الفصل 2
*روايات وقصص يمنيه 📚🖋️*
*روايه [#نزيف_القلب💔]*
#للكاتبة_ريشة_الطاووس
*بارت رقم [ 2 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
هند: لا انا خايفة عليش يا هبلا عادش صغيرة وبعدا لازم تهتمي بروحش من شان تكون بشرتش ناعمة وتكون حلوة
اسيل: اشتي اكون حلوة مثل وجدان.. وجدان كل الملابس حلوة عليها؟؟
هند: انتي احلى منها لاتكوني هبلا
يوسف: يلا نسير نرقد والا ارقد هانا بالصالة؟؟
اسيل: طيب الله يبزك اوف؟
ـہـ٨ـہـ٨ـہہ💔🩹
بعد مرور شهر وبدون اي احداث جديدة وفي صباح يوم جديد شهق بخوف اووو شرق على الشغل
سهام: اصطبح ياابني
أمين: لا والله مالي نفس وين حقي الشال والكوت الرمادي
سهام: في السطح ينشفوا اصبر عد أسير اديهم
أمين: والله ما تدي خطوة انا عد أسير اديهن بنفسي
سهام: الله يرضا عليك
أمين: دعواتش يالغالية وسكر الباب طلع شل الكوت والشال تلفون امين يرن أمين يرد على التلفون: هلا
ندى تتجهز مثل كل يوم
وجدان نزلت الدرج وصلت عند الباب: ياندى هيا عتسيري معي
ندى: ايوه بس ريعي أمد مااخلص ألبس
وجدان: عد اريع عادها تشتي لها حادي وجمال لوما تخرج سع العروسة جلست تراجع الدروس بِصوتها الجميل
أمين خلص المكالمة لبس الكوت والشال واتجه ناحية سلام الدَرج وقفه صوت بنت تقرأ بصوت واطي وجميل خطي خطوتين وشافها وتصنم على شكلها ظل يتأملها
كيف مسترة كلها ومخرجة يد واحدة من الكفوف اليد اليمين وتقلب الصفحات وتردد الاحاديث بهدوء
أمين لاحظ على يدها لابسة خاتم عليه فص احمر ويدها يد طفلة مسك على جريدة الباب ويفكر ماشاء الله وين واحد يحصل بنت بهذا الشكل؟!
ندى فتحت الباب: صباح الخير
وجدان: صباح الورد يلا يلا شرق
ندى: الآن يلا وخطين عند باب الحوش
وجدان: هييييه ندى اصبري شعري افتك
ندى: الله يشلش تأخرنا سيري لداخل الحوش واربطيه
وجدان: تعالي معي
ندى: طيب دخلت وفكت اللثام وجلست على الأرض وتسحب المقرمة وتربط شعرها
أمين على نزلته شافها مقفيه ظهرها ويشوف شعرها مالها هذي للمه تلف شعرها هانا ويتمنى لو تلفت ويشوف وجهها بعد ثواني رجع لوار لين اختفى وماعاد يبسرهن وهو يفكر اعوذ بالله من الشيطان الرجيم ذي المرة الثالثة وانا اشوفها بعد ثلاث دقايق وقف وخطي وعادهن عند الباب أمين عيونه للارض: ممكن طريق
وجدان ثلج نزل على جسمها بعدت من الطريق وخطي وهي تشوف بعده مسكت على يد ندى بقلق لايكون ابسرني وانا**
ندى تقاطعها: لاتخافي ماشاف شي وذا قد كملتي قبل مايخرج
أمين وصل عند سيارته طلع وتفكيره عند وجدان وكيف شكلها شكل طفلة غمض عيونه بتعب وبصوت واطي
اللهم اكفني بحلالك عن حرامك وأغنني بفضلك عمن سواك يارب اذا هي من نصيبي عجل بملقانا يارب انا مَااحب اعصيك بس ذي البنت دخلت قلبي تنهد بحيرة يارب انت اعلم بكل مافي قلبي شغل السيارة واتجه ناحية عمله
يوم جديد
وقل للشامتين بنا صبراً بقلمي
ندى جالسة تشوف للكتاب والتقت عيونها على اصبعها مش موجود الخاتم حق خطبتها من نادر وشهقت هييييه وينه؟؟
مطيع: بسم الله مالش ماضيعتي؟؟!
ندى: الخاتم مش موجود باصبعي مدري وين طحس ياربي عد اسير اشوف بالمطبخ
مطيع وقفها: ندى تعالي يابنتي وقولي اي حين اختفى؟؟
ندى: كان باصبعي من الصبح بس الآن مدري لوين نبع منها؟؟
إيمان: هههههه اختفى مثل صاحبه يعني ان نادر مات وشبع مووت وانتِ منتظر له وتتبسري للخاتم.. ربي يدي لش تعابير
ندى: اسكتي مادخلش فيني؟!
إيمان بغرور: يابنت مالش ترفعي صوتش او قلت شي غلط؟؟ نصيحتي لش اخلعيه وعيشي حياتش واللي اداه عيدي غيره مش اول ولا آخر رجال في العالم؟؟
مطيع: صح إيمان تنصحش لنفسش افهمي يابنتي الرجال راح ومن حقش تفاسخي وتعيشي حياتش
أمين: لا يابه لاتضغط عليها اتركها هي عترجع تستوعب انو***
ندى تقاطعه: لا ما مات هو حي قلبي حاسس عيرجع هو وعدني انو عيرجع
إيمان: هههههه ايش قالت وعدها؟؟
حبيبتي هم رجال والرازق الله يبصر غيرش بينسى ماتعشى وينسى حليب أمه قالت وعدني ومدري ماهو؟؟
سهام: ايوه ياندى افدي روحش ياكبدي افهمي الرجال بحثوا عنه بكل موقع التواصل الاجتماعي وفعلوا اعلانات بس ما فاد شي وهذا أكبر دليل على انه ميت
إيمان: ايوه كلموها والتفتت لندى حببتي لو كان يحبش ماكان فلتش ببداية شبابش
أمين: هصص مالكش دخل استحي على روحش ولاتكوني تدخلي
إيمان: يوه أمين مالك انا ماقلت شي غلط
أمين: قلت غطي لقفش ولاتكوني تدخلي بمواضيع ما تخصكش اتركي الناس بحالهم ولاتزيدي تفعلي على الجرح ملح
مطيع: أمين مالك على اختك فجعتها
ندى نزلت دموعها وغطت على وجهها خطت مسرعة لغرفتها وتحاول تكتم شهقتها مسكت على السلس اللي على صدرها ونزلت على الارض وتبكي بحرقه وفجأة شافت خياله وبدأت تهلوس
نادر حبيبي خلاص اكتفيت تهزيئات ارجع
نادر تعال وكلمهم انك مش ميت
تعال ابسر كم اتألم بغيابك؟؟
حس فيني تعبت تعرف انا احبك؟! ومستحيل اقتنع بكلام احد ايوه عد انتظرك عمري كله.. ظلت تتخيله جالس امامها ارتاحت انها صارت تشوفه حتى
ولو خيال تواسي ألمها وجروحها
بعد دقايق نامت
ويحملني الحنين اليگ طفلاً وقد سلب الزمان الصبر مني وكان العمر في عينيك امنا وضااع العمر في عينيك امنا وضاع الامن حين رحلت عني💔
.
.
صفوان يتصل: يا اخي والله ماينفع اشتيه يكون 5 فتحات
....: اصبر بس اربعة شهور وان شاء الله نقدر نحصل لك
صفوان: مشكور تعبتك معي لكن ولايهمك إلا اللي يرضيك
....: ولو هذا واجب ياغالي اي خدمات ثانية
صفوان: سلامتك من عندي انا بأيش اقدر اخدمك
....: سلامتك مع السلامة
إلهام كانت تسمع شافت لصفوان: ماهو اللي تتجابروا عنه؟
صفوان: انا فدالش يمه وراح يبوس راسها مابش حاجة مابلا قررك افتح محل ثاني دعواتكم يمه
الهام: صدق ياابني اللهم لك الحمد والشكر
يارب الله يفتح عليك بمفتاح الخير ويسعدك ويرزقك ويسخر لك القلوب القاسية
صفوان فارح بدعوات أمه: آمين يمه الله يطول بعمرش
محمد دخل: مالكم وجوهكم تبان فارحة
صفوان والهام كلموا محمد ومحمد فرح ويدعي لابنه ان الله يرزقه ويسعده
محمد: انا بين ادعي لكم من قلبي وربك مستجيب الدعاء
صفوان يبوس راح ابوه: تسلم يلاه عد أسير ارقد
محمد: الله معك
صفوان خطي ورجع ارتد: اهوووو نسيت أسألك بخصوص لمة رمضان؟؟
محمد: خلها عليا عاد الوقت فسح وباقي ايام خيرات
صفوان: قد انا بنفسي اروح البلاد
محمد: لما نسافر عنتصل لعمك علي ونسافر للبلاد احنا وهو
صفوان: حلو عيكون شهر مميز
محمد: ان شاءالله يلا سير ارقد
صفوان: طيب تصبحوا على خير
محمد: وانت من اهل الخير مشي وهو يشوف بعده
في بيت علي جالسين في الصالة
علي: هذي السنة بنسافر البلاد ونرمض هاناك
هند: ليش خلنا نرمض ببيتنا؟
وجدان: لا يمه البلاد عنبسر جدي وجداتي
نوره: البلاد تووووحفه نفسي نمشي الآن
اسيل: ايوه يمه البلاد حلوة
هند: طيب وتشوف لـ وجدان بقرف
نوره تلفونها يرن كان المتصل زياد حملت تلفونها وترد عليه
.
.
بعد مرور يومين في صباح يوم الجمعة
هند بصياح: يلا سيري غسلي الدرج
وجدان: الآن حملت المكنسة والصابون والمنشفة كانت لابسة تنوره خضراء لتحت الركبه وعليها زينة بني وعلى بنطلون بني وفاعلة على رقبتها بمقرمة لونها وردي وشعرها عليه قباضه ماسكته بشكل عشوائي وخصلة من الشعر على خدها اليسار كانت نفس الملاك بدأت تنظف
أمين جاء من برع بيشوف تلفونه يمشي وصل عند الباب
وجدان: مش مركزة وتسحب الماء لين وصل عند ثوبه
أمين يشوف لفوق ومع نفسه من أينه هذا الماء شاف
وجدان وهي تنظف وتصنم على شكلها ثواني
كانت تنظف ومش حاسة بوجوده أبداً
أمين حس بحركة الباب وتخبى تحت لفة الدرج علشان محد يشوفه
ندى فتحت الباب برفقة إيمان
ندى: هذا انتِ يا مُصيبة
وجدان: وقفت الله يصيب وجهش يامنحوسة تعالي ساعديني
أمين يسمعهن وتنهد براحة انو محد مركز على وجوده
ايمان: والله ماتدي خطوة والا نسيتي انه دورها تغسل الملابس وترجع تنظف البيت وانا عد افعل الغداء معانا ضيوف خالتي عتجي اليوم
وجدان: ايوه نسيت اسأل عاد به احد اسير ألبس؟!
ندى: لا ابي وأمين قد خرجوا وماعيرجعوا الا بعد صلاة الجمعه تطمني اليوم عتجي خالتي تعالي نتونس بعدا
وجدان: طيب عد احاول استأذن امي وابسر اذا سمحت لي؟
ندى: طيب
إيمان دخلت وندى تكلم وجدان: كم حفظتي أمس!؟
وجدان: صفحة وراجعت التجويد
ندى بمزح: شاطرة اصلحش يابنتي 😂
وجدان: ااامين واياكم يا جدتي المخرفة
ندى بمزح: شكلش مثل البنشري رايت تبسري المرايه
أمين يضحك عليهن ومش قادر لايدخل ولا يخرج اكتفى بالصمت والمتابعة
ندى شلت علبة ماء فاضية وترميها على وجدان
وجدان تشتي تشل العلبة بس انصرفت لتحت
ندى: مانتش قدي
وجدان تشوف يمين وشمال ماشافت شي تقدر ترمي ندى فيه أخذت المقرمة بقهر تكورها نفس الحجر وترميها بوجه ندى ياحقيرة
ندى: تررررن ترررن وﷲ ماتبسري مقرمة
وجدان تشتي تلحق تشلها بس ندى كانت أسرع غلقت الباب وتضحك
وجدان بقهر: ما يهمش حسابش بعدين
ندى بانتصار: بلطي البحر واضربي للسماء بويه
وجدان: ارتدت وبدون ماتركز ولا يهمش عاد اعلمش
أمين قدو بيفطس ضحك عليهن بس ماسك نفسه حس ان وجدان بعدت وركض لبرع من شان ماتشوفه
خلصت تنظف ودخلت واتجهت ناحية المطبخ على طول
أمين عمل لفه لبرع أمد ماتخلص
وتروح بعد نص ساعة رجع وهو يذكر اللي حصل ويضحك
دخل السلام عليكم
سهام: وعليكم السلام تعال
امين: جلس يتكلم مع أمه
التفت ويشوف مقرمة وجدان فوق الكنب مرجومة ابتسم تلقائيا ً
سهام: يلا عد أسير ادور لي مهرة
أمين يلفت لها: ..
سهام: يلا عد أسير ادور لي مهرة
أمين يلفت لها: اجلسي وخلي البنات يشتغلين من عنش ليش عاد قالوا الواحد يخلف عيال الا عشان يرتاح
سهام: لازم اساعدهن اليوم عيجوا خالتك وزوجها عندنا
أمين: اها اهلا ومرحبا ايش في ناقص بالبيت أسير اديه؟؟
سهام: ولاشي ارتاح ياابني
أمين: الله يعافيش يمه
سهام: آمين يارب وراحت من الصالة
أمين قام ويمشي خطوات بطيئة ناحية المقرمة وصل عندها لفت يمن وشمال محد يشوفه أخذها ليده وخباها تحت الكوت واتجه الى غرفته وغلق الباب بالمفتاح ومن غير شعور دفن وجهه وسط المقرمة ويشم ريحتها ورجع مسك على قلبه وقال وعد انو البي طلبك وما اخليك تتعبي اكثر لازم أشد حيلي واتخارج من صاحب الأرض اللي اشتريتها واجمع فلوس واتزوجها قبل ماتروح من بين يداتي
بس خلاص كافي ألم ورجع تنهد اح اح عمري ماحسيت بحب اتجاه اي بنت غيرش يا وجدان ويشوف المقرمة انا لازم اخبيها ومااخلي البنات يشلنه اخذ كيس من الدولاب طرح المقرمة وسط الكيس ورفع الفراش من فوق السرير وطرحها تحت الفراش وراجع كل شي نفس ما كان
ابتسم ولان بين احس انها قريبة مني انتِ حقي ومن قال حقي غلب
ــــــ🌺💔ــ•
في بيت علي
اسيل تغسلت وطلعت شافت وجدان: هييي ماشاء الله ايش ذي الاناقة والدلع ايش ذي الحلاوة
وجدان وهي مقفيه تغسل اللحمة انتِ الحلوة
اسيل: وانا ماافعل والله ملل اشتي اساعدش
وجدان: لا تساعديني ولاشي سيري ذاكري لا ترسبي بالمدرسة وبعدها عيخلص عمرش وانتِ تدروسي
اسيل: ذاكرت وماعاد به معي إلا مسألة بالرياضيات ماقدرت احلها
وجدان: طيب لَمااكون فاضية شساعدش تحليها
اسيل: شكراً لش ملياااااااان الدنيا
10:00م
وجدان دخلت غرفة اسيل ابصرتها صاحيه: وعادش صاحيه ليش مانمتيش
اسيل تبرطم بشفايفها: انتِ قلتي لما تفضي عتحلي معي الواجب حق الرياضيات
وجدان: هاه يعني منتظرة لي اجي
اسيل: ايوه
وجدان: طيب وبدأت تحل معاها الواجب وبعد دقايق خلصين ااهاه اكيد عتكوني اشطڕ واحدة
اسيل تغلق الدفتر: يسلمو كثييير
وجدان: اممم مسكت ورقة كبيرة كتبت عليها ولو انتِ اختي اسيل هممم اذا كان كذا حلو اخذت وڕقة ثانية ورسمت حرف A وفعلت نبضات ہہـــ٨ـہہــــ٨ــ♥ــہـہــ٨ـہہـہہ متواصلة وكتبت حرفہہـــ٨ـہہــــ٨ـw
كتبت بنهايةة الورقة أحبك ❤
وجدان: حلوو اخذت ورقة غير وكتبت حرف A بشكل كبير وجميل جداً وبنهاية الورقة بخط صغير احبك
اسيل: ههههه حلوات
وجدان: ولانهن حلوات عاد اخبيهن عندي ذكريات
اسيل: طيب
.
.
في بيت شاهر جار بيت علي
شاهر يحلق دقنه ويشوف سلمان احم
سلمان: ...
شاهر: كيف الشغل معك
سلمان: الحمدلله الامور متيسرة
شاهر: كم قدبه معك زلط
سلمان: الحمدلله قدبه خيرات افتهنوا واصرفوا كيف مااشتيتوا
شاهر: اشتي افتهن وابصر اولادك متى عتتزوج
سلمان: عيسهل الله.. الله كريم
شاهر: مارأيك ندور لك
سلمان: استحي ههه لاتدورش يابه (ومع نفسه لما اعرف من اللي تطلع من بين علي الـ.. يكون خير)
شاهر: كان ماهو
سلمان: انا قصدي اصبروا ايام ومالكم الا اروح بها
شاهر: قد اللي من عمرك عندهم عيال وانت تمكنا
ايام ايام
حنان: صح كلام ابي صح
حصة: مالكم خلوه على راحته
ــ٨ـہہـ💔ــ٨ـ•
يوم جديد عند أمين في المحل
بيِن النٙبضة والثَانية حُبٌ أخفيه لك
أمين: يازكريا لازم تركز على الشغل أكثر لاني برجع اعطيك المحل واسير اغترب
زكريا: تغترب للمه او الشغل مااعجبكش؟
أمين: لا مش ماعجبناش بس انا يا اخي تورطك سرت اشتريت ارضية كبيرة ودفعت قيمة النص
والنص الباقي فوق ظهري حتى بالبيت محد عارف
زكريا: مجنون لاعاد ينكرك صاحب الأرض
أمين: لا الله المستعان في بيننا ناس وأوراق
زكريا: وانت ليش هكذا تفعل كنت كلم عمي مطيع
أمين: سهل مايوقع شي عد ادبرها ان شاء الله
زكريا: لا تستعجل كم الفلوس الباقية للرجال
أمين: عشرة ألف دولار فقط
زكريا: اووف عشرة ألف وعادها قليل يا غبي شل من حق المحل وعتطلعها بأسرع وقت لا تستعجل
أمين: لا مااشتيش اخون ابي
زكريا: واللي دفعتها من اين
أمين: ذيك من حقي اشتغلت فيها بالحلال والآن انا لازم ادبر الزلط الباقي واجمع لي فلوس بوقت أسرع
زكريا: ومتى عتسافر قد عندك جواز
أمين: لا لسا اجهز جواز بس عاد انا إلا نويت
زكريا: طيب للمه مستعجل ممكن اعرف؟
أمين وهو يذكر وجدان والغصة بقلبه: واذا قلت لك عليا دين وقد انا نويت على شي ثاني اخاف تنبع عليا
زكريا: تنبع يعني زواجة
أمين لفت لزكريا: ههههه ايوه وخايف لايشلوها مني
زكريا: طيب طالما انك تخاف احد يشلها منك قدم خبر واحجزها؟؟
أمين تنهد: لالا هي عادها صغيرة يعني محد عيخطبها
زكريا: هوذا قلت خايف🤔
أمين: ههههه شوق وخوف خليها على الله
زكريا: اهاه وانا اقول للمه نحيف من الحب
امين يضحك: والله شلت قلبي حتى كرهت اروح البيت بسبب الصدف
زكريا: يعني من الحارة حقكم؟؟
أمين: من نفس البيت اللي احنا مستأجرين فيها
زكريا: اببببب وغمز له
أمين: ﷲ يشلك ونذل اللي يبوح لك بسره وضحكوا الاثنين
عليك بـ النهوض، حتى وإن توسل لك قلبك للبقاء بالأسفل 💔
مثل كل مرة متجمعين بالصالة
يوسف: جلس على الارض ويلعب بتلفون اسيل
اسيل: هات تلفوني اشتي اكلم صديقاتي
يوسف: ماعه خليني العب شوي تلفونش فيه ألعاب حلوة
وجدان: خليه يلعب حسسكيني انو عندش خط من صدق
اسيل: ايوه ابي اشترى لي تلفون جديد وفتح فيه خط وفيه كل شي وبرامج
نوره ووجدان يشوفين لبعض ومستغربات؟؟
وجدان تلتفت لابوها وبحزن: وانا يابه ليش مااشتريت لي؟؟
علي: بلى اشتريت لش انتِ واسيل ويلتفت لهند وين تلفون وجدان؟؟
هند بربكة: اها موجود اااا خلاص استخدمي انتِ واسيل تلفون واحد مش ضروري تستخدمين كل واحده تلفون
اسيل: لا والله تلفوني مااخلي احد يلمسه
علي يشوف لهند بغضب: اناسألتش سؤال وين تلفون وجدان؟؟
وجدان خافت انها تكون سبب المشاكل وبكذب: انا امزح والا هي امي جت تديه وانا قلت لها تخبيه عندها
هند: ايوه انا سرت امكنها وهي قالت اخبيه
علي: سابر
وجدان تشوف لها والحزن مليان قلبها التفت وخطيت لغرفتها
هندتشوف بعدها ومع نفسها رحمتي روحش والا اقسم بالله لاكنت اعلمش درس بعمرش ماشفتيه بحياتش
علي يشوف لهند: للمه ماكلمتيني تخليني ازعل منش
هند بخبث: ولو عادي كل الناس تختلف
نوره شافت لهم وخطيت بعد وجدان
دخلت الغرفه شافتها جالسه وضامه ركبها لصدرها وتبكي
نوره خطيت لعندها وتضمها: خلاص بس
وجدان: ليش بتكرهني ليش تفرق بيني وبين اختي ليش حياتي هكذا
نوره: مدري ليش فعلت كذا خلاص لاتهتمي الله كريم
وجدان زادت شهقتها: ليش ايش فعلت بها من شان تشل تلفوني
نوره: خلاص اوعدش انو اكلم زياد يدي لش احسن تلفون هاه لا تزعلي
وجدان تمسح دموعها: انا مش حسي لاعند تلفون ولاعند غيره انا بين اتحسر ليش امي كذا بتكرهني مع انو لازم تفرح انو ابي مهتم فينا؟؟
نوره تفكر صح ليش هي كذا تعاملها وكأنها مش امها تنهدت: لاحول ولا قوة الا بالله العلي العظيم لاتفكري بشي ولاتهتمي
ـہـ٨ـہـ٨ـہہ💔🩹
يوم جديد 🌄
مع بطلتنا وجدان وندى في المسجد خلصين التسميع
الاستاذة بالمكرفون: ممكن تركزين معي ياطلاب الحلقة رقم 11 في بنات عيداومين لمدة اسبوع وفي بنات عيوقفين على ميد يتقنين الحفظ بشكل صحيح
البنات متوترات ويدعين ان الله يوفقهن الحلقة رقم 11 فيها
{ وجدان ندى هديل خديجه ريم شيماء غادة سعاد حنان إكرام}
طبعاً هديل معرفه هي جارة وجدان وندى بيتهم قريبة من بيت ندى ووجدان اللي يسكنين في مبنى واحد بس علاقتهن مع هديل علاقته سطحية
الاستاذة: البنات اللي عيواصلين وهن ﴿غادة خديجة إكرام وجدان﴾
البنات يصفقين وفارحات
وجدان تصفق بفرحة وتهمس لندى: اجتهدي
ندى: اني أهملت القران قوي وذا عقابي اني أوقف لمدة أسبوع
هديل بحزن: سابر من شان نتأدب ونكون نحفظ سع بني آدم 🥲
وجدان: لاتزعلين هو احسن اما اذا هي تعتمد الأخطاء مابتفهمين سواء
خديجة: كلام وجدان صح لا تزعلين حبيباتي
غادة: احمدين الله عادكن الا تزعلين على الاقل ارتاحين من الشمس بذا الاسبوع وراجعين وانتن مفتهنات عادهن الا يدمعين ويغثين شلوكن
حنان: هي خربانة خربانة والله لو تقولي حمير انو عادهم يفهموا احسن مننا
البنات: خديجة وندى هديل وجدان غادة سعاد وبقية البنات صار شكلهن كذا 😂
وجدان: لحظة بس كيف عد أداوم لمدة أسبوع وحدي وندى كانت تجي معي ونتوانس
ندى بضبح: مثل ماانتِ شاطرة للفهم قعي شاطرة واخطي لوحدش هع
وجدان: ناهي اسكتي
خديجة: خليها ياندى هي الآن خايفة صدق
وجدان تلتفت لـهديل: حتى انتِ يا هدهد ماعتكوني تجي
هديل: سهل لاتخافي ولاعيوقع بش حاجة
ـــ🌺💔ــ•
الساعة 11:88 م
في إب الحبيبة وبالتحديد في بيت غالب وابنه احمد
بدرية: حبيبي
أحمد: وكلام حالي خير ماتشتي
بدرية: ههه بس قلت لو نتصل لبيت علي ونكلم وجدان ونسجل مكالمتها؟
أحمد: وليش نسجل مكالمتها طيب؟
بدرية: قالت عبير خاورة تسمع صوت بنتها
أحمد: طيب ورفع التلفون ويتصل
تلفون علي يرن.. علي رد: هلا
أحمد: السلام عليكم
علي: وعليكم السلام ورحمة الله حيا وقوا
أحمد: لك الحياة كيف حالك
علي: بخير الحمدلله وانت كيف حالك وكيف حال ابي امي والبنات
أحمد: الحمدلله بخير يسلموا عليك
علي: يحفظهم الله ويعافيهم
بدرية تهمس لاحمد: اطلبها قبل مايقول مع السلامة ويسكر
علي: الوو أحمد تسمع
أحمد: ايوه ايوه معك وين عيالك نحاكيهم
علي: ذاهم هاه و..
أحمد: ايوه ايوه معك وين عيالك نحاكيهم
علي: ذاهم هاه ويمكن يوسف تحاكا مع عمو واسأله عن حاله قله كيف حال الجد والجدة
يوسف: كيف حالك ياعمو وكيف حال جدي وجدتي
أحمد: بخير الله يصلحك يابطل
يوسف: ....
احمد: وين وجدان هاتها عد احاكيها وافعل تسجيل للمكالمة ورفع الصوت من شان بدرية تسمع
بدرية تمسك يد أحمد: يارب
احمد يشد على يدها ويغمض لها عيونه بمعنى اهدئي
يوسف يجري للمطبخ: وجدان وجدان هاه شلي التلفون
وجدان: من؟
يوسف: عمو يشتي يكلمش
وجدان تعدل صوتها: احم الوو كيف حالك يا عم
بدرية سمعت صوتها ونزلت دمعتها
أحمد: بخير ياروح عمو كيف حالش كيف امورش يابنتي
وجدان: الحمدلله بخير كيف حال البنات وعمتي بدرية أخبارها
بدرية ماقدرت تتحمل وردت عليها: بخير ياعمري نسأل عنش كيف حالش انتِ مرتاحة
وجدان: الحمدلله في نعمة
بدرية: الله يسعدش ويسخر لش
وجدان: آمين يارب الله يتقبل منش وين البنات احاكيهن
بدرية: شويه اصيح لهن يسرى زينب إيناس تعالين كلمين وجدان ذاهي تتصل
البنات سمعين ماعدا زينب كانت برع ماسمعت إيناس تجري ويسرى وراها يسرى شلت التلفون اني الاولة
إيناس: انا
يسرى: لا انا
أحمد: بنات كلمنها بدل الهبل حقكن
يسرى: كيف حالش ياوجدان
وجدان تضحك عليهن وجالسين يتجابرين ويضحكين
وجدان: وين زينب مش موجودة معاكن
يسرى: تضحك المسكينة اليوم دورها تنظف المطبخ
وجدان: اهو مسكينة
هند تشوف لها بحدة: سكري لش ساعة للمفرغة
وجدان تغمض بمعنى طيب
وجدان: يلا مع السلامة اي خدمات
يسرى: الله معش تسلمي ياقلبي
وجدان: يلا إن شاءالله اكلمكن مرة ثانية سكرت
ـہـ٨ـہـ٨ـہہ💔🩹
خلف الكتابة مشااعر اختبأت واعين من الدموع قد غرقت وقلوب مازالت تنبض رغم نزيفُها 💔
بـ_قلـمي🥀
بدرية اخذت تلفون احمد واخذت التسجيل لتلفونها ورسلت الصوت لعبير
عبير سمعت صوت اشعار طرحت المكنسه واخذت التلفون شافت الصوت اخذت السماعة وركبتها على اذنها وتسمع صوت وجدان تتكلم مع بدرية ومع البنات
نزلين دموعها من غير ماتحس ظلت تدعي لها ان الله يحفظها وكل ما خلص ترده من جديد
قلب الأم احساس الأم فقدان الأم 🥺
يوم جديد وكان باقي لنهاية الاسبوع 4 ايام
وجدان مقفية ظهرها وتطبخ ومع نفسها اووف تعبت اسير لحالي متى عيخلص هذا الاسبوع
نوره دخلت بدون ماتحس عليها تشوفها بصمت وبعد 3 دقايق: احم
وجدان: تلتفت لها انتِ هانا
نوره: ايوه وتشوفها جوجو هاتي البشارة
وجدان: خير ان شاء الله ايش في؟؟
نوره: زياد قال في واحد من اصحابه بيروح وجاب لش معه احسن تلفون وقال تثبتي فيه كل البرامج غصب عن كل واحد وقال انه جاب لش هدية باسمش تفتحيها انتِ
وجدان حست بفرحة كبيرة رجت قلبها التفتت لنوره: من صدق هذا الكلام
نوره: والله تعالي اعلمش ذاهي صورته وعلمتها
وجدان بفضول: وانتِ ايش عااد ادي لش
نوره: طلبت منه تلفون نفس حقش وبس
وجدان بمزاح: ياحسودة
نوره: ههههههه اني ابسرت حقش حالي وقلت اشتي وما فيها لو أدي لمرته حبيبته وأم ابنه
وجدان بنذالة: يمين لو انا هو كنت تزوجت عليش بس اخي قلبه طيب
نوره: ياويلش من الله وتسخي فيني
وجدان تضحك: لا لا امزح قد انتم جاوعين اقدم الاكل
نوره تشوف الساعة: ماعادبه قد عمي جاء قبل مااجي لاهنا بقليل
وجدان: طيب وقدمين الاكل تصيح يابه يااسيل تعالوا غداء
هند موجودة في الصالة وتشوف وجدان بكره وحقد قربت مسكت السلته من نوره: وجدان ها اطرحي ذي السلتة هانك ومدت الصحن السلتة ودهفته لفوق وجدان
وجدان: اااييي ياالله حرقتيني وتبكي
نوره راحت لعندها: مالش تأكدي وامسكي سواء
وجدان: انا مسكته سواء بس ورفعت راسها تشوف لهند؟!
هند ارتبكت: اا وما وقع لها ولا وقع لها شي
وجدان: والله حرقت ابسري كيف محمر وانتِ سكبتيها فوقي
هند: هيه انا الله يمحقش انا سكبتها يوو كيف انتِ كذابه انتِ ماا مسكتيها سواء ليش تفتري عليا كذب عد احاكي ابوش يتفاهم معش
وجدان غلبها البكاء غطت على وجهها واتجهت ناحية غرفتها تبكي
نوره تلحق وراها
تراقب من اامام غرفتها مش فاهمة شي شافت نوره ماشيه من عند السفرة مالش ذالحين غداء
نوره: اسألي امش اللي صبت صحن السلتة فوق وجدان وخطيت؟؟
اسيل: ماهو لالا يمكن بالغلط وراحت لامها يمه يمه انتِ سكبتي السلتة فوق وجدان ليش مافعلت بش حرام؟؟
هند: انتِ اسكتي عادش صغيرة من ذولا المواضيع
اسيل: مافعلت بش ليش انتِ تعامليها بقسوة
على جية علي
علي: من لي تعاملها بقسوة ايش في؟!
هند: ولاشي تغدى وماعليك منهم
اسيل بحدة: لا انا اشتي جواب على سؤالي
هند: اسكتي لاقوم اضربش
علي يأشر لهند بمعنى اسكتي والتفت لاسيل: ماهو سؤالش..
يتبع ...
`حط تفاعل بايموجي لطيف`