الفصل 5
*روايات وقصص يمنيه 📚🖋️*
*روايه [#نزيف_القلب💔]*
#للكاتبة_ريشة_الطاووس
*بارت رقم [ 5 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
الاستاذة فتحية: تحبي تشكري احد من هذا المكان او توجهي كلام لحد
وجدان: احب اشكر مديرة القسم هُنا وهي ﴿ فتحية الـ... ﴾ لش منا كلّ الثناء والتقدير على جهودش الثمينة والقيّمة شكراً يا من غرستِ التميّز ومعانيه بين جدران هذا المكان المبارك.. لذا نرسلُ لش وسامًا من النور بعدد نجوم السماء كلها عبارات الشكر تخجل منش لأنش أكبر منها، فأنت من حوّلت الفشل إلى نجاح باهر يعلو في القمم💞
فتحية تحس بالفرحة والفخر بكلام وجدان شكراً لش غاليتي ومن تحبي تشكري كمان
ندى تصفق والفرحة مليان قلبها وكأن الفرحة لها مش لوجدان
المديرة: صديقاتش ايش تقولي لهن
وجدان: هي صديقة واحدة موجودة هنا وتسمع كلامي وانا احبها واحترمها لانها شخص لن يتعوض ما اقول اسمها بس هي تعرف من تكون مع احترامي لكن كلكن
ندى عرفت انها هي المقصودة لان وجدان تتكلم وتبسر لها
المديرة: شكراً لش حببتي طيب وامش توجهي لها كلمة
وجدان نزلت راسها واختفت بسمتها: لا مشي موجودة
الاستاذة نجيبة تحاول ترجع الابتسامة لوجدان لانها تعرف ان وجدان مجروحة من امها: حببتي من يشجعش
وجدان: ابي هو اللي يشجعني
الاستاذة: عندش الرغبه انش تواصلي الى النهاية!
وجدان: اكيد ان شاء الله
الاستاذه: بالتوفيق حببتي
المديرة: موفقة حببتي وشكراً لش الله يسعدددش ويلهم قلبش وتأشر لها بيدها بمعنى تفضلي
وجدان بعدت المايك ومكنت المعلمة وخطيت
ندى: ماشاء الله عليش والله قلبي يرقص من الفرحة لش
وجدان تمسك يد ندى وتطرحه على قلبها: ابسري كيف قد قلبي طبوووووووول
ندى: هههههههههههههه
وكملين الحفل مع بقية الطلاب وكل طالبة قالت كلمتها
واستلمين الشهايد وجدان جابت %97
ندى جابت %84
هديل جابت %74
حنان جابت %88
وبقيةة البنات كل واحدة طلع معدلها حسب مجهودها (وخلص موسم الدراسة لهذا العام بالنسبة لندى ووجدان وبقية الطلاب ومابقي غير شهر واحد لدخول شعبان وبعده الڜهر الكريم
5:33. م
هناك اصدقاء يملكون زوايا مضيئة في قلوبنا بصمت تقرأ في مشاعرهم أمنيات الخير والسعادة لك 👇🏻
وفي السطح ندى ونوره يتجابرين وندى تحكي لنوره عن الحفل
وجدان وايمان يشوفين التلفون
اسيل ويوسف وعمران يلعبوا
وجدان تكلم ايمان: كيف تفتحي الثري جي
ايمان: من هانا وتعلمها وجلست تشرح لها دخلت على صفحة الواتس وتشرح لوجدان عن صديقاتها الالكترونيات
وجدان مدت باصبعها وهمست: وهذي من اللي اسمها قلب نابض 💓
ايمان: هذي كمان صديقتي وظلت تحكي لها نبذه عن بعض صديقاتها
ندى قامت هي ونوره لعند وجدان واخذت تلفون ايمان: اسكه هاتي نفعل سلفي
ايمان: طيب
نوره: وانا
اسيل شافتهن متجمعات وراحت تجري لجنب ندى
اتجمعين ندى ونوره واسيل وايمان
ووجدان وعمران ويوسف وفعلين صور جماعية وكانت الصور حلوة طبعاً نوره ووجدان وايمان وندى متلثمات
ماعدا اسيل عادها ماتلبس برقع عادها صغيرة
ندى تشوف: الصور حلوات يجننين
وجدان: ايوه وبالذات واحنا كلنا
وظلين يسمتعين بوقتهن مثل كل مرة وبعض الاوقات كل واحدة تساعد الثانيه بالمذاكرة
واحيان يجلسين يشربين القهوة مع بعض
ياليتهم اخذو الذكرى عندما ارتحلو زالوا وما زال في اعماقنا الاثرُ 💔
علي يتصل لـ احمد: باقي نص شهر وقد احنا عندكم عنجي قبل رمضان
احمد: حيا فيكم البيت بيتكم متى مااشتيتوا وبلغ محمد وماتجوا إلا الاثنين
علي: طيب ولايهمك المهم اشتي اوصيك تكلم زوجتك
احمد: امر بخصوص ايش؟
علي: بخصوص وجدان كلمهم مااشتيش وجدان تتحسس بأي شي
احمد: مامن هذا عنسكت بقدر المستطاع والباقي على الله بس لأي حين عتجلس تخفي عليها
علي: مااشتيهاش تغثى ولا اشتيها تعيش بحزن
احمد: ياعلي والله ان اللي بتفعله انه حزن واكبر حزن عليها تخيل لو ترجع تعرف كيف عتغثى منك وعترجع تلومك كان من المفترض تكلمها وعادها صغيرة
علي يحاول يخرج من الموضوع: يلا تحتاج شي؟
احمد تنهد: ولا احتاج شي سلامتكم قد انتوا اخبر
علي: يلا مع السلامة وسكر ويحس النار تشعل بقلبه
ظل يتأمل التلفون ويفكر
نروح لذاكرته ونشوف بأيش يفكر
عبير تفضل هذا الكلينكس على سب ماتتعب وهذي القهوة والكعك ذاك هن قدامك بالمطبخ متى ماحسيت حالك جاوع اكلت انا عاد اسير ابسر جارتنا واغسل لهم الملابس المسكينة تاعبة
علي يمثل المرض: اخخ هنا بيوجعني
عبير قربت منه: اين !؟؟
علي: اااا رجلي ايوه رجلي ويشوفها انحنت تشوف رجله لا لا راسي راسي
عبير تشوف له وعرفت انو يكذب عليها: مالك رجلي راسي
علي يشوفها ومبتسم
عبير: انا عد اسير وارجع على طول لاتمنعني الجار موصي بجاره
علي رجم المنشفه من راسه: وانا مريض
عبير تشوفه وتعض شفايفها: قلت مريض؟
علي: ...
عبير تشوفه وتعض شفايفها: قلت مريض؟
علي: هههههه خلاص طالما انش عرفتي ان انا مش مريض مهلتش7 دقايق بسسسس والله مااقدر اجلس بالبيت بدونش وانتِ عارفة ان الشغل كثير ومافي عندي وقت اجلس معش
عبير: طيب ولايهمك عد امشي
علي مسك يدها
عبير: هههه طفلي المدلل خلني اسير تأخرت
رجع لوعيه تنهد بحزن: اح اح كنتي تهتمي فيني وكنت بقمةة الدلال معش كنت احبش وكنتي تحبيني وكنت طفلش المدلل ماكنت متخيل حياتي بدونش ولو يوم واحد لييش ياعبير حرمتيني منش ليش حرمتي عيوني من شوفتش ليش شتتي في اولادش ليش رضيتي بالفراق والشتات غمض عيونه على الدمعة على سب تخرج من عينه ويرتاح
.
وهل هناك وجع اعظم من وجع الفقدان واما الفراق فهو مؤلم جداً جداً 💔💔
وجدان وندى يتكلمين عند باب الشقة تبع بيت علي
ندى: ابسري حاله الوتس اب تبع هديل
وجدان: مالها؟
ندى: فعلت حفلة وعزمت المعلمة ابسري كيف الصور كيف زينت الصالة حق بيتهم ابسري والكيكه مكتوب عليها احبك معلمتي
وجدان: اها حلوات وظلت تشوف الصور
ندى: واحنا؟
وجدان: واحنا مالنا؟
ندى: مارأيش نعزم الأستاذة ونفعل حفلة تكون بسيطة
وجدان: فكرة حلوة
هند خرجت من غرفتها للصالة تشوف المكنسة مرجومة على الارض والباب مش مغلق عرفت ان وجدان بالدرج
مشيت خطوات بطيئة وصلت لجنب الباب وظلت تسمع
ندى: امم نحتاج ترته متوسطة ونحتاج بالوناات ونحتاج حلا ونحتاج ورد والخ....
وجدان: اكتبيهن وسط ورقة والاشياء اللي عنشتريهن من البقالة انا عد ادي نص القيمة وانتِ نص
ندى: مامن هذا مااختلفناش كم عندش زلط؟
وجدان: عندي 15 ألف كنت اجمعها على ميد اشتري فيها فستان على سب اذا روحت البلاد اشيگ بس قد الحفل اهم
ندى: لا اناعد ادي من عندي وانتِ خلي حقش الزلط واشتري الفستان
وجدان؛ لا لا مش مهم
ندى: إلا مهم اشتريه واللي عد اجيبها اعتبريها سُلفه مني
وجدان: اذا كان كذا ماشي
ندى: تصدقي اني واقفة معش طرحت المشكل على النار ينضج
وجدان: هههههه حتى انا كنت اكنس وسمعتش تناديني طرحت المكنسة وجيت ابسرش
ايمان من جنب ندى: محد يركن على خُبلان
وجدان: انتِ وندى اما انا مع
ندى: هيا انا عد اسير على شغلي
ايمان: قد كان بدأ يحرق حرقوا شعرش
ندى: اووه عاد غلقتي النار
ايمان: ايوه ليش انتِ الواحد يركن يفلت لش المطبخ انتِ لا ياما تفكري بالمختفي لين ظهر المختفي قمتي تتهيبلي
وجدان: هيا ناهي هي 5 دقيق كم تأخرت عتفعلي لها نشرت اخبار
ندى: صح هههههههههه
ايمان: ايوه وعد اصوركن واتصل لمرسل الحدث وبصوت بشع لقد تم القبض على شريرتان في منزل ابو زياد لقد كانتا وقفاتان امام شقةة مطيع يتحدثا معاً
ندى: وماهي التهمة ياعزيزتي؟
ايمان: سرق الاموال وعدم الاهتمام بامور المنزل
هند خرجت وبصوت هامس: وجداااان
البنات التفتين لهند
وجدان بخوف: نعم
ندى تحاول انها تنهي الموضوع على سب هند ماتضربها: خاله هو انو انا صيحت لها كنا نتجابر على **
هند بعدم تركيز او تعبير لـكلام ندى: تحركي جالسة تتملعبي وتركتي الكناس يلا الشغل في الديمه عادو مريع لش
وجدان: حاضر وخطيت
وهند غلقت الباب بقوووة لن نقزت ايمان وندى من الصوت
دخلين البنات شقتهن
ايمان: يو قلعش ياندى لاعد تضربها ونكون احنا السبب
ندى تفرك يداتها بخوف: اي الله يستر
.
.
هند: ماكنتي تقولي معها
وجدان منزله راسه بخوف: ولا شي
هند: اسمعي كلامي واحفظيه بالحرف ياويلش تعزمي المعلمة مش ناقصني وجع راس بالبيت هذا من تحت راسش
وجدان نزلت دموعها وفضلت الصمت
هند: يلا انقلعي قلعوا عينش من وجهش
وجدان مشت لغرفتها هي ونوره وهي تبكي
نوره: مالش؟
وجدان حكت لنوره كل اللي صار لها
نوره: خلاص حببتي ماعاد تشتي تعزميها وكلي الله
وجدان: كيف عد اكلم ندى انا خازية منها لان امي دايماً بتحرجني قبالها الآن ماعد اقول لها
نوره: لا تقلقي انا عد افعل لها رسالة واقول لها بطريقتي
وجدان تنهدت وطلعت فوق السرير ودموعها تنزل وقد كانت فارحة انها بتعزم معلمتها وتعزم صديقاتها
لكي نختصر لكم القصة ونسارع في الاحداث
وجدان كانت كل يوم وهي تآخذ المواقف القاسية من خالتها اللي هي حسب ماتعتقد انها امها
امين منتظر متى بيطلع الجواز تبعه بفارغ الصبر
ندى كانت تحاول تتصل بنادر وماكان يرد عليها ورجع غلق الخط بالمرة بسبب الازعاج
.
.
مر من شهر شعبان 9 ايام واقبل موعد السفر بالنسبة لـعلي قرر يتصل باخوه محمد ويكلمه على سب يسافروا مع بعض
عند علي في البيت
هند تشوف لتلفونها
علي: هيا عنسافر بكرة البلاد تجهزين
نوره: يا سلام قدني متشوقة وكنت افكر
متى عنروح
هند: يو مسرع عادو بداية الشهر
وجدان تتابع بصمت
علي: ...
هند: يو مسرع عادو بداية الشهر
وجدان تتابع بصمت
علي: ولو قدو نروح نبسر البلاد وابي وامي يعني ماعاد تشتي نروح إلا نصوم وبس؟؟
هند: هه لا مش قصدي كذا
وجدان قامت من جنبهم وتحس براحة ان ابوها ماعد ضغط عليها دخلت لغرفتها خرجت من داخل الدولاب شنطة صغيرة لفت الملابس اللي عتحتاجهن لوسطها
غلقتها وهي تدعي ان الله يوصلهم بالسلامة
هند قامت لغرفتها وتجهز الاغراض بضبح جمعت ملابسها وسط شنطة وملابس علي فعلتهن وسط ملابسها واتجهت ناحية غرفة وجدان دقت الباب وجدان فتحت ايوه
هند: سيري اجمعي لاخوتش ملابسهم
وجدان: طيب
هند: يلا تحركي
وجدان راحت لغرفة اسيل وجمعت ملابسها هي ويوسف
بعد العصر كالعادة نوره وندى ووجدان واسيل وايمان بالسطح
وجدان بحزن: احنا عنسافر بكرة البلاد
ندى: هع سيري اكذبي عند واحد اهبل يمكن يصدقش
نوره: ااالا صدق عنسافر
ايمان: ليش؟
اسيل: على سب نصوم رمضان مع جدي وجدتي واعموومي وبنات اعمومي
ندى: يعني عتسيروا من العمارة كلكم؟؟
وجدان: ايوه عنسير
ايمان: يااعيبتش وتقوليها وانتِ فارحة ولا زعلانة ولا على بالش انو عتفتقدينا
وجدان: ومن قال انو ماعاد افتقدكن والله اني عد افتقدكن خيرات
نوره: وانا والكل عد افتقدكن
ايمان: وكم عتجلسين؟
نوره: يمكن لبعد العيد ونرجع
ندى راحت تضم وجدان وتحس بزعل عليها: عتسيري ياحقيرة
وجدان تضمها اكثر: كان ما افعل قد احنا كلنا مش اني وبس
_*واخذين وقتهن مع وجدان لين اذن للمغرب ونزلين*_
دخلت ايمان وندى وكانوا الكل متجمعين
ندى جلست على الكنب بزعل: اووف يارليت ورمضان يمشي سع الطير ذي السنة
سهام: هههه الله كريم
أمين: فديت البرطمة مالش مُبرطمة؟!
ايمان بمزح: زوجها ماات
أمين بنفرزه: بنت
ندى نزلت راسها وتحس كلمتها مثل السكين
سهام تحاول تغير الموضوع: ندى مالش يابنتي ليش زعلانة؟
مطيع يشوف للابتوب: لحظة اخلص شغلي واجي اتجابر معاكم
أمين بمزح: وانت الحكم حق المباراة او ماهو؟
مطيع: ....
ايمان: لعبة كرة القدم مطيع يصطاد الهدف اهااا اووووو ياربااااااه لقد سجل هدف على فريق زوجته سهام
سهام: يوووه اصه والهرم اللي براسش
*صوت اذان المغرب والكل اتجه ناحية غرفته على سب يصلوا؟*
خلصوا يصلوا وأمين يشوف نفسه للمرايه باعجاب وغمز بعينه ومسح على شعره ويصفر: ﷲ ﷲ منو يشبهك ياسيد الرجال قام لبس الثوب والجنبيه والشال وقبع لنفسه وخرج وهو يرقص بالصالة
على خرجة مطيع من غرفته ومع نفسه وين عيسير هذا مشيك
سهام تمشي ومشي مركزة
مطيع مسك يدها: لحظظظة وين
سهام: مااالك يوووه
مطيع يأشر باصبعه على أمين اللي كان يرقص بدون صوت اغنية او حتى صوت طاسه
سهام فتحت فمها: هاااااه؟؟ وتشوف لمطيع وتأشر بيدها بمعنى مابه
مطيع: علمي علمش مسك يدها هيا نسير عنده
مشوا وصلوا لجنب أمين وهو يرقص برع وكل شوي يستوي يمين وشمال ويرفع يده لفوق وعلى لفتته انصدم بابوه هاااه انا كنت**
مطيع: مابتفعل وماالمناسبه لهذا كله؟
سهام: صح ليش هكذا مشيك على وين؟
امين: ولا مناسبة ولا شي بس ابسرت نفسي حالي بالمرايه قلت ادرب ليوم عرس سام عد ارقص
مطيع وسهام: ههههههههههههههههههه
امين: مالكم؟
سهام: ﷲ يهديك فكرت مدري وين عتسير
أمين يمسك على الجنبيه: بالله عليش يمه كيف انا
مطيع بمزح: قع رجال
سهام: وهو رجال روحي فداك يافلذة كبدي
أمين: انا فدلش ياغاليه الله يجعل ايامش كلها سعادة
ــــــ🌺💔ــ•
في بيت علي
*صباح يوم جديد كل واحد تجهز وخرجوا الاغراض لوسط السيارة وعلى مشيتهم دخلوا السوق واشتروا هدايا للاهل وصـلوا للبلاد والاهل ماقصروا وقاموا باستقبالهم وضيافتهم*
.
.
بعد مرور 3 ايام
وكانوا اولاد محمد فرحانين بالبلاد وجوها ماعدا صفوان اللي كان يحس بملل لانو متعود على الشغل ومش متعود يروح يوم واحد من ايام حياته بدون اي شغل او اي انجاز
روان ووجدان ويسرى وايناس وزينب وغزلان بنات عم جالسات يلعبين
تشوقت للمة الاهل لما نتجمع مع بيت اعمومي وبناتهم
بدرية بدت لباب الغرفة وتنادي: يسرى يسرى تعالي
يسرى: ها يمه
بدرية: سيري ادي ماء من الساقي الخزان خلص والله اعلم ابوكي متى عيجي يسير يعبيه
يسرى: ماعه ماعد اسير لوحدي
بدرية: طيب عد اصيح لزينب صيحت لزينب سيري مع اختش ادين ماء
زينب: ماعه وﷲ مااسير
بدرية: حبيبة مامه يلا بسرعة عيب الضيوف يسمعين
زينب: ماعه صيحي لابي يسر يدي بالسيارة
بدرية: ابوكي جالس مع اعمومش استحي مانقوله تعال سقي لناء ماء سهل هو عيرجع يفضي ويسير يعبي للخزان
زينب: دبروا حالكم مالي دخل وهربت
يسرى تشوف لامها: خلاص يمه عد اسير ادي
.
.
عند صفوان امام البيت حق جده: ...
عند صفوان امام البيت حق جده: اووف ضبح البلاد ضبح لازم ادور على عذر على سب ارجع لشغلي مشي لاعند ابوه وكان محمد وعلي واحمد وابوهم غالب جالسين يتجابروا
احمد انتبه لدخول صفوان: اهلاً تعال تعال اجلس
محمد: فين كنت ياصفوان
صفوان: كنت خارج ذلحين عنجلس هانا او كيف؟؟
غالب: مالك ياابني ليش مغثي عد باقي لكم كم يوم وجاء رمضان
صفوان: ههه لالا ياجد مش انا مغثي بس عندي شغل خيرات وبين افكر ارجع على سب شغلي
محمد: صفوان ياابني مش كل حياتنا شغل خلنا ياابني نفتهن ولاتستعجل
غالب: او مقصرين معك بشي؟
أحمد : ايوه واحنا مقصرين
صفوان يشوف لجده: لا بأيش بس انا عندي شغل خيرات
احمد: الشغل يتأجل لا تستعجل
غالب: لازم ماتمشي من هانا وقد عندك عروسة
صفوان: لا عاد انا مابش معي وقت
محمد: ماهو من وقت ويشوف لـعلي ساعة مباركة مارأيك ياعلي انت او احمد
علي: انا بنتي قدفي عليها خَبر مااقدر اركنك
احمد: ...
غالب: خلاص بنت احمد الكبيرة مارأيك ياا محمد واحمد
احمد: والله اخي يستاهل الدنيا
بس صفوان اذا مش راضي انا مااقدر ارمي ببنتي لواحد مش متقبلها بحياته
صفوان: هههه مالكم قال متقبل مش متقبل انا لسا ماافكر بهذا الموضوع
غالب: اول مرة ابسر واحد يرفض وهو بذا السن
علي: هههههههه يخجل
محمد: يشوف لـ احمد المهم يااحمد يسرى هي الكبيرة صح
احمد: ايوه
محمد: خلاص حق صفوان انتبه
احمد: ان شاءالله بس اذا صفوان بيرضا انا مااكره قرابتكم
صفوان: اهم شي ماتكونش مدللة زيادة لان انا اكره البنات بشكل عام ومااحب الدلال
احمد: ههههه شوف ياابني انا بناتي متعودات لو يطلبين ماء عيوني مايغلا عليهن
صفوان: عادي تطلب عد البي طلباتها بس بعض الامور بين البنات مشي حالية
محمد: سهل ان شاءالله خير
صفوان: عد اخرج افتهن شوية وارجع لكم وخرج
راحت وعبت الكوز ماء وظلت رايحة جاية وهي تحاول تكفي البيت ماء
صفوان جلس يلف على بعض الاماكن يحس بملل وهو يمشي وبدأ يحس بالعطش جلس تحت الشجرة ويذكر كلام اعمومه وجده رجع يكلم نفسه الله يكتب مافيه الخير وظل يشوف يمين وشمال اووف وجمال الطبيعة بس انا مش عارف ليش بين احس بملل اخ شكلي عاد اشيب وانا مولع بشغلي… وهو جالس على ظل الشجر بجانب الطريق شاف بنت تمشي ومعاها الكوز
يكلم نفسه ذي شكله معاها ماء عد اطلب منها واجلس افتهن بجمال الطبيعة مش طايق اروح البيت.. وصلت امامه
صفوان: احم ممكن تسقيني اذا في معش ماء
يسرى: ....
صفوان: واو انتِ تسمعي والا طرشا قلت عاطش ماء
يسرى تلتفت له: واذا عاطش تطلب مني مافي عندك بيت تسير تشرب مثل خلق الله؟
صفوان: بلى عندي بيت بس بعيد عن هانا ممكن اشرب قليل ماعد انقص عليش كثير
يسرى: سير اشرب من الساقي من هاناك اما انا مسسستحيل اسقيك
صفوان بغضب: اتفووو عليش عديمةة اخلاق ماتعرفي تفعلي اجڕ وين الرحمة؟
يسرى: وعادك تتفلسف والله لاخلي ابي يجي يربيك
صفوان طنش كلامها وخطي لاعند الساقي ذلحينه انا كيف عد اشرب اووف من بعض الخلق ظل يلم الماء بيداته ويشرب خلص يشرب ورجع يشوف شجرة وتحتها ظل راح وجلس على الظل حق الشجرة
يسرى وصلت بالماء وهي مغثية: هاه ماعاد ارجع قد اديت 4 مرات
بدرية: قلبي يفدي روحش يابنتي زيدي ادي
يسرى: ماعه في ولد يعاكسني بنص الطريق خلاص ماعد اسير
بدرية: يعاكسش كيف يعني
يسرى كلمت امها بكل الذي حصل معاها
بدرية: حررام يابنتي كنتي سقيتيه بصراحة انتي غلطتي
يسرى: بس هو قل ان انا طرشا وتفني وان انا عديمةة اخلاق ليش يتفلسف
بدرية: هو غثي حين مارضيتي تسقيه مش مهم خلاص انسي ومن اليوم خلاص عد اكون اسير ادي انا الماء وانتِ سيري بسري المطبخ
يسرى: حاضر
ـہـ٨ـہـ٨ـہہ💔🩹
ومرت الايام واقبل الشهر الكريم شهر رمضان
النوايا الطيبة لن تضيع عند الله مهما اساء الآخرون الظن بها🖤
مرت العشر الاولى من شهر رمضان ووجدان كانت قريبة من بدرية كثير وكانت تحس باحاسيس غريبة وكل ماحضنتها تحس بدفئ ماقد حست فيه من قبل دخلت العشر الوسط من ايام رمضان المبارك بدون اي احداث مهمة
.
.
في الصباح
خطيت خطوات بطيئة ناحية فراشها مسكت البطانية وجمشته والتفت تشتي تخرج وهو مسك يدها
بدرية: انت صاحي ليش ما ترقد؟
احمد: اجلسي وين عتسيري بذا الوقت؟
بدرية: عد اسير عند البنات افتقدت وجدان
احمد: قام ومسك يدها بدرية ياعمري لاتحسسيها بشي
بدريه: انا ما احسسها بشي بس تجذبني واتعودت اجلس معاها
احمد يشوف لوجه بدرية: احس انش مش مرتاحة من لما اجوا الضيوف
بدرية: لا والله بالعكس انا مرتاحة بس**
احمد يقاطعها: بس وجدان تعذبها مرة ابوها…. بدرية ياعمري لاتتهمي وجدان هي مش طفلة وجدان ذكية وتفهم وشفتي كيف هي مؤدبة ومحتشمة
بدرية: حبيبي مش قصدي هذا انا قصدي ان وجدان خالتها ما بتخليها تشبع حتى من الاكل ونزلت دموعها
وتخليها تغسل ملابس ابن اخوها وملابس الاطفال مش سهلات وتغسل ملابس ابوها ومرة اخوها ملابس الكل تغسلهن وجدان محد يساعدها اسير اشتي اساعدها وخالتها تمنعني باليمين تحلف عليا
اح اح هذا الذي يوقع قدام عيون الكل ماعدا لما تكون بالبيت
احمد: خلاص لا تبكي هي على الله
بدرية: ..
احمد: بدرية حبيبي لاتزعلي وجدان قدي عزباء وشخصيتها حلوةةعيسخر الله لها بشخص يحبها ويعوضها عن كل اللي فقدته حاولي تتغلبي على التفكير على ميد ماتحسسيها
بعد مروة 5 ايام
الساعة 5:00 م
بدرية تجهز الفطور في المطبخ
وجدان: وخري ياعمه انا عد اطبخ عنش
بدرية تسألها بحنية: تعرفي تطبخي؟
وجدان: ايوه اعرف افعل كل شي
بدرية: كيف حياتش تحسي البلاد راحة والا تعب؟
وجدان: اممممم عاد انا ماقد جلست فيها خيرات بس عد اقولش وبصراحة البلاد أحلى من المدينة
بدرية: طيب أسألش سؤال اذا مافي مانع!
وجدان: تفضلي
بدرية: من بتحبي اكثر ابوش او تحبي امش؟
وجدان: احبهم كلهم بس ابي اعتبره سندي وكل شي حلو بحياتي ❤️
بدرية ارتاحت انها بدأت تتقرب منها ومع نفسها لازم اعرف هي مرتاحة مع مرة ابوهاا او لا !!!! وامش ماتحبيها؟
وجدان: مش قصدي اني مااحبها انا احبها بس ابي غير عن الكل
بدرية: طيب ليش مابِش معش ملابس إلا قليل انا ابسر اختش في معها كثير ومرة اخوش ماعدا انتِ ليش مابش معش مثلهن؟
وجدان: انا مااشتري الا لما اكون عندي زلط هن دائماً يشترين؟
بدرية باهتمام: ومن الذي يدي لش زلط؟؟
وجدان: يدي لي اخي احيانا مع زوجته وانا اشلها واشتري فيها
بدرية: وابوش مايشتري لش؟
وجدان: وهي تقطع البصل سرحت وتذكر
نروح لذاكرتها
علي: يلا نسير نتمشى واشترين لكن ملابس والأشياء اللي تنقصكن
اسيل: طيب
وجدان: ريعوا لي امد ماالبس واجيكم
هند: ومن قال انش عتسيري معنا اصلاً؟
وجدان وقفت: اهو آسفة يعني انتو تسيروا لوحدكم؟
هند بنفرزه: ايوه وانتِ عتجلسي بالبيت
وجدان: آسفة ماكنت مركزة
نوره: جهزي لي عمران عمي فوق السيارة عيغثى ليش تأخرنا !!) وعلى سرحانها قطعت يدها ايييي
بدرية: مالش بسم الله عليش ليش ما تركزي
وجدان: ماركزت ياعمه
بدرية: بأيش تفكري حتى كنت اتحاكا معش وانتِ سرحانه؟!
وجدان: لا اصلاً السكين اجت بالغلط
بدرية مع نفسها الله اعلم بأيش تفكر ياحنين قلبي عليها شكلها مش مرتاحة مع خالتها الله يحميش.. طيب يابنتي سيري اجلسي وانا عد اخلص واجي بعدش
وجدان: طيب وبتردد ممكن طلب صغير
بدريه: اطلبي عيوني تدللي ياقلبي
وجدان حست بااحساس ماقد حست فيه حست بحنان الام: احرجتيني ياعمه انا كنت اشتي اقولش انو لو اكون انام عند يسرى وزينب وايناس
بدرية: طيب محل ما يعجبش نامي البيت وسيع والدور الثاني بيكون فيه اعمومش وابن عمش صفوان تعرفيه
وجدان: اسمع عنه بس مااعرفه
بدرية: طيب ياقلبي كوني لما تطلعي مع البنات تغطي وهن والكل يكونين يتغطين طيب
وجدان: عمه انا محد قد عطاني تحذير ولا احد بيعلمني كيف اكون احافظ على نفسي
بدرية: امش ماتعلمش
وجدان: ...
بدرية عرفت الرد: طيب من اللي يعلمش
وجدان: بين اتعلم من بناات الجيران ومن صديقاتي
ـہـ٨ـہـ٨ـہہ💔🩹•
12:55 م
عند أمين..
كان جالس فوق السرير ويذكر**
انت تشتغل والا تلعب ايش هذا بنجلس نشتغل عنك لما تصحصح والا كيف وهي تنظف وخصلات الشعر على وجهها صوتها ياحقيرة اني عد اوريش
رجع لوعيه مسح على راسه بيدته الثنتين اخخ متى بترجعي انا منتظرلش أمين الـ... منتظر لش؟؟ وانا يلي عمري ماقد اهتميت ولاقد دخلت عقلي بنت
فتح تلفونه ويسمع ابيات شعرية عن الشوق
أُغالب فيك الشوق والشوق أَغلب
وَأَعجب مِن ذا الهجرِ والوصل
أَعجب أَما تغلط الأيام في بأَن أَرى بغيضا تنائي أَو حبيبا تقربُ ويوم كليلِ العاشقين
كمنته أُراقب فيه الشمس أَيان تغرُب وعيني إِلى أذني أَغر كأنه من الليل باق بينَ عينَيه كوكب الا ليت شِعري هل
أَقولُ قَصيدة فَلا أَشتكي فيها ولا أَتعتب وَبي ما يذودُ الشعر عني اقله ولَكن قلبي يا اِبنة القوم قلب
اثرت فيه القصيدة وماقدر يتحكم بمشاعره قام من مكانه واتجه ناحية غرفة البنات ويدق الباب دق دق
ندى: ادخل
أمين: مابتفعلي عادش صاحيه؟
ندى: جالسة ماجاني النوم من بعد الفطار مدري ليش؟
امين: اممم عاد اتصلتي لبيت علي الـ....
ندى: ايوه هييييهاه اتصلت زمان ليش تسأل؟
أمين مع نفسه...
يتبع...
*حط تفاعل بذا (🕸️)*