الفصل 13
البارت الثالث عشر (13)..
فيصل؛
خلال هاليومين تفكيري بخطتي أكتمل
كنت اشوف اجواء البيت كانت ساكنه
وفيها كميه حزن مو طبيعيه
امي وفتون لابسين اسود
ابوي حزين وبس عيونه تدمع بغبنه
وانا كمان كان الحزن متربع بقلبي على اعز اصدقائي وولد عمي واخوي...
تذكرت قلقه... وخوفه...وكرهه لمغامراتي...حبه لي ولتصرفاتي الجاهله...
وكل شي حولي يذكرني بشي...اي والله اني اتذكره بكل زاويه طيفه يعدي بالبيت وحسه الوهمي ما يسكت
والله ما اساامحك ياكاايد ولا اكوي قلبك...
انا مو محسرني الا فتون كانت تنتظر يجي يخطبها
وهو كمان ..كم كان غيور عليها وكم كان يحبها
حسيت بالغبن ومعنى كلمه اااه...
بيتنا موجوع وكل من في العزاا حس بهالوجع
صحيح رامي مو اخوي ولد ابوي وامي
بس الكل كان متعلق فيه..
كان يسكن معانا لانه يتيم... عمي وزوجته توفوا
ياما حزن وياما انقهر بس حبيناااه بأدق تفاصيله
وتعلقنا فيه...
بتنهيده تعب..... الله يرحمك
__________________________
أثير؛
حسيت ان مويه بارده انكبت على ظهري
وظليت اطالع الفلينه بتعجب
كم مكتوب احبج هنا!!
اه يااربي احححرااااج ححسسبي الله على عدوه
ادريبه كذااب بس يبغى ينتقم
يااربي وش الاحساس الباايخ
اعووذ بالله انا ليشش منحرجه ذا كذااب كله عشان ينتقم
يا الله....
ااففف ما ابي ماابي احس بذا الشعور
احس كل شعره بجسمي وقفت واحس برجفه وقلبي يرقع
ويرقص سامري ومستاانس الاخ
قعدت اطالع بعدها في شما اللي ماتت ضحك
شما /انزين تعالي خبريني شو استوى لج مع بحروه مسود الويه ها.. يقولي زاايد استوت مغامرات
انا -ابتسمت واخذتها لغرفتي مع ميساء -/تخيلي وش صار...
شفت ميساء جالسه على سريرها وسرحانه
انا قعدت مع شما على سريري ..
انا/بالبدايه.. اول ما شفته قعدت استفزه وللحين صراحه وترا هالفلينه بس تحدي ونتنافس مين اللي ينرفز الثاني هههههههه شما/ههههههههههه اوه انا اتحرى شي قصه حب
انا/اي قصه حب..
شما-تطالع بخبث-/متأكده ماشي بينكم.. عيل ليش حمرتي قبل اشوي كنتي بتموتين حيا
انا/لااا..يعني!!
شما/بثمج كلام ارمسي ارمسي..
انا-بهدوء-/اليوم... يعني توه اليوم وما كان مستقصد انه يحرجني او يوري الناس عشان يقهرتي حتى صوته واطي
شما/هيه...
انا-بلعت ريقي-/اكمل
شما/عيل...! هيه كملي
انا/شسمه...كنت متصله عشان اسأل عن مشكله صارت لولد عمي وهو اخوي وما اعتبره الا اخوي ف هو سمعني وانا اتكلم وخايفه وجلس بالطاوله حقتي بالكفتيريا..وسألني...مين هو كايد ووش يعني لي... وانا ابغى استفزه وما علمته قلت مو مجبوره وكنت بقوم..وهو....
شما-بضحكه-/شووه...ادريبه ولد عمي متهور وايد هههههه
انا-بإحراج واحك راسي-/سحب ايدي وخلاني اجلس بالكرسي وقالي شسمه ذا....قالي.... انتي..ملكي!! احم
شما-بإعجاب-/اوووووه ولدد عمممتي والله رومنسي ويعرف يكسب القلوب
انا -ضربتها على جبهتها-/ومين قالك انه ملك قلبي يخسي بس..
شما-وتفتح عيونها للاخر-/عيني بعينك كده
انا دفيتها /اقولك بلا عيني بلا عينك... الزبده خلينا من بحر !! "بحماس" انتي بتدرسين معانا وبتسكنين معي
شما -هزت راسها بفرحه-/هيه ابشرج...
انا -استغربت -/بس مو انتي تخرجتي.....
ابتسامتها اختفت تدريجياً
ميساء جات ومسكت ذراعها وسحبتها برا الغرفه
ورجعت تدخل
ميساء/مايخصج متخرجه مش متخرجه خلج بحالج انزين
انا قمت ودفيت ميساء-وصرخت-/خخييير!! وش ذا الهمجيه
ميساء -مسكت صدرها بصدمه-/دفيتني قبل شوي!!!!
انا -بطفوليه-/اي اي اي... وارجع ادفك بعد انتييي اللي لا تدخلين بأموري...
ميساء-امتلت عيونها دموع-/انتيييه الي دخلتي حيياتي ودمرتتي كل شي!!
انا-بصراخ -/مااخربت شي.....
ميساء نزلت دمعتها وطلعت برا الغرفه
وخلتني...
انا ندمت على اللي سويته اكيد عورتها
عقدت حواجبي وتنهدت ومسكت خصري
وقعدت على سريري...
____________________________
مايد؛
سرنا للمطعم وننتظر بحر يي
وين سار الهرم هاا
انا سرحت ، ابا تفسير للي يالس يحصل
الاحداث تعيد نفسها ولا شو ؟
او انها عندها يديد وممكن انصدم فيه
ردت شما تسوى عندي كثيرر
بس...اكره اجوفها ضايجه
واكره أحلم بالصلح بيني وبينها واهي عزة النفس عندها زايده
مع ان الموضوع صغير!!
وكان مجرد كلام....
بس ما تنلام كانت في موقف تحتاج اوقف وياها مش اهدها
انزين انا غلطان وبعتذر
فتره غيابها وزعلها اثرت فيني وااايد
شوقي لجوفتها تعدى الحدود ...
ابا اجوفها واسمع صوتا ووين اروم اجوف هالامنيه!!
سوى في خيالي لاني مستحيل اسير عندها واقولها سمعيني صوتج!!! ومستحيل اتعمد اجوفها!!.
مهما كان حبي لها... انا هم لي عزه نفس.. ما اروم اسير لها.. مع اني مشتاق!!
اهي السبب اللي سوت بيننا حواجز ومسافات..
وانا انسان اعطي على قد ما اخذ....
يانا بحر واهو فاج حلجه ومتسم شوو عليه!! انزين بلاه جي...
يلس ويانا بالطاوله
وانا متأكد ان بحر عمممره ما كانت هالفرحه منطبعه بويهه بهالشكل
هيه يمكن يضحك وجي...لا بس هاي الملامح مختلفه..فيها روح واحس جي معرف...متغير هالهرمم مش طبيعي...او بالاصح اثير اللي مش هينيه...اخخ منها
_____________________________
ميساء؛
يلست انا وشما بالصاله وتميت ارص على ايدها
وللحين ما ظهرت اثير من الغرفه
انا/شموه دخيلج لا تقولين لاثير شكلها وايد تحبه... لا تقوليلها عن بحر!! انزين..
شما/بس اهي لازم تعرف...
انا/ددخيييلج خليييها
شما-تنهدت-/انزين... عشانج بس لا استوى شي انتيه المسؤوله...
انا-ابتسمت-/لا تخافين
اشوي انطق الباب بعنف ..
انا وشما وقفنا برعب
واثير ظهرت برع الغرفه واهي تطالع فينا بخوف
اشوي وينفتح الباب وتطيح بلقيس...
كلنا فتحنا عيونا على وسعهن ونحن نجوف محمد يدخل سرنا بسرعه لغرفتي ويا اثير
وسكرنا الباب بس تم يدقه ويدقه وشوي وينكسر
حسيت برعب شما لاني اعرف سالفتها وياه
شما -بصراخ-/كل وحده تلبس عبايتهاا بسسسرعه
اثير-برعب-/لييششش ما رااح نفتح له
شما-بصراخ وهي تدف الباب-/بسسسرعه بيكسسره هذاا مش مااال حد يعانده
انا-بخوف-/ااااثير امشي نلبس... شما صاجه
ولبسنا انا واثير وشما فتحت الباب
واهي مرتعبه وااايد واثير لازقه فيني
محمد-ابتسم-/جفتوا... نعالي توصخ من هالباب من كثر ما دقيته
وحط بصره على اثير وفتح عينه/اوهه..حبيبه بحر!!
وقرب منها شوي شوي وانا كل شوي ادزها بعيد لين صارت وراي
انا-بصراخ-/شووو تبااا انتتتته!!! ودددرنااا اجوووف شمااا اتصليي على بحر او مااايد اي حددد
محمد التفت -وابتسم بخبث وهو يحك دقنه-/وشمااني اهني.. لالا ما اصدق ..مرحباا الساع..تصدقين ربي نجاج يومنه يا بحر ولا كنتي بتموتين ويا هاك البنيه...بس يا بحر!! حسافه والله..الحين اللي بقتل بحر واهو عايش..
شما -دمعت عيونها بقهر وما قالت شي -
انا عصبت وايد شو الاستذلال ماشششي فانون بالبلد!!
انا/مااا عااش من يقتل ولد عممتي تفهممم ودددرنا اااحسلكك خوووز اجوف
اثير وراي ومتمسكه فيني عدل
ومحمد تم يلف راسه لليمين وصار نظره ورا ظهري
محمد-مسك ايد اثير وسحبها-/تعالي سلمي علي... لا يكون نسيتيني
اثير تمت تطالعه بتحدي وغضب
واهو قرب خشمه وسلم على خشمها
وكلنا انصدمنا وتمينا نطالع فيها وفي ويهها المصدوم
تمت تمسك خشمها وتتحسه وطالعت فيه بغضب
ورفعت يدها تبا تعطيه كف
بس يات بسرعه شما وحاوطتها من ورا وردتها لورا عسب مايي محمد شي...
شما -بصراخ-/تتخبلتيي انتيه
اثير تحاول تبتعد وتحاول تفك ايد شما اللي لزمتنها
انا بنتقم لأثير!!
وتميت اشوت محمد بريوله واضاربه لين اعطاني كفف
اقسسسم بالله اني استويت بأخر الغرفه
شما-بكت-/ششششوووه تببببا ؟؟؟؟ خلصصصنااا
محمد/لالا ما اتفقنا تبكين يا حلوه ...ابا اثير بأتفاق صغير...
تعالي وياي
اثير-بعصبيه-/كل ******* ياا ياللي ما تستحي على وووجهك ولاا تحححلممم فيني و لاا تتتحلممم اتكلمم معاك ياحقير
محمد يا لعندي وقومني وطلع مسدس
وحطه عند راسي
وانا شهقت وحااولت ابعد نفسي واهو يررص علي
شما-انعاد عليها الموقف-/ميسسسساء دخيييلللج تحممملي لا تناورين خلجج خلججج
انا ثبت بخوف واطالع اثير بإستغاثه
اثير -بإستسلام-/وش الاتفاق؟
محمد/هيه جي..
وهدني وانا وايد ارتعبت وتميت اررجف
محمد/جججوفي يوم الاحد تيين للكفتيريا بعد كل محاضره وبتلاقيني اهناك وتيلسين وياي بنفس الطاوله...
وان مانفذتي!! ...امم شما خبريها شو بيستوي فيهاا انزين...وهم لو خبرتي بحر او مايد والله ماتجوفين خير
وطلع ....
وانا طحت بالارض وانا حيلي مهدود
حسيت جي ريلي ما صارت تستحملني
كنت مرعوبه وااايد من محمد هالزفت
اثير انصدمت وتتطالع بفراغ واهي سرحانه ومعقده حياتها
شما -بضعف-/اثير ..سوي اللي يبا... ها جلب وحقير..صدقيني قتل وحده جداام عيوني!! دخيللجج رووحي وقعدي وياه
اثير-بقهر-/و...وبحر!! تعرفينه كيف متهور!! والله ما اضمن وش بيسوي
شما/ماعليج منه نحن بنتصرف...
انا-بعصبيه وصراخ-/حححقققير ...يتحرى مااالي ظظظهرر!! ارااويه
شما-بترجي-/ميساء..خرجي نفسج من الموضوع..الحقير على قولتج مش ياهل بالروضه ها وراه واحد اسمه قيس...واه منه هالقيس اهو اللي مكبرن راسه ...لو مسك اصبعج الصغير متي..
اثير-بخوف-/خلاص يعني..صرت رهينته
شما-بقلق-/مش عارفه شو ناوي عليه محمد!!! الله يسستر...
__________________________
يوم الاحد 8:00 صباحاً
السعوديه <الرياض>
كايد؛
صوت مطرقه القاضي يتردد بأذني...
كنت امشي بين ممرات المحكمه رايح لزنزانتي
مصدوم وعيني بالارض.. ماتوقعت...
جدي..! انت وينك ؟؟
حسيت قلبي يتعصر على حالتي اللي انا فيها
انرميت بزنزانتي وانا اطالع حوالي الزنزانه
وماني في وعيي ...
ابتسمت بعدم استوعاب للي سمعته
حركه شفات القاضي وصوته مر من عيوني
وكلمه "يحكم عليه بالاعدام "....
وانتهاء الجلسه القضائيه...
وقيام كل من كان فيها ونظره خالي الخايبه
امي وانهيارها...
كل شي يمر من قدام عيوني
ليته كابوس....واستفيق منه بأسرع وقت
انا راح اموت!! اموت عشان قتلت رفيقي!!
ليشش ماجاات فيك يافيصل !!
ليش انت لازق بحياتي!!!
كيييف دخلت بسسسسرعه لحيااتي وقلبتها 180 درجه
كنت بكون سعيد لما يعدموني بموت فيصل!!
لكن راامي!!!! انا... مو عاارف حتى كيف اغفر لنفسي
انا استحق الموت على قتلي لاعز الناس لي!!
ضربت ايدي بالجدار بخفه!!
ثم كل مال ضربي يقوى بس ابي اطلع حرتي
ظليت اضرب واضرب واحس المي ما راح
جلست على الارض وسندت راسي على الجدار واخذت نفس
وشفت يدي اللي تنزف من كثر ما ضربت فيها على الجدار
انا بداخلي اعيد الـ آآآه الف مره واتنهد بتعب!!
قادني الحب لهمكان !! بطريقه اعجازيه
الزمان يُحبك لي المكايد والاحداث المؤلمه
عقبات كثيره واجهتها وتخطيتها
لكن هالعقبه اكبر مني كثيييير
ودامني تحت جناح فيصل ما اظن ان لي رجا
______________________________
أروى؛
كنت في مجلس الرجال وميته خوف
اطرافي ترجف... قلبي ذبل من كثر ماهو يدق بسرعه..
صوت وهو يسلم.. خلاني ازيد خوف...
وش يبي مني!! من بعد ماطلبوه اهلي انهم يسامحون كايد
وشش يبي!!!
مسسستحيل اقبل فيه... هذاا اذذل كل العايله.. وانا اجي واكرمه!! هه مسستحيل يا فيصل
انا وقفت واستجمعت قوتي...
وقمت بسرعه وهو دخل وصار قدامي....
فيصل مد يده..
انا طنشت يده وظليت اطالعه بقهر
فيصل/زعلانه ؟...هدي شوي باقي تحتاجين الزعل
انا استغربت!!! باقي احتاج الزعل
فيصل-ابتسم-/ما معاك امل الا انا... ابوي معند.. وفتون من المستحيلات..امي مو حنونه لهدرجه..تبغين كايد يطلع!! انا موافق بسامحه
طالعت فيه بأمل بس بدون ما ابتسم...
فيصل/بس مو كلشي بهالسهوله...ادري ببالك اني بنفصل عنك ...لكن شرطي اننا نتزوج وفي نفس ليله زواجنا راح اسامحه
انا ماتووقعت يسوووي فيني كذااااا
وغغغدد!!!
انا -بقوه-/وانا موافقه...بس ما اظمنك !!
فيصل /افاا!! كلمه رجال لا تخافين
انا/بشوف...
ورحت عنه وخليته لحاله بالمجلس
صرت امشي بممرات القصر وانا في باالي مليوون فكره
كايد.. انا اضحي لك الحين
انا بضحي عشان روحك تبقى موجوده بيننا
لاني احبك...
بتزوج فيصل واخرجك
_____________________________
أثير؛
دخلت للكفتيريا...
وشفت محمد جالس بأحدى الطاولات
خطواتي انشلت وانا اشوف وجهه الخبيث
واتذكر سالفه يوم الجمعه!!
لازم اضحي لميساء وشما
وش ذنبهم يتأذون!!!
لازمم اتقوا ولا اوريه جانبي الضعيف ...
بكسر شوكته الكلب..
رحت بكل ثقه وجلست قباله..وظل بصري عليه
محمد/ايوا جي... شحالج
انا -بكره-/ممكن تنطم لاني مو طايقه وجهك...
محمد كأنه شاف احد جاي لنا
انا التفت ولقيته بحر....
واقف ومصدوم مو عارف يصدق ولا يكذب
ما ينلام....
عمركم شفتوا اعداء يقعدون سوا وبكل هدوء!!
تقدم لنا وهو معصصب
انا ظليت اطالع ملامحه واستغرب لانها اول مره اشوفها
بحر-يطالعني وضاغط على اسنانه -/شو يايبنج ويا هالجلب!!
انا-تبلمت-
محمد/دخيلج ..عيديها
طالعت في محمد وش اعيد!!! غبي ذاا /هيه انت!!خير وش قلت
محمد/الكلمه االي قبل شوي..
انا-بكره شديد-/انطم ؟
محمد/قلتي لي حبيبي موو ؟؟
انا فتحت عيوني للاخر وقعدت اطالعه بصدمه!!!
الحين عرفت مقصده...
يبغى يقهر بحر... يااربي نظرات بحر تحرقني
وانا اطالعه ببرائه ومو عارفه وش اقول
لان محمد يأشر لي بأنه بيذبحني لو قلت شي
انا احترت الحين وكتفت يدي..
بحر مسك ذراعي وظل يسحبها
وانا عاندته وسحبتها لجهتي وقلت بكل قوه/بحر...ابعد واطلع من حياتي ...خلاص وخر!!
بحر طالعني بصدمه ..وسحب ايدي بقوه لين قمت
انا -سحبت ايدي وعيني صارت بعينه ولمعت فيها الدموع وهمست -/ما تلاااحظ اني دايم ابكي لما اشوفك...تكفى ابعد نفسك من هنا.. انا مضطره اسوي كذا
بحر-بعصبيه وتمسك.. سحب ايدي وصرنا نمشي-
اول مره عيوني تجي بعيونه بهالشكل..
كانت نظرته لي مقهوره وكان باين فيها التمسسسك والغيره
اخذني بعيد مره ودخلنا لممرات القاعات
ووداني بممر كان فااضي تماما..
انا سحبت ايدي بشويش
انا-بتعب-/كررتها لك كثير.. يدي لا تمسكها
بحر-بعتب-/ليش انتي ويااه..
انا-صرخت ينرفزه-/يييعني تتوققققع بررروووححح وااننااا راااضيه!!! بروووح لذااك المغازلجي !! الله يشششفيك
بحر /لا تسيرين عقب.. انا..انا احبج وايد...."صرخ بقهر" يامينوووونه تووودرينني وتسسيرين له!!
انا -انصدمت وتبلمت ورجعت عيوني بعيونه -
بحر-بتوتر-/اعرف مشاعري..يات بوقت غلط...وااااكيد بتقووولينن اني جذااااب بس انا حسسيت فيج اللي ماحسيته في غيرج...جفتي كل بنات الجامعه اللي تيي تعطيني بنها واللي تعطيني رقمها والي يعقون انفسهم علي... بس انتي الوحيده اللي رمتي تحيين مشاعري... دخيل حبي لج وصوتج وطفوليتج... لا تسيرين له لا تسيرين
انا-بس اطالع عيونه ولا مستوعبه شي -
بحر -تم يطالعني بهيام -
ظلينا نطالع في بعض لين حسيت بإيدي ترتفع
وكان بحر يرفعها
وباسني فيها!!!
انا شهقت وسسحبت ايدي وحطيتها على قلبي
واعطيته نظره مدري وش تفسيرها بس كان يغلبها الصدمه...
ورحت عنه وخليته متصنم
حسيت بقلبي بيطلع من مكانه يدق يدق يدق....
تووقعته مقلب!! تحدي!! انتقام!! اياً كانن
بسسس يطططلع صدق..
هذا اللي للحين عقلي ما استقبله
صرت امشي بخطوات سريعه وانا عيوني بالارض
باااقي احس بإحراج ...وبوسته باااقي لهاا اثر بيدي
اااسسستغفرر الله ...ياارب سامحني وسااامح هالجاهل..
يقول اني بزره وهووو البزرر اللي مايعرف اني ما احل له
رحت لقاعه شما وشفتهم باقي ما طلعو
شوي وتطلع اول وحده شما ..
رحت لعندها وانا حححدي مرتبكه/شم..شماني
شما-بقلق وكأنها تتهرب من شي -/هلا ..
انا /وش فيك ؟؟"طالعت في باب القاعه ومايد يطلع منها بسرعه"
شما-تطالع فيه بصدمه من نظراته وخطواته المتوجهه لها-
مايد جا لعندنا
انا-تغير جوي وابتسمت -/ميووود..
مايد-بغضب-/اثير سيري شويه..
انا هزيت راسي بالموافقه وكنت بمشي
شما-بخوف-/اثير..خلج
انا طالعت فيهم بإستغراب اسمع كلام مين !!
مايد-بغضب-/من اليووم وانا ابا اكلمممج وانتيه تتهربين... والله يا شمااا لو ما ثبتي... اثير سيري
شما -بعناد له وكأنها ماتسمعه وقالت بترجي-/اثير لا تودريني
انا -ضيعت-/مضيعه صراحه ...اسمع كلام مين ؟؟؟
مايد+شما/اناا..
بلقيس -كانت وراي ونادتني وانا التفتت -
انا -ابتسمت-
طالعت بهالثنائي المرح /بسمع كلاام بقبق يله اودعكم.."غمزت لمايد" بعيوونك طيب؟..ترا ما ارضى زعلها
ورحت لبلقيس ومسكت ايدي وانا مسكت ايدها
_________________________
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 29-03-15, 10:26 PM #24
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
يوم جديد...
بحر؛
بيومين.. استويت مينون.. اكابر بس بدااخلي احترق
الغيره تنفضني نفففض ...
البارح وقبله اثير بعد كل محاضره لازم اجوفها بالكفتيريا
ويا الجلب اللي ما اروم انطق اسمه. .
شو اللي يحبب اثير فيه !!!
انا لازم اطلب حددد يسساااعدني مااارمتتت
احسس ان غروري بينمحي وانا اكره جي
اقولها بحسره اشتقت لها وااااايييد
حطيت ايدي بجيوبي..
ونزلت الكاب على ملامحي الحزينه وايد
انا سرحت ويا الموقف اللي استوى قبل يومين
'
'
كنت امشي بالممرات وانا طاير فرح
اخيرا استوت تدري فيني
بس اللي انصدمت منه نظرات الطلبه لي بشفقه
شووو هااا!!
شششششت ..
تميت اطالعهم بغضب وعصبيه على هالنظرات الغبيه
سمعت الناس تحجي والصدى ييني بأذني
الي يقول اثير مع محمد احين
واللي يسبها
واللي يقولها انها غبيه سارت لمحمد...
انا انصعققققت!! اهييي ويا مممحممممدد!!
عقدت حياتي وانققققلبببببتت مششششششاااعري بثانيه..
انا قايل انها الوحيده اللي تروم تنكس مشاعري من فرح لحزن ومن حزن لعصبيه ومن عصبيه لشوق
اهي تهكمممت كل احساسي وتحركاتي
سرت بسرعه وفتحت باب الكفتيريا بكل عنف
وجفت محمد وياها بنفس الطاوله واثير مجتفه ايدها وما ترمس
الجو اللي طغى بطاولتهم جو الاضطهاد ...
اثير تطالع حوالي الطاوله وتبا تطلع من هالموقف
انا رصيت على شاافهي وفااهم ان هالجلبب ذالنها بشي
انا كنت بسير بس جفت اللي ماااتوققعت اجوووفه بعيوني مووول
جفته يرفع ايدها واهي غافله ويحبها بننفس المكاان اللي حبيتا فيييه!!
انا اهني طلعت عن طوري وكنت بتجدم بس اثير..
قامت بسسسرعه وبغضب واشتعلت عيونها
اخذت بطل الموويه وفجته...
وبسرعه كبتهاا على محمد.... محمد اهنني تم يكحكح ويفرك عيونه ومننصصدم من االي حصل
اثير شلت كتبها وسارت عنه..
وانا تميت متصنم لفعلتها قوويه هالبنت ماشي حد يروم لها..
انا لحقتها بالممرات..
انا-زقرتها-/اثير..
لفت لي وعيوونها تبررق وكلها غضب/نعم ؟؟
انا/دقيقه... سمعيني
اثير -ودمووعها خلاص متزهبه تنزل وقالت بتعب -/بببسس كفاايه..كلكم ماخذيني لعبه بأيديكم...خلاص ما ابغى اسمع شي..انت اكثر شخص المفروض ابعد عنه..لانك شفت جانبي اللي محد شافه علي...بسسك خلااص لا تطالع عيوني وفيها دموووع لا تطالع..
انا-بعتب-/انتيه مش لعبه!! صدقييني انا مش ماخذنج لعبه...
اثير عطتني الظهر وسارت .
انا-بتهور-/اااثثثير... لو سرتي احين...ولا سمعتي باجي كلامي.. انسي انج تعرفيني..ومابيستوي ايي شي يربطني فيج
وقفت واتوقع انصدمت من كلامي... بس بعد فتره سارت
انا ظليت متصنم مكاني ومش مصدق انها بايعتني
انزين اراووويجج يا اثير صبري علي
'
'
وانا امشي سمعت حد يزقرني صديت لورا
لاااااااا...مشششش مصصصددددق
انا مشششيت من جداام قااعه اثير
لالا اكككيد احلم
ما اباا اجووفهاا ما ابااااا
كانوا اللي يزقروني ميساء وشما
وكانت اثير وسطهم..
انا رفعت الكاب شوي عن ويهي... وطالعتهم بنظره استغراب
شما/انزين يا ريال رمسننني... افاا انا اختك من الرضاع يالزفت
ميساء/وانا بنت خالك يالحيوان
انا-ابتسمت-/على راسي...بس هاي اللي بينكمم ما اعرفها... ماتعودت اعطي حد ويه وما اعرفه
اثير رفعت لي عيونها بعد ماكانت ضامه كتابها وتحاول توزع نظراتها ووما تيي بعيني..
اثير -بسخريه-/هه!! استغفر الله انا الغلطانه اللي عطيتك اكبر من حجمك... متخلف عقلياً ..
وعطتنا الظهر وسارت
شما طالعت لميساء بإستغراب
شما/شو بينكم!!
ميساء/انته غبي.. ليشش تجرحها
انا -ابتسمت-/ليش اجرحها صج ما اعرفها امنو هاي
شما-تكلم ميساء -/استخف
ميساء-بغضب-/ما تنلام يا الشايب استخفيييت!!
ومسكت ايد شما وسارت
تصدقون ورا هالمحمد سر!!
مخبى عني!!
بيوم وليله ايد ميساء تنكسر جيي من الله!!
مستحييييل... هالمحمد سوا فيهم شي
انا سرت للكفتيريا وتووقعت اني بلقى اثير ومحمذ اهناك
وفعلا...
لقيتهم بطاولتهم واثير متجتفه وصاااخه
ومحمد بس اللي يرمس..
انا سرت لطاوله وراهم واهم ما انتبهوا لي مول
محمد/بلاج..امنو مزعلج
اثير -تنهدت-/ممكن تصكت...خسرت كل شي الحين.. كله بسببك..افضل شي صار بحياتي وكنت احاول اتمسك فيه افقدتني ايااه بيوم...
محمد/انززين كليتيني...سألتج بلاج
ااثير-بزهق-/اتوقع اتفقنا اني اجيك هنا..مو اطقها معاك ميانه!! جالسه انفذ مطالبك ياحضره جنابك لا المره الجايه تكسر رجلي بدل يد ميساء
محمد-يبتسم-/ربيعتج طويله لسان..وكسرت لها شوكتها...بس جي!! وهاي حبيبتي بس قررصه.. عسب مره ثانيه ما تنقضين العهد... وما ترشين علي الماي...درس صغير وايد
اثير -ظلت تطالعه بحقد-..
انا شششششبيت وللعت ححسسسيت ان كللل خلييه بجسسمي تغغلللي من الغضبب
ياالس يذلهااا الجلببب الحقققير!!
وانا ظلمنهاا!!! واحسسسب انهاا تحبه...
وقفت كنت بنقذ الموقف بس يات ميساء ووياها شما
ووياهم بوديقارد
وسارت لطاوله اثير...
ميساء -مدت يدها-/قومي...
اثير -تطالع فيها بجمود-
ميساء -بإبتسامه-/يلااه
محمد-دق اثير بريولها -
واثير صرخت بألم
اما البوديقارد مسكوووه طططق
وميساء سحبت اثير حذالها
ميساء/بسكم بسكم ...ودروه وتعالو وياي احين
ودروه وتمو حوالي ميساء واثير وشما...
ميساء-بمصخره-/رااويني شوو بتسووي يااوحشش...
و سارو عن الكفتيرياا بكل ثقه والانظار توجهت لهم
وانا نويت الهجوم على طول ...
___________________________
شما ؛
ميساء اقترحت في البريك نسير ستاربكس
ونرتاح اشوي من صدعه الجامعه وحشرتها
وطبعا وافقنا وشو المانع...
سرنا وياها بسيارتها..
تذكرت آخر موقف لي ويا مايد
'
'
تمينا بالممر والانظار ما كانت علينا مول
تمينا بنفس المكان متصنمين
جنت اجوف ظهر بلقيس واثير واهم سايرين عني
انقهرت وايد ماكنت ابا اصتطدم فيه!!..
بس مهما حاولت ابتعد..
مصيري بأصتدم فيه واجوفه نحن بنفس الجامعه وبنفس الحي
وان ما خابت ظنوني نحن بقلب واحد!!
حركت نظري ببطئ وجفته يطالعني بعتاب... انا مارمت ارمس.. تميت اتأمل عيونه ..اللي لي وااايد منها
حسيت بمشاعري اللي سكنت وايد ...واشتاقت وايد وتخبت ..احين!! فقدت كل صبرها...
حنيني..وعوقي..وحبي...
تيمعووا بنظره!!
مايد تنهد وابعد نظره للارض وتكتف
مايد-بهدوء ولكن وراه حكايه الم -/اليوم انا تميت الف وراج مليون مره..ابا ارمسج..وانتيه "رفع عيونه وطالعني بعتب" انتيه ولا هامنج.. كله تتهربين!!.. شو سويت فيج انا...
انا -انلجم لساني ابا ارد مارمت-
مايد-ابتسم على ينب-/انا..كنت ابا اتأسف منج!!.. بس والله...
انا تميت اطالعه بندم..
وبسرعه رد لي الكلام اللي تبعثر جدامي
انا/مايد...انته كسرت شي فيني وايد جبير... تدري اني جفت فيك الشخص اللي مش مودرني لو فيني عيوب الدنيا...تعرف شو ؟ انتتته صدمتني واايد !....كلهمم تخلو عني... ماتوقعتك تكون من ضمنهم
مايد-بتمسك-/ياااغبيه انا هاااك الوقت مش في وعيي...ربعي يسكرون... حبيبتي اللي مالي الا اهي!! مالي اللي اهي تونسني بإبتسامتها وتكدرني بكدرها!! اجوفها جدام عيوني ينغدر فيها وتتنجس!! بهالوصصصخ الجلب..حسي فيني اشويه انااا مش ريال لو ما سوويت جي،!
اناا اسسسستحيت وايد...وقفطت ..اويه الجلب قال حبيبتي!! انا احاول ابعد نظري عنه لا امووت حيا احين
انا طالعت حوالينا جفت محد يطالعنا ومحد حاس ان بيننا شي
انا-بحزن وابا اهرب لاني اكره اجادل حد في ماضي-/انا بسير ..عن حد يشوفنا
مايد -تنهد بإستسلام-/ادريبج... تبين تتهربين!! بس بقولج شي...
انا مشيت عنه ببطئ ويوم سمعت الكلام اللي اعطاني اياه وقفت
مايد/سنتين...انا ماجفتج ولا سلمت عليج ولا سمعت صوتج ...انا متغير..متغير بداخلي وبمشاعري... "تنهد" بإختصار ملل حياتي بلاج......
انا ابتسمت ابتسامه عريضه برضا ورحمه له..
طالعت له وهو طالع بعيوني وابتسم بالقو
انا/شو تبا اقول...انا مسامحتنك...مايهون اجوفك واسمع صوتك بهالنبره واعوفك..
مايد -ابتسم-/عشان جي حبيتج
ضميت كتبي وصديت عنه وسرت ويا البنات
'
'
ابتسمت لين بانت كل ضروسي ونزلت راسي للارض
والحمدلله ماكان احد منتبه لي
اثير قدام مع ميساء وانا بس اللي ورا
حسيت بمايد،وبمشاعره
انا وااايد افهم عيونه ومش سهل تنقري عيونه
اهو بالذاات!!!
تعابيره وياي مختلفه عن اي حد...
كلمه احبج...وايد يستهلكها ومش عنده قاعده التغلي .
شي بخاطره لي... على طوول يقولي
لولا الدين والحيا ياحبيبي كان قلت احبك للفنى!!
سار نظري للجامه وانا اجوف السياره تتحرك وهاي النخيل تتحرك ويانا والشمس هممم تتحرك!!
اشوي ونمر من البحر....
انا فتحت عيوني للاخر بفرحه وشهقت
والبنات طالعو فيني...
انا /تكفووون نباا البحر
اثير/ااااي اي تكفين ميساااع ووووقفي نبغى البحر
ميساء-طالعتنا بإستغراب-/حررر!!
انا + اثير/عاااااااادي
ميساء-ابتسمت بمكر-/اوهه والله شكلكم اصحاب البحر شراتي انزين نزلو ...
ونزلنا واخذنا لنا عااشوق..
تميت اتطالع للبحر وانا ابتسم واشم هواه
ابتسمت وقلت بخاطري وانا احاكي البحر: جففت يا بحر شووو استوى!! الحمدلله تصااالحنا...واخيرراً بعد عذاب سنتين..بعد شووق اكلنني اكل...بعد كل المعاناة اللي كنت اعانيها... تعدل وضعي من كل النواحي...الحمممد لله لك ياارب
نظري سار لاثير اللي واقفه حذالي وحذالها ميساء ...
اثير كانت متكيه على الحديده هاي اللي تيي جدام البحر
وواضح بعيونها الضيجه وكانت تاكل العاشوق على مهل
أكيد بحر عاق عليها جم كلمه ملعوزتنها..
اما ميساء واقفه بكل غرور ومش ماسكه شي
وتجوف البحر... وعيونها تبرق فيها دموووع واايده
مسستعده بأي لحظه تنزل...
انا ضربت يبهتي بخفه ومحد انتبه لي كلهم سرحانين
اهني!!! مكاان المفروض ميسااء ماتييه !!مكاان محظوور
وانا اقول بلاها عيونها تبرق...
حياتي اهي... عدت نظره لوقفتها المغروره...وتذكرت كلام اثير لها...يوم تقول انها مغروره!!... ومتعجرفه ومش شايفه حد جدامها...
مسجينه!!! لان ماحد عارف اللي بقلبها كثري...
كبريائها أنكسر واايد... تحاول تعوض هالكبرياء...تجوف كل الناس اعداء...عقدتها كل مالها تكبر... عسب جي مالها رفيجات...
نزلت دمعتها اللي فضحتها جدامي بس اهي ما انتبهت اني اجوفها ...
اخذت طرف عباتها ومسحت دموعها اللي خطت ببالي صورها واهي تنضرب...وتتحمل...وتنصح..وتشقى ...بس مااشي فايده
ابعدت نظري عنها عسب ماتجوفني وتنجرج....
اهي اصلاً تتحاشاني عسب مايتوضح لي ...ان باجي لها مشاعر تجاه الماضي...
تنهدت ثم يا بصري ب أثير اللي عاقده حياتا ووايد ضااايجه ومهمومه
ميساء-ببحه-/بسير للسياره خلصو العاشوق وتعالو...
وسارت وانا تميت اجوف اثير اللي مش معبره حد
وبس تجوف البحر ويالسه تاكل بصمت
كسرت قاعدتها... كانت تقولي لا للصمت ولا للحزن ولا للحب
هه! كسرتيها يا اثير....
عيونها فاضحتنهاااا واايد
تذكرت بحر اكيد..
انا مسحت على ظهرها ..
وطاااااااففففف مول مش وياي..
اتووقع اصلاً اهي مش حاسه بشي مش حاااسه!!!!!
انا طقيت عليها بخفه واهي بعدها سرحانه مش بوعيها
انا -بحزن-/ثيري ؟...
التفتت لي بعد ما تنهدت/هاه ؟..
انا/لج سنتين... لا تضايقتي تيين لعندي وتخبريني شو بلاج...لا تكسرين هالشي بيني وبينج...شو فيج
اثير -طالعت فيني بحزن وما رمست -
انا-ابتسمت عشان تطمئن-/شو فيج ؟..قلقتيني
اثير -بضيجه-/خسرت شي كبير... كنت ممكن اني احتفظ فيه للابد!!
انا-اجذب-/مافهمت..
اثير /بحر...انتهى كل شي بيني وبينه
تمت ميساء تضرب هرنات وااايده وانا اكره الازعاج صراحه
مسكت ذراع اثير ..
انا-اتكلم بصوت عالي -/نكمل بالشقه.... بعد الجامعه
اثير -بإنكسار واول مره اشوفها جي-/طيب
وسرنا لسياره وتمينا نهزب ميساء على تسرعها
وسارت فينا السياره...
____________________________
مايد؛
احاول اصارع هالأثنين اللي يالسين يتضاربون يترافسون
اااه كل الضرب يي فيني...
طططلبت ان حد يي يسااعدني فيهم ما قدرت عليهم
الحدث كان صاادم للكل
ويه محمد الي يملاه الدم....
وبحر وثمه اللي نزل منه دم كثييييف
انا احول افهم شو السالفه ما قدرت وكنت وسطهم وابعدهم عن بعض
قبل دقيقتين....
'
'
دخلت للكفتيريا لوحدي وانا ححدي يووعااان
ابا اكل لي شي بااجي على ريجي والله
هالعزوبيه مشششكله والله !!!
اشوي واشوف بحر جدام طاوله محمد
اناا اهني ماجدرت استحمل المنظر ونظرات بحر الشرسه
خااايف عليه الخايس من هالزززفت اللي مايي من وراه الا المصايب والمشاكل والهم!!!
سرت بكل سرعه ودزت بحر عنه وصرت انا بالوسط.
انا-قابلت بحر وهمست-/ااانته انججب ولا كلمه وسير جداامي هاا مش ماال كلام ولا نقاش سسسير اجوف
كل شوي ادزه ابعد
بحر واهو يكبت عصبيته عني حط ايده بصدري وبعدني شوي شوي لين استوى قباال محمد وانا حذالهم
بحر -بزمجره-/انتته ممشش ريااال...
الكل شهق وتموووا يططالعون بتعجب وحماس للي بيستوي
قام محمد من الكرسي ماله وتم يطالع بغضب..
وتمو يتضاربون...بحر يعطيه بوكس وهاك يعطيه بوكس
بحر -بنظره استحقار-/كيف تقدر تضر ابنيه وتذلها!! ككيييف!!!
محمد-بغضب-/ما ااااذلهاا..... ان صصصصج احبهاا
بحر -فتح عيونه للاخر -/ششششوه !! عيد اللي قلته!!!
محمد-وهو يفصل بين الحروف عشان يقهر بحر-/ا..ح..ب..ه..ا
بحر عقد حياته والشرار تطاير من عيونه.. هالنظره جانت غريبه وايد...اخر مره جفتها...يوم ان شما كانت رهينه عند محمد...بحر تم يطاالعه بتحدي وغضب!!
محمد-ابتسم وهمس -/أحبهاا..وبقدر امتلك قلبها..حتى لو بالقوه!!
بحر -بصراخ-/مااااترررروم ياانذذذل مااا تروووم!! تحسسب كل شي يي بالقوه!! انته بتنفرهاا
محمد-تكتف-/لا تتحداني...ترا وراي ظهر...ووايد عووود..ماتروم له لا انت ولا اثير.....
بحر شال مكنسه كانت حذالنا وتم يطق راس محمد بكل عنف..حااولت ابعد بحر واصيح وانااادي واستنجد!! ومااشي حد قام ولا فزع
'
'
واحين نحن بنفس الموال بحر يطالع محمد بقهر!! ويبا يضضضربه كمان
بحر -بتحدي-/يا انا يا انت...ونشوف!!! القوه ولا الصدق... واددريبك حححبك هاا مش صادق وراك نويا خبيثه..
محمد-بنفس التحدي -/بعدين لا تبجي...انزين
بحر-بسخريه-/عافان الله...
انا تميت اطالع بإستغراب وانا اسمع اسم اثير...
وهاي الكلمات العجيبه...
كلهم يتحدون بحسابهاا
لمحت بلقيس... بس الغريب انها كانت تصور !!
ليش تصور؟...
غريبه هالبنيه ووايد استغرب تصرفاتها ولزقانها في اثير
__________________________
أروى؛
قررو الأهل ان الملكه والزواج سوا بعد شهر ...
الله واعلم فيصل ليش مستعجل...للامانه! انا بجد خايفه...
كنت بغرفتي واحوم... وماني مصدقه اني راح اتزوج...وراح اتعذب...هو صرح لي اني احتفظ بالزعل... اكيد ناويلي حياه... ببكي من جمااالهاا!! هه! اكييد انهاا جححححيييم!!!... يااارب سااعدني انا ما ابغى استمر معاه ...قلبي ظل يتعصر.. وحيران...اما اني احيي حياتي وكرامتي... واما احيي كايد واخرجه...واخليه يعيش سعيد مع احد غيري...ابغى شي يطمن قلبي.... وتذكرت [ وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً]…
يمكن ربي يبلي اجر ؟ يمكن اني بكون مأجوره بأني احييت نفسه....وخليته يتوب...يمكن...يمكن ربي كاتب لي معاه شي مستقبلي....كل شي مكتوب لي بيصير....وكل شي يصير بحياتي خيره...حتى لو كان مضايقني ومو عاجبني...اتمنى ان ربي يوفقني....وربي يصرف عني كل شي يضرني... يارب ريح بالي اللي مايسكن ابد...
شفت جوالي يرن وهاذهي اثير
الحمدلله بوقتها...
انا /الو
اثير-بهم-/الو.. اروى
انا-ما استغربت لانها قالت لي بسالفه بحر-/الله واكبر..كل هاذا من بحر!!
اثير-تنهدت-/وأكثر،أول مره اصير كذا صح؟..
انا -بتردد-/والله...الصراحه اول مره اسمع هالنبره منك
اثير/مدري وش صار فيني... كذا فجأه صارت مشاعري مدري كيف ومتى وليش..
انا -ابتسمت-/صدقيني شوقه بيرجعه...
اثير-بحزن-/اخاف مايرجع...احنا بالبدايه يعني عادي يستغني
انا -ابغى اطمنها-/لا تخافين وبلاااش اوهام...اكيد ياحبيبتي هايم فيك...ماينلام بأختي حبيبتي هبلتي فيه اجل.ههههههههه يا حليلك يابحر مسكين هههههههههه
اثير -مالها حس -
انا-بإستغراب-/اثير...؟
سمعت صوت رجولي يتنحنح
ورجع صوت اثير المصدوم /كيف...
الصوت الرجولي-بتردد-/آسف
واحس صوته ابتعد واثير ابد مو معي وقعدت اناديها كثير وهي
ولا حياااه لمن تنادي...
انا لاخر مره -بغضب-/اثثثثير!!!...
اثير-بفهاوه-/هاه...
انا/وش فيك لي ساعه اناديك
اثير-بهدوء وصصدمه واضحه-/هذا بحر...اخذ الجوال...."قالت وهي تفز كذا كأنها رجعت لها الحياه" وش قلتي له
انا-بإستغراب -/وانا وش دراني متى مسك السماعه ً
اثير -بتعب-/بعد ماقلت لك اني اخاف مايرجع احنا بالبدايه يعني عادي يستغني كان يسمع جا لعندي وسحب جوالي وظل يسمع ....وش قلتي عشان يتأسف ويسوي كذا... بدل ما يقعد يعطيني محاضره
انا -ضحكت-/ههههه حظك مره اووووكي... طريت اسمه بين كلامي
اثير-شهقت-/يااويلي وش قلتي!!!
اروى -بضحكه-/قلت لا تخافين وبلاااش اوهام...اكيد ياحبيبتي هيام فيك...ماينلام بأختي حبيبتي هبلتي فيه اجل.ههههههههه يا حليلك يابحر مسكين هههههههههه
اثير-بحيا-/يااحمااره بتتتكبررين رااسه الحين.. زود ماهوو كبير..تخيلي قالي بصوت واطي انه اسف وانه من غيرته ومشى وخلاني الزفت... ويه يا اروى قلبي قلبي يدق بسرعه
انا -بفرحه-/ويه حبيبك غيور اشوف مايقدر يتحمل... يلا رربي يوفقكم... وهيه يلاا بلاا مصااخه!! مو تاخذين رااحتك... وقوليله اذا يبيك يخطبك...ماعندنا بنات ممصوخات ..
اثير-ضحكت-/انشالله... بس خليك حولي لما احتاجك ..
انا -ابتسمت-/يلا وانتي انتبهي لنفسك
اثير/انشالله... باي
انا ضحكت بخفه عليها وعلى حركاتها
من كان يتوقع ان اثير بيوم بتحب وان حبيبها مو سعودي ولا من العايله
ومن كان يتوقع ان الطفله والقويه واللي ما تخلي احد بحاله ودايم فرحانه وما تكدر نفسها على شي انه بيجي يوم وتتغير واسمع نبرتها الحزينه هاذي..
كل مره السنين تغير كثثثثير ...وتتغير الاحداث وتنقلب الاحوال من حال لحال...
______________________________
ميساء؛
انا في شتات.. احس بحرب بداخلي...
حسيت بعاااصفه قويه هجمت احشائي..
جفت بحر يسحب جوال اثير..
وجفته يهمس لها.. بأنه غيران عليها...
حسيت بقهر وغيره جببببيييره حسيت اني يالسه اتقطع من داخلي.. احساس يمكن مايحسه حد... الا جليل وايد،...
شعور الشتات اما ربيعتي اللي حبيتها وحبتني بسرعه رغم الخلافات.... واما حبي الجديم وااايد واللي كان بيني وبينه علاقه....حسيت بالمشاعر الجديمه ترد لما رد للجامعه...ولما رد بنظراته لي...احيا لي مشاعر جديمه انا دفنتها من زمان...
تمنيته يرد لي واقول انها يات الفرصه اللي جان يتمناها... كتمت حزني وسرت عنهم وصورتهم باجي بعيوني...وشكل بحر وبسمته وياها وضحكته... وكلمه احبج اللي استوت اثير تشك انها لعبه منه من كثر ما قالها.... ابتسمت بوجع وبخاطري اصيح واصيح بس وانا امشي بالممرات برع الجامعه
حسيت بخطوات ورايه بس ما التفتت
اشوي واجوف بخطوات سريعه يي جدامي ويوقفني
انا تميت اطالعه بتبلد ...وحطيت عيني بعينه ببرود
وسرت عنه بس اهو لحقني وتم يزقرني
انا-بتعب وفيني صيحه-/زايد...خلصني شو تبا
زايد-بندم-/ميساء...ادري عذبتج وايد وياي ...ووايد اهنتج...وظلمتج...انا آسف
انا/ليش تعيد الماضي؟ انا كنت... ركز على كلمه كنت...كنت زوجتك... بس ما توفجنا وها نصيب
زايد/لالا انا ما اقصد شي والله...بس احس بذنب.. والله مش قادر انام وكل مانمت احلم اني اتعذب لاني عذبتج...دخيلج سامحيني
انا -ابتسمت بتعب-/لا تتحراني بعدني شايله عليك...انا مسامحتنك ومحللتنك من زمان... لا تخاف احين...اتمنى ما تدكرني بالماضي لاني دفنته واحاول اعيش....
زايد-ابتسم-/مشكوره...
وسار عني ...
وانا حسيت بتعبب يهدني وااحس بسعله نعرف شو فيني اليوم ككله فيني دوخه واحس اشوي تعبانه...
ما اهتميت للمحاضره الاخيره وسرت للسكن
كنت ووووااايد دايخه وراسي ملعوزني واجوف كل شي مشوش ...
زدت من سرعه السياره عسب اوصل بسرعه وارتاح واريح راسي
جفت الاشاره فجأه استوت حمرا وواحد كان معدي
انا ددددسسسست فرااااامل بسسسسسسسرعه
قبل لا اصدم فيه ووووومممااا كااان بااجي شي واصدم هالريال ربي رحمني ورحمه والحمدلله بأخر لحظه وقفت السياره
انا نظري تم متشوش وحتى راسي صك في الدركسون...خلاص احس راسي راح فيها ما حسيت بالدنيا مممول...
___________________________
فيصل؛
بعد أصرار من الجميع... قررت زواجي يكون في دبي
هه!! والله مدري ليش بيتكلفون... يلاا انا ماعلي!!
هم بيدفعون..هم بيهتموون بكل شي،
انا باقي الانتقام محفوظ بقلبي... ولا راح انسى...ولا راح ارحم...وراااح انتقم بأشد من القتل... والله لاخليه يتمنى انه مات..ولا عااش اللحظه ذي
ضربت ايدي بتسريحه غرفتي بكل قوه وانا احس بقهر ..
الذكرى توجع كثير...
انا كنت لابس بجامه عاديه على اساس بنام العصر بس حنيت لرامي كثييير
كنت بهالوقت...ما اقدر انام من حنته على راسي.. يبي العب معاه بلايستيشن..
صدقووني فراقه صصعب... انا ما اقدر اتحمله.. انا مووو قده!!
رامي من صغره عايش معاي بنفس البيت...
كنا زمان واحنا صغار دايم انام معاه بالليل في نفس الفراش ...واطمنه واهديه لانه بكل ليله يخاف ...كان يحكي انه اشتاق لامه اللي لمحها ولا شبع منها...كان يقولي عن ابوه ومحاولاته الفاشله في انه يغطي عن حنان الام...كان يحكي وكثثثير يحكي!!! وانا الحين المتضرر لسماعه.... انا الحين المتألم من ذكراه... ما توقعت يترك الجمميع بهالسرعه الجنونيه... حطيت ببالي انه ما مات... ولكنه بجد مات ...
الحين صار الشوق يمشيني على كيفه... يمشيني وين ما يبي!! صرت امشي مدري لوين ...دخلت لغرفه رامي وشفت جسم اختي مرتميته بين ثيابه وتبكي بحرقه.... وحرقت قلبي معاها... من حقها!! خطيبها اللي بليله كتب كتابهم توفى.... انعصر قلببببي اكثر واكثر وكل ماله حب الانتقام يززيد ...جرعت الانتقام بجسمي ترتفع كل ما اشوف حنين فتون... كل ما زارتني ذكراه وحنيت... والله لا انتقم للكل
رحت لاختي اللي كانت تشم في هاذي الثياب
وحاولت اقومها بس هي تبكي ولا حاسه بشي... انا تألمت اكثر وانا اشم ريحه رامي الي ماليه الغرفه...شفت اشرطته حقت البلايستيشن... واشوف اشيائه المبعثره بكل مكان... باقي حس رامي بهالغرفه...باقي ذكراه خخااالده بكل وقت وبكل مكان ...
انا-وعيني تدمع -/فتون...قومي
فتون-ببحه-/ما اقدر..
انا/تكفين تعووذي من ابليس وقومي.. ارحميني وارحمي الضعيف اللي يجتاج دعواتك مو دموعك.. خلاص مات الله يرحمه
فتون -بكت وظلت تصارخ-/للاااااااااااااااا....لاااا اااااااااااا...."وهي تمسك وجهها وتهز راسه يمين وشمال بنفي" لااااا تقووووووللل مااااااااات.... هوووووو قاااالي بنكتب كتااااابنااا هوووووو قااال مااارااح يخليني!!! ففييييصصصصل ااادررري انكممم تكككذذذبون علي.... عشاني داايم اقول ما ابيه.... "صارت تنوح " اناااا ااببييييييييييييه... هوووووو فييييييينن ؟؟؟ جيييييبووووووه قلوله لااااااااااااا يمزح بهالشككككككللل.....
انا -حسيت بقهر وعيوني صارت تدمع اراديا وانا ما احس-/ما يمزح خلاص هو راح ...ادعي له بالجنه...ادعي له ان الله يثبته... ادعي ان الله يقيه عذاب النار...
فتون -هملت من كثر البكا وصار صوتها مبحوح وعيونها منفوووخه وحمرا وشكلها مبكي -/لا "ابتسمت بحزن" هو قال ووعدني انه بيرجع...اناا قلت له انتبه لنفسك "صاحت" هوووو قاليييي ططططييييب!! ككككييييف ماااا يررررججججع
"بألم " الله يخليكم رجعوه...قلوله انا ما اقدر اعيش دونه..انااا مااالي احححدد غغغيييره.... منن بيقععد يغيضني!!... مين بيقعد يقاحرني حتى باللقمه....مييين بيضححححكني لمااا ازززززعل!! مين... علللللمموووني مممممييين
انا تقطططع قلبي جد حبيت اني اموت بداله ولا اشوف اختي بهالمنظر وبهالشكل وبهالنبررره اللي تذبببح الواحد
انا ضميتها وهي ظلت تبكي وتبكي... ادري بها مو متخيله بعده للحين... تعططي عذر لين الحين!!... لين الحين ما استوعبت شي.... اااه عليك يا اختي
باخذ بحقك صدقيني وظليت امسح على ظهرها والهم اللي فيها صار نفسه فيني وانا بعد اشوف خيال رامي يبتسم ويدور بين اغراضه ....
تألمنا سووا ونمنا بغرفه رامي واحنا هلكانين بكا
___________________________
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 29-03-15, 10:28 PM #25
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
الويكند...
أثير؛
وصلني خبر ان اروى زواجها الشهر الجاي
تضايقت واحس ان الجنون تربع بعقلي...
عااصفه الايام السريعه...جالسه تحطم كل شي بنينااه.. جالسه تغسر الاحداث بشكل غير متوقع ولا يتصوره عقل...اروى كي قف رضت بفيصل!!.. كيييف ترضى تااخذه... ما خافت على نفسها... اكيد ورااه مكاايد الله العالم فيها... هو واهله والجممميع... اختي وسط دايره.. حواليها نيران ولا قادره تطلع..اخر مكالمه لي معاها كنت اقولها يامجنونه لا توافقين..وتقول مجبوره انا ما ااقدر..حاااولت بقدر الامكان اني اعرف سبب رفضها واصرارها على انها تتزوجه!!.. لاول مره اقول... اختي صارت غامضه..
تنهدت وانا اطالع للطاقه حقت السياره وانا مبتسمه ..اشتقت لجدي وهذاني رايحه له...ابشركم واخيرا وافق يودينا الراك...بس رحمته لانه اصلا يتعب من الطريق...
حطيت سندت راسي وانا اتذكر بحر اللي له اربع ايام... كل مايشوفني يتصنم وكأنه يبغى يقولي كلام...بس يسكت ويبتعد عني...ما صرت احتك فيه كثير ولا صرت اشوفه... هه! اظن ان عكس كلام اروى جالس يصير... شوقه ينفره مو يجيبه..
حسسيت بضيقه مو طبيعيه وانا احس ان حظي ردي.. يعني انا حسيت بإحساس ثاني مع بحر...ويوم خلاص حسيت بآمن معاه.. افترقنا وممكن للابد... شي يضيق الخاطر والله..
صار راسي يدق في الطاقه لاننا خلاص بالطريق الترابي اللي يدخل للحي... اه يا هالحي واخيراً شفته
كل السيارات كانت ورانا سياره بحر وزايد وسيارات الشباب الباقين...
انا فرحت يوم شفت بيت جدي وما صدقت على الله وفتحت الباب ونزلت بكل طفوليه وركضت للباب وانا ابغى افتحه... ولا انفتح
واحاول اهزه وادق ومره مو راضي....
لفيت بصري لمايد اللي جالس ينزل الاغراض.. بس انتبهت لعيون جالسه تناظرني... والتفت بسرعه عن عيون بحر اللي ظلت تتأملني بعتب... طيب انا ما قصدي اتركه... ما اقصد!! يوه وش اسوي الحين ؟ كل شي بداخلي يقولي اعتذري بس كيف
انا تشجعت وشفت مايد مشغول..اشرت بسرعه لبحر وحركت شفاهي وانا اقول ؛ اااسفه... كررتها كثير لين فهمها وابتسم وحط يديه بجيوبه وراح...
مايد جا لعند الباب وهو يسحب الشنط ..
مايد/ليش ما فتحتي الباب
انا /المفتاح عندك..بعدين مالهم حس
مايد-ضرب جبهته-/هيه والله نسيت..
وطلع المفتاح ودخلنا والصاعقه اللي شفتها..
أبوي كان مع جدي وابوووي ملامحه غضباانه بجد..
انا دخلت ببطئ وانا شوي مصدومه من اللي اشوفه
بس باقي مادخلت لعندهم بس سمعت هالكلام
ابوي/انا من حقي اخذ بنتي
جدي/عقب سنتين تيي تبا بنتك!! مش ماخذنها... حتى بنتك الثانيه المسجينه تعذبت من عماتها اللي حسبي الله عليهم سير اجووف...
ابوي-بغضب-/اخواتي ما سوو شي
جدي-ضرب بعصاه الارض-/انتهه جليل حيا ولا تحترم حد...لا ترفغ صوووتك اناا شاايب كبر ابوك
ابوي-بندم-/حقك علي ياعم.. بس انا ابغى بنتي وباخذها
جدي-ابتسم وقال بهدوء -/اعرف بخاطرك يا ولدي..انته لو تبا بنتك.. جان اخذتها من قبل سنتين.. بس انته تبا تقهر بنتي مو؟
ابوي-بنفي-/لا لا...
جدي/لا تجذب على نفسك...انته تبا تقهر شيخه مو؟
ابوي-تنهد- /بأخذ اثير... وبالقوه كمان
انا دخلت بسرعه /مستحيل اروح معاك اصلاً
جدي التفت لي وابتسم وانا ابتسمت وسلمت عليهم
وضميت جدي من قلبببب
جدي/هلا ابوي هلا....
انا/اشتقت لي جدي
ابوي -قام-/زي ماقلت... ان ما اعطيتوني بنتي الحين بتندمون
مايد/ممكن تتفضل برع... اثير مش سايره من اهني
جدي-بعصبيه-/مايد...
مايد/هاا مو مال حد يكلمه جليل دين... يبا يقهر اختي
جدي/ولو... يحيى
ابوي/نعم
جدي /انته ابو اثير... احنا من قبل يومين يونا ناس يخطبون بنتك
انا انصدمممت وقعدت اطالع جدي وعيوني مفتوحه للاخر
ابوي-ابتسم بسخريه-/على كيفها... لا تجي بعدين تقول انت ظلمتني واخترت لي ومدري وش..
وطلع برا البيت وانا باقي متصنمه انخطبت!!!
كيففف يعععني... ياوويلي وش اللي جالس يصير
مايد جالس يبتسم بخبث وبعدها مات ضحك وانا وجهي صار احممممر والله مو مصدقه للحين
وقعدت اطالع جدي وبعدين جلست جنبه وحطيت راسي على كتفه
انا سكت ومرره مالي حس....
جدي-جلس يمسح على راسي ويضحك بخفه -/قفطت ابنيتي ؟
انا طالعته بإستغراب /جد يعني جدو..
جدي /هيه صج عيل ..لازم تستخيرين يا ابويه وتعطيني كلمه.. عسب لو وافقتي بتملجين بالمحكمه يوم السبت
انا هنا تبلمت واطالع بمايد اللي متكتف وبس يضحك
انا/وش السالفه من جدكم ؟
مايد/هيه... ياحليلج
انا-بخوف-/جدوو ما ابي اتزوج
كلهم طالعوا فيني بإستغراب
مايد تكتف /انزين انا ساير لبحر وبقوله انج رفضتيه
انا رفعت حاجب وحاجب لا ....بحر!!!!!
لااالاالا ماااني مصصصصدقه ...اقسسم بالله الصدمات جالسه تنزل علي وتكسر راسي...بحر ماغيره... وبهالسرعه!!
وش السالفه.... شفت مايد يروح للباب
انا/لاااااا تروووححح خلاااصص بفكر
مايد وجدي ضحكوا علي وعلى تقلبي...
انا رحت للغرفه عند امي
ولقيتها جالسه مع جدتي ومهمومين..
انا رحت لامي وضميتها
وامي فرحت يوم شافتني وقعدت تبوسني وبكت
انا-بإبتسامه-/لا يماااه لا تسووين ككذذا لو دريت اني بزعلك كان ما جيت
امي ضربتني على ظهري/شووه!! لو ماييتي كنت بذبحج
خلصت من حضن امي وسلمت على جدتي وبعدها جلست بينهم
امي -بحزن-/ابوج...
انا -قاطعتها وطمنتها-/لا تخافين..."مسكت ايدها" راح وكلنا عارضناه..
امي -مسحت على ظهري-/اثير..شو قررتي في الخطبه
انا -ارتبكت وحكيت راسي-/والله...ما ادري يمه محتاره..
امي/انتيه تبين بحر... واضح انه يحبج وااايد ولاحظت جي من اول يوم جفتيه
_____________________________
أنتهى.
توقعاتكم السنعه تكفون لاني بجد تعبت وانا اكتبه تحت ضغط من كل النواحي
دمتم بود....