ياشامه على وجه القمر ياقمرا ورى الليل الضرير - الفصل 53 - مكتملة | روايتك

الفصل الثالث والخمسون ' #يا_شامة_على_وجه_القمر_يا_قم� �ا_ورى_الليل_الضرير ' ' ' ' من جوزاء،، الى ذياب✨. ' ' تخيّل يابو ضحكةٍ فيها من الحب عمرين إني ‏أحارب جلسات العرب . . و أشتري مجلاسك💎. ' ' '—————————' دخلوه للغرفه وجلس على الكرسي مقابل لصديق عمره وكان متبهذل من الحبس والسجن ومن يوم مادخل وهو يخطط ويخطط! وبما انهم حكمو عليه اعدام بسبب الاعمال الثانيه الي كشفوها له؟ قرر مايروح للموت لحاله يحيى بحقد وكبت بقلبه كبير: قول كل شي تعرفه بدا صديقه يتكلم عن اخبار ديرة السور وانه قرب عرس مهيبب احتدت ملامح يحيى من الاسم وهو عرف ان كل شي لعبه من ابراهيم ووو بس هو حقد على مهيب الي يشوف انه بياخذ حبيبته منه!! سوير! يحيى: لازم تروحون للعرس وتقدمون الهديه الواجبه علينا ابتسم صديقه ووقف: ابشررر ماطلبت وراح ندفع الي دخلك السجن السبب وانا مانسيت الي بينا يايحيى وطلع من عنده راجع لديرة هو وباقي الرجال الي جايين معه وهم كذا مايطلعون من ديرتهم للاماكن هذي الا جماعات وهمس لهم: عندنا عررس خليهم يجهزون الفرقه بنقوم بالواججب ضحك الرجال: يعني نويتو! تنهد بقهر: باذن الله. وركبو سياراتهم القديمه وتوجهو لديرة الغجررر. '—————————' يوممم العررس الكبييير المنتظر من الكل فعلاً!!!. منكم ومني! ومن مهيب ومارية ومن اهله واهلها وحتى اهل الديرة وكان على عكس عرس سامر كككل الديرة فيه كبير وصغير كلهم فرحانين لمهيب واهله وطبعاً ابو مارية جاء قبل العرس وسوا عشاء كبير لانه حلف يسوي لسلامة بنته ورجعتها بس عاد من تحديد العرس اضطر يروح مدينته ومن قبل العرس لين بعده بايام بيستمر العشاء ويشوف انه قليل بحق الهديه الي رجعها ربه له!،.. '—————————' اما عروستننا قبل تروح لديرة نزلهم رامي لاقرب صالون هي وامها وجمانه الي مرتاااحه بتعامل رامي الجديد وتحس بمشاعر جديده تتجدد بداخلها وحتى قبل تنزل وقفها وعطاها مبلغ كبير! رغم ان هي مهرها للحين موجود ومالمسته وكانت ناويه تشتري منه بعد عرسها بس رامي مو معطيها مجال ومغرقها بكرمه اما مارية مششاععر على بعض هي خوف هي توتر هي ترقب هي فرحه ماتتدري بس ان قرص بطنها من التوتر مو مخليها ترتااح واشترطت على الكوافيره ماتسوي لها اي شي! تبي شي ناعم ناااعم يناسبها ويناس اجواء الديرة واكتفت بانها تتركه مفتوح برفعه بسيطه من قدام باكسسوار شعر ناعم وثبتت لها الطرحه الساده الطووويله فيه وكان المكياج اكثر نعومه بعد والروج الاحمر كفيل بانه بذبح مهيببب! وقربو منها امها وجمانه بانبهار بنعومتها وحححلاوتها وبدت تقرا عليها امها الاذكار وجمانه همست لها: يمهه ولد عمي بيروح فيها وش هالحلاوه وش هالجمممال ' ' ' '—————————' ضحكت مارية بخجل وهي تلف وتشوف نفسها كانت مُبهره واننيقه حيل واتصل جوال جمانه وردت: هلا رامي! طالعيين طالعين ولفت عليهم: رامي ينتظر برا ابتعدت امها بعد ماحضنتها مارية وطلعو لرامي وحركو لديرة! الي بياخذ منهم المشوار ساعات بس هم محركين من بدري وطول الطريق ورامي يحاول يسرق نظرات لجمانه بيشوف زينها بس كانت لامه شعرها بطريقه جميله والمكياج سوت لنفسها لانها ماتبي تتكلف وهم بالديرة! الي كل ناسها بسسيطه ومكياجهم عباره عن كحله بس واذا مرا؟ حمرة يحطونها البنات الكبار بسس!. '—————————' اما العررريس رافقو اخوانه من بيتهم لحلاق الديرة واجتمعو كل اصحابه عنده وهم يغنون له بفرررحه غامره وكان مهيب اليوم فعلاً مُهيببب وعريس مهيب بشكله وهيبته وعريس بطلته وفرحته وكان مو مستوعب انه خلاصصص الهم زال والمشاكل بعدت والعروس صارت قريبه والفرحه بيفرحونها وطبعاً مشاعره بعرسه الحالي ومشاعره بعرسه السابق شتااان بينهممم وتنهد فجأة ولف عليه قايد: وش جاك ياعريس ابتسم مهيب: سععيد شد قايد على كتفه: وعسااااه دوم ياخوي تمتم مهيب: امممين وخلصو من الحلاق وطلعو من جديد ورجع لبيتهم ودخل غرفته ولبس ثوبه وطلع لابوه واخونه الي بالحوشش وركضت له جوزاء بعادتها وهي العوووده وبخرته على اصوات مباركتهم وقرب مهيب يسلم على ابوه الي وصاه مايلبس بشت! ولف على قايد واخذ منه البشت ولف على مهيب: هذا بشتك يابوككك حضنه مهيب بفرحه: ممشكور يبه مشكور همس له شامخ: سامحني ياوليدي! باس مهيب راسه ويبده وبخوف: لا يبه لا تطلب هالطلب لانك ماسويت شييي ومافيه شي اسامحك عليييه تمتم شامخ: الله يرضا علييك وزغردو له خواته يوم سلم على امه الي بكت وبعدها خواته والتوأم الي طالعين غيير اليوم! وطلعو بعدها للمخيم الي من امس جاهز بعد عشاء ابو مارية الي يفكر ينقل لديرة! ديرته السابقه والي بنته مستقره فيها الحين وهو يحس انه كبر وتعب ويبي اجواء الديرة وبذات بعد الي صار مع مارية وخطفها يحس انه خطف من عمره كثير! واخته عبير وش صار عليها؟ ابو مارية زعل منها كككثير كثير كثيرر بس هي تبقى اخته ووحيدته وامن عليها ببيت زين ويرسل لها مصروفها كل شهر وصارت هي تعتني بولدها المشلول!!. ' ' ' '—————————' قبل يطلعون رجعت جوزاء وقالت: يمممه انا باخذ العود لبيت مهيب ابخره والحقكم للعرس تعرفين مارية بتروح له على طووول ام قايد: طيب يايمه يلا يلا مابقى وققت وتفرقو البنات كل وحده تخلص شغله وغيثاء تحس بالبرود متملكها من يوم وصلتها ورقتها مع اخوها وكانت تتاملها كل يوم اسمها واسمه وكلمة مطلقه تنهد بحزن وهي تتامل حُمرها ومدت يدها لحمره ورديه بس رجعت بسرعه للاحمر وحطت منها وهمست لنفسها: انت قوية وماتغير شي!!!. وطلعت ولحقت خواتها وهي تحاول تتصرف طبيعي مع ان احساس الخيبه جالس يكبر بقلبها!. ودخلت بيت جدتها الي مثل العاده العرس هنااك واستغربت الدقاقه الي جاايه! والي تذكر انهم نفسهم الي جو قبل بعرس افنان وجمانه! وسحبتها فجر وهمست له: تشوفينن نفسهم جو! وسالتهم امي وقالو عرفو ان عرس مارية اليوم وجو عشانها وان هذي صديقتها واسمها سحرر وهي تعرفها وهي الي ساعدتها! غيثاء بقلق: دامها صديقتها زين بس ياخوفك تشوفها مارية وتتضايق لانها بتذكر الي صار قبلل! فجر: لا شكلهم زينين وبيقومون العرررس جلست غيثاء: ايه سمعت دقهم وزينن وقفت فجر: فيني رقصصص بطلعه كله الليله وغمزت لها: والاحمر دايم وابداً لايق لكك! ضحكت غيثاء باسف من اختها الي ضحكت ودخلت ترقص بين البناتت وفجأة انتبهت غيثاء لنظرات سحر الي فجأة وقفت وراحت جهة المطبخ الي يجهزون فيه الشاي والقهوه واشرت لغيثاء الي وقفت وراحت لها!. '—————————' بعد وقت وصلت مارية الي دخلت لبيتها هي وجمانه وامها وراح رامي لعرس الرجال وكانت جوزاء تنتظرهم وزفتها بصوت الزغاريد والفررح واستقبلتهم ريحه العوود وسلمت عليهم جوزاء وباركت لمارية بححب وفرحه حقيقيه وجلست مارية بالصاله الي مجهزه لها جوزاء فيها مويا وقهوه وشويه فطاير وحلا جوزاء: وبكذا كل شي كامل ان شاء الله وتطمنو على وضعها وطلعو راجعين للعرسس وتاملت مارية البيت حولها بقلب يرررقع! هذا بيتهااا وهنا بتشوف عريسهاااا حبيبها وزوجهااا رفعت يدها الي ترجف ودعت ربها: يارررب وفقني معه وارزقنا السعاده والذرية الصالحه وراحة البال والحياه السعيده وتنهدت بقلب مقروص وماتدري كيف الوقت بيمر ويعدي! وبنفس الوقت ماتحس براحه وماتدري ليش قلبها مقروص وعشان تضيع الوقت والتفكير وقفت تتفرج عالبيت بحب وانتماااء الا غرفة النوم ماقربت منها! واخيراً اخذت شنطتها الصغيره الي جات فيها وهي تعدل روجها وتتعطر وتنتظر!! ' ' ' '—————————' طلعت جوزاء من جديد للحريم وهي تباشر وتقهوي لفت فجأة لناس الي دخلو وطاح من يدها الفنجان وهي تشوف الاجنبيه! داخله معهمم واحتدت ملامحها بكره وغضب وركضت افنان بسرعه لاختها وهي تسحب القهوه منها وتسحبها معها وعيون جوزاء للحين عالباب وتحاول تسحب نفسها وترجع! ودخلتها افنان لاقرب غرفه وصرخت جوزاء: شفتي مين جاااء!! حطت افنان يدها على فمها وهي اول ماشافتها دورت جوزاء عرفت ان ماراح يعدي الوضع على خير: ااششش شفيك خلي اليوم يعدي عشان امي تكفيين جوزاء وطار عقلها: وش اعدي ووش ما اعدي هي بكل وقاحه جااييه بعد كل شي صار بسببها افنان: لا تنسين انها زوجة سامر الحييين وحنا ماندري وش صار ياجوزاءء يمكن تكون مثلك مظلومه جوزاء بحده: لا تقارنينها فيني ماعاشت الكسره والخيبه والتعلق والطلاق وكلام الناس وعوار القلببب وش عاشت من ذول عشان تقارنينها فيييني هذي ساحره وخاطفه وانا ماراح ارضا تبقى هننا! افنان وبتوتر: جوزااء نفسنا يمر عرس واحد على خير تكفيين حتى غيثاء مالقيتها وش تبون يصير فينا انتو! وبحده: الحين يلا اطلعي واطرديها ووش استفدتي بعده! غير انك بتصيري الغلط والناس بتاكلك زياده وهي بتصير المظلومه واجهي الحقيقه وانك بتشوفينها باعراس كثييير وهي يمكن ماعاشت شي من الي عشتي بس بعد ماندري وش عاشت بحياتها انتِ الحين اهههدي وروقييي مو مستاهله تزعلين امي منك عشانها!!! تكفين جوزاء! صدت جوزاء وهي تهز جسمها بغضب ككبير وفجأة قالت: وين غيثاء! افنان: ما ادري تقول هالطقاقه صديقه مارية واخذتها لها تبي تشوفها جوزاء: كان رسلتها مع اي بزر!! رفعت افنان كتوفها بما ادري وتاففت جوزاء وطلعت وطلعت وراها افنان بخوف وارتاحت وهي تشوفها تصد عن جهه ساندرين وحور واسيا وام عيسى الي اعتذرت ككثير كثير من فوزيه لدرجه كلهم دمعو وهم يعتذرون لبعض وتسامحو من بعض! وكانت بدايه جديده للعيلتين ام عيسى: انا وانتِ بينا حفيدات والله قلبي منفطر عليهممم ام قايد بحزن: الحمدلله على كل حال والله يهدي القلوب ويجمعها تمتمو كلهم بامين وقربت اسيا بفرح وهي تسلم على عمتهاا من جديد وباركت لهاا ام عيسى: الله يرضا عليك يابنتيي، تفضلو المكان مكانكمم وراحت تشوف الضيوف الي دخلو وجلسو هم مع باقي الضيوففف تحت نظرات جوزاء المجروحه!. ' ' ' '—————————' جلست غزلان بتعب من حملها وهي من يوم وصلو وقالو لهم طااارو من الفررح وصارو ما يخلونها تسوي شي بس هي الم ظهرها من الطيحه والم رجولها مو مريحهااا ابداً وانتبهت ل الي صار مع جوزاء وشافت قلق بناتها وهي مايدرون يسلمون على جدتهم ولا لا من نظرات امهم المكسوره! عورها قلبها عليهم كلهم ضايعين وحتى جوزاء الكبيره العاقله!! تحس بضياع وجرح من الي يصير هي للحين ما سامحت عيسى والي يجرح اكثر وجده زوجته الي اخذها عليها والي يقهر اكثر ان حور الي كانت تبيها هدى لذياب بعد موجوده! وطول وقتها هدى تروح لها وترقصها وكانها توصل رساله!!!،، '—————————' وقف مهيب وهو يسلم ورجع يجلس ويرجع يوقف ويسلم وعلى هالحال من ساعاتتت وكان سامر وحسن موجودين ويساعدون باقي الشباب بالقهوه والمباشره عليهم وماقصرو مع مهيببب وقايد ورامي سوالف مره واشراف مرا وحتى صقر حضر بس كان هادي وجالس بعيد عنهم مع ابوه وكان مغصوب بجواته وحيل متضايق من الوضع ووده لو يطلع من العرس! وفجأة فز مهيبب بفرحه ل الي دخل وهو يسلمم مهيب: مجااهد! ياهلا ويامسهلا نورتنني ضحك مجاهد بفرح له وحضنه: اللفف الف مبروكك يامهيبب سمعت بعرسك وقلت دام شغلي اليومين ذي قريب من ناه امرككك ونكسب المباركه لك مهيب بابتسامه: شرفتنني ياهلا ياهلا تفضلل ودخل مجاهد وهو يسلم بصوت عالي وجلس وقرب فهد يضيفه القهوه والتمررر وبعد وقت دخل جابر الي تو قدر يوصل الديره وسلم على مهيب: الف مبروكك ياعريسس مهيب: الله يبارك فيك بشر! جابر: اابد كل الامور بخيير هز مهيب راسه بفهم ودخل جابر يجلس جنب قايد وجلس مهيب ولف على ابوه ال يساله عن مجاهد وقاله مهيب انه التاجر الي تعامل معه من قبل بسالفه الذهب! ومر العرس جمميل واستثنائي عندهم وهو ثاني عرس جميل على اهل شامخ! وماتصير فيه عوائق وقلطوهم على العشاء وتفرقو بعدها الا الشباب الي بيزفون مهيب لبيته وقبل الزفه وقف مهيب على اتصال جواله وطلع وابتعد شوي عن المخيم: هلا ذيياب مهيب: ماهو مشكله ماهو مشكله اتصالك يكفي ياخوييي الله يباارك فييك والعقبى لتوأم اممين اميين يلا انتبه لطريق فامان الله وقفل جواله ولف وانتبه ل الي جاي مقبل يمه وكان مجاهد الي من لبسه عرفه رغم الظلام مهيب ويوم قرب وتاكد من وجهه: مجاههد والله انك فرحتني بج وسكت بصدمه على صرخه مجاهد الخافته والسلاح الي طلعه من تحت فروته البنيه الكبيييره: اااص ولا كلمه ولا بيتفرغ براااسك ' ' ' '—————————' مهيب بذهول!: صلِ على النبي يارجالل وش جاكك مجاهد بقهرر: ضححكت علي وشفتني طيب واكلمك واضحك معك وقمت تستغفلني وتستغلني دخلتك بيييتي واطعمتك وشربتك وجايني تمثل انك تبي الجواز من عندنا واقولك اسرار الحرمه وتطلع داسوس وتعلم عنهم الشرطه!!! مهيب وهو مصدوم كيف خلط كل شي ببعض: انت عرفت ساره الي كانت عندهم مين طلعت! وانها زوجتي وهم خاطفين لها وانا ما استغليتك بالبدايه كنت فعلاً زايرك وجاي نيتي اشتري الذهب وصدفه شفتها ولقيتها مجاهد بعدم تصديق وهو مقتنع بالفكره الي براسه: كذاابب وبسببك يحيى ومروان اعدامهم قرببب ولازم مو هم بس يموتون لازم الي سبب لهم كل هذا يموتت وعشق سلاحه على صرخه مهيب: مجااههد لا تجنن لا تتسرع انا مظلوم بالي صار مثلكك ان قاطع كلام مهيب الرجال الي حاوطه من وراه بقوه وابتسم مجاهد وهذا واحد من رجاله! وحس مهيب بالسلاح الي صار على راسه وهمس بالشهاده وهو للحين مو فاهم شي!!! وفجأة! اندف مهيب على قدام بقوه وانطلقت الطلقه الي دوت بالمكان وقطعت سكون الليل!! ولحقتها جسمه المهيب الي طاح! بس طاح بكل هيببه!!. '—————————' فزو كلهم على صوت الطلقه وهم يرددون: لا اله الا الله لا اله الا اللهه وتفرقو يدورون بعيونهم العريس! مختتفي!! وصررخو: مممهيبب وتفرقو يشوفون وينه وهم يصرخون باسمه اما مجاهد وصديقه هربو لسياره المركونه وركبوها وهجججو واول ما شاف قايد الجسم الطايح صرخ: مههيب مهيبب ورككض له وهو يرفعه بصصصدمه وصرررخ بكل المم وقهررر: يامممهيب التمو على صوته المفجججع وانصدمو من الي شافوه وصارو يرددون لاحول ولا قوة الا بالله اتصلو بالاسعااف جيبو سياره ذبحو العررريس حضن قايد جسم اخوه المغطى بالدم وهو يبببكي بفجعه وعدم تصديقق لالا اخوي عريس بنزفه عررريس بنزفه لزوجته ماهو للقبررر!! '—————————' سمعت فجأة اصوات الصراخ الغررريبب والقوي طلت مع الشباك بقلق وشوي شوي كان الصوت يقررب: ذبحو العريسس العريسسس المهيبب ذبحوو العرريس يا ابو قااايد وكانو الناس جايين ينادون شامخ وابو مارية الي سبقوهم للبيت! ودااارت فيها الدنيا وهي تحاول تستوعب وش يقولون ووش تسمع! وهمست بضحكه خافته: انا بحلم حبيبي معيي انا بحلم هالي اسمعه ماهو صحيح وصرختتت: لااا لاا ماهو حقيييقه لااا ' ' ' ' نهاية الفصل.