الفصل 3
*روايات وقصص يمنيه 📚🖋️*
*روايه [#نزيف_القلب💔]*
#للكاتبة_ريشة_الطاووس
*بارت رقم [ 3 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
علي يأشر لهند بمعنى اسكتي والتفت لاسيل: ماهو سؤالش
اسيل: ليش امي بتقسى على وجدان ليش تعامليها غير علينا.. يمه ليش؟؟
علي ظلت الكلمة حانبة بعقله طرح الملعقة واتجه ناحيةة غرفته..
هند: عد اضربش اذا تدخلي بمواضيع اكبر منش ابصرتي ابوش زعل منش
اسيل: تبكي...
ـہـ٨ـہـ٨ـہہ💔🩹
في اليوم الثاني..
الباب يدق
وجدان طرحت المكنسة ومن خلف الباب: مننن
...: انا جيت اوصل لكم غراض
وجدان فتحت الباب: عفواً يابطل ايش من اغراض
الولد: ذا الكيس اداه واحد وقال لي اديه لاهانا وقال انو رساالة من زيااد علي الـ...
وجدان: اهو ونزلت لمستوى الولد مدت يدها للجيب حق الروب وخرجت زلط: تفضل هذي مشقايتك
الولد: شكراً واذا تشتي انفعش بشي كلمينا
وجدان: اوكه ولايهمك مشي الولد ووجدان تشوف بعده وتحس قلبها طاير من الفرحة خطيت ناحية غرفتها هي ونوره
قاطعتها هند: هييي تعالي
وجدان نقزت بخوف: نن نعم
هند: هاتي الكيس
وجدان: مكنتها الكيس بخوف
هند فتحت الكيس وخرجت علبة صغيرة مكتوب عليها اختي والغلاف حق التلفون مكتوب عليه وجدان اخذتهم ومكنت وجدان تلفون نوره
وجدان اخذت الكيس وتحس غيمةة الحزن مسيطرة على قلبها دخلت لعند نوره: هاه وذا تلفونش
نوره: من اداه اها وانتِ تلفونش وين؟
وجدان بحزن: اخذته المااامه
نوره كشرت بوجهها: لمو تشله هذا لش انتِ
وجدان: اوووف خلاص ماعد اشتي تلفون خليني على الله
نوره: لا حول ولا قوة الا بالله مالها هذي؟ مش بني آدم
ـہـ٨ـہـ٨ـہہ💔🩹
يوم جديد
وهو آخر يوم وجدان تداوم بالمسجد بدون صديقتها ندى
الأفعال هي التي تؤكد صدق المحبة ♥
عند امين جالس يلم الملابس لوسط الكيس
سلمان دخل لعنده: السلام عليكم
امين: حيا وقوا وعليكم السلام ورحمة الله وبركاته ويسلم على سلمان باليدات وكل واحد يبوس خد الثاني
(سلام رجال اكيد الكل يعرف باليمن
كيف يسلموا على بعض كل واحد يهز يد الثاني لين يخلعها 😂😂) وينك يارجال لاحس ولاخبر ولاحتى رسالة
سلمان: والله مش فاضي يله قد انا اشوف الاهل وارجع لشغلي
أمين: حتى انا والله مثلك بالشغل ماعاد بين افضى المهم على وين ناوي
سلمان: مابلا أسير اشوف ابو أصيل في عند الوالد له زلط قلت اوديها
أمين: كان نمشي انا وانت عد اروح البيت قد لي فتره ماعاد اروح
سلمان: كان يلا
.
.
خلصت درسها وافترقت من البنات وكلاً خطيت بطريقها بدأت تمشي ومع نفسها وجود ندى وهديل امان حتى الطريق اليوم فاضية خطيت مسافة بسيطة
وفي 4 شباب جالسين على الطريق... 1 ﷲ ﷲ من وين نزل هذا القمر
... 2 احد يسخى يخلي هذا القمر يخطى هانا لوحده على الاقل كان معه نجوم
الاثنين الباقيين يضحكوا ذي قوية
وجدان تمشي مسرعة وتشعر برجفة وخوف
الشباب يلا خلونا نلحق وراها **
وجدان زادت سرعتها وتلفت يمين وشمال: يا الله استرني يا الله استرني وتركض شافت أمين وشبهت فيه وفي رجال معه ومع نفسها عد أسير لعندهم وهم عيخافوا ويروحوا لهم ومسكت الشنطه بيدها بدأت تركض *
وصلت خلف أمين ونفسها يدافق؟؟
أمين يخطى مع سلمان ومش مركزين على شي
وجدان تدعي: يارب سترك يارب الطف يحميها ومع نفسها لازم اخليهم يحسوا ان ذولا الشباب اخواني؟
الشباب: يخطو وراها بشكل مسرع بدون مايركز عليهم احد؟
وجدان تمشي أسرع لين حست انها هي وأمين أمام بعض حست بأمان وهي تخطى جنبه
أمين لاحظ عليها وبدأ يخطى بخوات بطيئة علشان اذا هي تمشي بطريقها تسبق؟
وجدان بدأت تمشي ببطء نفس أمين
سلمان انتبه ومع نفسه تشابه البنت اللي انا ابصرها ورجع يشوف لأمين من ذي البنت؟
أمين يحاول يغير الموضوع: من هانا كان في بقالة تشتغل مثل النار بس شوف كيف الدنيا تغيرت؟
سلمان: ايوه صدق الدنيا فانية
بعد ثواني هيا وصلنا عند بقالة ابو أصيل
يلا مع السلامة
أمين: معي نتغدى ونفتهن
سلمان: ﷲ يكرمك مرة ثانية اما انا اليوم مشغول
أمين: كان يلا مع السلامة وسلمان اتوجه بطريقه ناحية بقالة ابو أصيل
أمين: مستغرب من البنت اللي جت تمشي معه بكل خطوة التفت وسألها: ليش هكذا تمشي شقي
وجدان: في شباب يعاكسوني ﷲ يخليك خلهم يحسوا ان انت من اقاربي او محرم لي
أمين شبت فيه نار الغيرة وينهم؟
وجدان: ذاك هم وتأشر بيدها
أمين: والله لااخليهم يندموا واتصل لاصحابي يجوا يعلموهم الادب
وجدان: لا ﷲ يخليك مش وقت ذلحين امشي قبالي وانا عد امشي بعدك للبيت
أمين: طيب وانتِ من اين جيتي؟؟
لاتنسى ذكر الله سبحان الله وبحمده عدد خلقه ورضا نفسه وزنة عرشه❤️❤️🤍🖤
وجدان: جيت من المكان الذي ندرس فيه
أمين: طيب خلاص امشي بَعدي.. قطعوا مسافة وقدهم مقابل للبيت وبفضول وين ندى ليش تخطي لوحدش
وجدان مش فاهمة ايش قال
أمين: طيب خلاص امشي بَعدي.. قطعوا مسافة وقدهم مقابل للبيت وبفضول وين ندى ليش تخطي لوحدش
وجدان مش فاهمة ايش قال واستحت تطلب منه يعيد اللي قاله فضلت الصمت
أمين مع نفسه ماشاء الله شكلها خجولة خلاص مش لازم احرجها وصلوا عند الباب
احم وصلنا
وجدان بنفسها تقول شكراً لك بس ماقدرت تشكره ومع نفسها اسكت احسن ودخلت
أمين راقبها لين اختفت مسك على قلبه ويحسه يرتجف اح اح بس يابنت الناس تعبتي قلبي ماكنت عارف ان دولة الحب غلابة لذي الدرجة رجع يذكرها وهي تمشي بخجل تنهد الله يحميش
ياليت كل البنات مثلش
عند عائلة احمد
احمد: اسكه يا بدرية افعلي لي قهوة
بدرية: من عيوني
أحمد: فديت عيونش ياعمري
عند البنات..
يسرى كانت جالسة مع إيناس وزينب يزبجين ويضحكين
إيناس: اتجهت ناحية المرايه اني آخر العنقود واني الاميره بينكن
زينب: والله لو تموتي ماهو الا اني
يسرى: لاانتِ ولاهي اني الزهرة حقكن اني اول واحدة انولدت بذا البيت اني البكر واني اول من دخلت قلب أبي وقلب امي
زينب: حياش الله يابكر وآخر العنقود ههههاي ضحكتيني اني الوسطى والمثل يقول خير الأمور اوسطها
إيناس: ليش جينا نلعب او مه اني الاحلى وانتهى الكلام وانتن اللي براسكن افعلنه ودارت ظهرها
زينب تهمس ليسرى: تشتي من يعلمها بقيمتها شكلها نسيت
يسرى: يلا نعلمها درس بعمرها ماقد ابسرته
زينب: يلا يسرى مسكتها من يداتها وزينب مسكتها من ارجلها
إيناس: لا لا اتركني اتركننننننني
يسرى: بحق فضولش عنرجمك لبرع زينب 3.2.1 ورجمنها لخارج الغرفة وسكرين
إيناس: وﷲ لااكلم جِدي وجدتي
زينب: سابر خليهم ينفعوش وبعدا ذا بسبب لسانش ياملكة الجمال يا آخر العنقود يلي مافي مثلش بالوطن العربي بكله
يسرى: مجنونه لايعرف ابي عيموتنا
إيناس: طييييييب انا اوريكن وقامت اخ ياظهري مافعلين فيش هذولا لكن والله ماراحت لكن قامت بخبث اتجهت ناحية غرفة ابوها وامها وتمثل لبكاء بصوت مرتفع هااااه هااااه
بدرية: من يبكي ذي إيناس
أحمد: الله اعلم مالها خرجوا يجروا لاعندها مالش من ضربش
إيناس: ضربتني زينب ويسرى وحملني لخارج الغرفة ورجمني على ظهري وتمثل البكاء ههاااااااه هااااااه ياظهررري ظهررررررري الله بيوجعني وا يابه سير اضربهن
أحمد يشوف لـبدرية ويحاول يكتم ضحكته بس ماقدر يمسك نفسه وضحك بكل قوته
وبدرية تحاول تخفي ضحكتها: طيب ليش فعلين بش هكذا مافعلتي ياروح مامه
إيناس: ولافعلت فيهن شي كذا وبدون سبب
أحمد يحاول يتغلب على الضحك وبخبث: لا ذا ظلم واكبر ظلم
بدرية: نسير نبسر وانتي تعالي والله ماراحت لهن لوكانين كسرين ظهرش ماعيقولوا لهن
واتجهوا ناحية البنات
يسرى: ياجناه لاعد تكون راحت تصحى ابي والله ماابي ليقوم يفعلنا سلتة
زينب: لا اطمني هي قالت عتصحي جِدي وجدتي وهم عيجوا ويلعبوا معنا
أحمد يسمعهن هو وبدرية وايناس
بدرية: ليش تفعلين باختكن هكذا مافعلت بكن لو كسركن ظهرها
غالب: ماهو مامعاكم
بدرية: ضربين إيناس
يسرى تشوف زينب بخوف
مريم خرجت: مالها إيناس بين اسمعها تبكي
إيناس: ضرابني ياجده وكسرين حقوي هااااه 😭
غالب: ماهو ماقلتي كسرين ظهرش وذا انتي واقفة
أحمد فطس ضحك: لا يابه هذا ظلم
مريم: يابناات افتحين وقولين مافعلت ليش تضربنها
زينب ويسرى يسمعين ويشوفين لبعض نفتح الباب وفتحين
يسرى: اباه هي كذا سلبطيه والا محد ضربها
إيناس: والله ما اتسلبط هن ضربني ورجمني لبرع من الغرفة
زينب قربت منها: رجمنيش لخارج الغرفة صح اما ضربنيش هذا افتراء يااموره وباست رأسها امممح
يسرى: يوه يابه ماضربناها واحنا نمزح وانتم لاتكونوا تصدقوها هي دلوعة لأنها آخر العنقود والتفتت لإيناس وابتسمت
أحمد: طيب ياقلب ابوكن لا تكونين تضربنه هي عادها صغيرة مايصلح وانتين ثنتين عليها
بدرية: ايوه حبيباتي اوبهين لبعض وخافين على بعض
غالب: الله يهديكن عماتكن كانين هاديات وانتين قعين سعهن
مريم تشوف لغالب: البنت لعمتها ياغالب
احمد: خليهن يمه يمكن يهدأين
بدرية: يلاه ايناس لاتكوني تغثي
إيناس رضيت لانو خواتها راضنها
أحمد: انا عد أسير ارقد
بدرية دخلت معهن وجلست عند راس إيناس تحسس على راسها وتقرأ آية الكرسي والمعوذات
البنات كل واحده اتجهت ناحية فراشها ونامين غطتهن وطلعت
وصلت عند احمد جلست جنبه وتشوف للتلفون
احمد تمدد بحضنها: ههه
بدرية: شوف نهاية الدلع لهن ماعد يتفاهمين
أحمد: خليهن يلعبين وبعدا إيناس هي مشاكسة وسلبطيه يمكن غثتهن
بدرية: استغفر الله طالعات عليك متوحشات
أحمد: هههههههه مش كل مره تتسلبطي عليا
ـہـ٨ـہـ٨ـہہ💔🩹
في بيت شاهر
سلمان مطنن للتلفون
ملاحظة حنان اخت سلمان وإبراهيم الاخ الاصغر
حنان: برهوم تعال أبصر كيف
إبراهيم بحزن...
حنان: برهوم تعال أبصر كيف
إبراهيم بحزن: لاا
حنان: ليش؟
ابراهيم: مابش معي ملخص للرياضيات*😢
حنان: طيب اخت صديقتي تدرس بنفس صفك بتسلف لك كتاب منها وافهمك
إبراهيم: طيب معي اختبار شفهي استعجلي
حنان: ولايهمك عد أسير العصر؟
سلمان بفضول: من ذي صديقتش؟
حنان: بنت علي آل....... عندها اخت تدرس بنفس صف ابراهيم
سلمان: اها طيب اشتي احاكيش بموضوع ممكن يا برهوم تسير ترقد
إبراهيم: تمام وخرج
حنان: ماهو؟
سلمان مع نفسه لازم اعرف
بنت من البنت اللي ابسرها دايماً هي بنت علي آل.... اوبنت مطيع رجع لوعيه وبخبث: عد اجي معش اشتي اعلمش بحاجة
حنان: جحفه لنا ماهي من حاجة لا تصرع عقلي؟؟
سلمان: ساعتها عتبسري
حنان: طيب؟
ومرت 3 ساعات
جاء وقت العصر الوقت المنتظر لسلمان
سلمان: الساعة 4:55 م قدو وقت تسيري تدي الكتاب
حنان: طيب أسير البس وامري وحالي إلى الله
سلمان: مالش ضابحه مش من شاني من شان ابراهيم
حنان: طيب ناهي هايا؟
وصلوا عند بيت علي
سلمان: لا تدخليش خليها تجي هي
حنان: مالك انت وليش لا ادخلش؟؟
سلمان بربكة: اا على سب توفري وقت وااسرحش السوق؟
حنان بفرحة: والله إذن انت تامر امر
اتصلت لنوره وكلمتها عن الكتاب انها تشتي سلفه لاخوها عتذاكر له وترجعه
نوره كلمت وجدان ووجدان قالت تمام عاد احاول اشله من اسيل
وجدان خطيت لعند اسيل وتستأذن منها: ممكن الكتاب حقش الرياضيات اللي هو حق التخليص
اسيل طلعته من بين الكتب تمده لوجدان: هاه ماتشتيه
وجدان: صديقتي تشتي تذاكر لاخوها
اسيل: اها سابر بس قولي لها لاتوسخه أو تبسَقه😁
حنان: هههههه من عيوني لاتخافي دخلت غرفتها ولبست عبايه على مقاسها والمقرمه ولبست برقع وتسترت نفس ماتطلع كل مرة لبست جزمة نص أرضي وطلعت حلوه أخذت الكتاب ونزلت
سلمان: ذاك هي في بنت اجت تمشي لهنا
حنان: ايوه هي ومشت لعندها ماخليتها توصل لعند سلمان وصلت لها وتشوفها وتسلم عليها الله ايش هذا الحلا
وجدان: انتي الحلوة هذا الكتاب
سلمان مايسمع ايش يقولين اكتفى بالصمت وبنفس الوقت منبهر من شكل وجدان ويفكر ايووه هي اللي بقلبي طلعت بنت علي آل.....
حنان: مشكورة ياقلبي يلاخاطرش؟
وجدان: هذا واجب يلا مع السلامة ومشين
حنان وصلت عند سلمان: ذاهو الكتاب يلا نسير محل ماقلت
سلمان: هههههههه هبلا وربي انش هبلا يلا نروح البيت وانا عد اكلمش ليش جيت معش لاهانا
حنان بقهر يعني: ماعتوديني السوق والله ماعاد اصدقك ياكذاب
سلمان: خلاص اوعدش بكرة اوديش السوق ذلحينه قلبي عينبع للشارع هيا
حنان: ليش ينبع؟
سلمان: بالبيت عتعرفي ليش
.
.
في بيت مطيع
أمين يشوف ابوه جالس وامه تشوف للتلفزيون وخواته؟!
إيمان على التلفون
ندى تقرأ كتاب
امين مع نفسه فرصتي اكلمهم بموضوع السفر احممم كيف حالكم يمه
سهام: لفتت له بخير ياروح امك انت ايش اخبارك
أمين: الحمدلله بخير
سهام: ليش هذي الغيبه بكله
أمين: يمه الله يحفظكم قد انا رجال مسبع مربع اشتي أشد حيلي واعتمد على نفسي
مطيع: وذانت رجال معتمد على نفسك الحمدلله
أمين: ابشركم ان انا بعد فترة عد اشتري لي فيزه للسعودية واغترب
سهام نزلت دمعتها: ماهو من اي حين ذا الكلام وللمه تسافر اصلاً احنا مقصرين معك بشي
مطيع مستغرب: ليش يا أمين؟
ندى تشوف لـأمين والدموع بعيونها: مايكفيني الذي فيني عاد في معي انت يعني لازم تعموا على قلبي الأول نادر اللي قال عيسير يغترب علشان يتوسع بحياته وراح وتركني ميتة على قيد الحياة.. وبعدها سام اللي وقع له 8 سنوات وهو مغترب وخلينا محرومين من شوفته ايوه ايوه كملوا كملوا وتبكي بحرقة
إيمان: مالكم صلوا على النبي قال يسير يشقى مش يسير يجاهد استغفرالله العظيم واتوب اليه فجعتوا الوالد
أمين قلبه تألم على ندى وراح جلس جنبها:
خلاص لاتزعلي هي كلها لوما اسدد الدين اللي فوقي واجمع حق.. وسكت
الكل انصدم من كلمة دين
سهام: دين مه يا أمين ماهو اللي تخبي على امك
مطيع: ايوه ايش من دين اتحاكا؟
أمين يضم ندى ويتكلم بكل برود: اشتريت أرض كبيرة ودفعت قيمتها وباقي عندي للرجال مبلغ بسيط حق الأرض
مطيع سكت حس بفخر وراحة وفرحة كبيرة بس كابر قبال أمين
سهام: والله والنعم فيك بس كنت تحاكي ابوك علشان يساعدك
أمين: ليش وانا ماانفع يعني تشتي زوجش بس يكون القائد بكل حاجة
إيمان: الله اكبر عليك وانا اقول ليش ماقد فرحتني حتى بقيمة مليمه وانت الا جالس تجمعها
أمين يشوف لـ ايمان: انا ماقد فرحتش وانا بين ادي لش كل يوم
سهام تشوف لـ ايمان: نفس البسه تاكل وتنكر
ندى مايهمها شي بس تفكر ليش بتنحرم من إخوانها الاثنين وتفكر بنادر وتبكي اح يادنيا
أمين رجع يسكتها: خلاص انا اشتي اغترب بس مدة صغيرة وعد اكون اتصل لش مالش معقول تحبيني
إيمان: امانة عليك تكن تزيد العواده وإذا ماشاتزودها اجلس لك هانا احسن من الهرم والغربة سع زوج ندى لا اتصال ولا رساله ولا حتى زلط فاسخي يااختي الألف يمتناش
ندى بصوت غاضب: اسكتي لش سكين مااسمح لا لش ولا لغيرش يتكلم عنه هو عيرجع وعدني انو عيرجع ايوه الله كريم
أمين يشوف لايمان بغضب ومسك يد ندى لغرفتها: ارتاحي واصبري الله كريم عيجبر الله خاطرش برجعته
ندى ساكته وتبكي
أمين: أسألش بالله لاتوجعي قلبي فوق ماهو موجوع انا اشتي اسافر على سب اجمع زلط بسرعة اخاف تروح وانا اجمع المهر حقها
ندى بصوت حزين: ومن هذي اللي عتخلينا ننحرم من شوفتك اسكه قلي من اللي انت أصبحت أسير لها
أمين: اسمها روحي وساكنة قلبي وعايشة بخيالي
ندى: أمين لاتكن تتمصيع وتوهم روحك هذولا ما منهن خير
أمين: لا تفكري غلط وبعدا لوكنت احب المصيعة ياندى ماكنت قررت ابتعد عنها وانحرم من شوفتها بس انا اشتيها تكون حلالي
ندى بفضول: من بالله عليك؟
أمين: اعتقد اني قد جاوبت على سؤلش
ندى: اذاهي بنت خير الله لايحرمك من حلمك وإذا بنت شر الله يغنيك عنها ويعوضك بأجمل منها
أمين: آمين يارب العالمين يلا عد اروح توصي بشي؟
ندى: سلامتك وابتسمت له
امين: ايووه هكذا ابتسمي لاتحرمينا من ابتسامتش وراح!
في بيت شاهر
حنان: ليش جيت معي وكذبت عليا انك عتوديني السوق؟؟
سلمان: انا جيت معش على سب ابصر واحد صاحبي قلت نطلع مع بعض
حنان كشرت بوجهه: انا مش طفله تدي لي اعذار
سلمان: صلِ على النبي اصبري شافهمش للجنان حقش
حنان: اللهم ﷺ♥ هاه قلي ليش جيت؟
سلمان: قبل كل شي اشتي أسألش سؤال؟!
حنان: تفضل
سلمان: صاحبتش الذي اديت لش الكتاب حق اختها هي مخطوبة؟؟
حنان: مدري وﷲ ماقد تحاكيت معاها بذا الموضوع للمه تسأل؟؟
سلمان: طيب اشتيش تتواصلي معاها وتكوني صديقتها المقربة وتسأليها؟؟
حنان: سلمان كيف اتواصل معاها هي مابش معاها تلفون؟
سلمان: ليش مابش معاها؟
حنان: مدررري يمكن عندها تلفون بس الرقم لا؟
سلمان: طيب سكهت من الداويه والهدر؟؟
حنان: مسكينه ذيك البنت
سلمان: طيب حاولي تسألي وانا عد اخرجش السوق وتشتري اللي بنفسش
حنان: طيب طالما انك عتخرجني السوق عد اسأل عندي رقمها زوجة اخوها
سلمان: ايوه انا فدا روحش اسأليها وذلحينه؟
حنان: تشتي اذا طلعت مش مخطوبة تخطبها صح
سلمان: ياااااه ههههههه
حنان تضحك: حلوووه قمرية لو تعرف ونعم بالله وﷲ عرفت تختار اسكه دور لي عريس حالي دام انك ذواق؟
سلمان: شلييييش غسلي وجهش وارجعي اطلبي عريس يلا يلا اتصلي واسألي بس لاتخليها تعرف
حنان: ههههههه عد اتصل واسألها بطريقتي
طلعت رقم نوره وهمست اتصال... رنين
وجدان تحل مع اسيل الواجب سمعت التلفون اسوله اصبري ياعمري لما اودي تلفوني لعند نوره وحملته وتجري يانوره يانوره *
نوره: نعم
وجدان شافتها وشهقت: هيه للمه فعلتي بروحش هكذا وااااع ماهو ذا اللي بوجهش؟؟🤮
نوره تضحك: هذا بيض وحليب وزبادي ونشا وعسل عرفتي يلا اخرجي
وجدان: تلفونش يتصل
نوره: من؟
حنان تكلم سلمان: شكلها مشغولة
سلمان: زيدي رني مرة ثانية
حنان: هيا ناهي
وجدان: المتصل حنان شااهر
نوره: ردي وقولي لها اي عذر
وجدان: طيب وترد على حنان يااهلين
حنان: السلام عليكم
وجدان: وعليكم السلام ورحمة الله وبركاته كيف حالش؟
حنان: الحمدلله بخير وانتِ اخبارش؟
وجدان: طيبة بسماع صوتش واخباري كلها خير انتِ اخبارش؟
حنان: الحمدلله اممم وتغمز لسلمان معزومة لخطوبتي بكرة
سلمان يأشر لها ارفعي الصوت؟
حنان رفعت الصوت
وجدان: وﷲ
حنان: من غير يمين انتِ معزومه وبس
وجدان: امي يمكن ماتخلينيش
حنان: اها طيب وانتِ متى عتعرسي قد احنا كلنا عنعرس وانتِ عتجلسي كذا والا ماهو؟
وجدان: نعمممم عفواً عفواً ايش قصدش قد جالش خا*** يعلم الله ذلحينه مكنس بلاعات والا يلقط دباب بالشارع وجيتي وتهنجمي؟
حنان: ههههههههههه لا مش قصدي اهنجم بس انتِ مخطوبه بين افكر اذا مخطوبة نفعل عرس بيوم واحد انا وانتِ
وجدان: هههههه الله يرد لش عقلش لا مخبوطة ولامخطوبة اسبقي انتِ ولاقد تزوجتي عتكوني مفتاح الفرج على الحارة بكلها
سلمان: يرقص ويهز حواجبه بفرحة
حنان تكشر عليه: ليش غاثية مني؟
وجدان: امزح امزح ياقلبي
حنان: طيب اقولش واني امزح لا خطبة ولا شي بس كنت اشتي اعرف ايش بتكون ردة فعلش عتزعلي عليا او ماعه
وجدان: ههههههه شلش شكلش قدش تشتي عريس بالغصب
حنان: عليش غضبي يا بقرة انقلعي
وجدان: اصلاً قد كنت محتارة كيف اخلي امي توافق لكن فهنتي عليا
حنان: هههههه متى عتفعلي لش رقم نكون نتكلم انا وانتِ؟
وجدان: ...
حنان: هههههه متى عتفعلي لش رقم نكون نتكلم انا وانتِ؟
وجدان: الله كريم
حنان: يلا مع السلامة وسكرت ورجعت تلتفت لسلمان مش مخطوبة وبصراحة كلامها احرجني وكله بسببك🙄
سلمان: طيب نكلم امي وبي يسيروا يقدموا خبر ويبسروا اذا وافقوا اهلها نتوكل على ﷲ
حنان: الله يوفقك يارب
ـہـ٨ـہـ٨ـہہ💔🩹
في بيت مطيع
مكالمة بين المعلمة وندى
ندى: هلا والله
الاستاذة: اهلين فيش ياقلبي اتصلت اكلمش انه تحضرين يوم السبت القادم بإذن ﷲ تعالى وبتسمعي لآخر مرة ويوم الأحد نعلن النتايج
ندى بفرح: يعني ونوقف الدراسة
الاستاذة بحزن: نعم وان شاء ﷲ لنا لقاء آخر
ندى حست بحزن المعلمة كيف يتفارقين وكيف بتشتاق لها: ان شاء ﷲ يااستاذة الله يسعدش ويفرح قلبش
الاستاذة: آمين يارب العالمين كلمي رفيقتش وجدان
ندى: اوك ولايهمش
الأستاذة: في امان ﷲ وسكرين الخط
ندى تجري للصالة: بشرى سارة
أمين: هاتي ماقد معانا للجنان كوني تكلمي بدون جنان انتِ مرة عجوز قولي يا ﷲ احسن خاتمتي انتِ والهبل حقش هذا
ندى: وانت ايش حرق خبزتك يامحترم؟
إيمان بنذالة: اموون لاتااخذ ألسُفهاء هي سفيهة اتركها
ندى: انتِ اسكتي
أمين يشتي ينفرزها: اي وﷲ سفيهة طالعة على عماتها
إيمان تضحك وبانتصار: شفتي كيف
مطيع قلب عيونه: امين لاتطول لسانك
أمين حس ان اللي قاله غلط ومسك الوسادة ورجم على إيمان: هذي اساس الدبور وملقوفة
ندى: ياارب ردكيدهم في نحورهم
سهام تشوفهم بحدة: اصااه خلوني اشوف للتلفون ارسل صحباتي
مطيع: سهااام الله يزكيش احسش رجعتي طفلة انتِ والمراسلة احكمي سوقش بدل الطنان
بنفس الوقت في بيت علي ⏱️
نوره تلفونها يرن كان المتصل اخوها: هلا وغلا كيف انت
طارق: بخير انتِ اخبارش عاد الناس يسلموا هههههه
نوره: الحمدلله بخير اصلاً كنت عد اقول السلام عليكم ورجعت قلت السلام هو عليك لان انت المتصل
طارق: سابر الله يسعدش مابتفعلي
نوره: جالسه بالصالة مع هند ووجدان
وجدان التفت ناحية المطبخ
طارق: اشتي اكلمش بموضوع لوحدش
نوره اتوجهت ناحية غرفتها: تكلم انا لوحدي
هند لحقتها وتسمع من خلف الباب
طارق: انا عد اسافر اليمن بعد فترة
نوره: ﷲ يروحك بالسلامة
طارق: عاد في معه عمش بنات
نوره: ايوه؟؟
طارق: نويت اتزوج سألت امي والبنات قالين ان عمش عنده بنت كبيرة ودلوني عليها فيها كل المواصفات الحالية اشتيك تسألي عمش إذا وافق عيجي ابي ويتفق معه ونحجزها
نوره بفرحة: اي والله انها حالية وبنت مؤدبة بصدق
هند تسمعها وعرفت انهم يتكلموا عن وجدان ابتسمت بخبث طيييب ياوجدان
طارق: اشتي عروسة مااشتيش هدرة فاضية عتجلسين تمدحنها قد انا شاطير
نوره: طيب ولايهمك ياشيخ انت تأمر امر
طارق: انا فدالش وانا منتظر تردي لي خبر
نوره: بس اسألهم واكلمك
طارق: يلا مع السلامة
نوره: الله معك لما ابصر عمي يكون فاضي عد اكلمه
طارق: يلا تمام وسكر
.
.
نرجع لبيت مطيع
ندى: يعني ماتشتوش تعرفوا ماسبب فرحتي
إيمان وأمين ومطيع بنفس الوقت قولي
ندى: ههههههههه ذكرتوني بطابور المدرسة كنا كذا نردد النشيد الوطني بصوت واحد
امين: قلت لكم تخربط
مطيع: اسمع خلها تتحاكا
سهام فطست ضحك: هيا ماهو ماعتفرحي امش بسبب فرحتش
ندى حملت لاعند امها: يمه الاستاذة قالت ان احنا عنعطل باقي بس اسبوع السبت نسمع ويوم الأحد حفل تسليم النتائج
وقالت اكلم وجدان تجي معي
سهام: الله يوفقش ويفرح قلبش حسبت لقيتي خبر عن نادر
أمين بفضول: للمه ماتكلمها هي ذاهي كلمتش يعني تكلم جميع الحافظات
إيمان: وجدان ماعندها رقم ياعزيزي
أمين: اها سابر
إيمان: إن شاء الله أوائل يارب اجعل الجنيه هذي تجي أوائل
أمين: يارب اجعل ام الصبيان تطلع من جسد اختي الطاهرة ندى وتنتقل الى الأخت الحرة إيمان يارب عجل
مطيع وسهام بصوت واحد قرووا سهام الله أكبر عليك ذولا خواتك
إيمان تشوفه بحقد: انا اعلمك ياابن الذين
أمين: اتحداش وهرب وإيمان بعده أمين متجه ناحية الباب وخرج يجري بهستره نسي يشل الصندل من داخل الجزامة
إيمان بانتصار: ايوووه امشي حافي وخرجت لسانها وغلقت الباب
يصيح من وارا الباب ياندى ياندى
ندى: تستاهل سدوا انا مالي دخل ودخلت غرفتها
أمين: أمري وحكمي إلى الله يا ايمان عد اشتري لش اللي بنفسش افتحي
إيمان: قل والله
أمين: ما اكذب
إيمان فتحت الباب
أمين اخذ الصندل وبنذالة: اشتري لش خادم من الشارع وهرب
إيمان بقهر: ياكذاب والله ماعاد أرحمك هاااااا
أمين اتجه ناحية سيارته وصل ودخل السيارة مسك على سكاان السيارة ويفكر معقول وجدان مابش معها تلفون رجع تنهد بس تكوني زوجتي...
*يتبع ...*