رواية بحر - الفصل 14 - بقلم للكاتبة حبيبة البحر أو er - مكتملة | روايتك

البارت الرابع عشر (14).. *استغفر الله واتوب اليه- لا اشغلكم عن الصلاه* ميساء؛ نشيت على هدوء مش متعوده عليه والله! كنت انش على اثير وصوتها واهي تغني وترمي الملابس وتحوس بالعطور وتسكر الباب بقوه وانش بحشره شما اللي تيي وتهزني مليون مره وما اصحى وعقبها تسحب الفراش واتضايج انا وانش تلقائياً هاليوم كاان البيت وااايد صصاخ قمت للحمام "اكرمكم الله" وغسلت ويهي والخ... ظهرت ومشطت شعري ولميته على ورا وطلعت وشفت نور الشمس حادر من الجامعه الجبيره مالت الصاله تقدمت لها وابعدت الستاره وانا اجوف الدنيا ... ابتسمت بعوق ..الدنيا هاي ارزاق الله انعم على بحر ونسى ذاكرته بس انا لا... انا اللي للحين مانسيت مانسيت حنانه وكلامه مانسيت اهتمامه وسؤاله مانسيته اهو ...صديت وبعدت وكنت اقول اني رايمه ابعد ورايمه اصد ورااايمه انسى!! بس انا جذبت على نفسي وعيشتها بأوهام باطله.... بحر انا احبك..بعد فيني النبته اللي زرعتها بداخلي..بعد فيني حنين لصوتك وحنين لكلامك حنين لك انته وبس..قلبي رفض يحب غيرك!! ترضى يابحر ترضى اتألم؟ "ملاحظه؛الاحداث اللي بتقولها ميساء بعد شوي كانت قبل ماتجي اثير للقريه كانت باقي بالسعوديه ".. ' ' ولحظه الوداع اليمه وااايد!! كنا انا وبحر برع الفله مالت يدتي والكل داخل ويتزهبون لملكه خالتي حور.. بحر جان جدامي وانا جدامه ومكتفه ايدي وعيوني تبرق بالدموع وبحر عاقد حياته بندم ... بحر-ببحه-/لا تبجين... دخيلج انا-طالعت فيه بعتب ومارمست- بحر -بقهر-/شو تبين اسوي ميساء ؟ خبريني شو بإيدي.. انا-بحزن-/كككننت بتقددددر!! بحر/انا ضحيت حتى بكرامتي يا ميساء..حسي اشوي!! يوم خطبتج من ابوج قالي انته بعدك تدرس وبعدين انته مش من مستواها المادي ؟ ابوج يعاملني كحيوان لان ماعندي فلوس مو ؟ بس انا تميت احااول واحاول اوصلج!! امي وابوج وقفوني وانا اكابد اني اوصلج وانتيه وايد بعيده وقطعو علي الطريج وزوجج لزايد عسب ما افكر فيج!!!! انا -ببكا-/تستااااهل والله تستاههل!! ابويه جاان صاج انته عااطل وفااسد وماتصلح لي!!! بحر-تم يطالعني بصدمه-/اناا!!! انا/هههيه!! كان بالامكاان تقلبب الطاوله عليهمم بحر-حممرت عيوني وبرقت بعيونه الدموع وصرخ-/ششششلون؟ ياااامينوونه ششششلون ؟؟؟؟ اعطططيني حلل لوو عندددج انااا محتاار وضااايع انااا يااللس يضضضيع مننني اغلى شييي امتلكته!! اناا بفقققد حبيبتي اللي اهي امي اللي انحرمت منها وصديقتي واللي مصصبرتني على الدنيا وتوقف وياي ضدهم كلهم "بنبره تعور القلب" علميني شلون ؟؟دخيلج... انا يالس اتدمر كلماته لامست صميم فؤادي والجمت لساني... وخلتني بكما ووايد اثرت فيني انا ما اعرف الحل انا بس ابااه ينقذني شرات كل مره بس واضح الحين انه مقطوع الامل فيه وفي قربه.. انا طالعته بيأس وسبب انفعالي كله كان من فكره اني بفقده ماحسيت بأي كلمه قلتها اابد احس ان على عقلي زي الحجاب اللي مايخليه يستوعب ابببد!! انا-بغضه-/خلاص.. انتهى كل شي؟ بحر-بدموعه اللي متعلقه بعيونه ولا نزلت لقيت الجواب- انا-شديت على اسناني بقهر-/انااا اكرههههك!! اككككرههك ابببتعععد عنن حيياتي حتى موو قاادر تنقذذذني من هذاا العذاااااب مو مقققدرر اي شي انحطيت فييه عشانك!!"صرخت بقهر" سسسسسير عن عيييوني ما اباااا اجوووفكككك اااااااااااابببعد بحر-بصرامه-/ببسسس انا ااحببج واايد .... انا انصدمت بس كملت/ااابعععد عنن عيووني اناا اكرهكك اناا بنسسساك وبممحيك من حيااتي بعيشش ويا زاايد احسسن حيااه خوووز انتتته ببس وخلااص اعتبر كككل ششششي انتهى!! بحر شد على ايده بقوه ونزلت دمعته.. بس رفع ايده ومسحها بنفسه وابتسم عشان يخفي دموعه /حاضر يا ميساء..بسير عنج بعيد "بحرقه" بعععييييد واااايد وبيكون ها اااخر لقا لي وياج بس اباج تعرفين..."بحزن" ترا انا بمحيج كحبيبه وبعاملج كأخت ولكن مش ناسي اي ذكرى لي وياج ولا بنسى اي ذكرى حلوه يمعتني وياج ويوم بجوف البحر بأتذكرج... وعطاني الظهر وسار عن عيوني واهو متجه لبايكه السيارات يبا يسير بعيييد على قولته انا ريلي ضعفت وطحت بالارض لا ارادياً وتميتت اااابكككي بحرقه لفراق حب حياتي الاول ' ' كان هذا اخر موقف يمعني ويا بحر اخر مره كنت اروم اناديه حبيبي.. ومن هاك الوقت وقلبي متسكر بقفل حديدي ولا انفتح لحد تألمت واايد لان بحر فقد الذاكره ونسى كل ذكرياتي كل كلامي وكل مشاعري اللي للحين باقي ما انطفت روحها اه يابحر.... انا اشوف عمر كأنه انت!! الصدف يالسه تيمعني في عمر بشكل غريب.. احبك للحين يابحر ووايد تنهدت ومسكت بطني وانا ميته يوووع ونسيت اني ما اعرف اطبخ اووويه شو بترريق انا!! حسيت اني شويه وااابجي شو هالقهر كانت شما اهي اللي تطبخ لنا.. سرت بخمول لسده بالمطبخ ابا ادور اي شي ينوووكل بطلت السده وتفاجأت بجيس جبير فيه جبسات وفطاير وعصيرات ووايد اشياء وجفت عليها ورقه قريت الورقه ؛ ادري ما تعرفين تطبخين يلا اطفحي ميساع بالعافيه.. اثير تدريجيا ابتسمت وحسيت ان الدنيا يالسه تعوضني عن اللي فقدته قبل... وجنها تقول ها درس بسيط وهاي مكافأه صبرج.. اخذت الكيس وبطلت وتميت اظهر لي اشياء اكلها تنهدت بحيره ورديت لصمتي الدايم مرافجني الوحده هااي مشكله!! ترد لي ذكريات وايده انا احاول ابعدها اكره هالوحده... اشوف بحر فيها دوم!! حسيت بدموعي اللي نزلت من تأثير الذكرى اللي مرت بخاطري اول لقا لي ويا بحر ما ينسى ابد.. كأن هالذكرى امس يا بحر وعودك بأننا بنتم ويا بعض شلتها الريح لاقصى الارض.. "ملاحظه ؛ الذكرى اللي بتقولهت ميساء الحين قبل ما تجي اثير للامارات بسنه يعني ميساء كان عمرها 17 وبحر 19" ' ' كنت مع السايق وكان زحمه واايد بالطريج تنهدت بعصبيه وانا افكر بأمي وابويه اللي اشغلتهم دنياهم عني دوم يسافرون ومايهتمون في كيس البطاطس اللي عايشه وياهم.. ما يهتمون ان تميت لوحدي او لا!! اهم شي يستانسون صحيح اهم يحبوني بس واايد ما اجوفهم سندت راسي على الجامه.. وانا ببالي حب عمتي مهره الجبير لي واللي عوضني عن كل شي قررت اني اسير لبيت يدتي احسن من وحدتي بالبيت انا-اكلم السايق-/محمد.. سير ببت ماما جبير.. السايق هز راسه وتوجهنا لهناك جان بيت يدتي جريب من برج خليفه يعني مش وايد بعيد ونحن كنا جريب يعني.. دخلنا للحوي مال فله يدتي وانا نزلت واتأل الحديقه مالت الفله وسرت خذيت لي ورد من اللي زرعتها قبل شهور ابتسمت يوم جفتها متفتحه والوانها استهوتني اخذت نفس عميق وكملت طريجي لباب الفله الرئيسي جان كل شي ابيض الدري والدربزين والاحواض مالت الزروع والطاولات.. والباب جبير واااايد ولونه عودي دااكن سرت وفتحت الباب بهدووووء.. اكيد يدتي راقده هالحزه ، وعمتي اتوقع انها بالمطبخ تزهب الغدا انا مشيت بهدوء وعلى روس اصابعي اوني ابا اسوي مفاجأه مش يوم دخلت من الباب الرئيسي عقبه فيه سيب واايد طويل وكان على يمني ميلس الرياييل اللي ماشي فيه باب جي يبس بس.. مانتبهت ان شي حد بالميلس جفت بس انوار الميلس مفتوحه انا رميت نعالي بعشوائيه ومدري شلون جي دخلت للميلس انا كنت لابسه عبايه وعاقه الشيله يعني مش مرتبه وشعري باين شوي.. المهم سرت جدام الميلس بشويه وسمعت صوت من الميلس صوت صراخ رجولي..ويقول بصدمه /مممسسستحيل انا نقزت من الخوف وانصدمت يعني شششي ريال بالبيت اويه رديت لورا بشكل يضحك.. وطلعت راسي بس جسمي بعده جدام جفت عمتي مهره معطيتني الظهر وجدامها شاب اول مره اجوفه للحين ماحد انتبه اني متواجده عمتي مهره -بتهديد واهي تحط اصبعها عند ويه هالشاب-/ااسمعني ببحروووه!! لحححظه هاا بحر!! اووويه شلون جبر وايد انا لي عنه سنين طوويله اخر مره جفته كان عمره خمس سنين السنين تركض وماتغطي حد فرصه يتأمل ويستوعب الاحداث حوله... انا-بمرح-/هااي عمووه عمتي ذالعتني بعصبيه بغير المعتاد-/سسيري لغرفه يدتج وصدت عني انا ووايد استغربت اسلوبهاا اهي حنونه مش جي عمتي مهره/ااقسمم بالله ياابحر لو طولتها وياي ان انغص عليك عيشتك.. ولا اقول لاخوك قيس يراويك شغلك!! بحر-ببرود واهو حاط ايده بجيوبه-/ها تهديد؟ عمتي مهره-بقهر-/بببحر.. احتترم نفسك ولا تستحققرني انا اممك بحر -فتح عيونه للاخر وقال بسخريه-/اااوه!! صصصج ؟انتيه اميي الحينن توجج انتي بس ام بالاسم ولكن انتيه مش امي عندي ام وحده واهي امي شيخه!! اهي اللي ربتني على الاخلاق والمسامحه والصبر اكلتني وشربتني اعتنت فيني "بصراخ" مش الاممم اللي تحرض ولدها تتصل على اب وتقوول ترا زوجتك كانت لها علاقه بواحد ومستمره للحين عمتي انهارت وتمت تصيح بكلام مش مفهوم وتكسر الاغراض واناا وايد انصدمت هاي عمتي اللي اعتبرها احن انسانه بهالكون تبا تشتت اسره!! شلووووون جي والله مخي مب راضي يفهم عقبها جلبت على بححر وتمت تضربه وتعطيه كفوف واهو متصنم وايده بعدها بجيوبه وعاادي غنده الوضع انا خفت من هالمنظر ولا اصلااا تعودت عليه موول سرت بسرعه وحاولت ابعد عمتي ومسكت ايدها بس بائت محاولتي كلها بالفشل .. ماششي حل الا ادخل بينهم عسب ماتقدر تطقني انا دخلت فعلا وتمت عمتي متصنمه انا-بخوف-/عمووه دخييلج خوزي عنه...اهو مايروم يشتت اسره حراام عموووه حراامم ماتوقعتج جججي انتي احن انسانه عرفتها انتيه عووضتيني عن امي وابويه اللي طول حياتهم سفر من مكان لمكان.. لا تصدميني اكثر دخيلج عمتي-بعصبيه ويالله ماسكه عصبيتها-/خخخخوزي ميساء لا تجوفين شي مايسرج انا -بعناد -/مش متحركه.. خلااص دخيلج اهدي انا من حيث لا احاسب يااني كف كان بيطيحني على الارض بس حسيت بحر مسكني اطيح وانا واايد انصدمت وما استوعبت اللي يالس يحصل انا استعدت توازني بعد ما وقفني بحر.. كانت بعيونه حده فضيعه ويطالع بأمه وغاضضب مسك ذراعي وحطني وراه عسب ماييني شي ثاني بحر-بغضب-/انا ولدج حلالج.. اضربيني لكن ميساء لااااا...اههي ظهريهاا من هالاشياء القذذذره اللي ياالسه تتم !!اههي ماتعودت تجوفف جججي عمتي مهره انهارات وراحت برع الميلس وانا افرك ويهي لانه واايد احس بعوق من كف عمتي وابجي.. صد لي بحر وبقق عيونه واستغرب انا انتبهت له واستغربت جيه يطاالعني بهالطريقه!! اوويه شششيلتتتي طااتحت انا -ببكا وخوف حسيت ان قلبي طاح-/صصد ويهك اهنااك لو سممحت .. بحر ابتسم على جنب وتكتف وصد عني وانا سويت شيلتي بحر/خلاص؟ انا/هيه بحر سار لعلبه كلينكس ويابها لي ومد ايده /اخذي...مسحي دموعج انا اخذت ومسحت دموعي ويدي ترتعش من الخرعه والصدمه وكلشي.. جفت عيونه تتأمل يدي الهنتين بحزن بحر-رفع عيونه لي ببطئ وندم-/اسف على اللي استوى.. انا-مسحت دموعي ولا قلت شي بعدددني مصدومه- بحر/السموجه بنت خالي انا-ابتسمت-/ما استوى شي..واتحمل هاي امك لا تصرخ عليها شرا قبل شويه بحر-ابتسم-/انشالله..."تحولت ابتسامته لحزن" شو بإيدي الا السكوت اساسا انا-اختفت ابتسامتي شراته-/تححمل انته وايد تحملت والله بيازيك صدقني..عمتي مهره تعذبت وايد يابت ولدين وكل واحد بأرض كانت تدور من يواسيها ويمسح دموعها بس الكل نفر منها...اعرف ان ها مش مبرر للي يستوي لك...بس ابا كلامي يوم تجوف امك يرد لك وتمسك اعصابك لانها اهي بتنهار اكثر.... بحر-ابتسم-/شكراً انا بتذكر كلامج وعطاني نظره غريبه جي ماعرفت افسرها عقبها قال بإرتباك/ج..جبرتي وايد اذكرج ياهل عمرج 3 سنين انا-حسيت بحرج واايد شو يقصد ها-/هم انته.. بحر ابتسم وحك راسه /انزين...انا استأذن انا-مسكت ذراعي-/بحفظ الرحمن... ' ' ابتسمت بحزن .. ومن هنا بدت علاقه حبنا اللي مالها اي طريق لتكمله!! كم اشتاق لصوته ! ونظرته! وابتسماته انا جرحته بس انا ما كنت حاسه انا كنت بدووخه!! فرقاه كان جدام عيوني بس ما صدقت واستويت اعق رمس مب عارفه شلون بيأثر على بحر... انا كنت احبه بينون لحد اني ما اعرف شو اقول وياه احس ان عقلي يطير لبعيد ويودعني انا ندمااانه على كل دقيقه وثانيه بعيد عنه... بحر انا احبك!! احبك واحبك واحبك. شو تبااا بعد ردددد لي انااا اسفه من كل قلبي انا اسفه!! انقهرت وااايد لاني الطرف الوحيد اللي يشتاق واللي يحب واللي يتمنى اي كلمه من الثاني.. يمعتنا لحظات كلها احتواء كنت احتويه ويحتويني كنا كلنا نعيش بوحده والم.. كان يقولي دام انا وياج ما بتستوين وحيده ولا بتبجين وهاي الابتسامه ما بتختفي... رمسك يااابحر اهووو اللي ما اااختفى من ببااالي وهممم حبككك!! رحتتت وودرتني وحححيده شرااات قبل ليش انزين ليششششش!! انا واايد كافحت عشانك وعسب زله ودرتني... انته من بعدي تركت دراستك..واستويت تشرب خمر... ادري ان هالشي عشاني ببببسسسس ليششش!! انااا ابااااك انتهه ما ابا تتدمررر عشاااني ...اناااا ااابااك ترد شرات قققبل حنون ورهيييف وتحسس فيني... انا وحيده من دووونك انا مالي حححد نزلت راسي وتناثر شعري على ويهي وحسيت بدموعي تنزل وتحرق خدودي وبهالوقت بكيت بببحرقه فضيعه ودموعي نزلت على ورقه ملاحظات اللي كاتبتنها اثير واغرقت دموعي هالورقه انااا احترررق من الغيره واموت باليوم الف مررره اما اني افرق بين اثنين يحبون بعض بصدج وعيونهم فاضحه حبهم وارد لي بحر بأي طريجه؟ واما اني ادوس على قلبي واجوف وانقهر واكتم بخاطري عسب ما اظلم هالاثنين ؟؟ _______________________________ أروى؛ كنت بالسوق مع امجاد ونتقضى للزواج.. اي عروس شعورها وهي تتسوق لزواجها كله سعاده مع شويه قلق راح تفكر وش يحب زوجها ؟وش اللون اللي يجذبه؟ وبتحتار وش احلى ووش اللي مو حلو ممكن انها اصلا من القلق ماتختار شي بس تدرون ؟... انا ولا شي من اللي ذكرته لا قلق ولا سعاده ولاشي انا جسد بلا روح على قولتهم... امجاد تدخلني المحل اللي هي تبي وادخل وراها ترفع لي اي شي وتقول ذا حلو وانا اهز راسي بالموافقه من دون حتى ما اهتم للسعر او للمقاس او للشكل ولا شي ابي اي شي عشان اخلص وارجع لغرفتي وابكي كعادتي طبعا... ابي افتك من كل شي ابببي يييعدي هالشهر بأسرع وقت ممكن لاني اكره اشوف هاللحظات الي كنت اتمنى اشوفها بس كلها تكون لكايد مو فيصل!! ابي يروح عني الخوف من وعيد فيصل ونظراته الشرسه!! ابي اانحط بالامر الواقع واشوف كل شي وكل العذاب وانتهي منه وارتاااح.... كنت يا كايد معاي شصار ورررحت شششصار!! ابييييك الحين معاي اببيك انا محتاجه لك انا بعذااب وقلق ليلي بكا وصبحي بكا تعااال ساعدني انا جالسه اغرق ببير ماله قاع... انا جالسه اضضضيع عشانك تعال انقذني زي كل مره انت اللي كنت تنقذني من عماتي لما كانو يتهجمون علي انت اللي كنت تساعدني بكل شي، انت اللي كنت تغفر لي زلاتي حتى لو ما مان اكببر منهاا كااااايد..... انا احتاااجك بببقوه صحيت من سرحاني على صوت امجاد وهي تدقني انا-بجمود-/نعم امجاد-رفعت لي تيشيرت اخضر-/شرايك ؟ انا -هزيت راسي-/حلو.. امجاد-بهمس-/انتي فيككك شششي واقص يدي... التفت لها بخوف لا يكون اكتشفت!! لالا انشالله ما ابي اي شي يخري مخططاتي /وش فيني يعني!! امجاد/من متى تحبين اللون الاخضر اعرفك تكرهينه!! انا ابتسمت بسخريه والله يا امجاد انا ماحبيت اللي كنت اكرهه لكن انا ما عدت احس بشي وماصار يهمني شي ومايفرق بين احب او اكره /انا اعجبني الاخضر الحين... امجاد/الله يشفيك امشي امشي للمحل اللي هناك فيه اكسسوارات تاخذ العقل... انا-ابتسمت ويالله ابتسم لاني بالحجاب مو متبرقعه يعني كل ملامحي واااضحههه وماحبيت اوضح شي- /لا خلاص تعالي نروح فوق نشرب قهوه اي شي امجاد/امم اوكي يلا.. وطلعنا من السلم المتحرك وظليت اطالع بالناس اللي سعيده وتضحك واللي مع صحباتها واللي مع خواتها واللي مع زوجها ومبسوطين بس تدرون من هالمنظر رجعت لي مواجعي اختي مو معي!! اقرب صديقاتي اللي هي فتون تصد عني وماتسلم علي ولا عااد شفتها وان شفتها تعطيني نظرات كره!! و...وكايد الزوج اللي حطيته ببالي وحطيت كل خيالاتي معاه مو معااي الحين ولا بكون معاه بيوم ااابد وهذا ثمن التضحيه اللي بسويها... وصلنا لجهه المطاعم والكوفي وكذا امجاد -وهي تمسك رجولها- /اخخ بس انا بروح الاقي لنا طاوله وانتي اطلبي لنا سينبون وقهوه انا/طيب... ورحت وطلبت وماكان فيه زحمه واجد كنا بالظهر ادري بتقولون وش ذي رايحه الظهر!! بس عشان الزحمه وكذا.. المهم ماكان فيه كثير ناس فطلبي ما كان بيتأخر قعدت انتظر قدام محل القهوه شوي وتجي وحده طايره وجات جنبي وطلبت طلبها وانا ماكنت منتبه معاها لاني كنت افرفر بجوالي واشوف محادثه اثير كانت كاتبه لي في البيبي انها انخطبت انا فتحت عيوني للاخر وابتسمت تدريجياً ... بس انصدمت يوم سمعت الصوت اللي يطلب وكان جنبي رفعت عيوني بشويش ... وهي لفت لي بصدمه انا /ف..فتون ؟ فتون ظلت تطالعني بندم وملامح حزينه واخذت طلبها اللي اصلا كان بس مويه... وراحت عني ولا عبرتني انقهرت منهااا ليش تسوي كذااا فيني انا صصصديقتها من اولى ابتدائي.. ليش تتركني بهالشكل يعني انا وش ذنبي!! سبحان الله هي واخوووها نفس الطبع ينتقمون من نفس الشخص مع انه ماااله ايي ذنب وهالشخص انا طيب انا شسويت كنت ببيتي بحالي كايد هو اللي قتل مو اانا الله يسامحك يا فتون قد ماتقهريني انتي واخوووك اخذت طلبي وانا بالطريق للطاوله اتصلت على اثير اثير-بقلق-/الووو.. اروى انا انخطبت هههه ماني مصدقه مسستحيل!! احس انه كذب.. اناا خاايفه مابتزوج خلااص بطلت انا -ابتسمت ورحت للطاوله-/هههه مهبوله اثير/والله انتي ما راح تصدقين من خطبني انا-بأستغراب-/لا تقولين بحر!! اثير-بفرحه-/اي.. انا-بضحكه خفيفه لاننا بمكان عام-/حسبي الله على ابليسكم من اثنين.. بهالسرعه!! يلاا مبروووك يا اختي الحبيبه وينه ذااا من زمان ماخطبك كان زواجنا سوا هههه اثير-بمزح-/لا حبيبتي.. بالفصل وقلنا ايه.. بالمدرسه ويلا ..بالبيت اووك نعديها..حتى الزواج يا منحوسه يلا يلا ولا تفكرين هههههههه انا-شهقت-/ياانذله.. امجاد اشرت لي انها بتروح الحمام وانا خزيت راسي بالموافقه اثير-تنهدت بحيره-/اروى انا مره حيرانه!!.. تخيلي امي تقول ان ابوي جالس يهددنا بالقانون ويقول ان مارجعت له راح يرفع قضيه وان تزوجت بحر بيرجعني لامي لان زي كاتعرفين امي تحب بحر وبحر يعزها ولا يرفض لها طلب... بس اناا خاايفه منه هذاا مجنون عارفه وش مجنون!! خايفه انه ماخذني بس يلعب فيني ويتحدى وخلاص انا -ضحكت -/ياااشيخه!! احلفي بسس... الا انتي المجنونه والله فيه احد بيتزوج وحده عشان يستهبل ويلعب فيها !! ممكن شخص واحد بس... المهم انتي وافقي وتوكلي وخذي هالمجنون اللي يحبك!! ولا تفرطين فيه شوفي اختك شصار فيها يوم تغلت... اثير -بإستغراب-/شخص واحد؟ مين ؟ انا -ابتسمت بحزن ونزلت راسي-/هو يعرف نفسه كويس مو لازم احد يعرف... اثير-بحزن-/وكيف فيصل ؟ انا-احس دمعتي بتنزل-/فيصل..لا تطرين اسمه تكفين انا جروحي تكفي وزياده!! اثير-بحزن-/ادري انك مغصوبه بس وش تسوين !!.انا نفسسسي اعرف ليش بتاخذينه وكايد المسكين انا-بنبره حزينه-/انتي تعرفين اللي بقلبي اختك مستحيل تخون... ولا بتزوجه عشان سواد عيونه!! اثير-تمثل العصبيه-/اااقولللك!! شسالفهه انتي انا-بهمس-/امجاد جات باي ما ابي تدري بالكلام اللي قلته لك اثير -تنهدت -/اوكي حبيبتي انتبهي لنفسك بااي.. ____________________________ بحر؛ كنت احوم بغرفتي بقلق شوو ها البنيه تأخرت شوو هاا !! هااي يبالها طرااق انا اراويها سرت للسده مالت الملابس وبصري يتنقل واايد جفت التيشيرت اللي لبسته اول ماجفت اثير بالجامعه لان هالتيشيرت له ذكرى وايد حلوه .. لبسته ولبست عليه جينز ولبست الكاب مالي ونعال سبورت "اكرمكم الله" سرت للمرايه وضبطت عمري وجي وبخيت عطر واونه حركات سرت لباب وسرت طيران للباب الخارجي وسرت برع البيت.. حطيت ايدي بجيوبي واستويت امشي بهالحاره ابا اوصل لبيت امي شيخه.. مريت بالمحلات وهاك الاماكن ولمحت البحر.. ابتسمت ابتسامه عذبه وايد احب هالبحر محبه مالها اي مقياس ابعدت نظري وسرت لبيت امي شيخه وصلت للبيت بس سرت ليمين البيت اللي فيه جامه غرفه اثير وتعرفون جامات البيوت زمان نازله شويه للارض يعني جريبه لي انا ابتسمت يوم جفت الفريج خالي لاننا بالظهر وحرر موووت طقيت الجامه بعنف وانا ادعي انها بالغرفه تميت تقريباً خمس دقايق وانا اطق ... وظهرت لي واهي لابسه جلال صلاه.. اثير-شهقت وصاحت-/بحروووووه يال... حطيت ايدي على ثمهاا.. انا-بخوف-/جججججب ...جببب بتفضحينا انتيه ..اذا بتسكتين بهدج اثير تهز راسها بأي.. انا -ابتعدت ومثلت العصبيه-/ششحقه تبطلين الجامه هاه.. اثير-احسها ميته خوف قالت ببرائه-/انت دقيتها وانا خفت... فمدري كذا فتحت انا-ابتسمت وحسيت ان حبي يالس يتفجر احين وبتفضحني عيوني -/شحالج.. اثير -بحرج-/ماني بخير!! تقلع يلاا... "بنبره خوف" يووه ليش لابسس كذااا حرر موووت صاحي انت تلبس طويل انا -بنبره غبيه وهاااديه -/عسب اذكرج بأول لقى لنا اثير -فجت عيونها على وسعهن-/من جددك!! لالا مو صاااحي!! انا-رديت امثل عصبيه-/انتيهه يا اايااهل اناا لي سااعه انتظر ردج اهههي كلمه وحده من سته حروف موافقه "بمرح" سهله واايد اثير -ابتسمت بخبث-/زيد حرفين قبلها... "بنفس مرحي".مو موافقه انا-شهقت-/ششششوه ياحيوانه ششوه والله العظظظيم اغرببلج والله ماتقدرين تبعدين عني.. جب بالله ماجفتي عيونج وانتي تطالعيني قبل يومين محد يروم يبعد عن الثاني سبب يلااه سسيري لامج قووليلها موافقه عسب نعرس.. يلا حبيبتي يلا ابوي اثير-شلت نعال ورمته علي -/اممزح امممززح بعددين اذاا وافقت لا تشوف نفففسك طيب.. ولا تبدا شغل انحراف لان لو بوافق بنظل سنه لين انت تتخرج وتتوظف.. انا -ضحكت-/اووه نعال نايك ..والله اونه حركات يا ثروره !! انزين مشكوره وايد مسجينه قطوه فريجنا بتنام فيها عاد انتيه سنفوره وريولج كأنها ريول كنغر !! اثير -تخصرت.وتحاول تستفزني -/ياا سلام.. يلا رجعها اششوف انا-بمزح وصراخ-/اايه ععيب عليج انا رريلج.. "رفعت النعال بالرباط مالها وابتسمت " شكلها غاليه ؟ انزين تبغينها!! قولي حبيبي بحوري ردها فديتك اثير -حمرت وخضرت وزرقت وكلشي- انا -ضحكت ومثلت اني بسير عنها-/انزين انا ساير.. اثير-بصراخ-/لالااااااا خلااص بقول تعال.. رديت لورا وطالعت فيها انتظرها تقوله واهي مسجينه انلجم لسانها وتطالع فيني ببرائه لعبت بأظفارها شوي وابتسمت وتميت ترمس واهي ما تطالعني/حبيبي..بحوري رجعها لي.. انا/بجي فديتك.. طالعت فيني ويها ااااحمممر وتبا تخلص مني اثير-بأشبه بالهمس-/فديتك.. يلا هات انا مسكت قلبي وسويت كأني بدوخ/يمممممماااه لللحقي على ولددج اووويه بذووب اناا شزينهاا فدديتك شزينها.. يلا غلاتي لا تطولين سيري لامج وقوليلها انج موافقه ترا انا بدونج ما اسوى ...بااي وسرت عنها وبأيدي الشوز ولا ببالي اردها اصلاً حسيت بصدمتها وسمعتها تزقرني اثير/ههههييي يااقققليل الحيااا جججيب الششششوز تراا اغلى منك... اانا التفت لها واستويت بعيد شوي وصرخت/ اااغلى مننني عيييل!! انزززين ماااشي يكون ااغلى منني بقللبج اناا بببس اللي بقلببج اااااااننزيين ؟؟؟ والله ما اررردها وسرت عنها وانا مبتسم واسمعها تزقرني وانا معطينها طاف اول مره احس بهالسعاده والراحه احبج اثير ..ووايد والله اااااااحبج يا الياااهل!! __________________________ كايد؛ كنت جالس بزاويه في زنزانتي واشوف المساجين جالسين اللي يدخن..واللي يضحك ولا همه شي اما انا كنت متكور على نفسي ولا داري وين ربي حاطني ضيعت دربي بعدك يا اروى.. قامت حشايا جسمي تهذي بأسمك ولا تتوقف... يا ارووى انا احححبك!! ليش ما تسمعيني ليشش ماتردين علي... سندت راسي بألم على الجدار وانا بالقوه اتنفس.. طقتين ع الراااس توجع!!! صديقي وانتي يا اروى.. انا خسسسرت كل شششي والله.. الله غضب علي وسخط علي من الذنب اللي سويته اناا قتلت ننفس بالعممممد!!! تنهدت واناا اردد بنفسي ااااااااه .. الله يرحمك يا ابوي لو انك هنا كان دافعت عني... كان زوجتني اروى غصب عن الكل!! كان فيصل ماظهر بحياتي.. بس صار كل شي قدام عيوني بسرعه وعدت الايام وانا كل مالي احب اروى اكثر ببس حظي الردي ابعدها عني وصارت مجرد خيال ببالي.. اتخيلك بكل مكان وبكل زاويه وطيفك يجي لعندي ويمسح راسي ويواسيني اااانتي ووووينك ععععني!!! انااا مشششتاق ومقققهووور!! لاتتررروحينن لفييييصل اناا حبيبك انااااا وووبسسسس لا تتزوجييينه اااااااانتييي لللييي انااااا بسسس تعببب خاااطري يناااديك وانتي ماتسمعين!! تعببب بالللي يتخيلك ويتمنااك .. مين فيييصل هذاا اللي فضلتيييه علي.؟؟ وش سواا لك وشش جمعك فيه!! وش ححححبيتي فيه اناااا اللي احبك من زززمان... انا اللي حميتك من عمااتي.. انا اللي خفت عليك من ظظطلك!! ليش عفتييييني ليييش!!!! الله يسامحك يا اروى.. انا بموت مقهوور ودمعتي بخخخدي بموووت وانا مغبوون لان امنية حياتي تبخررت مع الهوا وقدام عيوني.. وللاسف ذا الكلام ما احد يسمعه غيري ولاا بتسمعينه ااابد... رغم انك لغيري ولكن..وش بيدي اقول الا اني استودعت قلبك من كل شي يوجعه..واستودعت روحك البريئه من كل شي يدمرها...اععيييذ قلبك من كل اذى حولك!. حمرت عيوني ودموعي بوسطها رفعت راسي لسقف عشان ماتنزل واكاابد غصتي ... غبن الرجااال غغغييير!! واالله غغغير احس ان شي جواي جالس يتقطع ويتقطع ويتقطع احس بألممم وحراره بصدري.. حسسبي الله على فيصل هذا اللي اقدر اقوله حسيت بيد تمسك كتفي وتمسح عليه التفت وشفت شاب تقريبا اكبر مني بشوي يعني ابتسم بوجهي ابتسامه باهته وواضح انها ارهقتها الحياه انا بالقوه رديت الابتسامه ../انا طارق انا-ببحه-/معك كايد طارق/هونها يا كايد... الحزن وااضح وضوح الشمس بعيونك هونها وتهون انا ابتسمت.. ومن وين تهون يا طارق!! الله كررريم طارق/وش قضيتك؟ انا/قتل طارق حسيت من وجهه صدمه/وانا قتل كمان..."ضحك بإرتباك" يعني...سامحني على كثره الاسئله بس انت متزوج؟؟ انا-حسيت بألم وحزن ووجع جيت على الجرح يا طارق لو فيصل ذاا ماطلع لي كان انا متزووج ومن زماان-/لا والله.. طارق-ضرب كتفي بخفه-/يا رجااال وانا احسبك متزوج وعندك عيال بعد من هالهم اللي في عيونك!! اقوول احمد ربك يا اخوك شف غيرك اناا قداامك متزوج!! انت لا عليك مسؤليه ولا شي بس توب لربك وريح بالك.... انا-اااخ ببس انا وراي همم كبير اروى ما كان يحميها الا انا كيف بتعيش الحين تحت ظل خالاتي ؟ هالهمم كبير بالنسبه لي كبير واااجد-/الله يعين... طارق/الا كيف قتلت انت ؟؟ انا حكيت له السالفه من دون ذكر اروى وحكيت له قديش انا متأثر هذاا صديق عمر مو يومين نفس القبيله ونفس المدرسه كيف ابا انسى يعني!!؟ وكيف بسامح نفسي كككييييف طارق-تنهد-/تعددت الطرق والموت واحد...انت الحين لا تفكر بالماضي هذي صقحه وانطوت!! فكر بالجاي فكر بربك!! اللي الحين هو غاضب عليك... انا-حزنت وزادت همومي ررربي غااضب علي ...انا لاازم اتووب واستغفر لاززززم اتققرب للله كلله ولاا الله كله ولا هووو-/بأذن الله بأتقرب له...وانت وش صار فيك عشان تقتل! طارق -ضحك بسخريه-/عااد انت مدري بتصدق ولا لا بسس على سبيل الفضفضه... اخوي.. هو كان السبب في دخولي السجن والاعدام... تخيل اننا تضاربنا على ورث ابوي وكلها مجججرد فلوووس!! انا استمع له بتعممن والاحظ ملامحه كان جججد مطبوع عليها القهررر!! طارق-تنهد-/وياا طوويل العمر مالك بالطويله..المهم انه مثل علي دور الاخ الطيب وانا صدقت على طول عزمني مره على حفله يقول انهم رجال اعمال وكذا والا والله يا انهمم بنات من كل شكل ولون وخمووور وااوووووو لو احكي لك لين بكره ما اقدر اعدها!! انا ياطويل العمر ماصصدقت قمت اتملى نفسي لا يكون اني غلطان الا والله اني غلطان كنت بطلع بس فجأه تطفت الانوار... واسمع طلق نار شويه ولا اني اسمع همس عند اذني وكان صوت اخوي يقولي ان الورث بيكون له !! وراح عني وانفتح النور ولقيت المسدس بيدي والكل يطالعون فيني مسكوني كلهمم واتصلو على الشرطه وهذاني معاك الحين بالظلم انا -حسيت بألم غيري انا عممري ما شفت احد يكره احد لهدرجه عشان فلوس صحيح عايلتنا فيها كره بس مو لدرجه الظلم والقتل!! الله يعينك ياطارق - عاد اخذتنا السةالف ولا عاد حسينا بأنفسنا مرره ااه ياارب... كم انت كريم وانا ما استااهل رغم اني عصيتك وكافأتني وسخرت لي هالشخص الطيب اللي يبعد عني وحدتي القاتله.. __________________________ فيصل ؛ كنت بالطاوله اللي ورا اروى وسمعت كل شي قالته يعني ههي ماخذتني مصلحه كنت مقرر اني ابطل فكره الانتقام وش ذنبها اروى لكن انصدمت من كلامها طططيب وحبي لك؟ وجاهدي في انك تكونين لي ؟ انتي اااغرب انسانه شفتها يييعني تحبييين غغيرررري!! انااا اووريك يا اروى اناا راح اخليك تندمين طوال عمرك وتظلين تبكين وتبكين وتتذكرين هالفيصل وش سوا وتندمين على كل هالكلاام الجارح ... ابتسمت بحزن وتحسرت على كل ششي سويته وعلى كل ذره حب كانت بقلبي لها.. فتون هي كمان سمعت وانصدمت وكانت قلقانه من شكلي المكسور .. فتون-بهمس قلقان-/في..فيصل!! انا -رفعت عيوني لها وانا مبتسم بإنكسار-/انا بكسرها لا تخافين.. وقمت وشليت الكيس اللي اشتريته لها وكنت بأهديها اياه ونصير احسن زوجين بالحياه ولكن... انا انكسسرت وانصصدمتت منها!! هااذي ماتستحق ولا ششي ما تسسحق شششي رحت لعند الطاوله ووقفت عندها وشوي وتلفت اروى بصدمه اروى تبلمت ماقالت شي.. انا -شفت امجاد وكلمتها وانا ملامحي تدل على الغضب-/ممكن تتركينا شوي امجاد -بخوف-/ااا..لا يعني.. انا/لو سمحتتتي امجاد-بهمس-/اعوذ بالله...طيب وراحت مع فتون وانا جلست قبال اروى وظليت اطالع فيها وهي تطالعني ومو مصدقه اني قدامها انا -بسخريه-/مقززه!!.تراا شكلك مقزز وانتي تلعبين علئ الحبلين ... اروى-ببرائه-/ماسويت شي.. انا-بعصبيه-/لا ولا شي! تدرين ؟ انتي ماتستحقين ولا ذره ححب حطيتها بقلبي ما تسحقين اي عطف واي رحمه كنت جاي اليوم عشان اشتري لك هديه واجيك لين عندك واعتذر.. ولكن انتي بتضطرين اسووي كل شر فيك انتي بتشوفين شي عمرك ماشفتيه صصبر بس.. "ورميت الكيس عند رجولها وابتسمت بحزن" الله حححسبي عليك!! ورحت لعند فتون ومسكت ذراعها ومشينا ____________________________ وابطالنا بهالشهر ؟ فيهم السعيد وفيهم الحزين ميساء تتأمل بحر واثير ونظراتهم وابتساماتهم لبعض واكتشفت موضوع الخطوبه وصارت بجد مغبونه وتكبت بنفسها هالالم اما الاحباب الجميلين!! بحر واثير وش تبون اشرح عايشين بأحلى ايام حياتهم واحلى اللحظات وطبعا الحب مع هالثنائي غغييير!! كله ضحك ومناقره هههههههه مايد وشما ولا اااجمل زي العسسل والله يجننون مايد يبتسم وشما تستحي وهكذاا طوول ايامهم واروى يااقلبي عليها من بعد ما تواجهت مع فيصل بالمول وحالها مايسر قلقانه وخاايفه وتتمنى لو اثير جنبها عشان تساعدها كايد لا جديد بس انه مصااحب طارق وعلاقته تقوى اكثر واكثر وبطلنا الجديد طارق عاد هذا دلوعي خلاص هههه المهم ان زوجته جات لعنده وقالت انها تبي الطلاق وتستحي انه يكون زوجها خريج سجون وهذا هو طارق بحاله يرثى لها فيصل حبيبي والله مصدوم لابعد حد!! ماتوقع انه بيزرع هالكره بقلب اروى رغم انه اذل عايلتها واذلها ولكن كانت فكرته انه بس تهديد لانه كان بحاله غضب ولا هو يعشقها ولكن هل للحين يفكر بالانتقام؟ ولا عشقه بيمنعه؟ تعرفون بتكمله بعد صلاه المغرب... اشوفكم... Like البارت الرابع عشر _ الجزء الثاني *استغفر الله وتوب اليه - لا تلهيكم عن الصلاه* * أروى؛ جالسه وقدامي مرايه كبيييره وحواليها انوار. صفرا اتوقع عرفتو ذا النوع من المرآيات وقاعده اتأمل شكلي والمكياج الناعم واللي جد يعني عجبني..قمت من الكرسي اللي كنت جالسه عليه عشان على الاقل احسس نفسي اني عروس!! شفت فشتاني الهااادي والمخصر على جسمي انا خقيت على نفسي ههه.ابتسمت لوهله على كلامي الغبي بس اختفت الابتسامه تدريجياً... بأي حق ابتسم؟ يأي حق ااافرح!! هذا مو كااايد اصحي يا اروى هذا اللي بيعذبك ويضطهدك طول العمر تصدقون ؟ حسيت ان بهاليوم ان اثير وامي وابوي وجدي وامجاد كل اهلي حاسين اني مو مقتنعه بفيصل ابوي اليوم سألني سؤال غريب!! قالي/انتي مقتنعه وتبغين فيصل ؟ لا تحقدين علي يا اروى انتي بنتي ومن صلبي وانا ما اقدر اشوفك بهالشكل!! لا ابوه من زواج والله لو بفركشه بفركشه وارجع لهم كل ريال الحمدلله عندنا مثل ماعندهم!! تدرون!! والله بببغيت ابكي قدام ابوي بغيت اكشف السر من زواجي الكاذب بغيت ارمي قناع السعاده واظهر دواخلي اللي ارهقها البكا بغيت ارجع لحضن ابوي مثل الطفله التايهه!! بس انا اتخذت قرار وحلفت ما اتنازل عنه انا مسؤله الحين عن كايد اما اعيش من دون فيصل وافقد كايد واما اني اضحي مثثثل ماضحى كايد كثير لخاطري.. وطبعا كتمت بنفسي وقلت لابوي بأني مقتنعه بفيصل وابوي ماصدقني لان عيوني مفضوحه بس ماعاد علق على شي راح شهر واستحملت فيه.. ماعاد الا الجماله خلااص هذي اخر دقايق من الاتفاق مع فيصل خلاص الحين المفروض يرسل احد يقولهم انه مسامح كايد واعتق رقبته.. ابتسمت لهالشي وانا افكر بفرحه كايد وانه بيرجع يشوف الدنيا ولكنه ما راح يخرج الا لما يكمل حكم سجن سنه يعني بيظل سنه بالسجن!! بس كويس ان فيه روح للحين الحمدلله اللي قدرني ورديت له جمايله اللي ماتنحصي واللي وجب علي اردها دامني مغادره حياته... اثير-بمزح-/ ااااي اي ششعليك عروسه وحلوه وجسم يااخذ ابو العقل!! اخخ بس يامعفنه كبرناا والله وضمتني بكل قوووه وانا ابتسمت براحه وضميتها وانا مغمضه عيوني واحس بالعذاب اللي بيجيني قبل مايجي والله!! حاولت ابلع غصتي واكتم البكوه..كلها دقايق واروح للفندق وابكي لين اقوول بس مسحت على ظهر اثير وانا ابغى اخذ كل صفاتها بهالليله ليتني اقدر ابدل بين شخصيتي وشخصيتها لليله وحده بس الله يعدي هالليله على خير والله ان قلبي قاعد يرررقع بخوووف من هالليله اللي مدري وش راح يصير فيها استغفر الله وييه وش هالوساويس اللي براسي!! ابتعدت اثير على صوت جوالها.. اثير بملامح مرتبكه /اروى..شسوي بحر يتصل علي من اليوم ويقول انه يبغى يشوف كشختي وانا اررفض اروى يمه اخاف يسوي شششي هالمنحرف!! انا ابتسمت لعلاقتهم الطاهره... محبه اطفال مافيها زعل و لا حقد ولا كره كل تعاملهم مع بعض مخاصمه ومضاربه بس القلب اهه منه بقلوبهم ححب كبير انا-بإبتسامه-/اياااني واياك يا اثير تزعلين بحر!! احتفظي فيه وراعيه حبيه بكل قلبك... بحر يحبك كثثييير والدليل انه خاف عليك حتى من نفسه انه يكلمك بالحرام او شي وجا خطبك على طول... حطيه بعيونك تفهمين!! والله لو تزعلينه لا اعطيك بووووكس على خشمك "واشرت لها بيدي كأنها بكس يعني" اثير-ضحكت -/بالله ذاا ششكل عروسه بالله!! استغفر الله بس ومااني براده عليه والله ما ارد ولا اتغلى انا رفعت حواجبي وشهقت/حححسبي الله عليك كل العايله رومنسيه الا انتي!! انتي طالعه على مين بالله!! وابتسمت بخبث واخذت جوالها ورديت انا/الو طبعا صوتي فيه ثقل شوي يعني يختلف عن صوت اثير المطفوقه بحر-بإحترام-/السلام عليكم.. ابا اثير لو سمحتي انا/اختي تستحي والله وانت الله يهديك مابقيت فيها شي طلعت كل حياها بحر -ضحك-/والله والله ماسويت شي بس قلت ابا اجوف كشختها حقي ولا مش حقي! انا-طالعت اثير الي مصدومه ووجهها احمر ومو قادره تتكلم حتى او تاخذ الجوال-/لا حقك حقك طيب كيف تشوفها ؟؟ اقوولك عرفت طريقه تشوفها ولا احد يدري بحر/يعطيج العاافيه والله مش مصدق اني بجوفها هالزفت انا-ضحكت-/طيب تعال من باب الطواري اللي ورا القاعه بيطلع على غرفتي بالدور الثاني اوكيه ولا تخاف بخليكم وحدكم بروح غرفه الملابس بسس هاه!! بدون انحراف بحر -بفرحه-/انا ياي الحين.. ثواني انا-ابتسمت -/طيب بس انتبه احد يشوفك بحر/انزين.. انا سكرت وقعد اضحك على اثير اللي ميته حيا اثير-بقهر واحراج وكل شوي-/ياااا زززفتهه لييييش كذاا لو تدري امي والله تذبحني انا -ضربتها على كتفها المكشوف-/ياااغبيييه!! تدرين متى زواجكم متى تصيرين معاه ببيت واحد!! بعد سسسنه بعد كم ؟ س.ن.ه يعني مايشوفك الا بالعبايه وبالجامعه لمده سنه وانتي تحلين له!!حرام عليك اثير-شوي وتبكي-/يوووه...طيب والله اسستحي وهو منححرف وحيوان بعدين اذا بالحجاب وماتركني بحالي كيف بذاا الفستاان النحيسس انا ضحكت واعجبني شكل اثير اللي كان يااخذ العقل من حلاوته كانت لابسه فستان اسود لين الركبه من فوق اسواريه (بدون اكمام نهائياً) وممخصر بعدين من عند بطنها تبدأ نفشه كبيره وكان هالفستان اسود سااادده مافيه اي قماش او الوان داخله فيه وكانت لابسه كعب عنابي يعني بياضها شششي فضيع مع هاللوان وكانت حاطه روج عنابي بشكل باهت ومكياجها يجنن بجد كااانت تحفه وشعرها تحفه اااكثر.. كانت فتنه بكل نواحيها وحسيت بحرجها من اياديها اللي بتطلع كلها قدامه وظهرها ورجولها وكل شي انا بربشه يوم سمعت الباب يدق رحت بشنطتي وطلعت لاثير عطر حلو وعطرتها وضبطت شعرها انا-بهمس -/ببسسرعه افتحي الباب.. اثير -بخوف-/لالا.. انا-دفيتها بأستعجال-/رووحي يابنت الحلال انا براقبكم مابخليه يسوي شي اثير بدا تطمن شوي من نظراتها وراحت شوي شوي لبباب وفتحته بتردد.. وانا ركضت لغرفه الملابس.. __________________________ كايد؛ وجا دور طارق عشان يحزن.. كان شكله يقطع القلب اقسسم اني بغيت اطلع واكسر راس زوجته حراام عليها وش هالقلب عليها!! هو يلقاها من اخوه ولامنها والله ماهي غريبه.. اذا الاخو سوا كذا مع اخوه اللي من نفس الرحم ومن نفس النسب ومن نفس البيت وش بتسوي بنت الناس؟؟ بتاخذه بالاحضان مثلاً!!! ملامحه كانت حزينه بمتوتره بأشياء مختلطه ببعض كانو اللي معاي ومع طارق بالزنزانه نايمين ما كان صاحي الا انا وهو.. هو سهران من همه.. عيونه حمرا ووااارمه ما ينلااام اقسسم بالله ماينلام امه وابوه واخوه وزوجته يوم شفت مصيبته حمدت ررربي بس دعيته كمااان يفرج هم طارق ويفرحه بأي شي ماكنت اشوفه كذا صار كل ليله بهالوضع وانا اسهر معاه واقعد اتأمله وهو يطالع بفراغ وعيووونه حمرا كأنع يستغل الظلام عشان دموعه تظهر بالنهار يواسي الكل ويساعد الكل بس بالليل هو شخص غير طفل ضعيف ماله احد... انا ولاول مره حبيت اتكلم وابعد هالهم اللي اكل قلبه-همست-/طارق وانا اخوك.. نام وخل هالدموع دخيل هالشنب طارق -اخذ نفس من بعد بكاه اللي كان من دون صوت-/اااااااه انا -مسحت على ظهره وماعرفت وش اقول - طارق-بهمس باكي-/انا احبهم وهم غدرو فيني وخلوني .. كيف انام ؟كككيييف انا -رحمته ونزلت عيوني للارض وانا بجد بقلبس رااحمه ووالله لسااني انلجم - طارق/امي وابوي...ثم اخوي.. ثم زوجتي.... ليشش انا شسويت انا مسالم ما احب آذي احد ومستحيل انغص عيشع احد!! اخوي قلت له اني مستعد اعطيه نص اللي املكه بس ما اخسره شوف شصار فيني "بغصه" وزوجتي اللي ورب المصحف قبل ماتطلب اي شي اعطيها عندها سواق وخدمات لراسها عندها كل شي تبيه عطيتها حب واهتمام ورعايه وكل شي!! وتخلت عني بهالسهوووله!! انا-بحزم-/انت طططيب واستغلوا طيبتك!! انت لا تعطيها اي احد طارق/ااااه بس... نام انت لاتسهر مع واحد تهيج احزانه بالليل لاتتعب معاي لاني بالنهار برجع طارق اللي تعرفه انا/لااا اذا تخلو عنك انا ما اتخلى.. وعد مني لك اني مستحيل اتركك طارق-ابتسم بألم-/انت بتكمل هالسنه اللي بقت..وبتطلع مابيفيد انك تراعيني لان يبصير جثه تحت التراب انا -بقهر-/لاااا مسستحيل... والله ما اخليك طارق-انسدح ونزلني معاه لين صرنا منسدحين -/نام انا بنام... انا قهرني كلامه ليش يقول كذاا ما راااح يمووت لا هذا انسان غير عن الكل باقي بفطرته فيه مشاعر حلوه فيه حلم وصبر فيه شهامه لو طلعت والله ما اخليك يا طارق انت اكثر واحد ساعدني هنا واكثر واحد صاحبني وشال عني همي حطيت راسي على المخده وانا افكر بكيف انفرج عني كيففف وش السبب؟ فيه شششي غرريب فيصل يسامحني!! من زود المحبه يعني ولا شلون والله ورااه سر كبير الله واعلم وش يكون التفت لطارق اللي نام بحسرته وهو لا تنفس يتتفس ببكوه اااخ بسس مسكين هالرجلل قد مايعطي من طيبه ووفا ياخذ حقد وحسد وكره الله يعينه ويعيني على اسعاده __________________________ أثير؛ فتحت الباب وانا احس بخووف واحس اني شويه واططيح دخل وانا ظليت ورا الباب ولا طلعت وخليت الباب مفتوح بحر -بضحكه-/منخشه ورا الباب ؟على اساس ما بروم الف ويهي اجوفج ههه انا ما عرفت وش اسوي بس تصنمت وهمست/لا تشوفني لين اجيب عبايه اختي بحر لف وهو حاط يديه بجيوبه!! هههه حتى بالثوب يسوي هالحركه انتبهت انه ارتبك وهو يشوفني وانا اتبهت لنفسي وللبسي اللي شافه اخخخيه بسس وش هاللبس الخايس ابتسم هو بخبث وسكر الباب يعني مافيه شي يغطيني الحين صرت بالامر الواقع بحر-بهمس-/اوويه.. انتيه تبغين تذبحيني موو!! انا-بإرتباك-/اص اص.. بحر-مسك ايدي وحطها على قلبه وهمس-/تحسين كيف يطق؟ انا اسسستحيت والله حسيت بإحساس خااايس مدري ابتسم من هالكلام ولا ابكي من الاحراج مدري كذاا كل شي مخلوط وااه من هالشعور بحر/قوليله يهدى انا-ابتسمت وهزيته مكان قلبه-/اهدى..خف عليه بحر -ابتسم بحب وظل يطالعني ثواني وانا ماحطيت عيوني بعينه - بحر ضمني بقوه وانا تفاجأت منه وقعدت فاتحت عيوني للآخر بحر -يرص علي بقوه-/اححبج يا حيوانه.. انا مدري ليش لساني خانني بهاللحظه/وانا كمان.. ابتعد عني بصدمه وهو يطالع فيني وانا شهقت بشويش وش هالمشاعر الغبييه اللي طلعت من قلبي ليش قلت له كذا ؟ انا مو في وعيي لما اكون معاه ابد مو في وعيي بحر-وهو يطالع عيوني-/شو قلتي؟ انا -ابتسمت وقلت بتوتر-/ كلام.. الشيوخ ماينعاد بحر-ضحك بخفه-/هيه والله انتيه شيخه قلبي. انا-ابتسمت - بحر/اوووويه ياا ابويه تعاال جوف ولدك ذاايب انا-والله ماعرفت شقول كل مظاعري طلعت بإبتسامه غبيه مدري،شلون - بحر-باسني بخدي-/اقسسم بالله شكلج اليوم فضيييع.. اقري اذكارج وسممعي لو خطبتج وحده قولي انا حرم بحر هاه بس جي عسب تظهرين فخمه انا ضربته على كتفه وطبعا هالضربه ماتسوي شي له ولا بتوجعه بس ضل يمثل انه مسكين وانها تألمه انا-ضحكت-/شرايك بعد احط وراي ورقه مكتوب عليها حرم بحر بحر-خااق -/جب انتيه لا تضحكين ترا بسير للريايل ما اعرف حتى ارمس كله بالي وياج!! انا-مددري شصاير فيني وكل مشاعري طلعت -/وانت بعد لا تشغلي بالي بكلامك ما راح اعرف ازف اختي بحر -رفع حاجبه وطالعني بحب-/ افهم من كلامج انج تحبيني انا -فتحت عيوني للاخر وحمرت -/ مالك شغل احبك ولا ما احبك شي راجع لي بحر -ضربني على راسي بشويش بس انها توجع لاني مو واحد من ربعه -/ مش هالمشاعر بي يلاا هاتيها هاتيها انا ابيها ترد لي ياجلبه انا -مسكت راسي-/ااااااي.. بحر-مسح على راسي-/اسف ياعمري "وباس جبهتي،" انا-بهمس وخلاص ماعاد معي صوت من ا لاحراج وكلمه عمري تردد بأذني-/خلاص.. بحر/شو اسوي،؟انتيه عيونج خمر وانا اسكر فيه ما اعرف شو اسوي يوم اجوفها... انا استحيت وهالكلام برد حبي اللي يحترق عليه وولهي وشوقي له هالكلام خلاني سعيده وممتنه للقدر اللي جمعني فيه وخلاني اصير معاه دوم.. ابتسمت براحه وحنان وشديت على ايده اللي كانت ماسكه ايدي وانا حاسه بأني امتلكت اجمل شي بالحياه وفمهت كلام اروى كوويس ونصايحها اني احافظ عليه.. شسويت فيني يابحر؟ انت غيرتني وغيرت مشاعري حتى كلامي واسلوبي تغير يا اجمل اقداري انااا اححبك.. بحر-شد على ايدي وقرب وجهه-/ اوعديني ماتصدين عني عقب هاك المره اوعديني نتم سوا ولا نفترج!! لاني اكتشفت بهاليومين اللي ما رمت ارمسج اني مينون واستخفييت.. انا -انحرجت من قرربه مني لذا الدرجه-/اوعدك..ما نفترق بحر -حس بحرجي وابتسم-/ وين الدبله ياحيوانه!! انا -فتحت عيوني للاخر-/لهدرجه انت اعمى!! شوفها بيدي بحر-ضحك-/انا وياج ما اعرف حتى يميني عن شمال...انزين حبيبي انا سااير هاه انا -حسيت اني ودي يظل اطول معاي بس من دون حركات الانحراف ذي كان ودي اقول بس لااازم اثقل شويه-/انتبه لنفسك.. بحر-يأشر على وجهي-/انتبهي لج.. عسب انتبه لي انا -هزيت راسي بطفوليه- بحر كان بيطلع من الباب وكنت بسكره بس رجع دخل بحر-يمثل الصرامه-/ماششي بوسه انا -شهقت-/يااا منححرف.لا مافييه يلا انقلع ضحك وباسني هو وطلع.. تصدقون ضحكته باقي بأذني حتى كلامه جالس ينعاد بأذني ابتسمت انا وطالعت للارض وانا الفرحه مو شايلتني توقعت قربه ما بيهديني هالسعاده اللي انا فيها احساس غريب جالسه احس فيه مدري ليش انا احبه هالقد بس صدق القلب مايرحم لا حب احد!! وتعلق فيه ممكن يجنن العققل مسكت قلبي مثل كل مره اشوفه فيها طيب يابحر ليش مامسكت قلبي وهديته؟ شوف كيييف يدق ما ارتحت اااابد.. ______________________ ميساء؛ كنت ببيت يدتي بغرفه الضيوف طبعا كان هالوقت اجازه بهالوقت اثير وربيعاتي كلهم بزواج اروى وانا رفضت اسير مالي خلق مووووول ابا ايلس لوحدي اشويه لاني تعيت امثل السعاده لي اكثر من شهر اتبوسم واجامل وبداخلي احترق سكرت علي الباب بالمفتاح وقعدت بالارض وانا افتح سده صغيره ليدتي بهاس الغرفه ياني فضول اعرف شو فيها هالسده بطلتها وجفت البومات صور جدييييمه وملابس يهااال وايده ابتسمت ببرود وانا اشيل البوم الاول بطلته جفت اصور ليهال ما عرفتهم.. بس عرفت ابويه اظن اللي وياه عمومي.. تميت اجلب واجلب بالصور وما جفت شي يلفت نظري سوى اصور ابويه فديته.. بطلت الالبوم الثاني وشهقت بفرحه يوم جفت اصوري عند يدتي الله على هالذكريات الحلوه كان لي صوره وانا عند ثلوج وجي ولابسه واايد وطالعه دبدوبه ههه وخشمي وااايد احمر وكان لي صوره وانا ابجي وابا اللعبه اللي بنت عمي ليان بس انصدمممت وايد يوم جفتصوره امي واهي حامب بس الصدمه يوم جفت بحر واهو صغير وايد حاط ايده على بطنها والكل مبتسم من ابتسامته معقوله كاان ينتظرني قبل ايي عن الدنيا ابتسمت بألم /انتظرني وبعز حاجتي ودرني.. حبيت ابعد عن همي شويه اااابا انسى خلاص تعبت ابا اشغل نفسي بأي شي، فتحت الصفحه اللي عقبها جفت شي يبكيني ازوود جفت صوره كنا بالمراجيح وانا مسويه قرنين بشعري ومبتسمه وراكبه مرجيحه وبحر يدفني وانا وااايد كنت مبسوطه اتوقع عمري جان سنتين جي.. طلعت هالصوره من الالبوم وحضنتها بقووووه لصصصدري وانا اااحاول ااطيب جروحي بهالصوره بس بالعكس زااد عوقي اكثر.. دمعت عيوني بحرقه وتميت ابجي وانوووووووح واتوقع صوتي واصل لاخر العماره حسيت بصوت الباب ينطق وانا ابجي واصيح ولا ابااا حد ولا ابا اجوف حد موووول حسيت صوت الباب ينطق اقوى واناااا احس بإنهياااار واصارخ قمت واخذت كل الابجورات والعطور وكل شي وتميت اكسره واصصصيح وما كنت مهتمه لحد مول اصلا اهلي كلهم بالمطعم ماشي حد اهني بس امنوووو يططق الباب احين ؟؟؟ انا يلست بتعب بعد ماجفت كل شي مكسر القزاز والعطور والاثاث مقلوب حسيت ان مشاعري الحين هااجت ما اعرف ليش تميت اااصيح واقول لاااااااا واحس ان الدنيا تقفلت بويهي وظلمتتت ما استويت اجوف اللي جدامي غمضت عيوني ودفنت ويهي بين ريولي وتكورت على نفسي وتميت اصصيح فتره واايد طوبله وفي الاخير تعبت من البكا قمت ببطئ وسرت للمرآيه وجفت شكلي كنت بووضع يرثى له!! عيوني واااايد متورمه وحمراا انا تميت احس عيوني وشلون اههي متورمه ااااه ياحالي كيف سوا فيني المجججرم اخذ قلبي وهررررب ولا عاد رجع انا استويت من ذكرياته! واهو ببالي الماضي والحاضر والمسسستقبل اناا مش رايمه بعده. تميت اغني بصوت مبحووووووح واتذكر بحر بكل كلمه.. انا/تخليني وارووح لمين ؟ وانت تدري مالس غيرك "بغصه" قهر اننني الين الحين ابيك بشرك وخيرك واقووول الااااه وتقوول البشر الله ...وماتدري واقول الاااه وتقول البشر الله وماتدري يااقلبي الزمن هذاا جحدني وانتا ماتدري يخونوننني وتضضضيق الدنياا في عيوني.. رد الباب ينطق انا-بصراخ-/ماااااااااااااا ابااااا اججججوووف ححححد ودرووووووني!! من سمعت صوت عمتي حور حسيت بالحنان كله واصل لعندي ما اعرف هالانسانه من شو مصنوعه عمتي حور /ميساء..حبيبتي انتي دخيلجج فتحي الباب ..بو تحبيني بطططليه انا استسلمت.. وسرت فتحت الباب بإنكسار وويهي احمر من الصياح والحزن ماكلني اكل انا تميت اطالع بعمتي حور بجمود وحاسه اشوي وبطيح مش متماسكه واايد عمتي حور-بخوف-/اووووووويه!!! شوووو هاااا.. عممممممر حبيبي تعال شيل حمد وزهره انا فتحت عيوني للاخر عمر اهني!! شو يااابه ؟؟ طبعا ها سر العايله.. عمر ولد عمي بس عمي تبرا منه قبل ثلاث سنين عسب اكتشفه انه مال خمور وما اعرف شو بسس والله لو حححد يعررف انه اهني مايستوي خير!! عمي اللي اهو ابوه لو عرف انه يا لبيت يدتي واللع يذبحه انا -بهمس متوتر-/حححور!!. شو يايبنهه عممر اااههني!! حور-تطقني على جتفي بخفه-/جججب!! ها ولدناا واهو واايد تغرب واهو بديرته عمر /هووود هود انا رديت ورا الباب وطبعا الغرفه كله قزاز وجي اوويه حسسيت بحرج لا جاف كل ها!! سمعت عمر جدام الباب ويا عمتي حور انا يالسه اجوف من فتحه الباب اللي تيي بالزاويه حور-همست له-/اخذ اليهال حبيبي ما ابا يجوفون التكسير.وهاي الاشياء عمر- بصدمه-/شووو ها ؟؟ عموه من مسوي جي ؟؟ حور/ميساء انا شهقت بصوت عالي ليششش تخببببره!! اوييه يالاحررااج شو بيقول عني بيقول هااي مينونه عمر -بإستغراب-/ميساء؟؟؟ يعني اااهي اللي كانت تصيح قبل شويع حور -بحزن-/هيه.. عمر/سلام بنت عمي انتيه اهني انا تنحنحت وقلت بخوف/هيه.. عمر -واهو يحك راسه-/شحاالج ربج الا بخير انا-بحزن-/بخير ولد عمي انته شحالك عمر/زين الحمدلله...انا بسير عمتي واخذ اليهال وسار عنا ودخلت عمتي واهي تنتبه لكل خطوه تسير فيها لان المكان كله قزاز ولف بصرها على الفرفه وجافت الالبومات وجافت الصوره اللي عند ريولها وبرقت عيونها بالدموع لانها صورتي ويا بحر حور/ما نسيتي بحر؟ انا طالعت للارض يحزن طبعا اهي الوحيده اللي تعرف عن علاقتي الجديمه ببحر انا -ببكوه تكسر الخاطر-/لا..انا جذاااابه مارمت البعععد مااارمتههه يا حور حور كانت وايد رقيقه وتتأثر من اي شي وعلى طول اهي صاحت وضمتني بقوه وتمت تمسح على ظهري انا -مسحت دموعي -/بكل لحظه كنت وياه عموه..كنت احس ان ماشي بيفرقنا من بعض..شو اللي استوى ؟؟ حور /حكمه الله ياميساء.. ربي مش كاتبنه لج لسبب فيه خير لج انا/ونعم بالله حور-مسحت شعري-/انتي ذكرى حلوه عنده.. مع انه فقد الذكرى.. الي يتذكرهم بحياته اهو انتي ومايد وتدرين ليش؟ انا /ليش حور-بإبتسامه-/يقول الدكتور انه يتذكر بس اللي كانوا بباله ذيك اللحظه.. اهوو تذكررج وفكر فيج بس انتيه جرحتيه وامرتيه يبتعد انا/انااااا جداابه عمووه جذاابه حور-بحزن-/بس اهو انجرح منج والقدر قاده لغيرج.. لخيره لج وله انا-بخيبه-/خيره.. حور-ابتسمت-/الله بيعوضج بأحسن صصدقيني.. انا -هزيت راسي بإطمئنان لكلام حور - حور-كأنها تتذكر-/لبسي عباتج ترا بحر وعمر تحت لان عمج علي بيي ونتفاهم وياه عسب يسامح عمر انا بخوف/يييعني اهوو سممع التكسير وصاحي؟ حور -بأسف-/هي سمع.. بس انتيه لا تعلمينه ليش فزينا انا وحور على صوت صراخ حور-بخوف-/لبسسسي عبااتج والحقيني وسارت عمتي بسرعه وانا لبست عباتي وعقيت الشيله ونزلت بسرعه كنت بأسفل الدري ويالسه اجوف عمر وبحر معطيني الظهر وعمي قبالهم وعمتي بوسطهم عمي علي-بصراخ-/ششششششو يايبننننكم ااااااهني!! عمر -بندم-/انا..ياي اعتذر لك وابا السموحه عمي علي -بغضب-/ححححور! انتيه قايلتلي ايي اهني ضروري عسسب اجووف هالجلب!! تجدم عمر وجان بيسلم على راسه بس عمي علي دفه بعيد لين طق ظهره بصدر بحر بحر-بقهر-/حرااام عليك عمممي... كلناا بشر وتغلطط وانا وعمممر تبناا وانا متأكد وواثق ان ربي بيغفر لنا عسب اننا تبنا!! عمي-بتعب-/انته اخخر واحد يرمس.. اباا اعررف شو السبب اللي خلاكم تشربون وتعصون الله وتفشلونااااااا بحر -بنبره حاده ومقهوره-/انتوو السبب! تعررف لييشش ياعمي.. انتو كلكم وقفتوا ضدي بصف اميه وعمي حاتم.. انتهه فااهم السالفه الجديمه هاي!! انا كان خاطري بميساء وانته وابوها قلتوا لي انته ماعندك منصب ولا فلوس انته ولا شي! كنتوا تعتبروني عار العايله كلها وانااا كنتت بدووون ام امي عاقتني على ابويه اللي بالقوه يروم يطلع من دوامه عشان يشوفني انتوووو كسرتووووني كلكممم!! اهتميتوا لمظهري وانا ولد امنو ومنصبي شو حتى ميساء كانت تهتمم لها الشي وتسأل وااايد وتبا اصير مليونير عسب محد يعايرها او شي بس انا الحين عرفت الصح من الغلط وكلكم ماتهموني انا لقيت اللي مايهتم لا لشكلي ولا لمنصبي ولا لفلوسي!! انته وامي وخوالي تكرهوني ما اععرف ليشش بس جيي من الله!! مع اني ياي بكل طيب خاطر ابا اصلح بينك وبين ولدك بس انته تعايرني بماضي انا ودرته ودفنته من زمان انتو دايم تنتظرون الفرصه عسب تشبون النار بويهي. وتهزبوني تنتظرون زلتي!! مع انكم اهلي بس الشكوى لله عمي... انا وااااااايد انصدمت اهو للحين يذكر!! شلووووون.يعني الذااكره ردت له حسيت بدموعي تخونني بهاللحظه وانا اتأمل بحر اللي مكسور جناحه خانتني شهقاتي والكل التفت لي وانا ركضت لغرفتي ____________________________ فيصل؛ قصايد الشعراء واصوات الفرحه والضحك واصلتني بأذني بس ما اقتنعت فيها انا جالس امثل السعاده .. قاعد اشوف طيوفه بكل مكان جالس اشوفه يستهبل وفرجان وكل شوي يجي يسلم علي ويهنيني ذا مجرد خياله ... هذااا اخوووي اللي امي ما جابته !!تؤام روحي وين هوو ماشفته !! ابيييه الحين يقولي وش اسوي اللي بتكون معاي تكرهني كره الويييل رامي انت ووووين!!تعاال لاتخلييني اناا بحااجتك هالمره.. انا جالس اسوويه صصح اناا بتهوور الليله؟ تعاااال سااعدني مثثثل كل مرره تعااااال انا فاقدك يا اخوووي فااااقدك!! حسيت بأبوي يهزني.. انا-بعد سرحان-/لبيه، ابوي/بلاك ياولدي امش بندخل عند الحريم انا-حسيت بضيقه بس ذاا قراري وما راح اتراجع حتى لو كان فيها رقااب-/انشالله وطبعا بختصر لكم هالطططريق الكئيب اللي حسيت اني امشي للموت بإيدي بنتققم مننك يا كاايد على حساب حبي!! سامحيني يا اروى.... دخلنا للقاعه ومشيناا للكوشه وشفت اروى مبتسمه وتسلم على الكل وكل من بيشوفها بيقول انها اسعد عروسه!! بس ما يكتشفها الا اللي فاهمها ومافيه غيري ملاحظ انها مغصوبه وتمممثل وبالقوه تكبت خوفها وحزنها اما انا فما زلت بجمودي. لا حتى ابتسامه وطبعا الكل متعود علي بهالهيئه لاني ما اعطي احد وجه ولا ابتسم لاي اي احد يعني طغى علي الثقل وصلت لهناك وحبيت انافسها في التمثثيل ماهي احسن مني! انا قمت ابتسم ومسكت يدها واظهرت جانبي الفرحان تصدقون انا حزين بس لاني بأنتقم منها!! ومبسوط اني بأملكها واحقق حلمي.. بس هذي فرحه مؤقته لا اكثر ارى شدت على ايدي والتفت لها وشفتها مبتسمه ولكنها همست لي بكلام جررحني حيييييل اروى-بقسوه-/شصار لكايد؟؟..انا نفذت الاتفاق دورك انت.. انا -ابتسمت بقوه كأنه ماهزني شي-/خلاص بيكمل سنه سجنه ويطلع شفت السعاده الحقيقه مو التمثيل اللي قبل شوي طلعت كل سعادتها من هالخبر لهدرجه؟ لا كذااا هي جاالسه تجرحني وتقتلني انا لازم اتدارك نفسي واردها لها ظليت اطالعها بإستغراب وكأني اسألها كل هذا عشان تزوجتك اروى-بككل قسوه وجمووود ما ادري من وين جابت هالطبع-/لا تصدق عممرك!! هذا بس قدام الناس انا-ضحكت-/ومين سألك ؟؟ اروى-بإحتقار-/لا بسس عشان لا تصدق ولا شي.. بعد ماجاو الكل وسلمو علي وعلى اروى والهدايا فااضت من الكوشه مرره كثيره الهدايا جات اخت اروى وسلمت عليها وضمتها وضلت تبكي.. واتا اتأملهم بصمت اروى-وهي تشد عليها-/يااعمممري انتي خلااص بسس لا تبكين اثير-بألم وهمس بس انا سمعته-/ااااادري انك ماتبين فيصل "ويزيد بكاها" انا واااثقه انه بيسسسوي لك ششي اروى-ابتسمت بحزن ودمعتها بعينها بس تماسكت-/افاا عليك ليش كل هالكلام "رفعت صوتها عشان تدقني بالكلام" فيصل رجال وطيب مابيسوي شي واختك قلبها قوي لا تخافين بتستحمل اي شي اثير/بشتاق لكك بالللللحححييييل اروى-بحنان-/فديت وجهك يختي ياحبيبتي وزي ماقلت لك الله الله في بحر ان صار اي شي بينكم خبريني بساعدك اثير-بحزن-/انشالله مايصير شي.. اروى-ضحكت بخفه-/انشالله يارب بس اقول يعتي الله لا يقدر اثير مرت من قدامي وعطتني نظره استحقار /الله الله بأختي انا كتفت يدي وطالعتها من فوق لتحت وابعدت نظري عنها وكأنها حيوانه قدامي اثير -شهقت-/ععععععمممممممماا يعممميك يا وقحح خخخختفووو عليييك ياحقير انا ضحكت بطريقه استفزازيه اثير-بقهر-/ممممين شششاايف نفسك يااكلب هاااه ؟؟؟ جات من وراها امجاد وتحاول تبعدها عشان مايسمعها احد وهي تكمل هجومها اثير/املااااك ابببوك ماااتجي رببع املاااك ابويه يااازفت.. امجاد-بتوتر-/اثير خلااص امشي قدامي.. اثير-وهي تدف يد امجاد-/ووخري خلي اعلمهه من يكوون هالحبوان عشان يطالعني كذا... اروى-وهي تحااول تستغل انها تستفزني -/اثييير..روحي اثير-ظلت تطالعراروى بصدمه وكأنها مو مصدقه ان اروى تنهرها- انا ضحكت بسخريه/حتى اختك ضدك يا ام املاك انتي اروى-بأسلوب مستفز-/حبيبتي اثير..لاتسمعين كلامه ولا تهتمين لنظراته لانه مافيه ذره رجوله!! ولو كان رجال ما سوى لك كذا ولا لاختك بععد اثير -ضحكت بإنتصار ونزلت من الكوشه- اما قعدت اطالعها بتحدي وهي بعد وكأننا نتوعد في بعض بعد ما اكلنا القاتوه ولبست اروى الدبله جا وقت التحدي والرابح اللي يخرج من هالتحدي بدموع الثاني ودعت اروى اهلها وانا استناها بالسياره واخيراً طلعت مع ابوها وركبت السياره وملامحها جااااامده مافيها اي شي يدل انها مقهوره و مبسوطه بس كذا انسانه بلا رووح وانا حاولت اخلي ملامحي كلها وعيد.. وهي ما اهتمت ابببد انا اعرفها حساسه وتبكي من اي شي بس مدري من وين جابت هالبرود!! والله لاخليها تبكي دم بالفندق.. _______________________ أنتهى. توقعاتكم؟ ورأيكم.. موعدنا يوم الجمعه الجايه.. Like