رواية بحر - الفصل 15 - بقلم للكاتبة حبيبة البحر أو er - مكتملة | روايتك

البارت (15) *لا تلهيكم عن الصلاه-استغفر الله واتوب اليه* بـــــحـــر؛ كنت بطلع ولكن استوقفني صوت لي فــــتره طويله ماسمعته تميت بدون حركه وظهري معطينه هاللي تناديني التفت بخفه وانا مستغرب ونفـــس ماتوقعت كانت امي.. تميت اطالعها لفتره واهي كتفت ايدها وتطالع فيني بغضب وانا صاخ وحتى ملامحي استوت صاخه واخيــراً ..رمست امي امي-بكُره-/انـــــته تتزوج وماتخبرني ومن امنو !! بنت هاي اللي ماتسوى أنا -ابتسمت بسخريه وحطيت ايدي بجيوبي-/وامنو تبغين اتزوج !! امي-بتردد-/آآ..المسجينه..ميساء.. انا-فتحت عيوني على وسعهن-/ صدج!! اووووه فكره والله ..ليش امايا ماقلتيلي من زمـــان امي-وايد عصبت من اسلوبي وصرخت-/جـــــــــــــــب!! مستحــــــــــــيل تتم ويا بنية هالحيـوانه !! انا-عصبت وايد الا اثيـــر حرمتني من الكل لكن هاي اخر تحديات عمري مستحيل تضيع من ايدي بحافظ عليها-/ المستـحيل تحرميني من اثيـــــــر حرمتيني منج ومن حنانج حرمتيني من خوالي وخالاتي حرمتيــني من اخويه قيــس !!! حرمتيني من ميســــــاء وزوجتيها سكير وداشر !! "صرخت بحرقه" لكن هاي المره لآآآآآآآآآ امي وايد انصدمت من اشتعالي اللي ماعمره ظهر لحد مــول ولا كان حد يلاحظه عليه! لكن للصبــر حدود أنا تعبت انطب وادوس على فؤادي وتنوخذ كل حقوقي !!!! هاي خطبيتي ومن حقي احافظ عليها شرا ما اهي محافظه عليــه عدلت شماغي ومشيت عن امي اللي تمت تصرخ بقهر وانا احاول ابطئ بمشيتي عسب اسمع تهديداتها !! امي-بصراخ اتوقع الكل سمعه-/بحـــــــــــــروه يالــــــزفت والله ثــــــــــــــم والله واللي خـــــــــلقك !! لو ماتفـــــــــصخ خطـــــــــوبتك من بنــــت ال********* هـــــــــــاي والله ان تنــــــــــــدم مثل ماندمت مــــــع ميســــــاء والله لا اكــــــــلم قيـــــــس يتصرف ويآآآآآآآآآآآآآآآآك أنا تجاهلت كل هالتهديدات وسرت لسيارتي وركبت وتحركت بســــرعه ينونيه مب داري أنا بسير لوين بس جي اتحرك !! ******************* اروى؛ كتفت يـدي وانا راكبه بسيارته المزينه سووا لنا موكب بالسيارات .. تصدقون!! مستحيل احد يحط بنت عند ذيب جايع!! اي أنا انظر لهموقف بهنظره! اكيــــد لان اهلي جاهلين بكل شيء.. قصتــي مع كايد مخبيتها بقلبي ومستحيل اطلعهـــآ حسيت بلوعه البكا .. اقســــــــــــم ان شعـوري غريب ولا عرفت اوصفه لا هــو خوف! ولا هــو حنين شيء بين هالثنين !! خــوف من هالذيب اللــي يحاول بشتى الطرق يفترس فريسته ! اما الحنـين .. ضحكني وبكاني جرحني واحيان داواني وعلمــني ان مو كل شيء ينوصل له بســـــرعه وان الخيــآل !.. مايقدر يوفر لنا اي شيء وانه عالم بعيــد جدا عن عالمي !! وبعيــد كثير عن واقعي العقيم حنــــــــــــيت يا كايد..، سمعــي الحين تكرس للاصوات اللي برا السياره كانت اصوات بواري وشكــــــل الموكب كبير يعني .. اي كنت صادقه لما قلت ان الحنيــن مثل السم بالعســل يضحكني ويبكيني بنفس الوقت اضحك على حالي زمان كنت هيمانه ومو فاهمه الحياه اللي صدت عن احلامي بكل جفا كنت اتخيل زواجي بكايد كيف بيكون؟؟ بكــون بفستاني الأبيض على الكوشه وجالسه انزف من جهه وكايد من جهه تخيلت شكله وهو لابس بشت ! وغتره بيضا وكان رزه ! وجنبه ابوي اللي هو ابــوه لا ابوه متوفي شفت مناظر المحبه والراحه ! شفت نظرات عماتي المحبه وابتسامات فتــون ! اللي الحين مافيه شيء يجمعني فيهــاآ ابد شفت شــي حرمانه كان اكبـــر جروحي!؟ شفت ابتسامته ونظراته المرتبكه لو قلت لكم مستحيل تصدقون كنت حتى اتخيـل كيف بيكون الكرت؟ هه! كنـــت تافهه جد كنت اتخيل اسمي المكتوب بنقش ياخذ العقل جانب اسمه مع واو تجمع اسمي واسمع ولكن الواقع حرف هالجمله !! هي اساسا كــايد يا اروى مو لك ، اي بالضبــــط ... هذا هو واقعـــــي اللي اعيشه بثوانيه سمعت صوته المقزز يدخل لاذني فيصل-برفعه خشم-/شكل ودك تعفنين بالسياره عيوني لأول مره التقت بعيونه .. نظرتي أنا بنفسي مافهمتها ما كان لها اي معنى ! فيصل كمان نظراته غريبه كلها الم وعتاب ما اعطيت بال له ورديت بكل كبرياء عشان مايحسب اني ميته على وجهه .. انا-تكتفت وابعدت عيوني عنه-/اسمــع خلك بحالك لو سمحت احنا بيننا مجرد اتفاق فيصل قعد يطالع فيني وحســيت بنظراته اللي مدري كيف اشرحها لكم !! نظرات عتاب بوعيد بكل شيء!!!!!!!!!!! لفيت وجهي عشان اشوف وش حكايه هالنظرات انصدمت من النظرات اللي حكت لي قصــه غريبه كانت عيونه تلمع ! يا جمــــــاعه تلمع بشكل عجيــــــــــــــــب !!! أنا استغرب وحاولت افهم ليــش ارتسمت ابتسامه حزن على شفاته وانا زاد استغرابي! فيصل-بهدوء-/وصلنــا للفندق . ولف عني وطلع برا السيــــاره تســـريعاً للأحداث السامجه بعيوني ! دخلنا للفندق !!، كنــا بالســيب حق السويت حقنا قعــدت عيوني الغبيه تلف وتشوف كل شيء عيوني تبي تصد عن عيونه تصــد عن نظراته اللي قتلت كل خليه بجسمي واللــــه ..ما عادني اتحمــل عفـــت البكا اللي حصد كل خضره صدري وجرده من الجمال داخــــــــلي..اشبه بمدينه حلت عليها الحروب المتتاليه اللي اهكلتها .. دخلنا للسويت اللي تقدمني فيصل بدخوله .. وانا دخلت بعده ببطئ وانا عيوني تطالع في كل شيء ببرود زادة حيرتي في ايقاع نظري المتتالي يوم حسيــت بنظراته اللي تلاحقني بكل مكان حسيت انه تقدم لي قرب مني كثير اقــــــترب..اكثر واكثر واكثر وانا اسوي كأني مو منتبهه وضايع بصري ولكني متوتره للاخر ابـــــــي تنتهي هالليله بســــلام مـــن دون اي احتكاك فيه ! لفت عيـــوني بسرعه لجسمه اللي يقترب مني كثير شفت وجهــه ملاصق لوجهي من اليسار .. طالعت فيه من فوق لتحت وهو بانت من نظراته الصرامه وطــول وهو يطالعني بهذي النظرات ولا ازاح ناظره عني وانا كمان قعدت اشوف وش النهايــــــــه معــآه !! شوي حسيت بأيده ترتفع شوي شوي وفكرته بيمسكني .. ولكن بطبع ان الباب كان وراي مسك مقبض البــاب وراي وسكر الباب .. وبعدهــا عطاني نظره مافهمتها صــراحه ..وابتعد عني بسرعه وانا تصنمت مكاني جلس بالصاله وفصخ بشته ودخل للغرفه.. وانا جلســت بالصاله ومسكت الريموت بكل برود وجلست اقلب بالقنوات .. الشنط للحين ما جات !! وش مدخل ذا للغرفه !!!!! اي والله وش مدخله؟ مالي دخــل فيه انشالله مايطلع انشالله ولكــن الله ما استجاب دعواي وطلع الزفت ذاا عطيته نظره غضب .. انا-بهمس حلطمه-/كفايه غصبيني على وجهه ذا كمــان مو مطلع معاه الشنط يعني اجلس بفستاني ! فيصل جلس يطالع فيني وهو فاتح عيونه للاخر ، فيصل-وهو مصــدوم-/هـــي يآمجنونه!!..مين تكلمين أنا -امط الكلام يعنني زعلانه-/اكـــــــــلم نفـــسي .. فيصل-ضحك ضحكه مدويه-/هههههههههههه ايــش!!ههههههههههههههههههه ه صدق مجنونه تعرفين شهـار المفروض نوديك هناك أنا -ابتسمت بسخافه واستحقار-/ســـــــــــآآمجج !! إذا فيك شده وقوه انزل جيب الشنط بــدل طوله اللسـان فيصل -ابتسم ببرود وطلع برا الشقه - وانا ابتسمت بسخريه على وضعي ورحت للحمام عشان امسح المكياج واذا جا الغبي ذا اخذ شنطتي منه والبس بجاما وانام ،.. ولكني بعــد ماطلعت من الحمام انصدمت بالغرفه اللي لبسها الظلام فجأه !! كانت الانوار شغاله كلها ؟ استغربت الوضع وضميت عبايتي لصدري بقوه وانا خايفه حسيت بإيد تمسك ايدي بين هالظلام انــا صحــــت بفجعه وانا احاول اكتشف مين ماسك ايدي ولكن بان لي اخيرا وبعد فجعه انه فيصل نور الحمام "اعزكم الله" .. نور جزئيه بسيطه لوجهه نظراته غريبه ومخيفه ضميت عبايتي لصدري ورجعت لاروى الحســاسه نزلت دموعي على طول اخخ يا اثيــر ليت برودك ظل فيني لين بكره !! قعدت ادمع كثيــــر وانا اطالع فيه ومو قادره ابعد عيني عن عينه حبيت اخرج كل الكلام اللي احتبس في صدري من يوم خطبني لين الحين أنا -سحبت ايدي بكل قوه عن ايده وبديت ابكي واتكلم-/لآآآآآآآ تلمسنـــــــــــــــــي ولا تجيــــني انت تعبــــــتني !! سببـــــــــــــت لي مليـــــون مشكلـــــــــــــــه وجــــاي الحين تمـــــــسك ايدي "استجمعت كل الكره اللي اكنه له وضغطت على اسناني وانا انطق اخر كلماتي" اكـــــــرهك ... انصدمت من حركته الفجائيه لمن حط ايده على فمــي وهو عيونه حمرا جاني صوته المبحوح وكأنه بيبكي بعد شوي معي فيصل/احــبك.. أنا فتحــت عيوني للأخر واطالع فيه بصدمـــه ومو مصدقه سمعي كل حروفي تبعثرت من هالكلمه اللي ماتوقعت لسانه يقدر يقولها ظليت اطالع فيه بصــدمه ومو عارفه وش اقوله !! ________________ أثـــــــــــير؛ كنـت بغرفتي مولعه بس الأبجوره وجالسه وضامه مخدتي لصــدري حسيت بضيقه ما هي في مخلوق ابــد حسيت بوحده وقلق .. فتحت جوالي وانا اقلب في الصور فتحت البوم خصصته للصور القديمه والفديوهات كل الذكريات الحلوه اسجلها عشان تصير ذكرى قعدت اقلب فيه وشفت فديو قديـــــــــم ايام المتــــــوسط يوم تخرجنا أنا واروى !! اخخخخ يالزمن حسيت بدمعتي اقتربت ولكني اعرف أين اقوى من البكا وتماسكت ولكن ماخلت عيوني من الدموع شفت المقطع .. ' ' انا واروى جنب بعض عند الكيكه وفيها شموع والشموع هي اللي موضحه ملامحنا من بين الظلام جلسنا نغني أنا واروى ونتخبــل أنا اخذت بلونه وفقعتها في اذن اروى وهي غافله وجلسنا نتضارب لين كبت علي العصيــر وانا انصدمت ..والكل بدا يضحك على اشكالنا وبدينا نتضارب بمزح وضحكــاتنا تتعالى ابعدت المقطع بألم وشفت صوره غيرها وشفت صوره لي أنا واروى كانت صوره لنا وكان اول يوم لنا بالمدرسه بأولى ابتدائي .. ابتســـمـــــــت بحزن وانا احس بركض الايام قدامي عيوني تعلقت بهالصوره !!* لفيــت للصوره اللي بعدها وكانت صوره لي أنا واروى وكايد واحنا صغار كلنا بحضن جدتي الله يرحمها .. زاد حنيني لذيك الأيام الي كانت السكينه تسكنها حلوهه الطفوله .. ما كنــا نفهم اي شيء اسمه مشاكل تدرون ؟ كنت احط راسي على المخده وافكر كيف اتضارب مع كايد هههه والله كنت احب اناكفه بس اروى كانت تمنعني ! بــس يوم كبرت افكــار كثيرهه تجول بذهني وبعض الأحيان تسهرني من كثرها احط راســي على المخده واجلس افكر!! كيف بحر الحين..احاتيه ..واخاف عليه..ميساء ليش هي حزينه ليش اسمع اصوات شهيقها في الليل!!..محمــــد!! وش ناوي يسوي بكره هل بيأذيني او لا ..بلقيس؟ وحركاتها اللي ماتنبلع تدخل غرفتي وتدور اشياء غريبه !!.. امــي !! وقصه طلاقها المفاجأ ..جــــــدي كيف هو الحين وهل اخذ علاجه والله هاذي الاشياء كفيله تسهرني ليالي .. شوي ونور جوالي تولع وطلع اتصــال صحيـــــت من سرحاني ورفعت الجوال اشوف مين بيكون وكــآن بحر!! استغربت!! للحين ما نــام يعني ؟ رديت اشوف وش بيقول أنا /الو بحر-بصوت ما اعجبني ابد شكله متضايق كثير-/سلام ثيره أنا-استغربــت-/بحر؟ اش فيه صوتك كذا بعديــن انت وين صوت سيارات !! بحـر-تنهد-/بعدني ماييت للراك .. أنا -بنبره خايفه-/ليـــش !! بحر صاير لك شيء !!!!! بحر-بضيقه واضحه-/ماشي صاير لي ..ابا اجوفج اثير أنا -الحيره سكنت فؤادي-/ويـن تشوفني مثلاً! تعرف امي معارضه اني اشوفك مع اننا مملكين على بعض !! بحر-ابتسم بحزن-/يمكن تفكر اننا بنفترق !! ماتبغينا نتعلق ببعض.. أنا -رفعت حواجبي بقلق-/بحــر!!! وش قاعد تقول انت لا تخش عني بحر-بأمر-/تزهبي أنا ياي اخذج أنا -استغربت-/الساعه بتصير خمسه الفجر !!! بعدين لو تدري امي بتزعل شــوي وتسكر الخط بوجهي ابعدت الجوال عن اذنــي وانا مستغربه من اسلوبه وش فيه ذا !!.. _______________ شــمآ؛ يومــي جان حلو وايــد سرت لعرس اروى اخت اثير كانت وايــد حلوه !! ماكانت تشبه اثير يعني نسخ لصق لا كانت اثير آيه في الجمال واختها غيــر بس هــم روعه وقفت جدام المرايه مالت غرفتي جفت فستاني الفستقي الطويل واللي اكمامه كت !! وعليه حزام وايـــد نحيف ذهبي وجفت شعري اللي سويته ويفي وتميت العب فيه وانا اضحك بكل فرحه.. حسيــت بأن حياتي تبتدي من يديد وعيون مايد اهي اللي تدمعني اوصل للاخر اليوم جفته واهو يدخل ويا العريس وابو اثير !! كانت عيوني ضايعه يدورني وفي اخر لحظه لقاني والتقت عيوني بعيونه ابتسمت بخفه واهو ابتسم ابتسامه عريضه ، وكأنه يوحي لي بكلمه ما عرفت افسر معناها الحمـــد لله على مايد الحمـــد لله اننا تصالحنا أنا واهو كنت وايد غبيه ببعده وايد مجروحه ! حسيت بطعم الحياه وحلواتها وياه وادعــــــي بهالليله يا رررب اكتب لي نصيب ويا حبيــبي ! يــارب ييب اليوم اللي اتم اسمع فيه من ثمــه جلمه احبـــــج !! يارب ســاعدني !! ابا مايد بقربي دوم مب يوم .. ابي اتأمله بــكل يوم ..اجوف ملامحه..واســمع صوته..واجوف نظراته وحركاته.. مايــد، ادع وياي نكون ويا بعض لين نشيــب !! _______________ بحــــر: وصلــت لبيت امي شيخه!! وانــا مهموم حــدي!! الخبــر اللي جفته مش سهل عسب اهدى وارتاح هـــآاي اثيــر مش اي حد والله مش اي حد اهي الوحيده اللي جافتني بحــر مش الناس اللي تدور لمنصبي وعملي !! وامنو ابويه وهل أنا غني او فقير تجوف اني أنا الريـــال اللي عطيتها حب حبتني لأني بحــــر !! ومن دون ما تسألني أنا امنو أنا لازم اكــون لها عون !! اتصلت عليها عسب تفتح لي وفتحت لي واهي لابسه عبايتها وتطالع فيني بإستغراب تصنمنا جدام بعض .. طولنا وايد ونحن نطالع لبعض كسرت هالصمت اللي مسوي حاجز بيننا مسكت ايدها وسحبتها حذالي وسكرت الباب .. وسرنا للسياره ...... طبعاً الصمــت ماخذ مأخذ شكله ما بيتركنا هالليله !! ولكن اثيـر ماخلت للصمت مجال اثير-ببحه-/وين رايحين؟.. أنا تميت اطالع في ملامحها ولا رديت .. زارني نفس الشعور ..شعور البعد انـــــــــآ اتأذى لاني حبيت!! أنا وعدت الكل بيوم ما بحب ولكن!! أنا رديت اطيح بنفس الحفره أنا بودع اثيــر..!! أنا بكســر قلبها أخخخخخخخخخخخخ ياقلبي تحمل هالليله دخيلك!!! ياقلــبي تحمل كم مره تحملت؟؟ مايات على هاي .... ياني صدى بدواخلي الضميانه للاثيــر .. صدى عالي متساءل : بس هـــاي اثير !! هاي مش اي حد هاي اللي تربعت القلب لا تودرها جــي !! عقدت حواجبي بألم ورديت اطالع بالطريج وابعدت عيوني عنها هـــآاي اخر ليله لي وياج يا اثير لين الله يفرجها !! بتم اشتاق لج ولصوتج ولروحج ولطفوليتج !! وما اجوفج !!.. عزي فؤادي هالليله يا اثير..، وصلنـــا للمكان المحبوب لي كانت صخور بعيده وايــــــــــد عند البحــر !! نزلنا أنا واثير وسرنا ويلسنا فوق هالصخور !! اثير كانت تطالع في البحر وشبه ابتسامه بثمها !! أنا-بإبتسامه عريضه وانا امثل المرح-/جفتي وين يبتج !! قالولي انج حبيتي البحر وايد اثير-وجهت لي نظره عتاب مع ابتسامه-/وش فيــك اليوم!! انا-استغربت اصرارها ولكن صرفتها-/ماشي يا اثير لا تذكريني ابويه تعبانه شويه .. اثير-تغيرت ملامحها لخوف-/جــــــــــد !! سلامته انا-ابتسمت-/لا اهو زين الحين..الله يسلمج اثير ردت تتكتف وتطالع بالبحر وواضح من عيونها انها تلمع أنا استغربــت هاللمعان الغريب مسكت ويهها ولفيته لويهي عسب اكتشف شو ها !! وانصدمت يوم جفت دموعها تملي ويها الطفولي أنا رفعت حواجبي بتعجب!! اثير ابتسمت وابعدت وجهها عن يدي بسرعه اثير-واهي تطالع بالبحر-/انــت اكثر شخص شاف دموعي وحزني..انت خطير علي يابحر ! انا-ببرود-/لاني نصج الثاني! جفت دمعتها تنزل على خدها وهاي الدمعه حركت كل مشاعري وقلبت حالي حسيــت..بغضب!!! بعصبيـه !! اهـــــــي اكثر شخص اعطيته اهتمام وحب حسيت بأني مسؤل وياها !! حسيت اني محبوب منها ردت لي روحي اثير-بصوت مبحوح-/انا منحوسه!!..كل اللي احبهم يتركوني ...بحر اخاف افترق عنك أنا اشتعلت بعد هالكلمه وانا اتذكر رساله قيس القذره !! رفعت يدي ومسحت دمعتها ووعدت نفســي اضحكها بعد صيحتها هاي اللي تكســر الخاطر أنا ابتسمت واهي طالعت فيني بخوف اثير-بنبره حذره-/بحر!! وش بتسوي أنا نزلت للبحر وسحبتها وياي اثير صاحت وتعلقت فيني بخوف أنا مسكتها كويس وتميت اضحك على شكلها واهي ترفع جوالها عن الماي واهي تمت تضحك وترشني بالماي اثير شغلت الكمرا وصورت فديو وتمت تسبني أثيــر -واهي تصورني لأني قبالها-/هذا الحيــوان طيحني بالبحر والمويه بــارده ..ياحيوان والله المـــــــويه باااارده !! انا-حبيت استهبل عليها-/تعالي ضميني تدفين اثير-شهقـت-/طوط طوط طوط تشويش كأنكم ماسمعتوا ..هههههههههههه. انا-بصراخ-/اثيــــــــــــــروه اثير-ابتسمت وصرخت-/ويعــــــــــــوه ههههههه أنا فجيت عيوني على وسعهن وتميت ارش اثير بالماي واقرب منها واهي تهرب وتضحك وكل ما لها ترفع الفون مالها عسب ما يتبلل .. اثير-بضحك ونفسها راح من الركض-/ب..بحر ههههه خل..خلاص خهخهههههه ..بحــر فوني أنا وقفت عن رشها وسكنت وانا اطالعها واهي تصورني ومبتسمه انا-امثل الزعل-/بس تتبوسمين مالت عليج اثير-بمزح -/لا حــول خلصني شتبي اقولك يعني بيبدا يتغلى من الحين !! أنا -عطيتها نظره وعيد ورفعت يدي عسب برشها بالماي- اثير-بصراخ وهي وتضحك-/لا لا خـــــلاص هههههههه هلا لبيه عيوني وش تبي امر أنا ابتسمت ورفعت صدري اوني رزه .. انا-بغرور ومغمض عيوني وراسي بالسما-/احــم هيه جيه اباج ..زوجه مطيعه اثير -بعصبيه بس مزح -/لا والله قل كلـــبه مطيعه هذا اللي ناقص يا.. أنا تقدمت وحطيت ايدي ثمها انا-بغضب مزيف-/جب جب..سمعي شو بقول اثير -تمت تطالع فيني-/اهممم "مارامت تقول قول لان ايدي بثمها ههههه" أنا -شلت الفون وصورت نفسي أنا وهي وبعدها صرخت-/اشهـــــــــــــدي يا الكمرا اني احب اثير .."صرخت"احـــــــــــــبج اثيروه ومابودرج مــــول طبعا أنا كنت اطالع للكمرا واثير كانت تطالعني وابتسامه لطيفه مرسومه على ويها الجميـل * ________________ "بعـــد مرور اسبوعين" الأمارات .. 10 صباحاً #الجــــــــامعه .. بحر؛ كنت بالجامعه عند الأشجار تخبيت أنا وميساء وراها وانا يالس اقنعها لكنها هبله ما اتفهم ماتقتنع !! انا-بعصبيه-/ميـــــــساء لازم انسوي جي ميساء -بصراخ-/مستحـــيل !! انته ينيت تباني اجرح ربيعتي !! تخيل تقول جي لمايــــد ماتروم أنا-تكتفت وتنهدت وعقبها تكلمت بهدوء-/عندج تنجرح ولا تعيش ؟ ميساء -تمت تطالع فيني ودموعها بعيونها -/حتى ربيعتي بتفرقوني منها !! أنا -بصراخ-/يـــاغبيه أنا اعرف اثير مابتودرج عشاني !! ميساء -طالعت في الأرض واهي متحسفه وايد-/الله لا يوفجك ياقيس .. انتهى ..... كانت معكم ثيرو من قلب الحدث ملحوظه"الباذخه هي بتنزل لكم البارتات للاخير وبكون على علم بكل رودودكم منها آلبارتات ما راح تقدر تنزلها الباذخه ايام الاختبارات اعذروها وسلام حبايبي" يـــلا لا احد يثقل عليها المسكينه عندها ظروف وتكتب هالله هالله بالردود السنعه قد ماتحبونها اكتبو ويلا مع السلامه * * البارت قصير ولكن المعذره ظروفي جدا مو سامحه لي اطوله "كلام اثيـر "