الفصل 10
البارت العاشر(10)
__________________________
بحر؛
كان شكلي كاشخ وجي ورايق
بس كنت وايد منزعج من هالضياع اللي اعيشه
مش عارف شي
عبدالعزيز رفع المفتاح بويهي/يالس تتأمل روحك ما تبا نسير
اانا صحيت من سرحاني /شو! لا خلاص سرنا
ضحك زايد ويا لعندي ومسك جتفي /ورانا يوم حلو وايد
عبدالعزيز بعقلانيه/انته خلك بعيد عن بحر وودر حركاتك البايخه انته ساير جامعه اوك؟
زايد حط ايده بجيوبه /انزين
انا كنت لابس بنطلون اسود وتيشيرت احمر واكمامه طويله ومطبوع عليه رقم ثمانيه مثل الارقام اللي تيي على تيشيرتات لاعبين كره السله
وكنت لابس كاب
ونزلنا لسيارتنا وسرنا للجامعه
الطريج كان مزدحم شوي
بس وصلنا للجامعه بعد شق الانفس
حسيت ان هالمكان جفته قبل
نزلنا كلنا وانا في بالي ومصمم ان هالمكان اذكره
ودخلته قبل هيه دخلته!!
دخلنا للجامعه وانا حاس ان هاليوم بيكون فريد من نوعه
ماعرف ليش بس جي احساس
زايد/اوه مب وقته ايه انتو بسير الحمام
وسار عنا بسرعه..
عبدالعزيز/بحر؟
انا صديت له /شو
عبدالعزيز/تبا تفطر
مسكت بطني/هيه والله
عبدالعزيز انزين سير مناك وانا بسير الكفتيريا بييب قهوه واي شي ناكله
انا /انزين لا تتأخر
وسرت للمكان اللي قالي بس وانا ساير اهناك جفت مايد مش بعيد عن هاك المكان
اشرت له وسرت بإستعجال ابا اسير له
ولكن دقيت جتف وحده ماجفت ويها عشان كانت تكلم بالجوال
اشوي وحسيت بشوته في ريلي
انا/اااااخخخ
ورفعت ريلي ومسكتها بإيدي وتميت انطنط
.../شويه اروى.. هي انت يااللي ماتستحي تدق كتفي تحسب اني ما اعرف هالحركات مالت عليك بس مالت
انا تميت اطالع فيها وتبلمت هاي البنت هم جفتها
عقدت حياتي وأشرت بأصبعي عليها /جفتج من قبل!
وهي مدت اصبعها علي/بسم الله حتى انا
انا كنت حاط الكاب على راسي وطبعا الكاب كان له ظل
وها الظل حجب كل ملامحي
.../ماعلينا لا تعيد هالحركه تفهم
وسارت عني وانا وااثق مليون بالميه اني جفتها
_______________________
فيصل؛
كنت ماسك الاسواره والفها بين يدي
وانا اتخيل رأي اروى فيني
الليله الشوفه الشرعيه صراحه مو متطمن
اعطيها الليله سوارتها ولا..
لالا خل علاقتنا تقوى شوي
ويكون فيه ثقه شوي بيننا
عشان اقدر اعطيها
بس كيف راح ازرع هالثقه بنفسها
تذكرت شكلها بذاك اليوم
وكيف كان بكاها..
بس هي ليش كانت تبكي بهاذيك الحرقه
معقوله عشان هالاسواراه التافهه
لا ابد واثق انه مستحيل يكون السبب عادي،
يمكن هالاسواره تذكرها في احد
رحمت اروى كثير عمتها ذي غريبه
ومعاملتها اغرب وش السبب في انها ترمي سواره
يمكن تكون عزيزه على قلب اروى
ليش تحرق قلبها بدون سبب
مهما كان اكيد السبب قوي مره
طالعت في الاسواره وتذكرتها وابتسمت لشكلها البريء
ودموعها الغزيره وخشمها الاحمر
بس قررت اكون صاحب كبرياء ماتقدر تدوسه
لازم اخفي لها نقاط ضعفي اللي اكتشفتها زوجتي قبل
راح اكون ثقيل معاها حتى إشعار آخر
____________________________
ميساء؛
سمعت امي تنادي ابويه /ياااا حااااتم تعااال جوووف بنتك مارممت لها
ابويه يا للصاله/بعدها راقده
فزيت انا ونشيت للحمام بسرعه
غسلت ويهي بسرعه ووضيت عشان اصلي وطلعت بسرعه
ودخلت بشكل سريع لشرشف صلاتي وصليت الفير
اعوذ بالله اخرتهاا وايد.
انتهيت صلااتي وجفت الساعه كانت سبع ونص
فجيت عيوني على وسعهن وانا مصدومه
من الوقت
سرت لدولاب ولبست اي شي
ولبست عبايتي ولفيت شيلتي على راسي
وشلت كتبي وسرت مسرعه لغرفه الطعام
وجفت ابويه يقوم ويقول الحمدلله
انا/باباه لا دخليك خلني اتريق
ابويه/تريقي بالجامعه
امي/هيه تستاهلين انا اصحي فيج ساعه
انا/الله يهداج اميه اباا اكل
ابويه مسك ذراعي وسحبني لبرع
وسرنا لسيارته وركبنا
انا/ابويه ابا اسير بسيارتي
ابويه/لا انا ابا اوديج عشان شي ضروري
انا-بإستغراب-/شوو ؟
ابويه/انا وامج بنسير امريكا عشان يدتج حالتها خطيره وكل العايله اهناك وانا ما اباج تودرين دراستج بحطج في السكن
انا-بصدمه-/شووووه!! في السكن
ابويه/هيه ماشي مشاكل سيري وتوكلي على ربج
انا/ابويه انت اللي يالس اقوله صج ولا تمزح وياي انا ميساء اروح سكن طالبات!!!.
ابويه/بدون غرور فااهمه تسيرين غصب عنج وعشان يودرج هالغرور بنودرج نحن لاخر الترم
انا/لا ابويه دخيلك
ابويه/لاتكثرين الرمسه سيري اجوف
انا/اوه وصلنا
ابويه/تحملي على روحج والسكن اهني قريب غرفتج مع اربع بنات رقمها 7 بالطابق الثاني
انا-بإستسلام.لقرار ابوي-/انزين
وسرت وانا خايبه الامل
ما ابغي اسير اهنااك
اففف شو هالحظ
اكيد سفرتهم الليله
تنهدت ودخلت للجامعه
ورحت على طول للكفتيريا يوعانه والله…
دخلت الكفتيريا وسرت اطلب لي
ويلست على الطاوله
وكان جدامي شخص انصدمت من جوفته!!
ها اهو نفسه اللي بالمستشفى
شو هاليوم كله صدمات!!
بس يمكن اني مشبهه عليه بس
لا انا متأكده لان كان فيه جرح في حواجبه
طنشت هالشي نهائيا بس ابتسمت
غريبه هالدنيا رجعت تجمعني فيه!!
_________________________
أثير؛
انتهت محضاراتي كلها والحين الساعه ثلاث العصر
طلعت من الجامعه وسرت مشي للفندق اصلا هو قريب
حسيت بحركه وراي التفت بسرعه
جفت ذاك الشاب اللي صدم فيني في الجامعه
ليش يلحقني الحين
لا وحاط يده بجيوبه ومنزل راسه على اساس ما بعرفه من تيشيرته
طنشت حركته وسويت كأني ما اشوفه ولا اسمع خطواته
دخلت للفندق ودخل وراي
يمه وش يبي ذا
تخيلت..
'
طلع معاي في الاصنصير وبعدها يبدا يبوسني
ويقول انه حبني
'
هزيت راسي برعب وانا اشيل من بالي هالافكار
ورحت للاصنصير بسرعه
وهو لحقني وركبت بالصنصير وظليت اضغط لكن ماتسكرت الابواب وجا مسرع ودخل
انا ظليت مبققه عيوني فيه بعدين
لفيت وجهي عنه وتكتفت /قلة ادب
فصخ الكاب حقه وطالع فيني بإستغراب
انا فتحت فمي وظليت اشوف شعره الكثيف والطويل
والعارض حقه وتفس ابتسامته
قعدت احك راسي وانا اطالع وحللت ام امه
انا شهقت ذا بحر!!!
اي والله هو نفسه نفس الشعر
انا صحت/الحمدلله ماصاابني الزهايمر بعدني!!
بعدها رجعت لي الذاكره والخيالات اللي جاتني قبل شوي وشهقت
طالع فيني بخوف..
انا رحت وراه وظليت ادفه من ظهره/انقلع انقلع قليل ادب
لف لي وجهه بإستغراب
وصلت بين ابواب الاصنصير
فتح عيونه للاخر وانا استغربت نظرته فتح فمه تدريجياً
بصدمه
التفت وشفت ابواب للاصنصير تتسكر وانا بينها
انا كمان تصنمت وهو سحبني من ايدي بقوه
وتسكر الاصنصير وانا برا وماسكه قلبي بقوه وخاايفه
شبيه بحر/ججفتي شو كان بيستوي ضيعتي علينا الاصنصير وكنتي بتموتين
انا طالعت فيه بندم ونظراتي بجد انت طفوليه
وهو قعد يطالعني بغضب
يوه ذا الشاب يبغالي ارفع راسي واجد من طوله
ضغط الاصنصير عشان يرجع
ورجع ااصنصير انفتح ودخلت
وهو كان برا ومكتف يده
انا ابتسمت بطفوليه وقلت آسفه
وأشرت له بيدي
وهو مكتف يده ويطالعني بصدمه من هالطفوليه اللي انا عايشتها
بدا الاصنصير يتسكر
وطلع لدور الثاني ورحت لباب شقتي
قعدت ادور للمفتاح في شنطتي واقلب واقلب
يووه فين راح..
احس اني ضيعته
سمعت باب الاصنصير ينفتح
يمه لا يكون عامل ولا شي ويستفرد فيني
قعدت ادور بربكه لين لقيته
قعدت اضحك بهستيريا يوم لقيته
استغربت من نفسي كل هالطفوليه
بس يلا..
وفتحت الباب ودخلت وقبل ما اسكر
شفت شبيه بحر متصنم عند الباب اللي قدامي
ويطالع فيني بإستغراب
وانا ابتسمت بغباء وسكرت الباب بسرعه
____________________________
كايد؛
كنت مع رامي جالسين في السياره وموقفين
وجالس يهذر على،راسي
وانا مو معاه ابد
اليوم شوفتها الشرعيه
ياقلبي ليش هالبرود ؟
وش صابك!!
ادري انك تحترق بس ليش ما تأمرني اتحرك
اغير هالوضع
قولي اي شي شجعني
يعني راح اظل طول عمري متحسر
يرضيك ياقلبي
قولي اتقدم واسوي اي شي عشان يبتعد فيصل
ضربت الدركسون وظليت الف وجهي يمين ويسار بعصبيه
وش هالحظ!!!
ليش الناس لما تحب احد لازم تاخذه منك
انا احب اروى يعني هي لي مو لك يا فيصل
ودي اعطيك هالكلام بوجهك واعطيك كف بعدها لانك قربت حدودي ..
رامي/هيه هيه اشبك انت
انا طالعت فيه بغضب/اصكت انت كفايه ولد عمك
رامي حك راسه بإستغراب /فيصل؟
انا-من القهر ناعرفت وش اقول حتى-/ترضى اتزوج فتون
رامي طالع فيني بقهر/من جدك!!
انا -ابتسمت بحزن-/ذا الشي كذب بس تخيل انه صدق ترا انا احس بهالقهر اللي حسيته لثواني وراح يرافقني للفنى
رامي قعد يطالعني بصدمه مو عارف حتى يعبر
نزل هالكلام عليه ولخبط كل افكاره
رامي-بصدمه- /تحب اروى!!
انا طالعت فيه بنفس ابتسامه الحزن
رامي /لا تخاف احنا مو اصدقاء من عدم بروح وامنع فيصل
انا /لا تسوي شي لو انا ابغى امنعه منعته بس فيه شي مانعني
رامي بعصبيه/كايد اصحى!! انت لاازم تحتفظ فيها مو انت تحبهاا احتفظ فيها لنفسك لا تعتطي احد هاذي من ممتلكاتك..
قاطعته/ممتلكاتي المستحيله هي اصلا ممتلك وهمي مع الوقت بيختفي
رامي طالعني بإستغراب/كايد!! وش تقصد
انا/انا لو تقدمت لها وخطبتها جدي ما راح يقبل لانه يدري بتصير مشاكل لان امي تكرهها
رامي /علاقتكم صعبه بس جااهد عشانها ياغبي
انا/وعدتها اضحي وانا ما اقدر اخلف وعدي
رامي قعد يطالعني بقهر على وضعي
_________________________
ميساء ؛
كنت اطل من بلكونه ذيك الشقه
كانت غرفتين نوم
وحمامين ومطبخ صغير
وصاله فيها جامه عووده وايد وهاي اهي اللي يالسه اجوف منها الحين
كانت السما بنفسجيه وعلى وشك تظلم
طالعت للسحاب المتراكم وانا اتمنى تكون هالسنه حلوه
ويكونون اللي وياي بالغرفه كويسين وجيه يحبون بعض
بس عندي احساس اننا مش متقبلين بعض
ابويه ياب لي معلومات عنهم قالي ان اولهم اسمها بلقيس
هاي البنت مهمله بدراستا وبارده وايد محد يعرف يحدد من ملامحها حزنها او فرحها وهاديه وايد
والثانيه ميعاد هاي البنيه مجتهده بدرستا عكس بلقيس
جديه وايد وعقلانيه وتحب الواقعيه
واخر وحده اثير هاي عندها علامة استفهام مالها اي معلومات
انا بكتشفها بنفسي
زين ابويه عطاني معلومات عشان اكون حذره
انطق الباب وانا فزيت مرتعبه
سرت على روس اصابعي
انا-برعب-/منو
بلقيس/انا بلقيس وميعاد
فتحت الباب..
دخلو
بلقيس /السلام ..انا بلقيس وهاي ميعاد
انا ابتسمت بترحيب
كانت بلقيس جميله وايد انا شكيت في هرموناتي يوم جفتها
جميله مشالله ملامحها خوورافه كانت بيضا وشعرها فكتوريا بس وايد قصير ولابسه نظارات رايبان وملامحها بارده وفعلا ماكنت عارفه شو تحس فيه الحين
اما ميعاد كانت لونها قمحي وشعرها عودي
بس انا اعيبتني بلقيس وايد غاويه مشالله عليها
يلسنا كلنا بالصاله ..
انا -ابا اقطع الصمت-/شو..اعيبتكم الجامعه
ميعاد /هيه والله حلوه
بلقيس كانت تطالع فيني بجمود ومو معطيتني وجه
شالت شنطتها ووقفت
انا/وين ؟
طالعت فيني بنفس النظره الجامده اللي تخوف/بنام تعبت من السفر
انا بلعت ريقي/اها طيب
ميعاد وقفت /اي انا كمان بكمل دروسي وانام
هزيت راسي بالموافقه بس تذكرت شي/الا وين اثير ؟ ليش ماجات معاكم
بلقيس طالعت فيني وانا مت خوف
بلقيس/مابتجي اليوم بكره بتجي بعد الدوام
انا ابتسمت لها بخوف وسحبت نفسي لغرفتي
وسكرت علي الباب ياويلي وش هالبنت المتوحشه
نظراته سكاكين والله..
___________________________
أروى ؛
جا الوقت لشوفته ولتعرف عليه
خلاص هذا القدر وحكم علي كذا
تمنيت ان كايد يتدخل في آخر اللحظات
بس الليله بعد الشوفه بينكتب الكتاب
وضعت من يد كايد للابد
بديت انزل الدرج خطوه ورا خطوه ببطئ
وانا افكر بمصيري الكئيب مع فيصل
لاني اعرف ومتيقنه سعادتي بس بقلب كايد
مو بفيصل ولا بفلوسه وقصوره
السعاده هي ابتسامه كايد وكلامه وحنانه
كانت الخيبه تكسيني ولابستني زي مافستاني لابسني
الكل كان مجتمع بالصاله
جدي وابوي وعماتي
وكانو منبهرين بشكلي بس ابد ماعطيت الموضوع اهتمام
كنت بملامح بريئه ومجرده من اي مشاعر لا حزن ولا فرح
وقفت بالصاله وتكتفت /يلا ارموني على ولد الناس..انا مستعده!
ابوي تقدم بخيبه وضمني بقوه
وانا انصدمت من هالموقف المفاجأ!!!
تصنمت مكاني وابوي باقي ضامني بصمت ولا قال شي
عمتي عزيزه مسكت ذراعه وابعدته عني بقوه ومسكت ذراعي وصارت تسحبني بين ممرات قصرنا الطويله
لين وصلت لمجلس الرجال وفتحت الباب بقوه ودفتني
وابتسمت في وجهي بخبث /بالتوفيق..!!
انا طالعت فيها بقهر وطبعا نظري كان لورا
والتفت بسرعه بعد ما استوعبت اني بمجلس الرجال
يعني هو قدامي!!
لالا ما راح التفت
ناداني بأسمي..
كان ودي اسد اذني ولا اسمع صوته .
لان في بالي صوت كايد وبس
وهذا الصوت مختلف تماماً
مسكت قلبي وغمضت عيوني وانفاسي تروح وتجي بسرعه وانا اتماسك دموعي عشان ما اجرح فيها فيصل
لفيت له بخوف وقلت بإرتباك /آس..سفه ما..
ابتسم لي /لا عادي اقعدي
جلست قباله وانا اطالع فيه بإستغراب ويه تغير
مسكين!! رحمته والله
تخيلت شكله وحزنه على ولده وزوجته بجد بكون قاسيه لو كنت مغروره وجارحه معاه
ابتسمت له..
فيصل/احم.. اي كيف الحال
انا/بخير.. "بتردد" وانت
فيصل-وهو يعدل شماغه-/الحمدلله
والله انه رزه كذا
مشالله عليه حلو..
_____________________________
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 11-03-15, 09:49 PM #16
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
دبي صباح الأثنين 7:00
بحر؛
لبست ثيابي وكانت بلوزه جينز وبنطلون اسود وجزمه سبورت خضرا وشعري رفعته جي
اخذت كتبي وسرت لعند الباب وتذكرت صج وين سارو زايد وعبدالعزيز!!
ما اهتميت وايد وبطلت الباب
وجفت هالغبيه مره ثانيه..
ابتسامتها غبيه وحركتها اغبى
احسها كوارث تمشي الله يعين اهلها عليها
اهي سكرت الباب وانا تميت اتأملها
هالملامح الهاديه انا جفتها متأكد والله
اهي طالعت فيني بإستغراب
انا يإرتباك/اء..انتيه
التفت فيني وشكلها معصبه/لي اسم!!
انا/انزين اعصابج..انا شفتج قبل
ابتسمت على جنب/اي..في احلامك يابابا
وسارت جدامي للاصنصير وانا لحقتها بسرعه وركبت وياها /لما اكلمج لا تسيرين وتودريني
طالعت فيني بصدمه /وشش..وش اللي.. قاعد
انا/اسف بس ترى انا ما اقصد شي شبهت عليج ها كل الموضوع افهمي المقصد
-تبا ابعدت بصرها عني بعدم تصديق-/اها؟ جد؟؟ اوك
انا انقهرت منها ومن حركتها /اايه انتيه منو تسوين معي جي
-ماكانت تبا تقول اسمها بس من الحره قالته-/اناا اثير يالغبي
مسكت فمها بقوه
انا/اها اثير
طالعو فيني برعب وجديه/انت قليل ادب ولاحقني للاصنصير وتسحب مني كلام وتعرف اسمي صح صح ؟؟
ابتسمت بسخريه/ياهل اعوذ بالله ..
واضح انها انقهرت وايد وحكت اضرسها ببعض وشدت على ايدهاا الحمدلله وصلت لمقصدي عيل هالنتفه السنفوره ضغطت الدور الاول
اثير/انا ياهل ها
وضغط رقم ثلاثه
انا طالعو فيها بغضب وضغطت واحد
واهي طالعت فيني بمكر وضغط ثلاثه/انا ابغى الدور الثالث
انا بقهر قربت وجهي لوجهها وقلت /وانا ابا الاول..
استغربت مني هالحركه وهم البنيه ماتت خوف ماباجي شي والله والزق فيها
اشوي ووي واحد معه حرمته
ابتسمت بوجهي بخبث وهمست /انا ياهل!! طيب طيب
وصرخت بأعلى صوتها وتمت تشوتني بريلي وتضرب صدري وكأنها تبكي /يانننذل انت مااعندك اخووات حسسبي الله عليك شررفي ييبوي شرفي يا ابوي ضاع
الريال /شو استوى اختي؟
واخذتها زوجته وحمتها وحطتها ورا ظهرها عشان ما المسها
والريال جان كبير وايد يعني في عمر ابويه وهم زوجته
الريال/حراام عليك ماتستحي انته ماعندك خوات
انا -بصدمه من تصرفها -/شوو!! ماسويت فيها شي
كنت مصدوم وايد شو هالخبث وفاج عيوني على وسعهن واطالع فيها كيف تصطنع البكا والكل صدقها
الريال/انا جفتك ياجليل الحيا الله لا يوفجك
جفتها تناقز ورا زوجه الريال وتمد لسانها
شديت على ايدي بقوه وعقدت حياتي..
وسرت ابا اطلع من الاصنصير بس قبل ما اطلع اشرت بأصبعي السبابه /انتيه بديتي..اراويج
الريال -بصراخ-/سيير اجوف ولو استوى بالبنيه شي ذبحتك شو عالم ماتخاف على عرضها!!
زوجته/سير اجووف والله ثم والله انا اللي براويك جليل ادب
______________________________
كايد؛
كنت رايح لدوامي الصبح طبعاً الساعه 6:00
وفاتح الراديو واقلب بين الاذاعات
سمعت اغنيه تدرين وادري بنفترق
خملت ايدي وابعدتها عن المغير
وظليت اسمع وانا متأثر
وغيرتها بسرعه لاني حسيت بضيقه
ابتسمت بألم ورددت بخاطري تدرين وادري بنفترق!!
طالعت لزحمه الناس والسيارات واغتنمت فرصه اني ابقى لوحدي ثواني
امس انكتب كتابها ودعتني الاماني في انها تكون لي
ليش تخليت عن حلمي بكل هالسهوله
كان بإمكاني اخذها من بين هالناس وغصب عنهم
واعيشها ملكه
وش حصل!! انا وش سويت
امس وش صار بينهم..
تخيلت..
'
كأنهم جالسين في المجلس جنب بعض وماسك ايدها
وكانت اروى جميله واجد
فيصل/كيفك ياعمري
اروى-بحيا-/بخير حبيبي
فيصل-يبوس جبينها-/مبروك كتب الكتاب..
اروى -وججها صار احمر-/تسلم..
فيصل/يااعيني بس على المستحين
ويقرب وجهه من وجهها...
وانقطع خيالي من صوت البوري اللي وراي
____________________________
أثير؛
نزلت اتمخطر من بعد مابردت خاطري
بس وينك عني ياشبيه بحر والله لا اطلع عيونك اصبر علي
اخذت نفس بإبتسامه نصر وانا حاسه اني بردت خاطري وصلت لدور الاول ولقيته جالس في الكفيتيريا مدري وش يستنى
طالعته بنصر وابعدت نظري عنه بسرعه ورفعت راسي ومشيت
هو كان يشرب قهوه ويطالع فيني ومقهور
انا تعثربت بالعبايه بغيت اطيح بس ماطحت طاحت كتبي اللي بإيدي وتفشلت
وهو ماقدر يستحمل وتفل القهوهواللي في فمه وجلس يضحك
انا انقهرت وحمر وجههي ونزلت الم كتبي
ووقفت..
وقعدت اطالعه بحقد وجاه اللي يشتغل بالكفتيريا وهزئه ليش انه يوصخ الكنب حق الكافتيريا لانه تفل القهوه
وانا ابتسمت بسخريه..
وهو تفشل وطلعت برا وركبت في سياره مايد
مايد/اوه الساعه سبعه ونص
انا/جد
مايد-بصراخ-/هييييه!! ضااعت محاضرتي يالخبله
انا-ببرود-/اوه عادي ماصار شي
مايد-فتح فمه وعيونه-/الله يرزقني برودج!!
انا -ابتسمت بثقه -/انت تتمنى تكون انا اصلا
مايد/شووه انتيه امنو معبي راسج وقايلج انج وايد مميزه
انا-ابغى ارفع ضغطه-/اممم مدري انا قايله لنفسي
مايد كان يبغى يتكلم بس توقف لما شاف بحر يطلع برا الفندق وقاعد يدور بعيونه
مايد دق له بوري وفتح الطاقه وطلع راسه وصرخ /بببحر!!
انا انصدمت
ذاا بحر!!!
امااا عااد لا ومعي في نفس الجامعه الله واكبر
ويه يااربي وهو كمان كان يقولي انه شافني!!
واتا ظلمته..
بس احسن يستاهل خليه انا قلت بصدمه/ذاا بحر!!
مايد/هيه
جا بحر عند طاقه مايد ونزل راسه /شو تبا
انا لفيت بصري عنه مقزز هالرجل عما يقهرني
مايد/اركب اركب عبدالعزيز وزايد وعمر ساروا الجامعه وقالولي انا اوديك ويانا
بحر قعد طالعني بغرور /اي يلا
مايد/اثيروه نزلي اجوف اركبي ورا
انا انغبنت وودي اطعن هالثنين انا ينزلوني عشان يركب قدام ططيب مااعليه يا بحر اوريك انا ابتسمت ببرائه /انشالله
بحر مشى لين وصل لين عند بابي وفتحه بشويش وانا نزلت رجولي ومسكت الباب بيدي ودفيته وكأنه بالغلط على وجهه
وهو صاح وقعد يمسك خشمه
وانا ابتسمت بخبث قدامه وطبعا كنت مقفيه لمايد
رحت لبحر ببرائه وملامحي مره بريئه وهمست بشراسه /اولا ماني ياهل ثانيا لا تتوعدني مره ثانيه "ورفعت صوتي" اوه بحر تأذيت انا اسفه ما كان قصدي
نظراته كانت تضحك كانت عيونه مفتوحه للاخر وبس قاعد يسمي هههههه انصدم من تصرفي
ورحت وركبت ورا وهو ركب قدام ويده بس تمسك خشمه
مايد حرك السياره/معلش يا بحر حقك علي هاي ثولا
انا /وشششهوو انا ثولا لا انا دو ري مي
مايد/جفت
بحر ضحك بسخريه
انا بهمس سمعه/ضحكولك الجن والعفاريت
بحر/الا ميود هاي بنت اختك ؟
مايد-بإستغراب-/هيه
بحر/هيه يقولون انها خبيثه ووايد تحب المشاكل وساحره اعوذ بالله تستعين بالجن
انا -طلع اللئم اللي فيني -/مشالله ومين قالك
بحر -بإرتباك-/بن..بنات الجامعه
انا/اووه مشالله مشبك بنات الجامعه هههه مشالله عليك
مايد-ضحك علينا-
وبحر ماعاد عرف يرد علي
____________________________
أروى؛
كنت بمحاضرتي والدكتوره اتوقع تشرح مع نفسها
وانا حزينه ومتكدره وما ودي اذكر شي من اللي صار امس
يوجع شعور التناقض الداخلي
ابيه ،ما ابيه..
تخلى عني ،لا ما تخلى..
يحبني ، اللي يحبني مايتركني
كايد اكيد يتخيل اشياء ماتدخل العقل
اعرفه كويس بيتخل ليله رومنسيه وحلوه
وهو ما درى وش صار فيني امس
هه اناني!!
انا امس دخلوني عليه بالغصب
ولبسوني فستان انيق لونه أسود
ومخصر على جسمي ومسوين لي مكياج خفيف وحلو
طلعوني حلوه بعيون اللي انا ما ابيه يطالعني حلوه
ابيه يكرهني بأي طريقه
خلو احكي لكم وش حصل البارح
'
'
وخلاص انكتب كتابنا على بعض
وباقي في مجلس الرجال
فيصل-بثقل-/مو كأننا طولنا مع بعض
انا طالعت فيه بجمود
وابتسمت بسخريه وش هالحظ اللي بيرميني على واحد جلف
وقاسي
انا جرحي طاب اصلا عشان انجرح زياده!!
لهدرجه اهلي بايعيني عليه ؟ ومايبوني؟
ليش تاركيني معاه كل هالوقت
ليتك يا اثير هنا كان ساعدتيني
قمت بسرعه وانا القط عزه نفسي الي تبعثرت قدام عيوني
والتقط اخر نفس من الكرامه
مشيت بخطى واثقه ومشيت للباب
فيصل-بمرح-/اووما عاد زعلتي تعالي تعالي يقطع ابليسك
انا انصدمت من اسلوبه!!
هذا الثقيل اللي قبل شوي قاعد قدامي كأنه مديري بالشغل
بسم الله لا يكون دخله جني
كنت افكر وانا مقفيه له ومعطيه وجهي للباب
فيصل/اها اها خقيتي طيب عادي استوحي كلام من الباب هههههه
انا لفيت له وجهي الغاضب ودموعي بعيوني
فيصل -ضحك-/شكلك حساسه اقعدي اقعدي مين مايبي يشوف خشتك الحلوه وشوشتك اللي تجيب العافيه
انا/انا لي شوشه!!!!!
فيصل/يلاا عاد اقعدي
تدرون بهاللحظه بدل ما اضحك على كلامه
لفيت وجهي للباب وقلت/معلش استأذن عطلتك واجد
ما اعطيته حتى فرصه يتكلم فتحت الباب
وركضت للصاله وانا ابكي وشعري وراي مسوي حفله
طبعا الدرج كان في الصاله وانا مريت من اهلي كلهم لانهم كانو بالصاله وطلعت الدرج ركض وانا ابكي واطلع كل البكا اللي جمعته بصدري
امجاد قامت وابوي قام يصارخ ويناديني وجدي طلع وراي هو وامجاد
وانا سبقتهم لغرفتي وسكرت علي الباب
ورحت امشي بشويش لين وصلت سريري ابتسمت ومسجت دموعي
وانا بخاطري اردد انا قويه انا عادي بكمل حياتي بلا كايد
تخيلت كايد هو فيصل وهو اللي مكانه
ابي انفض هالافكار عن راسي
التناقض بدا ينقص من عمري سنين
ونمت على سريري بذيك التنهيدات المؤلمه بعد البكا
___________________________
أثير؛
وصلت للجامعه وصرت امشي ورا بحر
ماحبيت اثبت له انه اعلى مني
مشيت بخطوات سريعه قدامه عشان مايحسب انه اعلى مني
ورحت جلست على كرسي برا يعني حول زرع وكذا
قعدت اطالعه بأنتصار وانت احس انه شوي ويجي يعطيني كف
وانا انبسطت من نظراته الحقوده والغاضبه
وضحكت في خاطري وابعدت بصري وانا اسمع بنات كانو جنبي يأشرون على وحده انا ماعرفتها ويتكلمون بصوت عالي
البنت1/جوفي مش هاي ميساء حاتم
البنت2/هيه والله حظها مشالله جوفي جسمها وعبايتها وجنطتها فتنه هالبنت حتى بالعبايه والحجاب
البنت 1/هيه والله مشالله
جد والله كانت جايه من بعيد اللي اشروا عليها وكانت حلوه مشالله وكشخه ورزه والكل يطالعها وهي شكلها مغروره
ويه ويه وش نظرات الاستحقار ذي
اووف كم اكره الناس المغرورين واللي يحسون انفسهم فوق الباقين
لفيت بصري للجهه الثانيه وشفت مايد جالس مع صديقه الثاني اظن اسمه عمر
وبحر راح للكفتيريا ..
حسيت بأحد يدق كتفي بأطراف اصابعه
وكأنه متقرف!!
لفيت راسي ببطئ..
وطالعت فيها من فوق لتحت
انا/لاتتصرفين معي بذي الطريقه لو سمحتي
ابتسمت بغرور /ممكن ايلس
انا -لفيت بصري للناحيه مايد -/اجلسي محد منعك
ميساء-بغرور-/مش من عوايدي ايلس اهني او مع احد بالجامعهه
انا طالعت فيها بتريقه /هه!!يالطيف!!
ميساء/بس مجبوره على.جي
انا-ببرود-/محد مجبور على احد اذا مره شايفه انك فوق ويعني الله يشفيك روحي لا تجلسين معي
ميساء/اوه بسجل عندي من صفاتك حساسه
انا -استغربت-/وليش تسجلين علي!!
ميساء /انا كنت ابا اتعرف عليج لانك وياي بالسكن
انا -ندمت-/اها انا اسفه ماكنت عارفه
ميساء/لا مااستوى شي
لفت نظري بحر..
بصراحه كان كشخه اليوم عاد انا انجن على اللوك ذا
بس بكيفه مع نفسه!
مالي علاقه فيه كان شايل قهوه ومشى يعني وجهته انه يمشي من قدامي
ابتسمت بخبث ويوم قرب كثير مني
مديت رجولي وانا اطالع ميساء /والله رجولي من امس توجعني اخخخ
وحسيت انه تعثرب قداميوانكبت شوي من القهوه عليه
بحر/اااااااه
انا طالعت فيهر وكأني متفاجأه وحطيت يدي على فمي /اوه اسفه..
فزت ميساء بصدمه وظلت تتأمل ملامح بحر الغاضبه وقالت بلهفه/بحر!!
بحر طالع فيها بإستغراب بعدين انفرد وجهه وابتسم ابتسامه خفيفه /ميساء
ميساء عاد طارت وقتها من الفرحه وابتسمت ابتسامه عريضه /ت..تذكرتني!!
بحر/هيه..
ميساء كانت طايره طاااايره وطلعت على طول فاين واعطت بحر بحيا /اندوك امسح ثيابك
وهو قام يبادلها ابتسامتها وياخذ الفاين وعيونه كلها حب
انا رفعت حواجبي بقرف وفتحت فمي بصدمه
حبيت اقطع صمتهم ولحظات هالمحبه المقززه بس تدرون يناسبون بعض الخبيثون للخبيثات /ووووععع
طالعو فيني بإستغراب..
انا/انا بروح للمحاضره وانتو كملو الحب والغرام حقكم المقزز اعوذ بالله بسس مسوين فلم هندي عند خشمي
وقمت واخذت كتبي ورحت ومشيت بس ما ابتعدت
سمعته بحر يصرخ /يااااهل!!
انا طالعته بوعيد وصرخت/انت موو قدها
ميساء صرخت/انتي حساسه وبسجل عندي كمان عصبيه
انا ابتسمت بسخريه ورحت لمحاضرتي..
______________________________
أنتهى
توقعاتكم؟ورأيكم
Like