكمة
ـہـ٨ـہـ٨ـہہ💔🩹
في محافظة إب الحبيبة في بيت محمد
صفوان أمام المرايه ويمشط شعره ويغني
(يومَ الاحد في طريقي بالصدف قابلت واحد غصب عني سرتِ بعده سِرت ماهميت واحد الى نهاية الاغنية..... ♬♪)
إلهام: الله ماهو هذا الحلا والجمال وين عتسير؟
صفوان يلتفت لامه ويبوس يدها: الله يحفظكم يمه ادعوا لي عد اسير أبسر صاحبي قال انو حصل محل حالي وانا قلت اسير ابسره اذا حالي صدق وارجع ان شاءالله
إلهام: الله معك ويحفظك ويسعدك ويوفقك ويبارك في عمرك ويعطيك الصحه والعافية ويرزقك بزوجة صالحة تحافظ على ذريتك وتحافظ عليك
صفوان: آمين ياارب العالمين ااا ااكلمش على موضوع؟
إلهام: ماااهو؟
صفوان: انا عاد اتزوج بعد فترة
إلهام: منك صدق والا تخرط عليا
صفوان: لا الله المستعان ليش ابي ماكلمش؟؟
الهام: لا بأيش كلمني؟
صفوان: شكله نسي بس انا عد اكلمش هو بس عاد هو الا كلام بس اشتي أسألش بنت عمي احمد الكبيرة كيفها؟
إلهام: حلووووة بمعنى الكلمة ليش ابوك قال تتزوج بها
صفوان: ايوه قالوا كلهم ابي وعمي علي
إلهام: والنعم بها بس من اللي تكلم
صفوان: جدي قال بنت عمي علي الكبيرة وعمي علي قال قد في عليها خبر ورجع قال خلاص قدي بنت عمي احمد
الهام: الله يسخر لك ياابني هي حلوة وعندها ام متواضعه جداً
صفوان: إن شاء الله خير مع اني اكره البنات بشكل عام
الهام: هن الرَحم ياابني محد بيكرههن
صفوان وهو مبتسم: طيب ان شاءالله خير
إلهام: يلا شرق عليك امشي بهدوء ولاتسرع او تتصل وانت تسوق
صفوان: ولايهمش يا غالية ويبوس راسها
الساعة 10:00 م
في محل الخياط
أمين: زكريا تدري كم قد به زلط
زكريا: بتعب كم
أمين: قد به خيررات الدرج مليان قد لنا خيرات مانجمعها تعال نجمعها ونبسر كم؟؟
زكريا: مش وقتك اطلع طلعت روحك انا تاعب
أمين: ههههاي والله لو ما تقوم لا اقوم اقلب لك العين الحمراء
زكريا: والله يارجال ان انا مريض الصدق صيح لمروان يجي يساعدك
أمين: أسألك بالله مالك اليوم كذا شكلك نكد قلي اذا به معك مشكلة يمكن اساعدك
زكريا: ممكن تسكت وتطلع من هنا انا تاعب عد انام
أمين: طيب ولا يهمك تعشيت؟
زكريا: لا مااشتيش
أمين: يلا سابر مسك بطانية ورجمها لعنده هاه تغطى
زكريا: ذي حقك ريحتها شوعه الله يعين اللي عتتزوجك وهي تشم الكور هذا ورجمها لعند أمين
أمين: هههههه يامروان
مروان: همممم
أمين: تعال ساعدنا نجمع الزلط زكريا اليوم تاعب
مروان: ماله خير ان شاء الله
أمين: مدري وبدؤوا يجمعوا الزلط
مروان: اوف يا امين والله الحب تعب قوي
أمين: ليش من الذي يحب؟
مروان: اكلمك عن سر ماعتتكلم
أمين: الله المستعان يارجال
مروان: زكريا كان يحب بنت عمه واليوم بنت عمه خطبوها مع انو قد كان قدم خبر بس زكريا تأخر وهو يجمع حق الزفه
أمين: اهووو عليك غضبي يا زكريا ليش ماكلمنا كنت اساعده
مروان: خيرة الله والخير فيما اختاره الله هذا النصيب
امين: والنعم بالله
وجمعوا الزلط وطرحوها في الدرج ونسوا يغلقوا بالمفتاح
ــ
في زاوية المحل احد العمال الحاقدين
مبروك: فكرة تناسب الفيديو وذي فرصتي اشل الزلط واتصل بـمطيع واقله أمين اخذ الزلط خطي بخطوات بطيئة شل الزلط لوسط كيس متوسط رجع تفقد العمال شافهم نايمين طلع من المحل بكل هدوء وغلق الباب دخل للسيارة ومع نفسه وجا وقت الانتقام يا سيد أمين والله ماراحت لك رفع التلفون يتصل الو عم مطيع
مطيع: هلا خير مابه يامبروك؟
مبروك: اسمع ياعم مطيع وبخبث لا تخاف وصلِ على النبي
مطيع: مابه يا مبروك اتحاكا
مبروك: امين جا اليوم وجمع الزلط كلها وشلها ومشي
مطيع: كيف شلها وين وداها مقال وين عيوديها
مبروك يتكلم وهو يسوق: لا ما اتكلم سمعته كان يقول عيدي منها لزكريا يتزوج
مطيع: والله ماراحت له يلا مع السلامة شكراً على تنبيهك ياابني
مبروك بخبث: هاه ياعم انتبه تقل ان انا اللي كلمتك
مطيع: طيب عد ابسر وين وداها وسكر
مبروك: ههههه وذلحين لازم اسير اخبيها في البيت
مطيع: الله هذي نهاية تربيتي وتطلع حرامي يا أمين تطلع حرامي نفخ بتعب لازم اسير للمحل واتأكد انا بنفسي مشي للمحل
وبعد دقايق وقف السيارة بباب المحل ودخل فتح الدرج ماشاف الفلوس ركل برجله على الدرج وبصوت مرتفع يااا أمين اخرج خرجت روحك
زكريا: ذا صوت عمي مطيع خرج لناحية الدرج خير ياعم مابه؟
مطيع مسك زكريا من صدره: وين أمين وين وديت الفلوس انت وأمين
زكريا: عم صلِ على النبي مالك أيش من فلوس فلوسك ذاك هي في الدرج أمين جمعها هو ومروان البارحة انا كنت تاعب ماقدرت اشتغل معاهم
مطيع: بلا كذب ياوانذال وين وديتوا الزلط حقي الزلط نصها ديون حق الناس
زكريا: والله ياعم مالي علم بشي أسأل مروان يامروان
مروان خرج: هلا وغلا بعمي مطيع
مطيع هدت نفسه شوي: اهلين فيك تعال
مروان: بس اخلص اكوي ذا الثوب واجي ارتاح لوما اخلص
واتجه ناحية غرفة الكوي
زكريا: ماهو ياعم قلي ماالذي حصل؟
مطيع: قبل صلاة الفجر جا لي اتصال وقالي عن كل الذي فعله أمين وانتوا تغطوا عليه
زكريا: انا والله مش عارف هو جمع الزلط هو ومروان وانا نمت لاني كنت تاعب قوي
مطيع: عيجي مروان وعنسأله
مروان: ارحب ياعم والله ان قد انا مدقدق من كلي من امس مانمت ولاغمضت عين
مطيع: سهل عترتاح الشغل الا شغل والعمال على امانه ومخلصين احلى من ابني
مروان: ماهو ياعم ماله أمين
مطيع: مروان كم جمعت البارحة انت وهو وين وديتوها
مروان: 15 الف دولار وفي منها يمني اربع ميه قدي حق 4 اشهور ماعاد كنا نجمعها بسبب الشغل المتراكم؟
مطيع: طيب وين وديتوها؟؟
مروان: خبيناها في الُدُرج ذاك ويأشر على الدُرج
مطيع راح وفتح الدرج قبالهم: مافي ولا ريال
زكريا يشوف بصمت ويفكر معقول أمين شل الزلط طيب ليش فعل هكذا لالا اكيد لا مستحيل أمين يسرقها لو كان يحتاج كان عيشل من زمان وسدد حق الارض اللي حكا لي عنها وبعدا ليش عيشلها وهي تعبنا كلنا انا وهو ومروان ومبروك وشهاب وبقية الشغالين وادوات الشغل يديهن عمي مطيع أمين مستحيل يفكر بنفسه وبس
مطيع: يعني يامروان امين ماشل الزلط قبالك ولاشفته شلها
مروان: لا ياعم الله المستعان انا رحت رقدت لان الوقت قد كان متأخر قد كان الساعة بتوصل 3 الصبح وهو قال بيسكر ويروح عنده مشوار مهم
مطيع يحك لحيته ومع نفسه هذا هو المشوار المهم اخذ الفلوس والله العالم وين وداها لكن ولا يهمك يا أمين والله لااربيك واطلعك رجال انا مش بالزلط انا في قدرتك على الخيانة وكيف تتجرأ وتخون ابوك والله لااخليك تنام بالشارع
رجع لوعيه اهاه اذا كان كذا خاطركم انتبهوا للمحل والتفت لزكريا انا راكن عليك انت ومروان انتم مثل عيالي وبتمنى ماتخيبوا ظني فيكم واذا جا امين لاتخلوه يدخل المحل قولوا له قال ابوك تجي للبيت طـوالي
زكريا: ولايهمك وان شاء الله نكون قدها ونشكرك على ثقتك فينا
مروان: ايوه ويعلم الله اننا نبسرك أب لنا
مطيع: الله يحفظكم مع السلامة
وجدان دخلت المطبخ وتحس يدها بتوجعها وتكلم نفسها حسبي الله ونعم الوكيل كيف عد اقدر اشتغل بيد واحده خطيت لعند الفرن وشافت الاكل جاهز بيض والخبز قدو جاهز ابتسمت بفرح هذي نوره طبخت عني الله يسعدها عد اسير اجلس عند الطاقة وافتهن شوي مع الصبح واشم هواء نقي اتجهت ناحية الطاقة غلقت النص وخلت النص مفتوح على ميد الهوى يدخل وظلت تشوف الاطفال اللي رايح يجعل واللي تخطى مع امها واللي يلعب وناس رايحة وناس جاية اخ اخ كل الامهات يحبين بناتهن ويطلعنهن معاهن ويدللنهن واني امي تضربني صباح ومساء اخ اخ احس ان قلبي ينزف من كثر الوجع
وقف تفكيرها سيارة تمشي اهوف سيارة على الكيف مدري حق من تشبه حق بيت الخياط بس ذي جديدة
أمين وقف السيارة ونزل يد ماسكه على باب السيارة واليد الثانية تحسس على جيبه اهو وين تلفوني ورجع يشوف لداخل السيارة
وجدان تشوف وكان لابس ثوب رمادي وصندل اسود وشكله حلو وانيق بمعنى الكلمة
أمين راسه بوسط السيارة جاه احساس ان في احد يراقبه مع نفسه اعوذ بِالله من الشيطان الرجيم
وجدان تحاول تشوف وماتشوف الا ظهره
أمين يتكلم مع نفسه: وينه التلفون يمكن نسيته عند المكنيك محل ماصلحت السيارة انا متأكد انه هناك بس يلا عد ادخل ارتاح شويه واتصل لصاحب المكنيك من تلفوني الثاني واقول له يخبيه عنده امد ماارتاح وترجع اسير اديه
وجدان: من هذا لايكون أمين تذكرت صوته وهو يغني تذكرت ملامحه يوم كانت تصلح البرقع كيف كان منزل راسه بخجل تذكرت موقفها معه يوم ساعدها من الشباب اللي كانوا يجروا بعدها مسكت على قلبها ياالله قلبي ومافيه رجعت لوعيها تشوف
أمين جاه احساس ان في احد يراقبه مرة ثانية ويلتفت يمين وشمال ماشاف احد يشوف عالم كلا في طريقه يسلك ورجع رفع راسه ناحية العمارة شاف واحد من ابواب الطيقان مفتوح
وجدان شافته رفع راسه تخبت بخوف ياالله ليش يشوف لهانا ماله لايكون عرف ان انا ابسره أكيد لا من اين عيدرا الزجاج عاكس مايبسر عد ارجع ابسر اذا لسا واقف وقامت
أمين نزل راسه تنهد: مدري ليش حاسس انش تراقبينا الله يبليش في حبي نفس مابلاني بحبش سكر باب السيارة ودخل
وجدان شافته دخل غلقت باب الطاقة الثانية وجلست بطرف السرير تفكر ( رغم وجع يدها لكن قلبها لازال ينبض) ومع نفسها ماشاء الله حلو وانيق وباين انه يحب النظافة كل ماابسره لبسه مرتب رجعت لوعيها الله يسترني ويستر كل بنت ويجعل عاقبتي سليمة وتفلت اكيد تحملت ذنوب والنظرة حرام استغفر الله العظيم واتوب إليه ربي اغفر لي رفعت يداتها ( يااارب لا تعلق قلبي في حب زائل ولا في شخص زائف ولا بـصديق لااجده في محنتي يا الله)
أمين دخل للصالة شاف ندى جالسة شاردة بتفكيرها قرب من وراها شوي شوي مسك بشعرها وسحب
ندى بصوت مرتفع: وايييييي يمه جني
أمين: جني بلقفش اصصص
ندى: الله يسامحك فجعتني قلت جني
أمين: شلش من عيدي الجني لهنا
ندى: وينك امس ابي جا معصب يسأل عنك اتصلنا فيك وتلفونك مسكر
أمين: تلفوني معطل كهرب ليش في شي
ندى: لا مابش حاجة بس ابي كان يسأل عنك وهو معصب
امين: خيرة الله انا جاوع سيري افعلي الصبوح
ندى: الصبوح جاهز اصبر امد ماادفيه لك
أمين: ماشاءالله بدري من الذي فعلته؟
ندى: اني قمت وعاد الصبح قلت احاول اتصل بنادر وهو من ذك اليوم غلق الخط وماعاد فتح كل مااتصل وهو مسكر
أمين راح جلس جنبها ويضمها: ياروح اخوش لا تستسلمي حاولي هو عيفتح اسكه اتصلي ذلحينه وانا عندش جربي
ندى: اشتي اكلمه قبال الكل
أمين: ياندى انا عارف انش تشتي تريحي قلبش لانه كنا نقول لش تفسخي بس هذا حرام انش تحرمي نفسش من صوته مش لازم نكون جنبش اتصلي فيه ذلحينه وانا عندش يلا
ندى: شكراً على مساعدتك ومساندتك انت اخ مافي منك اثنين
أمين: وسام نسيتيه ياخاينة
ندى: لا مانسيته بس هو كان أكثر واحد كان يقول افسخ
أمين: حصل خير عتتصلي والا لا
ندى: طيب عد ازيد احاول لانه مسكر وبهمس أمين لايكون قد نسيني
أمين: اذا نسيش ماعينساش رب العالمين خلي ثقتش بالله قوية وتكوني تشكي او تفكري مثل هذا التفكير اوكي
ندى: طيب وترن اتصال مسكر مرة ثانية رفعت الإيسبيكر ويقول مغلق التفتت لأمين ابسرت بيقول مغلق
أمين: طيب حصل خير عيفتح ان شاء الله
ندى: ان شاء الله عاد اسير ادي لك الصبوح
أمين: لا ماعد اشتي صبوح خليه لين يجي ابي عد اسير ارقد شوية وانتِ لين يأذن الظهر او يجي ابي صحينا
ندى: طيب من عنوني يلا فيسع
أمين: تسلم لي عيونش عاده بيقوم قاطعه صوت فتحة الباب اهلين يابه عاد انا تحاكيت مع ندى عنك
مطيع: فين كنت مع من طلعت يا صايع
ندى مصدومة من كلامه: مالكم يابه؟
أمين: ابه مالك انا كان عندي شغل ضروري
مطيع يلتفت لـندى: روحي قولي لامش تجي بسرعة تبسر نهاية دلعها ايش تجي تبسر ايش ربت من رجال
ندى تصيح: يمه يمه
سهام: هاه ماتشتي اشتي ارقد شوية
ندى: تعالي ابي قال تجي ضروري ضروري
سهام: ماقد به وقامت بسرعة
أمين: ممكن افهم مالك او أيش فعلت فيك
مطيع شاف سهام: تعالي شوفي ابنش تعالي شوفي تربيتش الفاشلة
سهام قربت من مطيع: مالك مافعل ابني وليش اليوم قدو ابني لوحدي وماعادو ابننا الاثنين؟
أمين مستغرب ماله هذا وندى نفس الشي
إيمان: اووف مالهم هذولا من الصبح بكروا يتصايحوا وقامت بتعب واتجهت ناحية الصالة
مطيع: ابنش المحترم اخذ الزلط كلها حق الشغل اللي بالمحل ولا خلى حتى مية ﷼ والله اعلم وين وداها هذا التااااااااافه
أمين فتح عيونه بدهشة: لااا
سهام تشوف لأمين بدهشة وقربت منه: أمين قول يمه اخذت الزلط حق ابوك
أمين: لا وﷲ ماشليتها
مطيع: بس كل الكلام حق العمال يدل على انو انت اللي اخذتها وشهد واحد منهم اللي شافك تاخذها وطلعت فيها من المحل
أمين: لا والله ما**
مطيع: بس لاتحلف مااقبلش يمينك اطلع برع اطلع مااشتيش اشوف وجهك
أمين: ابه اسمع مني الكلام انا**
مطيع يقاطعه: اسكتت وقرب منه وضربه كف انا قلت تطلع من البيت كلمة وعشر سوا اطلع برع من قبالي
أمين ماسك على محل الكف وشاف ليده اذا طلع دم من انفه
سهام بدأت تبكي: الله يسامحك خله يتكلم
إيمان وندى يبكين وكل واحدة تضم الثانية بخوف: الله يستر
مطيع: انقلع يلا
أمين شل الكوت ومد يده يشتي يسحب مفتاح السيارة بس
مطيع كان اسرع مد يده واخذ المفاتيح وبصوت مرتفع: السيارة والمتور ممنوع تاخذهن هذولا تعبي وانت روح اتهنى باللي اخذتها ياسافل
أمين بدون مايشوف احد حباً وطاعة: يابه بس صدقنا انه مش انا اللي شليتها
مطيع: لا...
`يتبع ..`
*حط تفاعل بذا ()*